ماسنجر عاجل جدا الى غادة عبد العزيز خالد

Quote: إشراقة لو سمحتي ممكن تحكي لينا شوية عن شاي الفواكه دة !! للفائدة العامة صحبي قال ليكي : عمرنا دة كلو بنعرف شاي بي لبن وشاي بي لبن مقنن وشاي سادة أحمر زاهي باهي ومؤخراً نما الي علمنا إنو في شاي أخضر

الشاى الاحمر اشكال والوان عند الاتراك الله يزيد خيرهم يارب
فى قعر بيتنا سوق اسمو برونن ماركت
فارشين فيهو اهلنا المهاجرين والمهاجرات ومصطلحا اسمو سوق الرخا..

فوجئت مرة الفاضل اخوى بيطلب منى حاجة
قلت ليهو ياخ انا الايام دى مفلسه
قال لى ياخ بتلقى طريقة انشاءالله من السوق الرخا
مع العلم هو مازار فيينا بتكون دى امور نجوى ولوله ولا ابوى ذاتو!!




بيشبة شاى لبتون ولا يكون هو ذاتو..

اما النوع التانى وده اتعلمت عليهو من ايام الحمل والولادة فيهو فائده للجنين
ولوجع البطن والمصارين المهرية ديك
بشربو لمن اكون مضطرة زى اضطرار الصغار لشربه

شاى الكميلين.. هنا



ود عمه شاى النعناع وليهو نفس المواصفات لكن بحبو ياخ.. بحب النعناع لله والرسول كدى..




اما شايات الحنكشة ياعماد بالنسبة لىّ دى.. شاى الفراولة



غايتو ده بشربو فنهكة ساااااى
الزول مايتنفكه كمان عليك النبى ياخدر ود دم اشراقه- ده عشان نفرز بينك وبين خدر بارعة

تنفكهوا ينفكهكم الله


والحنكشة الجد جد الشاى ده.. بيشبه القمردين المشكلّ بالفواكه
ده لذيذ والله وبيذكرنى القمردين بتاع رمضان داااااااااااااك
لمن يكون عندنا بيكون يوم هنانا
غايتو لو ما داسهو ماكان حايكون فى فرق بينى وبين الفأر الساكن زقاقنا




أغلى شاى مابفوت الاربعة يرو
يعنى ممكن بيرو ونص تشترى صندوق يقعد معاك لو اقتصدت اسبوع


اها النقوم اشرب شاى نعناع..




-------
مشتاقة انا للنعناع لو يعلمون

(عدل بواسطة Ishraga Mustafa on 12-03-2008, 10:39 AM)