|
|
 انا اعترف بانى عنصرى وهذة اسبابى!!
|
فى دقائق العمل الاولى وبعد ان اجلس الى كرسيى واهم برشف الشاى الاحمر يعكر صفوى من يدخل الى مكتبى وبادب شديد يلقى على
التحية ومن ثم يناولنى قصاصة ورق تحمل بين طياتها ماساة لا يمكنك تجاهلها وبعد ان يطمئن الى اننى قمت بقرائتها يتفضل بتردد
ويضيف ما يزعجنى ويؤلمنى ( معليش انا طالب جامعى- او خرييج- او مفصول من الخدمة- او خالى عمل- او عائل اسرة) ارجوك مساعدتى.
اعيش هذة الحالة التى تبداء يوميا منذ دخولى فى ساعات الصباح الاولى وتستمر حتى اخر النهار .
ما السبب ؟
والاجابة تكمن فى العمالة الوافدة
البنوك
شركات الاستثمار
اصحاب الاعمال الحرة
كلهم يوظفون الاجنبى وكلهم يلهثون خلفة
هنود حدث ولا حرج : احسن واقوى المراكز لهم ويالا بطش الهندى عندما يمكن ويحث بانه الاقوى
بنقال حدث ولا حرج : يسيطرون على شركات البناء الحديث ويعيثون الفساد فى الاحياء التى بها يسكنون
فلبينين او صينين المعزرة فمن كثرتهم لا استطيع التمييز بينهم فكلهم يشبهون بعضهم وتراهم يسيطرون
على العيادات الخاصة ويحادثونك او يخاطبوك بعجرفة الى ان تنطق بلغة انجليزية وتلوى حاجبك حتى يرتعدوا
ويتفانو فى خدمتك
اتراك يسيطرون على شركات النقل البرى ومن خيرات البلد ينهلون
سوريين فى مجالات الصناعة والاسمنت وايضا من خيرات البلد ينهلون
مصريين وما ادراك ما المصريين وزد عليها ما تقدر من السيراميك
ماالذى يحدث هنا ؟ ابناء البلد يتسولون وعباقرتة وحملة شهاداتة يطوفون الشوارع والغرباء الوافدون يتمتعون
ويسكنون ويسهرون وتطالعنا بعض صحفنا بنزواتهم الدنيئة يمارسون ؟
ما هذا الذى يحدث هنا ؟ لقد ضغت بهم واتمنى ان لا اراهم بل اتمنى ان ارى ابناء بلدى هم الاعلون
هم الاعلون فى وظائفهم هم الاعلون فى سكنهم هم الاعلون فى مرتباتهم وهم وهم وهم ولكن العكس هو الصحيح وابن البلد هو الذبيح.
قامت احدى الشركات بتوظيف عدد من السودانيين لمدة 3 اشهر ومن ثم قامت بتعيين هنود وهنا خاف السودانيين على انفسهم لسطوتهم.
عندما كنا خارج السودان كنا نعى تماما ان الوظيفة المرموقة لا محال هى من نصيب ابن البلد وحتى الفتات ان كان يريدها اصبحت
علينا نحن الوافدين محرمة ولا تهم شهاداتنا ولا من شهد لنا
فى صرخة اخيرة ومدوية اتمنى من ولاة الامر فينا النظر بعين الجدية لهذة الكارثة التى حلت مع هذا الانفتاح وكبت جماح هذا السوق
ووضع قوانين تحد من تولى العامل الاجنبى اولا مراكز اعلى من السودانى او وظائف يمكن للسودانى ادائها مع سن قوانين او تفعيل ما يوجد
حتى يرتاح بنى وطنى واهلهم ويعود هذا الانتفاح علينا بالنفاع والعيش الرغد لا بالضياع والتسول والحقد على بنى البشر.
ودمتم
هشام امين
|
|
 
|
|
|
|
|
|
|
|
Re: انا اعترف بانى عنصرى وهذة اسبابى!! (Re: هشام مدنى)
|
أخي هشام أمين
دمت و دامت غيرتك على أبناء بلدك
هذا من عيوب "التحضر" و "العولمة" و نحن في السودان كل شي عندنا بالقلبة...
الناس هنا في بلاد الخليج بتدي الأولوية لولد البلد، و نحن عكسهم في السودان نفضل الأسيوي و لا whatever بيفتكروهو نوع من ال prestiege
الله ليك يا بلد و شكراً على "عنصرية" ضميرك
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: نوسة)
|
يا نوسة سلامات وشكرا على تجاوبك السريع
اتمنى ان ارى امام عينى يوما ما كتبتة هنا
دردقة : يا نوسة
اسى البت الفى برفايلك دى ةبترقص مع الاى بوت دى مش كان ممكن
نجيب بدلها زاندية وهى تكون للرقصة مؤدية
شكلك طلعتى برضو انتى عنصرية 
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
عندما اطلعت على عنوان البوست لم اتخيل ما وجدته وحقيقة اعجبت بغيرتك على ابناء بلدك
لذلك كتب لك
احبسها مبررة
وهى عنصريتك
اخى هشام
اذكر فى احدى دول الخليج ابنائها عانوا من نفس الكارثة الا ان استطاعوا ان يوصلوها الى اعلى مستوى فى الدولة وكلل الله المساعى بالنجاح وكانت الاولوية لى ابناء البلد ومن بعد العمالة الوافدة........................
دى مشكلة ممكن تحل ................بقرار
لكن هل اصحاب العمل سوف يقبلوا؟؟؟؟؟؟
المشكلة اكبر من ما نتصور واثارها سوف تكن كبيرة على الاجيال القادمة
نسال الله ان يحفظ البلاد والعباد
تحياتى لك
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
شكرا يا هشام ايمن على البوست الهام
واسمح لي ارد على اسمارتي دي:
Quote: الاخ Hisham Amin
انا برضوا اتمنى ان السودانيين يكونوا فى احسن (او كل ) الوظائف فى السودان ...لكن...
للاسف السودانين لا يملكون المهاره..
و ح اديك مثال واحد..
كنت (فى حياتى السابقه) اعمل فى احدى شركات البترول فى السودان...كنا نبحث عن عمال لحام...ما علماء زره.. "عمال لحام".....و للاسف ما لقينا عمال مهرة للعمل فى خط انابيب بترول...و طبعا فى النهايه جبنا عمال هنود.
كل الشركات الان شركات خاصه ..ده ما معناه انهم ما فروض يساعدوا ابناء بلدهم السودانيين...لكن كمان الناس دى فاتحه الشركات للربح .
ممكن تقول لى :طيب السودانيين ح يبقوا مهره كيف اذا ما اشتغلوا و اتعلموا..
ح اقول ليك :ح نبقى ذى الخليجيين...و نتعلم شويه.. شويه من الاجانب و بعد كده نمشيهم...و برض و ح نبقى ذى الخليجيين (عنصريين) |
هذا الكلام ما صحيح
وبعدين شغل الاحام ده هو صناعة صاروخ؟؟؟؟
ما كورس ترديبي بتاع اسبوعين و الناس بتخرج.
للاسف عشارت الشباب الجامعي السوداني بيشتغلوا لحامين بعد الكورس اياه.
يازول ولا زلوة انحنا مافي علاقة بينا وبين الخليجين
والخلجيبن ما اشتغلوا في بلاد العالم وبلادهم ترفض تعيينهم
الخلجيين كانوا فعلا لا يمتلكون القدرات و الخبرات وسعوا لامتلاكها.
لكن نحن كيف نكون عمال في بلاد العالم وخبراء وبلادنا تستورد العماله؟؟؟؟
ولي عودة يا هشام تحياتي
وشكرة مرة آخرى للبوست الهام.
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Tragie Mustafa)
|
Tragie Mustafa
Quote: هذا الكلام ما صحيح
وبعدين شغل الاحام ده هو صناعة صاروخ؟؟؟؟
ما كورس ترديبي بتاع اسبوعين و الناس بتخرج.
|
عارفه?? دى المشكله....كل السودانيين فاكرين ان كورس بتاع اسبوعين و الناس بتبقى عمال مهره...ده هو اللى كلام ما صحيح.
المشروع كان خط انابيب بترول..
واحد زميلى قضى اسابيع بيختبر فى كل عامل لحام لقاه فى السوادن..فى النهايه طلع بواحد او اثنين ممكن نقول عليهم عمال مهرة..و كل الباقين كانوا زعلانيين ذيك كده.
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Tragie Mustafa)
|
تراجى مصطفى
واللة الاسم هشام امين ما ايمن
عليك اللة بطلى البتعملى فية دة وركزى معاى
خصوصا فى بوستاتى حتى لا نستدع الزبانية
ومرحب بك معلقة غيورة على سودانى
هشام امين
امين
امين
امين
امين
امين يا بت مصطفى
ايام واينانج فور يور ريتيرن
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
سمارت انا وكما قالت تراجى
التدريب الفنى لا يزيد عن اسبوعين او اكثرة 8 اسابيع وما سقتية انت او ما سقتة انت الان
ليس بمبرر ولا سبب كاف فالسودانى يعمل وليس بساعدة فقط لا وبعقلة وروحة فقط طالعيهم او طالعهم فى بلاد الفرنجة
لا يعرفون لغة ولا يعرفون مجتمع ولا عادات ولكن وبعد فترة وجيزة ترى الواحد منهم قد اتقن حرفتة وامتهنها بعد ان تعلمها
لا للعمالة الاجنبية المفرطة
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Fadl Karrar)
|
الاخ كرار تحياتى Quote: يبدو فعلاً أن العنصرية
تمكنت منك حتي شوشت عليك الرؤية والتفكير |
يبدو فعلا
ولكن ماهو الحل فى نظرك سيدى
دردقة: بعد التحية اخ كرار اقول انا لايهمنى ماهي صادرات الهند من التكنلوجيا ولا يهمنى
حتى ان كانت تصدر ابقار طائرة ما يهمنى هنا كيف نسد رمق الاسر الجائعة وكيف نجد وظيفة لابن البلد بالتساوى ان لم تكن اكثر
من الوافد
اخوك هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
قلت أن الهندي لا يسوي
وأنه لا يهمك كم تبلغ صادرات الهند من تكنلوجيا المعلومات فقط ؟؟؟؟
ودائر تطعم الشعب الجيعان ؟؟؟؟
| Quote: وكيف نجد وظيفة لابن البلد بالتساوى |
؟؟؟؟؟؟
طيب يا هشام
في الطبيعة
مافي مكان بيفضل فاضي
لأنو طوالي بيتملي
وحه لومك يا هشام للعامل السوداني الفضي مكانو للأجنبي
تعرف قبل إسبوع
حوالي الساعة 11 صباحاً شفتا مجموعة من عمال النضافة السودانيين
بي ملابس الشغل تاكلين وهاك يا ونسة وإنجمامة
قارنت حالهم بي حال عمال النضافة الأجانب في أماكن كثيرة ( مستشفي مكة ) مثلاً
لقيت بعد السماء من الواطة
كمان قبل يومين في مجمع إداري في الخرطوم فيه ما لا يقل عن 50 عامل نضافة
مرض أحد الموظفين في منتصف النهار وفي طريقه للحمام افرغ بفمه ما في بطنه في الممر
لحدي الساعة خمسة كان الحال في حالو
وين العمال
وين المشرفين
وين بتاع كاميرا المراقبة ؟؟؟؟؟؟
وكلهم سودانيين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Fadl Karrar)
|
Quote: قلت أن الهندي لا يسوي
وأنه لا يهمك كم تبلغ صادرات الهند من تكنلوجيا المعلومات فقط ؟؟؟؟
ودائر تطعم الشعب الجيعان ؟؟؟؟
|
اخى كرار تحياتى مرة اخرى واشكر لك جد مداخلاتك
نعم سيدى لو بيدى انى اطعم شعبنا الجعان واللة لن اتردد واطعامى لشعبى ليس من شروطة الواجبة
ان اعترف بكمية صادرات الهند من التكنلوجيا ولا من شروطة ان اركع او ارفع الهندى حتى اطعمة
فصادرات الهندى من التكنلوجيا تعود علية هو فقط وليس لى .
Quote: تعرف قبل إسبوع
حوالي الساعة 11 صباحاً شفتا مجموعة من عمال النضافة السودانيين
بي ملابس الشغل تاكلين وهاك يا ونسة وإنجمامة
|
وفى رد سريع اقول مستندا الى كافة شعوب العالم
معروف ويكاد يكون ثابتا ان وقت الافطار يبداء من الساعة 10:30 او 11:00 او 11:30 او 12:00
اى اذا وجدت هذا الكم من عمال النظافة (منجمين) هذا بعنى انة وقت الافطار
اما Quote: مرض أحد الموظفين في منتصف النهار وفي طريقه للحمام افرغ بفمه ما في بطنه في الممر
لحدي الساعة خمسة كان الحال في حالو
وين العمال
وين المشرفين
وين بتاع كاميرا المراقبة ؟؟؟؟؟؟
وكلهم سودانيين
|
هذا فهذا شان ادارى ولا ينسب للعامل بل للادارة التى غالب ما يكون بها هنديا
تحياتى سيدى وقبلها اتمنى من كل قلبى ان نصدر كميات هائلة مما تختار ويختار الزملاء
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ناذر محمد الخليفة)
|
| Quote: العمالة السودنية كسولة جدا يا هشام امين وما بتحترم نفسها ولا مواعيد غيرا .. |
صديق قديم للاسره يعمل مقاول "يبنى بيوت"
استغربت جدا لما عرفت ان اغلب العمال عنده " خاصه عمال البياض" مصريين.
قال بانهم مهرة جدا...سريعين...ما بتاعين تسكع ذى السودانين اللى عاوزين ساعه للفطور و ساعه للشاى وبيجوا الشغل الصباح بمزاجهم.
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
السيدة سمارت تحياتى
ان لكل داء دواء سيدتى
ومعنى ان نسلم بما كتبت انت هنا معناة ان لا يعمل سودانى ابدا فى اى وظيفة كانت مهما صغرت او كبرت سيدتى
ومعنى ذلك ان نستعد ليسود الاخرين علينا وان يتحكموا فى قوتنا حتى انا وانت ومعنى ذلك ان ان نستعد للتغير
الديموغرافى للتركيبة السكانية ومعناة ان نستعد لدخول عادات غريبة علينا ومعناة ان نظل تحت الامر عمرنا كلة
ومعناة ان تستعدى انت فى يوم من الايام ان تتم اقالتك من منصبك ويتم سياقة نفس الاسباب التى ذكرتيها انت هنا
وعندما ترفضى يقال لك انك سودانية كسولة وومتسكعة وتطلبين ساعة للفطور واخرى للشاى الخ الخ الخ
الا تتفقى معى سيدتى ؟
وتقبلى تحياتى
دردقة : وسؤال ارجو ان لا يكون محرجا سيدتى هل انت سودانية ؟
اذا اردت الاجابة فمرحب بشجاعتك وان رفضت فهو حقك
اكرر تحياتى
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
Quote: قل.لى شفت منو شغال فى السودان 12-18 ساعه.??
انا و الحق لله "بعد الانقاذ...و فى عهد البترول" و الشركات الخاصه ذى "دال" و "البجروب" لقيت ناس بيشتغلوا 12-15 ساعه فى اليوم |
يعنى نفهم يا ستى سمارت انك شغالة فى دال؟؟
دردقة:
طيب ما تمدوا لينا انبوب موية اصلو الايام دى الموية مقطوعة من منطقة بحرى
ولا اقول ليك خليها" خرطوش " ميدو لينا خرطوششششششششششش
اللة يكون فى العون
صنفرة: معليش يا ناذر حقوق الطبع والملكية الفكرية ليك محجوزة
سمارت البوست كلام من غير خصام ولو كان غاظك كلام
بس ارجينى وراقبينى لقدام
احلى تحايا
وانا السودان
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
Quote: السيدة سمارت تحياتى
ان لكل داء دواء سيدتى
ومعنى ان نسلم بما كتبت انت هنا معناة ان لا يعمل سودانى ابدا فى اى وظيفة كانت مهما صغرت او كبرت سيدتى
ومعنى ذلك ان نستعد ليسود الاخرين علينا وان يتحكموا فى قوتنا حتى انا وانت ومعنى ذلك ان ان نستعد للتغير
الديموغرافى للتركيبة السكانية ومعناة ان نستعد لدخول عادات غريبة علينا ومعناة ان نظل تحت الامر عمرنا كلة
ومعناة ان تستعدى انت فى يوم من الايام ان تتم اقالتك من منصبك ويتم سياقة نفس الاسباب التى ذكرتيها انت هنا
وعندما ترفضى يقال لك انك سودانية كسولة وومتسكعة وتطلبين ساعة للفطور واخرى للشاى الخ الخ الخ
الا تتفقى معى سيدتى ؟ |
ابدا...انا ما متفقه معاك
انا فى اول مداخله قلت ليك:
Quote: ممكن تقول لى :طيب السودانيين ح يبقوا مهره كيف اذا ما اشتغلوا و اتعلموا..
ح اقول ليك :ح نبقى ذى الخليجيين...و نتعلم شويه.. شويه من الاجانب و بعد كده نمشيهم...و برض و ح نبقى ذى الخليجيين (عنصريين) |
و بعدين يا اخى اذا كانت الشركه اللى انا شغاله فيها شايفه انو فى زول تانى احسن منى فى مؤهلاته و ارخص منى ...ما ح الومهم لو عينوه و رفدونى..
ده حاصل فى كل الدنيا...حتى امريكا ...اللى بيغنى بيها الكتيرين هنا..اغلب الشركات الكبيره بترفد مؤظفينها فى امريكا و بتفتح مكاتب فى الهند و الصين
| Quote: دردقة : وسؤال ارجو ان لا يكون محرجا سيدتى هل انت سودانية |
؟
انا سودانيه بالجنسيه و الميلاد و التربيه و الثقافه و جواز السفر
| Quote: يعنى نفهم يا ستى سمارت انك شغالة فى دال؟؟ |
ابدا انا ما شغاله فى دال
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Kostawi)
|
هذا أسوأ بوست عن السودانيين .. و بالذات عن العمال السودانيين ...
بل ما تقوله إسمارت دي يعد أكبر إهانة للعامل السوداني ...
ليس العيب في العامل السوداني .... بل كل العيب في النظام الفاسد الذي يفضل الأجنبي علي السوداني ...
أسألوني عن نشاط و إبتكار العامل السوداني ..... فلقد عملت معه في مصنع العمال المهرة .... السكة حديد عطبرة ...
و عملت مع عمال مهرة يابانيين و ألمان و أمريكان يصنعون المركبات الفضائية ... من بوينج و لوكهيد و ناسا ...
لكن ليس هناك عامل كالسوداني في الإبتكار و العطاء الكثير مقابل القليل ...
إسمارت أنا ... نوعك هو الذي حطم نفسيات العامل السوداني عندما تدعين أنك لم تجدين عامل لحام ماهر ...
هنا يأتينا المكسيكي لا يفقه في الغنجليزي و لا في اللحام ...
و بعد ستة أشهر يتعلم مهارة اللحام و يتقاضي أجرة لحّام ماهر ليبني ناطحات السجاب في المدن الأمريكية الكبيرة .... و برخصة فني لحام ماهر .
الذي قتل الإبداع هو هذا النظام الذي أفقد العامل و الطبيب و المهندس و رجل الاعمال السوداني الثقة في نفسه ....
نظام فاسد طارد قاتل للموهبة ...
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Mohamed Suleiman)
|
Quote: هذا أسوأ بوست عن السودانيين .. و بالذات عن العمال السودانيين ...
|
هوى سليمان هدى من قوة اللحام وللفى البوست قاعدين ارمى السلام
اسواء بوست لية؟؟
وانا زمبى شنو؟
انا متضامن مع العامل السودانى اكثر مما تحثب (تحثب ) يا ربى بال ث) ولا بال س) المهم
وردود الاخت الفاضلة سمارت حق ينسب اليها ولا للبوست
لزا لزم التنوية ومرحبا بمعلومتك التى تنصب فى مصلحة البوست يا سيدى
تحياتى
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Kostawi)
|
هشام امين الغيرة على ابناء الوطن مفخرة ووطنية
ولكن ؟؟؟؟؟؟؟
( المهارة _ السرعة _ التكلفة) هومايصبو الية القطاع الخاص لتحقيق اهدافه(اقصى ربحيه)
وهذة الميزات تتوفر فى الاجنبى اكثر من ود البلد..والامثله كثيره لاينكرها الامكابر...و قطعا
هذة الظاهره لها اثارها السالبه على البلداقتصاديا ..
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: tarig alnour)
|
Quote:
ولكن ؟؟؟؟؟؟؟
( المهارة _ السرعة _ التكلفة) هومايصبو الية القطاع الخاص لتحقيق اهدافه(اقصى ربحيه)
وهذة الميزات تتوفر فى الاجنبى اكثر من ود البلد..والامثله كثيره لاينكرها الامكابر...و قطعا
هذة الظاهره لها اثارها السالبه على البلداقتصاديا ..
|
نعم اخ طارق اتفق معك وبشدة ولكن هل نقبل بتشريد قوانا العاملة من اجل مكاسب الشركات
واصحاب البزنس فى السودان؟؟
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ناذر محمد الخليفة)
|
ناذر الغالى
دة كان زمان والسودانى اليلة جد بقى جارى ورى اسرة واكل وعلاج ومدارس الخ الخ
دة كلام كلة انتهى او فى طريقة الى الزوال وسبب زوالة هو احساس العامل السودانى
بالمنافسة التى اثرت فى ضيق ذات اليد مما حدى بة الى الذهاب والتعلم ومعرفة ما يعرفة الاجنبى
هذة حقيقة
تحياتى
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
قيود و اعباء الواجبات الإجتماعية عند أي سوداني تأخذ الأولوية القصوى
لدى العامل الموظف الوطني...
يعنى ممكن يتغيب عن العمل عشان عم جارو مات أو لانه عنده زواج ابن خالة امه في مدني...
هذا خلاف الأنفة الزائدة و العنجهية ...
بينما العامل او الموظف الأجنبي يلتزم بأعباء عمله و يعطيها اولوية قصوى خصوصا و هو بعيد عن أهله فتجده ياخذ حصته من الراحة
لأياتي إلى عمله و أكيد بيكون أدئه لعمله أفضل..
لا يعنى هذا باننا نويد العمالة الأجنبية مقابل الوطنية و لكن هذه مقارنة يأخذها كل رب عمل في حساباته .
تحياتي
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: هضيبي علي سعيد)
|
اخ هضيبى سلامات
هذة المقارنة موجودة ولكن وجودها كان فى الماضى القريب
والسودانى او العامل السودانى اليوم يعى بشدة قوة المنافسة
فى بلدة وصدقنى لقد صار احسن مما كان علية كثيرا وهاهو يتقدم
وتشجيعة والوقوف بجانبة من اهم اولويات هذة المرحلة لا بتهميشة
تحياتى
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
Quote: حاجة تغيظظظظ
والمكرهنى انة الهندى الذى لا يسوى
بقى فى السودان عندة سطوة
|
الكلام دا ضايقني جداً جداً .
دي إساءة لشعب صديق وشعب عظيم وشعب صاحب حضارة من أعظم حضارات الأرض وشعب متقدم ومتطور في الصناعة ودولة عملاقة .
العمالة الهندية من أفضل العمالة العالمية في مختلف المجالات .
كونك تتحدث عن شأن سوداني بدافع الوطنية والغيرة فهذا لا يبرر لك الإساءة بهذه الطريقة للشعب الهندي .
موضوع العمالة الأجبنية في السودان لم يصل إلى حد المشكلة الوطنية أو الظاهرة التي تستحق الدراسة .
كم عدد هذه العمالة ؟
كم تبلغ نسبتها في الأيدي العاملة ؟
كون غايتك نبيلة (حزنك على الشباب الذي لايجد عملاً في السودان) لايبرر لك إستخدام مفردات تسئ للغير .
شوف ليك حل للمشكلة دي قبل حل مشكلة العمالة الأجنبية .
ماعارف نغمة العمالة الأجنبية الحايمة الأيام دي شنو ؟
دا ونحنا تصدير بترولنا ماوصل (500000) نص مليون برميل في اليوم . أها كان بقينا نصدر (12) مليون برميل في اليوم زي السعودية حانعمل في المساكين ديل شنو ؟
البطالة في السودان عندها أسباب رئيسة ومهمة غير العمالة الأجنبية فما ترموا البلاء على المساكين البؤساء المالقو ليهم مهجر غير السودان الطارد لشبابه .
طرحك غير موفق أبداً ياهشام أمين .
بعدين لاتزال مشكلتك التي لاتجد حلاً مع التاء المربوطة والهاء . وعنوان الموضوع مثال:
(هذة) تكتب هكذا (هذه) .
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ALazhary2)
|
| Quote: واحد زميلى قضى اسابيع بيختبر فى كل عامل لحام لقاه فى السوادن..فى النهايه طلع بواحد او اثنين ممكن نقول عليهم عمال مهرة..و كل الباقين كانوا زعلانيين ذيك كده. |
ده بوست جميل جدا ومفيد في التمعن في احوال اهل السودان المربوطة بالعمل....
ومع التحايا للاخت اسمارات اقول ليها
ايوه مش حتلقو ومستحيل كان تلقوا لسبب اساسي هو غياب التدريب والتخطيط المربوط بالاعمال المتوقعة
(غياب الماستر بلان) من عقلية الدولة السودانية منذ بدايتها وربط المنهج التقني بمطلبات المستقبل
عندنا معاهد ومدارس للتقنين لكن القصة فيها ماشة هبتلي ولتيق تقيل.....
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ALazhary2)
|
Quote:
قول لى شفت منو شغال فى السودان 12-18 ساعه.??
|
الشعب السودانى مثل كثير من الشعوب فى العالم منتج وفاعل , كل فى مجاله وتخصصه واذا ما مصدقين الكلام ده اسالوا اهل الخليج وخاصة المملكة العربيه السعودية ودولة الامارات العربية المتحدة !
الشئ الذى يجعل السودانى غير هميم فى عمله داخل وطنه هو تدخل السلطات فى اختصاصه وفرض مايريدونها له بالاضافة للاجر الغير مجدى الذى لا يسد الرمق وعدم وجود قانون واضح من الدولة يحمى العمالة الوطنية من جبروت وظلم رب العمل سوى كان قطاع عام او خاص !
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: خالد حاكم)
|
Quote:
الشعب السودانى مثل كثير من الشعوب فى العالم منتج وفاعل , كل فى مجاله وتخصصه واذا ما مصدقين الكلام ده اسالوا اهل الخليج وخاصة المملكة العربيه السعودية ودولة الامارات العربية المتحدة !
الشئ الذى يجعل السودانى غير هميم فى عمله داخل وطنه هو تدخل السلطات فى اختصاصه وفرض مايريدونها له بالاضافة للاجر الغير مجدى الذى لا يسد الرمق وعدم وجود قانون واضح من الدولة يحمى العمالة الوطنية من جبروت وظلم رب العمل سوى كان قطاع عام او خاص ! |
اخى خالد
احتمال وارد
هل لنا ان نبحث عن الحلول
تحياتى
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: kamalabas)
|
Quote: الأخوة الكرام
تحياتي
أرجو أن يدور الحوار والنقاش بعيدا عن التعصب القومي والشيفونية الوطنية
وعاطفة الانتماء وبعيدا عن عن الانبهار بالاجنبي أو التعصب ضده لمجرد أنه
ينتمي لبلد أخر.......
يجب أن نركز علي الموضوعي
ماهي محاسن التوظيف والعمالة الخارجية وماهي عيوبها? وماهي سلبيات وإيجابيات
العمالة الوطنية ? وأيهما يحقق ربحا وفائدة ويساهم في نموالاقتصاد وفي تطور
الصناعة والزراعة وبقية حقول الانتاج.?
......هل تؤدي العمالة الوافدة للمنافسة وتطور مقدرات العمالة المحلية
وتطورها ومزيدا من تأهيلها أم ستؤدي لمزيدا من التعطل أو الفصل والتشريد وتتضيق فرص العمل ? .....هل سلبيات العمالة المحلية ناتجة عن الظروف وعن شروط العمل وضعف المردود
أم لقصور في تركيبتها?
هل يقدم وينتج ويبدع العامل أو الموظف السوداني محليا بنفس القدر الذي
يفعله خارج وطنه ?وأن كانت الاجابة لا فلماذا? |
السلام يغشاك اخ كمال
اولا سيدى انا اعترف واقر ان وجود الخبرة الاجنبية مطلوب ولكن يجب وكما فعلت الدول التى سبقتنا
فى التنمية ان نضع خبير اجنبى و4 مواطنين معة او اقلها مواطن واحد حتى ينهل ويعرف ويتعلم
من الخبير الاجنبى وهنا تتطور كما تفضلت مقدرات العمالة المحلية ويبطل التشرد وتزيد فرص العمل
ولكن الافراط فى تعينهم يزيد من بقائهم ويفوت الفرص على ابناء البلد ويبداء التشرد والتمرد
اما بخصوص انتاج العامل السودانى بالخارج وكما هو معروف بالعالم فهذا فى نظرى نسبة للقوانين
المتشددة والتى تفرض على العامل الوافد وعدم التسيب وفى رائى اذا تم سن قوانين رادعة ومتابعة
العمل بها والتشديد فى تنفيزها واللة ستجد السودانى فى اعلى المرتبات
وفى انتظار جولة اخرى
تقبل تحياتى
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الصديق الوحش !!
دى ما عنصريه دى وطنيه ومطالبه سلميه بحقوق واصل فيها وكونو جماعة ضغط وطقعو !مكتب العمل ذاتو !!
فى إحدى إجازاتى للبلد دار مثل هذا النقاش فى منزلنا وكالعاده إنقسم المتحاورين ذى ما حاصل عندك
اوجه حديثى للاخت إسمارت والاخ هضيبى .
1/ قم بالإعلان عن الوظائف (عمال لحام مثلا) اعرف مئات إن لم يكونوا الاف خريجى المدارس الصناعيه
السودانيه اعرف قريبى تم إستيعابه فى جياد (خريج الحصاحيصا الصناعيه ) كان يعمل بقالا فى
السعوديه (مرتب مجزى ، ترحيل ، سكن من الشركه ).
2/ سياتوك من كل فج وبين كل صناعى ستجد خريج جامعى !!
3/إجرى المعاينات والإختبارات وستجد العدد المطلوب وزياده .
4/اعلن عن المختارين ، ونبه الاخرين بأنك لديك ارقام هواتفهم و هم إحتياطى فى حالة فصل اوإستقالة
ايا من المختارين (وإياك اعنى يا معين بتشديد الياء) !!
5/مرتب مجزئ وعادل ومطابق لسوق العمل اسوة بالاجانب فى نفس المهنه (400)دولار وليس (80) دولار!!
6/ تسليم كل عامل قوانين العمل وصوره من اللوائح وحقوقه وواجباته (علاج ، إجازات ،خلافو )
7/ شوية تدريب وتعريف بمهام والاليات التى تستخدم فى اداء العمل .
خارج الحوار ( وقتها كان الدولار يساوى 2500 جنيه، واى متعطل يجد وقتها مرتب يساوى ذلك المبلغ
لو ما إتصل على اخوهو المصطتك فى بيوت الجمعيات ! حيعضى بالناب قبل السن على الوظيفه دى وما
يسف سفة تمباك لو ما كلم السوبرفايزر بتاعو !!خلى يغيب ولا يحكى فى الموبايل عن الشمارات )
إضافه اخيره ياهشام .
شغل اللحام دا كان فى مناطق إنتاج البترول ( سكن وإعاشه مجان) .
يا إسمارت كلمى لينا الجاز وجماعتو انا عندى الاف من المسيريه والدينكا مستعدين للعمل من
تنظيف الافرولات مرورا باللحام إنتهاء بحفر الابار ذاتها .
السودان للسودانين .
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الاخ الازهري
تحياتي
اتفق معك في دفاعك عن الشعب الهندي .. و زيادة كل الشعوب الوردت في البوست من بنقالة و صينين ... الخ
| Quote: طرحك غير موفق أبداً ياهشام أمين . |
ليه طرحه غير موفق يا الازهري ... انا شايف انو طرحه هو التوفيق بعينو ... الاجنبي ياتي السودان مغترباً جامعاً للمال و ابناء السودان تتخطفهم المهاجر بحثاً عن البقاء على قيد الحياة ... دا غير كمية العطالة المالية عمدان العاصمة و المدن و الهوامش ... و دا كلو غير البموتوا شرقاً و غرباً و شمالاً و جنوباً عشان اولادهم يكونوا محل الهندي و لا البنقالي البقدل في شوارع الخرطوم (بمهارة طبعاً) ... كيف طرحه غير موفق ... دا اوفق طرح طرحو هشام و يستحق أن يربطة ليهو الف تاء .. بل دا من اوفق البوستات الاتكتب في الحلة دي ..
ارجو من الاخوة النظر بعين الجدية لهذا الامر قبل ان يستعظم .. الموضوع ما موضوع عمال مهرة تحتاجهم شركة ما ... الموضوع موضوع سيادة ... و شرف و رذائل في الطريق ان لم تكن حلت!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
| Quote: فمن كان جميلا يروى الوجود جميلا ومن كان لا فسنتقبل منة ونعلم اين نضعة |
| Quote: وكفاة ولنعد الى موضوعنا |
حرراااااااااااام دا حررررررررررام والله حرررررررام ياهشام !!
ياخي لو سيبويه كان عايش كان دخل هنا ( وصاح صيحة عظيمة ثم أغمي عليه) على قولة حميدة .
ولما يفيق من الغيبوبة يكورك بأعلى صوته :
الله يعدمني إياك ياهشام أمين .
أرحم لغة الذكر الحكيم ياهشام أرحمها يرحمك رحمن الدنيا والآخرة ورحيمهما .
بعدين ياهشام هسع الزعلك من أول مداخلة لي شنو ؟
ياخي رحم الله من أهدى إلي عيوبي .
يعني كان الأزهري إستنكر وأدان عنصريتك والإساءة البالغة الوجهتها للشعب الهندي يكون غلط عليك؟
ياهشام ياخي أحياناً بتذكرني حمودة حلاق الجامعة : قالوا مرة دخل عنده دكتور دائما بيلبس العمة ولمن طلع العمة إكتشف حمودة إنه الدكتور (صلعة) فقال ليه : أتاريك يادكتور خالي الذهن . طبعاً في حالتك دي أنا قاصد الصلعة مايمشي تفكيرك لي حاجة تانية.
كلنا بنغلط في الاملاء لكن جنس غلطاتك دي يطرشني . والله حتى محمد عادل ماقاعد يخرمج خرمجاتك الغريبة دي .
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ALazhary2)
|
ود الازهرى
انت يا بن الازهرى ومنذ ان ناطحت انا خليلك وسام وبينت عيوبة وكذبة وانت تستعدانى وتسعى بحنكة وذكاء لافتعال معارك لتقلل
منى ومن شائنى تحت مسمى التصحيح وسيبوية وابو صلعة والديك الرومى وتستعين فى خطك هذا بخطط رومانية بالية ومكشوفة لا تنطوى على
احد وما علينا يا بن الازهرى فقط لك او عليك ان تعلم والحق للة اننى لا اعادى احد ولا اعاديك ولا استعدى احد على ولكن اراك
تزحف خلف بوستاتى ومواضيعى كالثعبان تارة مهاجما وتارة مقاتلا وتارة اخرى تاتى وفى يدك قنابل نووية تتمنى ان تستعين بها فى
القضاء على ولولا قوانين هذا المنبر لكنت ابشع من اسرائيل نفسها ومرة اخرى ما علينا واعلم ان من جهتى انا الذى لا اعرف الكتابة
والذى ذهب بعقل سبوية لا يهتم لك ولمهاتراتك بل ارحب بك فى اى بوست خاصتى ان شئت علقت وتحاورت او ناكفت وتعاليت
وتقبل الاحترام
لا اكثر ولا اقل
هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الزميل هشام أمين
| Quote: انت يا بن الازهرى ومنذ ان ناطحت انا خليلك وسام وبينت عيوبة وكذبة وانت تستعدانى وتسعى بحنكة وذكاء لافتعال معارك لتقلل منى ومن شائنى . |
أول حاجة لن أصحح أو أعدل في الإقتباس .
تاني حاجة :
من هو خليلي وسام ؟
لا اعرف أحداً إسمه وسام إلا زميل في هذا المنبر ولا أعرف إسمه ولا أين يقيم ولا أعلم عنه أي معلومة غير (المعرف)الذي يكتب به في سودانيز اون لاين .
ولم أتداخل معه في أي بوست إلا البوست الذي تشير إليه وبوست آخر قبل عدة أيام .
ولا أسعى للتقليل من شأنك ولا أعرفك معرفة شخصية وليس بيني وبينك عداوة .
لم أصفك من قبل بالديك الرومي أو ديك العدة أو ديك الجن أو أي نوع من الطيور .
| Quote: ولكن اراك تزحف خلف بوستاتى ومواضيعى كالثعبان تارة مهاجما وتارة مقاتلا وتارة اخرى تاتى وفى يدك قنابل نووية تتمنى ان تستعين بها فى القضاء على ولولا قوانين هذا المنبر لكنت ابشع من اسرائيل نفسها |
متين حصل الكلام دا ؟
أنا لم أتداخل معك إلا في بوست واحد تقريباً فكيف أصبحت هذه المرة اليتيمة (زحف كالثعبان وهجوم وقتال)
بعدين أقضي عليك ليه بقنابل نووية ؟
عملت لي شنو إنا يا أخ هشام عشان أحقد عليك الحقد دا كله؟
ياخي أنا دخلت في بوستك ووضحت وجهة نظري في كلام إنته كتبته دون توجيه أي إساءة لشخصك الكريم إلا إن كنت تعتبر تصحيحي لكمة (هذة) إساءة وترصد لك .
أما مداخلاتي التي تلت ذلك بهذا البوست فكانت رداً على هذا الغمز واللمز والطعن الذي وجهته إلي كردفعل على مداخلتي الأولى .
اليس هذا تعليقك على مداخلتي الأولى :
1/| Quote: فانت كما تعلم اننا فى سوق ونتقبل كل ما يلقى علينا من غرائبة |
.
وفي هذا السطر إساءة واضحة .
2/| Quote: بعيدا عن امثال الاذكياء فينا |
.
طبعاً واضح جداً من تعني بهذا السطر .
3/| Quote: ياخ نقد اشكرك على سردك ولكن امثال الازهرى لا يرون الا السؤ ولكن لهم العزر فمن كان جميلا يروى الوجود جميلا ومن كان لا فسنتقبل منة ونعلم اين نضعة |
وهنا الإساءة واضحة .
وكل هذه الإساءات كانت عقب المداخلة الاولى .
على كل حال أنا أسف يازميل إن كانت مداخلتي الأولى أزعجتك وسببت لك الإستياء والإمتعاض .
أكرر ليس بيني وبينك عداء او كراهية أو بغض أو ضغينة .
وإن شاء الله تعالى لن تجدني في أي بوست لك بعد الآن .
وتقبل تحياتي وتقديري.
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
أخ هشام تحية طيبة
العالم اليوم لا يتقبل مثل هذا التفكير
نحن في زمن العولمة و الجودة هي التي تتحدث و معايير السوق و الربحية وقانون المنافسة هو اللذي يسود
حتى الخليج و بعد هوجة التوطين في المرافق الحكومية اتجهو الآن لخصخصة اغلب الخدمات
وصارت قطاعات خدمية كبيرة و ذات قدرة استيعابية عالية لأعداد كبيرة من الموظفين تديرها شركات خاصة الحكومة قد تمتلك فيه نسبة او لا
المهم ان هذه الشركات متحررة من القيود و التوجهات الحكومية السابقة و سياسة التوطين و تفضيل المواطن على الوافد بالنسبة لها حبر على ورق
و الكفاءة و التأهيل و الأداء هو المعيار الحقيقي للتفوق
ولكن على الجانب الاخر تعاظم الإهتمام بتأهيل المواطن و توفير التدريب و التاهيل له حتى صار المواطن ينافس بصورة حقيقية
لغة محاربة العمالة الوافدة ليست عملية ولن يتقبلها العالم بعد الآن , الحل هو في التأهيل وخلق كوادر منافسة في رأيي
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: محمد البشرى الخضر)
|
Quote: أخ هشام تحية طيبة
العالم اليوم لا يتقبل مثل هذا التفكير
|
السلام يا ود البشير
اى تفكير تعنى اخى؟
هل تعنى تفكيرى العنصرى الداعى الى تقنين العمالة الاجنبية فى السودان؟
العولمة
وردى عليك سيدى انظر ماذا فعلت العولمة باقتصاديات البلدان التى انتجتها وليس الخليج
انظر الى حجم المظاهرات التى تصاحب اجتماعات 0(الاى ام ايف ) والتى بداءت سلمية وصارت الان دموية
انظر الى الغلاء الذى يصيب العالم وصرخة المكلوم الان وانظر الى زيادة معدلات الجريمة فى الدول النامية
والدول المتحضرة انظر الى العولمة وما فعلتة بالعالم؟
سيدى انا فقط اسعى لاعطاء السودانى فرصة فى بلدة بعيد عن الشعارات التى لا تمتلكها انت بل تسمعها عبر التلفاز او المزياع
انا فقط اسعى لحق العيش البسيط وليس الرغد فى داخل بلدى وليس متغربا ليس الا
تحياتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: kamalabas)
|
Mohamed Suleiman
Quote: إسمارت أنا ... نوعك هو الذي حطم نفسيات العامل السوداني عندما تدعين أنك لم تجدين عامل لحام ماهر ...
هنا يأتينا المكسيكي لا يفقه في الغنجليزي و لا في اللحام ...
و بعد ستة أشهر يتعلم مهارة اللحام و يتقاضي أجرة لحّام ماهر ليبني ناطحات السجاب في المدن الأمريكية الكبيرة .... و برخصة فني لحام ماهر . |
ستة أشهر ....??
تقدم ملحوظ فى البوست ...من اسبوعين وصلنا ل"ستة أشهر"
انا لا ادعى انى لم اجد عامل لحام ماهر ...انا اعرف تماما انى لم اجد عامل لحام ماهر .
عبدالكريم الامين احمد
Quote: ايوه مش حتلقو ومستحيل كان تلقوا لسبب اساسي هو غياب التدريب والتخطيط المربوط بالاعمال المتوقعة
(غياب الماستر بلان) من عقلية الدولة السودانية منذ بدايتها وربط المنهج التقني بمطلبات المستقبل
عندنا معاهد ومدارس للتقنين لكن القصة فيها ماشة هبتلي ولتيق تقيل..... |
كلامك صحيح مليون بالميه
فارس موسى
Quote: يا إسمارت كلمى لينا الجاز وجماعتو انا عندى الاف من المسيريه والدينكا مستعدين للعمل من
تنظيف الافرولات مرورا باللحام إنتهاء بحفر الابار ذاتها . |
لو كانت بعرفه كنت كلمته يشوف لى انا شغل فى البترول فى السودان..
انا يا جماعه ما ضد العماله السودانيه....انا اتمنى لو كانت كل العماله فى بلدى ماهره و امهر من كل عمال العالم.
انا شايفه انو العماله الاجنبيه حاجه كويسه للبد...العماله السودانيه ممكن تتعلم منها و تبدا فى منافستها...احتمال!
وقبل ما الناس تنتقد اصحاب الشركات و العيادات...فكروا شويه شنو اللى بيجبر صاحب العمل انو يجيب عماله اجنبيه بماهيه عاليه و مصاريف اكتر اذا كان بيلقى نفس الخدمه او المهاره من العماله السودانيه???
الموضوع فى النهايه (على حسب ظنى) حسابات ربح و خساره
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
الاخت العزيزة سمارت تحياتى
عامل اللحام الماهر والتحامل علية
اتدرين سيدتى ان لحام انابيب البترول وما شابهها من انابيب تعبر الحدود وتغطص مع الاعماق تعتبر فى
سوداننا (نيو بروفيشن) ؟ نوع عمل جديد لم نكن نعرفة وحرفة لم نمارسها كما مارسها الذين سبقونا
حرفة جديدة دخيلة ولهذا السبب لم تجدوا عامل ماهر الا تتفقى معى ؟؟
ولكن اعتقد انة وبعد 8 سنوات اذا قامت هذة الشركة او خلافها بتجديد البحث ستجد اكثر من عامل لحام ماهر
تفضلة على الاجنبى
ان زماننا الان يحضنا على رفع مستوانا وصقل حرفنا كعمال ومن واجباتنا نحن العاملين السودانيين بشركات الاستثمار
السعى وراء تعين السودانيين فى الاماكن الشاغرة ورفع صوتهم حتى تعلم الادارات ان عليها مراعاة حق المواطن وان تصرف
من ميزانيتها لتدريب الكوادر السودانية وترفيعها لا تجاهلها وتناسيها
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: وانجا)
|
Quote: ]هشام أمين سلامات
تعرف أسباب مشابهة جداً لأسبابك دى هى البتدعم النازية الجديدة
وحركات إستعداء الأجانب فى أوربا غربها وشرقها؟
والطريق إلى النار مُعبَّد بالنوايا الحسنة |
وانجا سلامات
نازية شنو وحركات استعداء شنو؟
انا يا سيدى مع العمالة الاجنبية ولكن ليس المفرطة
انا مع العمالة الاجنبية المقننة فقط فلا نار ولا رماد ولا نازية جديدة
وتعبير العنصرية هنا مجازى لا اكثر ولا اقل سيدى
وحمانا اللة او يسوع من النار وكل ما يقلق الروح ويالم الجسد
تحياتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
سلام
لا يوجد سبب واحد يبرر العنصرية أي كانت الدافع
العنصرية،، الكراهية،، التطاول على الآخر،،، الفوقية،، الشعور بالعلوية،، احتقار الآخر ووووووووو
كلها تصب تحت مسميات محددة ومعروفة ودوافعها كمان معروفة
اهمها ،،، التقوقع في المحلية،، وعدم تقدير وموازنة الهجرة ودورها الهام الاقتصادي والثقافي ،، الانانية ببساطتها (أنا لا اقصد هنا كاتب هذا البوست،، لأني احترم جداً راءه) ولكن الكثيرون ينطلقون من باب الانانية، الاحساس بالفوقية....
حقيقة مهمة جداً،،امكن لو كنت انا عشت الفترة الاخيرة في السودان، يكون تفكيري يشابه هذا الاسلوب في تناول الموضوع،، ولكن من فوائد الاغتراب وخصوصا في اوربا والعالم الغربي عموماً يجعلك شديد الحساسية تجاه العنصرية ولا يمكن أن تتسامح معها أياً كانت الدوافع.
الناتج عن العنصرية وما يتبعها من خصال مشابهة، خطير جدأ
الحروب العالمية بدت من مشاعر كراهية وامتدت لتحرق الاخضر واليابس
الشعب السوداني شعب طيب بطبعه وكريم وهذه الارض (السودان) جمعت قبائل وشعوب من كل بقاع الارض.. الأن تتكرر التحربة مرة أخرى، لما لا؟
نحن كمان مشينا بحثاً عن الافضل،، مشينا الجزيرة العربية واوربا وامريكا وحتى استراليا ونيوزيلاند واليابان والصين (مش طلباً للعلم)
مشينا نبحث عن أمان وحياة افضل.. وبعدين جا العلم والمعرفة كمساعد لتحقيق الهدف الاساسي..الحياالافضل.
ليه نمنع الشعوب الاخرى من حق مشروع ،،،، البحث عن الافضل حق لكل انسان في أي مكان،، كل المصادر الدينية والفلسفية شرعت هذا الحق.
العالم ماشي يبقى جزيرة أو قل قرية،، مافي قوة العالم تسطع ان تقف ضد تيار الهجرة والبحث عن الافضل إلا بدوافع عنصرية اجرامية لا ولن نقبلها
أنا اخجل من طرد أحد من بلدي
فمرحباً بكم يا أهل الصين والهند وكل من وجد امآن في السودان ،،، خذوا من خيرات بلادي بقدر ما اعطيتم، هذا حقكم.
على الجهات المختصة تقنين الهجرة وتحديد الخطط العامة لها ونوع المهن من جانب وحماية الشعب والمواطن من الجريمة والحروب وتامين مداخل العيش الكريم للجميع
الموضوع داير دراسة مش اطلاق الكلام كده من غير حساب
لكم ودي
صادق
أخيراً ارجو أنلا اكون قد أسئت لأحد بحديثي هذا.. غرضي شريف والله
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Abu Mariam)
|
| Quote: حقيقة مهمة جداً،،امكن لو كنت انا عشت الفترة الاخيرة في السودان، يكون تفكيري يشابه هذا الاسلوب في تناول الموضوع،، ولكن من فوائد الاغتراب وخصوصا في اوربا والعالم الغربي عموماً يجعلك شديد الحساسية تجاه العنصرية ولا يمكن أن تتسامح معها أياً كانت الدوافع |
ابو مريم تحياتى
وحقيقة مهمة جدا اسوقها لك وللقارى الكريم الا وهى ان هشام امين تنقل فى العالم العربى
وعاش قرابة ال18 عام بعدها فى امريكا وسنحت لة الفرصة بعد ان عاد الى السودان وسافر الى
افريقيا ودول كان يقرا اسمها فقط اى ان هشام امين كون فكرة جيدة ويعرف معنى العنصرية
وما كتبة هنا لم ياتى من فراغ سيدى لا لم ياتى من فراغ .
اما بخصوص العنصرية وما شابهها من مفردات وكما اسلفت للاخ وانجا ما هى الا تعبيرا مجازيا
القصد منة اعلام الاخر مدى فداحة ما يحدث فى سوق العمل السودانية وارجو ان لا تسيىء فهمى
فانا مع التنمية والخبرات الاجنبية ولكن انا ارفض ان يسود الاجنبى ويتحكم فى سوق عمالة بلدى
وانا ارفض ان يتربع الاجنبى على عرش الوظائف التى يمكن ان يتربع عليها السودانى وانا ارفض
الحجة التى يسوقها الاخرون ويدعون ان السودانى غير مهتم وكسول اتدرى لماذا؟
لان متطلبات الحياة كافة لا تعرف كسل ولتحيا يجب ان تنتج ولتنتج يجب ان تكون لك وظيفة تنتج منها
وتقبل تحياتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ابوعبيدة حسن محمد)
|
Quote: في رأيك لماذا تسعى هذه الجهات للبحث عن العمالة الوافدة ؟؟
هل هو الاجر المتدني ؟
ام الطاعة العمياء ؟
ام الكفاءة والتأهيل والخبرة ؟
ام الانضباط والهمة والمسؤولية؟
ام كل الاسباب اعلاه مجتمعة ؟؟
هل هذه المواصفات او الميزات متوفرة لدينا في السودان ؟؟
فاذا كانت متوفرة لماذا تسعى الجهات المذكور اعلاه للبحث عنها في الخارج ؟
|
الاخ ابوعبيدة تحياتى
تعالت ضحكاتى وانا اقراء تساؤلاتك التى اتت على شكل امتحانات اللغة الانجليزية فى الماضى
(ملتبل شويس) او اختار كل الاجابات ------ على العموم تساؤلاتك مشروعة وانا اختارها كلها ولكن
هل معنى انك سالت وانا اخترت هل هذا يعنى اهمال العمالة الوطنية من اجل تحقيق المكاسب المذكورة؟؟
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
اتفق مع الاخ كمال عباس في الكتير مما جاء في مداخلته ادناه :
Quote:
الأخوة الكرام
تحياتي
أرجو أن يدور الحوار والنقاش بعيدا عن التعصب القومي والشيفونية الوطنية
وعاطفة الانتماء وبعيدا عن عن الانبهار بالاجنبي أو التعصب ضده لمجرد أنه
ينتمي لبلد أخر.......
يجب أن نركز علي الموضوعي
ماهي محاسن التوظيف والعمالة الخارجية وماهي عيوبها? وماهي سلبيات وإيجابيات
العمالة الوطنية ? وأيهما يحقق ربحا وفائدة ويساهم في نموالاقتصاد وفي تطور
الصناعة والزراعة وبقية حقول الانتاج.?
......هل تؤدي العمالة الوافدة للمنافسة وتطور مقدرات العمالة المحلية
وتطورها ومزيدا من تأهيلها أم ستؤدي لمزيدا من التعطل أو الفصل والتشريد وتتضيق فرص العمل ? .....هل سلبيات العمالة المحلية ناتجة عن الظروف وعن شروط العمل وضعف المردود
أم لقصور في تركيبتها?
هل يقدم وينتج ويبدع العامل أو الموظف السوداني محليا بنفس القدر الذي
يفعله خارج وطنه ?وأن كانت الاجابة لا فلماذا? |
فالمنافسة والاحتكاك يمكن ان يعلمان الكتير 00
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ابوعبيدة حسن محمد)
|
الأخ هشام أمين سلامات ..
أعتقد بأن سبب تشغيل الأجنبي وتفضيله أحيانآ علي ود البلد سببه أن الإنسان عمومآ تجده جادآ صبورآ مقبلآ علي واجبه بدرجة أعلي عندما يكون خارج بلده .. وكما يعلم الجميع فإن السوداني عمومآ في السودان لا يجزع إذا فقد عمله لأن التكافل الاجتماعي الأسري يشعره بأمان نسبي فيصير نوعآ ما غير مكترث لصرامة العمل والمواعيد وأداء الواجب في وقته و..وإلخ .. ولذلك تلاحظ أنه عندما يغترب أو يهاجر تجده متفانيآ ومخلصآ في عمله وكثيرآ ما يشتغل أكثر من ساعاته المقررة له .. وذلك ليس لأنه يحب عمله وأنه مخلص وأنه وأنه .. إنما لأنه يخاف من الفصل وعواقب التقصير ـ فهو في غربته ليس له ضهر ولا أسرة قريبة يعتمد عليها .. فإذا فرط في واجبه سيفقد عمله ووظيفته بلا مجاملة ولا رحمة ..
الشئ التاني لمن يقولون أن العامل السوداني مبتكر .. نعم ربما كان مبتكرآ، ولكنه ابتكار متواضع يبدو باهرآ فقط لأنه غير معتاد بالمقارنة بالبيئة المتخلفة من حوله .. والحقيقة هي أن البيئة أساسآ متخلفة ولذلك أي ابتكار سيكون متواضعآ إذا قورن ببيئة متطورة .. ولذلك تجدنا ظللنا متقوقعين في محلنا في مجالات الحياة العامة ـ ترحيل سكن مأكل ومشرب .. لاحظ أنه لم تتحسن سبل السفر البري إلا بعد أن تدخل الأجانب وطوروا الخدمات في مجال البصات السفرية مثلآ .. وإلا لكان الناس حتي الآن تسافر باللواري والسفنجات والنيسانات .. وكذا الحال في مجالات البقالات والمطاعم وخلافها .. لم تتحسن وتتطور خدماتها لمستويات سياحية إلا بعد أن غزاها الشوام وغيرهم ..
ثم إن هنالك أمر آخر مهم ، ألا وهو تجويد العمل .. معظم الخبرات المحلية لا تكترث لتجويد العمل .. يعني مثلآ بالقرب من حلتنا في بحري نشأ حي درجة أولي ونبتت فيه فجأة غابة بتاعة أسمنت !!!! .. كنا نمر خلالها فنلاحظ أن من بين تلك العمارات تحت الإنشاء هناك عمارة غاية في الإتساق والتوازن ، وأعمدتها ملساء وسيخها واقف عديل وطوبها موزون لا تري أي إلتواءات أو نتوءات هنا وهناك .. والسر في ذلك أن المقاول وعماله كانوا آسيويين !!! .. وفي المقابل كانت باقي العمارات التي تحت الإنشاء مترهلة مكعوجة تحس بأنها عشوائية .. ذلك مثال بسيط لمشكلة عدم الجودة عندنا ..
وعمومآ تستطيع أن تقول أن مسألة تقدم شعب وتخلفه هي مسألة قضاء وقدر مخلوط بإستعداد ذلك الشعب للنهوض مقرونآ بظروف داخلية وخارجية وغيرها .. و......
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الاخ المحترم ابو عبيده
Quote: هل هو الاجر المتدني ؟
ام الطاعة العمياء ؟
ام الكفاءة والتأهيل والخبرة ؟
ام الانضباط والهمة والمسؤولية؟
ام كل الاسباب اعلاه مجتمعة ؟؟
|
الاخ والزميل عبد الكريم طرح تساؤل يتعلق (بالماستر بلان) وحاجات سوق العمل يمكنك الإطلاع عليه ايضا
مازكرته اعلاه إن كان تبريرا لإيفاد العماله الاجنبيه يمكننا ان نقتنع ايضا باننا تنقصنا الخبره
فى إدارة شؤون بلدنا ، نحتاج لجيش اجنبى ، شرطه ،مهندسين ،اطباء ،قضاه، وحكام كمان وفعلا بدأت
وفودهم ترد !!
انا لست ضد الخبره الاجنبيه لكن شرطى هو حالة إنعدامها ! معقوله بس المهن التاليه
1/داده (دا طبعا شو ساكت والاخوات ممكن يفيدننا )!!
2/عمال لحام!
3/ عمال نظافه (طبعا شفتهم بعينى ديل فى المطار (بنغاليين) !
4/ممرضات فلبينيات !! (ودى داير اعكلت فيها شويه وداير مساعده من اصحاب المهن التى لها علاقه)
اعلم ان هناك اكثر من كليه جامعيه ومعهد يخرج هذه الكوادر (وطنيه ) يعنى ما بحكى عن عمان !!
ياجماعة الخير السودان دا فيهو اكثر من 100/70 عطاله وناس شغاله ما فى مجالاتها .
جيبو لينا تكنلوجيا بناء طرق وعينوا كل المهندسين السوادنه وعمال سودانيين والماعندنا (خبرات )
والله اعلم فى مجال الطرق املوا الخانات الشاغره بأجانب .
حكى لى صديق مر من نواحى شرق القضارف وشاهد شركه مصريه وقع ليها عطاء تنفيذ شارع دوكه القضارف
المهنسين مصريين!
الفنيين مصريين !
سواقين القلابات (التراب) مصريين!
العمال البقلبو الكوريك شرحو !!
السودانيين متفنيين فى تراب القهاوى عطاله !! والمال سودانى والمشروع سودانى والارض سودانيه
والطريق سودانى والفائده مصريه !!!
إن كنت بتعرية ورفض هذه الممارسات من سلطة المؤتمر اللاوطنى واجهزته تحشرنى فى صفوف النازيه
يا كوستاوى اهلا بالنازيه ، ولو جيت مارى بهنا عرف لى الفقر والإفقار والظلم والإهمال !
يجب إيقاف هذا العبث ومحاسبة المسؤلين عن إغراق واحده من افقر بلدان العالم الثالث فى مجال
توفير العمل لمواطنيها ،وإلغاء تعاقدات كل هذه العماله الاجنبيه وتعويضهم من اموال الذين تعاقدوا
معهم وإعادتهم لبلدانهم معززين مكرمين وبجميع حقوقهم وشكرهم والإعتذار لهم .
على جهاز الدوله تصحيح هذا الخطأ الفادح وإيقاف التلاعب بموارد البلاد والعباد وعلى راسها حق
العمل .
وشكرا هشام .
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
سلام كوستاوي وهشام أمين ..
Quote: السوداني في بلد الغربة بشتغل 12 -18 ساعة في اليوم
البغلبو شنو يشتغل نفس الساعات دي في السودان
|
في ناس هنا تتكلم ساااااااااكت ! وبتتباكى على العمالة الوطنية وكلام ظاهرو كلو شفقة على العامل السوداني والعمالة السودانية ، وهسي لو سألناهم عن خبرتم وإحتكاكم مع العمالة السودانية يقعدوا يتلفتو !!
ويا كوستاوي خليني أحكي قصصي .. وإنت نفسك عارف كلامي الحا أحكيهو صاح وبيضغط على محل الجرح بي شدة وإنت ما داير النزيف ..!
الزمن إتغير يا أخوانا والشركات والمصانع كترت في البلد ، والمنافسة زادت ، وأي مصنع أو مؤسسة إنتاجية لو دايرا تنافس لازم تضبط عمالتا والتسيب مرفوض لأنو بيضر المصنع ..!!
لي تجربة مع شركة dod sal الهندية وهي اللي نفذت أعمال أنابيب البترول في طريق الجيلي شندي عطبرة .. الشركة دي جات بي كامل عدتا وعتادا وإستأجرت مبنيين كاملين في حي الرياض واحد للسكن والتاني للشغل .. يعني الهنود ديل يا هشام أمين بيصحو من النوم ستة صباحا بيطلعو من العمارة دي بيخشو العمارة التانية للشغل وما بيطلعو منها تاني إلا ستة مساء !!
حتى الزول البيحضر ليهم الشاي والأكل هندي جايبنو معاهم من هناك .. لأنو هم عارفين كويس لو شغلو واحد سوداني في البوفيه حا يجيهم متأخر وحا يعطل ليهم حاجات كتيرة ..
البلد حاليا مليانة بي عمالة مصرية في كل المجالات (نقاشة ، بياض ، مباني ، كهرباء) وبيشتغلو بي نفس سعر العمالة السودانية لكن الفرق شنو ؟!!
العامل المصري تمسكو شغلانة .. من الاول هو حا يوريك حا ينتهي متين وحا يسلمك كيف .. والناس مجربين العمال ديل ، وحاليا أي زول عندو شغل وبيجينا في شركات المقاولات طوالي بيشترط العمالة تكون مصرية وما داير يشوف سوداني حايم جوة بيتو ونحن زااتنا بنأيدو في كدة حرصا علي سمعتنا ودقة مواعيدنا !!
والزول دا معاهو حق مية المية لانو ونكون واضحين .. العامل السوداني خملة ومتسيب وما زول شغل مهما كانت مهارتو (خلونا من دموع التماسيح البتذرفو فيها دي !!) ..
تدي مثلا البناي شغلة بيحصل كالأتي :
يوم السبت يجيك نشيط ويبدا شغلو من الساعة تمنية صباحا ..
يوم الاحد بيجي متأخر شوية ويقول ليك .. والله المواصلات أخرتني شوية الليلة ..
يوم الإتنين تلقاهو من الساعة إتنين بيلبس في هدومو ويقول ليك داير ليو سلفية عشان خالتو عيايانة في المستشفى !!
يوم التلاتاء ما بيجي نهائي !!
يوم الاربعاء يجي بعد الفطور ويقعد كم ساعة كدة في (لتيق) الحاجات العملا أول أمبارح !!
يوم الخميس يجي بدرييييييي ونشيط (كيييييف !! ما دا يوم صرف الضحاكات !) وإنت تكون متغايظ منو شديد ومن (محركتو) لكن مضطر تديهو مصاريف الإسبوع عشان يجي يتم شغلو ..!!
القصة ما إنتهت علي كدة ...
السبت البعديو مية في المية الزول دا ما بيجي .. ليييه !! لأنو القروش الإنت أديتا ليهو هو لسع ما كملا ..!! الصنايعية والبنايين بالذات لو ما كملو قروشم العندهم لحدي أخر جنيه ما بيجي شغلو لو فالوا ليهو فيهو الدهب !! الأحد بيجي بس يعاين للشغل ويرجع (لزوم يطمن إنك ما أديت الشغل لي زول غيرو) وبالطريقة دي !!
أسألو أي مقاول أو مهندس من النظرية دي !!
أما العامل المصري فالموضوع بيختلف تماما ..
يجيك بدري ويطلع متأخر وهمو كلو في شغلو لأنو دا الشي الخلاو يخلي بلدو ويطلع عشانو غشان كدة بي سرعة شديدة جدا كسبو إحترام الناس وبقوا مطلوبين في السوق ..
في زول يقدر يقنع صاحب عمل يشغل سوداني بالمواصفات الفوق ديك ويخلي المصري المنضبط ؟!!
صنفرة :
جاييكم للهنود والبنقالة !!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
حاليا يا أخوانا ...
العمالة الهندية (مدربة أو ما مدربة) برضو إكتسحت سوق العمل .. خياطة ، ألمونيوم ، مصانع ، ورش حديد ورش نجارة .... إلخ !!
طيب ليييه ؟!!
عشان عمالة رخيصة ؟!! دا ما سبب ..!!
مصانع وورش بتعتمد بصورة تامة على العمالة الهندية والبنغالية وبتطعما بي شوية سودانيين (وأريت السودانيين لو إتعلمو من الهنود والبنقالة العمل بإنضباط والإتقان) !!
الهنود والشرق أسيويين عامة بيصحو بدري وبينومو بدري .. بيشتغلوا بي ضمير وبي مهنية عالية عشان يثبتو وجودم وينتصرو لي زاتم مش زي السودانيين الواحد بس يكون طموحو شوية مصاريف ولو حتى بدون ما يعمل قصادا أي عمل متقن .!!
واحد من المعارف عندو ورشة تصنيع وتركيب ألمونيوم ، عندو زي خمسة عمال بيسمو روحم (فنيين ألمونيوم) ، من ما بدت الورشة وأنا معاصرا وشايف الحاصل ما حصل الخمسة ديل جو مع بعض إلا في حالات نادرة ..
حصل إحراج شديد جدا مع أصحاب العمل بسبب عدم إنجاز الطلبيات في أوكاتا المعلومة بسبب التميز ، لحدي ما صاحب الورشة قابل هندي بالصدفة وإتعرف عليو وعرف إنو فني ألمونيوم كان شغال في السعودية وجا السودان يشوف حظو ...!
صاحبنا جاب الهندي ووظفو عندو .. الورشة كان بتفتح الساعة 9 والعمال بيجو ما بين تسعة لي عشرة .. الجملعة بيجو بيلقو الهندي منتظرم قدام الباب !! عرفو الهندي بيجي من سبعة ونص !! الساعة أربع عصر الجماعة بينصرفو !! الهندي ما بيمشي لو ما خلص الحاجة الفي يدو !!
صاحب الورشة وثق في الهندي وأداهو المفتاح ! جيران الورشة وروا صاحب الورشة إنهم بقوا يسمعو صوت المكنات من أذان الصبح !!
باقي العمال لمن يجو الورشة بيلقو الهندي خلص من الفطور وبادي شغل جديد !!
صاحب الشغل ما كضب .. طوالي طلب من الهندي يجيب فنيين ألمونيوم يشتغلو معاو وأداهم غرفة في الورشة .. والجماعة دوروا شغل ما يقيف إلا تقطع الكهرباء وطبعا باقي (الفنيين) السودانيين مشوا الشارع لأنو بقى ما في مبرر لوجودم !!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
بعدين موضوع جرسونات المطاعم !
سودانيين شنو اليشتغلو جرسونات ؟!!
لبمطاعم وإدارتا وتقديم الخدمات فيها بقى فن راقي ونوع من التعامل الحضاري وواجهة ولافتة للبلد .. يعني يا جماعة الخير أي زول فينا بيمشي بلد غريبة إفتكر ممكن يحكم على الشعب دا من أول مطعم يخشو ويطلب من طعام ولا ما كدة ؟!!
مطاعمنا السودانية بتعاني من إشكالية في الحتة دي .. تخش ليك مطعم وتقعد في طربيزة يجيك جرسون وسخان وعراقيو اونو بني من العرق والطين و (سفتو) بارزة برة شلاليفو ومخاخيتو فوق ليها ويقول ليك تاكل شنو ؟! بي لهجة وحقارة وزعل كدة زي التقول إنك كاتل ليهو زول !!
هو زي دا خلى فيك حاجة ياكلوها ؟!
أمشي حاليا شوفو المطاعم الوظفت عمال أجانب مصريين أو هنود أو بنغالة (مطعم لذيذ مثلا).. يمين بالله الجرسون منهم لمن يجيك مستحمي ومتريح ولابس نضيف ويتبسم في وشك زي مضيفة الطيارة ، لمن يسألك من طلباتك تقرب تقول ليهو إنك شبعت قبال ما تاكل (من منظر الجرسون ساي) !!
صنفرة :
خلونا نكون واقعيين يا أخوانا ..!!
والخليجيين لمن إتندروا وينكتو في كسل السودانيين ما إختارونا من دون شعوب الأرض دي ساااكت كدي !!
أكيد العود لو ما فيو شق ما بيقول طق !!
لو العمالة السودانبة ما إحترمت نفسها ومواعيدا في العمل واهلت نفسها وتعاملا في السوق السوداني ، فلتذهب غير مأسوف عليها طالما البديل موجود لانو سوق العمل وتسارع إيقاعو ما بيستحمل أي تسيب أو (دلع) زي البيعملو فيهو جماعتنا ديل ..!!
| |
|
|
|
|
|
|
|
|
 Re: انا اعترف بانى عنصرى وهذة اسبابى!! (Re: ناذر محمد الخليفة)
|
Brothers, I hope you give us your sienitific solution to this crisis. in fact, I talked to one of my family, and I asked him about the issue of foreign LABOURERS, he said to me it is real, because , if you hired a sudanese worker to do something for you, he gives you lecture about how things done and he doesnot respect you as a customer,also he didnot give you or keep a timetable for completing his work. While the foreigners keep theirs words and get the Job done.To me,I prefer the Sudanese worker than any one else. but it is the Golobalization.
(عدل بواسطة El hadi A.bashir on 05-07-2008, 01:45 AM)
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: ناذر محمد الخليفة)
|
مؤسف ما يحدث هنا
تخيلوا لو الحكومة و المعارضه المتورطع معاهاحاولت
تقرأ للعشب عشان تعرف رايهافي موضع العمالة الاجنبيه
بالله ده نوع اجابتا تتلقها؟؟؟؟؟
اتقوا الله في الآف المتعطلين ومنتظرين كلمة مننا يمكن تفيدهم.
كلام كثير صحيح لكنه حاد.
طيب خلونا نبدأ بناذر
يا ناذر رغم سخافاتك معاي شخصيا,لكن هذل لا يمنعني ان اخذ الصحيح من كلامك.
مثلا فن الضيافة كل ما قتله صحيح ولكن ليه؟؟؟هل نحن شعب كشر بطبعنا؟؟؟
لا اعتقد احتمال ما مقتحمين للآخر بسهولة ولكن لينا كشرين.
هل نحن شعب وسخان عشان تحدثنا عن المصري المستحمي؟؟؟؟
يازول انت بصحك؟؟؟اي مصرين حتحدثنا عنهم؟؟انت حدك الهند الدرستها فيها افتي
حولها الا مصر دي خليها لينا,المصريين بالذات الطبقات البيتجينا جرسونات دي
وحياتك لا بيحبوا الحمام ولا المسواك.
يبقى يا جماعه الكلام كله على التدريب
يعني الابتسام للزبون هذا حق له على الجرسون
وعرض قائمته بتهذيب وتحسيس الزبون ان رضائه غايته
واستعداده لشرح حتى محتوى الاطباق,كل هذا لا علاقة لع بالفطرة ولكن يمكن ان يتعلم ويدرب عليه.
نجي للهضيبي,وفعلا في بداية مداخلته اصاب,وهي مشكلة علاقاتنا الاجتماعيه
تمثل تهديد حقيقي للالزام السوداني ,ولكن يا جماعه السوداني ما غبي
لو الوظيفة تستاهل بتلقاه منضبط,مثال ابنائنا وبناتنا في السفارات
والامم المتحدة وغيرها من كل الجهات البتدفع كويس تلقا السودانين
قادرين يوفقوا بين اجتماعاياتهم واالنضابط في عملهم.
يبقى دي برضوا محلولة.
يا جماعة اجور جيدة,توفير وسيلة للمواصلات
تدريب عميق وجيد,ونطلع امهر عمال واحلى شعب واروع انتاج.
بعدين يا ناذر
برضوا حكاية الهندي البجي مع الآذان خليني احكي لكم دي.
قالوا مسؤل جنوبي منضبط جدا وبدأ تحقيقات حول الصرف
المالي البذخي للكل كيزان وحركه شعبيه و قالوا عوض
الجاز شاميه شمة بت كلب وقام يعمل (حركات جلابه شويه)
قالوا يوم طار لك على وزراة الساعة 8 الا 10
ودخل وقال اقفلوا الباب الساع 8 شوكه واي زول يجي بعدها مفصول!!!!
كان يريد فصل هذا المسؤل الجنوبي فاتضح له ان الجنوبي بيجي من الساعه 7 شوكه!!
فرجع عوض الجاز يجر ازيال الخيبه!!!!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
مزكرات عامل سودانى:
زماان لما كنا شغالين فى السودان كان دفتر الحضور بيتمضى الساعه10 على اساس انو الناس جات الساعه 8 المدير الادارى بيعاين ليهو الساعه 2 ومرات كتيره ما بيعاين ليهو
وهسى بقينا نقيف جم ال(time machine ) قبل 10 دقايق من زمن الورديه عشان ( to make sure you punch in on time )
المشكله فى نظرى هى مشكله اداره قبل ما تكون مشكله عماله
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: يوسف الولى)
|
الاستاذ هشام
لك التحية
Quote: يازول ولا زلوة انحنا مافي علاقة بينا وبين الخليجين
والخلجيبن ما اشتغلوا في بلاد العالم وبلادهم ترفض تعيينهم
الخلجيين كانوا فعلا لا يمتلكون القدرات و الخبرات وسعوا لامتلاكها.
لكن نحن كيف نكون عمال في بلاد العالم وخبراء وبلادنا تستورد العماله؟؟؟؟
|
[B]كلام تراجى ده صحيح و فى مكانه و أنا اتفق معما تماما
سؤالى لك
هل يتقاضى العامل السودانى ما يدفع للهندى او غيره من العمالة الاجنبية؟
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: يوسف الولى)
|
Quote: لو الوظيفة تستاهل بتلقاه منضبط,مثال ابنائنا وبناتنا في السفارات
والامم المتحدة وغيرها من كل الجهات البتدفع كويس تلقا السودانين
قادرين يوفقوا بين اجتماعاياتهم واالنضابط في عملهم. |
قايتو يا تراجى كلأمك ده رفع لى الضغط
يا تراجى العمال حاليا بنتفق معاهم بألأنتاج مش باليومية
انا عندي تجربة مريرة مع عمال السراميك وللاسف السودانيين
انا عندى اقل من 500 متر سراميك حوائط وارضيات. سعر متر الارضية 6000 جنية بالقديم والحوائط 8000 يعنى نصيب العامل اكثر من ثلأثة مليون جنية.
الشغلانة مفروض تاخذ بالكثير الكثير اسبوعين مع انى شايف اعلأنات هنا فى الأمارات بتسليم 500 متر فى يوم واحد اى والله يوم واحد يا تراجى
اتخيلى الشغلة اخذت معاى اكثر من سنة وما عايز احكى ليك ليه لانو ناذر ما قصر
شغلة يوم يا تراجى تاخد معاهم سنة وتجى تقولى لى تدفع ليهم كويس!!! ثلأثة مليون فى اليوم يا تراجى ما كويس؟ يا اخى خليها اسبوع .. شهر
عموما حمدلله على السلامة والله يسامحك
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
تراجي ..
Quote: طيب خلونا نبدأ بناذر
يا ناذر رغم سخافاتك معاي شخصيا, |
ورغم هبالتك معاي شخصياً حا أواصل وأرد عليك ..!
Quote: اتقوا الله في الآف المتعطلين ومنتظرين كلمة مننا يمكن تفيدهم.
|
كلمتنا البتفيدم يا يواكبو مقومات العمالة وتنضبط يا يشوفوا ليهم بلدا خملة غير السودان يشتغلو فيهو !! لانهو هنا خلاص لقينا البديل الممكن يتواكب مع سوق العمل ..!
Quote: المصريين بالذات الطبقات البيتجينا جرسونات دي
وحياتك لا بيحبوا الحمام ولا المسواك.
|
إنتي ما في شي مضيعك غير التنظير في الفارغة !!
السودان هسي مليااااان مطاعم مصرية وعالمية والمنافسة في المجال دا قوية عشان كدة أصحابا بيحرصوا على إستجلاب أفخر وأرقى خامات الضيافة ، وطبعا المصريين في شغل المطاعم ما هينين ..
إنتي جيتي للمطاعم الفي شارع المطار (مثلا) وعملتي إستبيان للمصريين الشغالين هناك وقالوا ليك ما بيحبو الحمام والمسواك ؟!!
طبعا ما عملتي كدة ..!!!
لكن أنا مشيت وشفنهم ولقيتم مستحمين ومتسوكين ..!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الكلام العاطفى هناما بنفع
المشكلة هامة و يجب أن تعامل بجدية وعلمية
وكلام انو العامل السودانى امهر واحسن وكده ده كلام ماصحيح
لو شفت بس التشطيب البعملو العامل المصرى او المغربى او الهندى على اى عمارة تجد الفارق مذهل
القطاع الخاص لا يمكن اجباره على استخدام عمال اقل كفاءة او اقل انتاج بدعوى انهم سودانيون فالقطاع الخاص ليس مؤسسات خيرية
انه مجموعة مؤسسات خاصة تهدف اولا للربح وهذا طبيعة القطاع الخاص فى كل الدنيا وللأسف كل الدنيا اتجهت الآن نحو الخصخصة واعطاء القطاع الخاص الدور الاول فى التنمية وليس الحكومات
لذلك لكى نشغل العامل السودانى يجب ان يقتنع صاحب العمل بانه اجدر من الاجنبى
وهذا لا يمكن حدوثه الا بتبنى الدولة سياسات تؤهل و تدرب العمال باحدث الطرق العلمية والعملية
برنامج التدريب المهنى بدأت فى السودان مبكرا وكان لخريجيها من العمال صيت عظيم
ولكنها توقفت بفعل فاعل و اغلقت مؤسساتها
اسمارت انا ذكرت موضوع اللحام و لحام انابيب البترول بالذات و اعتبرته موضوع بسيط وجاء من جاء بعدها يؤنبها على ذكر هذا الموضوع
اسمارت انا ومن تداخل معها لا يعرفون أن موضوع اللحام هذا موضوع حساس جدا و يحتاج لكثير من التدريب والتأهيل
لكى تلحم انابيب بترول فى اى مكان فى الدنيا يجب ان تكون لديك شهادة من معهد تدريب او جهة عملية معترف بها فى هذا المجال
لذلك اقول انه بدلا أن تنشئ الدولة مئات من الجامعات يصبح طلابها عاطلين عن العمل يجب أن تلتفت فى هذا الوقت بالذات الى اعادة برامج التدريب المهنى و تدعمها و تؤسسها على مستوى عالى لتفى حاجة السودان من الحرفيين المدربين فى كافة المجالات
الذى لا يعلمه الكثيرون ان هؤلاء الحرفيين المهرة يكسبون الكثير من المال وفى اقل حالاتهم يستطيعون دعم نفسهم واسرهم دون الحاجة لأحد.
ختاما اقول ان سن القوانين التى تمنع دخول العمال الاجانب و التعامل مع هذه المشكلة من وجهة نظر قانونية غير مجدى اطلاقا و قد يكون مضر اقتصاديا
الحل فى ان تقوم الدولة بدورها فى تغيير نظام التعليم العام والعالى و توجهاته لعكسها للصب فى رفد السوق بالحرفيين المهرة والعمال المدربين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: هشام المجمر)
|
Quote: الكلام العاطفى هناما بنفع
المشكلة هامة و يجب أن تعامل بجدية وعلمية
وكلام انو العامل السودانى امهر واحسن وكده ده كلام ماصحيح
لو شفت بس التشطيب البعملو العامل المصرى او المغربى او الهندى على اى عمارة تجد الفارق مذهل
القطاع الخاص لا يمكن اجباره على استخدام عمال اقل كفاءة او اقل انتاج بدعوى انهم سودانيون فالقطاع الخاص ليس مؤسسات خيرية
انه مجموعة مؤسسات خاصة تهدف اولا للربح وهذا طبيعة القطاع الخاص فى كل الدنيا وللأسف كل الدنيا اتجهت الآن نحو الخصخصة واعطاء القطاع الخاص الدور الاول فى التنمية وليس الحكومات
لذلك لكى نشغل العامل السودانى يجب ان يقتنع صاحب العمل بانه اجدر من الاجنبى |
اخ هشام بعد التحية هل تعلم ان كل شركات القطاع الخاص وما ندر من القطاع العام لها ميزانية
تدريب للعمال غير الاداريين ؟
ودعنى افرط فى الحديث عن القطاع الخاص قليلا ان ميزانية اى شركة من شركات القطاع الخاص
تتضمن ميزانية تدريب لعمالها او لموظفيها خصوصا وان كانت هذة الشركة تعلم انها تستثمر خارج حدودها
بل وهذا البند يعتبر اساسى فى حالة الاستثمار خارج حدودها وتضاف قيمتة الى قيمة تاسيس العمل فى
دراسة الجدوى ويستقطع من الارباح اى يعتبر مال لابد صرفة لتحقيق مكاسب ولمعرفتهم ان عامل
البلد المقصودة للاستثمار غير ملم باعمال وقوانين شركتهم لذا وجب تدريبة ولكن اين هذا البند
فى حديثنا هنا الان انة مقفول ولا احد يدرى اين هو وفى اعتقادى ان الشركات العاملة فى السودان
غفلتة بل واضافتة الى قيمة ارباحها لذا اطالب هيئة الاستثمار بتفعيل القوانين ومراقبة الشركات
المستثمرة فى السودان وحثها على العمل بة والا فقدت فرصتها الاستثمارية معنا
وتقبل احتراماتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
قال كمال عباس
"ماهي محاسن التوظيف والعمالة الخارجية وماهي عيوبها? وماهي سلبيات وإيجابيات
العمالة الوطنية ? وأيهما يحقق ربحا وفائدة ويساهم في نموالاقتصاد وفي تطور
الصناعة والزراعة وبقية حقول الانتاج.?"
ودي دايرة درس عصر؟؟؟ عمال أجنبية = عطالة محلية، وخلافا لعناصر الإنتاج الأخري (الرأسمال والأرض) فإن العمل هو أيضا بشر يأكلون ويشربون ويتناسلون، لا بتتبور ولا بتتخي في بنك. وبلاي ورونا أي تنمية أو تطور ذلك الذي يعطل المواطن (بما في العطالة من فلس وعجز وإحباط وفاقة وإحساس باللا أهمية) ويخدم الأجنبي.
لا توجد دولة علي ظهر الأرض فاتحها سوق العمل بمثل هذه الطريقة، حتي أكثر الدول إنفتاحا برضو عندها سياسات (مش سياسات تخديم بس، تدريب وتلمذه صناعية وحوافز للمخدمين ...ألخ). هل سمعتم بإستقالة وكيل وزارة العمل؟؟؟ وهل أثار ذلك قرون الإستشعار لديكم؟؟؟؟
ويا الباقر الحكاية بالعكس، ما دايرين عمالة سودانية عشان خايفين من النقابات ومن ثم (الإضراب العام) (من المضحك أن من يدعي ملكية أكتوبر، أكثر حاجة خايف منها...أكتوبر ثانية)
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
كل وجهات النظر المؤيدة لاستجلاب العمالة بتمثل وجهة نظر المستخدم ...
و زي ما من حق المستخدم انو يعين عمالة ماهرة رخيصة ..
برضو من حق السوداني انو يلقى وظيفة في بلدو توفر العيش الكريم ليهو ولي اولاده و من يعولهم ...
دا حقو على الدولة ...
هل تترك الدولة المستخدم مطلوق اليد كدا يجلب في عمالة تسرب العملات الصعبة للخارج و لا يستفيد السودان غير عمارة مستوية العمدان و ابتسامة يقدمها جرسون مستحمي و مريح ...
طيب ما العاطل (السوداني الكسلان دا) طال الزمن ام قصر حيبقى للدولة دي في حلقا و نبقى في بحوث و تشكيل لجان عشان يحلو ليهو مشكلتو ...
لماذا لا تفرض نسبة مثلاً 50% على الاقل عمالة سودانية لكل شركة تسعي على التراب السوداني ..اهو يتعلمو من العمالة المجلوبة النشاط و المهارة الطلعو ما عندنا ديل .. و لا شنو!
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
والله بتقولوا في كلام عجيب.... السوداني يتعلم من منو؟؟؟
عندنا سكة حديد (بمعاهد تعليمها) عمرها أكثر من مأئة عام، وبعيد تأسيسها بقليل كان الفنيون وسائقو القطارات والمهندسون سودانيين. في ستينات القرن الماضي أوفدت الخبرة السودانية لزامبيا لفتح السكة حديد هناك. الجامعات والمدارس ليها أكثر من مائة عام وكذلك البريد والنقل النهري. كان لديناأحسن نظام للمدارس الفنية في أفريقيا: كليات لفني الغابات والبريد والبرق والأشعة وفني الأسنان وفني البصريات والصحة وكليات للشرطة والسجون والجيش. المدارس الصناعية ومعاهد التدريب المهني من أيام الإستقلال، وكان لدينا المعهد الفني (بما فيه من كليات فنون وكليات مهنية ومدرسة مساحة وتجارة....) ومعاهد تدريب المعلمين، ومراكز لدراسات التنمية والإحصاء والترجمة ومراكز للعمل في جو حار ومعهد للموسيقي والمسرح ومعهد كمان للدراسات الأفريقية والأسيوية.
عندنا المناطق الصناعية عمرها أكثر من ستون عاما خرجت أجيال من الميكانيكية واللحامين والخراطين والسباكين. كنت أعمل في خط الأنانيب في السودان وكانت العمالة الفنية السودانية أحسن بعشرات المرات من الخبراء (الإنجليز) وهذه معلومة يعلمها العامة في السودان. كانوا قادرون علي إدارة مجهز بتكنولوجيا متطورة نسبيا في ذلك الوقت، ولا زالو يفعلون. مصانع النسيج تعمل بعمالة سودانية منذ خمسينات القرن الماضي، وكذلك مطاحن الغلال، ومصانع الحلويات والصابون.... وتطول القائمة.
ومغتربوا الخليج والسعودية ممكن يحكوا ليكم عن دور العمالة السودانية في نهضة الخيج.
مكنة السودانيين كسالي دي ما هي إلا دعاية مغرضة من بعض أصحاب شركات إستقدام العمالة من أعضاء المؤتمر الوطني.
إذا في حكومة حصادها بعد 20 عاما هو (العامل السوداني كسلان وما مؤهل) طيب قاعدين لشنو؟؟؟ يعني إذا ما قادرين تدربوا وتحفزوا العمالة المحلية حاكمين ومعذبين الناس في شنو؟
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Nasr)
|
اخ نصار بعد التحية هل تعلم ان كل شركات القطاع الخاص وما ندر من القطاع العام لها ميزانية
تدريب للعمال غير الاداريين والاداريين فى بعض الاحيان ؟
ودعنى افرط فى الحديث عن القطاع الخاص قليلا ان ميزانية اى شركة من شركات القطاع الخاص
تتضمن ميزانية تدريب لعمالها او لموظفيها خصوصا وان كانت هذة الشركة تعلم انها تستثمر خارج حدودها
بل وهذا البند يعتبر اساسى فى حالة الاستثمار خارج حدودها وتضاف قيمتة الى قيمة تاسيس العمل فى
دراسة الجدوى ويستقطع من الارباح اى يعتبر مال لابد صرفة لتحقيق مكاسب ولمعرفتهم ان عامل
البلد المقصودة للاستثمار غير ملم باعمال وقوانين شركتهم لذا وجب تدريبة ولكن اين هذا البند
فى حديثنا هنا الان انة مقفول ولا احد يدرى اين هو وفى اعتقادى ان الشركات العاملة فى السودان
غفلتة بل واضافتة الى قيمة ارباحها لذا اطالب هيئة الاستثمار بتفعيل القوانين ومراقبة الشركات
المستثمرة فى السودان وحثها على العمل بة والا فقدت فرصتها الاستثمارية معنا
وتقبل احتراماتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الأخوة المتداخلين .
ما خليتوا لينا شيتاً نقوله ..
نعم للإستفادة من خبرات وإنضباط العمالة الوافدة ..
نعم لبرامج التدريب اللي يفترض في الدولة تبنيها بجدية ..
نعم لإستجلاب الآلة والتقنية الضرورية والإستفادة منها للإرتقاء النوعي بالأعمال المنفذة ..
فما يزال المقاول السوداني يستخدم أخشاب قديمة وملولوة كسقالات وكفريمات يصب عليها الخرصانة ...
عشان كده الصبة تطلع مكلوجة ومكرشة ..
وبالتالي العمارة كلها تطلع عاملة كيف كيف ..!
ولما تسأله يقول ليك بتجي في البياض ...!!
ليه ما تجي في الصب وفي البناء زااتو ..!؟!؟!؟!
هذا نموذج ..
النموذج التاني المتعلق بالنظافة وحسن الضيافة وإحترام الزبون ..
ده ما أظن داير شرح لأننا بنعترف أننا ما عندنا الأفق الجمالي ولا الضيافي ونفتقد لأبسط قواعد اللباقة والذوق والتواضع وإحترام الوظيفة ...!
وده زاتو ما كنت أنا كاتب المقال لأعرفه لولا إحتكاكي بالعمالة والموظفين من جنسيات أخرى ...
العامل السوداني محتاج قرصة ودان زي الحاصلة دي عشان يعرف قيمة العمل وقيمة الزمن والإنضباط ..
وده ما كان حيعرفه لولا ضاقت عليه السبل ..
العامل السوداني برضو محتاج أن يعمل بمقابل مجزي لأن المقابل يشكل جزء أساسي من الدافع والباعث على الإجتهاد والإنضباط ..
يجب على الدولة وضع سياسات تخطيط القوى البشرية والتدريب المستمر نصب عينيها ..
وأن تنتهج نهج الإبدال للوظائف متى نما توفر التدريب لكوادرها الوطنية ...
الموضوع مهم وذو أبعاد متعددة وموازنات
تشكر يا هشام على البوست القيم وعلى غيرتك على كل ما هو سوداني والتي عبرت عنها بالعنصرية ...
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: عثمان دغيس)
|
Quote: تشكر يا هشام على البوست القيم وعلى غيرتك على كل ما هو سوداني والتي عبرت عنها بالعنصرية ...
|
الاخ عثمان
لا بل انا الذى يتوجب على شكركم لانكم بادلتم بعضكم البعض بالحوار ووالحلول وكل ما شابة ذلك
ودمتم جميعا
تحياتى
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الاخت سمارت سلام
تعرفي اختلافي معاك فى تثبيتك للفهم المطلق من حيث وجود العمالة
الاجنبية بالشكل الكبير والمسيطر دا
عندي ليك مقارنة بسيطة لمحتها فى جنوب افريقيا بعد تحررها من الحكم
العنصري كان هنالك تحدي كبير جدا امام حكومتها الوطنية فانها استطاعت
ان تبقى على معظم الخبرات فى مراكزهم من البيض. وطبعا الكثيرين كان
بعتقدو انو مستحيل يجي يوم ويجي الافريقي البسيط دا ويتمكن من ادارة
المنشاءات الضخمة ويحافظ على البنية التحتية الهائلة دي. قبل فترة كنت فى زيارة
لكيب تاون وجوهانسبرغ وتفجاة بالكم الهائل من المواطنيين الاصليين متواجديين
على مستويات ادارية ومهنية داخل المطارات الكبيرة وكذلك فى الدوائر الحكومية
الناس دي نجحت بسرعة لانو عندهم حكومة حريصة على رفع المستوى التأهيلي للمواطن
قبل المكاسب الربحية.
وطبعا التحدى بتاعهم كان اكبر من بتاعنا دا ورغم ذلك نجحوا وفي فترة تعتبر
قصيرة جدا. نجحوا لانو كان فى موازنة من قبل حكومتهم ما كانت مفكوكه كده ساي زي
ما بتعمل حكومة البشير ومستثمرين السودان.
صدقيني يا اسمارت السوداني كان زمان بدلع صاح لكن والله اسي اضغط ولعلمك دلع السوداني
دا ما كان بس فى السودان حتى فى الخارج لكن الريزم بتاع الحياة فرض عليهو ايقاع
عملي شديد فتلقائيا انضبط. المسألة كلها عبارة عن موازنة لا علي حساب المستثمر ولا
على حساب المواطن الحكومة تضع نسبة للتوظيف وقوانيين تلزم بيها القطاع الخاص والعام
يعني قوانيين تحمي الطرفين والبقصر سوا كان المواطن او الشركة يطبق عيهو القانون
وطبعا لازم يكون صارم على الطرفين كمان عشان ما يعتقد المواطن انو وظيفته محمية
من قبل الدولة زي ما حاصل هنا فى السعودية!!!!!!!
يعني اتاحة مبدأ الفرصة فى ظل موازنة لاتضر بأي من الطرفين. دا البضمن لينا اننا
نرتقي ونتطور على مستوى كل القطاعات ادارية و مهنية وااكد ليك اقتصادية كمان.
المسئول الاول والاخير حكومــــــــــــــــــــة البشير دا شغلهم ودا واجبهم
يا هشام امين شايفك ما وقفت فى تعليق كوستاوي ليه؟؟؟؟؟؟
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
الأخ هشام والإخوة/ت المتداخلين حفظهم الله
الموضوع مهم جداَ نشكر الأخ هشام على إثارته .
كان لدينا هنا فى السعودية مدير عام سورى ،، والشركة التى يعمل بها شركة صناعات غذائية وتوزيع ،، جميع مناديب المبيعات لديه ( حوالى 25 مندوب ) من الجنسيات المصرية واللبنانية ،، فسألته عن سر ذلك ولماذا لا يوظف سوريين وسودانيين وخلافهم ،، قال : وأنا بدروى أسألك سؤال : هل فى سورى والله سودانى شاب بيسافر فى إجازاته المدرسية أو الجامعية لأوربا أو أمريكيا أو لأية دولة للعمل والأحتكاك وأكتساب خبرات وجمع مصاريفه الخاصة وتعلم لغات أجنبية ؟؟ قلت له لا طبعاَ ،، عندها قال المصرى واللبنانى يفعلون ذلك لذا تجدهم يجيدون التعامل مع الآخر بمهنية عالية:
أول درس : ينقصنا الإحتكاك مع الآخر .
ثانى درس : عدم الإهتمام بإكتساب خبرات أو لغات ( إلا مؤخراَ )
ثالث درس : التخوف من المغامرة وإقتحام المجهول .
رابع درس : التقوقع فى محيطنا المألوف وعدم قبول أى تغيير .
لذا فإننى أتفق مع كثير من الآراء المطروحة هنا والتى تقول بأننا سنستفيد قطعاَ من الوجود الأجنبى ،، حيث أن خياراتنا هى كالآتى :
- إما القبول بالأمر الواقع والمكوث فى منازلنا ونحن نتحسر على أيامنا الخوالى ( الخمول الإرادى )
- أو الإضطرار فى محاكاة العمالة الإجنبية فى جميع أعمالهم حتى تقوم بإلتزاماتك تجاه نفسك وأهلك وبالتالى تجاه بلدك ( التغيير نحو الأفضل وأكتساب خبرات جديدة )
مع خالص شكرى وتقديرى للجميع ،،
ماهر
| |
|
|
|
|
|
|
| |
Hisham Amin
نوسة
smart_ana2001
Tragie Mustafa
حمد فتح الرحمن
Kostawi
Elbagir Osman
عبدالرازق نقد
Fadl Karrar
ناذر محمد الخليفة
Mohamed Suleiman
هضيبي علي سعيد
ALazhary2
عبدالكريم الامين احمد
خالد حاكم
kamalabas
فارس موسى
Abdelmuhsin Said
محمد البشرى الخضر
Abu Mariam
ابوعبيدة حسن محمد
Munir
El hadi A.bashir
يوسف الولى
الطيب رحمه قريمان
Ashraf El Bagir
هشام المجمر
مجدى محمد مصطفى
Nasr
alsngaq
فيس بوك
تويتر
انستقرام
يوتيوب
بنتيريست