كتب الكاتب الفاتح جبرا المتوفرة بمعرض الدوحة
|
الي سيداحمد الحـــاردلو.. مع تحيات أم برنوق برنوق!
|
ورد في مناحتك بتاريخ وردا على حديث اتى به الاستاذ بجريدة اجراس الحرية يزعم انه قيل علي لساني..سيد احمد الحاردلو.. كنت قبل ان تأتي نائحا باكيا علي ساجعتك ملخمة " بالخاء"بلدي يا حبوب والتي تزعم انها ملحمة.. واني لا اراها غير كلام مرصوص مسجوع يمكن لاي منّاحة من منّاحات القرن المنصرم ان تنظم مثله .. كقول إحداهن وهي تبكي وتنوح وتصيح علي فقيد لها" المناحة هي شاعرة كاخينا سيداحمد الحاردلو ترص النضم معددة مأثر الميت و تتميز عن سيد احمد في انها قبل ان تبدأ في سرد القصيدة تتدمس بعدد اتنين هين رماد والهين هو ملية الكف.... ثم تسكلب اذانا ببداية المناحة ومن ثم تدخل في الشغل:- الليلة يا سيد البقرة الحمرا وسيد الحمارة البرقا يا سيد النحاس يا الدراّس وماك نعاس و ... حي ووب..... حي ووب ثم تردح وتنطط في صورة فلكلورية رائعة...... لا يجيدها شعراء زمان الغفلة والمغفلين.... وكلام منظوم مثل الذي بعاليه لو وضع الحانه الاستاذ محمد وردي لمشى به الناس يترنمون بالبوادي والحضر..ولو كانت هذه النائحة المسكينة قد دخلت سجن كوبر لسبب أو لأخر لأصبحت من اكبر شعراء الأمة فتنظم الملاحم وتمتطي صهوة الغرور الزايف فتشتط وتحسب أنها قلب الأمة النابض..وتصف من ينتقد هرطقاتها بالجهل والامية..وقد تجرده من وطنيته وتنصب له المشانق وتقاضيه بالخيانة العظمى...ولكن نحمد الله انها قد انزوت في قرية في اقاصي الشمال وهي تعرف قدر نفسها حق المعرفة الي ان اختارها الله الي جواره راضية مرضية..ولم تفرض نفسها علي الناس شاعرة تطبع عشرات الدواوين.. ولم تصف من لم يقراء هذه الدواوين بالجاهلية والكفر والخروج عن الملة...... أستاذ سيدي احمد... إن ما ورد في مقال الأستاذ وذكر انه من صنعي أفيدك انه قد نقله من الانترنت..وانت لم تأتي بمصدره الأساسي بل اعتمدت على مصداقية كاتب المقال والذي بدوره اعتمد على مصداقية الانترنت الذي يعج بالهكر والكراكر... كان عليك يا حاردلو ان ترجع الي الانترنت والي الموقع والي الوصلة التي كتب فيها ما ورد وان .تحدد ساعة كتابتة ومن كاتبه وهل يكتب باسمه ام باسم مستعار..وهل فعلا هو كاتب هذا الكلام ام هناك شخص استولى علي حسابه بالموقع وانتحل قلمة وكتب ما كتب.." ما كنت احسب ان صحيفة في حجم صحيفة أجراس الحرية بشفوتها وشفاتتها وشفافيتها وشوفونيتها.. بهذه الغفلة بان تستشهد بما يكتب في النت . والنت لو تعلمون به من المحاذير والمغارز ما يجعل الحذر والحيطة واجبة.. دي نصيحة مني لوجه الله تعالى وهدية للسودان الجديد شفتو انا زول طيب كيف؟ ممكن اخليكم تصوطو في صواطتكم واطنش لحدي ما تتورطو في زول غيري ويوريكم المكشن بلا بصل".... نعم يا سيدي احمد.... ان مطلع ملخمة بلدي يا حبوب مطلع عروبي ويكرس للثقافة العربية والتي افتخر بها أنا وأنت ايضا ويقيني ان كل قصائدك ومفرداتها وخلفيتها الثقافية هي من صلب هذه الثقافة مهما حاولت ان تنكر وتتنكر ......وهو المطلع الذي درج الناس على ترديده... كحالهم مع أي أغنية أخرى.....ولو سالت أي شخص عادي ان يذكر لك أبيات من هذه القصيدة سوف يذكر لك المطلع ويردده... طفل كان. ام شاب ام شايب..... اجد لك العذر حين ساعة كتابتك للقصيدة والتي لاشك قد بدأتها بالمطلع كان يلبسك شيطان الثقافة العربية فغيّب عن ذهنك ثقافات أخرى تقاسمك الأرض والمصير" رأيك شنو في المصير دي.... ؟ عشان تعرف أنا مثقف كيف.. وتفتيحة كمان؟".. لو كنت مكانك في تلك اللحظة وأنا ارتدي جلباب القومية لنعلت الشيطان بدلا من ترفع صوتك وتنادي" منعول ابوكي بلد" وقلت:
و.. كوكاب ...و مركوب بدلا عن:- وسروال...... ومركوب... ... عشان ما ينط ليك زول جاهل زيي كدي ويقول لك النضم الاشتر دا شنو؟ .. وينسف كل مبادئك وما تؤمن به ولو من باب التُقيا.....وكنت قد افرجت عن الوان طيف ثقافي لتلاتين مليون نسمة سجنتهم داخل سروال....ثم احكمت رباط السروال بالتكة ... و مشيت في الارض مرحا....... ختاما ... فلتفترش دواوينك السبع وعشرين... وتوسد يدك اليسرى وتصفح باليمنى احد دواوين الكتيابي عسى ولعلّ........ او تبرع بورق دواوينك لمحلات الطعمية والصعوط..... مساهمة منك في حملة محاربة اكياس النايلون فاني ارى فيه خدمة للوطن تعادل مئات القصائد كقصيدتك الما عندها طعم بلدي يا حبوب........ ولي العٌتبى حتى ارضي
|
|
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: طارق جبريل)
|
سألني بعض الحادبين علي مصلحة الوطن وهو يمر بهذا المنعطف التاريخي الخطير عن معنى كلمة ام برنوق برنوق..... وهي تنطق بَرَنوق... كما تنطق كلمة لايوق....وام برنوق برنوق ايها المواطنين والمواطنات سمكة حمقاء زعولة غبشاء اللون ... سريعة الغضب ولما تزعل تتنفخ وتتنفخ وتتنفخ حد ما النفخ يقيف لو حد ننصح بان لا يزعلها اي زول .... وتعرف ايضا بالتامبيرا...
الخرتوم في:- 15\8\2008
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: سجيمان)
|
Quote: وام برنوق برنوق ايها المواطنين والمواطنات سمكة حمقاء زعولة غبشاء اللون ... سريعة الغضب ولما تزعل تتنفخ وتتنفخ وتتنفخ حد ما النفخ يقيف لو حد ننصح بان لا يزعلها اي زول .... وتعرف ايضا بالتامبيرا... |
يعنى ماام (دريقة) كنت مفتكرة ام دريقة
البتكهرب فى الموية!!!
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: Mohamad Shamseldin)
|
سي جي !!!
سلامات ..
ومشتاقين وكل عام وأنت بخير ..
ياخي الشاعر الكبير سيد احمد الحردلو من أروع شعراء السودان كلماته بتضرب في الوتر الحساس .. أنا
غايتو مستعدة عشانو أقلع توبي وأدخل ساحة المعركة .. عشان كدي خلينا كويسين مع بعض وما تهبشنا في
اللحم الحي .. كل شي ولا سيداحمد الحردلو !!! تصوم وتفطر على خير ..
ونحنا السي ..
ونحنا الكي ..
تقول لي شنو ..
وتقول لي منو ؟
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: سجيمان)
|
الاخوة في جنوبنا" الحبيب".... اها دي قصيدة بي حالا..تمجد في الشعب السوداني ... كدي شوفو في كلمة ويحيدي فيكم... ولسه انا قاعد انعبش واكوس:-
Quote: تقول لِى شنو وتقولى لِى منو ، -2- أنحنَا السَّاسْ ونَحنا الرَّاسْ ونحن الدّنيا جبناهَا وبَنيناها.. بِويت ..فى بِويتْ وأسْعل جدى ترهاقَا وخلى الفَاقة .. والقَاقا -3- تقول لِى شنو وتقول لِى منو ، -4- تَالا أبوى .. بعنخى لَزَمْ وتَالا اللُمْ..أَبوىْ أوْلبَابْ وأمى مهيرة بتْ عبودْ وأخويا المهدى ..سيد السيفْ والخلى النصارى تقيفْ هناك ..فى القيفْ ، -5- تقول لِى شنو وتقول لِى منو ، -6- ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو وتقول لِى منو ، -8- ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور -9- تقول لِى شنو وتقول لِى منو ، -10- ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ، -11- تقولى لِى شنو وتقولى لِى منو ، -12- ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ، -13- ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، -14- تقول لِى شنو وتقول لِى منو ، -15- ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ، -16- تقول لِى شنو وتقول لِى منو ، -17- ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .. يكون فى الدنيا ..متلنا ..لمْ -18- تقولى لِى شنو وتقول لِى منو ، -19- ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول -20- تقولى لى شنو وتقول لى منو ، -21- ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، -22- ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ، -23- تقولى لِى شنو وتقولى لِى منو ، -24- ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن –يمين – جِنَات موسى ، -25- تقولى لِى شنو وتقول لِى منو ، -26- ونحن الدوكه والضُلاله ، والدونكه ، ونحن الدانقه ، والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ، ونحن أسودْ ، ونحن النَانْ ، حديثنا إذا أرِدتو رُطَانْ وحين دايرين ..نسوى بَيَانْ ، -27- تقول لِى شنو وتقول لِى منو ، -28- ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ، -29- أقيف لِسَعْ وأقيف وأسمعْ ، ونحن صديرى منضوم ويلْ ونحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ، -30- أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه -31- تقول لِى شنو وتقول لِى منو ، -32- وأما عجيبْ وأما غريبْ ، وأقيف لسعْ وأقيف .. وأسمعْ ، -33- أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو ،
|
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: سجيمان)
|
دة كلام شنو دة البقولوا سجيمان جنوبييي
و شمالىىىى
الموضوع من اساسو كان حول فيلم الزبير باشا
و قمت حشرت فيهوا اغنية الحاردلوا
و لما رد عليك
بقيت فى الليلتك
دايرنا نقوم تانى
ولا شنو يا اخوى
ياى جوزيف بقى عضو بورد
اتيم سايمون كمان عضو بورد
مثيانق شريلو قاعد فى البورد
آها حتقول جنوبييي وين تانى
معاك لى اخر المشوار
يا ( سجيمان)
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: ياي جوزيف)
|
Quote: دة كلام شنو دة البقولوا سجيمان جنوبييي
و شمالىىىى
الموضوع من اساسو كان حول فيلم الزبير باشا
و قمت حشرت فيهوا اغنية الحاردلوا
و لما رد عليك
بقيت فى الليلتك
دايرنا نقوم تانى
ولا شنو يا اخوى
ياى جوزيف بقى عضو بورد
اتيم سايمون كمان عضو بورد
مثيانق شريلو قاعد فى البورد
آها حتقول جنوبييي وين تانى
معاك لى اخر المشوار
يا ( سجيمان) |
ياي يا اخوي... حبابكم الف.... وبعدين جنوبيين وشماليين دي قاعدين يكتبوها في اجراس الحرية الللتكم في اليوم الواحد اكتر من خمسين مرة.. بقت علي انا؟؟
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: امين احمد)
|
شنو الحكاية يا سجيمان
فـــصــلــ وهــو خــلاص والا شنو ؟؟؟؟
يعلم الله الجنوب دا جزء مننا ومن تاريخنا العريق !!
ولو لا قدر الله والواطة دي إتقسمت ما يا دوب إإإإإتـشـرزمـنا ! تـشـرزم..
الله يحفظ الوطن من كتابات تفصل الما بنفصل !!
كفاك رمي بالملوتوف دا والله معاك ومع الجميع
هشام
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: اتيم سايمون)
|
لسع سؤالي قائم
حق الرد في اجراس الحرية وووووووووووووووووووووووووووووووووووووووووووين ؟
في واحد قال لي س ج ي م ا ن ده مالو ما ...............................................................................................................................................................................................؟
ولسع بسألك
حق الرد في اجراس الحرية ؟
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: سجيمان)
|
Quote: التشرزم اخير من اللمة الكلها مشاكل وملاواة |
عشنا و سمعنا بالمنطق الجديد
منطق سجيمان
فى بلاد الصم و العميان
يا اخوى انت التشرزم دة بقى حاجة كويسة متين ,,
و لا الفكرة نتشروم برانا ,, و لا يتشرزموا معانا الناس
بالمناسبة
مالك ما مشيت على غرب بحر الغزال عشان تصور فيلمك داااااااااااااااااااااك يا زول؟
و لا مهازل ؟؟
| |
|
|
|
|
|
|
Re: الي سيداحمد الحـــاردلو.. مع تحيات أم برنوق برنوق! (Re: سجيمان)
|
أخونا الحبيب سي جي ، تحياتي ،
وكل عام وإنت بخير وجعل الله كل أيامك أعياداً .
مشتاقين كتير ،
زمان الناس هداوة بال .. وإنت زمانك (الزوغان)
سلامة الغيبات ، كما يقولون ، و .. بركة الجيت بركة الجيت .. آي ..
ولكن :
Quote: ختاما ... فلتفترش دواوينك السبع وعشرين... وتوسد يدك اليسرى وتصفح باليمنى احد دواوين الكتيابي عسى ولعلّ........ او تبرع بورق دواوينك لمحلات الطعمية والصعوط..... مساهمة منك في حملة محاربة اكياس النايلون فاني ارى فيه خدمة للوطن تعادل مئات القصائد كقصيدتك الما عندها طعم بلدي يا حبوب........ ولي العٌتبى حتى ارضي |
خبارك علي الحاردلو ؟ ده القلب النابض لشعرائنا خلال الثلاثين سنة الأخيرة ؟!
والظاهر .. الصيام سخن بيك ؟ واللا مو كدي ؟
و .. لقد ارتقيت مرتقاً صعباً . وخايف عليك من الوقعة !
مودتي ،
( ليمو )
| |
|
|
|
|
|
|
|