نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 مسدار يا أهل المسادير ((2005))
|
مى حاجاجة مى لاجاجة
فوق شرك التهم
هبارة مى ولاجة
فرع الخيدران
أم طلعة وجاجة
دى أم بيتا خريف
للجارة والمحتاجة
شن برضيها غير البل
جدية الباجة
ما برضيها غير البل
جدية الباجة
منصور عبداللة
|
|
 
|
|
|
|
|
|
|
 Re: مسدار يا أهل المسادير ((2005)) (Re: munswor almophtah)
|
البكرة الجكه راعيها
العقدة الجضة قمريها
بدق تويه واتوتيها
أريت الناقة لا تنكس
تقع فوق رقبتا وتنقص
العمة الهواء اتنفس
والطاقى الحدى قنطس
والعراقى الهبوب البس
والسروال للتراب بلحس
والمركوب قطع مردس
والشملوخ اعمى واطرش
مضبب قدو ما بندس
والسكين دى عودا بقس
جاى تلحس وجاى تلحس
وداخل فى الضلع تلبس
اريت الناقة لا تنكس
تقع فوق رقبتا وتنص
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الأخ منصور
لك التحية
هذiالبوست يفترض أن يكون للمسادير, والمسدار حسب فهمى
يجب أن يكون رحلة ذات مقصد يصورها الشاعر من مكان إنطلاقه
الى أن يصل مقصده . وقد كانت أغلب المسادير سفرا على ظهور
الإبل كمسدار أحمد عوض الكريم أبو سن و ود شورانى و غيرهم.
الوحيد الذى أذكر أنه كتب مسدار وسيلته عربة فيات هو العبادى.
ما أراه الآن ليس مسدار و إنما مجادعة كما ألاحظ عدم إلتزامك ببناء
الدوبيت والذى غالبا ما يتكون من رباعيات.
عموما بوست جميل يحتاج منك مزيد من الإهتمام.
لك خالص شكرى
| |
|
|
|
|
|
|
|
|
|
Re: مسدار يا أهل المسادير ((2005)) (Re: Balla Musa)
|
الاخ بلة موسى لك وعليك السلام.... ومشكور على ملاحظتك التى لا انكر صدقها... فنحن الان فى زمن جمالو رقن... والفيت بقى تاريخ خلنا انا وانت النجادع ....امكن نسويلنا مدرسة جديدة.... كل شئ اضحى ظلالا فمن الصعب الاتيان باصل الاشياء
انا زول مدينة ساكت .....البطانة شقيتها بالبصات.... دحين ما تتاخر جاور بفدرتك عند البوست دا.... انا لا احفظ كثيرا ولكن ربما افتل من أصل
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الأخ منصور
لك تحياتى
كان ومازال لى إخوة كرام مثلك يحبون الشعر القومى والجلسات الأخوية الجميلة.
وقد أتاح لنا الpaltalkفرصة اللقاء و السمر العذب. وكان من الأخ جيلانى إقتراحات محفزة لعمل مسادير و التبارى بيننا لنيل رضى محبوب إفتراضى أو تمثله إحدى الأخوات أمثال عسولة و بت الخليل و كان ضمن الشعراء عزنا و شوقى وجيلانى ووسيم و كلها ألقاب paltalk وكان أول مسدار إلى ود أبصفية و المقصودة هى التاية بت اللمين وهى شاعرة وأديبة ولها صالون أدبى يليق بضيوفها من شعراء البطانة. والتاية شخصية حقيقية ذهب إليها الفرجونى عندما كان الحال معدول فى السودان و قبل أن يغادره و يستقر به المقام بأرزونا وقد نافس الفرجونى فى صالونها كبار شعراء البطانة و فاز عليهم و كان بينهم الشاعر ود فراج الكنانى.
فى تلك الدعوة كان مسدارى هو رحلتى خارج السودان ومثلت التاية فى ذاكرتى كل الوطن و سوف أكتب لك هذا المسدار فيما بعد. وتلا ذلك مسدار دالى إفتراضى نظمته تحت إلحاح تلك الصحبة الكريمة و سوف آتيك به تباعا.
حتى نلتقى لك شكرى اللامحدود
| |
|
|
|
|
|
|
|
|
|
Re: مسدار يا أهل المسادير ((2005)) (Re: وليد محمد المبارك)
|
حكومة البلد بى سوأتا المضمورة
قايلا الدنيا دايمه وبيها كم مغروره
إن طال الزمن دول الأيام, مكروره
يمهل ربى مابهمل نفوس مغروره
_________________________________
مابنعلن حدادنا و النفوس مقهوره
بورسودان بلد عزه واسودا هصوره
جيوش ادروب تقابل نارا كاشفا صدورا
ممنوع الحداد لامن نعدل الصوره
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
جاني الخوف وقال حسبتك جراب هواء متهول
زي شبه الرجال من نسل القرود الأول
ضميتك تعال فوق صدرك جسومي مطول
وخلاصة المقال ما دام في روحي ما بتحول
جاني الخوف لزمني وضع في رجولي القيد
طول لسانو شتمني قال شاريك والعصاية وتد
من تالا الهزيمة هزمني فرغ فؤادي شديد
لكن لن يقهرني وفي ذر ظهري منصور ووليد
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
مالك ديمه خايف زاردنو فيك القيد
وساكت ديمه مالك وللوتيد بتحيد
أنتر تل ضراعك كر للغنيمه اسيد
وضهرك ضمه محمى منصور معاهو وليد
((مايهمك لباسن والعروض عريانه
هم حراس رزق زى التكنوامانه
زي ابل الحلاء الشايله السقا وعطشانه))
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: الطيب شيقوق)
|
لاموني الحبائب قالوا حبك علينا رزية
حاضر وأنت غائب ورائح ناوي جية
كلامك غرائب مجافي السجية
ديارك خرائب وفي نفسك روية
من طرف الحبائب كان اللوم قرار
ما دام باقي خائب ما مليت فرار
وراجي يقوم لي نائب يفتح صدف المحار
ويصيد الدر عجائب من عمق البحار
سعيد أنا
وسعيد جداً
بطلة نادية وعشة
ومسرور بيك يا منصور
وحبابكم وحباب حبابكم
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
munswor almophtah
تحية مسدارية...
يا ناس تخليوني...
بين الحياة... والفوت يا حلاوة زوروني
جبروها بالضغوت... مسدار ما بينهاني
أنا أنا... فرحي ألم وحنان ...
آلامي شجون.... ورص كلام...
مسدار النجوم... والكواكب اللامعة.
الوداع.. وفوق.
خالص الأمنيات...
| |
|
|
|
|
|
|
|
|
|
Re: مسدار يا أهل المسادير ((2005)) (Re: A.Razek Althalib)
|
خبراً في الفريق روايتو علينا صعيبة
ناساً في الطريق ونهارو مابخافو العيبة
حاحوها أم طويق الواقفة راجية نصيبة
دودروا للرفيق صبحت قليلتو غصيبة
خبراً في الجوار زايد علينا الغمة
ما رضيناه الخبار لخبط جرحنا ودمه
ما بين حساب وكوار خربت بواقي الذمة
ومن حسبة خيار وعوار خلاص الناقص تم
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا المنصور دوام تراك راجلا ماهل
ودارك للضيفان مفتوحة قبلي وسافل
ولعابر السبيل ولزولا دوام هو مسافر
واسمع مني عاد من زمن النضال واللمة
ضد عسكر نميري وتاليهو فاقد الهمة
و
ناس الجبهة البغاث طردونا من الخدمة
شردونا وحاتك ايام ال شباب في القمة
أتشتتنا من قلب الوطن والنيل
وسافرنا من تالا الصعيد بليل
وكان غربا جليد دي الوجعة
وكان شرقا خليج موفزعة ..
حليل يابا لمة الجيران
وصوت الجدة والاخوان
حليل أمي البتقوم الهجعة
وحليل أختي القارشة جمر الظلم وجعة
حليل اهلي وحليل ناسي
حليل الكانو هم ساسي
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
(( مســدار الفاقــــة ))
تــوق سابق الفــــاقة
عاق الطريق سرق الرفــاقة
يا سايق الرقيق ساســـاقة
يتاقي الهويـق ورق وثــاقة
***
طروق فرق التـلاقي بسـاقة
حروق شقه السـقى المهـراقة
تراقي الحـارقة فـوق واشراقة
حاق الريـق دقيـق عشـراقة
***
مـروق الضيـق يسـوق براقة
ما بروق الرفيق ويضيـق بفراقه
صدق الشقـاق بتـوق اوراقة
وفتوق الصفـق يعـانق اسواقة
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الكرام اولاد الكرام
زرت اخوالي الشكرية مرتين في غريقاته
حب المجادعة و المسادير شي لقيتو في دمي
اها هوا الجزيرة السمح و وخضار الجزيره و موية التلاجة
و القراية و الاغتراب ما خلني اداوم علي غريقانه.
خاصة انني في المرتين زرتها في الخريف
و كان ليلها مخيفا مما جعلني اعيد
التفكير مرات كثير في المبيت في بطانة ود اب سن
المهم مجادعتكم و مسداريكم خلخلت كياني
استمروا
| |
|
|
|
|
|
|
| |
munswor almophtah
Sidig Rahama Elnour
Balla Musa
المكاشفي الخضر الطاهر
المسافر
عشة بت فاطنة
الطيب شيقوق
A.Razek Althalib
Mahmoud Mustafa Mahmoud
يازولyazoalيازول
Mohamed Abdelgaleel
nazar hussien
فيس بوك
تويتر
انستقرام
يوتيوب
بنتيريست