|
|
|
 Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Ishraga Mustafa)
|
العزيزه اشراقه
انت لحقك شيئ من طوب الجمعيه العموميه بتاعت هاملتون
يعني الجلابيات قلوا ادبهن هنا وانا تميته لك في البورد
معليش حقك علي.
المهم طبعا كنت مشغوله بتصعيد الامر للبوليس
عشان حكاية العبدخل العم العام يتحمل دي بقت كفايه
والحمد لله اتسجل للبعض بداية سجل في عالم (جرائم الكراهيه)
فهنئيا لهن سجلاتهن الاجراميه
وعشان ثاني واحد تتشوبر وتهبش تراجي.
تحدثتي يا اشراقة عن القواسم المشتركه
وهي
اولا: امرأتين
ثانيا: حالمات بالافضل لبلادهن.
في سبيل تحقيق هذا الافضل عاملات ومهمومات بذلك يعني لا يحلمن من منازلهن.
ثالثا:مهاجرات
رابعا:امهاتخامسا:رافضات للتمييز العنصري ضد البشر بناء على:1)العرق
2)الدين
3)النوع
4)القدرات
5)المستوى التعليمي
6)الانتماء السياسي
7)الميول الجنسيه
خامسا:علمنيات
سادسا:خارج منظومات االحزاب السياسه الحاليه للسودان
رغم اتضاح الميول السياسه.انتظر اضافاتك حول هل فعلا ترين هذه نقاط بيننا ام انا فاهمه خطأ.
ولو عندك اضافات برضو مرحبا....
واكيد سنختلف في التعريف لكل واحده منهن و الا لما كنا مفترعين لهذا الحوار.
وسنعود لنرى لماذا صارت العلمانيه تدلل وتدعى بالدولة المدنيه
واعذريني..عاصفة آخرى تضربناااليوم.
مساء احتفال مدرس للصغار...غدا عشاء لمنظمتنا بمناسة الكريسمس
وبعدها تبدأ دوامة الويك اند..والعيد و الافلام المدورة...ولكن كما قلتي نحرص باقتطاع
الزمن الغالي لالج التلاقي.محبتي. وكوني بخير.....
| |
 
|
|
|
|
|
|
|
|
Re: قريبا جدا على الشاشة: تراجى واشراقه {بنات مصطفى} على الهواء مباشرة (Re: Tragie Mustafa)
|
العزيزة تراجى
Quote: العزيزه اشراقه
انت لحقك شيئ من طوب الجمعيه العموميه بتاعت هاملتون
يعني الجلابيات قلوا ادبهن هنا وانا تميته لك في البورد
معليش حقك علي.
|
لقدر ماريحنى اعتزارك هنا مش عشانى لانى قلت ليك انا النوع العلمتو الدنيا يطول بالو مايزعل من الهنية والقاسية لكن الاعتزار فى حد ذاته باعتباره تمارين بتصقل اى زول فينا وبطور من مقدراتنا وبتفتح افقنا عليه ولايهمك ياعزيزتى من حقنا ان نغضب ومن حقنا ان نراجع نفسنا..
كل مقترحاتك دى موافقة عليها واضيف على المحاور بعضا منها وهى:
نظرتنا للازمة السودانية عموما
حركاتنا النسائية/النسوية وبالتأكيد مفاهيمنا حول الجندر
محاولات الخروج من عنق الزجاجة اى الاستراتيجيات
بالاضافة الى المدخل او مايعرف باذابة الجليد الذى يمهد للحوار... دى بخليها ليك مفاجأة مفرجة.. رأيك شنو؟
| Quote: واكيد سنختلف في التعريف لكل واحده منهن و الا لما كنا مفترعين لهذا الحوار. |
ليه افترضتى اننا حانكون مختلفات مش ممكن نتفق فى الكثير طيلة مافى قواسم مشتركة؟
بالطبع ممكن نختلف فى رؤيتنا وتحليلنا لكل المواضيع المطروحة عشان كدى حقو نحدد الاهداف من حوارنا ده وبالنسبة لى الاهداف تنطلق من الآتى
* تبادل التجارب والخبرات ووجهات النظر بهدف فتحة كوة تضىء ما اختلط علينا امرة وبالتالى تقريب وجهات النظر وفقا للنتائج اللى حانصل ليها
* اتاحة الفرصة لنستمع لبعضنا ولنختبر قدراتناعلى تحمل الرأى الآخر مستفيدات بذلك من تجاربنا سوى داخل السودان او فى المهجر فى محاولة لممارسة وترسيخ الديمقراطية وقبول الآخر بغرس قيمة مشروعيةالتباين في الرؤى والتحليل وصولا الى استراتيجية مشتركة
ويمكنك اضافة ماترينه مناسبا
بعد طرحك لوجهة نظرك فيما يخص الاهداف نكون انتهينا من الجولة الأولى فى الحوار وفى بداية السنة الجديدة بعد عودتك بالسلامة انشاءالله نبدأ بالمحاور التى اتفقنا عليها آليتنا فى ذلك الحوار المؤسس الذى يؤسس الى قاعدة متينة نقف عليها وان اختلفنا فى بعض وجهات النظر
ففى ذلك دلالة لحياة ذاخرة بالمعانى الانسانية...
كونى طيبة لاجلك ولاجل حازم وسند ولاجل احلامنا المشروعة
| |
|
|
|
|
|
|
| |
Ishraga Mustafa
Tragie Mustafa
رأفت ميلاد
فيس بوك
تويتر
انستقرام
يوتيوب
بنتيريست