الموصلي صديق وأستاذ لي أيضا.من أعذب النقاشات الجانبية ،كانت نقاشاتي مع الموصلي حول الموسيقى، وأغلبها تمت في سيارته.من "أدسم" الكبسولات الموسيقية التي قالها لي، كانت حين سألته:لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟فأجاب في هدوء: "أصواتهم جبلية، وأصواتنا صحراوية".في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.وحكى قصة حدثت له أثناء دراسته للماجستير في الموسيقى في أمريكا عن ذلك، وحلو الكلام من خشم سيدو، فالموصلي مونِّس بارع، يوصّل ليك المعلومة على "قدر شوقك" للعلم والمعرفة.هل المثال أدناه ، يمكن أن يكون مثالا جيدا للدليب الأغريقي؟؟؟الميكرفون الآن، لصديقنا وأستاذنا الموصلي.
11-30-2015, 06:48 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان.
رسالة الى زميل البورد حاتمدعني أقر بانك انسان تتميز بالاجتهاد والمعرفةلكن الموضوع الفوق القلتو ده ما صاح وما بتلقاهوأنا فتشت واسامه فتش ومنير فتش والصادق فتش عشان نساعدك لكن فشلناووالله لو شيييخنا قوقل ده بتكلم لادانا نهرةمن كتر قليبوف عليك الله انسى الموضوع بتاع الفولاني وما اليه وواصل الحوارتقبل تحياتي
11-30-2015, 08:49 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: هل المثال أدناه ، يمكن أن يكون مثالا جيدا للدليب الأغريقي؟؟؟
إن سمحت لي، لا علاقة مطلقاً بين إيقاع الدليب وأوروبا
يانِّي خريسوماليس متخصص في الموسيقى الكلاسيكية أصلاً تأليفاً وأداء.اتجه في الثمانينات لجنرة مختلفة تماماً (Contemporary Instrumental) بمعنى تحديث الآلات التقليدية.ياني يجمع في فرقة واحدة العديد من الآلات التقليدية لمناطق مختلفة مع التركيز على آلة بعينها قد تكون الشارانغو (جيتار صغير) أو الدودوك (ناي أوراسي) أو الدادجريدو (آلة تشبه وازا في استاليا) فيما يشبه فرقة أممية. بخلاف الآلات ياني يجمع في ألحانه كل الإيقاعات العالمية من أمريكا اللاتينية مروراً بالشرق الأوسط حتى الأوشانيا.بالعودة للإيقاع، الموسيقى اليونانية إيقاعاتها مختلفة تماماً ولا تشبه من قريب أو بعيد موسيقى أفريقيا جنوب الصحراء، إيقاع الدليب المعروف في شمال السودان جاء في الأغنية التي عرضتها ثلاث مرات ضمن هذا التعريف للونية التي تميزت بها موسيقى ياني وليس لأن الموسيقى اليونانية فيها إيقاع "الدليب"، لا أعرف ما المقصد من هذا التلميح، استطيع أن أسرد لك جملة أعمال من الثمانينات لياني فيها إيقاعات آسيوية ولاتينية فهل هذا يسترعي الانتباه لدرجة القول بأن اليونان تجمع كل هذا؟إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان.يمكنك الاستماع للنموذجين أدناه1- Flutes Foulbé Et Tambours Ghaita Drums)4- Tambours Des Bouchers (Drum Duet)من هذا الموقع، هما بالضبط إيقاع الدليبhttp://www.rhapsody.com/artist/various-artists/album/fulani-music-and-rhythms-cameroon---camerounأو الاستماع من هذا الموقع للمقطوعات أدناه
أرجو أن أكون أوضحت بدون حرج، أعرف أن السؤال موجه للموصلي، لكني أرى أن صداقته لا تستلزم إعادة تعريف إيقاع أفريقي محض ليصير أوروبياً.____لو حبيت تتعمق أكاديمياً مافي مشكلة.
11-30-2015, 10:12 AM
Elmosley Elmosley
تاريخ التسجيل: 03-14-2002
مجموع المشاركات: 34683
حبيبنا اسامه الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليهوحآحكي ليك شكللتي مع استاذي اليوناني بجامعة ايوا الذي جاء في مهمة لمدة سنهشكله انتهت نهايه سعيده ضحكنا فيها الاتنينهذا الايقاع معروف في اليونان منذ آمد بعيد جدا يفوق الالف عام وبجيك راجع
11-30-2015, 10:19 AM
Elmosley Elmosley
تاريخ التسجيل: 03-14-2002
مجموع المشاركات: 34683
ولا أريد أن أقطع استرسالك في الحديث بشواهد عن "الدليب" اغريقيا ان صح تعبيري.
فقط قلت أرحب بالاستاذ حاتم ابراهيم.و اتمنى ان نقرأ حوارا ممتعا.
طبعا من الواضح ان بوستي استفهامي ، فالعبدلله لا يملك ولو مقدار خردلة في علم الموسيقى.
وياريت كنت أملك ولو قليلا من معرفة ادوارد سعيد بالموسيقى، والتي وظف واحدا من مصطلحاتها في دراساته.
أدناه الناقد مقداد مسعود في دراسته المنشورة في "الحوار المتمدن" ، الموسومة ب"ادوارد سعيد من خلال قصيدة طباق للشاعر محمود درويش"، يوضح بعضا من ذلك ، وكيف وظف درويش ذلك المصطلح في رثائه لادوارد سعيد:
Quote: الشاعر الكبير درويش وهو يدخل دائرة إدوارد سعيد، لم يطوف خارج الدائرة، ولم يسير على قطرها أونصف قطرها..
درويش مظلي شجاع هبط في نقطة مركز الدائرة،ونقطة المركز هو مصطلح(كونترا بونتال)الذي ينتسب لفضاء الموسيقى،ويعني(ألإستعمال المتزامن للحنين أو أكثرلإنتاج المعنى،بما يسمح بالقول عن أحد ألألحان أنه النقطة المضادة للحن آلآخر/ صلاح فضل)..
والطباق قريب من ذلك، لأنه يعني التضاد الدلالي بين الكلمات أو المعاني:أبيض/ أسود..قصير/ طويل...الخومصطلح(كونتر بونتال) هوبحق ألأهمية المفتاحية لكل ما أنتهجه المفكر الكبير إدوارد سعيد..أعني مفهوم القراءة الطباقية تعني تفعيل إتصاليات التضاد وتوظيفاتها في كتابته *ألإستشراق *الثقافة وألأمبريالية *صور المثقف *العالم والنص والناقد *تغطية ألأسلام.. *تأملات في المنفى
بالمنطق بتاعك دا، من الفيديو الأول ممكن أجيب فيديو مطابق لموسيقى لاتينية ونطلع الدليب مكسيكي.ومن الفيديو التاني ممكن برضو أجيب ليك مقطوعة للكلزيمر وهي موسيقى اليهود الشرقيين نفس الإيقاع ونفس الرقصات ونطلع الدليب إسرائيلي والشايقية يهود أو رومان.ونفس الفيديو التالت نمشي مناطق السافنا الغنية وناخد جملة من المقاطع ونطلع الدليب من زيمبابوى.مافي أي صعوبة.الحضارة اليونانية قديمة بدون شك والموسيقى أضحت عالمية والكل عايز يجدد بالغريب، تصادف تشابه الإيقاع لا يعني "الاندغام" بالكامل في ثقافة مختلفة كماً ونوعاً.لكن كمان شيء من العقلانية، فالثقافة لا تتجزأ بهذه الطريقة المفضوحة يا موصلي الله يرضى عليك، وين الآلات الإغريقية في شمال السودان؟وين الاستايل الموسيقى المتنوع لموسيقى الأغاريق في أغاني الطمبور؟وين اللحن أساساً؟لا يمكن بكل بساطة (مع ذكر مصطلحين تلاتة واسم خواجة) تفترض أن الدليب إغريقي والسلام.كلمنا علمي.أنا تداخلي هنا للاستغراب ليه الناس بتخجل من ثقافتها الأفريقية؟يعني الآلة موجودة والناس بنفس السلوك والمظهر والمخبر حتى هذا اليومنقوم نجري على الأغاريق؟
11-30-2015, 11:02 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
اهلا مرة أخرى بالاستاذ حاتم ابراهيملا اريد التدخل في النقاش الدائر بينك وبين استاذنا الموصلي.بس رايك شنو في كلام الموصلي الآتي:
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليه
الفهمتو منو انو هنالك ضرب ايقاعي موجود في حضارات كتيرة تشترك فيه، مع وجود "فروقات في التفاصيل الداخلية".مع خالص التقدير والامتنان.
11-30-2015, 11:13 AM
Elmosley Elmosley
تاريخ التسجيل: 03-14-2002
مجموع المشاركات: 34683
ياحاتم كده روق المنقه خليني اتم كلامي الكلام العلمي جاييك هذا الضرب الايقاعي اقدم من قبايلنا في الشمال بازمان بعيده وموجود قديما ليس في اليونان فحسب بل في شرق اوروبا وتركيا والهند بجيك الكلام العلمي شيل الصبر ----------------- كدي اسمع النموذج الاخير وشوف وضوح الالات الشعبيه وتعقيدات هذا الضرب الايقاعي -------------------------- عزيزي اسامه كلامي في الموضوع ده ما لعب وما يخرش "الميه"وزي مابقولو المصريين "الميه تكضب الغطلس!!!!!"
(عدل بواسطة Elmosley on 11-30-2015, 11:15 AM) (عدل بواسطة Elmosley on 11-30-2015, 11:17 AM)
11-30-2015, 11:22 AM
Elmosley Elmosley
تاريخ التسجيل: 03-14-2002
مجموع المشاركات: 34683
الاساذ الاغريقي الزائر كان يدرسنا علم الOrchestration آو التوزيع الاوركسترالي لتسهيل الفهم وكان بدينا واجبات كثيره تنفذها انواع من الاوركسترامنها اوركسترا الحجره والاثلاثي والرباعي الوتري واحيانا الاوركسترا السيمفونيوكانت القطع صغيره بيث يمكن تنفيذ اعمال الطلاب في ساعتين دراسيتين هذا فيديو اكورديون مع ايقاعات يوضح فيه مناطق الضروب الايقاعيه في اوربا خصوصا الشعبية المقدونية - الأكورديون، الإطار طبل، الدف ومنها طبعا ٧/٨
ونواصل
(عدل بواسطة Elmosley on 11-30-2015, 11:29 AM) (عدل بواسطة Elmosley on 11-30-2015, 11:32 AM)
11-30-2015, 11:43 AM
Elmosley Elmosley
تاريخ التسجيل: 03-14-2002
مجموع المشاركات: 34683
طلب منا البروفيسور آن يولف كل واحد منا قطعه يعزفها الرباعي الوتري كمان فيولا تشيلو كنترباصوقد قمت بتاليف قطعه علي الاضرب الايقاعي ٧/٨وبعد تنفيذعا صفق الاستاذ اعجاب وقال لي من اين لكم بهذا الضرب الايقاعيفقلت له انه ضرب مشهور لاحدى قبائل الشمال السوداني "الشايقيه"فضحك وقال لي ان هذا الضرب يوناني وشرق اوروبي ونواصل مثال لالتي اكورديون الشاب الصغيير بعزف الضرب الايقاعي والراجل بعزف اللحن الاساسي
Quote: الفهمتو منو انو هنالك ضرب ايقاعي موجود في حضارات كتيرة تشترك فيه، مع وجود "فروقات في التفاصيل الداخلية".هذا الضرب الايقاعي اقدم من قبايلنا في الشمالوموجود قديما ليس في اليونان فحسب بل في شرق اوروبا وتركيا والهند
دا واقع الموسيقى في العالم كله
1- أنا فهمت من سؤالك محاولة الربط الثقافي وربما الاجتماعي بين مكونين في شمال السودان وجنوب أوروبا، اليونان تحديداً.2- فهمت من مداخلات الموصلي تأكيده على هذه العلاقة.*** الملخص: إيقاع الدليب يوناني إغريقي ***فإذا كان هذا هو المقصود، فمرحب بالنقاش في هذه الجزئية وبطريقة علمية حتى لا يتحول البوست لمهرجان موسيقى.أما إذا كانت هذه مجرد ملاحظات فوارد جداً أن تتشابه الموسيقى على امتداد القارات، صادفت بوست منذ فترة يؤكد على تشابه الموسيقى السودانية مع الصينية، بجامع (السلم الخماسي) بكل فخر كما بدأ من صاحب البوست.____أسلوب المقارنة بالفيديوهات يقودنا إلى أن موسيقى الوازا في النيل الأزرق أصلها استرالي.أو ربما العكس.
11-30-2015, 11:53 AM
الأمين عبد الرحمن عيسى الأمين عبد الرحمن عيسى
تاريخ التسجيل: 10-25-2011
مجموع المشاركات: 1680
تحياتي الأخ أسامة وضيوفك الكرام..عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية .. هناك عمل ثالث لياني على إيقاع الدليب سأحاول البحث عنه.. و في نهاية هذا المقطوعة .. اللحن الذي جاء في برنامج نجوم الغد، مع تحياتي للجميع..
11-30-2015, 11:59 AM
Elmosley Elmosley
تاريخ التسجيل: 03-14-2002
مجموع المشاركات: 34683
العزيز حاتم انا فهمت من سوال الاصديق اسامهانو مستغرب من وين ياني جاب ضرب الايقاع ال ٧/٨ الذي نطلق عليه "الدليب" هناوعليه حاولت افهامه بان هذا الايقاع اصوله ليست في السودانفهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيدوحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارااتفق معك في آن العالم ضيق وان الناس لم يكتشفوا خبايا التراث الفلكلوري ولكن نحن هنا نتحدث عن الضرب الايقاعي ٧/٨انت ياحاتم قلت آن هذا الايقاعي افريقي وضربت بمثل بدوله من غرب افريقيا وجبت صور لايقاعات وعازفين ولكنك لم تآت لنا بعمل مسموع آو مرآياليكم هذا النموذجThe Mystery of Bulgarian Voicesوهو واضح لمن يفهم آنه اداء فلكلوري بحت ولكنه يتميز بهارمونيه تلقائيه طبيعيه
11-30-2015, 12:04 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمه وطبعا على رآسها اليونان+++هذا فيديو اكورديون مع ايقاعات يوضح فيه مناطق الضروب الايقاعيه في اوربا خصوصا الشعبية المقدونية - الأكورديون، الإطار طبل، الدف ومنها طبعا ٧/٨+++ قمت بتاليف قطعه علي الاضرب الايقاعي ٧/٨وبعد تنفيذعا صفق الاستاذ اعجاب وقال لي من اين لكم بهذا الضرب+++عمل آخر لياني على إيقاع الدليب..والذي عرفه ياني بأنه على الإيقاع 7-8،
سبعة تمنية دا شكلوا حيستلم مكان "سلمنا خماسي"
يا أخوانا الموصلي والأمين عبد الرحمن، الله يرضى عليكم كلمونا علمي، ملخص كلام الأستاذ أسامة بالدوغري إنو:***إيقاع الدليب يوناني إغريقي ****أنا ما عندي مشكلة إنو سبعة من تمانية أو غيرو لكن أتمنى تتكلموا بطريقة علمية أكتر، كلامكك دا ما بيختلف عن مقولة "سلمنا خماسي، زي الموسيقى الصينية"، أيوة خماسي لكن لا يقود لأي نتيجة صينية، بنفس المبدأ، تشابه الإيقاعين لا يعني بالضرورة أن موسيقى الدليب يونانية إغريقية.فلو كان هذا الملخص هو غرضكم خلونا نمشي عليهو عديل ونناقش بحجج أكاديمية بدل إيراد الفيديوهات.
Quote: وعليه حاولت افهامه بان هذا الايقاع اصوله ليست في السودانفهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيدوحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا+++انت ياحاتم قلت آن هذا الايقاعي افريقي وضربت بمثل بدوله من غرب افريقيا وجبت صور لايقاعات وعازفين ولكنك لم تآت لنا بعمل مسموع آو مرآي
طبعاً أصوله من خارج السودان، لكن مش من اليونان تحديداً يا موصلي
ودا كلام جديد ولخبطة يا موصلي بتعرفها براك، الراجل بقول اليونان ودلوقتي انت بتشيل الإيقاع بترسلوا الصحراء وبتجيب معاهو أصول عربية وتدخلوا السودان، الغرض شنو؟ياريت تضع نقاط واضحة عشان أعرف بالضبط انت عايز تناقش شنو وتصل لشنو، سبعة تمانية ما مشكلتنا.أنا متفق معاك إنو الإيقاع دخيل، لكن مصر إنو الدليب في شمال السودان هو ذاته الوافد من غرب أفريقيا، أقرب أثينا ومكة ولا داكار؟That is the point.بالنسبة للعمل المسموع:أنا في أول مداخلة جايب خمسة نماذج، أيوة نعم ما فيها فيديو لأنو التركيز على الإيقاع، يعني الصوت، مش كدة ولا أنا غلطان؟____مرحب بيك.
11-30-2015, 01:53 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية
مشكلتنا كبيرة هنا يا أخ الأمين
إذا بتعرف عمل موسيقي لياني على أنه "على إيقاع الدليب".أنا سعيد بأنو لدينا مصطلحات موسيقية محلية لكن في ذات الوقت استغرب أن يكون المرجع العالمي هو ما تقول به."تماما" دي وراها شنو بالضبط؟الاشتراك في التمايل والطرب؟_____ترى أنني أحاول أن أجمع فكرة واضحة لما تبدو أنها نظرية خجولة هنا.
11-30-2015, 03:13 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سبعة تمنية دا شكلوا حيستلم مكان "سلمنا خماسي"يا أخوانا الموصلي والأمين عبد الرحمن، الله يرضى عليكم كلمونا علمي، ملخص كلام الأستاذ أسامة بالدوغري إنو:***إيقاع الدليب يوناني إغريقي ****أنا ما عندي مشكلة إنو سبعة من تمانية أو غيرو لكن أتمنى تتكلموا بطريقة علمية أكتر، كلامكك دا ما بيختلف عن مقولة "سلمنا خماسي، زي الموسيقى الصينية"، أيوة خماسي لكن لا يقود لأي نتيجة صينية، بنفس المبدأ، تشابه الإيقاعين لا يعني بالضرورة أن موسيقى الدليب يونانية إغريقية.فلو كان هذا الملخص هو غرضكم خلونا نمشي عليهو عديل ونناقش بحجج أكاديمية بدل إيراد الفيديوهات.
ياحاتم اخوي انت بتنضم ساكت شنو يعني بتقصد بي اكاديميهما قادر اعرف انت بترمي لي شنو!!!!الفيديوهات دي انت لو شفتها كويس ما اظنك تتحاجج تاني ساكت آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨ لذا فان حجتك من الاول واقعة ارضا ولا سند لها من الاساسحبيت تخمنا ساكت ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه مع التحيه
نجيك شويه علك تفهم شنو الفرق بين الضرب الايقاعي والمقام والسلمالضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيه تنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيهففي السودان قد تقوم به الة الطبله والشتم او يضاف لهما البنقز واحيانا الدلوكه "الاله"اما في الغرب فان كل مكونات ال درم ست داخله في الموضوع اهما البيز درم والاسنير والهيهات والتومبااما المقام فهو اصل السلمفالسلم هو الدرجات الخاصة بالمقام صعودا وهبوطااما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيه لذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونيةبما يطلق عليه الضرب الايقاعياها جاك الكلام الاكاديمي ان شاء الله يكون وقع ليك
11-30-2015, 05:00 PM
عمر عثمان عمر عثمان
تاريخ التسجيل: 08-04-2008
مجموع المشاركات: 1583
Quote: الفيديوهات دي انت لو شفتها كويس ما اظنك تتحاجج تاني ساكت آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨ لذا فان حجتك من الاول واقعة ارضا ولا سند لها من الاساسحبيت تخمنا ساكت ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه
أهو دا بقى الأنا اتوقعتو
يا موصلي كلامي واضح، انت حتقعد تكلمني عن نفسك وأنا عايز رؤية واضحة تقول فيها:*** إيقاع الدليب أصلو يوناني إغريقي. ***حجتي لسة ما بديتها لأنو أصلاً البوست قائم على تخمينجيت انت لمحت لافتراض بدون أساس واضحالوضع الطبيعي الصحيح أكاديمياً1- ضع صياغة واضحة لنظريتك أو اي اسم تراه مناسب.2- أخد كل النماذج المشابهة وأعقد مقارنات بحيدة أكاديمية بدل النظر شمالاً وشرقاً فقط، عيب ياخي.3- بعدها تأسس لكلام أخونا اسامة بطريقة علمية واضحة مش بالمقارنة بالمثال وإنو انت قريت مع بروفيسور فلان الفلاني، برضو عيب هنا.4- بعدها أنا ولا غيري حيجي يفند كلامك، غض النظر عن المستوى أو الشهادة التي تطمح لهاخلاف ذلك دا يبقى مجرد مهرجان أمنيات._____صعبة دي
11-30-2015, 04:48 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
اهلا يا حاتمممكن نقول "الدليب" الشايقي او السوداني ، الدليب الهندي مثلا لو كان في دليب ، واليوناني،فليس القصد كما هو واضح من "النعت" والمنعوت، نجيكم باللغة المكتوبة، هو "الأصل".وانما هو نعت لا يوضح اصله، وانما كونه تمظهرا واحدا من تمظهرات عديدة لجوهر مشترك.وقع ليك كلامي؟؟مع تحياتي
11-30-2015, 04:46 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: نجيك شويه علك تفهم شنو الفرق بين الضرب الايقاعي والمقام والسلمالضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيهتنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيهففي السودان قد تقوم به الة الطبله والشتم او يضاف لهما البنقز واحيانا الدلوكه "الاله"اما في الغرب فان كل مكونات ال درم ست داخله في الموضوع اهما البيز درم والاسنير والهيهات والتومبااما المقام فهو اصل السلمفالسلم هو الدرجات الخاصة بالمقام صعودا وهبوطااما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيهلذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونيةبما يطلق عليه الضرب الايقاعياها جاك الكلام الاكاديمي ان شاء الله يكون وقع ليك
أساسيات وخارم بارم ولا يدعم نظريتك بأي حجة مقبولة
شوف: (أنا هنا بفترض إنك صاحب نظرية الدليب إغريقي) فصوبني إن اخطأت.إذا كنت حتفترض إني ما بفهم في الصولفيج فانت بتكرر نفسك للمرة التانية هنا، صحيح معظم الموسيقيين عندهم مشكلة في التناول الأكاديمي للنوتة الموسيقية، بس دي يا موصلي أبحديات بيعرفوها الأطفال من عمر عشرة سنوات مكان انت قاعد حالياً دا.دلوقتي انت بتشرح في أبجديات كأنو حاتم ما سمع بيها، دا ما موضوعنا، كلامك دا قولو لزول عايز يتعلم، أو يتمنى يكون من آل كرياكوس، ان تدلوقتي بتقع في نفس الخطأ بتاع الراجل الجا هنا بيسأل كيف أهلنا القدماء بعد ما نحتوا الأعمدة الرومانية رجعوا تانية للساقية والتور، عرفتو دا ياتو، قام سأل (هل يعقل ان يكون نفس البشر الذين بنوا تلك الحضارة السامقة هل حقا نحن احفادهم؟؟)، أهو هناhttp://sudaneseonline.com/board/480/msg/%D9%82%D8%A8%D9%84-%D8%A7%D8%AB%D9%86%D8%AA%D9%89-%D8%B9%D8%B4%D8%B1%D8%A9-%D9%82%D8%B1%D9%86-%D8%A3...86!--1430666437.htmlيا موصلي، الزمن فات على الأساليب الطفولية دي وانت راجل داخل على دكتوراة، كلمني علمي تاني شنو في رأيك يخليك تعتقد أن إيقاع الدليب أصله إغريقي غير تشابه الإيقاع؟سلم ومازورة وهايهات دي أنا عارفها والله العظيم، انت حجتك العلمية شنو على إنو إيقاع الدليب طلع من أثينا ومشى الجزيرة العربية ودخل تاني لشمال السودان. وبالمناسبة، أنا حأرجع لكلامك بالمفردة الواحدة، وحأكد ليك إنو مجرد حشو ما ليهو علاقة بالموضوع، ما عارف ليه انت بتصر إنو الطرف التاني ممكن يخاف من المصطلحات._____الراجل كل مرة يقول لي كاونتربويت ودوديكافوني
11-30-2015, 05:03 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ممكن نقول "الدليب" الشايقي او السوداني ، الدليب الهندي مثلا لو كان في دليب ، واليوناني،فليس القصد كما هو واضح من "النعت" والمنعوت، نجيكم باللغة المكتوبة، هو "الأصل".وانما هو نعت لا يوضح اصله، وانما كونه تمظهرا واحدا من تمظهرات عديدة لجوهر مشترك.وقع ليك كلامي؟؟
أبشر والله مافي أي مشكلة يا أخ أسامة
وأنا ذاتي مشاركة مني فرحة ساكت كدة أها أقول ليكم كلمة دليب دي ذاتا حقتنا بصفتي متخصص لغات____________________بيكتبوها الإنجليز ديل كدة (Ad lib)وبنطقوها كدة (/ædˈlɪbɨtəm/)وأصلها عند الأغاريق أجدادنا كدة (Ad libitum)وبقروها أهلنا ناس ياني ديل كدة (الدليبتوم)-------------------------------------ما ياهو دليبنا الواحد دا؟شفت الأمور سهلة كيف؟نتبادل الأنخاب بعد دا ونولع الشموع.تعرف، أنا كرهتي في الدنيا الخرمجة والعمل الفوضوي والتنطع بالأبجديات واستهبال الناس، أنا جيت هنا عشان أشوف نظرية مكتملة بمقدمات ونتائج مش عرض فيديو وفصل لدراسة الموسيقى للكبار.____بس تبقى مسخرة إذا كان أكبر متخصص عندنا بيناقش بأسلوب (هل تعلم).
11-30-2015, 05:30 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب+++بوست جميل ممتعنحن قوم نحب الموسيقىونطرب لهاالاستاذين الموصليو حاتم نقاشكما جميلومفيد لنا نحن عشاقالجمال
كلنا بنحب الجمال، بس بنظام
يعني ما ممكن يتم طرح رؤية نظرية نقوم بكل بساطة نتشنج أول ما تلفت نظرنا حقائق نكرهها، مالهم الفولان؟ ما ياهو نفس الإيقاع (مع اختلافات داخلية) ولا هنا مختلف كلو كلو؟أنا صريح جداً، مافي شيء يخليني أقطع البحر المتوسط ولا الأحمر ولا آخد لفة كبيرة بتركيا والشام والحجاز عشان أجيب لي طبلة أفريقية مجلدة ومزينة بالسكسك.سألت ببساطة وين باقي مفردات الثقافة الدخيلة دي؟وين آلاتها؟ وين ألحانها؟يعني ما وصلنا غير الإيقاع؟ واخترعنا ليهو طبلة محلية يعني؟مافي إجابات، كدة بس زندية، سرد للأبجديات وأنا قريت مع فلان وفلانة، دا كلام؟أنا عايز أمسك في عضم النظرية عشان أهزك وأرزك يا موصلي، بتهوش وتجدع مصطلحات ساكت، واتهامات انت عارف وانت ما عارف، دا ما معرض مؤهلات، لو عندك معلومة صحيحة قولها مشكور، أما لو عايز تناقش فضع فرضيتك أولاً وقول أنا مسؤول منها ودي حججي ومقدماتي والنتيجة كذا._________أي نظرية ليها ما يدعمها، فبالله خلينا نستعدل البوست دا بدل هترشاتك دي.
11-30-2015, 06:08 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: مافي إجابات، كدة بس زندية، سرد للأبجديات وأنا قريت مع فلان وفلانة، دا كلام؟أنا عايز أمسك في عضم النظرية عشان أهزك وأرزك يا موصلي، بتهوش وتجدع مصطلحات ساكت، واتهامات انت عارف وانت ما عارف، دا ما معرض مؤهلات، لو عندك معلومة صحيحة قولها مشكور، أما لو عايز تناقش فضع فرضيتك أولاً وقول أنا مسؤول منها ودي حججي ومقدماتي والنتيجة كذا._________أي نظرية ليها ما يدعمها، فبالله خلينا نستعدل البوست دا بدل هترشاتك دي.
يا جماعة الخير، أوصي نفسي وإياكم، بأن نناقش الأفكار لا الأشخاص.بدل "انت ماعارف"، خلونا نقول مثلا "لا أتفق مع "الفكرة س" التي طرحتها بسبب......وبدل "خارم بارم" و"هترشات" ، خلونا نبين أن ما قيل هو "خارم بارم" بطريقة دحض ما قيل، وليس إطلاق نعوت سيئة عليه.كونا بخير.وتحياتي لمن مر من الضيوف "بدون فرز".
11-30-2015, 06:14 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه
لا ما نسيت، وقلتها في أول مداخلة، ركز عليك الله، شفت يا موصلي، نمشي ونجي راجعين للتدوين حق المبتدئين كل مرة
لكن برضك كويس، هنا في راس خيطأها مارقريت وبيلا بارتوك ديل نظريتهم بتقول شنو حول الموضوع دا؟- يعني ياتو فيهم عرض لإيقاع الدليب وقال بنظرية أصوله الإغريقية؟- أو حتى قال بالعكس، أن إيقاعات اليونان أتت من شمال السودان؟- أو حتى مجرد قول بأن إيقاع الدليب انتقل من أوروبا عبر الشام إلى الجزيرة العربية إلى شمال السودان؟- أو نفى جملة وتفصيلاً علاقة الإيقاع دا بقبائل الفولان في غرب أفريقيا؟بعد ما تشير للمراجع وملخصاتك، نجي نشوف التدوين مع بعض عشان نقعد نتطاقع بالمصطلحات (مازورة وسنير ودا كابو وغيرها)في النهاية نستمع للفيديوهات._____دا كدة اسمو نقاش شبه أكاديمي،أما سيرتك الذاتية فربما أكون حريص لقراءة ملخصها هنا مستقبلاً،إذا كانت تقود لإثبات شيء ما في هذا الموضوع.
11-30-2015, 07:29 PM
الأمين عبد الرحمن عيسى الأمين عبد الرحمن عيسى
تاريخ التسجيل: 10-25-2011
مجموع المشاركات: 1680
Quote: يا أخوانا الموصلي والأمين عبد الرحمن، الله يرضى عليكم كلمونا علمي
وأنت برضو يا أخ حاتم إتكلم كلام علمي و ورينا شنو الما علمي في كلامي أنا قلت الآتي
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية ..
في أي شيئ غير علمي فيما قلت؟؟؟
Quote: مشكلتنا كبيرة هنا يا أخ الأمين
لم تفصح لنا عن المشكلة....سعادتك بوجود مصطلحات موسيقية محلية تبدو و كأنها استنكار لوجودها.. ولم لا توجد إن كان هناك العديد من الإيقاعات فلا بد أن تكون لها أسماء..
Quote: "تماما" دي وراها شنو بالضبط؟الاشتراك في التمايل والطرب؟
نعم .. وإليكم هذا العمل الآخر لياني وهو أيضا على إيقاع الدليب..أرجو أن تسمعه برواقة..
11-30-2015, 06:36 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: يا جماعة الخير، أوصي نفسي وإياكم، بأن نناقش الأفكار لا الأشخاص.بدل "انت ماعارف"، خلونا نقول مثلا "لا أتفق مع "الفكرة س" التي طرحتها بسبب......وبدل "خارم بارم" و"هترشات" ، خلونا نبين أن ما قيل هو "خارم بارم" بطريقة دحض ما قيل، وليس إطلاق نعوت سيئة عليه.
الله يرضى عليك
شوف:أي كلام غير مؤسس أو سرد لأبجديات غير مطلوبة في النقاش دي بسموها تهويش وخارم بارم وهترشات، لما تسأل متخصص موسيقى ويقعد يكلمك عن المازورة فدا بعيد جداً من الأكاديميات أو اتعلم الموسيقى على كبر، مازورة ودرم سيت وهايهات دي يا أخ أسامة ألفباء الموسيقى وآلاتها.مع احترامي لموصلي وتاريخو لكن ياهو أسلوبه، لا يمكن يناقش موضوع بحيدة إلا ويبدأ ليك بمصطلح "التدوين" والهارموني والكاونتربوينت والدوديكافوني، دا طقم ثابت.بعدها ملخص لسيرتو الذاتية وشوية أسماء خواجات، على الطرف التاني التسليم بعدها والاقتناع.I am a bananaأعتقد مطروحة هنا نظرية غير واضحة المعالم بتقول (إيقاع الدليب إغريقي الأصل) دي الفرضية يبدأ لينا بيها ويقول أنا مسؤول من كلامي دا.- يعرض لتاريخ الإيقاع في المنطقة المستهدفة وغيرها ومن أفريقيا بالذات، مش هنا السودان؟- يطرح مقدماته بما فيها الفيديوهات المرضي عنها دي- يفند ليه أبعد غرب أفريقيا القريب دا من رؤيتو الأحادية- يجيب مراجعو الموثوقة المكتوبة مش يشير لنفسو- يبين كيف توصل للنتيجة هنا بدل يقول للناس تعالوا أعلمكم أنا قريت شنوأي نعم البداية صعبة عليهو بعد قيودي دي لكن أنا ما مستعجل.
11-30-2015, 07:26 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
هههههههههيا خي حاتم دا الذّ زول في المنبربيعمل النظرية براه، وبعد داك يطالبك بتفنيدهايا خي اسامة الخواض قال كلام محدد جداً
Quote: في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.
مشترك مشترك مُشْتَرَكْ والأخيرة بالتشكيليبقى نشوف الإشتراك وين بين ايقاع الدليب عند الشوايقة وعند الاغريقبعد داك قصة أصل ايقاع الدليب دي بتكون قصة تانيةممكن يكون اصله من غرب افريقيا ومشى لليونانوجاء للشوايقةأو أي مسار آخر ما مهم.المهم هو السؤال المفتاحي بتاع اسامة الخواض؟إنه يوسف الموصلي قال إنه الإيقاع دا مشتركدا الأنا فهمته، ولو الموصلي قال إنه (ايقاع الدليب اصله اغريقي)في البوست دا أو في حتة تانيةفنرجو منه أنه يفتح بوست خاص بالموضوع داوهنا يناقش لينا موضوع البوست(أن ،إيقاع "الدليب " مشترك بين السودان،واليونان).وحاتم ممكن يتناقش في البوست الآخر حول أصل الدليبوهنا ممكن يضيف لينا اشتراك الدليب وظهوره في القارة الإفريقيةواشتراكنا مع الأفارقة في الموسيقى وايقاع الدليب.وأنا بفتكر إنه الموسيقى بدت في افريقيا بإيقاعاتها المختلفة وانتقلت لباقى العالممع الهجرة الافريقية العظيمة التى اسست العالم الذي نعرفه الآن.
11-30-2015, 07:51 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: الضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيهتنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيه
دي لا علاقة لها بالموضوع، مجرد أساسيات
أيوة يا موصلي المازورة (measure) والله بعرفها مش ياها هناRe: ساكسRe: ساكسانتهينا من دي؟نشوف غيرها
Quote: اما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيه
دي برضها لا علاقة لها بالموضوع، مجرد أساسيات
أيوة يا موصلي بعرف العلاقة الأفقية والرأسية لمكونات اللحن، والكاونتربوينت عمرو ما كان لحن مضاد. شنو يعني لحن مضاد يا موصلي؟الكلمة دي (counter) في مفهومك معناها (مضاد أو عكس) أبداً يا موصلي ، المصطلح من اللاتيني (The term originates from the Latin punctus contra punctum meaning "point against point".) إطلاقاً ما بيعني (مضاد) بل مقابل.ترجمتها المناسبة (لحن مقابل)، اتعودت تقول مضاد دي مشكلتك، بس مضاد يعني شنو في الموسيقى؟انتهينا من دي؟نشوف غيرها
Quote: لذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونية
دي برضها لا علاقة لها بالموضوع
لما ضربت مثال للأخ الأمين عبد الرحمن فوق بأنو جملة (سبعة من تمنية) شكلها حتمسك محل (سلمنا خماسي) فأنا بالضرورة بقارن بين عبارة بيلوكوها الموسيقيين هنا "سلمنا خماسي" ودلوقتي نفس التكرار حصل هنا "إيقاع سبعة من تمنية" تكررت خمسة مرات وكأن الإيقاع بالنمط دا حق الدليب السوداني ملك وناس اليونان كتر خيرهم جابوهو لينا، لا فولاني لا غرب أفريقيا ما سمعوا بيهو.ما عندي مشكلة في مسألة التوزيع الزمني للإيقاع بحساب النوتات في كل "مازورة" زي ما اتعودت تسميها بس خلينا نمشي لقدام.فشوف انت السردية الفوق دي بتسميها شنو غير تسميع؟التسميع دا بقى أنا شايفو أسلوب غير أكاديمي في النقاش.____يلا كلامك دا كلو دخله بموضوع البوست شنو؟وأضاف شنو لفرضية الأصل الإغريقي لإيقاع الدليب؟
11-30-2015, 07:55 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: لا ما نسيت، وقلتها في أول مداخلة، ركز عليك الله، شفت يا موصلي، نمشي ونجي راجعين للتدوين حق المبتدئين كل مرة لكن برضك كويس، هنا في راس خيطأها مارقريت وبيلا بارتوك ديل نظريتهم بتقول شنو حول الموضوع دا؟- يعني ياتو فيهم عرض لإيقاع الدليب وقال بنظرية أصوله الإغريقية؟- أو حتى قال بالعكس، أن إيقاعات اليونان أتت من شمال السودان؟
ياحاتم ليس مثلك من يقود ساقية جحاانا قاعد اضييع وقتي معاك والله
12-02-2015, 02:14 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: [دي برضها لا علاقة لها بالموضوع، مجرد أساسياتأيوة يا موصلي بعرف العلاقة الأفقية والرأسية لمكونات اللحن، والكاونتربوينت عمرو ما كان لحن مضاد. شنو يعني لحن مضاد يا موصلي؟الكلمة دي (counter) في مفهومك معناها (مضاد أو عكس) أبداً يا موصلي ، المصطلح من اللاتيني (The term originates from the Latin punctus contra punctum meaning "point against point".) إطلاقاً ما بيعني (مضاد) بل مقابل.ترجمتها المناسبة (لحن مقابل)، اتعودت تقول مضاد دي مشكلتك، بس مضاد يعني شنو في الموسيقى؟
يعني نفهم من تفسيرك ده انو الCounter attack معناهو الهجوم المقابل هههههههه ياخوي حاتم تاني بكرر ليك ما تحاول تغالط في اشاء معروفه فسرتها كل الاكاديميات في العالم لو مشيت قريت اي كتاب لنظرية الكاونتربوينت اقصد المقدمه لان فهمك لهذه النظريه سيكون صعب جداتلقي الشرح A Manual of Sixteenth-century Contrapuntal StyleCharlotte Smith - 1989 - MusicMelody. Writing. Preliminary Observations The writing of counterpoint has been greatly ... i.e., "note against note," or correspondingly, melody against melody. ولمنفعة معلوماتك فان الكاونتربوينت يمكن آن يكون متقاطع مع اللحن الاساسي ويمكن ان يكون في حركة عكسيه صاعده ويمكن آن يكون في حركة عكسيه هابطه ويمكن آن آن يكون في حركه عكسيه تقهقريه ويمكن آن يكون في حركه مقلوبه ويمكن آن يكون في حركه متوازيه ويمكن آن يكون في حركه مقلوبه تقهقريه اها شفت التسميع كيف!!!! اها فسر لي كيف تكون الحركة العكسيه التقهقريه في علم الكاونتربوينت؟؟؟؟ وعندي الصبر ارجاك اطول زمن ممكن
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية +++مشكلتنا كبيرة هنا يا أخ الأمين+++سعادتك بوجود مصطلحات موسيقية محلية تبدو و كأنها استنكار لوجودها.. ولم لا توجد إن كان هناك العديد من الإيقاعات فلا بد أن تكون لها أسماء..+++نعم .. وإليكم هذا العمل الآخر لياني وهو أيضا على إيقاع الدليب..أرجو أن تسمعه برواقة..
كلو غير علمي
1- وصفك للإيقاع وتسميتك المباشرة ليهو بأنه (دليب) وتجاوز للوصف العالمي المتعارف عليه2- تقول عرفه ياني، ياني لم يتطرق بالاسم لإيقاع اسمه (دليب) كما تلمح، ياني يشير إلى (time signature)3- بتقول يلاحظ في اللحن تمايل العازفين، العازفين يا أخوي رقصوا عديل في مقطوعة (niki nana) ودا الوضع الطبيعي لأي متذوق للموسيقى4- بتقول (تماماً كما أهلنا الشايقية)، عيب ياخي، كلنا بنطرب للموسيقى زي (أهلك الشايقية)مشكلتنا الكبيرة إذا حنقعد نلوك في الأبجديات ونقعد نقول (هي سبعة من تمنية دا ياهو ذااااتو حق أهلنا الشايقية، بس جانا من هناك)، أها دي ما زي كلامك بتاع السلم الخماسي وكيف ربط بين هترشاتنا الموسيقية دي والموسيقى الصينية؟ مشكلة ولا مشكلة إذا المهتمين بالموسيقى قابضين في الأبجديات؟مافي مانع تعال نسمي إيقاع الدليب (Dalibisim) وأنا بكرة حأضع تعريف ونختو في الموقع دا في بوست منفصل، ونكلم كم واحد يعمل ليهو هاشتاق وشوية منظراتية يحشروه في ورقات علمية عن الموسيقى، وانت قايل المصطلحات بتتولد كيف؟بس كمان الناس حيسألوك، مش التعريف بتاعك دا عندو مسمى علمي واضح؟ حتقول شنو؟ أهلي الشايقية بيتمايلو بيهو.يا أبوي ياني خريسوماليس أنا بكتب ليهو ناهيك عن الاستماع من سنة 1990، بس لما نجي نناقش هنا يكون في هدف________need I say more؟
Quote: يا خي حاتم دا الذّ زول في المنبر بيعمل النظرية براه، وبعد داك يطالبك بتفنيدها+++يبقى نشوف الإشتراك وين بين ايقاع الدليب عند الشوايقة وعند الاغريق+++دا الأنا فهمته، ولو الموصلي قال إنه (ايقاع الدليب اصله اغريقي) في البوست دا أو في حتة تانية+++وأنا بفتكر إنه الموسيقى بدت في افريقيا بإيقاعاتها المختلفة وانتقلت لباقى العالممع الهجرة الافريقية العظيمة التى اسست العالم الذي نعرفه الآن.
الصادق كيفك، اسكت انت ما عارف حاجة هههههه
حاتم ما عمل نظرية، حاتم شايف بذرة نظرية وطالب بتأكيدها وإظهارها عشان يكتلها بحثاً بالطريقة الصحيحة.ياخوي الاشتراك في (time signature) ودا بتلاقيهو من أمريكا اللاتينية لحد أوكيناوا، يعني زي الحروف العربية في الشرق الأوسط، النار قامت لما جبت سيرة الفولاني وصورة الطبلة والناس البيشبهونا ديل، شفت كيف. النصيحة ياني وجيه، وبشبهنا برضو.الموصلي ما قال ولا داير يقول ولا بيقدر يقول، حيقعد يكلمنا عن دراستو والتدوين والهارموني والكاونتربوينت، اقنع ساكت. أنا العايزو يقول بوضوح.أها شفت زي (أنا بفتكر) دي كلنا بنقدر عليها يا الصادق أخوي، هسع شوف أنا بتلاتة سطور أثبت إنو كلمة الدليب دي ذاتا جات من عندينا، حقتنا._____ديل بيدلبوا ساكت.
11-30-2015, 08:37 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
تحياتي للجميع "بدون فرز"وتحية خاصة للصديق الصادق الذي قال صادقا:
Quote: يا خي اسامة الخواض قال كلام محدد جداًQuote: في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.مشترك مشترك مُشْتَرَكْ والأخيرة بالتشكيليبقى نشوف الإشتراك وين بين ايقاع الدليب عند الشوايقة وعند الاغريق
وهذا يتفق مع كلام الموصلي في ابتداء الخيط:
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليه
فيا استاذ حاتم ،الله يرضى عليك، ما في زول قال انو الدليب اصلو اغريقي او يوناني.عايزين نشوف المشترك بين السوداني والاغريقي\اليوناني شنو؟وكذلك اختلافهم في بعض "التفاصيل الداخلية".فعليك الله يا موصلي ورينا زي ما كرر الصادق:المشترك، المشترك، المشترك، المشتركوأيضا "التفاصيل الداخلية" التي يختلف فيها "الدليب السوداني"، عن "الدليب الاغريقي\اليوناني.أرقدوا عافية.
11-30-2015, 09:35 PM
Elmosley Elmosley
تاريخ التسجيل: 03-14-2002
مجموع المشاركات: 34683
كدي خليني اتم ليك قصة البروفيسور اليونانياها كل طالب ماجستير جاب العمل بتاعووانا زي ما قلت جبت العمل على ايقاع الدليبففوجئ البروفيسور بالايقاع الخاص بالمؤلف بفتح الهمزهفقال لي من اين اتيتم بهذا الضرب الايقاعية قلت له انه أصيل من تراثنا الشعبي لدى قبيله سودانيه"تسمى بالشايقيه" فاجابني بان هذا الايقاع معلوم منذ قرون عديدة من صميم الفلكلور اليوناني بالاضافة الى العديد من الدول الاوربية خصوصا شرق أوروبا ثم اردف قائلا هات لي تسجيل من تراثكم فقلت حسنا سافعل بشرط أن تأتي بتسجيل من التراث اليوناني فقال حسنا سافعلا احضرت معي تسجيل للنعام آدم واحضر هو تسجيلين من التراث اليونانيفاستمعنا جميعا ومعنا بقية الطلاب ثم انفجرنا ضاحكين وقال البروفيسور بالانجليزية "انه عالم صغير" -------------------------- نحن الطلاب والبروفيسور نعلم أن لكثير من مؤلفي الموسيقى "الخاصة" وهذه نعني بها الذين يستخدمون اسلوب الموسيقى الغربية العالميةخصوصا الذين يستخدمون قالب التنويعات للموسيقى الشعبية يستعيرون كثير من الثيمات في الموسيقى الشعبية ومنها ايقاع أو ضرب الدليب كما نسميه نحن واشهر هؤلاء "ايجور سترافنسكي" أعظم مؤلفي موسيقى القرن العشرين
Quote: فيا استاذ حاتم ،الله يرضى عليك،ما في زول قال انو الدليب اصلو اغريقي او يوناني.+++هذا الايقاع اصوله ليست في السودان فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا+++ آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨
دي نظرية موصلي الشرق أوسطية
واضحة، بيقول إنو الإيقاع (الدليب) أشار له بجملة "هذا الايقاع" جاء من الجزيرة العربية المتاثرة أصلاً بإيقاعات الإمبراطوريات التي غزت تلك المنطقة. من ناحية تانية بينكر إنو (الدليب) موجود في غرب أفريقيا ولو باختلافات بسيطة. Two edged sword. A double kick. مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.________need I say more؟
11-30-2015, 10:17 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: واضحة، بيقول إنو الإيقاع (الدليب) أشار له بجملة "هذا الايقاع" جاء من الجزيرة العربية المتاثرة أصلاً بإيقاعات الإمبراطوريات التي غزت تلك المنطقة.من ناحية تانية بينكر إنو (الدليب) موجود في غرب أفريقيا ولو باختلافات بسيطة.Two edged sword.A double kick.مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.
يارااااااجل كما يقول الاستاذ محمد سليمان--------------------اها انت مالك ما جبت الدليب بتاع ناس مالي والجماعه ديلانا قلت ليك كل اللينكات بتاعتك سمعناها وما فيها التكتح يلا انت جيب لينا وتكون ثقفتنا ثقافة لا تقل عن انو الناس ما وصلو القمر
11-30-2015, 10:19 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.
مية المية يا حاتمونخلي الموصلي يواصل وبعد داك نشوف أصل الدليب (أنا ما حأندهش لو اتلقت كل اصولالموسيقى جاية من افريقيا ليس تعصب بل دراسة وحفريات وغيرها تثبت ابتداء الحضارات من افريقيا)
11-30-2015, 10:24 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: يقول حاتم :[ إن سمحت لي، لا علاقة مطلقاً بين إيقاع الدليب وأوروبا .]الآن المطلوب أن يثبت الموصلي الخطأ ..
الصامت التحت
مع إنو الموسيقى (عندكم) حرام خليني أوضح ليك مشكلة التسمية "دليب" هنا:المصطلح (دليب) هنا يعني إيقاع أغاني الشايقية في شمال السودان، وبالتأكيد الموسيقى المصاحبة، في الواقع حتى الموسيقى ذاتها هناك هي أغلبها ريثم وتميل للكوردز أكثر من اللحن الواضح المنفرد.القصد: تمييز (time signature) بمصطلح محلي القصد منه في الواقع إبراز الأصل الإغريقي لموسيقى شمال السودان وهذا ما يحاول موصلي جاهداً إثباته، ولو بالمرور غصباً عبر أراضيكم التي تحرمون فيها المعازف.____comprendes؟
11-30-2015, 10:38 PM
Munir Munir
تاريخ التسجيل: 02-11-2002
مجموع المشاركات: 10496
سلام للجميع .. بما أني ما متخصص في الموسيقي لكني أقارن إيقاع الدليب والريذم حسب تخيلي بأن أجيب كورس بتاع شايقية وأزج به في وسط الإيقاع وأشوف إن كان إيقاعهم سيزبط في التايم مع الإيقاع الذي تحت الإختبار .. بالنسبة للفيديوهات واللنكات أعتقد أن الفيديوهات الجابها الأستاذ أسامة الخواض تتوافق مع إيقاع الدليب .. وفيديوهات الأستاذ الموصلي بالكاد تحس فيها بريذم الدليب . . واللنكات الجابها استاذ حاتم بعيدة من إيقاع الدليب .. ومعليش علي الفيديو المزعج الجبتو ليكم ، لكني من فترة طويلة وأثناء سماعي للموسيقي الشعبية الآسيوية وجدت أن إيقاعات قبائل البشتون في أفغانستان قريبة جداً من إيقاع الدليب سوي أن الرقص الرجالي المصاحب له فوضوي قليلاً..عموماًَ حسب إحساسي فإن دقات الدليب هي كالآتي: تلاتة دقات .. دق دق دق .. دق دق دق .. دق دق دق بمسافات زمنية متساوية وبين كل تلاتة دقات وتلاتة دقات في مسافة زمنية أطول شوية - ختيت ليكم محلها نقطتين .. وعندما تشيل المسافة الزمنية بين الدقة الأولي والتانية وتقوم ترص الدقات إتنين إتنين مفصولات بمسافة زمنية يقوم الإيقاع يختلف ويصبح سريعاًَ ويتحول ل جابودي - إسمه الجابودي - ويمكن تمثيله ب: دقدق .. دقدق .. دقدق .. المهم ، ده كلام زول جربندي ساي لكنه شايقي وله مهارة في عزف الدليب والطمبور والصفقة والغناء - في السر - :) ..
12-01-2015, 02:26 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الصامت التحتمع إنو الموسيقى (عندكم) حرام خليني أوضح ليك مشكلة التسمية "دليب" هنا:المصطلح (دليب) هنا يعني إيقاع أغاني الشايقية في شمال السودان، وبالتأكيد الموسيقى المصاحبة، في الواقع حتى الموسيقى ذاتها هناك هي أغلبها ريثم وتميل للكوردز أكثر من اللحن الواضح المنفرد.القصد: تمييز (time signature) بمصطلح محلي القصد منه في الواقع إبراز الأصل الإغريقي لموسيقى شمال السودان وهذا ما يحاول موصلي جاهداً إثباته، ولو بالمرور غصباً عبر أراضيكم التي تحرمون فيها المعازف.____
قمة الجهل والسذاجه المعرفيه في الموسيقيوطالما انك تنكر وصول الانسان الى القمر فما غريب عليكآن تدعي معرفة الموسيقى ياراجل شوف ليك شغله تانيه وبطل الخارم بارم بتاعك ده--------------هسع بجيب ليك البوست الشردت منو وكنت بتتفاصح فيهوواخليهم يتفرجو عليك
11-30-2015, 10:38 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: اها انت مالك ما جبت الدليب بتاع ناس مالي والجماعه ديلانا قلت ليك كل اللينكات بتاعتك سمعناها وما فيها التكتح يلا انت جيب لينا وتكون ثقفتنا ثقافة لا تقل عن انو الناس ما وصلو القمر
who blinks first!
هههههههههما قلت ليك يا الصادق أخوي، الراجل ما عندو غير كاونتربوينت وهارموني ودوديكافوني ومستر فلان درسنا وربت على ضهري.هسع نظريتو ذاتا نط خلاها، عييييك.____أنا ما موسيقار، زمبار سااااكت.
11-30-2015, 11:21 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
حاتمالنقاش عن يقاع الدليبالموصلي هنا (حسب فهمي) بيقول ليك الموسيقى الماليةالإنتا جبتها (ما فيها اتكتح) من ايقاع الدليب.وإجابة زي دي أنا بفهم منها إنه (الكلام خاص بالإيقاعات الإنتا جبتها مش على اطلاقها.لكن المهم استعدال النقاش.بنطالب الموصلي إنه يعيد لينا تعريفالمقصودد (بإيقاع الدليب شنو؟) أيوة حتى قصة (سبعة على تمنية) دي ما مفهومة للقاريء العادي (الزي منير دا هههه)وبالتالي نفرز المواضيع ويبقى النقاش عن كيف (اشتراك ايقاع الدليب اليوناني مع الشايقي)وزي ما وضحه (الشايقي منير هههه) .
11-30-2015, 11:39 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: بالنسبة للفيديوهات واللنكات أعتقد أن الفيديوهات الجابها الأستاذ أسامة الخواض تتوافق مع إيقاع الدليب .. وفيديوهات الأستاذ الموصلي بالكاد تحس فيها بريذم الدليب . . واللنكات الجابها استاذ حاتم بعيدة من إيقاع الدليب ..
بالضبط يا منيروحتى بتاع البشتون (ناقصاه الصفقة بس هههه)دا برضه احساسي أو على الأقل (أضاني)يعني الفديو الأول بتاع (ياني) ايقاع دليب مية المية ما فيهو شكبتاعات الموصلى دايرات تركيز عشان تطلع الدليبايقاعات حاتم المالية جاتني خصوصاً في القطعة الأولىأقرب لإيقاعات الرائعة حنان بلو بلو في (حمادة دا) ويمكن اكون غلطان بس دا احساسيلقيت التسجيل دا بالحبشي
Quote: حتى قصة (سبعة على تمنية) دي ما مفهومة للقاريء العادي (الزي منير دا هههه)
تحياتي يا الصادق يا ذِويِّق :) عشان تعقيدات السبعات والتمانيات دي جبت التمثيل بالدق:) .. حسب ملاحظتي أن إيقاع الدليب البعرفه أنا هو التلات دقات الوصفتها فوق - الإيقاع الأصلي هو البتكون فيهو المسافات الزمنية متساويةuniform - أها تطويل وتقصير المسافات الزمنية دي هو ما يحدد قرب الإيقاع من الأصل الstem أو بعده منه .. فيديوهات ياني-Yanni- واضحة لأنه شغال بالأصل شخصياً ..(لاحظ حشر بعض الكلمات الإنجليزية يعطي كلامي طابع علمي، مع إنو أنا زول قريعتي رايحة ساي) الجابودي مثلاً يشحور ليك الزمن فيقوم جاري ليك بالإيقاع - لأنك شلت منه مسافة زمنية - مما يضطر الكورس للجري وراهو ويتغير إحساس المستمعين حينما يتم التغيير في نص الأغنية .. ولذلك عندما يرجع الإيقاع من الجابودي تحس بالبطء الشديد في الأغنية ويحتاج المستمع لبرهة طويلة حتي يستعيد الصعود للتراك بتاع الدليب مرة أخري ...
12-01-2015, 00:33 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
ينصر دينك يا منيررجعت سمعت لي جابودي لقيتو زي كلامك بالضبط يا منيرواتخيل مشكلتنا في السودان ومعهد الموسيقى بتاعنا ما اهتم بالموسيقى السودانيةيعني الخريج بيكون عارف ليك (بيتهوفن كان لابس شنو لمن عزف السيموفنية العشرمية)لكن ما بيكون سمع ولا ربع الإيقاعات السودانية.يا ريت لو الناس تهتم بالإيقاعات السودانيةيا خي النيل الأزرق دا فيهو ايقاعات بتاعة الجاز الواحد دا بصورة مذهلةلكن برضو برجع واقول إنه كلو بسبب (ارتباك هويتنا) لو حسمناها لصالح السودانيكان عادي الايقاعات دي حنسمعها كل يوم لحدي ما ترسخ في ذهننا.
12-01-2015, 03:06 AM
Elmosley Elmosley
تاريخ التسجيل: 03-14-2002
مجموع المشاركات: 34683
يا موصليتحياتي مرة اخرى"فايت مروِّح وين؟؟؟ ما لسة الزمن بدري" هههههههههههههههدايرني اضرب ليك "حرام" اسفيري؟؟؟ههههههههههههالاستاذ حاتم قال انو "مستمع جيد"، وحيستمع لي إفاداتك الموسيقية المعرفية حتى النهاية. نحن تلاميذك في هذا البوست،فلا تخذلنا.في انتظارك.
12-01-2015, 06:30 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: قمة الجهل والسذاجه المعرفيه في الموسيقيوطالما انك تنكر وصول الانسان الى القمر فما غريب عليكآن تدعي معرفة الموسيقىياراجل شوف ليك شغله تانيه وبطل الخارم بارم بتاعك ده--------------هسع بجيب ليك البوست الشردت منو وكنت بتتفاصح فيهوواخليهم يتفرجو عليكملء السنابل تنحني بتواضع و الفارغاتُ رؤوسُهن شوامخُ
خير أستاذي موصلي
يبدو أن العاطفة تسوقك بعيداً عن مدارج البحث العلمي القويم والتفكير السليم.على العموم أتمنى أن تنحو في اتجاه يختلف قليلاً عن الشتيمة وإعادة تعريف ذاتك كل مرة.- كلمنا عن نظريتك في الأصل الإغريقي لإيقاع "الدليب"- وأشرح للناس هنا الأبجديات حتى يكونوا على دراية بما تتحدث عنه، الإيقاعات تحديداً وتصنيفاتها- حدد خصائص إيقاع "الدليب" حسب ما درسته- لا تكتفي بالقول بأن نماذج حاتم مختلفة أو أنه لا يعرف الموسيقى، بل قدم ما عندك للمتابعين- جيب برضو البوست الذي وعدت بهأعتذر عن سخونة كلماتي التي أثارتك، لكن هذا قدري وربما قدرك، أنني لا أجامل في الحقائق.سأغيب ربما يومين أو ثلاثة، تهدأ خلالها، وأعود بمداخلة طويلة ونماذج كلها من غرب أفريقيا لإيقاع الدليب الأفريقي.
12-01-2015, 07:01 AM
الأمين عبد الرحمن عيسى الأمين عبد الرحمن عيسى
تاريخ التسجيل: 10-25-2011
مجموع المشاركات: 1680
بالعكس كلامي كله علمي، غير أنك تقول بالعكس لكنك لا تبرز أي دليل على أنه غير علمي
Quote: 1- وصفك للإيقاع وتسميتك المباشرة ليهو بأنه (دليب) وتجاوز للوصف العالمي المتعارف عليه
أنا هنا أسمي الإيقاع باسمه المتعارف عليه في السودان وأبرز دليلا على استخدام ياني له فكيف لك أن تصف ذلك بعدم العلمية و تفترض ضرورة عدم تجاوز الوصف العالمي المتعارف عليه؟؟
Quote: تقول عرفه ياني، ياني لم يتطرق بالاسم لإيقاع اسمه (دليب) كما تلمح، ياني يشير إلى (time signature)
هذا التايم سقنتشر هل هو شيء آخر غير الإيقاع؟؟
Quote: 3- بتقول يلاحظ في اللحن تمايل العازفين، العازفين يا أخوي رقصوا عديل في مقطوعة (niki nana) ودا الوضع الطبيعي لأي متذوق للموسيقى.
طيب ما يرقصوا في مقطوعة niki nana ، حتى الجمهور رقص معاهم هذا شيء طبيعي، لكن أنا قلت تمايلوا طربا مثل أهلنا الشايقية أي على نفس النمط الذي يمارسه الشايقية حينما يطربون للحن، و هذا يعني نوعا معينا من التفاعل ناتج من تأثير إيقاع معين.
عيب عليك إنت أنا قلت يتمايل و تلك خاصية إختص به الشايقية وحدهم أما الطرب فيمكن أن تدرج نفسك فيه معهم. أنا لم أقل أهلي الشايقية بل قلت أهلنا الشايقية والفرق واضح بين أهلنا و أهلي - ميز قليلا..
Quote: مشكلتنا الكبيرة إذا حنقعد نلوك في الأبجديات ونقعد نقول (هي سبعة من تمنية دا ياهو ذااااتو حق أهلنا الشايقية، بس جانا من هناك)، أها دي ما زي كلامك بتاع السلم الخماسي وكيف ربط بين هترشاتنا الموسيقية دي والموسيقى الصينية؟ مشكلة ولا مشكلة إذا المهتمين بالموسيقى قابضين في الأبجديات؟
لا داعي لخلط الحوارات أنت تعلم تماما أنني غير المقصود في هذا الحوار والبوست موجود ممكن يرجعوا ليهو كل القراء ويقروا أنا كتبت شنو وأنت وغيرك كتبتوا شنو؟؟ خليك صادق شوية في إفاداتك.
Quote: مافي مانع تعال نسمي إيقاع الدليب (Dalibisim) وأنا بكرة حأضع تعريف ونختو في الموقع دا في بوست منفصل، ونكلم كم واحد يعمل ليهو هاشتاق وشوية منظراتية يحشروه في ورقات علمية عن الموسيقى، وانت قايل المصطلحات بتتولد كيف؟بس كمان الناس حيسألوك، مش التعريف بتاعك دا عندو مسمى علمي واضح؟ حتقول شنو؟ أهلي الشايقية بيتمايلو بيهو.
لا داعي للسخرية.. فالسخرية الكثيرة تقلل من قيمة الفرد. وكلما ازداد المرء علما كلما زاد تواضعا بينما أنت تسير في الإتجاه المعاكس، وكما قلت لك أنفا فقد ذكرت أهلنا الشايقية ولم أقل أهلي الشايقية، لك أن تدرك أنني لا أنتمي للشايقية وإنما أقصد الشايقية أهل جميع السودانيين..
Quote: يا أبوي ياني خريسوماليس أنا بكتب ليهو ناهيك عن الاستماع من سنة 1990، بس لما نجي نناقش هنا يكون في هدف
من العام 1990 بتستمع لياني، هذا يعني أن رصيدك من التذوق والذوق لا شك أكبر ممن عرفوا ياني مؤخرا، وتلك ميزة لك، والموسيقى ترتقي بالذوق كثيرا !! وقلت أنك فوق ذلك كنت تكتب ليهو !! هل تعني أنك كنت تكتب له أم تكتب عنه؟؟
12-01-2015, 06:54 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: وإجابة زي دي أنا بفهم منها إنه (الكلام خاص بالإيقاعات الإنتا جبتها مش على اطلاقها.حتى قصة (سبعة على تمنية) دي ما مفهومة للقاريء العادي (الزي منير دا هههه)وبالتالي نفرز المواضيع ويبقى النقاش عن كيف (اشتراك ايقاع الدليب اليوناني مع الشايقي)
كيفك الصادق، لا تحسبن الشحم فيمن شحمه ورم
الموصلي بتكلم مدفوع بالعاطفة أكثر من أي شيء تاني، ما عندو استعداد لأي حاجة تقرن الدليب بغرب أفريقيا حتى لو يقفز فوق كل الحقائق ويستورد طبلة دليب من أثينا عبر الجزيرة العربية، ويتجاهل بتاعة داكار القريبة منو دي.هسع شوف الصورة في مداخلتي الأولى (الفيها تلاتة أنفار) الفوق دي لو ما قلت ليكم سينيغال ما ياها طبلة الدليب ودا شكل بيوتنا في العاصمة؟قصة سبعة على تمانية دي أنا حأفرمل هنا، لأنو كلامي حار، أخليهو يشرحها ليكم هي وغيرها إن أمكن.وبجي بعد داك بستعدل الشاسية وأنضف الرايش.النقاش يا الصادق مش عن اشتراك الإيقاعين، لا أنا لا هو مختلفين عن اشتراك الإيقاعات، هو بيقول عالمي، وأنا بقول من أمريكا اللاتينية لأوكيناوا، وأهو منير الواحد دا طلع ليك الدليب حق ناس القاعدة والبشتون.الموضوع دلوقتي من وين أصل إيقاع (الدليب) لاحظ المشكلة هنا اصطلاحية واحتمال كلنا بنقول في نفس الشيء بدون ما ننتبه.أنا أفضل استخدام المصطلح العالمي لتعريف الإيقاع عند الحديث والتعريف، نشوف موصلي حيسميهو شنو.لما نقول (دليب) يكون القصد تحديداً إيقاع الشايقية في شمال السودان.علي ذلك مافي داعي الناس تقول (الدليب الإغريقي) أو (الدليب الأفغاني) أو (الدليب المالي) دي تسميات عشوائية ومضللة ومنحازة بتصف صنف موسيقي انطلاقاً من رؤية محلية، عشان كدة من البداية أنا بطالب إنو الكلام يكون بأسلوب علمي، عشان بكرة ما ينط واحد في التلفزيون ولا الإذاعة ويقول:(طبعاً الدليب يوناني إغريقي زي ما عارفين، بتكونوا سمعتوا ياني).لاحظ الرسالة المبطنة في الجملة الفوق دي.______حاجة أخيرة، ما تأخذ أي كلام بيقولو أي زول على إطلاقه بما في ذلك كلامي، أعمل الهوم ويرك بتاعك.
12-01-2015, 07:19 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: بالعكس كلامي كله علمي، غير أنك تقول بالعكس لكنك لا تبرز أي دليل على أنه غير علمي
سلام أخ الأمين
أنا اطلعت على كلامك بسرعة وحأرد في وقت لاحق، لا تضايق من أسلوبي، حأغيب يومين تلاتة، أجهز مواد بطريقة منظمة أنا بعرفها.البوست المعني أظنه هناشوية موسيقـى - تغييـر ما بطالشوية موسيقـى - تغييـر ما بطال_____يمكنك الاقتباس منه لدعم كلامك.
12-01-2015, 07:42 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
اولا التحية لك استاذنا الخواض على فتح هذا البوست حتى نستفيد نحن منه لمعرفة اشياء غائبة علينا والتحية عبرك للاستاذ الموسيقار الموصلي والتحية عبرك للاستاذ حاتم والاستاذ منير والاستاذ الصادق ولكن اسمحو لي ان اطلب منكم طلب وهو ان تحاولو تقديم معلومه نستفيد نحن منها وترك التعصب والمغالطات جانبا حتى لا يفقد البوست هدفه وفائدته والقه ورونقه لاننا نحن هنا في هذا المنبر نستزيد من شخصيات مثلكم ونستفيد من كل نقاش علمي او ثقافي او .... الخ لذا لا تحرمونا من هذه الفائدة اذا سمحتم فكلكم قامات سامقة ولا نرد نحن الصغار ان نضيع تحت الرجلين كما يقولون وهذا طلبي ورجاء سادني الاجلاء ولكم حرية التصرف ... تحياتي : ياسر العيلفون ....
12-01-2015, 07:46 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: حأغيب يومين تلاتة، أجهز مواد بطريقة منظمة أنا بعرفها.
تصحبك السلامة أستاذ حاتم،وفي انتظارك حالما يفرغ استاذنا الموصلي من مداخلاته القيمة.الميكرفون الآن لك يا موصلي.متأكد انك ما "حتحرج" و لا "حتحرم" مستمعيك ، وهم كثر. أرقدوا عافية،وتصبحون على خير بتوقيت الساحل الغربي الامريكي.
12-01-2015, 12:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3438
أجمل ما في هذا البوست هو: جهل الأستاذ أسامة الخواض بالموسيقى!يا موصلي، حاتم العكليتة دا، ما عندك معاهو طريقة غير تكتب الداير تقولو في مداخلة واحدة كبيرة!انسحابك ما بحلكنحن نتابع ومستمتعين بالشكلة دي ولحدي هسع بنشجع فيك، لكن ما تضمنا لو انسحبت بنصفق لحتومة.
12-01-2015, 12:58 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: أجمل ما في هذا البوست هو: جهل الأستاذ أسامة الخواض بالموسيقى!يا موصلي، حاتم العكليتة دا، ما عندك معاهو طريقة غير تكتب الداير تقولو في مداخلة واحدة كبيرة!انسحابك ما بحلكنحن نتابع ومستمتعين بالشكلة دي ولحدي هسع بنشجع فيك، لكن ما تضمنا لو انسحبت بنصفق لحتومة.
سيدنا ابوبكر لك التحيه ياخوي انا ود اشلاق البوليس الغربي اتربيت فيهو وخايف على روحي من عكلته اولاد الاشلاق العملتها زمان مع الاساتذه العلماء العاقب محمد حسن وجمعه جابر لهما الرحمة والمغفره على سبيل المثال لا الحصر و عييييييك
12-01-2015, 01:39 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
ايــــــــــقاع الدليــــــــبمُساهمة من طرف نادر محمد عوض الكريم في الخميس 13 مايو - 20:30إيقاع الدليب واحدٌ من الإيقاعات السودانية الأصيلة والمعروفة والمنتسبة منذ قديم الزمان إلى منطقة مروي في شمال السودان . وقد إرتبط هذا الايقاع بقبيلة الشايقية فارتبطت به ثقافتها وفنونهاالغنائية مصحوباً بآلة الطنبور الشعبية وامتد تأثيره إلى المجموعات القبلية المجاورة كالبديرية والدناقلة والمحس شمالاً، والمناصير والرباطاب جنوباً .وإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكيرالموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفيالموسيقى يحسب هذا الإيقاع بالميزان الموسيقى 8/7 والملاحظ أن الرقم 7 هو حاصل جمع الضربات الأربع زائد الضربات الثلاث .ومنذ عقدي الخمسينات والستينات من القرن الماضي ، انتشر إيقاع الدليب المصحوب بالغناء بالطنبور، في نواحي السودان المختلفة واصبح جزءاً أصيلاً من الايقاعات الغنائية السودانية العامة.صاحب هذا الإنتشار السريع بعضٌ من الظواهر السالبة المؤثرة تأثيراً مباشراً على روح وحركة هذا الايقاع ، أهمها وأخطرها تغيير تشكيلات الإيقاع الأساسية بتشكيلة أقل ثراءً وهو تكوين واحد يتمتكراره من بعض المتعاملين به ومعه ، إما لعدم المعرفة بسبب إنعدام الإرتباط المكاني والإنتماء الوجداني لمنطقة هذا الإيقاع ، أو لقصورٍ في الإتقان والمهارة الفنية على الضرب على أدواته ، مما أدىإلى أن يفقد هذا الإيقاع أهم خصوصياته وخصائصه ولونيته المميزة ، الشئ الذي يشكل تشويهاً فعلياً له وقد يؤدي ـ إن إستمر الحال على ما أصبح عليه ـ إلى إندثاره وإندثار الغناء المرتبط به تماماً ،كما إندثر قبل ذلك أو كاد ، إيقاع الرترتو (الجابودي) ،وبعض الإيقاعات الثانوية الأخرى .
12-01-2015, 07:34 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: وإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكيرالموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفي
بناء على طلب اسامه والكلام اللطيف من حاتم اعودويا حاتم يمكنك الاختلاف معي كيفما شئت ولكن دون محاولات استفزاز واستهزاء على الاقل انا قدر ابوك فخلينا نختلف بلطف وانا خفت من روحي لاني فعلا بديت ارمي شوية دراب ما حلو وبجيك راجع براحهنجي للاقتباس الفوقيبدو أن اخونا نادر أخذ معلومه خطأ من المبدع علاء سنهوريفالثلاث ضربات التي ذكرها الضربها ايضا مستثره ولكن الغير مستقر أو الشاذ هو حاصل جمع الثلاثة مع الاربعة المكون للميزان 7/8
12-01-2015, 08:19 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: حاجة أخيرة، ما تأخذ أي كلام بيقولو أي زول على إطلاقه بما في ذلك كلامي، أعمل الهوم ويرك بتاعك.
حاتم تحيايتأنا لأنه بعمل الهومويرك بتاعي عشان كدا مشيت وشوف الكلام الفي بداية البوستوالكلام تحديداً عن (الأشتراك)، وليس عن (الأصل)على الأقل دا الموضوع الفتحه اسامة الخواض.ومنير نفسه تكلم عن (تشابه) مع البشتون.أما كون أن الدليب من غرب افريقيا أو من شمال المتوسط أو سفوح افغانستانفدا بصراحة ما أظنه موضوع البوست دا. كونك داير تناقشه وتبقيه موضوع البوستفانت حر ولك كامل الحرية أن تكتب ما تشاء.وكونك خايف إنه زول يجي يقول الدليب إغريقي وداير تحميهفبرضه لك مطلق الحرية .لكن الموضوع الطرحه اسامة الخواض واضح لا لبس فيه ولا (خم)
Quote: ي أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.
يا هوندا الكلام يا حاتم واضح وضوح الشمس وما أظنه بيحتاج لشرحفاطمئن الهومويرك بتاعنا مجودينه ومنتظرين ناخد فيه العلامة الكاملة
12-02-2015, 05:07 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
سلام للجميع هناكدى قولو بسم اللهو نبدا من اولالدليب كاّلة ايقاعيةاصله من جزع شدرة الحرازقطعتين واحدة كبيرة و التانية صغيرةو بفرغ اللحا و يشد بالجلدماعز ضان بقر كيفما اتفق الخالو ده شكل الدليب عند الشايقيةو يا ريت ناخد فى الاعتبار تنوع ايقاعات الدليب عند الشايقيةفبرغم النوع المعروف لكل السودانيين برضو بنلقا الخلفايا دىو الصفقة الثنائيةاما ايقاع الفردة .. ده عالم تانىفأشهر اغنية كانت للاستاذ عبد الرحمى بلاص و فيها بقول لقيت الناس حزينة و جوها و قلتا تحية ما ردوهاوده الشايقية بيتناولوهو براهمما عليناخلونا نبتدى من هناالتنوع فى ايقاع الدليب عند الشايقية و مضاهاته عند بعض الشعوب
12-02-2015, 06:28 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
سلام فوراول بدون فرزوتحية للأستاذ جلالدوناويا موصلي الدكتور مسح المداخلة، والعبدلله قراها كلها، وآثر عدم التعليق.فخلّونا نبتعد عن "روح الجيتو" الاسفيري.وهي روح انغلاقية انعزالية. و لا ترى في "البوستات"،سوى المتداخلين الافتراضيين. وتتجاهل القارئات المتابعات،وما أبرئ نفسي، لكنا نحاول.الاعتراف بالخطأ فضيلة، وكذلك الإقرار بالجهل.وخلّونا نمشي لي قدَّام،بالتركيز على ما ينفع الناس.أرقدوا عافية.
12-02-2015, 07:14 PM
Munir Munir
تاريخ التسجيل: 02-11-2002
مجموع المشاركات: 10496
ألاحظ أن هذا الإيقاع البشتوني كما قلت قريب من إيقاع الدليب، لكنه أعرج - مشيته عرجاء وهناك تأخير بسيط بين الخطوات أو الدقات - ولا يتطابق معه مية في المية ..
12-02-2015, 09:16 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
من "الفيسبوك" صفحة "مصعب المهدي" في يوم 10 يونيو 2012:
Quote: Musab E. MahdiJune 10, 2012 ·ايقاع 7/8 اللي هو الدليب .. والناس فرحانة بيهو وايقاعات بلدنا طلع انو اغريقي يا جدعانوالسيد Yanni ما سرقو من السودان... يعني ما تفكوها فينا ده تراث اغريقياحتمال كبير اخوانا الشوايقة جذورهم اغريقية او انو الاغريق طلعو شوايقة.. حلوها انتو
12-03-2015, 02:35 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: MUSICAL TRADITIONSOdd Meters, 7/8 Anyone؟By Stewart Hendrickson Recently some Irish musicians have been composing tunes in odd meters such as 7/8 One example of this is the "Road To Barga" by Cillian Vallely of the Irish band Lunasa*
Quote: دا واقع الموسيقى في العالم كله1- أنا فهمت من سؤالك محاولة الربط الثقافي وربما الاجتماعي بين مكونين في شمال السودان وجنوب أوروبا، اليونان تحديداً.2- فهمت من مداخلات الموصلي تأكيده على هذه العلاقة.*** الملخص: إيقاع الدليب يوناني إغريقي ***فإذا كان هذا هو المقصود، فمرحب بالنقاش في هذه الجزئية وبطريقة علمية حتى لا يتحول البوست لمهرجان موسيقى.أما إذا كانت هذه مجرد ملاحظات فوارد جداً أن تتشابه الموسيقى على امتداد القارات، صادفت بوست منذ فترة يؤكد على تشابه الموسيقى السودانية مع الصينية، بجامع (السلم الخماسي) بكل فخر كما بدأ من صاحب البوست.____أسلوب المقارنة بالفيديوهات يقودنا إلى أن موسيقى الوازا في النيل الأزرق أصلها استرالي.أو ربما العكس.
كدي يا حاتم ورينا واشرح ليناالطريقه العلميه ومنكم نستفيد
12-03-2015, 08:05 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: The Greeks have been playing music in 7/8 and other odd meters for hundreds (even thousands) of years, as have Middle Eastern, Eastern European and Balkan musicians.
لم يتم ذكر افريقيا في المقطع أعلاه،وهذا يخالف ما قال به الاستاذ حاتم ابراهيم،وفي المقابل، يؤكد تحليل الاستاذ الموصلي حول أن ذلك الإيقاع أتى إلى السودان من الشرق الأوسط..*المرجع:http://www.stolaf.edu/people/hend/VictoryMusic/OddMeters.htmlhttp://www.stolaf.edu/people/hend/VictoryMusic/OddMeters.html
12-03-2015, 10:55 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: العزيز قرشي انا جاييك بي محلين1- ايقاع الدليب أو 7/8 في السودان( لاحظ في السودان دي) شايقيولو الشوايقه نوبيين يبقى الايقاع نوبي "شايقي"طيب الايقاع منتشر في العالم1- استخدمه مؤلفو شرق وغرب أوروبا منذ القرن السابع عشرايجور سترافنسكي مثالاهو متأصل في الاغنية الشعبية الاغريقيةاستخدمه منها ياني مثالا-----في جامعة ايوا كان الاستاذ الزائر اغريقيوأثناء تدريسنا ادانا واجب كتابة مؤلف للرباعي الوتريكونتراباض / تشيلو / فيولا / كمانفكتبت مؤلف على ايقاع الدليب حأجيبو ليك في البوست ده ان شاء اللهالاستاذ نظر الى شخصي باستغراب وسألني من أين لك هذا الضرب الايقاعيفرددت عليه بان هذا "من إندنا" منطقة الشايقية فقال لي لا هذا إغريقيواستمر الجدل وقررنا أن يأتي كل منا في اليوم التالي بما يثبت أحقيتهفاحضرت شريط للنعام وأحضر هو أغنية شعبية اغريقية وضحكنا جميعا وعرفنا بان هذا العالم ضيقكل الود موصلي
مداخلة الاستاذ الموصلى منقولة من بوست للزميل قرشى محمد عبدون يا إخوانا إيقاع الدليب نوبى ولا شايقى..الشوايقة نوبين ولا العكس ؟يا إخوانا إيقاع الدليب نوبى ولا شايقى..الشوايقة نوبين ولا العكس ؟فى العام 2012الموصلى يقول ... الايقاع معروف عىد الاغاريق من القرن السابع عشريبقى بى عمر التاريخ الايقاع جديد عليهمبى حكم ان الطار و الدف و الدليب كاّلات اتوجدت قبل دلك التاريخ بكثير ....المنطقة الجغرافية و التى يقع فى اطارها الشايقية منطقة حراك و كر و فر منذ قديم الازلالمسيحية اتت الى السودان عن طريق النهر و كذلك الاسلامو المستشرقون و المستكشفون و كل حملات الغزوو بحسف قولك ان الايقاع عرف عند الاغاريق منذ القرن السابع عشر الميلادى اميل الى فرضية نقله من منطقته الام بحكم حركة التاريخو ما اظن فى شايقى مشى اليونان الزمن داك عشان يجيب الايقاع منهم_______شكرا كتير يا خواض على الترحيب
12-03-2015, 12:08 PM
Munir Munir
تاريخ التسجيل: 02-11-2002
مجموع المشاركات: 10496
Quote: Aiman Awadوالله يا جماعة انا حاسس انو الزول الاسمه حاتم ابراهيم دا هو المهدى المنتظر ربنا يحميه من العين وحقد العاملين فيها متعلمين والخوف كل الخوف انه يزهج ويكسح ويقعدوا لينا ناس الموصلى وحمور وياسين فوق راسنا لحدى نمش قبرنا انا لله ياخى
ههه .. ضحكتنى عبارة المهدى المنتظر دى .. :)فعلاً حاتم من ما ظهر رمى ليهو- دليبة - كبيرة بتاعة الطلوع للقمر جهجه ليك باكات الملكيين أكتر من الملك زاتو ... :)
12-03-2015, 03:17 PM
Elmosley Elmosley
تاريخ التسجيل: 03-14-2002
مجموع المشاركات: 34683
منير شكرا لمساهماتك كلهاوده شرح عام لميزان ٧/٨ دوما الايقاعات تتكون من نبر قوي ونبر ضعيف القصه مادليب بتاع اهلنا الشايقيه السموهو كده وهو عندهم متميز بان تفاصيله الداخليه غنيه عما سمعته في الحضارات الاخرى عموما الناس المحتجين في الوصف ٧/٨ نقول ليهم ده الوصف العلمي وهنالك نوعين منه ٣+٤ آو ٤+٣ او ١،١،١+١،١،١،١ والعكس هو١،١،١،١،+١،١،١ ويوجد ايصا ١،١+١،١،١،+١١،١ اي ٢+٣+٢ ونزيد في الشرح فعدد وحدة الاربعه ضربات تتكون من٢+٢ ونسمع كل الضربتين تم ادخالهما في ضربة واحدة ولكنهت حسابيا =ضربتين ------------------------------------------- وبذا يكون التكوين النهائي للضرب اما ١،١،١،+٢،٢آو ٢،٢،+١،١،١ والاتنين في كل قسم من الاربعه بيتم عزفهما في ضربه واحده مدغومه تساوي ضربتين كما اسلفت ارجو الا آكون قد عقدت لكم الموضوع وساحاول ان اتي لكم بتسجيلين فيديو للتوضيح ونرجو من الاخ منير والجميع مساعدتي في البحث عن صولو ايقاعيه للدليب الشايقي لنرى كيف يتميز اهلنا في تنويعه -----------------------
(عدل بواسطة Elmosley on 12-03-2015, 03:26 PM) (عدل بواسطة Elmosley on 12-03-2015, 03:37 PM)
12-03-2015, 03:45 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: والكلام تحديداً عن (الأشتراك)، وليس عن (الأصل)على الأقل دا الموضوع الفتحه اسامة الخواض.+++كدي يا حاتم ورينا واشرح ليناالطريقه العلميه ومنكم نستفيد +++قصة البروفيسور اليونانياها كل طالب ماجستير جاب العمل بتاعووانا زي ما قلت جبت العمل على ايقاع الدليبففوجئ البروفيسور بالايقاع الخاص بالمؤلف+++لم يتم ذكر افريقيا في المقطع أعلاه،وهذا يخالف ما قال به الاستاذ حاتم ابراهيم
أها يا الصادق كلامي جاك؟ إنو في نظرية خجولة هنا
للسبب دا أنا من البداية بطالب صاحب البوست والأستاذ موصلي يكونوا صريحين ويحددوا الغرض ويقولوا:*** إيقاع الدليب يوناني إغريقي ***+++على أي حال يا أستاذ موصلي أنا بجهز في رد من أربعة أجزاء كبيرة وكنت أتمنى تركز في الموضوع، فانت هنا بتتأرجح بين نظريتك المتعجلة ثم التوتر وذكر أبولو ثم إعادة سرد الأساسيات ثم العودة والاستعطاف ثم الاعتماد على فيديوهات المتداخلين ثم الآن تسألني أشرح ليك الطريقة العلمية مع أني ذكرتها بالخطوات ثلاثة مرات، مرتين وجهت الكلام ليك شخصياً والتالتة ضمن رد على صاحب البوست، أظنها واضحة فوق، لاحظ أنك أنت المتخصص هنا يا "موصلي" لكنك لا تبدو مختلفاً عن المتداخلين، بل تبدو ضائع ومشتت تماماً، فخليني دلوقت افترض أنك موافق على الملخص التالي (إيقاع الدليب في منطقة الشايقية أصله يوناني أغريقي) حتى لا تكون ردودي قائمة على تخمين لا يحاسب عليه أحد، فهل أنت موافق؟+++الأستاذ أسامة الخواض، مداخلتك الأخيرة هي السبب في عودتي السريعة هذه لإيقاف مثل ما تفضلت به، لاحظ أنني من أول مداخلة أطالب بالطريقة العلمية الصحيحة للتناول، لو فقط راجعت مداخلة موصلي التي اقتبست منها حديثه عن البروفيسور ستعرف أن النتيجة التي توصلت لها أنت (لم يتم ذكر افريقيا) لا قيمة لها بل يمكنك في الواقع أن تورد المئات من الفقرات التي لن تشمل كلمة أفريقيا والإيقاع المعني، فأنت حريص على أن لا توجد علاقة أصلا كما بدأ يظهر الآن، لهذا خاطبتكم بضرورة التناول (العلمي) وليس العاطفي، ياخي إذا كان البروفيسور بتاع موصلي ما سمع بإيقاع مشابه اسمه الدليب طول عمرو انت حتجيب فقرة من صفحة لواحد متخصص (كيمياء) أفريقيا كلها خارج دائرة اهتماماته إما تغافلاً أو جهلاً، وعايز ترجع ليها كإثبات؟ Oh, Please عموماً ياريت تقلل من الطريقة غير السليمة دي لأنها حتجرفك وتدخلنا في مغالطات بائسة فالأصح أن تبحث عن المواضيع الخاصة بأفريقيا بحيدة لنفي وجود الإيقاع (وبرضو غلط لأنك مندفع بالغرض لكن عشان أسهل ليك مهمتك) وليس بإبراز المواضيع التي لم تتطرق للقارة أصلاً للإثبات، عشان لما أضع ردي يكون شامل للمداخلات الموجودة حتى الآن (updated) بس في إمكانكم توحدوا آرائكم حول الأصل الإغريقي لإيقاع "الدليب" بكل وضوح وتحشدوا ليهو المراجع العلمية بإيجابية، مش فيديوهات، أو مقتطفات لا تناقش موسيقى القارة أساساً.أنا عامل مقدمة كبيرة لشرح الإيقاعات لأنو الظاهر موصلي مصر يحتفظ بالأساسيات لنفسو للمستقبل، وجايب في ردي نماذج للدليب من غرب أفريقيا (بدون صور مراعاة للمشاعر)، أما مداخلات الإخوة الأمين ومنير والسوداني الصامت تحت فحصرت ملخص ردي عليها في الباب الرابع، "نضافة الرايش"._____كونوا بخير وتركيز حتى عودتي.
12-03-2015, 03:51 PM
Munir Munir
تاريخ التسجيل: 02-11-2002
مجموع المشاركات: 10496
ياحاتم إنت لو مصر تقوِّل الناس كلام ماقالوه وعاوز تبنى عليهو ردك المطوَّل بعد يومين فأخير ياخوى توفّر جهدك .. فلا الموصلى قال الإيقاع أصله يونانى ولا أنا قلت أنه حق البشتون .. وثم ثانياً إنت عاوز تقنعنى إنو اللنكات الجبتها دى إيقاع دليب كسر رقبة ساىِ؟؟ ياخوى أنا إيقاع الدليب ده شاربه شراب وموزون عندى مع دقات القلب .. أى زوغة من الوزنة الشاربها أنا بحسها طَّوالى .. وشوف ملاحظتى عن العرجة فى إيقاع البشتون ــ أها العرجة دى ما بيحسها إلاّ زوول ناقش تفاصيل الإيقاع .. ويمكن الأخ الموصلى يفلفلها علمياً ـ أنا زوول سِمِّيع بس .. ثم ياخى ياريت تنأى بنفسك عن أسلوب الإستهزاء و الإستعداء ـ فالموصلى لم يستعطفك بل ظل يستلطفك ويحاول يخت الكورة واطة معاك فلماذا الإستفزاز فى كل مداخلة؟؟ !!
12-03-2015, 05:06 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20363
Quote: عموماً ياريت تقلل من الطريقة غير السليمة دي لأنها حتجرفك وتدخلنا في مغالطات بائسة فالأصح أن تبحث عن المواضيع الخاصة بأفريقيا بحيدة لنفي وجود الإيقاع (وبرضو غلط لأنك مندفع بالغرض لكن عشان أسهل ليك مهمتك) وليس بإبراز المواضيع التي لم تتطرق للقارة أصلاً للإثبات، عشان لما أضع ردي يكون شامل للمداخلات الموجودة حتى الآن (updated) بس في إمكانكم توحدوا آرائكم حول الأصل الإغريقي لإيقاع "الدليب" بكل وضوح وتحشدوا ليهو المراجع العلمية بإيجابية، مش فيديوهات، أو مقتطفات لا تناقش موسيقى القارة أساساً.
زي ما قال ليك الاستاذ منير وزي ما قال العبدلله قبل ذلك ، خلونا ننتقد الأفكار لا الأشخاص،ونتجنب ذكر اسمائهم، قول مثلا الفكرة الفلانية ما صحيحة او ما بتفق معاها عشان واحد اتنين تلاثة إلخ.شخصنة النقاش، لا تقود إلا إلى طريق واحد:"الجحيم" المجازي.وبعدين مرة أخرى زي ما قالوا ناس كتيرين هنا ، لم يقل أحد أبدا ان اصل الدليب هو بلاد اليونان او الاغريق،و انما قلنا انه ايقاع مشترك في مناطق مختلفة من العالم.فارجو في ردك ألا تحاول نقد مسألة لم يقل بها أحد إطلاقا.ومرحبا بك مرة أخرى.ارقد عافية.
12-03-2015, 06:02 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: ها يا الصادق كلامي جاك؟ إنو في نظرية خجولة هنا
حاتم تحياتيأنا واحد من الناس ما قاعد أقرأ النوايا بتاعة الناسعلى بالحقائق.وأسامة هنا قال بوضوح إنه الموصلي ذكر إنه ايقاع الدليب (مشترك)يعني الموصلي حسب نقل اسامة عنه نهائي ما قال إنه الدليب اصله اغريقيفأنا شايف إنك تفتح بوست تاني عن أصل الدليب كإيقاع ودا حيكون مفيد جداًمن زول عنده مقدرات بحثية زيك.لكن النقاش الهنا دا دائري، وحقيقة بيشوش على فكرة البوست الأساسيةبتاعة اشتراك ايقاع الدليب بين الاغريق والشايقية، من غير الإشارة لأصله.وزي ما قلت ليك في بوست النوبييين، الموضوع ممكن يكون بنفس طريقة (الأعمدة الرومانية)والتأثر المتبادل بين الحضارات ممكن.فهسع خلينا في قصة اشتراك الدليب بين الاتنين.وبعد ما ننتهي منها ممكن نفتح قصة اصل الدليب ونشوف رأيك ورأي الموصليورأي منير نفسه.وحقيقة أنا رجعت وسمعت ايقاع (البشتون) وملاحظة منير صحيحة مية بالميةوأنا سمعته أول مرة وما نقشتها، لكن زول زي منير دا ايقاع فعلاً بيكونرضعه من صغير.
12-03-2015, 07:48 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: وحقيقة أنا رجعت وسمعت ايقاع (البشتون) وملاحظة منير صحيحة مية بالميةوأنا سمعته أول مرة وما نقشتها، لكن زول زي منير دا ايقاع فعلاً بيكونرضعه من صغير.
الصادق اخوي صح قولكانا كلامي كلو انو 7/8 أو مانسميه الدليب منتشر زي النار في الهشيم والعالم ده ضيق هسع ممكن اجيب ليك من مؤلفي القرن العشرين الاصلو ما شافو بلاد الشايقيه ويمكن ما بيعرفو هذا القبيله الراقيه جات سيرة اليونان لاني ذكرت قصة استاذي اليوناني في جامعة ايواوهذا لا يعني أن منبع الايقاع في اليونان فانا لم اصل الى هذه المعلومة بعد ولست متيقنانا اي البلاد هي الاسبق في هذا الضرب الايقاعي فالعالم ده قديم ومليئ بالثقافات الشعبية
عزيزي منيرشكرا يازميل البورد من زماننحن عايزين حاتم يركز في الموضوع "ما يوسف الموصلي"الموصلي تطير عيشتو ياخانا هسغ سالت حاتم عن اشياء مثل1- يجيب لينا الايقاع الميزانو 7/8 في غرب افريقيا وما جابووده ما بيعني انو غرب افريقيا فقيره في الايقاعات بل هي الاغنى2- قعد يتكلم فب الكاونتربيونت ولو انو بره الموضوع الايقاعي البنتكلم فيهو فقلنا ليهو اشرح ليناالحركة العكسية التقهقريه فما اشتغل بيناوظل يداور في المسائل وما مشكلهنحن نحترمه ونرجو ان يعود الى وعي الحوار ولا يركز على شخصية الموصلي
12-03-2015, 08:20 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3438
سلام يا الصادق،مداخلتي المسحوبة كانت موجهة ليك.شايفك متمسك بحرفية مراد البوست!!طيب نسألك: صاحب البوست والموصلي دايرين يصلوا لشنو بتحديد الشبه بين الدليب الشايقي وبعض ايقاعات اليونان؟!الكويس انو البوست وصل إلى انو لا توجد علاقة خاصة بين الدليب الشايقي واليونان وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.تستطيع يا الصادق، أن تتمسك بحرفية سؤال البوست، لكنك في نفس الوقت بتحكم باعدام البوست وقفله
12-03-2015, 09:40 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سلام يا الصادق،مداخلتي المسحوبة كانت موجهة ليك.شايفك متمسك بحرفية مراد البوست!!طيب نسألك: صاحب البوست والموصلي دايرين يصلوا لشنو بتحديد الشبه بين الدليب الشايقي وبعض ايقاعات اليونان؟!الكويس انو البوست وصل إلى انو لا توجد علاقة خاصة بين الدليب الشايقي واليونان وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.
من الذي قال لك أنه لاتوجد علاقة يا ابوبكرأهم علاقة بينهما أن كلاهما ميزانه7/8لو عرفنا أهمية الميزان في الموسيقى
12-04-2015, 06:16 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3438
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
osama elkhawad
Elmosley
حاتم إبراهيم
ابو جهينة
الأمين عبد الرحمن عيسى
عمر عثمان
الصادق اسماعيل
Munir
ياسر السر
أبوبكر عباس
Hani Arabi Mohamed
جلالدونا
فيس بوك
تويتر
انستقرام
يوتيوب
بنتيريست