|
Re: مسدار يا أهل المسادير ((2005)) (Re: nashaat elemam)
|
الزي ود عقيد والكديد نبراسنا ومنصور الضكر ياهو زي تاج راسنا بخاري ويحيى يوم الكرب فراسنا من غيرم بنعلن نحنا تب افلاسنا
إدوَّر قمرنا يا ود الامام وإنْعَدَل ونَّاسنا إنظبط المزاج شوفولنا لـمَّة ناســنا أكان الله الكريم كفانا شر خنَّاســـنا نَجُرَّ النَّم عديل ما بننتظر حنَّاســـنا
| |
|
|
|
|
|
|
Re: مسدار يا أهل المسادير ((2005)) (Re: Adil Al Badawi)
|
رقد ود قرنق يا أخواني وما رقد تفكيرو ميتاً وأللا حي المحريب بجينا عبيرو أكان دايرين السلام ما نبداهو من الزيرو كلام الفتن نكتلو ندفنو تَبْ في بيرو
عادل يا ظريف مازال بلدنا بخيرو والموت إن حصل لازم نجرب غيرو مات ود قرنق من فوق ضريره حريرو لكن الوطن حالف يتم تقريرو
يا منصور أخوي دايم بوستك ودايم أريتو نفيرو ما دام فتحت الباب وقلت على المكارم سيرو نقول السلام أريتو لينا سبيل سااااقطة موية زيرو الكبير منو يشرب يروى ويغرف يسقي صغيرو
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
الوابل هطل مطر الخريف الجادت وكبسيبة الرماد يا البدوي تب ما عادت داوينا الجروح وآلامنا يادوب راقت ومن درب السلام نفوسنا قط ماحادت
نَضْمَك مِنُّو البشاير، يا ود بشير، تِتْحَاتَت كبسيبة الرماد إن شالله تْلجَة وساحت أول بندي: أريتا فُرَص السلام ما راحت البندي التاني: تَكَنَّها نفوس الخلوق اتصافت
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
يسلم ود عقيد مابهرشوه النسوان
الراجل الجميل فايض عشق وحنان
بعانق ليل نهار محبوبتو فرع البان
رومانسى طراز فريد مابشبهو الخلان يا ناديا العقيد فى بير عشق وحلان ومن عسل الكلام محنان عجب طربان من خمر الغرام شربان عنب ثملان وزى قيس ليلى غايص فى الغرام كم شان
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
عثمان ود فضل طمنى كيف امسيتو
كيف أحمد صبح وشول ود مجوك فى بيتو
الولد الشهيد طبعا أكيد عزيتو
قول لينا الحصل ولو الف مرة حكيتو
عثمان ود فضل زى الملك لاقيتو قال حال البلد ممكون وطالع زيتو داك مفلوق ائن باقى الخراب عديتو ناس مكواج و خالد فى الخلايا ببيتو
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
منو القال وطنى زول منحوس
وطن مصرور وشيهو عبوس
وطنى النور بيضوى شموس
عريس ومهيرة ليهو عروس
ناديا الوطن خيلو بتجيك عركوس وخيرو مع السحاب دوكه وبناتا تعوس ناس تاجوج وعابده الفى مداينو تكوس وزى وهج النجوم الفى الظلام فانوس
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
نحنا الانفصال نلعن دوام فى سيرتو
سودانا الحبيب الوحدة تبقى حريرتو
بالفأل والعديل ينتم سلامو مسيرتو
ولدى من الجنوب والله تشهد جيرتو
ناديا الإنفصال زى العوانس بورتو دايرين السلام زى العرس بى شورتو نضبح كم مراح نكرم ضيوفو وسيرتو نعقد جرتقو ونقسم معاهو ضريرتو
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
متل المِن رشاشن بي البطانة اتهوَّن وقفن فوق علو.. ومن الأنيس اتحوَّن وا أسفاي من الكل يوم بتلــوّن شهدان موسى .. من فرو المنازل ضوّن
شرفن فوق حديب عنزايه طنن ورقصن حادقات زى رطب فى عسيل نحول أتعطنن الشافن وقف فى جوفو المصارين رطنن حت كلباتو كلبت متل التقول ما قنصن
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الاخت الرقيقة نادية المعذرة لتأخير هذا المربع والله الايقاع فى هذا البوست بقى سريع والدار عامرة نوارة مسدارنا حبابك وانت الدهب مصقول انا كت قريب عل ميلان مغايص وبالحزن مكحول ماننسى الحصل بس يبقالنا درساتعيه عقول ولى قدام بنجدع غايتنا السلام لابد ليه وصول ود المفتاح أخوى لا اظن رواحلنا قادرة على دخول بادية وداب سن معك فالمعذرة ان تلجلجت الالسن وعصت علينا بنات العرب وسوف نحاول مجاراتك مااستطعنا
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
نوارة مسدارنا حبابك وانت الدهب مصقول انا كت قريب عل ميلان مغايص وبالحزن مكحول ماننسى الحصل بس يبقالنا درساتعيه عقول ولى قدام بنجدع غايتنا السلام لابد ليه وصول
يا يحى بت عتمان دهب شيبون وزى عبق الورود ريحه وجذابة لون عسل الكلام فنانه مالكه فنون وعقلا بى جبال الدنيا مو موزون
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
نوارة مسدارنا حبابك وانت الدهب مصقول انا كت قريب عل ميلان مغايص وبالحزن مكحول ماننسى الحصل بس يبقالنا درساتعيه عقول ولى قدام بنجدع غايتنا السلام لابد ليه وصول
يحي بت عثمان دهيبا أصلو من شنقول وعسلا من قلع نحلو المأصل والمكمل قول زى سرب الفراش الفى الورود مشغول وشارفه مغنجه وسمحة قوام منحول
منصور
| |
|
|
|
|
|
|
كتير والله على حلو الكلام يازول
منصور النخيل جوة العيون مشتول
بستانك منوّر وياما فت حقول
مليون ورد ووردة ومطرة فايضة هطول
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
ربيكا وفاطمة جن شايلات جريد نخلاتن
اخوات من زمان عايشات محنة حلاتن
فى خلوة وكنيسة دوام معا صلواتن
فى شان الوطن بيضحوا بيها حياتن
الله يوحدن وإرفع عظيم محناتن ويبقن للوطن لولايه ليهو يتاتن ومره مع البهاتو البى سلامتو يهاتن وقبل الآخرين فى شان بناهو يتنادن
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
دهب شيبون ..مجمر.. وصافي غير تجمير عسل وادي السدير.. ما ضاقو ضُمة فقير ندوية الشتيلة الوقفولا غفير حارسا من عيون الناس ونقد الطير
ود عقيد
دهب شيبون حارسنو ناس ود بمبا ما تطيل الكلام سيافى أقعد جنبا حارسين الشتول قانصين عيونهم لمبا مافيش عين تشوف مافيش طيور بالجمبا
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: دهب شيبون حارسنو ناس ود بمبا ما تطيل الكلام سيافى أقعد جنبا حارسين الشتول قانصين عيونهم لمبا مافيش عين تشوف مافيش طيور بالجمبا
منصور |
يا شاعرنا نحن اصحاب شعور ومحبا ما بنتخطى حدنا ما بندور الحبا وكتين الجمال يتوارى ناخد شبّة عزّنا من قديم مرفوع -وحاتك- قُبة
بس عاد شِن تقول.. يقطع خبر ها النمّة نسعد بيها بلحيل غيرا كيف ما انتمّ نجرّها بي فرح بس شان تكِشف الغُمّة نطرِب وننطرب .. بي شينة ما بننزمّا
ود عقيد
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
Quote: بس عاد شِن تقول.. يقطع خبر ها النمّة نسعد بيها بلحيل غيرا كيف ما انتمّ نجرّها بي فرح بس شان تكِشف الغُمّة نطرِب وننطرب .. بي شينة ما بننزمّا |
أهل النمّة هوى بعرف قلوبكم صافية
اولاد القبائل ياملوك القافية
غزلكم جد عفيف جاد من قلوب غير جافية
منصور قول عقيد موزون وحجتو كافية
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: هوى يا ود عقيد جاك الإذن من فوق منو البقدر يقول الرقبه دايره الطوق ناديا مأصله وعارفه الغزل بس ذوق وعارفانا مخرفين عارفا البجح بالشوق |
تبروا من الخرف ياناس ومن اللوم
تفاح قولكم انتو وماهو شيح او دوم
شن فيها الحياة للصارى ديمة يزوم
كلها شق كفن ومن التراب بس كوم!!!
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
تبروا من الخرف ياناس ومن اللوم
تفاح قولكم انتو وماهو شيح او دوم
شن فيها الحياة للصارى ديمة يزوم
كلها شق كفن ومن التراب بس كوم!!!
ناديا الدهب فى السوق جزم معدوم وفوق راسا العلم فوق راسو طيرو تحوم كان قلنا اللهيج بس راحة الحلقوم وكان قلنا الفريع فارعه وفراشها رهوم
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
تسلمي إنتي يا ملكة بلادنا عموم ست كل البنات من حلفا لا الخرتوم منصور الأصيل كرمك يمين مردوم فرسك ديما سابق حاشا مو مزموم
ود عقيد
ست البنات يا ود عقيد أم قوم وبجزيها الإله الحانيه جامعه الكوم كرما للعقيد جنحاتو خاليه عموم وفرسك يا العقيد سباق ليالى ويوم
منصور
| |
|
|
|
|
|
|
منصور الجميل انشاء الله ريدنا يدوم
ريد لى الله بس يغسل بواقى هموم
بشوف فيك الأمل ماك الغراب الشوم
راجل اخو البنات ناس عشة بت كلتوم
| |
|
|
|
|
|