|
|
 ماشي الخرطوم عائزين حاجة غير سلامتي
|
واحدين قالو عائزين زيت سمسم
واحدين قالو جبنة الدويم
واحدين اهم شي تجيب تمباك ناشف
واحدين عائزين مراكيب
يلا العائز حاجة اقول سريع عشان اجازتي قصير
|
|
 
|
|
|
|
|
|
|
|
Re: ماشي الخرطوم عائزين حاجة غير سلامتي (Re: HAYDER GASIM)
|
| Quote: ياخ إنت زول ظريف ... تجي بالسلامة |
حيدر قاسم
صباح الخير
تعرف واحد بوردابي في منبر تاني قاعد في السودان حاولت اتظارف معاهو قلت انا جائي السودان
عائز حاجة تصدق قال عائز بدلة
طبعا اخوك جعلي وما قدرت انط من كلامي
بعد شوية حا اطلع اشتريها ليهو
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: osman righeem)
|
هلا
خلاص يا خلي يعني نويت....!!!
تسافر كيف يا رجل وتخلينا للوحدة والشوق والعذاب...والاكل الكعب والتمباك الاكعب..
جيب معاك زاحد فرح
وكم حكاوي كده من الناس الغبش
واديني لمحة كده من اخبار الصحاب ...
واشفط معاك بالله رنين البندر والضهاري وكم شمومة كده ن رائحة الباعة والمتجولين في الطرقات
وركز لي بالله علي الزحمة التاريخية في السوق العربي ديك...
واخيرا
سلامي لحسن ماكردة وقول ليهو شالو حسك في الاسافير
وبت كتوتة وعشة نبق
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: عبدالكريم الامين احمد)
|
Quote: خلاص يا خلي يعني نويت....!!!
تسافر كيف يا رجل وتخلينا للوحدة والشوق والعذاب...والاكل الكعب والتمباك الاكعب..
جيب معاك زاحد فرح
وكم حكاوي كده من الناس الغبش
واديني لمحة كده من اخبار الصحاب ...
|
كيكي يا صديق السنوات
حتما ساعود محملا بقصص اهل البدو والحضر وساكل الفول الاحضر وساغرق في البامية مفروكة
وارقص مع جماهير الهلال
واعرج علي اصدقاء العمر ناس اليوم الحار
وبتلاقي كان ربك هون
سلمت ايها النبيل
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
Quote: واحدين قالو عائزين زيت سمسم
واحدين قالو جبنة الدويم
واحدين اهم شي تجيب تمباك ناشف
واحدين عائزين مراكيب
يلا العائز حاجة اقول سريع عشان اجازتي قصير |
وناس الخرطوم ما تسألهم لو دايرين حاجة.....
مرحب بيك في الخرطوم
توصل بالسلامة
وكل سنة وانت طيب
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: mayada kamal)
|
خليل كيفنك؟؟؟
وكتلتني بالضحك البوديك تتشوبر شنو؟؟
Quote:
تعرف واحد بوردابي في منبر تاني قاعد في السودان
حاولت اتظارف معاهو قلت انا جائي السودان
عائز حاجة تصدق قال عائز بدلة
طبعا اخوك جعلي وما قدرت انط من كلامي
بعد شوية حا اطلع اشتريها ليهو |
اها انا عايزاك تجيب لي اخبار الفكي ابو ليمونه
ده قالوا اشهر من علم على راسه نار
مش كتبت عنه تراجي مصطفى حسه قالوا الناس بقت تكوس فيه منذ البارحه
عندما كتبت هذا الاسم مزاحا!
اها تخيل صدقت الفيلم ده انا زاتي.
اها عليك اله جيب لي معاك ليمون لطمام البطن ده من ابو ليمونه.
تمشي وترجع بالسلامه
وعليك الله كان ما فتشت ابراهيم بقال واتعرفت عليه .
زيادة حمور بلمك فيه.
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: Tragie Mustafa)
|
Quote: اها تخيل صدقت الفيلم ده انا زاتي.
اها عليك اله جيب لي معاك ليمون لطمام البطن ده من ابو ليمونه.
تمشي وترجع بالسلامه
وعليك الله كان ما فتشت ابراهيم بقال واتعرفت عليه .
زيادة حمور بلمك فيه. |
تراجي يا ستهم
والله انا عندي ليك شيخ اخطر من ابليمونة
حا امشي ليهو واقول احفظ لينا بتنا تراجي من الهكر والعكر
ومافي مشكلة بدفع ليك البياض وارسل ليك الحجاب بالبريد الممتاز
بقال دها لازم ازورهو حدي يمشي الخرطوم وما يزور بقال ياخ
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
هارون دياب والمريخاب
انا لسع زعلان من غلب السبتين بتاع المريخ وزعلان من قصيدة عمرمحمود خالد
لكن انشاء الله يوم الخميس اشاهد المباراة جوة الاستاد وناخد كاس السودان
ونردد نفس القصيدة بتاعة دكتور عمر محمود خالد
بين خميس وخميس يختال كاسان
الاول عرس مدينتنا والثاني كاس سودان
ويا رب هدف
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
خالي خليل
| Quote: لكن انشاء الله يوم الخميس اشاهد المباراة جوة الاستاد وناخد كاس السودان |
أها أنا بس ده طلبي ....
أنت ممكن تحضر ما عندنا مانع ...
لكن إياك يا خالي تسوق معاك قسطنطين
تمشي و تجي بالسلامة ( أو كما قالت حنان بلوبلو للمدعو حمادة)
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: خالد عبد الله محمود)
|
Quote:
أها أنا بس ده طلبي ....
أنت ممكن تحضر ما عندنا مانع ...
لكن إياك يا خالي تسوق معاك قسطنطين
خلود واختي
الود (قسطا) دها ما بخليهو وراي
عارف السنة الفاتت في 14 ديسمبر
دخلت مباراة كاس السودان وانهزمنا بهدفي ايداهور العجب
الله يستر
تحياتي وكل سنة وانت طيب
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
خليل سلام
ياعمك نحن دائرين نشوفك ,,,
ونقعد معاك في ضل راكوبه في قندهار ,,,
وتضرب كوارع والحاجات التانيه حقت بقال ,,,
ولاتنسي ناذر سيد الشئ ذاتو ,,ده عند حاجه سكينه ,,,
وكان دائر تتاكد شوف عبدالوهاب الحاج بوريك خارطة الطريق \
مرحبا خليل
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: العوض المسلمي)
|
Quote: ونقعد معاك في ضل راكوبه في قندهار ,,,
وتضرب كوارع والحاجات التانيه حقت بقال ,,,
ولاتنسي ناذر سيد الشئ ذاتو ,,ده عند حاجه سكينه ,,,
|
المسلمي
كل سنة وانت طيب
وانا ممكن اجيب ليكم (الازبقنس)
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
| Quote: يعني ما عائز تمباك |
يعني ام رقيقه دي ح تجيبها في حله
اكيد حتجيبها في كيس (ما انت مدمن اكياس ، شئ تمباك وشئ تاني ما بقدر اقولوا هنا في ظل كثافة الشرطه المنبريه دي)
عموما لا مانع ان استبدل مابداخل الكيس ،،
هذا وان وجد
| |
|
|
|
|
|
|
|
|
 Re: ماشي الخرطوم عائزين حاجة غير سلامتي (Re: طارق جبريل)
|
خليل الظريف
أنا عندى طلب مهم و هام و ضرورى
عاوز التغير ممكن تجيبو مش لى بس للشعب السودانى كله
تلقاه وين و كيف و كم و أوصافه كلها عند الشقيقة/ إنعام عبدالحفيظ
مر عليها و تلقى لديها أوصاف و صفات التغير
عليك الله كتر منه و جيبه كله معاك و ببركة الأيام العشرة دى
تصل بالسلامة و ترجع لينا و معاك تغير (مش ديمقراطى و بس)
نحنا طماعين و عاوزين تغيرهم من الجذووووووووووووووور
-----
سلام خاص لإنعام عبد الحفيظ و الجميع لديها
ش
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: عبداللطيف حسن علي)
|
Quote: بلاي البس شعار اليوم الحار
واقيف لينا جنب داخلية حسيب قرب تحويل الرصيد
عشان نتشرف بالتعرف عليك ونحملك وصايانا لناس الدوحة
في المطار كتاب الاسافير ما في زول بيعرفهم،عشان كدة ما تخاف |
عبد اللطيف
كتاب الاسافير مهمشين ياخ وغير مشهورين ومناضلين ضل بارد ساكت
علي راي صديقنا الهكر ميكافيللي
كل سنة وانت طيب
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: شكرى سليمان ماطوس)
|
Quote: عاوز التغير ممكن تجيبو مش لى بس للشعب السودانى كله
تلقاه وين و كيف و كم و أوصافه كلها عند الشقيقة/ إنعام عبدالحفيظ
مر عليها و تلقى لديها أوصاف و صفات التغير |
ماطوس المهندس
اتمني ان يكون عام 2009 هو عام التغيير لكل الشعب السوداني
وكل سنة وانت الخير
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: طارق جبريل)
|
Quote: خلي بالله طلب خاص
تمشي السوق الشعبي الخرطوم وتطلب عصير برتكان
وشرطا يخلطوهوا ليك قدامك واهم حاجة دقة المصفة في جك الخلاط
دي مهم شديد |
طارق جبريل
انا ضربت ام جنقر عشان جيت من الدوحة بدون لياقة
اجيب ليك معاي شربوت عشان تصلح راسك
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
انشاء الله انا بعرف مكتب السيدة انعام عبد الحفيظ وانشاء الله ننسق
اليسمعك يقول كل إجازة ليك في الخرطوم بتجي مكتبي 
هسه إجازتك الفاتت لما جيت تلفون ما ضربتو لي خليك من تجيني 
بس عشان خاطر الشقيق شكري وعندي وصايا عايزه أرسلها ليهو معاك
وعشان خاطر حسين ملاسي ح أقول ليك مرحب بيك 
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: انعام عبد الحفيظ)
|
ستزغرد
لحضورك
عزة
ياخليل؟؟؟
وفى الغربة
انت لينا
دليل
جيب لى معاك مركوب قطع
اوصفو لييييييييك
تمشى سوق ليبا بعد ما تضرب شية
اخر السوق ,تلقى ليك دارفورى نجيض
قاعد فى عشة..وخاتى احد المراكيب فى التلبيسة
قول ليه داير دا..لابقوتة عشان يقدل بيه
فى شارع غبيرا العام...
ما تزيدو من 22 الف,,,
الحساب ولد
تمشى وتجى بالسلامة
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: ismeil abbas)
|
Quote: خليل السلام عليكم........زى ما بتلبى طلبات ألناس ديل لبى لينا طلبنا ....خلينا نشوفك..من الممكن لو ربنا سهل اكون فى السودان برضو..لو ربنا سهل............نخليها جنب إستاد الهلال..............تسلم
إجازة سعيدة..وربنا يمتعك ومن تحب بالصحة والعافية ..................مودتى.إسماعيل محمد احمد عباس |
اسماعيل ابو السباع
حتما بعد العيد نلتقي ان كان في الكاس باقي
ربنا يحقق امانيك ما ظهر منها وما بطن
| |
|
|
|
|
|
|
|
|
 Re: ماشي الخرطوم عائزين حاجة غير سلامتي (Re: khaleel)
|
كتبت الشقيقة إنعام:Quote:
بس عشان خاطر الشقيق شكري وعندي وصايا عايزه أرسلها ليهو معاك
|
شفت يا خليل لأقل من التغير ما بأقبل بأى وصية و خاصة من إنعام
يعنى ممكن يكون تغير ديمقراطى بدل تغير النظام
يالله منتظرينك : إنعام فى بحرى و أنا فى الدوحة.
ش
| |
|
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
| Quote: كع وييييييينك يازول قالوا لي خامج السوق خمج |
كيكي ..!!!!!
وحاتك اتهجمته .. سوق شنو ؟
اول مرة اعرف انو خليل (كع برضو )
::::::::
يا قريبك .. ادي امتدادنا طله معاك .. وكتر لينا سلامتك .. لاننا محتاجين ليها .. يا شخص
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: احمد التجانى احمد)
|
Quote: عجبنى ليك
لانك انتقائى
ماقلنا ليك شوف لينا معاك سيد الرايحة
يااخى اتذكر لينا خوة الكوشتينة بس |
احمد التجاني
كل سنة وانت طيب
ظالمني طول عمري وما ظلمتك يوم
ياخي انا كل يوم مع سيد الرايحة فارقتو امس الساعة سبعة مساء
وقبل شوية كنت بتكلم معاهو تحرك لمدني لحضور دكتور عماد للسودان بعد 17 سنة
| |
|
|
|
|
|
|
|
|
|
Re: ماشي الخرطوم عائزين حاجة غير سلامتي (Re: khaleel)
|
ابو القوق
كل سنة وانت والعيال بخير
كنت قد كتبت لك مداخلة اظنك لم تراها قبل سفرك للسودان
وحقيقة كنت مهتم جدا اعرف اخبار سيد الرايحة
فقد اتصل بي يوم جمعة صباحا وذكر لى انه فى طريقه الى جدة عابرا عن طريق الرياض
ووعدنى بان نتقابل فى جدة فى اليوم التالى لوصوله وكان خلافى معه اننى اتوق للقاءه
فى ساعة وصوله الا انه اعتذر بحجة انه سوف يصل متاخرا وح يكون تعبان
لذلك عاودت الاتصال به تانى يوم السبت والايام التالية الا انه تلفونه لا يعطى اى شى
وبعدها بايام بقى يدى انه التلفون مغلق (حق الامارات) ولذلك كنت عايزك تطمنا عليه
الا انك اتزاوغت من مداخلتى بجاى ورديت على ناس فلانة وفلانة
والمثل السعودى بيقول ليك (....... الرجال ولا ....... سالفته)
| |
|
|
|
|
|
|
|
|
| |
khaleel
HAYDER GASIM
حمور زيادة
osman righeem
عبدالكريم الامين احمد
mayada kamal
Tragie Mustafa
شهاب الفاتح عثمان
خالد عبد الله محمود
العوض المسلمي
Dalal Ezzaldin
اسامة دفع الله ابوالحسن
معتصم محمد صالح
فيصل عباس
Safia Mohamed
طارق جبريل
حسين محي الدين
شكرى سليمان ماطوس
Hussein Mallasi
عبداللطيف حسن علي
الشامي الحبر عبدالوهاب
احمد التجانى احمد
انعام عبد الحفيظ
abuguta
الزوول
ismeil abbas
عبود عبد الرحيم
Akoy Deng
زياد جعفر عبدالله
فاروق أبوحوه
شول اشوانق دينق
عبدالله كع
NGABY AJOOZ
عواطف ادريس اسماعيل
عادل عبدالعزيز عبد الرحيم
أحمد الشايقي
Alsa7afa_30
فيس بوك
تويتر
انستقرام
يوتيوب
بنتيريست