في حسم آمر عبقري زمانو حاتم شو Put up or Shut up

Quote: ولسة السودان ما عرف اسلوب الخروج من رتابة Mood بتغيير ال Mode +++ بس بحاول ارد على كل الناس الصبر بالله اصلو ما تمدحني --------------------------- في بوست زكريا كنت بترد بسرعة شديدة، أها الناغمني دا منو؟ يعني نفهم يا أستاذ موصلي من جملتك الفوق دي إنو جمهورية السودان ما فيها عمل موسيقي أو غنائي لا يوظف تقنية تغيير المود لحد ما ظهرت أغنية (الكلام القالوهو عنك)؟ لو دا المقصود، تبقى مخطيء، ولو عندك اعتراض أنا جاهز للشمطة قبل العيد، والله يكضب الشينة. في رأيي الشخصي إنو الغناء هدفه مش الغناء بل التعبير (expression) وفي الحالتين اعتقد أن تغيير المود لم يخدم أي غرض في الأغنية باعتبار إنو ثيمتها العتاب، دا غير إنها أغنية قصيرة فإذا فيها رتابة تبقى في اللحن، المؤدية اخطأت (وربما أصابت) في جعلها أغنية فرايحية راقصة غض النظر عن الكلمات. الشيء التاني، تغيير المود متوفر كتير في أغنيات الحقيبة يا أستاذ موصلي، بناء على ذلك، لست أول شخص يأتي بهذه التقنية في جمهورية السودان. ___ معظم أغنيات الحقيبة تنتهي بمود مختلف عن بدايتها يا أستاذ موصلي، ما تخم الناس ساكت في شيء هم عارفينو لكن باسم تاني

Quote: من هو حاتم وما هو رصيده من الأعمال الموسيقية ؟إذا استطاع حاتم أن يجادلك في شأن الموسيقى فسيقول الناس أن (أحدهم) أفحم الموصليوإن أفحمته في شأن موسيقي فلن يتحدث بذلك أحد .. يعني لو ما بعرف الموسيقى الموصلي بكل تاريخه دة نان البعرفها منو !استاذنا الموصلي البلعب مع الجريوات بخربشنو وبجرن منه لست في حاجة لإثبات معرفتك الموسيقية لأحدهم

(عدل بواسطة Elmosley on 07-03-2016, 04:08 PM)

Quote: ماعندنا فكره بعلم الموسيقى البحت..لكن بنعرف أن هنالك طرق للتخاطب والحوار يجب أن تسود فيها لغة الأحترام فكلام زى (ماتخمنا) دا افتكر كلام مالطيف وينم عن روح عدائيه واستخفاف بالزول البتحاور فيهو وللأستاذ الموصلي مساهمه يجب لكل عارف بالموسيقى أن يحترمها ويقدرها أول مره أجد بوست للأستاذ الموصلي فيهو هذه النبره من الغضب الواضح والشديد..قاعدين معاهو هنا فى المنبر دا لينا نصف قرن ماشفناهو زعل قدر دا

Quote: اخ موصلي عيد مبارك مقدما إثراءً لثقافتنا الموسيقية الضعيفة ودي فرصة اشركونا في النقاش بالنزول لمستوي معرفتنا بالثقافة الموسيقية نحن نطرب وبس وما في مشكلة نتعلم من زمن خليل فرح وكرومة وعبد الرحمن الريح الي زمان عثمان حسين والكابلي والموصلي وعبد اللطيف خضر وبشير عباس بننطرب ونتفاعل وبشوية احساس بنفرق بين الجمل الموسيقية والطلعات والنزلات والانسيابية و النقلات الانتقالية وهلم كذلك دحين دي حصة علمونا معاكم مع وافر تقديري

Quote: اسمع كلام ابوالحسين يا استاذنا واعمل رايحلو كل كلب عوى القمته حجرا لبيع الصخر مثقال بدينار

Quote: الأستاذ الموصلييا ريت تستمع لنصائح الأخوة الكرام وتعرض عن هذا ، فالمدعو حاتم إبراهيم يهرف بما لا يعرف دايماً يتداخل بالتريقة والمساخة واللئامة عشان يخوف الناس ويرهبهم وكتير من الناس ما بتمعنو في مداخلاتهم فهي تنم عن جهل هذا الرجل وسطحيته ، ودائماً تجده يمسك البوست ويرد على الجميع بتريقة ومساخة ويطلع كلام الناس كله فارغ وهو الوحيد الذي يعرف الحق المطلق، لذا انا أطلق عليه اسم (أدهم صبري) بطل الروايات البوليسية المعروف، وصدقني بكدا نال مناله اتفتح بوست باسمه ومن أستاذ بقامتكم العالية .اقول كلامي والله العظيم مالي في الموسيقى وفي الفن علم ولا حتى من المستمعين ، لكن يشهد الله انت رجل محترم ولم أرى منك أي أسلوب مشين تحاورت معك أيام مشكلة مريم إبراهيم لم تنصرت ولم أجد إلا لغة حوار مهذبة ومحترمة ، فعليه احتراماً لتاريخك الطويل نرجو حذف هذا البوست والتغاضي عن المدعو حاتم إبراهيم ونصيحتي لك بتجاهله وطبق عليه المثل (الداير تهري اسكت خلي).

Quote: بلدكم ( مراوارتي) واحدة من اجمل الجزر في النيل

Quote: وا بي يووو يا عمك علي ... ذكرتني اجمل الناس و اعز الاحباب أبناء عمنا احمد مختار جبره رحمه الله ... لم أرى انقى و لا اجمل و لا اكرم من هؤلاء الافاضل ... اسرة بكاملها توضع على أي جرح تشفيه ... هم أبناء عمومة الموسيقار لزم ... حقيقة افتقدهم بشدة ...

Quote: قريب الزول الجميل الموصلي ... كل عام وانت بخير ( كرويه آنج نل ) يكفي بس بلادنا نعلي شانها ( الاغنية دي تتم ادائها في جدة يمكن في كل مناسبة وطنية ) بعد العيد ان شاء الله اجازتي في البلد .. بين بلد جدكم بلال ( مراوارتي) وجزيرتنا ارتقاشا خمس دقائق باللنش موصلي امبس .. فنك ده ما عشوائي موروث من بيئة غنية بالجبال بلدكم ( مراوارتي) واحدة من اجمل الجزر في النيل لأنها صغيرة ومحدودة المساحة .. دي جينات اهلنا في الشمال كما لدى اهلنا الشايقية وناس صواردة وصاي بلد وردي والخليل لازم تسجل زيارة لمراوارتي وساقية ناس بلال كما غنى خليل لقريته ( عزة ما نسيت جنة بلال ) ساقية بلال بيرم في صاي .. لا تنشغل بالقضايا الجانية ركز على الفن لم يبقي من الفنانين إلا عدد محدود ( امد الله في الايام ) , بالنوبية نقول ( موقو ) moogo يعني سيبك مودتي يا رائع .

Quote: من هو حاتم وما هو رصيده من الأعمال الموسيقية ؟

Quote: ياحبيب مقامك محفوظ بالطبع مهما اختلفنا حول إبداعك ورصيدك المعرفي في مجال الموسيقى تجدني اتفق مع رأي الاخ ود البشرى فيما يتعلق بفائدة مثل هذه النقاشات اعتقد حاتم ايضا يتكيء على معرفة جيدة بالموسيقى جد الواحد استفاد من مناقشته لك ارجو ان يتسع صدركم للنقد القائم الموضوعي لفائدة امثالنا من اعضاء المنبر وقرائه تحية ليكم الاتنين وشكرا ود البشرى على المداخلة الجيدة دي

(عدل بواسطة Elmosley on 07-03-2016, 11:26 PM)

Quote: اختلف مع الزملاء في عدم ضرورة البوست يا استاذ فأي نقاش قائم على العلم و المعرفة في النهاية نستفيد منه نحن القراء وإن كان يزعجنا خروج النقاش عن اطار الحوار المعرفي القائم على الحجج وتفنيدها لذا اتمنى ان نرى بوستا عبارة عن مناظرة قوية عليمة تضيف لنا الكثير

Quote: معرفتي في الموسيقى والاستيكة حقت بكري

Quote: وعليك بالاتي ١- كتابة نوتتها الم،سيقية بخطيها الاعلى والمصاحب فقط لن اطالبك بكل الاسكور الموسيقي ٢- اثبات كلامك الزاعم بانه لم يحدث تغيير بعد الانتقال المقامي ٣- تحديد الانتقال المقامي علميا من آين والى آين في هذه الاغنية

Quote: لكن انت كدة عصرت عليهو شديد حاتم ابراهيم محفز للنقاش ومقامكم انتوا الاتنين على العين والراس طبعا انت مقامك (فا) الكبير انا ممكن احل ليك (1) و (3)

Quote: [الاستاذ الكبير الموصلي ، الخيار الاول هو ماينفع الناس ، وتذهب الاستيكة جفاءا .... المطلوب من الجميع تهدئة الخواطر .....وعدم اثارة الخلاف مهما كانت دواعيه نحترمك يا استاذ ونطالب حاتم بان يغير في اسلوبه قليلا بما يتناسب مع المواقف المجال العلمي لاتنفع فيه السخرية ، اتمني ان يواصل الموصلي حسمه لحاتم هههههههه لنستفيد نحن ، من زمن لانعرف كيف توضع هذه الالحان ومن اين وكيف ومتي تطل علي دنيانا هذه الاعمال التي تصبرنا علي هذا البلد القاسي ......

Quote: ههههوالله ياشوبيرمان (نعم شوبيرمان)جبتها كبيرة مرة واحدة خلصت علم الفضاء والزراعة والفلك وهلمجراء وقبلت ع الموسيقى ومع استاذها الرفيع الموصلي شخصيا لا جبتها كبيرة عديل كده يا استاذنا حاتم مريض افتى في عامه الموجود في المنبر في كل شأن لم يترك علم الا وغالط اربابه بكل سماجة انت اكبر من كده يا استاذنا فتالله لو كل متضرر من شوبيرمان فتح بوست لما تبقى شي

Quote: أستااذ يوسف لك التحية والتقدير أعادني هذا االبوست إلى المنبر بعد غياب شهور ، وقد تعمدت الغياب بسبب هذا المسمى حاتم مين كدا ما عارف وما اعتدت أن أجاادل في فارغة ومقدودة ، ولا اعتدت أن استخدم الاستيكة أو أتجاهل من يتداخل معي كل الزملاء نبادلهم الاحترام والتقدير ولا نسيء لأحد أبدا ، فآثرت كما آثر غيري التوقف عن الكتابة أو االتداخل في المنبر ومنذ بداياتي الأولى في المنبر لم يتخاشن معي أحد غير هذا الحاتم . وللأسف ، ولا أعلم لم ، فقد حاول أحد زملائي القدامى وهو من الأصدقاء الأعزاء أن يساعده وقد ظللت اتابع المنبر كقاريء فللمنبر أفضال كثيرة علينا ، وفيه تعرفنا على أصدقاء أعزاء ، واقمنا معهم علاقات بلغ عمرها السنين وامتدت لتشمل الأسر الصغيرة والممتدة اليوم أنا هنا فقط لشمت في هذا الغريب الذي لا هم له إلا المداخلات الغريبة والمشاترة لك تحياتي .. وآمل أن أرى عودة الجـــرذان إلى أجحارها

Quote: سلام ود البشرى والله اسمح لي اقوليك دي جليتها والقون فاضي، حاتم ما عندو أي شيء يقدمه والدليل البوست حق الأخ عز الدين الفحل وانت كنت بتناقش فيه، مصر انو الولد كان بدافع عن الشقيري عشان كفالة وإسقاطات نفسية مع العلم انهم طلبة وشفع صغار لسه ما وعو بالحاجات دي وغير كدا الزمن داك النفوس كانت وهيلمانة كفيل ومكفول ما كانت بالحجم زي اليوم دا حتى الكبار ما كانو بهتمو ليها كتير، البلد كانت بخير وأي سيك ميك الناس كانت بترجع البلد ، يجيك ادهم صبري يقوليك لا عشان كفيل ومكفول وعروبة وسواد وعنصرية وبطيخ وكلام فارغ والله لو عندي زمن كان جبت ليك مداخلات ادهم صبري دا في آخر 20 بوست شارك فيهن عشان تعرف الزول دا بحاول يرهب الناس بالاستفزاز واللئامة والمساخة والكلام الفارغ عشان الناس تهرب منه وما ترد ليه، عمري ما حبيب اترصد زول واجري وراهو لكن المدعو ادهم صبري طالما قاعد في المنبر بنشوف آخرتا معاهو، زول كيسو فاضي معجب بتكشيب وزخرفة المداخلات وحشر الروابط عشان يشتت الناس وما تركز في كلامو الفارغ البارم دا .

Quote: حبيبنا يوسف الجميل زى يوسف النقص ليك القصة دى عن شيخنا المعرى قال ليك مره سمع انه الوالى فى الكوفة أو البصرة ما متذكر كويس سمع انه بحب الأدب و الأدباء و بياخد و يدى معاهم شيخنا شد الرحال و سافر مع أول قافلة طبعا هو كان فى معرة النعمان فى الشام وصل البلد و سأل عن قصر الوالى و مشى عشان يدخل المسكين كان مبهدل و تعبان من السفر وجا كابس أبواب القصر طوالى الحرس طبعا يعجبوك فى الحالات دى مسكوه و هاك يا بشتنه و تدفر واحد من ناس ال سكيورتى قال ليه إلى أين يا كلب ؟ بس دى الزعلت ليك المعرى قام اتلفت و قال ليه الكلب منا من لا يعرف للكلب سبعين اسما انتهى سبعين اسم للكلب ؟ مبالغة لكين شفت العرفة دى قدر شنو انتهى برضو ارجو التنويه ل عدم القصد بالإساءة تماما لأى شخص والقصد أعتقد واضح و مفهوم لكن برضو خوفا من اللبس و سوء الفهم نقول أنه المقصود هو اختلاف و تباين حجم المعرفة و الإحاطة بين الناس و عيدك سعيد يا فنان

Quote: يوسف الطيب احمد إدريس يعلم الله أنا قايل أدهم صبري دا كاتب قصصي، طلع بتاع شواطين تلطاشر؟ مرحب بيك في البوست المتخصص دا (تراني استلمتو) بس مافي داعي تجأر بالشكوى هنا، أرجع لبوست الفحل وعدل من أسئلتك غير ذات المعنى وحاول تتمعن في السودانيين البيتمرغوا ويقلبوا الهوبة قدام الكفيل كأنهم حيوانات أليفة، حاتم قدم كتير، بس مشكلته صريح ولديح ولا ما صحيح؟

Quote: ABUHUSSEIN وهو كذلك، باستثناء الموسيقى.

(عدل بواسطة Elmosley on 07-04-2016, 00:28 AM)

Quote: ارجع للينك الانا ختيتو عندو بوست تخصص تخريب عديل

Quote: مريت على البوست ، حركات حاتم إبراهيم ما تنطح فيها عنزان، واضح تخريبو وتشتيتو للبوستات عشان كدا لي طلب طالما واصلت في البوست والمحتفى به وصل يا ريت ما تستعمل معاهو الاستيكة خليهو يتعرى تماماً في البوست دا، والناس تعرفو على حقيقتو عسى ولعل يقعد في علبو ويحترم نفسو ويتناقش بطريقة مهذبة وعلمية مع الناس. يلا حاتم انا منتظر بهناك في بوست الفحل علقتو ليك فوق .

Quote: لاحظ أنك تتدنى في الحوار، اعتقد من الأنسب أن تأتي في وقت لاحق بعد أن تهدأ. أنا حأقيف هنا حرصاً على اللغة المستخدمة.

Quote: وعليك بالاتي ١- كتابة نوتتها الم،سيقية بخطيها الاعلى والمصاحب فقط لن اطالبك بكل الاسكور الموسيقي ٢- اثبات كلامك الزاعم بانه لم يحدث تغيير بعد الانتقال المقامي ٣- تحديد الانتقال المقامي علميا من آين والى آين في هذه الاغنية انا بديك ستة شهور لتنفذ هذا الامر ويمكنك الاستعانة بموسيقيين بعرفو يكتبو النوتة سودانيين آو اجانب حتى لآنني آعلم يقينا آنك لن تعرف "مع انك فتحت بوست لتدريس الموسيقى للشو" ولما الكلام دخل الحوش براحة حتلت وكبيت الزوغان Hatim Put up or Shut up ،ماتجيني بي هنا ما لم تعمل "الكلام القلناهو ليك"

Quote: وتراكا أمنت على كلامي، مشكور.

Quote: الاخ حاتم ابراهيم محاور ذكى وحاسم ويلزم خصمه الحجه ونحن نجد متعه فى كل مداخلاته الشعب السودانى شعب طيب بى طبعه ويحب ان يسمع عبارات المدح دائما حتى وان كان المقام نقاش فكرى ولهذا السبب يفسر البعض الكلام الدغرى او الحقائق بانها استفزاز

(عدل بواسطة Elmosley on 07-04-2016, 05:23 AM)

Quote: تحياتى واحترامى استاذنا الموصلى مقامك محفوظ وانت على العين والرأس اتمنى ان يسع صدرك للحوار وانت اهل لى ذلك الاخ حاتم ابراهيم محاور ذكى وحاسم ويلزم خصمه الحجه ونحن نجد متعه فى كل مداخلاته الشعب السودانى شعب طيب بى طبعه ويحب ان يسمع عبارات المدح دائما حتى وان كان المقام نقاش فكرى ولهذا السبب يفسر البعض الكلام الدغرى او الحقائق بانها استفزاز انا اتناقش فى مواقع التواصل الاجتماعى مع جنسيات مختلفه ولكن دايما ما ( تتاورنى ) سودانيتى وارجع اقول الموضوع فكرى وليس شخصى تحياتى لك وللاخ حاتم ابراهيم

Quote: حاتم في نظري من اميز خمس محاورين في البورد في هذه الفترة على الاقل وذلك بلا شك الاساءات المجانية الاتوجهت ليهو في البوست ده (غالبها) من جهلاء وهي مخجلة جدا ومجانية واظنها فقط من أجل عيون الاستاذ الموصلي لاغير!!

Quote: ١- انه اتهمني بانني اخم الناس باستخدامي تعبير الخروج من رتابة ال Mood الى رحابة ال Mode بتغيير ال Mode

Quote: And Yes Mr Abu Baker I"m the first one to have done it scientifically in the history of Sudanese music اظنو كده كلامي واضح والعندو آمثله lمخالفة يجيبها منوته

Quote: حافظ الإمام محي الدين · كالغاري من هو حاتم إبراهيم؟ أهي شخصيه حقيقيه؟ ماهي إسهاماته؟ لا أريد إستباق الأحداث ولكن الإجابه على هذه الأسئله ربما أتاح لنا فرصه جيده للتعرف علي عمق المشكله التي يعاني منها من يكتب بإسم حاتم إبراهيم. صحيح أن النقاش مفروض يكون حول الأفكار ولكن إذا أساء لك شبح إساءه شخصيه وأستفزاك وحاول أن يظهرك بمظهر الجاهل فأبسط حاجه تعملها إنك تحاول تتعرف عليه. أعتقد أول من ينصدم بالتعرف علي حاتم حيكون أستاذ الموصلي . أعجبني · رد · 1 · 9 ساعة حافظ الإمام محي الدين · كالغاري من الغلط أن يعتقد الناس أن الإستفزاز والتجهيل والإساءه للغير هي نوع من الذكاء أو تحفيز للحوار. أحفظ للناس مقاماتها وسوف تخرج بأجمل ما يمتلكون. الناس هنا لا يدافعون عن الموصلي ولكنهم يهاجمون طريقة من يكتب بإسم حاتم. حاتم لا يخلو من شوية غيره والدليل مهاجمته لأي عمل موسيقي، الرجاء قراءة مداخلته في بوست أبراهيم عبد الحليم. أعجبني · رد · 1 · 3 ساعة Haytham Ali · Uinversity of khartoum ياخي دي شنو الزول الاهبل دا اي كائن نكرة يخش قوقل يجيب كلمتين عايز يعمل فيها عالم قول الموصلي مابعرف مزيكا بس لحن ووزع لمصطفى لحن ووزع لوردي انت يا حاتم عمارك شنو لو عندك غنية لنجاة غرزه ولا حمادة بت جيبها وتعال اتكلم ماعندك ساعدنا بالسكات والموية الباردة واحترم انك شخص نكرة مجهول ماعندك اي رصيد ابداعي أعجبني · رد · ساعة واحدة Haytham Ali · Uinversity of khartoum معليش نرجع تاني الموضوع مستفز زول زيك يغالط الموصلي في المزيكا وزول زي مزمل يغالط قاقرين في الكورة واهبل تاني يغالط د كمال ابوسن في الطب انتوا قايلين البلد دي ضاعت من شويه ماهو من الشليقين الزيكم ديل ومدعي المعرفه تبا لكم جميعا أعجبني · رد · ساعة واحدة

Quote: سلام ود البشرى والله اسمح لي اقوليك دي جليتها والقون فاضي، حاتم ما عندو أي شيء يقدمه والدليل البوست حق الأخ عز الدين الفحل وانت كنت بتناقش فيه، مصر انو الولد كان بدافع عن الشقيري عشان كفالة وإسقاطات نفسية مع العلم انهم طلبة وشفع صغار لسه ما وعو بالحاجات دي وغير كدا الزمن داك النفوس كانت وهيلمانة كفيل ومكفول ما كانت بالحجم زي اليوم دا حتى الكبار ما كانو بهتمو ليها كتير، البلد كانت بخير وأي سيك ميك الناس كانت بترجع البلد ، يجيك ادهم صبري يقوليك لا عشان كفيل ومكفول وعروبة وسواد وعنصرية وبطيخ وكلام فارغ والله لو عندي زمن كان جبت ليك مداخلات ادهم صبري دا في آخر 20 بوست شارك فيهن عشان تعرف الزول دا بحاول يرهب الناس بالاستفزاز واللئامة والمساخة والكلام الفارغ عشان الناس تهرب منه وما ترد ليه، عمري ما حبيب اترصد زول واجري وراهو لكن المدعو ادهم صبري طالما قاعد في المنبر بنشوف آخرتا معاهو، زول كيسو فاضي معجب بتكشيب وزخرفة المداخلات وحشر الروابط عشان يشتت الناس وما تركز في كلامو الفارغ البارم دا .