|
|
 محمد السني - عيد ميلاد سعيد - و عمر مديد
|
من دواعي سروري أن أكون أول المهنئين بعيد ميلاد أخي و إبن عمتي
محمد السني دفع الله
و الذي يوافق هذا اليوم السبت 21/يونيو
و امنياتنا للأخ محمد السني بعمر مديد و عيد ميلاد سعيد
حياة ملؤها الحب و الوفاء كما عودنا دائما..
و مذيد من الابداع
و كل سنة وانت طيب
و عقبال ما نحتفل بعيدك ال........
مع تحياتي
|
|
 
|
|
|
|
|
|
|
 Re: محمد السني - عيد ميلاد سعيد - و عمر مديد (Re: يازولyazoalيازول)
|
Ya zoal
وبما انك أول المهنئين فسوف أهديك هذه الحكمة
أخبرني أحدالحكماء بأن عمر الانسان لا يحسب بعدد الايام والسنين
و انما
بعدد الاصدقاء الذين يحتفظ بهما
فأنت أخي الزووووول إضافةحقيقية لعمر الانسان الفنان محمدالسني دفع الله
الذي لو حاولنامعرفة عمره الحقيقي بعدد أصدقائه لباءت كل محاولاتنا بالفشل
و لك التحية
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: Alsa7afa_30)
|
عقبال شمعات تضوي الوطن يا السني ..
وتخفف وعثاء الفاقة من شوارعه .. وتوسع
رئات الناس .. ونلاقي السني في أمدرمان
وفي همشكوريب وفي حلايب وفي جوبا وفي
الفاشر وفي أبيي وجبال النوبة وفي
كجبار وقد تبدل بؤس الناس فرح وتشظيهم
إنسجام .. إنها أماني نتضرع بها للواحد
الأحد وما ذلك على الله بعزيز وتلقى
العافية يا السني عشان حتكون عندنا
مسارح كتيره ومفتوحة على الشارع والشارع
يفتح في القلب والقلب مساكن شعبية
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: هجو الأقرع)
|
عارف ياهجو يا اخوي دعواتك مقبولة
لكن انا اصغر من محمد ولدك بي سنة
طبعا يا جماعة محمد هجو ماشاء الله عليهو حريف كومبيوتر
وطبعا ديا اولاد الديجتال
انا وهجو ديل ناس قريعتي راحت
لكن املنا في المستقبل
اها بنكون نفسنا وبنافس الجيل الجاي
مودتي
| |
|
|
|
|
|
|
|
|
 Re: محمد السني - عيد ميلاد سعيد - و عمر مديد (Re: issamel-din hamid)
|
... لـكن مامـكن ياالسـنـي... تـضيـع يوم مناسـبة عـيـد ميـلادك وترد علي جـميـع الردود وتنـسـي الـمناسـبة!!!
...ياأخـي ،... روح احـتفل بالـمناسـبة وبعيـد من الكمـبيوتر!!!
ملـحوظة:
-----------
احـصائية مـصـرية حـديثة تقول ان عـدد حالات الطلاق ازدادات بصـورة مـخيـفة فـي مـصـر ....بسـبب جلوس الازواج بالساعات قدام الكمبيـوتر!!!!
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: بكري الصايغ)
|
عارف يا بكري
الكومبويوتر الضرة الثانية للنسوان
لكن امبارح عشان ابعدوني منو عملوا لي احتفال
يعني احتفال ياليوم وابعادنا اطول فترة ممكنة
لكن برضو بنشكرهم عارف هم البذكرونا وبهتموا بينا
شوفت الكسرة دي كيف
انت بتاع مشاكل ياود الصايغ
مليون زهرة ليك مودة مني 
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: nourelhadi awad)
|
والله غايتو جنس مدافره بره قدام الباب
الناس دي كلها جايه تهنئ
وعارف يالسني لو صح كلام الدكترو عصام انو يحسب عمر المرء بمقدار
الاصدقاء الذين من حوله
اذن انت يالسني واحد من الصحابه عديييييييييييييييل
كل عام وانت جميل وطيب وراقي وحبوب
ربنا يطول في عمرك ويديك الصحه والعافيه
تحت تحت :ـــــــــــــــــــــــ
كل عام وربنا يخلي ليك الاحـــــــلام الجميلة
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: ahmed khidir)
|
Quote: اسيا ربيع شكرن على التورتة المدنكلة
لكن ياريت تكون السكر فيها خفيف
يا سكر فواكهه
لانو لي سنين من الدسم
مقبولة التورتة وليك المحبة |
السنى حبيبى وشريانى
كل يوم وانت اجمل
لكين متين خليت اكل الحلو؟
اجى يا السنى ؟ اقول ؟
متذكر يوم جبتنى من بيت حسان اخوى فى الدوحة ؟
وقلت لى عندنا حلاوة مولد ؟وباسطة ؟
اديتنى باسطة واحدة يعاينوا ليها بالميكروسكوب
ولمن قلت ليك وين حلاوةالمولد ؟
قلت لى
ـ كمان حلاوة المولد بيدوها ؟
اوعه تنكر ؟
ويوم كنا ماشين للعزاء فى كابتن سامى عزالدين وعملت لينا صفية اختى زوجةحسان اخوى القراصة باسمن والعسل
قلت ليها تدينى واحدة ليه ؟ماهو دا سامى عزالدين كابتن ورياضى ومات بذبحة هاتى اتنين
غايتو يا السنى اخير ليك تخلى البتعمل فيهو دا الله يغتى عليك ودامى ستونة
ولا دايرنى (افت ليهم حق القاهرة ) وباسطة عمك ابو الدهب
يا حبيبى وشريانى كل لحظة وانت اجمل ويخليك لينا يا اجمل صديق
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: سلمى الشيخ سلامة)
|
سلمى مش عارفة انو في كلام جرايد
اها في كلام اسيفيري كمان وكمان
يعني في داعي تنكتي المغتغت
قبل كل حاجة صورتك دي \
تجيب ليك الهوا
هسي بتبقي تقولي عايزة اتم دراستي وشنو ماعارف
بعدين انتي عارفة انو حلاوة المولد مابدوووووها
العايز امشي المولد
وانتي فاكرة المثل جا من وين
دخل المولد وطلع بدون حمص
بعدين الواحد لو بقى متواضع ما تخلوه
اها اسمعي
الحلاوة ما خليته
الحلويات
الناس الحلوة
ومن خلى عادتو قلت سكرياتو
ياخي محبة لوجه الرحمن الرحيم
ومودة ملونة زي توبك البنفسجي الفستقي
وفرحة قدر ضحكتك البهيجة البتلم السودان كلو
وتوحدوا ياريت ياسلمى لو ناسنا الفوق المواله والمعارضة
بعرفوا اضحكوا زيك كده كان حياتنا بقت كوميديا
وهي هسة كوميديا
مودتي
ليك وردة بردانة عايز منك الدفا
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: haroon diyab)
|
أستاذ السنى يديك العافية.
يطول عمرك .
يخليك يا دخرى الفرح .
عمر مديد يا السنى .
عليك الله يا السنى شهادة ميلاد عديل ؟
انت عارف انا مكتوب فى الشهادة الليلتى مولود سنة الجراد يوم 1/1
اها بعد تعب طلعت سنة الجراد دى سنة1959 .
لكن يا سنى قطع شك بدور اسوى لى عيد ميلاد زى الناس .
والله يا سنى فى طفل سالنى . هاى عيد ميلادك متين ؟
قلت ليه ماعندى عيد ميلاد .
قال لى طيب ولدوك ليه ؟
__
تحياتى
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: Osman Musa)
|
عثمان موسى
نحن اتولدنا وكل واحد فينا عنو شهادتين ميلاد امي
كانت الزائرة الصحية والقابلة والمفتشة
انت قايلنا هينيين
عارف نحن موثق لينا بالكاميرا 8 ملي
يعني بتاعين سينما من بدري
ياخي اديك العافية يالدخري
يا عثمان الجمال
لكن انا اكبر منك بي تلاته شموس
وكم خريف وفيضان واحد
لكن في العمر الحقيقي انت فايتنا
بي سنوات الشوف
البرمرق للبلاد البعيدة
بتبقى خبرتو فايته الزينا
انت في عمر السنين قريب لينا
لكن في السنوات الجمالية
فايتنا بي كمين سنة جمالية
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: amin siddig)
|
امين صديق ود اخوي العزيز الغالي
اجمل سنوات عمرى
هي التي اعرف فيها
المعاني والمباني والناس
واجمل سنوات العمر التي ترى فيها مستقبل الأيام متمثلا في
انسان مستنير ومتفتح
ومهضوم زي ما بقول اهل فينيقيا
سعيد انني عرفتك كانسان يحمل خيرا
للوطن ولك العمر لتقدم فكرك
هذا هو عيدي
محبة وسلام
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: هند محمد)
|
السنى ...الانسان الفنان..
كل سنة وانت اجمل مايكون الجمال ..
احلف يالسنى انك معجون بطينةالمحبة ..
وانك اجملنا...
فرحانة بيك فرح ماتتخيلو(باين مع مصطفى الخليفة حنبدا الحكاوى عنك من جديد)
بنحبك يالسنى ...
ربنا يخليك ويديك الصحة والعافية وطولة العمر...
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: soma)
|
ديشيليون مليون تهنئة ..
و زيها ورد و ورد و ورد ..
و بوسات بوسات بوسات ..
و شمع شمع شمع ..
لزول أسطى في الدنيا دي ..
و إنسان بقلب أخدر ..
يا زول يا صاحبي و سمح سماحة الدنيا و العالمين ..
يا معلمنا و أستاذنا و صديقنا ..
ياخي ربي يخليك دايما بخير و سلام .
كل سنة و إنت طيب يا طيب .
| |
|
|
|
|
|
|
|
|
|
Re: محمد السني - عيد ميلاد سعيد - و عمر مديد (Re: الملك)
|
اخونا الاجمل
محمد السني
ده ما عيدك براك
ده عيد لكل الناس البحبوك والبعرفوك والما بعرفوك
انسان زبك وجوده في الدنيا عيد لكل البشرية
عشان كده نحن معيدين معاك وبيك وليك
اصلوا يا صاحبي ( في اوروبا والدول المتقدمة) الناس بتحتفل بعيد الميلاد كل سنة
ولكن زول زيك نحن بنحتفل بيهو كل يوم ولك لحظة
وشوف عدد المداخلات ( عيني باردة)
كل سنىة وانت طيب يا جميل
جمال السنوسي
| |
|
|
|
|
|
|
| |
issamel-din hamid
يازولyazoalيازول
محمد الشيخ أرباب
اسيا ربيع
محمد سنى دفع الله
حسين محي الدين
Alsa7afa_30
Mohamed Abdelgaleel
عبدالله كع
saadeldin abdelrahman
هجو الأقرع
Muna Khugali
عواطف ادريس اسماعيل
كمال علي الزين
abubakr
ابوعسل السيد احمد
داليا حافظ
معتصم دفع الله
بكرى ابوبكر
ناهد بشير الطيب
عادل التجانى
محمد الطيب حسن
ahmed khidir
سلمى الشيخ سلامة
altahir_2
أشرف البنا
طلحة عبدالله
haroon diyab
Osman Musa
هند محمد
Emad Abdulla
الملك
جمال السنوسي
خالد العبيد
معتصم ود الجمام
.JPG)
Rihab Khalifa
علاء الدين حيموره
فيس بوك
تويتر
انستقرام
يوتيوب
بنتيريست