|
Re: هزيمة .. بــلا خسائر (Re: Shinteer)
|
يا شنتير
ولدا ما سفر لامن يقولن فات ما طلع الجمل دل السداسيات ما كجر الحوايا وفى ضراهن بات كيف يبكن عليه دقس العيون إن مات
هكذا يتساءل ود ضحوية ويستغرب كيف يتأتى التحسر على إنسان، منفية عنه مثل كل هذه الأفعال وما يشبهها، وفى تسائله هذا إجابة شافية لك، فإن أنت لم تكن على نقيض ما وصفه ود ضحوية، هل ترى كان كل هؤلاء الناس الأحباب يسعون خلفك؟
ولكنك وبالتأكيد، تلباً لزوم، وقطران جرب، والدود الحجر مشارع الرى، لذا نسأل عنك ويسألون عنك
وطلاق بى تلاته كان كجارك زاد، كنا بركنا ليك الفقرا
وتقيل يا اب زنود، اقدل فى دربك، وبالبيضاء انشاء الله
| |
|
|
|
|
|
|
Re: هزيمة .. بــلا خسائر (Re: Shinteer)
|
حبابك ياشنتير
وليحتفل بك كل ما يخضر من شجر ومن حجر ومن أشياء تنساها الفراشة فوق قارعة الزمان قصيدة وليحتفل بك كل من يمتلك ذكرى .وأقمارا بهية
(محمود درويش)
| |
|
|
|
|
|
|
Re: هزيمة .. بــلا خسائر (Re: Shinteer)
|
الاخوة هوبليس والغيث وأبا وسنتمنتال وأبو مهيار وأهل العوض وبيان .. الله يرحب بيكم
يا الغيث كلامك تقيل .. أما إنك بتمرق الكلام الغايس
يت قضيم .. شوف الغبا ده عليك النبي .. يسعلني الله قايل روحي ذكرتك. شفتي كيف .. الكلام ده معناه انو روحي ما قادرة تفرق بين روحها وروحك. والله جنس دجل معليش يا بنت قضيم والايام مقبلة. وبارك الله فيك وفي القضيم
(عدل بواسطة Shinteer on 09-03-2003, 08:52 AM)
| |
|
|
|
|
|
|
Re: هزيمة .. بــلا خسائر (Re: HOPELESS)
|
شنتير سعيد جدا و للغاية بعودتك. فأنت أحد إهرامات هذا البورد الكثيرة. و كنت واثقا بأن سعة صدرك ستسع كل غضبة أو زعلة عابرة. فمرحبا أيها العائد. واصل
| |
|
|
|
|
|
|
Re: هزيمة .. بــلا خسائر (Re: اساسي)
|
الأخ شنتير برجوعك بيتنا نور و بلاش من تاني تزعل الله لا يجيب الزعل و ابدأ عمر هذه الدار بجميل الكلم و أشترك مع أساسي في اهداء الاغنيه أعلاه لزوم التكاليف
| |
|
|
|
|
|
|
Re: هزيمة .. بــلا خسائر (Re: Shinteer)
|
ليس في نفسي زعل منك.. اتمنى ان تكون كذلك.. بعد رسالتك في الماسنجر جريت طوالي كتبت ليك بوست "لك العتبى حتى ترضى".. لأني والله ما كعبة للدرجة دي
| |
|
|
|
|
|
|
Re: هزيمة .. بــلا خسائر (Re: Shinteer)
|
العزيز شنتير ولد أم شنتير وولد أبو شنتير
سلامات وبركة الجيت صاد
ونوّر بيتنا، شارع بيتنا..
تصدق أنا كنت متأكد أنك حتجي
وهل يملك النهر تغييرا لمجراه؟؟
فالحب في الأرض بعض من تخيلنا لو لم نجده عليها لاخترعناه
ولك ودي والسلام
| |
|
|
|
|
|
|
Re: هزيمة .. بــلا خسائر (Re: Shinteer)
|
الزميل شنتير لك التحية والله يا شنتير يطرشني ما سمعت بي زعلك ده ، ده منو الزعلك ، أنا قايلك لسة في الإجازة ، لكن لقيت في بوست ثاني انك زعلان من فتحي البحيري ما عارف أكان الزول ده ياهو المزعلك أنا والله أحرش عليهو ناس الأمن كلهم أصحابي ويدخلوه السجن ، وأكان عفيت عنه فهو والله مقاتل ويستحق كريم المعاملة والود ، ، وبيني وبينك شايف ابننا هوب ليس بيعافر معاهو ، يا أخوانا فتحي ده راجل أخوكم ، بس يمكن مرات لسانو يفلت ، وكلنا ممكن يحصل مننا نفس الشي ولازم نعدي لبعض الكلمة والكلمتين يا شانتير شغلة المنبر دي كلها كلام في كلام ، يعني ونسة ، وما في كلاما بيزعل ليهو زول ، وما بنتوقع واحد يقول كلام فارغ في زولا سمح زيك . وإذا قال والله كلنا نقيف ليهو في حلقو الزميل شنتير ما تزعل وخلي صدرك واااااسع والله لا جاب زعل زميلك الكبير ودقاسم
| |
|
|
|
|
|
|
Re: هزيمة .. بــلا خسائر (Re: Shinteer)
|
بسم الله الرحمن الرحيم ومن بعد السلام العزيز شنتير ألف مرحب بي عودتك
يبقى اللي بيكتب بي شرف
هو البستحق حمل القلم
في شان يعبّر عن مواقفو
وإنفعالاتو ومخاوفو
نزار فتحي
أبنوسي
| |
|
|
|
|
|
|
Re: هزيمة .. بــلا خسائر (Re: Shinteer)
|
الاخوة الزينين ahmad almalik Yasir Elsharif Agab Alfaya tabaldy شكراً ليكم .. وربنا يديم الخوة ويصفي النفوس
Haydar Badawi Sadig الأخ دكتور حيدر بدوي .. رسلت ليك رسالة على الايميل بخصوص الموضوع ده .. وفي رايي بنحتاج لمزيد من التشاور الثنائي بخصوصه وبعد داك حنصل لاتفاق .. لأن هنالك أشياء جديدة طرأت قد تحتاج منا بعض التريث
حاج الصاوي .. جبت خبر غناي من قديم ماني البجرب هاوي ما بحمل هموم ناس العوض والصاوي ناس "نقط" والكرور كان من جيهتي جاهم خاوي عيل يتحاووا في "دومة" ويدخلوا الزاوي
حمد محمد حامد شاعر جاهلي حمد محمد حامد .. شاعر جاهلي. والله ضحكني الشاعر الجاهلي ده. أسمع قول ليه السعودية دي يا حمد بتغتس حجرك .. تعال لينا بيجاي عندنا ليك أخبار من ابراهيم الدلال واللمين ود البدوي شخسياً .. ودايرين برضو نسمع منك أخبار ناس ود أبو المرضيّة. والله يا حمد حكايتك حكاية!! غنوتك الجاهلية ديك خبرها جانا: بتكتليني يا الدعجاء أم "نقط" ماكن
الزميل ودقاسم .. حمد الله بسلامة العودة .. وكيف أخبار الزملاء والزميلات .. الأحياء منهم والأموات؟
(عدل بواسطة Shinteer on 09-04-2003, 05:07 AM)
| |
|
|
|
|
|
|
Re: هزيمة .. بــلا خسائر (Re: Shinteer)
|
أخي شنتير .. مرحب بعودتك لدارك .. مع اني جديده على البورد لكن شفت مساهماتك الفعاله و الجميله .. حبابك و صدق اللي أهداك بيتنا نور .. و البيت عامر انشالله دايما بالجميع .
و تسـلموا
| |
|
|
|
|
|
|
Re: هزيمة .. بــلا خسائر (Re: Shinteer)
|
بسم الله الرحمن الرحيم
شنتير الختير سلام كتير كتير
والله لا هزيمة ولا خسائر بعد عودتك لينا وتاني الغربة دي ذاتها خليها بس أقعد ربي أخوانك وأخواتك في البورد دا وأرضى بالقسمها ليك رب العالمين وربنا ما شقا حنكن ضيعو (ياربي دي بتركب هنا) المهم فرحنا بي عودتك كتير ياشنتير
| |
|
|
|
|
|
|
Re: هزيمة .. بــلا خسائر (Re: Shinteer)
|
مرحبتين حباب شنتير مرق البورد علا عاد يطرشنى ما سمعت باعتزالك دة
وانت قبال كدة سمعت ليك بمرق اعتزل وقال مخلى السقف؟ ولا شفت ليك بيت واقف بلا مرق؟ خلك فى بكانك آجنى وماترمى بيت بكرى تحياتى
| |
|
|
|
|
|
|
|