|
Re: عزيزى بكرى أبوبكر : أمير بشير حمد ، من وجهاء رفاعة ، يقف عند بابكم من ابها البهية ...... (Re: omar alhag)
|
((انا غايتو بمووووت فى ناس رفاعة مع إنى ما منها ، لكن قادى الدرب ساساقة عليها ))
يعني بقيت زي الخواجة العاجبها رفاعة وناس رفاعة ما بعرف جمب رفاعة شنو المتذكره الأبيض فلمنوا سألوه على وين ياعمك قالهم رفاعة الجمب الأبيض فانت حسي عملت الدرب ساساقة لمن تقوم تندرش لينا في الظلط نصيحتي ليك امش بالشرق درب آمن لو اتغبرت واتمليت كتاحة أقرب زير في الحلة الجديدة قبل ما تدخل لجوه اشطف منه وامسح على الراس واعدل التسريحة وعدل على محل ماشي وعديلة وبيضاء عليك مازلنا ننتظر وصول الحبيب أمير يلا بكري ادخل هنا وطلع فورمانك بانتساب عضو جديد .
| |
|
|
|
|
|
|
Re: عزيزى بكرى أبوبكر : أمير بشير حمد ، من وجهاء رفاعة ، يقف عند بابكم من ابها البهية ...... (Re: رهف)
|
الحبيب محي الدين تحياتي مرة أخرى وتشكر كثيراً على هذه الصورة التي أعادت لنا الذكريات لشارع مدني الخرطوم ولكن وين الكبري ما ظاهر دي يظهر النفق بتاع الحصاحيصا لكن ايامك تجدع ساي بالكروز ولا تكون برادوا عليك الله لو عندك صورة حديثة للكبري ياريت تنزلها لينا عشان الواحد يطمئن شوية ويحاول يقنع نفسه انو الكبري سوف يقوم قبل القيامة ما تقوم زي ما قال احد الرؤساء ونجي في اي وقت عبور بدون انتظار لبنطون او سفر بالشرق يعني لحدي عيد رمضان كده بكون الكبري شطب ولا بدري شوية يلا همتك في رسالة اخبارية مفعمة بالصور من البنطون وقلب الكبري عشان نعينك مراسل سودانيز بالجزيرة
بكري ما زلنا ننتظر وسننتظر هنا حتى دخول الأمير لحوشكم العامر
الاخت مواهب تحياتي تعرفي اكثر منطقة مهمشة وما لاقيها حقها من كل الحقوق السياسية والاقتصادية هي منطقة شرق الجزيرة ما في حكومة جاءت كدا وانصفت إنسان الشرق نهائياً حتى المحافظين المتعاقبين على المحافظة ليس من المنطقة وما قصة المحاظف الجاء بالغلط ببعيدة عن الأذهان ((سمعوا اسم مثل اسمه في التلفزيون جاب قبيلته وأعيانها وعلى القصر الجمهوري عدل بلغوا المراسم انو محافظة البطانة وصل ومعه أعيان قبيلته فما كان من الزبير محمد صالح إلا أن سأل من اسموا من وين الزول دا قالوا ليه من ناس كردفان فقال ليهم خلاص دخلوا يدي القسم)) شوف جنس الحكي ولا في الأفلام الهندية يعني زول اسمه مشابه بقي محافظ .
وكمان ما تنسي انو برضو ناس السيالات برضو مخازن السلاح عندهم هبطرش يعني التمرد بهناك عائز ليه هبشة كدا
| |
|
|
|
|
|
|
Re: عزيزى بكرى أبوبكر : أمير بشير حمد ، من وجهاء رفاعة ، يقف عند بابكم من ابها البهية ...... (Re: محي الدين جبريل)
|
سلامات وعوافي شكرا يا محي الدين اولا دعني اثني الصديق والاخ العزيز "امير بشير حمد" .. ثم امير شاب مثابر وطموح وفنان بالرغم من انه لم "يجايلنا" حيث انه "يصغرنا" باكثر من ثلاث او اربع سنوات الا اننا اندغمنا في المعرفة والتواصل بدون حواجز الدفعة او السن كعهد ابناء رفاعة .. فهم دائما تواقون للتواصل والتوادد والتراحم .. اثنيه لكونه فنان اولا ثم لكونه ابن مدينتي الفاضلة رفاعة "ارض العلم والمعرفة" .. واثنيه ليضيف سمته الي رونق المنبر الحر الذي اضحى غابة من الضجيج والتناحر و"التسايس الغبي" والعنصرية البغيضة .. علي امل ان ينجلي الحال في مستقبل الايام بقدوم زملاء يعرفون قيمة الحرف ومعاني الانسانية ... ثم وفي اجازتي الاخيرة قدمت الي الدوحة برا عن طريق السعودية والتقيت امير في الرياض وشاءت الاقدار ان نعود معا الي الدمام فاواصل بعدها انا مسيرتي الي الدوحة ويذهب هو الي ابها بعض فترة قرر ان يقضيها في الدمام ..المهم بلغه عني شديد السلام يا محي الدين .. الف مرحبا بيك امير بشير حمد عضوا معنا في سودانيزاونلاين .. واحيي عبر هذا البوست ابناء رفاعة بهذا البوست صديقي واخي عاطف عمر وصديقي ودفعتي ابراهيم علي وزميلتنا واختنا رهف ..
محبتي لكم جميعا ..
| |
|
|
|
|
|
|
Re: عزيزى بكرى أبوبكر : أمير بشير حمد ، من وجهاء رفاعة ، يقف عند بابكم من ابها البهية ...... (Re: محي الدين جبريل)
|
سلام يا محي الدين ....
الزول الراقي وجميل
ياااااااااااااااااااااااااااااااه
امير بشير شخصياً ... الولد المافي منو اتنين نهائي
(مافي منو اتنين عشان كارثة ) ( وش عامل كده )
ياااااا بكري عليييييك الله ما تخلي امير يقيف طويل في الباب
انا زاتي اول مره اطلب منك طلب ... النبي كان تديهو مفتاح
دا من رفاعة ... وانا روحي في رفاعة ( وش مبتسم خالص)
بعدين امير دا روحه مسكونة ... بحب الناس ...
زول جمييييييييل عند مقدره غريبه علي اسعاد الاخرين ...
عشان كده خلوهو يجينا بي جاي ...
وينثر الفرح ... والضحك المعافى ...
النبي فيك يا بكري كان تديهو باسويرد
| |
|
|
|
|
|
|
|