Post: #1
Title: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 01:52 PM
مقص ومحاولة افتعال حادث حركة في زقاق من زقاقات ذلك الحي الذي يقطنه جموع عديدة من المهاجرين االفقراء الذين يعملون في رطوبة عالية رسمت علي ظهورهم علامات بادية من اثر العتالة الشديدة في مخازن جمارك تلك الدويلة الصغيرونة في الحجم ولكنها كبيرة في النفط والفكة بكل انواعها المختلفة...بجانب قدامي العجائز من الذين خدموا في سلك الشرطة والبوليس ورمت بهم اقدار التفنيش وانهاء الخدمة بين جدران البيوت الضيقة المتسخة المليئة بالاطفال الكثر والبنوت
الناهدات اللائي عشن طفولة منعمة ومدلعة...ولكنهن الان يحلقن في كل كراكير ومكاتب المدينة وموسساتها لاعاشة الاسرة الاب العجوز والام التي اضناها الضغط والسكري والفقر الفجائي الذي لا يطاق لامراة كان الذهب يرسل اصواتا كشرو كشرو كشرو....!!!!
|
Post: #2
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 01:54 PM
Parent: #1
كل الهدف من ذلك المقص وحادث الحركة المفتعل كانت هي محاولة من( كرنجي) المسخوت للتقرب اكثر والتمتع بالتامل والنظر في ذلك الغزال (البري)..رشيقة القوام وويبدو عليها خضرة من النوع الناعم الذي يعجب (كرنجي ) كثيرا ويحعله يجن جن السنين..بجانب قيادتها للسيارة الزرقاء اللون بحرفنة ومهنية عالية وهي في حركتها اليومية في شوارع ذلك الحي الذي حط (كرنجي) به كفورمن له ضل في احدي مشاريع طرقه..
|
Post: #3
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 01:56 PM
Parent: #2
في ذلك الصباح الذي قرر فيه (كرنجي) قرر فيه صدم عربتها كان قرار اتي عبر تراكم مليون مقص ومقص فاشل
وديشليون محاولة لفت انتباه لم يكتب لها النجاح في ظل 0 جدية تلك الغزالة العجيبة وتركيزهاعلي الطريق امامها. وهي في طريقها للمكتبة الوحيدة في الحي والتي كانت تديرها بكل نشاط وهمة...
تردد عليها كرنجي كثيرا ولكن لم يجد ابدا دوائر او انبعاث اهتمام ممكن يساعده علي قيادة الكورة الي الامام والالتحام الماكوكي لاحقا....
|
Post: #4
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 02:00 PM
Parent: #3
كررررررررو كرووووووو
صدمة خطافية سلاخية نفذها (كرنجي) بمهارة استدعي فيها كل مهاراته القديمة في القيادة في قوز جمل وحل القربين وطريق الخرطوم مدني موطن الحفر الاسطورية..
صدمتنييييييي يا ود الناس لييييييييييه....؟؟؟
كانت هذه اللكنة واللهجة السودانية هي اخر ما كان (كرنجي) يحلم بسماعها من فم ذلك الغزال العجيب
فطيلة فترة مقصاته تلك كان يرسلها الي خانة الصومالية واحيانا المورتانية وعندما يحتار كثيرا يرسلها الي بلاد الكاريبي
ومرات عديدة اعتقد بانها من بلاد السامبا...
|
Post: #5
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 02:05 PM
Parent: #4
ولكن كانت الصفعة الثانية هي (كررررررررر علي لكن الخطر بتاعك ما اتكسر يا انت...!!!)
خطر اتكسر...!!!
ردد (كرنجي) في سره وهو في محاولة محمومة لكبت رده الذي كان سيكون جاهزا لو كان هذا الحادث في بلده الاصلي وسط ملعبه وجمهوره...(خطر شنو يا يا بت الناس...انا ذاااااتي اتكسر وادشدشت ورقدت سلطة بس انتو ما شغالين بينا الشغلة..)
ونعود الي عوالم كرنجي المسخوت مع البنية السكرية والله يستر
|
Post: #6
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: Nader Abu Kadouk
Date: 01-08-2009, 02:15 PM
Parent: #5
كيكي
الحكايه لمن يكون فيها جكس إبداعك بيطلع
واصل يا زول يا حلو
ودابكدوك
|
Post: #7
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 02:22 PM
Parent: #6
Quote: الحكايه لمن يكون فيها جكس إبداعك بيطلع
|
هلا يا ابوكدوك ومشتاقين ياخي..
والحكاية لمن تكون فيها جكس شكلها بجيب حاجات عجيبة خلاص
بس الله يسترنا المرة دي مع الود المسخوت كرنجي ..القصة شكلها ماشة للغريق
وضروري ننبه الناس من حسع تعمل ساتر وتتضاير
|
Post: #8
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: خالد عبد الله محمود
Date: 01-08-2009, 02:33 PM
Parent: #1
كرنجي و لا كيكي ؟؟؟ أعترف !
|
Post: #9
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 02:39 PM
Parent: #8
| Quote: كرنجي و لا كيكي ؟؟؟ أعترف ! |
ياخالد
قلنا عمر جكس قالوا كيكي
غيرنا لابكر جكس قالوا كيكي
اها الليلة لولونا القصة مرة واحدة وجبنا (كرنجي عمر كرنجي)
وبرضو ما دايرين تريحونا
ياخالد انت ذااتك انا مفتش عليك ومطلوب انت لمحاكم كيكية بدعوي قنطرة الكورة لاي سليمان
حسع يقوم يجي يمسك في كيكي ولا كرنجي ده ويكرهنا البنية السكرية حلاوة شنو كده ماعارف دي
غايتو شوف خالك خليل كان يطلعك
|
Post: #10
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: خالد عبد الله محمود
Date: 01-08-2009, 02:48 PM
Parent: #9
| Quote: غايتو شوف خالك خليل كان يطلعك |
خالي ما فاضي لي اليومين ديل .. عندو كورس مكثف في مايرنو ..
بعدين عمكـ MES لو بنتظر يقنطرو ليهو الكورة ده ما كان حالو ..
|
Post: #11
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 02:54 PM
Parent: #10
Quote: خالي ما فاضي لي اليومين ديل .. عندو كورس مكثف في مايرنو ..
بعدين عمكـ MES لو بنتظر يقنطرو ليهو الكورة ده ما كان حالو |
تعرف خالك ده لو جاء نابل من سفرتو دي واتفرغ قعد للمنبر ده
بكري الا يجيب مشمع يقفل بيهو وش المنبر ده
دي ياخي حالتو كراع في الحتانة وكراع في المنبر رشانا بقصة جكس الحمام ومايرنو
وجدع حاجة كده في موضوع الرشيد بدوي العبيد...لو اتفرغ غايتو الله قال بقول حاجات كثيرة هنا..
...
وحبابك يا زول في مدارات كرنجي عوض كرنجي المسخوت شديد ياخي
|
Post: #12
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-08-2009, 07:13 PM
Parent: #11
ولكن لم تري هذه الجملة الكرنجية النور ولكنه رقص طربا عندما طلع من ذلك الحادث برقم تلفون (بسكوتة)التي عرفت نفسها بانها سودانية من حلة كيت كيت في البندر السوداني وعايش في البيت دااااااااااااااك مع زوجي ومع امي وابوي واخواني واولادي وزوجي من جنسية عربية ...!!!!
وبلع كرنجي جملتها الاخيرة وايقن بحسه الامني بان (الفير وول) بتاع الغزالة العجيبة (فير وول) عالي
وضروري الانسحاب التكتيكي ومحاولة تقليل المقصات خوفا من الهواء والهبايب وهو الذي غريب ديار
ومثل هذا الماتشات ذات (الفير وول) رسمي وشعبي ومختوم بالشموع الحمراء مصيبتها دائما مصيبة...
ونعود
|
Post: #25
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-18-2009, 09:54 AM
Parent: #9
فوووق
|
Post: #13
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: شول اشوانق دينق
Date: 01-08-2009, 08:23 PM
Parent: #1
عود ياخ والله معانا...
مرة مجروس ومرة جكس ومرة كرنجى ومرة جزار!!! ...الله معانا بس معاك يا كيكى
شول اشوانق
_____________
إنشالله المرة الجاى منو كده بطيخ و... بث
|
Post: #15
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 08:13 AM
Parent: #13
| Quote: إنشالله المرة الجاى منو كده بطيخ و... بث |
يا شول
والمرة الجاية خليك جاهز لحكايات(عوضية بطاطس)
|
Post: #14
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: غباشي
Date: 01-08-2009, 09:01 PM
Parent: #1
كيكي ... عام سعيد
مشتاقين و ترقبونا قريباً ......
ابوكدوك .. الavator بتاعك ساخر جداً
|
Post: #16
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 08:14 AM
Parent: #14
| Quote: مشتاقين و ترقبونا قريباً ...... |
سنة سعيد ياغباشي
ومشتاقين ليك والله وانشاء الله تكون تمام التمام مع بلادكم ام برد شين ديك
وفي انتظارك
|
Post: #17
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: Abdalla aidros
Date: 01-10-2009, 03:38 PM
Parent: #16
يا باشمهندس * ياخ البتعمل فيهو ده غلط
تم لينا نشوف كرنجي ده عمل شنو مع البنية السكرية بعدين جمع ردود الناس دي كلها مرة واحدة
الا القصة خلصا ما تعلقنا معاك ساكت نحن البنبر ده بندخلو من الحول للحول
متابع قديم لحكاياتك الساحرة
* قلنا نخاطبك رسميا في اول مداخلة .. التانية بنقوليك كيكي
اللعين دي الا خليل اليقولا ليك
|
Post: #18
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 04:36 PM
Parent: #17
Quote: يا باشمهندس * ياخ البتعمل فيهو ده غلط
تم لينا نشوف كرنجي ده عمل شنو مع البنية السكرية بعدين جمع ردود الناس دي كلها مرة واحدة
الا القصة خلصا ما تعلقنا معاك ساكت نحن البنبر ده بندخلو من الحول للحول
|
هلا يا عيدروس
وياخي اعزرنا مع كراكير الغربة ام دق دي..
خلتنا نتلوم معاكم ونتلوم مع صحبي كرنجي المسخوت
ولكن صبرا سنعطيك القصة كلها صرة في خيط....
وفي انتظارك المرة الجاية عشان تقول كيكي ...
وياخي عندي زول صحبي شديد اسمو عماد عيدروس
قريبك ولا اسم لاسم..عطبراوي ذلك الفتي الجميل لحنا ووترا
|
Post: #19
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 04:51 PM
Parent: #18
خروج ثلاثي الغنائم لكرنجي من حادثة الصدم..اسم علي مسمي (بسكوته) ذات الشعر المسرح (ضنب غزال)
وشال ابن لذينة مجدوع في الكتف (مسوي عمايل)..و البنية طلعت سودانية مية مية فهذا امر سر بال (كرنجي) كثيرا كونه قد يقلل درجات نقته ويعفيه من نضمي الفرنجة الذي يري كرنجي بانه لا يتيح له
توصيل مادته الكرنجية... ورقم تلفون (الوو) جاهز موية ونور وقاعد علي هبشة مفاتيح الموبيل الشديد
وجديد الذي اشتراه كرنجي وجعلته اللهفة يمارس التامل في ارقام تلفونها حتي حفظه عن ظهر قلب
ستة عشرة ثم ارقام اخري يرتلها كرنجي ترتيل الاناشيد والاغاني...
ولكن اخخخ ياكرنجي من الزولة طلعت عاملة عرس الزين ومن زولا عربي قريشي وارد بلاد رجالها يضبحون كل من تسول له نفسه الكرنجية التقرب من نسائهم...
اذن كان قرار كرنجي هو الاكتفاء بالفرجة في ارقام التلفون وقليل من المتاوقة الي طلعات الغزال
وبعض طلعات جوية صوب المكتبة للتمتع ببسكوتة وهي تبتسم ابتسامة (حيرت حنان) كرنجي وطلعت عينو
وكان يهرب منها دوما خوفا ان تعيده الي مربعات الصفر....والعجب الاكثر عندما تتعمد المرور بالقرب منه
وهي تردد
(كرنجيييييييييي ازيييييييييييك)..
ونعود
|
Post: #20
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 05:02 PM
Parent: #19
يوم والدنيا مع العصير وكرنجي مستلقي علي نار هموم غربته العجيبة...
فجاة رن تلفونه العجيب...
رررررررررررن
الله هي ذات الرقم الذي يحفظه كرنجي في ظهر عقله الباطني والظاهري..
وكلفه الحصول عليه ككمين ريال هو ثمن الخطر الذي انكسر في ذلك الحادث السسسسسسلاخي..
رننننن
وكرنجي مرت عليه سحابة من الخلعة والرجفي والعرق ايضا..ليفرك عينيه حتي يقدر يستوعب (الحصل)
وليييييييه التلفون ده بضرب...ووياربي دي بسكوتة ولا العربي الذي قيل بانه اهله يضبحون الناس
وجد هذا التلفون واتي عبر مكالمته تلك لضبح وسحل كرنجي المسكين..
سحابة وامطار وورعد من الهواجس والتفكير النشط مرت في مخيلة كرنجي
ولايزال التلفون يرررن ويرررن ويرررنوونعود
|
Post: #21
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: Abdalla aidros
Date: 01-10-2009, 05:37 PM
Parent: #18
| Quote: وياخي عندي زول صحبي شديد اسمو عماد عيدروس |
غايتو انت وخليل بعد القريناهو عن ربيتكم العجيب داك ما بكون في زول مرة بالجامعة دي ما بتعرفوهو
عماد ده اخوي لزم ومشترك معانا في المنبر ده برضو
لكن عل تعمل ليهو نداء شان تلقاهو
يلا واصل يا كيكي واصل
|
Post: #22
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 06:20 PM
Parent: #21
| Quote: عماد ده اخوي لزم ومشترك معانا في المنبر ده برضو |
هلا يا عيدروس
وانت ياخي اخو زول جميل وصديق زمن جميل..
وحرم القصة دي لو بالبوليس بعد ده تمومتها واجب وطني
وتحياتي لعماد وقول ليهو اظهر وبان يارجل وليك الامان
وسنواصل باذن الله
|
Post: #23
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: حامد محمد حامد
Date: 01-10-2009, 06:36 PM
Parent: #22
كيكى عساك بخير
اولا ما شفت البوست ده الا حسع
ثانيا ما عارف ليه ما حبيت كورنجى ده ( غير متعاطف معاه)
يا رب تدخله السجن حتى
كن بخير
|
Post: #24
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-10-2009, 06:48 PM
Parent: #23
Quote: ثانيا ما عارف ليه ما حبيت كورنجى ده ( غير متعاطف معاه)
يا رب تدخله السجن حتى
|
هلا يا حامد
وكورنجي علي قولتك موضوعو شكلو كده عجيبة
ما معروف لحدي حسع هو هو الضحية او الجاني
وكدي خلينا نشوف خطاويه العجيبة دي مودياهو لوين
وتحياتي ياحامد
|
Post: #26
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: أحمد الشايقي
Date: 01-18-2009, 10:49 AM
Parent: #24
رهيب يا باشمهندس
ذكرتنا ناصر البطل والمصائد بتاعتـه
يلا واصـل ومواصلين مع كرنجي
لو احتاج الولد دا لي كادوك أدينا خبر
أحمد الشايقي
|
Post: #27
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: انور التكينة
Date: 01-18-2009, 11:07 AM
Parent: #26
عبد الكريم يا مبدع
تحية ندية
يا أخوى انا لى يومين فى منبركم ده .. يعنى لسه بوهيتى لينة
لكن قررت الا أقرأ لك مرة أخرى حتى لا أفقد وظيفتى
ابداعك يجعلنا نلتحم بالبوست التحاما
سجم الشغل و سجم الراجننا
اذ صرنا سجناء ابداعك
|
Post: #28
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: حامد محمد حامد
Date: 01-18-2009, 11:20 AM
Parent: #27
كيكى
عدنا من سفرية حلووووووووووووة فى بيروت
وعرفت ان الموقع كان تحت الصيانة
وفجاة لقيت كورنجى لا يزال على قيد الحياة
واصل
|
Post: #31
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-18-2009, 01:40 PM
Parent: #28
Quote: عدنا من سفرية حلووووووووووووة فى بيروت
وعرفت ان الموقع كان تحت الصيانة
وفجاة لقيت كورنجى لا يزال على قيد الحياة
|
هلا حامد
وشنو يا صديق الخيانات دي ياخي..
وبالله تاني لمن تجي ماشي بلاد بالذات زي لبنن دي قول لينا عوووك
باقي يا حامد لبنان بلادا كاسر فيني ليس ضلع وااحد بل ضلوع كثاااار
ويكفي انها من انتج صوت فيروز..
وحمد الله علي السلامة
وكرنجي ياخي اتاخر كثير مع بلاوي المنبر دي
|
Post: #30
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-18-2009, 01:28 PM
Parent: #27
Quote: يا أخوى انا لى يومين فى منبركم ده .. يعنى لسه بوهيتى لينة
لكن قررت الا أقرأ لك مرة أخرى حتى لا أفقد وظيفتى
ابداعك يجعلنا نلتحم بالبوست التحاما |
الف سلام وتحية اخي انور
واولا ياخي حبابك الف في هذا المكان ونتمني ليك اقامة سعيدة بين ردهاته..
وشكرا علي كلامك الجميل يا ابو النور واتمني ان اكون مستحقا له..
Quote: سجم الشغل و سجم الراجننا
اذ صرنا سجناء ابداعك |
ههههههه
يازول تب ما بتجيك عوووجة
لو حصلت حاجة بس قول لينا عوووك عشان ناس شغلك ديل نوضبهم ليك بكادوك لمن ياااامنو ذاتتتو (ههههه)
ولك كل التقدير وايادي المودة..
ولك هذه الهدية عربون اخاء وصداقة ومحبة..
الليله لاقانى..ببسمه حياانى...
|
Post: #29
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-18-2009, 01:12 PM
Parent: #26
Quote: لو احتاج الولد دا لي كادوك أدينا خبر
|
هلا يا ابو حميد
وحبابك في سيرة كرنجي
وخليك قريب ابو الكا ده بعد شوية
ح يحتاج لحاجات كثيرة خلاص ههه
|
Post: #32
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: شول اشوانق دينق
Date: 01-20-2009, 03:32 PM
Parent: #1
مع التسليم على انه يعد من زمرة (المساكين) الذين يحترمون الكبير والصغير ولا يتفوه بما يندم عليه فيما بعد ... إلا...
إلا انه مع اول كبايتين عرقى (طويلات) ... تجده وقد تحول إلى وحش كاسر ... يحب العكننة ... كثير الإستفسار والسؤال حتى فى أشياء ليست ذات أهمية مع إصراره على (النط) فى أى نقاش والإدعاء بانه المقصود بهذا النقاش ويمكن ان يصل الحال إلى (دواس) لا يعلم مداه..!!!
هذا حال (مبوك طقوس) ذو الأربعة وعشرين ربيعاً.
تعال واصل يا كيكى
شول اشوانق دينق
__________________
طقوس = البتاعات (وش متدردق)
|
Post: #33
Title: Re: صدمة خطافية سلاخية نفذها (كرنجي) بمهارة...ثم انطلقت مسيرته مع البنية السكرية...!!!
Author: عبدالكريم الامين احمد
Date: 01-20-2009, 08:34 PM
Parent: #32
هلا يا شول
وتعرف البوست ده انا ناوي اجي اشوتو مرة واحدة (وون قو)
ولكن جيتك وانت طابق (مبوك طقوس) وسيرة المو
خلاني الكلام ده البس لبس خمسة واجي
احي (مبوك طقوس) ده...
ياخي مبوك ده رهيب وده زولي انا الكايس عليهو زاااتو ههههه..
مبوك ده لو ضرب عبابيرو دي وجاء المنبر ده يحلنا منو الحلا بلة
|
|