|
|
 صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
|
مقص ومحاولة افتعال حادث حركة في زقاق من زقاقات ذلك الحي الذي يقطنه جموع عديدة من المهاجرين االفقراء الذين يعملون في رطوبة عالية رسمت علي ظهورهم علامات بادية من اثر العتالة الشديدة في مخازن جمارك تلك الدويلة الصغيرونة في الحجم ولكنها كبيرة في النفط والفكة بكل انواعها المختلفة...بجانب قدامي العجائز من الذين خدموا في سلك الشرطة والبوليس ورمت بهم اقدار التفنيش وانهاء الخدمة بين جدران البيوت الضيقة المتسخة المليئة بالاطفال الكثر والبنوت
الناهدات اللائي عشن طفولة منعمة ومدلعة...ولكنهن الان يحلقن في كل كراكير ومكاتب المدينة وموسساتها لاعاشة الاسرة الاب العجوز والام التي اضناها الضغط والسكري والفقر الفجائي الذي لا يطاق لامراة كان الذهب يرسل اصواتا كشرو كشرو كشرو....!!!!
|
|
 
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: عبدالكريم الامين احمد)
|
كررررررررو كرووووووو
صدمة خطافية سلاخية نفذها (كرنجي) بمهارة استدعي فيها كل مهاراته القديمة في القيادة في قوز جمل وحل القربين وطريق الخرطوم مدني موطن الحفر الاسطورية..
صدمتنييييييي يا ود الناس لييييييييييه....؟؟؟
كانت هذه اللكنة واللهجة السودانية هي اخر ما كان (كرنجي) يحلم بسماعها من فم ذلك الغزال العجيب
فطيلة فترة مقصاته تلك كان يرسلها الي خانة الصومالية واحيانا المورتانية وعندما يحتار كثيرا يرسلها الي بلاد الكاريبي
ومرات عديدة اعتقد بانها من بلاد السامبا...
| |
|
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: خالد عبد الله محمود)
|
Quote: خالي ما فاضي لي اليومين ديل .. عندو كورس مكثف في مايرنو ..
بعدين عمكـ MES لو بنتظر يقنطرو ليهو الكورة ده ما كان حالو |
تعرف خالك ده لو جاء نابل من سفرتو دي واتفرغ قعد للمنبر ده
بكري الا يجيب مشمع يقفل بيهو وش المنبر ده
دي ياخي حالتو كراع في الحتانة وكراع في المنبر رشانا بقصة جكس الحمام ومايرنو
وجدع حاجة كده في موضوع الرشيد بدوي العبيد...لو اتفرغ غايتو الله قال بقول حاجات كثيرة هنا..
...
وحبابك يا زول في مدارات كرنجي عوض كرنجي المسخوت شديد ياخي
| |
|
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: عبدالكريم الامين احمد)
|
ولكن لم تري هذه الجملة الكرنجية النور ولكنه رقص طربا عندما طلع من ذلك الحادث برقم تلفون (بسكوتة)التي عرفت نفسها بانها سودانية من حلة كيت كيت في البندر السوداني وعايش في البيت دااااااااااااااك مع زوجي ومع امي وابوي واخواني واولادي وزوجي من جنسية عربية ...!!!!
وبلع كرنجي جملتها الاخيرة وايقن بحسه الامني بان (الفير وول) بتاع الغزالة العجيبة (فير وول) عالي
وضروري الانسحاب التكتيكي ومحاولة تقليل المقصات خوفا من الهواء والهبايب وهو الذي غريب ديار
ومثل هذا الماتشات ذات (الفير وول) رسمي وشعبي ومختوم بالشموع الحمراء مصيبتها دائما مصيبة...
ونعود
| |
|
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: Abdalla aidros)
|
Quote: يا باشمهندس * ياخ البتعمل فيهو ده غلط
تم لينا نشوف كرنجي ده عمل شنو مع البنية السكرية بعدين جمع ردود الناس دي كلها مرة واحدة
الا القصة خلصا ما تعلقنا معاك ساكت نحن البنبر ده بندخلو من الحول للحول
|
هلا يا عيدروس
وياخي اعزرنا مع كراكير الغربة ام دق دي..
خلتنا نتلوم معاكم ونتلوم مع صحبي كرنجي المسخوت
ولكن صبرا سنعطيك القصة كلها صرة في خيط....
وفي انتظارك المرة الجاية عشان تقول كيكي ...
وياخي عندي زول صحبي شديد اسمو عماد عيدروس
قريبك ولا اسم لاسم..عطبراوي ذلك الفتي الجميل لحنا ووترا
| |
|
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: عبدالكريم الامين احمد)
|
يوم والدنيا مع العصير وكرنجي مستلقي علي نار هموم غربته العجيبة...
فجاة رن تلفونه العجيب...
رررررررررررن
الله هي ذات الرقم الذي يحفظه كرنجي في ظهر عقله الباطني والظاهري..
وكلفه الحصول عليه ككمين ريال هو ثمن الخطر الذي انكسر في ذلك الحادث السسسسسسلاخي..
رننننن
وكرنجي مرت عليه سحابة من الخلعة والرجفي والعرق ايضا..ليفرك عينيه حتي يقدر يستوعب (الحصل)
وليييييييه التلفون ده بضرب...ووياربي دي بسكوتة ولا العربي الذي قيل بانه اهله يضبحون الناس
وجد هذا التلفون واتي عبر مكالمته تلك لضبح وسحل كرنجي المسكين..
سحابة وامطار وورعد من الهواجس والتفكير النشط مرت في مخيلة كرنجي
ولايزال التلفون يرررن ويرررن ويرررنوونعود
| |
|
|
|
|
|
|
|
|
|
Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: انور التكينة)
|
Quote: يا أخوى انا لى يومين فى منبركم ده .. يعنى لسه بوهيتى لينة
لكن قررت الا أقرأ لك مرة أخرى حتى لا أفقد وظيفتى
ابداعك يجعلنا نلتحم بالبوست التحاما |
الف سلام وتحية اخي انور
واولا ياخي حبابك الف في هذا المكان ونتمني ليك اقامة سعيدة بين ردهاته..
وشكرا علي كلامك الجميل يا ابو النور واتمني ان اكون مستحقا له..
Quote: سجم الشغل و سجم الراجننا
اذ صرنا سجناء ابداعك |
ههههههه
يازول تب ما بتجيك عوووجة
لو حصلت حاجة بس قول لينا عوووك عشان ناس شغلك ديل نوضبهم ليك بكادوك لمن ياااامنو ذاتتتو (ههههه)
ولك كل التقدير وايادي المودة..
ولك هذه الهدية عربون اخاء وصداقة ومحبة..
الليله لاقانى..ببسمه حياانى...
| |
|
|
|
|
|
|
|
|
 Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!! (Re: عبدالكريم الامين احمد)
|
مع التسليم على انه يعد من زمرة (المساكين) الذين يحترمون الكبير والصغير ولا يتفوه بما يندم عليه فيما بعد ... إلا...
إلا انه مع اول كبايتين عرقى (طويلات) ... تجده وقد تحول إلى وحش كاسر ... يحب العكننة ... كثير الإستفسار والسؤال حتى فى أشياء ليست ذات أهمية مع إصراره على (النط) فى أى نقاش والإدعاء بانه المقصود بهذا النقاش ويمكن ان يصل الحال إلى (دواس) لا يعلم مداه..!!!
هذا حال (مبوك طقوس) ذو الأربعة وعشرين ربيعاً.
تعال واصل يا كيكى
شول اشوانق دينق
__________________
طقوس = البتاعات (وش متدردق)
| |
|
|
|
|
|
|
| |
عبدالكريم الامين احمد
Nader Abu Kadouk
خالد عبد الله محمود
شول اشوانق دينق
غباشي
حامد محمد حامد
أحمد الشايقي
انور التكينة
فيس بوك
تويتر
انستقرام
يوتيوب
بنتيريست