|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: صورة فاضحة وردي يغني والبشير يرقص (Re: saif massad ali)
|
الفاضح ليس هو بالطرب يا أخا الانترنيت!!!!!
الطرب والغنا هما حالة روحية شفيفة وعالية ..
وردى يغنى ..والماحى سليمان يعزف العود..هذه حالة نادرة من حالات الفن الجميل..والسمو الجمالى..وانا ابجل المستمع "الرئيس" على تساميه الواضح وانفعاله بالفن..
هذا ليس بفاضح يا سيف مساعد..
الفاضج هو الرسالة السياسية التى تقع وراء هذه الصورة ..
صورة رئيس دولة تحترق كل اطرافها ..ا وجوعا..وظلما وحربا ...وموتا روحيا ونفسيا وماديا...
كل العالم يتظر اليوم الى شعب السودان ..ويتعجبون من تفرده فى تشرده..
الفاضح هو ان يجد رئيس هذا البلد ..هذه "الفاقة" والجو المرطب ليغنى و"يشيل" ويفرطق اصابعه..بهدا "المزاج" العالى ..وعلى صوت من؟؟ وعود من؟؟
الفاضح هو صحن الكمثره الذى خلص..وصحن الفواكه الذى امتلأت عنه الكروش..
وطلاب مدارس العالم الاول يستقطعون "حق الفطور" ليتمكنوا من جمعها ..ليرسلونها الى جوعى ..السودان ولاجئيه فى تشاد..وفى ميدان مصطفى محمود..
الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجزفاء...
صورة فاضحة حقا..
| |
 
|
|
|
|
|
|
|
|
Re: صورة فاضحة وردي يغني والبشير يرقص (Re: Tumadir)
|
تامضر
ليش ما تقولي المناضل وردي بدون لف ودوران قمة الفن وعالي الموسيقي وجبروت الفن
قوليها عشان اسيا بت ام حقين تقرأ بكل سهولة ما كتبت الفنانة تماضر شيخ الدين , ادانة الفنان محمد وردي لانه اذل الفن السوداني بركوعه للطاغية الرئيس ,ليس بمكان عام بل في جلسه خاصة يغني وردي للبشير
دي الصورة الما فاضحة للكتابه
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: waleed500)
|
Quote:
يبدو اننا مع قوم ,,,لو كان معاهم
نبى الله سليمان لكان محتاج لترجمان
لو الرئيس جلس متجهم لقالو هو مالو
ومال الفن تلقاهو بيسمع وما فاهم حاجة
ولو مال طربا بتحسبو وضع فاضح...كان الله
فى عون هذا الرئيس المفرح |
وليد 500لا يا اخوي ما فاضح الرئيس يرقص, البشير برقص من سنة 89 في اي محفل هو دائما راقص, الفاضح وردي يغني للرئيس
ويكفي الطرفه الحاجة القالت يلا رقصو لينا الرئيس عشان نقوم نمشي الهبوب وقعت
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: waleed500)
|
| Quote: قوليها عشان اسيا بت ام حقين تقرأ بكل سهولة ما كتبت الفنانة تماضر شيخ الدين |
حسى آسيا بت ام حقين عرفت كلامى..
وهى آسيا بت ام حقين عارفة كلامى ده اكتر منى انا ذاتى ..
عشان هى المتحزمة ..من جوع ..ومتضيمة ..من خوف..اكتر منى ..وعارفه الناقصها شنو والظالمها منو..ولمن الليل يهيد وتفتح الرادى وتسمع يانور العين كانت بتشعر بأنه على الاقل فى صوت واقف معاها فى صفها..ولمن تجى تلقى سيد الصوت قاعد مع جلادها والحارمها النفس .....بتفهم كلامنا ده اكتر مننا ...
خليها بت ام حقين...
انت رايك شنو؟
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: ناذر محمد الخليفة)
|
| Quote: ليش ما تقولي المناضل وردي بدون لف ودوران |
تانى لقيت روحى جيت عشان ..الجملة دى..
بالله عاين ليها تانى ..ماشايف فيها حاجة غلط؟؟
مناضل دى تعبير اتصنع فى البورد ده..
بالمناسبة يا سيف مساعد..لفظة مناضلين دى بقت عندها دلالات اقصائية جديدة غير معناها اللغوى..
( لف ودوران.) وصفة كبيرة شوية ..وفيها تحرش ياسيف وانا بحترمك وبحترم مستوى الحوار
..ارجو ان يظل الاحترام بيننا متبادلا..او على الاقل الاحترام لهذا القارىء المسكين..الذى كثيرا ما يضطر لمسح ماء الحوار العكر عن وجهه فى كل عبور لبوست ..أمامه
فأ ى زول يقرا الكلام المكتوب فوق ده بيفهم معناه القريب والبعيد..واهو ده عصام جبرالله اول المتداخلين..
والسلام ختام
بالمناسبة ازيك يا عصام جبرالله ...وكيف اختك العملاقة الدكتورة ناهد..اتشرفت بمعرفتها فى مؤتمر فيينا..
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Tumadir)
|
Quote:
..ارجو ان يظل الاحترام بيننا متبادلا..او على الاقل الاحترام لهذا القارىء المسكين..الذى كثيرا ما يضطر لمسح ماء الحوار العكر عن وجهه فى كل عبور لبوست ..أمامه |
تماضر
في الخرافه في السودان دائما يحكو انو في السحار بجي بياكل الناس, حبوبتي كانت مرة براها في البيت خافت اظنها شافت ضل صرخة صرخة واحدة جابت الناس كلهم اها الناس بقو يقولوا ليها قولي بسم الله بقت هي تقوا اس الله بقولي بسم الله وهي تقول اس الله
كمان انت قولي بسم الله وما اس الله
اتحرش بيك عشان شنو , بيني وبينك شنو ياتماضر و وضحت ليك وجهة نظري , انت زولة محترمة انت بت شيخ الدين جبريل ملكة وبت ملوك
يا تماضر انت ماعدوي ولا انا عدوك بس الزول القال ليك الكلام ده ما عندو نظر
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Balla Musa)
|
| Quote: صورة فاضحة وردي يغني والبشير يرقص |
كعادة البشير وهذا ليس بالامر الغريب ,, البشير في المناسبات العامة والمهرجانات
يتحدث نصف ساعة ويكمل باقي وقته بالرقيص حتي سمي بالرئيس الرقاص الذي لا يجيد شي
سوي تحريك مؤخرته
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: jini)
|
Quote:
إنت شغل المساعدية والعربجية ما عاوز تسيبو!
يا خى مرة واحدة خليك مرة جنتلمان !!!
مفردات تماضر أقوى مما أعلنت عنه الصور لإن الصور قد لا يستغربها كثيرون!!
أتوقع ان تخف حدتك مع ظهور جوليا وردى فى المنبر!
جنى |
ايوه يا جني جني جنني
الصورة ليها معاني اقوي والسقوط من عدة زوايا يا جن جن جني الجنتلمان
| |
|
|
|
|
|
|
|
|
 Re: صورة فاضحة وردي يغني والبشير يرقص (Re: saif massad ali)
|
ود مَسـعد
لقد عَدَلتَ ، وتـَغـنيًـتَ يا "عـُمـَر" وبسَطت يًدك مُنتَشِيًاَ
وأصبحت البِلاد آمنه مِن الجِنيًنه ، وللبحرالأحمر
ومن نُملي إلي دُنقلا..
الراكِبْ والدافِر علي كـُرعيًه ما بِيخاف
علِي مالـُوا وولِيًداتو إلا الضًـباع و رجِمْ الأنتنوفات..!
ياود مَسـعد : ياخُوي نِـحنَ شاهدنا عـُمر البشيًر فِي عـُدًة
رَقصات بِلذات "أغانِي الطًرَب" لِكِنْ ،حرم الناس دوول قطـُع
شًكْ بِيمدحوا علي الرسول أبو فاطنه
أبداَ النشوه دي ماها نشوة غـُنا وهيًـصان.
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Mohamed Adam)
|
محمد ادم
Quote:
ود مَسـعد
لقد عَدَلتَ ، وتـَغـنيًـتَ يا "عـُمـَر" وبسَطت يًدك مُنتَشِيًاَ
وأصبحت البِلاد آمنه مِن الجِنيًنه ، وللبحرالأحمر
ومن نُملي إلي دُنقلا..
الراكِبْ والدافِر علي كـُرعيًه ما بِيخاف
علِي مالـُوا وولِيًداتو إلا الضًـباع و رجِمْ الأنتنوفات..!
ياود مَسـعد : ياخُوي نِـحنَ شاهدنا عـُمر البشيًر فِي عـُدًة
رَقصات بِلذات "أغانِي الطًرَب" لِكِنْ ،حرم الناس دوول قطـُع
شًكْ بِيمدحوا علي الرسول أبو فاطنه
أبداَ النشوه دي ماها نشوة غـُنا وهيًـصان. |
قطع شك وردي بغني حكمت البلد يا عمر مافي متيلك عشان كدي فنان الشيوعية يغنيلك
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: على احمد على)
|
| Quote: (تحريك مؤخرته )وانت يا ولد مش قلنا ليك قبل كده خلى عندك ادب ؟ |
قليل ادب الرئيس الذي لا يحترم نفسه ويرقص ويحرك مؤخرته في المناسبات الرسمية والمهرجانات
كالشماسي , قليل ادب الرئيس المامالي مكانته وهمه كله رقيص وطرب
قليل ادب الرئيس الذي يرقص في المنصة امام كل القنوات الفضائية وينظر اليه كل
العالم بأستهتار , قليل ادب الذي يدافع عنه في هذا المنبر وهو مؤتمر وطني ويدعي
بأنه اتحادي ديمقراطي
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Mohammed Haroun)
|
{إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعاً يَسْتَضْعِفُ طَائِفَةً مِّنْهُمْ يُذَبِّحُ أَبْنَاءهُمْ وَيَسْتَحْيِي نِسَاءهُمْ إِنَّهُ كَانَ مِنَ الْمُفْسِدِينَ }القصص4
{مِن فِرْعَوْنَ إِنَّهُ كَانَ عَالِياً مِّنَ الْمُسْرِفِينَ }الدخان31
{وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ }الزخرف51
{وَقَالَ مُوسَى رَبَّنَا إِنَّكَ آتَيْتَ فِرْعَوْنَ وَمَلأهُ زِينَةً وَأَمْوَالاً فِي الْحَيَاةِ الدُّنْيَا رَبَّنَا لِيُضِلُّواْ عَن سَبِيلِكَ رَبَّنَا اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يُؤْمِنُواْ حَتَّى يَرَوُاْ الْعَذَابَ الأَلِيمَ }يونس88
{النَّارُ يُعْرَضُونَ عَلَيْهَا غُدُوّاً وَعَشِيّاً وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ }غافر46
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: bob)
|
الفن مانزل جبروتوا,لقد أوضح الفنان العملاق محمد وردي مناسبة الصورة,عزم لعشاء وحضر من حضر.
في زواج زميلي كان البشير أحد الحضور لا أظن في ذلك حرج أو فضح.وطبعا لست في قامة وردي.
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Eng. Mohammed al sayed)
|
المهندس محمد السيد
Quote:
الفن مانزل جبروتوا,لقد أوضح الفنان العملاق محمد وردي مناسبة الصورة,عزم لعشاء وحضر من حضر.
في زواج زميلي كان البشير أحد الحضور لا أظن في ذلك حرج أو فضح.وطبعا لست في قامة وردي
|
كضبا كاضب الدعوة بمناسبة عودة محمد وردي , وردي سقوط كذب كمان
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saif massad ali)
|
في يوم من الأيام كجيت عميمتي وشلت عصايتي ووقفت مع الصبيان في صف الكاتم (والكاتم هي رقصة شائعة عند أهلكم البقارة). شريفة بت خالي عارفة أنا ود مدارس ساكت وما بعرف أرقص الكاتم قامت جات شالتني عشان أرقص معاها. دخلت في ورطة لكن المهم رفعت عصايتي وتبعتها بحركات بطيئة وهي عامله رويس وبترقص بشعرها الطوال لامن دخلتها في صف البنات ورجعت منتشي نشوة ما حسيت بيها ليوم الليلة.
شايف أولاد جون ديل عاملين مدارس كثيرة خاصة بالرقص وكلهم لى توني بلير ذاتو معاهم بيسكسكو - يعني حرام علينا وحلال عليهم.
وكمان أبوالورود دا لو كان شيوعي كان غنى قال إرادة المولى رادتني وبقيت غناي؟؟؟؟
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: عبدالكريم الامين احمد)
|
ماذا لو استمع البشير لوردي هذا هو الواقع لم نستورد البشير من الخارج البشير افراز للثقافة السودانية ووردي فنان الهب وجدان هذه الامة لا تطاولو علي وردي وردي فنان السودان وروح السودان ونفس السودان كلهم لهثو لمصالحة البشير وانتم هربتم خارج السودان ونلتم الجوازات باسم النضال وتركتم الشعب السوداني ينهششه الاقزام ولو احسنتم اليات سقوط هذه الاقلية لكيفتمونا مصائب كثيرة ولكن يظل وردي هو وردي ومن لم يعجبه هذا الكلام فليشرب من البحر
| |
|
|
|
|
|
|
|
|
 Re: صورة فاضحة وردي يغني والبشير يرقص (Re: khaleel)
|
سيف
انا الفاقع مرارتى اكتر من ما هى مفقوعة من الانقاذ..
قعدة الاسترخاء والانتشاء بتاعة سيدنا الرئيس..
وهو عارف زى جوع بطنه انه حول مليون ميل مربع..ناقص حلفا وشلاتين وحلايب طبعا...
حولهم الى مقابر جماعية..
وجاجم بتاعة ناس..
ما عندهم ذنب غير انهم اتولدوا سودانيين..
واتمسكوا بالبلد الغبرا دى..
وردى ما واجعنى ولا حاجة..
من زمان ركع للانقاذ..
من ساعة ما الكلية بتاعته باظت..
ونقلوا ليه واحدة تانية..
دا حقه كسودانى..
وكفنان مبدع..
ما قلنا حاجة..
لكين دا ما سبب يخليه يرد ليهم الجميل بهذا الثمن الباهظ..
وهو شخصه وسمعته كفنان السودانيين بيسمعوه فى كل حتة..
وبيحبوه رغم طولة لسانه..
حاجة تفقع المرارة..
والفن يا سيف مساعد اذا لم يستخدم لمناصرة قضاياالوطن..
ببقى تهريج..
ونعيق بوم..
وهم يغنوا..
ورئيسهم يرقص..
والبلد تغور فى ستين الف داهية..
أأأأأأأأأأأأأأأأأأأأأأخ....
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saif massad ali)
|
هذه ليست صورة فاضحة.
لا الغنا غيب
ولا الرقيص عيب..
عيب الديكتاتورية... وعيب التعذيب.. وعيب الكضب. وعيب افقار الناس ..وغشهم بوعود التنمية والرخاء..
عيب الراسمالية الطفيلية فى اى شكل كانت.. اسلامية ولا اتحادية ولا يسارية.. عيب.. عيب..
عيب شغل الاستخبارات والتجسس والتحسس..
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saif massad ali)
|
لا أستطيع تبرير ما فعله الأستاذ وردي لكني اتفهم تماما ما قاله و مايشعر به الآن!
سؤال عنيد : ما عمر الأستاذ الآن ?
آخر:
كم من سنين عمره قضاها في النضال مع من لا يستحق ?
كمان واحد:
ما هي مشاكله الصحيه الآن..
احترامي لك استاذ وردي رغم ما جرى
واتمنى ان ينتشي سعادة الرئيس المره الجايه بجلابيه وحاشيه و دواخل انضف .. أو لا ينتشي زاتو!
المنتشي ليها شنو!!!
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saadeldin abdelrahman)
|
سيظل الاستاذ محمد وردى قامة فنية سامغة مهما حصل فأتمنى ان لا نخلط بين الاجتماعيات والتى تنبع من اعرافنا السودانية ومواقف وردى النضالية فهذا الرجل قدم الكثير للفن السودانى وحتى وهو مريض مازال يعطى فيجب علينا ان نعى ونحتفظ له بهذا الجميل الذى هو دين على كل سودانى فيكفى وردى أغنية الود فهى لوحدها تغفر له كل شئ فأذا كل قادتنا ومناضلينا ورؤساء احزابنا السياسية جلسو مع البشير بما فيهم زعماء الحركة الشعبية فلماذا نحاسب وردى.
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Saifeldin Gibreel)
|
اولا يا جماعة دى كانت مناسبة إجتماعية مدعو فيها محمد وردى وفى نفس الوقت عمر البشير
يعنى المناسبة دى ما كانت فى القصر الجمهورى ، وإلا كنتوا عايزنه يقول لى سيد الدعوة
لو عمر البشير جاى المناسبة دى أنا ما جاى؟
ويا أخ سيف بالله سلم ليناعلى سيدى محمد عثمان الميرغنى وما تنسى تجيب لينا منه
موية الوضوء عشان نتبرك بيهو.
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: ترهاقا)
|
بسم الله الرحمن الرحيم
الأخ بكري إسماعيل....أولآ سلامات....ثانيآ أخبرني ما الذي تغير في حكومة الأنقاذ حتي يغير وردي إتجاهه 180 درجة...أما عن موضوع البيت...فلقد قرأنا جميعآ وشاهدنا في التلفزيون تكريم الديكتاتور عمر البشير للفنان وردي...ولقد تم منحه قطعة أرض بهذه المناسبة....ثالثآ لقد ذهب وردي للقصر الجمهوري وأعرب عن تضامنه مع عمر القشير ورفضه لقرار مجلس الشعب بمحاكمة مجرمي الحرب في لاهاي...أنا لم أختلق هذه الأخبار ولكنها موجودة وموثقة في كل الصحف السودانية وبتاريخ حدوثها ويمكنك أن تراجع أرشيف تلك الصحف....إن الحديث واللعب بمقدرات الشعوب والأوطان وإستفزاز مشاعر الناس من قمة فنية كبيرة لها ملايين المعجبين كالفنان وردي شئ مرفوض تمامآ...أنا لا يهمني أن تكون من معجبي وردي أو أصلك حلفاوي ولامحسي ...ولكن تؤرقني المصائب والمحن التي تتكالب علينا كقطع الليل المظلم....كما أنني لم أدعي في يوم من الأيام بأني مناضل ولا حتي أحب هذه الكلمة التي كثر إستعمالها فاصبحت إستهجانآ....ولكني أقسم بالله العظيم أن أكون سيف حق في رقاب الظلمة وأعوانهم بكل ما أوتيت من قوة ...وسيعلم الذين ظلمواأي منقلب سينقلبون....
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Osman M Salih)
|
شكراً أخي الكريم سيف،
وردي يغني للبشير، والبشير يطرب، وأبناء شعبه يقتلون في مصر؟
ما أبشع سقوط الرجال يا وردي!!
ما افدح الجرم يا البشير، أيها الدتكاتور الكاذب، الراقص، القاتل، المنتهك لأبسط شروط الإنسانية.
أعزائي البورداب،
أرجو زيارتي هنا،حيث أناقش في الخيط موضوع الساعة!:
الله
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saif massad ali)
|
أهي صفة قارة في شعبنا أن يكفـن بالحَيا
و يـشطب بجرة كي بورد تاريخ من ساهم
بقدر معلىّ في صياغة وجدانه لمجرد
مشاركة بالغناء في وليمة عشاء حضرها
من حضرها ؟ !
ـ مات خوجلي عثمان مطعوناً
ـ تبعثرت أوراق الجابري بعد موته وعُرض
بيته للبيع
ـ ومن الذهول كتب إدريس جماع أشعاره
الأخيرة على رملة القـيف
ـ وقـتل داء الصدر معاوية نور
ـ لقي الشاعر محمد عبد الحي ربه بجلباب
عليل فـقـير
قائمة الجحدود و إلتهام الأرواح طويلة
و مسك ختامها الذي لن يكون أخيراً هو
التبشيع بوردي
عجز إرادتنا الجماعية عن إسقاط الطغمة
الحاكمة هو الي يوجهنا لصب الغبائن على
رؤوس
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Osman M Salih)
|
الاخ عثمان انت والله الفينا
مرحب باقتراحك الجاد بتخصيص ولو دولار لدعم المبدعين في السودان
وفالنجعل من اسقاطات بعض اخوتنا هبا نقطة
انطلاق لتحقيق شي ايجابي
بدل الكتابة ورا الكى بورد وتسفيه قامات شكلت وجدان شعب كامل
وانا معاك للتنسيق
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: عبدالكريم الامين احمد)
|
سيف
عايزة اوضح معلومة يمكن تكون غايبة عن القارئ/ة..
وهى ان الاستاذ محمد وردى عضو فى التجمع الوطنى الديمقراطى منذ تأسيسه..
وحينما دار النقاش فى القاهرة حول نوعية انضمامه...
كان رد التجمع بأن ورى موجود بصفته شخصية وطنية..
ثم دار النقاش حول شروط الشخصية الوطنية..
كل ذلك لم يكن اعتراضا على انضمام الاستاذ..
ولكن اذا كانت هناك افراد وطنية فى التجمع..
فلماذا لا يفتح الباب للغير؟
وعضوية الاستاذ فى التجمع جاءت من منطلق مواقفه الوطنية..
واناشيده الثورية..
بصوته الخرافى...
ولا ادرى اذا كان قد دخل السجن بسببها ذات يوم ام لا؟
اذا رسالة الفن هى الرقى بالمجتمع وصقله..
وايضا الدفاع عن المظلوم..
ومهاجمة الطغاة..
كيف يكون شعور المواطن الذى يعشق الاستاذ؟
حينما يراه جالسا مع الجلاد فى جلسة أنس وسمر؟
****
ثانيا قابلت الاستاذ فى القاهرة وابلغته تحية ابناء جبال النوبة فى زيارتى لهم..
بل ويغنون له..
والاغنية اسمها..
وردى نجم الصباح!
كان سعيدا للغاية..
وتاثر جدا لان الشعب فى عز ازمته ومواجهته للموت يغنى له..
ووعد بزيارتهم..
هذه معلومات رايت ان فى هذا البوست مناسبة لذكرها...
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: saadeldin abdelrahman)
|
حبيت اعلق فقط على الزوق العالي والراقي جداً للمحاورة
سارة وهي شكلها زولة مرهفة وحساسة لدرجة بعيدة
وفي ذات لا تماري في قول الحق
ياسارة لك كل الإحترام
والوقفة والإجلال للفنان الكبير وردي
الذي تقف عند قامته الكلمات.
وهو انسان لا يستحق منا المحاكمة القاسية
يستحقونها الساسة الفاشلون
في النضال وفي الحكم.
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Mohamed Suleiman)
|
Quote: أليس بإمكان المقيمن بالخارج تخصيص صندوق
تبرعات ثابة تغاث بها لهفة مبدعـي الداخل
في صراعهم من أجل البقاء بدلاً من إلتهام
أرواحهم أحياء ؟!
أم هي شادية التأمل الصامت بإنتظار ركوع من
يركع لتنهال عليه السياط ؟!
|
ماذا تقصد يا عثمان محمد صالح؟
ان الفنان يركع من فاقة؟
..............
| |
|
|
|
|
|
|
|
|
|
Re: صورة فاضحة وردي يغني والبشير يرقص (Re: Tumadir)
|
أقسم بالله الذى لا شريك له..
اشعر بالغثيان من هذه المقابلة..
وطالعة من هنا حالا..
وبعدين دى قوالة ما مقابله صحفية..
تماضر قالت وما قالت..
الشعب كله قال..
اشمعنى تماتضر؟
ولا دى برضو تصفية حسابات امريكية؟!
!JESUS
| |
|
|
|
|
|
|
| |
saif massad ali
Tumadir
saadeldin abdelrahman
waleed500
ناذر محمد الخليفة
Adil Isaac
عبد الحميد البرنس
jini
ابراهيم بقال سراج
الحارث سرالختم عبد الله
Rashid Elhag
Mohamed Adam
Mohammed Haroun
bob
عشة بت فاطنة
mo
Shams eldin Alsanosi
عبدالكريم الامين احمد
khaleel
nour tawir
Adil Osman
Saifeldin Gibreel
ترهاقا
ابو جهينة
Osman M Salih
Haydar Badawi Sadig
عبدالماجد فرح يوسف
القلب النابض
Mohamed Suleiman
فيس بوك
تويتر
انستقرام
يوتيوب
بنتيريست