|
|
 Re: دعوه قضائيه ضد سودانيذ أونلاين (Re: bint_alahfad)
|
ا المشهد الثانى
بعد ان نده الحاجب على المدعى الثانى للدخول, دخلت سيده فى بدايه العقد الثالث من العمر يبدو من رداءها الابيض انها طبيبه فيها لمحه جمال لا تخفى عن العين, كان ممسكا بها شافعان يشدانها بشده كل من ناحيه وهم يبكون وكانت تمسك فى يدها طفل رضيع لا يكف عن البكاء
القاضى للمدعيه أسمك منو؟
المدعيه أنا الدكتوره بيان حسيب بيان
القاضى عمرك كم سنه؟
المدعيه بيان عليك الله أنت لو زول فاهم فى واحدبيسأل المراه عن عمرها
القاضى للمدعيه, عليك الله يا وليه ما تجيبى لى المصران الأعور ما كفايه شيرتك ديك (شيرى)
المدعيه بيان وانا مالى ومال مرتك شيرى والله صحيح الغلبتو مرتو يأدب حماتو
القاضى: مرت شنو وحماه شنو يا وليه, اللهم طولك يا روح, نهايتو جيتى لشنو مجرجره عياللك كده معاكى ما كان ارحم تخليهم فى البيت مع ابوهم
هنا انفجرت المدعوه بالبكاء , ابوهم يا حليل ابوهم ما كان زمان
القاضى : يا وليه كدى أهدئ شويه وورينى الحاصل شنو؟
المدعيه وهى تجفف دموع التماسيح ويبدو الاستهبال واضحافى وجهها
من اليوم العرفت فيهو سودانيذ اون لاين راجلى طفش من البيت, كنت كل يوم بتفقد اخبارو لكن من يوم ما عرفت البورد بقيت ما بسأل فيهو لما طفش من البيت, حتى انا كنت دكتوره قد الدنيا ولكن بقا كلما يجنى مريض اقول ليهو انا حسع ما فاضيه كدى خلينى أحل مشكله أساسى وفتحى البحيرى, تعال المساء, يجى المساء أقول ليهو انت ما شايفنى مشغوله حسع كدى خلينى أتابع شمارات بنت الاحفاد وطبعا انا طوالى مشغوله بين الشمارات وحل المشاكل وحنيس لحدى ما طفشو منى الذباين كلها وبقيت حالتى ما يعلم بيها الا ربنا
القاضى : طيب حسع بكرى ده ذنبو شنو جايه تشتكيهو
المدعيه بيان: كيفن ذنبو شنو, مخير الله! يعنى لو ما كان فتح سودانيذ اون لاين ده كان حصل الحصل
القاضى : خلاص فهمت, انتى دايره شنو دلوقتى?
المدعيه بيان : انا عايذه تعويض 30 الف دولار, عشرين الف عشان اجيب بيهم زوجى فى بيت الطاعه وعشره الف امشى بيهم حالى لحدى ما اشترى لى زباين جداد
القاضى للمدعيه : تفضلى بالجلوس لحين سماع بقيه الشكاوى
يأتى الحاجب لينادى على المدعى الثالث
فى أنتظار المدعى الثالث
وفى أمان الله
لا اله الا الله
|
|
 
|
|
|
|
|
| العنوان |
الكاتب |
Date |
 دعوه قضائيه ضد سودانيذ أونلاين | bint_alahfad | 08-27-03, 02:49 PM |
 Re: دعوه قضائيه ضد سودانيذ أونلاين | nazar hussien | 08-27-03, 03:32 PM |
| Re: دعوه قضائيه ضد سودانيذ أونلاين | bint_alahfad | 08-27-03, 07:52 PM |
| Re: دعوه قضائيه ضد سودانيذ أونلاين | bint_alahfad | 08-27-03, 07:55 PM |
| Re: دعوه قضائيه ضد سودانيذ أونلاين | bayan | 08-27-03, 08:30 PM |
| Re: دعوه قضائيه ضد سودانيذ أونلاين | bint_alahfad | 08-27-03, 09:24 PM |
| Re: دعوه قضائيه ضد سودانيذ أونلاين | bint_alahfad | 08-27-03, 09:27 PM |
| Re: دعوه قضائيه ضد سودانيذ أونلاين | HOPELESS | 08-28-03, 07:14 AM |
| Re: دعوه قضائيه ضد سودانيذ أونلاين | ود عقاب | 08-28-03, 07:18 AM |
| Re: دعوه قضائيه ضد سودانيذ أونلاين | doma | 08-28-03, 08:24 AM |
| Re: دعوه قضائيه ضد سودانيذ أونلاين | سودانوبس | 08-28-03, 10:44 AM |
| Re: دعوه قضائيه ضد سودانيذ أونلاين | bint_alahfad | 08-28-03, 09:53 PM |
| Re: دعوه قضائيه ضد سودانيذ أونلاين | hala guta | 08-28-03, 11:30 PM |
| Re: دعوه قضائيه ضد سودانيذ أونلاين | bint_alahfad | 08-29-03, 11:54 AM |
| Re: دعوه قضائيه ضد سودانيذ أونلاين | bint_alahfad | 08-29-03, 09:27 PM |
|
| |
bint_alahfad
فيس بوك
تويتر
انستقرام
يوتيوب
بنتيريست