|
Re: باب مشكلـــــــــــتك (Re: Tumadir)
|
عشة بت فاطنة
لو شايفة خفة دمى رهاب رهاب معناها انتى قصتك...بايظه جدا جدا...ويا صديقتى العزيزة اتخيل لى انتى دايرة ليك خالدة وسوزوكى ومريم محمد الطيب و"نعمات هارون" فى اوضة صغيرة فى العمارات...اسمها البرج العاجى...
بخلى بدر الدين شناه يرجع ليك عجلة الزمن...وتكونى يادوبك فى سنة تانية ولابسة جينز ومخطوبة..وبيرق عندو موتر.وحاجات بالشكل دة...
انا خلينى...ديل كيف؟؟؟
| |
|
|
|
|
|
|
Re: باب مشكلـــــــــــتك (Re: humida)
|
الأخت تماضـر، أنت من الذين إختصـهـم الله لحل مشـاكل الناس؟! طيب أنا عنـدى ســؤال واحــد، وهــو أنا دائمـا لمن أمشى كتيـر رجلينى بيفتـروا. دا من شنـــو؟
| |
|
|
|
|
|
|
Re: باب مشكلـــــــــــتك (Re: Abureesh)
|
مش كدا يا تماضر انا عارفة عندي وجع حامد اخوي وجع اسمو السودان وفعلا وضعت اصبعك في موضع الالموعجلة الزمن ارجاعها الا في الحلم وحتى لو الواحد رجع البلد بدون اصدقاءك الانتي بتعرفيهم اشكالية واتخيل لو رجعوهم ليك هم ذاتهم حيكونو مختلفين بما فيهم نعمات هارون ودي ترجع مستحيل ...اوكي تماضر عايزة تقولي لي هوبليس كيس حالة ميؤس منها مام ما موافقة انا عايزة حل
| |
|
|
|
|
|
|
Re: باب مشكلـــــــــــتك (Re: Tumadir)
|
خالتو تماضر .......... اذا بافي اي بشكله في القب... عموما انا خالاتي كلهم طيبات وعندهم تياب وبنات صغار حلوين وشنو شنو... عايني امل ده قال شنو الطيورُ مُشردةٌ في السَّموات,
ليسَ لها أن تحطَّ على الأرضِ,
ليسَ لها غيرَ أن تتقاذفَها فلواتُ الرّياح!
ربما تتنزلُ..
كي تَستريحَ دقائقَ..
فوق النخيلِ - النجيلِ - التماثيلِ -
أعمِدةِ الكهرباء -
حوافِ الشبابيكِ والمشربيَّاتِ
والأَسْطحِ الخرَسانية.
(اهدأ, ليلتقطَ القلبُ تنهيدةً,
والفمُ العذبُ تغريدةً
والقطِ الرزق..)
سُرعانَ ما تتفزّعُ..
من نقلةِ الرِّجْل,
من نبلةِ الطّفلِ,
من ميلةِ الظلُّ عبرَ الحوائط,
من حَصوات الصَّياح!)
***
الطيورُ معلّقةٌ في السموات
ما بين أنسجةِ العَنكبوتِ الفَضائيِّ: للريح
مرشوقةٌ في امتدادِ السِّهام المُضيئةِ
للشمس,
(رفرفْ..
فليسَ أمامَك -
والبشرُ المستبيحونَ والمستباحونَ: صاحون -
ليس أمامك غيرُ الفرارْ..
الفرارُ الذي يتجدّد. كُلَّ صباح!)
(2)
والطيورُ التي أقعدتْها مخالَطةُ الناس,
مرتْ طمأنينةُ العَيشِ فَوقَ مناسِرِها..
فانتخَتْ,
وبأعينِها.. فارتخَتْ,
وارتضتْ أن تُقأقَىَء حولَ الطَّعامِ المتاحْ
ما الذي يَتَبقي لهَا.. غيرُ سَكينةِ الذَّبح,
غيرُ انتظارِ النهايه.
إن اليدَ الآدميةَ.. واهبةَ القمح
تعرفُ كيفَ تَسنُّ السِّلاح!
(3)
الطيورُ.. الطيورْ
تحتوي الأرضُ جُثمانَها.. في السُّقوطِ الأخيرْ!
والطُّيُورُ التي لا تَطيرْ..
طوتِ الريشَ, واستَسلَمتْ
هل تُرى علِمتْ
أن عُمرَ الجنَاحِ قصيرٌ.. قصيرْ?!
الجناحُ حَياة
والجناحُ رَدى.
والجناحُ نجاة.
والجناحُ.. سُدى!
اسه الزول ده مالوا معانا ومع العواره ذاتو عايني دايرك في حكي يا خلتو تماضر
الحكي انو انا لاحولاااااااااااااااااااااااااااااااااااا ما عارف انا مالي يا تماضر الرسول قول لي
| |
|
|
|
|
|
|
Re: باب مشكلـــــــــــتك (Re: Tumadir)
|
العزيزة امل التحية العطرة جيت داخل شفت الناس يحكو ليك مشاكلهم ولمن تديهم الحل يبكو اها انا كان حكيت ليك والله بتبكي علشان كده النمرق ساكت والله بيحلها.
| |
|
|
|
|
|
|
Re: باب مشكلـــــــــــتك (Re: hammama)
|
الغريبة زمان كان الباب دا .. عشان تحكي مشكلتك .. يقوم المنظراتي بتاع المجلة .. يديك احساس انه زول ما عندو اي مشكلة .. بعدين المسعلة .. اتعقدت ..
يا تماااااااااااااااااضر .. انا ما قلت مشكلتي .. ومشكلة جيل كامل .. ما تورينا الحل ..
والله لا قاعد احب .. عشان يكون عندي مشكلة عاطفية .. ولا في زول ظلمني .. لانه نحن بنلعب بره الملعب .. ولا في زول سرق مني حاجة .. لانه الكرور العندي .. مافي حرامي عنده زوق فني يقدره .. ولا عضاني كلب .. لانه ما مغري للعض والشخيت والسك سك .. وما قاعد اهش ولا انش .. ولا عندنا مسرح مدرسي .. عشان لم يجيبونا في التلفزيون نقول يا حليل ايام المدرسة .. يعني ما بعاني من عقدة الحنين للماضي .. وصحتي كويسة .. لانه الجسد دا بيختل بالاستهلاك .. ونحنا مكن مركون .. ولا في رطوبة .. عشان نصدي .. ولا الارضة .. بتأكل الميتين ..
بس ما عندنا موضوع .. !! انتو لمن كنتو في سننا .. كنتو بتعملوا شنو ..
دي مشكلتي .. في باب مشكلتك ..
ومقدما .. كوع كووع .. كوووووووووووووع ..
| |
|
|
|
|
|
|
|