|
جيناكم يا حبايبنا وأشكر لكم يا تيم مباراة الــ 22 الحبّية
|
"مقبلاً على الباب ضامّاً نِعْلَيَّ في ايديّ، أطرق الباب فأقول" سلام ناس جوّة إنتو اللي حبابكم ألف. الشكر أوّله؛ لهذا الوطن المعطاء الذي يتسمّى باسمه هذا المنبر؛ والذي أنجب هذه الكوكبة النيّرة. والشكر ثانيه للقائد والحبيب كما يحلو للحبايب أن ينادوه الأخ الباشمهندس بكري أبوبكر. والشكر كلّه لهذه الكوكبة؛ التي زكّت، وثنّت، وأيدت؛ ودعمت الإبن غايتو حتى من دون معرفة سابقة. والشكر إلى أهل الحوش كلهم من دون فرز على كل ما يقدمونه لهذا الوطن السودان؛ والله لا جاب يوم شكركم. والشكر لأهل العمم والتياب جميع شرق غرب جنوب شمال وسط؛ في كلّ فجّ؛ يا لوحة تشكيلية!. مع تحياتي وتمنياتي الخاصة لهذا التيم المكون من اثنين وعشرين. والترتيب حسب المداخلات؛ فمعذرة للقوارير(مع الرفق) خاصة: 1- محمد عبد الماجد الصايم 12- سيف مساعد علي 2- فيصل نوبي 13- ممدوح أبارو 3- محمد البشرى الخضر 14- منى خوجلي 4- مازن الجمال 15 - بابكر التوم 5- أبوجهينة 16- قمر بوبا 6- عبد اللطيف بكري أحمد 17- حسن أحمد يوسف 7- العوض المسلمي 18- عبد الكريم الأمين أحمد 8- تمبس timps 19- عبدالله كع 9- علي محمد علي بشير 20- محمد خليل 10- عادل سهل 21- تراجي مصطفى 11- أمير جابر 22- إنعام حيمورة
|
|
|
|
|
|
|
|
Re: جيناكم يا حبايبنا وأشكر لكم يا تيم مباراة الــ 22 الحبّية (Re: حسين يوسف احمد)
|
Quote: بالرغم من إنك شقلبت اسمي شقلبة العجب لداريو كان لكن ما مشكلة طالما أديتني الرقم 17 ..
|
مرحبتين حبابك ألف يا حبيبنا
حسين يوسف أحمد...حسين يوسف أحمد...حسين يوسف أحمد...حسين يوسف أحمد...حسين يوسف أحمد...حسين يوسف أحمد...حسين يوسف أحمد أها من السبعتاشر أديناك سبعة؛ عقاباً للعبد لله على الغلطة الفظيعة
أصلو زمان في المدارس كانوا يعاقبونا بالتكرار ياأخي أمسحها لينا في وشينا؛ نحن ما لسع في اسبوع الكبكبة والجهجهة عليك أمان الله بورديكم ده متاهة عديل الواحد ما عارف يقبل وين واللا وين.
وبمناسبة العجب وداريو كان والكورة
أنا أقترح انتو وناس ود الصائم ديل أخير تتلموا على البورداب أو المورداب
هلاريخ دي كانت زمان أيام ناس ماجد وابراهومة وجكسا والدحيش وكدة
أما زمن ناس العجب هو ذاتو عجب
تصدق أنا بطلت هلال مريخ من زمن هدف المولد
طبعاً كدة أنا حيرتك وحيرت ود الصائم ذاتو
العبارة الفاتت دي لا بتوري إني مريخابي واللا هلالابي
ناس عبود ديلاك على الرغم من عسكريتهم وعنجهيتهم: كانوا مدّين الكورة شوية قروش والبلد كان بخيرها لعيبة كانوا زي الحصين؛ أما حسع رغم الملايين اللي بياخدوها ناس العجب
تقول كل اللعيبة بياكلوا ويكة
وناس شداد غلبتهم الحيلة
بس حنتفرج عليكم انتو وناس ود الصائم؛ والله كورتكم الكلامية أحسن من العجن البودينا كأس إفريقيا عشان نتفرج بس
معليش يا حسين؛ لكن معرفة الرجال كنز؛ وتجيك العافية دايماً
وشاكرين وكدة
| |
|
|
|
|
|
|
Re: جيناكم يا حبايبنا وأشكر لكم يا تيم مباراة الــ 22 الحبّية (Re: عبدالفتاح أبوشيمة)
|
الله أبو شيمه وصل؟
يأخى والله ألف حمد الله على السلامة
ثنينا وثلتنا وقربنا نطلق يأخى
ود الصايم والله ما شة معاك يأخى كان ترسل لى جواب تقول لى الزول وصل بالسلامة .
بس ياود الصايم شيل شيلتك بعد دا كان أبوشيمة دا مشى يمين ولا يسار نجرى نجيب المكرفون ونلحقك بيه
طاب مقامك الأخ أبوشيمة
والمنبر يرحب بك
والله ماشفت البوست الا عبر رابط لتثنية أخرى وجدت ود الصايم رافعه بها
لك الود وباسق المنى
| |
|
|
|
|
|
|
Re: جيناكم يا حبايبنا وأشكر لكم يا تيم مباراة الــ 22 الحبّية (Re: عادل سهل)
|
Quote: ثنينا وثلتنا وقربنا نطلق يأخى |
مرحب حباب شيخ العرب
وعمامتك دي عاجباني تب
وباكر تشوف شيتًاً عجب
حيرة عقول قبال رجب
انت من الجماعة إياهم اللّي بتنّوا ويتلتوا
ياخوي اهلنا قالوا من ثنّى فله الجنّة
ومن ثلّث فقد فلّت
وإياك أخوي من الطلاق دة
والله ما هو شيتن بشبهك ولا بشبه العمّة اللّي انت معتجره دي
Quote: والله ماشفت البوست الا عبر رابط لتثنية أخرى وجدت ود الصايم رافعه بها |
أوّل ما جيت والله فتّشت ليك زي كدي تقول عملت لي مداخلة وين واللا وين والله ما عارف شمال واللا يمين
أصلي يا عمدة دقة قديمة والملتميديا دي؛ والتقانات الجديدة دي مربوكين فيها ربكة ما تتخيلا
وصاياك على العين والرأس بس المتاهة حقتكم دي مدروخانة
انا جدّ شاكر على هذه الإطلالة البهية
وإن شاء الجنّة القلناها فوق دي؛ تكون من نصيبك؛ بس بي حتة الورع الشفناها ديك إن شاء الله يااااااارب
| |
|
|
|
|
|
|
|