|
|
 الي شادية عبدالرحيم ..لكي مني وردة
|
وفي غمرة لحظات الاحتفاء بالجميل محسن خالد...كانت شادية عبدالرحيم
هناك ايضا..
اقتحمت هذه الامراة منبر الندوة بكل شموخ وثقة وشهاقة نساء بلادي العظيمات
واظهرت وعيا وثقافة عالية اذهلت الدوحة....ومرت الايام وجاءت ليلة الخور وجات شادية
عبدالرحيم ايضا...ومارست فينا جمال روحها النبيلة وغذتنا بثقافتها المهولة بحديثها
الذي لايمل عن الادب _المراة _الانسان والجمال...
شادية ازادنت الدوحة وغنت عصافيرها ومرحب بك...وسحقا لابوساندر الذي خبي عنا
كل هذا الضياء...وعفوا ان كان الترحيب متاخرا ايتها البوردابية الطاعمة..
فمثلي ذهبت اولوياته مع الريح
كريم.....
|
|
 
|
|
|
|
|
|
|
|
Re: الي شادية عبدالمنعم ..لكي مني وردة (Re: ضحيه ابراهيم)
|
| Quote: هل تقصد شاديه عبد المنعم ... |
نعم اخي وحبيبي ضحية انها شادية عبدالمنعم تلك التي جعلتني (اتلخبط)
في اسم ابيها دهشة من ثقافتها العالية.ولعن الله عبدالرحيم ودرملية واخرين فانها
فرصتهم للتاريخ في النيل منا...ولكن شادية ستبقي هي شادية.....
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: عبدالكريم الامين احمد)
|
سلامات
وعوافي
شادية لو لا ان المقام مقام احتفاء بشخصك الجميل لقلت لك ان عبدالكريم الامين عنده فوبيا اسمها عبدالرحيم ودرملية وللاسف الشديد اضحت تلازمه حتي في حالات الكتابة ...
علي العموم ان سعيد لاجتراحه لهذا البوست كونه يمنحنا فرصة للتعبير عن امتنانا لوجودك بيننا بيد اني مازلت امني النفس ببعض دونات (لقيمات)اسد بها رمق الشوق لصاج امي رملية بت حليمة بت الحسين ودشاع الدين رحمة الله تتغشاهم مع كل همسة تسوح في براح الكون ...
شكرا عدوي الوفي صديقي اللدود عبدالكريم علي هذا البوست الرقيق بالرغم من مناصبتك العداء لي الا انني اود ان امرر لك رسالة تقول :-
اننا كمبدعين نتحاشا عن الصغائر اذا ما صوت الحق جلجل .. فهذا وسامنا (فتدرعه) اذ انه قليل ما نوهبه لامثالك من المقرضين ...
كما الشكر موصول لاستاذي الفنان ضحية ابراهيم هذا الرجل النبيه كونه ادرك خطأ الكيكي في الدقائق الاولي من مباراة الاحتفال بشادية والحمد لله ايضا كون كيكي استجاب لنداء العارفين ..
اذا كوني بيننا هنا شادية عبدالمنعم .. كوني الي جوارنا اذ ان مقال الاحتفاء بك لم ينقضي وطره ..
الفنان والمبدع القدير عبدالرحيم عبدالله ودرملية
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: ودرملية)
|
مرحب ودرملية في حضرة شادية
واراك تدق الطبول وتحرق البخور وتتسول الدونات وترقص فرحا بتلك (العبدرحيمزم)
التي حسبتموها انت واصدقائك كثيري الارجاف والرجفة...
ولكن فاتت عليكم هذه المرة وستردد اليكم السهام
ولازلت الوردة تحلق في الغيمة لتعانق (شادية عبد الرحيم)
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: Emad Abdulla)
|
شادية معليش الوردة طلعت خنجر
كيكى ياخفيف يالفيف أسالوا هل العلم حين تجهلو الاسماء
ودرملية الضرب على الميت حرام
عماد زولك السواها رقدت
ضحية مع شادية بنقدر نعالج الموضع بس امسك قريبك عليك وعقلوا
او خلى ود رملية يديهو دروس فى الاتوكيت
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: Hussein Mallasi)
|
يا فضيحة الشوم يا كيكى .. شمت فينا الاصدقاء قبل الاعداء انا عارف شلاقتك دى بترميك..
هسى كده كويس؟؟
انت مفروض تتأكد من اسم الشخص قبل ان تهدى له ورودك السايبه دى .. بعدين كنت تهديها وردا
طبيعيا بدلا من بهدلتك الاسفيريه دى ..
هسى طلعوك ما عاقل وشى مجنون وشى بتهضرب بى عبد الرحيم ودرمليه..
الشمار الجانى قالو احلام السنى استقبلتك واكرمتك لانها معتبراك النجم القدير ودرمليه..
وهو بيقول انك انتحلت شخصيته وذهبت ليهيم على انك ودرمليه..
هسى بدر الدين محلفنى اعقلك واعالجك نفسيا.. انا عارف كبكتك الامس دى لمن قربت تكشح التورته
وتتراشق كمان ..بعد ده كلو تجى تشمت فينا الناس وتكتب الاسم غلط انا منها والله ما اقبلها منك
بعدين الناس قالو انت عاوز تزاحم النجم الوجيه يوسف سعد .. ويوسف قال انت لا تملك المقدرات التى
تجعلك تنافسه. شيل شيلتك..( انا بكلم بت خالتى )
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: ضحيه ابراهيم)
|
ضحية الفتحية...مرت عليك وشيلتكم القفة والمرحاكة وبتها
وشالت فيكم (المكنة)...
اسمع
شادية خلال يوم امس وفي زيارة لبيت (ابوساندرا) جلسنا سويا برفقة هذه الاسرة الطيبة
وكانت عندما تتحدث الي كانت تقول لي (يا بدرالدين),,قلت ليها انا ما (بدر الدين)
انا اسمي عبدالكريم...وتاني ونسة..ونسة ..وفجاءة قالت لي مش كده يا (عماد)
قلت ليها انا ما عماد..(انا عبدالكريم).....
وبرضو الونسة جرت وقالت لي اسمع (يا فيصل)..وارغدت وازبدت وقلت ليها (يامرة هويييييي
انا..اسمي عبدالكريم...كريم...كيكي..جدو...سمي جدو..ودكي ..كرمة ..كرومة..كاريم)
ياخي شيلي اي واحد من ديل وقوليه وانا خايف تقولي (ود رملية)..وبعد داك ممكن انا
افتح فيك (بلاغ) زي احلام السني...
المهم الان انها شادية ولكن عقلية الانتقام في العقل الباطني جعلت منها(شادية عبدالرحيم)
وقع ليك يا (فتحية) ولا اعيدو ليك....!!!!!
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: بدر الدين الأمير)
|
الامير بدرالدين..
مرحب وحباب صائدي السراب...سراب (عبدالرحيم) حتي وان جاءو وجدوه(عبد المنعم)
نعم انه خنجر ولكن مصنوع من ورد الورود والياسمين والبنفسج
نهديه لاختنا المدهشة (شادية)....
اما وان تنادي المرجف ود رملية بان يعلمنا (الاوتكيت) فانه امرا مضحك
وبخلي الواحد يقع في الوطا من الضحك...
وادعوكم لهذه القصة التي جرت احداثها في شقة بدر الدين ابان زيارة(الاستاذ فضيلي جماع)
صادف ذلك اليوم مجي (ودرملية) الي منزل بدرالدين وعند دخوله لاحظ ان هنالك
ماء له صوت ويتسرب في شكل (رزاز)..فقام بحملة تفتيش كبري لكل (حنفيات ومواسير البيت)
حملة شرشة تحسده عليها وزارة الري وكهرماء القطرية..وكل مرة يذهب الي المطبخ- الحمام
الموضي ويجد الماء مقفل والماسير مغلقة ..وعمل القصة دي زي خمسة مرة...
واخيرا بلغ منه التعب والحيرة وكان هذا المشهد مراقب من قبل(ضحية)و (بدرالدين)
وهم يضحكون (تحت-تحت)..ليكشفها له انها (النافورة)..
انها (النافورة) يا ود رملية...
وبعد ده يا بدرالدين عاوز ود رملية يعلمني(اننننا) الاوتكيت
والله دي قصة ...واي اوتكيتا هذا...
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: Emad Abdulla)
|
عماد عبدالله
ايها الحليف التاريخي مرحب بك وانت هنا في( مهرجان الوردة الي شادية عبدالرحيم)
وفلنجدد القسم علي حماية الجمال والابداع
وضرب مرجفي المدينة...
ولك انت ايضا باقة من الورود (وردة في شكل مساندة كده) في موضوع المرجفين الجدد ديل
| |
|
|
|
|
|
|
|
|
 Re: الي شادية عبدالرحيم ..لكي مني وردة (Re: عبدالكريم الامين احمد)
|
باقة ورد وحب للاستاذة الرائعة شادية التى اضافت لجمعنا بعدا اخويا
اكثر حميمية ( برغم المد الاستحوازى ) واستطاعت بطيبتها الفطرية
وقلبها المفتوح للجميع وابتسامتها الدائمة بان تحظى باحترام وحب
الجميع .
الف مرحب وسنحتفى بك بكرنفال حب يليق بمقامك ،،،،،
وشكرا ياكيكى ودائما تثيت للجميع انك الفنان الحقيقى مش كمبارس
كمرجفى المدينة ،،،،
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
كريم
تهرب الحروف إلى مدارات بعيدة لترى ما أنا قائلة تجاه هذا الاحتفاء الرقيق
وهذي المودة الصادقة
وأنا؟؟
ماذا أقول وهي بعيدة شامتة .. الحروف الندية!!
إذن تفعل عيناي دمعاً شفيفاً وتبتسم شفتاي في آن واحد
يا جماعة هووووى
أنا ما بقدر على هذا الجمال وهذه الرقة والإحتفاء الجميل
من أجمل ناس عرفتهم في هذا الزمن الأغبش
يا كيكي يا صديقي ما بيناتنا
الله أداك تتسدى وأنت نايم
عشان تاني ما أدقس وأقول ليك يا بدر الدين
وأنا يا خوي قبلانة شادية عبد الرحيم وشادية عبد الكريم زاتو
يا ربي ما في طريقة الزول يسموهو بي أسماء أخوانوا؟؟
يا أبو ساندرا ما تشوف لينا فتوى من النوع أبو لستك
ترحيبك يا كريم أتي في وقته
لأنو متين ما يجي بيكون أوان الورد والود
أنا سعيدة بلقاءك شخصياً والسيدة الأميرة أميرتكم
وممتنة لربي
فضله في إسعادي بكم (بورداب الدوحة ) رغم أنف صلاح عبدالله (الغفاري ) إذ يستثقل هذه الصفة.
وله هو تقديري وشكري الشديد ولمليكتيه وجدان ولما
صدقوني كلكم أحبكم جداً
وسعيدة بكم وممتنة لله
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: شادية عبد المنعم)
|
اووووووووووه
انها اذن لشادية رحيق الوطن..ودهشة الخرطوم القديمة..وشموخ توتيل
وطباع القاش ممزوجة بجمال كسلا...وعبق (براغ)..
مرحب شادية فمثلك تقام له الكرنفالات احتفاءا برصيد اتي الينا يمدنا
بالاخاء والمودة ويحلق بيينا بالوعي المدهش لامراة ذلك البلد السودان...ففيكي
نري ..مهيرة وعازة والكنانية وعائشة الفلاتية وفاطمة احمد ابراهيم..وسعاد احمد
وحنان النيل..وهميمة...وربيكا..وكل نساء بلادي الطامحات لنيل الثرياو خدمة
الوطن والمعرفة....ومرة اخرة مرحب ومرحبتين شادية .....
فليذهب المرجفون الان الي وكر الاشرار في بن عمران...انها قبلت (بشادية عبدالرحيم)
فما اجملها....
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
يا بورداب الدوحة ياحديقة الورد والود
ضحية يا شفيف أشكر لحظة لقاءك أنت والأميرة أميرتك والوالدة أم النسب والصغار زهور البنفسج
يا ود رملية يعدلها عليك الكريم محل ما تقبل ويشملك بعزه بقدر حبك لرملية سيدة الحب والعطاء
يا عماد عبد الله الحليف الاستراتيجي في الترويج للجهد البشري
وتربية البنيات ( الحب والإعجاب لتسنيم وأمها) وأبوها ذاتو .
يا بدر الدين الأمير ( الأمير فعلاً) لك مودتي وشكراً على هذا الجمال
وشكرأكثير وجميل على الوردة يا ملاسي
معاوية يا طيب!
أشكر إحتفاءك المتكرر بي
أشكر ذلك العشاء الودود الذي أكرمتني به
وأشكر مودتك وخوتك وترحيبك
يا كريم يا كيكي
والله أنا ما عندي انجليزي قدر ده
يا خوي أنا شكر قدر ده
بيطير الكلام الكثييييير داك من راسي
وبيجري دمعي العصي
كفاي
ومزيد من الود
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: شادية عبد المنعم)
|
موش بالله
شادية دي بت امي نمرة خمسة..
وشهادتي مجروحة فيها..
لكن لو في نساء اثروا على في حياتي
منهم شادية دي..
الله يديها العافية..
وانتو يا ناس الدوحة
ذي ما شادية حضرت محسن لما اجيكم لازم تجيبوا لي محسن..
وتعملوا ندوة.ز وتودوني الخور الفيه نقاش سمح دا..
يلا يا شادية وريني الجاك في المطار منو عشان
اطالب بيه يجيني ..
ود رملية لازم تعوسو الابري تاني بالجد انا جاية...المرة دي
ما كلام ساكت..
بعدين عبدالكريم ينزل لي بوست
يلحق ينسى الموضوع دا
طوالي اجرد فيهو كيبوردي...
وتحياتي لاختي العزيزة شادية..
وابو ساندرا واسرته الجميلة..
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: bayan)
|
اووه الدكتور بيان..
الف مرحب وسعدنااكثر بمعرفة اختك الدكتورة(سعاد) فهي امراة في غاية اللطف
والطيبة ومليئة بالحس السوداني الاصيل...
ومرحب بك في الدوحة فهي فاردة اياديها واجنحتها لقدومك ..
واتمني ان اكون موجود حتي اتشرف بالاحتفاء بك والتعرف
تخريمة,,
دكتورة سعاد ظريفة لكن شكلها كده ما (شكالة)..وبالمناسبة انا مشجعك شديد
في (موضوع) الساعة ,,موضوع(ام 88\2) داك!!!!!!!
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: Hussein Mallasi)
|
مرحب ملاسي...
لاعليك ايها الرجل انهادعابة كان القصدمنها جرجرتك الي وسطنا
وشوية غلغلة لزوم المرح....فنحن ندري ان ورودك مليئة بعبق الحب الممتدد
بين ابناء الوطن وملتحفة هجير الخرطوم ومدثرة بالنيل ...
تخريمة..
افاد المختبر (بتاع) الدوحة ان هذه الورود(الملاسية) مليئة بالحب والجمال..
الا انهم لاحظوا..ان كل التقارير حولها طبعها الكمبيوتر(قصيرة وفي سطر واحد بس)
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: ودالعباسية)
|
الهدف والمسعى النبيل لايحتاج الى الأســـماء !!!
ومن قال لكم ان اسمها شادية ؟؟؟؟؟؟
لم نسمعها تشدو ولكن في حديثها طرب متفأئل
فهل يكفي ان تكون شادية ؟؟؟
ماذا تعني الأســـماء
حينما لاتحمل معناها
فكثير من اسمهم شريف ولاشرف لهم
وكثير من اسمهم جمال وهم عاطلين عن الجمال
يكفي كيكي انه قدم الوردة وسعى للجمال الداخلي
أكان يحمله شادي او رحيم
ماذنب كيكي اذا كتب اسم الوردة زهرة
هل ضاع الرحيق ؟؟
فمن يغوي الأخر
الوردة ام الفراش ؟؟
لك يكيكي ودة بلون
قلبي
بيضــاء
فرغم سواد لوني
قلبي مثل قلبك وردة بيضاء
(( تعبت من الكلام الجاد حأقرض على كده )))
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: Tumadir)
|
تماضر شيخ الدين...
اولا...اعلمي بانك من اول المطلوبين (هنا) في سماء الدوحة..وتاكدي
ان لوحة كل هذا الجمال ستظل الالوان فيها فاقدة للون اساسي..وستظل
اللوحة في انتظار قدومك الذي حتما سيحير (مقياس ريختر) زاتو..
لذا لا تلعبي بالنار...تعالي الي الدوحة حيث السني والجمال..
والا سنرسل اربعة من طيور (السمندل) طيور الجمال والابداع
سنرسلها لتحضرك الينا هنا في الدوحة التي هي في غاية الشوق الي قدومك...
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: محمد سنى دفع الله)
|
طوال هذه المدة التي تقاس بالزمن الحقيقي
والزمن الحقيقي للأصحاب هو امتداد الفرح في حياتهم
ومنذ ان تعاملنا مع شادية وهي تقدم لنا الأفراح
وتدعمنا بافكار نيرة ومرح بهيج
والأسبوع القادم وعدتنا بوجبة لفرقة المسرح
والوجبة مكونة من لقيمات ماركة
كوضم جاهل
يعني منفخة ومدنكلة وانا خايف من الممثلين ارقدوا لي ســلطه ..
واتمنى ان يكون معها شـــاي وقهوة حتى نرفع نشاطهم شوية
كل هذا الزمن وانا لااعرف اسم شادية
تقولوا لي كيكي جلا ومسح
وطيب نحن نقول شنو ؟؟؟
الذاكرة خربت والنسيان اصاب المخ والمخيخ هسي انا نسيت بكتب عن شنو زاتوووووو
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: محمد سنى دفع الله)
|
استاذي السني ...
وصديقي الخرافي..
كنت ادري بانك اول من يلتقط الموجة..
التي افتكرها الجماعة دقسة..
كنت ادري وانك الملي بالجمال والحب والانسانية
اول من يهب لنصرة الجمال والاحتفاء بالاخت (شادية عبدالرحيم)..
وما الاسماء الا حروف تكتب علي الورق..ولكن
يبقي الجمال الداخلي..جمال الانسان من (جوه)..
وادري ان هذا هو (هم )الفنان ...لذا هو همك..
تحياتي واشواقي وغدا (بروفة) اخري سنخلص فيها
لابداعك الاخراجي...وبهذا البوست ضمنا لنا(لقيمات) ايوكديس
وشاي من اللبن الطازج..وكبايات (تولول)!!!!!!!!
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
Quote: والا سنرسل اربعة من طيور (السمندل) طيور الجمال والابداع
سنرسلها لتحضرك الينا هنا في الدوحة التي هي في غاية الشوق الي قدومك... |
بدل التعب وترسل لى طيور مع الامراض الحايمة اليومين ديل رسل لى "تصاريح اللجى"
كما تقول اغنية تراثية قديمة
الرسول ياودعمتى
كان انت داير جمتى
رسل لى تصاريح اللجى
*** اللجى معناها عشان اجى بالشايقى
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: Tumadir)
|
تماضر...
نرسل ليك (تصاريح) ونرسل ليك صديق احمد زاتتو معاها..وكمان (طنبور)
بس قوولي عووووووووك...
خلاص الليلة ح يكون في اجتماع بورداب كبييييييييير وح نكون لجنة..(نسميها لجنة جية تماضر)
برئاسة السني ..(وعضوية سوسن دفع الله) لانها مفروض تكون الليلة واصلة الدوحة..
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
جميلة الدواخل شاديه عبد المنعم وليس شاديه (عبد الرحيم)
شكرا جميلا على هذه الكلمات البتشبهك ..نحن كذلك كنا اكثر سعاده بزيارتنا لكم ولاسرة الجميل
ابوساندرا فقد اخجلتم تواضعنا كرما ودفئا وموده..
المرجف : الكبكابه كيكى علمت من مصادرى الخاصه ان المساله خضعت لمساومات وتلفونات صباحيه
عندما اخبرتك انا بخطأك الفادح فى اسم الاستاذه شاديه تلك المحادثه الصباحيه الباكره والتى
علمت ان معها بعضا من ال.......... تم اسكات ابوساندرا بموجبها وضمنت وعدا منه ان لا تكتب
شاديه فى الموضوع معاتبه ..وهذا ما جعلها تمدحك وتثنى على البوست..
شدويه انتى لو صبرتى شويه تكريمك جاى انا عرفت من كبار بورداب الدوحه انهم بصدد تكريمك تكريما
يليق بشخصك السامى وهذا الحوار كان دائرا بين اديبنا وعمدتنا بدرالدين الامير وفناننا القدير
المتعدد المواهب ودرمليه امد الله فى عمره.. لكن اخونا الملقوف واللفيف كيكى قال انا احسن اتميز
وانفرد واعمل بوست انفرادى لزوم (شوفونى وكده) وقام (شترها)
نحن الان بصدد التشاور مع بدر الامير وود رمليه والموهوب يوسف والفنان السنى للخروج من المأزق
اهلنا عندهم مثل بيقول (كان جاك ليك بلاء امسكو بغلاء) وكيكى زول اخونا لازم نتحملو رغم شتارتو
وكبكتو لكنو زول فنان بحمل فى دواخلو اشياء جميله غايتو ربنا يصبرنا ويصبر المسكينه اميره..
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: ضحيه ابراهيم)
|
الاخ ضخيةوالاخوة كبار البورداب..
ليس في الامر بحثا عن التميز او الشوفانية فليس المجال هنا لهذه
الجلكسات..فنحن ندري مواقع التمييز ويلا تعالوا نمشي ليها سوي
وبعد داك نشوف البحصل شنو..والحشاش يملي شبكتوا....
فشادية اخت عزيزة اثرتني وحلقت داخل وجداني الملي بالمحبة لمثلها
من المبدعيين الذين ينحتون الصخر...بحثا عن المعرفة والجمال...
ويلا ياضحية تعال انت اول واحد ورجل بالرجل لاي حتة ابداع
حتي لو كان غناء بعشرين رطانة كده..او لك ان تختار اي الميادين شئت
يافتحي(عفيناك من فتحية)..عشان صحبي صالح..
(وش مكرمش وخلاص عاوز جنجال مع كبار البورداب...دشمان ..جنجال)
_وايضا
(وش بفتش ليهو في مرق وح يلبد في شارع ام صلال محمد...يا فتوح)
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: بدر الدين الأمير)
|
بدرالدين...مبروك الوردتين بتاعة ملاسي..
وعليك الله ادي واحدة لفلانة موريس المزهللة بزولك ودرملية وصديقك بتاع النوافير..
اما انا سوف اهديك(وردة في شكل ابو قنفود)..(بتعرف ابو قنفود)..
وردة مليئة حب وجمال وبها عطر الي صديقي (بهاء بكري)...
اصلوا مادام ما عايزين تهدوا ليهو (بوست صور ) انا الليلة بهدية وردة!!!!
| |
|
|
|
|
|
|
|
|
|
Re: الي شادية عبدالمنعم ..لكي مني وردة (Re: عبدالكريم الامين احمد)
|
سلامات
وعوافي
ما لهذا الابريق فواح الاريج .. وي كأن (زهور) شادية وبيان وتماضر (يعصرها) العبير ...
وما لهذا المدعو كيكي يبدو لي كقمر الامسيات الخريفية ... في كل ناصية من الحي (كوم) للسمر والحكي الظريف ...
وما لهذا السني (زميل الخشبة) ما له متأنق الاحرف بليغ الرواية المعي جهبوز ... يسرد (التعاليل) وكأنه استاذ (تعليل) ..
وصاحب الريشة يختال ببصيرته العالية .. يتمشي في شرايين المشاهد يخضبها بانامله الندية ..
ومال كل هؤلاء العراب واستاذي ضحية ومعاوية وعقدنا اللؤلؤي الفريد ... مال كل هؤلاء يشعون في حالك الظروف ويستحيلون الدياجي بريقا وغناء ..
وما لي عليل الروح (اتشهي ) الكتابة .. كتابة تمثلني وتنجز ما (ادسه) بين الاضالع ..
كونوا يا احبابي قدر احتفاء نبضاتي بكم ..
وكونوا الي جواري يبتسم الخاطر وتحتفي في كنفكم الكنيف الذاكرة ...
انني الان (قاب سكرتين وسطلة) انه فعل المحبة وسحر الاخاء ...
جميعكم وصاحبة الوردة (تقرفصوا في نواحي القلب) وكونوا لطفاء ففي كل غرفة فيه تنام امنية واغنية ...
محبتي ...
ملاسي انت طيب يازول وكويس .. اشواقنا وكل بورداب الخرتوم .. بالله سلم علي ضياء بلال ... وفرح لو لسه بي طرفكم ..
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
عبدالكريم أخونا ..
دائماً مواضيعك ( سمينة ) ومدوعلة .. يديك العافية ..
والكلام عن أختنا العزيزة شادية ما بيكمل .. ولكن يكفي أنها قالت عن نفسها في بوست ( عظماء الدوحة ) :
Quote: - أنا فنجرية وزايدة في الحريم مية
- حرم أنا ما برد على الرجال لمان يتلموا إلا لما يبقوا نص دستة
|
شفت كيف يا كيكي ، أها تاني فضل لينا كلام ؟؟ وأنا أشهد إنها فنجرية وزايدة في الحريم ( ميتين ) مش مية واحدة ، وحرم هي ما بترد على الرجال الا لمن يبقوا ( فريق كامل ) مش نص دستة بس ..
يا شادية شهادتي فيك مجروحة .. لكن هذه كلمتي ألقيها هنا ... واتخارج ..
تحياتي
صلاح عبدالله
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: بدر الدين الأمير)
|
يا بورداب الدوحة
الليل روح
وأنا مفعمة بالحنين والحنان
إزاء مودتكم الحفية
خلوني النلتحف مشاعركم دي للصباح
وأجفف دمعات السعادة الطفرت
وأجيكم باكراً
سابقة نجمة الصباح
قاطفة الكلمات نديانة بالحب
وأكلمكم واحد واحد
أحبكم جميعاً وسعادتي
من سعادتي
بعطاء الكريم
الذي
منحني أياكم
بسخاء
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: Hussein Mallasi)
|
| Quote: دكتورة سعاد ظريفة لكن شكلها كده ما (شكالة |
).
سلام يا عبدالكريم
اوعى تركن على كدا.. نحنا كلنا طيبات وظريفات
لغاية ما زول يهبشنا. طوالي نركب وش الشكل..
بس اوعى تجربها..
ديك عندها سكين في ضراعا...
يعني فلا تظن ان الليث مبتسما..
بالله سلامي ليها...
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: bayan)
|
Quote: ديك عندها سكين في ضراعا...
يعني فلا تظن ان الليث مبتسما |
دكتورة (بيان) سلامات وسمحة الطلة والله...
ياختي حرام عليكي الدكتورة..(سعاد) دي مستحيل يكون عندها سكين زولة
رقيقة ..لكن بيني وبينك مع كلامك ده الواحد بعد ده بمشي جنب الحيطة
وخايف تقوم تحرشك انتي فوقي وتقومو تعملي لي بوست وتقولي (كريم ابو كرعيين..
ابو شلاليف...الشين الشو زي الكبك..ابو 44 ولا كم كده ما عارف)..
هووووي يا دكتورة نرسل حمام السلام وغصون الهدنة ونكب الجرسة من الدوحة لحدي ماليزيا..
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
الهم اني قادرا علي مرجفين الدوحة..فاعطني القوة لمواجهة مرجفي الدول الاخري
صديقي اللدود التاريخي المهندس الجميل (ابوصلعة) احمد تجاني في بوست اليوم الحار
ما بندار...
Quote: الغريب فى الامر وجود كيكى فى المنبر طارحا نفسه كاديب مرحبا بهذا وبتلك و احلى حاجة انه فاتح بوست لمدح احدى المثقفات بدون مايتاكد من اسمها ودة طبعا بيؤكد لقافته وشلاقته
وياكيكى حرام تبيع الهندسة والمعمار بشوية ورود وسماء الدوحة ومش عارف ايه
وبعدين مسئولين من الخير دوحتكم دى طوالى بهجة واستقبال الاساتذة فضيلى جماع ومحسن خالد والسيد الصادق المهدى ..... وين الشغل ووين الكفلاء الظاهر جماعتكم ديل فاكين اللعب وجب ان يحضروا عندنا فى السعودية وياخدوا كورسات تأهيل كفلاء
مرة اخرى نناشدكم الظهور للمحافظة على هذا العمل الانيق
|
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
كيكي
يا اشتر (لا اشتر الله لك صوتا)
لقيت وردتك هنا مديت (نخرتي) جاتني صاده وقالت لي دقست يا فرده
اصلو دي ورده كريميه ساكت ,,,
استغربت
وجيتك
وبقول ليك
مسعول من الخير
وردوك ديل عندهم ريحه ولا زي ورده (صباح الخير) العمرها ساعتين تلاته
شاديه يا كل الورود
سعيد جدا باحتفاء الدوحه بيكي
لانك مقام
ومعنى
بس ما تدقسي اعرفي لينا الزهره من اي قبيله وادينا ريحتها
ومليون مرحب
وفاتحين كل مسماتنا شان تدخلينا اكتر
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
الاخ كيكى وضيوفه الكرام ابناء الدوحة ذات السماوات المعطرات دوما بوجودكم
اسمحوا لى ان اقتحم عليكم منبركم حيث ان حظى لم يكن كريما لانال هذا الشرف
لذا اداخلكم اليوم عبر عضوية صديقى حاتم الجد
دعانى للدخول فى هذا البوست ورود اسمى به وكما هو معلوم يصعب على شخص مثلى
خارج محيط دوحتكم ان يجارى شفراتكم فانتم ناس متواصلين من زمان فى المنبر
وكلكم حلفاء وشهاداتكم مجروحة فى بعضكم وبتجمعكم الدوحة المدينة
التى لا اذكر فيها سوى فندق رامادا ومطعم بندروزا ففى تلك الايام لم يكن لكيكى
جواز سفر لياتى ويعطر سماواتها فالظاهر انى بدرت شويه لذلك فوت على نفسى كل هذا الزخم الذى يوصفه لنا كيكى باسلوب ادبى راقى ما اعرف هل الانسان ممكن يتعلم يكتب وينمق بعد مايتحرج من الجامعة واريتها كمان لو تخريجه زى البتعرفوها انتم ونحن مازى حقت كيكى الجات بعد ماطوف وصلاحيته انتهت او كمان نحن نكون قابلنا كيكى دة فى اسوا احواله ولذا لم نسعد برؤية وجه الاديب والشفيفيه فيه وبالله معناها شنوالشفيفية دى ياكيكى ؟
ويبدو بالواضح كدة ان التعطير الذى اوجده كيكى فى سماء الدوحة لم ياتى بمثله الطيب صالح ولا جعفر عباس طيلة سنوات اقامتهم بها فسبحان الله كل دة يطلع منك
ودمتم جميعا
احمد التجانى
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
الحبايب متجمعين هنا
شادية العزيزة وكيكي الحليف
القرعي البدر ابي الا ان يفسد هذا الجمال , واراد الوقيعه بيني وصديقي وحبيبي ابوساندرا , قال (كضبة ) في ابوساندرا . ده مجنون ولاشنو ؟ كل الكضب عملتوا انا في ابوساندرا , وواضح انو القرعي ده ماسمع بكامل ادريس والملكية الفكرية , ياقرعي جلكسات ابوساندرا دي حقتي انا .
بعد ده نشوف الغالين شادية وكيكي
منذ ان وصلت شادية الدوحه وانا بقول البت دي انا شايفها وين ... وين ؟ بشوية ونسة انتي من وين واهلك منو طلعت بتنا , وعيالها بقولوا لي ياعم !!! طبعا دي ياكيكي الا الاقيك . المهم انا سعيد لانني تعرفت علي شادية , فهي انسانة خاصة جدا , وحقيقة معرفه تشرف . اما صديقي وحليفي كيكي فقد اهداني وردة وانا اشكره عليها وسوف اردها له قريبا.
بجيكم صادي
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: معتصم الطاهر)
|
ياسسسسسلام المهندس احمد تجاني ذاتو...
وكمان لاطش كلمة مرور حاتم الجد...والله مرحب والدوحة نورت..تعال ياخليل فلك في
هذا البوست خليل..
احمد تجاني هو الدروينغ بتاعكم داك..كان بخلي الزول يكتب حاجة(والله جواب ما تقدر تكتبوا
مع درونغ تو ابن الذين داك)...
ومرحب بك دوما في الدوحة وبوستات الدوحة يا بتاع(رامادا)..واوع تكون كنت نازل في
الطابق الاول...؟؟؟؟؟؟
وبعدين يا زول انا اللماني علي الطيب صالح شنو...هووي يا احمد تجاني هووي
بلاش حركات....
مرحب وفرحانيين بحاتم الجد واحمد تجاني المكمل سكر ناس حاتم الجد منذ سنين ام نخيل
حتي ايام (حوش بكري ابوبكر)
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: عبدالكريم الامين احمد)
|
عزيزتي بيان أختي ألأولى في الخمسة
مرحب بيك في كل مساحة من حياتي
كية عليك كدة عشان كسلانة
أنا وسعاد محمود برامج تقيلة وونسات إلى أن يدركنا آذان الصبح وحوامة في الأسواق
وضهبنا البتعرفيهو داك من ضل لي ضل
وتتهم إحدانا الأخرى بالشيخوخة والزهايمر
وقعت لسعاد في زهجة
ووقعت لي في القلب كعادتها
نتحدث عن د. ابتسام محمود تقوم تفاجئنا بي تلفون
وأصر على أني صالحة
وحأبني قبة
زوارها الأساسيين أحمد محمود وبناتي
هم المقتنعين بي قصة ولايتي دي
نختلف الآن في مكان القبة
في أنتظار كرامة أخرى من كراماتي.
كنت أتمنى أن نلتقي هنا حركة كدة
انت ونجاة وسعاد وأنا
غايتو مع ابتسام بنخطط لي تجمع زي ده
أما بورداب الدوحة ديل ما قصروا معاي بل زادوا وبالغوا
عليه لزوم الفتنة
أولاً
لازم استقبال رسمي في المطار
ولازمن يجيبوا ليك الطيب صالح
والباقي كلوا هوادة
| |
|
|
|
|
|
|
|
|
|
Re: الي شادية عبدالرحيم ..لكي مني وردة (Re: شادية عبد المنعم)
|
بدر الدين يا أمير
عطر مرورك هنا سمائي وانت عارف الدوحة منورة بيكم
بس تعرف كريم ما أشتر ولا كبكاب
لكن
بيننا مودة
وزهايمر في الأسماء
وهو ينتقم على الملآ
وأنا موافقة
عشان البادي أظلم
تعرف أنا مرات بقول ليهو بدر الدين ومرات بهاء
وما تعرف شنو
أنا ما مرات عندي الفطات
لكن بورداب الدوحة في القلب
وإن شاء الله يوم شكرك ما يجي
| |
|
|
|
|
|
|
| |
عبدالكريم الامين احمد
ضحيه ابراهيم
ودرملية
Emad Abdulla
بدر الدين الأمير
Hussein Mallasi
أبو ساندرا
-1.jpg)
معاوية الطيب
محمد سنى دفع الله
يوسف سعد
ودالعباسية
bayan
Tumadir
معتصم الطاهر
فيصل عباس
بهاء بكري
فيس بوك
تويتر
انستقرام
يوتيوب
بنتيريست