|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
طوفي
Quote: أم العريس عايزة تلفون قوني ممكن !! |
بيكون مشغول دائما يا طوفي الا بعد الساعة 2 صباحا عشان تقل زحمة الاتصال بيهو
بس المشكلة مرات بيقبل حتى المصالح المتعارصة conflicting interests يعني منشارو طالع بياكل ونازل كذلك
لقيتيهو كيف ؟
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
لما كنا طلبة فى كلية الشرطة مرّة كنّا فى السفرة بنتعشى {بدرالدين عطا.. عبدالرحيم سيد فقيرى{برعى}.. التلب.. وشخصى} فقام بدرالدين سال سوال وقال ياخوانا اهم صفة فى شريكة حياتكم تكون شنو. برعى قال لازم تكون زولةطيبة وكده . التلب قال لازم تكون طباخه ممتازة فقام بدرالدين عطا قال ليه خلاس تعال نعرس ليك باب الله ده يا التلب {وباب الله كان الطباخ فى الكلية طباخ يده طاعمة من النوع اللى يظبط ليك حلة لحد ما تشك فى سلوكه}.
على سرالختم الشوق مطر يا طوفة
| |
|
|
|
|
|
|
Re: مطلوب زوجة بمواصفات خاصة جدا !!! (Re: عواطف ادريس اسماعيل)
|
بنتنا عواطف تاني جينا
يا أخواني كان روقتو بوصف الشفتو...
الوصف لغرض إشراك الحبان.. الأم والأخوات والأخوان.. جاء مؤخراً بعد أستعصت البيوت لكن في سابق الأزمان.. كانت كل البيوت مفتوحة والقلوب كمان.. وإن ميلت على أهل القرى كما في أغاني بركات ود جمعة وبعدهم زنقار وغيرهم ميل على أهل القرى
لكن بعد ظهور الحجر (يالحجروك علي في الباوقة والعبيدية) أصبح لا بد من الوصف
وزمان الناس بتحجج الحجج لكي ترى المحبوب وخاصة قصة ذكرها أحد الفنانين في برنامج الحقيبة قال دفع خمسة قروش للأولاد وقال ليهم صيحو حريقة حريقة.. أها لما الحبيبة جات لافحة توبه قالت ليه الحريقة وين قال ليها في قلبي..
أها بقى الوصف عن موضوع الحريقة الفي القلب الناس تعتبره طلب زواج.. طبعا الشعراء بالغوا في الأوصاف .. الزي فريع البان في الرقصة تتنى الزي سواد الليل في ايديها دي الحنة والنهود تهتز هو دا المجننا
طبعا بعد الجن بيجي العرس.. والعرس يا جماعة الخير عند الكثير من أهل الزمان السابق هو عمل عدواني وعنف غير مبرر واشتغال بأمور الغير.. وتهور.. نعم واحد من العجائز قال الدليل على التهور أنو الجماعة دايماً بيصرخو في وجه العريس أبشر بالخير أبشر يازول أبشر أبشر وتلقى الجماعة التانيين شايلين العكاكيز ويصيحو هياهي هيا هي هو هو هو هو ويمسكوه الصوت يلا أجلد من طرف.. بس بعد ما ينتهي العرس.. كل أرضاً تشرب مائها.. وتبدا المقاشرة..
أها في التهور ده يعني لو لقى طرف يوصف للناس في شوية كلمات ويشترط ويتشرط..
ونواصل..
| |
|
|
|
|
|
|
Re: مطلوب زوجة بمواصفات خاصة جدا !!! (Re: المسافر)
|
قلنا ليس بعد التهور شئ وطالما العريس ( فتح خشمو) خليه يمد لسانو كمان
يا ترى كم ذكية في انتظار ذكاء ذكي في الوصف البكي
في حكاوي الزمان الفات يحكى أحد الشباب كان ضعيف البنية قصير القامة (قصير التيلة) أشتهت نفسه الزواج من البكرة أم نفيلة ظبية ضاربة في نتيلة وبفرسة الفرسان كان بتهور الشبان كلم أبوها وطلب يدها منو.. أبوها عاين ليه طويل كدة ودنقر شوية كدة وبهداوة قال ليه ياولدي إنا جينا لي اهلك عز القبيلة وإن جيناك انت ما فيك لوم وما بنمسك عليك خصيلة وإن جينا للحقيقة يا ولدي بنتي ماها ركوبة ليك..
| |
|
|
|
|
|
|
|