لمن يضيع عرق الجباه الشم شمار في مرقة .. يا نوووووووووووووووووووووووووورا اه .. والله إتحاد شدّاد ده رطّب بي قروش شكاويكم دي يا المريخاب.. والله إدارة المريخ دي بتزكرني بي الدورات الرمضانية ودورات فقداء الشباب في الحِلّة .. الكورة تنتهي بي جاي يجيك واحد يدّق ليك الباب بي جاي يقول ليك هاك دي 500 جنيه نحن رافعين شكوى في اللمين كرناف .. تقوم إنت طوالي تقول ليهو يا زول خلاص كسبتو الشكوى بكرة تعالوا العبو النهائي إنتو وانا بكلم الفريق داك أقول ليهو انتو مغلوبين 2- صفر.. بالله عليكم دي الشكوى رقم كم ترفعوها في الهلال ؟؟؟؟ وشكاوي كلها ضاربة تنم عن إدارة جاهلة تماماً وفقط همها تخدير جمهورها بعد أن فشلت ولمدة 5 سنوات من الفوز داخل الملعب في هذه البطولة .. يا تمبس تتزكر التتر مدرب القراقير؟؟؟؟ مش كان جنوا شكاوي ؟ خسر المريخ الشكوى كعادته وتم رفضها كالعادة وضرب شداد ورفاقه قروش الشكوى كالعادة .. مبروك للمريخ هذا السقوط الإداري والفشل الإداري ومبروك هذه المرة لإدارة الهلال ..
05-26-2007, 06:20 PM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
الأخ حسين : ورأيك شنو في الشكوى البيرفعوها والكورة شغالة وفي المقصورة ونتيجة الشكوى تطلع في نفس اللحظة والغريبة كانت مباراة كأس وكده .. ويقوم رئيس الإتحاد يبتّ في الشكوى ويقرر المريخ فايز ويديهو الكأس .. ولا شنو يا عاكف عطا؟
في البداية نزل لاعبو المريخ بالزي الاحمر وايداهو كان بالرقم 14 . ناس الهلال وقبل نزول الفريقين قدموا شكوى في ايداهو وكاتبين في الشكوى اللاعب رقم 14 . اهاا اللعيبة رجعوا في غرفة تبديل الملابس ورجعوا لابسين اصفر وايداهو مغيرالرقم ..
شفت مقلب زي دهـ قبل كدهـ والله ياعمر دي كانت اغرب شكوى في تاريخ كرة القدم ..تكتب’ في الشكوى اللاعب رقم 14 واللاعب كان بالرقم لاحظ للصورة كويس ..
تحياتي ياجميييييل ..
05-26-2007, 07:03 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ود المايقوما: موضوع إيداهو ده كان موضوع كبير وشغل الترضيات كان فيهو واضح وشغل الرشاوي كمان كان أوضح واللعب ما بين نيالا والخرطوم كان مبالغ فيهو .. والموضوع تمت فيهو التسويات والترضيات وبقت زي إتفاقية بين الإتحاد والمريخ .. نقول لي ناس الهلال الشكوى ضاربة ونخليهم يسجلوا علاء الدين .. وأهو منها كمان نقفل على موضوع التزوير الشهير والبصمة وما أدراك ما العجب.. ولا شنو يا حووصة ؟؟ أو كما يقول مزمل
أححححححححححححححححححححححححي ..ريحتني في كنكوجي وما تسألني الكنكوج ده وين لأني ما عارفو ..
Quote: وقصيدتك عاجبانا ودايرين نغنيها
أها دي قعدة في التلفزيون من هسسسسع دي وراجي برامج رمضان عشان أسمعا وحا أرسل لي أهلي في أم ضريوة ووادي عقرب وأم دقرسي عشان يشتروا الجاز من الليلة للدينمو ويوصّلوا لي الجيران من غير قروش ويزيدوا ساعات الكهرباء وبدل تكون من 6 لي 9 مساء يعملوها من5 لي 12 مسا..
تخريمة : أصل الحكايا يا طارق شكوى والشكوى لغير الله مذلّة وقووووووووومي كده يا علوية أقعدي في العنقريب واتفرجخي وقووووووم كده يا حاج الطاهر خت السفّة من الحقة .. بث..
05-27-2007, 10:09 AM
اساسي اساسي
تاريخ التسجيل: 07-20-2002
مجموع المشاركات: 16468
يا قرضابي: وانا اقووووووووووووووووووووووووووووول.. زولك مسيكيييييييين ويكتب بي خجل عن الشكوى ويقول ليك انا عارف الاتحاد ما حا يوافق بالرغم من صحتها وانا عندي احساس وانا عندي فرناس.. لكن والله باااااااااااااااااااااالغ عمي الراجل..
تخريمة :
Quote: قبض الريح
يكون الريح مصطفى يا ربي؟
05-27-2007, 10:25 AM
abuguta abuguta
تاريخ التسجيل: 04-20-2003
مجموع المشاركات: 8276
عمر الفاروق في أول حوار صحفي له يفجّرها داوية ويقول: * انا معجب بفرقة الهيلاهوب منذ نعومة أظافري .. * بدأت كأي شاعر عادي من خلال الدورات المدرسية وكتابة القصاصات الشعرية في كرّاس الإملاء.. * طارق الأمين قدمني للجمهور وهذه نصيحتي للشعراء الشباب.. * أرفض إتهامات محمد وردي وحمد الريح حول أعمالي وهاكم الأسباب.. * لجنة المصنفات تكيل بمكيالين ولهذه الأسباب رفضت مقابلة التجاني حاج موسى.. * شركات الإنتاج تتغول على أعمال الغير والتلفزيون في نوم عميق.. * القدّال وحمّيد وخيري شعراء كبار ولكن !!!!!؟؟... * لا يوجد ما يسّمى بالأغنية الشبابية والجمهور السوداني ذوّاق .. * العالم أصبح قرية صغيرة وطريقنا للعالمية يبدأ من هنا .. * السلم الخماسي مسموع في أوروبا وعبد القادر سالم خير سفير وهاكم الدليل.. * وزير الداخلية طلب مقابلتي ..وهذه قصتي مع الأمين العام للأمم المتحدة ..
كل هذا والكثير المثير في مجلة سيدتي هذا العدد فقط ترقبوه.. مجلة سيدتي ..وأخيراً أصبح للمرأة في الوطن العربي مجلّة ..
05-28-2007, 06:08 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أساسي وأبقوتة: ندّمتو الزول على هظارو ..يعني الواحد تاني ما يهظر معاكم ولا شنو ؟ والله طارق اللمين أسة بقى في البتحلّو .. تخريمة : اها يا طارق أخبار ود الحاوي ما خلص من التلحين ؟ يا زول غيروهو وعوضنا الله أدوها لي وردي يلحنها..
05-28-2007, 07:00 AM
زول ساكت زول ساكت
تاريخ التسجيل: 11-26-2004
مجموع المشاركات: 2907
اعلان هام ننوه الى انه قد تقرر ان لايدلي الشاعر الكبير النحرير عمر الفاروق باي تصريحات لوسائل الاعلام بشتى انواعها الا عن طريق المكتب الخاص وبموافقة مدير اعماله وعلى الراغبين في اجراء حوارات او لقاءات صحفية تعبة النموزج الموجود باستقبال المكتب او عن طريق الانترنت على البريد الالكتروني [email protected] ونظراً لكثرة الطلبات ولمشغوليات سيادتة في تنقيح الطبعات الجديدة من دواوينه الشعرية التي نفدت منها الطبعات العربيه والانجليزيه فاننا لانعد في ان يتم اي لقاء قبل مضي ستة اشهر من تقديم الطلب وسيقوم الحرص الخاص بالتامل مع اي تفلتات امنيه بالحسم المطلوب حفاظاً على روحه الغاليه وشكر زول ساكت(سبت) مديرالاعمال والمشرف على المكتب الخاص
05-28-2007, 07:28 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا زول إنت تشابه عليك البقر ولا شنو ؟ انا ما الزول الألّف كتاب ال Backup & Recovery لي ناس سايبكس .. إنت أظنك ملخبط ساي..
تخريمة : ديواني ده لو ما لقيتو في جرير شوف العبيكان ولا ما لقيتو في العبيكان جرّب مكتبة المريخ وإذا ما لقيتو هناك حاول شوف طريق الملك عبد الله وإذا ما حصّلتو هناك بعد كده ما عندك حل غير تمشي الكتاب المستعمل ..
* ملحوظة: تأكد من إنك فطرت قبل ما تبدأ جولتك دي ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
حسين يوسف احمد
ALGARADABI
اساسي
abuguta
زول ساكت
فيس بوك
تويتر
انستقرام
يوتيوب
بنتيريست