|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: haleem)
|
سبحان الله... شاعر وصحفى وإعلامى كبيييييييييييييييييييييييير جدا إنت ياخ!!! أكبر من اللازم زاتو,,,
وأرجع شوية لي وراء...
نانسى وقصة التلفون وعلاقتك بأسرة المرحوم!!!!!!!!! قنصلية السودان وإتهامك للناس بالباطل ونشره هنا!!!!! والله أنا قايل بكرى قام بالواجب !!!!!!!!!!!! ياخ أنا كان محلك برااااااااااااى تانى ما بجى هنا!!!
ياخ رفقا بنا وأعصابنا وعقولنا,,,, وحاول لما تجى المرة الجاية تجيب معاك كلام مفيد,,,
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: محمد الامين احمد)
|
سادتي الكرام : الآن الى مضابط الحوار :
أولا مرحبا بك أخت (ندى ) وأنت في دبي .. أهلا بيك أخ خضر .. وأنا جد سعيدة الليلة بى زيارتك ومعرفتك ..وأتمنى أن يكو لقاء صريح - كماأتفقنا- وخفيف على الناس .
دعينا في المبتدأ نعرف من هي (ندى القلعة) ؟ أسمي ( ندى محمدعثمان حامد حسنين) من مواليد(حي الزهور ) بالخرطوم في 1/2/1975م .. يعني عمرى حسه 32 سمنة.. أمي - من جهة والدتها- حنيكابية شايقية من جزيرة (مساوي) بالمديرية الشمالية .. ومن ناحية أبوها من ( الحلاوين ) .. أما والدي فهو من الخرطوم بحري ( حلة حمد ) .. متزوجة وأم لولد ( وائل ) عمره الآن 14 سنة وبنت ( ود) وعمرها 9 سنوات .
وأعتقد أنك تزوجت أكثر من مرة .. نعم تزوجت مرتين : الأولى من أبو وائل (وليد محمدأحمد حجازي ) .. وحاليا من والد صغيرتي ( ود) وهو(أحمد محمد أحمد الفكي ).
ولماذا أنت في دبي ؟ والله أنا عادة بقضي اجازة أولادي المدرسية في ( الامارات ).. كنوع من التغيير أولا ثم بعمل فحوصات طبية دورية شاملة ..وأنت عارف نحن الفنانين الواحد فينا يحتاج لمراجعات زي دي.. وقدأجريت عملية جيوب أنفية في المستشفى الأميركي في ( دبي ) وأناالآن الحمدلله تمام .
وليه أنتي دائما محوراهتمام الكثيرين .. يعني صورك الفي الموبايل الاتوزعت وماشابه ..وانت متابعة طبعا كل ذلك ؟؟ ماهو تعليقك ؟. أنا في الحقيقة بلوم الناس في حاجة واحدة : وهي انهالا تحاول أن تعرف الحقيقة أولا .. ويقوموا يشيلو أقرب طرف خيط وهاك ياكلام !!! فطبعا الواحد من الصعب معرفة الانسان اذا انت ما كنت قريب منو فعلا ..وبالطريقة دي يمكنك - بعد داك - معرفة الحقيقة .. وأنا - والله ياأخ خضر - اتطلمت كتير في الدنيا دي ومن ناس كتيرين .. ولكني - في النهاية - أحمد الله ربنا مديني ثقة كبيرة في نفسي والدليل انو ما اهتزيت أبدا ولا ضعفت في كل الحملات الشرسة المرت علي ناس وصحافة وغيرهم ..لاني كنت عارفة انو ربنا منحني القوة وهو يعلم تماما أنو أنا مظلومة ..وأنا - بصراحة - الحكاية دي مافارقة معاي لانو - في النهاية - ما عندي شي يخليني أخاف مثلا وعارفة نفسي أنا ( ندى القلعة ) بعمل في شنو .
من وين جات تسمية ( ندى القلعة ) ؟؟ ومن اختاره أصلا ؟. نسبة لمنطقة ( الكلاكلة القلعة) وفيها درست مرحلة من مراحلي الدراسية واتزوجت فيها ( أبو وائل ) وعشت سنوات هناك وعندي معارف وجيران أحباب ..وبالمناسبة بحبها شديد .. و( ندى القلعة) دي أطلقها علي سكانها ولم أختاره أنا .. وفعلا كانت بداية انطلاقتي الأولى هناك .
وماهي علاقتك باتحاد الفنانين ؟؟ ومن هو أقربهم اليك ؟. أقربهم الى هو الاخ الفنان ( كمال ترباس ) والأخ ( عاصم البنا) و( حسين شندي ) ..وعموما علاقتي طيبة شديد مع الكل ولا عداء لي مع أي زميل فنان . أما اتحاد الفنانين فقد كان من المفترض أن انضم اليه منذ فترة .. وقد وجدت ترحيبا كبيرا من الأخ الأستاذ الكبير (حمد الريح) وبعده - كمان في الاتحاد - الاخ ( عبدالقادر سالم) .. بس ظروف انشغالي حالت دون متابعة الموضوع .. والأخ ( عبدالقادر سالم) آخر مرة اتكلم معاي وقال لي يا( ندى ) انتي بالفعل مستوفية كل شروط العضوية من أعمال خاصة وشهرة وجمهور وأشرطة وما شابه.
وهل انت حريصة فعلا على الانضمام لهذا الاتحاد ؟. أكيد ..أكيدطبعا .
ماذا أضافت ( ندى القلعة) للساحة الفنية السودانية ؟ ومن هي - ياترى - المنافسة لك من المطربات هناك ؟. أنا - بصراحة - لحدي الآن ما شايفة نفسي أضفت حاجة .. ومازلت بطمح في الكتير الكتير .. والفنان بمجرد ما يحس انو وصل خلاص معناها دي نهايتو .. والفن دا بحرعريض ماعندو حد.. وحكاية منافسة لي دي حاجة ما بحددها أنا وانما الجمهور .. ولكن أنا واثقة من البعمل فيهو وبقدمو بكل اخلاص ومن جواي .
طيب اذا سألتك بصراحة عن رأيك في المطربات : حنان بلوبلو : والله يعني أنا بعترف انو ليها بصماتها خاصة في أغاني البنات ..والحق يقال . أسرار بابكر : صوتها جميل ومميز وأنا بحبو جدا . سمية حسن : طبعا بحبها شديد ..وهي فيهاحاجات مني خاصة أغاني الحماسة وهي تجيدها بصورة رائعة جدا ..و( سمية ) بالنسبة لي فهي استاذة . عافية حسن : ما أكذب عليك ما سمعت ليهاكتير . نانسي عجاج : حتى الآن لم أسمعها أبدا .. ولكن سمعت بيها كاسم فقط . سميرة دنيا : دي ماشاءالله عليها .. صوت متفرد .. ولا يختلف حولهااتنين في رأيي .
سؤال شخصي - لو سمحتي لي - من يملك قلب ( ندى القلعة) اليوم ؟ . والله - وبكل صراحة - أولادي ( وائل) و (ود) .
وماذا يعني الحب لديك ؟. أنا واحدة من الناس عشت الحب .. وسعيدة بذلك ..ووسط أسرتي حب كبير.. وبشوف أنو لا حياة من دون حب.. والانسان من غير حب لا يساوي حاجة ويكون دمية ولكن في شكل انسان .. وأعتقد أنو الحب مهم في حياة كل الناس ولازم تحب بعضها .
ما أحدث ألبوم غنائي لك ؟؟ ..وما آخر أغنياتك ؟؟. ( اتفقنا)هو عنوان آخر البوماتي ..وهي قصيدة من كلمات الشاعر الدكتور (صلاح شادول) وألحان عبداللطيف خضر (ودالحاوي) ..يقول مطلعها :
ما علينا .. ما علينا مهما الناس يقولو ريدنا ما بنفك طريقو..ومابنخلي عزول يطولو
وهناك أغنيات من كلمات ( هيثم عباس ) وهو أكثر شاعر اتعاملت معاه وأثر فيني من خلال أعمالو .. وكمان هناك الشاعر الدكتور ( علي الكوباني ) .. وقدخرج هذاالألبوم للناس ووجد قبول شديد والحمدلله .
وماذا عن التلفزيون .. وتحديدا ( الفيديو كليب ) ؟ فكرت كتير - بصراحة- في ( فيديو كليب ) ولكن عايزة أعملو بطريقة ترضيني أولا ثم جمهوري ..وماعايزاه يكون حاجة تقليدية .
*****************************************
وغدا نواصل باذن الله تعالى .. مع خالص ودي للجميع .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: خضر عطا المنان)
|
Quote: أسئلة جريئة/ملحة من جانبي |
صاح ..اسئلتك غير تقليدية يا الحبيب.. نار منقد عدييييييييييييييييل ولولا أمطار هذاالصباح لحرقت الأثير وقضت على كل الاسافير ومنابرها كدى واصل الجرأة دى وأسألها باسم هذاالشعب الطيب:- بتفطرى بي شنو ..؟؟ عطرك المفضل ..؟؟ بتتكوفرى وين ..؟؟ جزمتك مقاس كم ..؟؟ وهكذا .. مثل هذه الأسئلة الشجاعة والمسؤولة كماتعلم ياعزيزي تسهم كثيرا في مسيرة تطوير الفن في بلادي وكذلك ترسخ في العالم مفاهيم حقوق الانسان وكدة .. وفقك الله
ود البشرى .. ازيك ياخى سمعت حوار القناة الهندية الكانت قبل شويةمع الممثلة ميتاشانسليتا..؟؟
المذيع سألها اول حاجة بتعمليها شنو لمن تقومى الصباح ..؟ قالتلو :- استحمى وأشيل حقي وبامشي بيتنا ..!!
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: هشام مدنى)
|
Quote: الجميع خالص التحايا
ربما الأخ خضر اخطأ او تسرع فى ذاك البوست المقصود
لكن هذا لا يعنى ان يكون الهجوم عليه بهذه الطريقة
تحياتى لك اخى الكريم د/بله موسي
هشام مدني |
أبدا أخي هشام انا لم اخطئ أبدا لا في هذا البوست وذلك الذي تقصده .. وأنت تعرفني تماما كما
ازعم ولكن ليس لذلك موضع من الاعراب هنا .. واذا أراد هؤلاء سماع الحقيقة كاملة حول الأمر عليهم فتح
بوست خاص وسأوضح لهم هناك التفاصيل .. حيث هنا الموضوع (مطربة ظاهرة ) شغلت الناس قبلوا بها
أو رفضوها !!!.
أما أذا أردت تعرف سر هذا الهجوم غير المبرر فعليك باعادة قرْاءة المقدمة ياسيدي .. انها النار
التي اشتعلت في ثيابهم فاستيقظوا !!!.
لك وللاسرة الكريمة سلامي خالصا .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: خضر عطا المنان)
|
هل هي ظاهرة بالفعل تستحق الوقوف عندها وتأملها ؟؟ لي بتين حنقيف نحنا ياخي؟؟؟ عشرة عشرين مليون خورتومية سنة؟ ويأبى الا أن يدجن الكل ترهييا أو ترغيبا؟؟ والله بيضت بينا عديل كدة. ألا ليت ذهبا يا مولاي!! ونعق في أركانه البوم وبقي بأرضه بغاث الطير وهجرته - منذ سنين - عصافير الفن والمحبة والسلام والاطمئنان ؟؟ إستمنـــــــــــــــــــــــــــــــاء بحت قيل عنها ما تعجز صحائف الدنياعن حمله المعنى؟ أعتقد أنك وبحسب الـ CET قصدت صفايح!! لكن فعايل الكيبورد خلتك تنزل للركن الشمالي الأسفل فيه (مسألة فقهية قد تحسم بالشرح) للهمزة على شنو كدة ما عارف حنان بلوبلو / سميرة دنيا/ سمية حسن / أسرار بابكر / عافية حسن / نانسي عجاج سميرة دنيا صوتا إمتداد حقيقي للفلاتية وأم بلينة وكل الستات العظام مش مشروخات الزمن ده والزولة دي بالذات الوحيدة اللانطت في جريدة ولا نقنقت ولا إشترت واحد يكتب ليها وما بتلقاها في القنوات الهبطرش طرشرش دي وببساطة كدة زولة صوتا بدخل فيك أي حتة زاتو. كم واحد عندو ليها شريط ولا غنية؟ كدي ارفعو يدكم؟ أها عدهم يا مان؟ بالغت لكن يا حبيب اسمعني .... قوم نوم بلا لاغوس ولا فيغاس فيغ فاغ فاس
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: سيف النصر محي الدين محمد أحمد)
|
أخي العزيز خضر عطاالمنان,,
الأخوة الأفاضل المختلفون مع خضر ووصفوه بالكاذب ,,!
لكم أبث و أجمل التحايا و الإحترام ...
يروي الشبلي أنه رأى الحلاج في منامه بعد أن قتل فقال له:
( ما فعل الله بك يا حلاج! فرد عليه الحلاج:
( قد غفر الله لكلتا الطائفتن .. المشفقين على والمعادين لي ..!
فأما من أشفق على فلأنه عرفني .. فأشفق على الله .. و أما من عاداني
فأنه لم يعرفني فعادني لله إيضآ .. فتلك الطائفتين معذورتين).
والذين يعادون خضر عطاالمنان في هذا البوست فأنهم لم يعرفوه ووصفوه بالكذب لأنه لم يتحر خبر القنصلية السودانية بدبي..!
ولقد كذب المسؤلون السودانيون في شتى المواقف .. ولقد تابعت في هذا المنبر و عرغت الكثير من أكاذيب الأخبار و مدجنيها..!! رأيت كذب مدير البوليس وهو يجرم متهمي الحركة الشعبية و المؤتمر السوداني و مؤتمر الطلاب المستقلين في مقتل طالب المؤتمر الوطني بجامعة النيلين..!
ولقد برأ القضاء الكثير من المتهمين في تلك القضية ولم يجد لهم بينة تدينهم !! ولقد وقعت في نفس الخطأ حينما أشار ألى أحدهم عام 2006 حينما عاد من السودان آنذاك ألى أميركا من إجازته السنوية بأن أسعار اللحوم قد إرتفعت إلى 30 ألف جنيه لكيلو الضأن و 25 ألف جنيه لكيلو العجالي و 20 ألف جنيه لكيلو البقر.. وسارعت بتنزيل ما أورده ذلك القادم من معلومات وردت على ذمته في منبر سودانيزأونلاين عن إرتفاع غلاء اللحوم وطالبت بإيقاف التصديرللحوم السودانية..! و لم تمر 24 ساعة من إنزال البوست حتى علمت بأن الأرقام التي نشرتها بخصوص أسعار اللحوم والتي أمدني بها ذاك العائد من إجازته لم تكن صحيحة..! الأمر الذي جعلني أن أعتذر لقراء المنبر الحر و شطب البوست بواسطتي لا بصاحب الموقع..
اعزائي .. أنا أقرأ للأستاذ خضر عطاالمنان في هذا المنبر منذ وقت طويل ولقد عرفته داعية لحقوق الإنسان السوداني سواء أكان في لبنان أو مصر أو سوريا أو هولندا أو بداخل مدن السودان المختلفة منذ مذابح الجنوب و مجذرة بورتسودان في 29 يناير 2005 .. تجاوزات الإنسان السوداني وقدرته على تجاوز المحن و البلاءات.. ولقد إمتعضت حقيقة لؤلائك الذين وصفوا الأستاذ خضر عطاالمنان بالكاذب لمجرد أنه أنزل خبرآ بحاسته الصحفية أملوهوا عليه من كان يحسبهم مصدر ثقة له.. فلقد صدق هو وكذب أولئك الموعوذون له بالنشر..
أخي العزيز الأستاذخضر عطاالمنان.. وأعلم أنك كنت تحتفظ بصرة مليئة بتراب الأرض السودانية في شقتك بإحدي المدن الأوروبية .. أرسلتها لك والدتك العزيزة بعد أن طلبت منك ماذا تشتهي من السودان حتى يرسلوه لك?
ولكنك لم تطلب منها سوا ( صرة من طين النيل) تراب الأرض حتى تستنشقها لتنام وضاء الجبين مرتاح النفس.. وأقول لمن وصفوك بالكذب بأنهم لم يتحروا الدقة بهذا الوصف فلقد كانوا غيورون للحقيقة ولكنهم لم يدرو أنهم حالوا ذبح ذالك الشخص الشفيف الجميل والشاعر الأديب و الحقوقي النبيل.. و كتب الراحل معين بسيسو:
( لم يعرفوني من الظلال التي تمتص لوني بجواز السفر., وكل ما عرفوه معرض لسائح يهوى جمع الصور لا تجعلوني شاحبآ كالقمر)
سادتي لا تجعلوا خضرآ شاحبآ ..
و من كان منكم بلا خطيئة فليقذفه بحجر...
أرجوا أن تواصل اللقاء مع المغنية ندى القلعة
أخوك / نجيلة أريزونا
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: malamih)
|
Quote: والذين يعادون خضر عطاالمنان في هذا البوست فأنهم لم يعرفوه ووصفوه بالكذب لأنه لم يتحر خبر القنصلية السودانية بدبي..!
ولقد كذب المسؤلون السودانيون في شتى المواقف .. ولقد تابعت في هذا المنبر و عرغت الكثير من أكاذيب الأخبار و مدجنيها..!! رأيت كذب مدير البوليس وهو يجرم متهمي الحركة الشعبية و المؤتمر السوداني و مؤتمر الطلاب المستقلين في مقتل طالب المؤتمر الوطني بجامعة النيلين..!
ولقد برأ القضاء الكثير من المتهمين في تلك القضية ولم يجد لهم بينة تدينهم !! ولقد وقعت في نفس الخطأ حينما أشار ألى أحدهم عام 2006 حينما عاد من السودان آنذاك ألى أميركا من إجازته السنوية بأن أسعار اللحوم قدإرتفعت إلى 30 ألف جنيه لكيلو الضأن و 25 ألف جنيه لكيلو العجالي و 20 ألف جنيه لكيلو البقر.. وسارعت بتنزيل ما أورده ذلك القادم من معلومات وردت على ذمته في منبر سودانيزأونلاين عن إرتفاع غلاء اللحوم وطالبت بإيقاف التصديرللحوم السودانية..! و لم تمر 24 ساعة من إنزال البوست حتى علمت بأن الأرقام التي نشرتها بخصوص أسعار اللحوم والتي أمدني بها ذاك العائد من إجازته لم تكن صحيحة..! الأمر الذي جعلني أن أعتذر لقراء المنبر الحر و شطب البوست بواسطتي لا بصاحب الموقع..
اعزائي .. أنا أقرأ للأستاذ خضر عطاالمنان في هذا المنبر منذ وقت طويل ولقد عرفته داعية لحقوق الإنسان السوداني سواء أكان في لبنان أو مصر أو سوريا أو هولندا أو بداخل مدن السودان المختلفة منذ مذابح الجنوب و مجذرة بورتسودان في 29 يناير 2005 .. تجاوزات الإنسان السوداني وقدرته على تجاوز المحن و البلاءات.. ولقد إمتعضت حقيقة لؤلائك الذين وصفوا الأستاذ خضر عطاالمنان بالكاذب لمجرد أنه أنزل خبرآ بحاسته الصحفية أملوهوا عليه من كان يحسبهم مصدر ثقة له.. فلقد صدق هو وكذب أولئك الموعوذون له بالنشر..
أخي العزيز الأستاذخضر عطاالمنان.. وأعلم أنك كنت تحتفظ بصرة مليئة بتراب الأرض السودانية في شقتك بإحدي المدن الأوروبية .. أرسلتها لك والدتك العزيزة بعد أن طلبت منك ماذا تشتهي من السودان حتى يرسلوه لك?
ولكنك لم تطلب منها سوا ( صرة من طين النيل) تراب الأرض حتى تستنشقها لتنام وضاء الجبين مرتاح النفس.. وأقول لمن وصفوك بالكذب بأنهم لم يتحروا الدقة بهذا الوصف فلقد كانوا غيورون للحقيقة ولكنهم لم يدرو أنهم حالوا ذبح ذالك الشخص الشفيف الجميل والشاعر الأديب و الحقوقي النبيل.. و كتب الراحل معين بسيسو:
( لم يعرفوني من الظلال التي تمتص لوني بجواز السفر., وكل ما عرفوه معرض لسائح يهوى جمع الصور لا تجعلوني شاحبآ كالقمر)
سادتي لا تجعلوا خضرآ شاحبآ .. و من كان منكم بلا خطيئة فليقذفه بحجر...
أرجوا أن تواصل اللقاء مع المغنية ندى القلعة
أخوك / نجيلة أريزونا |
حبيبنا الغالي : عادل نجلية
هذه شهادة حق أفخر بها أن تأتي من رجل يعرفني وأعرفه .. رجل تابع مسيرتي الصحفية منذ سنين .. خاصة وأنها - أي هذه الشهادة - تاتي من ابن علم أعتز به وأستاذ أفخر بأني قد طالعت كتاباته منذ أن تعلمت القراءة والكتابة .. علمنا الراحل الخالد أبدا ( حسن نجيلة ) وما ( ذكرياتي في البادية ) الا مصداقا لما لأقول .. شهادة هي وحدها كافية للرد على هذه ( الشلة مجهولة الهوية!!) ..
ولن أكون يوما شاحبا - ياسيدي - طالما يقف معي أمثالكم ومن من هم في مقامكم.. وانك تعلم أني لمثل ما ذكرت أنت هنا قد نذرت قلمي وروحي معا.. ودفعت ثمن ذلك عن قناعة واقتناع .. واني لها ياحبيب .
لك منى التجلة وللأسرة الكر يمة خالص تحياتي .. وتقبلوا سلام أسرتي .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: abuguta)
|
ها ها ها ها يا أبوقوته ,, تضحك من جوه ,,
ياود ده شغل فوق البنفسجى ,, لسه عائز ليك زمن عشان تتعلموا ,,
ركز شويه ,, وبطل الخفه ,, وخليك زول عميق وتقيل ,,
أنت ود زول ماساهل ,, أبوك علمنا ودرسنا ,, ولحم أكتافنا ده من خيروا ,,
تحياتى للأستاذ الجليل بابكر قوته ,, مع كل الود ,,
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: ود المايقوما)
|
عندك وش تجي هنا تاني كمان ؟ والله الزول دا أكبر كضاب على وجهة الأرض وكمان عندو نفس يجي تاني هنا وبالذات الموضوع دا ناجروا من راسوا لا قابل ندي ولا حاجة كل ما في الموضوع انو ندي موجودة الآن في دبي واستقصي بعض المعلومات من هنا وهناك عن ندي وقام صوف على المنبر انو عندي لقاء وندي تفتح قلبها وعندي عندي وهاكم الدليل القاطع على دا اول حاجة الاسمو خدر دا جنو صور اها ويني صورك مع ندي القلعة . ثاني حاجة ما في أمراة بتديك عمرها الحقيقي مهما كان يعني انت يالفالح جايبو باليوم والشهر والسنة ما تطلع ليها جواز بعد كده ثالث حاجة مولودة في مدني رابع حاجة سموها ندي القلعة لانو كانت في حي القلعة في مدني جمب الدباغة ياخروف مش الكلاكلة القلعة وخامس حاجة مش ساكنة حي الزهور ساكنة جبرة وسادس حاجة وأهم حاجة لمن تجي ترجع بقولها ليك
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: ebrahim_ali)
|
أحبتي الكرام جميعا: سلام من دون حدود ..
نواصل الحوار مع هذه المطربة التي شغلت الناس كثيرا حتى عدها البعض (ظاهرة)بكل ما تحمل هذه الكلمة من معنى :
هل لك أي علاقات مع مطربات عربيات : مصريات مثلا أو لبنانيات أو خليجيات ؟ لا .. لا .. أبدا . بماذا تحلم ( ندى القلعة) في المستقبل كمطربة لها حضورها وجمهورها ؟ طموحي - بالذات كفنانة سودانية- أن أوصل أغنية بلدي الى أبعد مدى ممكن .. وزي ماعارف من الناحيةدي نحنا عندنا الهرم الكبير ( محمدوردي) والمرحوم ( سيد خليفة) و( الكابلي ) ديل خلوا العرب يعرفوا الكتير عن الفن السوداني .. ولكن - أنا كأمرأة - بحاول كمان أضع بصمتي في انتشار الأغنية السودانية في الدول العربية وبصورة المرأة السودانية بي شكلها المميز المعروف .
أنت - كمطربة - ما الذي يعجبك في الرجل السوداني عموماوما الذي لا يعجبك سواء كواحد من جمهورك أو معجبيك أو كزوج .. خاصة وانك دخلت تجربة الزواج مرتين ؟ انا عندي الرجل السوداني دا أفضل من أي راجل في العالم ممكن يلاقيني .. وأنا خارج السودان وسط الكتيرين منهم بحس وكأني قاعدة في بيتي وبين أخواني وأهلي .. وقد حصل في آخر حفلة لي بأبوظبي الاسبوع الماضي بمناسبة اليوبيل الفضي للمريخ .. واحد - يبدو أنو هلالابي _ انفعل واحتج وقام يعمل في شوشرة وكيف أنا أغني للمريخ ولا أغني للهلال ..وزي ما أنت عارف الواحد في مناسبة زي دي لازم يكون قومي .. المهم الراجل دا حاول يغلط معاي أثناء ما انا بغني .. هجموا عليهو كمية من الجمهور وطلعوه برة .. يعني الراجل السوداني وأنا كامرأة سودانية بحس جنبو بالأمان في أي مكان أصادفو فيهو حتى لو كان ما بعرفني شخصيا .. فيهو الطيبة والانسانية والشهامة .. ودي كلها حاجات ماممكن تلقاها في أي راجل في الدنيا.. وعشان كدا أنا ما بحس بى غربة محل ما أمشي .
هل سبق لك أن مثلت السودان في أي محفل دولي بصورة رسمية .. يعني من قبل الدولة ؟ . رسميا أبدا .. ولكن أنا بشوف تمثيل السودان هو ان تغني بالتوب السوداني المميز واللهجة السودانية في أي مكان خارج السودان حتى لو ما جيتا زائر بصورة رسمية من قبل الدولة.. وبالمناسبةرسميا كان جاتني كم فرصة ولكن ظروفي الأسرية لم تكن تسمح لي آنذلك .. فاعتذرت .
طيب ماهي الدول التي زرتينها حتى الآن ؟ مصر وقطر والأمارات ونيجيريا .
بمناسبة( نيجيريا) دي : ماهي حكاية حاكم الولاية النيجيري وسيارة ( اللكزس ) ؟؟ والوداك ( نيجيريا) أصلا شنو ؟ ياأخي الناس ديل معجبين أساسا بأغنيات ( ندى القعلة ) الحاكم دا وزوجته .. وقدموا لي الدعوة ...
لكن .. عفوا للمقاطعة : هم كيف عرفوك ووين سمعوك أصلا ؟ شافوني في التلفزيون وعندهم مجموعة من أشرطة الفيديو سجلوها من قناة النيل الازرق وكان عندي فيها سلسلة حلقات كانوا متابعنها .. وبعدين ولاية ( مايدوقري) دي في ( نيجيريا ) زي ( الخرطوم ) بالضبط يعني محل ما تتلفت تلقى وتسمع أغاني سودانيةما ( ندى القعلة ) بس .
أها .. وبعدين ؟ المهم رسلوا لي الدعوة .. رفضت في البداية .. لكن كمان لقيت انو ناس معجبين بى ( ندى القلعة) الزولة الفنانة السودانية وكدا .. وأنا حسيت انو من الظلم تحرم ناس زي ديل من فننا السوداني .. وطبعا أي فنان يتمنى يسافر برا ويقدم فن بلدو .
وكيف كان السفر الى ( نيجيريا) ؟ الحاكم رسل لي طائرة خاصة ومعاها دعوة لكل أفراد أسرتي : أمي وأختي وأولادي وأخوالي .. وسافرت عن طريف الامارات .. وصلت الولاية دي ووجدت ترحيبا حارا يفوق الوصف .. وهناك قدمت أريع حفلات .. دا كان عام 2006 .. وكانت حفلاتي مقتصرة على كبار رجالات الدولة في الحكومة النيجيرية وأعضاء السلك الدبلومسي والوزراء والوفود الرسمية الزائرة .. وكلهم مع أسرهم طبعا.. يعني كانت حفلات فوق العادة وكلها تمت في قصرالحاكم وزوجته وبحضور لكامل أفراد اسرتي المرافقين لي ..وشاركتني فنانة من جمهورية ( مالي ) اسمها ( أم سنكارا ) .. والحقيقة كان توبي السوداني محل اهتمام كبير للحضور واتجاوبوا مع أغنياتي بصورة ما ممكن تتخيلها . وأنا كان شلت معاي مجموعة هدايا للحاكم وأسرته : أشرطة فيديو باخر أغنياتي وكاسيت وسبحة من الصندل وقرن جاموس نادر مكتوب عليهو عبارة ( لا اله الا الله محمد رسول الله ) وجزع من شجر الابنوس به خريطة السودان وعلم السودان من النحاس عليه منقوش اهداء اليه .. وللزوجةعدة جبنة سودانية من الفضة الخالصة .. ودي كلها حاجات بتعكس ثقافتي أنا كسودانية .
ولكن ماذا عن سيارة ( اللكزس ) ؟ بعد ما خلصت حفلاتي وسافرت الى الامارات في طريقي للخرطوم .. هم كانوا عارفين لما اتصلوا علي أول مرة لدعوتي انو كنت نجوت من حادث حركة مروع انقلبت فيهو سيارتي خمس مرات .. والسيارة انتهت طبعا وأنا - وبعناية ربنا سبحانه وتعالى - خدشة ما حصلت لي .. كان عندهم مندوب حضر معانا للامارات واناطبعا ما سألتو جايي لى شنو .. وافتكرتو عندو حاجة في ( دبي ) ويرجع .. وبعدين فوجئت تاني يوم به يتصل علي في الشقة ويقول : ( يامدام لو سمحتي تقابلينا في شركة ( الفطيم ).. وأنا ذاتي - والله العظيم- ماعارفة ( الفطيم ) دي ذاتا شنو .. والمهم ركبت تاكسي ومعاي خالي وود خالتي ومشينا الشركة دي .. هناك كانت المفاجأة .. لقينا (الفطيم) دي شركة سيارات كبيرة .. وطوالي قال المندوب ومعاهو زوجته - وهي بالمناسبة بقارية ( يعني من البقارة ) تتكلم عربي - انهم عايزين يقدموا لي هدية .. وشرحت لي زوجته وقالت انتي سودانية وغنيتي لينا غنا جميل ورائع .. ورفيقتك ( ام سنكارا) ذاتها اخذت هديتها .. ولما أصروا قلت خلاص اختاروا انتوا .. وسبحان الله انا كنت أصلا مفكرة اشتري سيارة لانو سيارتي انتهت في الحادث .. لفتت نظري سيارة ( لكزس ) وقلت لى خالي يا ريت اشتري السيارة دي .. ضحك خالى وقال لي دي سيارة غالية جدا .. هكذا عموما ارادالله .. اتلفت المندوب النيجيري وقال لخالي باللغة الانكليزية اختار انت اذن مادام هي ماعايزة تختار .. وهكذا تمت المسألة .. وبالجد أنا في اللحظة ديك بكيت ياخضر .. ودي كان أكبر مفاجأة لي في حياتي الفنية .. دفعوا لي الجمارك بالكامل وسفروها السودان .. وأنا بفتكر الناس ديل ادوني السيارة دي مش لأنو انا ( ندى القلعة) وبس .. ولكن لاني مثلت السودان - من وجهة نظري - وهي بالتالي هدية للسودان كلو .. وعشان السودان وتوب السودان ولهجة السودان .
ثم ماذا عن شريط الفيديو المتداول وفيهو انتي وولدك والفلوس ؟؟ وان شاءالله تكوني شفتيهو انتي ؟ تضحك طويلا .. ثم تجيب :
ياخي والله دي حكاية عجيبة غريبة فعلا .. الشريط دا عيد ميلاد ولدي ( وائل ) القدامك دا .. في فندق ( شيراتون الخور ) في ( دبي ) دي ذاتها .. وانا طبعا من حقي أعزم الداير اعزموا من معارفي واصدقائي .... الخ .. وأنا في السودان بعرف شخصيات عامة كتيرة ليها وضعها ووزنها .. طيب اذا عندي مناسبة ما من حقي اعزم اي زول منهم ؟؟.. الناس - الله يسامحها - أساءت لي كتير بخصوص هذا الشربط وانا بشكرك كتير كتير يا أخ خضر انك سألتني السؤال دا عشان الناس تعرف الحقيقة .. وماعندي غير أقول ليهم ( حسبنا الله ونعم الوكيل .. حسبنا الله ونعم الوكيل ) .. وبعدين ياخضر لو أنا عايزة أعمل حاجة غلط مثلا هل يعقل أسوق معاي أسرتي مثلا أو أي واحد من اولادي ؟؟ ,انا زولة أم قبل كل شي وعندي اولاد مسؤولة منهم أمام الله قبل الناس .. وزي ماعارف مافي أصعب من يطعنوك في شرفك .. وأنا - من جوة قلبي - بقول لأي زول ظن فيني ظن سيئ ( أنا عافية ليكم دنيا وآخرة ) .. ولو كان زول واحد في الدنيا دي بتهمو سمعتي هو زوجي بالتأكيد .. زوجي مالو ؟ عوير واللا أهبل وللا ما بفهم واللا ما راجل ؟؟ الحمدلله والله راجل يكيل ويملا العين .. رجل محترم وليهو وضعو وليهو مكانتو .. ووقف معاي في احلك الظروف وبكل رجولة وشهامة وثبات وثقة .. وكل الشائعات دي ماهزت فيهو شعرة والله العظيم لانو عاشرني ويعرف من هي ( ندى القلعة) وأنا شايلة اسمو واسم عيالو .. وأنا جد سعيدة معاهو للغاية ودي نعمة من ربنا.
في الاطار دا ذاتو : نحنا شفنا صور خليعة ليك في الموبايل .. هل شفتيها؟؟ ورايك فيها شنو ؟ بشكرك كتير جدا على السؤال دا كمان .. أنا شفت الصور دي .. وفعلا قمت بمقاضاة صحيفة معروفة في السودان بخصوص الصور دي بالتحديد .. وفي النهاية - وبعد عامين من المتابعة - القانون - والحمدلله - أداني حقي وانصفني .. ولو كانت حقيقة ما كان القانون وقف معاي .
ياتو صحيفة دي ( أخت ندى ) ؟ لا .. مافي داعي !!!.
ليه ؟؟ .. أنا ما طلبت منك اسم الصحفي مثلا .. ولكن فقط اسم الصحيفة لو ممكن . اسمها ( الدار ) .. وكانت قضية تابعوها الكتير من السودانيين .. كانت حملة مشينة ضدي .. وحاول بعض الوسطاء التدخل للتنازل عن القضية .. ولكني رفضت تماما لانو كان لازم أبرئ ساحتي والا اصبحت حقيقة عند بعض الناس مريضة النفوس ولاني كنت واثقة من نفسي ..وانا لو ماكنت قوية - بارادة الله - كان انتهيت فعلا من شدة الحملة ديك .. وأنا ماكنت جارية وراء التعويض عشان محتاجة ليهو - لانو حتى دا مال حرام انا مابأكلو أولادي ..أنا كان اصراري على متابعة القضية للنهاية عشان كشف الحقيقة لكل الشعب السوداني الذي يحترمني كثيرا .. وكان لازم انتصر واحفظ الأوراق دي في خزنتي في البيت للدنيا والزمان .. عشان لمن يجي يوم راجل يدق الباب طالب يد بتي يكون راسها مرفوع مش منكسرة .. وكذلك الحال مع ولدي .. وما تنسى نحن في السودان مجتمع عمرو ما بنسى ليك الشينة مهما طال الزمن .
في موقع ( SUDANESEONLINE)دائما انتي موجودة .. هل بتشوفي الموقع دا أو حصل اطلعتي عليهو ؟ والله بشوفو من وقت لآخر .. وبطلع عليهو .
طيب : صديقنا ( سجيمان )كتب عنك كتبر هناك .. تقاطعني ضاحكة : ثم تقول : ( سجيمان ) دا الوحيد .......الخ
**********************************
غدا نواصل باذنه أحد .. مع خالص تحياتي وصادق أمنياتي للجميع .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: walid taha)
|
أخي العزيز خضر عطاالمنان,,
الأخوة الأفاضل المختلفون مع خضر ووصفوه بالكاذب ,,!
لكم أبث و أجمل التحايا و الإحترام ...
يروي الشبلي أنه رأى الحلاج في منامه بعد أن قتل فقال له:
( ما فعل الله بك يا حلاج! فرد عليه الحلاج:
( قد غفر الله لكلتا الطائفتن .. المشفقين على والمعادين لي ..!
فأما من أشفق على فلأنه عرفني .. فأشفق على الله .. و أما من عاداني
فأنه لم يعرفني فعادني لله إيضآ .. فتلك الطائفتين معذورتين).
والذين يعادون خضر عطاالمنان في هذا البوست فأنهم لم يعرفوه ووصفوه بالكذب لأنه لم يتحر خبر القنصلية السودانية بدبي..!
ولقد كذب المسؤلون السودانيون في شتى المواقف .. ولقد تابعت في هذا المنبر و عرغت الكثير من أكاذيب الأخبار و مدجنيها..!! رأيت كذب مدير البوليس وهو يجرم متهمي الحركة الشعبية و المؤتمر السوداني و مؤتمر الطلاب المستقلين في مقتل طالب المؤتمر الوطني بجامعة النيلين..!
ولقد برأ القضاء الكثير من المتهمين في تلك القضية ولم يجد لهم بينة تدينهم !! ولقد وقعت في نفس الخطأ حينما أشار ألى أحدهم عام 2006 حينما عاد من السودان آنذاك ألى أميركا من إجازته السنوية بأن أسعار اللحوم قد إرتفعت إلى 30 ألف جنيه لكيلو الضأن و 25 ألف جنيه لكيلو العجالي و 20 ألف جنيه لكيلو البقر.. وسارعت بتنزيل ما أورده ذلك القادم من معلومات وردت على ذمته في منبر سودانيزأونلاين عن إرتفاع غلاء اللحوم وطالبت بإيقاف التصديرللحوم السودانية..! و لم تمر 24 ساعة من إنزال البوست حتى علمت بأن الأرقام التي نشرتها بخصوص أسعار اللحوم والتي أمدني بها ذاك العائد من إجازته لم تكن صحيحة..! الأمر الذي جعلني أن أعتذر لقراء المنبر الحر و شطب البوست بواسطتي لا بصاحب الموقع..
اعزائي .. أنا أقرأ للأستاذ خضر عطاالمنان في هذا المنبر منذ وقت طويل ولقد عرفته داعية لحقوق الإنسان السوداني سواء أكان في لبنان أو مصر أو سوريا أو هولندا أو بداخل مدن السودان المختلفة منذ مذابح الجنوب و مجذرة بورتسودان في 29 يناير 2005 .. تجاوزات الإنسان السوداني وقدرته على تجاوز المحن و البلاءات.. ولقد إمتعضت حقيقة لؤلائك الذين وصفوا الأستاذ خضر عطاالمنان بالكاذب لمجرد أنه أنزل خبرآ بحاسته الصحفية أملوهوا عليه من كان يحسبهم مصدر ثقة له.. فلقد صدق هو وكذب أولئك الموعوذون له بالنشر..
أخي العزيز الأستاذخضر عطاالمنان.. وأعلم أنك كنت تحتفظ بصرة مليئة بتراب الأرض السودانية في شقتك بإحدي المدن الأوروبية .. أرسلتها لك والدتك العزيزة بعد أن طلبت منك ماذا تشتهي من السودان حتى يرسلوه لك?
ولكنك لم تطلب منها سوا ( صرة من طين النيل) تراب الأرض حتى تستنشقها لتنام وضاء الجبين مرتاح النفس.. وأقول لمن وصفوك بالكذب بأنهم لم يتحروا الدقة بهذا الوصف فلقد كانوا غيورون للحقيقة ولكنهم لم يدرو أنهم حالوا ذبح ذالك الشخص الشفيف الجميل والشاعر الأديب و الحقوقي النبيل.. و كتب الراحل معين بسيسو:
( لم يعرفوني من الظلال التي تمتص لوني بجواز السفر., وكل ما عرفوه معرض لسائح يهوى جمع الصور لا تجعلوني شاحبآ كالقمر)
سادتي لا تجعلوا خضرآ شاحبآ ..
و من كان منكم بلا خطيئة فليقذفه بحجر...
أرجوا أن تواصل اللقاء مع المغنية ندى القلعة
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: abcde)
|
Quote: صاح ..اسئلتك غير تقليدية يا الحبيب.. نار منقد عدييييييييييييييييل ولولا أمطار هذاالصباح لحرقت الأثير وقضت على كل الاسافير ومنابرها كدى واصل الجرأة دى وأسألها باسم هذاالشعب الطيب:- بتفطرى بي شنو ..؟؟ عطرك المفضل ..؟؟ بتتكوفرى وين ..؟؟ جزمتك مقاس كم ..؟؟ وهكذا .. مثل هذه الأسئلة الشجاعة والمسؤولة كماتعلم ياعزيزي تسهم كثيرا في مسيرة تطوير الفن في بلادي وكذلك ترسخ في العالم مفاهيم حقوق الانسان وكدة .. وفقك الله
|
الطاهر ساتي المجنون
واللهي يجازي محنك!
أوع تكون ماِشي لوردي بي نوع الأسئلة دي؟
واللهي يفلقك بي فرار (بتشديد الراء) وانا ما مسعول....
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: خضر عطا المنان)
|
قلت لي Quote: ثم ماذا عن شريط الفيديو المتداول وفيهو انتي وولدك والفلوس ؟؟ وان شاءالله تكوني شفتيهو انتي ؟ تضحك طويلا .. ثم تجيب :
ياخي والله دي حكاية عجيبة غريبة فعلا .. الشريط دا عيد ميلاد ولدي ( وائل ) القدامك دا .. في فندق ( شيراتون الخور ) في ( دبي ) دي ذاتها .. وانا طبعا من حقي أعزم الداير اعزموا من معارفي واصدقائي .... الخ .. وأنا في السودان بعرف شخصيات عامة كتيرة ليها وضعها ووزنها .. طيب اذا عندي مناسبة ما من حقي اعزم اي زول منهم ؟؟.. الناس - الله يسامحها - أساءت لي كتير بخصوص هذا الشربط وانا بشكرك كتير كتير يا أخ خضر انك سألتني السؤال دا عشان الناس تعرف الحقيقة .. وماعندي غير أقول ليهم ( حسبنا الله ونعم الوكيل .. حسبنا الله ونعم الوكيل ) .. وبعدين ياخضر لو أنا عايزة أعمل حاجة غلط مثلا هل يعقل أسوق معاي أسرتي مثلا أو أي واحد من اولادي ؟؟ ,انا زولة أم قبل كل شي وعندي اولاد مسؤولة منهم أمام الله قبل الناس .. وزي ماعارف مافي أصعب من يطعنوك في شرفك .. وأنا - من جوة قلبي - بقول لأي زول ظن فيني ظن سيئ ( أنا عافية ليكم دنيا وآخرة ) .. ولو كان زول واحد في الدنيا دي بتهمو سمعتي هو زوجي بالتأكيد .. زوجي مالو ؟ عوير واللا أهبل وللا ما بفهم واللا ما راجل ؟؟ الحمدلله والله راجل يكيل ويملا العين .. رجل محترم وليهو وضعو وليهو مكانتو .. ووقف معاي في احلك الظروف وبكل رجولة وشهامة وثبات وثقة .. وكل الشائعات دي ماهزت فيهو شعرة والله العظيم لانو عاشرني ويعرف من هي ( ندى القلعة) وأنا شايلة اسمو واسم عيالو .. وأنا جد سعيدة معاهو للغاية ودي نعمة من ربنا. |
اللي كان بيجدع الفلوس ده سوداني ؟؟ من معارفها ؟؟ شخصية عامة ؟؟ الكذب الكذب .. قاتل الله الكذب ..
Quote: في الاطار دا ذاتو : نحنا شفنا صور خليعة ليك في الموبايل .. هل شفتيها؟؟ ورايك فيها شنو ؟ بشكرك كتير جدا على السؤال دا كمان .. أنا شفت الصور دي .. وفعلا قمت بمقاضاة صحيفة معروفة في السودان بخصوص الصور دي بالتحديد .. وفي النهاية - وبعد عامين من المتابعة - القانون - والحمدلله - أداني حقي وانصفني .. ولو كانت حقيقة ما كان القانون وقف معاي . |
Quote: في الاطار دا ذاتو : نحنا شفنا صور خليعة ليك في الموبايل .. هل شفتيها؟؟ ورايك فيها شنو ؟ بشكرك كتير جدا على السؤال دا كمان .. أنا شفت الصور دي .. وفعلا قمت بمقاضاة صحيفة معروفة في السودان بخصوص الصور دي بالتحديد .. وفي النهاية - وبعد عامين من المتابعة - القانون - والحمدلله - أداني حقي وانصفني .. ولو كانت حقيقة ما كان القانون وقف معاي . |
و الصور الخليعة اللي في الموبايل دي ما جاوبت عليها يا مُعد اللقاء ؟
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: shammashi)
|
أحبتي الكرام أجمعين :
هذا هو الجزء الثالث والأخير من لقائي مع هذه المطربة التي شغلت الناس ردحا من الوقت ربما دون أن يسمعوا منها شخصيا وأكتفى الكثيرون بما يقرأؤونه عنها في الصحف أو مواقع الانترنت .. ولكني حاولت هنا جاهدا أن أجعلها تسمع صوتها - ولو عبر الكلمة ولكن على لسانها - للناس .. ولا أدري ان كانت هي مظلومة بالفعل أم أنه ثمن الشهرة !!! ولا أدري - بالطبع - كيف سيكون الحكم لها أم عليها بعد اكتمال هذه الحلقات وتقييم الأمر أنصافا للحق .. فأنا - والأمانة الصحفية تقتضي ذلك - لم أجرمها- فأنا لست بقاض بالطبع - كما أنني لم أبرئ ساحتها وأزعم أنني لست في موقع يسمح لي بذلك .. ولكني لا زلت أمسك بخيط الحياد أملا في أن يكون الحكم - في نهاية المطاف - للجمهور أو كل مر من هنا عضوا كان أو زائرا .. وما الاعلام عموما - والصحافة على وجه الخصوص -الا خادمة لرأي الشعب وباحثة عن الحقيقة أينما كانت .. والا أصبحت بوقا للتضليل كما هو الحال اليوم في سوداننا المنكوب بأهله لا بسواهم !! .
*************************************************
صديقنا ( سجيمان) كتب عنك كتير في موقع ( سودانيزأونلاين) .. تقاطعني ضاحكة .. ثم تقول : ( سحيمان) دا الوحيد الأنا بتكيف شديد لمن أقرأ ليهو تعليقاتو لذيذة .. وبقعد أضحك وأقول يا ريت الناس لما ينضغطوا في الحياة دي وتكتر همومهم يكونوا زي ( سجيمان) دا وكدا .. يعني مافي داعي لتجريح الناس والكلام الشين .. وعموما الناس بيحكموا على الواحد حسب كلامو .. والكلمة الغير مهذبة تعكس شخصية صاحبها ... عفوا للمقاطعة اخت ( ندى): يعني كدا بصراحة رأيك شنو في ( سجيمان ) دا ؟ تنفجر ضاحكة من جديد .. ثم تقول : هو قال انو أنا شاغلتو قبل كدا في سوق سعد قشرة .. وقال كمان أنا قاعدة في التلفزيون وكنت بشاغل فيهو .. وجد أنا لمن قريت الكلام دا كنت بضحك بس .. وبالمناسبة كتاباتها دمها خفيف وبتضحك الناس يعني . طيب : أنتي قريتي آخر ما كتبه عنك ؟ لا أبدا والله . هو كاتب عن ( قرد ندى القلعة) ... شنو حكايتك انتي بالجد مع القرود ؟ شوف : أنا طبعا هاجموني وقال ( ندى ) ما بتعرف تتكلم وكيف تقول أنها مربية قرد وتاكل فتة .. ودا أسلوب شنو ؟.. ودا كلام شنو ؟.......الخ . لكن أنا بقول ليك أنت أنو أنا انسانة بسيطة جدا .. وصادفة مع نفسي واهلي وزجي وجمهوري كلو .. والناس الهاجموني ديل عايزني أكون كذابة ومنافقة زي كتيرين ..وأكون مع جموري انسانية تانية غير حقيقتي يعني .. وبكل بساطة أنا ممكن الآن أقول أنا شهاداتي كدا ودرست كدا وتخرجت من جامعة كدا وأنا أهلي كدا ... الخ .. وانت ما يتعرفني خاصة أنو أنا عرفت أنك عايش براالسودان سنين طويلة .. وأناحقيقة ما بعرفك أبدا وما سمعت بيك الا هنا من خلال ناس كلموني عنك كلام طيب وانك صحفي معروف وحقاني عشان كدا أنا أديتم رقم الموبايل حقي وقلت ليهم خلوهو يتصل علي في أي وقت .. ووافقت أفتح ليك قلبي وأقول ليك الحقيقة كاملة وأجاوبك بكل صراحة .. وأنا بشكرك كتير وواثقة انك حتنقل ما سمعتو مني بكل أمانة.. مقاطعا : شكرا ليك على الاطراء .. ودا طبعا واجب اخلاقي ومهني .. اقصد الامانة في نقل الحقيقة. وتواصل حديثها : وأنا ما بحب الكذب ذاتو ..وبحب أكون صادقة مع جمهوري بالذات والناس البتحبني كلها.. ( ندى) البسيطة العادية في اليبت عايزة تكون كدا مع جمهورها في الشارع .. وما تنسى - أخ خضر- الزمن دا كمان زمنن كعب ضحكتك دي محسوبة عليك وبالذات انا مرأة .. ولا أنكر انا فعلا متحفظة شديد وعشان كدا في ناس يقولوا ليك ( ندى القلعة) دي مغرورة وتقيانة وشايفة روحها .. وأنا بقول ليهم لو احترام النفس غرور أنا أكبر مغرورة في السودان .. وزي ماعارف الناس ما كلها معدنها واحد .. ولا كل الناس بتفهم صاح .. ولا كل الناس نواياها واحدة . لكن ماقلتي لي حكاية القرد دي شنو ؟ والله أنا صحيح مربية قرد وكلبين - مع احترامي للجميع - وبشوف دي حيوانات والرسول صلى الله عليه وسلم أوصى بالرفق بالحيوان .. وكونو أنا أهتم بالحيوانات دا ماحرام .. وأنا بعتني بيها شديد والحمدلله .. وشايفة في رفقتها متعة وبحس بى راحة خاصة لمن اشعر أنو هناك تواصل روحي معاها ونوع من الوفاء ليها .. ودي هوايتي .. وأي زول في الدنيا دي عندو هواية . أخت (ندى ) هل جربتي تغني أي لون تاني غير السوداني : خليجي مثلا أو مصري أو لبناني ؟ أبدا .. ولا مفكرة أدخل تجرية زي دي .. وأنا عشان أصل للناس في الخارج لازم أصلهم بى حقي السوداني دا وبي حاجاتي أنا .. والمصري والخليجي واللبناني ما أحسن من فننا السوداني دا .. توبي وثقافتي ولهجتي .. عشان أي واحد لمن يشوفني في مسرح او تلفزيون يعرف أنو دي سودانية حتى لو ما بعرف اسمي..وبالمناسبة دي أنا ما بسمع أغاني عربية خالص . في أي نوع من الغناء تجدين نفسك : عاطفي أو حماسي ( فروسية) أو وطنية مثلا .....الخ ؟ أغاني الحماسة من دون شك . لماذا ؟ أنا بطبعي بحب الفروسية والشجاعة وبحب الراجل الفيهو مواصفات الرجولة .. ونحنا- ماشاءالله في السودان - عندنا فرسان كتار وتاريخنا مليان بالحاجات دي .. وانا كما أصلي ما بحب الراجل الحالو مايل . ماهو رأيك في أغاني البنات ؟ دا نوع قديم من الاغاني في السودان .. يعني من زمن الحكامات .. وشوية شوية تطورت .. وبعد ماكانت محصورة فقط وسط البنات وتعبرعن مشاكلهن وآمالهن بقت اليوم كلمة راقية وهادفة وممكن تتغنى في أي مكان في الحفلات العامة او بيوت الأعراس وغيرها. طيب : لو رجعنا قليلا للوراء وسألتك : ماهي الصعوبات التي واجهتك في بداية حياتك الفنية ؟ أكبر عقية كانت أمي - الله يطول في عمرها - أبدا ما قبلت حكاية أغني دي ..وكان رغبتها أن أواصل دراستي وأكون طبيبة .. ودا كان منى والدي برضو .. والوالد يعني برضو ما رضيان تماما كدا أنو أنا أدخل الوسط الغني .. لكن أنا قدرت بطريقة ودية أقنع والدتي لأنها الأقرب لي طبعا. ثم عن عدم رضا الوالد .. كيف تعاملت مع الموضوع دا ؟ في النهاية لقيت نفسي بين نارين : أبوي وجمهوري وناسي السمعوني وحبوني وشجعوني .. ومافي شك عفوالوالد مهم طبعا .. والواقع انو هو ماقالها مباشرة وصريحة لي .. وهو انسان متعلم وفاهم وطيب شديد وحنون للغاية .. لكن لانو والدي انا بحس بيهو .. عندو عدم رضا ولكن في نفس الوقت لانو بحبني شديد ماعايز يزعلني .. او ماداير تكون بيني وبينو أي جغوة . رغم النجاح الفني الذي حققتينه حتى الآن : هل والدك مايزال عند موقفه ؟ بصراحه ما قبلان .. لكن - الحمدلله - هو رضيان علي ..وأنا عايشة بي حب الوالدين .. وعشان كدا بحس دائما أنو ربنا مسهلة علي محل ما أقبل .. وبالمودة والمحبة البيني بينو أنا متأكدة أنو الموضوع دا بتعالج دون أي مشاكل بالتدرج .. وأنا عندي جمهور حباني وعزاني وقدم لي الكتير .. والدي نفسو متأكد مئة في المئة حيجي يوم قريب ويقبل . والله العظيم - أخ خضر- أنا حب الناس دا نجاني ممن مواقف كتيرة اتعرضت ليها في الشارع مثلا أو في حفلاتي .. خاصة النسوان الكبار ..محل ما أمشي دعواتن تلاحقني لحدي ما أغادر ..ودا شي ما ساهل .. والحب عمرو ماكان كلام بس لكن أنا بحس بيهو حتى في عيونهم . اذن ماهي العوائق التي تحول دون انتشارك عربيا مثلا ؟ دي ما مشكلة ( ندى القلعة ) بس .. دي مشكلة فنانين كتار في السودان ..وأنا معاهدة ربي وجمهوري ماأغني في أي حتة في الدنيا الا بلوني السوداني دا .. زي ماهو .. مابغير فيهو أي حاجة .. والعايز منهم يسمعني كدا أهلا وسهلا وتكون رسالتي وصلت . أين أنت من السياسة ؟؟ هل لك لون سياسي معين أو منتمية لأي حزب ؟ لا ... لا ... أنا ما عندي في السياسة أبدا . كيف يعني ؟ بصراحة أنها بعيدة خالص عن الحكاية دي .. حكاية السياسة . طيب : لونك الرياضي ؟ وأي الفرق تشجعين ؟ لوني أبيض .. ثم تنفجر ضاحكة . ماهو شعورك أو رد فعلك اذا ما قرأت أو سمعت هجوما لاذعا عليك ؟ أول حاجة أقول ليك جل من لا يخطئ .. والانسان كلو أخطاء ..بعدين في نقد فعلا أنا بستفيد منو كتير جدا وبكشف لي جوانب تكون خافية علي أو ماشايفاها حتى لو داخل بيتنا بين افراد أسرتي .. وبكون عادية جدا جدا .. لكن كمان في نقد جارح وغير موضوعي وشخصي زي ما بحصل كتير في النت .. زي دا ما بديهو اهتمام أبدا . هل حاولت ( ندى القلعة) في أي مرحلة من مراحل عمرها الفني أن تلجأ للدراسة في مجال الفنون : موسيفى مثلا أو صوت أو دراسة آلة معينة ..... الخ ؟ أبدا ماحصل فكرت في حاجة زي دي . لماذا ؟ لانو ببساطة انو انا فنانة شعبية .. بغني أغاني بلدية سودانية خالصة .. متمسكة بتراثي .. عفوا للمقاطعة : دا كلو ما بمنع انو الواحد يدرس لتقويم مساره على الأقل . أناالله أداني موهبة .. والموهبة - في رأيي - أقوى من الدراسة نفسها .. والحماس دا معروف جدا ..يعني واحد زايد واحد يساوي اتنين .. وما محتاج لدراسة وكدا . بالمناسبة : كيف هي علاقتك باذاعة وتلفزيون السودان ؟ يمكن أنا أكون أكتر فنانة بظهر في التلفزيون .. وسجلت عدد من الاغنيات في الاذاعة .. وعلاقتي معاهم طيبة جدا جدا وممتازة . لكن أنا سمعت أنك موقوفة-أو كنت- من الاذاعة والتلفزيون ؟ تقاطعني ضاحكة .. ثم تقول : فعلا دي اشاعة قوية مالية البلد ويمكن لحدي الآن لدرجة أنو في المحكمة حضروا ناس الاذاعة والتلفزيون وأثبتوا أنو مافي كلام زي دا ابدا ولا من أي جهة .. وماتنسى انو كمان هناك اشاعة تانية مع دي تقول انو ( ندى القلعة ) محظورة من السفر خارج السودان لمدة 10 سنوات .. وأهو أنا ياني حسه معاكم هنا في دبي . هناك احساس - ربما لدى الكثيرين - بأنك ربما تكونين مستهدفة.. ما تعليقك ؟ والله أنا ذاتي حاسة كدا .. لكن ليه ومن منو ؟؟ ماعارفة .. المهم الله يسامحهم . في رأيك من هي التي يمكن أن يطلق عليها لقب ( مطربةالسودان الأولى ) اليوم ؟ أنا ماشايفة نفسي في وضع يسمح لي أفتي في موضوع زي دا ..ولا أستطيع تقييم أحد . طيب : من هي أقرب المطربات السودانيات اليك .. صديقة يعني ؟ هي ناشئة جديدة ومطربة في الطريق .. وأنا بحبها شديد وهي من أعز صديقاتي .. وأنا غنيت لوالدها في بدايات مشواري الفني وفي شريطي الاول ( حبيبي غاب ) للراحل ( عبدالعزيز داؤود) وهي بنتو الحبيبة ( عزة) . متى تغضبين ؟ ومتى تفرحين ؟ أنا غضبي قريب جدا جدا .. وكمان فرحي برضو قريب جدا جدا .. أنا زولة سخنة شديد وقلبي حار شديد .. ما بحب الحال المايل .. وما بحب المسخرة عموما.. لكن طيبة جدا : يعني ممكن أثناء زعلي أضحك فجأة . (راجل المرأة ) وماشابه من أغنيات ملأت الساحة الفنية السودانية .. ما هو رأيك فيها ؟ أنا غايتو أغنيات زي دي لا بحترمها ولا بحترم البغنيها ذاتو . طبعا لك جمهورك داخل وخارج السودان .. ماذا تودين أن تقولين لهم ؟ أولا : سلام وتحية خاصة لكل أعضاء ( سودانيزأونلاين) خاصةأخواتي الفاضلات هناك من دون فرز .. وبقول للاخوة والاخوات الاتكلموا عني طيب ودافعوا عني : أشكركم كتير .. شكر سوداني خالص من جوة قلبي .. وأدعو ليهم ربي مايشوفو الشفتو من ظلم في الدنيا دي .. والظلموني فيهم كان أخ أو اخت بقول ليهم كلهم : الله يسامحكم .. والكلمة الطيبة تبقى . قبل الختام : ( سجيمان) راجل حبينا وصديقنا ومن الأعضاء المعروفين في ( سودانيزاونلاين) .. ماهي رسالتك له ؟ بقول ليهو متشوقة لي كتاباتك الجميلة يا سجيمان يا سجمان .. ثم تنفجر ضاحكة .. وتواصل : طبعا دا هظار معاك زي كلامك الحلو واللطيف .. وأتمنى أقابلك شخصيا عشان أشكرك على أي كلام كتبتو عني .
أخيرا - وليس أخرا - لك الفرصة لأي كلمة تريدين توجيهها لمن تودين . طبعا في الأول بشكرك أخي خضر وما تتخيل أنا سعيدة كيف .. وفعلا اللقاء معاك كان ممتع وشامل .. وجد بتمنى يكون في اكتر من لقاء بيني وبينك في المستقبل ان شاءالله .. وسلامي لكل من يحب ( ندى القلعة) وبسمع ليها في اي حتة في الدنيا دي .
انتهى اللقاء , *********************
تحياتي وسلامي وعظيم تقديري للجميع .. ولي عودة اليكم لاحقا دون شك .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: shammashi)
|
Quote: يا خدر
أسي السؤالين بتاع عيد ميلاد ابنها وبتاع الصور الخليعة الظهرت في الموبايل (بتاع وائل) ما جاوبت عليهم انما التفت حول الموضوعين. بالله زرزرا لينا في الحتة دي. shammashi |
وحاتك ما خليت ليها زرزرة .. لكن أهو ماعندي طبعا غير أكون أمين مع نفسي أولا ومع قرائي ثانيا وأكتب ما رود على لسانها فعلا .. والا أكون كذابا كما تقول ( الشلة مجهولة الهوية !!!) الذين غالطوها حتى هي نفسها في مكان ميلادها ومحل سكنها ذاتو !!!! وعلي ذلك يمكنك - يا صديقي - قياس المسألة .
خضر
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: Samau'al Abusin)
|
سمؤال
تحياتي
اولا انت ما شفت الكلام الفوق دا
Quote: يا أستاذنا خضر... إنت رحت تعمل معاها حوار صحفي ولا تتوسط لسجيمان؟؟؟؟؟!!!!!!! |
انا شايف .. دا ما لقاء صحفي .. دي تعرصة بتاعت صحفي جاهل
تعال بعد داك لموضوعك ..
كتبت
Quote: إتهام صحفي بترويج معلومات غير صحيحه، و هو أمر سيتضرر منه الصحفي نفسه في نهاية الأمر.
|
انت يا سمؤال.. لم تعرف ماذا فعلت هذة المعلومات في الأسر المذكورة.. انت لم تشعر بالضرر الذي لحق بزوجات واهل الأخوان علي وازهري..
فعلي الصحفي ان يتحري عن معلوماته اولا..
مش زي خدر ..الأخصر..
جاي طاير وفاكي الزراير....
دي لقافة مش صحافة ..
كتبت
Quote: أما إيغالك في الملاحقة، و أنت لست المتضرر المباشر، و وصولك حد كتابة مثل الجملة الأخيرة،
|
وهل انت يا سمؤال.. ندي القلعة ام خدر الملقوف..
الضرر المباشر وغير المباشر.. لا يقاس هكذا يا صديقي..
والأ لماذا تكتب انت مدافعا .. عن صحفي جبان كاذب يرفض ان يعتذر .. عن خطأ شنيع .. دمر به علاقات اسرية.
كتبت
Quote: يجب أن تتسق مع نفسك يا عزيزي. ندى القلعة لم تكن طرفا في موضوع القنصلية السودانية بدبي.
|
ندي القلعة شخصية عامة .. وهي ليست برئية من هذا الأبتذال..
شفت ليك فنانة بتحترم نفسها ..تسمح لصحفي بمثل هذا الخدر الملقوف..
ان يسألها مثل هذة الأسئلة .. (ما رائك في سجيمان )
وغدا سوف يقوم نفس هذا الخدر بتلفيق قصة فضيحة لندي القلعة ..
الساعة ديك .. بتأمنو..
.. اما ندي القلعة .. فلا تهمني في شئ ..ولا اطرب لها ..
هي فقط امرأة جميلة في زمن القبح هذا
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: Samau'al Abusin)
|
كتب الاخ الكريم : Samau'al Abusin
Quote: الأستاذ أحمد حنين، تحياتي وإحترامي، أيا كان ما كتبه أ. خضر عطا المنان من قبل و أيا كان موقفك و آخرين منه، فهو كله يدور حول إتهام صحفي بترويج معلومات غير صحيحه، و هو أمر سيتضرر منه الصحفي نفسه في نهاية الأمر. سواء كان بموقف الراي العام منه، أم بملاحقته قانونيا من قبل المتضرر صاحب المصلحه في مثل هذه الملاحقة.
أما ملاحقتك له أنت و الأستاذ الطاهر ساتي و العزيز فيصل نوبي بهذه الصورة التي إتضح تماما أنه غير متحمس للإستجابة لها، فهي لا تساعد كثيرا في خدمة أهداف مثل تحري الدقة و الصدق و الحذر عند تناول خصوصيات الآخرين و أعراضهم. فهذه أشياء إذا لم يتحل بها الصحفي من تلقاء نفسه، فسيحكم عليه الرأي العام بشكل تلقائي. |
لا فض فوك ياحبيب ..
Quote: فهو حقيقة يلقي بظلال سالبة عليك أنت شخصيا و لا أريد لك مثل ذلك. نحن شعب له قيم أيها العزيز أحمد، و أنت أحد دعاة إحترام هذه القيم!!! هل معنى ذلك أننا حين نعتقد بأن أحدهم قد خرج على قيمنا، أن نستبيح عرضه و خصوصياته بهذا الشكل؟ ألا يشكل ذلك خروجا منا أيضا على هذه القيم؟؟؟ يجب أن تتسق مع نفسك يا عزيزي. ندى القلعة لم تكن طرفا في موضوع القنصلية السودانية بدبي. كون لديها ما لديها من علاقات، بغض النظر عن موقفنا من ذلك فهذا لا يبرر لكل حامل قلم أن يسكب مداده فيها نهشا في عرضها و حديثا غير لائق عنها. يجب أن نحترم أعراض الناس و أن يكون هذا ديدننا بغض النظر عما نعتقد و نظن، و نرى!! |
أنها رسالة منك - يا سيدي - ذات دلالات عظيمة لو قدر لهما أن يفهماها حنين ) وهذا ( الطاهر!!!) اللذان أسأل ربي لهما الهداية والوعي وأن يكبرا ولو قليلا !!!.
وتظل أعظم خدمة قدمتها لي شخصيا ولكل متابعي هذاالموضوع وأقيم مداخلة في هذا( البوست ) بأكمله هو ماأوردته هنا - يا عزيزي أبوسن - على لسان صديقي ورفيق دربي الحبيب الدكتور ( حيدر ابراهيم علي ) وهو المقال الذي رسخ كل كلمة كنت قد ذكرتها في مقدماتي الأولى ( مدخل الحوار ) والتي سبقت الختام .. وأكاد أجزم بأن هاتين المقدمتين - في مجملهما وماحوتاه - هما كل السبب في اشعال الحرائق في ثياب هذه ( الشلة مجهولة الهوية !!!) والتي لم تكتفي بالقذف والسب والشتم لشخصي فحسب وتلك امور اعتدتها من أمثال هؤلاء منذ سنين طويلة !!! وتحديدا منذ الليلة المشؤومة الكالحة السواد في تاريخ شعب بحجم أمة في وطن بحجم قارة ( 30/6/1989م ) ..وأظنك الآن قد فهمت الوضع ياصديقي ( أبوسن) . .. ولكنها طالت انسانة لا ذنب لها سوى انها فتحت قلبها لصحفي أراد للكثيرين أن يسمعوا منها شخصيا من خلاله لما تمثله من ظاهرة اجتماعية وفنية لا يمكن تجاهلها .. كما أنها ليست عضوا في هذا المنبر حتى تتمكن من الدفاع عن نفسها.
المقال جد رائع ودسم وفيه كثير من الرد على افتراءات البعض منهم هنا علي شخصي وعلى الاخت ( ندى القلعة) . تقول بعض مقاطع المقال :
Quote: مثلت ندى القلعة ثقافة مضادة لثقافة الهيمنة الرسمية ورغم القمع و الاموال و الجهود من قبل الدولة و الاجهزة الرسمية لفرض ثقافة مهيمنة ذات طابع ديني لم تستطيع الدولة الغاء ظاهرة ندى القلعة وغيرها من الظواهر الثقافية و الفنية التي تحرج المشروع الحضاري. وهى تحاربه وتضعفه و تتحداه دون اللجوء الى الآيديولوجيات الضخمة و مؤامرات السياسة وحتى اللجوء الى الكفاح المسلح. فهذه الظواهر تستخدم دبابيس صغيرة في تنفيس هذا البالون الضخم. |
Quote: وتقدم ندى القلعة ثقافة مقاومة وممانعة لا تريد ان تكون جزءا من الثقافة الكبرى، وهى ثقافة فرعية (sub – culture) ولكنها شديدة التأثير وقادرة على جذب الناس بوعي او لا وعي. فندي القلعة قادرة على حشد الاف المشاهدين و المعجبين و الفضوليين، بينما تعجز الثقافة الرسمية عن حشد الناس رغم توقف العمل وملاحقة الموظفين و الموظفات، وتحضير الباصات ووجبة فطور. ويمكن لها ان تدخل في تحدي: من يستطيع حشد الناس طوعيا في ميدان عام او استاد مستخدما سلطة قائمة على الرضا و القبول و المحبة؟ |
Quote: تقدم ندى القلعة ثقافة جماهيرية مختلفة بغض النظر عن تسميتها.. فقد اصبحت ايقونة ورمزاً بل ومرجعية في بعض تفاصيل مرتبطة بالشكل و الموضة و السلوك. |
Quote: فهي كما اسلفت ليست مجرد مغنية وصوت بل " سلعة ثقافية" أي يمكن تداولها بانتشار و اعادة انتاج بعض عناصرها. وتدرك " ندى" كيف تمارس سلطتها في الاختلاف، من خلال معطيات اللبس و الزينة. وهنا تحارب السلطة الرسمية بأسلحة السحر و الغموض و المغامرة. فالنظم تعتمد على الغاء الفوارق و الاختلاف و التنوع، وهى تخشى المرأة بالذات بسبب تاريخي الملعون و المشترك مع ابليس منذ بداية الخليقة. لذلك، اهتم النظام الحالي بملبس النساء و الفتيات، ومارس من خلاله عملية التنميط (standardization) وألبس طالبات المدارس ملابس الصاعقة العسكرية وفرض الحجاب. ولكن ثقافة ندى الفرعية تقدم ملبسا حديثا يثير التقليد و الاعجاب بين النساء قبل الرجال، وينتشر سريعاً. |
Quote: يقال إن الثقافة هى سياسة المجتمع و السياسة هى ثقافة الدولة. وعندما يبرز التناقض بين الإثنين تظهر الازمة، وقد امسكت ثقافة ظاهرة ندى وغيرها من الظواهر المشابهة بالمجتمع وتركت السياسة للدولة بلا مجتمع. فالدولة تمارس السلطة بصورة مجردة (abstract) وهى غير ملموسة بين المواطنين في سلوكهم و اتجاهاتهم ورؤيتهم الشاملة. من جهة اخرى، تمارس الثقافة سلطتها من خلال حرمان الدولة آليات لا تستطيع السيطرة عليها و احتكارها، ومن بينها: اللغة و الرمز |
Quote: فالدولة يمكن ان تحتكر المال و الاقتصاد و العنف الشرعي من قوانين وسجون وممنوعات، ولكن يستحيل ان تحتكر اللغة و الرموز مهما كانت قوة ووحدانية اجهزة اعلامها. |
Quote: تدخل ظاهرة " ندى القلعة" ضمن ما يعرف في دراسات علم الثقافة و الاجتماع بالثقافة الجماهيرية، |
Quote: وفي حالة ندى القلعة هى تقاوم الكآبة و الغناء، فهى و الانقاذ يمثلان نموذجين متناقضين. تحاول ان تبث الفرح و الحياة و الحب حسب الفهم الفرويدي للايرويس او الايروسي (erotic) ومن ناحية الثانية تقدم الانقاذ ثقافة الموت و الحقد و الكراهية او ما اسماه التاتنوس – حسب فرويد. وهذا هو صراع الحياة بين غريزة الموت مقابل الحب و الحياة. وتطلق ندى اجواء من الموسيقى الراقصة وتدخل روح الفرح حتى في اغاني الفخر و المدح، وتغني القوة و الضرب و السيوف و الذبح بنغم اثيوبي يطعم الضكارة و العوارة السودانية برقة وحنان الامهرا. وهذا ابداع ابرويسي يجعل أعتى الرجال يتمايلون – او كما قال المجذوب: تلك لوسي فجفاني لوسي تلك كأس تدير اعتى الرؤوس. اظنكم رأيتم اعتى الرؤوس و العمم وهى في ساحة ندى القلعة. فهى تخاطب رجولة وضكرنة تقاعدت خلال السنوات العشرين ولا تجد تعبيرا عنها الا في اغاني وليالي ندى القلعة. |
وأماالمقطع التالي فيشكل بيت القصيد في كل هذا وذاك .. ويكشف الأبعاد الحقيقية لهذه الحملة المسعورة ضدي من قبل هؤلاء الذين لا اجد تسمية لهم سوى ( الشلة مجهولة الهوية!!! ) :
Quote: يجرب الاسلامويون طريقة اخرى لاغتيال شخصية "ندى القلعة" من خلال ادوات اعلامية توزع هى نفسها الانحلال و التدهور الاخلاقي ونشر الفضائح. وقامت احدى الصحف الصفراء بحملة – سكت عنها مجلس الصحافة حامي الاخلاق و الاعراف الصحفية. ومازلنا نعتبر العيب و العار مرتبط بسلوك المرأة، وقد اعتذر مظفر النواب لتلك التي تبيع الجسد الغاني بينما هناك من يبيعون ضمائرهم ومواقفهم. ومن الواضح ان من قام بالحملة جاهل لقواعد ثقافة الاختلاف و التمرد التي مثلتها "ندى القلعة" فهو قد قام بدعاية و اشهار و انتشار للظاهرة من حيث لا يدري. وهى من جانبها تؤكد لامبالاتها واختلافها من خلال اغنية تقول بكل رواء صوتها وادائها الرشيق:
ما علينا ما علينا
مهما يقول الناس يقولو
ماعلينا ما علينا
وفي النهاية تغلبت ثقافة الاختلاف و الممانعة وتسعى لتأصيل نفسها دون حاجة لدعم حكومي او دعاية. ويجد انصار التأصيل من جهة اخرى، في وصول افكارهم وثقافتهم الى القواعد (grass root.) بينما ندى القلعة تنتشر و تمارس سلطتها الثقافية بكل قوة و اندفاع لجذب أناس جدد. |
أرجوك - وكل من يمر من هنا- أن يعود لمقدمتي في هذا ( البوست ) . لك سلامي وتحياتي أينما كنت يا عزيزي ( أبوسن) .
خضرعطاالمنان [email protected]
| |
|
|
|
|
|
|
Re: ندى القلعة تفتح قلبها لقراء ( sudaneseonline) : محبيها ومنتقديها والمدافعين عنها وسجيمان ! (Re: خضر عطا المنان)
|
العزيزسمؤال والحبيب بله
والصديق صاحب هذه الرسالة
Quote: إزيك يا الطاهر .. أتمنى أن تكون بخير. طبعا مافي سابق معرفة حقيقية أو مكاتبات سابقة بيناتنا لكن أتذكر تداخلنا مع بعض في بوست بوستين في الربع الفات ولا القبلو ما عارف.. بدون مقدمات يا الطاهر .. إنت صديق وأخ عزيز على الأقل من طرفي أنا، وأنا واحد من قراءك المداومين أيام كنت في السودان منذ أن كانت "إليكم" عمودا أسبوعيا في ألوان، ويشهدالله كنت بشتري ألوان عشان "لألوان كلمة" و "إليكم"، وفرحت جدا لمن لقيتك زميل في المنبر هنا. وأعتقد إنو العلافة دي تديني حق المناصحة. ما بعرف طبيعة خلافك مع خضر عطاالمنان، ياهو موضوع خبر السفارة في الإمارات دا ولا حاجة تانية ,, لكن في كل الأحوال طريقة تداخلك في بوست ندى القلعة دا ما بيشبهك.. أيا كان الأمر فليس الطاهر ساتي الذي أعرف من يصفي مشاكله ويحسم خلافاته مع الناس بهذه الطريقة، دا طبعا لو بقى في خلاف فعلا.. ويشهد الله يا الطاهر لا أعرف خضر هذا ولم أقرا له قبل خبر السفارة هنا في المنبر. أرجو أن تكون كلماتي موضع ترحيب |
نعم ماكان على أفسد البوست ... ولكن مهما بلغ بكم الخيال اتساعا فانكم غير ملمين بوقع الشائعات التي بثها - هذاالمعتوه - في أسر سودانية كريمة تعيش معززة وشريفة وبكامل ستر الحال في مجتمعنا السوداني .. لن يستطيع أحدكم أن يتخيل حجم الضرر الذي لحق بتلك الأسر التى لاناقة لها ولا جمل في الشائعات القبيحة التي بثتها نفس هذا المريض المسمى خضر ...!! يا عزيزي بله .. لك اسرة حفظها من كل سوء وشر .. قد تحتمل مايصيبك في نفسك ولكن لن تحتمل حين يتجاوزك الاثر الي اسرتك الكريمة اما كانت اواب او زوجة او اطفال ( رعاهم الله من كل سوء ) هذا القبيح الذي ينسب نفسه للصحافة لا موضوع له غير اتهام الناس في اعراضهم بالباطل ، ظانا بذلك تحقيق السبق الصحفي ..!! يا استاذ السمؤال نحن عايشين هنا وسط الأسر الاتأثرت والاكتوت بتفاهات هذا الحقير الذي يكتب وكأنه نبت شيطاني لا أسرة له ولا عشيرة ... انتو بعيدين من الأثار ..نحن هنا قريبين وعايشين وسطهم وعارفين الحاصل وردود الفعل .. ومافي سوداني ودبلد عندو زوجة واطفال واخوات وقبيلة وخائف عليهم بيرمى سهام الافك على اسر تانية .. لكن هذا المريض بيتلذذ بمثل هذه الكتابات التي لاتصدر الا من نفوس خبيثة ..وللأسف تفاهاتو دى بيعملها باسم الصحافة ..!! صحافة شنو يابلة البطلع النسوان (.........) والرجال زناة وتترتب على ذلك طلاقات ومشاكل لا اول لها ولا آخر ..؟؟ صحافة شنو دى البتمزق الاسر وبتخلى الأطفال يتربوا زى اليتامى على بعد امتار من ابوهم ...؟؟ صحافة شنو دى المابتفتش الا تحت سراويل الرجال والنسوان عشان تخلى الشرفاء زناة والمستورات مومسات ..؟ الشئ العملو الحمار ده مافي راجل عندو في قلبو مثقال ذرة من الأخلاق بيعملو .. وده كلو بس عشان ( يحقق سبق صحفي ) داير يحقق سبق صحفي على حساب أعراض الناس واخلاق الناس وقيم الناس .. وقبل ده كلو داير يبقى نجم صحفي مقابل (تمزيق الاسر !!!!)...!! لعنة الله عليك يا قذر يا البتعمل في حاجات ما بتقبلها لعرضك ....!!
ولك مودتي وتقديري يا بله والسمؤل وياصديقي العزيز ولكل الناصحين البعيدين عن الأشجار التي كانت خضراء قبل أن تصيبها شرارات هذا الأرعن المسمى ( خضر )
| |
|
|
|
|
|
|
|