|
|
 هرطقات ..
|
تصحى الصباح تتسوّك بي فرشة منكوشة وبقايا من ابو وردة رغوة المعجون جوة خشمك وتقنع نفسك بي إنو صوت السواك على شكل لحن أغنية الحبيييب مالو ما جا وييييين مالو ما جا ..وإنتظرتو لما ما جا روحت زرتو ..من الوهلة الأولى تكتشف إنك بتكلفت في السواك وإلا لكنت إخترت لحناً أطول وانت تردد من يوووووم ما شوفتك قلبي للدنيا ابتسم ..لكن يبدو أن بقايا المعجون لا تكفي !!!
تخش الحمام عشان تستحمّ تلاقي ليك برضو بقايا صابون يمنة ويسرى ولكن ليست على خطى الشهيد أحمر اخضر أصفر أو كما يغني الكاشف شي صابونة غسيل وشي صابونة فنيك وشي صابونة لوكس وما ادراك ما لايف بوي ..تجمّع كوتة الصابونات ديل عشان تطلع ليك بي رغوة بنكهة اللاشئ ورائحة ال ولاااا شي تفط سطر وتغسل سطر تفط سطر وتغسل سطر واكيد اكيد بين كل هذه السطور فإن ضهرك غير وارد ضمن الحسبة ..
تمشي المطبخ عشان الشاي تكتشف إنك اخر زوّار المطبخ وبررررضو تلاقي بقايا شاي ..كبابي فيها بواقي شاي ناس البيت ..صينية فيها سكّر مكشّح في كل الاتجاهات وعلامات لقعور الكبابي تدل على جوغمة كبيرة جداً لا تتناسب وحجم الشلاليف ليكون نصيبك شاي نص كبايتو تفل ..
بعدين مش خليل إبراهيم ده دخل امدرمان بي صابرين ؟ طيب الجموعية علاقتهم شنو بي الموضوع ؟؟ سعدية بنية سمحة ..أي نعم لابسة ليها إسكيرتي مورّد وانا جني وجن الإسكيرتات المورّدة لكن سعدية النصيحة سمحة والإسكيرتي ما بيناتنا بيدوك بدل لبس وبتغيريهو ..!! هي سعدية شغالة وين ؟؟
إيران لمن خصّبت اليورانيوم ما تفتكرو الموضوع بقا عندو علاقة بي أطفال الأنابيب ولا تفتكرو الحكاية فيها عجز جنسي ما تراهو مشورع الجزيرة فيهو اراضي خصبة حصل سمعتو بيهو قاعد يلد ؟؟؟ إنتو قايلنو مشروع الجزيرة ولّا فلسطينية ؟؟ بالمناسبة كل ما شيرين ابو عاقلة مراسلة قناة الجزيرة في غزة تغيب ليها يومين بحس إنو المرا دي بتكون والدة ليي ما عارف !!!وعلى ذكر المراسلين فما هي أخر اخبار مراسلين بلا حدود ؟؟
علي شافع جيرانا لقيتو ليك سايق ليهو ترتار وبيغني ابو لي بي ابو لي بي يا اللبن ابو لي بي ..ده شنو يا علي قال ليك بغني ..قلت ليهو سمح غنّي ..بالمناسبة علي لسة عمرو اربعة سنوات وغالباً غالباً لمن يبقا عمرو 10 سنوات اهلو حا يضربوهو ما عشان الصلاة لالالا عشان حاجة تانية هي شنو والله ما عارفة لكن الزول ده حا ينضر ب حا ينضرب..والموضوع ما عندو علاقة بي اخوهو خالد الكورك للأستاذة في فصل سنة خامسة استاذة استاذة الدخان ماااااااا عندك لكن ..
|
|
 
|
|
|
|
|
|
|
|
Re: هرطقات .. (Re: اساسي)
|
بعدين زاتو ما بتعرف تهطرق
يا تنجض الموضوع ولا ما تخستك بينا ساكت
الواحد ليهو فترة بقي حاسبك من الناس البيدخل ليهم مواضيعهم فما تخلينا نعمل كلكات علي الفاضي يا انصرافي
| |
|
|
|
|
|
|
|
|
|
Re: هرطقات .. (Re: اساسي)
|
تعرف يا وهم ذكرتني نكتة صاحبك المشي يشتري ليهو قرد , سال صاحب المحل قام جاب ليهو تلاتة قرود , قال ليهو الاول بي 500 ريال قال ليهو ليه غالي ؟ قال ليهو القرد دا بيعرف للكمبيوتر وبنجضو نجاض , ساله من القرد التاني قال ليهو دا بي كم قال ليهو دا بي 1000 ريال قال ليهو وماه دا كمان قال ليهو دا بالاضافة لانه بيعرف كمبيوتر بيعمل علي نظام التشغيل Linux اها قال ليهو الوتالت دا بي كم ؟ قال ليهو دا بي اربعة الاف ؟ قال ليهو ليه ؟ قال ليهو اكون معاك صريح دا ما شفته بيشتغل اي حاجة لكن القرود الاتنين بنادونه ( يا طويل العمر) .
ـــــــــــــــــ
فاسع يا طال عمرك تراك ذبحتنا بي هرطقتك دي!
| |
|
|
|
|
|
|
|
|
|
Re: هرطقات .. (Re: عمر الفاروق)
|
التحية والأشواق يا ود الفاروق؛
لسع ما داير تغطي الصلعة البهية دي؟
بوست دمّه خفيف
وياسلام
| Quote: بعدين مش خليل إبراهيم ده دخل امدرمان بي صابرين ؟ طيب الجموعية علاقتهم شنو بي الموضوع ؟؟ |
نفرتك كان للأذية برضو غيرك في انتظارك
مهما حاولت القضية برضو فشلان اختراشك
ياخي اقنع من دربنا؛ مليانة أشواك افتراشك
مهما ملّيت اصطبارك ولا هو خاتِيْك اختيارك
اهتبالك لي فرصنا؛ ولي فرص جابت وبالك
رفرفت زالت غشاوة جابت الضر والمهالك
نحن قاعدين في انتظارك
كان وصل واللا إن تهالك
انشراحك وقتي سألك
أنحن راجين المهالك؟
شوف طريقك بس تدارك
محنة الجور والمهالك
شوف طريقاً في دبارك
أنحن ما كايسين معارك
انت الجموعية ديل ساكنين في شارع الجميعاب
واللاّ رحلوا
| Quote: والموضوع ما عندو علاقة بي اخوهو خالد الكورك للأستاذة في فصل سنة خامسة استاذة استاذة الدخان ماااااااا عندك لكن .. |
يخسى عليه الولد دا؛ ما زي عمر لما كان تلميذ؛
للأستاذة ذاتا؛
هي الأستاذة ذاتا جاية المدرسة متكبرتا ليه؛
مدرسات آخر الزمن
أنا عارف؟
هو انت قلت شنو واللاّ شنو؟
| |
|
|
|
|
|
|
|
|
|
Re: هرطقات .. (Re: عمر الفاروق)
|
| Quote: كلام فاضي وضياع وقت لا يغطي ثمن الحبر الذي كتب به |
أسة في ذمتك يا اساسي الموضوع ده لو كان بي حبر وعندو تمن كان جيت كتبتو ليكم هنا ؟؟؟
هنا اي شي ببلاااااااااااااااااااش ..
ويا بلاااااااااااااااااااااااااش..
انت ما قاعد تشتري طماطم من جمب الجامع ؟؟
ولا يا ربي تكون ما بتصلي..
| |
|
|
|
|
|
|
|
|
|
Re: هرطقات .. (Re: عمر الفاروق)
|
اخونا عبد الفتاح:
| Quote: لسع ما داير تغطي الصلعة البهية دي؟ |
كدي أول شي أتم النزول بعد داك التغطية هينة ..
أرمي بايظك والباقي كلو هيين ..
مش انت بتتكلم عن كونكان 14؟ ولا شنو ؟
تحياتي ..
| |
|
|
|
|
|
|
|
|
 Re: هرطقات .. (Re: عمر الفاروق)
|
عارف يا الفاروغ ( طبعا دي باللهجة السودانية ) جاية من البيت زهجانة وقرفانة وصارة وشي لاكين لمن
قريت الهرطقة بتاعتك دي ضحكت لمن قلت بس ,, وبديت أسال نفسي الجنا دة الليلة مالو نعل مافي عوجة
غايتو ذكرتني أيام زمان ومن صابون البوكيه وقابي والريحة الكاشت والبرفوسي .. يديك العافي والحضن
الدافي ...
| |
|
|
|
|
|
|
|
|
 Re: هرطقات .. (Re: عمر الفاروق)
|
عمر الفاروق يا جميل ..
| Quote: كدي أول شي أتم النزول بعد داك التغطية هينة .. |
تنزل وييين ؟!! الميدان ولا شنو ؟!! أها وتغطي منو فيهم هسه العجب ولا هيثم طمبل ولا هيثم السعودي ولا تغطي داريوكان ؟!!!
غايتو هرطقت دي هضربة سااااي من الجاييييكم !!!
مودتي
عماد محمود
تسديدة :
ياأخوي شايفك شلت الصورة من البروفايل .. الظاهر في زول هلالابي نبهك للقميص الكنت لابسه ده . 
| |
|
|
|
|
|
|
|
|
|
Re: هرطقات .. (Re: عمر الفاروق)
|
أواتف :
| Quote: ,, وبديت أسال نفسي الجنا دة الليلة مالو نعل مافي عوجة |
الجنا قام بيهو ربما تأثراً وتضامناً مع إخواننا في السودان نسبة لإنقطاع الإنترنت والإنتر كونتننتال والإنتر ميلان زاتو ..
بعدين النصيييحة كده يا أواتفنا النبيلة في اسامي صابونات كده مااا اظن انا حضرتها ياخ انا اول صابون اسمع بيهو كان ابو فيل ده كيف معاكم ده أدوكم ليهو ؟
| |
|
|
|
|
|
|
|
|
 Re: هرطقات .. (Re: عمر الفاروق)
|
أبو فيل دة يا عموري بتاع غسي العدة كان في صابون لايف بوي بيجيبوه مهرب من الحبشة مع اللوكس أما
ناس قابي ديل فحاجات بتجي تلاتة صابونات بني وأصفر وأزرق في صندوق واحد سيت يعني .. أيام زمان
كانت أيام ..
| |
|
|
|
|
|
|
|
|
|
Re: هرطقات .. (Re: عمر الفاروق)
|
اساسى هى ايــــــــكا
عمر الفاروق انا مالى الايام دى مباريك زى( مباراة) فان بارسى لروبين...كلمة القوسين عنصرية
دى هرطقات عذابة,,,عرفتها من باقى الشاى الفى الكباية,,,لان هرطقات المتزوجين
باقى الاسرة بصحى بعد الساعة 12 بس للمتزوجين اعمار سنو 2005
اما هنالك من لهم ابناء شغالين وبنات شغالات,,ديل بطلو هرطقة,,,
| |
|
|
|
|
|
|
| |
عمر الفاروق
اساسي
عبدالفتاح أبوشيمة
عواطف ادريس اسماعيل
abuguta
فيس بوك
تويتر
انستقرام
يوتيوب
بنتيريست