|
|
 مــــن الـــذي.......قتــــل حمـــــزة؟
|
التعليم في السودان.... كان ارهاب عديل كدي...طابور الصباح..و الجلد فيهو.... تسميع جداول الضرب والجلد فيهن..... تسميع سور القران والجلد فيهن.....تسميع الامحفوظات والاناشيد والجلد فيهن.....و اكعب حاجة انك تكون بتدرس في مدرسة مزروعه فيها نيمة....معنى كدا ان كل الاسلحة موجودة....يشدوك اربعة من الناس القاعدين ورا... اتنين يرفعوك من كرعيك وتنين من ايديك.... وممكن خامس عشان يشد الجلابية زمن الجلاليب... واسوأ حاجة يرسلوك عشان تجيب السوط ويكونو عاوزين يدقوك بيهو... لحدي ما تجيبو وتجي... تكون في حالة تحنن الما يحن....انا شخصيا وبكل فخر كنت اكورك بطول حسي من اول جلدة...لعم الطيب الفراش... الحقني يا عم الطيب....والله كان بقى مافي.... اقعد ابكي واصرخ واحنس المدرس..واحلفو بالله وبالرسول وبسيدي الحسن والشيخ ود بدر.. وفي الجلدة السابعة اكون وصلت لحدي الحنيّس بامو الجابتو من بطنها.......ودايما كنا نسمع الجلد والصراخ من الفصول التانية..يعني المدرسة كانت عبارة عن معتقل يتم فيهو تعذيب الاطفال وترهيبهم وارهابهم.....
حكوا........ انو في مدرس من الخرطوم نقلوهو الاقاليم.....اول درس ليهو للطلبة كان سيرة سيدنا حمزة بن عبد المطلب..... جاء تاني يوم وبدا يسال في الطلبه.... من الذي قتل حمزة؟ الفصل صنننننننننن......مافي زول ردا.... تلاتة اربعة مرات كرر السؤال .....وابدا مافي زول فتح خشمو... زعل ومشى للناظر...مدير المدرسة...وكلمو واشتكى وبكى من غباء هؤلاء الطلبة الذين لم يتذكرو من الذي قتل حمزة وهو امبارح النهار كلو يحكي في القصة.... جاء المدير يزبد ويرعد ويبرطم .....ودخل الفصل وسأل الطلبة....من الذي قتل حمزة؟ يا اولاد القتل حمزة منو؟ الاولاد صننننننننن..... رسل جابو السوط ....وقفلو شبابيك الفصل...ومرة تانية سال المدير يا اولا القتل حمزة منو؟...برضو الحال في حالو...مافي ولا زول قال شئ..... في النهاية المدير دنقر فوق المدرس وبراحة سالو...... انت يا استاذ متأكد انو الزول القتل حمزة قاعد في الفصل دا؟
|
|
 
|
|
|
|
|
| العنوان |
الكاتب |
Date |
| مــــن الـــذي.......قتــــل حمـــــزة؟ | سجيمان | 05-03-03, 11:57 PM |
| Re: مــــن الـــذي.......قتــــل حمـــــزة؟ | أبكر آدم إسماعيل | 05-04-03, 07:58 AM |
| Re: مــــن الـــذي.......قتــــل حمـــــزة؟ | فتحي البحيري | 05-04-03, 08:30 AM |
| Re: مــــن الـــذي.......قتــــل حمـــــزة؟ | سجيمان | 05-04-03, 09:15 PM |
| Re: مــــن الـــذي.......قتــــل حمـــــزة؟ | doma | 05-04-03, 08:31 AM |
| Re: مــــن الـــذي.......قتــــل حمـــــزة؟ | سجيمان | 05-04-03, 09:13 PM |
| Re: مــــن الـــذي.......قتــــل حمـــــزة؟ | maia | 05-04-03, 08:45 AM |
| Re: مــــن الـــذي.......قتــــل حمـــــزة؟ | أبوالزفت | 05-04-03, 09:17 AM |
 Re: مــــن الـــذي.......قتــــل حمـــــزة؟ | almulaomar | 05-04-03, 09:41 AM |
| Re: مــــن الـــذي.......قتــــل حمـــــزة؟ | سجيمان | 05-04-03, 12:42 PM |
| Re: مــــن الـــذي.......قتــــل حمـــــزة؟ | ALZOLZATOO | 05-04-03, 02:43 PM |
| Re: مــــن الـــذي.......قتــــل حمـــــزة؟ | robenson | 05-04-03, 03:03 PM |
| Re: مــــن الـــذي.......قتــــل حمـــــزة؟ | SAMIR IBRAHIM | 10-29-03, 03:21 AM |
| Re: مــــن الـــذي.......قتــــل حمـــــزة؟ | سجيمان | 10-29-03, 07:09 AM |
| Re: مــــن الـــذي.......قتــــل حمـــــزة؟ | bayan | 10-29-03, 07:36 AM |
 Re: مــــن الـــذي.......قتــــل حمـــــزة؟ | aba | 10-29-03, 09:51 AM |
| Re: مــــن الـــذي.......قتــــل حمـــــزة؟ | سجيمان | 10-29-03, 09:58 AM |
| Re: مــــن الـــذي.......قتــــل حمـــــزة؟ | عشة بت فاطنة | 10-29-03, 10:52 AM |
| Re: مــــن الـــذي.......قتــــل حمـــــزة؟ | سجيمان | 10-29-03, 02:55 PM |
| Re: مــــن الـــذي.......قتــــل حمـــــزة؟ | sentimental | 10-29-03, 10:58 AM |
| Re: مــــن الـــذي.......قتــــل حمـــــزة؟ | sama7-au | 10-30-03, 04:10 AM |
| Re: مــــن الـــذي.......قتــــل حمـــــزة؟ | HAMZA SULIMAN | 10-30-03, 09:13 AM |
| Re: مــــن الـــذي.......قتــــل حمـــــزة؟ | بدرالدين شنا | 10-30-03, 07:36 PM |
|
| |
سجيمان
فيس بوك
تويتر
انستقرام
يوتيوب
بنتيريست