مسدار يا أهل المسادير ((2005))

مسدار يا أهل المسادير ((2005))


01-28-2005, 08:40 PM


  » http://sudaneseonline.com/cgi-bin/sdb/2bb.cgi?seq=msg&board=162&msg=1139518757&rn=0

Post: #1
Title: مسدار يا أهل المسادير ((2005))
Author: munswor almophtah
Date: 01-28-2005, 08:40 PM

مى حاجاجة مى لاجاجة
فوق شرك التهم
هبارة مى ولاجة
فرع الخيدران
أم طلعة وجاجة
دى أم بيتا خريف
للجارة والمحتاجة
شن برضيها غير البل
جدية الباجة
ما برضيها غير البل
جدية الباجة


منصور عبداللة
Post: #2
Title: Re: مسدار يا أهل المسادير ((2005))
Author: munswor almophtah
Date: 01-28-2005, 09:53 PM
Parent: #1

مانى الخايب البقول سويت
وما نهرونى عن ساعة السعال قريت
ان بردن قروش مانى البخيل صريت
وان حرن بكار ماهن صفايح زيت



هلا هلا

منصور
Post: #3
Title: Re: مسدار يا أهل المسادير ((2005))
Author: Sidig Rahama Elnour
Date: 01-29-2005, 04:08 AM
Parent: #2

أسد الخلا النتر ودّر جسارة الفيل
أب ناراً تتقّب لضيوف الليل
ما بيميل يمين لو مالت جمال الشيل
تفداك النفوس وياود بلدنا أصيل
Post: #4
Title: Re: مسدار يا أهل المسادير ((2005))
Author: munswor almophtah
Date: 01-29-2005, 01:53 PM
Parent: #3

أسدا عينو نار
فى الغابة تتحاشاهو
عند البيت كريم
ضيفانو تتمناهو
ضباح فى الهجعة
جفال سريع لى مراحو



منصور
Post: #5
Title: Re: مسدار يا أهل المسادير ((2005))
Author: Balla Musa
Date: 01-29-2005, 07:51 PM
Parent: #4

تماسيح أم رهو ظهرن قبل سيدون
والموت فى ام هبج زادن سماحة ولون
نعمه اولاد ابوى ماداروا فزعة عون
سيوفن والظروف جن فى المحاصه درون


الصادق ود آمنة
Post: #6
Title: Re: مسدار يا أهل المسادير ((2005))
Author: Balla Musa
Date: 01-29-2005, 08:45 PM
Parent: #5

قل يوسف ود عبشبيش من أهلك الشكرية لي آسيا بت اختو:

أمرقى يا آسيا و برعيهو قرينك
أمرقى و زغردى وشوفى الكتال بى عينك
كان ما نحفلك شكره و نزيل غبينك
تنقطع الشراكه الباقيه بينا وبينك
Post: #7
Title: Re: مسدار يا أهل المسادير ((2005))
Author: munswor almophtah
Date: 01-30-2005, 11:19 AM
Parent: #6

وكتين ود هليس
الجانا فوق البير
الشاطر اندرج
والخواف دا دنايطير
واحدين يكوسوا للجمالى والقصطير
وواحدين نزلوا الشدر القفانا بتير
البلة اندرج
قال وردونى البير
بدور الهزة للزول اللباسو حرير


ارح

منصور
Post: #8
Title: Re: مسدار يا أهل المسادير ((2005))
Author: munswor almophtah
Date: 01-30-2005, 03:40 PM
Parent: #7

البلة مو هوين
سكينو بتزين
جاب السليب بين
من ناس ابو عرين



منصور
Post: #9
Title: Re: مسدار يا أهل المسادير ((2005))
Author: munswor almophtah
Date: 01-31-2005, 02:52 PM
Parent: #8

البكرة الجكه راعيها
العقدة الجضة قمريها
بدق تويه واتوتيها
أريت الناقة لا تنكس
تقع فوق رقبتا وتنقص
العمة الهواء اتنفس
والطاقى الحدى قنطس
والعراقى الهبوب البس
والسروال للتراب بلحس
والمركوب قطع مردس
والشملوخ اعمى واطرش
مضبب قدو ما بندس
والسكين دى عودا بقس
جاى تلحس وجاى تلحس
وداخل فى الضلع تلبس
اريت الناقة لا تنكس
تقع فوق رقبتا وتنص


منصور
Post: #10
Title: Re: مسدار يا أهل المسادير ((2005))
Author: المكاشفي الخضر الطاهر
Date: 02-01-2005, 01:21 AM
Parent: #9

من روايع الشيخ يوسف نور الدائم

سموك العزاز عزوك واتعذينا

من قومة الجهل لدناء ما اتحزبنا

موشي مفتعل أصلو العفاف مذهبنا
Post: #11
Title: Re: مسدار يا أهل المسادير ((2005))
Author: munswor almophtah
Date: 02-01-2005, 10:59 AM
Parent: #10

سموها العزاز كبتا على الحاسدنا
بت ناسا عزاز عزا قديم حارسنا
أسياد رزقا كتيربنملكو ما بملكنا
وزمن الشح نجود بوالمولى حافظو ربحنا










منصور
Post: #12
Title: Re: مسدار يا أهل المسادير ((2005))
Author: Balla Musa
Date: 02-01-2005, 11:10 AM
Parent: #11

صدية و فوقا لكبيت السياسة يسارا
وطلقات اليمين دكة و فصل دينارا
الدرعة امجزويا فوفا بالنوارا
بدر التم بخمد ومن ضياك بتضارا

ود مقوت
Post: #13
Title: Re: مسدار يا أهل المسادير ((2005))
Author: munswor almophtah
Date: 02-01-2005, 11:54 AM
Parent: #12

تبا للسياسة وتبا لى صعوت تجارا
ويات ما نقول ملاك نلقاهو لافى سجارة
طلقات اليمين فى الهجعة ما بتضارا
بدر الدورين علاك علقنا صرنا حياري


منصور
Post: #14
Title: Re: مسدار يا أهل المسادير ((2005))
Author: Balla Musa
Date: 02-01-2005, 12:17 PM
Parent: #13

كمل فيك مقاييس صبو منزل صاد
وكل ما اقول اكمل فيك اقبل صاد
الدرعا ام سلاحا للقلوب حصاد
طرفك كالمها مدفع عيونك صاد


بلة موسى
Post: #15
Title: Re: مسدار يا أهل المسادير ((2005))
Author: Balla Musa
Date: 02-01-2005, 12:42 PM
Parent: #14

عفوا مدفع نهودك صاد
Post: #16
Title: Re: مسدار يا أهل المسادير ((2005))
Author: munswor almophtah
Date: 02-01-2005, 01:18 PM
Parent: #15

مقياس صبو داك ما صاد
وخوفك من مدافعوالديمة جافل صاد
محروس بى لواحظو واقفالو بالمرصاد
وقناص مين بصيدو جبخانو بجدع صاد






منصور
Post: #17
Title: Re: مسدار يا أهل المسادير ((2005))
Author: Balla Musa
Date: 02-02-2005, 06:16 PM
Parent: #16

الأخ منصور
لك التحية
هذiالبوست يفترض أن يكون للمسادير, والمسدار حسب فهمى
يجب أن يكون رحلة ذات مقصد يصورها الشاعر من مكان إنطلاقه
الى أن يصل مقصده . وقد كانت أغلب المسادير سفرا على ظهور
الإبل كمسدار أحمد عوض الكريم أبو سن و ود شورانى و غيرهم.
الوحيد الذى أذكر أنه كتب مسدار وسيلته عربة فيات هو العبادى.
ما أراه الآن ليس مسدار و إنما مجادعة كما ألاحظ عدم إلتزامك ببناء
الدوبيت والذى غالبا ما يتكون من رباعيات.
عموما بوست جميل يحتاج منك مزيد من الإهتمام.
لك خالص شكرى
Post: #19
Title: Re: مسدار يا أهل المسادير ((2005))
Author: munswor almophtah
Date: 02-02-2005, 06:35 PM
Parent: #17

الاخ بلة موسى لك وعليك السلام.... ومشكور على ملاحظتك التى لا انكر صدقها... فنحن الان فى زمن جمالو رقن... والفيت بقى تاريخ خلنا انا وانت النجادع ....امكن نسويلنا مدرسة جديدة.... كل شئ اضحى ظلالا فمن الصعب الاتيان باصل الاشياء
انا زول مدينة ساكت .....البطانة شقيتها بالبصات.... دحين ما تتاخر جاور بفدرتك عند البوست دا.... انا لا احفظ كثيرا ولكن ربما افتل من أصل


منصور
Post: #18
Title: Re: مسدار يا أهل المسادير ((2005))
Author: munswor almophtah
Date: 02-02-2005, 06:19 PM
Parent: #16

دردنى الفقر لامتين بقيت شنكيب
ودنى الغباين لى جبال فرتيت
إمن جبت مالا فرح ام سوميت
وامن فوق جبال تقلى إنجدع ما جيت
Post: #20
Title: Re: مسدار يا أهل المسادير ((2005))
Author: Balla Musa
Date: 02-03-2005, 08:45 AM
Parent: #18

الأخ منصور

لك تحياتى
كان ومازال لى إخوة كرام مثلك يحبون الشعر القومى والجلسات الأخوية الجميلة.
وقد أتاح لنا الpaltalkفرصة اللقاء و السمر العذب. وكان من الأخ جيلانى إقتراحات محفزة لعمل مسادير و التبارى بيننا لنيل رضى محبوب إفتراضى أو تمثله إحدى الأخوات أمثال عسولة و بت الخليل و كان ضمن الشعراء عزنا و شوقى وجيلانى ووسيم و كلها ألقاب paltalk وكان أول مسدار إلى ود أبصفية و المقصودة هى التاية بت اللمين وهى شاعرة وأديبة ولها صالون أدبى يليق بضيوفها من شعراء البطانة. والتاية شخصية حقيقية ذهب إليها الفرجونى عندما كان الحال معدول فى السودان و قبل أن يغادره و يستقر به المقام بأرزونا وقد نافس الفرجونى فى صالونها كبار شعراء البطانة و فاز عليهم و كان بينهم الشاعر ود فراج الكنانى.
فى تلك الدعوة كان مسدارى هو رحلتى خارج السودان ومثلت التاية فى ذاكرتى كل الوطن و سوف أكتب لك هذا المسدار فيما بعد. وتلا ذلك مسدار دالى إفتراضى نظمته تحت إلحاح تلك الصحبة الكريمة و سوف آتيك به تباعا.

حتى نلتقى لك شكرى اللامحدود
Post: #21
Title: Re: مسدار يا أهل المسادير ((2005))
Author: وليد محمد المبارك
Date: 02-03-2005, 09:00 AM
Parent: #20

جيتكم شايل اقلام الشعر مكسورة
شيف زي فجيعة بورسودان محضورة
كلاشنكوف بقابل وردة او عصفورة
حيكومةالبلد اللاعبه بيناالكورة

ممنوع الحداد
Post: #22
Title: Re: مسدار يا أهل المسادير ((2005))
Author: وليد محمد المبارك
Date: 02-03-2005, 09:07 AM
Parent: #21

هل يعقل مجازات الحجر جبخانة
قرتيق المسيرات قنبلة رمانه
من اولاد البلد تتملي الشفخانة
منو الرفع البلد ومين الخانا

يتكال الرماد
Post: #23
Title: Re: مسدار يا أهل المسادير ((2005))
Author: Balla Musa
Date: 02-03-2005, 09:39 AM
Parent: #21

حكومة البلد بى سوأتا المضمورة
قايلا الدنيا دايمه وبيها كم مغروره
إن طال الزمن دول الأيام, مكروره
يمهل ربى مابهمل نفوس مغروره

_________________________________

مابنعلن حدادنا و النفوس مقهوره
بورسودان بلد عزه واسودا هصوره
جيوش ادروب تقابل نارا كاشفا صدورا
ممنوع الحداد لامن نعدل الصوره
Post: #24
Title: Re: مسدار يا أهل المسادير ((2005))
Author: munswor almophtah
Date: 02-03-2005, 12:31 PM
Parent: #23

ياود موس اخوى بورسدان مغدورة
فى عز شبابا البى الدواس مخبورة
هتفوا وقالوا تحيا العزة مى ماجورة
وطابور طبجية نشن للقلوب فى صدورة
Post: #25
Title: Re: مسدار يا أهل المسادير ((2005))
Author: munswor almophtah
Date: 02-04-2005, 09:37 AM
Parent: #24

الدنيا ديك يا البلة مى دلوكة
وما بتمشى ساكت بالكريم مملوكة
نقزات الشيوخ طالت وجابت كوكة
وسى من جديد امانة محبوكة
Post: #26
Title: Re: مسدار يا أهل المسادير ((2005))
Author: المسافر
Date: 02-06-2005, 01:18 PM
Parent: #25

جاني الوهم قال الفكر ممنوع
نومك عدم قايم دوام مفزوع
عقودك سلم بيعك يعود مرجوع
ورثك سقم ملكك تربة الجوع
Post: #27
Title: Re: مسدار يا أهل المسادير ((2005))
Author: المسافر
Date: 02-06-2005, 01:27 PM
Parent: #26


جاني الوهم قال لي انت منسوب لي
وفي عروق الدم تلقاني ليك أخي
يا خي في اللحم بعد الموات ما حي
حي على الفهم كان جاك بعد الكي
Post: #29
Title: Re: مسدار يا أهل المسادير ((2005))
Author: munswor almophtah
Date: 02-06-2005, 02:19 PM
Parent: #27

وهما ما بجيك سافر تعال جيد لى
ودمى ودمك اصلو محايه مكتوب لى
يا انا بس خلاص قلبى القديم عاد لى
أقعد بس حداى حرم عليك الكى

منصور
Post: #28
Title: Re: مسدار يا أهل المسادير ((2005))
Author: munswor almophtah
Date: 02-06-2005, 01:56 PM
Parent: #26

وهما ماهو فالك وللفكر ينبوع
ونايم وخالى بالك حاشا مك مخلوع
يا سر التجار بضع حلف مدفوع
ويا كاسى ام جهال صيتك بلغلو ربوع



منصور
Post: #30
Title: Re: مسدار يا أهل المسادير ((2005))
Author: المسافر
Date: 02-07-2005, 09:46 AM
Parent: #28

جاني الخوف وقال حسبتك جراب هواء متهول
زي شبه الرجال من نسل القرود الأول
ضميتك تعال فوق صدرك جسومي مطول
وخلاصة المقال ما دام في روحي ما بتحول

جاني الخوف لزمني وضع في رجولي القيد
طول لسانو شتمني قال شاريك والعصاية وتد
من تالا الهزيمة هزمني فرغ فؤادي شديد
لكن لن يقهرني وفي ذر ظهري منصور ووليد
Post: #31
Title: Re: مسدار يا أهل المسادير ((2005))
Author: munswor almophtah
Date: 02-07-2005, 08:21 PM
Parent: #30

الخوف والظنين ماهن يقين معقول
وراجلا باسو واصل فى الاصول ماصول
ضميت المبربح اخو ام قرين مسدول
وخاويت الكويسر اخو ام نعيم وام عول


منصور
Post: #32
Title: Re: مسدار يا أهل المسادير ((2005))
Author: munswor almophtah
Date: 02-07-2005, 08:47 PM
Parent: #31

مالك ديمه خايف زاردنو فيك القيد
وساكت ديمه مالك وللوتيد بتحيد
أنتر تل ضراعك كر للغنيمه اسيد
وضهرك ضمه محمى منصور معاهو وليد


((مايهمك لباسن والعروض عريانه
هم حراس رزق زى التكنوامانه
زي ابل الحلاء الشايله السقا وعطشانه))

منصور
Post: #33
Title: Re: مسدار يا أهل المسادير ((2005))
Author: المسافر
Date: 02-07-2005, 11:25 PM
Parent: #32

إشارة لازمة

(( الناس في العروض ما تقيسة بي تيبانة
وما يغرك لباسهم والعروض عريانة

ديل حراس رزق مثل التكنو أمانة
زي إبل الرحيل شايلة السقى وعطشانة))
Post: #34
Title: Re: مسدار يا أهل المسادير ((2005))
Author: munswor almophtah
Date: 02-08-2005, 05:22 PM
Parent: #33

الناس للكريم خليها واترك شانا
وستارى العروض فى الآخره بعلو مكانا
هم خلق اللطيف بى لطفو ابقى معانا
وإستروا حالنا جمعا خالقنا خابرو غبانا



اللهم آمين لطفك وسترك


منصور
Post: #35
Title: Re: مسدار يا أهل المسادير ((2005))
Author: نادية عثمان
Date: 02-08-2005, 05:52 PM
Parent: #34

حزنان قلبى باكى على البلد والجاها

بالحيل ولّعت ضلمت ليالى بهاها

البلد القبيل كان ديمة ضاوى سناها

أولاد بطنها كانوا السبب فى شقاها!!
Post: #36
Title: Re: مسدار يا أهل المسادير ((2005))
Author: munswor almophtah
Date: 02-08-2005, 08:19 PM
Parent: #35

أفرحى خلى حزنك جمر البلاد باطاها
وكان هبلت هبيله الليله خابرو دواها
حاله الكان قبيل برجع سريع بضياها
وجنياتا الشموس عقبان بعدلو قفاها


شنو ليك مو صقع

منصور
Post: #37
Title: Re: مسدار يا أهل المسادير ((2005))
Author: munswor almophtah
Date: 02-08-2005, 08:39 PM
Parent: #36

قلت الليله أرقد بدري آخد راحه
علا الناديا هامها حال الوطن واتراحه
شغلت بالى حاله الما بتعجبو قباحه
وشديت الاعيسر لامتين تصد لى مراحه



منصور
Post: #38
Title: Re: مسدار يا أهل المسادير ((2005))
Author: عشة بت فاطنة
Date: 02-08-2005, 08:52 PM
Parent: #35

شن جابك الديوان الليلة بت السرة
ماشايفاالجنيات ساوين كماج ومضرة
ودمفتاح دحين بحجتك مو راضي
وقولك تب مليان يمين موفاضي
الا شن برضي ناس موسى ناس دكين والقاضي
مو دايرين نضم نسوان حتى لو كان هادي

الجاي من الصعيد اكيد مو دوبة
ولا وليد ابجبة مقلوبة
وكان للمسافر ناديهو فاتح صوبة
خليهو الجودع حدا ناس مسار
وام عوبة
Post: #40
Title: Re: مسدار يا أهل المسادير ((2005))
Author: munswor almophtah
Date: 02-08-2005, 09:24 PM
Parent: #38

يا بت فاطنه هوي جيدن سمعنا خطابك
وجيدن جيتى داخله الليله مفتوح بابك
من زمن بعيد قدرك بعرفو حبابك
و دوختى النميري الزرزرنو شباكك


منصور
Post: #39
Title: Re: مسدار يا أهل المسادير ((2005))
Author: الطيب شيقوق
Date: 02-08-2005, 09:09 PM
Parent: #1
Post: #41
Title: Re: مسدار يا أهل المسادير ((2005))
Author: المسافر
Date: 02-10-2005, 03:58 AM
Parent: #39

لاموني الحبائب قالوا حبك علينا رزية
حاضر وأنت غائب ورائح ناوي جية
كلامك غرائب مجافي السجية
ديارك خرائب وفي نفسك روية

من طرف الحبائب كان اللوم قرار
ما دام باقي خائب ما مليت فرار
وراجي يقوم لي نائب يفتح صدف المحار
ويصيد الدر عجائب من عمق البحار


سعيد أنا
وسعيد جداً

بطلة نادية وعشة
ومسرور بيك يا منصور
وحبابكم وحباب حبابكم
Post: #42
Title: Re: مسدار يا أهل المسادير ((2005))
Author: munswor almophtah
Date: 02-10-2005, 10:43 AM
Parent: #41

لوم الحبايب اكيد حوار ورويه
وغيبتك قصرا وكتر عليهم جيه
لهجك عسلو وانضم شويش وشويه
وشيد بيت غرام والزيجه تبقى هديه



منصور
Post: #43
Title: Re: مسدار يا أهل المسادير ((2005))
Author: A.Razek Althalib
Date: 02-10-2005, 10:59 AM
Parent: #42

munswor almophtah
تحية مسدارية...
يا ناس تخليوني...
بين الحياة... والفوت يا حلاوة زوروني
جبروها بالضغوت... مسدار ما بينهاني
أنا أنا... فرحي ألم وحنان ...
آلامي شجون.... ورص كلام...
مسدار النجوم... والكواكب اللامعة.
الوداع.. وفوق.

خالص الأمنيات...
Post: #44
Title: Re: مسدار يا أهل المسادير ((2005))
Author: المسافر
Date: 02-10-2005, 02:44 PM
Parent: #43


خبراً في الفريق روايتو علينا صعيبة
ناساً في الطريق ونهارو مابخافو العيبة
حاحوها أم طويق الواقفة راجية نصيبة
دودروا للرفيق صبحت قليلتو غصيبة

خبراً في الجوار زايد علينا الغمة
ما رضيناه الخبار لخبط جرحنا ودمه
ما بين حساب وكوار خربت بواقي الذمة
ومن حسبة خيار وعوار خلاص الناقص تم
Post: #46
Title: Re: مسدار يا أهل المسادير ((2005))
Author: munswor almophtah
Date: 02-10-2005, 10:43 PM
Parent: #44

أخبار الفريق دايما بتبقى صعيبه
ناس جقدول بلاوي والبلاوى بجيبه
كان حجروها منو بخبرلو تانى طريقه
زي ودالدبيب قانص بدورلو دبيبه


منصور
Post: #45
Title: Re: مسدار يا أهل المسادير ((2005))
Author: munswor almophtah
Date: 02-10-2005, 05:26 PM
Parent: #43

يا ود عيس جيت ضويت علينا البيت
وجيت بالخير كتير ما قلت اصلو ابيت
ومن شبيت صغير لا خنت لا اتعديت
وحاشاك الملامه ولى عدوك واسيت




منصور
Post: #47
Title: Re: مسدار يا أهل المسادير ((2005))
Author: munswor almophtah
Date: 02-10-2005, 10:46 PM
Parent: #43

أخبار الفريق دايما بتبقى صعيبه
ناس جقدول بلاوي والبلاوى بجيبه
كان حجروها منو بخبرلو تانى طريقه
زي ودالدبيب قانص بدورلو دبيبه


منصور
Post: #48
Title: Re: مسدار يا أهل المسادير ((2005))
Author: munswor almophtah
Date: 02-10-2005, 10:48 PM
Parent: #43

يا ود عيس جيت ضويت علينا البيت
وجيت بالخير كتير ما قلت اصلو ابيت
ومن شبيت صغير لا خنت لا اتعديت
وحاشاك الملامه ولى عدوك واسيت




منصور
Post: #49
Title: Re: مسدار يا أهل المسادير ((2005))
Author: عشة بت فاطنة
Date: 02-11-2005, 06:46 AM
Parent: #48

يا المنصور دوام تراك راجلا ماهل
ودارك للضيفان مفتوحة قبلي وسافل
ولعابر السبيل ولزولا دوام هو مسافر
واسمع مني عاد من زمن النضال واللمة
ضد عسكر نميري وتاليهو فاقد الهمة
و
ناس الجبهة البغاث طردونا من الخدمة
شردونا وحاتك ايام ال شباب في القمة
أتشتتنا من قلب الوطن والنيل
وسافرنا من تالا الصعيد بليل
وكان غربا جليد دي الوجعة
وكان شرقا خليج موفزعة ..
حليل يابا لمة الجيران
وصوت الجدة والاخوان
حليل أمي البتقوم الهجعة
وحليل أختي القارشة جمر الظلم وجعة
حليل اهلي وحليل ناسي
حليل الكانو هم ساسي
Post: #50
Title: Re: مسدار يا أهل المسادير ((2005))
Author: munswor almophtah
Date: 02-11-2005, 05:35 PM
Parent: #49

أن قلتى الكرم يا عشه عندك حاصل
وضيفك وضيف ابوك فى الهجعه دايما واصل
خابر المنزلة اللا فيها غب لا فواصل
وبجلس موطمئن عارف الكرام وبواسل


منصور
Post: #51
Title: Re: مسدار يا أهل المسادير ((2005))
Author: نادية عثمان
Date: 02-11-2005, 06:00 PM
Parent: #50

يابلدى القبايلك تشكى من تهميشك

ظالم ولاّ مظلوم من فعايل جيشك

أولادك بقطعّوا فى منابت ريشك

قول ياوطنى حكمك الا بس ببشيشك!!
Post: #52
Title: Re: مسدار يا أهل المسادير ((2005))
Author: munswor almophtah
Date: 02-11-2005, 06:55 PM
Parent: #51

بلدا حاله واقف بى جناها وديشا
وسيدا الكان بتاتى الليله غالبه العيشه
مشحون بالهموم جايل بكوس باكشيشه
والماسك القلم سداري واحدكيشه




منصور
Post: #53
Title: Re: مسدار يا أهل المسادير ((2005))
Author: munswor almophtah
Date: 02-13-2005, 01:06 AM
Parent: #52

بندور السلام ملينه نحن العوا
وكجنا المشاكل راجعين خلاس للخوا
نتالب نصد من غربه نرجع جوا
ننقز عرضه فى الميدان وترقص ضوا


منصور
Post: #54
Title: Re: مسدار يا أهل المسادير ((2005))
Author: munswor almophtah
Date: 02-13-2005, 11:15 PM
Parent: #53

كملنا الدواس دايرين كمان نتهوا
وسم الكبرا داك بتقذفوا مابتتلوا
نقعد فى المجالس وبالحديث نتروا
نزرع للمكارم بالحصاد نتقوا


منصور
Post: #55
Title: Re: مسدار يا أهل المسادير ((2005))
Author: المسافر
Date: 02-18-2005, 12:17 PM
Parent: #54

(( مســدار الفاقــــة ))

تــوق سابق الفــــاقة
عاق الطريق سرق الرفــاقة
يا سايق الرقيق ساســـاقة
يتاقي الهويـق ورق وثــاقة

***

طروق فرق التـلاقي بسـاقة
حروق شقه السـقى المهـراقة
تراقي الحـارقة فـوق واشراقة
حاق الريـق دقيـق عشـراقة

***

مـروق الضيـق يسـوق براقة
ما بروق الرفيق ويضيـق بفراقه
صدق الشقـاق بتـوق اوراقة
وفتوق الصفـق يعـانق اسواقة
Post: #56
Title: Re: مسدار يا أهل المسادير ((2005))
Author: munswor almophtah
Date: 02-18-2005, 04:50 PM
Parent: #55

يا مسافر القوم خبارك...قصرت كراعك وايدك
ما كنت يوت تداوم وديمه رافعوا بريدك
قم صد تعال وانظم قصائد ريدك
وخلى الخوخ يسيح تعلفبوا دايما صيدك


منصور
Post: #57
Title: Re: مسدار يا أهل المسادير ((2005))
Author: munswor almophtah
Date: 02-25-2005, 10:35 PM
Parent: #56

ياشيخ الامام شوف لينا حلا جايز
فى كبد الغروب قبال مانبقى عجايز
شوقا للمرن والطرفه أمرك عايز
نرجع للمراح ونصونو نبقى الفايز




((القوم القوم البدرو هون منانا ويسروا))


منصور
Post: #58
Title: Re: مسدار يا أهل المسادير ((2005))
Author: munswor almophtah
Date: 02-26-2005, 02:34 PM
Parent: #57

فارسا ماك بخيل دايما محامدك وارده
شاراك فى الفريق فزاع تصد الشارده
قناص الخلا الحاشاهو برجى البارده
حراس الرزق شملول بتحمى الوارده





انا اخو قرموصه

منصور
Post: #59
Title: Re: مسدار يا أهل المسادير ((2005))
Author: munswor almophtah
Date: 02-26-2005, 02:51 PM
Parent: #58

مامون الرشيد فى فينا قاعد لابد
لا بترد سلام لا العيد بجيبك عايد
أطرأ أولاد صفيه ونايل المتجابد
والمجنون محمد فى الرياض متواجد



العرجه لى مراحها

منصور
Post: #60
Title: Re: مسدار يا أهل المسادير ((2005))
Author: munswor almophtah
Date: 02-26-2005, 11:55 PM
Parent: #59

امشى القمرة اسكنى
انشاءاللة سكنة هنية
وازرعي فيها منقة
وربليك قمرية
وادى الواطه نظره
انشاءاللة تبقي رخية




يالطيف يا ابواللطائف


MUNSWOR
Post: #61
Title: Re: مسدار يا أهل المسادير ((2005))
Author: munswor almophtah
Date: 02-27-2005, 00:10 AM
Parent: #60

يااخت الكرام شايفك مغردة طايرة
وشايف دقشك الموشين حريفة وثائرة
يا ام سارية هوشي الليلة قمرك عاليا
ختى السمتة يامهيرة الخلوق الحائرة









منصور
Post: #62
Title: Re: مسدار يا أهل المسادير ((2005))
Author: munswor almophtah
Date: 02-27-2005, 00:14 AM
Parent: #61

العيد ياجناييت نفحاتة هبت جاتنا
في غفلة زمان لامتين طرينا اماتنا
شيات الجمر فواحة باعثة حياتنا
شطات العمر جمالا طق لهاتنا





منصور
Post: #63
Title: Re: مسدار يا أهل المسادير ((2005))
Author: munswor almophtah
Date: 02-27-2005, 00:19 AM
Parent: #62

مركب علا اللة شرعاتا كجيناهن
ونسيمات العصير فى الحكرة شميناهن
قاصدين الجزاير امات بخت نحراهن
نقنص لى قماريهن والحدي نختاهن






منصور
Post: #64
Title: Re: مسدار يا أهل المسادير ((2005))
Author: munswor almophtah
Date: 02-27-2005, 00:24 AM
Parent: #63

الجريفاوي الهميم هاك السلام صادقين
وهاك الخير معاك هاك رضاء الوالدين
جيت براحة جيت رفعتو لينا اللين
نجبك بشويش نقول لي مكرمك داعيين




قول آمين




منصور
Post: #65
Title: Re: مسدار يا أهل المسادير ((2005))
Author: munswor almophtah
Date: 02-27-2005, 00:27 AM
Parent: #64

قمر السبعتين بقاق عيونو ودربو
در السبعتين دفاق سنونو وبرقو
عسل الجنتين نحلاتو سدا دربو
حجرنو الشهد ضواقو عاد لى عقبو



البتيح في جروفو قارعين الناس تشوفو

منصور
Post: #82
Title: Re: مسدار يا أهل المسادير ((2005))
Author: munswor almophtah
Date: 03-06-2005, 00:26 AM
Parent: #42

يااخت الكرام شايفك مغردة طايرة
وشايف دقشك الموشين حريفة وثائرة
يا ام سارية هوشي الليلة قمرك عاليا
ختى السمتة يامهيرة الخلوق الحائرة









منصور
Post: #66
Title: Re: مسدار يا أهل المسادير ((2005))
Author: Mahmoud Mustafa Mahmoud
Date: 02-28-2005, 03:43 PM
Parent: #1

أنا البارح مع ست السماحة سهِر*
وضوقها ألذ علي العسل النحلتو تور
من فرق الخلق لي الحب بعد ما كبر
ضقت تعذب المرقوب ومابي يقر
Post: #68
Title: Re: مسدار يا أهل المسادير ((2005))
Author: munswor almophtah
Date: 02-28-2005, 09:27 PM
Parent: #66

فالك يابا فالى إن شاء الله قمري يهل
وعسلا للضواقه ان شاء الله تالى يطل
ودهرا للسعاده ضنيب صبيرى كمل
ممكون لايك الكينيا الحكيمه فسل







مو حال صليح

منصور
Post: #67
Title: Re: مسدار يا أهل المسادير ((2005))
Author: Mahmoud Mustafa Mahmoud
Date: 02-28-2005, 03:47 PM
Parent: #1

الولد البدور الشكرة يمشي معانا
يخلف ساقو فوق تيساً فقرتو ملانة
وكت المطرة صبت والخريف رشانا
بهم الحلة يرتع غادي للريحانة

(دي محاولة خاصة)
Post: #69
Title: Re: مسدار يا أهل المسادير ((2005))
Author: munswor almophtah
Date: 03-01-2005, 00:15 AM
Parent: #67

حجلا فى الرجل شملول بسوق فرسانا
شقاق للخشش قناص خبير نيشانا
ساعات الخمج جنبا سليط بى شانا
وقت المكرمات دخرينا دخرى عشانا




انا أخو ودجلى والنعيم ودحمد


منصور
Post: #70
Title: Re: مسدار يا أهل المسادير ((2005))
Author: يازولyazoalيازول
Date: 03-01-2005, 01:22 AM
Parent: #67

منصور يا جدع جبت الكلام فى محلو
والياباك سيبو ، الدنيا بكره تزلو
يا ود الكرام هذا الكلام يوصلو
فى عز الهجير تلقى السحابه تظلو
Post: #72
Title: Re: مسدار يا أهل المسادير ((2005))
Author: munswor almophtah
Date: 03-01-2005, 04:51 PM
Parent: #70

يازول ياهميم فهمان حديثك كلو
والمابينى داك بحسنلوا طب بصبرلو
والمتلك كمان ان شاء الله ربى يظلو
يوم الحشر داك والناس تكوس لى ظلو




آمين يازول

منصور
Post: #71
Title: Re: مسدار يا أهل المسادير ((2005))
Author: Mahmoud Mustafa Mahmoud
Date: 03-01-2005, 02:37 PM
Parent: #1

نحن الحارة وكتين ناغمتنا رجالا
نحن بداوة نحن عراقة نحن أصالة
نحن غبش دقاشيماً شناتنا بسالة
نحن صغيرنا لي شورتنا يبقى كمالا



عليكم الله مش ديموغراتية وكدي؟

محمود عربي السواد
Post: #73
Title: Re: مسدار يا أهل المسادير ((2005))
Author: munswor almophtah
Date: 03-01-2005, 05:23 PM
Parent: #71

نحن عيال سرور وقت الحديث إتمادا
نحن عيال سرور وقت الضحك والفاقه
نحن عيال سرور وقت الحديد اتلاقا
والجمل البهيج مشهادنا ليه الناقه



منصور
Post: #74
Title: Re: مسدار يا أهل المسادير ((2005))
Author: munswor almophtah
Date: 03-02-2005, 11:00 AM
Parent: #73

ملكات النحل جادن شهد لى شفانا
وشافن شوف عيان حالتنا كيف خربانا
افواج احتجاج فاتحه الصدور عريانا
بوليس السجم شكاهها بالجبخانا



منصور
Post: #75
Title: Re: مسدار يا أهل المسادير ((2005))
Author: munswor almophtah
Date: 03-02-2005, 11:04 AM
Parent: #74

ماك حكامه يا مهيرة الزمان الجانا
وجانا وشو كالح وكاشف عميف احزانا
هداوة البال محاها وشرد علينا عيالنا
وزي ما قبيل زكرتى دانتو ما هامانا



منصور
Post: #76
Title: Re: مسدار يا أهل المسادير ((2005))
Author: munswor almophtah
Date: 03-02-2005, 05:35 PM
Parent: #75

الباب انفتح زغرادتو تنده رو
اسدا مو هزيل بكرش ضباع البو
فارسا سمهرير بين الرجال الضو
وحفاظ للجميل من دون قبيح او سو




منصور
Post: #77
Title: Re: مسدار يا أهل المسادير ((2005))
Author: munswor almophtah
Date: 03-03-2005, 10:23 AM
Parent: #76

الدفيق مرق لى سيدو جاب النو
تمم للمطامير ودع خلاس القو
قبل للواري اللبنادر بو
وبضع فى الدهب صقرن بسوى الخو














منصور
Post: #78
Title: Re: مسدار يا أهل المسادير ((2005))
Author: Mohamed A. Salih
Date: 03-03-2005, 10:32 AM
Parent: #77

عقب عقب

Quote: الدفيق مرق لى سيدو جاب النو
تمم للمطامير ودع خلاس القو
قبل للواري اللبنادر بو
وبضع فى الدهب صقرن بسوى الخو
Post: #79
Title: Re: مسدار يا أهل المسادير ((2005))
Author: munswor almophtah
Date: 03-03-2005, 11:15 AM
Parent: #78

البراق شلع شعفوفتو سوت شو
والسوق أنبهل تشاشتوا ضربوا العو
والقمري انضهل فى غابتو كورك بو
وسحب فى السماء ومتل التكنو رهو








منصور
Post: #80
Title: Re: مسدار يا أهل المسادير ((2005))
Author: munswor almophtah
Date: 03-03-2005, 10:13 PM
Parent: #79

شرفت وقلت جدية غروب فوق قوزه
باريها البهم لبان شبيه اللوزه
سحرت لبى حالها الملكه شايله الفوزه
وكجنت القنيص للجديه مانى بعوزه







انا ما كتلت انا جيت اعاين


منصور
Post: #81
Title: Re: مسدار يا أهل المسادير ((2005))
Author: munswor almophtah
Date: 03-04-2005, 04:04 PM
Parent: #80

حاشاك الخيبه يا مواسى البفوت الميس
ويا كاسر الخشش قلاع قرون ابليس
وحاتما فى الكرم حاشاك بدون تحنيس
ويا كافل اليتامى....وللأرامل بالحرير لبيس







منصور
Post: #108
Title: Re: مسدار يا أهل المسادير ((2005))
Author: عبدالقادر محمد عبدالقادر
Date: 05-25-2005, 07:31 PM
Parent: #74

سودانية نحن اللينا عز وكرامة

نحلف بى طلاق مرفوعة فوق الهامة

نحنا بندفع ابقنف البزوزى نعامة

ونحنا الماوى لى كل البجونا عدامة
والا رايكم شنو ياهل المسادير

وقال اسماعيل حسن
بلادى انا بلاد ناسا فى اول شى مواريثم كتاب الله
وخيل مشدود وسيف مسلول حداه درع
بلادى الجنة لى الشافوها او لى البرة بيها سمع
وحتى الطير يجيها جعان من اطراف تقيها شبع
* * *
عبدالقادر محمد عبدالقادر
Post: #110
Title: Re: مسدار يا أهل المسادير ((2005))
Author: munswor almophtah
Date: 05-25-2005, 10:00 PM
Parent: #108

عزا مو دفين واضح جبينو أبوشامه
وكرما مو شحيح فاتح خزاينو شهامه
ضباح البكار جوخه وحلوب مطعامه
ما بهمو الضيوف سيره ومعاها قيامه


منصور عبدالله
Post: #846
Title: Re: مسدار يا أهل المسادير ((2005))
Author: Mohamed Abdelgaleel
Date: 10-19-2005, 07:21 AM
Parent: #74

بوليس السجم شكاها بالجبخانة
شكه شنو يا منصور؟
Post: #83
Title: Re: مسدار يا أهل المسادير ((2005))
Author: domdom
Date: 03-06-2005, 01:38 AM
Parent: #1

الكرام اولاد الكرام
زرت اخوالي الشكرية مرتين في غريقاته
حب المجادعة و المسادير شي لقيتو في دمي
اها هوا الجزيرة السمح و وخضار الجزيره و موية التلاجة
و القراية و الاغتراب ما خلني اداوم علي غريقانه.
خاصة انني في المرتين زرتها في الخريف
و كان ليلها مخيفا مما جعلني اعيد
التفكير مرات كثير في المبيت في بطانة ود اب سن
المهم مجادعتكم و مسداريكم خلخلت كياني
استمروا
Post: #84
Title: Re: مسدار يا أهل المسادير ((2005))
Author: nazar hussien
Date: 03-06-2005, 07:24 AM
Parent: #83

هاكن آ جنوي دي من عمكم ود شوراني


دااااك علم ام جداد الطار وبان لك طرفه
اسرع وخّرو وسوي المشي البتعرفه
لتيبا ذرعو ما بين خيرصانه وطرفه
سمحات كلهن خلقه وخدوده وطرفه
Post: #86
Title: Re: مسدار يا أهل المسادير ((2005))
Author: munswor almophtah
Date: 03-07-2005, 10:34 AM
Parent: #84

بشوف علم أم جداد اللاح ظهر هبابو
لحاق البعيد سوقو اليزيد خبابو
فوق رزق البطانا الصح ضحك ورتابو
وشرفن صيدو باكر زغرتنلو حبابو








منصور
Post: #85
Title: Re: مسدار يا أهل المسادير ((2005))
Author: munswor almophtah
Date: 03-06-2005, 02:27 PM
Parent: #83

domdom
نجدع لك سلام من فوق صريفا ماهل
فيه الوز يكاكى وجدياتو ماخد شايل
فيه الصيد يزازي وفيه الكريم الباسل
فيه الخير تقايا وفيه العفيف الواصل








منصور
Post: #87
Title: Re: مسدار يا أهل المسادير ((2005))
Author: munswor almophtah
Date: 03-08-2005, 01:54 PM
Parent: #85

يا خالد الخضر جخك عرفنا خلاس
وقول الليل محاهو اللنهار لباس
قلت الساعه عشره وصينا بت الناس
ومالو المخ ملخبط لا شعر لا راس





وقتين تواعد ابقى قاعد



منصور
Post: #88
Title: Re: مسدار يا أهل المسادير ((2005))
Author: munswor almophtah
Date: 03-10-2005, 06:17 PM
Parent: #87

أخوك يا ابو السره اخوك وقت الرحول أتيقن
أخوك يا أبو السره أخوك وقت الرتاين بقن
دريبات الفوارس ....البلعتامير طقن
بنجيب لك خبارن..... والعقول تتيقن


منصور
Post: #89
Title: Re: مسدار يا أهل المسادير ((2005))
Author: munswor almophtah
Date: 03-11-2005, 10:48 PM
Parent: #88

يا حمزاوي أخوى عبدالله داك خليه
دربو هداك وعير ماظننا بنمشيه
وعادل أخو البنات رب العباد حاميه
وانور نور علم لابد بنلاقيه


منصور
Post: #90
Title: Re: مسدار يا أهل المسادير ((2005))
Author: munswor almophtah
Date: 03-12-2005, 06:08 PM
Parent: #89
Post: #91
Title: Re: مسدار يا أهل المسادير ((2005))
Author: munswor almophtah
Date: 03-12-2005, 06:09 PM
Parent: #89

مرات القرف طب للمضره بسوقك
وساعات الخرم دايما تطفش سوقك
تور عنزه البتاتى الما بخل واسوقك
لى الضايق مكارمك ولى اللئيم جار عودك







منصور
Post: #92
Title: Re: مسدار يا أهل المسادير ((2005))
Author: munswor almophtah
Date: 03-13-2005, 03:06 PM
Parent: #91

قرف الموبقات خليه وأبعد منو
وخرم المنكرات أختاه وارحل عنو
تور عنزه البتاتى الفى الفؤاد واضعنو
دخرى الحوبه دايما للنائبات داخرنو







منصور
Post: #93
Title: Re: مسدار يا أهل المسادير ((2005))
Author: munswor almophtah
Date: 03-14-2005, 05:50 PM
Parent: #92

مقياس صبو داك ما صاد
وخوفك من مدافعوالديمة جافل صاد
محروس بى لواحظو واقفالو بالمرصاد
وقناص مين بصيدو جبخانو بجدع صاد






منصور
Post: #94
Title: Re: مسدار يا أهل المسادير ((2005))
Author: munswor almophtah
Date: 03-15-2005, 04:45 PM
Parent: #93

حليل اللمه فى الدانوب عشيه
وحليل الفته فوق صنقوره شيه
حليل القعده ضروب جمب رشيه
وحليل القسمه بالعود كان شليه








منصور
Post: #95
Title: Re: مسدار يا أهل المسادير ((2005))
Author: munswor almophtah
Date: 03-16-2005, 02:04 PM
Parent: #94

حكرة الدانوب الرنن كبابيها
وحرت ونستا وهجعن لياليها
جنوت الفريق يات من نقول فيها
وظرف الفنجرى البى خيرو باريها





منصور
Post: #96
Title: Re: مسدار يا أهل المسادير ((2005))
Author: munswor almophtah
Date: 03-16-2005, 02:34 PM
Parent: #95

من تال صباح شلعت بروق عينيها
وقمزت من حشاي كلبات قليبى عليها
بريبة عسين غنج الكحل بان فيها
أريل غيد قصور مسك اليمن باريها







منصور
Post: #97
Title: Re: مسدار يا أهل المسادير ((2005))
Author: munswor almophtah
Date: 03-16-2005, 02:40 PM
Parent: #88
Post: #98
Title: Re: مسدار يا أهل المسادير ((2005))
Author: محمد حسن العمدة
Date: 03-16-2005, 02:59 PM
Parent: #97

عاجل جدا:بيان صحفى لجنة اطباء السودان-تفاقم الاوضاع الص...ستشفى كوستى التعليمى





تضامنوا مع كوستى التى تموت فى غرفة العمليات
Post: #99
Title: Re: مسدار يا أهل المسادير ((2005))
Author: munswor almophtah
Date: 03-16-2005, 04:35 PM
Parent: #98
Post: #100
Title: Re: مسدار يا أهل المسادير ((2005))
Author: munswor almophtah
Date: 03-16-2005, 05:19 PM
Parent: #99

وامعتصماه واعمراه



كوستى قلب السو دان ان كانت رئته الخرطوم فمنها واليها تتمدد الاورده والشراين فان مات الفلب مات سار الجسد فبلا كوستى لا نيفاشا ولا دارفور ولا هيا فحياة السودان تنفذ من خلال كوستى الى الجنينه ونمولى وحلفا والكرمك وتسنى وبورتسودان.... و من خلالها و عبرها يمر الصمغ العربى والكركدى والجلود والسمسم والمنقه والبترول ومن ثم الانسان الدراويش من أبا والشلك من القيقر والدينكا من الرنك والجور والفراتيت من واو والباريا ولكاكوا والاشولى من جوبا والزاندى من مريدى وانزارا ولتبوسا والددنفا من كبويتا والنوير من الناصر وملكال والجكو والانجواك من الجكو واكوبو وقامبيلا والجوامعه من الرهد وام روابه والبديريه والشويحاتت من الابيض والمجانين من المزروب والكبابيش والكواهله واالدواليب من الحمره وام بادر والحمر من النهود والركابيه من باره
ثم الفور من الفاشر وكذلك القمر والزغاوه والاباله المهيريه والميدوب العطويه من مليط ومن نيالا الرزيقات والتعايشا من رهيد البردي وتاما والمساليت من الجنينه والمسيريه من بابنوسه والنوبه من الدلنج وكادقلى وهيبان والحوازمه من لقاوه واهل العوض فى المرويه وعيال جعل من ربوع شندى والرباطاب والمناصير من ابو حمد والشوايقه من كريمه وجلاس وتنقاسى ومنصور كوتى والمحس من اقو وبدين وعبري واهل العوض فى المرويه وعيال جعل من ربوع شندى والرباطاب والمناصير من ابو حمد والشوايقه من كريمه وجلاس وتنقاسى ومنصور كوتى والمحس من ارقو وبدين وعبري والدناقله
من دنقلا والكوارته البديريه من كورتى والغاب وحلفا والسكوت وناس ادروب من قروره ومن كسلا النى عامر والحباب والحلنقه والضباينه ون القضارف والقمز الوطاويط من الكرمك واللانقسنا من الدمازي وابوحجار........فكوستى هى القاسم المشترك الاعظم لتلك الامه فان أردتم لها حياة فالنجدة وان أردتم لها زوالا فشيدوا المقابر....





munsour
Post: #101
Title: Re: مسدار يا أهل المسادير ((2005))
Author: munswor almophtah
Date: 03-17-2005, 11:43 AM
Parent: #100

براق العيون سوالنا دوخه ودوشه
ورجفت روحى صابا المس بقت مهبوشه
بريبة الجفيل قداله مى مدروشه
فى فردوس ملايكه....وبالحرير مفروشه








منصور
Post: #102
Title: Re: مسدار يا أهل المسادير ((2005))
Author: munswor almophtah
Date: 03-20-2005, 11:02 PM
Parent: #101

ملكات النحل جادن شهد لى شفانا
وشافن شوف عيان حالتنا كيف خربانا
افواج احتجاج فاتحه الصدور عريانا
بوليس السجم شكاهها بالجبخانا



منصور
Post: #103
Title: Re: مسدار يا أهل المسادير ((2005))
Author: munswor almophtah
Date: 03-21-2005, 11:07 PM
Parent: #102

وزينة الجزر كاكت هنوك بى حدانا
وقدلت فوق رميل الطرفه مى خمجانا
سلبت شوق قلوبنا الفى الغرام غرقانا
وشرقت روح حلوقنا وليها زاد بححانا






منصور
Post: #104
Title: Re: مسدار يا أهل المسادير ((2005))
Author: munswor almophtah
Date: 03-24-2005, 00:38 AM
Parent: #103

وزا فى الجزر جايل جلال وجمال
وجرد قلبى طب ما خلا فيه خيال
نقزن فوق طبيق الموج جبين لى هلال
وكيا فوق قديم الكى ضبحنى حلال










منصور عبدالله
Post: #105
Title: Re: مسدار يا أهل المسادير ((2005))
Author: munswor almophtah
Date: 03-25-2005, 04:02 PM
Parent: #104

من تال صباح شلعت بروق عينيها
وقمزت من حشاي كلبات قليبى عليها
بريبة عسين غنج الكحل بان فيها
أريل غيد قصور مسك اليمن باريها





















منصور
Post: #106
Title: Re: مسدار يا أهل المسادير ((2005))
Author: munswor almophtah
Date: 03-26-2005, 02:40 PM
Parent: #105

دقنا المره يا الدايقين حلوها أختونا
قلنا مروه يابو مروه من جور الزمان سلونا
قوما جوه يابو مروه فك الحوت سريع نجونا
كان نتهوى من الغلواء من البلوى ديك برونا




منصور
Post: #107
Title: Re: مسدار يا أهل المسادير ((2005))
Author: munswor almophtah
Date: 05-19-2005, 05:00 PM
Parent: #106

يا القاعدين للفاقه وحس عجولكم لاقى
السمحه الشارفه عناقه
الحلوه الزايده حداقه ود الشيخ حداقه
وليها بجذرو الناقه...



منصور
Post: #109
Title: Re: مسدار يا أهل المسادير ((2005))
Author: Shinteer
Date: 05-25-2005, 08:32 PM
Parent: #107

يا القاعدين للفاقة
وحس عـجّـالكٌن لاقى

نجرك نضيف يا منصور. تشكر على السياحة الممتعة دي.
Post: #111
Title: Re: مسدار يا أهل المسادير ((2005))
Author: munswor almophtah
Date: 05-25-2005, 10:07 PM
Parent: #109

Quote: سودانية نحن اللينا عز وكرامة

نحلف بى طلق مرفوعة فوق الهامة

نحنا بندفع ابقنف البزوزى نعامة

ونحنا الماوى لى كل البجونا عدامة
والا رايكم شنو ياهل المسادير

وقال اسماعيل حسن
بلادى انا بلاد ناسا فى اول شى مواريثم كتاب الله
وخيل مشدود وسيف مسلول حداه درع
بلادى الجنة لى الشافوها او لى البرة بيها سمع
وحتى الطير يجيها جعان من اطراف تقيها شبع
* * *
عبدالقادر محمد عبدالقادر



عزا مو دفين واضح جبينو أبوشامه
وكرما مو شحيح فاتح خزاينو شهامه
ضباح البكار جوخه وحلوب مطعامه
ما بهمو الضيوف سيره ومعاها قيامه


منصور عبدالله
Post: #112
Title: Re: مسدار يا أهل المسادير ((2005))
Author: munswor almophtah
Date: 05-25-2005, 10:34 PM
Parent: #109

Shinteer
شانتير العزيز قدومنا بى مقلامو
لى نقش الحجر شاكوشنا خابرو كلامو
كان قلت النجر من نوح ورثنا مهامو
كان قلت النقش سغراط سرقنا إلهاموا



منصور عبدالله
Post: #113
Title: Re: مسدار يا أهل المسادير ((2005))
Author: Yahia Abd El Kareem
Date: 05-26-2005, 05:07 AM
Parent: #112

منصوراخوى نظمك درر ياريتنا من فهامو
وقطعك للشعر صعبا تصيبن سهامو......
وغيرك بتصيدو السمح الصبحت امامو...
واصل فوق عديلك واقدل للبلغت تمامو...
Post: #114
Title: Re: مسدار يا أهل المسادير ((2005))
Author: munswor almophtah
Date: 05-26-2005, 09:19 AM
Parent: #113

يحى الفنجري شدوك طربنا أنغامو
ودربك داك وعر مكجوجه جاهزه الغامو
عزال أم غنج معسول لهيجا كلاممو
دودار الدرر درار عسيل الهامو



منصور عبدالله
Post: #115
Title: Re: مسدار يا أهل المسادير ((2005))
Author: Yahia Abd El Kareem
Date: 05-27-2005, 05:06 AM
Parent: #114

مالك بدور فراق حفلا شربنا غرامو
وما سكرنا من خمرة من كسانا سقامو
شاور الموج وعصمت وامرق من عتابه وملامو
والحق اخوك من نبال الما بتخطى سهامو
Post: #118
Title: Re: مسدار يا أهل المسادير ((2005))
Author: munswor almophtah
Date: 05-27-2005, 09:17 AM
Parent: #115

حفلا داك قطع صرتنا شالا مكانو
وصيدا بالعيون شفناهو دقنا حنانو
عصمت داك فقد والموج رطن رطانو
يا يحى الكريم دهب الملوك بى شانو




منصور
Post: #120
Title: Re: مسدار يا أهل المسادير ((2005))
Author: Yahia Abd El Kareem
Date: 05-27-2005, 12:28 PM
Parent: #118

مابنفوت السماح اللينا فتح دكانو
وقاعدين قصاد برقا شلع سنانو
عصمت بى هناك طربان يصيح فنانو
والموج الحلف جازم يبر سكانو
....شنو ليك ا المنصور شايفنا ناس فوته ؟؟؟؟؟؟
Post: #122
Title: Re: مسدار يا أهل المسادير ((2005))
Author: munswor almophtah
Date: 05-28-2005, 11:10 AM
Parent: #120

دكان السماح أشروهوا وأبنوا بكانو
شلاع البروق راعوهوا وارعوا كيانو
جذاب عصمت الفتان لصيف أسنانو
طق الموج وقع دنميت شرار جبخانو



منصور عبدالله
Post: #124
Title: Re: مسدار يا أهل المسادير ((2005))
Author: Yahia Abd El Kareem
Date: 05-29-2005, 12:12 PM
Parent: #122

شمر يالمنصوراخوى نبنى ونقيم اركانو
ومن اهل السماح والجود نجيب سكانو
شايفك ودعزاز وصنديدا يحرسو بكانو
ام انا حارس الحسن لامن يزول سلطانو
Post: #125
Title: Re: مسدار يا أهل المسادير ((2005))
Author: munswor almophtah
Date: 05-29-2005, 12:25 PM
Parent: #124

أرح يا يحى أرقل ناقتنا ساكت سارحه
فى فردوس غزال عاشقاهو مى متراوحه
كان قلت الجوار جيرتنا صالحه وفالحه
كان قلت الجواز جوزنا ليك بالفاتحه



منصور عبدالله
Post: #127
Title: Re: مسدار يا أهل المسادير ((2005))
Author: Yahia Abd El Kareem
Date: 05-30-2005, 12:48 PM
Parent: #125

بدور السربة فوق ناقة فهيمة وناصحة
نعدى نهارنابى همة ونسوق الليل اب ظلمة كالحة
نشدو ندوبى فوق زينا التقوقى الصادحة
قاصدين دار عزيزة كان نرضيها ام خمرة فايحة
Post: #129
Title: Re: مسدار يا أهل المسادير ((2005))
Author: munswor almophtah
Date: 05-30-2005, 02:14 PM
Parent: #127

يحى أخو البنات يات من تسوق طب فالحه
مى رقاله مى دراره للعرق أم صناحا مالحه
تزوزى زوينا تيراب البكار الصالحه
خابره دريبا بريبة الكبور الكاسحه





منصور عبدالله
Post: #126
Title: Re: مسدار يا أهل المسادير ((2005))
Author: munswor almophtah
Date: 05-29-2005, 12:53 PM
Parent: #124

جاهز للنفير لابس خمسه لى بنيانو...
وز الوادى داك هامينى حاسبو رهانو
يحى أخو البنات والفى النائبات أخوانو
ختو الشكره ساكت....إنتو الفضل فرسانو




منصور
Post: #128
Title: Re: مسدار يا أهل المسادير ((2005))
Author: Yahia Abd El Kareem
Date: 05-30-2005, 12:55 PM
Parent: #126

خابرك زول شديدة بتبنيه وتقيم اركانو
وتجيه سمحة البنات قادلة وتزيد الوانو
وانت الدخرى اب كفاية البشيل ديوانو
بجالسك فيه والاخوان جميع حاضرين بعزو كيانو
Post: #134
Title: Re: مسدار يا أهل المسادير ((2005))
Author: munswor almophtah
Date: 05-30-2005, 05:40 PM
Parent: #128

خابراك المكارم خابره القراب والبانو
يا ملك الكلم إنت البصون سكانو
زى ود الملك واسع فسيح حيشانو
جاموس الخلاء العاشقاك جميع عبرانو





منصور عبدالله
Post: #116
Title: Re: مسدار يا أهل المسادير ((2005))
Author: محمود الدقم
Date: 05-27-2005, 07:34 AM
Parent: #1

صاحبك ان اباك ما بقول لك
فوت
وما بضحك معاك بخاطرا
ملفوت.
ان كنت حر من اصل
مثبوت.
قبل الكائنات هبر شروكك
وفوت..

(ود الرضي)
Post: #119
Title: Re: مسدار يا أهل المسادير ((2005))
Author: munswor almophtah
Date: 05-27-2005, 09:44 AM
Parent: #116

يا ود الدقم أصحاب النائبات فرسان
وهم أخوان بنات أخوان مروه وشان
ساعة المعضلات نجده وبغوثو حنان
وقبال الفريق لحاق خيولهم بان


منصور عبدالله
Post: #117
Title: Re: مسدار يا أهل المسادير ((2005))
Author: محمود الدقم
Date: 05-27-2005, 07:37 AM
Parent: #1

شيخنا قال لينا اتو حرفتو
اراكم يا مباديل كلكم هفتو
شيخنا يا شخنا ات كان شوفتو
تجدع الكراس الفكي تكفتو.





ود الرضي
Post: #121
Title: Re: مسدار يا أهل المسادير ((2005))
Author: munswor almophtah
Date: 05-28-2005, 10:31 AM
Parent: #117

شيخكم قولو صاح إنتو الكلام زدتو
يا أبدقم العزيز عالى الكلام وطو
شيخكم ياهو شيخكم صنولو ما تعاكسوا
وجدع الكراس حرام وأوعى الفكى تفوتو




منصور
Post: #123
Title: Re: مسدار يا أهل المسادير ((2005))
Author: munswor almophtah
Date: 05-28-2005, 11:25 AM
Parent: #121

أرح يا يحى أرقل ناقتنا ساكت سارحه
فى فردوس غزال عاشقاهو مى متراوحه
كان قلت الجوار جيرتنا صالحه وفالحه
كان قلت الجواز جوزنا ليك بالفاتحه



منصور عبدالله
Post: #130
Title: Re: مسدار يا أهل المسادير ((2005))
Author: Osman M Salih
Date: 05-30-2005, 02:17 PM
Parent: #123

مسا الخير
قـررت تمديد اقـامتي هـنا
و هذا كل ما فـي الأمر
عثمان
Post: #131
Title: Re: مسدار يا أهل المسادير ((2005))
Author: munswor almophtah
Date: 05-30-2005, 02:32 PM
Parent: #130

يا عثمان أخوي أقعد جوارتك طيبه
وكتر من كتابتك بى حرافه وهيبه
أرسم مره لوحه ومره جيد بى قصيده
ومره أدينا باسطه ومره جود بى قريبه




منصور
Post: #132
Title: Re: مسدار يا أهل المسادير ((2005))
Author: عبدالقادر محمد عبدالقادر
Date: 05-30-2005, 02:53 PM
Parent: #131

يا السودرت بى زوع الهضاليم سيتو
قول لى اهل الفريق الليلة كيف اسيتو
يا اهل النضاف البى شينة ما انمسيتو
يا اهل السماح المن واجبة ما اندسيتو
Post: #133
Title: Re: مسدار يا أهل المسادير ((2005))
Author: munswor almophtah
Date: 05-30-2005, 03:45 PM
Parent: #132

فوق ضانقيل البطانا البخبيب وطيتو
ودربك ياهو ذاتو لا فتو لا أتختيتو
على الجوخ بكربت حارساهو ديك سوميتو
نحن خلاص رقدنا وقلنا إبقى نسيتو





منصور عبدالله
Post: #135
Title: Re: مسدار يا أهل المسادير ((2005))
Author: munswor almophtah
Date: 06-03-2005, 06:31 PM
Parent: #133

بريبة الكبابيش باريه الحدب عاقبانا
ضابطا قادلو ديش قداله مى كسلانه
نحن عيال قنيص كاجين شراكنا قفانا
قمحنا الجميل خلى القلوب حيرانا




منصور
Post: #136
Title: Re: مسدار يا أهل المسادير ((2005))
Author: Yahia Abd El Kareem
Date: 06-09-2005, 07:38 AM
Parent: #135

مرحبتين حبابا ام ديس البالجمال قاصدانا
يقج كبريتادات الحزة فاح غمر الدنا واركانا
انا اتمحن ياالمنصور اخوىفى البىالعجن قاتلانا
علا ارح نبراها مانحنا ان غصبنا وبقت مالكانا

أبعدنى عنك -لحين- دهر يقسو ولايرف كيف يضمد الجراح وهانا اتداوى بالنمة من اخوى وربعى المنصور
أدام الله عليك نعمة العافية لنهنا بك ومعك..
Post: #137
Title: Re: مسدار يا أهل المسادير ((2005))
Author: munswor almophtah
Date: 06-09-2005, 10:24 AM
Parent: #136

قاصدانا أم لحاظ بانت مدافع دانا
طابقه البوخه معطونة العطور خمجانا
جالت جديه فوق حدب الطلح ساعطانا
يابو مروه يابو مروه كتال سهاما رمانا



يحي أوعى يطير سهم من عينا إقلع عينك

منصور عبدالله
Post: #150
Title: Re: مسدار يا أهل المسادير ((2005))
Author: Yahia Abd El Kareem
Date: 06-10-2005, 12:30 PM
Parent: #137

بنرجاها ام قرنا معطن خمر وكفانا
بى لحظن ياحد الروح والقليب فى شانا
ونسرح تالاها لا تعقب خلى البلودخربانا
ماهمانا داب كيفكنا اربط والعقول طربانا
Post: #138
Title: Re: مسدار يا أهل المسادير ((2005))
Author: merfi
Date: 06-09-2005, 11:53 AM
Parent: #1


ياالمنصور اخوي نضم كلام اشعارك

في كيزاناهدموا وكتلوا كل اوطانك

علوا في البناء ونهبوا المقدر شأنك

يمشوا وين يوم المنادي يجيب اعلانك
Post: #139
Title: Re: مسدار يا أهل المسادير ((2005))
Author: munswor almophtah
Date: 06-09-2005, 12:40 PM
Parent: #138

الدنيا ديك يا merfi مى دلوكة
وما بتمشى ساكت بالكريم مملوكة
نقزات الشيوخ طالت وجابت كوكة
وسى من جديد امانة محبوكة









munswor
Post: #140
Title: Re: مسدار يا أهل المسادير ((2005))
Author: merfi
Date: 06-09-2005, 12:56 PM
Parent: #1



يا المفتاح تعال شوف الخراب في بلدنا

يوم جونا الوحوش بليل بعد ما رقدنا

لا خافوا الكريم دحين لا مقدرين عزتنا

لا هن بشر و لا في الحساب ملتنا
Post: #141
Title: Re: مسدار يا أهل المسادير ((2005))
Author: munswor almophtah
Date: 06-09-2005, 01:37 PM
Parent: #140

يا مرفى العزيز زائر الليالى سرقنا
وأكلوا الحله جاهزه وخموا الرماد حقتنا
لا راعوا الصغار لا عرفوا ديك صرمتنا
أكلوا الميته ذاتا البلعفانه أزتنا








منصور
Post: #142
Title: Re: مسدار يا أهل المسادير ((2005))
Author: merfi
Date: 06-09-2005, 01:51 PM
Parent: #1



يا اخوي العزيز ديل الكتاب سارقنو

نضمولن كلام من الرويس فاتلنو

من نهب اليتيم للمابي يكسروا سنو

دا ما نضم الكريم دا من راس جنو
Post: #143
Title: Re: مسدار يا أهل المسادير ((2005))
Author: munswor almophtah
Date: 06-09-2005, 02:16 PM
Parent: #142

سرقوهوا الكتاب زي الحمير شايلنو
ولاخمين البشر عاملين خلاس دارسنو
ساطوها السياسه وبى كنش ناجرنو
حتى إبليسها ذاتو لعنولوا خاشو وجنو









منصور
Post: #144
Title: Re: مسدار يا أهل المسادير ((2005))
Author: merfi
Date: 06-09-2005, 02:42 PM
Parent: #1



ستاشر سنة غشونا بلموعود

اصبحوا هن سمان ونحن متل العود

لا قول إعتذار لا فعل مريود

كل من شال صريف يا رب عليو مردود
Post: #145
Title: Re: مسدار يا أهل المسادير ((2005))
Author: jini
Date: 06-09-2005, 04:40 PM
Parent: #144

Quote: بندور السلام ملينه نحن العوا
وكجنا المشاكل راجعين خلاس للخوا
نتالب نصد من غربه نرجع جوا
ننقز عرضه فى الميدان وترقص ضوا


منصور
Post: #147
Title: Re: مسدار يا أهل المسادير ((2005))
Author: munswor almophtah
Date: 06-09-2005, 06:30 PM
Parent: #145

شايف جنى قال أدو السلام الفرصه
وقال الموت كتير سووها تانى العرسه
ودعت الشوم بلاوى وديمه ناوى القرصه
جوهوا عيال عجم دفعولوا رضوه وبلصه



منصور
Post: #148
Title: Re: مسدار يا أهل المسادير ((2005))
Author: munswor almophtah
Date: 06-09-2005, 06:59 PM
Parent: #144

يا ميرفى العزيز خلى العداله تعود
وخلى الحق إبين واضح معاهو شهود
نقعد كلنا ونكتب تراضى عهود
نجزم تب يمين فاسد قديم ما يعود






منصور عبدالله
Post: #146
Title: Re: مسدار يا أهل المسادير ((2005))
Author: merfi
Date: 06-09-2005, 05:06 PM
Parent: #1



"جبيهتنا" إنكوت "و جبهتن" دوام نديانا

"شـركاتن" نمن و بطونا صبحت زانا


إن قت داير "العدل" سـاقوك للزنزانة

وكان جب سـيرة "الحكم" ضربوك بلجبخانة




Shukran ya Mansor for a great post

See you around
Post: #149
Title: Re: مسدار يا أهل المسادير ((2005))
Author: munswor almophtah
Date: 06-09-2005, 07:15 PM
Parent: #146

رب العالمين دايما فضايلو معانا
وناسا بالحرام خزناتا طب مليانا
ما يهمك قرشهم والكروش مرضانا
نحن أسياد حقيقه وغيرها ما همانا



منصور عبدالله
Post: #151
Title: Re: مسدار يا أهل المسادير ((2005))
Author: munswor almophtah
Date: 06-10-2005, 07:38 PM
Parent: #149

Quote: بنرجاها ام قرنا معطن خمر وكفانا
بى لحظن ياحد الروح والقليب فى شانا
ونسرح تالاها لا تعقب خلى البلودخربانا
ماهمانا داب كيفكنا اربط والعقول طربانا





معطونة القرين كبريتا فاح تالانا
ولصفن بيض سنونا زوينه مى قسيانا
شركك شبكا وشبكت هديك قاصدانا
أبشر يا الحريف قنصتنا مى قمحانا



منصور
Post: #152
Title: Re: مسدار يا أهل المسادير ((2005))
Author: Salma Daoud
Date: 06-11-2005, 01:13 AM
Parent: #151

أنحنا اولاد بلد نقعد نقوم علي كيفنا...
في لقى في عدم دايماً مخرف صيفنا...
انحنا اب خرز بنملاهو و بنكرم ضيفنا...
و انحنا الفوق رقاب الناس مجرب سيفنا...
Post: #154
Title: Re: مسدار يا أهل المسادير ((2005))
Author: munswor almophtah
Date: 06-11-2005, 12:26 PM
Parent: #152

إنتو أولاد بلد روقو واعرفوا البينكم
نوبه وزرقه وبجا وعربا مخرف صيفكم
وقبال الخرز تملوهو عمروا بيتكم
وسيفكم فوق رقاب الناس حرام يازيكم


سلمى لك السلام والود والشكر

منصور
Post: #153
Title: Re: مسدار يا أهل المسادير ((2005))
Author: Yahia Abd El Kareem
Date: 06-11-2005, 12:03 PM
Parent: #151

خابرها ام عطن بدور تبهدلنا وتجهجهو حالنا
ونحن الديمة ثابتين فوق عزما بدوهو كبارنا
الا عناق السواد هلكتنا بطريفه البولع نارنا
بنرقد ليها خيط نتملى نشبع من عسيل سلوانا
Post: #155
Title: Re: مسدار يا أهل المسادير ((2005))
Author: munswor almophtah
Date: 06-11-2005, 01:35 PM
Parent: #153

حالنا مجهجهو لهيجا العسيل حادقالنا
مابنفع ثباتنا وديش غراما سبانا
ديسا البسواد سابلاهو حالك أزانا
يايحى العزيز شبنا السفاهه كفانا





منصور عبدالله
Post: #158
Title: Re: مسدار يا أهل المسادير ((2005))
Author: Yahia Abd El Kareem
Date: 06-12-2005, 01:10 PM
Parent: #155

سفاهة رجال نفخر نقول شاملانا نحنا برانا
وما بهمنا الشيب ان سرح مادام قلوبنا ملانا
عمرانة بى هيام جدية البادية التسكنو ضرانا
ويلاك نمرح نحن سعدنا قدام والهم نسيبو ورانا
Post: #156
Title: Re: مسدار يا أهل المسادير ((2005))
Author: merfi
Date: 06-11-2005, 01:46 PM
Parent: #1



صـحيح اصحاب حقيقة وحق كمان يا الـراقي

نقلع حقوقنا تمام وننسـتر بالباقي

والظالم الكبير خبرو يجيبو الرادي

في نشـر المساء يقولو نادا منادي
Post: #157
Title: Re: مسدار يا أهل المسادير ((2005))
Author: munswor almophtah
Date: 06-11-2005, 03:04 PM
Parent: #156

الحق وين بروح والراعى دايما واعى
وحراس الأمانه أكان سرق مداعى
فى درك الجحيم ما بين مغيب واعى
وتهبل نار عذابو دوام عديل آضراعى



منصور عبدالله
Post: #159
Title: Re: مسدار يا أهل المسادير ((2005))
Author: munswor almophtah
Date: 06-13-2005, 09:52 AM
Parent: #157

[
Quote: B]سفاهة رجال نفخر نقول شاملانا نحنا برانا
وما بهمنا الشيب ان سرح مادام قلوبنا ملانا
عمرانة بى هيام جدية البادية التسكنو ضرانا
ويلاك نمرح نحن سعدنا قدام والهم نسيبو ورانا




قلوبنا ملانا حب والشيب سرح هدانا
هدا سواد شعرنا بقى القطن تالانا
نبرا الصيد يفز يقمز مراح بى حدانا
يا يحى الهميم نومنا الخزاز جافانا




منصور
Post: #160
Title: Re: مسدار يا أهل المسادير ((2005))
Author: Yahia Abd El Kareem
Date: 06-14-2005, 12:05 PM
Parent: #159

ا..منصور نومنا الينعدم نسهر نموت فى شانا
ونلحق اللهكو داب عشق المليحة البدهب ميزانا
لا تصد لى ورا خلى العقب نقايضة بالراجيانا
اسرع قودع دوب نلفاها الشم التضوى نهارنا
Post: #161
Title: Re: مسدار يا أهل المسادير ((2005))
Author: munswor almophtah
Date: 06-14-2005, 10:23 PM
Parent: #160

يايحى الغزال خلاب دوام شاغلنا
سلاب القلوب فى غرامو نحن وحلنا
يا خالق الجمال من سحرو ما تمحنا
نحن رهاف شعور نصال لحاظو لحقنا





منصور
Post: #162
Title: Re: مسدار يا أهل المسادير ((2005))
Author: Yahia Abd El Kareem
Date: 06-16-2005, 07:57 AM
Parent: #161

مما قمنا لاحقنها ياها النبال جايانا
ان صابت القليب ممنونة وبلغن هنانا
وان صابت الجلد مى قاصداه التصد قمحانا
نكمل صيفنا فى طراده ونتالت ندركه شتانا
Post: #163
Title: Re: مسدار يا أهل المسادير ((2005))
Author: munswor almophtah
Date: 06-16-2005, 09:42 AM
Parent: #162

نبالا وين تطيش خابرانا عارفه هوانا
وعارفه عشق قلوبنا الليها زاد خفقانا
ساحرة الخصال مزرود جراب جبخانا
لى صيد القلوب الفى العشق وحلانا




أرح يا يحي كربت بريب القويز قيل للجره

منصور
Post: #164
Title: Re: مسدار يا أهل المسادير ((2005))
Author: Yahia Abd El Kareem
Date: 06-21-2005, 01:18 PM
Parent: #163

المنصور ...ما تقول فتر ..بس بعدل فى شديد جملى للخبه ...وجاييك..
Post: #165
Title: Re: مسدار يا أهل المسادير ((2005))
Author: munswor almophtah
Date: 06-22-2005, 01:44 PM
Parent: #164

نحن دروبنا لى دار ريح ضنوبهن رقن
خبيب أبفقره فى العتمور سريع وميقن
ونيران الفريق لاحن شموعهن بقن
أنهر أبدقنوس هبايب الليل نسامن هبن



منصور
Post: #166
Title: Re: مسدار يا أهل المسادير ((2005))
Author: Yahia Abd El Kareem
Date: 06-24-2005, 10:13 AM
Parent: #165

اتيقن اب خبة تالا الغيمة السحابة مقرن
ونمك زادو يالمنصور يلحق به الشوادى الفرن
و صاحبو يتململ فوق سرجا نيرانه يحرقن
ياريت نلفاها ظبية الحى والقلوب ينسرن



ا المنصور أخوى ..ان تاخرت عليك فانا فى بلد سلبتنى ملكة النظم لحين وبها ستستريح
راحلتى ونواعد النمة ..ونحن وراها حتى نراها ..او نهلك دونها...
Post: #167
Title: Re: مسدار يا أهل المسادير ((2005))
Author: munswor almophtah
Date: 06-24-2005, 07:58 PM
Parent: #166

قلوبا طار كنار عشقانه روحهن شرقن
عقولا فى الغرام وحلان شعورهن خدرن
يا لحاق بعيد سوقاك مراكبك حرقن
سوق يا يحى سوق صيد الجناين حردن



منصور
Post: #168
Title: Re: مسدار يا أهل المسادير ((2005))
Author: Yahia Abd El Kareem
Date: 06-30-2005, 03:10 PM
Parent: #167

ما بنحمل حرد الجدية وصدها الفتاك
وابدومة ما بيبرى غير دربا يمد تالاك
بنلحق السمحة ام شديد البكانة حداك
وارجانا يا منصور اخوى فوق الوعد نلقاك


...اعذرنى على مخالفة القافية فانا فى شان الجدية بكوس الدرب الساهل...
Post: #169
Title: Re: مسدار يا أهل المسادير ((2005))
Author: munswor almophtah
Date: 06-30-2005, 05:38 PM
Parent: #168

سوق أبودومه سوق واقف يمين برجاك
وكان الليد بتألم مانى الغتيت بازاك
باصر زيد خبيبك ممطورة الدريع راجياك
نمطر فوق قويزهم وتلعب فوق سويقها معاك




منصور
Post: #170
Title: Re: مسدار يا أهل المسادير ((2005))
Author: Yahia Abd El Kareem
Date: 07-05-2005, 12:45 PM
Parent: #169

المنصور اخوى هاك الوعد فى ديارها بتلقاك
وصابر على الصى ونهزى ابدومة التخبره براك
تاريه كارف خمرة الظبية الراقدها هناك
يطوى نهاره قاصد ليله كان تبقى المنامة معاك

اخى وربعى منصور ..لا اخشى على راحلتى بقدر ما اخاف ن زمن اصر على انقطاع اجمل رحلة....
Post: #171
Title: Re: مسدار يا أهل المسادير ((2005))
Author: munswor almophtah
Date: 07-05-2005, 05:01 PM
Parent: #170

شرافه أم كحيل مكتوفة الحجول عاجات
أم شفا لصف مرصوص دهب طيات
سهاما فى الزمام بين الرشارش والشفاه ناصبات
وقانصات للدرير البس دروع حاميات


منصور
Post: #172
Title: Re: مسدار يا أهل المسادير ((2005))
Author: Abdelrahman Elegeil
Date: 07-05-2005, 05:46 PM
Parent: #171

قال الصادق ود آمنة...مجنون مهالك

مسك قلمي كتب بخيت وأصبح شوم
رميي الشروك مابيدي غير مقسوم
ماهقيت بعد النجعة عيني تسنغ نوم
وريد المابيريدك لا بد يبكيك يوم
Post: #173
Title: Re: مسدار يا أهل المسادير ((2005))
Author: munswor almophtah
Date: 07-06-2005, 01:18 PM
Parent: #172

Quote: مسك قلمي كتب بخيت وأصبح شوم
رميي الشروك مابيدي غير مقسوم
وريد المابيريدك لا بد يبكيك يوم



شوما فى القلم يا ود العقيل مفهوم
وشرك الشابكه فى شرك الخلاف معلوم
أبعد تر هناك ما تبقى زول موهوم
وريدا بالغصب لا بد يجيب اللوم


كلامك ناقص يا الأنصاري ولك الشكر

منصور
Post: #174
Title: Re: مسدار يا أهل المسادير ((2005))
Author: Abdelrahman Elegeil
Date: 07-06-2005, 09:32 PM
Parent: #173

طيب ما تموا يا منصور بسترة الله يجازيك... وأنت الصادق رايح علي ودا كلام أخذناه من

عمنا الكراي منذ أكثر من ثلاثين عام وفيها فصة غرام طويلة إنتهت نهاية مؤلمة وإن شاء الله

يأتي أحد أبناء نهر عطبرة أو البطانة يحكي القصة وينزل القصيدة كاملة....والشكر لك

على هذا الجهد لإحياء تراثنا ومجدنا

العجيل
Post: #176
Title: Re: مسدار يا أهل المسادير ((2005))
Author: munswor almophtah
Date: 07-07-2005, 02:40 PM
Parent: #174

يا ود العقيل مستور بخل حاشاك
ونما داك جلبتو فضايلو تترجاك
زاد البهوش بالعندو لافقه معاك
وسابق المترفين ضحوه وزياده وراك


منصور
Post: #179
Title: Re: مسدار يا أهل المسادير ((2005))
Author: Abdelrahman Elegeil
Date: 07-08-2005, 06:54 PM
Parent: #176

Quote: يا ود العجيل مستور بخل حاشاك
ونما داك جلبتو فضايلو تترجاك
زاد البهوش بالعندو لافقه معاك
وسابق المترفين ضحوه وزياده وراك


أت يا المنصور أخوي بتاكل بليلة اللوبيا
إياها دي بليلة لوبيا بحصحاصها...خوفي تقول بليلتكم نية يا الأنصار

بنيتي الأنصارية وضحة بتقول لك

نحن بليلتنا بنقدمها ليك بجبين مطروح وقلب مسرور

سيدالبكرة هيلو الشكرة.. ليهو النصرة مفتاح أبو المنصور

شلاعين الدرق النشامى عيال مفتاح عدوكم رخم وإنتو صقور

يسلم رأس المزيونة أما بركت جابت ولادا بيهم الكسر مجبور

نقز يا صقر تاني الرخم فوق كم

شلاع الدرق أبعد الدم لا يرشك
Post: #175
Title: Re: مسدار يا أهل المسادير ((2005))
Author: Yahia Abd El Kareem
Date: 07-07-2005, 05:16 AM
Parent: #171

ما نجزع وحاتك بنلزم شاناوالتجى الجايات
وصفك لام كحيل هد الجسم وخلا الركب سايحات
ضامة الخصيرزامة الخشيم تحته البروق خابيات
ان تم اللقا فى دار السعد بنودع الرايحات
Post: #177
Title: Re: مسدار يا أهل المسادير ((2005))
Author: munswor almophtah
Date: 07-07-2005, 03:07 PM
Parent: #175



يحى أخو البنات دراج مراح عاطلات
ورضاي لى أم رشوم كبد الإبل حرات
جلاب الدهب بالكيلو والعاجات
وراجياك أم فريع بالبوخه والفرحات


منصور
Post: #178
Title: Re: مسدار يا أهل المسادير ((2005))
Author: Abdelrahman Elegeil
Date: 07-07-2005, 10:36 PM
Parent: #177

Quote: يا الأنصاري


بالعون نـشمي وأنا أشهد أنك رجل ضوء وذو فراسة بعد

ما في زول غيرك في هذا المنبر ناداني بهذا الإسم الشاهدالله إنه أحب الأسماء إلي.

تخريمة الصحيح العجيل وليس العقيل في كل خير
Post: #180
Title: Re: مسدار يا أهل المسادير ((2005))
Author: munswor almophtah
Date: 07-08-2005, 07:06 PM
Parent: #178

يا الأنصارى العجيل مبروكه أنصاريتك
وياك درويش صدام خابر فنون جهاديتك
سواي للفرائض وللنوافل هيتك
وراتبك ديمه خاتمو ودائما مبيض نيتك





منصور
Post: #181
Title: Re: مسدار يا أهل المسادير ((2005))
Author: Abdelrahman Elegeil
Date: 07-08-2005, 09:47 PM
Parent: #180

المنصور أخوي بليلة وضحة ما أظنك ذقتها

والظاهر مشهادنا نضبح لك بكرة عديل وهي شوية عليك
Post: #182
Title: Re: مسدار يا أهل المسادير ((2005))
Author: Yahia Abd El Kareem
Date: 07-09-2005, 10:12 AM
Parent: #177

قدامى اعشاى وليك فى الكرم صولات
فنجرى وزول طرب ان حكرن مجالسه بنات
مزاملين نطارد جديات الخلا النافرات
اما هلكن فى دوبن واما الخير ملا الجربات
Post: #183
Title: Re: مسدار يا أهل المسادير ((2005))
Author: munswor almophtah
Date: 07-09-2005, 01:46 PM
Parent: #182

شوف الكرم هيلك وليكم فيه كم جولات
وكان لعب البنات معروفه فيك عفات
وداك صيد المعيز الفى الصحار فازات
وخلقه مكحلات لابسات حجول عاجات


منصور
Post: #184
Title: Re: مسدار يا أهل المسادير ((2005))
Author: Yahia Abd El Kareem
Date: 07-10-2005, 10:13 AM
Parent: #183

حاق الشكرة والجودمفتاح للصعاب الجات
وايديك للفضايل تترى زى السحاب نازات
عفيت ان غازل معاى بنوت عزاز عافات
وان سرع معاى داب نلفى الغزال مرحات
Post: #185
Title: Re: مسدار يا أهل المسادير ((2005))
Author: munswor almophtah
Date: 07-11-2005, 01:14 PM
Parent: #184

الجود والكرم ماهن خصال هينات
وإبلا بالسقا وشايلاه عطشانات
وزات البحر بى صدورها عوامات
وسالبات القلوب يا يحى خمجانات


منصور
Post: #186
Title: Re: مسدار يا أهل المسادير ((2005))
Author: Yahia Abd El Kareem
Date: 07-12-2005, 12:49 PM
Parent: #185

لصيفات الجمال للكمال حاقات
القاتلنا ليمهن وللقرب مانعات
زاهيات فى الخدور بى الوصل مابيات
ماخدات العقول وللقلوب سالبات
Post: #187
Title: Re: مسدار يا أهل المسادير ((2005))
Author: munswor almophtah
Date: 07-14-2005, 10:54 PM
Parent: #186

معيز المقدره الشارفات هنوك كاحلات
وكيتا للكباد ضامرات خصور ناحلات
فارعات القوام حادقات لهيج شارقات
وزى عسل الرطب يايحى ما بنفات



منصور
Post: #188
Title: Re: مسدار يا أهل المسادير ((2005))
Author: Yahia Abd El Kareem
Date: 07-17-2005, 10:15 AM
Parent: #187

امنصور اخوى ارح أعصر على الزاملات
اطرا شخب ام هليج فيه الدرر شالعات
والخاطر نبيت الوادى اب غزال مرحات
وان عكست حظوظ لا اسفن على الرايحات
Post: #189
Title: Re: مسدار يا أهل المسادير ((2005))
Author: munswor almophtah
Date: 07-17-2005, 12:48 PM
Parent: #188

حرات البكار سايقات دوام واصلات
وخابرات الدروب خابرات كبور وعرات
مرحات الغزال البى الشقيل جايلات
وهاردات القلوب يا يحى سحارات



منصور
Post: #190
Title: Re: مسدار يا أهل المسادير ((2005))
Author: عبدالمنعم عبدالله
Date: 07-17-2005, 04:35 PM
Parent: #189

يا لعزابتى من مسادير المساء
مابين الامس والغد
ما بين المهديةوالجهؤيه والانقاز
ما بين الحلم والحقيفة
مابين حلاوة اللغة العتيفة
والركيكة
و و و وما اكتر ماءءءءءءءءء
Post: #191
Title: Re: مسدار يا أهل المسادير ((2005))
Author: munswor almophtah
Date: 07-18-2005, 01:42 PM
Parent: #190

الأخ عبدالمنعم عبدالله...سلام من الله عليك...ولكن اللغه الركيكه لاينبغى لها أن تحمل إلا ركيكا من المفاهيم...وكل ركيك بخارج من حيز ونطاق الإبداع الأدبى الى ضده...فهذه لغة عاميه تكتنفها فصاحة داله معبره...وذات تهيؤ لحمل ونقل الجميل الجزل والجميل الجزل فقط...كذلك وعلى الرغم من عنت محاولاتى لفهم أخرج به من تلك اللغة الفصيحه التى أتيت بها ما أستطعت ما أستطعت.......

ولك منى الود والشكر والسلام


منصور
Post: #192
Title: Re: مسدار يا أهل المسادير ((2005))
Author: Yahia Abd El Kareem
Date: 07-19-2005, 01:02 PM
Parent: #191

الاخ عبد المنعم...
نشكرك على المداخلة وارجو ان تفصح وتبين مقاصدك حتى تعم الفائدة...
الاخ المنصور
حتما سارجع للرد على مربعك الرائع...
Post: #193
Title: Re: مسدار يا أهل المسادير ((2005))
Author: munswor almophtah
Date: 07-22-2005, 08:56 PM
Parent: #192

بريب أبضلوع يايحى وين بنفات
وخاتيات الشكوك بريب صرف حرات
لايكات السعد فى الوادى قدالات
والحق سوق نياقناالليله محتارات


منصور
Post: #194
Title: Re: مسدار يا أهل المسادير ((2005))
Author: المسافر
Date: 07-22-2005, 11:37 PM
Parent: #193


جناً كرب مكجامو في عضاي الراكة
هرد الحشا وطحنو بي مرحاكة
مكتوم القنات في نفسي زي كوراكة
التر في الجفيل وشردت طيورو الراكة
Post: #195
Title: Re: مسدار يا أهل المسادير ((2005))
Author: osama elkhawad
Date: 07-23-2005, 10:46 AM
Parent: #194

يحيي والمنصور حجيكم صادي
والقلب البيلهج بالشعر هو الحادي
غزال الوداد بيناتنا ليهو بنادي
تلقاها المحبة اتحكرت بي غادي


المشاء
Post: #196
Title: Re: مسدار يا أهل المسادير ((2005))
Author: Yahia Abd El Kareem
Date: 07-23-2005, 01:51 PM
Parent: #195

مرحبا بالمشاء ...هلت شموس الادب والذوق...لن اقول ان راحلتى قد تعبت بل طربت..سنواصل النم..
ونرحب بالمسافر ولعله اختارهذا الاسم ليناسب ظروف غيابه الدائم وكم سيعمر به هذا البوست ..
وانا الان فى حيرة من امرى وامامى ثلاث جدعات ..والاختيار صعب للغاية لكنى ابدأ بالترحيب ..
بالخواض..
مرحبتين حباب مشاء الحروف الشادى
اتشرف المسدار وهلت بدوره قصادى
صدحن بنوت الفريق وعمرنه النادى
يلاك نلحق المنصورنطارد عزال الوادى
Post: #197
Title: ترحابك كريم يا يحي بالمشائ
Author: osama elkhawad
Date: 07-23-2005, 02:02 PM
Parent: #196

ترحابك كريم يا يحي بالمشائ

نحن اولاد سفر ما بنرضا بالمتنائي

القاعد برا في حتة ديما بزازي

ونحن اولاد مشي بنحب ركوب العالي

المشاء
Post: #198
Title: Re: ترحابك كريم يا يحي بالمسافر
Author: المسافر
Date: 07-23-2005, 03:11 PM
Parent: #197


جناً كرب مكجامو في عرقوبي
بتبت حيلي طفشت مرق من توبي
السبب الحماني وضيع صوبي
الترى في الجفيل وهواه يجري جنوبي
Post: #221
Title: Re: ترحابك كريم يا يحي بالمسافر
Author: munswor almophtah
Date: 07-24-2005, 01:45 PM
Parent: #198

جناً كرب مكجامو في عرقوبي
بتبت حيلي طفشت مرق من توبي
السبب الحماني وضيع صوبي
الترى في الجفيل وهواه يجري جنوبي

يا مسافر تقوقى وإنت ديمه تدوبى
وديمه مطفشاك صيدة شروق وجنوبى
وسببا داك حماك حرض عليك اللوبى
حبا فى الجفيل بهدلنى زادها ذنوبى


منصور
Post: #202
Title: Re: ترحابك كريم يا يحي بالمشائ
Author: munswor almophtah
Date: 07-23-2005, 05:00 PM
Parent: #197

ترحابك كريم يا يحي بالمشائ

نحن اولاد سفر ما بنرضا بالمتنائي

القاعد برا في حتة ديما بزازي

ونحن اولاد مشي بنحب ركوب العالي

المشاء





ترحاب يحى بيك بالجد أكيد ما برائى
يا الخواض عليك الليله إهزوا ضراعى
شقاق الغروب يا الماك مغيب واعى
وأخوان فى المشى وخالقنا إبقى الراعى



منصور
Post: #203
Title: Re: ترحابك كريم يا يحي بالمشائ
Author: munswor almophtah
Date: 07-23-2005, 05:04 PM
Parent: #197

ترحابك كريم يا يحي بالمشائ

نحن اولاد سفر ما بنرضا بالمتنائي

القاعد برا في حتة ديما بزازي

ونحن اولاد مشي بنحب ركوب العالي

المشاء








ترحاب يحى بيك بالجد أكيد ما برائى
يا الخواض عليك الليله إهزوا ضراعى
شقاق الغروب يا الماك مغيب واعى
وأخوان فى المشى وخالقنا إبقى الراعى



منصور
Post: #200
Title: Re: مسدار يا أهل المسادير ((2005))
Author: munswor almophtah
Date: 07-23-2005, 03:53 PM
Parent: #195

يحيي والمنصور حجيكم صادي
والقلب البيلهج بالشعر هو الحادي
غزال الوداد بيناتنا ليهو بنادي
تلقاها المحبة اتحكرت بي غادي


المشاء



يا الخواض تعال دانوبنا فاتح نادى
زى ما قلت قبيل إبقى الوداد الهادى
حبا للشعر مالكنى سالبو فؤادى
زى حب النقد عندك وفائت غادى


منصور
Post: #201
Title: Re: مسدار يا أهل المسادير ((2005))
Author: munswor almophtah
Date: 07-23-2005, 03:56 PM
Parent: #195

يحيي والمنصور حجيكم صادي
والقلب البيلهج بالشعر هو الحادي
غزال الوداد بيناتنا ليهو بنادي
تلقاها المحبة اتحكرت بي غادي


المشاء



يا الخواض تعال دانوبنا فاتح نادى
زى ما قلت قبيل إبقى الوداد الهادى
حبا للشعر مالكنى سالبو فؤادى
زى حب النقد عندك وفائت غادى


منصور
Post: #199
Title: Re: مسدار يا أهل المسادير ((2005))
Author: munswor almophtah
Date: 07-23-2005, 03:20 PM
Parent: #194

جناً كرب مكجامو في عضاي الراكة
هرد الحشا وطحنو بي مرحاكة
مكتوم القنات في نفسي زي كوراكة
التر في الجفيل وشردت طيورو الراكة






كجاما هبر تلب تويس من شابكه
وشركا للغزال خاطياه طب مداركه
كتمك للمشاعر للقلوب جد هالكه
زى تلف الحديد قشوهو بى كراكه


منصور
Post: #204
Title: Re: مسدار يا أهل المسادير ((2005))
Author: osama elkhawad
Date: 07-23-2005, 08:13 PM
Parent: #199

منصور بالادب مفتاح خزاين العرفة
كلماتك تفوح زي شاهي زائد قرفة
كلماتك تروح من نفوسنا القرفة
كلماتك مطر فاقت دموع الطرفة
Post: #205
Title: Re: مسدار يا أهل المسادير ((2005))
Author: عبد الحميد البرنس
Date: 07-23-2005, 11:13 PM
Parent: #204

ونصيحتك ياالمنصور لأولاد البلد ملانا
إنت الشقيت بلود الناس عجم وبطانا
كان يسمعوها جيتا جيت جانا ما خلانا
وأكان يرفضوها خلاس بلدنا مو هلكانا



خواض مشيت بي غادي لقيتك مافي
ختيتلك رسالة قتلك جايلك صادي
لقيتك بي جاي قاعد طربان شادي
ومتين الرجعة لي يمنى بي غادي


يا يحي دي جيتا واحدة معاها بتابع
مسدارك في مدح الكرم والجود روايع
وكم بالله أسعد الغريب ومسحلو مدامع
Post: #206
Title: حا أجيك بي مسادير اسفيرية
Author: osama elkhawad
Date: 07-23-2005, 11:18 PM
Parent: #205

واصل يا برنس "نمك" ,
لكن "نمك " التالت مو رباعي

وحا أجيك بي مسادير اسفيرية

المشاء
Post: #207
Title: خارج و داخل في النصوص
Author: osama elkhawad
Date: 07-23-2005, 11:27 PM
Parent: #206

رديتلك قبيل امكن يا برنس ما "جكيتو"
و قت لك كمان وكتير ملخص عن ما حكيتو
عن خارج و داخل في النصوص غطيتو
بحكايتي القبيل عن قريتي ,و لزيتو
Post: #208
Title: طربان شادي في سكنة ولد "مفتاح"
Author: osama elkhawad
Date: 07-23-2005, 11:36 PM
Parent: #207

طربان شادي في سكنة ولد "مفتاح"

لكن ما نسيت يا برنس كلامنا الصاح

عن غلطن وقع "للطيب" المفلاح

من "يمنى" القبيل كانت كمثل الراح


المشاء
Post: #219
Title: Re: طربان شادي في سكنة ولد "مفتاح"
Author: munswor almophtah
Date: 07-24-2005, 02:29 AM
Parent: #208

طربان شادي في سكنة ولد "مفتاح"

لكن ما نسيت يا برنس كلامنا الصاح

عن غلطن وقع "للطيب" المفلاح

من "يمنى" القبيل كانت كمثل الراح


المشاء

أسكن وجيب صغارك وفى الصريف أرتاح
واغلط ديمه إنت وديمه بنقول صاح
غلطك ضمه غافرو وضمه ليك برتاح
وأنسى اليمنى سيبا هداك هلالك لاح
Post: #209
Title: Re: خارج و داخل في النصوص
Author: عبد الحميد البرنس
Date: 07-23-2005, 11:39 PM
Parent: #207

خواض كتابة نصيحة قريتا
اتمعنت فيها زين وختيتا
وشايل النضر بكرة رديتا
إرادة الكريم ربي كفيتا
Post: #210
Title: Re: خارج و داخل في النصوص
Author: عبد الحميد البرنس
Date: 07-23-2005, 11:51 PM
Parent: #209

خواض منصور ولد كريم مضياف
ونحن بنعوم بحرا مالو ضفاف
يمنى كلاما بشر يحذف ويضاف
والمقدس قاعد فوق وبتخاف
Post: #211
Title: Re: خارج و داخل في النصوص
Author: osama elkhawad
Date: 07-23-2005, 11:53 PM
Parent: #210

نضرك كبير ,لو –كمان- وفيتو
العلم انبهل ,ونحن بنجابد فيهو
مداخلتك عميقة, بتلمس مكامن ال"هو"
ونحن الكلاب في النقد,نقولك "هو"
Post: #212
Title: Re: خارج و داخل في النصوص
Author: عبد الحميد البرنس
Date: 07-24-2005, 00:05 AM
Parent: #211

الخواض ماك دلاهة تليفة
شيخا مالي مركزو وظيفة
ونكران جميلك ما ياهو فضيحة
والشمش بتشرق كمان للمابيها
Post: #213
Title: بتذكرني كم بي نفسي
Author: osama elkhawad
Date: 07-24-2005, 00:14 AM
Parent: #212

با برنس الصغير بتذكرني كم بي نفسي
ختاف الفكر ,بيعرف مقاصد الهمسي
وعراف الزمان,في اليوم او في الامسي
ولماح لامن تقول هو بيعرف المدسي
Post: #214
Title: Re: بتذكرني كم بي نفسي
Author: عبد الحميد البرنس
Date: 07-24-2005, 00:22 AM
Parent: #213

خواض تجارب السجم كبرني
راسي شاب وبقيت أحذرني
عارف الحجاي من زولا بغني
وبكرة فرز الإنسي من الجني
Post: #215
Title: Re: بتذكرني كم بي نفسي
Author: عبد الحميد البرنس
Date: 07-24-2005, 00:48 AM
Parent: #214

خواض السكة مو هوينا
أ شئنا هذا أم أبينا
كلما بحثت عن صالحينا
أطل وجه عدو مبينا
Post: #224
Title: Re: بتذكرني كم بي نفسي
Author: munswor almophtah
Date: 07-24-2005, 02:36 PM
Parent: #213

با برنس الصغير بتذكرني كم بي نفسي
ختاف الفكر ,بيعرف مقاصد الهمسي
وعراف الزمان,في اليوم او في الامسي
ولماح لامن تقول هو بيعرف المدسي

أسامه أخوى ما تنسى طب للنفسى
ديمه تروده وأبعد بعيد عن هلسى
دايما طهرا بالزكر كان بالأنسى
وأسرع بشرا بالخطب كان بالعرسى


منصور وأنا قروى قح إذهب لمنصور المفتاح لماذا لا تقرأون له لترى ذلك الوصف الذى أخاف أن يكون يوما تحت مجهرك أو غيره..... ولك الود
Post: #222
Title: Re: خارج و داخل في النصوص
Author: munswor almophtah
Date: 07-24-2005, 02:12 PM
Parent: #210

خواض منصور ولد كريم مضياف
ونحن بنعوم بحرا مالو ضفاف
يمنى كلاما بشر يحذف ويضاف
والمقدس قاعد فوق وبتخاف

مرحب يا الأمير وقلوبنا ليك لحاف
وقلبك داك مفتح ولى الحديث شفاف
وعندك كم مراجع وكم علوما لطاف
وعلما غير علوم المولى منو نخاف


منصور
Post: #218
Title: Re: مسدار يا أهل المسادير ((2005))
Author: munswor almophtah
Date: 07-24-2005, 01:32 AM
Parent: #204

منصور بالادب مفتاح خزاين العرفة
كلماتك تفوح زي شاهي زائد قرفة
كلماتك تروح من نفوسنا القرفة
كلماتك مطر فاقت دموع الطرفة





خزاينا للأدب موروثه عندك خلفه
وحارساك زى سبر متل الوظيفه وحرفه
يا الخواض غرق من بيره جاغم غرفه
وعاشقاك عاشقه ومعقوده بينكم إلفه



منصور
Post: #216
Title: Re: مسدار يا أهل المسادير ((2005))
Author: Saif aldin Hassan
Date: 07-24-2005, 01:10 AM
Parent: #1

آح وواح ويا وحيح قلبي
ياصيدة القنيص النجعت كلبي
الدارس العلم من دينو بتسلبي
والطالب الحجاز من مكة بتقلبي
****ود المسيكتاب****
Post: #227
Title: Re: مسدار يا أهل المسادير ((2005))
Author: munswor almophtah
Date: 07-24-2005, 04:22 PM
Parent: #216

آح وواح ويا وحيح قلبي
ياصيدة القنيص النجعت كلبي
الدارس العلم من دينو بتسلبي
والطالب الحجاز من مكة بتقلبي
****ود المسيكتاب****

قلبك خلو ساكت شوف كمان قلبى
كلبك أصلو ناجع جيبو لى كلبى
سلابة القلوب صدوها من دربى
قلابة العقول خلوها لى ربى



منصور
Post: #217
Title: Re: مسدار يا أهل المسادير ((2005))
Author: Saif aldin Hassan
Date: 07-24-2005, 01:29 AM
Parent: #1

الصقط نزل روبة الشدر لولحا
العرس حضن والمتلي انا طبق الوححا
عناق ام سومري القناصا ما شارححا
وآ سفاي انا البمرض واموت بمغسسا
***ود المسيكتاب ***
Post: #220
Title: ونحنا سربنا من قبلة كبوش بنيوية
Author: osama elkhawad
Date: 07-24-2005, 09:18 AM
Parent: #217

اظنك ود مدن ما بتشبهنا في القروية
ونحنا سربنا من قبلة كبوش بنيوية
لامونا الصغار وقالوا انتو فرية
لكن الكلام الصاح ايدو قوية
Post: #223
Title: مسدار اسفيري
Author: osama elkhawad
Date: 07-24-2005, 02:35 PM
Parent: #220

"مايلتك" كتير ,ما اثّرك ايميلي
سهران بالوجع,نجعن حمايم ليلي
كل ما افتح ال "Laptop ",بيبرد حيلي
يمكن يكون رديتي لي ايميلي
Post: #225
Title: Re: مسدار اسفيري
Author: عبد الحميد البرنس
Date: 07-24-2005, 02:45 PM
Parent: #223

أ..المنصور نارك قايدا وحواليك أرباب
وريحة الشيا تفوح ويسيل ليها لعاب
بابك مفتوح ديمة لغريب وشلة أصحاب
أصلو الكرم حارسك من أهلك السروراب
Post: #226
Title: Re: مسدار اسفيري
Author: osama elkhawad
Date: 07-24-2005, 04:08 PM
Parent: #225

“أمسجتك" كتير, يا ظبية الاسفيري
سارحة في البوستات ,ما سمعتي لي تعبيري
"مسكولاتي" تشهد عن مقام تقديري
ردي ال"Messages" ,ما تساهمي في تدميري
Post: #228
Title: Re: مسدار اسفيري
Author: عبد الحميد البرنس
Date: 07-24-2005, 05:06 PM
Parent: #226

أ..الخواض غزال البري الليلة ختاكا
شايفو ما سايل لابد يا خوي ما طراكا
أكان تمايلو أوتسمنجروا ما بهواكا
من الله خلقو من أمو ما ضاقلو مفراكا
Post: #229
Title: غزالة المنبر الاسفيري
Author: osama elkhawad
Date: 07-24-2005, 05:25 PM
Parent: #228

يابرنس الهميم ,يا عارفن تاويلي

ومدرك للهموم الديمة سكنت ليلي

غزالة المنبر الاسفيري كتلت حيلي

ساعل الله الكريم ,أمساجها تصبح هولي
Post: #230
Title: Re: غزالة المنبر الاسفيري
Author: munswor almophtah
Date: 07-24-2005, 05:43 PM
Parent: #229

يالخواض تعال ورينا إيه تأويلك
وهم الليل نشيلو وإنت شاهد ليلك
غزالة المنبر المجهوله كتلت حيلك
وعدالة المولى ما بتديك رسايل غيرك



munsour
Post: #231
Title: Re: غزالة المنبر الاسفيري
Author: عبد الحميد البرنس
Date: 07-24-2005, 05:57 PM
Parent: #230

أالخواض مد للظبية حبال الصبر وطول
جاهلة ما دارية لطريقا في يوم تحول
تعاند مشيك الكتير أكان تفهما ضلل
و تسيب الحوامة في بطن البيت تقيل
Post: #232
Title: Re: مسدار اسفيري
Author: munswor almophtah
Date: 07-24-2005, 06:04 PM
Parent: #225

أ..المنصور نارك قايدا وحواليك أرباب
وريحة الشيا تفوح ويسيل ليها لعاب
بابك مفتوح ديمة لغريب وشلة أصحاب
أصلو الكرم حارسك من أهلك السروراب



أرابيب يا الأمير من جوا حتى الباب
وريحة الشيه ديك مكروفه مافى غياب
سد الباب فضيحه وللعقب بنعاب
وكرما إنت قلت بأصلوا السروراب


منصور
Post: #233
Title: ما بعد الحداثة في عينيها ظاهرة
Author: osama elkhawad
Date: 07-24-2005, 06:27 PM
Parent: #232

يا برنس الحصيف ,شايف الغزالة النافرة
ما بعد الحداثة في عينيها ظاهرة
وما قبل الحداثة اتمثلت في نظرتا القاهرة
بتخليك تقع,وتودي ديما الاخرة
Post: #234
Title: غزالة المنبر المعروفة
Author: osama elkhawad
Date: 07-24-2005, 06:54 PM
Parent: #233

غزالة المنبر المعروفة كتلت حيلي
ياخوي ,انصر العاشق بقول تاويلي
انت العارف مفاتيح العلم ودليلي
يا منصور اخوي ,وريني وينو سبيلي
Post: #235
Title: Re: غزالة المنبر المعروفة
Author: munswor almophtah
Date: 07-24-2005, 07:22 PM
Parent: #234

غزالة المنبر المجهوله شدلا حيلك
قدالة العشق معروفه قول تأويلك
كراب العلم مطمور وشارعو دليلك
عراف النظم منصور وخابرو سبيلك


منصور عبدالله
Post: #236
Title: Re: غزالة المنبر المعروفة
Author: osama elkhawad
Date: 07-25-2005, 00:07 AM
Parent: #235

دعني صديقي الاسفيري -منصور-,
اجاري عاشقنا الكبير المحلق ,
والذي قضى نحبه متشردا,
يحكي شعرا عن تاجوج ,كما تقول الحكاية الشعبية

وأرجو الا أقضي نحبي متشردا بين المنابر الاسفيرية:

أسباب الغرام يا ظبية الاسفيري
بوستاتك ,وروحك, والشذى التصويري
أسباب الجنون أيميلك الاسطوري
ويا بنت الحداثة ,معاك فقدت شعوري
Post: #237
Title: Re: غزالة المنبر المعروفة
Author: munswor almophtah
Date: 07-25-2005, 00:53 AM
Parent: #236


إسفيرى الظباء يا أسامه نقده وطيرى
حداثى الجكس بالروقه ما بالبوري
رومانسىالزمن داير حريف طاغورى
مو داير جرى ومشاء بتاع دافورى


منصور
Post: #240
Title: Re: غزالة المنبر المعروفة
Author: Yahia Abd El Kareem
Date: 07-25-2005, 11:57 AM
Parent: #237

الاخوة زمال الدوبيت واهل المسدار..حبابكم الف وعلا المقدار ...زاد فرحنا وعمرت بيكم الدار..
بعد واجب الضيافة والاستقبال...السماح بالقول الصراح لاهلى الفصاح ....ديوان اخونا المنصور..
العامر بالادباء والمؤدبين يدعوكم التزام اصول المجداعة من حيث الموضوع والقافية واختيار
اللفظ والمعنى تاثرا بهذا التراث النقى الضارب فى جذور البداوة والريف ..مستلهما معانيه
من الطبيعة والبشر واالعواطف وكريم الخصال....
المعذرة لهذه المداخلة -ثقيلة الوقع - لكننى اردت ان اسهم بل واوصل مع الربع فى المجادعة
ولم اتمكن لتشعب المواضيع وتداخل المسادير...ولعلى تهت بين ظبية بادية الكبابيش التى ظللنا
نطاردها واخى المنصور ردحا من الزمان وهاهى غزالة اسفيرية ياتى بها الاديب الخواض...
حتما ساعود....
Post: #238
Title: Re: مسدار يا أهل المسادير ((2005))
Author: Abdelfatah Saeed Arman
Date: 07-25-2005, 07:47 AM
Parent: #1

يوم هب الهبيب طال بى الشوق يا منصور ود عبدالله
وخير السيد ياخينا يا السنك ذى بريق العينه بنرسل ليك ولا براك بتجينا.
لك التحية و التجلة.
وهذا مع خالص ودى و احترامى
فتاح سعيد
Post: #239
Title: Re: مسدار يا أهل المسادير ((2005))
Author: munswor almophtah
Date: 07-25-2005, 11:40 AM
Parent: #238

ود عرمان أخوى دابك حويشى صغير
وارث للثبات معلوم وأمرو بحير
ياسر أخو البنات كرار وأمرو بسير
وجدك كان بطل فى النائبات ما بخير




منصور عبدالله


ولك يافتاح عظيم ودى سأكلمك وتحياتى للكل
Post: #241
Title: Re: مسدار يا أهل المسادير ((2005))
Author: المسافر
Date: 07-25-2005, 11:19 PM
Parent: #239

(( البنت القبيل بتشابي للكباية
يمة متأسف !! يمة القرش ما معايا))

الدنيا أم قدود لهتني بي رورايا
لا لميت قرش لا حفظت حديث لا آية
Post: #242
Title: Re: مسدار يا أهل المسادير ((2005))
Author: بخاري بشير
Date: 07-26-2005, 09:45 AM
Parent: #241

يالمفتاح أخوي وريني أسمع نمك
وفرج كربنا مولاي يفرج همك
عاجبني الكلام البيهو مليان فمك
وفي لم المسادير زيومافيش لمك

//////////////

ود مفتاح أخوي ليك الكلام عانيهو
سمعني النميم الديمة أشتاق ليهو
وصف للخلا ووصف مغاني جديهو
والباشندي قام مين البيسرح فيهو
Post: #243
Title: Re: مسدار يا أهل المسادير ((2005))
Author: Yahia Abd El Kareem
Date: 07-26-2005, 01:48 PM
Parent: #242

الاخ بخارى بشير....ما أجمل هذين المربعين ..ودت لو ارد عليك ..لكن أدب السجال يجعل المنصور
صاحب حق وسوف اعقبه فى المجداعة....
الاخ المسافر...سامحنا على التأخير..
البت القبيل فى قليبى ليها حكاية
شطرت جسمى لاتنين والقتل ما كفاية
فى دار الفنا شبعان هموم ورزايا
لا لقيت سعد لاجمع ربح لا سعاية
Post: #244
Title: Re: مسدار يا أهل المسادير ((2005))
Author: munswor almophtah
Date: 07-26-2005, 02:15 PM
Parent: #242

يالمفتاح أخوي وريني أسمع نمك
وفرج كربنا مولاي يفرج همك
عاجبني الكلام البيهو مليان فمك
وفي لم المسادير زيومافيش لمك





أسمع يا البخاري المولى إكشف قمك
إحفظ لى خصايلك وديمه إحسن ظنك
نساج النظم شواق وجذاب طنك
غواص الدرر ثملان رطن من دنك


منصور
Post: #245
Title: Re: مسدار يا أهل المسادير ((2005))
Author: munswor almophtah
Date: 07-26-2005, 02:33 PM
Parent: #242

ود مفتاح أخوي ليك الكلام عانيهو
سمعني النميم الديمة أشتاق ليهو
وصف للخلا ووصف مغاني جديهو
والباشندي قام مين البيسرح فيهو


الباشندى وين ما قام سبق باريهو
وين مابان جدى فى شقى ليك خاتيهو
ياود البشير أنا فى البسوى الفيهو
صيدا للظباء المولود وربيان ليهو




منصور
Post: #246
Title: Re: مسدار يا أهل المسادير ((2005))
Author: المسافر
Date: 07-26-2005, 03:26 PM
Parent: #245

البنت القبيل بتشابي ونحيبك زاد
يمة متأسف ! ما قدرت أشري الزاد
الخسارة بعد ما تحاحي الطير والجراد
تحصد زاد النمل تتوسد رماد
Post: #247
Title: Re: مسدار يا أهل المسادير ((2005))
Author: munswor almophtah
Date: 07-26-2005, 04:59 PM
Parent: #246


مسافر القوم حبابك الله جابك صاد
وزائد ديمه فالك وديمه صافى وداد
مطمورة الرزق بى فضل الكريم جواد
وكان صابك محل رب النعيم مداد


منصور
Post: #248
Title: أحببنا ان نعطي الغزالة معنى معاصرا-غزالة اسفيرية ياتى بها الاديب الخواض
Author: osama elkhawad
Date: 07-26-2005, 11:23 PM
Parent: #247

قال شاعرنا يحيي :
Quote: وهاهى غزالة اسفيرية ياتى بها الاديب الخواض...


وقد أحببنا ان نعطي الغزالة معنى معاصرا
ولك ان تقول في هذا لو راقك ما قلنا به ,
وما كتبنا فيه من مسادير اسفيرية

محبتي كاملة

المشاء
Post: #249
Title: Re: أحببنا ان نعطي الغزالة معنى معاصرا-غزالة اسفيرية ياتى بها الاديب الخواض
Author: munswor almophtah
Date: 07-26-2005, 11:48 PM
Parent: #248

أسامه الغزال الليله صار تقليدى
ما بدور الحداثه وللقديم تجديديدى
ما هامو النقد هامو الشكر تجريدى
أكتب زى كلامنا وإبقى داك يوم عيدى




منصور
Post: #250
Title: Re: مسدار يا أهل المسادير ((2005))
Author: nashaat elemam
Date: 07-27-2005, 00:02 AM
Parent: #242

يا بخـــرة النضــم الليلة واصـل حدو
ونظمك يا بخاري مكروب مجود شدو
تاخد للكـــــــلام وبــي حلاوة تــــردو
بابك انفتــح اريتـــو تب مـــا تســـدو
Post: #251
Title: الغزال لازم كمان يتحدث
Author: osama elkhawad
Date: 07-27-2005, 00:14 AM
Parent: #250

منصور ,الغزال لازم كمان يتحدث
عشان كل الشباب باسمو الجميل يتحدث
لو داير تكون في الماضي كم تتحدث
انا ماقبلان كلامك وداير الحديث يتحدث
Post: #253
Title: Re: الغزال لازم كمان يتحدث
Author: munswor almophtah
Date: 07-27-2005, 00:52 AM
Parent: #251

منصور ,الغزال لازم كمان يتحدث
عشان كل الشباب باسمو الجميل يتحدث
لو داير تكون في الماضي كم تتحدث
انا ماقبلان كلامك وداير الحديث يتحدث



أسامه الغزال خلقه وبهارج تدرس
وعشق الناس تجاهو حقيقه ما بتدسدس
دايما أصلو ثابت وفى المجازات بلبس
وإمكن إنت تنجر من خيالك ملمس

منصور
Post: #252
Title: Re: مسدار يا أهل المسادير ((2005))
Author: munswor almophtah
Date: 07-27-2005, 00:25 AM
Parent: #250

يا بخـــرة النضــم الليلة واصـل حدو
ونظمك يا بخاري مكروب مجود شدو
تاخد للكـــــــلام وبــي حلاوة تــــردو
بابك انفتــح اريتـــو تب مـــا تســـدو



الباب إنفتح حالفين يمين ما نسدو
والدوبيت بدأ وعارفين يقين بى جدو
كان جبتو الكلام من آخرو نحن نردو
وإن قلتو الغزل خابرين قرينو وندو

منصور
Post: #254
Title: Re: مسدار يا أهل المسادير ((2005))
Author: nashaat elemam
Date: 07-27-2005, 01:14 AM
Parent: #252

يــا منصـــور أخـــوي للبديتــو نواصـل
بنم في الحـديث من غير درق ونواصـل
ونرد ان عنـانـا بي جمـــــل وفواصــــل
انحنا ليـك سامعين وانت نضمك واصل
Post: #255
Title: Re: مسدار يا أهل المسادير ((2005))
Author: munswor almophtah
Date: 07-27-2005, 02:08 AM
Parent: #254

نشأة ياظريف ما إنت عارف الحاصل
وعارفك إنت سامع وفى الفنون متواصل
وكل ما نقول نظم إنت السحاب الهاطل
وإنت النم مطر إنت البدرج عاطل


منصور
Post: #256
Title: Re: مسدار يا أهل المسادير ((2005))
Author: nashaat elemam
Date: 07-27-2005, 02:23 AM
Parent: #255

منصور الهميم في الحوبه إت دُخرينا
بي ضهرك كتير كم نحنا اتضــاريـنا
وان كان الزمـــن فرقــــنا واتواريــنا
ذاكــرنك دوام وخيــرك دوام باريــنا
Post: #257
Title: Re: مسدار يا أهل المسادير ((2005))
Author: munswor almophtah
Date: 07-27-2005, 02:51 AM
Parent: #256


نشأة يا حريف يالبنظم بازينا
ماك زى ناس فلان البللجق قادينا
شوف سيف الزمان الفى البلاد جال بينا
زى خردل طفق طفرتبو ريح العينا


منصور
Post: #258
Title: Re: مسدار يا أهل المسادير ((2005))
Author: بخاري بشير
Date: 07-27-2005, 05:10 AM
Parent: #257

الليلة الكلام إحلولة بي ذوق نشأت
ويا مفتاح بشوف دابة المسادير بشت
يلاك إنفتح ولي طوق كلامك شتت
ورينا المخبأولل في المطامير حتت

//////////

نشأت يا الأصم مفتاح سبقني عليك
وياك ود الرجال المن زمان حاريك
ما سمعت بيك عارفك يمين حاسيك
وفيك كل الخصال حافظ حقوق باريك

/////////

يا مفتاح حلف الباب يمين ما تسدو
ونحن ضيوف عليك لازمك شملنا ترفدو
إت زيد في النضم وخلينا نوصل حدو
وما بنزح يمين حالفين نرقع قدو

//////////////

يا يحي المديح القتو رش وجانا
وزايد من بهاك بي كل مكارمو غشانا
ياود العزاز اليوت بيبقو حجانا
ليك مني السلام ما انت فيك ملجانا
Post: #259
Title: Re: مسدار يا أهل المسادير ((2005))
Author: nashaat elemam
Date: 07-27-2005, 08:02 AM
Parent: #258

ما بقدر أوصــف أذكر جميع الفـــيك
يا ود البشــير الشكـــرة من والديــك
كلما أقول صفة القاهـا دون رجــليك
وين ألقــى الكلام البيو أكتـب الليك
Post: #266
Title: Re: مسدار يا أهل المسادير ((2005))
Author: munswor almophtah
Date: 07-28-2005, 00:21 AM
Parent: #258

الليلة الكلام إحلولة بي ذوق نشأت
ويا مفتاح بشوف دابة المسادير بشت
يلاك إنفتح ولي طوق كلامك شتت
ورينا المخبأولل في المطامير حتت

نشأت يا البشير مطر الخريف الصبت
وزى جذر النخيل اللرطب ديك حتت
للدوبيت خبير عند نظمو ما بتشلهت
لاقاى للصقع صقاع عدوه أتبرقت


منصور
Post: #267
Title: Re: مسدار يا أهل المسادير ((2005))
Author: munswor almophtah
Date: 07-28-2005, 00:50 AM
Parent: #266

يا مفتاح حلف الباب يمين ما تسدو
ونحن ضيوف عليك لازمك شملنا ترفدو
إت زيد في النضم وخلينا نوصل حدو
وما بنزح يمين حالفين نرقع قدو

بابا وين بسدو الديمه نابع عدو
وإنتو حباب قدومكم وللمكارم هدو
إنتو ضيوف ملوك الليله طب ما بصدو
وألبل دابا جات كبده وسنام تتغدو



منصور
Post: #268
Title: Re: مسدار يا أهل المسادير ((2005))
Author: munswor almophtah
Date: 07-28-2005, 00:50 AM
Parent: #266

يا مفتاح حلف الباب يمين ما تسدو
ونحن ضيوف عليك لازمك شملنا ترفدو
إت زيد في النضم وخلينا نوصل حدو
وما بنزح يمين حالفين نرقع قدو

بابا وين بسدو الديمه نابع عدو
وإنتو حباب قدومكم وللمكارم هدو
إنتو ضيوف ملوك الليله طب ما بصدو
وألبل دابا جات كبده وسنام تتغدو



منصور
Post: #260
Title: Re: مسدار يا أهل المسادير ((2005))
Author: nashaat elemam
Date: 07-27-2005, 08:11 AM
Parent: #257

سوحك في البلاد انحــــنا بيهو نفــاخر
اخبــار عزكم طايفـــات سفـــن وبواخر
يا منصور اخوي الغــربة فيها مســاخر
الا المتلك إت بنجــــيهــو عـــزاً فاخــــر

نشأت الإمام
Post: #261
Title: Re: مسدار يا أهل المسادير ((2005))
Author: Yahia Abd El Kareem
Date: 07-27-2005, 10:05 AM
Parent: #260

بيت المسدارانشرح وهلت بشاير وردو
بى نشأة..بخارى..مشاءفرسانه البتممه جردو
هلت بيكم نجمات السعد وتم الكيف نهايتو وحدو
ديوان الشعر يختال ياالميزتو جرو ومدو
Post: #262
Title: Re: مسدار يا أهل المسادير ((2005))
Author: nashaat elemam
Date: 07-27-2005, 10:59 AM
Parent: #261

طيبـك أحــيا يا يحيى الخميل الناشــف
دايماً انت قولك من الفراديس راشــــف
وازنو مشذبو ما فيهو تـــاني شــراشف
نضمك بس فضلو يوم يغني الكاشــــف
Post: #263
Title: Re: مسدار يا أهل المسادير ((2005))
Author: بخاري بشير
Date: 07-27-2005, 11:05 AM
Parent: #261

يا نشأت حبابك وانت ياك صباحنا
طريتنا البهم وكتين نكسعو مراحنا
أهلا بالأصم ضويت معالم ساحنا
والبلد إنبسط قول لي وين مفتاحنا

/////////////////

ياود عبد الكريم انت الكرم ليك طبعة
وفي اسمك بشوف كل المحاسن السبعة
تحيا بيك قلوبنا وبيك تحلا الربعة
وفي ظني القبيل أدينا منك جدعة

/////////////

فتحت البوست وقلت الليلة منصور طلة
ما لقيت الردود البيها تشفى العلة
لو مانشأت ويحيا كان تزيد الغلة
ينضمو في السمح ونحن بس نسلة
Post: #264
Title: Re: مسدار يا أهل المسادير ((2005))
Author: المسافر
Date: 07-27-2005, 03:37 PM
Parent: #263


يمة شن داعيه الكلام ولية جضمك
وشن بقى في الحشا من هريدة نضمك
كان اللبن الرضعنـاه من عضمـك
ترى العضـم انبـرى من قضمـك
Post: #265
Title: Re: مسدار يا أهل المسادير ((2005))
Author: المسافر
Date: 07-27-2005, 03:54 PM
Parent: #264


يمة من تالا الكلام كافي قولة ماني أمك
ودم عروق أبوك ما ظنيته جاري في دمك
نهايته قبر وإنحفر وطوبه واقي مدمك
كان جبدك أبوك وجيت في وجاهة أمك
Post: #278
Title: Re: مسدار يا أهل المسادير ((2005))
Author: munswor almophtah
Date: 07-28-2005, 04:49 PM
Parent: #264

يمة شن داعيه الكلام ولية جضمك
وشن بقى في الحشا من هريدة نضمك
كان اللبن الرضعنـاه من عضمـك
ترى العضـم انبـرى من قضمـك

يمسافر تعال ورينا ليلة ختمك
قراى للكتاب تلاى مطهر خشمك
لبنا بالرضاعه الديمه جابر عضمك
ولغوا فى العباده إما حسمتو بحسمك

منصور
Post: #279
Title: Re: مسدار يا أهل المسادير ((2005))
Author: munswor almophtah
Date: 07-28-2005, 05:05 PM
Parent: #264

يمة من تالا الكلام كافي قولة ماني أمك
ودم عروق أبوك ما ظنيته جاري في دمك
نهايته قبر وإنحفر وطوبه واقي مدمك
كان جبدك أبوك وجيت في وجاهة أمك

أبوك الناس بشوفوك زيو وازن نضمك
وخاتف منو لونك ومنو جالب رسمك
أمك بالحنان الديمه طايف يضمك
وأمسك فى الكريم رحام أبوك وأمك


منصور
Post: #269
Title: Re: مسدار يا أهل المسادير ((2005))
Author: munswor almophtah
Date: 07-28-2005, 01:12 AM
Parent: #260

سوحك في البلاد انحــــنا بيهو نفــاخر
اخبــار عزكم طايفـــات سفـــن وبواخر
يا منصور اخوي الغــربة فيها مســاخر
الا المتلك إت بنجــــيهــو عـــزاً فاخــــر

نشأت الإمام


نحن رجال سلام ما بنبدأ من الآخر
ناسا وناس أصول واضح حديثنا وظاهر
لو دايرين كماج بى شويشى ما بنجاهر
ولو دايرين وداد شلال قلوبنا مشاعر

منصور
Post: #270
Title: Re: مسدار يا أهل المسادير ((2005))
Author: المسافر
Date: 07-28-2005, 09:37 AM
Parent: #269


شيطانك الشاطر حضر يوم عرسك
وأبوك في الظاهر فلح في دسك
قضى عمره مساهر شعرة ما تمسك
ومن يومته العريس يقرأ في درسك
Post: #271
Title: Re: مسدار يا أهل المسادير ((2005))
Author: المسافر
Date: 07-28-2005, 09:52 AM
Parent: #270

شيطانك الشاطر قايداه إنتي رفيقك
إن قلت حيلتو هادياه بي توفيقك
يوم عقد القران واللمة ما بتعيقك
في دار أبوك ياعروسة تلاقحي عشيقك
Post: #272
Title: Re: مسدار يا أهل المسادير ((2005))
Author: Yahia Abd El Kareem
Date: 07-28-2005, 12:12 PM
Parent: #271

الاخ المسافر ....الظاهر جدعك بعيد وماك مبارى القافية
تعبت خيلى فى روقك وعادت حافية
طالب الله الكريم يديك مرادك عافية
والحق بيك فى خير وتبقى النفوس مصافية
Post: #273
Title: Re: مسدار يا أهل المسادير ((2005))
Author: Yahia Abd El Kareem
Date: 07-28-2005, 01:02 PM
Parent: #272

الاخ بخارى بشير....لك العتبى راضيا أو راغبا...وفداك نفسى..فانت فحل كريم..لم أتاخر عن قصد
لان عادتى ان اسرج راحلتى وعليها اتربع ثم اجدع ...ومثلك تشد له الركاب..
أهلا ومرحبا...
ات فحلا بخارى واهلك نجود بهاليل طلعة
ثابتين أصل لحاقين بعيدويكرمو ضيف الهجعة
تسلم ودبشير وفيت الشكر وفيك تامة السمعة
فى خاطرنا نمك فى ام خديديطرب يسمح الدمعة
Post: #274
Title: Re: مسدار يا أهل المسادير ((2005))
Author: nashaat elemam
Date: 07-28-2005, 03:43 PM
Parent: #273

Quote: طيبـك أحــيا يا يحيى الخميل الناشــف
دايماً انت قولك من الفراديس راشــــف
وازنو مشذبو ما فيهو تــاني شــراشف
نضمك بس فضلو يوم يغني الكاشــــف
Post: #275
Title: Re: مسدار يا أهل المسادير ((2005))
Author: munswor almophtah
Date: 07-28-2005, 03:52 PM
Parent: #274

وصلت هذه التحايا من الأخ عبدالله حمد عقيد صحفى بالرياض له منا السلام ولنا منه الدعا سبحان الذى لا ينسانا ولا ينساه

تحية محبة
دوبيت..
جنا المفتاح سلام.. يا دوب لقيت إيميلك
ومن زمنا بعيد عاجباني شدة حيلك
بدور انضم معاك واشكر فعايلا هيلك
ات آزول كتيتيبا مفتر جيلك

مساديرك مجيهة والنضم بتجيدو
والغزل المدنكل ياكا بلحيل سيدو
معاك يحيا الهميم وضيوف يقِلّو.. يزيدو
واصل في النميم الحالي والبنريدو

كتير بتراودني نفسي والنفس غلّابة
ادور ادخل عليك القاك بعيد في غابة
محروسة ومقفلة تب علينا ... (غلابة)
نتاوق ليها.. لامتييييين (بكري) يفتح بابا

شاشاي..
سلام من (ود عقيد) العاجبو نمك
اخويا ليك عدييل مو ود اعمك
دايما بمدحك قط ما بزمك
يا المنصور اخوي (لا فُضّ فمّك)
Post: #280
Title: Re: مسدار يا أهل المسادير ((2005))
Author: munswor almophtah
Date: 07-28-2005, 09:24 PM
Parent: #275

جنا المفتاح سلام.. يا دوب لقيت إيميلك
ومن زمنا بعيد عاجباني شدة حيلك
بدور انضم معاك واشكر فعايلا هيلك
ات آزول كتيتيبا مفتر جيلك


حبابك يالعقيد الديمه كاسحات خيلك
وجابك بالبريد المولى شداد حيلك
رابض فى الخليج كتاب وشايل شيلك
ناقد وعينو فاتحه وديمه صاح تحليلك

munswor
Post: #281
Title: Re: مسدار يا أهل المسادير ((2005))
Author: munswor almophtah
Date: 07-29-2005, 00:33 AM
Parent: #280

مساديرك مجيهة والنضم بتجيدو
والغزل المدنكل ياكا بلحيل سيدو
معاك يحيا الهميم وضيوف يقِلّو.. يزيدو
واصل في النميم الحالي والبنريدو



قولك فى المسادير ضمه مابنحيدو
أنا واليحى أخوى خابرين قديم وجديدو
وقتين الرجال فى الضيق إقلو ويزيدو
أنا أخوها ديك قرموصه عارفه طبيقو
Post: #282
Title: Re: مسدار يا أهل المسادير ((2005))
Author: munswor almophtah
Date: 07-29-2005, 00:38 AM
Parent: #281

كتير بتراودني نفسي والنفس غلّابة
ادور ادخل عليك القاك بعيد في غابة
محروسة ومقفلة تب علينا ... (غلابة)
نتاوق ليها.. لامتييييين (بكري) يفتح بابا


بابا أكان فتح ما صرنا نحن صحابه
صرنا فحول نظم نسحر عقول ولبابه
يا ود العقيد أنساها ديك الغابه
نحن عيال مدن قانصين نكمدو جرابه


munswor
Post: #277
Title: Re: مسدار يا أهل المسادير ((2005))
Author: munswor almophtah
Date: 07-28-2005, 04:14 PM
Parent: #274

يا يحي المديح القتو رش وجانا
وزايد من بهاك بي كل مكارمو غشانا
ياود العزاز اليوت بيبقو حجانا
ليك مني السلام ما انت فيك ملجانا


مدحا قالو يحى الديمه طابقو رضانا
وديمه أخو البنات بالمكرمات ما نسانا
كان لى ود بشير بى بكره جاكى معانا
ونشأت بالنظم خباب قعودو لفانا

منصور
Post: #276
Title: Re: مسدار يا أهل المسادير ((2005))
Author: munswor almophtah
Date: 07-28-2005, 03:59 PM
Parent: #260

نشأت يا الأصم مفتاح سبقني عليك
وياك ود الرجال المن زمان حاريك
ما سمعت بيك عارفك يمين حاسيك
وفيك كل الخصال حافظ حقوق باريك

أسمع يا البشير نشأت يمين هاميك
وهاماك الخصال المن بنات واديك
شوفا بالقلب ماظنو يوم يلهيك
ونشأت ودعزاز زى الملك راجيك

منصور
Post: #283
Title: Re: مسدار يا أهل المسادير ((2005))
Author: بخاري بشير
Date: 07-29-2005, 05:35 AM
Parent: #276

ود مفتاح سلام مليون شكر حافيك
إت ولدا نجيض ما بتلحق سافيك
كل ما أقول مديح ألقاهو ناقص فيك
يا الدهب المجمر قولي كيف أوفيك
Post: #284
Title: Re: مسدار يا أهل المسادير ((2005))
Author: Yahia Abd El Kareem
Date: 07-29-2005, 06:55 AM
Parent: #283

مدحك يا البخارى يحوص يرد ويجيك
حاق قولى وقصايدى البنمها فيك
بدور اشمل بالمدح عقيد الرياض الكيك
ونشات ابو الظرف يبقى الحديث عانيك
Post: #285
Title: Re: مسدار يا أهل المسادير ((2005))
Author: Yahia Abd El Kareem
Date: 07-29-2005, 07:13 AM
Parent: #276

ود مفتاح اخوى حاق للمكارم وبيك عمر ديوانا
حمعت عليك صحاب غرا يسطرو بيانا
بخاريا صميم وعقيد خيلا ونشات صانا
وخامسا فى العقب طربان يميل سكرانا
Post: #286
Title: Re: مسدار يا أهل المسادير ((2005))
Author: nashaat elemam
Date: 07-29-2005, 07:32 AM
Parent: #285

اجتمع الشمل والعّّّّّرفه تم بيانا
والخوه البقت بيناتنا ما فايتانا
بدور اسمع لي نمه في الباديه في غزلانا
في الريل السرح خلى العقول هلكانا
Post: #287
Title: Re: مسدار يا أهل المسادير ((2005))
Author: بخاري بشير
Date: 07-29-2005, 08:22 AM
Parent: #286

نشأت يا الهميم زيد في غناك ألهمنا
ويحي هناك بمد في القافية لي بهجتنا
ومن أرض الرياض ود العقيد زائرنا
راجين الصميم مفتاح يتمو فرحنا


//////////////////

لو جيت للغزل يا نشأت إحنا أسيادو
يعرفنا الحبيب شاكرين مراتع أجدادو
ساءل الله الكريم ناس يحي ليك يتنادو
وكل ناس ودعقيد منصور معاهو اولادو

//////////////////

أليك هذه النمة في الغزل وياريت يجادعنا فيها الأحباب:

أمبارح بعد مانمت جاني جنون
واذكرتا سيد الناس أمير الكون
أنا الدايما تملي بالعذاب ممكون
إتنين من حروفو الواو بدايتو النون
Post: #288
Title: Re: مسدار يا أهل المسادير ((2005))
Author: nashaat elemam
Date: 07-29-2005, 09:16 AM
Parent: #287

Quote: أمبارح بعد مانمت جاني جنون
واذكرتا سيد الناس أمير الكون
أنا الدايما تملي بالعذاب ممكون
إتنين من حروفو الواو بدايتو النون



العاشق موله ما بتنطبقلو جفون
والببرى الجمال تلقاو دوام معيون
كاتلاهو ام رشيم الفي الخديد مصيون
ام رمشا مقوسً يحاكي حرف النون
Post: #289
Title: Re: مسدار يا أهل المسادير ((2005))
Author: Yahia Abd El Kareem
Date: 07-29-2005, 01:27 PM
Parent: #288

حرف النون درة وفى القليب مصيون
نون فى النونة ونون فى حاجبه المقرون
الشافعة المحنتناوشايله السماحة فنون
تبراها نمة ودبشير ان ما رجع مجنون
Post: #290
Title: Re: مسدار يا أهل المسادير ((2005))
Author: Yahia Abd El Kareem
Date: 07-29-2005, 01:28 PM
Parent: #288

حرف النون درة وفى القليب مصيون
نون فى النونة ونون فى حاجبه المقرون
الشافعة المحنتناوشايله السماحة فنون
تبراها نمة ودبشير ان ما رجع مجنون
Post: #291
Title: Re: مسدار يا أهل المسادير ((2005))
Author: Yahia Abd El Kareem
Date: 07-29-2005, 01:32 PM
Parent: #288

حرف النون درة وفى القليب مصيون
نون فى النونة ونون فى حاجبه المقرون
الشافعة المحنتناوشايله السماحة فنون
نمة ودبشير الليهاتحرس حتى ان رجع مجنون
Post: #292
Title: Re: مسدار يا أهل المسادير ((2005))
Author: munswor almophtah
Date: 07-30-2005, 00:38 AM
Parent: #285

ود مفتاح اخوى حاق للمكارم وبيك عمر ديوانا
حمعت عليك صحاب غرا يسطرو بيانا
بخاريا صميم وعقيد خيلا ونشات صانا
وخامسا فى العقب طربان يميل سكرانا

دانوبا عمر يا يحى بى أخوانا
إنت منورو واقف تعرف أحوالنا
نشات والبشير فى الحسبه مثل أخوالنا
والصحفى العقيد ساراهو ضمه أقوالنا


منصور
Post: #293
Title: Re: مسدار يا أهل المسادير ((2005))
Author: munswor almophtah
Date: 07-30-2005, 00:38 AM
Parent: #285

ود مفتاح اخوى حاق للمكارم وبيك عمر ديوانا
حمعت عليك صحاب غرا يسطرو بيانا
بخاريا صميم وعقيد خيلا ونشات صانا
وخامسا فى العقب طربان يميل سكرانا

دانوبا عمر يا يحى بى أخوانا
إنت منورو واقف تعرف أحوالنا
نشات والبشير فى الحسبه مثل أخوالنا
والصحفى العقيد ساراهو ضمه أقوالنا


منصور
Post: #294
Title: Re: مسدار يا أهل المسادير ((2005))
Author: munswor almophtah
Date: 07-30-2005, 00:38 AM
Parent: #285

ود مفتاح اخوى حاق للمكارم وبيك عمر ديوانا
حمعت عليك صحاب غرا يسطرو بيانا
بخاريا صميم وعقيد خيلا ونشات صانا
وخامسا فى العقب طربان يميل سكرانا

دانوبا عمر يا يحى بى أخوانا
إنت منورو واقف تعرف أحوالنا
نشات والبشير فى الحسبه مثل أخوالنا
والصحفى العقيد ساراهو ضمه أقوالنا


منصور
Post: #295
Title: Re: مسدار يا أهل المسادير ((2005))
Author: نادية عثمان
Date: 07-30-2005, 05:46 AM
Parent: #294

جيتكم ياالشباب شايلة الفرح جوايا

الحزن المقيم فى قلبى هارى حشايا

شايفاكم بتحكوا على البنية حكاية

هل ست الرشيم السمحة بت التاية ؟!!!
Post: #296
Title: Re: مسدار يا أهل المسادير ((2005))
Author: nashaat elemam
Date: 07-30-2005, 09:14 AM
Parent: #295

يبرى حشاك إتــي من الهـــري يا ناديــة
جيتي متل الجِديّه الفي الوحــل متهاديــة
من كايرو البعيدة الليــــلة زرتي الباديـــة
حالفين باليمين في الزاملة تبقي الحادية
Post: #297
Title: Re: مسدار يا أهل المسادير ((2005))
Author: نادية عثمان
Date: 07-30-2005, 09:54 AM
Parent: #296

العزيز نشأت الامام



Quote: يبرى حشاك إتــي من الهـــري يا ناديــة
جيتي متل الجِديّه الفي الوحــل متهاديــة
من كايرو البعيدة الليــــلة زرتي الباديـــة
حالفين باليمين في الزاملة تبقي الحادية




ياود الامام مرحب حباب الزول

اخو البنوت اخوى سمح الخصال والقول

لى من الكتابة الرايقة زى كم حول

وهسع تانى جيت انثر زهور وشتول
Post: #298
Title: Re: مسدار يا أهل المسادير ((2005))
Author: Yahia Abd El Kareem
Date: 07-30-2005, 01:51 PM
Parent: #297

الاخت نادية ....مرحبتين حبابك فى دار المسدار .... والنضم بعد دا لازم نجيه...كنت عندما انازل
اخى منصور أشد قعودى واعدل من الشيلة...اما الان دعينى اسرج مهرتى واعدل حالى ...ومعاك نشأت
الفنجرى وحتما ٍسأعود...
Post: #299
Title: Re: مسدار يا أهل المسادير ((2005))
Author: نادية عثمان
Date: 07-30-2005, 02:44 PM
Parent: #298

الاكرم يحى عبد الكريم

Quote: وحتما ٍسأعود...



تعود وكتين تعود انا قاعدة منتظراك

ياود القبيلة هلال سطع فى سماك

شمس الزمهرير من حولك الافلاك

سيد القافية مرحب مين بيحاكى علاك
Post: #300
Title: Re: مسدار يا أهل المسادير ((2005))
Author: Saif aldin Hassan
Date: 07-30-2005, 03:00 PM
Parent: #299

يا نادية:

ندوية الضحكة ضحكتك واللا بلاش
بحرا ما بلحقو هدير القاش
البشوفك ضاحكة عيونو يجيها طشاش
والما شاف صورتك... تب ما عاش
***ودالمسيكتاب***
لا تحسبوه غزلآ ,وإن كان فهو عفيف

تاني ***ود المسيكتاب***
Post: #406
Title: Re: مسدار يا أهل المسادير ((2005))
Author: shak
Date: 08-09-2005, 05:00 PM
Parent: #300

فاطمة السمحة ام خدودا نايرة
قلبت المواجع ودارت على الدايرة
جافانى المنام وما شايف الخلوق السايرة
قلبى انخطف من بت الحصيحيصا الجايرة
Post: #314
Title: Re: مسدار يا أهل المسادير ((2005))
Author: Yahia Abd El Kareem
Date: 07-31-2005, 02:56 PM
Parent: #299

طبتى وطابت ايامك والسعد يبراك
يانجيمة الدقش الضاوية البلود تالاك
شديت المهيرة سابق الريح والعشم القاك
عالية فوق علا فقت الفرقدين وسماك
Post: #301
Title: Re: مسدار يا أهل المسادير ((2005))
Author: munswor almophtah
Date: 07-30-2005, 05:30 PM
Parent: #295

جيتكم ياالشباب شايلة الفرح جوايا

الحزن المقيم فى قلبى هارى حشايا

شايفاكم بتحكوا على البنية حكاية

هل ست الرشيم السمحة بت التاية


وينك يا الشويعره البى الجوار مشايه
وينك وين نميمك ليك زمان جافايه
لكن جيتى بيتك ولى النفوس رضايه
يا نيزك فريقك للعقول ضوايه


منصور
Post: #302
Title: Re: مسدار يا أهل المسادير ((2005))
Author: munswor almophtah
Date: 07-30-2005, 05:47 PM
Parent: #301

ياود الامام مرحب حباب الزول

اخو البنوت اخوى سمح الخصال والقول

لى من الكتابة الرايقة زى كم حول

وهسع تانى جيت انثر زهور وشتول

بت عثمان حبابك ملكه مالكه عقول
ومرحبتين حبابك واصله زايده أصول
واثقين فى كتابك رايعه راعيه حقول
وعاجزين عن ثوابك يا المطيره هطول

منصور
Post: #303
Title: Re: مسدار يا أهل المسادير ((2005))
Author: munswor almophtah
Date: 07-30-2005, 06:01 PM
Parent: #302

يبرى حشاك إتــي من الهـــري يا ناديــة
جيتي متل الجِديّه الفي الوحــل متهاديــة
من كايرو البعيدة الليــــلة زرتي الباديـــة
حالفين باليمين في الزاملة تبقي الحادية

نشأت ناديه جات جات المغرده شاديه
زي بلبل كنار صداحه ساحره وحاديه
زى ما إنت قلت زى الجدى متهاديه
نحن كمان نقول بريبه ملكة باديه


منصور
Post: #304
Title: Re: مسدار يا أهل المسادير ((2005))
Author: munswor almophtah
Date: 07-30-2005, 06:19 PM
Parent: #303

تعود وكتين تعود انا قاعدة منتظراك

ياود القبيلة هلال سطع فى سماك

شمس الزمهرير من حولك الافلاك

سيد القافية مرحب مين بيحاكى علاك


يحي أخو البنات ناديا وشدت شاجياك
زى صايغ الدرر رسمت هلال محياك
بنت الفنجرى العرف الإسم سماك
وعارف إنتى نجمه وإنت شمس سماك

منصور
Post: #305
Title: Re: مسدار يا أهل المسادير ((2005))
Author: munswor almophtah
Date: 07-30-2005, 06:32 PM
Parent: #304

ندوية الضحكة ضحكتك واللا بلاش
بحرا ما بلحقو هدير القاش
البشوفك ضاحكة عيونو يجيها طشاش
والما شاف صورتك... تب ما عاش

ود المسيكتاب ماك المسيخيت طاش
وماك عوج الوجه ياكا المضيحيك هاش
كان عجبك ضحك ناديا المخدر باش
وزى زرزور بلوم شقشاقه فى الأعشاش

منصور
Post: #306
Title: Re: مسدار يا أهل المسادير ((2005))
Author: munswor almophtah
Date: 07-30-2005, 06:48 PM
Parent: #305

ود مفتاح سلام مليون شكر حافيك
إت ولدا نجيض ما بتلحق سافيك
كل ما أقول مديح ألقاهو ناقص فيك
يا الدهب المجمر قولي كيف أوفيك

مليونين سلام يا بخارى ما بتكفيك
ومليونين عقب يادوب حرير تكسيك
قول بالبسيط أنا بالصدق حاسيك
يالمخلص أصيل دهب الخصايل فيك


منصور
Post: #307
Title: Re: مسدار يا أهل المسادير ((2005))
Author: Saif aldin Hassan
Date: 07-31-2005, 00:06 AM
Parent: #306

منصور في اللغة قالو عكسا مهزوم
ياكا الدخري لا بتتلام ولا بتعرف اللوم
فضايلك ما شة قدامك ووراك بالكوم
كلام حلللو وبنوخد حبة عند اللزوم
***ود المسيكتاب***
Post: #308
Title: Re: مسدار يا أهل المسادير ((2005))
Author: nashaat elemam
Date: 07-31-2005, 01:57 AM
Parent: #1

ياود الامام مرحب حباب الزول
اخو البنوت اخوى سمح الخصال والقول
لى من الكتابة الرايقة زى كم حول
وهسع تانى جيت انثر زهور وشتول


يا بت الأصـم الفــعلو ســـابق القول
البحلف علي ضـــيفو يبيــت للحــــول
ما بقدر اوصف كرمو شـرحو بطــول
وزهرك انتي نادية خلى العقل مخبول
Post: #309
Title: Re: مسدار يا أهل المسادير ((2005))
Author: بخاري بشير
Date: 07-31-2005, 10:01 AM
Parent: #308

منصور انت دخري ولي زمايلك سابق
بالنضم المقفى وتاني بالك رايق
حليت الجلوس بي شعرك انت الفايق
ولو بارينا دربك نخشى من الزالق


///////////////////////

ياود الامام أحيت قلوبا ماتت
بالشافعة أم خدود الليلة وين ما فاتت
ذكرها ينعش الروح والعقول إن جاطت
وحبها في فؤادنا ياخي باقي متالت

///////////////////////

يانادية الكلام والله منك حالي
وزايد في النقاوة معاك رايق بالي
يابت القبايل بقراليك طوالي
وذكرك فيني باقي أصلو ليك ماسالي
Post: #310
Title: Re: مسدار يا أهل المسادير ((2005))
Author: munswor almophtah
Date: 07-31-2005, 11:33 AM
Parent: #309

الغالي منصور المفتاح
أرجو رفع هذا العرضحال إلى الأخ المهندس بكري أبو بكر
مشفوعا بتوصيتكم. ولك ما تستحق يا أفضل الناس.



يا بكري المهندس جيتا قاصد خير
ناشدك بس تتم فضلا بذلتو كتير
هادا المنبر الـ أصبح يلالي منير
شال في بطنو سوداننا وبقالو سفير

أقدم عرضحال مشفوع بما أعلاه
وقدامي الشفيع المافي زول ذمّاه
منصور الجميل يمدد إليك يداه
أجبر خاترو ياخي وضيفني في وزراه

من ناحية لوايح .. حافظا وقاريها
موافق بيها، باصم بي الأيادي عليها
متعهد أضيف دررا يسيل واديها
بحرك ما أظنو القطرة يبخل بيها

من تالاي واثق فيك ومرتاح بالي
نعمن فضلكم ذكروا الكتار قبالي
كذلك بي قفاي منصور شفيع آمالي
باقيلك بيمرق من ديارك خالي؟

تشكر اكان رضيت.. وان ما رضيت لي تسلم
فضلك لينا سابق وخيرو لينا اتقدّم
ساكت بقرا زي ما كت قبيل ما بندم
واسأل ربي يحمي بناك ما يتهدم

ودعقيد
Post: #311
Title: Re: مسدار يا أهل المسادير ((2005))
Author: munswor almophtah
Date: 07-31-2005, 11:39 AM
Parent: #310

الأخ الغالي منصور
التحية والتجلّة والإكرام بدؤها السلام وختامها السلام

في الغربة ام سواد الإلفة ليها مكانا
والعرفة البقت بيناتنا يكرم شانا
انا زول بادية ساكت باقي من سكانا
بحب طيرا وشديرا ورملتا وقيزانا

انا من الحليلة قريبة لي المكنية
سافل شندي غرب النيل حليلة هنية
اصلنا من جعل (رؤساها) مانا دنية
جدنا ود عقيد في (العاصمة) ليه بنية

* العاصمة: هي المتمة
* البنية: بفتح الباء وكسر النون وتشديد الياء – معروفة
لديك
Post: #312
Title: Re: مسدار يا أهل المسادير ((2005))
Author: بخاري بشير
Date: 07-31-2005, 11:59 AM
Parent: #311

يامنصور ماقايل ود عقيد بي قفانا
قايلو معانا في البوست وزملو ديك فايتانا
أب صقعا بسر اليسوا والبغبانا
ما بنخلي بكري كلامك إتعدانا

/////////////////////

ياود عقيد انت من الحليلة ونحن ليك جيران
كميرنا بعرفوا الجهال وحتى راعي الضان
المكنية ديكي وانت أرقد أمان
ما بنسيبو بكري نحنا ليك أخوان
Post: #313
Title: Re: مسدار يا أهل المسادير ((2005))
Author: Abdulla Ageed
Date: 07-31-2005, 01:10 PM
Parent: #1


أول حاجة يا منصـور شكر بالـــكوم
فضلك حافظو لامن يبقـى يوم الــيوم
انت ابو المكـارم اخويا خاتي اللوم
سألت الله الكريم يحميك محل ما تحوم

شكري بطبقو لي بكري الكريم في أصلو
صاحب المنبر المحبوب لكل من وصلو
مدرسة الجميع .. البرّة .. والفي فصلو
للحلوين محلا.. وللمعيق حاد نصلو


بخاري بشير قال:

يامنصور ماقايل ود عقيد بي قفانا
قايلو معانا في البوست وزملو ديك فايتانا
أب صقعا بسر اليسوا والبغبانا
ما بنخلي بكري كلامك إتعدانا

حبابك يا البخاري وليد كميرنا برانا
مرحب بي غناك وحروفك النديانة
صقعك في النميم احلى واتم بيانا
صاحبك بكري خت الشكرة فاض ميزانا
Post: #315
Title: Re: مسدار يا أهل المسادير ((2005))
Author: Abdulla Ageed
Date: 08-01-2005, 10:43 AM
Parent: #1

يحيا أخوي سلام.. الليلة مالك غايب
ونشأت برضو ما في ولا البشير اب نايب
حت سيد البلد منصور خبر مو جايب
تعالو نعزي روحنا بلدنا فيها مصايب


ود عقيد
Post: #316
Title: Re: مسدار يا أهل المسادير ((2005))
Author: Yahia Abd El Kareem
Date: 08-01-2005, 12:44 PM
Parent: #315

مضروبين حزن و لينا الكلام موطايب
وغياب العقيد بكى الصغير والشايب
شايلين الصبر خاتين فعايل العايب
بنتحزم سوا ونتمو السلام ياصاحب
Post: #317
Title: Re: مسدار يا أهل المسادير ((2005))
Author: munswor almophtah
Date: 08-01-2005, 02:53 PM
Parent: #315

يحيا أخوي سلام.. الليلة مالك غايب
ونشأت برضو ما في ولا البشير اب نايب
حت سيد البلد منصور خبر مو جايب
تعالو نعزي روحنا بلدنا فيها مصايب


ود عقيد


غدار القدر غدار وأمرو عجائب
عزال البطل عزال بدورنا حبايب
جون المات بطل ماهو اللضينه الخايب
حقق ما حصل والليله أصبح غايب



منصور
Post: #318
Title: Re: مسدار يا أهل المسادير ((2005))
Author: munswor almophtah
Date: 08-01-2005, 03:16 PM
Parent: #317

مضروبين حزن و لينا الكلام موطايب
وغياب العقيد بكى الصغير والشايب
شايلين الصبر خاتين فعايل العايب
بنتحزم سوا ونتمو السلام ياصاحب

أمر السلام يا يحى أصبح واجب
وموت البطل لى راسنا أصبح شاطب
يات ما نقول صبر نلقاهو نايح ناحب
لا بتعرف داك طفل أوداك جزوعا شايب


منصور
Post: #319
Title: Re: مسدار يا أهل المسادير ((2005))
Author: nashaat elemam
Date: 08-02-2005, 02:15 AM
Parent: #318

الليله الدهر اثقل علينا نوايب
والفرح البدا.. الموت سواهو خرايب
بعد ما قلنا نحنا الليله جرحنا طايب
انفتق الجرح و(دكتورنا) اصبح غايب

يا ناس من الحرب والدمار ده كفانا
البلد موجوعه كل الفيها اضحو حزانا
النار العوت زي الكلاب سعرانا
خلت ليك قلوبنا محروقه بي نيرانا

حالفين ناسو ديل مننا نحنا ياخدو التار
بي فهما وضيع عملونا نحنا ستار
ذنبنا نحنا ايه ان كان حرق او طار
والنار للبيفهم ما بتنطفي بي نار

طولنا الصبر مدينا ليو في حبالو
وان كمل الصبر احسن تراعو وبالو
حكمو للعقل وانسو قلنا وقالو
والدم ان دفر ما اظن يقيف وشالو
Post: #320
Title: Re: مسدار يا أهل المسادير ((2005))
Author: Abdulla Ageed
Date: 08-02-2005, 07:20 AM
Parent: #1

صبرنا زمان كتيير وجهلنا كان في عقالو
قدر ما قالوا فينا سكتنا لي ما قالو
دحين بعد الحصل يجب الجميع نوعالو
صديقك لو صدق ما بقول (عدوك ارتالو)


ود عقيد
Post: #321
Title: Re: مسدار يا أهل المسادير ((2005))
Author: nashaat elemam
Date: 08-02-2005, 07:34 AM
Parent: #320

الزول الكتل اخوي ما برتا لو
وان الكون صفا انا قلبي ما بصفالو
الدم الوشل كيفن في يوم انسالو
والسيف ان اباك امسك عليك نصالو
Post: #322
Title: Re: مسدار يا أهل المسادير ((2005))
Author: بخاري بشير
Date: 08-02-2005, 10:56 AM
Parent: #321

يانشأت يمين تلقانا ساعة الحارة
مدفعنا إن رزم قايدين انحنا الغارة
ما بنفع معانا النضمي والشوقارة
صغيرنا يشبع الصقار لحوم ومرارة
Post: #325
Title: Re: مسدار يا أهل المسادير ((2005))
Author: munswor almophtah
Date: 08-02-2005, 11:49 AM
Parent: #322

يانشأت يمين تلقانا ساعة الحارة
مدفعنا إن رزم قايدين انحنا الغارة
ما بنفع معانا النضمي والشوقارة
صغيرنا يشبع الصقار لحوم ومرارة


يا دوب جينا من وجع الدواس والحاره
جينا بعد سنين شفنا المآسى الماره
كان دايرين دواس تعرفنا نحن القاره
دايرين بس سلام معروفه فينا حضاره


منصور
Post: #324
Title: Re: مسدار يا أهل المسادير ((2005))
Author: munswor almophtah
Date: 08-02-2005, 11:27 AM
Parent: #321

الزول الكتل اخوي ما برتا لو
وان الكون صفا انا قلبي ما بصفالو
الدم الوشل كيفن في يوم انسالو
والسيف ان اباك امسك عليك نصالو

السيف فوق أخوك هابيل زمان ضحالو
والمسئول جهل أمر الشغب واحوالو
كان لازم يشد أمن البلاد بى رجالو
ويحقن للدماء الفى المداين سالو

منصور
Post: #323
Title: Re: مسدار يا أهل المسادير ((2005))
Author: munswor almophtah
Date: 08-02-2005, 11:09 AM
Parent: #320

صبرنا زمان كتيير وجهلنا كان في عقالو
قدر ما قالوا فينا سكتنا لي ما قالو
دحين بعد الحصل يجب الجميع نوعالو
صديقك لو صدق ما بقول (عدوك ارتالو)


ود عقيد

عدونا الجهل يا ود عقيد واحوالو
وإن وقع القدر لازم نعرفوا مآلو
دكتور جون ذهب أنسوها قلنا وقالو
خلو الموت غدر خلو الشغب وافعالو

منصور
Post: #326
Title: Re: مسدار يا أهل المسادير ((2005))
Author: Abdulla Ageed
Date: 08-02-2005, 11:51 AM
Parent: #323

يا منصور اخوي الناس عنونا عديل
مو شية بكوسولو وبدورلو دليـــل
ولو كان العقل حا يوقف التقتـيل
ما فيش داعي للعجلة وصبرنا جميل
Post: #327
Title: Re: مسدار يا أهل المسادير ((2005))
Author: munswor almophtah
Date: 08-02-2005, 12:08 PM
Parent: #326

يا منصور اخوي الناس عنونا عديل
مو شية بكوسولو وبدورلو دليـــل
ولو كان العقل حا يوقف التقتـيل
ما فيش داعي للعجلة وصبرنا جميل


الجاهل علموا وخلوهو إبقى دليل
وخلو الأمن إعم شدو الحزام بالحيل
كان زولا خطف كان بالنهار أو ليل
إلقى جزاهو بالقانون قسيط وعديل


منصور
Post: #328
Title: Re: مسدار يا أهل المسادير ((2005))
Author: Adil Al Badawi
Date: 08-03-2005, 00:17 AM
Parent: #327

ود مفتاح أخوي بوستك أريتو أُمبارك
في قليبنا النَّضم تحلف تقول إتعارك
قاصدنَّك نجيك نخلف كراع في دارك
أدِّينا الإذن نشيل معاك مسدارك
Post: #329
Title: Re: مسدار يا أهل المسادير ((2005))
Author: munswor almophtah
Date: 08-03-2005, 01:29 AM
Parent: #328

إذنك طب معاك والدار قسم زى دارك
وأخلف للكراع عافين جميع أعذارك
جيب النم تعال جيب البجودبو خيالك
وليك شاكرين دوام شاكرين جميل أقوالك

منصور
Post: #330
Title: Re: مسدار يا أهل المسادير ((2005))
Author: Adil Al Badawi
Date: 08-03-2005, 04:03 AM
Parent: #329

إذنك طب معاك والدار قسم زى دارك
وأخلف للكراع عافين جميع أعذارك
جيب النم تعال جيب البجودبو خيالك
وليك شاكرين دوام شاكرين جميل أقوالك

ود مفتاح أخوي تسلم أريتك سالم
بوستك لمَّ الحُراف والمِتِلنا ساكت حالم
قلمك يمين سكيناً يخافا الفاهم
سكينك للضبح تخافا جنس بهايم

يا منصور أخوي الليلة الكِديد* مغبون
قوافيهو راحت مِنُّو ونضموا ما موزون
كبسيبة الرماد الجابَتْهَا ميتة جون
لا تكون شاتَّ السلام ضفَّاري برَّة القون




* الكِديد هو لقبي
Post: #335
Title: Re: مسدار يا أهل المسادير ((2005))
Author: munswor almophtah
Date: 08-03-2005, 11:49 PM
Parent: #330

يا منصور أخوي الليلة الكِديد* مغبون
قوافيهو راحت مِنُّو ونضموا ما موزون
كبسيبة الرماد الجابَتْهَا ميتة جون
لا تكون شاتَّ السلام ضفَّاري برَّة القون




* الكِديد هو لقبي

الشوت يا الكديد نقرابى هو المضمون
وموتة جون أخوى واجعانى واجعه عيون
واجعه الفى المقابر بالتراب مدفون
ولكن السلام يا ابو الكديد مضمون


منصور
Post: #338
Title: Re: مسدار يا أهل المسادير ((2005))
Author: Adil Al Badawi
Date: 08-04-2005, 01:56 AM
Parent: #335

الشوت يا الكديد نقرابى هو المضمون
وموتة جون أخوى واجعانى واجعه عيون
واجعه الفى المقابر بالتراب مدفون
ولكن السلام يا ابو الكديد مضمون

ود مفتاح أخوي كُلَّنا للسلام ماعون
كبسيبة الرماد القامت تقول طاعون
كان ما شُفْنَالها حد زنقناها في جخنون
تلحِّق سلامنا فُقَّاعة بت صابون

أَفْرَك عيش السلام قناديلو ما ها صغار
قدلت قماريهو ما خايفة من صقَّار
كبسيبة الرماد البَقَّتْ تقول النار
قاصدة ترُدَّنا نتضاير من الحُقَّار
Post: #331
Title: Re: مسدار يا أهل المسادير ((2005))
Author: Abdulla Ageed
Date: 08-03-2005, 04:45 AM
Parent: #1

يا منصور سلام .. (بوستك) دوام مرفوع
وكرمك لي حبايب النمّــة مو ممنـــوع
غناك جاب (الكديد) يطربنا بالمسـموع
حباب البدوي سو .. شبّعنا ألفا الجوع


ودعقيد
Post: #332
Title: Re: مسدار يا أهل المسادير ((2005))
Author: Adil Al Badawi
Date: 08-03-2005, 06:22 AM
Parent: #331

يا منصور سلام .. (بوستك) دوام مرفوع
وكرمك لي حبايب النمّــة مو ممنـــوع
غناك جاب (الكديد) يطربنا بالمسـموع
حباب البدوي سو .. شبّعنا ألفا الجوع

يا ود العقيد الليلة الكديد ميجوع
من فتن الزمن خايف علي المشروع
كبسيبة الرماد البتنتح تقول صنقوع
بخافا تخلي سلامنا لحسة كوع

الليلة الصعيد جاب الخلوق حزنانا
موت ود قرنق يمين مرق شيطانا
يا الله الكريم كبسيبة الرماد تعفانا
ويا زمن الفتن، محمَّد معانا لا تغشانا
Post: #336
Title: Re: مسدار يا أهل المسادير ((2005))
Author: munswor almophtah
Date: 08-04-2005, 00:20 AM
Parent: #331

يا منصور سلام .. (بوستك) دوام مرفوع
وكرمك لي حبايب النمّــة مو ممنـــوع
غناك جاب (الكديد) يطربنا بالمسـموع
حباب البدوي سو .. شبّعنا ألفا الجوع


ودعقيد


جوعا فى المراح يا ود عقيد ممنوع
وديك بكرة أم تنى وديك بت لبون بتضوع
عاجزين عن جزاك حلاف يمين مدفوع
وكرما من عقاب كرمك نكوسلو طلوع

منصور
Post: #333
Title: Re: مسدار يا أهل المسادير ((2005))
Author: Abdulla Ageed
Date: 08-03-2005, 10:55 AM
Parent: #1

يا منصور سلام .. (بوستك) دوام مرفوع
وكرمك لي حبايب النمّــة مو ممنـــوع
غناك جاب (الكديد) يطربنا بالمسـموع
حباب البدوي سو .. شبّعنا ألفا الجوع
Post: #334
Title: Re: مسدار يا أهل المسادير ((2005))
Author: Adil Al Badawi
Date: 08-03-2005, 11:11 PM
Parent: #333

الليلة الصعيد جاب لَكْ ضَقَلْهَا يكركب
بي ميتة ود قرنق بلدنا دايرة تشنكب
كبسيبة الرماد إن شالله تَب ما تعقِّب
مسدار السلام نتمُّو نرجع عليهو نعقِّب
Post: #337
Title: Re: مسدار يا أهل المسادير ((2005))
Author: munswor almophtah
Date: 08-04-2005, 00:34 AM
Parent: #334

الليلة الصعيد جاب لَكْ ضَقَلْهَا يكركب
بي ميتة ود قرنق بلدنا دايرة تشنكب
كبسيبة الرماد إن شالله تَب ما تعقِّب
مسدار السلام نتمُّو نرجع عليهو نعقِّب


ياود البدوى هوى هبت نسيمه تهبهب
ومى كبسيبه مى شعلة حريقه تلهلب
عارفين الفراق عارفين جروحو تعذب
وعارفين السلام دايرين شتولو ترطب


منصور
Post: #339
Title: Re: مسدار يا أهل المسادير ((2005))
Author: Abdulla Ageed
Date: 08-04-2005, 03:40 AM
Parent: #337

ياود البدوى هوى هبت نسيمه تهبهب
ومى كبسيبه مى شعلة حريقه تلهلب
عارفين الفراق عارفين جروحو تعذب
وعارفين السلام دايرين شتولو ترطب


منصور


ود مفتاح تعيش.. سوّيتا نسمة تهبهب؟
هي كانت ريح سموم كسحت ودارت تقلب
بس ما دمت إنت بتدعو فينا وتكتـب
بنبنيهو السلام ونداوي جرحو نقطب

ودعقيد
Post: #340
Title: Re: مسدار يا أهل المسادير ((2005))
Author: Adil Al Badawi
Date: 08-04-2005, 04:08 AM
Parent: #339

ياود البدوى هوى هبت نسيمه تهبهب
ومى كبسيبه مى شعلة حريقه تلهلب
عارفين الفراق عارفين جروحو تعذب
وعارفين السلام دايرين شتولو ترطب


ود مفتاح تعيش.. سوّيتا نسمة تهبهب؟
هي كانت ريح سموم كسحت ودارت تقلب
بس ما دمت إنت بتدعو فينا وتكتـب
بنبنيهو السلام ونداوي جرحو نقطب

أريتا نسيمةً آخويا صادقة ما بتكضِّب
تفارقنا الحُمَّى ما نرجع بي قفانا نهضْرِب
كبسيبة الرماد كان جانا تيسها يلَبْلِبْ
عاقلنا يسرح بي غنم إبليس ويحسِّب

قالوا الصعيد جايبلو الليلة حديس
يعم الحضر و الفي خلاهو كديس
كبسيبة الرماد لا تدخِّلنا في حيص بيص
تريمبيل السلام لا بداً يصل لي الميس
Post: #341
Title: Re: مسدار يا أهل المسادير ((2005))
Author: Yahia Abd El Kareem
Date: 08-04-2005, 05:19 AM
Parent: #340

ان قلت الصعيد صابو الوجع بحسيس
يبقى سافلنا اليستر الحال الدخلنامسيس
كبيسبة الرماد لاتحرم فرح لا عريس
بنسوق قافلة السلام لامن تدخلو الميس
Post: #342
Title: Re: مسدار يا أهل المسادير ((2005))
Author: Abdulla Ageed
Date: 08-04-2005, 11:26 AM
Parent: #341

ستر الحال بسوهو الرجال في الميس
سلامنا نجيبو مهما كان جرحنا غميس
نطافيهو الحصل .. ونعاود التأسيس
ونمهرو دمنا السال.. ضُمة ماهو رخيس


سلمتم

ودعقيد
Post: #343
Title: Re: مسدار يا أهل المسادير ((2005))
Author: munswor almophtah
Date: 08-04-2005, 02:45 PM
Parent: #341

ان قلت الصعيد صابو الوجع بحسيس
يبقى سافلنا اليستر الحال الدخلنامسيس
كبيسبة الرماد لاتحرم فرح لا عريس
بنسوق قافلة السلام لامن تدخلو الميس


قودوهوا السلام قودة عروس لعريس
وخلوهو الغضب أطفوهوا جابو إبليس
نحن شعوب سلام ما بنعرف التدليس
عارفين القدر عارفين كريم وخسيس

منصور
Post: #344
Title: Re: مسدار يا أهل المسادير ((2005))
Author: munswor almophtah
Date: 08-05-2005, 01:27 AM
Parent: #343

ستر الحال بسوهو الرجال في الميس
سلامنا نجيبو مهما كان جرحنا غميس
نطافيهو الحصل .. ونعاود التأسيس
ونمهرو دمنا السال.. ضُمة ماهو رخيس


سلمتم

ودعقيد


جرحنا أكان ما دملنا الليله بكره بغيس
وكان مانسينا داك معز وداك هيثم وداك خميس
نكون فاشلين ونار خيبتنا زى البنقو بالتخميس
أخير بالضؤ نحل عقدتنا بى سترتنا ننسى أبليس

منصور
Post: #345
Title: Re: مسدار يا أهل المسادير ((2005))
Author: نادية عثمان
Date: 08-05-2005, 04:59 AM
Parent: #344

ناذر نفسى اضحك علا حزنى كبير

الوعد الجميل واقع فى قعر البير

الداير الخراب ياربى يمشى يطير

وتفضل بس بلدنا سليمة دون تكسير
Post: #346
Title: Re: مسدار يا أهل المسادير ((2005))
Author: نادية عثمان
Date: 08-05-2005, 06:46 AM
Parent: #345

أرقد فى سلام..مليون ميل مربع ما بتضيع ياجون !!

شعر نادية عثمان مختار

القاهرة فى يوم حزين..الاول من أغسطس 2005م

طعمك ياالجحيم قبل القيامة حرام

ريحة الدم ملت أنف المحنة زكام

شنقوك ياوطن يوم ضبحوا فيك حمام

بتموت ياقرنق لو ماحفظنا سلام


**** **** ****


لو رحل الزعيم هل للمبادئ رحول ؟!!

الحب كالمطر فاض فى قلوبنا هطول

لا الخوّة انتهت لاريدنا اكلو الغول

عيب ساعة الغضب نفقد ضمير وعقول !!!

**** **** ***

ياأمى العظيمة ربيكا ليكى الرب

يصبّرك الآله ياحازمة ساعة الكرب

فقدك للحبيب زادك ملايين حب

جون فى نعيم سلام تب ماوقع فى الجب

*** **** ****

أرواح البشر فى بلدى غالية شديد

السودان وطن حلو زى صباح العيد

كلنا فيهو واحد مافى سيد وعبيد

الموت ياأهل حرق الشباب والغيد


*** **** ****

ود مبيور سلام يغشاك محل ماتكون

يارجل السلام انا قلبى جد محزون

عشان فقدك حزينة وشان وطن مليون

مليون ميل مربع مابتضيع ياجون
**** **** ****


الوطن الحزين تسونامى مايغشاك

تفيض بالخير دوام ياحبى ماأحلاك

مارد فى الغضب وبرضك حبيبى ملاك

ميّزك الآله وأبدع وكت سواك

**** *** ***

الولد اتكتل بس وطنى مابيموت

لا النار تشوى قلبو ولابيبلعو حوت

الشعب العظيم مابختو فى التابوت

لو ماتوا الرجال بيكمّلو البنوت

**** **** ****

من غير الجنوب مااظن بيبقى شمال

شول وأحمد سند كتف الوطن لو مال

جون قرنق الزعيم مابرضى بى ده الحال

كان غصن السلام ما تهدموا الآمال

***** **** ****

الألم الكبير بالحكمة نجتازو

كل المات شهيد للخير حرق جازو

مطر الغيم حبيب بى لونو وحرازو

بعد غضبا يفوت لبلدنا انحازوا !!

**** **** ****
Post: #347
Title: Re: مسدار يا أهل المسادير ((2005))
Author: Abdulla Ageed
Date: 08-05-2005, 07:23 AM
Parent: #346

Quote: الولد اتكتل بس وطنى مابيموت

لا النار تشوى قلبو ولابيبلعو حوت

الشعب العظيم مابختو فى التابوت

لو ماتوا الرجال بيكمّلو البنوت



الوطن العظيم حايعيش أمامو مسيرة
والولد الفقدناتجيبو تاني مهيـرة
النار تنطفي وما بنمشي نوقد غيرا
نخلي شتاتنا يتماسك نغزلو ضفيرة

انتو المبدعين..أتلموا أبقوا شعاع
يضويلنا الطريق وفي مسارنا يبقاشراع
حزب واحد.. جميل واعد.. هو (الابداع)
منوت منصور وبشرى ونادية.. لي جمّاع
Post: #348
Title: Re: مسدار يا أهل المسادير ((2005))
Author: نادية عثمان
Date: 08-05-2005, 08:59 AM
Parent: #347

الاكرم عبد الله عقيد



Quote: الوطن العظيم حايعيش أمامو مسيرة
والولد الفقدناتجيبو تاني مهيـرة
النار تنطفي وما بنمشي نوقد غيرا
نخلي شتاتنا يتماسك نغزلو ضفيرة


الوطن العريس ماشين معاه فى السيرة

فى جبينو الهلال وفى رأسو أحلى ضريرة

الأمة الشجاعة الحاشا ماها عويرة

جنوب وشمال أهل أحلى الصلات والجيرة


Quote: انتو المبدعين..أتلموا أبقوا شعاع
يضويلنا الطريق وفي مسارنا يبقاشراع
حزب واحد.. جميل واعد.. هو (الابداع)
منوت منصور وبشرى ونادية.. لي جمّاع


وانت معانا شمسا ياولدنا عقيد

شايل الشمعة حايم زى نهار العيد

حاشاك مو سفيه لازول جبان رعديد

فارس أخو البنات صلد العزيمة حديد
Post: #349
Title: Re: مسدار يا أهل المسادير ((2005))
Author: munswor almophtah
Date: 08-05-2005, 03:49 PM
Parent: #348

ود مفتاح أخوي كُلَّنا للسلام ماعون
كبسيبة الرماد القامت تقول طاعون
كان ما شُفْنَالها حد زنقناها في جخنون
تلحِّق سلامنا فُقَّاعة بت صابون


مافيش سلام من غير ضحايا ولوم
ولازم يحصل المكتوب ولازم يوم
هداك مات كبش لفداء المعلوم
ومات جون قرنق ماتت معاهو قيوم

منصور
Post: #350
Title: Re: مسدار يا أهل المسادير ((2005))
Author: munswor almophtah
Date: 08-05-2005, 04:14 PM
Parent: #349

أريتا نسيمةً آخويا صادقة ما بتكضِّب
تفارقنا الحُمَّى ما نرجع بي قفانا نهضْرِب
كبسيبة الرماد كان جانا تيسها يلَبْلِبْ
عاقلنا يسرح بي غنم إبليس ويحسِّب

سرج الخيول مقلوب بعد مى راقصة حزنت تقلب
قلبت بعد فرح القلوب الصادقه صرنا نجقلب
وصرنا كما الأرامل من نواح أولادا تبقى تكلب
وزى محروق حشا الممكون حزن فى نار هبيله بتلب



منصور
Post: #351
Title: Re: مسدار يا أهل المسادير ((2005))
Author: Osman M Salih
Date: 08-05-2005, 04:24 PM
Parent: #350

الأخ منصور المفتاح
تحية وبعد
لست من أهل المسادير
لم ينعم علي الرب
لكني لا أفوت جديده
مهما دعا الداعي
وصرفتني قراءات
آخر في المنتدى
أو خارجه
بدأت قولي بالسلام
أختمه أيضاً بالسلام
Post: #352
Title: Re: مسدار يا أهل المسادير ((2005))
Author: munswor almophtah
Date: 08-05-2005, 04:36 PM
Parent: #350

وانت معانا شمسا ياولدنا عقيد

شايل الشمعة حايم زى نهار العيد

حاشاك مو سفيه لازول جبان رعديد

فارس أخو البنات صلد العزيمة حديد


إنتى الماك هوينه ممهيره عاقله حديد
ويا رابعة بلدنا الفى العشق تجريد
فى ساعة السلام ماك صيدا ملكة غيد
وفى ساعة العضال نمره وجناها جديد

منصور
Post: #353
Title: Re: مسدار يا أهل المسادير ((2005))
Author: munswor almophtah
Date: 08-05-2005, 04:48 PM
Parent: #352

الأخ منصور المفتاح
تحية وبعد
لست من أهل المسادير
لم ينعم علي الرب
لكني لا أفوت جديده
مهما دعا الداعي
وصرفتني قراءات
آخر في المنتدى
أو خارجه
بدأت قولي بالسلام
أختمه أيضاً بالسلام

بليونين سلام عثمان محمد صالح
وبليونين عقب لشعوبنا كان بتصالح
وزى ما إنت تقرأ دوام بنقرأ الطارح
وديمه أخير نكافح كان نعلم طالح

ولك من التحايا بقدر سعتك
منصور
Post: #354
Title: Re: مسدار يا أهل المسادير ((2005))
Author: munswor almophtah
Date: 08-05-2005, 05:01 PM
Parent: #353

الوطن العريس ماشين معاه فى السيرة

فى جبينو الهلال وفى رأسو أحلى ضريرة

الأمة الشجاعة الحاشا ماها عويرة

جنوب وشمال أهل أحلى الصلات والجيرة

الوطن الجريح سوانا يمه فى حيره
يوم فى الهم نصيح يوم فى مسايل غيره
جازمين باليمين نفرح صغارا وطيره
نبنى المستحيل نبنى الدروب لى خيره

منصور
Post: #357
Title: Re: مسدار يا أهل المسادير ((2005))
Author: Abdulla Ageed
Date: 08-06-2005, 08:14 AM
Parent: #354


Quote: إنتى الماك هوينه ممهيره عاقله حديد
ويا رابعة بلدنا الفى العشق تجريد
فى ساعة السلام ماك صيدا ملكة غيد
وفى ساعة العضال نمره وجناها جديد

منصور


بِصِّح عاقلة مبدعة ديما ليها جديد
وبين كل الوجوه وجهاً صبوح وفريد
إبداعاتا راقية وبارعة في التجويد
ندوية المكملة هِلّي إنتي العيد
ود عقيد

Quote: بليونين سلام عثمان محمد صالح
وبليونين عقب لشعوبنا كان بتصالح
وزى ما إنت تقرأ دوام بنقرأ الطارح
وديمه أخير نكافح كان نعلم طالح

ولك من التحايا بقدر سعتك
منصور


مع منصور بقول "مرحب جنا ود صالح)
عثمان الحبيّب وجهو طيّب وصالح
(جسور) وكتين يخاصم وروعة لمّا يصالح
وكتّابا حروفو مدادا بحر المالح
ود عقيد
Post: #355
Title: Re: مسدار يا أهل المسادير ((2005))
Author: عبدالمنعم عبدالله
Date: 08-05-2005, 05:08 PM
Parent: #352

ما بين البدايه والنهايه
ما بين الميلاد والشهاده
ما بين الثوريه والنرجسيه
ما بين النقيض والنقيض
ما بين الحزن والفرح
ما بين النفس والروح
ما بين البشر
وكل التناقض
والتشابه
مسادير مسادير
وما احلى مسادير المساء
فلك الرحمه يا جون
Post: #356
Title: Re: مسدار يا أهل المسادير ((2005))
Author: Adil Al Badawi
Date: 08-05-2005, 11:32 PM
Parent: #355

تريمبيل السلام واصل إن شالله دون تدليس
بس كبسيبة الرماد ما بتقبل التحنيس
لازمنا الحزم مع كل جنود إبليس
وكل سوداني إبقى لي أخوهو ونيس

رقد ود قرنق وسلامو أفرك وقاوى
شاحدين الكريم بيهو الخلوق تتساوى
من كبسيبة الرماد نفزع نقوم نتداوى
نركِّز في السلام ما نقعد كمان نتكاوى

رقد ود قرنق يا أخواني وما رقد تفكيرو
ميتاً وأللا حي المحريب بجينا عبيرو
أكان دايرين السلام ما نبداهو من الزيرو
كلام الفتن نكتلو ندفنو تَبْ في بيرو

رقد ود قرنق حاشاهو مو هجاص
يبكوهو المهمَّشين أهل الجلد والراس
رادوهو من حديسو ما قروهو في كرَّاس
أريت الوراهو يبنولنا فوق الساس
Post: #358
Title: Re: مسدار يا أهل المسادير ((2005))
Author: Yahia Abd El Kareem
Date: 08-06-2005, 12:20 PM
Parent: #356

فات البطل والكان لى سلامنا أساس
وفقدك يا قرنق فى الدنيا مابنقاس
تبكيك سعاد وحياة قبل مريوم وودعباس
وبنتمو البديتو الا انكملنا خلاس...
Post: #359
Title: Re: مسدار يا أهل المسادير ((2005))
Author: نادية عثمان
Date: 08-06-2005, 01:24 PM
Parent: #358

Quote: إنتى الماك هوينه ممهيره عاقله حديد
ويا رابعة بلدنا الفى العشق تجريد
فى ساعة السلام ماك صيدا ملكة غيد
وفى ساعة العضال نمره وجناها جديد

منصور



أنا اخت الرجال فى الحارة ببقوا نسور

مافيهم أضينة عويل كشف مستور

فى بلدى الشهامة مهمة كالدستور

وكل فارس بيخوض النار بيكون منصور
Post: #360
Title: Re: مسدار يا أهل المسادير ((2005))
Author: نادية عثمان
Date: 08-06-2005, 06:09 PM
Parent: #359

عقيد انشاء الله تسلم من شرور الناس

الاخلاق علم ماكتبو فى الكراس

ياود القبائل من اساس الساس

الزيك ذخيرة وللوطن حراس
Post: #361
Title: Re: مسدار يا أهل المسادير ((2005))
Author: munswor almophtah
Date: 08-06-2005, 10:48 PM
Parent: #360

ما بين البدايه والنهايه
ما بين الميلاد والشهاده
ما بين الثوريه والنرجسيه
ما بين النقيض والنقيض
ما بين الحزن والفرح
ما بين النفس والروح
ما بين البشر
وكل التناقض
والتشابه
مسادير مسادير
وما احلى مسادير المساء
فلك الرحمه يا جون


فأر البقور الليله جال فى الميس
وقال داير كباد داير عشاهو كديس
داك جقدول قدل داير عروسو لميس
وناس سفر السبت دايرين إقلبو خميس

منصور
Post: #362
Title: Re: مسدار يا أهل المسادير ((2005))
Author: munswor almophtah
Date: 08-06-2005, 11:04 PM
Parent: #361

بِصِّح عاقلة مبدعة ديما ليها جديد
وبين كل الوجوه وجهاً صبوح وفريد
إبداعاتا راقية وبارعة في التجويد
ندوية المكملة هِلّي إنتي العيد
ود عقيد


ياود عقيد ناديا وجمالا فريد
وزي تاجوج حداقه وناديه حاليه شديد
صقاعة النم درر دوبايه ما بتحيد
وقولا تقول مصفح كم لدينه حديد

منصور
Post: #363
Title: Re: مسدار يا أهل المسادير ((2005))
Author: munswor almophtah
Date: 08-06-2005, 11:20 PM
Parent: #362

ناذر نفسى اضحك علا حزنى كبير

الوعد الجميل واقع فى قعر البير

الداير الخراب ياربى يمشى يطير

وتفضل بس بلدنا سليمة دون تكسير



مشروع الضحك يا ناديا ساعة الخير
وساعات الحزن غلابه حامضه كتير
أمل البلاد تحقيقو بالتحضير
وفى شرع الإله لازمه النفوس تغيير

منصور
Post: #364
Title: Re: مسدار يا أهل المسادير ((2005))
Author: munswor almophtah
Date: 08-06-2005, 11:33 PM
Parent: #363

فات البطل والكان لى سلامنا أساس
وفقدك يا قرنق فى الدنيا مابنقاس
تبكيك سعاد وحياة قبل مريوم وودعباس
وبنتمو البديتو الا انكملنا خلاس...

يحى الهمام الديمه سابق الناس
عزاى العزاز ساعة الولف وناس
عراف الفضايل بالملايين حاس
وحاس بى ود قرنق يالديمه زايد إحساس

منصور
Post: #365
Title: Re: مسدار يا أهل المسادير ((2005))
Author: munswor almophtah
Date: 08-06-2005, 11:45 PM
Parent: #364

رقد ود قرنق وسلامو أفرك وقاوى
شاحدين الكريم بيهو الخلوق تتساوى
من كبسيبة الرماد نفزع نقوم نتداوى
نركِّز في السلام ما نقعد كمان نتكاوى


راكزين خيل سلام حالفين يمين نتخاوا
لا كبسيبه تانى ولا جروح تتداوا
مات المستحيل خلانا نحن شقاوا
عاشمين فى الرحيم إقلب سمومنا طراوا

منصور
Post: #366
Title: Re: مسدار يا أهل المسادير ((2005))
Author: munswor almophtah
Date: 08-07-2005, 00:02 AM
Parent: #365

رقد ود قرنق يا أخواني وما رقد تفكيرو
ميتاً وأللا حي المحريب بجينا عبيرو
أكان دايرين السلام ما نبداهو من الزيرو
كلام الفتن نكتلو ندفنو تَبْ في بيرو



عادل يا ظريف مازال بلدنا بخيرو
والموت إن حصل لازم نجرب غيرو
مات ود قرنق من فوق ضريره حريرو
لكن الوطن حالف يتم تقريرو


منصور
Post: #368
Title: Re: مسدار يا أهل المسادير ((2005))
Author: munswor almophtah
Date: 08-07-2005, 00:28 AM
Parent: #366

عقيد انشاء الله تسلم من شرور الناس

الاخلاق علم ماكتبو فى الكراس

ياود القبائل من اساس الساس

الزيك ذخيرة وللوطن حراس


ناديا العقيد فى قلوبنا قوق الراس
وحلال الشبك فى الشبهه مو جلاس
ثابت أخو البنات زول شكره مو هلواس
وعراضا محرق طبلو ديمه نحاس


منصور
Post: #367
Title: Re: مسدار يا أهل المسادير ((2005))
Author: المكاشفي الخضر الطاهر
Date: 08-07-2005, 00:14 AM
Parent: #1

الاخ منصور نبارك لك زواج اخينا المهندس فيصل المفتاح يوم الجمعة

نبارك لك الزواج ونسأل الله ان يجعله زواج خير وبركة
Post: #369
Title: Re: مسدار يا أهل المسادير ((2005))
Author: munswor almophtah
Date: 08-07-2005, 00:50 AM
Parent: #367

الاخ منصور نبارك لك زواج اخينا المهندس فيصل المفتاح يوم الجمعة

نبارك لك الزواج ونسأل الله ان يجعله زواج خير وبركة


فيصل قولو مبروك يا المكاشفى أخونا
ومليون تانى مبروك للعريس ابوشونا
وعقب تانى مبروك للأهل يطرونا
بى صالح الدعاء ومن شر خلوقوا إلفونا




منصور
Post: #370
Title: Re: مسدار يا أهل المسادير ((2005))
Author: munswor almophtah
Date: 08-07-2005, 05:34 AM
Parent: #369

رقد ود قرنق حاشاهو مو هجاص
يبكوهو المهمَّشين أهل الجلد والراس
رادوهو من حديسو ما قروهو في كرَّاس
أريت الوراهو يبنولنا فوق الساس


تكرار الناس صعب لكن ظلال أفكارا
مافيش جون بجى لكن بيبقى منارا
زى قاموس فكر أفكارو تملأ الحارا
مات يوم العرس خلانا أمه حيارا

منصور
Post: #371
Title: Re: مسدار يا أهل المسادير ((2005))
Author: نادية عثمان
Date: 08-07-2005, 06:15 AM
Parent: #370

الوحدة العلاج لبلد حزينة صبورة

شمال وجنوب جميع بلدنا نحنا ندورا

انشاء الله الجروح تصبح عقب مجبورة

مانشوف تانى دم لانشوف قلوب مكسورة
Post: #372
Title: Re: مسدار يا أهل المسادير ((2005))
Author: munswor almophtah
Date: 08-07-2005, 06:30 AM
Parent: #371

الوحدة العلاج لبلد حزينة صبورة

شمال وجنوب جميع بلدنا نحنا ندورا

انشاء الله الجروح تصبح عقب مجبورة

مانشوف تانى دم لانشوف قلوب مكسورة

آمين يا الكريم خلى الأمور مستوره
وأجبر كربتا وتحفظ أسودا هصورة
تحفظ للوطن تحفظ جمال الصوره
ترفع عزة الأمه الجسوره غيوره


منصور
Post: #373
Title: Re: مسدار يا أهل المسادير ((2005))
Author: بخاري بشير
Date: 08-07-2005, 09:10 AM
Parent: #372

كبسيبة الرماد يالبدوي جاتنا وعبرت
وبعد الليلة نمسح للجروح ودموعنا تب ما عبرت
في درب الوئام أنفسنا قامت وصبرت
وشتول السلام في قلوبنا قامت وكبرت

//////////////////////////

الفقد الكبير ياود عقيدنا حقيقة
والغضب اللئيم داير جموعنا يعيقة
لكن بي مهل أولادنا طفوا حريقة
والداير السلام في دربو ضوا عقيقة

//////////////////////////////

يانادية الكلام والله بيك موزون
وموجوعين خلاص يابنية بي موت جون
مو هوين يمين كاتل زمون وزمون
وشمر للسلام حالف يزيل البون

////////////////////////////

لكن العمر عند الإله ما بقبل التأجيل
وما بيزح دقيقة لو كان يزح توتيل
الولد القبيل الكان بشيل الشيل
فوق دربو بنسير ونسوي السمح وعديل

///////////////////////////////

يامنصور أخوي دارك بقت مشهورة
فيها عقيدنا بالنضم المحلا بزورة
وفيها يحي الأحيا فيها الشورة
وفيها بدوي أبو كلمة مجبورة

***********
وفيها نشأت الزاد لي نفوسنا حبورة
وفيها نادية أم حكمة مأثورة
ياكريم أجمعنا في الزايلة القليل مسرورة
وخلي تملي دارنا بالكرام منصورة
Post: #374
Title: Re: مسدار يا أهل المسادير ((2005))
Author: Abdulla Ageed
Date: 08-07-2005, 09:25 AM
Parent: #373


بخاري بشير فقدناك ياخي وين الغيبة
لعل الداعي خير الجيهة خاتي دريبا؟
نمّاتك رصينة وديمة خاتية العيبة
أرجع ياخي نعنشنا المزاوغة سيبا


ود عقيد
Post: #375
Title: Re: مسدار يا أهل المسادير ((2005))
Author: بخاري بشير
Date: 08-07-2005, 09:54 AM
Parent: #374

مرحب ودعقيد علك دوام مبسوط
وفاة زولا عزيز شغلتنا من البوست
مرحب بالأصم نضمك يمين دق سوط
والزي ود عقيد ما أظني منو أفوت
Post: #376
Title: Re: مسدار يا أهل المسادير ((2005))
Author: نادية عثمان
Date: 08-07-2005, 12:37 PM
Parent: #375

فى الافق القريب اعلام سلام جد لاحت

عاصفة السواد اللقلوب اجتاحت

عدت زى غيوم عمت سمانا وراحت

الروح بالوئام رجعت صفت وانداحت
Post: #388
Title: Re: مسدار يا أهل المسادير ((2005))
Author: munswor almophtah
Date: 08-08-2005, 01:04 PM
Parent: #376

فى الافق القريب اعلام سلام جد لاحت

عاصفة السواد اللقلوب اجتاحت

عدت زى غيوم عمت سمانا وراحت

الروح بالوئام رجعت صفت وانداحت



عصفورة السلام مفجوعه حزنت وناحت
محروقة الحشا المحنوطه عنبر فاحت
شاقاها الغشيم مكروبه يوم ما أرتاحت
وزى وجع السنون نتاحه شابت وشاحت

منصور
Post: #377
Title: Re: مسدار يا أهل المسادير ((2005))
Author: Abdulla Ageed
Date: 08-07-2005, 12:50 PM
Parent: #1

Quote: فى الافق القريب اعلام سلام جد لاحت

عاصفة السواد اللقلوب اجتاحت

عدت زى غيوم عمت سمانا وراحت

الروح بالوئام رجعت صفت وانداحت



مرحب بي السلام فرّت غصونو وماحت
وغيوم الحزن جِيداً ختتنا وراحت
بنمسك في وئامنا وضُمّة ما بنتّاحت
يا ريت كل همومنا تكون خلاص انزاحت

ود عقيد
Post: #391
Title: Re: مسدار يا أهل المسادير ((2005))
Author: munswor almophtah
Date: 08-08-2005, 03:01 PM
Parent: #377

مرحب بي السلام فرّت غصونو وماحت
وغيوم الحزن جِيداً ختتنا وراحت
بنمسك في وئامنا وضُمّة ما بنتّاحت
يا ريت كل همومنا تكون خلاص انزاحت

ود عقيد


غيوم الحزن هتانة الدماء الإجتاحت
ساحات الرعب شاخت غصونا وطاحت
أفراح السلام طال إنتظارا وتاهت
علا هديك بروقا وديك بشاير لاحت

منصور
Post: #378
Title: Re: مسدار يا أهل المسادير ((2005))
Author: Abdulla Ageed
Date: 08-07-2005, 01:04 PM
Parent: #1

الليله البلد.. هديت خلاص ارتاحت
والكل فى وجع.. لملم دمومو الساحت
الراحت فداكم.. حصِّلوا الما راحت
سيبو العنصرية الفي كلامكم فاحت


عثمان فضل الله - ود عقيد
إنتاج مشترك
Post: #392
Title: Re: مسدار يا أهل المسادير ((2005))
Author: munswor almophtah
Date: 08-08-2005, 03:35 PM
Parent: #378

الليله البلد.. هديت خلاص ارتاحت
والكل فى وجع.. لملم دمومو الساحت
الراحت فداكم.. حصِّلوا الما راحت
سيبو العنصرية الفي كلامكم فاحت


عثمان فضل الله - ود عقيد
إنتاج مشترك


يا ود العقيد شوف الخلوق كيف داحت
واحدين فى الغرب واحدين عقولم راحت
واحدين فى المراح كبرت عيوبم شاهت
وتانيين فى العقب فرت طيورم حاحت

منصور
Post: #379
Title: Re: مسدار يا أهل المسادير ((2005))
Author: Abdulla Ageed
Date: 08-07-2005, 01:16 PM
Parent: #1

نعمين للسلام .. ونعم كمان لي الخوّة
ونعمين لي الجنا القاعد مصابر جُوّة
نحنا البرّة ديل كِبرت علينا الهوّة
الله يلمنا ونتنادا "يا ابو مروّة"

ولا شنو يا ود مفتاح؟

ود عقيد
Post: #380
Title: Re: مسدار يا أهل المسادير ((2005))
Author: نادية عثمان
Date: 08-07-2005, 02:41 PM
Parent: #379

Quote: مرحب بي السلام فرّت غصونو وماحت
وغيوم الحزن جِيداً ختتنا وراحت
بنمسك في وئامنا وضُمّة ما بنتّاحت
يا ريت كل همومنا تكون خلاص انزاحت



الهم الركبنا انشاء الله مايعود تانى

نعيش حلو الوعود ومايكون عشمنا أمانى

جون قرنق الحبيب نورو المشع بيغشانى

كان همو البلد ويزرع جميع حيشانى
Post: #381
Title: Re: مسدار يا أهل المسادير ((2005))
Author: nashaat elemam
Date: 08-08-2005, 10:12 AM
Parent: #380

الليله الحمام رك ونزل من تاني
ورفرف بي جناحو وحط في سوداني
الغصون المايسه اصبح قطافهن داني
زالن للهيب الجمرو بقّّا كواني
Post: #382
Title: Re: مسدار يا أهل المسادير ((2005))
Author: بخاري بشير
Date: 08-08-2005, 10:42 AM
Parent: #381

مرحب ود عقيد البيك بتم الكيف
ومرحبتين حبابو الدفوة عند الزيف
قاصع في النضم ما ببرى دربو حريف
وإن كان جاد عليك ما أظن يعقبو خريف

/////////////////////////

الوابل هطل مطر الخريف الجادت
وكبسيبة الرماد يا البدوي تب ما عادت
داوينا الجروح وآلامنا يادوب راقت
ومن درب السلام نفوسنا قط ماحادت

///////////////////////////

منصور إنت وين طولنا من مسدارك
أب صقعا بسر درر الغوالي مدارك
خليها (العبوس) جادع مع زوارك
وابقى ادينا غشوة نحنا هنا في دارك

///////////////////////

نشأت يا الهميم ضويت مغاني ربوعك
ومن نظم القوافي ما بنرضى نحنا رجوعك
الولدالقبيل الزاد عليك موجوعك
قوليو آآآآآآآآالبليد :جريت لحسة كوعك
Post: #383
Title: Re: مسدار يا أهل المسادير ((2005))
Author: Abdulla Ageed
Date: 08-08-2005, 11:47 AM
Parent: #382

بخاري بشير اخوي الماك إضينة
نشأت ونادية .. نورتو الجنينة
يحيا واخوهو منصور.. رُدّو لينا
لعل بيتكم دا بس ما حردتو لينا؟


ود عقيد
Post: #384
Title: Re: مسدار يا أهل المسادير ((2005))
Author: نادية عثمان
Date: 08-08-2005, 12:05 PM
Parent: #383

الاكرم بخارى بشير

Quote: يانادية الكلام والله بيك موزون
وموجوعين خلاص يابنية بي موت جون
مو هوين يمين كاتل زمون وزمون
وشمر للسلام حالف يزيل البون


تسلم اخو البنات فارس القبيلة وسيدها

بالزيك بلدنا تملى صابح عيدها

بى جيتك يمين مسرورة جد وسعيدة

ايام السواد شاحدة الآله لايعيدها
Post: #385
Title: Re: مسدار يا أهل المسادير ((2005))
Author: Yahia Abd El Kareem
Date: 08-08-2005, 12:05 PM
Parent: #382

حمامنا هداك اليف اصيل ومو برانى
شايل الفرحة شتت حبةوعمت الاوطان
من تمر السلام عبيت مليت جربانى
نم ياودالامام خل نادية التعقب تانى
Post: #386
Title: Re: مسدار يا أهل المسادير ((2005))
Author: نادية عثمان
Date: 08-08-2005, 12:15 PM
Parent: #385

الاكرم يحى عبد الكريم


Quote: حمامنا هداك اليف اصيل ومو برانى
شايل الفرحة شتت حبةوعمت الاوطان
من تمر السلام عبيت مليت جربانى
نم ياودالامام خل نادية التعقب تانى


حبابك يحى تسلم وين مشيت يازول

ليك زمن اختفيت قرب تتم الحول

شفت الشئ الحصل فوق ناس عبادة وشول

كان شيتا مرير فاق الوصف والقول
Post: #387
Title: Re: مسدار يا أهل المسادير ((2005))
Author: بخاري بشير
Date: 08-08-2005, 12:41 PM
Parent: #386

مرحب بت بلدنا الفي كلامه سديدة
ومرحب بالنويدية وتاني باهي قصيدة
أيام السواد يا نادية تبقى بعيدة
و الوحدة أم سوار تبقالنا قامة مديدة

//////////////////////////

يا نادية أم سماح والله وازنة عقول
ومن نضمك كتير مرات أعيش مذهول
كتري في الكلام اللينا شرحو بطول
وفي درب السلام يحفظك الإله ذي الطول
Post: #389
Title: Re: مسدار يا أهل المسادير ((2005))
Author: نادية عثمان
Date: 08-08-2005, 01:42 PM
Parent: #387

Quote: مرحب بت بلدنا الفي كلامه سديدة
ومرحب بالنويدية وتاني باهي قصيدة
أيام السواد يا نادية تبقى بعيدة
و الوحدة أم سوار تبقالنا قامة مديدة


الوحدة بنردد الف مرة نشيدا

وجعة عزة كانت يابخارى شديدة

علا الرب ستر بقت المساعى حميدة

من غير السلام مابنبقى أمة رشيدة





Quote: يا نادية أم سماح والله وازنة عقول
ومن نضمك كتير مرات أعيش مذهول
كتري في الكلام اللينا شرحو بطول
وفي درب السلام يحفظك الإله ذي الطول



تسلم يااب سماح حاشاك ماك دلدول

اب قلبا حنين ووجها بشوش مقبول

ياصادق الحروف ورصين معانى وقول

من تبيت مميز وياكا أحسن زول
Post: #403
Title: Re: مسدار يا أهل المسادير ((2005))
Author: munswor almophtah
Date: 08-09-2005, 04:17 PM
Parent: #382

مرحب ود عقيد البيك بتم الكيف
ومرحبتين حبابو الدفوة عند الزيف
قاصع في النضم ما ببرى دربو حريف
وإن كان جاد عليك ما أظن يعقبو خريف

مرحبتين حبابكم كلكم يا ظريف
ومرحبتين حباب إبداع رقيق ولطيف
إبداع المحب عاشق الغرام وليف
وشايلين القليب المن مهيدو رهيف


munswor
Post: #404
Title: Re: مسدار يا أهل المسادير ((2005))
Author: munswor almophtah
Date: 08-09-2005, 04:42 PM
Parent: #382

الوابل هطل مطر الخريف الجادت
وكبسيبة الرماد يا البدوي تب ما عادت
داوينا الجروح وآلامنا يادوب راقت
ومن درب السلام نفوسنا قط ماحادت


فى خاتر السلام أرواح براعم بادت
فى شان السلام أغصان نواحل مادت
قمرى الأصايل فوق غصونن شادت
وجدى الخمايل صوب جروفاإتهادت

منصور
Post: #395
Title: Re: مسدار يا أهل المسادير ((2005))
Author: munswor almophtah
Date: 08-08-2005, 05:02 PM
Parent: #381

الليله الحمام رك ونزل من تاني
ورفرف بي جناحو وحط في سوداني
الغصون المايسه اصبح قطافهن داني
زالن للهيب الجمرو بقّّا كواني

خليها الحمامه البلهديل طاربانى
ديمه معشعشه وضاحكات عشانا أغصانى
زى ناس الفريق عاديها من جيرانى
لو دارت درب بسقيها من شريانى

منصور
Post: #394
Title: Re: مسدار يا أهل المسادير ((2005))
Author: munswor almophtah
Date: 08-08-2005, 04:43 PM
Parent: #380

الهم الركبنا انشاء الله مايعود تانى

نعيش حلو الوعود ومايكون عشمنا أمانى

جون قرنق الحبيب نورو المشع بيغشانى

كان همو البلد ويزرع جميع حيشانى



حبا فى البلد سالبنى مالكو كيانى
وحب أهل البلد ماكنى شوقو أزانى
يا الغايب تعال فى قلبو يوت تلقانى
مانى الشاكى لكن شوق شجاهو شقانى

منصور
Post: #393
Title: Re: مسدار يا أهل المسادير ((2005))
Author: munswor almophtah
Date: 08-08-2005, 04:22 PM
Parent: #379

نعمين للسلام .. ونعم كمان لي الخوّة
ونعمين لي الجنا القاعد مصابر جُوّة
نحنا البرّة ديل كِبرت علينا الهوّة
الله يلمنا ونتنادا "يا ابو مروّة"

ولا شنو يا ود مفتاح؟

ود عقيد


لم الناس سمح من بره كان أو جوه
بالود والعطف من دون كتال او قوه
يا ود العقيد بيناتنا تبقى الخوه
تلكع فاطنه فى الدوبيت وترقص ضوه



منصور
Post: #390
Title: Re: مسدار يا أهل المسادير ((2005))
Author: Abdulla Ageed
Date: 08-08-2005, 02:29 PM
Parent: #1

أحسن زول.. وأحسن زولة.. واحسن ناس
يمين الزيكم في العين وفوق الراس
مليانين جمال وابداع وزوق واحساس
احب بلدا سقاكم طيبة من الساس


ود عقيد
Post: #396
Title: Re: مسدار يا أهل المسادير ((2005))
Author: نادية عثمان
Date: 08-08-2005, 05:28 PM
Parent: #390

البلد الحبيب مابنرضى ليهو مساس

أغلى من اللجين ومن الدهب والماس

جميع سودانى زول جدا رقيق حساس

تسلم ود عقيد يازول لذيذ وناس
Post: #397
Title: Re: مسدار يا أهل المسادير ((2005))
Author: nashaat elemam
Date: 08-09-2005, 01:50 AM
Parent: #1

الولد النجيض قدامو ختا الســاس
ما هماهو غير حال البلد والنـــاس
الخيل جقلبت وحمّر وطيس الباس
لكنو الاصم ختا الســـلام مـتراس

الزي ود عقيد والكديــــد نبـراســـــنا
ومنصور الضكر ياهو زي تاج راسنا
بخاري ويحيــى يوم الكـــرب فراسـنا
من غيرم بنـــعلن نحــنا تــب افـلاسنا
Post: #398
Title: Re: مسدار يا أهل المسادير ((2005))
Author: Adil Al Badawi
Date: 08-09-2005, 03:34 AM
Parent: #397

الزي ود عقيد والكديد نبراسنا
ومنصور الضكر ياهو زي تاج راسنا
بخاري ويحيى يوم الكرب فراسنا
من غيرم بنعلن نحنا تب افلاسنا

إدوَّر قمرنا يا ود الامام وإنْعَدَل ونَّاسنا
إنظبط المزاج شوفولنا لـمَّة ناســنا
أكان الله الكريم كفانا شر خنَّاســـنا
نَجُرَّ النَّم عديل ما بننتظر حنَّاســـنا
Post: #399
Title: Re: مسدار يا أهل المسادير ((2005))
Author: Adil Al Badawi
Date: 08-09-2005, 06:33 AM
Parent: #398

رقد ود قرنق يا أخواني وما رقد تفكيرو
ميتاً وأللا حي المحريب بجينا عبيرو
أكان دايرين السلام ما نبداهو من الزيرو
كلام الفتن نكتلو ندفنو تَبْ في بيرو

عادل يا ظريف مازال بلدنا بخيرو
والموت إن حصل لازم نجرب غيرو
مات ود قرنق من فوق ضريره حريرو
لكن الوطن حالف يتم تقريرو

يا منصور أخوي دايم بوستك ودايم أريتو نفيرو
ما دام فتحت الباب وقلت على المكارم سيرو
نقول السلام أريتو لينا سبيل سااااقطة موية زيرو
الكبير منو يشرب يروى ويغرف يسقي صغيرو
Post: #400
Title: Re: مسدار يا أهل المسادير ((2005))
Author: Abdulla Ageed
Date: 08-09-2005, 07:16 AM
Parent: #398



حوش منصور سماح وكرم جمع فرّاسنا
جاب الشاعرة ندوية المعلِّيا راسنا
بي نظم الغُنا الموزون مِترِّع كاسنا
صفحة (6) يادوب جات، كبير كرّاسنا


ود عقيد
Post: #401
Title: Re: مسدار يا أهل المسادير ((2005))
Author: Adil Al Badawi
Date: 08-09-2005, 07:55 AM
Parent: #400

الوابل هطل مطر الخريف الجادت
وكبسيبة الرماد يا البدوي تب ما عادت
داوينا الجروح وآلامنا يادوب راقت
ومن درب السلام نفوسنا قط ماحادت

نَضْمَك مِنُّو البشاير، يا ود بشير، تِتْحَاتَت
كبسيبة الرماد إن شالله تْلجَة وساحت
أول بندي: أريتا فُرَص السلام ما راحت
البندي التاني: تَكَنَّها نفوس الخلوق اتصافت
Post: #402
Title: Re: مسدار يا أهل المسادير ((2005))
Author: نادية عثمان
Date: 08-09-2005, 08:03 AM
Parent: #400

عثمان ود فضل طمنى كيف امسيتو

كيف أحمد صبح وشول ود مجوك فى بيتو

الولد الشهيد طبعا أكيد عزيتو

قول لينا الحصل ولو الف مرة حكيتو
Post: #405
Title: Re: مسدار يا أهل المسادير ((2005))
Author: نادية عثمان
Date: 08-09-2005, 04:56 PM
Parent: #402

يسلم ود عقيد مابهرشوه النسوان

الراجل الجميل فايض عشق وحنان

بعانق ليل نهار محبوبتو فرع البان

رومانسى طراز فريد مابشبهو الخلان ..
Post: #410
Title: Re: مسدار يا أهل المسادير ((2005))
Author: munswor almophtah
Date: 08-09-2005, 05:47 PM
Parent: #405

يسلم ود عقيد مابهرشوه النسوان

الراجل الجميل فايض عشق وحنان

بعانق ليل نهار محبوبتو فرع البان

رومانسى طراز فريد مابشبهو الخلان

يا ناديا العقيد فى بير عشق وحلان
ومن عسل الكلام محنان عجب طربان
من خمر الغرام شربان عنب ثملان
وزى قيس ليلى غايص فى الغرام كم شان




منصور
Post: #419
Title: Re: مسدار يا أهل المسادير ((2005))
Author: Abdulla Ageed
Date: 08-10-2005, 02:25 PM
Parent: #410

بصِّح في العشق يا اخواني أنا وحلان
ومن عسل الكلام الجوف صبح محلان
الفرع المملس وزهرو فتّح لان
خبلني، وزاد جروحي الحاجب الكحلان

ود عقيد
Post: #407
Title: Re: مسدار يا أهل المسادير ((2005))
Author: munswor almophtah
Date: 08-09-2005, 05:01 PM
Parent: #402

عثمان ود فضل طمنى كيف امسيتو

كيف أحمد صبح وشول ود مجوك فى بيتو

الولد الشهيد طبعا أكيد عزيتو

قول لينا الحصل ولو الف مرة حكيتو



عثمان ود فضل زى الملك لاقيتو
قال حال البلد ممكون وطالع زيتو
داك مفلوق ائن باقى الخراب عديتو
ناس مكواج و خالد فى الخلايا ببيتو

منصور
Post: #408
Title: Re: مسدار يا أهل المسادير ((2005))
Author: نادية عثمان
Date: 08-09-2005, 05:12 PM
Parent: #407

الغالى منصور



منو القال وطنى زول منحوس

وطن مصرور وشيهو عبوس

وطنى النور بيضوى شموس

عريس ومهيرة ليهو عروس
Post: #409
Title: Re: مسدار يا أهل المسادير ((2005))
Author: munswor almophtah
Date: 08-09-2005, 05:27 PM
Parent: #408

منو القال وطنى زول منحوس

وطن مصرور وشيهو عبوس

وطنى النور بيضوى شموس

عريس ومهيرة ليهو عروس

ناديا الوطن خيلو بتجيك عركوس
وخيرو مع السحاب دوكه وبناتا تعوس
ناس تاجوج وعابده الفى مداينو تكوس
وزى وهج النجوم الفى الظلام فانوس

منصور
Post: #411
Title: Re: مسدار يا أهل المسادير ((2005))
Author: نادية عثمان
Date: 08-09-2005, 05:49 PM
Parent: #409

نحنا الانفصال نلعن دوام فى سيرتو

سودانا الحبيب الوحدة تبقى حريرتو

بالفأل والعديل ينتم سلامو مسيرتو

ولدى من الجنوب والله تشهد جيرتو
Post: #412
Title: Re: مسدار يا أهل المسادير ((2005))
Author: munswor almophtah
Date: 08-09-2005, 06:22 PM
Parent: #411

نحنا الانفصال نلعن دوام فى سيرتو

سودانا الحبيب الوحدة تبقى حريرتو

بالفأل والعديل ينتم سلامو مسيرتو

ولدى من الجنوب والله تشهد جيرتو

ناديا الإنفصال زى العوانس بورتو
دايرين السلام زى العرس بى شورتو
نضبح كم مراح نكرم ضيوفو وسيرتو
نعقد جرتقو ونقسم معاهو ضريرتو


منصور
Post: #413
Title: Re: مسدار يا أهل المسادير ((2005))
Author: munswor almophtah
Date: 08-10-2005, 11:33 AM
Parent: #412

متل المِن رشاشن بي البطانة اتهوَّن
وقفن فوق علو.. ومن الأنيس اتحوَّن
وا أسفاي من الكل يوم بتلــوّن
شهدان موسى .. من فرو المنازل ضوّن


شرفن فوق حديب عنزايه طنن ورقصن
حادقات زى رطب فى عسيل نحول أتعطنن
الشافن وقف فى جوفو المصارين رطنن
حت كلباتو كلبت متل التقول ما قنصن

منصور
Post: #414
Title: Re: مسدار يا أهل المسادير ((2005))
Author: Yahia Abd El Kareem
Date: 08-10-2005, 12:19 PM
Parent: #413

الاخت الرقيقة نادية المعذرة لتأخير هذا المربع والله الايقاع فى هذا البوست بقى سريع
والدار عامرة
نوارة مسدارنا حبابك وانت الدهب مصقول
انا كت قريب عل ميلان مغايص وبالحزن مكحول
ماننسى الحصل بس يبقالنا درساتعيه عقول
ولى قدام بنجدع غايتنا السلام لابد ليه وصول

ود المفتاح أخوى لا اظن رواحلنا قادرة على دخول بادية وداب سن معك فالمعذرة ان تلجلجت الالسن
وعصت علينا بنات العرب وسوف نحاول مجاراتك مااستطعنا
Post: #415
Title: Re: مسدار يا أهل المسادير ((2005))
Author: munswor almophtah
Date: 08-10-2005, 12:49 PM
Parent: #414

نوارة مسدارنا حبابك وانت الدهب مصقول
انا كت قريب عل ميلان مغايص وبالحزن مكحول
ماننسى الحصل بس يبقالنا درساتعيه عقول
ولى قدام بنجدع غايتنا السلام لابد ليه وصول


يا يحى بت عتمان دهب شيبون
وزى عبق الورود ريحه وجذابة لون
عسل الكلام فنانه مالكه فنون
وعقلا بى جبال الدنيا مو موزون

منصور
Post: #416
Title: Re: مسدار يا أهل المسادير ((2005))
Author: munswor almophtah
Date: 08-10-2005, 01:07 PM
Parent: #415

نوارة مسدارنا حبابك وانت الدهب مصقول
انا كت قريب عل ميلان مغايص وبالحزن مكحول
ماننسى الحصل بس يبقالنا درساتعيه عقول
ولى قدام بنجدع غايتنا السلام لابد ليه وصول

يحي بت عثمان دهيبا أصلو من شنقول
وعسلا من قلع نحلو المأصل والمكمل قول
زى سرب الفراش الفى الورود مشغول
وشارفه مغنجه وسمحة قوام منحول

منصور
Post: #417
Title: Re: مسدار يا أهل المسادير ((2005))
Author: نادية عثمان
Date: 08-10-2005, 02:06 PM
Parent: #415

QUOTE]يا يحى بت عتمان دهب شيبون
وزى عبق الورود ريحه وجذابة لون
عسل الكلام فنانه مالكه فنون
وعقلا بى جبال الدنيا مو موزون




كتير والله على حلو الكلام يازول

منصور النخيل جوة العيون مشتول

بستانك منوّر وياما فت حقول

مليون ورد ووردة ومطرة فايضة هطول
Post: #418
Title: Re: مسدار يا أهل المسادير ((2005))
Author: Abdulla Ageed
Date: 08-10-2005, 02:14 PM
Parent: #1

دهب شيبون ..مجمر.. وصافي غير تجمير
عسل وادي السدير.. ما ضاقو ضُمة فقير
فارعة بلا الشتيلة الوقفولا غفير
حارسا من عيون الناس ونقد الطير


ود عقيد
Post: #420
Title: Re: مسدار يا أهل المسادير ((2005))
Author: نادية عثمان
Date: 08-10-2005, 03:04 PM
Parent: #418

ربيكا وفاطمة جن شايلات جريد نخلاتن

اخوات من زمان عايشات محنة حلاتن

فى خلوة وكنيسة دوام معا صلواتن

فى شان الوطن بيضحوا بيها حياتن
Post: #422
Title: Re: مسدار يا أهل المسادير ((2005))
Author: munswor almophtah
Date: 08-10-2005, 05:03 PM
Parent: #420

ربيكا وفاطمة جن شايلات جريد نخلاتن

اخوات من زمان عايشات محنة حلاتن

فى خلوة وكنيسة دوام معا صلواتن

فى شان الوطن بيضحوا بيها حياتن



الله يوحدن وإرفع عظيم محناتن
ويبقن للوطن لولايه ليهو يتاتن
ومره مع البهاتو البى سلامتو يهاتن
وقبل الآخرين فى شان بناهو يتنادن

منصور
Post: #421
Title: Re: مسدار يا أهل المسادير ((2005))
Author: munswor almophtah
Date: 08-10-2005, 04:37 PM
Parent: #418

دهب شيبون ..مجمر.. وصافي غير تجمير
عسل وادي السدير.. ما ضاقو ضُمة فقير
ندوية الشتيلة الوقفولا غفير
حارسا من عيون الناس ونقد الطير


ود عقيد


دهب شيبون حارسنو ناس ود بمبا
ما تطيل الكلام سيافى أقعد جنبا
حارسين الشتول قانصين عيونهم لمبا
مافيش عين تشوف مافيش طيور بالجمبا


منصور
Post: #423
Title: Re: مسدار يا أهل المسادير ((2005))
Author: Abdulla Ageed
Date: 08-11-2005, 06:53 AM
Parent: #1

Quote: دهب شيبون حارسنو ناس ود بمبا
ما تطيل الكلام سيافى أقعد جنبا
حارسين الشتول قانصين عيونهم لمبا
مافيش عين تشوف مافيش طيور بالجمبا


منصور


يا شاعرنا نحن اصحاب شعور ومحبا
ما بنتخطى حدنا ما بندور الحبا
وكتين الجمال يتوارى ناخد شبّة
عزّنا من قديم مرفوع -وحاتك- قُبة

بس عاد شِن تقول.. يقطع خبر ها النمّة
نسعد بيها بلحيل غيرا كيف ما انتمّ
نجرّها بي فرح بس شان تكِشف الغُمّة
نطرِب وننطرب .. بي شينة ما بننزمّا

ود عقيد
Post: #424
Title: Re: مسدار يا أهل المسادير ((2005))
Author: نادية عثمان
Date: 08-11-2005, 08:07 AM
Parent: #423

Quote: بس عاد شِن تقول.. يقطع خبر ها النمّة
نسعد بيها بلحيل غيرا كيف ما انتمّ
نجرّها بي فرح بس شان تكِشف الغُمّة
نطرِب وننطرب .. بي شينة ما بننزمّا


أهل النمّة هوى بعرف قلوبكم صافية

اولاد القبائل ياملوك القافية

غزلكم جد عفيف جاد من قلوب غير جافية

منصور قول عقيد موزون وحجتو كافية
Post: #425
Title: Re: مسدار يا أهل المسادير ((2005))
Author: munswor almophtah
Date: 08-11-2005, 12:43 PM
Parent: #424

هوى يا ود عقيد جاك الإذن من فوق
منو البقدر يقول الرقبه دايره الطوق
ناديا مأصله وعارفه الغزل بس ذوق
وعارفانا مخرفين عارفا البجح بالشوق

منصور
Post: #429
Title: Re: مسدار يا أهل المسادير ((2005))
Author: نادية عثمان
Date: 08-11-2005, 02:20 PM
Parent: #425

Quote: هوى يا ود عقيد جاك الإذن من فوق
منو البقدر يقول الرقبه دايره الطوق
ناديا مأصله وعارفه الغزل بس ذوق
وعارفانا مخرفين عارفا البجح بالشوق




تبروا من الخرف ياناس ومن اللوم

تفاح قولكم انتو وماهو شيح او دوم

شن فيها الحياة للصارى ديمة يزوم

كلها شق كفن ومن التراب بس كوم!!!
Post: #427
Title: Re: مسدار يا أهل المسادير ((2005))
Author: munswor almophtah
Date: 08-11-2005, 01:02 PM
Parent: #424

أهل النمّة هوى بعرف قلوبكم صافية

اولاد القبائل ياملوك القافية

غزلكم جد عفيف جاد من قلوب غير جافية

منصور قول عقيد موزون وحجتو كافية


صافيه كما الحليب يا ناديا حالقه وحافيه
وجد أولاد قبايل حب قلوبهم عفه لامن شافيه
غزلا زى درس يبعث رسايل شامله جامعه وضافيه
وضمه قلوبنا ليك حتى الوقوف حاشاها تب مى جافيه


منصور
Post: #428
Title: Re: مسدار يا أهل المسادير ((2005))
Author: Abdulla Ageed
Date: 08-11-2005, 01:24 PM
Parent: #427

صفانا أصيل موصل للقلوب الصافية
صفا الصيني المصوبن وستو ساكنة الصافية
الصايبنا صابنا وصدّ .. صدمتو كافية
صواريخو الموجهة صررر تجيك متلافية
Post: #426
Title: Re: مسدار يا أهل المسادير ((2005))
Author: Abdulla Ageed
Date: 08-11-2005, 12:56 PM
Parent: #1

تبروا من الخرف ياناس ومن اللوم

تفاح قولكم انتو وماهو شيح او دوم

شن فيها الحياة للصارى ديمة يزوم

كلها شق كفن ومن التراب بس كوم!!!


نادية عثمان


ــــــــــــــ

تسلمي إنتي يا ملكة بلادنا عموم
ست كل البنات من حلفا لا الخرتوم
منصور الأصيل كرمك يمين مردوم
فرسك ديما سابق حاشا مو مزموم

ود عقيد
Post: #430
Title: Re: مسدار يا أهل المسادير ((2005))
Author: munswor almophtah
Date: 08-11-2005, 03:02 PM
Parent: #426

تبروا من الخرف ياناس ومن اللوم

تفاح قولكم انتو وماهو شيح او دوم

شن فيها الحياة للصارى ديمة يزوم

كلها شق كفن ومن التراب بس كوم!!!


ناديا الدهب فى السوق جزم معدوم
وفوق راسا العلم فوق راسو طيرو تحوم
كان قلنا اللهيج بس راحة الحلقوم
وكان قلنا الفريع فارعه وفراشها رهوم

منصور
Post: #431
Title: Re: مسدار يا أهل المسادير ((2005))
Author: munswor almophtah
Date: 08-11-2005, 03:22 PM
Parent: #430

تسلمي إنتي يا ملكة بلادنا عموم
ست كل البنات من حلفا لا الخرتوم
منصور الأصيل كرمك يمين مردوم
فرسك ديما سابق حاشا مو مزموم

ود عقيد


ست البنات يا ود عقيد أم قوم
وبجزيها الإله الحانيه جامعه الكوم
كرما للعقيد جنحاتو خاليه عموم
وفرسك يا العقيد سباق ليالى ويوم


منصور
Post: #433
Title: Re: مسدار يا أهل المسادير ((2005))
Author: نادية عثمان
Date: 08-11-2005, 03:42 PM
Parent: #430

QUOTE]ناديا الدهب فى السوق جزم معدوم
وفوق راسا العلم فوق راسو طيرو تحوم
كان قلنا اللهيج بس راحة الحلقوم
وكان قلنا الفريع فارعه وفراشها رهوم





منصور الجميل انشاء الله ريدنا يدوم

ريد لى الله بس يغسل بواقى هموم

بشوف فيك الأمل ماك الغراب الشوم

راجل اخو البنات ناس عشة بت كلتوم
Post: #432
Title: Re: مسدار يا أهل المسادير ((2005))
Author: نادية عثمان
Date: 08-11-2005, 03:24 PM
Parent: #426

Quote: تسلمي إنتي يا ملكة بلادنا عموم
ست كل البنات من حلفا لا الخرتوم
منصور الأصيل كرمك يمين مردوم
فرسك ديما سابق حاشا مو مزموم




تسلم ود عقيد ماك العوير البوم

راجل ود ابوك فوقك ملائكة تحوم

ماك خامل دوام تأكل وتمشى تنوم

عاشق للدليب وللنمّة والمردوم
Post: #434
Title: Re: مسدار يا أهل المسادير ((2005))
Author: نادية عثمان
Date: 08-12-2005, 10:39 AM
Parent: #432

منصور الجميل انشاء الله ريدنا يدوم

ريد لى الله بس يغسل بواقى هموم

بشوف فيك الأمل ماك الغراب الشوم

راجل اخو البنات ناس عشة بت كلتوم
Post: #435
Title: Re: مسدار يا أهل المسادير ((2005))
Author: Yahia Abd El Kareem
Date: 08-12-2005, 12:22 PM
Parent: #434

المنصور دايما فحل يتفاخرنبو ديوم
ريس مركب وحادى قوافل وسيد الرباعة عموم
شيال تقيلة عشاى ضيف وما بغيرنو هموم
حايز فى الادب والذوق مراتب ونضمو كله علوم
Post: #436
Title: Re: مسدار يا أهل المسادير ((2005))
Author: نادية عثمان
Date: 08-12-2005, 02:45 PM
Parent: #435

منبر جد غريب فيهو الشكل بالكوم

زوارنا الكرام قد شبهوه بالبوم

شان فيهو النعيق وخلق تجوط وتزوم

ساكين الفرح لكن قدرنا هموم!!
Post: #437
Title: Re: مسدار يا أهل المسادير ((2005))
Author: نادية عثمان
Date: 08-12-2005, 02:45 PM
Parent: #435

منبر جد غريب فيهو الشكل بالكوم

زوارنا الكرام قد شبهوه بالبوم

شان فيهو النعيق وخلق تجوط وتزوم

ساكين الفرح لكن قدرنا هموم!!
Post: #440
Title: Re: مسدار يا أهل المسادير ((2005))
Author: munswor almophtah
Date: 08-12-2005, 07:44 PM
Parent: #437

منبر جد غريب فيهو الشكل بالكوم

زوارنا الكرام قد شبهوه بالبوم

شان فيهو النعيق وخلق تجوط وتزوم

ساكين الفرح لكن قدرنا هموم!!

شكلا فى المنابر ضمه جاب اللوم
وزاول للبنات جافن عيونن نوم
زوارو قالو خلاص عرفنا اليوم
ودايرين غيرو تانى لادواس لا هموم


منصور
Post: #438
Title: Re: مسدار يا أهل المسادير ((2005))
Author: munswor almophtah
Date: 08-12-2005, 07:02 PM
Parent: #435

المنصور دايما فحل يتفاخرنبو ديوم
ريس مركب وحادى قوافل وسيد الرباعة عموم
شيال تقيلة عشاى ضيف وما بغيرنو هموم
حايز فى الادب والذوق مراتب ونضمو كله علوم

يحي براك خراب يالحاشا خاتى اللوموم
غير ما تقول كلام معروف دليل القوم
ضوك زى فراقد الليل شهاب ونجوم
وأسدا فى الخلاء ولبواتو حولو تحوم

منصور
Post: #439
Title: Re: مسدار يا أهل المسادير ((2005))
Author: munswor almophtah
Date: 08-12-2005, 07:23 PM
Parent: #434

منصور الجميل انشاء الله ريدنا يدوم

ريد لى الله بس يغسل بواقى هموم

بشوف فيك الأمل ماك الغراب الشوم

راجل اخو البنات ناس عشة بت كلتوم

ناديه المدرسه الكالفانا نحن علوم
ويا وز الجزاير جايلا فوقنا تعوم
يا صايغ الشعر دهب الكلام منضوم
ويا ملكة ملايكه الحور عشانا تقوم

منصور
Post: #441
Title: Re: مسدار يا أهل المسادير ((2005))
Author: nashaat elemam
Date: 08-13-2005, 09:29 AM
Parent: #439

قولك انت ديمه خاتي الغلط واللوم
وناديه النادية جات بحداك تحوم
صبحت زي قمر ونجومو حولو تحوم
ونحنا صبحنا بالطرف المجافي النوم
Post: #443
Title: Re: مسدار يا أهل المسادير ((2005))
Author: Yahia Abd El Kareem
Date: 08-13-2005, 10:16 AM
Parent: #441

نادية السماحة والظرف والادب بالكوم
وللمسدار وشاح تضوى الليالى نجوم
داك العقيد طربان ونشات الفكه ولزوم
دار منصور أخوى لولو فى عقد منضوم
Post: #446
Title: Re: مسدار يا أهل المسادير ((2005))
Author: munswor almophtah
Date: 08-13-2005, 05:21 PM
Parent: #443

نادية السماحة والظرف والادب بالكوم
وللمسدار وشاح تضوى الليالى نجوم
داك العقيد طربان ونشات الفكه ولزوم
دار منصور أخوى لولو فى عقد منضوم



يحى أخو البنات مالك بقيت مهموم
وجيتك ذاتا قلت متل التقول مخدوم
أرجع زى زمان جيب الأزاهير كوم
ونركب تانى نقنص للغزال دون لوم

منصور
Post: #445
Title: Re: مسدار يا أهل المسادير ((2005))
Author: munswor almophtah
Date: 08-13-2005, 05:07 PM
Parent: #441

قولك انت ديمه خاتي الغلط واللوم
وناديه النادية جات بحداك تحوم
صبحت زي قمر ونجومو حولو تحوم
ونحنا صبحنا بالطرف المجافي النوم

اللوم والغلط باريانا ديمه عموم
وناديا كما الهزار سابقانا ضحوه ويوم
طرازة نظم فصالا ليها هدوم
وزاعة علم بالسيسى لينا شموم

منصور
Post: #447
Title: Re: مسدار يا أهل المسادير ((2005))
Author: نادية عثمان
Date: 08-13-2005, 05:28 PM
Parent: #441

Quote: قولك انت ديمه خاتي الغلط واللوم
وناديه النادية جات بحداك تحوم
صبحت زي قمر ونجومو حولو تحوم
ونحنا صبحنا بالطرف المجافي النوم



انا اخت الرجال مسرورة بيكم جد

من بحر الكلام القافية زايدة المد

انتو شموس بلادى واملو شان الغد

بيكم صرحو قايم اصلو مابنهد !!
Post: #450
Title: Re: مسدار يا أهل المسادير ((2005))
Author: munswor almophtah
Date: 08-14-2005, 11:34 AM
Parent: #447

انا اخت الرجال مسرورة بيكم جد

من بحر الكلام القافية زايدة المد

انتو شموس بلادى واملو شان الغد

بيكم صرحو قايم اصلو مابنهد !!


جد أخت الرجال يا ناديا فايته الحد
ويا قمر السماء النجماتو ما بتنعد
واقفه كما الجبال حاشاها ما بتنهد
وارثه المكرمات من كل سالف جد

منصور
Post: #442
Title: Re: مسدار يا أهل المسادير ((2005))
Author: نادية عثمان
Date: 08-13-2005, 10:14 AM
Parent: #439

Quote: ناديه المدرسه الكالفانا نحن علوم
ويا وز الجزاير جايلا فوقنا تعوم
يا صايغ الشعر دهب الكلام منضوم
ويا ملكة ملايكه الحور عشانا تقوم



عاد الليلة رأسى كبر كما البالون

ومن خجلى الشديد بقى وشى خاطف لون

توجتونى ملكة وضمّة مالكة الكون

كفاى قولا سمح ماتزيدوا جنى جنون !!
Post: #444
Title: Re: مسدار يا أهل المسادير ((2005))
Author: munswor almophtah
Date: 08-13-2005, 04:51 PM
Parent: #442

عاد الليلة رأسى كبر كما البالون

ومن خجلى الشديد بقى وشى خاطف لون

توجتونى ملكة وضمّة مالكة الكون

كفاى قولا سمح ماتزيدوا جنى جنون !!



رأسك ما كبر كبرت عشانو شجون
ولونك ديمه خاطف لونو من ليمون
ملكه كما النيازك فى فلك عرجون
وجنك ماهو جن لكن مخارجو فنون

منصور
Post: #448
Title: Re: مسدار يا أهل المسادير ((2005))
Author: بخاري بشير
Date: 08-14-2005, 09:27 AM
Parent: #444

يارب يا كريم أدينا عافية تدوم
ومن خيرا الكتير أرفد شملنا عموم
منصورنا أبو الكلام وعقيدنا حارس القوم
ويحي أخو البنات وندوية خاتية اللوم

////////////////////

منصورنا أبو الكلام يديك محل ماتروم
وحالفين نبرى دربك بالكلام "منظوم"
في أصلك مأصل وبالنميم مغروم
وكل ما نشابي ليك نلقاك علوت نجوم

///////////////////////

عقيدنا الفي الرياض فوقو المكارم كوم
منور بالقصيد أيامنا خاص وعموم
ياك "ود الحليلة" بي حلو الخصال موسوم
وفوق بحر الشعر إيدك تعرفو العوم

//////////////////////////

يحي أخو البنات ليك المديح مردوم
سابق للمعاك سمحك دوام معلوم
في درب الشعر خيلك "برنجي" تحوم
كارب في النميم أزلت عني هموم

/////////////////////////

يانادية الإجتماع من غير نمتك مأزوم
وماسخ دون وجودك انت العسل مختوم
معزور "ود عقيد" هضرب تقول محموم
من عنب الكلام ال"بالوقار" ملجوم
Post: #449
Title: Re: مسدار يا أهل المسادير ((2005))
Author: نادية عثمان
Date: 08-14-2005, 10:51 AM
Parent: #448

يوم خلقو الجمال اداهو لى حواتنا

الوجه الصبوح اتميزنبو بناتنا

وكت يكفوا القدور نطلع شبه اماتنا

سمحات بالوراثة الأصل حبوباتنا
Post: #452
Title: Re: مسدار يا أهل المسادير ((2005))
Author: Abdulla Ageed
Date: 08-14-2005, 11:58 AM
Parent: #449

Quote: يوم خلقو الجمال اداهو لى حواتنا

الوجه الصبوح اتميزنبو بناتنا

وكت يكفوا القدور نطلع شبه اماتنا

سمحات بالوراثة الأصل حبوباتنا



يوم خلقو الجمال أدوكي منو زيادة
والوجه الصبوح زانو الخديد السادة
أماتك جمالن باهي خارق العادة
كل الشافو لا بيحلالو نوم لا وسادة
Post: #458
Title: Re: مسدار يا أهل المسادير ((2005))
Author: نادية عثمان
Date: 08-14-2005, 05:19 PM
Parent: #449

Quote: يانادية الإجتماع من غير نمتك مأزوم
وماسخ دون وجودك انت العسل مختوم
معزور "ود عقيد" هضرب تقول محموم
من عنب الكلام ال"بالوقار" ملجوم



تسلم ود بشير النمّة غيرك شينة

تعال ماتغيب كتير وتزيد همومنا علينا

الشقا قال تعالو حلفنا نحنا ابينا

نشيل فرحتنا بس والحب كمان فى عنينا
Post: #451
Title: Re: مسدار يا أهل المسادير ((2005))
Author: munswor almophtah
Date: 08-14-2005, 11:46 AM
Parent: #448

يارب يا كريم أدينا عافية تدوم
ومن خيرا الكتير أرفد شملنا عموم
منصورنا أبو الكلام وعقيدنا حارس القوم
ويحي أخو البنات وندوية خاتية اللوم

راوى الحديث إن شاء الله حالنا يدوم
ونفرح ديمه لا مغبون ولا مهموم
يحى أخو البنات حاشاهو خاتى اللوم
وناديا كما العقيد إبداع يجول ويحوم

منصور
Post: #453
Title: Re: مسدار يا أهل المسادير ((2005))
Author: munswor almophtah
Date: 08-14-2005, 12:01 PM
Parent: #448

منصورنا أبو الكلام يديك محل ماتروم
وحالفين نبرى دربك بالكلام "منظوم"
في أصلك مأصل وبالنميم مغروم
وكل ما نشابي ليك نلقاك علوت نجوم


دربى هداك معبد يا البخارى تعوم
ونظمك داك منجض للجميع مهضوم
حاشاهو الكسر راقص تمام منضوم
وزى قدلة عريس دقولو ناس تمتم

منصور
Post: #454
Title: Re: مسدار يا أهل المسادير ((2005))
Author: Abdulla Ageed
Date: 08-14-2005, 12:55 PM
Parent: #1


يا منصور اخوك بخاري قولو لزوم
وكل ما قالو فيك حقك يمين ملزوم
في أصلك مأصل وبالنميم مغروم
وكل ما نشابي ليك نلقاك علوت نجوم
Post: #455
Title: Re: مسدار يا أهل المسادير ((2005))
Author: munswor almophtah
Date: 08-14-2005, 04:34 PM
Parent: #454

عقيدنا الفي الرياض فوقو المكارم كوم
منور بالقصيد أيامنا خاص وعموم
ياك "ود الحليلة" بي حلو الخصال موسوم
وفوق بحر الشعر إيدك تعرفو العوم



مكارما فى العقيد تابعاهو لازما لزوم
ويا راوى الحديث قوام صلاتو و صوم
ملكا من جعل ما عندو زول مظلوم
وزى عدل الشطر ما بخلى زول محروم


منصور
Post: #456
Title: Re: مسدار يا أهل المسادير ((2005))
Author: munswor almophtah
Date: 08-14-2005, 04:53 PM
Parent: #455

يحي أخو البنات ليك المديح مردوم
سابق للمعاك سمحك دوام معلوم
في درب الشعر خيلك "برنجي" تحوم
كارب في النميم أزلت عني هموم

يحى أخو البنات سرديب يمين وقاف
وساعات الكتال فرنيب جزم ما بخاف
فوق حدب الجمال فحل الخلاء المابعاف
وساعات الغزل عراف دقيق وصاف


منصور
Post: #457
Title: Re: مسدار يا أهل المسادير ((2005))
Author: munswor almophtah
Date: 08-14-2005, 05:11 PM
Parent: #456

يانادية الإجتماع من غير نمتك مأزوم
وماسخ دون وجودك انت العسل مختوم
معزور "ود عقيد" هضرب تقول محموم
من عنب الكلام ال"بالوقار" ملجوم


راوى الحديث أدينا فرصه ننوم
ونما فى هجعة الليل ملانا هموم
ناديا مجضمه الدوبيت تمام منضوم
وكان قلت العقيد صايغ جزم مفهوم


منصور
Post: #459
Title: Re: مسدار يا أهل المسادير ((2005))
Author: nashaat elemam
Date: 08-15-2005, 01:25 AM
Parent: #457

الليله المسادير جابت دمع محموم
وناس ود عقيد باكين بكا المغروم
منصور اخوي بالجد خلاص مأزوم
وبخاري خلااااص في بحرو غلبو العوم

اريتك جيتي من بدري دي الحله نورتيها
نار شوقك بشوفا وسط جنياتنا ولعتيها
يا ناديه الزامله قبلك حبة حسن ما فيها
جيتي الليله ضويتي وحت ارواحنا نعنشتيها
Post: #460
Title: Re: مسدار يا أهل المسادير ((2005))
Author: نادية عثمان
Date: 08-15-2005, 10:42 AM
Parent: #459

Quote: اريتك جيتي من بدري دي الحله نورتيها
نار شوقك بشوفا وسط جنياتنا ولعتيها
يا ناديه الزامله قبلك حبة حسن ما فيها
جيتي الليله ضويتي وحت ارواحنا نعنشتيها



شلع نوركم يمين نوّر دروب دنياى

منصور الجميل وبخارى جد غناى

عبد الله العقيد ماتقولوا زول بكاى

نشأت ود امامنا اريتو يمة جناى !!
Post: #464
Title: Re: مسدار يا أهل المسادير ((2005))
Author: nashaat elemam
Date: 08-15-2005, 12:25 PM
Parent: #460

Quote: شلع نوركم يمين نوّر دروب دنياى
منصور الجميل وبخارى جد غناى
عبد الله العقيد ماتقولوا زول بكاى
نشأت ود امامنا اريتو يمة جناى !!


شلع نور خدودك نور نواحي الحته
هدم لحصونا خلى الصبر اتحته
الخلاني ضارب للاخماس في سته
الجيد الحكى جيد الغزال في اللفته
Post: #465
Title: Re: مسدار يا أهل المسادير ((2005))
Author: بخاري بشير
Date: 08-15-2005, 12:36 PM
Parent: #464

الغزل الصريح المنو دابت الجتة
من نشأت هناك لي ود عقيد في اللفتة
المسدار منور بيكم انتو الستة
وراجين المليكة تطل تزور الحتة
Post: #467
Title: Re: مسدار يا أهل المسادير ((2005))
Author: نادية عثمان
Date: 08-15-2005, 02:10 PM
Parent: #464

Quote: شلع نور خدودك نور نواحي الحته
هدم لحصونا خلى الصبر اتحته
الخلاني ضارب للاخماس في سته
الجيد الحكى جيد الغزال في اللفته



ياود الامام سمح الحديث فى لسانك

يالغزلك عفيف فوق للثريا مكانك

تسلم ود ابوى حبيت رقبتى عشانك

كفاى نم السرور عامر دوام ديوانك
Post: #474
Title: Re: مسدار يا أهل المسادير ((2005))
Author: munswor almophtah
Date: 08-15-2005, 05:49 PM
Parent: #467

ياود الامام سمح الحديث فى لسانك

يالغزلك عفيف فوق للثريا مكانك

تسلم ود ابوى حبيت رقبتى عشانك

كفاى نم السرور عامر دوام ديوانك


ود الإمام المولى عظم شأنك
طرقلك لسانك علبيهو بكانك
رقصنلك بنات حرفك درر تبيانك
وندو منديه الصالون دا كلو عشانك

منصور
Post: #613
Title: Re: مسدار يا أهل المسادير ((2005))
Author: Abdulla Ageed
Date: 08-25-2005, 06:53 AM
Parent: #454

يوم خلقو الجمال أدوكي منو زيادة
والوجه الصبوح زانو الخديد السادة
أماتك جمالن باهي خارق العادة
كل الشافو لا بيحلالو نوم لا وسادة

ود عقيد
Post: #461
Title: Re: مسدار يا أهل المسادير ((2005))
Author: Abdulla Ageed
Date: 08-15-2005, 11:47 AM
Parent: #1

يا منصور اخوي الليلة جيتك شاكي
من نشأت ويحيا ومن بخاري الحاكي
حاسدين نمّي فوق الطيبة دايما ذاكي
شايلين حالي قالو عليَّ دايما باكي


ود عقيد
Post: #462
Title: Re: مسدار يا أهل المسادير ((2005))
Author: nashaat elemam
Date: 08-15-2005, 11:58 AM
Parent: #461

يا ود عقيد بتشكي للداير يشكي؟
منصورك موتب في غرامو بيحكي
وبخاري الاصم دمعو دافر ببكي
يا نادية الشبكتي دايرين براكي تفكي
Post: #463
Title: Re: مسدار يا أهل المسادير ((2005))
Author: بخاري بشير
Date: 08-15-2005, 12:23 PM
Parent: #462

الليلة العقيد جدادو فينا بكاكي
وللمنصور سبقنا ولينا اصبح شاكي
نادية نداكي بادي و ما بنشوفو أزاكي
داااك القمري نازل فوق ديارك راكي
Post: #473
Title: Re: مسدار يا أهل المسادير ((2005))
Author: munswor almophtah
Date: 08-15-2005, 05:22 PM
Parent: #463

الليلة العقيد جدادو فينا بكاكي
وللمنصور سبقنا ولينا اصبح شاكي
نادية نداكي بادي و ما بنشوفو أزاكي
داااك القمري نازل فوق ديارك راكي

ود العقيد الوزو سابح يكاكى
ثابت قلبو ما خلعنو جاهن جاكى
ياود بشير بابك أخيرلك تاكى
شايف نضمك الممحوق وماسخ وفاكى


منصور
Post: #468
Title: Re: مسدار يا أهل المسادير ((2005))
Author: munswor almophtah
Date: 08-15-2005, 02:13 PM
Parent: #462

يا ود عقيد بتشكي للداير يشكي؟
منصورك موتب في غرامو بيحكي
وبخاري الاصم دمعو دافر ببكي
يا نادية الشبكتي دايرين براكي تفكي



نشأت تعال مالك بتلجق تحكى
ومين قالك بهضرب بالغرام أو بشكى
ثابت قلبى مليان فى العشق متوكى
وعلا بشوف رويسك من رقيبتو إنفكى


منصور
Post: #481
Title: Re: مسدار يا أهل المسادير ((2005))
Author: nashaat elemam
Date: 08-16-2005, 01:12 AM
Parent: #468

يا منصور أخوي باكي الغرام ما سبه
بس ود عقيد دايرين نصبرو حبه
زولاً قلبو دايب تب وبالغرام اتعبه
واخوك بعرف تمام وجايع الحبه
Post: #466
Title: Re: مسدار يا أهل المسادير ((2005))
Author: munswor almophtah
Date: 08-15-2005, 01:55 PM
Parent: #461

يا منصور اخوي الليلة جيتك شاكي
من نشأت ويحيا ومن بخاري الحاكي
حاسدين نمّي فوق الطيبة دايما ذاكي
شايلين حالي قالو عليَّ دايما باكي


ود عقيد


مك بكاى جبان بكاى عفيفا وافى
وضيفك فى الهجوع بلقاك مشمر حافى
قولك فى الجمال نزاع ضناهو وشافى
هم دايرين حلوك بس إنت قول يا كافى


منصور
Post: #469
Title: Re: مسدار يا أهل المسادير ((2005))
Author: Yahia Abd El Kareem
Date: 08-15-2005, 02:21 PM
Parent: #466

ياكى نادية ونايرة صبتى العقيد باذاكى
واصبح ينم متل مجنون ظاهر العشوق حباكى
وسبق بالشكوى للمنصور السند وقفلو حداكى
وان لزم الامر داك ودالامام جهز دفاعو معاكى
Post: #470
Title: Re: مسدار يا أهل المسادير ((2005))
Author: نادية عثمان
Date: 08-15-2005, 02:25 PM
Parent: #461

Quote: يا منصور اخوي الليلة جيتك شاكي
من نشأت ويحيا ومن بخاري الحاكي
حاسدين نمّي فوق الطيبة دايما ذاكي
شايلين حالي قالو عليَّ دايما باكي



تسلم ود عقيد ماتشكى غير لى الله

من تبيت تغنى تدوبى فوق الحلة

حاشاك مو لئيم بالحب دوام تتسلى

انت قمر عديل فى سما المسادير هلا
Post: #471
Title: Re: مسدار يا أهل المسادير ((2005))
Author: Abdulla Ageed
Date: 08-15-2005, 02:31 PM
Parent: #470

يوما في الأيام جيت بالبطانة مسافر
راكب ليّ فوق جملا ولوف مو نافر
برزن لي معيزا حُوْ وديفن وافر
يتهادن عِصير قبّال تخُت في كافر


شرفن من بعيد بي مشيةّ متهادية
شافنّي انبهرت تقول جديد في البادية
قالن ليّ نِم وصِّف محاسناً بادية
قُت ليهن شبهكن في المسمية نادية
Post: #472
Title: Re: مسدار يا أهل المسادير ((2005))
Author: نادية عثمان
Date: 08-15-2005, 04:05 PM
Parent: #471

Quote: راوى الحديث إن شاء الله حالنا يدوم
ونفرح ديمه لا مغبون ولا مهموم
يحى أخو البنات حاشاهو خاتى اللوم
وناديا كما العقيد إبداع يجول ويحوم



جيناك ناس جهل ياصاحب الديوان

ضميتنا بحنانك وتانى زدتا حنان

يالمنصور دوام متنعّمين فى جنان

الحب والجمال فاتحلو كم دكان !!
Post: #476
Title: Re: مسدار يا أهل المسادير ((2005))
Author: munswor almophtah
Date: 08-15-2005, 06:20 PM
Parent: #472

جيناك ناس جهل ياصاحب الديوان

ضميتنا بحنانك وتانى زدتا حنان

يالمنصور دوام متنعّمين فى جنان

الحب والجمال فاتحلو كم دكان !!


جيتو بنات لبونكم واقفه ديك تشابا
ياجنيات حبابكم وناديا ذاتا حبابا
جيتوا كما الملوك والروعه فاتحين بابا
يا رسل الجمال ناذرين تبثوا خطابا


منصور
Post: #478
Title: Re: مسدار يا أهل المسادير ((2005))
Author: munswor almophtah
Date: 08-15-2005, 06:34 PM
Parent: #471

يوما في الأيام جيت بالبطانة مسافر
راكب ليّ فوق جملا ولوف مو نافر
برزن لي معيزا حُوْ وديفن وافر
يتهادن عِصير قبّال تخُت في كافر

وخر ديمه فوق بلد البطان ياشاطر
ونيخ فوق حدب مرخو الغزير الوافر
بتلقى مراح من البريب كباشو تدافر
وتلقى أم خيرفون تحتو الأرانب حافر

منصور
Post: #484
Title: Re: مسدار يا أهل المسادير ((2005))
Author: nashaat elemam
Date: 08-16-2005, 01:51 AM
Parent: #471

يوما في الأيام جيت بالبطانة مسافر
راكب ليّ فوق جملا ولوف مو نافر
برزن لي معيزا حُوْ وديفن وافر
يتهادن عِصير قبّال تخُت في كافر


اتهادى المعيز ما حاسي بي صيادو
القانص ومجهز للمعيز أصفادو
لكن عين المعيز لما جاتو قصادو
اتلبش في الشرك وخلى المعيز هو الصادو
Post: #475
Title: Re: مسدار يا أهل المسادير ((2005))
Author: munswor almophtah
Date: 08-15-2005, 06:04 PM
Parent: #470

تسلم ود عقيد ماتشكى غير لى الله

من تبيت تغنى تدوبى فوق الحلة

حاشاك مو لئيم بالحب دوام تتسلى

انت قمر عديل فى سما المسادير هلا

اليشكى كان شكى وما فيها ليهو مزله
زى خلق الكريم داير الحلوق تمبله
عاشق للغرام هيمان يقول يا الله
أفتح باب جنان داير الغزال والطله


منصور
Post: #477
Title: Re: مسدار يا أهل المسادير ((2005))
Author: نادية عثمان
Date: 08-15-2005, 06:29 PM
Parent: #475

Quote: ياكى نادية ونايرة صبتى العقيد باذاكى
واصبح ينم متل مجنون ظاهر العشوق حباكى
وسبق بالشكوى للمنصور السند وقفلو حداكى
وان لزم الامر داك ودالامام جهز دفاعو معاكى



حاشاهو العقيد مو متهم يازول

بس زيك متيم بى جميل القول

يايحى الغرام شلهت قلوب وعقول

كلنا نعترف فينا الوداد مشتول !!
Post: #479
Title: Re: مسدار يا أهل المسادير ((2005))
Author: munswor almophtah
Date: 08-15-2005, 06:46 PM
Parent: #477

حاشاهو العقيد مو متهم يازول

بس زيك متيم بى جميل القول

يايحى الغرام شلهت قلوب وعقول

كلنا نعترف فينا الوداد مشتول !!

ناديا اللهيج حالف تقول معسول
وزى رطب اللبن باقيلو يوم مبلول
عارفنو العقيد سيف الغرام مسلول
ولاين قلبو لادن حاشا ما بضر زول


منصور
Post: #480
Title: Re: مسدار يا أهل المسادير ((2005))
Author: munswor almophtah
Date: 08-15-2005, 07:05 PM
Parent: #479

شرفن من بعيد بي مشيةّ متهادية
شافنّي انبهرت تقول جديد في البادية
قالن ليّ نِم وصِّف محاسناً بادية
قُت ليهن شبهكن في المسمية نادية

شرفن فوق تمام بريب رقابهن عاليه
شافن جوز كلاب باريا الركاب الشايله
شايلات السلاح لصفن صفايحو الجاليه
فزن فى المراح كربيت عجاجهن باريه


منصور
Post: #482
Title: Re: مسدار يا أهل المسادير ((2005))
Author: nashaat elemam
Date: 08-16-2005, 01:24 AM
Parent: #480

شرفت وجاتني تقدل تحاكي للوزين
يتمايل معاها قليبي شمال ويمين
الدردر فؤادي وقسمو لنصين
الجيد المحزز والحكمة في العينين
Post: #490
Title: Re: مسدار يا أهل المسادير ((2005))
Author: munswor almophtah
Date: 08-16-2005, 02:05 PM
Parent: #482

شرفت وجاتني تقدل تحاكي للوزين
يتمايل معاها قليبي شمال ويمين
الدردر فؤادي وقسمو لنصين
الجيد المحزز والحكمة في العينين



ود لإمام أضغاث حلم باينين
وشوفك للجداد سويتو طب وزين
أتلو البقره فى الآخر وقول يامين
يصد نصفين قليبك دون سغم سالمين


منصور
Post: #498
Title: Re: مسدار يا أهل المسادير ((2005))
Author: nashaat elemam
Date: 08-17-2005, 00:37 AM
Parent: #490

يا منصور أخوي سويتني مع الجانين
وبقيت ما بفرق بين جداد وبين وزين؟
انا الباري الجمال من زمان وسنين
وبعرف بالبصيرة قبل البصر والعين
Post: #483
Title: Re: مسدار يا أهل المسادير ((2005))
Author: nashaat elemam
Date: 08-16-2005, 01:28 AM
Parent: #475

يا منصور أخوي باكي الغرام مو سُبه
بس ود العقيد دايرين نصبرو حبه
زولاً قلبو دايب تب وبالغرام إتعبه
واخوك بعرف تمام لي وجايع الحبه
Post: #491
Title: Re: مسدار يا أهل المسادير ((2005))
Author: munswor almophtah
Date: 08-16-2005, 02:21 PM
Parent: #483

يا منصور أخوي باكي الغرام مو سُبه
بس ود العقيد دايرين نصبرو حبه
زولاً قلبو دايب تب وبالغرام إتعبه
واخوك بعرف تمام لي وجايع الحبه

ود الإمام ودالعقيد من تبا
لامن داك كبر شملول عفيفا شبا
ما شافوهو سارب فى الفريق يدبا
مليان قلبو مطمور بالعفاف ومعبا

منصور
Post: #485
Title: Re: مسدار يا أهل المسادير ((2005))
Author: Abdulla Ageed
Date: 08-16-2005, 11:42 AM
Parent: #1

شكرا لي الدهيب الفي صفاهو أصيل
وشكرا لي الفريع الباهي عودو عديل
الزول الجميل في شكلو.. طبعو جميل
والعجب ان بقيت غنّا وصدح.. يا ليل


ود عقيد
Post: #486
Title: Re: مسدار يا أهل المسادير ((2005))
Author: Abdulla Ageed
Date: 08-16-2005, 12:01 PM
Parent: #1


إن وقفت عديلة متل فريع البان
ونمّها طعمو زي عسل السدير اللان
بي خمرة لهيجة انا ما براي سكران
معاي منصور وكم (زول) في العشق وحلان


ود عقيد
Post: #494
Title: Re: مسدار يا أهل المسادير ((2005))
Author: munswor almophtah
Date: 08-16-2005, 03:29 PM
Parent: #486

إن وقفت عديلة متل فريع البان
ونمّها طعمو زي عسل السدير اللان
بي خمرة لهيجة انا ما براي سكران
معاي منصور وكم (زول) في العشق وحلان


ود عقيد

ثملان بالسيسبان الفى المداين بان
وعود الخيدران السوقو فى أمدرمان
عسلن فى اللهيج زهراتو من رومان
ويا ربي الكريم تلحقنا بالقرآن


منصور
Post: #487
Title: Re: مسدار يا أهل المسادير ((2005))
Author: Abdulla Ageed
Date: 08-16-2005, 12:10 PM
Parent: #1

وخر ديمه فوق بلد البطان ياشاطر
ونيخ فوق حدب مرخو الغزير الوافر
بتلقى مراح من البريب كباشو تدافر
وتلقى أم خيرفون تحت الأرانب حافر

منصور


قبيل صايدت في بلد البطانة اب صور
وحكّر سرجي فوق تيس الخلا اب صنقور
جديّاتا على الهوّاد تقــول بس حور
شالن عقلي تـب خبلنو يا منصور

ود عقيد
Post: #489
Title: Re: مسدار يا أهل المسادير ((2005))
Author: munswor almophtah
Date: 08-16-2005, 01:50 PM
Parent: #487

ياكى نادية ونايرة صبتى العقيد باذاكى
واصبح ينم متل مجنون ظاهر العشوق حباكى
وسبق بالشكوى للمنصور السند وقفلو حداكى
وان لزم الامر داك ودالامام جهز دفاعو معاكى

وين يا يحى إنت وين قعودك فاكى
أصبح من فراق رفقتنا دايما شاكى
ديك بهم المعيز كبرت عشوقن باكى
سوقاك نلحقن والراوى فيهن حاكى


منصور
Post: #495
Title: Re: مسدار يا أهل المسادير ((2005))
Author: munswor almophtah
Date: 08-16-2005, 04:17 PM
Parent: #487

قبيل صايدت في بلد البطانة اب صور
وحكّر سرجي فوق تيس الخلا اب صنقور
جديّاتا على الهوّاد تقــول بس حور
شالن عقلي تـب خبلنو يا منصور

ود عقيد


ابقادوس مجرب فى الصفى مخبور
ولحاق المعيز الفى خلاها خدور
خبار لى دروبن حور جنان فى قصور
وفوق صنقورو صنقر للغرام منصور


منصور
Post: #488
Title: Re: مسدار يا أهل المسادير ((2005))
Author: Abdulla Ageed
Date: 08-16-2005, 01:38 PM
Parent: #1

جيناك ناس جهل ياصاحب الديوان

ضميتنا بحنانك وتانى زدتا حنان

يالمنصور دوام متنعّمين فى جنان

الحب والجمال فاتحلو كم دكان !!

نادية عثمان


المنصور كريم وأصيل اخو الاخوان
وانتي بطلتك زديتي المحنة حنان
دكانكم دوام عامر بكل ما كان
فيه جمال حروف خلاني يوت غمران


ود عقيد
Post: #492
Title: Re: مسدار يا أهل المسادير ((2005))
Author: Abdulla Ageed
Date: 08-16-2005, 02:31 PM
Parent: #1

ود الإمام ودالعقيد من تبا
لامن داك كبر شملول عفيفا شبا
ما شافوهو سارب فى الفريق يدبا
مليان قلبو مطمور بالعفاف ومعبا

منصور


تسلم يا المنصّر ود شيوخ القُبّّة
مفتاح الفهم والراي محل ما انصبّ
نفايلك تامة ما سمعناه خشمك سبّ
دا الحاصل مِزاح ما اظنو فيهو مسبّة

ود عقيد
Post: #493
Title: Re: مسدار يا أهل المسادير ((2005))
Author: نادية عثمان
Date: 08-16-2005, 03:25 PM
Parent: #492

Quote: ناديا اللهيج حالف تقول معسول
وزى رطب اللبن باقيلو يوم مبلول
عارفنو العقيد سيف الغرام مسلول
ولاين قلبو لادن حاشا ما بضر زول



ضراع وطنى الحبيب حاشاهو مو مشلول

منصور فد بيساوى شهود كتار وعدول

الكل فى محاكمو براءة بيلقوا حلول

ياقاضى القضاة انا فى هواك مكتول !!
Post: #496
Title: Re: مسدار يا أهل المسادير ((2005))
Author: munswor almophtah
Date: 08-16-2005, 04:39 PM
Parent: #493

ضراع وطنى الحبيب حاشاهو مو مشلول

منصور فد بيساوى شهود كتار وعدول

الكل فى محاكمو براءة بيلقوا حلول

ياقاضى القضاة انا فى هواك مكتول !!


ضراعك فوق رقاب أعداك حسام مسلول
وجاهل داك عدوك مخبول عقل مخلول
شاكرين عفوك يا ملكه مالكه القول
ويا عقلا مجرب فى النائبات بى عقول

منصور
Post: #497
Title: Re: مسدار يا أهل المسادير ((2005))
Author: نادية عثمان
Date: 08-16-2005, 05:22 PM
Parent: #496

Quote: شكرا لي الدهيب الفي صفاهو أصيل
وشكرا لي الفريع الباهي عودو عديل
الزول الجميل في شكلو.. طبعو جميل
والعجب ان بقيت غنّا وصدح.. يا ليل




شكرا للوليد الشقّا بطن النيل

ساعة الجد يمين يطعن عيون الفيل

المطر الدفق خيران تكبكب سيل

راجل كالأسد تب مابدورلو دليل !!
Post: #499
Title: Re: مسدار يا أهل المسادير ((2005))
Author: نادية عثمان
Date: 08-17-2005, 04:30 AM
Parent: #497

Quote: يا منصور أخوي سويتني مع الجانين
وبقيت ما بفرق بين جداد وبين وزين؟
انا الباري الجمال من زمان وسنين
وبعرف بالبصيرة قبل البصر والعين



ماك الفالصو تب تسوى الدهب ولجين

معروف زول رهافة وضمّة انت حنين

كلنا ياالامام فى صف غرام مسكين

لابنعرف قساوة ولاّ ضرب سكين !!
Post: #500
Title: Re: مسدار يا أهل المسادير ((2005))
Author: Salma Daoud
Date: 08-17-2005, 05:24 AM
Parent: #499

سمحة، وزايدة فوق للسماحه.... فهم

كلامك زين و خابراها زين... ضروب النم

ضوايةً تلالي زي نار فوق علم

أدينا من واحتك ضليلاً فيهو من هجير "منبرنا" ننجم!!
Post: #501
Title: Re: مسدار يا أهل المسادير ((2005))
Author: وجدي الكردي
Date: 08-17-2005, 07:54 AM
Parent: #500

Quote: ودالمفتاح قال:
ود لإمام أضغاث حلم باينين
وشوفك للجداد سويتو طب وزين
أتلو البقره فى الآخر وقول يامين
يصد نصفين قليبك دون سغم سالمين



ورد ودالامام:
يا منصور أخوي سويتني مع الجانين
وبقيت ما بفرق بين جداد وبين وزين؟
انا الباري الجمال من زمان وسنين
وبعرف بالبصيرة قبل البصر والعين


والله يا جماعة امتعتونا.. واصلو في النم السمح ده
Post: #508
Title: Re: مسدار يا أهل المسادير ((2005))
Author: munswor almophtah
Date: 08-17-2005, 03:58 PM
Parent: #501

وجدى الكردى فاتك مولد الإبداع
وفاتك إنت تابع الغث رخيص خداع
عجل بس تعال تلقى الجمال أنواع
وتلقى أفلاك كواكب وللعلوم إشعاع


منصور
Post: #509
Title: Re: مسدار يا أهل المسادير ((2005))
Author: munswor almophtah
Date: 08-17-2005, 04:26 PM
Parent: #500

سلمى مرحب والف مرحب بى قصيدك
كم فرحنا وإبتهلنا وعيدنا عيدك
جيتى بالألواح منمقه من جديدك
وشايله للأشواق محنه وشايله ريدك


منصور
Post: #506
Title: Re: مسدار يا أهل المسادير ((2005))
Author: munswor almophtah
Date: 08-17-2005, 03:22 PM
Parent: #499

ماك الفالصو تب تسوى الدهب ولجين

معروف زول رهافة وضمّة انت حنين

كلنا ياالامام فى صف غرام مسكين

لابنعرف قساوة ولاّ ضرب سكين !!


جنن جن غرام يا ناديا مو جن قيد
ونشات قلبو تام ماهو الأضينه عنيد
عراف المعيز عنقات معيز من صيد
وكمين صاد كباشن فى البوادى وحيد

منصور
Post: #507
Title: Re: مسدار يا أهل المسادير ((2005))
Author: munswor almophtah
Date: 08-17-2005, 03:41 PM
Parent: #497

شكرا للوليد الشقّا بطن النيل

ساعة الجد يمين يطعن عيون الفيل

المطر الدفق خيران تكبكب سيل

راجل كالأسد تب مابدورلو دليل !!


الولد النتر أسدا هبر بالليل
وقضاى القروض لى أهلو شايل الحيل
كاسر فى الدواس سالط صميم بالحيل
عارفاهو العداء وعاشقاهو ضمه الخيل


منصور
Post: #502
Title: Re: مسدار يا أهل المسادير ((2005))
Author: Abdulla Ageed
Date: 08-17-2005, 08:48 AM
Parent: #1

نسيما هبّ بعد النجمتين ما اتخبّن
ذكّرني الجريف العيشو يادوب لبّن
حمول الهم علي قلبي الرهيف ما غبّن
كل ما أقول يزولن من جديد يتربّن


قعاد الغربة طال وبعادنا ما أسعدنا
جمر البين قدُر ما حرّ فوقو قعدنا
قبيل ساعة الفراق ما اظننا اتواعدنا
دحين حبّانّا يبقى طرونا بعد ابعدنا؟


ود عقيد
Post: #503
Title: Re: مسدار يا أهل المسادير ((2005))
Author: nazar hussien
Date: 08-17-2005, 09:21 AM
Parent: #502

لا حححووولا والله اتاري فاتني جنس نضم...
Post: #505
Title: Re: مسدار يا أهل المسادير ((2005))
Author: Abdulla Ageed
Date: 08-17-2005, 02:59 PM
Parent: #503

Quote: لا حححووولا والله اتاري فاتني جنس نضم...



مرحب ود حسين الـ بالوداد مذكور
شايفك جيتنا زائر تاية المنصور
كلماتك جميلة وبالشعر مبهور
مليان بالجمال ومحبّة فايضة بحور


ود عقيد
Post: #513
Title: Re: مسدار يا أهل المسادير ((2005))
Author: munswor almophtah
Date: 08-17-2005, 06:01 PM
Parent: #505

مرحب ود حسين الـ بالوداد مذكور
شايفك جيتنا زائر تاية المنصور
كلماتك جميلة وبالشعر مبهور
مليان بالجمال ومحبّة فايضة بحور


ود عقيد


فيضا من حسين عبا القلوب بمحبه
سرفا للخشيم ما خلا حتة حبه
باريهو الجمال من قلبو داك إنكبه
ومو ندمان عشانو وسدا بابو بضبه

منصور
Post: #504
Title: Re: مسدار يا أهل المسادير ((2005))
Author: نادية عثمان
Date: 08-17-2005, 09:23 AM
Parent: #502

Quote: الليلة العقيد جدادو فينا بكاكي
وللمنصور سبقنا ولينا اصبح شاكي
نادية نداكي بادي و ما بنشوفو أزاكي
داااك القمري نازل فوق ديارك راكي




تسلم ود بشير الريدة مى مقدورة

النمّة العشانها الليلة فتحت دورها

لمانا العشق للكلمة شالع نورها

كلنا ناس جمال والشينة تب منكورة
Post: #510
Title: Re: مسدار يا أهل المسادير ((2005))
Author: نادية عثمان
Date: 08-17-2005, 05:12 PM
Parent: #504

Quote: سمحة، وزايدة فوق للسماحه.... فهم

كلامك زين و خابراها زين... ضروب النم

ضوايةً تلالي زي نار فوق علم

أدينا من واحتك ضليلاً فيهو من هجير "منبرنا" ننجم!!




حلوة الدنيا لو لمتنا ساعة خير

فى بلد الارازل والعجم والطير

هدتنا المنافى النارها باقية سعير

الريد والحنان فى بلدى منو كتير !!
Post: #511
Title: Re: مسدار يا أهل المسادير ((2005))
Author: munswor almophtah
Date: 08-17-2005, 05:32 PM
Parent: #502

نسيما هبّ بعد النجمتين ما اتخبّن
ذكّرني الجريف العيشو يادوب لبّن
حمول الهم علي قلبي الرهيف ما غبّن
كل ما أقول يزولن من جديد يتربّن

الولد الحصد بلداتو عيشو مصبن
وشايل شيلتو طابق لمخشيمن عفن
جايلات فوقو صيداتا عيونهن بقن
سلبنو غرقان فى الغرام وميقن

منصور
Post: #512
Title: Re: مسدار يا أهل المسادير ((2005))
Author: munswor almophtah
Date: 08-17-2005, 05:43 PM
Parent: #502

قعاد الغربة طال وبعادنا ما أسعدنا
جمر البين قدُر ما حرّ فوقو قعدنا
قبيل ساعة الفراق ما اظننا اتواعدنا
دحين حبّانّا يبقى طرونا بعد ابعدنا؟


ود عقيد


إتغربنا من فاس مده إتبعدنا
نارا من جحيم فوق راسا نحن قعدنا
خلينا المراح بى خيرو ما ساعدنا
فارقنا الصحاب بى حرقه ما أتواعدنا


منصور
Post: #515
Title: Re: مسدار يا أهل المسادير ((2005))
Author: nashaat elemam
Date: 08-18-2005, 02:17 AM
Parent: #512

إتغربنا من فاس مده إتبعدنا
نارا من جحيم فوق راسا نحن قعدنا
خلينا المراح بى خيرو ما ساعدنا
فارقنا الصحاب بى حرقه ما أتواعدنا

منصور

اتغربتو من الديار الا من القلوب حاشاكم
لازمين حشاشاتا وبي حنان راشاكم
نار الغربة سائل ربي ما تغشاكم
ترتعو في النعيم كل صباح وعشاكم

نشأت
Post: #524
Title: Re: مسدار يا أهل المسادير ((2005))
Author: munswor almophtah
Date: 08-18-2005, 12:56 PM
Parent: #515

اتغربتو من الديار الا من القلوب حاشاكم
لازمين حشاشاتا وبي حنان راشاكم
نار الغربة سائل ربي ما تغشاكم
ترتعو في النعيم كل صباح وعشاكم

نشأت


ود الإمام أشواقنا شابكه شجاكم
وشوق الغربه نار إن شاء ما يغشاكم
راكزين فى البلد صيداتو تتمناكم
ضايقين مرارتو إنشاء الله عسلو هناكم

منصور
Post: #514
Title: Re: مسدار يا أهل المسادير ((2005))
Author: nashaat elemam
Date: 08-18-2005, 01:16 AM
Parent: #1

قعاد الغربة طال وبعادنا ما أسعدنا
جمر البين قدُر ما حرّ فوقو قعدنا
قبيل ساعة الفراق ما اظننا اتواعدنا
دحين حبّانّا يبقى طرونا بعد ابعدنا؟

ود عقيد

قعاد الغربة طال ونحن في رجيتكم
والجمر اب لهب بتطفي بس شوفتكم
موعودين معاكم يوم تهل طلتكم
نعيد الذكرى تاني ونشتلا محبتكم
ود الامام
Post: #516
Title: Re: مسدار يا أهل المسادير ((2005))
Author: nazar hussien
Date: 08-18-2005, 03:41 AM
Parent: #514

مرحب ود حسين الـ بالوداد مذكور
شايفك جيتنا زائر تاية المنصور
كلماتك جميلة وبالشعر مبهور
مليان بالجمال ومحبّة فايضة بحور


حبابك ود عقيد والتاية عامرة وتامه
بي المنصور وصحبو ان شاء الله دايما لامه

باهرني العسل يا ود عقيد وكلامها
انجع من محيريب للبطون الطامه

كم هضربت في بلد العجم والتامه
ملدوغ في حشاي وكلاي بقت مي جامه

دايراستريح في التايةختو حزامها
ما تخلوها تجفل كربوه لجامها
Post: #526
Title: Re: مسدار يا أهل المسادير ((2005))
Author: munswor almophtah
Date: 08-18-2005, 01:25 PM
Parent: #516

حبابك ود عقيد والتاية عامرة وتامه
بي المنصور وصحبو ان شاء الله دايما لامه

باهرني العسل يا ود عقيد وكلامها
انجع من محيريب للبطون الطامه

كم هضربت في بلد العجم والتامه
ملدوغ في حشاي وكلاي بقت مي جامه

دايراستريح في التايةختو حزامها
ما تخلوها تجفل كربوه لجامها


براك يا ود حسين نخشى الحروب والطامه
وعسلا فالو خشمك يا مديد القامه
تبرا من الشقاوه ومن ثعابين سامه
أجلس بارتياح وأسمع عسيلو كلامه

منصور
Post: #525
Title: Re: مسدار يا أهل المسادير ((2005))
Author: munswor almophtah
Date: 08-18-2005, 01:11 PM
Parent: #514

قعاد الغربة طال ونحن في رجيتكم
والجمر اب لهب بتطفي بس شوفتكم
موعودين معاكم يوم تهل طلتكم
نعيد الذكرى تاني ونشتلا محبتكم
ود الامام


ود الأمام زاحفين أرض جاينك
يا جبلا أشم مطر السعود خايفنك
قبال الفراق ياريتنا كان شايفنك
نحن كتلنا فيكم وأنت زايع فنك


منصور
Post: #517
Title: Re: مسدار يا أهل المسادير ((2005))
Author: nashaat elemam
Date: 08-18-2005, 03:55 AM
Parent: #1

ماك الفالصو تب تسوى الدهب ولجين
معروف زول رهافة وضمّة انت حنين
كلنا ياالامام فى صف غرام مسكين
لابنعرف قساوة ولاّ ضرب سكين !!
نادية

تسوي الدر انتي زبرجدو وياقوتو
والمنبر بلاك قربنا نحنا نفوتو
فاردة اريج دعاشك مضمخاها بيوتو
والحايم حداك حرّم دنا يوم موتو
نشأت
Post: #518
Title: Re: مسدار يا أهل المسادير ((2005))
Author: نادية عثمان
Date: 08-18-2005, 04:54 AM
Parent: #517

Quote: حبابك ود عقيد والتاية عامرة وتامه
بي المنصور وصحبو ان شاء الله دايما لامه

باهرني العسل يا ود عقيد وكلامها
انجع من محيريب للبطون الطامه

كم هضربت في بلد العجم والتامه
ملدوغ في حشاي وكلاي بقت مي جامه

دايراستريح في التايةختو حزامها
ما تخلوها تجفل كربوه لجامها



تعال أرجع حبابك نحنا مشتاقين

اللمّة الجميلة دى فال عديلة وزين

ماتفارقنا تجفل ياجنا الصالحين

تسلم أمك الوالداك وعم حسين
Post: #528
Title: Re: مسدار يا أهل المسادير ((2005))
Author: munswor almophtah
Date: 08-18-2005, 01:45 PM
Parent: #518

تعال أرجع حبابك نحنا مشتاقين

اللمّة الجميلة دى فال عديلة وزين

ماتفارقنا تجفل ياجنا الصالحين

تسلم أمك الوالداك وعم حسين


وزايد شوقنا نار يا ناديا حرانين
ودايرين لمه زى ما قلتى طربانين
فوتا بى زعل من من زولنا محتارين
بس دايرين ننم دايرين نكون صادقين

منصور
Post: #527
Title: Re: مسدار يا أهل المسادير ((2005))
Author: munswor almophtah
Date: 08-18-2005, 01:35 PM
Parent: #517

تسوي الدر انتي زبرجدو وياقوتو
والمنبر بلاك قربنا نحنا نفوتو
فاردة اريج دعاشك مضمخاها بيوتو
والحايم حداك حرّم دنا يوم موتو
نشأت


ود الحسين عسل الهشاب لا تفوتو
أشرب صافى نبعو وديمه حاول حوتو
عطر الصندليه المن بعيد شميتو
يا ملك الهنود يادوب وقع لك خيتو

منصور
Post: #519
Title: Re: مسدار يا أهل المسادير ((2005))
Author: Abdulla Ageed
Date: 08-18-2005, 09:18 AM
Parent: #1

حبابك ود عقيد والتاية عامرة وتامه
بي المنصور وصحبو ان شاء الله دايما لامه
باهرني العسل يا ود عقيد وكلامها
انجع من محيريب للبطون الطامه

نزار

يا ود الحسين الدار عمار بي شيوخا
ناس منصور ويحيا منيحتم مسلوخة
من حينك شِرِب عسلا بجيب الدوخة
طالق فينا نيرانا يلهلب بوخا

ود عقيد
Post: #520
Title: Re: مسدار يا أهل المسادير ((2005))
Author: نادية عثمان
Date: 08-18-2005, 09:38 AM
Parent: #519

مك ود المكوك ياالانت جعلى أكيد

سيد نفسك براك مابنصبولك سيد

فى الجود والكرم ليك الف مليون ايد

جميع الأمهات ماولدوا ليكا نديد !!!
Post: #521
Title: Re: مسدار يا أهل المسادير ((2005))
Author: Abdulla Ageed
Date: 08-18-2005, 10:52 AM
Parent: #520

عاقلة مكمّلة وجايباك (عزيزة) أكيد
قوام السيسبان ممشوق تمامو الجيد
بلحة بت تمودة لهيجة طعمو فريد
ما أصلو الجمال صاحب عُلا وتمجيد

ود عقيد
Post: #538
Title: Re: مسدار يا أهل المسادير ((2005))
Author: munswor almophtah
Date: 08-18-2005, 03:23 PM
Parent: #521

عاقلة مكمّلة وجايباك (عزيزة) أكيد
قوام السيسبان ممشوق تمامو الجيد
بلحة بت تمودة لهيجة طعمو فريد
ما أصلو الجمال صاحب عُلا وتمجيد

ود عقيد


ياود عقيد الصيد بخلف صيد
وشمام الجروف حاشاهو مو حميض
فريع السيسبان لاين غصينو يميد
واصل ود أصول إنشاء الله عمرو مديد

منصور
Post: #532
Title: Re: مسدار يا أهل المسادير ((2005))
Author: munswor almophtah
Date: 08-18-2005, 02:26 PM
Parent: #520

مك ود المكوك ياالانت جعلى أكيد

سيد نفسك براك مابنصبولك سيد

فى الجود والكرم ليك الف مليون ايد

جميع الأمهات ماولدوا ليكا نديد !!!

جعلى ملك خصال ماهو اللئيم وعنيد
ودايما للخصال جماع حكيم و فريد
زمن المكرمات خيراتو دافقه شديد
وعند البأس بسالة الفارس الصنديد


منصور
Post: #531
Title: Re: مسدار يا أهل المسادير ((2005))
Author: munswor almophtah
Date: 08-18-2005, 02:04 PM
Parent: #519

يا ود الحسين الدار عمار بي شيوخا
ناس منصور ويحيا منيحتم مسلوخة
من حينك شِرِب عسلا بجيب الدوخة
طالق فينا نيرانا يلهلب بوخا

ود عقيد


ود العقيد حلف بلاك ممسوخه
غيرك نمه حالف بالجمال منسوخه
لى ضيف الهجوع ناقة اللبن مضبوحه
نمك ديمه حالى ومو هبوب مشروخه

منصور
Post: #522
Title: Re: مسدار يا أهل المسادير ((2005))
Author: Abdulla Ageed
Date: 08-18-2005, 11:05 AM
Parent: #1

الولد الحصد بلداتو عيشو مصبن
وشايل شيلتو طابق لمخشيمن عفن
جايلات فوقو صيداتا عيونهن بقن
سلبنو غرقان فى الغرام وميقن

منصور


الولد المعس بلداتو لامن كبّن
مباري سعيتو من بعد المطور ما غبّن
ما حاكا المغرّب متلي ديما مغبّن
لا شويم رِكِب، لا جاب حصاد، لا قبّن

ود عقيد
Post: #523
Title: Re: مسدار يا أهل المسادير ((2005))
Author: نادية عثمان
Date: 08-18-2005, 11:47 AM
Parent: #522

دار جعل العزاز بلد الملوك والسادة

يامهد الحضارة ودولة فوق العادة

لو يهجم عدوك بيلقى الرجال سدادة

يرحّبوا بالردى وحوّة جعل ولاّدة !!
Post: #529
Title: Re: مسدار يا أهل المسادير ((2005))
Author: نادية عثمان
Date: 08-18-2005, 01:55 PM
Parent: #523

Quote: عاقلة مكمّلة وجايباك (عزيزة) أكيد
قوام السيسبان ممشوق تمامو الجيد
بلحة بت تمودة لهيجة طعمو فريد
ما أصلو الجمال صاحب عُلا وتمجيد



سودانية أصلا سمحة شبه الصيد

حواء بلادى والدة شموس وأجمل غيد

بتنا عن جمال اخلاقها مابتحيد

وفرسان بلدى مفخرة زى امام وعقيد !!
Post: #536
Title: Re: مسدار يا أهل المسادير ((2005))
Author: munswor almophtah
Date: 08-18-2005, 03:09 PM
Parent: #523

دار جعل العزاز بلد الملوك والسادة

يامهد الحضارة ودولة فوق العادة

لو يهجم عدوك بيلقى الرجال سدادة

يرحّبوا بالردى وحوّة جعل ولاّدة !!



حوا حنينه حانيه وغير دار جعل ولاده
جابت ناديا شاعره وفى الجمال بس غاده
ملكه من الملوك وارثه الحكم بى شهاده
قايده مأصله وقايده الملوك والقاده

منصور
Post: #534
Title: Re: مسدار يا أهل المسادير ((2005))
Author: munswor almophtah
Date: 08-18-2005, 02:55 PM
Parent: #522

الولد المعس بلداتو لامن كبّن
مباري سعيتو من بعد المطور ما غبّن
ما حاكا المغرّب متلي ديما مغبّن
لا شويم رِكِب، لا جاب حصاد، لا قبّن

ود عقيد


ولدن فوق مطاميرو المراكب صفن
كمين مراح البل قبالهن جكن
خيراتا جبال واقفات وباقى مجكن
وعاطل جمبو قاعد فى التراب أتفن

منصور
Post: #530
Title: Re: مسدار يا أهل المسادير ((2005))
Author: Abdulla Ageed
Date: 08-18-2005, 01:56 PM
Parent: #1

قعاد الغربة طال ونحن في رجيتكم
والجمر اب لهب بتطفي بس شوفتكم
موعودين معاكم يوم تهل طلتكم
نعيد الذكرى تاني ونشتلا محبتكم

ود الامام

مُرة الغربة ممحونة وكتير سقّيدا
قاسية وكت تمسكك ما بيفكك قيدا
تملّي نفوسنا لهفانة بتدور يوم عيدا
متين العودة لي حماكم، بشوفا بيعدا

ود عقيد
Post: #539
Title: Re: مسدار يا أهل المسادير ((2005))
Author: munswor almophtah
Date: 08-18-2005, 03:42 PM
Parent: #530

مُرة الغربة ممحونة وكتير سقّيدا
قاسية وكت تمسكك ما بيفكك قيدا
تملّي نفوسنا لهفانة بتدور يوم عيدا
متين العودة لي حماكم، بشوفا بيعدا

ود عقيد

غربه مع الفراق ملعونه مغبون سيدا
قعدات فى الفريق يا ربى تانى تعيدا
يا وليد عقيد غربتنا طال تمديدا
صداك للمراح لى لبين معاهو عصيدا

منصور
Post: #533
Title: Re: مسدار يا أهل المسادير ((2005))
Author: Abdulla Ageed
Date: 08-18-2005, 02:29 PM
Parent: #1

سودانية أصلا سمحة شبه الصيد

حواء بلادى والدة شموس وأجمل غيد

بتنا عن جمال اخلاقها مابتحيد

وفرسان بلدى مفخرة زى امام وعقيد !!

نادية


أميرة الشعرا والشاعرات غناك فريد
بناتنا صحيح جمالن أصلي طبعو فريد
دي عازة البيها غنّا خليلنا بي تمجيد
وقال لها للبخونو صفاكِ نحن حديد

ود عقيد
Post: #543
Title: Re: مسدار يا أهل المسادير ((2005))
Author: munswor almophtah
Date: 08-18-2005, 04:26 PM
Parent: #533

أميرة الشعرا والشاعرات غناك فريد
بناتنا صحيح جمالن أصلي طبعو فريد
دي عازة البيها غنّا خليلنا بي تمجيد
وقال لها للبخونو صفاكِ نحن حديد

ود عقيد


أميرة الشاعرات ياو دعقيد تفتيحه
صانعه المعجزات عقبان جميله مليحه
كتابة بلا شكوك صحفيه رايعه مريحه
زى ملح الطعام من دونا مافى فريحه

منصور
Post: #535
Title: Re: مسدار يا أهل المسادير ((2005))
Author: الطيب بشير
Date: 08-18-2005, 03:04 PM
Parent: #1

يا دار المسادير ام سماحآ باين
كلما اشوف عناوينك أقيف واعاين
فارقت القصيد مالياني منو غباين
إن هملت نيلك ما بشيقك ـ رايـن ـ
Post: #541
Title: Re: مسدار يا أهل المسادير ((2005))
Author: munswor almophtah
Date: 08-18-2005, 04:12 PM
Parent: #535

يا دار المسادير ام سماحآ باين
كلما اشوف عناوينك أقيف واعاين
فارقت القصيد مالياني منو غباين
إن هملت نيلك ما بشيقك ـ رايـن ـ

محتار من زمان مالو الكلام متوازن
مو شيتا شبه لكنو كامل فاتن
يا بحر العلوم هيج بحرنا الساكن
فتنا الخير ضرايح صبحت همومنا مساكن

منصور
Post: #537
Title: Re: مسدار يا أهل المسادير ((2005))
Author: الطيب بشير
Date: 08-18-2005, 03:13 PM
Parent: #1

Quote: يا ود البشير معزوم تعال في التاية
عن منصور جنا المفتاح معلّي الراية
نحن جماعة تب غنّاي علي غناية
تلقى البِكري صافي وتلقى فوقو تناية

......

التاية: بوست مسدار يا أهل المسادير


يا منصور سلام ود عمنا المفتاح
جاييك بي كرت معزوم معاك أرتاح
من قنبل زمننا الفينا يضرب تاح
وين منك صديقنا* ال(للعيون كتاح)

*الإشارة لدفعتناالصديق عـوض المفتاح (السـروراب)..
Post: #540
Title: Re: مسدار يا أهل المسادير ((2005))
Author: munswor almophtah
Date: 08-18-2005, 03:57 PM
Parent: #537

يا منصور سلام ود عمنا المفتاح
جاييك بي كرت معزوم معاك أرتاح
من قنبل زمننا الفينا يضرب تاح
وين منك صديقنا* ال(للعيون كتاح)

*الإشارة لدفعتناالصديق عـوض المفتاح (السـروراب

ياود بشير يا دوب عرفت الصاح
وجبت جنابو عوض رائع الأرواح
من دار سرور أخوان هلالهم لاح
وزى أولاد شليل...لا غطس لا راح


عوض لمفتاح نورالهدى حسن البدري ومنصور عبدالله المفتاح حسن البدري
إبن عمى وصديقى نمره واحد وأذكى من إياس وأشجع من عنتره وأكرم من حاتم وأوفى من السمؤال وأصدق كالأنبياء

منصور
Post: #542
Title: Re: مسدار يا أهل المسادير ((2005))
Author: نادية عثمان
Date: 08-18-2005, 04:24 PM
Parent: #540

يا دار المسادير ام سماحآ باين
كلما اشوف عناوينك أقيف واعاين
فارقت القصيد مالياني منو غباين
إن هملت نيلك ما بشيقك ـ رايـن ـ

الطيب بشير




القلب الحرق ماعملوا منو كمائن

مابنهون عليك ولاانت طبعا هاين

تعال نخلق فرح ونزرع حياتنا جناين

ماتسيب الأمل وتقعد تنوح وتعاين !!!
Post: #544
Title: Re: مسدار يا أهل المسادير ((2005))
Author: munswor almophtah
Date: 08-18-2005, 04:37 PM
Parent: #542

القلب الحرق ماعملوا منو كمائن

مابنهون عليك ولاانت طبعا هاين

تعال نخلق فرح ونزرع حياتنا جناين

ماتسيب الأمل وتقعد تنوح وتعاين !!!

ود بشير يا ناديا جدو الطيب
بحر العلوم الصافى قلبو وطيب
بالسروراب سكن جدو الكبير الطيب
وفى طابت ربط حفيان صحيح مو مغيب

منصور
Post: #545
Title: Re: مسدار يا أهل المسادير ((2005))
Author: الطيب بشير
Date: 08-18-2005, 04:51 PM
Parent: #1

القلب الحرق ماعملوا منو كمائن

مابنهون عليك ولاانت طبعا هاين

تعال نخلق فرح ونزرع حياتنا جناين

ماتسيب الأمل وتقعد تنوح وتعاين !!!

نادية عثمان

يا ستار علينا من السنونو يبرقـن
و يا ستار علي رويحاتناعطشن و شرقن
يا ستار علي أيامنا ودرن و سـرقن
(و يا سـتار علي مكنات قلوبنا الحرقن)
Post: #546
Title: Re: مسدار يا أهل المسادير ((2005))
Author: الطيب بشير
Date: 08-18-2005, 05:09 PM
Parent: #1

ود بشير يا ناديا جدو الطيب
بحر العلوم الصافى قلبو وطيب
بالسروراب سكن جدو الكبير الطيب
وفى طابت ربط حفيان صحيح مو مغيب

منصور المفتاح

ود عم صاحبي يا منصور أريتك طيب
و البوست السـمح أدنانا ليك قريب
قول ست الحروف خلاني أسكر أغيب
أدخل خيمة المسدار و لا متهيب
Post: #547
Title: Re: مسدار يا أهل المسادير ((2005))
Author: نادية عثمان
Date: 08-19-2005, 06:24 AM
Parent: #546

Quote: ود عم صاحبي يا منصور أريتك طيب
و البوست السـمح أدنانا ليك قريب
قول ست الحروف خلاني أسكر أغيب
أدخل خيمة المسدار و لا متهيب




مرحب بيك رجعت الليلة بدرا هلا

ياشمس المسادير يامداوى العلّة

منصور ود رجال شرفنا فوق الحلة

سامقات عاليات نجماتو مابتندلاّ
Post: #548
Title: Re: مسدار يا أهل المسادير ((2005))
Author: نادية عثمان
Date: 08-19-2005, 07:59 AM
Parent: #547

Quote: حوا حنينه حانيه وغير دار جعل ولاده
جابت ناديا شاعره وفى الجمال بس غاده
ملكه من الملوك وارثه الحكم بى شهاده
قايده مأصله وقايده الملوك والقاده




قولك لى وسام فوق صدرى أحلى قلادة

انا بت الشمال عاشقة الجنوب بزيادة

حاضنة شرق بلدنا وغربو فيهو سيادة

فاطمة اخت مجوك وادروب شقيق لعبادة
Post: #549
Title: Re: مسدار يا أهل المسادير ((2005))
Author: Yahia Abd El Kareem
Date: 08-19-2005, 09:14 AM
Parent: #548

أدخل مرحبتين حباب ود القبيلة الطيب
وليك منصور اخو ياكا الحبيب وقريب
بيك مسدارنا زان وعمانا طيب وهبيب
وجيت دار رجال ما فيهاالبشين ويعيب
Post: #552
Title: Re: مسدار يا أهل المسادير ((2005))
Author: munswor almophtah
Date: 08-19-2005, 06:21 PM
Parent: #549

أدخل مرحبتين حباب ود القبيلة الطيب
وليك منصور اخو ياكا الحبيب وقريب
بيك مسدارنا زان وعمانا طيب وهبيب
وجيت دار رجال ما فيهاالبشين ويعيب



الطيب جدو أبوك الغوث أحمد الطيب
ود البشير بالفاتحه العديله بطيب
صالح وزول فلاح ورسولنا ليهو حبيب
وعابد ليل صباح حيرنا أمرو بشيب

منصور
Post: #550
Title: Re: مسدار يا أهل المسادير ((2005))
Author: الطيب بشير
Date: 08-19-2005, 10:20 AM
Parent: #1

Quote: أدخل مرحبتين حباب ود القبيلة الطيب
وليك منصور اخو ياكا الحبيب وقريب
بيك مسدارنا زان وعمانا طيب وهبيب
وجيت دار رجال ما فيهاالبشين ويعيب


يحيى عبدالكريم

أهلآ بالحبيب عبدالكريم اليحيا
إلهام القصيد فيكم تنزل وحـيا
مبسوطات كفوفك والجبين المحيا
يحفظك الله من فتن الممات والمحيا
Post: #551
Title: Re: مسدار يا أهل المسادير ((2005))
Author: munswor almophtah
Date: 08-19-2005, 05:52 PM
Parent: #550

أهلآ بالحبيب عبدالكريم اليحيا
إلهام القصيد فيكم تنزل وحـيا
مبسوطات كفوفك والجبين المحيا
يحفظك الله من فتن الممات والمحيا


آمين بالكريم خالق الجداد والدحيا
حافين الشنوب طالقين عنانا اللحيا
تابعين الرسول باعدين بعيد من دحيا
شاكرين ود بشير شاكرين كمان ناس يحيا


دحيا الأولى البيض
ودحيا الثانيه دحيا الكلبى

منصور
Post: #553
Title: Re: مسدار يا أهل المسادير ((2005))
Author: الطيب بشير
Date: 08-20-2005, 06:09 AM
Parent: #1

Quote: الطيب جدو أبوك الغوث أحمد الطيب
ود البشير بالفاتحه العديله بطيب
صالح وزول فلاح ورسولنا ليهو حبيب
وعابد ليل صباح حيرنا أمرو بشيب

منصور

يلحقنا الهميم جدك و جارك قبلي
أب مددآ سريع براقو يشلع قبلي
يا ذكراه يوت لا تنطفي و لا تبلي
دة الرابطني في دربو و مكرب حبلي
Post: #555
Title: Re: مسدار يا أهل المسادير ((2005))
Author: nashaat elemam
Date: 08-20-2005, 09:52 AM
Parent: #553

مرحبتين حبابك ود البشير الطيب
اب شعراً بكر.. ما هو القديم الثيب
في الزمن البقى من هوايلو يشيب
بارين نحنا قولك ومن نفوسنا قريب
Post: #557
Title: Re: مسدار يا أهل المسادير ((2005))
Author: munswor almophtah
Date: 08-20-2005, 11:58 AM
Parent: #555

مرحبتين حبابك ود البشير الطيب
اب شعراً بكر.. ما هو القديم الثيب
في الزمن البقى من هوايلو يشيب
بارين نحنا قولك ومن نفوسنا قريب

نشات وين بخاري أخونا أمرو عجيب
شاعر قلبو مرهف وضمه مره لبيب
قولو تعال مراوح إنت راجل أديب
وقولنا فشان قافيتنا طب ما تعيب

منصور
Post: #560
Title: Re: مسدار يا أهل المسادير ((2005))
Author: munswor almophtah
Date: 08-20-2005, 12:29 PM
Parent: #553

يلحقنا الهميم جدك و جارك قبلي
أب مددآ سريع براقو يشلع قبلي
يا ذكراه يوت لا تنطفي و لا تبلي
دة الرابطني في دربو و مكرب حبلي


جدك جد قبايل من قديما بدري
عالم وزول شمايل وإنت ذاتك تدري
شيتا فى الغروب حيرنى ضيقوا صدرى
شوقا للجبل والقبه تلصف قبلى


[email protected]
منصور
Post: #554
Title: Re: مسدار يا أهل المسادير ((2005))
Author: Abdulla Ageed
Date: 08-20-2005, 06:40 AM
Parent: #1

غربه مع الفراق ملعونه مغبون سيدا
قعدات فى الفريق يا ربى تانى تعيدا
يا وليد عقيد غربتنا طال تمديدا
صداك للمراح لى لبين معاهو عصيدا

منصور

باقيلك بنرجع تاني لي وادينا؟
نندلى الدغيش لي جروفنا نلثم طينا؟
نشرب روبنا فكة ريقنا تبقى سخينة
نتراوح علي قوزنا وينم شادينا

ود عقيد
Post: #556
Title: Re: مسدار يا أهل المسادير ((2005))
Author: nashaat elemam
Date: 08-20-2005, 09:58 AM
Parent: #554

بترجع للودي ان كان أنحنا حيينا
والطين من فراقك بشوفو اضحى حزينا
وفي الدوبيت وراك ذكراك بتعزينا
الكع بي سراعك.. بعدك احنا رزينا
Post: #562
Title: Re: مسدار يا أهل المسادير ((2005))
Author: Abdulla Ageed
Date: 08-20-2005, 01:59 PM
Parent: #556

يا ود الإمام حال البلد هامّينا
كل ما نقول خلاص راقت تعود لي طينا
ما اظن يفقدونا ان جينا وان ما جينا
تماسيحا الكبار نهبوها خربو الزينا

ود عقيد
Post: #559
Title: Re: مسدار يا أهل المسادير ((2005))
Author: munswor almophtah
Date: 08-20-2005, 12:16 PM
Parent: #554

باقيلك بنرجع تاني لي وادينا؟
نندلى الدغيش لي جروفنا نلثم طينا؟
نشرب روبنا فكة ريقنا تبقى سخينة
نتراوح علي قوزنا وينم شادينا

العندالله أقرب من وريدنا إلينا
والدايرو الكريم فى حقنا برضينا
نرجع للعقاب نخمج ونكرفو طينا
مين فى الدنيا ربى حباهو بى شاطينا


منصور
Post: #558
Title: Re: مسدار يا أهل المسادير ((2005))
Author: الطيب بشير
Date: 08-20-2005, 12:12 PM
Parent: #1

Quote: مرحبتين حبابك ود البشير الطيب
اب شعراً بكر.. ما هو القديم الثيب
في الزمن البقى من هوايلو يشيب
بارين نحنا قولك ومن نفوسنا قريب

نشات

نشات يا الحبيب قولك دوام في فكري
و الزمن العجيب عبالنا كاسو البكري
(واقف في قصادي تقول وحاتك مكـري)
مالك يا زمن بيناتنا تار بابكـري
Post: #561
Title: Re: مسدار يا أهل المسادير ((2005))
Author: munswor almophtah
Date: 08-20-2005, 12:48 PM
Parent: #558

نشات يا الحبيب قولك دوام في فكري
و الزمن العجيب عبالنا كاسو البكري
(واقف في قصادي تقول وحاتك مكـري)
مالك يا زمن بيناتنا تار بابكـري

فكرك يالنجيب عاجبنى نازع شكري
يا ود الشيوخ مانى الأجير المكري
صاحبك لى شقيق خوتنا لازم تسري
لازم نبقى زى اسلافنا صادقين دقري


منصور
Post: #563
Title: Re: مسدار يا أهل المسادير ((2005))
Author: Abdulla Ageed
Date: 08-20-2005, 02:05 PM
Parent: #1

يا منصور اخوي الدخري شادي الحيل
زمان غنينا لي الطيب سمح بلحيل
يا ود البشر انت بتعدل الميل
"من اذنك بدور ضاير لي ديل فوق ديل"

ود عقيد
Post: #574
Title: Re: مسدار يا أهل المسادير ((2005))
Author: munswor almophtah
Date: 08-21-2005, 02:46 PM
Parent: #563

يا منصور اخوي الدخري شادي الحيل
زمان غنينا لي الطيب سمح بلحيل
يا ود البشر انت بتعدل الميل
"من اذنك بدور ضاير لي ديل فوق ديل"

ود عقيد


الطيب طيب قلوب جملا بشيل الشيل
وكلو غنانا فى تالاهو ضمه قليل
رب العالمين قبلان لى دعاهو أصيل
وبدى الجنه بديهو البكار والخيل

منصور
Post: #564
Title: Re: مسدار يا أهل المسادير ((2005))
Author: Abdulla Ageed
Date: 08-20-2005, 02:09 PM
Parent: #1

يا ناس البلد أنا عندي زولا رايح
سموهو البخاري بشير وليدا فالح
من تالا الكمير بلدينا جنبا قارح
وين بلداتو، هجّ الزول دا قطع المالح؟


ود عقيد
Post: #576
Title: Re: مسدار يا أهل المسادير ((2005))
Author: munswor almophtah
Date: 08-21-2005, 03:08 PM
Parent: #564

يا ناس البلد أنا عندي زولا رايح
سموهو البخاري بشير وليدا فالح
من تالا الكمير بلدينا جنبا قارح
وين بلداتو، هجّ الزول دا قطع المالح؟


ود عقيد


يا ودعقيد ولد البشير مو طالح
جنبا كان قعد أو كان عبر للمالح
معروف بالخصال باسل كريما صالح
ياربى تجيبو لي أخوانو غانم وفالح



منصور
Post: #565
Title: Re: مسدار يا أهل المسادير ((2005))
Author: Abdulla Ageed
Date: 08-20-2005, 02:18 PM
Parent: #1

عُقُب فارقنا يحيا يجينا ساكت طلّة
يا ود عبد الكريم مالك هجرت الحِلّة
نترجاك دوام متل الهلال الهلا
عود لي دار اخوك خلي الحلوق تنبلا

ود عقيد
Post: #577
Title: Re: مسدار يا أهل المسادير ((2005))
Author: munswor almophtah
Date: 08-21-2005, 03:29 PM
Parent: #565

عُقُب فارقنا يحيا يجينا ساكت طلّة
يا ود عبد الكريم مالك هجرت الحِلّة
نترجاك دوام متل الهلال الهلا
عود لي دار اخوك خلي الحلوق تنبلا

ود عقيد


عشاق يحى للباديه أم معيزا بره
ركاب نياقا..سواق الغزال ابغره
قناصا خبير.. منو أم حجول تتبره
ربك ود عقيد.. إكفيه شر ومضره


منصور
Post: #590
Title: Re: مسدار يا أهل المسادير ((2005))
Author: Abdulla Ageed
Date: 08-22-2005, 07:09 AM
Parent: #577

عشاق يحى للباديه أم معيزا بره
ركاب نياقا..سواق الغزال ابغره
قناصا خبير.. منو أم حجول تتبره
ربك ود عقيد.. إكفيه شر ومضره


منصور


يامين يا كريم من كل شر يتبرّا
يسلم يحيا يرقد عافية ما ينضرّا
يعود لي غناهو فوق الديسا حازا الصُرّة
شبه القمرا ضاوية دوام سلام ومسرَة

ود عقيد
Post: #566
Title: Re: مسدار يا أهل المسادير ((2005))
Author: الطيب بشير
Date: 08-20-2005, 03:18 PM
Parent: #1

Quote: فكرك يالنجيب عاجبنى نازع شكري
يا ود الشيوخ مانى الأجير المكري
صاحبك لى شقيق خوتنا لازم تسري
لازم نبقى زى اسلافنا صادقين دقري

منصور

اللـيلة الكلام دوبيت جميل و مربع
و اليبرا الكرام بي طبعهم يتطبع
مفتاح الفهم خلانا ساكـت تـبـع
إتحكر ملك ود عم (عوض) و اتربع
Post: #579
Title: Re: مسدار يا أهل المسادير ((2005))
Author: munswor almophtah
Date: 08-21-2005, 03:40 PM
Parent: #566

اللـيلة الكلام دوبيت جميل و مربع
و اليبرا الكرام بي طبعهم يتطبع
مفتاح الفهم خلانا ساكـت تـبـع
إتحكر ملك ود عم (عوض) و اتربع

قولك للكلام بالسلوى مره مشبع
ودهبا فى الحروف زايد لصيفو مجدع
يا وارث العلم مطبوخ تمام ومخدع
ويا ود طابت الغرقان حواركم بدع

منصور
Post: #567
Title: Re: مسدار يا أهل المسادير ((2005))
Author: الطيب بشير
Date: 08-20-2005, 03:29 PM
Parent: #1

Quote: يا منصور اخوي الدخري شادي الحيل
زمان غنينا لي الطيب سمح بلحيل
يا ود البشر انت بتعدل الميل
"من اذنك بدور ضاير لي ديل فوق ديل"

ود عقيد

قول يا ود عقيد جـر القصايد دوبي
خليني الـلـفكـر باقي جيتكم دوبي
إن شاالله الكرام في جمعكـم زادوبي
واااشـوقآعلي البلد السمح وادوبي
Post: #580
Title: Re: مسدار يا أهل المسادير ((2005))
Author: munswor almophtah
Date: 08-21-2005, 03:58 PM
Parent: #567

قول يا ود عقيد جـر القصايد دوبي
خليني الـلـفكـر باقي جيتكم دوبي
إن شاالله الكرام في جمعكـم زادوبي
واااشـوقآعلي البلد السمح وادوبي

بلدا سمح فوقو القماري تقوقى
صيدو هداك ورد خدران سكن واشوقى
شوقا ليهو زاد مكتولو داك معشوقى
مرحب يا البشير بيتك أصيل مو سوقى

منصور
Post: #568
Title: Re: مسدار يا أهل المسادير ((2005))
Author: Abdulla Ageed
Date: 08-21-2005, 08:58 AM
Parent: #1

قول يا ود عقيد جـر القصايد دوبي
خليني الـلـفكـر باقي جيتكم دوبي
إن شاالله الكرام في جمعكـم زادوبي
واااشـوقآعلي البلد السمح وادوبي

الطيب

دوبايك فريدا بدعة في الدوباي
وغنايا وراك ما بصح يقول غناي
راي منصور اخوي في غناك ياهو الراي
why ما جيتنابس من بدري، قول لي why?


ود عقيد
Post: #569
Title: Re: مسدار يا أهل المسادير ((2005))
Author: nazar hussien
Date: 08-21-2005, 09:17 AM
Parent: #568

Quote: الولد المعس بلداتو لامن كبّن
مباري سعيتو من بعد المطور ما غبّن
ما حاكا المغرّب متلي ديما مغبّن
لا شويم رِكِب، لا جاب حصاد، لا قبّن

ود عقيد


ولدن فوق مطاميرو المراكب صفن
كمين مراح البل قبالهن جكن
خيراتا جبال واقفات وباقى مجكن
وعاطل جمبو قاعد فى التراب أتفن

منصور


لا حححححححححولا....ها ناس...منصور وود عقيد...
شدو جمالكم وشيلو كرابيجكم بلا انترنت بلا غربه
Post: #571
Title: Re: مسدار يا أهل المسادير ((2005))
Author: Abdulla Ageed
Date: 08-21-2005, 01:44 PM
Parent: #569

وين يا ود حسين الرجعة تاني حليلة
حليل الحكرة فوق ضهر البتِب بي الشيلة
حليلنا وكت نسوي الصفقة يوم القيلة
نرمي النمّة فوق السمحة ملكة جيلا


ود عقيد
Post: #582
Title: Re: مسدار يا أهل المسادير ((2005))
Author: munswor almophtah
Date: 08-21-2005, 04:36 PM
Parent: #571

وين يا ود حسين الرجعة تاني حليلة
حليل الحكرة فوق ضهر البتِب بي الشيلة
حليلنا وكت نسوي الصفقة يوم القيلة
نرمي النمّة فوق السمحة ملكة جيلا


ود عقيد


مالك ياعقيد شالخو الفؤاد الليله
باعث للنيام مخلول خليل وخليله
يوم القيله يا المبروك حلال وعديله
راحت هيبتو وصبحت فرايحو قليله


منصور
Post: #581
Title: Re: مسدار يا أهل المسادير ((2005))
Author: munswor almophtah
Date: 08-21-2005, 04:16 PM
Parent: #568

دوبايك فريدا بدعة في الدوباي
وغنايا وراك ما بصح يقول غناي
راي منصور اخوي في غناك ياهو الراي
why ما جيتنابس من بدري، قول لي why?


دوبايكم جميل جمله وبديع سراى
يا أولاد الكرام خفضو الجناح سواى
كل النم خبرتو دروبو والشاشاى
وخلاطين نغمتو مع العجم يا guy
Post: #570
Title: Re: مسدار يا أهل المسادير ((2005))
Author: الطيب بشير
Date: 08-21-2005, 12:47 PM
Parent: #1

Quote: دوبايك فريدا بدعة في الدوباي
وغنايا وراك ما بصح يقول غناي
راي منصور اخوي في غناك ياهو الراي
why ما جيتنابس من بدري، قول لي why?

ود عقيد

خالفت المثل يا ود عقيد و الراي
نعم انك صـحيح حداس و كـم سـواي
حـت نضمي الفرنجة قرنتو في الدوباي
حيرت المجادع لما قال Good buy
Post: #583
Title: Re: مسدار يا أهل المسادير ((2005))
Author: munswor almophtah
Date: 08-21-2005, 04:52 PM
Parent: #570

خالفت المثل يا ود عقيد و الراي
نعم انك صـحيح حداس و كـم سـواي
حـت نضمي الفرنجة قرنتو في الدوباي
حيرت المجادع لما قال Good buy



Both ياود بشير والعقيد أبراى
جهجهتو القوافى بقيت وحيدا براى
كلامكم صبح بالنسبه لى High High
قلبى الكان زمان ثابت صبح فى Cry



منصور
Post: #572
Title: Re: مسدار يا أهل المسادير ((2005))
Author: Abdulla Ageed
Date: 08-21-2005, 01:56 PM
Parent: #1

هاك آود بشير سو نمّة فوق الزينة
القمرا المبهرجة في حديثا رزينة
تسعد لي النفوس قط ما بتسيبا حزينة
غابت ليها يومين، نحن دا المازينا

ود عقيد
Post: #584
Title: Re: مسدار يا أهل المسادير ((2005))
Author: munswor almophtah
Date: 08-21-2005, 05:09 PM
Parent: #572

هاك آود بشير سو نمّة فوق الزينة
القمرا المبهرجة في حديثا رزينة
تسعد لي النفوس قط ما بتسيبا حزينة
غابت ليها يومين، نحن دا المازينا

ود عقيد


مشكاة الظلام معروفا تبقى رتينه
حادقه العسيل خوختنا متل التينه
خمجانا أم رشوم تطفح تعوم وزينه
شوف شوق القلوب فى شانا كيف تازينه

منصور
Post: #573
Title: Re: مسدار يا أهل المسادير ((2005))
Author: الطيب بشير
Date: 08-21-2005, 02:23 PM
Parent: #1

Quote: هاك آود بشير سو نمّة فوق الزينة
القمرا المبهرجة في حديثا رزينة
تسعد لي النفوس قط ما بتسيبا حزينة
غابت ليها يومين، نحن دا المازينا

ود عقيد

ست الكلمة غابت يا العقيد عازينا
كل مانقول نلاقي خطوطا هي توازينا
يا الصحفية بي كتر السهر زازينا
نبقى ليك يهودآ يا حلاة نازينا
Post: #585
Title: Re: مسدار يا أهل المسادير ((2005))
Author: munswor almophtah
Date: 08-21-2005, 05:26 PM
Parent: #573

ست الكلمة غابت يا العقيد عازينا
كل مانقول نلاقي خطوطا هي توازينا
يا الصحفية بي كتر السهر زازينا
نبقى ليك يهودآ يا حلاة نازينا

يا ود بشير ثملان بتلجق طينه
غرقانا وحل فى شيمه مره متينه
زازاى فى المنام صحيان مهود شينه
ربى يجيبو خطك لى خطوطا أمينه

منصور
Post: #575
Title: Re: مسدار يا أهل المسادير ((2005))
Author: Abdulla Ageed
Date: 08-21-2005, 02:50 PM
Parent: #1

ست الكلمة غابت يا العقيد عازينا
كل مانقول نلاقي خطوطا هي توازينا
يا الصحفية بي كتر السهر زازينا
نبقى ليك يهودآ يا حلاة نازينا

الطيب

حروفا الغالية راسخة وفي نفوسنا خزينا
أبياتا الرشيقة وفيها حكمة رزينة
طلقت فينا نارا شاعلة بي بنزينا
حتى ان ما كتلنا غيابا حا يأزينا

ود عقيد
Post: #586
Title: Re: مسدار يا أهل المسادير ((2005))
Author: munswor almophtah
Date: 08-21-2005, 05:39 PM
Parent: #575

حروفا الغالية راسخة وفي نفوسنا خزينا
أبياتا الرشيقة وفيها حكمة رزينة
طلقت فينا نارا شاعلة بي بنزينا
حتى ان ما كتلنا غيابا حا يأزينا

ود عقيد


ياودعقيد خالق الغزال طارينا
طالق خلقو لى مرض القلب هارينا
لمانا المكان وزين ملكتو الزينا
غابت زى شمس...عم الظلام وادينا


منصور
Post: #578
Title: Re: مسدار يا أهل المسادير ((2005))
Author: الطيب بشير
Date: 08-21-2005, 03:40 PM
Parent: #1

ثابتين زي جبال جبخانة ما بتازينا
و راسخين للمحـن دبابة ما ترازينا
إلا الهدهد الصحفي الغلب بازينا
بالحيل إمتحنا أريتو ما يجازينا
Post: #587
Title: Re: مسدار يا أهل المسادير ((2005))
Author: munswor almophtah
Date: 08-21-2005, 05:49 PM
Parent: #578

ثابتين زي جبال جبخانة ما بتازينا
و راسخين للمحـن دبابة ما ترازينا
إلا الهدهد الصحفي الغلب بازينا
بالحيل إمتحنا أريتو ما يجازينا


هدهد يا البشير بلغيس سلب تخمينا
قايله المويه حق كشفت عديل ساقينا
جبلا وين بقيف...من زلزلة عينينا
قلبا وين ثباتو مع البروق عانينا

منصور
Post: #588
Title: Re: مسدار يا أهل المسادير ((2005))
Author: nashaat elemam
Date: 08-22-2005, 04:03 AM
Parent: #1

نشات وين بخاري أخونا أمرو عجيب
شاعر قلبو مرهف وضمه مره لبيب
قولو تعال مراوح إنت راجل أديب
وقولنا فشان قافيتنا طب ما تعيب


بخارينا البشير المن قلوبنا قريب
نازل في اجازه ومن مده متغيب
فاقدين بي وراهو النسمة ولا هبيب
لكن بكره يرجع وبي تحنان نسالمو الطيب
Post: #589
Title: Re: مسدار يا أهل المسادير ((2005))
Author: إسماعيل حميم
Date: 08-22-2005, 06:47 AM
Parent: #588


ســلام لصاحب الدار والضيوف الكرام
نأسف للحضور المتأخر


منصـور سـيد البيـت الوسـيع وبـراح
دخلت أنجـم علّ الهموم تفـوت تنـزاح
لقيـت دارك بي ضـيوفـا زايـدا فـلاح
من طيـب النضـم الليهو القـلب ينـداح



إسماعيل حميم
Post: #593
Title: Re: مسدار يا أهل المسادير ((2005))
Author: munswor almophtah
Date: 08-22-2005, 01:17 PM
Parent: #589

منصـور سـيد البيـت الوسـيع وبـراح
دخلت أنجـم علّ الهموم تفـوت تنـزاح
لقيـت دارك بي ضـيوفـا زايـدا فـلاح
من طيـب النضـم الليهو القـلب ينـداح



إسماعيل حميم


حبابك يالحميم ثابت القلب ماك شاح
يا ابو الأنبياء وارث العلوم الصاح
قوام للفرائض..بدرين نوافلك لاح
يا المليان يقين...وافر ورع وصلاح

منصور
Post: #592
Title: Re: مسدار يا أهل المسادير ((2005))
Author: munswor almophtah
Date: 08-22-2005, 12:56 PM
Parent: #588

بخارينا البشير المن قلوبنا قريب
نازل في اجازه ومن مده متغيب
فاقدين بي وراهو النسمة ولا هبيب
لكن بكره يرجع وبي تحنان نسالمو الطيب

راوى الحديث...ياود الإمام محنا
بعد السلام والتوقه قام رحلنا
غابت طلتو وفى شان حضورو فترنا
ما خلينا زول..كل الخلوق جننا


منضور
Post: #591
Title: Re: مسدار يا أهل المسادير ((2005))
Author: Abdulla Ageed
Date: 08-22-2005, 09:10 AM
Parent: #1

منصـور سـيد البيـت الوسـيع وبـراح
دخلت أنجـم علّ الهموم تفـوت تنـزاح
لقيـت دارك بي ضـيوفـا زايـدا فـلاح
من طيـب النضـم الليهو القـلب ينـداح

إسماعيل حميم


اسماعيل حبابك وليكا منّي صراح
انجم من هموم الدنيا روق وارتاح
سيد الحوش بجيك هسّع جنا المفتاح
كريم عمّانا جودو وكرمو ليك بنداح

ود عقيد
Post: #594
Title: Re: مسدار يا أهل المسادير ((2005))
Author: munswor almophtah
Date: 08-22-2005, 01:33 PM
Parent: #591

اسماعيل حبابك وليكا منّي صراح
انجم من هموم الدنيا روق وارتاح
سيد الحوش بجيك هسّع جنا المفتاح
كريم عمّانا جودو وكرمو ليك بنداح

ود عقيد


يا ود عقيد الفى الفهم لماح
عرافا دليل ضيفك عشاهو مراح
للبتسبى تضبح فى الهجوع و صباح
ما بهمك الخير إن كتر وإن راح

منصور
Post: #595
Title: Re: مسدار يا أهل المسادير ((2005))
Author: Yahia Abd El Kareem
Date: 08-22-2005, 02:00 PM
Parent: #594

امبارح فى الحلم بشوف بلقيس فى تمام الزينا
وفوق جمر البعاد نتقلى يبقى السمح طارينا
والهدهد جاب بشارتن للعقيد البفرح راجينا
نادية الملكة جات متبخترة فكت وحاوح فينا
Post: #596
Title: Re: مسدار يا أهل المسادير ((2005))
Author: munswor almophtah
Date: 08-22-2005, 02:14 PM
Parent: #595

وحاوح زى لدغة دعت التري المازينا
زى أشقدى من ضرسا كبير هارينا
هدهد شيبا فات لا جابا لو جايينا
طال الشوق محرق للقلوب غالينا


منصور
Post: #598
Title: Re: مسدار يا أهل المسادير ((2005))
Author: Yahia Abd El Kareem
Date: 08-22-2005, 02:20 PM
Parent: #594

اهلا بالحميم فى فى دار الفهم والصاح
جيت شايل ريحة الاهل متل العبير الفاح
شان نهديك نمة عروس لابسة المحبة وشاح
وتهنا معانا فى مسدارن كريم ممراح
Post: #600
Title: Re: مسدار يا أهل المسادير ((2005))
Author: munswor almophtah
Date: 08-22-2005, 02:35 PM
Parent: #598

اهلا بالحميم فى فى دار الفهم والصاح
جيت شايل ريحة الاهل متل العبير الفاح
شان نهديك نمة عروس لابسة المحبة وشاح
وتهنا معانا فى مسدارن كريم ممراح

يحى ابو الكرم سألين عليك الناس
وعارفين نمتك دايقين حلو الأنناس
إسمعيل الحميم باين ودود ودناس
وباين ود رجال زولن لطيف وناس


منصور
Post: #597
Title: Re: مسدار يا أهل المسادير ((2005))
Author: Abdulla Ageed
Date: 08-22-2005, 02:18 PM
Parent: #1

امبارح فى الحلم بشوف بلقيس فى تمام الزينا
وفوق جمر البعاد نتقلى يبقى السمح طارينا
والهدهد جاب بشارتن للعقيد البفرح راجينا
نادية الملكة جات متبخترة فكت وحاوح فينا

يحيا


بركة الجيتنا يا يحيا وبقيت طارينا
إنت كويس الجاتك حلِم يا اخينا
أظنها في المنام مي دايرة نحنا تجينا
أريتِك تبقي طيبة وتبري من كل شينة

ود عقيد
Post: #601
Title: Re: مسدار يا أهل المسادير ((2005))
Author: munswor almophtah
Date: 08-22-2005, 02:55 PM
Parent: #597

بركة الجيتنا يا يحيا وبقيت طارينا
إنت كويس الجاتك حلِم يا اخينا
أظنها في المنام مي دايرة نحنا تجينا
أريتِك تبقي طيبة وتبري من كل شينة

ود عقيد


زمن المعضلات ياود عقيد لامينا
فقدا جد عظيم راجينو موجايينا
يحى أخو البنات ماظنو كان ناسينا
فى نومو العميق حلمان بأتر فينا

منصور
Post: #599
Title: Re: مسدار يا أهل المسادير ((2005))
Author: Abdulla Ageed
Date: 08-22-2005, 02:27 PM
Parent: #1

وحاوح زى لدغة دعت التري المازينا
زى أشقدى من ضرسا كبير هارينا
هدهد شيبا فات لا جابا لو جايينا
طال الشوق محرق للقلوب غالينا


منصور


الهدهد سكن قبلو وأبى يعود لينا
سارح في كلاما وفي سماحا ولينا
شاف العود مفرهد قايلو شدرة زينا
أو شاف الوجه بيضوي قايلو رتينة

ود عقيد
Post: #602
Title: Re: مسدار يا أهل المسادير ((2005))
Author: munswor almophtah
Date: 08-22-2005, 03:14 PM
Parent: #599

الهدهد سكن قبلو وأبى يعود لينا
سارح في كلاما وفي سماحا ولينا
شاف العود مفرهد قايلو شدرة زينا
أو شاف الوجه بيضوي قايلو رتينة


ود عقيد

الهدهد بصد بالشافو كان يشفينا
وعفريت الخيال قبال رمشنا بجينا
جايب للقصور جواها تقدل زينا
تقدل كالملوك لابسه اللآلئ ثمينا


منصور
Post: #603
Title: Re: مسدار يا أهل المسادير ((2005))
Author: الطيب بشير
Date: 08-22-2005, 10:07 PM
Parent: #1

مالي لا أرى الهدهـد معاكم لسـة
ما بنفـع غيابك حتى لو تـتدسـا
حاشاك الضبح ياالما بتحمل الجسة
أحسن ليك تجيب نبأك وتجمع هسـة
Post: #604
Title: Re: مسدار يا أهل المسادير ((2005))
Author: إسماعيل حميم
Date: 08-23-2005, 02:37 AM
Parent: #603



ســــلام

الأحباب ترحابكم بلحيل لطيف ورحيب
زولاً يجر وصوتاً آخر يعلو بالترحيب
والتالت تعال بي جاي خلك مني قريب
اشكر حمدو للخوة الخلت قليبي يطيب


إسماعيل حميم
Post: #605
Title: Re: مسدار يا أهل المسادير ((2005))
Author: إسماعيل حميم
Date: 08-23-2005, 03:23 AM
Parent: #604



الهدهد من زمناً بعييد ما زمنا الهسه
مأمور من الكريم بي أمرو طاف خلسه
فوق مملكة سبأ وشاف الكفر والخسه
عاد لي نبي الله الكريم وللخبر ما دسه



إسماعيل حميم
Post: #612
Title: Re: مسدار يا أهل المسادير ((2005))
Author: munswor almophtah
Date: 08-24-2005, 05:11 PM
Parent: #605

الهدهد من زمناً بعييد ما زمنا الهسه
مأمور من الكريم بي أمرو طاف خلسه
فوق مملكة سبأ وشاف الكفر والخسه
عاد لي نبي الله الكريم وللخبر ما دسه



إسماعيل حميم

الهدهد زمان.......غير الجديد الهسه
وبلغيس الوقت ماها الكديسه البسه
ماشا مع البشر لابسه الحرير كم لبسه
صوتا كما الغزال...غنه وحلاوة همسه

منصور
Post: #608
Title: Re: مسدار يا أهل المسادير ((2005))
Author: munswor almophtah
Date: 08-23-2005, 11:54 PM
Parent: #604

الأحباب ترحابكم بلحيل لطيف ورحيب
زولاً يجر وصوتاً آخر يعلو بالترحيب
والتالت تعال بي جاي خلك مني قريب
اشكر حمدو للخوة الخلت قليبي يطيب


إسماعيل حميم


ياود حميم موت حمزه داك هزانا
فجأه بلا ميعاد جناتو جاتو وزانا
زولن كيف شفيف شايل قليبو شوانا
شفنا صدق شفاهو وشفنا الخلق وآشانا


منصور
Post: #607
Title: Re: مسدار يا أهل المسادير ((2005))
Author: munswor almophtah
Date: 08-23-2005, 11:33 PM
Parent: #603

مالي لا أرى الهدهـد معاكم لسـة
ما بنفـع غيابك حتى لو تـتدسـا
حاشاك الضبح ياالما بتحمل الجسة
أحسن ليك تجيب نبأك وتجمع هسـة


البوم والغراب يا ود بشير عطشانا
وحمزه الفنجري..الليله صار مو معانا
شابا زى ملاك قلبو التقول شفخانا
لى طب الخلوق....الفى السغم وحلانا


منصور
Post: #606
Title: Re: مسدار يا أهل المسادير ((2005))
Author: Abdulla Ageed
Date: 08-23-2005, 08:27 AM
Parent: #1






دفّاع البِداني التيه.. بَقونو عشنّق
فوق ضيفانو طرباناً بتيتل.. شنّق
فارس الدنقلِن ندّل ضحيوة اتخنّق
روا العطشانو في عصر التريّة اتزنّق

يوسف البنّا
Post: #609
Title: Re: مسدار يا أهل المسادير ((2005))
Author: Abdulla Ageed
Date: 08-24-2005, 06:42 AM
Parent: #606

شوف كيف جملو دانا وللتِقِنَّب رنّق
من جبد الرسن لامِن حسيسو اتخنّق
مو داير القعاد للقومة شابة وشنّق
بدور النهضة لي بلد الحِجيلو مزنّق

ود عقيد





أخي منصور
لصديقكم ميرغني الرحمة والمغفرة وحسن الجزاء
Post: #611
Title: Re: مسدار يا أهل المسادير ((2005))
Author: munswor almophtah
Date: 08-24-2005, 04:50 PM
Parent: #609

شوف كيف جملو دانا وللتِقِنَّب رنّق
من جبد الرسن لامِن حسيسو اتخنّق
مو داير القعاد للقومة شابة وشنّق
بدور النهضة لي بلد الحِجيلو مزنّق

ود عقيد




أخي منصور
لصديقكم ميرغني الرحمة والمغفرة وحسن الجزاء

مابدور القعاد فى الفوده غضبان زنق
بدور رقلى الصحاري السيدو شبعان شنق
بدور بيت السلاح بالنار ملان ومخنق
بدور الصيد مراح بارياهو عبران فنق

منصور
له ولنا الرحمه ولآله الصبر ولسلوان
Post: #610
Title: Re: مسدار يا أهل المسادير ((2005))
Author: munswor almophtah
Date: 08-24-2005, 04:19 PM
Parent: #606

دفّاع البِداني التيه.. بَقونو عشنّق
فوق ضيفانو طرباناً بتيتل.. شنّق
فارس الدنقلِن ندّل ضحيوة اتخنّق
روا العطشانو في عصر التريّة اتزنّق

يوسف البنّا


مو راكبلو فوق ديراوى ضرط هنق
وما حبسو المقدم يوم دميرتو وخنق
راكب تيسو كايس فى البداوى عننق
وثابت قلبو مو ضهلان فطايس رنق

منصور
Post: #614
Title: Re: مسدار يا أهل المسادير ((2005))
Author: Yahia Abd El Kareem
Date: 08-25-2005, 08:37 AM
Parent: #610

مو راقدلو فى ضروة وبالفضايح سبق
ومو حايم على جروفا طيونة ملبق
عامر ساحته بى خيرا عميم ومدفق
راكب ناقته قاصد ام نفل عطورها معبق
Post: #623
Title: Re: مسدار يا أهل المسادير ((2005))
Author: munswor almophtah
Date: 08-25-2005, 11:08 PM
Parent: #614

مو راقدلو فى ضروة وبالفضايح سبق
ومو حايم على جروفا طيونة ملبق
عامر ساحته بى خيرا عميم ومدفق
راكب ناقته قاصد ام نفل عطورها معبق

راكب ناقتو جكن جيبو بالدولار كتير ومطبق
باطش من صغير شملول خصالن لا سرق لا لفق
زراع البقور بالخير ومرتاق لى فريكها وجبق
فاتح بابو مشرع خير شرابو عسل أصيل ومعتق


منصور
Post: #615
Title: Re: مسدار يا أهل المسادير ((2005))
Author: Abdulla Ageed
Date: 08-25-2005, 08:49 AM
Parent: #1

سيد الاصهب المنحول ضميرو مطابق
مشويم للمفدعة طيبا دايم عابق
مسابق الريح مشيهو وبالو ليه مسابق
مِتين ينجمّ عند ام زين يعود زي سابق

ود عقيد
Post: #616
Title: Re: مسدار يا أهل المسادير ((2005))
Author: nashaat elemam
Date: 08-25-2005, 12:15 PM
Parent: #615

تعود بكرة ان شاء الكريم الخالق
وترجع للودي الليهو انت مفارق
والحي بي وراك ما فيهو صبحاً شارق
ام زين شوقا دفق وجمرو اصبح حارق
Post: #617
Title: Re: مسدار يا أهل المسادير ((2005))
Author: نادية عثمان
Date: 08-25-2005, 12:55 PM
Parent: #616

ياالناس الحنان قلبى الحنون مشتاق

لى طيبة قلوب شاربة الغرام ترياق

بعادكم جد اليم وبالحيل كتير حراق

ابعدنى الشديد ولهاث وراء الارزاق
Post: #620
Title: Re: مسدار يا أهل المسادير ((2005))
Author: Yahia Abd El Kareem
Date: 08-25-2005, 01:27 PM
Parent: #617

يسلم دا القليب من الم البعاد وفراق
أمطرت أرضنا حنية وسماناانملت براق
وبعدك من شمس وحرور نضارى فى رقراق
اقعدى سلام شايلاك العيون جوه فى احداق
Post: #626
Title: Re: مسدار يا أهل المسادير ((2005))
Author: munswor almophtah
Date: 08-26-2005, 00:56 AM
Parent: #617

ياالناس الحنان قلبى الحنون مشتاق

لى طيبة قلوب شاربة الغرام ترياق

بعادكم جد اليم وبالحيل كتير حراق

ابعدنى الشديد ولهاث وراء الارزاق


أشد من شوقك قليب الشله عبأ وضاق
وضايق بالصبر من فتى طب ما راق
إسعدك الكريم وأمطر عليك أرزاق
ويا غصن الوداد الزاهى بالأوراق


منصور
Post: #619
Title: Re: مسدار يا أهل المسادير ((2005))
Author: Abdulla Ageed
Date: 08-25-2005, 01:26 PM
Parent: #616

تعود بكرة ان شاء الكريم الخالق
وترجع للودي الليهو انت مفارق
والحي بي وراك ما فيهو صبحاً شارق
ام زين شوقا دفق وجمرو اصبح حارق

نشأت

بوجودكم صباح أفراحنا دايما شارق
شعاع أحبابنا واصل للمسافات خارق
بعادنا ان طال وقصّر للبعيش مو فارق
قالو الحي بعود كعب البموت ويفارق

ود عقيد
Post: #625
Title: Re: مسدار يا أهل المسادير ((2005))
Author: munswor almophtah
Date: 08-26-2005, 00:41 AM
Parent: #616

تعود بكرة ان شاء الكريم الخالق
وترجع للودي الليهو انت مفارق
والحي بي وراك ما فيهو صبحاً شارق
ام زين شوقا دفق وجمرو اصبح حارق



واقفين فوق جمر صابرنا حافى وحالق
حاربينا الدليل شايلانا دافره مزالق
يا سيد الجمال سيد الدهب ومغالق
فسراع صد تعال لهجك عسيلن حادق

منصور
Post: #624
Title: Re: مسدار يا أهل المسادير ((2005))
Author: munswor almophtah
Date: 08-25-2005, 11:53 PM
Parent: #615

سيد الاصهب المنحول ضميرو مطابق
مشويم للمفدعة طيبا دايم عابق
مسابق الريح مشيهو وبالو ليه مسابق
مِتين ينجمّ عند ام زين يعود زي سابق

ود عقيد


عند أم زين بقيل خيرو راقد وفايق
وجملو العيش متكل لى علوقتو بتواق
وقلبو تقيل ميقن لو عديم لو ضايق
وزايد عفه فايت لا بعيق لو عايق

منصور
Post: #618
Title: Re: مسدار يا أهل المسادير ((2005))
Author: Abdulla Ageed
Date: 08-25-2005, 01:15 PM
Parent: #1

ياالناس الحنان قلبى الحنون مشتاق

لى طيبة قلوب شاربة الغرام ترياق

بعادكم جد اليم وبالحيل كتير حراق

ابعدنى الشديد ولهاث وراء الارزاق

نادية

...............


ناس الحِلة هوووي اتلمو أبقو رُقاق
جيتكم بي خبر دسديسو ما بينطاق
هلّ قمر فريقنا بعد غياب وفراق
ما شفتوهو كيف فرهد سمانا وراق

ود عقيد
Post: #621
Title: Re: مسدار يا أهل المسادير ((2005))
Author: nashaat elemam
Date: 08-25-2005, 01:40 PM
Parent: #618

يا ناس الحنان نحنا ديل ما ناسو
والقلب الودر وودع بعيد لي ساسو
شايقاهو ابتسامة اللابد ورا حراسو
اب ديسا حرير والفل شبه انفاسو
Post: #622
Title: Re: مسدار يا أهل المسادير ((2005))
Author: نادية عثمان
Date: 08-25-2005, 04:15 PM
Parent: #621

تسلموا ياشباب والله فراقكم حار

منصور الكريم عامر دوام الدار

نشأت يالامام وعقيد عشوق مسدار

بخارى ويحى مرحب يالنبأكم سار
Post: #627
Title: Re: مسدار يا أهل المسادير ((2005))
Author: munswor almophtah
Date: 08-26-2005, 01:18 AM
Parent: #622

تسلموا ياشباب والله فراقكم حار

منصور الكريم عامر دوام الدار

نشأت يالامام وعقيد عشوق مسدار

بخارى ويحى مرحب يالنبأكم سار

زى نار الجمر والله زايد نار
ومنصور تب موتب زي وتد فى الدار
ويحى هداك مجوبك فى الغياب محتار
وباقى الشله طب لايكه الصبر زى نار

munswor
Post: #628
Title: Re: مسدار يا أهل المسادير ((2005))
Author: Yahia Abd El Kareem
Date: 08-26-2005, 06:41 AM
Parent: #627


خصمتك بالمعزة ان فتى الوداد الصار

فرحت الربع منجم بعد الفراق الطال

معروفات خصايالك بت ناسا يكرمو الجار

بيك عمر مسدارنا هلل بالمديح والطار
Post: #631
Title: Re: مسدار يا أهل المسادير ((2005))
Author: munswor almophtah
Date: 08-26-2005, 06:16 PM
Parent: #628

خصمتك بالمعزة ان فتى الوداد الصار

فرحت الربع منجم بعد الفراق الطال

معروفات خصايالك بت ناسا يكرمو الجار

بيك عمر مسدارنا هلل بالمديح والطار


يحى أخو البنات قلبك حديد ما طار
ويا جبلا مثبت فى الأرض مو حجار
ناديه لطيفه ما بتحرمنا طلة دار
وزى لبن الطيور طالباهو شيخة الزار

منصور
Post: #629
Title: Re: مسدار يا أهل المسادير ((2005))
Author: munswor almophtah
Date: 08-26-2005, 05:35 PM
Parent: #621

يا ناس الحنان نحنا ديل ما ناسو
والقلب الودر وودع بعيد لي ساسو
شايقاهو ابتسامة اللابد ورا حراسو
اب ديسا حرير والفل شبه انفاسو

الليل إن برد بالحيل بدور وناسو
والزول إن غرق فى الشوق بدور غواسو
شوقا كيف طمح مافيش صليحا قاسو
حراق للفؤاد شراق للقليب وإحساسو





منصور
Post: #630
Title: Re: مسدار يا أهل المسادير ((2005))
Author: munswor almophtah
Date: 08-26-2005, 06:02 PM
Parent: #618

ناس الحِلة هوووي اتلمو أبقو رُقاق
جيتكم بي خبر دسديسو ما بينطاق
هلّ قمر فريقنا بعد غياب وفراق
ما شفتوهو كيف فرهد سمانا وراق

ود عقيد

ود العقيد نبع الحنان بقباق
ويا ضل اللبخ حاشاهو طب رقراق
خبرك بالحيل سمح رطب الشمال دفاق
ويا حافظ العروض بالسيف حريص دراق


منصور
Post: #632
Title: Re: مسدار يا أهل المسادير ((2005))
Author: نادية عثمان
Date: 08-26-2005, 06:41 PM
Parent: #630

منو القال القروش بتغنى عن أخلاقك

أدبك واحترامك أغلى من أملاكك

الدنيا الوسيعة تضيق على أندادك

نورك يبق يمين من غير كهارب أسلاكك
Post: #633
Title: Re: مسدار يا أهل المسادير ((2005))
Author: المسافر
Date: 08-27-2005, 03:50 PM
Parent: #632


( البنية أم ديسا كابي وفوق الكتيفات جال
متين يا الرايقـة ريدنا يبقى حـلال )
وتكوني في النصيب وبيـك يهدأ البال
الحال العلي يالرايقة من حال يعود لي حال


البنية أم ديساً كابي وفوق الفنايد طوح
( الخراب الخربتيه يخربو أبى يصلح )
العين في الطعام والجوف دباغة مملح
والجسم إن وقف باقيـه يدوب يتفلـح
Post: #634
Title: Re: مسدار يا أهل المسادير ((2005))
Author: nashaat elemam
Date: 08-28-2005, 04:55 AM
Parent: #633

البنيه الديسا ساواهو مسايرن سبعه
شالت نومي فرت حمت لعيوني الهجعه
الخلاني ما فـارز خميــس من جمــعه
الجيـــد القـزاز والخديد ابو لمعــــه
Post: #635
Title: Re: مسدار يا أهل المسادير ((2005))
Author: نادية عثمان
Date: 08-28-2005, 06:36 AM
Parent: #634

شايقية وشلوخها الستة ضاوية وجيها

تلقاها المحننة ديمة كاملة جيهة

صندلها وكت يفوح يظهر نضارها الفيها

وديار الشوايقة أكيد تعود وتجيها
Post: #639
Title: Re: مسدار يا أهل المسادير ((2005))
Author: munswor almophtah
Date: 08-28-2005, 11:58 AM
Parent: #635

شايقية وشلوخها الستة ضاوية وجيها

تلقاها المحننة ديمة كاملة جيهة

صندلها وكت يفوح يظهر نضارها الفيها

وديار الشوايقة أكيد تعود وتجيها



ولدا ود بلد ما بعاف جميله مليحه
واردات الجنوب أو من شمال تفتيحه
جديات الغرب جايلات جميله مريحه
وصيدات الشرق من الله جاتنا منيحه

منصور
Post: #640
Title: Re: مسدار يا أهل المسادير ((2005))
Author: munswor almophtah
Date: 08-28-2005, 12:19 PM
Parent: #634

البنيه الديسا ساواهو مسايرن سبعه
شالت نومي فرت حمت لعيوني الهجعه
الخلاني ما فـارز خميــس من جمــعه
الجيـــد القـزاز والخديد ابو لمعــــه


ياود الإمام أثبت كفاك اللوعه
ثبت قلبك المهبوش كتيل الروعه
بدورلك حجابا من فقير كان توعه
ترجع لى مراحك لا عطش لا جوعه


منصور
Post: #641
Title: Re: مسدار يا أهل المسادير ((2005))
Author: nashaat elemam
Date: 08-29-2005, 04:01 AM
Parent: #640

يا منصور اخـــوي قلبي حــــرّم ثابــت
وفي عز العشق ما بتلقى فيهـــو بتـابت
الا الحبــها في ضلوعــي اصـــبح نابت
زي الشتله جواي وضلوعي ليها منابت
Post: #643
Title: Re: مسدار يا أهل المسادير ((2005))
Author: munswor almophtah
Date: 08-29-2005, 12:21 PM
Parent: #641

يا منصور اخـــوي قلبي حــــرّم ثابــت
وفي عز العشق ما بتلقى فيهـــو بتـابت
الا الحبــها في ضلوعــي اصـــبح نابت
زي الشتله جواي وضلوعي ليها منابت

قلبك جبل فاتح كهوفو منافذ
صيدتك يا الإمام جذاب جمالا وآخذ
صوتك فى الغرام مسموع مجلجل نافذ
عشقك مو حرام ما فيه أدنى مآخذ

منصور
Post: #637
Title: Re: مسدار يا أهل المسادير ((2005))
Author: munswor almophtah
Date: 08-28-2005, 11:11 AM
Parent: #633

( البنية أم ديسا كابي وفوق الكتيفات جال
متين يا الرايقـة ريدنا يبقى حـلال )
وتكوني في النصيب وبيـك يهدأ البال
الحال العلي يالرايقة من حال يعود لي حال


الحال العليك يا أبو العيال حال فال
من قعد الإمام كتب الكتاب دا حلال
الديس مو مهم كان ستو ساتره الحال
وافضل منو وجها زان عيونو هلال


منصور
منصور
Post: #638
Title: Re: مسدار يا أهل المسادير ((2005))
Author: munswor almophtah
Date: 08-28-2005, 11:42 AM
Parent: #633

البنية أم ديساً كابي وفوق الفنايد طوح
( الخراب الخربتيه يخربو أبى يصلح )
العين في الطعام والجوف دباغة مملح
والجسم إن وقف باقيـه يدوب يتفلـح

الديس يا المسافر خلى بقرك بوح
وزى مكتول غرام من شوقو لمن نوح
الزول البديع متل الورود تتفوح
هراد للقلوب دا كان قعد كان روح


كل الواو مشدده ومفتوحه

منصور
Post: #636
Title: Re: مسدار يا أهل المسادير ((2005))
Author: munswor almophtah
Date: 08-28-2005, 10:40 AM
Parent: #632

منو القال القروش بتغنى عن أخلاقك

أدبك واحترامك أغلى من أملاكك

الدنيا الوسيعة تضيق على أندادك

نورك يبق يمين من غير كهارب أسلاكك

الوجه البشع بالنور دا فال أسلافك
يا بحر الأدب كضاب عديل من فاتك
غدر الزمان يا ناديا قاتل وسافك
ما بعرف قيم بعرف فلوس وسكاسك

منصور
Post: #642
Title: Re: مسدار يا أهل المسادير ((2005))
Author: نادية عثمان
Date: 08-29-2005, 08:17 AM
Parent: #636

انتهز الفرص قبال تروح لى غيرك

حدد اتجاهك وقبلتك ومصيرك

سلطة وصولجان فى الدنيا يبقى نصيرك

ولو ترضى الهوان مابتلقى زولآ يجيرك
Post: #644
Title: Re: مسدار يا أهل المسادير ((2005))
Author: munswor almophtah
Date: 08-29-2005, 12:33 PM
Parent: #642

انتهز الفرص قبال تروح لى غيرك

حدد اتجاهك وقبلتك ومصيرك

سلطة وصولجان فى الدنيا يبقى نصيرك

ولو ترضى الهوان مابتلقى زولآ يجيرك


دلينا السبيل يا ناديا كتر خيرك
ورينا الطريق تلقينا شادين حيلك
سلطه وصولجان بالورثه أضحت هيلك
وحرمت للقبيل دايرين تكون لى غيرك


منصور
Post: #645
Title: Re: مسدار يا أهل المسادير ((2005))
Author: Yahia Abd El Kareem
Date: 08-29-2005, 01:31 PM
Parent: #644

هذان المربعان احتفالية بعودة وبقاء نوارة المسدار////

ما انقطع العشم فى فجرا يجيبك نادية
نتلفت لى شمسا ضحى ان جات تميل متهادية
وانقسم النهار ما طلت لعلها عافية
االمنصور ادرك اخوك بى كلمتن شافية
*********
دنت السمحة تتهادى متل النسيم المار
ود منصور انشرح بعد جوا معكر وحار
داك العقيد منجم لو طاش الفكر او حار
افصح ياالحنين بى نمن يطرب السمار
Post: #646
Title: Re: مسدار يا أهل المسادير ((2005))
Author: نادية عثمان
Date: 08-29-2005, 03:07 PM
Parent: #645

منصور العزيز

Quote: دلينا السبيل يا ناديا كتر خيرك
ورينا الطريق تلقينا شادين حيلك
سلطه وصولجان بالورثه أضحت هيلك
وحرمت للقبيل دايرين تكون لى غيرك



منصور العزيز انا جاية كايسة دليلك

تائه فى الطريق ياالغالى ياخى حليلك

العز من قبيل رضعوهو اولاد جيلك

سلطة وصولجان مفروض تكون بس هيلك
Post: #647
Title: Re: مسدار يا أهل المسادير ((2005))
Author: نادية عثمان
Date: 08-30-2005, 04:58 PM
Parent: #646

جعلية وشلوخها السمحة ستة عوارض

لابترفض كلامها ولابتجيهو معارض

لو ربك أراد وزاح من طريقك عارض


تدورك بت جعل وتداوى فيك المارض
Post: #651
Title: Re: مسدار يا أهل المسادير ((2005))
Author: munswor almophtah
Date: 08-31-2005, 08:12 AM
Parent: #647

جعلية وشلوخها السمحة ستة عوارض

لابترفض كلامها ولابتجيهو معارض

لو ربك أراد وزاح من طريقك عارض


تدورك بت جعل وتداوى فيك المارض

جعليه شلوخه سته الوالده ما بتتعارض
وبارنها بى صدق يا ناديا ربك فارض
ربك كم لطيف يا ناديا مانح وغارض
ومانح فى الأرض حور الجنان ما بعارض

منصور
Post: #655
Title: Re: مسدار يا أهل المسادير ((2005))
Author: Abdulla Ageed
Date: 09-01-2005, 05:39 AM
Parent: #651

دنت السمحة تتهادى متل النسيم المار
ود منصور انشرح بعد جوا معكر وحار
داك العقيد منجم لو طاش الفكر او حار
افصح ياالحنين بى نمن يطرب السمار

يحيا


يحيا أخو البنات في الحارّة رايك تمْ
في عز النفس فات الرُجال من جمْ
صاحبك ود عقيد بلحيل أكان منجمْ
من هادي الهموم ال في شتات الهمْ

ود عقيد
Post: #650
Title: Re: مسدار يا أهل المسادير ((2005))
Author: munswor almophtah
Date: 08-31-2005, 07:37 AM
Parent: #646

منصور العزيز انا جاية كايسة دليلك

تائه فى الطريق ياالغالى ياخى حليلك

العز من قبيل رضعوهو اولاد جيلك

سلطة وصولجان مفروض تكون بس هيلك


الباب أنفتح يا ناديا أنفذى أدخلى
وتايهين من زمان زى صوفى سالك ودغرى
أترابى الزمان يا ناديا واصلين بدري
ماسكين صولجان قاعدين فوق ككر كان تدري

منصور
Post: #648
Title: Re: مسدار يا أهل المسادير ((2005))
Author: munswor almophtah
Date: 08-31-2005, 01:05 AM
Parent: #645

ما انقطع العشم فى فجرا يجيبك نادية
نتلفت لى شمسا ضحى ان جات تميل متهادية
وانقسم النهار ما طلت لعلها عافية
االمنصور ادرك اخوك بى كلمتن شافية


عادة القمر يحى الغياب والطلعه
تتآكل تضئ أرواحنا ديك الشمعه
ناديا القمر دورين وباذخة السطعه
وإن غابت تعود جذابه أكثر روعه


منصور
Post: #649
Title: Re: مسدار يا أهل المسادير ((2005))
Author: نادية عثمان
Date: 08-31-2005, 05:05 AM
Parent: #648

وينك ود عقيد دمعاتنا نازلة سخينة

مالك ياالعزيز بقيت أكيد ناسينا

تكورك لينا نرجع وتمشى وتجافينا

ماكان العشم ياغالى تزهد فينا !!!
Post: #652
Title: Re: مسدار يا أهل المسادير ((2005))
Author: Abdulla Ageed
Date: 08-31-2005, 08:26 AM
Parent: #1

وينك ود عقيد دمعاتنا نازلة سخينة

مالك ياالعزيز بقيت أكيد ناسينا

تكورك لينا نرجع وتمشى وتجافينا

ماكان العشم ياغالى تزهد فينا !!!

نادية

تبري من الدموع يا السمحة بت وادينا
شاعرة مكملة ونضمك زلال يروينا
كيف نزهدكم انتو وحبّكم مالينا
دايما عالي قدرك يا المكملة زينا

ود عقيد
Post: #653
Title: Re: مسدار يا أهل المسادير ((2005))
Author: نادية عثمان
Date: 08-31-2005, 08:34 AM
Parent: #652

Quote: تبري من الدموع يا السمحة بت وادينا
شاعرة مكملة ونضمك زلال يروينا
كيف نزهدكم انتو وحبّكم مالينا
دايما عالي قدرك يا المكملة زينا

ود عقيد




سمح مالك مشيت نحنا البعاد آزينا

المنصور جميل مسدارو جنة حنينة

ويحى وود امام وبخارى قلبو علينا

كل زولا بمش فراقو بقطع فينا !!
Post: #654
Title: Re: مسدار يا أهل المسادير ((2005))
Author: Abdulla Ageed
Date: 08-31-2005, 08:49 AM
Parent: #653

شطان شعري حاربني وسعا لِي غبينة
قدر ما ادودرو ينجع ضُمّة من وادينا
بيتعزز علي عارف رويحتي حنينة
متين يا الغالي تتلطف تعاود لينا

ود عقيد
Post: #656
Title: Re: مسدار يا أهل المسادير ((2005))
Author: Yahia Abd El Kareem
Date: 09-01-2005, 07:22 AM
Parent: #654

الى العقيد...
**********
الحرف ان اباك دارك عميمة لبينة
خيرا ما انقطع وخبرك بسر حادينا
وكل ما مر هلالك يضوى الليالى يزينه
ياك العقيد مقنعن وفى العشم دخرينا

**********
Post: #657
Title: Re: مسدار يا أهل المسادير ((2005))
Author: Yahia Abd El Kareem
Date: 09-01-2005, 07:35 AM
Parent: #654

الى المنصور

*****
اما النجمة ديك هلت تحوم فى الهجعة
وتنشرح النفوس من ضوا يشع فى البقعة
نادية النسمة ان طافت بى قرب تصيبك لوعة
وان بعدت هناك التبرى اليزيد فى اللمعة
Post: #658
Title: Re: مسدار يا أهل المسادير ((2005))
Author: Yahia Abd El Kareem
Date: 09-01-2005, 07:58 AM
Parent: #654


الى نادية

*****
مسدارنا اب وردن مندى وبالحنين ساقينا
جنة زهورها منوعة وبى حمرة خدود تكوينا
وحاوية لى فرسان شعر بيهم ضراعة لبينا
وبيهم يوت تضوى والنادية بقت لها زينا
Post: #659
Title: Re: مسدار يا أهل المسادير ((2005))
Author: Abdulla Ageed
Date: 09-01-2005, 08:15 AM
Parent: #1

الحرف ان اباك دارك عميمة لبينة
خيرا ما انقطع وخبرك بسر حادينا
وكل ما مر هلالك يضوى الليالى يزينه
ياك العقيد مقنعن وفى العشم دخرينا

يحيا

دخري الحوبة يحيا أخو البتضوي رتينة
منسول من عُزاز جعل البفشو غبينة
نديدك في الكرم منصور اخوها الزينة
إيدكم طايلة وافضالكم مِغرِّقة فينا

ود عقيد
Post: #660
Title: Re: مسدار يا أهل المسادير ((2005))
Author: munswor almophtah
Date: 09-01-2005, 02:22 PM
Parent: #659

اما النجمة ديك هلت تحوم فى الهجعة
وتنشرح النفوس من ضوا يشع فى البقعة
نادية النسمة ان طافت بى قرب تصيبك لوعة
وان بعدت هناك التبرى اليزيد فى اللمعة

فى الهجعه أضغاث الحلم غاصتبى كمين وجعه
وجعا فى صفايح الشوق تحرق لا حضور لا رجعه
ناديا أكان مشت يا يحى جاتنا الفجعه
وإن غابت عقب يا يحى لازمه النجعه


منصور
Post: #661
Title: Re: مسدار يا أهل المسادير ((2005))
Author: نادية عثمان
Date: 09-01-2005, 09:09 PM
Parent: #660

Quote: الى نادية

*****
مسدارنا اب وردن مندى وبالحنين ساقينا
جنة زهورها منوعة وبى حمرة خدود تكوينا
وحاوية لى فرسان شعر بيهم ضراعة لبينا
وبيهم يوت تضوى والنادية بقت لها زينا




ود عبد الكريم الجنة بتكفينا

عشان بالحيل نحب حتى البيغلط فينا

نساعد كلو زول ونضوّى ليلو رتينة

ونضحك للبكشّر ويرموا لومو علينا !!
Post: #664
Title: Re: مسدار يا أهل المسادير ((2005))
Author: Yahia Abd El Kareem
Date: 09-03-2005, 12:20 PM
Parent: #661

بيك ومعاك بت عثمان نور الجنان كاسينا
اخلاق الملاك عمانا ونفس النسميم هابينا
نتقاسم الطيبة وبالخيرنذكر الطارينا
ومسدار الاحبة ينم نغمات طروبة حنينا
Post: #662
Title: Re: مسدار يا أهل المسادير ((2005))
Author: Abdulla Ageed
Date: 09-03-2005, 06:45 AM
Parent: #1

يا شيوخ الغرام الفوني بي المقدورة
كاتلاني البنية في (الجزيرة) ظهورا
جات من الاجازة السمحة بت (بنّورة)
رجعت لي أزاي.. يا اخواني كيف الشورة

ود عقيد
Post: #663
Title: Re: مسدار يا أهل المسادير ((2005))
Author: نادية عثمان
Date: 09-03-2005, 09:28 AM
Parent: #662

Quote: يا شيوخ الغرام الفوني بي المقدورة
كاتلاني البنية في (الجزيرة) ظهورا
جات من الاجازة السمحة بت (بنّورة)
رجعت لي أزاي.. يا اخواني كيف الشورة

ود عقيد



تسلم ود عقيد العافية سمحة ندورها

فياتو جزيرة جات الشافعة شالع نورها ؟!!

جزيرة توتى ام حقت قطر مشهورة ؟!!

فترتا من الجرى ياريتنى بلعب كورة !!!
Post: #665
Title: Re: مسدار يا أهل المسادير ((2005))
Author: munswor almophtah
Date: 09-03-2005, 01:19 PM
Parent: #662

يا شيوخ الغرام الفوني بي المقدورة
كاتلاني البنية في (الجزيرة) ظهورا
جات من الاجازة السمحة بت (بنّورة)
رجعت لي أزاي...يا اخواني كيف الشورة

ود عقيد


نار الغرام يا ود عقيد مخبوره
زى قنقر جروف نيرانو ديك مهبوله
جاتك كاسعه زى جدى الحدب منتوره
أشبع فيها شوف وأشرب زلال نافوره


منصور
Post: #666
Title: Re: مسدار يا أهل المسادير ((2005))
Author: Abdulla Ageed
Date: 09-03-2005, 01:33 PM
Parent: #1

تسلم ود عقيد العافية سمحة ندورها

فياتو جزيرة جات الشافعة شالع نورها ؟!!

جزيرة توتى ام حقت قطر مشهورة ؟!!

فترتا من الجرى ياريتنى بلعب كورة !!!

نادية

الشافعة المنجضة روحي بي فد فورة
اسمها قالو (إيمان) في الجزيرة ظهورا
مذيعة مجيّهة وتامّة الجمال.. مشهورة
هي بتقرا (الخبر) وانا منبهم في (الصورة)

ود عقيد
Post: #667
Title: Re: مسدار يا أهل المسادير ((2005))
Author: Abdulla Ageed
Date: 09-03-2005, 01:47 PM
Parent: #1

نار الغرام يا ود عقيد مخبوره
زى قنقر جروف نيرانو ديك مهبوله
جاتك كاسعه زى جدى الحدب منتوره
أشبع فيها شوف وأشرب زلال نافوره

منصور


يا منصور اخوي الشافعة نان مي حورة
الوشي قمرا والعين واسعة غامضة بحورا
الجيد المدوّر صبّو بي ماسورة
خدها مُنضرة، فويطراتا شالع نورا

ود عقيد
Post: #668
Title: Re: مسدار يا أهل المسادير ((2005))
Author: munswor almophtah
Date: 09-03-2005, 02:39 PM
Parent: #667

يا منصور اخوي الشافعة نان مي حورة
الوشي قمرا والعين واسعة غامضة بحورا
الجيد المدوّر صبّو بي ماسورة
خدها مُنضرة، فويطراتا شالع نورا

ود عقيد


بالسمع جهرتنى المبهرجه نوره
نحن عيال شمع بتذيبنا شوفة الصوره
بريبة شروق شاميه شامله نفوره
وإن شفنا الحقيقه بننصقع لى حضوره



منصور
Post: #669
Title: Re: مسدار يا أهل المسادير ((2005))
Author: nashaat elemam
Date: 09-04-2005, 02:57 AM
Parent: #667

البي ود عقيد من زماااان مخبوره
أب قلباً أصم عاشقلو بت بلوره
ريدا مجهجهو خلا الضلع مكسوره
يا منصور اخوي ورينا عاد الشوره؟؟
Post: #670
Title: Re: مسدار يا أهل المسادير ((2005))
Author: نادية عثمان
Date: 09-04-2005, 08:40 PM
Parent: #669

كمّلتو الغرام باكيين كفاية النوح

عشاق الجمال بانين عشانو صروح

اهمّ من الوشيش ياناس جمال الروح

وان طاب العمل مكتوب هناك فى اللوح !!
Post: #671
Title: Re: مسدار يا أهل المسادير ((2005))
Author: munswor almophtah
Date: 09-04-2005, 11:17 PM
Parent: #670

كمّلتو الغرام باكيين كفاية النوح

عشاق الجمال بانين عشانو صروح

اهمّ من الوشيش ياناس جمال الروح

وان طاب العمل مكتوب هناك فى اللوح !!

نوحا فى الغرام إن جات خناس بتبوح
وتحلف باليمين فتناها حول فى النوح
الروح والوجيه يا ناديا عايزه شروح
وأوتاد الجبال فد لحظه دايره تطوح


منصور
Post: #677
Title: Re: مسدار يا أهل المسادير ((2005))
Author: Yahia Abd El Kareem
Date: 09-05-2005, 11:36 AM
Parent: #671

عشاق ننوح بدمع هاطل بزيدا جروح

مكحولين عشق بى وجيهن سمح مطروح

ان غابت هلكنا وان هلت زناد مقدوح

أدرك اخوك يامفتاح قبال خراج الروح
Post: #678
Title: Re: مسدار يا أهل المسادير ((2005))
Author: munswor almophtah
Date: 09-05-2005, 12:09 PM
Parent: #677

عشاق ننوح بدمع هاطل بزيدا جروح

مكحولين عشق بى وجيهن سمح مطروح

ان غابت هلكنا وان هلت زناد مقدوح

أدرك اخوك يامفتاح قبال خراج الروح



مدروك يا اللصم بالستره مك مفضوح
وساحرات الخصال كاتلاك عشق مسموح
يا البهلول تعال عشقك أصيل ممنوح
ومن خالق الجمال رب الجلال والروح

منصور
Post: #672
Title: Re: مسدار يا أهل المسادير ((2005))
Author: munswor almophtah
Date: 09-04-2005, 11:35 PM
Parent: #669

البي ود عقيد من زماااان مخبوره
أب قلباً أصم عاشقلو بت بلوره
ريدا مجهجهو خلا الضلع مكسوره
يا منصور اخوي ورينا عاد الشوره؟؟



قلبا فى العقيد ريشاتو من زرزوره
خاليه مكنتو من ترسا تقيل للدوره
زى مضهول غرام شاف الصغيره بدوره
صعبان صدو يا نشأت غرق فى كوره


منصور
Post: #673
Title: Re: مسدار يا أهل المسادير ((2005))
Author: Abdulla Ageed
Date: 09-05-2005, 05:02 AM
Parent: #669


يا ود الامام الريدة مي محقورة
عاشقين كل جميلة وديما نبني قصورا
عهدي مع الجمال افرحبو حت لو صورة
اغني عليهو من هِنا لا قفا (المنصورة)

ود عقيد
Post: #674
Title: Re: مسدار يا أهل المسادير ((2005))
Author: Abdulla Ageed
Date: 09-05-2005, 05:11 AM
Parent: #1

كمّلتو الغرام باكيين كفاية النوح
عشاق الجمال بانين عشانو صروح
اهمّ من الوشيش ياناس جمال الروح
وان طاب العمل مكتوب هناك فى اللوح !!

نادية

يا ست الحسُن عاشق الجمال مجروح
كل ما يشوف جميل يبكي ويزيد في النوح
ما بيكمل غرامنا، ان شا الله تب مايروح
نظل عاشقين جمال الوش وطيب الروح

ود عقيد
Post: #675
Title: Re: مسدار يا أهل المسادير ((2005))
Author: Abdulla Ageed
Date: 09-05-2005, 05:25 AM
Parent: #1

نوحا فى الغرام إن جات خناس بتبوح
وتحلف باليمين فتناها حول فى النوح
الروح والوجيه يا ناديا عايزه شروح
وأوتاد الجبال فد لحظه دايره تطوح

منصور

ود مفتاح حديثك بالبيان مزروب
إيدك صابّة عند النهمة ماك مكروب
تطرب لي السمِح توفيهو نمو دروب
قبيل قالو العرب "إن الكريم طروب"

ود عقيد
Post: #676
Title: Re: مسدار يا أهل المسادير ((2005))
Author: نادية عثمان
Date: 09-05-2005, 10:02 AM
Parent: #675

زهجانة الزهج ماش يكتم الأنفاس

بايظ كمبيوترى فاقد الاحساس

مابقدر بلاه مقطوعة روحا ورأس

كرّهنى اللئيم شمّت على الناس !!!!
Post: #679
Title: Re: مسدار يا أهل المسادير ((2005))
Author: munswor almophtah
Date: 09-05-2005, 12:23 PM
Parent: #676

زهجانة الزهج ماش يكتم الأنفاس

بايظ كمبيوترى فاقد الاحساس

مابقدر بلاه مقطوعة روحا ورأس

كرّهنى اللئيم شمّت على الناس !!!!

تبرى من الزهج يا جنه من أنناس
ويا نفس الملايكه اللورد نفاس
خواجة السجم ملحوس عديم إحساس
ومو عارف الجهاز بتملكو ست الناس

منصور
Post: #680
Title: Re: مسدار يا أهل المسادير ((2005))
Author: Yahia Abd El Kareem
Date: 09-08-2005, 07:17 AM
Parent: #679


تبرى من الشماتة ندوية بت الناس

أصله الجهاز سبب الوجعة والوساس

لابدمن رجوع باكر و ببقى ليك وناس

وتطربنا الحروف العاملة الاصالة اساس
Post: #693
Title: Re: مسدار يا أهل المسادير ((2005))
Author: nashaat elemam
Date: 09-10-2005, 11:28 AM
Parent: #675

ود مفتاح حديثك بالبيان مزروب
إيدك صابّة عند النهمة ماك مكروب
تطرب لي السمِح توفيهو نمو دروب
قبيل قالو العرب "إن الكريم طروب"

ود عقيد

ود مفتاح اخوي عقيدنا تب اوفاكا
ما اصلو الوفي من طبعو ما بنساكا
عارف لشمايلك وحافظ لودادو معاكا
ووقت الحاره تبقى تلقاهو تب يفداكا
Post: #681
Title: Re: مسدار يا أهل المسادير ((2005))
Author: Abdulla Ageed
Date: 09-08-2005, 01:28 PM
Parent: #1

ود المُرّة والشرّاد.. تِرِكْتَ الفايق
حد راحتك كِمِل.. الكرامات التلاتة وسايق
علي بلد الخدودة رتينة، حظّها رايق
عشرين ميل.. تكيلن في تمانية دقايق

ود ضحوية
Post: #682
Title: Re: مسدار يا أهل المسادير ((2005))
Author: munswor almophtah
Date: 09-08-2005, 05:17 PM
Parent: #681

ود المُرّة والشرّاد.. تِرِكْتَ الفايق
حد راحتك كِمِل.. الكرامات التلاتة وسايق
علي بلد الخدودة رتينة، حظّها رايق
عشرين ميل.. تكيلن في تمانية دقايق

ود ضحوية


ود المره فوق عوسو اليخب مو ضايق
لحاق للرهاب جدياتو بوخ طابق
إن بعدن شقيلهن نفسو كاربو العاشق
وإن دنن شبع معسول لهيجن حادق


منصور
Post: #683
Title: Re: مسدار يا أهل المسادير ((2005))
Author: نادية عثمان
Date: 09-08-2005, 05:34 PM
Parent: #682

ملامحك ديمة في الخاطر واسمك في الفؤاد مشتول
رسايلك تسعد المشتاق وسيرتك للصداع بندول
عيونك مرسي للتاية سجارة بنقو للمسطول
وحات عينيك رسايلك انتي لما تطول
حرف واحد برضيني ومنك بالعدم مسكول



وصلتنى عبر الايميل من عاشق لفن الدوبيت فاحببت ان اتى بها هنا .. مع العلم اننى لااعرفه وربما يكون عضوا فى منبرنا هذا !!!
Post: #684
Title: Re: مسدار يا أهل المسادير ((2005))
Author: Yahia Abd El Kareem
Date: 09-09-2005, 06:59 AM
Parent: #682


ود المرة جادى بين جرى وخبيب مو حايق

لحاق للبعيدة وفى شانها الهوايل طايق

ان بعدن يكابد السفر اب هموم و عوايق

وان قربن شبع من طاعم حديثهن لايق
Post: #685
Title: Re: مسدار يا أهل المسادير ((2005))
Author: Abdulla Ageed
Date: 09-09-2005, 07:09 AM
Parent: #1

ود المُرة لي بلد الحُنان تب ضايق
مِكابس لي الوصول قبّال يكمّل (سايق)
في حوبة الرجال سيد رسنو دايما حايق
يختِر بيهو ديما على ام سبيبا سايق

ود عقيد
Post: #686
Title: Re: مسدار يا أهل المسادير ((2005))
Author: munswor almophtah
Date: 09-09-2005, 03:36 PM
Parent: #685

ود المُرة لي بلد الحُنان تب ضايق
مِكابس لي الوصول قبّال يكمّل (سايق)
في حوبة الرجال سيد رسنو دايما حايق
يختِر بيهو ديما على ام سبيبا سايق

ود عقيد


سيد رسنو أبدقنوس طلب دار شايق
بدور شلخا عقب خدو الأسيل مو عايق
بدور رطبا نخل جرفو الممورقء دافق
بدور عسل الجوافه يكون وحيدو الضايق


منصور
Post: #687
Title: Re: مسدار يا أهل المسادير ((2005))
Author: نادية عثمان
Date: 09-09-2005, 04:42 PM
Parent: #686

ياسيد الحوش


لو دوبيت الزول ده شين نشيلو ليكم ياجماعة !!!
Post: #688
Title: Re: مسدار يا أهل المسادير ((2005))
Author: munswor almophtah
Date: 09-09-2005, 06:01 PM
Parent: #687

ملامحك ديمة في الخاطر واسمك في الفؤاد مشتول
رسايلك تسعد المشتاق وسيرتك للصداع بندول
عيونك مرسي للتاية سجارة بنقو للمسطول
وحات عينيك رسايلك انتي لما تطول
حرف واحد برضيني ومنك بالعدم مسكول


أبقى كما الرجال بالباب تعال مسئول
واشبع من كلام الناديا خاتى القول
يا زايق القلب إبليس دوام منعول
وبسمل بالرحيم جيب الكلام معقول

منصور
Post: #689
Title: Re: مسدار يا أهل المسادير ((2005))
Author: nashaat elemam
Date: 09-10-2005, 01:14 AM
Parent: #688

يا منصور براحه.. شايفك خلعت الزول
الراجل دار يشارك معاك بس بالقول
خليهو اليواصل ما تعاملو زي مخبول
وانا عارفك اصيل وبالكرم مجبول

ضيفك ما بتهينو لو يجيك كل يوم
ونارك ما بتموت بشوفا ضاويه نجوم
العز هيلك انت ردمت فيهو ردوم
والحارة ان بقت تقدل وفيها تحوم
Post: #690
Title: Re: مسدار يا أهل المسادير ((2005))
Author: munswor almophtah
Date: 09-10-2005, 10:14 AM
Parent: #689

يا منصور براحه.. شايفك خلعت الزول
الراجل دار يشارك معاك بس بالقول
خليهو اليواصل ما تعاملو زي مخبول
وانا عارفك اصيل وبالكرم مجبول

الزول جا بالشباك والناس نيام يازول
تاوق وتوش تلب والباب حديد مقفول
كايس بدور الريد والناس قليب مشغول
كان قصدو يتونس خليهو تانى يقول

منصور
Post: #691
Title: Re: مسدار يا أهل المسادير ((2005))
Author: munswor almophtah
Date: 09-10-2005, 10:46 AM
Parent: #690

ضيفك ما بتهينو لو يجيك كل يوم
ونارك ما بتموت بشوفا ضاويه نجوم
العز هيلك انت ردمت فيهو ردوم
والحارة ان بقت تقدل وفيها تحوم


بالباب حبابو إنشاء الله تب مايقوم
ديك وأقفات نياقو أكان قبيله عموم
إن دار الكرم باب الرجال معلوم
كان دار الخمج فايتنو ضحوه ويوم


منصور
Post: #692
Title: Re: مسدار يا أهل المسادير ((2005))
Author: nashaat elemam
Date: 09-10-2005, 11:12 AM
Parent: #691

ما خاب ظني فيك واصلي دي الحاريها
عمايلك سمحه تب واصلو شين ما فيها
والزول كان غلط سامحو وخلاص عديها
وعارفك في العبوس ات النفوس فاديها
Post: #694
Title: Re: مسدار يا أهل المسادير ((2005))
Author: munswor almophtah
Date: 09-10-2005, 11:55 AM
Parent: #692

ود مفتاح اخوي عقيدنا تب اوفاكا
ما اصلو الوفي من طبعو ما بنساكا
عارف لشمايلك وحافظ لودادو معاكا
ووقت الحاره تبقى تلقاهو تب يفداكا



عقيدا هو المشير للنائبات سكاكا

جيشا أكان قمح ببقالو طب مرحاكا

عند زمن الطرب غراد خليل شجواكا

يا نشأت ظريف شلتنا ما أوفاكا




منصور
Post: #695
Title: Re: مسدار يا أهل المسادير ((2005))
Author: munswor almophtah
Date: 09-10-2005, 12:08 PM
Parent: #694

ما خاب ظني فيك واصلي دي الحاريها
عمايلك سمحه تب واصلو شين ما فيها
والزول كان غلط سامحو وخلاص عديها
وعارفك في العبوس ات النفوس فاديها



ناديا زى صيدن طمح واديها
ما بندور كلاب الحله ديك تأزيها
الزول كان غلط فد مره بنعافيها
وإن قامبو الضرس يادوبو ما راح فيها
Post: #696
Title: Re: مسدار يا أهل المسادير ((2005))
Author: nashaat elemam
Date: 09-10-2005, 12:10 PM
Parent: #694

يعلم ربي حبيتو جمع لمتكم
ناركم ضاويه والكرم ده سمتكم
من تبيتو قمتو الشينه ما مستكم
طارين نمكم وشايقانا تب ونستكم
Post: #697
Title: Re: مسدار يا أهل المسادير ((2005))
Author: نادية عثمان
Date: 09-10-2005, 03:50 PM
Parent: #696

Quote: ناديا زى صيدن طمح واديها
ما بندور كلاب الحله ديك تأزيها
الزول كان غلط فد مره بنعافيها
وإن قامبو الضرس يادوبو ما راح فيها




مفتاح الفهم سرانى قولك جد

البغلط على بتقيم عليهو الحد

انا اخت الرجال الند قصاد الند

لو جاك الكلام عندك شديد الرد !!
Post: #698
Title: Re: مسدار يا أهل المسادير ((2005))
Author: nashaat elemam
Date: 09-11-2005, 11:55 AM
Parent: #697

ود مفتاح اخوي الشكره جاتك تقدل
والزول القصدتو بشوفو داك متبهدل
اتزاوغ هداك بعد ما كان مستعدل
جزاو سيف كلامك خلى الرويس متدلدل
Post: #699
Title: Re: مسدار يا أهل المسادير ((2005))
Author: نادية عثمان
Date: 09-11-2005, 02:20 PM
Parent: #698

اتلموا الكلاب عايزين يعضوا غزالة

المسكينة واقفة وماخطر على بالها

زى غابة الوحوش الدنيا يبقى ده حالها

وزئير الاسود مابعنى انو رجالة !!!!
Post: #702
Title: Re: مسدار يا أهل المسادير ((2005))
Author: munswor almophtah
Date: 09-12-2005, 04:55 AM
Parent: #699

اتلموا الكلاب عايزين يعضوا غزالة

المسكينة واقفة وماخطر على بالها

زى غابة الوحوش الدنيا يبقى ده حالها

وزئير الاسود مابعنى انو رجالة !!!!


كلابا بالخراب سعرانه مكشوف حالا
ما تشوف الفطايس فى الزباله حلالا
صيدة فى الفريق كل الخلوق ترتالا
بس واحد شقى المسخوت بكوس لدلالا

منصور
Post: #700
Title: Re: مسدار يا أهل المسادير ((2005))
Author: Abdulla Ageed
Date: 09-11-2005, 02:29 PM
Parent: #1


المنصور ونشأت والمَكمَّلة نادية
يحيا أخو البنات حسناتو دايما بادية
معليش يا جماعة الايد بِقت مي فاضية
شغلتني المشاغل والهموم البادية

ود عقيد
Post: #701
Title: Re: مسدار يا أهل المسادير ((2005))
Author: nashaat elemam
Date: 09-12-2005, 03:26 AM
Parent: #700

يا ناس ود عقيد فاقدين حروفو الزاهية
خرمانين عديل لطلتو المتهادية
الهم الدفر خلاك هجرت القافية
ساألين الكريم يكسيك بعدو العافية
Post: #703
Title: Re: مسدار يا أهل المسادير ((2005))
Author: munswor almophtah
Date: 09-12-2005, 05:09 AM
Parent: #701

يا ناس ود عقيد فاقدين حروفو الزاهية
خرمانين عديل لطلتو المتهادية
الهم الدفر خلاك هجرت القافية
ساألين الكريم يكسيك بعدو العافية

قاعد ود عقيد ساكن الرياض الباهيه
حاوار فى النقاش سالط أمين مو داهيه
كتاب للقوافى الديمه جاذبه وشافيه
مليانات معانى وحاشا طب مى واهيه

منصور
Post: #704
Title: Re: مسدار يا أهل المسادير ((2005))
Author: بخاري بشير
Date: 09-12-2005, 08:14 AM
Parent: #703

الأخوة الاماجد في ديار منصور المفتاح العامرة,,لكم آلاف التحايا والأشواق ..لقد تغيبت عن هذه الديار العامرة بكم وما كان الغياب باليد وانما كان بسبب الشديد القوي ,,وهااا أنا أعود وكما يقولون "العود أحمد"..تحياتي اليكم فردا فردا..
منصور قائدنا الكريم وود العقيد ذاك الأشم ويحى أخو البنات والظريف جدا نشأت الامام والملكة المتوجة نادية عثمان وكل الذين زاروا هذا البوست العامر دوما..اليكم جميعا هذه المحاولات المسدارية وفنون الدوبيت




يامنصور يمين قضيت غيابي نحيب
ومن فارقت داركم صاب قليبي وجيب
أديني الاذن يمكن رويحتي تطيب
انتو أصحاب فضل ما ماخدني فيكم ريب

/////////////////

ياود عقيد زولك يمين مو رايح
قاعد في البلاد ما بين سموم ولوافح
في درب الشعر مابمسكو ابدا كابح
وهاداا..الليلة طلةاريتو يبقى الناجح

///////////////////

يامنصور يمين راوي الحديث مشتاق
جاتو الليلة سفرة..لكن الفراق حراق
ماطول..وحاتكم غيبتو مابتنطاق
وفي درب الشعر باريلو سبعة نياق

/////////////////////

رديت للعقيد:ولد البشير مو طالح
تسلم يا الأصم دائما جوادك جامح
وانت الباقي دخري ورايك انت الراجح
وماخسران يمين ياهو بيعك رابح

/////////////////////

مرحبتين حباب ملكتنا ست الدار
ويانادية الفراق والله كلو ودار
ما قاصدين نفوتكم علا القدر غدار
والزول إن اباكم يمسكلو قبضة نار

//////////////////////

ياملكة انت الرازة وانت العازة انت حنينا
وفوق درب الشعر ياملكة عقدتينا
ابديهو الكلام خلي العقيد يشجينا
ومنصور الهمام ياملكة ..داك دخرينا
Post: #705
Title: Re: مسدار يا أهل المسادير ((2005))
Author: Abdulla Ageed
Date: 09-12-2005, 08:26 AM
Parent: #1

أمانا الليلة يامسدارنا ما جاك زول
نضيضيما محرّق وعندو سمح القول
غيبتك يا البخاري أمانة طالت طول
اليوم فيها مرّ علينا زي الحول

ود عقيد
Post: #707
Title: Re: مسدار يا أهل المسادير ((2005))
Author: بخاري بشير
Date: 09-12-2005, 09:34 AM
Parent: #705

تسلم يا العقيد سمح الخصال والقول
معروف بالقصيد ونظم القوافي عدول
كل ما أقول كلام ألقاك عليهو تطول
فارع في الخصال دوباي سلبت عقول
Post: #706
Title: Re: مسدار يا أهل المسادير ((2005))
Author: Abdulla Ageed
Date: 09-12-2005, 08:40 AM
Parent: #1

يا ناس ود عقيد فاقدين حروفو الزاهية
خرمانين عديل لطلتو المتهادية
الهم الدفر خلاك هجرت القافية
ساألين الكريم يكسيك بعدو العافية

نشأت


يا ود الامام الراقي سيد القافية
ما تفقد عزيز تغشاك ديما العافية
الهم المقيم اسبابو ليك مي خافية
البلد العزيز كيف راتعة فيهو المافيا

ود عقيد
Post: #708
Title: Re: مسدار يا أهل المسادير ((2005))
Author: nashaat elemam
Date: 09-12-2005, 11:43 AM
Parent: #706

البلد العزيز يانا نحنا اولادو
نفديو بالمهج وكتين يحر بولادو
الناس البتقدل عامله فيها اسيادو
عن دق النحاس ثعلب يحاحي جدادو
Post: #709
Title: Re: مسدار يا أهل المسادير ((2005))
Author: Yahia Abd El Kareem
Date: 09-12-2005, 12:52 PM
Parent: #708


مرحبتين حباب ود البشير فى دارو

غيبتك طالت ومعاك البدور اضارو

حمدن جيتك يا مبروك والمكارم زارو

ليك نمتنا حاضرة وانت العزيز مقدارو
Post: #713
Title: Re: مسدار يا أهل المسادير ((2005))
Author: بخاري بشير
Date: 09-13-2005, 12:17 PM
Parent: #709

يحي أخو البنات طولنا من مسدارك
يا التلب النديب قول لينا إيه أخبارك
نورت القصيد يا يحي بي أنوارك
قول لي يا الهميم ليه رحت ياخي خبارك
Post: #710
Title: Re: مسدار يا أهل المسادير ((2005))
Author: Abdulla Ageed
Date: 09-12-2005, 01:59 PM
Parent: #1

قاعد ود عقيد ساكن الرياض الباهيه
حاوار فى النقاش سالط أمين مو داهيه
كتاب للقوافى الديمه جاذبه وشافيه
مليانات معانى وحاشا طب مى واهيه

منصور


ود مفتاح فضايلك بي فعايلك زاهية
يا نسل الكرام أهل النهى المتناهية
منك نحن نتلافى الحروف الباهية
نغرف نحن بس من شِيَمك المي واهية

ود عقيد
Post: #711
Title: Re: مسدار يا أهل المسادير ((2005))
Author: نادية عثمان
Date: 09-12-2005, 08:03 PM
Parent: #710

Quote: ياملكة انت الرازة وانت العازة انت حنينا
وفوق درب الشعر ياملكة عقدتينا
ابديهو الكلام خلي العقيد يشجينا
ومنصور الهمام ياملكة ..داك دخرينا



تسلم ود بشير قولك بعلّم فينا

زى وشم الشلوخ حافرينو بى سكينة

جر النم تعال يالغنيتك تشجينا

لو منك حرف ندوية تبكى حنينة !!
Post: #712
Title: Re: مسدار يا أهل المسادير ((2005))
Author: بخاري بشير
Date: 09-13-2005, 11:10 AM
Parent: #711

فاض بحر الشعر ياملكة نحنا غرقنا
وادفق عسل نظمك تقول يشرقنا
ما بنلحق خطاك ياملكة لو كان طرنا
لكن بي وراك فوق اثرك ادردقنا
Post: #714
Title: Re: مسدار يا أهل المسادير ((2005))
Author: munswor almophtah
Date: 09-13-2005, 03:52 PM
Parent: #712

يامنصور يمين راوي الحديث مشتاق
جاتو الليلة سفرة..لكن الفراق حراق
ماطول..وحاتكم غيبتو مابتنطاق
وفي درب الشعر باريلو سبعة نياق

يا راوى الحديث عاشق الزوينه عناق
من غزلان شروق طاعم العسيل بى حداق
جيتنا الليله شايل للشعر بى أشواق
نحن فقهنا نسمع من صفاء الأوراق


منصور
Post: #715
Title: Re: مسدار يا أهل المسادير ((2005))
Author: نادية عثمان
Date: 09-13-2005, 06:18 PM
Parent: #714

عبد الله العقيد ماتمشى تبرح بيتك

زى نجم النجوم فى سمانا زايع صيتك

خليك يالحنون زى مازمان وصيتك

لاتفارق صحاب وزولا يقول حبيتك !!
Post: #716
Title: Re: مسدار يا أهل المسادير ((2005))
Author: Abdulla Ageed
Date: 09-14-2005, 02:55 PM
Parent: #1

عبد الله العقيد ماتمشى تبرح بيتك
زى نجم النجوم فى سمانا زايع صيتك
خليك يالحنون زى مازمان وصيتك
لاتفارق صحاب وزولا يقول حبيتك !!

نادية


يا بيت الشِعِر والزوق متين خليتك؟
ليه تشكيني لي القاضي وتقول جافيتك؟
حكمني الزاهي باهي دوام، أمير دوبيتك
أمرك يا جميل نافذ، منو بفوت بيتك!

ود عقيد
Post: #717
Title: Re: مسدار يا أهل المسادير ((2005))
Author: نادية عثمان
Date: 09-14-2005, 04:02 PM
Parent: #716

جيتكم ياالشباب كايسالى يعنى نصيحة

كلام الانجليز انا فيهو مانى فصيحة

بدور اتعلمو واكون كمان تفتيحة

رغم الامريكان فى العربى دائما ميحة !!!!!
Post: #718
Title: Re: مسدار يا أهل المسادير ((2005))
Author: بخاري بشير
Date: 09-15-2005, 11:22 AM
Parent: #717

بت عثمان "بحر العلوم" دائما عليك طميحة
ونضم الانجليز للشاري ببقى ربيحة
حبيبنا زمان أدانا فيهونصيحة
العارفو يأمن من شرور اعداهو حالتو صليحة
Post: #719
Title: Re: مسدار يا أهل المسادير ((2005))
Author: بخاري بشير
Date: 09-15-2005, 01:01 PM
Parent: #718

الرأي العام تهنئ ناجحيها في القيد الصحفي

برغم النسبة الضعيفة جداً في النجاح التي حققها جالسو امتحان مهنة الصحافة التي أعلنت أمس، تزف أسرة الرأي العام تهانيها العذاب للزميلين: نشأت معاوية عمر الامام، ولبابة جفون اللذين أجتازا اختبار المهنة وحصلا على القيد الصحافي بصفة الاحتراف ايذاناً بانطلاقتهما المبشرة في بلاط صاحبة الجلالة والتي بدأها بنشاط سابق للامتحان وجد الاستحسان من القراء وزملاء المهنة على حد سواء.




//////////////////

نهنئ نفوسنا يا الأخوان انحنا في عيد
ما دام الظريف نشأتنا أخد القيد
منصور انبسط ,, وفي رياضو هانئ عقيد
ونادية هناك تزغرد,, ويحي باقي سعيد

/////////////////////////

صحافتنا غنت ليك يانشأت الموال
وراجياك تبهجا بي قلمك السيال
ماك هين يمين تكتب مقال ومقال
وكان جيت للشعر فارع قريضك طال

/////////////////////////

فوق الامتحان تشأتنا سابق أقرانو
نال رتب الصحافة البيها يسمو مكانو
من شعرو المعانا نشأتنا بان عنوانو
وفيفكرو وحروفو نشأت دقيق ميزانو
Post: #720
Title: Re: مسدار يا أهل المسادير ((2005))
Author: munswor almophtah
Date: 09-15-2005, 02:49 PM
Parent: #719

يا نشأت خلاص كل الحواجز ذابت
قبال الصحافه أديب شموسك ضاءت
يا صاقع العلم مجهود دراستك جابت
مبروك للبرنجى الولده ديك ما خابت


منصور
Post: #721
Title: Re: مسدار يا أهل المسادير ((2005))
Author: نادية عثمان
Date: 09-15-2005, 06:29 PM
Parent: #720

Quote: نهنئ نفوسنا يا الأخوان انحنا في عيد
ما دام الظريف نشأتنا أخد القيد
منصور انبسط ,, وفي رياضو هانئ عقيد
ونادية هناك تزغرد,, ويحي باقي سعيد



مبروك ياالامام جيت للصحافة وسام

معروف زول علم خفاقة بيك اعلام

صحبك ود بشير راجلا بشوش بسّام

وعقدا جد فريد زى نظمو فى الاحلام!!!
Post: #728
Title: Re: مسدار يا أهل المسادير ((2005))
Author: nashaat elemam
Date: 09-17-2005, 03:13 AM
Parent: #721

يا النادية المندي نداها لي قدام
والشادية الشدت شدت قلوبنا غرام
بعد باركتي انتي بثغرك البسام
داب حسيت نجاحي اجمل من الاحلام
Post: #726
Title: Re: مسدار يا أهل المسادير ((2005))
Author: nashaat elemam
Date: 09-17-2005, 02:56 AM
Parent: #720

حباب منصور اخوي اب كلمة ما انعابت
وقولتك يا الاصم عين الحقايق صابت
يا الضواي براك وكت الناس شموسم غابت
بكون عن رجاك وحتماًالولده ديك ما خابت
Post: #722
Title: Re: مسدار يا أهل المسادير ((2005))
Author: بخاري بشير
Date: 09-16-2005, 06:48 AM
Parent: #719

دي ابيات رد بيها نشأت.. ولخطأ في اسم الدخول نزلت باسمي..


يا ود البشير ات للشعر ميزانو
شاكرين طلتك واليوم خصالك بانو
بوستا فيهو ات ياداب حروفو ازدانو
وما اصلو الكتاب بتخبرو من عنوانو

قبلي ات رقصت الكتابة وادتك شبال
ودرباً فيهو متلك بنسيرو حت ان طال
ما بنفتر يمين نقول طريقنا محال
ان كان انفرش ورداً او بقالنا جبال
Post: #723
Title: Re: مسدار يا أهل المسادير ((2005))
Author: Abdulla Ageed
Date: 09-16-2005, 07:00 AM
Parent: #1

مبروك يا الإمام نشأت وصلت الميس
وفي بلاط المليكة الليلة صرت عريس
صاحبة الجلالة مهرها ماهو رخيس
داير ليهو عركة ودردرة وتكريس

ود عقيد
Post: #724
Title: Re: مسدار يا أهل المسادير ((2005))
Author: نادية عثمان
Date: 09-16-2005, 10:12 AM
Parent: #723

عبد الله العقيد ياراقى كتّر خيرك

انشاء الله الفرح دائما يبارى مسيرك

منصور الكريم ساعة المحن بيجيرك

معروف ود رجال منصورى يبقى نصيرك !!
Post: #727
Title: Re: مسدار يا أهل المسادير ((2005))
Author: nashaat elemam
Date: 09-17-2005, 03:06 AM
Parent: #723

تسلم ودعقيد يا زول لذيذ وحسيس
مناي ابقى متلك بكتب بدون تدنيس
في سفر الكتابة زادي بس فد كيس
مليان بالصدق وبكل غالي نفيس
Post: #725
Title: Re: مسدار يا أهل المسادير ((2005))
Author: Abdulla Ageed
Date: 09-16-2005, 01:13 PM
Parent: #1

عبد الله العقيد ياراقى كتّر خيرك
انشاء الله الفرح دائما يبارى مسيرك
منصور الكريم ساعة المحن بيجيرك
معروف ود رجال منصورى يبقى نصيرك !!

نادية


كتر خيرك انتي وخير حروف اشعارِك
يا زينة البنات دايما منوّرة دارِك
كل ما اقول كلام في طلتِك ونضارِك
القى اشعاري فيكِ أقلّ من مقدارِك

ود عقيد
Post: #729
Title: Re: مسدار يا أهل المسادير ((2005))
Author: Yahia Abd El Kareem
Date: 09-17-2005, 01:49 PM
Parent: #725

نشاتنا الفحل نصرك يحق القول
نفخر بى القلم عزيته تب يازول
ومهما نم غنى وحفلتنا تاخد حول
ما حاقين تمام قدرك اريتنا نطول
Post: #730
Title: Re: مسدار يا أهل المسادير ((2005))
Author: munswor almophtah
Date: 09-17-2005, 08:05 PM
Parent: #729

ما قصرتوا يا أخوان ناديا بالمشهاد
وما أتأخرتو فى رسم الشعور الجاد
لامين فى التقيله وفى الفضيله أولاد
بدوروا الشكره لى نشأت كتير الزاد


منصور
Post: #732
Title: Re: مسدار يا أهل المسادير ((2005))
Author: nashaat elemam
Date: 09-19-2005, 02:01 AM
Parent: #730

اخوان منصور اخوي اسياد حاره بالميلاد
عشايين ضيوف الهجعة لو كان يبقى اخر زاد
ركابين على الاشهب مطعم سرجو بالبولاد
نضامين عديل وكت تبقى الحجج مشهاد
Post: #731
Title: Re: مسدار يا أهل المسادير ((2005))
Author: nashaat elemam
Date: 09-19-2005, 01:09 AM
Parent: #729

عاجز عن شكر حرفك بقيت مشلول
ما لاقي يا يحي وفاك بالقول
يا اب حرفا صحيح حاشا ما معلول
كتر ألف خيرك قلت وكفاك يا زول
Post: #733
Title: Re: مسدار يا أهل المسادير ((2005))
Author: بخاري بشير
Date: 09-19-2005, 10:12 AM
Parent: #731

يا ود الإمام الليلة صرت عريس
وما قادرين وفاك يا نصعة الإبريز
شكرك يا الإمام دفاق بلا تحنيس
زايد في الكمال من كل غالي نفيس
Post: #734
Title: Re: مسدار يا أهل المسادير ((2005))
Author: Abdulla Ageed
Date: 09-19-2005, 12:55 PM
Parent: #1

يا دار المسادير ليك دوام إكرامنا
دار منصور اخوي القولو هادي كلامنا
بقت زورتنا غِب شاتِلنا غيم إعلامنا
كل ما نقول تفتح تمشي غامضا أمامنا

ود عقيد
Post: #735
Title: Re: مسدار يا أهل المسادير ((2005))
Author: munswor almophtah
Date: 09-20-2005, 11:19 AM
Parent: #734

حباب منصور اخوي اب كلمة ما انعابت
وقولتك يا الاصم عين الحقايق صابت
يا الضواي براك وكت الناس شموسم غابت
بكون عن رجاك وحتماًالولده ديك ما خابت

مرحب بيك مخوجل بالنجاح ماك ساقط
صوابا منشن صنقور الهدف ماك خابط
وزان الكلام ساعة الغضب كم ظابط
ما بتحرج مخالفك وكم للبحبك قابط


منصور
Post: #736
Title: Re: مسدار يا أهل المسادير ((2005))
Author: munswor almophtah
Date: 09-20-2005, 07:20 PM
Parent: #735

يا ود الإمام الليلة صرت عريس
وما قادرين وفاك يا نصعة الإبريز
شكرك يا الإمام دفاق بلا تحنيس
زايد في الكمال من كل غالي نفيس


يا راوى الحديث من جانا جانا عريس
وجانا أمير قيافه أنيق كمان لبيس
عزام للضيوف لعان جيوش إبليس
وصادق ديمه قولو حاشاهو من تدليس

منصور
Post: #737
Title: Re: مسدار يا أهل المسادير ((2005))
Author: munswor almophtah
Date: 09-21-2005, 08:19 AM
Parent: #736

الليله الحكومه خلاس عديل قالوها
جابوا الكان قبيل داقوهو داك حلوها
جابوا من الجنوب واحدين جداد دخلوها
واحدين فرنبوا وفزوا البليله أبوها




منصور
Post: #738
Title: Re: مسدار يا أهل المسادير ((2005))
Author: بخاري بشير
Date: 09-21-2005, 08:46 AM
Parent: #737

يا المنصور أخوي هااادي الحكومة وناسا
كل ما نقول تجدد تجينا تاني برأسا
كان ما نخاف نكضب نقول هداك افلاسا
ما فيها النجوم تنجدنا بي نبراسا
Post: #739
Title: Re: مسدار يا أهل المسادير ((2005))
Author: nashaat elemam
Date: 09-22-2005, 00:31 AM
Parent: #738

الناس البنت فوق الجماجم ساسا
ما بتهجد في يوم دايماً يزن وسواسا
كل ما يجيهم ليل روحم تخاف من ناسا
والفرقه البقت بيناتنا ما بتتحاسا

حالفين باليمين باكر حيرجع لينا
ان طال الزمن وان قصرت مسافتو علينا
غير وطناً معافى حاشا ما بيرضينا
والراجنو عن الله باكر بسهلو لينا
Post: #740
Title: Re: مسدار يا أهل المسادير ((2005))
Author: Yahia Abd El Kareem
Date: 09-22-2005, 03:14 AM
Parent: #739


منصور اخوى خليك من داك الخبر الشوم

وماناقصين بلاوى والغربة كايلة هموم

دا مابحقق امل ونخاف فقرنا يدوم

يلاك للطراد نلحق بلادا غزالا يحوم
Post: #741
Title: Re: مسدار يا أهل المسادير ((2005))
Author: munswor almophtah
Date: 09-22-2005, 09:32 AM
Parent: #740

منصور اخوى خليك من داك الخبر الشوم

وماناقصين بلاوى والغربة كايلة هموم

دا مابحقق امل ونخاف فقرنا يدوم

يلاك للطراد نلحق بلادا غزالا يحوم


غزالا فوق حدب وديانا والنابت شقلنا رهوم
أرح يا الفنجرى نشوف العجب جالياهو روعه رشوم
بكارنا المن زمان مشدوده لى بلد القنيص بتروم
ونحن فترنا من حجو أم ضبيبينه الملانا هموم


منصور
Post: #742
Title: Re: مسدار يا أهل المسادير ((2005))
Author: Yahia Abd El Kareem
Date: 09-22-2005, 02:01 PM
Parent: #741


انا ان شديت بكيرتى مرافق المنصور اللزوم

وهميت بى دار زولا بعيد و لى غرامه كتوم

ماخايف دروبا طايلة وهوايل عليها ردوم

وما بفتر من قنيص وطراد ورا الضامر الملموم
Post: #743
Title: Re: مسدار يا أهل المسادير ((2005))
Author: munswor almophtah
Date: 09-22-2005, 04:56 PM
Parent: #742

انا ان شديت بكيرتى مرافق المنصور اللزوم

وهميت بى دار زولا بعيد و لى غرامه كتوم

ماخايف دروبا طايلة وهوايل عليها ردوم

وما بفتر من قنيص وطراد ورا الضامر الملموم




قعاد الفاقه ما بندورو كان دايما بجيب اللوم
وفوق صنقورهن الشارفات بكار الخير طردنا النوم
دايما ناس قنيص نسدرلو فى الباحات سواقة يوم
وهمنا كان نشوف قدلاتن الرايقات غزال الروم


منصور
Post: #744
Title: Re: مسدار يا أهل المسادير ((2005))
Author: نادية عثمان
Date: 09-22-2005, 05:07 PM
Parent: #743

واجعنى الحصل خاب الأمل ياناس

كت بعزم أهل يجو يحضروا الاعراس

ديمقراطية جد فى بلدى خاتا الساس

طول عمرو الصفيح مابيبقى ابدا ماس ..
Post: #745
Title: Re: مسدار يا أهل المسادير ((2005))
Author: munswor almophtah
Date: 09-22-2005, 10:47 PM
Parent: #744

واجعنى الحصل خاب الأمل ياناس

كت بعزم أهل يجو يحضروا الاعراس

ديمقراطية جد فى بلدى خاتا الساس

طول عمرو الصفيح مابيبقى ابدا ماس ..


أملا صار بصل قبال نقول أنناس
وطارت فرحة التغيير ومات إحساس
أهل اللحسه فى التشكيله بالمقياس
وخلو فصيل من الأحزاب غشاه اليأس


منصور
Post: #746
Title: Re: مسدار يا أهل المسادير ((2005))
Author: Elmosley
Date: 09-23-2005, 04:39 AM
Parent: #745

يالناس الهنا...هاكم.. كلام الشوق
الادب الرفيع... يتهني بيهو الذوق
حاشا العجرفه وحاشا الكلام من فوق
الشايفنو ده ..هو البدخل الطايوق
Post: #747
Title: Re: مسدار يا أهل المسادير ((2005))
Author: nashaat elemam
Date: 09-23-2005, 06:12 AM
Parent: #746

ابشر يا منصور الليله جاك غناي
جاك الموصلي الفنان يقول دوباي
موسيقار عظيم معروف كتير سواي
كم اطرب نفوسنا وامتعنا يا خلاي
Post: #748
Title: Re: مسدار يا أهل المسادير ((2005))
Author: نادية عثمان
Date: 09-23-2005, 07:49 AM
Parent: #747

ود الخال عزيز الليلة جيت مسدارنا

شرفت الفريق يانور شلع فى دارنا

ابو شوبان يمين الشوق مولّع نارنا

تعال خليك دوام يايوسف ابقى جوارنا
Post: #749
Title: Re: مسدار يا أهل المسادير ((2005))
Author: Yahia Abd El Kareem
Date: 09-23-2005, 08:27 AM
Parent: #748


قعاد الفاقه مو قسمة اديته التليف وعوير

ونحن اهل خترة وهوايل وللبادية شوقنا كتير

عالين بكار نهزى وخبيب عانين الراقدو وثير

داب نلفاها ظبية وقادلة متل العروس فى حرير
Post: #751
Title: Re: مسدار يا أهل المسادير ((2005))
Author: munswor almophtah
Date: 09-23-2005, 09:00 AM
Parent: #749

قعاد الفاقه مو قسمة اديته التليف وعوير

ونحن اهل خترة وهوايل وللبادية شوقنا كتير

عالين بكار نهزى وخبيب عانين الراقدو وثير

داب نلفاها ظبية وقادلة متل العروس فى حرير


شن القعده والبريب شرابو حفير
وحارسو المولى بالألطاف بقالو خفير
سوقاك كان نتاوق وفى تلاهو نسير
والكاتبو الكريم يا يحى لازم إصير

منصور
Post: #750
Title: Re: مسدار يا أهل المسادير ((2005))
Author: munswor almophtah
Date: 09-23-2005, 08:44 AM
Parent: #748

يالناس الهنا...هاكم.. كلام الشوق
الادب الرفيع... يتهني بيهو الذوق
حاشا العجرفه وحاشا الكلام من فوق
الشايفنو ده ..هو البدخل الطايوق

يوسف الصديق حلمنا الليلة جيت بالنوق
وجيت يا الفنجرى الفنان وجيت بالذوق
جيت بالكلام شاعل المشاعر والحنان والشوق
وناديه بسطتها الفنانه جيتا وجبتليها الطوق



منصو
Post: #752
Title: Re: مسدار يا أهل المسادير ((2005))
Author: munswor almophtah
Date: 09-23-2005, 07:48 PM
Parent: #750

الريله أم صدوغ فوق الكباد مشايه
سلبت قلبى شارف فوق صنق حاحايا
يحى أخو البنات أقرالى لوكان آيه
وأفزع للفقير جيب ليا منو محايه



منصور
Post: #753
Title: Re: مسدار يا أهل المسادير ((2005))
Author: نادية عثمان
Date: 09-23-2005, 08:58 PM
Parent: #752

Quote: الريله أم صدوغ فوق الكباد مشايه
سلبت قلبى شارف فوق صنق حاحايا
يحى أخو البنات أقرالى لوكان آيه
وأفزع للفقير جيب ليا منو محايه



الريلة الجميلة السمحة بت التاية

سعدها بيك عشوق يازول غرامو حكاية

صح زولتك أكيد شاوياكا فوق شوّاية

منصور الغرام عيا مابدورلو محاية !!!
Post: #754
Title: Re: مسدار يا أهل المسادير ((2005))
Author: munswor almophtah
Date: 09-23-2005, 09:49 PM
Parent: #753

الريلة الجميلة السمحة بت التاية

سعدها بيك عشوق يازول غرامو حكاية

صح زولتك أكيد شاوياكا فوق شوّاية

منصور الغرام عيا مابدورلو محاية !!!



شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه

منصور
Post: #755
Title: Re: مسدار يا أهل المسادير ((2005))
Author: بخاري بشير
Date: 09-24-2005, 09:12 AM
Parent: #754

يا منصور أخوي الشافعة شاوية حشايا
شوقا علينا شافي وللقليب كوايـــا
شيشك شان تطيب أيامنا بالضوايــا
والشال الفؤاد شلهتني زادلي أزايــا
Post: #756
Title: Re: مسدار يا أهل المسادير ((2005))
Author: nashaat elemam
Date: 09-24-2005, 09:28 AM
Parent: #755

الشافعه الشلع براقا شلـــع جوفي
شالت لمنامي وخلتا تب صعيبه ظروفي
شايقاني الشويدنه ومعاها زايد خوفي
شايف شـوفة الميرود مطــشش شوفي
Post: #759
Title: Re: مسدار يا أهل المسادير ((2005))
Author: Elmosley
Date: 09-24-2005, 09:41 AM
Parent: #750

مفتاح الشعر.... حرم ولد منصور
وشو من الادب..... طالع مولع نور
في بوستو. الكلام شايقنا زي بلور
مابننساهو تب مهما الليالي تدور
Post: #758
Title: Re: مسدار يا أهل المسادير ((2005))
Author: Elmosley
Date: 09-24-2005, 09:35 AM
Parent: #748

بت العمه دي ....ملكة جمال اللمه
ياست العيون... بيك القلوب تنجما
ياناديه الاسم... خايل عليك ومسمي
بيك فرح الفؤاد في الدنياتب ماهما
Post: #757
Title: Re: مسدار يا أهل المسادير ((2005))
Author: Elmosley
Date: 09-24-2005, 09:29 AM
Parent: #747

من نشاة زمان ...مبروك وعقلا سالم
تحفظو يالكريم ما ات براك العالم
ولدا تب حلو... ماهو الهوين حالم
حاضر وود كرم. مع روحو تب متسالم
Post: #760
Title: Re: مسدار يا أهل المسادير ((2005))
Author: عبد الله عقيد
Date: 09-24-2005, 10:01 AM
Parent: #1


دار منصور اخوي الليلة جابت راجل
جاها الموصلي الماهو الهويِّن ساهل
مع الموسيقى شاعر وللمشاعر واصل
بس لا تنسحب وتقول كفاكم (فاصِل)

ود عقيد
Post: #763
Title: Re: مسدار يا أهل المسادير ((2005))
Author: munswor almophtah
Date: 09-24-2005, 11:47 AM
Parent: #760

دار منصور اخوي الليلة جابت راجل
جاها الموصلي الماهو الهويِّن ساهل
مع الموسيقى شاعر وللمشاعر واصل
بس لا تنسحب وتقول كفاكم (فاصِل)

ود عقيد


يا ودعقيد بندور نقوم بالواجب
وجانا المستحيل الليله أمرو عجايب
يوسف أبو الطرب موهوب وعندو غرايب
وفى الدوباى حريف كتاب حروفو نجايب

منصور
Post: #768
Title: Re: مسدار يا أهل المسادير ((2005))
Author: Elmosley
Date: 09-25-2005, 02:50 AM
Parent: #760

دار منصور منوره.. في سماها عقيد
سارح يدوبي ساكت بس تقول يوم عيد
ناس ندويه فرحن... وصلنلو الريد
وزي ناس البطانه..... نصبنو عميد
Post: #761
Title: Re: مسدار يا أهل المسادير ((2005))
Author: عبد الله عقيد
Date: 09-24-2005, 10:12 AM
Parent: #1

شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه

منصور

نار شوقي المولعة في الفؤاد مشاية
طلقت نوم عيوني وديما هاردة حشايا
شوق لي الشوفة والشمّة وسماع شاشايا
شتان بين نعيم شوفتو ومهاوي شقايا

ود عقيد
Post: #762
Title: Re: مسدار يا أهل المسادير ((2005))
Author: munswor almophtah
Date: 09-24-2005, 11:07 AM
Parent: #761

مفتاح الشعر.... حرم ولد منصور
وشو من الادب..... طالع مولع نور
في بوستو. الكلام شايقنا زي بلور
مابننساهو تب مهما الليالي تدور


جاغم للنغم من ناس كرومه وكاشف
ومن بتهوفن المصموم مقاطعك راشف
نثار للدرر رطب الكلام مو ناشف
بارا طب كريم فنانا يوسف غاشف


منصور
Post: #764
Title: Re: مسدار يا أهل المسادير ((2005))
Author: munswor almophtah
Date: 09-24-2005, 12:05 PM
Parent: #762

يا منصور أخوي الشافعة شاوية حشايا
شوقا علينا شافي وللقليب كوايـــا
شيشك شان تطيب أيامنا بالضوايــا
والشال الفؤاد شلهتني زادلي أزايــا

راوى الحديث الشافعه من قلايه
أمها ذاتا حرقت القلوب شوايه
ديل ناس جحيم الحب بجيب لوايه
بندور شمله من نارم نسوى وقايه

منصور
Post: #770
Title: Re: مسدار يا أهل المسادير ((2005))
Author: Elmosley
Date: 09-25-2005, 08:20 AM
Parent: #762

نضمك تب حلو..... ياراقي يامنصور
ضاويلنا الضلام في. بيتنا ولع نور
في الدوباي عريس حرم وخاتي البور
طوع للكلام ........لامن صبح مأمور
Post: #765
Title: Re: مسدار يا أهل المسادير ((2005))
Author: عبد الله عقيد
Date: 09-24-2005, 01:13 PM
Parent: #1

بيني وبين الفرجوني:

قاعدين في رجاكم بي لهف يا قومنا
خلو البنّا يطربنا ويداوي همومنا
يا فرجوني جُر النمّة واسعد يومنا
واتقبّل سلام كل اليعوم فوق عومنا

ود عقيد

قول لى ودعقيد ما تنشغل بى لومنا
نحنا برانا طول النوح قرش حلقومنا
تفاح غيرنا ما بنريدو بنريد دومنا
كان فى الجنة نحنا تملى sick لى home نا

احمد عبدالله البنا الفرجونى

شعرت جلدي قامت وغالطني عيوني
وكت شيخ العرب بلغن مسامعو شجوني
نضمي الخاتي عِرفة يرد علي الفرجوني؟
يا ناس (المسادير) تاني ما ترجوني

ود عقيد
Post: #766
Title: Re: مسدار يا أهل المسادير ((2005))
Author: munswor almophtah
Date: 09-24-2005, 02:28 PM
Parent: #765

شعرت جلدي قامت وغالطني عيوني
وكت شيخ العرب بلغن مسامعو شجوني
نضمي الخاتي عِرفة يرد علي الفرجوني؟
يا ناس (المسادير) تاني ما ترجوني

ود عقيد

هوى يا ودعقيد مازلت بالرصاص

وما يخلعك كلام البنا غاير الساس

نحن موكرين فى الباديه بى إخلاص

ومن تيراب كلابو كلبنا جمبو براس


منصور
Post: #767
Title: Re: مسدار يا أهل المسادير ((2005))
Author: نادية عثمان
Date: 09-24-2005, 05:24 PM
Parent: #766

Quote: شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه




كر يايابا كر ياالمقلى فوق قلاية

شوقك ياالعزيز للتاية شاقى شقايا

الشفقة العليك هردت حواشى حشايا

شكيتها على الآله شان قادت الشواية !!
Post: #769
Title: Re: مسدار يا أهل المسادير ((2005))
Author: عبد الله عقيد
Date: 09-25-2005, 05:22 AM
Parent: #1

هوى يا ودعقيد مازلت بالرصاص
وما يخلعك كلام البنا غاير الساس
نحن موكرين فى الباديه بى إخلاص
ومن تيراب كلابو كلبنا جمبو براس

منصور


سيد الحوش حريف نمّة وعُقُب قصّاص
منيحتو لبونة ضرعها سرّف البلاص
بس ديمة التِّفِرفِر عندو ليهو قِصاص
قدُر ما قلت نم كاتبني بالرصاص

ود عقيد
Post: #771
Title: Re: مسدار يا أهل المسادير ((2005))
Author: munswor almophtah
Date: 09-25-2005, 08:23 AM
Parent: #769

سيد الحوش حريف نمّة وعُقُب قصّاص
منيحتو لبونة ضرعها سرّف البلاص
بس ديمة التِّفِرفِر عندو ليهو قِصاص
قدُر ما قلت نم كاتبني بالرصاص

ود عقيد


ثابت يا العقيد الليله قلنا خلاص
وضربك للهدف جبخانتو من رصاص
شيخ شيوخ العرب وقتين رمالك باص
وأنت حريف سحرت الحارس البصباص

منصور
Post: #772
Title: Re: مسدار يا أهل المسادير ((2005))
Author: بخاري بشير
Date: 09-25-2005, 09:47 AM
Parent: #771

مرحب بالموسيقى معانا تاخد دور
ومن درر الأدب نضمك تقول طمبور
زيدنا من الكلام البيهو نحنا حبور
وصوتك في الموسيقى نعرفو ديمة جهور

///////////////////////////

بت العمة يا يوسف تفرج الغمة
جاهر نورا وكتين النجوم تتلمة
في الشعر المقفى تقول دريد الصمة
ومن جوهر كلاما زادت علينا الحمى

////////////////////////////

دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد

///////////////////////////

يا ود عقيد الدار ملانة "فواصل"
جاها الموصلي فارس الموسيقى الباسل
ركيب للصهب وجوادو جاكي وصاهل
وما هين يمين كلامو حالي وعاسل
Post: #773
Title: Re: مسدار يا أهل المسادير ((2005))
Author: نادية عثمان
Date: 09-25-2005, 10:02 AM
Parent: #772

Quote: بت العمة يا يوسف تفرج الغمة
جاهر نورا وكتين النجوم تتلمة
في الشعر المقفى تقول دريد الصمة
ومن جوهر كلاما زادت علينا الحمى




تبرى انشاء الله مّن الحمى يافارسنا

بالكلمة الحنينة دوام دوام حارسنا

من سمح الحروف مالى العقول تارسنا

خبير علم النفوس من جوة جد دارسنا !!
Post: #774
Title: Re: مسدار يا أهل المسادير ((2005))
Author: munswor almophtah
Date: 09-25-2005, 10:39 AM
Parent: #773

كر يايابا كر ياالمقلى فوق قلاية

شوقك ياالعزيز للتاية شاقى شقايا

الشفقة العليك هردت حواشى حشايا

شكيتها على الآله شان قادت الشواية !!



حاشاك الحريق خليهو ليا برايا
والتايه المفرنبه سالبه منى قوايا
الشفقه العلى من شوقى ليها التايه
شاقيانى ومشققه شق قليبى شقايا

منصور
Post: #775
Title: Re: مسدار يا أهل المسادير ((2005))
Author: munswor almophtah
Date: 09-25-2005, 11:30 AM
Parent: #774

دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد


منوره بالرواة زى ناس بخارى فريد
وزى ما قلت فيها الفيها فيها حديد
وفيها اليوسفى الدوباى كنار غريد
وفيها اليحيا والناديا وفيها عقيد


منصور
Post: #776
Title: Re: مسدار يا أهل المسادير ((2005))
Author: Yahia Abd El Kareem
Date: 09-25-2005, 12:14 PM
Parent: #775


نحنا اخوان صفا والقاصدنا ليه نفيد

فينا الزلال والطيب وتمامنا نم وقصيد

يا موصل تعال اروينا اشجى الوتر تغريد

وخلى الساحة ضاوية تفرح بى هلال العيد
Post: #777
Title: Re: مسدار يا أهل المسادير ((2005))
Author: نادية عثمان
Date: 09-26-2005, 08:15 PM
Parent: #776

Quote: حاشاك الحريق خليهو ليا برايا
والتايه المفرنبه سالبه منى قوايا
الشفقه العلى من شوقى ليها التايه
شاقيانى ومشققه شق قليبى شقايا

منصور


التاية العشقتها قالوا نايرة مرايا

زى وهج الشموس وضئ الشموع ضواّية

فى قلبك بنيت للتاية الف ثرايا

بس زولتك غرورة عنيدة مو بكّاية !!
Post: #778
Title: Re: مسدار يا أهل المسادير ((2005))
Author: munswor almophtah
Date: 09-27-2005, 07:43 AM
Parent: #776

نحنا اخوان صفا والقاصدنا ليه نفيد

فينا الزلال والطيب وتمامنا نم وقصيد

يا موصل تعال اروينا اشجى الوتر تغريد

وخلى الساحة ضاوية تفرح بى هلال العيد


شيح العرب مطربنا صدحك بالنشيد
صدح البلابل فى الكبور أغصانا بتميد
جاك الكنار وضح النهار طريب وغريد
يالبكارك فى الهجوع ضباحا....صنديد

منصور
Post: #780
Title: Re: مسدار يا أهل المسادير ((2005))
Author: munswor almophtah
Date: 09-27-2005, 08:07 AM
Parent: #778

نضمك تب حلو..... ياراقي يامنصور
ضاويلنا الضلام في. بيتنا ولع نور
في الدوباي عريس حرم وخاتي البور
طوع للكلام ........لامن صبح مأمور

يوسف الفن جديدو وفى القديم مخبور
ومن الجب مراكبك سابحه قاطعه بحور
ملكا للنشيد مطربنا دنو....حبور
ويا واصل الخليل بالكاشف المفخور

منصور
Post: #786
Title: Re: مسدار يا أهل المسادير ((2005))
Author: Elmosley
Date: 09-30-2005, 05:19 AM
Parent: #776

ود عبد الكريم..معروف وديمه كريم
في اخلاقو فات لي..كل سماحة الريم
في مربوعو ظاهر..زول حقيقي حليم
ختو عليهو بالكم...اصلو كلو نسيم
Post: #787
Title: Re: مسدار يا أهل المسادير ((2005))
Author: Elmosley
Date: 09-30-2005, 05:25 AM
Parent: #772

الليله الكلام.....عاجبني ياسماري
منظومة ولد.....ضكران واسموبخاري
في وصف الموسيقي الريدا ولع ناري
اعشق فيهو نضما....ضاوي نور داري
Post: #779
Title: Re: مسدار يا أهل المسادير ((2005))
Author: عبد الله عقيد
Date: 09-27-2005, 08:06 AM
Parent: #1

دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد

بخاري

صنعتك يا البخاري أصيلة مي تقليد
ونمّك خاتي قول في المعنى والتجويد
عاود سو جديد في امات مساير وجيد
خلنا نطرا ساعات الغرام ونعيد

ود عقيد
Post: #781
Title: Re: مسدار يا أهل المسادير ((2005))
Author: munswor almophtah
Date: 09-27-2005, 08:33 AM
Parent: #779

التاية العشقتها قالوا نايرة مرايا

زى وهج الشموس وضئ الشموع ضواّية

فى قلبك بنيت للتاية الف ثرايا

بس زولتك غرورة عنيدة مو بكّاية !!


مراية إيش معاها التايه نجمه حكايه
من الحور مولدا خاطفه ساحره صبايه
مكحله بالملايكه وفى القوام بس آيه
واللهج العسل يا ناديا ذابا حنايه

منصور
Post: #782
Title: Re: مسدار يا أهل المسادير ((2005))
Author: بخاري بشير
Date: 09-27-2005, 09:34 AM
Parent: #781


عبد الله الهمام بكتب اليك مســداري
يا فارس القصيد دائما اليك مسـاري
هاك مني السلام يا ود عقيدنا عشاري
وما فارق علي أكان أجيك كــــداري

////////////////

منصور الهميم راوي الأحاديث عاشـــــق
ومابنفع علاج طبيبو عالي شواهـــــــق
الزادت وجيبو شويدنة طيبا فائح وعابق
ومن بين الحسان جواد محاسنا ســــابق
Post: #783
Title: Re: مسدار يا أهل المسادير ((2005))
Author: nashaat elemam
Date: 09-28-2005, 10:46 AM
Parent: #782

يومين بالتمام مجلسنا ناقص ناسو
والمسدار بلاكم ما بتدق اجراسو
ياكم انتو أهلو واصلكم حراسو
وبوراكم خلاص انا قلبي فقد احساسو
Post: #784
Title: Re: مسدار يا أهل المسادير ((2005))
Author: munswor almophtah
Date: 09-28-2005, 10:48 AM
Parent: #782

منصور الهميم راوي الأحاديث عاشـــــق
ومابنفع علاج طبيبو عالي شواهـــــــق
الزادت وجيبو شويدنة طيبا فائح وعابق
ومن بين الحسان جواد محاسنا ســــابق


عشقك فيه صادق ماك كذوب ومنافق
وطبك عند غزاله لهيجا طاعم حادق
فارع داك قواما مع الفواصل شاهق
مقياس للجمال يا بخارى دايما صادق

منصور
Post: #785
Title: Re: مسدار يا أهل المسادير ((2005))
Author: munswor almophtah
Date: 09-28-2005, 09:55 PM
Parent: #784

يومين بالتمام مجلسنا ناقص ناسو
والمسدار بلاكم ما بتدق اجراسو
ياكم انتو أهلو واصلكم حراسو
وبوراكم خلاص انا قلبي فقد احساسو



نشات ودإمام مجلسناإنت أساسو
وديمه منورو وديمه بتكون حراسو
ناس ودبشير وعقيدنا من ناس ساسو
ويحى وناديا شاربين لى بكر كاسو

منصور
Post: #788
Title: Re: مسدار يا أهل المسادير ((2005))
Author: munswor almophtah
Date: 09-30-2005, 07:45 AM
Parent: #785

ود عبد الكريم..معروف وديمه كريم
في اخلاقو فات لي..كل سماحة الريم
في مربوعو ظاهر..زول حقيقي حليم
ختو عليهو بالكم...اصلو كلو نسيم

الزول السمح فيه السمح بنقال
ويحى ملك ملوك ماهو الشبه عنقال
يوسف يا الأصيل الفينا شايل الفال
وما برضيك غير تاجوج ترش شبال

منصور
Post: #789
Title: Re: مسدار يا أهل المسادير ((2005))
Author: munswor almophtah
Date: 09-30-2005, 07:57 AM
Parent: #788

الليله الكلام.....عاجبني ياسماري
منظومة ولد.....ضكران واسموبخاري
في وصف الموسيقي الريدا ولع ناري
اعشق فيهو نضما....ضاوي نور داري

كلاما زى غناك يوسفنا حادق وحالى
وبخاري الحديث مبسوطلو فايق بالى
يا أولاد الحقيقه الفى البعاد سمارى
إنتو ملايكه مره وإنتو ضمه قمارى

منصور
Post: #790
Title: Re: مسدار يا أهل المسادير ((2005))
Author: nashaat elemam
Date: 10-01-2005, 01:56 AM
Parent: #789

مستمتع جليسك دوام بالنمة والجراري
وماشين بي غناك ندخل بيوت وحواري
عايش بيناتنا فنك وليهو ديمه نباري
والدهب الأصيل تلقاو براهو يراري
Post: #791
Title: Re: مسدار يا أهل المسادير ((2005))
Author: munswor almophtah
Date: 10-01-2005, 09:33 AM
Parent: #790

مستمتع جليسك دوام بالنمة والجراري
وماشين بي غناك ندخل بيوت وحواري
عايش بيناتنا فنك وليهو ديمه نباري
والدهب الأصيل تلقاو براهو يراري



ضربك مو فشنك جبخان مولع ناري
نيشك فى الصدور صيدك متيم هاري
راكب فوق قعودك وللغزال بتباري
ماك تليفه ساكى وديمه ساك كدارى

منصور
Post: #792
Title: Re: مسدار يا أهل المسادير ((2005))
Author: nashaat elemam
Date: 10-02-2005, 00:48 AM
Parent: #791

ياك أسد البطانة وسبع البرية الضاري
وياك ضو القبيلة المن بعيد بتراري
تكرم لضيوفك يوماتي ضابحو عشاري
ويا اب قلباً أصم حاشاك تقبل جاري
Post: #794
Title: Re: مسدار يا أهل المسادير ((2005))
Author: munswor almophtah
Date: 10-02-2005, 02:43 PM
Parent: #792

ياك أسد البطانة وسبع البرية الضاري
وياك ضو القبيلة المن بعيد بتراري
تكرم لضيوفك يوماتي ضابحو عشاري
ويا اب قلباً أصم حاشاك تقبل جاري

أقبل جاري وين والناس تجول فى داري
مانى بخيل بدسدس ومانى الغشيم مضارى
نشأت قوم تعال بى حالى إنت الدارى
وعارف خيرى كلو عارفنى بايع وشارى


منصور
Post: #793
Title: Re: مسدار يا أهل المسادير ((2005))
Author: عبد الله عقيد
Date: 10-02-2005, 02:23 PM
Parent: #1

أهل الساحة، بالشهر الفضيل تتهنو
تصومو وتفطرو وتلقو الفوايد مِنو
شاحد ربي يديكم كما تتمنو
يا غافر الذنوب فضلك كتير شاكرنو

ود عقيد
Post: #795
Title: Re: مسدار يا أهل المسادير ((2005))
Author: munswor almophtah
Date: 10-02-2005, 03:01 PM
Parent: #793

أهل الساحة، بالشهر الفضيل تتهنو
تصومو وتفطرو وتلقو الفوايد مِنو
شاحد ربي يديكم كما تتمنو
يا غافر الذنوب فضلك كتير شاكرنو



ود عقيد


غافر الذنوب ياودعقيد حامدنو
والشهر الكريم فى جاهو طب صايمنو
بى إخلاص دوام ليكم جميع داعينو
يا درر الصلاح إنتو الفلاح داخرنو




منصور
Post: #796
Title: Re: مسدار يا أهل المسادير ((2005))
Author: nashaat elemam
Date: 10-03-2005, 00:53 AM
Parent: #795

بي جاه مولاي الكريم وبعفوه وحنو
مغفورات ذنوباً حملاً تقيل شايلنو
في الشهر الفضيل نحنا الكريم حامدنو
ويوماتي الرجاء في الرحمة ما قاطعنو
Post: #797
Title: Re: مسدار يا أهل المسادير ((2005))
Author: munswor almophtah
Date: 10-03-2005, 09:01 AM
Parent: #796

بي جاه مولاي الكريم وبعفوه وحنو
مغفورات ذنوباً حملاً تقيل شايلنو
في الشهر الفضيل نحنا الكريم حامدنو
ويوماتي الرجاء في الرحمة ما قاطعنو

نشات ود إمام رمضان دوام قايمنو
يا ترب الصلاح من كان فقير بارنو
رمضان كريم يا البالصيام تامنو
يا القاريين كتابو اللرسول نازلنو


منصور
Post: #798
Title: Re: مسدار يا أهل المسادير ((2005))
Author: nashaat elemam
Date: 10-03-2005, 12:06 PM
Parent: #797

تسبيحاً للاله نحنا يوت جارنو
وعفواً من كريم نحنا ديل حارنو
قيام الليل وتسليم الصباح بارنو
لي محو الذنوب ركوعنا ما مضارنو
Post: #799
Title: Re: مسدار يا أهل المسادير ((2005))
Author: munswor almophtah
Date: 10-03-2005, 09:19 PM
Parent: #798

تسبيحاً للاله نحنا يوت جارنو
وعفواً من كريم نحنا ديل حارنو
قيام الليل وتسليم الصباح بارنو
لي محو الذنوب ركوعنا ما مضارنو

جارين السبح كاربين البطون طالبنو
لى أهل الكفاف دافقين رزق باهلنو
شهر المكرمات بالبر دوام عابرنو
بى نفل القيام إنتو القليب جالينو

منصور
Post: #800
Title: Re: مسدار يا أهل المسادير ((2005))
Author: بخاري بشير
Date: 10-05-2005, 11:04 AM
Parent: #799

مرحب بالفضيل شهر القيام والصوم
شهر المكرمات فوقو الكارم كوم
شاحد الله الكريم يرفد جمعنا عموم
ومن فيض الفضيل يملانا خير وفهوم
Post: #801
Title: Re: مسدار يا أهل المسادير ((2005))
Author: Yahia Abd El Kareem
Date: 10-05-2005, 02:14 PM
Parent: #800


طلانا الهلال خيرا عميم ولزوم

والدار بالفرح عبت حمتنا ننوم

رمضان الفضيل سمحا مفارق اللوم

يملاكم هنا واجرا يزيد ويدوم
Post: #803
Title: Re: مسدار يا أهل المسادير ((2005))
Author: munswor almophtah
Date: 10-06-2005, 07:44 AM
Parent: #801

طلانا الهلال خيرا عميم ولزوم

والدار بالفرح عبت حمتنا ننوم

رمضان الفضيل سمحا مفارق اللوم

يملاكم هنا واجرا يزيد ويدوم

ود عبدالكريم البار وخاتى اللوم
ويا قايم الهجوع صوام سمايم اليوم
يا بحر الدميره الفى العشارى بعوم
ويا حاتم الكرم برك دوام معلوم

منصور
Post: #802
Title: Re: مسدار يا أهل المسادير ((2005))
Author: munswor almophtah
Date: 10-05-2005, 10:49 PM
Parent: #800

مرحب بالفضيل شهر القيام والصوم
شهر المكرمات فوقو الكارم كوم
شاحد الله الكريم يرفد جمعنا عموم
ومن فيض الفضيل يملانا خير وفهوم

راوى الحديث صوام مجافى النوم
بحرا للعلوم ضوك شلع للقوم
التلت الأخير قبل الخلوق بتقوم
ويا فاقد اليتامى والقريب معدوم




منصور
Post: #804
Title: Re: مسدار يا أهل المسادير ((2005))
Author: munswor almophtah
Date: 10-06-2005, 08:06 AM
Parent: #802

أبو خالد بقول من وين بجيب النم
ومو عارف الدماغ كم فيه من الجم
ناس ود اللعيور فوقو الخلوق تلم
ود بندق مهندس من دون كتاب وقلم


منصور


إدريس ود اللعيور وحماد حامد حماد شقيق خير السيد ودحماد والملقب (حماد الرجاله) ومحمد ودبندق والمرحوم عمنا بخيت عبدالمحمود جميعهم ناس قطع أخدر وكذلك ودحامد عشره بس أنا الشنقل الريكه من مدرسة ديل أنا أتخرج!!!!!!!!!!!يا عزالدين
Post: #805
Title: Re: مسدار يا أهل المسادير ((2005))
Author: بخاري بشير
Date: 10-06-2005, 08:24 AM
Parent: #804

سيد الدار حبابك ,ياك رفيق النم
وياك تلبا نجيض بيك النفوس تنجم
ياسيد العلم ماتركت لينا فهم
قول للعيور من غيرنا ما بتسلم
Post: #810
Title: Re: مسدار يا أهل المسادير ((2005))
Author: munswor almophtah
Date: 10-07-2005, 07:16 AM
Parent: #805

سيد الدار حبابك ,ياك رفيق النم
وياك تلبا نجيض بيك النفوس تنجم
ياسيد العلم ماتركت لينا فهم
قول للعيور من غيرنا ما بتسلم


يا المن بخاره رواينا شايل الهم
وهما بالحديث الفى الشريعه لزم
زمن المعضلات يا بخارى فيك عشم
ويادخرى الرجال جودك كتير منتم

منصور
Post: #806
Title: Re: مسدار يا أهل المسادير ((2005))
Author: عبد الله عقيد
Date: 10-06-2005, 11:24 AM
Parent: #1

مفتاح الكرم في الحارّة ما بينزم
وان برد الحديث يصفى ويجيب النم
درب كلِماتو ما بيمشو الرجال من جم
ما بلقط حروفو يمين بِخُمّها خم

ود عقيد
Post: #807
Title: Re: مسدار يا أهل المسادير ((2005))
Author: nashaat elemam
Date: 10-06-2005, 11:51 AM
Parent: #806

الجود والكرم هيلكم انتو لزم
ومجلسكم دوام حاشاهو ما بنزم
كل ما يطول نواي بشقى وبتأزم
ده الخلاني ديمه لغناكم اتلزم
Post: #813
Title: Re: مسدار يا أهل المسادير ((2005))
Author: munswor almophtah
Date: 10-08-2005, 06:13 AM
Parent: #807

الجود والكرم هيلكم انتو لزم
ومجلسكم دوام حاشاهو ما بنزم
كل ما يطول نواي بشقى وبتأزم
ده الخلاني ديمه لغناكم اتلزم


ملك الجود بجود دوباى بجر للنم
وسكر للمجاس غيرو مافى طعم
أتار للبفوت والخاتر ملان بالهم
وجمب نبع الجمال زى الوتد منضم

منصور
Post: #808
Title: Re: مسدار يا أهل المسادير ((2005))
Author: munswor almophtah
Date: 10-06-2005, 12:12 PM
Parent: #806

مفتاح الكرم في الحارّة ما بينزم
وان برد الحديث يصفى ويجيب النم
درب كلِماتو ما بيمشو الرجال من جم
ما بلقط حروفو يمين بِخُمّها خم

ود عقيد


ياود عقيد أبوغره خاتى الهم
ويا أبعلما مطابق للصواب وفهم
ركاب البجابد وباللجام منجم
وساعة الحاره زى سحار بتاكل نم

منصور
Post: #809
Title: Re: مسدار يا أهل المسادير ((2005))
Author: Yahia Abd El Kareem
Date: 10-07-2005, 05:45 AM
Parent: #808


المنصور اللزوم مفتاح الكرم الشم

وعقيد التلب فارساصميما تقعب السم

ونشاتنا الاديب فاق الخلوق متلم

وبخارى الجنب كاتالن بعقدو الدم
Post: #811
Title: Re: مسدار يا أهل المسادير ((2005))
Author: nashaat elemam
Date: 10-08-2005, 05:37 AM
Parent: #809

المسدار مشتت شايفو قاسي اللم
من رحلت نداوتو حاسيهو ما بنتم
طولتو الغياب وياربي ليكم كم
ما طليتو نورتو المكان بي نم
Post: #812
Title: Re: مسدار يا أهل المسادير ((2005))
Author: نادية عثمان
Date: 10-08-2005, 06:04 AM
Parent: #811

Quote: المسدار مشتت شايفو قاسي اللم
من رحلت نداوتو حاسيهو ما بنتم
طولتو الغياب وياربي ليكم كم
ما طليتو نورتو المكان بي نم



كترة الطلة كم كم مسّخت خلق الله

قلنا نغيب شوية من الفريق والحلة

علا الشوق اكيد من روحى مابنسلا

ولا المسدار كمان عشق القلوب بتخلا !!
Post: #816
Title: Re: مسدار يا أهل المسادير ((2005))
Author: munswor almophtah
Date: 10-08-2005, 07:11 AM
Parent: #812

كترة الطلة كم كم مسّخت خلق الله

قلنا نغيب شوية من الفريق والحلة

علا الشوق اكيد من روحى مابنسلا

ولا المسدار كمان عشق القلوب بتخلا !!


طلا بجيب الظبيه لى خلق الله
شوفتا ليها حلق الشوق صبح منبله
من بلد الظباء ظبيتنا جابت الطله
زى خرق العوائد نصبوها مسله

منصور
Post: #815
Title: Re: مسدار يا أهل المسادير ((2005))
Author: munswor almophtah
Date: 10-08-2005, 06:52 AM
Parent: #811

المسدار مشتت شايفو قاسي اللم
من رحلت نداوتو حاسيهو ما بنتم
طولتو الغياب وياربي ليكم كم
ما طليتو نورتو المكان بي نم

نشأت هميم الكل بدور النم
بدور الناس تلاقى وشوقو تانى اللم
بدور البيت مستف بالجمال منتم
بدور ملح المكان ناديتنا كان تنضم


منصور
Post: #814
Title: Re: مسدار يا أهل المسادير ((2005))
Author: munswor almophtah
Date: 10-08-2005, 06:26 AM
Parent: #809

المنصور اللزوم مفتاح الكرم الشم

وعقيد التلب فارساصميما تقعب السم

ونشاتنا الاديب فاق الخلوق متلم

وبخارى الجنب كاتالن بعقدو الدم



يحى أخو البنات شوفتك بقتلنا شم
وحتى وليد عقيد زى التقول منجم
نشأت الخوجال مكلس حاشا مو منضم
وداك راوى الحديث يايحى عندو فهم

منصور
Post: #817
Title: Re: مسدار يا أهل المسادير ((2005))
Author: فيصل نوبي
Date: 10-08-2005, 03:33 PM
Parent: #1



Quote: بناء علي طلب الجمهور


مشيتي و جيتي شايله الكاس
عقبال ما تشيلي الماس
و يزحو منك ناس الطوريه و الفاس
الله يحفظك من عيون الناس
Post: #818
Title: Re: مسدار يا أهل المسادير ((2005))
Author: عبد الله عقيد
Date: 10-08-2005, 04:00 PM
Parent: #817

شايف الكاس مبهرج والوجه ضوّاي
نورين عندهن تالت بشوفو براي
متضاري الجبين في موج خُصل خوّاي
عيون بي نظرة تلسع في الضلوع جوّاي

ود عقيد
Post: #819
Title: Re: مسدار يا أهل المسادير ((2005))
Author: munswor almophtah
Date: 10-08-2005, 04:30 PM
Parent: #818

شايف الكاس مبهرج والوجه ضوّاي
نورين عندهن تالت بشوفو براي
متضاري الجبين في موج خُصل خوّاي
عيون بي نظرة تلسع في الضلوع جوّاي

ود عقيد


حرفك يا عقيد حراق للقليب كواى
ونورا وجا فوق تالاك بهر تالاى
خصل الموج مخويه فوق جبين راراي
وقبليا شلع شعفوفتو شل عضاى



يا حافظ يا حفيظمنصور
Post: #821
Title: Re: مسدار يا أهل المسادير ((2005))
Author: nashaat elemam
Date: 10-09-2005, 04:48 AM
Parent: #819

ما جهرن عيوني لمعان الكؤؤس حاشاي
بس جاهرني خدو الشلهتني شقّ حشاي
الخلاني فوق نيرانو متقلي وساهي براي
القبلي الشلعن بروقو في خدو وصبح راراي
Post: #823
Title: Re: مسدار يا أهل المسادير ((2005))
Author: نادية عثمان
Date: 10-09-2005, 05:22 AM
Parent: #821

Quote: ما جهرن عيوني لمعان الكؤؤس حاشاي
بس جاهرني خدو الشلهتني شقّ حشاي
الخلاني فوق نيرانو متقلي وساهي براي
القبلي الشلعن بروقو في خدو وصبح راراي



تسلم ياالامام من نارها ها القلاى

فى وطن الجمال دائما تحوم زازاى

اصلك زول روائع تعشق الدوباى

كاتلاك الخدود تبكى وتنوح بكاى !
Post: #822
Title: Re: مسدار يا أهل المسادير ((2005))
Author: نادية عثمان
Date: 10-09-2005, 05:11 AM
Parent: #818

Quote: شايف الكاس مبهرج والوجه ضوّاي
نورين عندهن تالت بشوفو براي
متضاري الجبين في موج خُصل خوّاي
عيون بي نظرة تلسع في الضلوع جوّاي

ود عقيد



قولك زى نغم معزوف بوتر النأى

تجر النم يمين تمسح معانى شقاى

زول مطبوع شعر مسدارو كم حكاى

غزلك ياالعفيف فى الكأس بسط جواى !
Post: #820
Title: Re: مسدار يا أهل المسادير ((2005))
Author: نادية عثمان
Date: 10-08-2005, 08:44 PM
Parent: #817

Quote: مشيتي و جيتي شايله الكاس
عقبال ما تشيلي الماس
و يزحو منك ناس الطوريه و الفاس
الله يحفظك من عيون الناس



نوبى انشاء الله تسلم يارجل حساس

يازولا مؤسس من قدم لى رأس

ود عز من جدودك ومن اساس الساس

حاشاك مو سفيه لازول خسيس خناس !!
Post: #824
Title: Re: مسدار يا أهل المسادير ((2005))
Author: بخاري بشير
Date: 10-09-2005, 08:52 AM
Parent: #820

الليلة النوبي جاب الملكة شايلة الكأس
وما عارف كؤوس الملكة فوق أحشاناداقاأجراس
ياملكة كؤوسك في قلوبنا تملي زايدة مقاس
ويحفظك الكريم يا الـ في العلوم نبراس
Post: #825
Title: Re: مسدار يا أهل المسادير ((2005))
Author: بخاري بشير
Date: 10-09-2005, 09:09 AM
Parent: #824

قالو الكؤوس بهراجة وخديد الملكة راراي
وما عارفين رنة فرح كلماتها جواي
ياملكة الشعر من غير حروفك فاقدو سقاي
والمحل من غيرك إنت يجيب مغص مرات ولواي
Post: #826
Title: Re: مسدار يا أهل المسادير ((2005))
Author: نادية عثمان
Date: 10-09-2005, 12:17 PM
Parent: #825

Quote: الليلة النوبي جاب الملكة شايلة الكأس
وما عارف كؤوس الملكة فوق أحشاناداقاأجراس
ياملكة كؤوسك في قلوبنا تملي زايدة مقاس
ويحفظك الكريم يا الـ في العلوم نبراس



عاد ياود بشير كبّرت ليا الرأس

وفى قلبى الولوف زاد بالفرح احساس

يمين انت الملك سيد الزهور والناس

وعلمك يابخارى دفق ملا الكراس !!
Post: #827
Title: Re: مسدار يا أهل المسادير ((2005))
Author: فيصل نوبي
Date: 10-09-2005, 04:24 PM
Parent: #1



كاتلانى الضفائر فى الوشيش النائر
ياست القلوب جرحتنى فيكى مساير
عاشق للعيون وهلال حواجب طاير
درويش الجمال اهوى الحسان وحرائر
Post: #828
Title: Re: مسدار يا أهل المسادير ((2005))
Author: بخاري بشير
Date: 10-11-2005, 07:17 AM
Parent: #827

يالنوبي إيش قولك في الخدودو برارن
وفي الجيد المورد وفي العقول الحارن
كاتلاني العيون اليصلفن ويتوارن
والخصل التلاتة الـ في الجبين يتبارن
Post: #829
Title: Re: مسدار يا أهل المسادير ((2005))
Author: أحمد الشايقي
Date: 10-11-2005, 07:27 AM
Parent: #1

Quote:

كاتلانى الضفائر فى الوشيش النائر
ياست القلوب جرحتنى فيكى مساير
عاشق للعيون وهلال حواجب طاير
درويش الجمال اهوى الحسان وحرائر





مـهرة حيـنا الكابي ومـجدع ديســا
موصـوف بالسـعد ود المكانـة عريسـا

فيها الوصـفه يصعـب يا بطان ودعيسى

قصـر القول بعيد ما بـتـنقرب يا ميسـا
Post: #830
Title: Re: مسدار يا أهل المسادير ((2005))
Author: أحمد الشايقي
Date: 10-11-2005, 08:14 AM
Parent: #829

Quote:
شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه


من نـورة المـطـالع ومن عسـلها الهـتّـف
ومن نسـم الخديـر عـرق البخـور التفتـف

من شـال السـبايـط واتـعـقـد واتـسـتّـف
ود (مفتاح) لحـق فـزعـك لسـاني مـكـتّـف



ود الشايقي
Post: #831
Title: Re: مسدار يا أهل المسادير ((2005))
Author: Yahia Abd El Kareem
Date: 10-11-2005, 01:52 PM
Parent: #830


من ضى الوجيه لمعت بروق وسفيف

ومن نسماته جاب مسكا عطوره تكيف

من فدعة قواما شال تقيل وخفيف

ود الشايقى فات قلبا حنين ورهيف
Post: #834
Title: Re: مسدار يا أهل المسادير ((2005))
Author: نادية عثمان
Date: 10-11-2005, 03:13 PM
Parent: #829

Quote: مـهرة حيـنا الكابي ومـجدع ديســا
موصـوف بالسـعد ود المكانـة عريسـا

فيها الوصـفه يصعـب يا بطان ودعيسى

نقصـر القول بعيد ما بـتـنقرب يا ميسـا



جيتا جيت أخوى الشايقى بركة الجيت

وينك ياأصيل ياالفى الغياب عكليت

ليك فتشت ندهت الفقراء واتهديت

وهسع جيتنا فارس بالجميل غنيت !
Post: #832
Title: Re: مسدار يا أهل المسادير ((2005))
Author: فيصل نوبي
Date: 10-11-2005, 02:02 PM
Parent: #1

Quote: يالنوبي إيش قولك في الخدودو برارن
وفي الجيد المورد وفي العقول الحارن
كاتلاني العيون اليصلفن ويتوارن
والخصل التلاتة الـ في الجبين يتبارن


يا سيدي ماني زول مسادير لا ويل
علا في دي بالحيل ما بنوم الليل
بجيب الصوره والقلم براو يشد الحيل
كلام من القلب للبورد جاري ذليل
Post: #833
Title: Re: مسدار يا أهل المسادير ((2005))
Author: فيصل نوبي
Date: 10-11-2005, 02:59 PM
Parent: #1

Quote: شايف الكاس مبهرج والوجه ضوّاي
نورين عندهن تالت بشوفو براي
متضاري الجبين في موج خُصل خوّاي
عيون بي نظرة تلسع في الضلوع جوّاي

ود عقيد


ودعقيد يكسر في التلج باللوح
لقيتك صعب ماك هين وما بتطوح
تشيل الكبيره و تكتب في السطوح
اعمل حسابك ما تركب حصان السفوح

سمح !
Post: #835
Title: Re: مسدار يا أهل المسادير ((2005))
Author: munswor almophtah
Date: 10-12-2005, 08:10 AM
Parent: #833

شمسا فى الجبال بعد الفجر جات طالعه
من سحب الركام زى النقاب للفارعه
تقدل والشدر رقاص تقول هى الصارعه
زى لوحة فنون راسماها ديك البارعه



شمس كالقرى اليوم اكتوبر12 005
منصور
Post: #836
Title: Re: مسدار يا أهل المسادير ((2005))
Author: nashaat elemam
Date: 10-13-2005, 06:08 AM
Parent: #835

ات شمس الشموس وبدر البدور الطالعه
طوالي منوره وانوارا دايما ساطعه
ضوك يهدي يا منصور ويقود الهاكعه
ومقامك سامي عالي في سماك السابعه
Post: #837
Title: Re: مسدار يا أهل المسادير ((2005))
Author: بخاري بشير
Date: 10-13-2005, 09:01 AM
Parent: #836

من الشمس ماخد سطوع أفكارك
ومن القمر حسن المكارم جارك
يا المنصور دوام بازينا بي مسدارك
ياك ريسنا وات مفتاحنا عالي مدارك
Post: #838
Title: Re: مسدار يا أهل المسادير ((2005))
Author: نادية عثمان
Date: 10-14-2005, 11:25 AM
Parent: #837

قلنا وقالوا بتقًصّر طويل اعمارنا

بتعبنى الشمار اجى جارية على مسدارنا

بنريد البريدنا وحتى من لم دارنا

دوام مفتوح كمان باب قلوبنا ودارنا !!!
Post: #841
Title: Re: مسدار يا أهل المسادير ((2005))
Author: munswor almophtah
Date: 10-15-2005, 00:24 AM
Parent: #837

من الشمس ماخد سطوع أفكارك
ومن القمر حسن المكارم جارك
يا المنصور دوام بازينا بي مسدارك
ياك ريسنا وات مفتاحنا عالي مدارك

راوى الحديث قاصد وطالبو مطارك
ودايما ديدبان دايما مولعه نارك
فنان لللحديث فايح جميل أخبارك
ويات من دار فضل إنت الوحيد الشارك

منصور
Post: #840
Title: Re: مسدار يا أهل المسادير ((2005))
Author: munswor almophtah
Date: 10-14-2005, 11:53 PM
Parent: #836

ات شمس الشموس وبدر البدور الطالعه
طوالي منوره وانوارا دايما ساطعه
ضوك يهدي يا منصور ويقود الهاكعه
ومقامك سامي عالي في سماك السابعه



وين شمس الشموس يا مجره جاذبه وناصعه
ماكا شهاب ونيزك ديمه ساقطه وواقعه
فلكك فيه تجرى شموس مولعه فاقعه
يا حجر الظلط إنت المخويه صاقعه

منصور
Post: #839
Title: Re: مسدار يا أهل المسادير ((2005))
Author: أحمد الشايقي
Date: 10-14-2005, 07:54 PM
Parent: #1

Quote: جيتا جيت أخوى الشايقى بركة الجيت

وينك ياأصيل ياالفى الغياب عكليت

ليك فتشت ندهت الفقراء واتهديت

وهسع جيتنا فارس بالجميل غنيت !



مـن سابـع المـحـال, أتملّى فيـك وصّـيـف
يا الجـاهـرة البصـر, يرجـع علينا كسـيـف

مـهـرة نيـل (عجـب) والـوادي بيـكي وريـف
آآ (يحي) النـضـار بـتّـق (فريـك) عيش ريـف
Post: #842
Title: Re: مسدار يا أهل المسادير ((2005))
Author: Yahia Abd El Kareem
Date: 10-15-2005, 02:54 PM
Parent: #839


من سمح الصدف يانى الفصيح وحريف

فى السالبة الفواد اتملى ديمة واقيف

ظبية ونافرة وان جادت تتمه الكيف

اا(احمد) الورتاب مخضر دون رشاش وخريف
Post: #843
Title: Re: مسدار يا أهل المسادير ((2005))
Author: أحمد الشايقي
Date: 10-17-2005, 02:06 AM
Parent: #1

Quote:
من سمح الصدف يانى الفصيح وحريف

فى السالبة الفواد اتملى ديمة واقيف

ظبية ونافرة وان جادت تتمه الكيف

اا(احمد) الورتاب مخضر دون رشاش وخريف



ربـك كـمـلـو وصـفـه البـدور عِـرِّيـف


سمّـــوه النّـدى, فاتـن رقـيق وعـفيـف



مـو خفـيِّف نـظـر, راسي ورزيـن وظريف


وفي بـحـرو الطمح هيّاب ضـربت القـيـف


ودالشايقي
Post: #844
Title: Re: مسدار يا أهل المسادير ((2005))
Author: Yahia Abd El Kareem
Date: 10-17-2005, 01:24 PM
Parent: #843


داك تام الوصف نسمة وسحابة صيف

منعوت بالصفا هادى وكانه الطيف

موسميع قوايل راقى وقليبه رهيف

وفى طبعه الوفاعشرى وصميم ولطيف
Post: #845
Title: Re: مسدار يا أهل المسادير ((2005))
Author: munswor almophtah
Date: 10-17-2005, 11:13 PM
Parent: #844

داك تام الوصف نسمة وسحابة صيف

منعوت بالصفا هادى وكانه الطيف

موسميع قوايل راقى وقليبه رهيف

وفى طبعه الوفاعشرى وصميم ولطيف

أدعج لونو قمحي القامه عودا نحيف
وكاحل نور عيونو الدنيا ليهو تقيف
حادق لهجو زى عسل الجبال وحريف
وزى منقة جزاير نايره جاها خريف


منصور
Post: #847
Title: Re: مسدار يا أهل المسادير ((2005))
Author: munswor almophtah
Date: 10-19-2005, 09:05 AM
Parent: #845

شنو الشقوها بالجبخانه يامنصور

محمد عبد الجليل


ود الشفيع يا البيك ملينا الخانا
وخانة للمكارم مى البفوح دخانا
ديل ناس الشرق وقتين عزيزهم عانا
بوليس الخراب إسهامو كان جبخانا

منصور
Post: #848
Title: Re: مسدار يا أهل المسادير ((2005))
Author: عبد الله عقيد
Date: 10-19-2005, 11:29 AM
Parent: #845

الموصوف يمحن وصفو كل حريف
عالي قوامو منحول خصرو غير تحريف
ادعج خدو نادي ولهجو طعمو ظريف
مشتول في جناين شندي ساقي خريف

ود عقيد
Post: #849
Title: Re: مسدار يا أهل المسادير ((2005))
Author: munswor almophtah
Date: 10-19-2005, 11:59 AM
Parent: #848

الموصوف يمحن وصفو كل حريف
عالي قوامو منحول خصرو غير تحريف
ادعج خدو نادي ولهجو طعمو ظريف
مشتول في جناين شندي ساقي خريف

ود عقيد

نمك يالعقيد فى الوصفوهو شفيف
وهادئ وعودو لادن حاشا ماهو عنيف
الخد الأسيل ليهو القلوب بتقيف
ونابت فرعو تريان فوق شفايف القيف



منصور
Post: #850
Title: Re: مسدار يا أهل المسادير ((2005))
Author: أحمد الشايقي
Date: 10-23-2005, 02:14 AM
Parent: #1

Quote: داك تام الوصف نسمة وسحابة صيف

منعوت بالصفا هادى وكانه الطيف

موسميع قوايل راقى وقليبه رهيف

وفى طبعه الوفاعشرى وصميم ولطيف





بطـراك إن كـرب ضـحوي وغشـانا الزّيــف

وبطـراك فوق رضـيـمـة الأبرق الكـرّيــف


بـطـرا سـمـح نفايـل والطـبـع ولّيـــف

(خوووك) يا السمحة في يوماً كتـالـو عـنـيـف
Post: #851
Title: Re: مسدار يا أهل المسادير ((2005))
Author: munswor almophtah
Date: 10-23-2005, 01:38 PM
Parent: #850

شيخ العرب شاجينا شادى قلوبنا
وين ما طار كنارو خريفو راشى دروبنا
بى لغة البطانا حليبو جاب عرقوبنا
وإن خلط الكلام بالتركى داك محبوبنا

منصور
Post: #852
Title: Re: مسدار يا أهل المسادير ((2005))
Author: عبد الله عقيد
Date: 10-23-2005, 01:45 PM
Parent: #1

قول لى ودعقيد اسمح لى شغلى شغلنى
وات ياصاحبى رايق بال تشيل وتغنى
الكرب الطواااال اتدرعنى مغنى
واخر التوتى فوق جمر الملك دغنى

الفرجوني

سماح من ربي ليك يا شيخي مو بس مني
نعمن في سما فنك محلّق فنّي
كل ما تجُر نميم تمسكني (سكرة يني)
والكُرَب الشداد تختاك حت لو جَنّي

ود عقيد
Post: #853
Title: Re: مسدار يا أهل المسادير ((2005))
Author: نادية عثمان
Date: 10-23-2005, 08:40 PM
Parent: #852

قاصداك ود عقيد فى شئ قصادو عيونى

ياالزول الجميل عارف معانى جنونى

انا مرضى العشق بالنمّة بيداوونى

بكون ممتنة جد وصلنى للفرجونى !!!
Post: #854
Title: Re: مسدار يا أهل المسادير ((2005))
Author: munswor almophtah
Date: 10-23-2005, 08:50 PM
Parent: #852

سماح من ربي ليك يا شيخي مو بس مني
نعمن في سما فنك محلّق فنّي
كل ما تجُر نميم تمسكني (سكرة يني)
والكُرَب الشداد تختاك حت لو جَنّي

ود عقيد


يا ودعقيد شيخك تقول كجنى
دقيت بابو لا رحبى لا عبرنى
إمكن دار كلابو وقلبى كم كلبنى
من مغس الطناش البيهو داك كبلنى


منصور
Post: #855
Title: Re: مسدار يا أهل المسادير ((2005))
Author: نادية عثمان
Date: 10-23-2005, 08:59 PM
Parent: #854

Quote: يا ودعقيد شيخك تقول كجنى
دقيت بابو لا رحبى لا عبرنى
إمكن دار كلابو وقلبى كم كلبنى
من مغس الطناش البيهو داك كبلنى



حاشا يكجّنك فرجونى منصور سيدنا

شيخ الحلقة درويشنا وصباحات عيدنا

نوسّط للثريا ولدنا أصلو عقيدنا

بمشى ويجينا ظافر بالفرح ويفيدنا !!
Post: #856
Title: Re: مسدار يا أهل المسادير ((2005))
Author: نادية عثمان
Date: 10-24-2005, 12:19 PM
Parent: #855

فوق لحدى الفطور !!
Post: #857
Title: Re: مسدار يا أهل المسادير ((2005))
Author: munswor almophtah
Date: 10-24-2005, 01:44 PM
Parent: #856

حاشا يكجّنك فرجونى منصور سيدنا

شيخ الحلقة درويشنا وصباحات عيدنا

نوسّط للثريا ولدنا أصلو عقيدنا

بمشى ويجينا ظافر بالفرح ويفيدنا !!

بيتا فى الوساع بالنم يمين بيتنا
وزولن بالطناش حرم مرق زيتنا
ما بندور قصاص بندور كرم شيتنا
ودايرين الوصال مو شان إفوح زيطنا


منصور
Post: #858
Title: Re: مسدار يا أهل المسادير ((2005))
Author: عبد الله عقيد
Date: 10-24-2005, 01:55 PM
Parent: #857

يا منصور اخوي انتا المعلا مقامك
ما ظنيتو ود البنا جهلو كلامك
راجع ردو لي شوف اعتذارو أمامك
قال مو لاقي فرقة وبي رخس ما سامك

ود عقيد
Post: #859
Title: Re: مسدار يا أهل المسادير ((2005))
Author: عبد الله عقيد
Date: 10-24-2005, 02:01 PM
Parent: #1

قاصداك ود عقيد فى شئ قصادو عيونى
ياالزول الجميل عارف معانى جنونى
انا مرضى العشق بالنمّة بيداوونى
بكون ممتنة جد وصلنى للفرجونى !!!

نادية

شاعرتنا الجميلة الغالية ست النمّة
نادية الغيرا قولا لينا تب ما انتم
ود البنا ما بخبرلو دربا ضُمَّة
غير هذا البكان ومعاهو ما لقيت لمّة


ود عقيد
Post: #860
Title: Re: مسدار يا أهل المسادير ((2005))
Author: نادية عثمان
Date: 10-25-2005, 05:58 PM
Parent: #859

الفرجونى حن ادينا حبة وصالك

عارفين كم همومك ولخبطة اشغالك

بس بندورها طلّة اقلو نعرف حالك

واحشنا الجمال والروعة فى موالك !!
Post: #861
Title: Re: مسدار يا أهل المسادير ((2005))
Author: munswor almophtah
Date: 10-25-2005, 07:24 PM
Parent: #860

يا منصور اخوي انتا المعلا مقامك
ما ظنيتو ود البنا جهلو كلامك
راجع ردو لي شوف اعتذارو أمامك
قال مو لاقي فرقة وبي رخس ما سامك

ود عقيد

يا ود عقيد أثرنى مره كلامك
وآسرنى الشرح علاهو مره مكانك
شيخ العرب فرض السلام فى لسانك
راكبين نحن موس وإنت بتجول بحصانك

منصور
Post: #862
Title: Re: مسدار يا أهل المسادير ((2005))
Author: munswor almophtah
Date: 10-25-2005, 07:45 PM
Parent: #860

الفرجونى حن ادينا حبة وصالك

عارفين كم همومك ولخبطة اشغالك

بس بندورها طلّة اقلو نعرف حالك

واحشنا الجمال والروعة فى موالك !!


ناديه الفنجره اللابسها أحفظمالك
ويا جبل العفاف بحر المحنه خصالك
حبك للجمال زى صوفى عابد سالك
وطالب باب فضيل خاتى المعذب هالك

منصور
Post: #863
Title: Re: مسدار يا أهل المسادير ((2005))
Author: nashaat elemam
Date: 10-26-2005, 04:16 AM
Parent: #862

يا منصور سلام من العزيز يغشالك
قاعدين في رجاك لمن يسيل وشالك
تشيل وتصب معاك غيمة هناك راشالك
سايله مضمخاك بي طيبه ما غاشا لك
Post: #864
Title: Re: مسدار يا أهل المسادير ((2005))
Author: munswor almophtah
Date: 10-26-2005, 08:32 AM
Parent: #863

يا منصور سلام من العزيز يغشالك
قاعدين في رجاك لمن يسيل وشالك
تشيل وتصب معاك غيمة هناك راشالك
سايله مضمخاك بي طيبه ما غاشا لك

مرحبتين سلام نشأت مظهر شالك
ثابت مك خفيف قطر الظلام ما شالك
ألطاف الكريم ناثره الورود فارشالك
يا بار للكبير كبد الصلاح هاشالك

منصور
Post: #865
Title: Re: مسدار يا أهل المسادير ((2005))
Author: نادية عثمان
Date: 10-26-2005, 07:02 PM
Parent: #864

فوق
Post: #866
Title: Re: مسدار يا أهل المسادير ((2005))
Author: munswor almophtah
Date: 10-26-2005, 07:56 PM
Parent: #865

فوق يا ناديا مين بلحق سماك العالى
ويا رطب المدينه الحادق طعامك حالى
دهبا فى القصور يا ناديا نادر وغالى
وكداب من يقول بسواهو لو كان والى



منصور
Post: #867
Title: Re: مسدار يا أهل المسادير ((2005))
Author: nashaat elemam
Date: 10-27-2005, 02:33 AM
Parent: #866

نمك أخوي منصور دايماً جواهرو تلالي
داك ود عقيد وداك يحي وبخاري الغالي
بي (فوق) نادية المندية ام لهيجا حالي
الليله بشوفو بوستك يبز جبال وأعالي
Post: #868
Title: Re: مسدار يا أهل المسادير ((2005))
Author: بخاري بشير
Date: 10-27-2005, 03:26 AM
Parent: #867

نشأتنا الليلة منصور جاب الكلام مو مبالي
وذاكر للمحيها بدرر القصيد بيلالــــــــــي
انت ويحي ونادية والمنصور دوام في بالي
بيكم هل سعدي واكتمل راسمـــــــــــــــالي
Post: #869
Title: Re: مسدار يا أهل المسادير ((2005))
Author: nashaat elemam
Date: 10-27-2005, 04:00 AM
Parent: #868

يا بخاري المنبر غيركم انتو ما بحلالي
اخوان منصور الاسود الطلتم عاجبالي
والناحر فؤادي وشاغل دوام لي بالي
الزول السمح مناي يوم برتـــــالي
Post: #870
Title: Re: مسدار يا أهل المسادير ((2005))
Author: munswor almophtah
Date: 10-27-2005, 07:30 AM
Parent: #869

الليله الحديث خواضنا خاد فوق لجه
شيمه مشركه وتاقنين تمام القجه
وفى بيت حديث سوالو كمين حجه
خلا العوا طقت كشحت هبوب العجه





منصور
Post: #871
Title: Re: مسدار يا أهل المسادير ((2005))
Author: munswor almophtah
Date: 10-27-2005, 08:04 AM
Parent: #867

نمك أخوي منصور دايماً جواهرو تلالي
داك ود عقيد وداك يحي وبخاري الغالي
بي (فوق) نادية المندية ام لهيجا حالي
الليله بشوفو بوستك يبز جبال وأعالي


نشأت دوام بطراك وذاكرك بالى
ذاكر حرفك الموزون تمام موجالى
ناديا ودعقيد فى النم هلالهم هالى
ويحى ود بشير زاردين بحرهم عالى

منصور
Post: #872
Title: Re: مسدار يا أهل المسادير ((2005))
Author: أحمد الشايقي
Date: 10-28-2005, 04:57 AM
Parent: #871

Quote:

بطـراك إن كـرب ضـحوي وغشـانا الزّيــف

وبطـراك فوق رضـيـمـة الأبرق الكـرّيــف


بـطـرا سـمـح نفايـل والطـبـع ولّيـــف

(خوووك) يا السمحة في يوماً كتـالـو عـنـيـف


(عدل بواسطة أحمد الشايقي




إن مرّيـت بـهـم ياك الـ رتعـت خريـف
شمـش الكون عـلـت, ما كجّـرولا صـريـف


جـرّق فزعـة (بـوك) مختار تلـب تكليـف
عـرق المنـدراب ما بشابكـه عـرق الّّلـيف
Post: #873
Title: Re: مسدار يا أهل المسادير ((2005))
Author: بخاري بشير
Date: 10-28-2005, 08:07 AM
Parent: #872

إن مر البهم اكلو دمبلاب والله ما علّيف
وإن بعدن بكار واردات شقوق وخريف
ياالشايقي الكلام عندك بدايتو تقيف
وأدوك بالردوم بين الفصاح ستيف
Post: #874
Title: Re: مسدار يا أهل المسادير ((2005))
Author: أحمد الشايقي
Date: 10-28-2005, 05:34 PM
Parent: #1

Quote:
إن مر البهم اكلو دمبلاب والله ما علّيف
وإن بعدن بكار واردات شقوق وخريف
ياالشايقي الكلام عندك بدايتو تقيف
وأدوك بالردوم بين الفصاح ستيف


الأخ الكريــم بخاري بشير,

نسّّـاج البيان الأصـلي مـو هـرّيـف
طيّـاع بكرتـه وال(متلي) ليـكا رديـف



سمّـوك ود بشـير معروف بـلا تعريـف
صـقعـك دوف سـري ود (التراقي) نضـيـف


ود الشايقي
Post: #875
Title: Re: مسدار يا أهل المسادير ((2005))
Author: نادية عثمان
Date: 10-28-2005, 06:44 PM
Parent: #874

غدا يااهلنا برجع للحبيب سودان

وطن مليونى شاسع وأروع الاوطان

بخارى وود امام الليلة نوركم بان

هداك (باعكم) سمعتوا بحبو لحم الضأن !!!!!!!!
Post: #876
Title: Re: مسدار يا أهل المسادير ((2005))
Author: munswor almophtah
Date: 10-28-2005, 07:58 PM
Parent: #875

طلبك بس خروف يا ناديا من أخوان
وضباحين بكار من غير عزيز ضيفان
عارفن الصقر فى الجو حريف نيشان
وقايل ديمه بيتم نادى للبيشان

منصور
Post: #877
Title: Re: مسدار يا أهل المسادير ((2005))
Author: munswor almophtah
Date: 10-28-2005, 08:25 PM
Parent: #876

شايله بلدنا ديك ضلمانه دايره نجوم
ضوى ربوعا كلو أكان غزالها يحوم
أبقيلا الخريق رشيها ظلى قيوم
كان تفتق عقب ويصبح نخيلا رهوم


منصور
Post: #878
Title: Re: مسدار يا أهل المسادير ((2005))
Author: Yahia Abd El Kareem
Date: 10-29-2005, 02:45 PM
Parent: #875


الاخت نادية عثمان.....

اعذرينى على هذه الملاحظة وفى هذا المقام....كم تمنيت ان تجارى قافية الشايقى

ولو لحين حتى لا ينقطع السيل الجميل الذى بدأه الاخ الفحل الشايقى....

لان المربع لن يكون مكتملا مالم ياخذ الدورة ويرد عليه الجميع كذلك للحفاظ على وحدة

الموضوع وتواصل الفكرة....

ساعود بمسدار ان لزم الامر والمعذرة شيخى المنصور لهذا الغياب القسرى....

هنأكم الله بليلة القدر وجمعنا واياكم فى ليال الحضرة والنقاء
Post: #879
Title: Re: مسدار يا أهل المسادير ((2005))
Author: أحمد الشايقي
Date: 10-30-2005, 07:19 AM
Parent: #1

الأخ الكريم يحي عبد الكريـم

تطـوّقنا بما لا نستحـق,

Quote: حتى لا ينقطع السيل الجميل الذى بدأه الاخ الفحل الشايقى....



نضـمـك يحي (خـوي) حـكّمتـه مـو توليـف
وبشكيـلك (إرييــل) في وهـاده, طـريـف

لـحّاني وظـلـم ومعـاه أمـري ضـعـيـف
بعـيونـه الهـلاك, ناعـم تكنّـه قطيـف.
Post: #880
Title: Re: مسدار يا أهل المسادير ((2005))
Author: أحمد الشايقي
Date: 10-30-2005, 07:31 AM
Parent: #1

لـعمـوم الاخوان, بعد الاستئذان,



للسودان عمـوم (شاواني) نار (قـريـيـف)

يحي وودبشـيـر , منصـور فـراقـكـم كيـف؟


ناوي قيـام صـباح بي طايـرة ليها حـفيـف

فوقـهـا الصّـيد قـدل, يكـرم سفرنـا (مضـيـف)


ود الشـايقي,
Post: #881
Title: Re: مسدار يا أهل المسادير ((2005))
Author: عبد الله عقيد
Date: 11-06-2005, 10:11 AM
Parent: #1

عيدا عاد سعيد يا سادة المسدار
نسأل ربي بركاتا تعم ها الدار
جميعكم تبقو في عافية وتظلو منار
يهدي علي سبيل الريدة نور ووقار

ود عقيد
Post: #882
Title: Re: مسدار يا أهل المسادير ((2005))
Author: بخاري بشير
Date: 11-06-2005, 11:43 AM
Parent: #881

يا ود عقيد أصبح يمين محتار
وما عارف يمين البورد واللا يسار
العيد السعيد إن شاء الله ليكم سار
ودار منصور دوام تبقى لينا منار
Post: #883
Title: Re: مسدار يا أهل المسادير ((2005))
Author: munswor almophtah
Date: 11-06-2005, 05:57 PM
Parent: #882

عيدا بالجديد جانا....وجلب أزهار
وجاب الخير دعاء وجاب الكرام أخيار
واحدين فى المدن بالفرحه طيرهم طار
وقادلين فى الملاهى القلبت ليالى نهار


منصور
Post: #884
Title: Re: مسدار يا أهل المسادير ((2005))
Author: nashaat elemam
Date: 11-07-2005, 04:08 AM
Parent: #883

سلام ود العقيد وبخاري وسيد الدار
كل عاماً بخير بانيين في النعيم أدوار
وداك توب السعادة لافحينو ليكم إزار
جيتكم والله وخري بس اقبلو الأعذار
Post: #885
Title: Re: مسدار يا أهل المسادير ((2005))
Author: munswor almophtah
Date: 11-07-2005, 01:11 PM
Parent: #884

يات من فى الجناييت للصديق زوار
ويات فعال جميل أوصافو كالأبرار
يا جنون صدق جمع الخلوق محتار
فوق حرص الوداد حاشهو خالى غبار


منصور
Post: #886
Title: Re: مسدار يا أهل المسادير ((2005))
Author: nashaat elemam
Date: 11-08-2005, 02:03 AM
Parent: #885

زورتك علينا واجبة والكريم بنزار
يا منصور أخوي أنت سيد الدار
كرمك ديمه طامح انهار معاها بحار
والجاك تب تجيرو لو كان عليهو التار
Post: #887
Title: Re: مسدار يا أهل المسادير ((2005))
Author: munswor almophtah
Date: 11-08-2005, 08:48 AM
Parent: #886

بنزوركم دوام أرابيب الكرم أخيار
ويا أولاد ملوك إنتو الملكتوا الدار
إنتو أولاد كرم حاتم خلعتوا...أحتار
بتجزروا التنى جزره ولبونه...نهار


منصور
Post: #888
Title: Re: مسدار يا أهل المسادير ((2005))
Author: Yahia Abd El Kareem
Date: 11-08-2005, 10:31 AM
Parent: #887


عيدا نباركو عليكم ويعيد المسدار
ويهل بالفرح يهدى النسيم المار
دار منصور تنور يوت وتشلع الانوار
فيها نطل صحابنا ونتبادل الاسرار
Post: #889
Title: Re: مسدار يا أهل المسادير ((2005))
Author: munswor almophtah
Date: 11-09-2005, 12:01 PM
Parent: #888

يحى أخو البنات دايما ودادك حار
ودايما شيخ عرب حافظ حقوق الجار
الضيف البجيك بالليل وباقى نهار
ومن كرمك بدوش عقلو وبكون محتار


منصور
Post: #890
Title: Re: مسدار يا أهل المسادير ((2005))
Author: بخاري بشير
Date: 11-15-2005, 11:38 AM
Parent: #889

أولاد القبايل هييي يا كهنة المسدار
مالكم انزويتو وسبتو هادي الـدار
دايرين انشراحكم والكلمة تبقى شعار
وما تخلوها داركم يابسة من أشعار

////////////////////////

يا ود عقيد الليلة نادية في دارنـا
مزهويين كتير والعقبة لي مسدارنا
جاتنا الملكة طفت لي لهالب نـارنـا
بيها انجاطت الخرطوم بعد ما حارنا

/////////////////////////

نشأت منبسط ومن الملكة شبعان نظروا
وللمنصور يمين البوست تب ما عبرو
من أطياف شذاها الفاتو الكبار والصغرو
تريانين خلاص بس ود عقيد كيف صبرو
Post: #891
Title: Re: مسدار يا أهل المسادير ((2005))
Author: munswor almophtah
Date: 11-15-2005, 12:29 PM
Parent: #890

يا راوى الحديث فوق صوبنا وجه نظرو
شوقا ليهو كم شرك الصبر قام هبرو
ناس نشأت هناك فى الدنيا جايبين خبرو
إلا وليد عقيد واليحيا ديك ما حضروا


منصور
Post: #892
Title: Re: مسدار يا أهل المسادير ((2005))
Author: munswor almophtah
Date: 11-15-2005, 01:00 PM
Parent: #891

راوى الحديث من دون عناعن زارنا
هابل نور قمر ضواها مره ديارنا
جاتو الملكه فوق مرمر حرير متمارنا
زى بلغيس تتاتى على الملوك الحارنا

منصور
Post: #901
Title: Re: مسدار يا أهل المسادير ((2005))
Author: nashaat elemam
Date: 11-16-2005, 10:19 AM
Parent: #891

جايبين الخبر حاسينو غير ما نخبرو
والنور الغشانا من ندو طالع فجرو
يا منصور اخوي جابري شايف كسرو
والعقل الودر منو البلمو ويجبرو؟
Post: #900
Title: Re: مسدار يا أهل المسادير ((2005))
Author: nashaat elemam
Date: 11-16-2005, 10:15 AM
Parent: #890

الانبساط موجود الا الشبع وين أترو؟
والروح التشابي علي المحيط بتعبرو
كم شاشينا لشوفة المليك في قصرو
والليله الجروح بي الشوفه دابن ببرو
Post: #893
Title: Re: مسدار يا أهل المسادير ((2005))
Author: عبد الله عقيد
Date: 11-15-2005, 01:14 PM
Parent: #1

يا ود عقيد الليلة نادية في دارنـا
مزهويين كتير والعقبة لي مسدارنا
جاتنا الملكة طفت لي لهالب نـارنـا
بيها انجاطت الخرطوم بعد ما حارنا

بخاري بشير

قدر ما قلنا نصبر وجوّة نكتم نارنا
يجينا خبر جديد يفسد علينا وقارنا
قال ود البشير هلّا الهلال في ديارنا
حقكم الفرح ونحن المغس تب زارنا

ود عقيد
Post: #894
Title: Re: مسدار يا أهل المسادير ((2005))
Author: عبد الله عقيد
Date: 11-15-2005, 01:33 PM
Parent: #1

شفتها يا البخاري تضوي جوّة الشاشة
وجيهة يلالي نور يشفي ال اكانو عماشا
نضمها بي رزانة وراسية مي هرباشة
محكّرة وسطهِن حكرة جناب الباشا

ود عقيد
Post: #895
Title: Re: مسدار يا أهل المسادير ((2005))
Author: بخاري بشير
Date: 11-16-2005, 07:34 AM
Parent: #894

نضمك يالعقيد في الملكة ماهو دراشا
ناعم زي خدودها وكت تسالمك باشــا
تبرى من المغص وأيامك يزيد إنعاشا
والقفر اليباب أمطارو زايدة رشاشا
Post: #896
Title: Re: مسدار يا أهل المسادير ((2005))
Author: بخاري بشير
Date: 11-16-2005, 07:41 AM
Parent: #895

نشأت يا العقيد ما عارف أصل لي محلو
قال الملكة سرقت لي وقارو وعقلـو
كان ما تلحقونا وبالوصايا تعجـلو
أخاف الوليد من الشافو عقلو يبدلو
Post: #897
Title: Re: مسدار يا أهل المسادير ((2005))
Author: munswor almophtah
Date: 11-16-2005, 09:29 AM
Parent: #896

كلفوها الإبل يا ود بشير مو خشاشا
مو قداما تنقز واحده بالمقشاشه
من قولة سلام أدوها جرعه غباشه
راسيه مقوننه المكحوله مى هباشه


منصور
Post: #902
Title: Re: مسدار يا أهل المسادير ((2005))
Author: nashaat elemam
Date: 11-16-2005, 10:26 AM
Parent: #894

يا ود العقيد شوفتنا ما بي الشاشه
وزمان كنا بنقول الشاشه تب غشاشه
لاقتنا بسلاما وبي بسمه كانت باشه
عبـقنا صندلا وسكرنا تب بي دعاشه
Post: #898
Title: Re: مسدار يا أهل المسادير ((2005))
Author: عبد الله عقيد
Date: 11-16-2005, 09:39 AM
Parent: #1


قصبة الوادي نادية وديما صابي رشاشة
رايقة وديمة هادية وشيها فيهو بشاشة
حسيت بالحريق والحمى زاد إرعاشا
كيف يا ربي نشأت حالو؟ يبقى اتلاشا!؟

ود عقيد
Post: #899
Title: Re: مسدار يا أهل المسادير ((2005))
Author: munswor almophtah
Date: 11-16-2005, 10:02 AM
Parent: #898

من ختت كراعا القوم بقت هتراشا
واحدين بالنظر صابت عيونا طشاشا
نشأت من سمع سكاكتو قامت ماشا
ما بفرز خلاص بعشر حكيموأمباشا


منصور
Post: #903
Title: Re: مسدار يا أهل المسادير ((2005))
Author: nashaat elemam
Date: 11-16-2005, 12:04 PM
Parent: #899

الزول البجيك عنو حاشاك تقبل حاشا
ووكتين يزورك عدوك ما بتتحـــاشا
كيفن وكت ترك في زهورك انتا فراشا
زي ندويه نايره خدودا خاتيا غباشا؟
Post: #904
Title: Re: مسدار يا أهل المسادير ((2005))
Author: munswor almophtah
Date: 11-16-2005, 12:18 PM
Parent: #903

تفتيحه يا نشات وجاتك هاشه
جاتك زى ورود الحقل دايما باشه
جننت البنات زى نجود أوعاشه
أمه من الشباب شافوها قامت داشه





أمة الشباب الداشه ماها الملكه بنت الباشا

منصور
Post: #905
Title: Re: مسدار يا أهل المسادير ((2005))
Author: nashaat elemam
Date: 11-16-2005, 12:26 PM
Parent: #904

لاقيتا الشويدنه النايره خاتيا فصادا
خدرتا ودرتا وكتين وقفتا قصــادا
من عين الجدي.. الربي احسن صادا
صادت بيها قلباً طمعان.. قبل يصطادا
Post: #906
Title: Re: مسدار يا أهل المسادير ((2005))
Author: عبد الله عقيد
Date: 11-16-2005, 12:35 PM
Parent: #1

نشأت وود بشير شفتو الأسيل السادة؟
انعمو بي الهنا وخلونا نحن كسادا
بغرانين عليكم ضُمّة مافي حسادا
بس يا ريتنا ننعم بي حِلِم في وسادة

ود عقيد
Post: #907
Title: Re: مسدار يا أهل المسادير ((2005))
Author: munswor almophtah
Date: 11-16-2005, 01:38 PM
Parent: #906

زى عناق الصى هديك السمحه جات تتهادى
جات بالمعجزات مالكه الجمال بى شهاده
فى الذوق والكلام سوت خوارق العاده
قايده مرصعه النيشان قفاها بياده



منصور
Post: #908
Title: Re: مسدار يا أهل المسادير ((2005))
Author: nashaat elemam
Date: 11-17-2005, 00:36 AM
Parent: #907

منصورنا وود عقيد سلام كتير يا ساده
بي حلو الحديث عطرتو ليلنا زياده
سائل ربي الكريم ارواحكم يفك أقياده
ومن اسر البعاد الروح تعود لي بلاده
Post: #909
Title: Re: مسدار يا أهل المسادير ((2005))
Author: munswor almophtah
Date: 11-17-2005, 08:44 AM
Parent: #908

بلدا من زمان كايسين نعيد أمجادا
دايرين رفعتا وكايسين صلاح أولادا
بى سمح الحديث إنت الحرزت شهادا
يا نشأت معاك إجمعنا خارق العادا


منصور
Post: #910
Title: Re: مسدار يا أهل المسادير ((2005))
Author: عبد الله عقيد
Date: 11-17-2005, 09:14 AM
Parent: #1

يا منصور اخوي الرجعة فات ميعادا
والغربة ام مصايب ربي تب ما عادا
بلدنا محل نفوت ما بنلقى غيرا سعادة
اصلو الشوق سكن في نفوسنا وأصبح عادة

ود عقيد
Post: #911
Title: Re: مسدار يا أهل المسادير ((2005))
Author: munswor almophtah
Date: 11-17-2005, 10:53 AM
Parent: #910

البلد القبيل فزينا لى مشهادا
سال الشوق بحر ترس القلوب بزيادا
نحن وناس عقيد بندور نشوف أمجادا
ترجع زى زمان هيبه البلود بتهابا


منصور
Post: #912
Title: Re: مسدار يا أهل المسادير ((2005))
Author: عبد الله عقيد
Date: 11-19-2005, 07:09 AM
Parent: #1

What is the matter
Post: #913
Title: Re: مسدار يا أهل المسادير ((2005))
Author: عبد الله عقيد
Date: 11-19-2005, 08:54 AM
Parent: #1

لا خلاص عرفنا السبب

بعد ما كانن اربعتاشر الصفحات
صبحن عشرة خفنالِن من اللفحات
تبّنت الجميع قت يبقى وين رايحات
لقيت كل (البواست) أصبحن سايحات
Post: #914
Title: Re: مسدار يا أهل المسادير ((2005))
Author: nashaat elemam
Date: 11-20-2005, 00:42 AM
Parent: #913

زعزعنا الشكل اللينا بان نقصانو
وقلبنا الدفاتر كايسين ورا عنوانو
قايلنو الحديث خلاص قفل ديوانو
علا بس لقينا البوست كبّرن كيمانو
Post: #915
Title: Re: مسدار يا أهل المسادير ((2005))
Author: munswor almophtah
Date: 11-21-2005, 10:36 PM
Parent: #914

الزوق والظرف دايما مكمل شانو
ودايما مندرج ضيفك خبر ديوانو
فك المعضلات إنت البلاش دكانو
إنت الغوث هديك الصالحين حيرانو


منصور
Post: #916
Title: Re: مسدار يا أهل المسادير ((2005))
Author: munswor almophtah
Date: 11-21-2005, 11:18 PM
Parent: #913

زى القيف هدم حتلن جزر غاتسات
وياك ياود عقيد يا الطابق الصيحات
متل الفقر بالجوز بقن غاتسات
وحليق الحنك ما برجعن صادات


منصور
Post: #917
Title: Re: مسدار يا أهل المسادير ((2005))
Author: عبد الله عقيد
Date: 11-30-2005, 06:49 AM
Parent: #1

غاب قمر الفريق واهل البلد نوّام
عاد وكتين تضلم تاني فيها كلام؟
متين نصحى ونفيق ونفارق الأحلام؟
يعود زهر الربيع ويفتِّح الأكمام

ود عقيد
Post: #921
Title: Re: مسدار يا أهل المسادير ((2005))
Author: nashaat elemam
Date: 12-01-2005, 01:28 AM
Parent: #917

غاب قمر الفريق فاقدنو بالأيام
واليوم في بعادو نعدو بالأعوام
باقين في رجاهو بانِنها الأحلام
بكره يعود يفرح قلباً وراو إنضام
Post: #918
Title: Re: مسدار يا أهل المسادير ((2005))
Author: بخاري بشير
Date: 11-30-2005, 07:32 AM
Parent: #1

Quote: غاب قمر الفريق واهل البلد نوّام
عاد وكتين تضلم تاني فيها كلام؟
متين نصحى ونفيق ونفارق الأحلام؟
يعود زهر الربيع ويفتِّح الأكمام

ود عقيد



غاب يا ود عقيد قمر الفريق الحام
وودر للقلوب خلى البلد في سام
ملكتنا القبيل زارت البلد نسام
قامت الليلة بالطايرة البربطولة حزام

////////////

ياود عقيد ناديتنا زارت وعدت
زي فصل الربيع أزهارو فايحة وندت
نشأت منقهم و راوي الحديث مشلهت
يا الدنيا العبوس أريتا نادية تجدد
Post: #919
Title: Re: مسدار يا أهل المسادير ((2005))
Author: munswor almophtah
Date: 11-30-2005, 01:35 PM
Parent: #918

غاب قمر الفريق واهل البلد نوّام
عاد وكتين تضلم تاني فيها كلام؟
متين نصحى ونفيق ونفارق الأحلام؟
يعود زهر الربيع ويفتِّح الأكمام


قمرا فى الصقيعه وعلا جاهو غمام
كامل مكتمل بدر البدور بى تمام
من تال صعيد اليله طالب الشام
روق يا ودعقيد باكر بزورنا حمام


منصور
Post: #920
Title: Re: مسدار يا أهل المسادير ((2005))
Author: munswor almophtah
Date: 11-30-2005, 02:03 PM
Parent: #919

غاب يا ود عقيد قمر الفريق الحام
وودر للقلوب خلى البلد في سام
ملكتنا القبيل زارت البلد نسام
قامت الليلة بالطايرة البربطولة حزام


الموج فى الحنك والليله باقى لجام
وفوق الراس حديا خاوى للرمام
يا ود بشير ما ضقنا ضبعك حام
والكع غوثنا ياالمبروك غزالك نام


منصور
Post: #922
Title: Re: مسدار يا أهل المسادير ((2005))
Author: munswor almophtah
Date: 12-01-2005, 09:49 AM
Parent: #920

غاب قمر الفريق فاقدنو بالأيام
واليوم في بعادو نعدو بالأعوام
باقين في رجاهو بانِنها الأحلام
بكره يعود يفرح قلباً وراو إنضام


هسع بنجلى وبمرق بدرنا تمام
ونلعب قيره قيره عددنا كامل تام
داساهو القيوم هسع بهب نسام
وبقدل زى عبور الصى عقبلو تمام


منصور
Post: #923
Title: Re: مسدار يا أهل المسادير ((2005))
Author: munswor almophtah
Date: 12-07-2005, 01:44 PM
Parent: #922

عناقا بين طلح زوزايا خاتيه لجام
وفوق صوبا المصوبنه عنبره أب نسام
قداله أم رديف كى للبكج كجام
وكتاله أم مقل زامه القليب بزمام




منصور
Post: #924
Title: Re: مسدار يا أهل المسادير ((2005))
Author: نادية عثمان
Date: 12-07-2005, 04:39 PM
Parent: #923

جيتكم ياالاحبة الشوق دفر شوقى

كتير طال الغياب ردم العذاب فوقى

سرقتنى الهموم وهجرت معشوقى

بكيت قام الالم قال لى خلاص روقى !!!
Post: #925
Title: Re: مسدار يا أهل المسادير ((2005))
Author: nashaat elemam
Date: 12-08-2005, 00:27 AM
Parent: #924

أديناك أمانا الليله أفرحي روقي
وأنزلي في خميله قمريها فوقك يقوقي
إن باريتي جري الدنيا والله ما بتحوقي
تعالي قريب وأدني.. وأنا ليكِ ناحر نوقي
Post: #927
Title: Re: مسدار يا أهل المسادير ((2005))
Author: munswor almophtah
Date: 12-09-2005, 07:54 PM
Parent: #925

أديناك أمانا الليله أفرحي روقي
وأنزلي في خميله قمريها فوقك يقوقي
إن باريتي جري الدنيا والله ما بتحوقي
تعالي قريب وأدني.. وأنا ليكِ ناحر نوقي


نضفت الطريق جريتو ليك واسوقى
يا غزل الحرير من قز حقيق موسوقى
خرمانين عديل نتاح عرق طايوقى
ويا جبنة صباح إنتى ا لحريف بتعوقى





منصور
Post: #926
Title: Re: مسدار يا أهل المسادير ((2005))
Author: munswor almophtah
Date: 12-08-2005, 09:09 AM
Parent: #924

جيتكم ياالاحبة الشوق دفر شوقى

كتير طال الغياب ردم العذاب فوقى

سرقتنى الهموم وهجرت معشوقى

بكيت قام الالم قال لى خلاص روقى !!!


ألما لى عدوك إختاك ما تدوقى
هما فى السفر بنساك بتروقى
شوقك كان بحر نحن المحيط روقى
شوفك كان سفر بتقاسى ليك نوقى




منصور
Post: #928
Title: Re: مسدار يا أهل المسادير ((2005))
Author: munswor almophtah
Date: 12-10-2005, 03:45 PM
Parent: #926

نشأت يا ولد شوقك طمح غرقنا
زيك نحن نار الشوق عديل حرقنا
شوف جور الزمن فى ساعه جت فرقنا
واحدين غربوا واحدين معاى شرقنا

منصور
Post: #929
Title: Re: مسدار يا أهل المسادير ((2005))
Author: munswor almophtah
Date: 12-10-2005, 04:00 PM
Parent: #928

يا وليد عقيد بى حودا يوت عاقبنا
فوق حدب السليم أغشانامر طالبنا
شوقا للنميم فى الراس عديل فالقنا
بسراع جيب كلام نظمك كتير بطربنا


منصور
Post: #930
Title: Re: مسدار يا أهل المسادير ((2005))
Author: munswor almophtah
Date: 12-10-2005, 04:19 PM
Parent: #929

أبدومة بنز يا يحى داك راجينا
راجينا الخبيب لمراح عنق طارينا
شوقا لى أم صدوغ يلاك نسوق ودينا
ننبل من ضحى ونسرح نزور وادينا


منصور
Post: #931
Title: Re: مسدار يا أهل المسادير ((2005))
Author: nashaat elemam
Date: 12-11-2005, 00:42 AM
Parent: #928

منصور يا أخوي دار الزمان وسرقنا
بعد لمة شمل شوفو الليله جار فرقنا
مهما نَسِن نواصل او للسهام طرقنا
ما بتنفع سيوفنا ولا بصدو درقنا
Post: #932
Title: Re: مسدار يا أهل المسادير ((2005))
Author: munswor almophtah
Date: 12-11-2005, 01:22 AM
Parent: #931

عينن جاتنا زى إسكود مصل حتتنا
خلت قيعه ديك روكتنا طب فجتنا
زي نسف الجبال فى لحظه ست هدتنا
سوت عوسا داك بعد الهلاك قشتنا


منصور
Post: #933
Title: Re: مسدار يا أهل المسادير ((2005))
Author: nashaat elemam
Date: 12-11-2005, 02:12 AM
Parent: #932

ما تأسى يا منصور.. كان الزمان شتتنا
والدنيا العبوس.. جارت علي لمتنا
بكره تحن وتجمعنا.. تاني في حلتنا
ويبقى فراقنا حجوه.. نحكيها في ونستنا
Post: #934
Title: Re: مسدار يا أهل المسادير ((2005))
Author: نادية عثمان
Date: 12-11-2005, 10:13 AM
Parent: #933

الوطن الحبيب مابنبقى نحنا بلاهو

الغربة المسيخة غرامنا تتحداهو

نحنا وطنا غالى عشقنا ضمّة سماهو

نفرح بى جديدو ونبكى جد لشقاهو !!
Post: #935
Title: Re: مسدار يا أهل المسادير ((2005))
Author: أحمد الشايقي
Date: 12-12-2005, 00:35 AM
Parent: #934

نادية عثمان

حمدا لله على سلامة العودة,


Quote: الوطن الحبيب مابنبقى نحنا بلاهـو


بيكي شرف وطـن بيكي الثريا علاهـو

Quote: الغربة المسيخة غرامنا تتحداهـو


وفي ساحاته قدلـة ورقدة هانية حداهـ,

Quote: نحنا وطنا غالى عشقنا ضمّة سماهـو


شفنا فرح وطاتـه - خريـر مسـرة ماهـو

Quote: نفرح بى جديدو ونبكى جد لشقاهـو !!


والخرتـوم بسـم, ما الكايسه ضمّـة, لقاهـو


ود الشايقي
Post: #936
Title: Re: مسدار يا أهل المسادير ((2005))
Author: munswor almophtah
Date: 12-12-2005, 03:34 PM
Parent: #935

الوطن الحبيب مابنبقى نحنا بلاهو

الغربة المسيخة غرامنا تتحداهو

نحنا وطنا غالى عشقنا ضمّة سماهو

نفرح بى جديدو ونبكى جد لشقاهو !!



ترمسنا المسيخ للغربه ببقى كنافه
والدنيا أم قدود لولا الوطن بنعافه
أنناس فى الجنوب منقه وجنان جوافه
غزلان فى الصحارى وحور فى المدينه قيافه


منصور