|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: Tragie Mustafa)
|
اولا: لكل محبي اوباما دعونا اقول لكم كل عام وانتم بخير..... وازف لكم آخر الاخبار من الولايات المتحدة المشتعلة بالثورة و الرغبه في التغيير بأن اوباما قد تحول لقديس .....اي منح درجة الملائكيه في عقلية شعبه.
ما رايته هنالك......يفوق الوصف.....لقد رايت امريكان جدد يحلمون بكل ثقة بغد افضل ويحلمون ان يحملوا هذا الامل الامريكي لكل العالم ,ويحلمون ان يتحولون لقديسين يحملن الفرح و البشارة بالخير و السلام و المحبه و التعافي لكل العالم.
فالتحيه لوباما ..الذي جعل الفالنتين طعمه مختلف لكل الامريكان....بل لكل المؤمنين به.
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: Tragie Mustafa)
|
بعدين يا بكري يا اخوي بوردك المسكون ده اضبح ليه عليك الله صورنا تختفي وتعود لوحدها؟؟يا اخي انت ما عارف بتدخلنا في حتت ضيقه كيف.
بعضهم كتب لي في ايميلي الخاص انه يغار من اوباما ويرغب في ان اغير صورة بروفيالي!! فقد كان يحب كتاباتي....ولكنه لا يحتمل ان يقرأ لي وصورة اوباما بجواري في وجهه! الغريبه وقبل ان ارد على الايميل الاغرب ...اختفت الصورة بتغيير بكري للسيرفر فاعتقد اخي الفاضل انني استجبت لطلبه!! فرد يشكرني لتغيير للصورة وايضا قبل ان ارد عادت الصورة لوحدها!! حسه الشواكيش الاسفيريه للعلاقات الوهميمه الاسفيريه دي يا بكري في داعي تديها للناس في عيد الحب؟؟!!
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: HAYDER GASIM)
|
كتبت في بوست حيدر قاسم الآتي:
Quote: صالات كل المطارات تجد الناس تتابع باهتمام اكثر اخبار الانتخابات اكثر من شخص امريكي سمعته باذني يتحدث في موبايل ويتردد اسم اوباما لافتات حملته الانتخابيه تطل عليك من نوافذ محتلفه في مدينة واشنطون بيوت مهملة وفقيرة تحس انه بلمسة سحريه ادخل الامل لنفوسهم ونجح في ان يجعلهم شيبا وشبابا يجرجون اقدامهم لصناديق الاقتراع.
كبار السن الزنوج يعلقون صوره على صدروهم المراهقين زينوا صدورهم بصورته بدلا عن ورود الفالنتياين!! وجدت البعض حتى في حمامات المطارات يتحدث عنه!! |
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: ود الباوقة)
|
ود الباوقه لاتكون فاكر فعلا ان بعرف اوباما شخصيا؟؟؟؟ او تكون عامل فيها مصدق انه عندي اي فتفوته من اي كعكه معنويا او ماديا؟؟؟
Quote: غايتو يا تراجي حظك اوباما دا لو مسك الحكم في امريكا قطع شك انتي مسكتي الحكم في السودان ..
يا فراج الكرب ..
ود الباوقة |
بعدين انت لاقي حكم الزي وين؟؟؟ياريتك تعرف اي خير سيآتيك لو حكمكم امثالي.... لكن لعلمك لا احب الحكم اطلاقا.....ولا اسعى له.
قال حكم قال !! انماط الحكم التي نحلم بها تآتي بالمقدرة على تثوير الجماهير كما يفعل اوباما وليس بالتعيينات. صحصح معنا لو سمحت للقيم التي نحاول بثها من خلال متابعتنا لحلمة اوباما.
بعض العنوانين الظريفه للبوستات مهمهة عشان تجيب الزيك ديل يمكن ربنا يفتح عليهم بالاستفادة ولو من معنى و احد مما نحرص على ترسيخه من خلال تناولنا. كن بخير يا اخي.
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: بابكر التوم)
|
منوريرن كلكم يا شباب وبرجع برد لكم بالدور باذن الله بس خلوني اشاغل كمال على االزين ده:
Quote: تراجي كل سنة وإنتي بخير
Quote: بعضهم كتب لي في ايميلي الخاص انه يغار من اوباما ويرغب في ان اغير صورة بروفيالي!!
بث لكن في داعي تفضحيني كده؟ , تاني مابرسل ليك ..
أخوكم / بعضهم علي الزين |
اولا وين انت يا حي موت؟؟؟ سألنا عنك كثير وحمد لله على سلامتك.
انا لا افضح يا صديقي ولكني لا ارغب لاحد ان يتوهم شيئا. تهمني مشاعر البشر جدا لذا لا احب الخداع. لك تقديري ومحبتي وكل عام وانت غارق في الحب باذن الله ومستمتع بقرب من تحب.
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: Tragie Mustafa)
|
(منوريرن كلكم يا شباب وبرجع برد لكم بالدور باذن الله بس خلوني اشاغل كمال على االزين ده
كده في ناس حاتغير مني يا(تراجي) ..
أنا كنتا معصور في شغل وداني السودان كتير , ..
وهناك إكتشفتا إنو (تراجي) دي مشهورة بشكل , يعني أي زول يجي يشاغلك هنا ويعمل معاك مشاكل بعديها بتصل على أهلو بقول ليهم (تراجي ردت علي ياجدعان ) , أمشي السودان وشوفي (ده رغم إنو حاولت أوريهم إنو تراجي دي ز,لة عادية(شفتي الحسادة دي كيف ), ..
دعوني شابات (حلوات حلا ) من الأحفاد عشان أتكلم في (ندوة عن المرأة في الأغنية السودانية ) , واحدة فيهن قامت على حيلا وقالت :
طبعاً إحنا كنساء وزي ماقالت الأستاذة (تراجي مصطفى) ..داك وداك وداك .. طوالي عملتا فيها صحبك (البت كانت ثمحة ثماحة وبتعتقد فيك) , مافي طريقة غير إنو أعمل صاحبك ..
يازولة الخلاصة , بقيتي رمز و(الله يقدرك) والبت بقت تريدني (والله يقدرا) ..
خالص الحب والتقدير ..
وربنا يخليك لي أنصارك البقو أكتر من أنصار السيدين(أحلا طبعاً) ..
كل سنة وإنتي طيبة ياستي ..
(عدل بواسطة كمال علي الزين on 02-16-2008, 07:15 PM) (عدل بواسطة كمال علي الزين on 02-17-2008, 09:14 AM)
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: نادية عثمان)
|
العزيزة ام ايمان (ناديه مختار) كل عام و انت بخير...
Quote: أم حازم وسند سلامات وحمد لله علي السلامة
عيد حب سعيد عليك وعلي من تحبينهم في العالم أجمعين يارب
تحياتي وقبلاتي لصغارك الحلوين ربنا يحفظهم
كوني بالف خير وسعادة دوما |
ولتحمل لك بركات القديس فالنتاين كل الخير و النجاح و الحب و التوفيق فيه. وليكن العام القادم عام انجاز وسعادة في حياتك وكفاك احزان. اصدق الدعوات لك وربنا ينصرك في الصغيرة ايمان. ويعوضك خيرك على صبرك ويمنحك الحب الذي تستحقينه و الرفيق الذي تعتمدين عليه ويجعله سندا لك وغطاء وستر ومحنه.
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: Tragie Mustafa)
|
أم حازم سلامات.. كل فالنتاين وانتوا كلكم بخير..
Quote: بعضهم كتب لي في ايميلي الخاص انه يغار من اوباما ويرغب في ان اغير صورة بروفيالي!! فقد كان يحب كتاباتي....ولكنه لا يحتمل ان يقرأ لي وصورة اوباما بجواري في وجهه! الغريبه وقبل ان ارد على الايميل الاغرب ...اختفت الصورة بتغيير بكري للسيرفر فاعتقد اخي الفاضل انني استجبت لطلبه!! فرد يشكرني لتغيير للصورة وايضا قبل ان ارد عادت الصورة لوحدها!! حسه الشواكيش الاسفيريه للعلاقات الوهميمه الاسفيريه دي يا بكري في داعي تديها للناس في عيد الحب؟؟!! |
: عشان الشبك دى قلنا ليكى شيلى الايميل من البروفايل..
فعلا اوباما فكرة عظيمة زى ما قال محمد سليمان.. لكن ..ربنا يجيب العواقب سليمة.
| |
|
|
|
|
|
|
Re: احلى( فالنتاين) في (وشانطون) ومع( ابوما) كمان...لا( توجد صور)!! (Re: Tragie Mustafa)
|
العزيزة عواطف منورة وكل عام وانت غارقة في الحب:
Quote: أم حازم !!!
كل فالنتاين وإنت طيبة ,,,
غايتو كان عارفة عدد النسوان البحبن أوباما كان غيرتي رايك فيه وصوتي لهيلاري !!! |
يا غاليه ده كلام شنو؟؟؟؟ انا يا صديقتي لا احبه حب يسعى للامتلاك..ان اسعد بحب كل الناس له ونتمنى ان يشرح الله قلب الجميع له.....وينعم بمحبة الجميع له ومزيد من الحب لاوباما.
| |
|
|
|
|
|
|
|