كتب الكاتب الفاتح جبرا المتوفرة بمعرض الدوحة
|
Re: مسدار يا أهل المسادير ((2005)) (Re: osama elkhawad)
|
ونصيحتك ياالمنصور لأولاد البلد ملانا إنت الشقيت بلود الناس عجم وبطانا كان يسمعوها جيتا جيت جانا ما خلانا وأكان يرفضوها خلاس بلدنا مو هلكانا
خواض مشيت بي غادي لقيتك مافي ختيتلك رسالة قتلك جايلك صادي لقيتك بي جاي قاعد طربان شادي ومتين الرجعة لي يمنى بي غادي
يا يحي دي جيتا واحدة معاها بتابع مسدارك في مدح الكرم والجود روايع وكم بالله أسعد الغريب ومسحلو مدامع
| |
|
|
|
|
|
|
Re: طربان شادي في سكنة ولد "مفتاح" (Re: osama elkhawad)
|
طربان شادي في سكنة ولد "مفتاح"
لكن ما نسيت يا برنس كلامنا الصاح
عن غلطن وقع "للطيب" المفلاح
من "يمنى" القبيل كانت كمثل الراح
المشاء
أسكن وجيب صغارك وفى الصريف أرتاح واغلط ديمه إنت وديمه بنقول صاح غلطك ضمه غافرو وضمه ليك برتاح وأنسى اليمنى سيبا هداك هلالك لاح
| |
|
|
|
|
|
|
Re: بتذكرني كم بي نفسي (Re: osama elkhawad)
|
با برنس الصغير بتذكرني كم بي نفسي ختاف الفكر ,بيعرف مقاصد الهمسي وعراف الزمان,في اليوم او في الامسي ولماح لامن تقول هو بيعرف المدسي
أسامه أخوى ما تنسى طب للنفسى ديمه تروده وأبعد بعيد عن هلسى دايما طهرا بالزكر كان بالأنسى وأسرع بشرا بالخطب كان بالعرسى
منصور وأنا قروى قح إذهب لمنصور المفتاح لماذا لا تقرأون له لترى ذلك الوصف الذى أخاف أن يكون يوما تحت مجهرك أو غيره..... ولك الود
| |
|
|
|
|
|
|
Re: خارج و داخل في النصوص (Re: عبد الحميد البرنس)
|
خواض منصور ولد كريم مضياف ونحن بنعوم بحرا مالو ضفاف يمنى كلاما بشر يحذف ويضاف والمقدس قاعد فوق وبتخاف
مرحب يا الأمير وقلوبنا ليك لحاف وقلبك داك مفتح ولى الحديث شفاف وعندك كم مراجع وكم علوما لطاف وعلما غير علوم المولى منو نخاف
منصور
| |
|
|
|
|
|
|
Re: مسدار يا أهل المسادير ((2005)) (Re: Saif aldin Hassan)
|
آح وواح ويا وحيح قلبي ياصيدة القنيص النجعت كلبي الدارس العلم من دينو بتسلبي والطالب الحجاز من مكة بتقلبي ****ود المسيكتاب****
قلبك خلو ساكت شوف كمان قلبى كلبك أصلو ناجع جيبو لى كلبى سلابة القلوب صدوها من دربى قلابة العقول خلوها لى ربى
منصور
| |
|
|
|
|
|
|
مسدار اسفيري (Re: osama elkhawad)
|
"مايلتك" كتير ,ما اثّرك ايميلي سهران بالوجع,نجعن حمايم ليلي كل ما افتح ال "Laptop ",بيبرد حيلي يمكن يكون رديتي لي ايميلي
| |
|
|
|
|
|
|
Re: مسدار اسفيري (Re: osama elkhawad)
|
أ..المنصور نارك قايدا وحواليك أرباب وريحة الشيا تفوح ويسيل ليها لعاب بابك مفتوح ديمة لغريب وشلة أصحاب أصلو الكرم حارسك من أهلك السروراب
| |
|
|
|
|
|
|
Re: مسدار اسفيري (Re: osama elkhawad)
|
أ..الخواض غزال البري الليلة ختاكا شايفو ما سايل لابد يا خوي ما طراكا أكان تمايلو أوتسمنجروا ما بهواكا من الله خلقو من أمو ما ضاقلو مفراكا
| |
|
|
|
|
|
|
Re: مسدار اسفيري (Re: عبد الحميد البرنس)
|
أ..المنصور نارك قايدا وحواليك أرباب وريحة الشيا تفوح ويسيل ليها لعاب بابك مفتوح ديمة لغريب وشلة أصحاب أصلو الكرم حارسك من أهلك السروراب
أرابيب يا الأمير من جوا حتى الباب وريحة الشيه ديك مكروفه مافى غياب سد الباب فضيحه وللعقب بنعاب وكرما إنت قلت بأصلوا السروراب
منصور
| |
|
|
|
|
|
|
Re: غزالة المنبر المعروفة (Re: munswor almophtah)
|
دعني صديقي الاسفيري -منصور-, اجاري عاشقنا الكبير المحلق , والذي قضى نحبه متشردا, يحكي شعرا عن تاجوج ,كما تقول الحكاية الشعبية
وأرجو الا أقضي نحبي متشردا بين المنابر الاسفيرية:
أسباب الغرام يا ظبية الاسفيري بوستاتك ,وروحك, والشذى التصويري أسباب الجنون أيميلك الاسطوري ويا بنت الحداثة ,معاك فقدت شعوري
| |
|
|
|
|
|
|
Re: غزالة المنبر المعروفة (Re: munswor almophtah)
|
الاخوة زمال الدوبيت واهل المسدار..حبابكم الف وعلا المقدار ...زاد فرحنا وعمرت بيكم الدار.. بعد واجب الضيافة والاستقبال...السماح بالقول الصراح لاهلى الفصاح ....ديوان اخونا المنصور.. العامر بالادباء والمؤدبين يدعوكم التزام اصول المجداعة من حيث الموضوع والقافية واختيار اللفظ والمعنى تاثرا بهذا التراث النقى الضارب فى جذور البداوة والريف ..مستلهما معانيه من الطبيعة والبشر واالعواطف وكريم الخصال.... المعذرة لهذه المداخلة -ثقيلة الوقع - لكننى اردت ان اسهم بل واوصل مع الربع فى المجادعة ولم اتمكن لتشعب المواضيع وتداخل المسادير...ولعلى تهت بين ظبية بادية الكبابيش التى ظللنا نطاردها واخى المنصور ردحا من الزمان وهاهى غزالة اسفيرية ياتى بها الاديب الخواض... حتما ساعود....
| |
|
|
|
|
|
|
Re: مسدار يا أهل المسادير ((2005)) (Re: المسافر)
|
يالمفتاح أخوي وريني أسمع نمك وفرج كربنا مولاي يفرج همك عاجبني الكلام البيهو مليان فمك وفي لم المسادير زيومافيش لمك
//////////////
ود مفتاح أخوي ليك الكلام عانيهو سمعني النميم الديمة أشتاق ليهو وصف للخلا ووصف مغاني جديهو والباشندي قام مين البيسرح فيهو
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
الاخ بخارى بشير....ما أجمل هذين المربعين ..ودت لو ارد عليك ..لكن أدب السجال يجعل المنصور صاحب حق وسوف اعقبه فى المجداعة.... الاخ المسافر...سامحنا على التأخير.. البت القبيل فى قليبى ليها حكاية شطرت جسمى لاتنين والقتل ما كفاية فى دار الفنا شبعان هموم ورزايا لا لقيت سعد لاجمع ربح لا سعاية
| |
|
|
|
|
|
|
Re: الغزال لازم كمان يتحدث (Re: osama elkhawad)
|
منصور ,الغزال لازم كمان يتحدث عشان كل الشباب باسمو الجميل يتحدث لو داير تكون في الماضي كم تتحدث انا ماقبلان كلامك وداير الحديث يتحدث
أسامه الغزال خلقه وبهارج تدرس وعشق الناس تجاهو حقيقه ما بتدسدس دايما أصلو ثابت وفى المجازات بلبس وإمكن إنت تنجر من خيالك ملمس
منصور
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
الليلة الكلام إحلولة بي ذوق نشأت ويا مفتاح بشوف دابة المسادير بشت يلاك إنفتح ولي طوق كلامك شتت ورينا المخبأولل في المطامير حتت
نشأت يا البشير مطر الخريف الصبت وزى جذر النخيل اللرطب ديك حتت للدوبيت خبير عند نظمو ما بتشلهت لاقاى للصقع صقاع عدوه أتبرقت
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا مفتاح حلف الباب يمين ما تسدو ونحن ضيوف عليك لازمك شملنا ترفدو إت زيد في النضم وخلينا نوصل حدو وما بنزح يمين حالفين نرقع قدو
بابا وين بسدو الديمه نابع عدو وإنتو حباب قدومكم وللمكارم هدو إنتو ضيوف ملوك الليله طب ما بصدو وألبل دابا جات كبده وسنام تتغدو
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا مفتاح حلف الباب يمين ما تسدو ونحن ضيوف عليك لازمك شملنا ترفدو إت زيد في النضم وخلينا نوصل حدو وما بنزح يمين حالفين نرقع قدو
بابا وين بسدو الديمه نابع عدو وإنتو حباب قدومكم وللمكارم هدو إنتو ضيوف ملوك الليله طب ما بصدو وألبل دابا جات كبده وسنام تتغدو
منصور
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
يا نشأت حبابك وانت ياك صباحنا طريتنا البهم وكتين نكسعو مراحنا أهلا بالأصم ضويت معالم ساحنا والبلد إنبسط قول لي وين مفتاحنا
/////////////////
ياود عبد الكريم انت الكرم ليك طبعة وفي اسمك بشوف كل المحاسن السبعة تحيا بيك قلوبنا وبيك تحلا الربعة وفي ظني القبيل أدينا منك جدعة
/////////////
فتحت البوست وقلت الليلة منصور طلة ما لقيت الردود البيها تشفى العلة لو مانشأت ويحيا كان تزيد الغلة ينضمو في السمح ونحن بس نسلة
| |
|
|
|
|
|
|
Re: مسدار يا أهل المسادير ((2005)) (Re: المسافر)
|
يمة شن داعيه الكلام ولية جضمك وشن بقى في الحشا من هريدة نضمك كان اللبن الرضعنـاه من عضمـك ترى العضـم انبـرى من قضمـك
يمسافر تعال ورينا ليلة ختمك قراى للكتاب تلاى مطهر خشمك لبنا بالرضاعه الديمه جابر عضمك ولغوا فى العباده إما حسمتو بحسمك
منصور
| |
|
|
|
|
|
|
Re: مسدار يا أهل المسادير ((2005)) (Re: المسافر)
|
يمة من تالا الكلام كافي قولة ماني أمك ودم عروق أبوك ما ظنيته جاري في دمك نهايته قبر وإنحفر وطوبه واقي مدمك كان جبدك أبوك وجيت في وجاهة أمك
أبوك الناس بشوفوك زيو وازن نضمك وخاتف منو لونك ومنو جالب رسمك أمك بالحنان الديمه طايف يضمك وأمسك فى الكريم رحام أبوك وأمك
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
سوحك في البلاد انحــــنا بيهو نفــاخر اخبــار عزكم طايفـــات سفـــن وبواخر يا منصور اخوي الغــربة فيها مســاخر الا المتلك إت بنجــــيهــو عـــزاً فاخــــر
نشأت الإمام
نحن رجال سلام ما بنبدأ من الآخر ناسا وناس أصول واضح حديثنا وظاهر لو دايرين كماج بى شويشى ما بنجاهر ولو دايرين وداد شلال قلوبنا مشاعر
منصور
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
الاخ بخارى بشير....لك العتبى راضيا أو راغبا...وفداك نفسى..فانت فحل كريم..لم أتاخر عن قصد لان عادتى ان اسرج راحلتى وعليها اتربع ثم اجدع ...ومثلك تشد له الركاب.. أهلا ومرحبا... ات فحلا بخارى واهلك نجود بهاليل طلعة ثابتين أصل لحاقين بعيدويكرمو ضيف الهجعة تسلم ودبشير وفيت الشكر وفيك تامة السمعة فى خاطرنا نمك فى ام خديديطرب يسمح الدمعة
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
وصلت هذه التحايا من الأخ عبدالله حمد عقيد صحفى بالرياض له منا السلام ولنا منه الدعا سبحان الذى لا ينسانا ولا ينساه
تحية محبة دوبيت.. جنا المفتاح سلام.. يا دوب لقيت إيميلك ومن زمنا بعيد عاجباني شدة حيلك بدور انضم معاك واشكر فعايلا هيلك ات آزول كتيتيبا مفتر جيلك
مساديرك مجيهة والنضم بتجيدو والغزل المدنكل ياكا بلحيل سيدو معاك يحيا الهميم وضيوف يقِلّو.. يزيدو واصل في النميم الحالي والبنريدو
كتير بتراودني نفسي والنفس غلّابة ادور ادخل عليك القاك بعيد في غابة محروسة ومقفلة تب علينا ... (غلابة) نتاوق ليها.. لامتييييين (بكري) يفتح بابا
شاشاي.. سلام من (ود عقيد) العاجبو نمك اخويا ليك عدييل مو ود اعمك دايما بمدحك قط ما بزمك يا المنصور اخوي (لا فُضّ فمّك)
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
جنا المفتاح سلام.. يا دوب لقيت إيميلك ومن زمنا بعيد عاجباني شدة حيلك بدور انضم معاك واشكر فعايلا هيلك ات آزول كتيتيبا مفتر جيلك
حبابك يالعقيد الديمه كاسحات خيلك وجابك بالبريد المولى شداد حيلك رابض فى الخليج كتاب وشايل شيلك ناقد وعينو فاتحه وديمه صاح تحليلك
munswor
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
مساديرك مجيهة والنضم بتجيدو والغزل المدنكل ياكا بلحيل سيدو معاك يحيا الهميم وضيوف يقِلّو.. يزيدو واصل في النميم الحالي والبنريدو
قولك فى المسادير ضمه مابنحيدو أنا واليحى أخوى خابرين قديم وجديدو وقتين الرجال فى الضيق إقلو ويزيدو أنا أخوها ديك قرموصه عارفه طبيقو
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
كتير بتراودني نفسي والنفس غلّابة ادور ادخل عليك القاك بعيد في غابة محروسة ومقفلة تب علينا ... (غلابة) نتاوق ليها.. لامتييييين (بكري) يفتح بابا
بابا أكان فتح ما صرنا نحن صحابه صرنا فحول نظم نسحر عقول ولبابه يا ود العقيد أنساها ديك الغابه نحن عيال مدن قانصين نكمدو جرابه
munswor
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
يا يحي المديح القتو رش وجانا وزايد من بهاك بي كل مكارمو غشانا ياود العزاز اليوت بيبقو حجانا ليك مني السلام ما انت فيك ملجانا
مدحا قالو يحى الديمه طابقو رضانا وديمه أخو البنات بالمكرمات ما نسانا كان لى ود بشير بى بكره جاكى معانا ونشأت بالنظم خباب قعودو لفانا
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
نشأت يا الهميم زيد في غناك ألهمنا ويحي هناك بمد في القافية لي بهجتنا ومن أرض الرياض ود العقيد زائرنا راجين الصميم مفتاح يتمو فرحنا
//////////////////
لو جيت للغزل يا نشأت إحنا أسيادو يعرفنا الحبيب شاكرين مراتع أجدادو ساءل الله الكريم ناس يحي ليك يتنادو وكل ناس ودعقيد منصور معاهو اولادو
//////////////////
أليك هذه النمة في الغزل وياريت يجادعنا فيها الأحباب:
أمبارح بعد مانمت جاني جنون واذكرتا سيد الناس أمير الكون أنا الدايما تملي بالعذاب ممكون إتنين من حروفو الواو بدايتو النون
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
Quote: أمبارح بعد مانمت جاني جنون واذكرتا سيد الناس أمير الكون أنا الدايما تملي بالعذاب ممكون إتنين من حروفو الواو بدايتو النون |
العاشق موله ما بتنطبقلو جفون والببرى الجمال تلقاو دوام معيون كاتلاهو ام رشيم الفي الخديد مصيون ام رمشا مقوسً يحاكي حرف النون
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
ود مفتاح اخوى حاق للمكارم وبيك عمر ديوانا حمعت عليك صحاب غرا يسطرو بيانا بخاريا صميم وعقيد خيلا ونشات صانا وخامسا فى العقب طربان يميل سكرانا
دانوبا عمر يا يحى بى أخوانا إنت منورو واقف تعرف أحوالنا نشات والبشير فى الحسبه مثل أخوالنا والصحفى العقيد ساراهو ضمه أقوالنا
منصور
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
ود مفتاح اخوى حاق للمكارم وبيك عمر ديوانا حمعت عليك صحاب غرا يسطرو بيانا بخاريا صميم وعقيد خيلا ونشات صانا وخامسا فى العقب طربان يميل سكرانا
دانوبا عمر يا يحى بى أخوانا إنت منورو واقف تعرف أحوالنا نشات والبشير فى الحسبه مثل أخوالنا والصحفى العقيد ساراهو ضمه أقوالنا
منصور
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
ود مفتاح اخوى حاق للمكارم وبيك عمر ديوانا حمعت عليك صحاب غرا يسطرو بيانا بخاريا صميم وعقيد خيلا ونشات صانا وخامسا فى العقب طربان يميل سكرانا
دانوبا عمر يا يحى بى أخوانا إنت منورو واقف تعرف أحوالنا نشات والبشير فى الحسبه مثل أخوالنا والصحفى العقيد ساراهو ضمه أقوالنا
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
العزيز نشأت الامام
Quote: يبرى حشاك إتــي من الهـــري يا ناديــة جيتي متل الجِديّه الفي الوحــل متهاديــة من كايرو البعيدة الليــــلة زرتي الباديـــة حالفين باليمين في الزاملة تبقي الحادية |
ياود الامام مرحب حباب الزول
اخو البنوت اخوى سمح الخصال والقول
لى من الكتابة الرايقة زى كم حول
وهسع تانى جيت انثر زهور وشتول
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
الاخت نادية ....مرحبتين حبابك فى دار المسدار .... والنضم بعد دا لازم نجيه...كنت عندما انازل اخى منصور أشد قعودى واعدل من الشيلة...اما الان دعينى اسرج مهرتى واعدل حالى ...ومعاك نشأت الفنجرى وحتما ٍسأعود...
| |
|
|
|
|
|
|
|