|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: أبو حيدر صديق الموج
Quote: دحين خسمتكم ما فولة وانقسمت النص؟؟؟
في ضمتك إنت لو إنقسمْت بتنقسم زي الفولة نصين ؟
قول تنشطر زي قنبلة هيدروجين ممكن ... تنشطر زي خلايا ديناصور .. ممكن ..
بعدين ياخوانا الزول دة مخسوس قام بعملية تخريب في كمبيوتر البيت عشان أم حيدر ما تشوف الــ ( نيو لوك ) بتاعتو دي .. |
ابو حيدر منو يا ابو جهينه؟؟ تقصد ود المرحوم الانا ربيتو جنس حساده ماداير معاك كلام تانى.. قال ابو حيدر قال .. هسه انا قاعد اقول ليك يا ابو اربعة،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: الموج انت بعد النيو لوك ماترجع البيت لاتة محرشين ليك احمد وفطومة .والباقي بتشوفو براك . بعدين صلاح غريبة دي اعتزل الكتبة خلوا فيي حالوا . |
يوسف ديل امرهم هين ناس ام نويويرة ديل..الكلام العقرب الكبيرة.. بعدين غريبه انا عاجبنى فيه عصاميته..قالوا الايام دى شايل كتبه وكراساته وعلى محو الاميه عدل ،قال داير يبنى مستقبله...الله يوفقوا... لكن بينى بينك انا خايف على الاساتذه،بعد غريبه يتخرج يرجعوا هم يفتشو ليهم فصل محو اميه يدخلوه،،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
.. .
Quote: وسط الزهور متصور وشو العجوز ده منور رقة وحنان بي الجنبة يا موج بقيت متهور |
قرقر قر قرقر قر..
الجمال جمال الروح يا خال والله نحنا واثقين منكـ لانو عارفين روحك شبابية وكرشك مخفية بس اصبغ الشعر ووالبس الاسبورت وما تقلع العمة والطاقية .. جهز المهر والحرائر الهندية واحجز سريع فى الخطوط السعودية عشان نسير للامتداد زفه ودلاليك لخاطر العيون المحسية نجبجب معاك فى المطار والمنشية هجيج من الصباح للفترة المسائية بس ان شاء الله امونة ترضى بيك بدون واسطة حمزاوى وقعدة جودية.. وما تقول دا راجل خرف ونسي الاصول والمقايس الاجتماعية اعمل حسابك ما تتهور شديد يطلع مغرز وتجيك حالة نفسية.. انت ما عارف سودانيز اون لاين للمقالب الاسفيرية اصلو الصور مقلوبة والناس محبوبة والحاجات مخفية فى العوالم الانترنتية
بالله كدا كيف يا اساسي .. ارررووووووووك ..
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: يا ود الموج والله ما عندك عوجة تب
آخر مره اتلاقينا فى السودان وكان معانا وليد محمود(لندن) دى زمان .
وآخر مره اتلاقينا فى المسنجر(الله يرحمو) وحكيت ليك نكته لو بتتذكره .
لاكين والله لسه قيافه . صورة الفل سووت قرض عليها لانها بتجيب ليك دخل .
كان هون بنتلاقى ( وش منبهر ) بعد زمن طويل . |
حمد اسماعيل الفنان كيف حالك.. واخر اخر مرة اتصلت بيك فى السودان على جوال اخوك وعزيتك فى المرحوم خليل الله يرحمه.. وكتر خيرك على رفع المعنويات بس اقنع لى ناس السنى دفع الله ديل انهم ما دفعتى ودفعتك.. يا حليل وليد بنتهاتف من مرة الى اخرى واظن بحضر فى ماجستير ربنا يوفقه،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: والله يا دوما ما في زول خارب الموج دة غيركم ، قبل يومين لقيناه مرسل كمية من السماسرة لتاجير منزل في الصحافة ، وبالعدم يسكن جنب ناس عماد عبدالله في الديم ، شفتي الشلاقة يعني لازم يكون في الخط ... شدرة الموج صفقها اتحتا زمان تنفع حطب بس ... |
مصطفى سرى انت يا احقد زول فى المنبر (طرآ) حلوة طرا دى، شكيتك على الله.. وبعدين لى السكن جنب نا عماد ديل ،اخير لى اجاور ناس دكين فى الكلاكلة ديك،تشترى البيت فى وسط البيوت ونص الحله مطرة واحده تلقى بيتك بقى ناصيه وفاتح على ميدان... عماد شنو البجاورو انا؟؟دايرو يكرهنا البيت انا وامنه،بالمناسبه امنه ما بتحبوا خالص،وبالامارة محذرانى منو.. مصطفى دى قطيعة،عارفك فوله ما بتنبل فى خشمك ،امشى كلموا كمان،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: لوووول سري يا ا خي دا اسمو الحقد الطبقي ود الموج لسه ما زال عوده اخضر هين تستخفه بسمه الطفل قوي يصارع الاجيالا ناس بت عوض الكريم والاجياله الجايه في ا لطريق كمان بعدين يا اخوي انت رفوك من زمان مما قالوا ليها ضحكتك تشبه ضحكه مصطفي سري طوالي غيرت الصوره جابت صوره ماده بوزها كدا نزل صوره انت مبوز عشان نقارن بتشبها ولا لالالا . سؤال لبكري آمنه دي الثناها للعضويه منو ؟؟؟؟ غايتو ما انا |
دوما لا تسالوا عن اشياء ان تبدو لكم تسوءكم!! زى امنه دى بثنوها،وحاتك انا كان محل بكرى قبل ترسل لى طلب العضويه اقلع ليها باسوردك وباسوردى وباسورد بكرى وخمسمائة باسورد من باسوردات الاوغاد القاعدين هنا واسلمها امانة الموقع... واخليها تجلد كل متداخل يدخل هنا كل يوم عشرة جلدات كمان انقرى ما كنا بنوافق؟؟لا حولا هو نحن لاقين،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صديق اخوى ؟؟ عسسسسل .. والله عسل !
وصدقنى انت ما محتاج اى نيو لوك .. النضارة والعمة والبسمة البتدخل جووووووة فى القلب دى ..بالدنيا ،، الباقى كلو هين !!! ديل مفلسين واصحاب غرض ... الفولة دى يااا الموج لازم ترجع كاااملة فى ى ى حتتا ! هى كاملة يا لطيف لما تتقسم .... |
اها شوفو يا جماعة دينا خالد براها طلبت تخت صورتا جنبى... بكرة لما اضيفا للبروفايل، تعالوا قولو ود الموج عمل وود الموج اتكسر.. يادينا ما تزعلى خلاص انا بخت صورتك الرسلتيها لى بالاى ميل.. مش اللابسه فيها تركواز...اللابسه فيها جيبه لازوردى على موف.. طبعا يا دينا ناس سرى ومعتصم القلقاله واحمد حنين بتاع بربر ده، ما بعرفوا زى الالوان دى..يا دوب الهدم الاحمر والهدم الاخضر،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: اول تبادي نقول والحاضر يعلم الغائب امنه قريبتي ومحسية ورطانية مفهوم يا حميده قول ثمح وحيث انها قريبتي وعملاً بالمادة 13 من برتكول محس عليه اطالب بكري ان ياتي بورود وزهور وحرير وياخذ عليها صورة قريبتي من جنب المتوحش الفاغر دا والمصيبة مأكل بصل شوف العبط الحاصل دا .. صديق الموج منزل صورة ببدلة والوغد دكين بيفتش في شقة خلاص ما فضل الا يجينا احمد حنين كمان بجلابية ومركوب ( ود حنين مأذون وارث المهنة دي من جدو ) يا صديق الموج شايف اخونا دينق مرسل ليك فياغرا اوصيك تاخذ حبة صباح حبة مساء امونة بت خالتي علي وعلي وخلي البسمة تعلي عليك الله يا امنه خصمتك بالرسول رسل لي صورتك ديك وانت جالسة في العربية عشان اضيفها في بروفايلي كيتاً في صديق الموج ودكين |
حمزاوى فياغرا شنو؟ ده تركين يفغر راسك الفارغ ده.. بعدين يا امنه هو عاوز يعمل فيها صاحبى ،ماتديه وش ...ثمح طلبك بخصوص الصورة محول للاخ ود الباوقة ،ووعد بارسالها فى اقرب وكت،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صديق الموج يارائع
ودي كيه لمصطفى سري ودينق
ماتسمع كلام الحاسدين والشمشارة
واولهم صاحبك عماد الجماعة حسدهم زاد خاصة بعد مداخلة (امنة)
بس امسك قوي في كلام دومة وبنت السيد ودينا خالد
اخر سطر صاحبك عماد شايفو عاوز يعمل حركات بجري بي هنا وهنا لكن انا لابد ليهو في الزقاق |
محمود بكر تسلم،،ووحاتك خلى الاستقدام يطلع وامنة تصل البلد دى(لووووووووووووووووول) اول زيارة حا نسجلها ليك انت يا حوده... بعدين خلاص انا صاحبت امنه الزول الكريه داك ما بدورو،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: أمونة لامِن جات لابسة القلوب عاجات البتضوّي في الساحات فايتة البنات درجات في الهيبة و النَورَه
يا بت خيار الناس هيبة و خيول و نحاس أمونة كاملة خلاس من القِديم للراس النايمة في خدوره |
شماشى عرفتنا كيف حا نجيب حرم النور فى حفلة النادى؟؟لاحولا وحاتك الكلام ده ما مرقناه لى زول..انا وامنه بس، حتى امى فى البيت ماكلمتها،غايتو يا ناس المنبر ما بسالكم!! شماراتكم تحير... بالله يا امنه شفتى جنس ده؟؟ معزوم يا شماشى ..كرتك بجيك بالدى اتش ال..غسل هدومك من هسع،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
صديق يا موج (اقلع ليها باسوردك ) انشاء الله يا صديق وبركة يوم الاثنين ( انت كان تكتب كلامك دة يوم الجمعة عشان دعوتي تمشي طوالي وهي كلها ايام الله وانا صومت اسع دي بتوقيت قرنتش عشان ادعو ربنا انو باسوردك يروح وما تلقاه لا في جلابيتك العاجباك دي لا في اي حتة والاولاد يقولو ليك اسع كان هنا وهناك لمن تتشعنن وتتجنن وتتعفرت ) ونوصي بكري ما يرجع ليك الباسورد تاني ، ونشوف ست دومة وللا بت الاسيد - لقيتك خائنة بعد تلفونك الطويل داك - ودينا خالد اللي يسلفووك الباسورد الليلهن وانا صايم ..عشان تامن ...
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صديق يا موج (اقلع ليها باسوردك ) انشاء الله يا صديق وبركة يوم الاثنين ( انت كان تكتب كلامك دة يوم الجمعة عشان دعوتي تمشي طوالي وهي كلها ايام الله وانا صومت اسع دي بتوقيت قرنتش عشان ادعو ربنا انو باسوردك يروح وما تلقاه لا في جلابيتك العاجباك دي لا في اي حتة والاولاد يقولو ليك اسع كان هنا وهناك لمن تتشعنن وتتجنن وتتعفرت ) ونوصي بكري ما يرجع ليك الباسورد تاني ، ونشوف ست دومة وللا بت الاسيد - لقيتك خائنة بعد تلفونك الطويل داك - ودينا خالد اللي يسلفووك الباسورد الليلهن وانا صايم ..عشان تامن ... |
مصطفى سرى ...انت لى هسه كويس؟؟
وانت زعلان فى باسورد امنه الدايرين نقلعوا ليها منك ده؟ وحاتك امنه تطلب باسورد نديها كلية من دكين وكليه من دينق وكليتين من غريبه وتلاته كبود... انت جنيت والا شنو؟ الباسوردات بكرى بدى فيهن لى الزى الشواطين ديل تقول لى زعلان فى باسورد امنه،؟،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: Deng)
|
Quote: دوما لا تسالوا عن اشياء ان تبدو لكم تسوءكم!! زى امنه دى بثنوها،وحاتك انا كان محل بكرى قبل ترسل لى طلب العضويه اقلع ليها باسوردك وباسوردى وباسورد بكرى وخمسمائة باسورد من باسوردات الاوغاد القاعدين هنا واسلمها امانة الموقع... واخليها تجلد كل متداخل يدخل هنا كل يوم عشرة جلدات كمان انقرى ما كنا بنوافق؟؟لا حولا هو نحن لاقين،،، |
لووووووووووول
يا خالتي دوما
الحقي عمنا الموج ذاتو
الموجة و بحر امنة شالو عديل
انشاء اللة توديه الضفه ما يكون عائم دائما
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: والله ياصديق الموج الوجاهه مكملها من زمن محمد حسين الثانويه, وكنت خارتنا مع بنات البلك وبيت الامانه , بنات زى القمر يقولوا شنو لامنه دى . بس لكن الكلام ده كان قبل تلاتين سنه , انت داير تاكل خريفك وخريف غيرك .
بينى بينك فيك عرسه عرستين لسه ,,
امنه : الدوحه أحلى من الرياض ,, فى حالة غيرتى رأئك ,, |
امنة الزول الاسمو كمال سالم ده لابعرفه ولا قرأ معانا وكان لاقيتى فى شارع الله السلام ما تديهو ليه ..ثمح؟؟ قال الدوحه..القطر اليخمك.. هسه فرقك من دكين ودينق شنو؟؟ جنس صلبطة،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: وردت الينا معلومات من مصادر موثوقة ان هناك اتجاه لسحب الباسورد من صديق الموج وان لجنة تم تشكيلها للتحقيق معه في الادعاءات التي اوردها في هذا البوست ، وامهلت اللجنة ثلاث ساعات لرفع تقريرها ، ورشحت معلومات ان اعضاء اللجنة مجمعون على التوصية بسحب الباسورد ، لكن احد اعضاء اللجنة قال اذا ( فصل ) الموج واعترف بادعاءاته وقال الرووب يمكنه الاستمرار ... وحجبت اللجنة اسماء اعضاءها ... |
مصطفى سرى ابو صلعة الحاسد الراصد... اتحداك يا مصطفى بعد ده اسحبوا الباسورد واعلن عن اسماء اللجنه والعينها وابو اهل اللجنة زاتا بعد ده انا وامنة ما حانكتب بباسورد واحد..وقلم واحد.. وقلب واحد.. مش حا يظللنا عرش واحد.. وهزت امنه راسها بالموافقة!!!
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: أنتي تبري، جهازك كن خسر بقلع لك بتاع ود الموج قلع |
كااااااااااااااااك دينق جاب اخرو.. ماقنا ليك يا دينق انتا مدشدش بس علكلتة منك ساي..
ود الموج.. لوووووووووووووووووووووول@ ود المرحوم الانا ربيتو.. ياخي دي قلبتا فيها هوبة..
والله انا لو من حيدر اشيل ام حيدر وبقية المجرمين الصغار واقعد في الحديقة الجنب بيتكم ديك ..
غايتو ام حيدر دي يدوها جايزة نوبل في الصبر والهندسة الوارثية كونها صابرة عليك وكونها جابت البت الاسمح من امنة ديك..
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: كااااااااااااااااك دينق جاب اخرو.. ماقنا ليك يا دينق انتا مدشدش بس علكلتة منك ساي..
ود الموج.. لوووووووووووووووووووووول@ ود المرحوم الانا ربيتو.. ياخي دي قلبتا فيها هوبة..
والله انا لو من حيدر اشيل ام حيدر وبقية المجرمين الصغار واقعد في الحديقة الجنب بيتكم ديك ..
غايتو ام حيدر دي يدوها جايزة نوبل في الصبر والهندسة الوارثية كونها صابرة عليك وكونها جابت البت الاسمح من امنة ديك.. |
دكين يا شاطر.. قلت لى صاحبك دينق بقى السمبرية البتاكل العيش بالضرا!!! ياخى انا ساترو والله انت ما تستر زول اصلك.. وحاتك دا النوع الببكى بعين واحده...
دكين كل الناس الا انت احذرك ما تشاغل البنات ديل هنا فيها سجن..انت قايل سحب باسوردات وكدا.. بعدين كان ما لقيت عروس تعال بنتفاهم.. مع انو عزاز بشرتك خير، قالت ليك بتلقى!!!!
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: والله يا صديق الموج حيرتنا أديييل كدا
اها خم وصر البنت شالت الصورة بتاعتا نهائي
في داعي لي جنس دا؟؟؟ |
بكرى الخير...كيفك
هى ما شالتها انا القلت ليها شيليها..الشله.. وبعدين شالتها منكم انتو،لكن نحن فرشنا ليها بين الاورطى والوريد وقفلنا عليها بالصمام،ووسدناها البطين الايمن..وخلينا الايسر تمدد فوقو كرعيها. وبقت تدخل مع الشهيق ..وترجع مع الزفير.. بعد ده كان جاتنا جلطه ما مهم.. اخ اخ اخ اخ اخ اخ اخ اخ اخ اخ اخ ...انت اطلع منها وجناتك ديل جهرنى..اقصد جلحاتك،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
ابو النســب
( كي فِــن ) يعنى
عايزنى أغيّر رأيي وأنتظر محروسه جديده ولا كيف ...؟
بما اني حاسد جداً وممنوع علّي الإستمتاع بفوح الياسمين
يلااااا انشاء الله ما ينفعك بركة سيدى منو داك ....
( .....) الفي الضمير مازايني ما شفتوها
ما بجاريك فى غنا الحقيبه الإنت عارفو أكتر من ناس كتاااار فى الدنيا دي
إلا لاكين .. ( يا دكين ) الجاتك فى ( ....) ما سامحتك تشـــرك وتحاحي ليك كم يوم ... وناس ( فلان وفلان ) ربببببْ تجيهم حدي عندهم ويقولو ليك شنو ياااخ معليش إنتظر الجايات أمتر من شنو ما عارف
ـــــــــــــــــ ياااخ معقوله ...؟
| |
|
|
|
|
|
|
|