|
|
 قريبا جدا على الشاشة: تراجى واشراقه {بنات مصطفى} على الهواء مباشرة
|
مساكم الله بالخير يا اهلنا الكرام...
الرغبة فى الحوار بينى وبين تراجى متبادلة.. لدي ما احاوره فيها ولديها بالتأكيد ماتحاورنى فيه
يعنى ياجماعة حوار وما {شكلة} عشان كدى وبما انى مفترعة هذا الحوار نرجو من السادة المشاهدين والزوار الكرام مراعاة الآتى:
اولا: هذا فيلم وثائقى قد تشاهدون فيه {مرة مرة} يعنى بعض {الطوب} فارجو عدم الخوق فهذا الطوب للبناء البناء..
ثانيا: لو رأيتم بعض العكاكيز فلاترتعبوا فسوف نحتاجها ركيزة للحوار الهادف
ثالثا: هذا الحوار على الهواء مباشرة ايمانا منى بان الهواء النقى يجدد خياشيمنا {للنقة} المعتبرة...
واخيرا وبما انكم ضيوفنا الكرام من حقكم محاورتنا وهذا سيعلن عنه بعد انتهاء العرض مباشرة، هذا يعنى ان العرض سيعلن عن نهايتة برضاء الطرفين اى تراجى وشخصى..
العرض سيبدأ فى الربع الاول من العام الجديد وهذا بمثابة اعلان لجس النبض، لان عدم الالتزام بالشروط اعلاه سييؤدى الى الغاء العرض لاجل غير مسمى فلاتفوتوا علينا فرصة هذا الحوار.... حوار ياجماعة وماشكلة!!
|
|
 
|
|
|
|
|
|
|
 Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Omer Abdalla Omer)
|
اشراقة مصطفى
تحياتي
والله بت حلال...حسه بتذكر فيك لاني سمعته في
النشرة انه نحن موعودين بعاصفة ثلجيه آخرى.
وقمت اتذكرته نقاشانا الفات وما انتهى وغطست انا في ازالة الثلج!!
وتخيلي توالي العواصف.
مرحبا بالنقاش معك
وتلعمي تماما انني لولا مقيمه لك ومثمنه لجهودك لما فكرت بمناقشتك من اساسه
فالحمد لله بيننا كثير من القواسم المشتركه.
اتمنى ان تختملي صراحتي فانا اعلم باني فظيعه احيانا.
لا اخاف من كلماتك فانا اعلم انك تضعينها بشكل رقيق
واتمنى ان تقولي كل الجواك برضوا ولا تخافي علي
فان الشاة لن يضيرها سلخها بعد ذبحها
وقد ذبحت هنا باقلام كثيره واكثرها ايلاما لي
اقلام اليسار المتراجع و المتهالك عن الصدام.
ندخل النقاش وانا مستحضره لواقع انك تناقشي بين جمهورك وللاسف ارضك
فالمنبر منبر جلابه غالبيه وغالبيه صفيقه في نظري,واناقشك وانا للاسف صرت
هنا اقليه واقليه مقهورة واولها من صاحب المنبر نفسه الذي يضع حسابا
لاصحاب الالقاب العلميه و العرقيات و الاسماء الرنانه حسب ثقافته الصفويه الجلابيه.
وندخل وانت استضفتي اغلب جندريات المنبر في مؤتمر فينا وكلهن يتعاملن هنا
بانك مركز قوة و الغالبيه تحلم بدعوات آخرى,وهذا لا يغيب علي ايضا.
وندخل هنا وانت عضوة حزب شيوعي سابق ولك صداقاتك وزملاتك واصوات كثيره
خانعه عن صدام السلطه لكنها مستعده للدفاع عن صداقاتها.
وندخل للنقاش و الشيوعين قصيري النظر صاروا يرون في تراجي بعبع مساح
بحزبهم الارض كل يوم و الثاني ,من نكشها لجهوية الشيوعين من خلال حميد
وتورط قيادات منهم في الانتماء لكيان الشمال لنكشها لهم عن تمييزهم السالب
للمثليين جنسيا..وكيف يتورط حزب طليعي في سخفا مثل هذا واقتحام لخصوصية اوضاع
عضويته.
ندخل للنقاش يا اشراقة ووراءك جموع العروبين و اليسار القائم على دعاوي العروبه
و في هذا التقيتي بالاسلاموين من تشنج وغيره ورفض لدعاوي الصداقه الشعبيه مع شعب اسرائيل واتمنى ان تركزي معاي لانها شعبيه وكنت على وشك افتراع بوست اسمه:
عيبي لي يا اشراقة مصطفى دعوتي للصداقة الشعبيه مع شعب اسرائيل؟؟؟
لاني قرأت لك مداخلات لها علاقة بهذا الامر.
وندخل للنقاش واشراقة تبدو بت الجلابه المدلله بهذا المنبر وتراجي فزاعة الجلابه
و المحشورة من قبل اعداء الحق في كورنر العنصريه مكر واجراما منهم!!
فالها بالنقاش
ويا ريت يكون في حكم واقبل بالبقار عثمان ان قبلي به
ولتوزع فرص النقاش بعداله اي اذا دخل من طرفك ثلثاه جلابه
تمنح الفرصه لثلاثه من اهل الهامش الاصيلين ومش الماسكين العاصيه من النص
لانه هؤلاء ينطبق عليهم الجلابي ولا المتجولب على وزن التركي ولا المتورك.
ويمكن ان تختاري ثلاثه واختار ثلاثه مناقشين مع كل منا اذا رغبتي
واذا اردتيها راس براس مرحبا
ولكن ان يمتلا البوست بعد شويه بغوغاء الجلابه فلا..ويكفينا
مذابح هنا باسم الفكر و الحوار.
تحياتي وتقديري.
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Omer Abdalla Omer)
|
عمر عبدالله سلامات
العرض بالتأكيد فى مناطق الهامش...
يعنى من الجزيرة ابا وانت ماشى لغادى,,,
واحتمال يكون سينما متجولة تبدأ من هامش الخرطوم وتنطلق للجخانين بتاعتنا ديك..
ممكن تكون فى قرية زرقة ولا كريعات؟
احتمال فى معسكر جبرونة ولا مانديلا
ولا ود سعد الله او المناصير...
احتمال تكون فى كتم ...
ولا اللية...
العاوز يحضر يجيب ليهو خريطة للسودان عشان ممكن اجيب ليكم اسماء يقوم البعض يغالطنى كمان...
المهم انت بس اقطع تزكرتك من حسع كان متجولة ولاثابته ياك الحارس النضمى.. وللضمان تسلحوا جيدا بمصفحات اختى تراجى دى رغم انها جات الدنيا بعدى لكن ابوى حكى لى عنها وقال لى رأسها قوى....
انا غايتو قبل الفيلم ده عندى تمارين ضد الغضب بتمرن شوية وبجىء اتابع واواصل..
اها عندك مقترحات يكون الفليم ووين؟ رأيك شنو فى النعيمة؟ فى كوستى عندنا اتنين سينما من زمن حفروا البحر لكن الايام دى فى الحمى النزفية فعندك الحق تقترح لينا مكان لكن قرض على اطراف الخرطوم غايتو معسكر مانديلا افضل..
اها نشوفك ياعمر..
ولحين ذلك لك الود
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: عمران حسن صالح)
|
اهلا بعمران احد جلابة الهامش { استنادا على ماتفول}
خليك معانا ممكن نلقى قواسم مشتركة بين ناس الهامش وده بيكون مخرجنا من الازمة المحتاجة مننا قراية وتحليل رصين وتراجى وانا قادرات انشاءالله رغم تباين طرقنا للوصول للهدف الا ان باب الحوار مفتوح...
انت حجزت ياعمران؟ غايتو لو فى زحمة شديدة قد نضطر لتحويل العرض الوثائقى الى مؤتمر قمة اسفيرية لآل الهامش...وكدى حقك بيكون محفوظ
تسلم ياعمران
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: خالد علي محجوب المنسي)
|
خالد المنسى
تحياتى
والله انا اقترحت الربع الاول لاننا ماشين على ارشفة وكدى وده عشان نحدد محاور العرض اقصد مؤتمر القمة.. وحياة خوتك مابفهم فى الكورة لكن مرحب بيك هلالابى ولا جلابى ولا من ناسنا ناس الهامش,,,
بينى وبين تراجى قواسم مشتركة نستنى ازمة الجليد تنقشع من على الابواب وحانتفق على القواسم والمحاور والهدف من الحوار ده...
اها ياخالد دوركم بيجىء بعد ما نقول ليكم وبالاتفاق بين تراجى وبينى متين نقطة الصفر للحوار من قبل الجمهور الكريم
ابقى عشرة على الهلال تضامنا مع كيكى صديقى العزيز
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: خالد حاكم)
|
الاخت الراقية اشراقة .. تحية معطرة :
الدكتورة القامة .. لك تحية وانحناء علي ذوقك الكبير في اختيار
مداخل النقاش .. فيعجبني فيك هذا الهدوء وعدم الثورة وانت تناقشين
مواضيع تهم الجميع .. وتضعين الوطن ومواطنيه في حدقات العيون ولا
تستفزك اثارات المثيرين للحدة في المنبر .. انت علية وياليتك تستمرين
هكذا وخاصة في المنبر لان المنبر الان يهتز بشدة امام عدم التزام بعض
الاخوان .. ونحن في انتظار هذا اللقاء الكبير بينك والاستاذة الكبيرة
تراجي .. وهي حتما لقاء اسطوري .. لكما الود
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: baha eassa)
|
الاخ بهاء
تسلم وتسلم ليك الامورة الحلوة {الفى البروفايل}
واتمنى ايضا ان يلتزم الاخوان والاخوات بان يحترموا رغبتنا فى الحوار لانو اى مداخلة فيها استفزاز بيكون ليها ردة فعل معاكسة وتختلف فى الحدة منى لتراجى...
عشان كدى لو لاحظت قلت ده جس نبض لو مشى كويس فى التجربة دى بيكون فى خطوة لقدام ولو {اتعكت} كندا مابعيدة ولا النمسا بعيدة نتلاقى انا وأخيتى دى ونتفاهم وبعدين نجيكم بمقرراتنا الخاضعة للنقاش من قبل جمعكم الكريم
خليك متابع وساندا للحوار الهادف
الله يديك العافية يا اخوى
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: حيدر حسن ميرغني)
|
أخى الكريم حيدر
| Quote: اتمنى أن تطالبون الجميع هنا بعدم التداخل حتى تختتم المناقشة المرتقبة |
معك اطالب الجميع بضبط النفس والتحلى بالصبر واليقظة { ده الكلام البيجىء بعد كل انقلاب مش؟}
اها ربما نكون تراجى وانا عاوزين نعمل انقلاب،، طبعا كلامك ده انا قلت بما يشبهه فى بداية كلامى وده جس نبض يعنى لو الموضوع مشى كما متوقعة بيكون عديل ولو انقلب لاى مهاترات من اى متداخل او متداخلة او مننا نحنا ذاتنا فهذا سيكون اعلان {بدحر- الطابور الخامس اللى قام بالانقلاب}
تحياتى ياحيدر وسعيدة بوجودك هنا
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: محمد حسن العمدة)
|
إشراقة
سلامات
وفق إطار حلمنا بوطن معافى ديمقراطى نرحب دوما بأية دعوة للحوار..
فى تقديرى المتواضع أن الحوار على هذا المنبر يشكل تمرينا ساخناً للديمقراطية..يتعلم فيه الفرد كيف
يحترم الرأى المخالف لرأيه دون ن يغضب،ذلك أن كبح الغضب هو أول خطوات تعلم الحوار الجاد والهادف..
بعد هذه المقدمة أتسآل...
هل نحن موعودون فعلاً بحوار هادف؟؟؟
فى تقديرى أن الإجابة لا..ذلك أن الطرف الآخر فى الحوار وأعنى به الأخت تراجى إفترعت الأمر بتوزيع الإتهامات والشتائم يمينا
ويساراً قبل أن يبدأ الحوار بل قبل أن تعرف ماهو الموضوع الذىتمت دعوتها للحوار حوله..
أنظروا لها كيف تبتدىء..
| Quote: فالمنبر منبر جلابه غالبيه وغالبيه صفيقه في نظري, |
فإذا كان من ضمن المعلوم بالضرورة ماذا تعنى تراجى بكلمة جلابة تكون هذه الصفة وبمعناها المقصود
قد طالت مقدماً كل من يتقدم لهذا النقاش برأى يتفق مع الأخت إشراقة بغض النظر عن وجاهة الرأى
أوموضوعيته ..
وليت الأمر إقتصر على أن تكون(جلابياً)فأنت فوق ذلك صفيقاً..
هذا كان المدخل..
إفترضت الأخت تراجى أن إشراقة ستنتصر عليهاومن ثم إبتدأت فى تعداد الأسباب التى ستجعل ذلك ممكناً..
فطفقت توزع فى الإتهامات والسباب مقدماًوهى تعمل بالمثل القائل(إياكى أعنى فأسمعى يا جارة)وهى بهذا تفرغ النقاش من محتواه
ذلك أن كل من أراد المشاركة سيتهيب خوفاً من أن تلتصق به إحدى تلك التهم وهو ضرب من الإرهاب الفكرى أربأ بالأخت تراجى
من أن تقع فيه..
ثم أخيراً إنتهت بهذه الجملة..
Quote: ولكن ان يمتلا البوست بعد شويه بغوغاء الجلابه فلا..ويكفينا
مذابح هنا باسم الفكر و الحوار.
|
ليجد كل من دخل ذلك النقاش نفسه فى ذمرة الغوغاء والجلابة..
فهل بعد كل هذا نعد أنفسنا بحوار هادف؟؟
نأمل ذلك..
لكم جميعا محبتى
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
الفضلى د. اشراقة تحياتي
قبل ان يبدا الحوار والذي تفائل الاعضاء بان ياتي رائعا ومفيدا
فوجئنا بالفضلى تراجي (تنفسه)
لقد توقعت الهزيمة باعتبار الجميع ضدها
وهذا ليس صحيحا هناك من يتفق مها ومن يخالفها الراي
لكنها ارداتها كذلك وبهذا الاحساس قامت بفتح النار
بحيث صنفت المتداخلين الى جلابة ومصفقين للجلابةوبالتالي
سعت بزكاء الى تحييد بعض الاعضاء وابعادالبعض الاخر
لذا نرجو ان تقوم السيدة الفضلى
بالتركيز على الراي المكتوب وليس صاحبه
علما باننا سنناقش افكارها وما تتكتبه من راي
ايضا هناك من يختلف مع الدكتور اشراقة في بعض ارائها التي سبق
ان طرحت على هامش بوستات اخرى واذا جاءت الفرص نناقشها
المهم وحتى ينجح هذا البوست
علينا ان نحدد مرتكزاته
1/ الراي والراي الاخر
2/الالتزام بادب الحوار لاتسيفه لا استخفاف لا اساءات
3/ الاستدلال بالدلة والبراهين
4/ يابذا لو اخذنا بالقاعدة (المعلومة الموثقة اولا ثم الراي الخاص)
اخر سطر
ما تخافي يا تراجي ولا تحسبي كل صيحة عليك هي العدو
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: محمود بكر)
|
الاخ محمود بكر
احترامى وتحياتى
Quote: 1/ الراي والراي الاخر
2/الالتزام بادب الحوار لاتسيفه لا استخفاف لا اساءات
3/ الاستدلال بالدلة والبراهين
4/ يابذا لو اخذنا بالقاعدة (المعلومة الموثقة اولا ثم الراي الخاص) |
ده غايتو لو التزمنا بيهو بنساهم بالجد فى حل ازمات السودان/ شكرا لمقترحاتك المفيدة
واتمنى فعلا تكون سانحة ليناقشنى اللآتى والذين يختلفون معى لانى مؤمنة انو بالحوار والنقاش المثمر بنفتح نوافذ عقولنا الى الهواء النقى..
معزتى يا اخى واحترامى مجددا
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: حسين يوسف احمد)
|
الأخت الفاضلة دكتور/ إشراقة
تحية طيبة سلاااام
| Quote: والله انا اقترحت الربع الاول لاننا ماشين على ارشفة وكدى وده عشان نحدد محاور العرض اقصد مؤتمر القمة.. |
أمرنا لله موافقين ومعك الصواب في اختيار الموعد
| Quote: وحياة خوتك مابفهم فى الكورة لكن مرحب بيك هلالابى ولا جلابى |
الهلال لانه مع الحق دوماً كنت اريد أن أقف مع الحق ... بعدين تراجي صورتها علي عبداللطيف ابيض وأسود دا شعار أهلي مدني وانت توبك بنفسجي قريب من الأزرق شعار الهلال.
| Quote: بينى وبين تراجى قواسم مشتركة نستنى ازمة الجليد تنقشع من على الابواب وحانتفق على القواسم والمحاور والهدف من الحوار ده... |
أمين ونتمنى ذلك. كلاكما عزيزة علينا. واكيد حايحصل
يعجبني فيك تحليلك لخفايا الأمور التي قد لا نراها بإدراكنا المجرد وتجتاج لتمحيص ونظرة ثاقبة وفقك الله.
لك مني التحية والاحترام
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
Quote:
قلنا اشراقة ولاولا احترام لمواقفها ايضا لما ناقشتها.
احسن تتلموا وكل زول يشوف ليه شغله يقضيها.وبطلوا حركات الكرونجيه دي. |
حمدالله على السلامة ياتراجى انشاء ليلتكم عدت بسلام؟
كدى ياختى قبال ما اقول حاجة مافهمت الجملة التختها خط دى اشرحيها لى عليك النبى
اعتقد انك قاصدة {لولا احترامى لمواقفها ايضا لما ناقشتها}
كان ده المقصود خلينا نركز فى موضوعنا والجماعة المتداخلين خليهم لصاحبة المبادرة عشان حورانا يمشى زى مامتوقع..
تحياتى
| |
|
|
|
|
|
|
|
|
 Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: خالد حاكم)
|
Quote: فان الشاة لن يضيرها سلخها بعد ذبحها
وقد ذبحت هنا باقلام كثيره واكثرها ايلاما لي
اقلام اليسار المتراجع و المتهالك عن الصدام.
ندخل النقاش وانا مستحضره لواقع انك تناقشي بين جمهورك وللاسف ارضك
فالمنبر منبر جلابه غالبيه وغالبيه صفيقه في نظري,واناقشك وانا للاسف صرت
هنا اقليه واقليه مقهورة واولها من صاحب المنبر نفسه الذي يضع حسابا
لاصحاب الالقاب العلميه و العرقيات و الاسماء الرنانه حسب ثقافته الصفويه الجلابيه.
وندخل وانت استضفتي اغلب جندريات المنبر في مؤتمر فينا وكلهن يتعاملن هنا
بانك مركز قوة و الغالبيه تحلم بدعوات آخرى,وهذا لا يغيب علي ايضا.
وندخل هنا وانت عضوة حزب شيوعي سابق ولك صداقاتك وزملاتك واصوات كثيره
خانعه عن صدام السلطه لكنها مستعده للدفاع عن صداقاتها.
وندخل للنقاش و الشيوعين قصيري النظر صاروا يرون في تراجي بعبع مساح
بحزبهم الارض كل يوم و الثاني ,من نكشها لجهوية الشيوعين من خلال حميد
وتورط قيادات منهم في الانتماء لكيان الشمال لنكشها لهم عن تمييزهم السالب
للمثليين جنسيا..وكيف يتورط حزب طليعي في سخفا مثل هذا واقتحام لخصوصية اوضاع
عضويته.
ندخل للنقاش يا اشراقة ووراءك جموع العروبين و اليسار القائم على دعاوي العروبه
و في هذا التقيتي بالاسلاموين من تشنج وغيره ورفض لدعاوي الصداقه الشعبيه مع شعب اسرائيل واتمنى ان تركزي معاي لانها شعبيه وكنت على وشك افتراع بوست اسمه:
عيبي لي يا اشراقة مصطفى دعوتي للصداقة الشعبيه مع شعب اسرائيل؟؟؟
لاني قرأت لك مداخلات لها علاقة بهذا الامر.
وندخل للنقاش واشراقة تبدو بت الجلابه المدلله بهذا المنبر وتراجي فزاعة الجلابه
و المحشورة من قبل اعداء الحق في كورنر العنصريه مكر واجراما منهم!!
فالها بالنقاش
ويا ريت يكون في حكم واقبل بالبقار عثمان ان قبلي به
ولتوزع فرص النقاش بعداله اي اذا دخل من طرفك ثلثاه جلابه
تمنح الفرصه لثلاثه من اهل الهامش الاصيلين ومش الماسكين العاصيه من النص
لانه هؤلاء ينطبق عليهم الجلابي ولا المتجولب على وزن التركي ولا المتورك.
ويمكن ان تختاري ثلاثه واختار ثلاثه مناقشين مع كل منا اذا رغبتي
واذا اردتيها راس براس مرحبا
ولكن ان يمتلا البوست بعد شويه بغوغاء الجلابه فلا..ويكفينا
مذابح هنا باسم الفكر و الحوار.
تحياتي وتقديري |
تصدقيني ولا ماتصدقيني ياتراجي دا بيرجع ليك
لكن لا تعجبني رنة الاسى وملامح الانهزامية الفي مداخلتك دي
ماعندي ليك اي نصيحة
بس اتمنى البيك يزول
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Rawia)
|
راويه العباسي
غيب وتعال تلقانا نحن يانا نحن؟؟
ياوليه ما تتطوري شويه وتترقي وتبطلي البتعملي فيه ده؟؟؟
انت كدي الله يهيدك اكتبي لينا سطرين بس زي بتاعتي ديل
خلينا من رنة اسى وفلقصه فاضيه:
Quote:
تصدقيني ولا ماتصدقيني ياتراجي دا بيرجع ليك
لكن لا تعجبني رنة الاسى وملامح الانهزامية الفي مداخلتك دي
ماعندي ليك اي نصيحة
بس اتمنى البيك يزول |
بعدين انت ماعيزه تكبري وتعقلي لمتين؟؟
عامله فيها شافعه وشايله لك حلاوة حربه؟؟؟
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Rawia)
|
راوية
صباحاتك كلها طيبة يارب
كدى فى الاول انتى حجزتى ولا لسه؟ تزكرتك ماسكها ليك والدفع مقدما لان الدخل حايمشى لبناء مدرسة نازحين فى الحاج يوسف عشان كدى استعجلى... المدرسة دى جد جد وما مزحة
اها يارواية لحدى الفيلم مايبدأ نرجو التزام الهدوء والحيطة من برجلة حوارنا الذى اتمنى ان يتحقق كما اتمنى... ساعدونا ياجماعة..
ومعزتى يابت عمى العباسى
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: صلاح الدين عبدالله محمد)
|
مثال يا اشراقه
هذا الانسان هل تعرفينه؟؟؟؟؟
Quote: استاذة/ اشراقة
مرسل لك (طرد) (بالبوسطة )ارجو ان تقبلية هدية منى
محتوياته الاتى:ـ
1/واقى للراس
2/كممات للانف
3/دواء للقلب
4/وطرد وكيس بداخل الطرد(مفاجاة)
ونتابع دون تداخل
مع التقدير
|
هذا عطاء هذا العضو طوال الدورة الماضيه للمنبر فهل استشفيتي شيئا؟؟؟؟
Quote: المنبر العام
Re: قريبا جدا على الشاشة: تراجى واشراقه {بنات مصطفى} على الهواء مباشرة 10-12-07, 10:52 ص, صلاح الدين عبدالله محمد
Re: قريبا جدا على الشاشة: تراجى واشراقه {بنات مصطفى} على الهواء مباشرة 10-12-07, 10:56 ص, صلاح الدين عبدالله محمد
Re: يوميات سائق تاكسى فى مدينة سان فرانسيسكو كاليفورنيا 19-02-06, 01:07 ص, صلاح الدين عبدالله محمد
|
هذا العضو لعلمك يا اشراقه وفعلا وقتها انت غائبه من المنبر تم فصله لانه يطاردني ويكتب كلام وسخ ودخل لي بالماسنجر ونشرت ما كتبه لي,يدعي بانه زميلي بالاسكندريه
وانا لا اذكره.....وكل كلامه قذر وفيه محاولات للابتزاز,قلت له اضرب راسك بالحيط
وانشر ما تعتقد بانه بحوزتك ضدي..لم يفعل لانه لا يملك شيئ ضدي..ولكنه يواصل قذارته
فهل يعقل انك لم تنتهبي لمحاولاته القذرة ومداخلته الميئه بالسم؟؟؟؟؟
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
| Quote: هذا عطاء هذا العضو طوال الدورة الماضيه للمنبر فهل استشفيتي شيئا؟؟؟؟ |
العزيزة تراجى..
حقيقة لم استشف شئيا محددا من الاخ صلاح الدين سواء انه يرغب فى متابعة حوارنا وكما قلتى ربما يعود السبب فى انى مرات بتغيب من المنبر وحتى فى حضورى بتابع بعض المواضيع التى تدخل فى دائرة اهتمامى....
العزيزة تراجى....
حين افترعت هذا الحوار معك كنت اعرف انى سوف اواجه بطريق ملغوم وان هناك احزان تراكمت فى هذا المكان نتيجة لعمل تفعيل اللائحة ونتي لجراحات تاريخية سنتطرق لها اثناء حوارنا انشاءالله، وان هناك تجاوزات قد تمت وكنت اعى لذلك واكثر وعيا لضبط الحوار كيلا ينحرف الى مالا نريد... ومن هنا اناشد الجميع ان كان لديهم حوارا معنا فالينتظروا لحين نبدأ وبعدها متاح لنا جميعا الاخذ والرد... امنحونا هذه الفرصة لنثبت ان بالامكان التحاور ونحن اكثر انتماء لانسانيتنا
ولكم جميعا معزتى
| |
|
|
|
|
|
|
|
|
 Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
بالرغم من المشغوليات..
نحجزتذكرة .
وربنا يسهل نقدر نتابع..
مع انى متشائمة جدا..بجدوى أى حوار فى الاسافير السودانية
فهى ليست مكانا مناسبا لحوار صحى ذى أهداف نبيلة
..قائم على الندية
ويهدف الى الوصول لتفاهم وفهم حقيقى
فالأجواء ملوثة بأصحاب النيات السيئة..
ومن يصطحبون معهم كل مساوئ واقعنا السودانى المعطوب..
دون رغبة حقيقة فى المعالجة..
ونشدان العدل...والشفاء.
تحياتى للعزيزتين أشراقة وتراجى..
أراهن على نياتكم السليمة وعلى
صراحتكم ونبلكم.
نصيحة: حاولو تتجنبوا المداخلات المستفزة..
زى مداخلتى دى  
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: صلاح الدين عبدالله محمد)
|
شايف فى فطاحلة/ات وصلوا/ن
هى مؤنث فطاحلة شنو ???
طبعآ تعبت فى التأنيث ده كلو عشان خاطر راوية
إقتراح
يتفق على مواضيع 1 .. 2 .. 3 ......
يناقش واحد واحد بأسلوب المناظرة .. وخلالها يمتنع الجميع عن المداخلة ..
وبعدها نولع سوا ..
وصدقونى ما حنخسر فى إختلاف .. ولا سعيآ لوئام بل طرح حر للرأى
تجنبو الجارح والتهكم ..
وجبت سيرة راوية عشان حلاوة حربة دى ما تمام يا تراجى وما تجينى تقول لى هى الإبتدت .. ودايرين نستفيد ووما دايرين نصل "أعاين فيه وأضحك...." وملاسى فالو ..
مودتى
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
يا سلاااااااااااام
احب المناظرات انا
عليكم الله خلوني اعمل فيها حكم، والله بكون زوله كويسه اوعدكم، غايتو كان ما خليتوني بعمل لي بوست من اسي بره بتاع تحكيم
النقول ليكم حكم مناظره ليييه، لانه ما ممكن صاحبه الدعوه او المستجيبه للدعوه تحكم بي صوره مستقله عشان النقاش يستمر بصورته المستحبه
بالجد جد انا بتكلم، ودي اقتراحاتي للمناظره
اولا، النبذ و الاساءه والكلام الما كويس ممنوعين
تانيا، الاستعانه بصديق من الخارج و الرجوع لردهم ممنوع، كلامكن انتن و بس، الاستعانه بمرجع مسموح بيهو
تالتا، اذا طرحت نقطه، الرجاء تكون واضحه و الرد يكون بنفس الوضوح، يعني ناس اقول ليك انتي ماشه السوق، تقولي ليها لا انا ماشه السوق و تاني زول يرد يقول اااااااه، انا قايلاكي ماشه السوق، دي ما فينا
رابعا، ممنوع اجابه السؤال بسؤال زيه، اذا ارتبط الرد بسؤال، نرجو الرد اولا، ثم طرح السؤال
خامسا، يتم الرد علي النقطه المطروحه قبل طرح نقطه تانيه
سادسا، اذا الطرح يتعلق بحقيقه الرجاء اثباتها او علي الاقل معرفه مصدرها، و للجنه التحكيم في المناظره قبولها كحقيقه اول راي فقط، اما اذا راي، مافي مشكله كل زول بي ارائه وما محتاجه ادله
سابعا، ممنوووووع شخصنه الامور ما لم تكون مربوطه بجزء اساسي في النقاش و اذا شخصنت الحاجات و اتضح انه ما ليها دخل بالنقاش تحسب نقطه لصالح المناظر الاخر
تامنا، علي كل المتداخلات ايراد مجموعه المواضيع الحابين يتناقشوا فيها، من سلم مع اسرائيل لي الجندره لي لي
تاسعا، الرجاء الانتباه لمداخلات لجنه المناظره
عاشرا، ممنووووووووووع منعا باتا التداخل مع الجمهور
انتخبووووووا رحاب للحكم في المناظره
انتخبوا رحاااااااااااااااب
خلاس فترتا و صوتي انبحا
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: abuguta)
|
العزيزه اشراقه
تحياتي
وقد تستغربي الغياب
ولكن اعلمي انه نفس لحوار مافي.
لو تذكري آخر.....مداخله قلت لك
الجمعيه العموميه لمدينة هاملتون
لن اقول لك انها جاليه اعتبر منفسي من اعمدتها
واعطيتها قرابة ال 3 سنوات عطاء متواصل....
صعلقة الجلابه وانتقال قيم المنابر امتدت لجمعيتنا العموميه
واعلمي ان هنالك جلابيات شلة ساره منصور كدنا ان يعتدن علي بالضرب!!
هذا مستوى الخلاف مع البعض منهم يكلفنا كل هذا.
لو سالتيهن من هن ماذا يقدمن للبلد
لا احد يعرف هل هم من الناس البحضروا جمعيات عموميه من قبل؟؟؟؟
كانت تراجي من النكشتهم وشجعتهم في احد الدورات للحضور
لاني لا اقبل باقصاء او تهميش لاحد ومجتمعات الجلابه
مليئه بالاقصاء و التهميش....وصراع مراكز القوى....
عشان كده يا اشراقه.....لم احضر لاني صرت ارى في غالبية القاعدين
هنا...اشكال مكررة...للشفتهم هناك.
صحيح كانت وجوه مشرفه...وصحيح ان هنالك من تصدوا لهم وهم من اهل الشمال ايضا
وصحيح انه ردا عليهم تم الاصرار لترشيحي مرة آخرى.....وانا من سحبت ترشيحها...
لانه مافي نفس.....لكن كان مؤسف ان عضوة منبر هنا وممن يحسبو تقدميات
كانت تتحدث لصديقتها انه بركه رغم شوارعيتهن الا انهن ادبن تراجي لنا!!
عرفتي يعني البعض ماعنده مانع انه اشكال البلطجه تتم لخصومهن
رغم ادعائهم بالاخلاق ولو سالتيها هذه التقدميه ماذا عندها معي؟؟؟
فلا اجابه لها...لانها هنا وعندها باس ورد ماترد لو شايفه
في كلام مختلفه فيه معاي؟؟؟لكنها عالم جبانه تأكل العيش
والملح معك وتنهش فيك.نقول شنو اخلاق (جلابه برضو)!!
وطبعا الموضوع ما انتهى لهنا وبرجع لك.
كان عندك سؤال:
قلت علي اثبات انه اغلب الجندريات كانوا مدعيات وبرجعك لاقتباسي:
| Quote: وانت استضفتي اغلب جندريات المنبر |
واشرحي لي معنة لكمة اغلب قبل سؤالك؟عشان تعرفي انا ما هبلبه
وبتكلم بلغة اعيها جيدا.
فاحسن تمشي للبعده واعلمي لما كتبتها لك بعرف حكحكت للكلام
وبنفس المستوى بعرف امرر نقاطي بكلمات قانونيه تماما.وتحتمل
اكثر من معنى عشان بس ما تعملي لي فيها مكمله الفهم.
انا قلت اغلب
في دعاي تحكي الكلام ده؟؟؟
لانه كلام لايوق وممكن يقود لتعقديات كثيره.
وممكن نختلف في تعريف من هن الجندريات نفسهن.
وعددهن ونسبة المدجعيات منهن
ومن تمكن من التلبيه؟؟؟؟ومن اعتذرن؟؟؟؟
يبقى مافي داعي للاسئله الزي دي ومشى فعلا
ما عشان انا ما دقيقيه لكن لانه الوقفه فيها بتكلف كثير.
ومعليش لو شفتي ردي حاد
لكن تاكدي اثناء النقاش حتكون في ردود حاده كثيره
وهذا طبعي
ولا يعني عدم احترامك ولا عدم تقدير مواقفك.
ولاحظت عندك الحركه دي كثير
بتاعت تاخدي لك سطر واحد وتعملي للزول خط فيه
وتقولي مافاهمه وعايزة توضيح؟؟؟
وصدقني ما لذلذيه الحركه دي
وسمعته من آخرين اي متأكده بانه ليس راي وحدي
لانك بتعملي يز الاستاذة المؤدبه العايزه تغالطك وتقول ك انت غلطان
بس عمله عايزة تتأكد!!
النمط ده من الناقش برفع درجة حرارتي جدا وبخلين اقول الكلام الحاد
وبديعن حتعملي اني زعلتك
يبقى انت نفسك ما تكوسي للبزعل الزول منك.
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
العزيزه اشراقه
نعود للحوار
واعتقد ان نبدأ به بغير هذا البوست
ولا تخافي الارشفه
فخير البر عاجله
وربما اسافر او اغيب في يناير
لذا دعينا نبدأ في غير هذا البوست.
خطوط عامه للحوار:
اولا اتمنى ان نتحدث عن ما يحدث في البورد
لانه هنا التقينا وهنا بدأ نقد بعضنا لبعض
بالهاتف لم نختلف كثيرا
واحتمال وجه لوجه ايضا
يبقى نحن بنبحث في عطائنا من خلال انتمائاتنا العرقيه التي اتضحت هنا.
ومن خلال شلتي وشلتك...صدقيني....واتمنى عدم الانكار...ففعلا لكل منا شلته
وما ممكن تقولي لي شلتي قناعتي لانه انا برضوا شلتي قناعتي
لكن بما اني لاحظت حضورك اكثر من مرة لاجل الدفاع عن البعض
وربما وجدتيني ايضا في موقع الدفاع عن البعض او الهجوم الذي تعتقدونه لاسباب عرقيه...
بينما انا اهاجم من تعتبرونهم في معسكري العرقي اكثر من الآخرين اذن انا اهاجم
مواقف وليس اعراق.
ولي عوده.
تخريمه :
ارجو ان نتجنب المدخلات الطويله فاني اجدها مملة.
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
Quote: العزيزه اشراقه
نعود للحوار
واعتقد ان نبدأ به بغير هذا البوست
ولا تخافي الارشفه
فخير البر عاجله
وربما اسافر او اغيب في يناير
لذا دعينا نبدأ في غير هذا البوست. |
مافى مشكلة ياتراجى نبدأ بغير هذا البوست وتمشى وتجى بالسلامة
وياريت قبل الارشفة نقدر نحدد الآتى:
1)القواسم المشتركة بيننا
2) اهداف حوارنا
3) محاور الحوار
4) النتائج المتوقعة من هذا الحوار
6) ما استفدناه من فتح مثل هذه الحورارت
ولمن تجىء راجعة بالسلامة انشاءالله نبدأ مؤتمر قمتنا الاسفيرى!!
Quote:
خطوط عامه للحوار:
اولا اتمنى ان نتحدث عن ما يحدث في البورد
لانه هنا التقينا وهنا بدأ نقد بعضنا لبعض
بالهاتف لم نختلف كثيرا
واحتمال وجه لوجه ايضا
يبقى نحن بنبحث في عطائنا من خلال انتمائاتنا العرقيه التي اتضحت هنا.
ومن خلال شلتي وشلتك...صدقيني....واتمنى عدم الانكار...ففعلا لكل منا شلته
وما ممكن تقولي لي شلتي قناعتي لانه انا برضوا شلتي قناعتي
لكن بما اني لاحظت حضورك اكثر من مرة لاجل الدفاع عن البعض
وربما وجدتيني ايضا في موقع الدفاع عن البعض او الهجوم الذي تعتقدونه لاسباب عرقيه...
بينما انا اهاجم من تعتبرونهم في معسكري العرقي اكثر من الآخرين اذن انا اهاجم
مواقف وليس اعراق |
دى متفين فيهاىبرضو ياتراجى لانى مابحتاج اقول انى بدافع عن علان ولا فلانة المهم بالنسبة لى والبحتم انى اتداخل فى اى موضوع هى القواسم المشتركة بينى وبين البعض البتحاور معاهم وزى مافى قواسم بينى وبينك فى قواسم بينى وبين الآخرين... اذن المسألة ليست دفاع لانى لست فى هذا الموضع انا ادافع ايضا عن مفاهيم وافكار مؤمنة بيها وكلفنى الايمان بيها الكتير من راحة البال وهدوئه
Quote:
تخريمه :
ارجو ان نتجنب المدخلات الطويله فاني اجدها مملة. |
من صلب الموضوع: المداخلات الطويلة مرات ضرورية فى الوقت الذى تجدينها مملة اجد بين كل سطورها مايفتح فى افقى رؤية مختلفة قد تفيدنا فى حوارنا- هذا اذا سمحتى لى بمشروعية الاختلاف معك فى هذه النقطة اذ من الصعب ان نحدد لنل وللآخرين ان يكتبوا كما نرغب... الاتنين نحنا مؤمنات بضرورة الديمقراطية فخلينا نمارسها فعلا ونتتدرب عليها قدرنا ياختى بكون بنات وانباء المؤسسات العسكرية
هذا مع عميق ودى وانتظر رأيك فيما اقترحتة اعلاه
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
حمدالله على السلامة ياتراجى بركة بالشوفة ياختى,,,
كلامك الاول اللى ليهو علاقة باجتماع جمعيتكم العمومية ممكن يكون ذات صلة بموضوعنا فى بعده العام فاذا اقترحنا مثلا ضمن نقاشاتنا انو نناقش احوال جاليتنا فى الخارج مافى مشكلة ابدا نشوف البيها والعليها وليه ده بيحصل...
نجىء لموضوعنا وشايفاك جاية مسخنة بس ماتخافى على من حدتك اللى قلتى عليها لانى اتعلمت اكون باردة وزى ماقلت ليك بمرن نفسى يوميا على ضبط النفس قبل ما ارمى كلام يكون دراب ونحنا لسة مابدينا نقاشنا عشان كدى نخلى الطوب ده حسع بالجنبة بس اطمئنى طوبة منى مابتجيك طيلة ما انا قادرة اتحكم فى غضبى..
Quote: واشرحي لي معنة لكمة اغلب قبل سؤالك؟عشان تعرفي انا ما هبلبه
وبتكلم بلغة اعيها جيدا. |
ياتراجى عارفاك ماهبلة وعزرا لاستخدام المفردة الجارحة لانى مابتعامل مع اى انسان بفرضيات مسبقة من شاكلة اهبل وغيرها، البيحكمنى مع الناس هو ثمرة حوارهم معاى وثمرة حوارى معاهم ومن حقى اسأل اذا استعصى على فهم ماتعنين لانك بديتى بالهجوم من اول مداخلة رغم انى قلت حوار ياتراجى لانو ماعندى رغبة ادخل فى اى اشكال وموافقتك جات بناء على انه حوار يعنى اخذ ورد، سألتك لانو عندى ما اقوله من وراء السؤال ده وعندى برضو طريقتى ومنهجى فى النقاش.. زى ماليك برضو طريقتك ومنهجك,,,
Quote: فاحسن تمشي للبعده واعلمي لما كتبتها لك بعرف حكحكت للكلام
وبنفس المستوى بعرف امرر نقاطي بكلمات قانونيه تماما.وتحتمل
اكثر من معنى عشان بس ما تعملي لي فيها مكمله الفهم. |
ياتراجى ياعزيزتى هو الفهم قالوا بيكمل؟ الفهم والمعرفة دى بحر واسع وماعندو حد، وبعدين ما عاوزة ابدا اضطر واتكلم عن نفسى واقول ليك فى اى زمن انا قلت كدة او اديت انطباع انى مكملة الفهم؟ يبدو انك بتتحدثى عن زولة تانية لكن باى حال من الاحوال ما انا... اللى بحاول كل يوم اعرف واتعلم حاجة جديدة من موقف/ رؤية: من صفقة مرمية فى الواطة ومن سحابة هايمة وبتعلم برضو من كل تفاصيل الحياة اليومية ومن كل الناس ومن ضمنهم انتى، يعنى كونك تدينى فرصة اجرب الى اى مدى استفدت من تمارينى اليومية لمواجهة الغضب دى فرصة ماساهلة ياتراجى وبشكرك عليها.. شايفة كيف بتعلم وفاتحة عقلى لمزيد من الفهم..
| Quote: وممكن نختلف في تعريف من هن الجندريات نفسهن. |
متفقة معاك بنسبة مائة المائة فى النقطة دى اهو ده قاسم مشترك اول..وبيكون كويس لو ناقشنا الموضوع ده وخلينى اكون متفائلة انو اغلب دراسات الجندر بدأت بالمناسبة بحوارات زى دى
Quote: يبقى مافي داعي للاسئله الزي دي ومشى فعلا
ما عشان انا ما دقيقيه لكن لانه الوقفه فيها بتكلف كثير.
ومعليش لو شفتي ردي حاد
لكن تاكدي اثناء النقاش حتكون في ردود حاده كثيره
وهذا طبعي
ولا يعني عدم احترامك ولا عدم تقدير مواقفك.
ولاحظت عندك الحركه دي كثير
بتاعت تاخدي لك سطر واحد وتعملي للزول خط فيه
وتقولي مافاهمه وعايزة توضيح؟؟؟
وصدقني ما لذلذيه الحركه دي
وسمعته من آخرين اي متأكده بانه ليس راي وحدي
لانك بتعملي يز الاستاذة المؤدبه العايزه تغالطك وتقول ك انت غلطان
بس عمله عايزة تتأكد!! |
مافى مشكلة ياتراجى ومافى داعى للاعتزار وبالتاكيد سوف اهيىء نفسى وعلى حسب كلامك الفوق ده للحدة القادمة واشكر لك احترامك وتقديرك لمواقفى,,,
نجىء للمهم.. من حقى انشاءالله اخد كلمة واحدة ياتراجى واقول عاوزة افهمها/ انا بالجد مامكملة الفهم لانو الفهم مابيكمل خسب رؤيتى المتواضعة وبعدين رغم انو وظيفتى فعلا {استاذة جامعية} الا انى ما بحب اكون استاذة فى حياتى العادية انهى وأأمر لانو عندى تحفظاتى على مناهج الامر والنهى فى العملية التعليمية ولانو بالنسبة لى العملية دى عملية تبادلية بيستفيد منها المدرس اولا قبل الدارس
وبعدين لو دايرة اقول لزول انت غلطان بقولها ياتراجى من غير لف ولا دوران دة لو دعت الضرورة لانى ما طارحة نفسى ناظرة اغلط ده واصصح دة لانو مافى غلط مطلق ولا فى صاح مطلق...
اول مرة اعرف انى عاملة زى الاستاذة المؤدبة... غايتو الشق الاول بتاع انى استاذة ده وضحتو ليك اما صفة مؤدبة ماعندى حولها اى تعليق....
اما الآخرين اللى قلتى عليهم ديل طيلة ماهم وراء الكواليس وبيقولوا الكلام ده من وراى فما بقدر احاورهم لحين يواجهنى احدهم او احدهن بهذا النقد حينها لا املك الا ان اشكرهم لانهم برضو اتاحوا لى فرصة اراجع نفسى وانتقدها واحاول اصلح ماعطب فيها...
Quote: النمط ده من الناقش برفع درجة حرارتي جدا وبخلين اقول الكلام الحاد
وبديعن حتعملي اني زعلتك
يبقى انت نفسك ما تكوسي للبزعل الزول منك. |
ياتراجى ليك مطلق الحق فى ان تقولى ماترينة ولى مطلق الحق فى محاورتك وفقا لما اؤمن به ووفقا للمنهج اللى صنعته وانا احاور البظن فعلا انى ممكن اتحاور معاهم، بعدين ياستى نحنا هنا بنتحاور
طيب لو قلت ليك نفس الكلام ياتراجى بانك ماتكوسى للبزعل الزول منك ممكن فعلا تراجعى نفسك؟ ولا لانو على حسب قولك الحدة دى طبعك بيكون صعب انك ماتزعلى محاورك لانو مثلا الحدة الفايته حدها بتزعلنى مثلا...بقول الكلام ده وفى ذاكرتى برضو سنوات من عمرى كنت فيها حادة وده كلفنى كتير وفقا لتجربتى فى الدنيا...
كدى خلينا فى المهم وخلينا نمشى خطوة لقدام:
ماهى القواسم المشتركة بيننا حتى نستطيع ان ننطلق خطوة للامام؟
_________________________________________________
خارج وداخل موضوعنا... ياختى بردى عليك كل شىء الا ضغطك، العمل العام تكلفته باهظة وانت ست العارفات...بتهمنى بالجد صحتك لانها بالدنيا كلها- حاولى جربى طريقتى قبل ماتردى اعملى اى حاجة، ده بتندرج تحت تبادل تجارب... ماتقولى لى ماعندى زمن دقيقتين بس اشربى موية/ شاى/ قهوة وتعالى ردى لى/ اها العفو والعافية
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
الأختين/ إشراقة/تراجى تحية واحتراماً
نحن فى ترقب شديد لبدء الحوار ، وأسمحوا لنا بأن نتدخل بالتصفيق للعبة الحلوة من أى جانب كانت.
طبعاً أنا ولحسن حظى من أحد المواقع التى ذكرتها( د.اشراقة) ( ودسعدالله) ومنها أخذت إسمى وأعتقد تصنيفى واضح ، ولكنى أتساءل أين مكانى ؟
إن كان فى اللوج : اللوج فى السينما معكوس ، وفى التلفزيون والكمبيوتر عكس السينما ، على كلٍ فأنا أرضى بالجلوس فى البِرش.
بلغة الكورة ، لا أدرى هل كشفت تراجى خططها التى ستلعب بها؟ أم أن الأمر لا يعدو أن يكون من قبيل التمويه وجس النبض ؟؟؟؟ إن كان الأمر هذا أو ذاك أو سواهما فقطعهاً ستكون المباراة ممتعة ونحن فى الإنتظار ونلتمس منكما العذر من الآن إن علا صوت تشجيعنا للعبة الحلوة.
تذكرت أيام خلت ونحن "ندرش" أمام المحاكم المدنية ، فحتى تصل المحكمة للحكم الصحيح ، فإن الدعوى تبدأ عادة بعريضة الدعوى ، وأنتما قد أوضحتما مجال الحوار ، ثم تقوم المحكمة بخطوتين قبل بدء السماع ( الحوار):
1- تحديد الإقرارات من الطرفين ( الدعوة لكما لتحديد أوجه الإتفاق ) ، تم
2- تحديد نقاط النزاع ( أوجه الإختلاف ) على ضوء إدعاءات كل طرف ، حيث تتم مطالبة كل من يدعى إدعـاءاً معيناً بإيراد البينة عليه ، وعلى ضوء ذلك سيتم تحديد من كسب الدعوى ( الحوار ). هل يمكن القيام بالحد الأدنى لإستبعاد بعض الجوانب من الحوار ‘ أو على العكس بحصر مواضيع الحوار لتكون المتابعة واضحة لنا كمشاهدين ومتابعين؟؟
على كُلٍٍ ، عشم أخير :
أرجو أن يتسم الحوار بالموضوعية ، ودعونا نستمتع كمشاهدين بالحوار الموعود وخوفى من "الطوب" و"العكاكيز" فنحن على "البِرش" جُلوس.
أبوبكر
برلوم أغبش
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: أبوبكر أبوالقاسم)
|
أخى الكريم ابوبكر
تحياتى واحترامى ومرحب بيك وبكل ناس اريافنا المهمشة من يوم حفروا بحر السودان
وجودك ضرورى جدا لانى اعرف ايضا تلك النواحى وانتمى لها انسانيا كما انتمى لكل بقعة فى السودان
واحدى المحاور التى ساطرحها لنتحاور فيها تراجى وشخصى هى الهامش ومفهومنا ليهو فى محاولة جادة لايجاد صيغة اكثر انسانية تجمعنا فى اطار سياسى يسعى الى تأكيد انسانيتنا وحقنا جميعا فى الحياة الكريمة والعادلة...
الجالسون والجالسات على البرش لاخوف عليهم فهم اكثر التصاقا منا بالارض وعذاباتها
كن معنا ياود سعد الله ولك التحية ولاهالينا الطيبين اينما كانوا محبتنا
| |
|
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Kostawi)
|
اشراقة وتراجي العزيزات
في البداية لكن التحايا ...
لمن اتداخلت في البوست ده للمرة الاولي كنت منفعلة بالحدث يعني فكرة انو في اعلان لي مناظرة بين اتنين بعتبر كل واحدة فيهم مدرسة قائمة بذاتها وافتكرت انو ده اسلوب متميز من نساء متميزات يسعين لنشر المعرفةوادب الحوار وزي ما قلت سابقا حينها ساكون اول المستفيدين ...
وحين تداخلت اليوم للمرة التانية انفعلت من خط سير البوست .
عموما...
اتمني منكم انو تهدنو لحين انفتاح المناظرة وان يتم التنسيق بينكم داخليا حول
main points للنقاش ومن ثم عرضها علي الملاء بدل من المقدمات المدورة حسة في البوست والتي لا تعنينا كجمهور والتي اتاحت للمغرضين الفرصة والتي قد تفقد المناظرة جاذبيتها .........
لكن الود والاحترام اينما حللتن............
| |
|
|
|
|
|
|
|
|
 Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
الاخوات بنات مصطفى ,مليون سلام لكم ولكل المتداخلين
اعجبي هذا الاقتراح الطموح والجاد حتى يعود المنبر الى عهده السابق, ولكني اتفق مع الاخت امنه مختار حين قالت
Quote: مع انى متشائمة جدا..بجدوى أى حوار فى الاسافير السودانية
فهى ليست مكانا مناسبا لحوار صحى ذى أهداف نبيلة
..قائم على الندية
ويهدف الى الوصول لتفاهم وفهم حقيقى
فالأجواء ملوثة بأصحاب النيات السيئة..
ومن يصطحبون معهم كل مساوئ واقعنا السودانى المعطوب..
دون رغبة حقيقة فى المعالجة..
ونشدان العدل...والشفاء |
لذا اقترح ان يكون فعلا على الهواء وذلك بان يكون في من موقع من مواقع (chat) ويديرها احد الاعضاء متفق عليه مع عدم التدخل من اي الاطراف, وان يتم تلخيص النقاش وفتح بوست للنقاش والتعليقات.
ارجو ان اكون قد اوصلت فكرتي.
الفاتح
| |
|
|
|
|
|
|
| |
Ishraga Mustafa
Omer Abdalla Omer
رأفت ميلاد
Tragie Mustafa
ALGARADABI
حسين محي الدين
عمران حسن صالح
خالد حاكم
خالد علي محجوب المنسي
baha eassa
حيدر حسن ميرغني
ريهان الريح الشاذلي
حواء سليمان ابراهيم
محمد فرح
Hussein Mallasi
حسين يوسف احمد
Rawia
mustafa bashar
صلاح الدين عبدالله محمد
Rihab Khalifa
abuguta
أبوبكر أبوالقاسم
شهاب الفاتح عثمان
Kostawi
فيس بوك
تويتر
انستقرام
يوتيوب
بنتيريست