|
لما تشوف زول بتحبو،،
|
بتضحك و تضحك،، لمن تبكي و تبكي،، تقيف و تقع،، تقوم و تصلي،،
تسرِّخ حبّة،، و حواسك تجري،، الشارع.. يعاين،،
و عيونك..! تتجازي عيونك،، عيونك تلمع،، إيديك تخدر،، كلك تتوتر،، كلك تتدردر،، كلك تتفتح،، تورد و تزهر،،
و ما تعرف تسوي شنو،،!!
|
|
|
|
|
|
|
|
Re: لما تشوف زول بتحبو،، (Re: Soumeta)
|
يوم شفت النيل،، كان اجمل زول،،
و انا كنت شابة في مهد شبابها،، علي حائط غرفتها،، صور فنانين الTop 10
و فجأة قدامها وقف "تامر حسني' الواطة وسعت شديد عليها،، وحولين بصرها اصبح اللون مافي،، غير لون نيلي،، تامر حُسنهن،، ____ إذ انه الشاب الجذاب جداً لي بنوتنا في السودان،، الصورة بالقرب من جبل اوليا،،
| |
|
|
|
|
|
|
Re: لما تشوف زول بتحبو،، (Re: اساسي)
|
اساسي،،
لما تشوف زول بتحبو،،
خطاك تترتب،،
و ما تعرف تسوي شنو،،
________ الصورة ايام الفيضان اول شي،، بعدين برضو جنب الخزان،، قريب المغرب و الجو غريـــــــب،،
| |
|
|
|
|
|
|
Re: لما تشوف زول بتحبو،، (Re: Soumeta)
|
ماجدة،، و للضمان "خالتو" ماجدة ،، ____
لما تشوف زول بتحبو،،
ملامحك توضح،،
و ما تعرف تسوي شنو،،
____ الصورة -المسرح القومي- فرقة اورباب،، ستيفن- الاولاد- البنات... ديل ناس بحبهم،،
| |
|
|
|
|
|
|
Re: لما تشوف زول بتحبو،، (Re: تيسير عووضة)
|
يسوووور،،
لما تشوف زول بتحبو،،
بتحس بي نضرة،، حُمرا و خُدرا،، و اصابعك،، بتحيرك،، تنبت،، زهرة زهرة،،
و ما تعرف تسوي شنو،، _______
الصورة وحدة من آخر البلد الخليتو وراي،،
| |
|
|
|
|
|
|
Re: لما تشوف زول بتحبو،، (Re: Soumeta)
|
عزوز يا أخت
كيفك ...
الدردره ... يا سلاااام
أدفع ليك كم وتخليها لى ,,,,
Quote: إيديك تخدر،، كلك تتوتر،، كلك تتدردر،، كلك تتفتح،، تورد و تزهر،،
|
وما تعرف تسوي شنو ...
كلام زى الورد ...
يفيض أسئله ذات خذوع ....!
لك الود
| |
|
|
|
|
|
|
Re: لما تشوف زول بتحبو،، (Re: Soumeta)
|
لاكين كدا انت بتكشفى الورق
يعنى أوريك ببقى المنظر كيف
ــــــــــــ
باخد شهقه وببقرطعا جوااا خالس ويدى بتعرق وببدا أتلخبت ( حلوه اللخبته دى مش )
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: لما تشوف زول بتحبو،، |
خطاك بتسوقك وتقعد جمبو .. ويضرب قلبك ويخفق قلبو .. كان غلطان فيك تغفر ذنبو.. ولسان حالك حرفو يغلبو .. تلحق ناس مرقمبو قرمبو ..
تخريمة : يا سوميتا ما عارف العلاقة شنو بين شوفت الزول البتحبو والكبدة !! الواحد كبدتو تسوي شححححح ونفسك إتخمّ وجسمك ينمّل ّ
| |
|
|
|
|
|
|
Re: لما تشوف زول بتحبو،، (Re: عمر الفاروق)
|
لما تشوف زول بتحبو،،
بتجيك موسيقي،، تُم تُم؟ دليب؟! لأ لأ ،، بغالطك سمعك،، يمكن روك،،!!
الله،،، سمعك إتلخبط؟؟!! معناها.. لما تشوف زول بتحبو،، بتلخبت سمعك،،
و ما تعرف تسوي شنو،، ــــــــــ
هو يعني الحتة دي الكبدة،، و انا اقول يا ربي القشعرة الجوانية دي بي الزبط وين،، ما قاعدة افرزها،، لانها بتجي جزء من الثانية كدة،، و ما بتمهلك تفرز كويس،، لكن بعرف إحساسها،، أوريك بتجيك تاني متين؟ لمن تتذكر ليك حاجة سممممممحة ولي إحساس لذيذ كدة،، ولي كلام حنيين قالتو ليك حبيبتك و إنتو لسع جُداد في القصة،، الحمدلله ما برااااي في القصة دي،، و انا ساكتة بيها عمر إحساسي بيها ده كلو،،
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: و عيونك..! تتجازي عيونك،، |
وقلبك ..!! أريتو بي الحجرالغطّاس .. بعد ما كان شوية لحمة بقاينبض ريدة وإحساس.. وبعد ما كان شريان و وريد .. بقا يتكلم لغة الريد .. وإستغربت !!! كيف جوايا نار حيّة.. وإتذكرت !! قلبي ما شاور عينيّة..
| |
|
|
|
|
|
|
Re: لما تشوف زول بتحبو،، (Re: Soumeta)
|
يا تماضر:
Quote: غايتو ياعمر ليّ زمن بفتش الشححح دي جاية من وين |
كا تعتمدي على الكبدة دي شديد .. غايتو تماضر الشفتها دي شححححح حقتا ممكن عاااااادي تجيك من البنكرياس أو الحجاب الحاجز وفي رواية البطين الأيمن .. غايتو عالم رياااااااااااااااااادة بشااااااااااااااااكل
| |
|
|
|
|
|
|
Re: لما تشوف زول بتحبو،، (Re: محي الدين جبريل)
|
محي الدين،،
لما تشوف زول بتحبو،،
غروب إحساسك،، ببقي شرق،،
و ما تعرف تسوي شنو،،
ـــــ الحنية صفة الشوايقة صح،، و الحُب عندهم طعمو عجيب،، و ببين في غناهم و في سلامهم و في عشرتي ليهم بان اكتر،، لمن شفت هنيدة و مصعب،، لا انا لا هم عرفنا نسوي شنو،، إتنين من صحباني الشوايقة،، و بحبهم،،
| |
|
|
|
|
|
|
Re: لما تشوف زول بتحبو،، (Re: مازن الجمّال)
|
مازن
لما تشوف زول بتحبو،،
في يوم حار من ايام يوليو،، برضو بتبرد،، و بصقط حسك،،
و ما تعرف تسوي شنو،،
____________
الصورة قبال كم يوم من شباكي،، والجو ما بخفي عليك ،، و لو شفت زول بتحبو في جو زي ده أيه ح يحصل؟!! برضو بتبرد؟
| |
|
|
|
|
|
|
Re: لما تشوف زول بتحبو،، (Re: Soumeta)
|
قوعودوت
تخريمة : ما سمعتي لمن إدريس جماع شاف زول بيحبو قال ليهو شنو ؟ صوّر على الأعصاب ..وأرسم على حسّي.. جمالك الهيّاب .. في روعة الكرس.. وأستدني باباً باب ..(وأقعد) على نفسي.. حتّى يجف الشراب.. من حافة الكأس ..
هووووي يا ناس دي كتابة سماعية ساي
| |
|
|
|
|
|
|
Re: لما تشوف زول بتحبو،، (Re: تماضر الخنساء حمزه)
|
سوميتا..
لمن اشوف زول بحبو
بتجينى ام هلهلة( بتعرفيها)
لا بعرف روحى نايمة ولا صاحية.
جعانة ولا عطشانة..
واقفة ولا قاعدة..
واييببببببببك..
مسنجر
سوميتا وينا جيتك لينا.. نحن نشيل ونحرس فيك..
بالجنبة كدا مبروك..
| |
|
|
|
|
|
|
Re: لما تشوف زول بتحبو،، (Re: Amira Elsheikh)
|
لما تشوف زول بتحبو،،
بدون ما تحس،، تلقاك بتشاكل في ضُل بعدك،، بي صوت عالي،،
و ما تعرف تسوي شنو،، ــــــــــ الصورة-المسرح القومي- حنة شمت محمد نور،، تصوير الشاب الجميل محمد مرزوق.. ـــــــــ الجية ليكم،، انا زاااتي إتمنيتها،، لكن دي مشكلة إنك تركب راسك و تقرر ترجع بلدك بي جواز بلدك،، و واجعاني تذكرتي دي لكن يا تذكرة بفلوووس،، بس تاني بنتشاوف،، مكان ما تبقي بجيك،،
لو تذكري لمن شفتك،، مش ما عرفت أسوي شنو؟
| |
|
|
|
|
|
|
Re: لما تشوف زول بتحبو،، (Re: Soumeta)
|
لما تشوف زول بتحبو.. ... ... بتجيك قرصه في ضفرك الشمال... حصل جاتك القرصه دي؟؟ -ــــــــــــــــ الصورة دي عملت لي اكوله في دماغي.......وبكيت... لما تشوف زول بتحبو..بتتنزل منك ريحه غريبه..وقلبك بيعرق من الرجفه ... .... الحاصل شنو؟ عليش
| |
|
|
|
|
|
|
Re: لما تشوف زول بتحبو،، (Re: Mohamed Ahmaed Olyesh)
|
محمد عليش،،
لما تشوف زول بتحبو،،
براك بتحس إنو عيون الزول الشفتو،، فؤادها بيلمع،، و لمن يمسك يدك،، سكون و هدوء الدنيا بمسكك،،
لمن تضحك،،
و ما تعرف تسوي شنو،،
ــــــــــــ
الصورة- المسرح القومي-حنة شمت- تصوير الود صحبي محمد مرزوق،،
لكن يا عليش؟!! مال عدوك؟
| |
|
|
|
|
|
|
Re: لما تشوف زول بتحبو،، (Re: Soumeta)
|
تامضووور:
Quote: غايتو لو ماشوية الكورة والسياسة الماسكا بالقلبة دي كان بقيت شاعر |
غايتو سياسة بي القلبة دي في لكن الكورة دي بعيد عنك ماسكا عدييييييييييييل أما الشعر ده انا كان ماااااااا كتبت شعر ناس الحقيبة اللي في بالي بالك داك مااااا برتاح تخريمة : المسطول قاعد مع حبيبتو وكده قامت قالت ليهو انا أهم شي عندي الإخلاص ..قال ليها : وانا الفلق
| |
|
|
|
|
|
|
Re: لما تشوف زول بتحبو،، (Re: bent-elassied)
|
لقيت نفسى عجوزة شديد قدام الناس البتداخلو لكن الكلام عجبنى شديد يا بت يا زينة وسمرة وحلوة لما تشوفى الحب الجد بتجيك امواج من حنية وتصافحى البحر الامواج وتروق اللعبة وتحلى يا ما اجمل لعبات الحب الجد ما احلى الزول لما يحب بالجد
اتمنى لك دائما ان تجدى من تحبين بالجدويلخبط عليك كل الايام اجمل لخبطة
| |
|
|
|
|
|
|
Re: لما تشوف زول بتحبو،، (Re: hamid murahid)
|
سوميتا بوست حلو شديد وخاصة انو بلامس الروح
لما تشوف زول بتحبو بتفضل هائم وليهو تعاين يغلبك تبعد ومعاهو بتسعد تسرح فيهو لمن تغرق ولما يسيبك ومنك يبعد بتبقي مساهر ونومك فاتر ولو حاولت تعيد الكرة تلاقي قلبيك منك ولي وفرا وشوف العين والله بيسعد يخليك ديمة سعيد ومفرهد ولو صدقتا عيونك ثانية تلاقي الدنيا سعيدة وهانية
اها لقيتني كيف ؟؟ انفع اكون شاعر ولا لا ؟؟؟
| |
|
|
|
|
|
|
Re: لما تشوف زول بتحبو،، (Re: سلمى الشيخ سلامة)
|
لما تشوف زول بتحبو،،
بشيكك همك،، بتطلع راية صفوك عالية،، بترسي علي شاطيء ناعمة رمِلتو،، و ابيض لونها،، بتفتفت غمك،، وبيهمد حزنك،،
و برضو،،
ما تعرف تسوي شنو،، ــــــــ شوفة الحبان،،
شوفة الاخوان،، حتي الجيران،، شوفة الصحبات شوفة الصحبان،،
مصل مضاد،، لما تشوف،، عادي،، ولازم،، ما تعرف تسوي شنو،، ــــــــــ الصورة- المسرح القومي تاني- حنة شمت،، بتحنن فيهو آمنة و كانت تغني "العقبة لي آمنة أخوك يا شمت مبروك عليك"،،
تصوير الود صحبي محمد مرزوق،،
It's Great To Have You here Mameita
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: في ريشة في قلبك بتقرقد،، |
تقرقِد في قلبِك سبعة ريشات يا سوميتا .. ما عِندنا كلام .. بي حقِك ..
لكين بكري دا كان سألوهو مُقنطِر البوست دا فوق ليه .. ح يقول شنو؟
علّو هو كمان بيقى يحِب!
| |
|
|
|
|
|
|
Re: لما تشوف زول بتحبو،، (Re: wd al geran)
|
ود الجيران،،
و المشكلة وين؟
عوماً،،
لما تشوف زول بتحبو،،
ممكن تعمل احسن حاجة بدون ما تقصد،،
و ما تعرف تسوي شنو،، ــــــ
حصل لاقيت زول بتحبو؟ اختك-امك-صاحبك-ود جيرانكم حتي؟
أكيد لاقيت،، شكلك واعي،، و عارف،، لما تشوف زول بتحبو،،
بتعرف تسوي شنو،،
| |
|
|
|
|
|
|
Re: لما تشوف زول بتحبو،، (Re: Soumeta)
|
سوميتا وسلمي.. زولين او زول واحد في اتنين لما اشوفن -عبر الاسفير - بشعر ان الدنيا جميلة واحلي .. تسلمي يا سوميتا .. حرفك رهيف بيلامس الروح ..
| |
|
|
|
|
|
|
Re: لما تشوف زول بتحبو،، (Re: abubakr)
|
Quote: سوميتا وسلمي.. زولين او زول واحد في اتنين لما اشوفن -عبر الاسفير - بشعر ان الدنيا جميلة واحلي .. تسلمي يا سوميتا .. حرفك رهيف بيلامس الروح .. |
| |
|
|
|
|
|
|
Re: لما تشوف زول بتحبو،، (Re: ateif abdoon)
|
عاطف عبدون،،
لما تشوف زول بتحبو،،
شوقك بجري،، يسابق مشيك،، و ما تفرز،، إنت السايق شوقك،، ولي شوقك هو الجاريك؟!
و ما تعرف تسوي شنو،، ـــــــــ
الصورة عجيبة،، ذكرتني صورة اخدتها في المسلمية ايام الخريف،، و السما بتلملم فجأة يجيب ليك مطرة،، الجو اجمل من ما يتخيل الزول الما شاف،، دقتنا المطرة،، في الشارع،، إتبلبلت،، و دخلنا البيت و شفت ناس بحبهم،، و بعداك تعال شوف،،،
طبعاً ما عرفت اسوي شنو،،
| |
|
|
|
|
|
|
Re: لما تشوف زول بتحبو،، (Re: Soumeta)
|
أنا حبيت الصورة دى وتعليقاتك الذكية يا سوميتا. الصورة من طيارة. بعد دقائق من الاقلاع او الشروع فى الهبوط. اجتهدت فى معرفة الموقع ولكننى لم افلح. هل هذا النيل الازرق جهة كوبر ؟
سوميتا بت امها وحبوبتا. كتاباتك حنينة مثلهما.
| |
|
|
|
|
|
|
Re: لما تشوف زول بتحبو،، (Re: Adil Osman)
|
عمو" عادل،،"
لما تشوف زول بتحبو،،
جنحين روحك بتهفهف،،
و ما تعرف تسوي شنو،، ـــــــ الصورة لي آخر لحظاتي فوق البلد،، قبل الاولي العجبتك،، و كمرتي بتصور و عيوني ما شايفة،،
حقيقي ما عارفة الصورة بياتو إتجاه ولي وين بي الزبط،، من ما مشيت لحدي ما رجعتي،، ما بفرز الشوارع و الإتجاهات كويس،،:S
سوميتا بت حبوبتها و أمها،،
| |
|
|
|
|
|
|
Re: لما تشوف زول بتحبو،، (Re: Soumeta)
|
خيال في خيال وشغلة بال وطيف ممحوق غشانى وقال بعيد عنك بشوف الدنيا غريبة حال ** وكيف ماتكون ** اكيد وصلك.. بكون في البال ** انا الهاجرت من قربك وهدتني السنين بعدك بقيت برجاك وبتخيل في طرف الزمن مرساك وبتونس بلحظة فيها زماني لقاك وتتــــــمدد تطـــــــــول اللحظة تجدد *** اذاكرك زي كتاب مفتوح حفظتك زي مكان جرح مفتوح اقابل ناس بدون بالي واسرح في طيوف ذاتك وبترجاك يالغالي تقيف لحظات املي عيوني في حسنك واخزن زاد سنين جاية صعيبة علي وعلي ايامي واحوالي *** دا لو طيفك بزورني قوام وكيف الحال؟ يوم عاجلني الزمن شفتك نسيت الناس ورميت قدام
| |
|
|
|
|
|
|
Re: لما تشوف زول بتحبو،، (Re: Soumeta)
|
لما تشوف زول بتحبو بتقعد تنتف وتهتف وتختف في النظرات لما تشوف زول بتحبو تعاين ليهو وتدنقر منو وتتمني العيون تعمي عشان تتعشي بي شوفتو
حاولت احاكيك لكن ما قدرت لكن يا سوميتا مباااااااااااااااااااااااااااااااااااااااااالغة
لك الود..
| |
|
|
|
|
|
|
Re: لما تشوف زول بتحبو،، (Re: امنة عبد الكريم)
|
يا عادل أكيد ده النيل الأزرق لاحظ إستقامة الضفتين و نحافة المجري. النيل الأزرق عريض المجرى و معوج الضفة أي له ضفتان مشرورتان بغير نظام .
Scale=The roofs of the buildings
سوميتا/ سلمى تحياتنا
| |
|
|
|
|
|
|
Re: لما تشوف زول بتحبو،، (Re: Alsa7afa_30)
|
الصحافة،،
لما تشوف زول بتحبو،،
حنين بضمك،، بين جنحينو و يشمك،،
و ما تعرف تسوي شنو،، ــــ
الصورة -المسرح القومي-اورباب اشكرك جداً علي الاغنية،،وكل ما ادخل البوست ده بسمعها بي رضا تام،، رغم إنو بغنيها كابلي،،
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: لما تشوف زول بتحبو،،
لونك،، لونك زاتو،، بيقلب،، شُفع.. شُفع،،
و ما تعرف تسوي شنو،، |
لما تشوف زول بتحبو
قلبك ،،قلبك
ياخد فره
ويمرق بره
ويرجع تاني ...
ودواخلك ترسل زفره
وتجيك الدفوه
تدخل جوه الجوه
حاره ...وحلوه
الله يا سوميتا ما احلاك بساطة وحس وغنا
حروفك ذاتا ما عرفنا نسوي معاها شنو
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: لما تشوف زول بتحبو،، |
تفتش ليك أي طريقة تصل ليهو .. تشيل سيرمس الشاي مليااااانة وتقول ليهم دايرين شاي.. تقنع نفسك إنك ما شايفو وجابك الدرب صدفة .. تدّعي الإندهاشة مع أول نظرة والعين تلاقي العين والإيد تسالمو .. تبرطم بي كلام خارم بارم لو قالوا ليك عيدو تاني ما بتدقر تعيدو .. وين إنتي أها الشغل كيف ..الهلال امبارح شايفو فاز ..صحي السبت بقا إجازة ؟..اللبن والجبنة شايفهم زادو يا ربي يكون من شنو عندك خبر؟
لم تشوف زول بتحبو بتكتب على عقلك : هذا المخ لا يمكن الوصول إليه حالياً ..
| |
|
|
|
|
|
|
Re: لما تشوف زول بتحبو،، (Re: Soumeta)
|
لما تشوف زول بتحبو عيونك بتبتسم وترسم في جواك مرافئ لسفن جايه من بعيد وتعيد ترتيب الاماكن.. الهنا يبقي هناك والزمن يتوقف وايديك تبقي مرعوشة ونفسك طالع ونازل والمسافة البين الزفير تبقي وهج ترسم بيه صورة الغايب ..
وبرضو ماتعرف تعمل شنو...
مالك علينايا سوميتا...
آدم العشا.
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: لما تشوف زول بتحبو،، |
سوميتا.
أنا جيت جاري أفتكرتك شفتي أبو عتيك.
الف حمد الله على السلامة إنشالله تكوني أتمتعي بالاجازة الطيبة وسط الاهل والاحباب.
دينق.
| |
|
|
|
|
|
|
Re: لما تشوف زول بتحبو،، (Re: Soumeta)
|
سوميتا الحلوة ...
لما تشوف زول بتحبو قلبك يتلخبط وينسى العدَ دقاتو تعربد واحدة تفط والتانية تنط
لما تشوف زول بتحبو نفسّك يحتار ويبقى غٌلاط بين شهقة مكهربة وزفرة حنينة مولعة نار
لما تشوف زول بتحبو روحك تسرح ويبدا خيالك يرسم حاجات بنات حلوات.. وحوريات بيوت وردية ... ومتاهات قصص منسية ... وحكايات
لما تشوف زول بتحبو رهقك بيشرد زعلك بيحرد صوتك بينعم فرحك بيهز أوتار حسّك ايدك بتكوس سبباً مافي بس شان تمسك حاجة تخصو
لما تشوف زول بتحبو بتنسى الدنيا وما فيها وما بتتذكّر غير انو معاك
| |
|
|
|
|
|
|
Re: لما تشوف زول بتحبو،، (Re: dabeep)
|
في دييك الوقتيي بريد واحدا تاني يحاكيني شوي شوي يوصفني ويشيل القول لناساً تانيي يوسوسو شي يقصقصو شي ويدسدسو باقي الباقي عشان يوم بكرة.. والبعديه والجايات.. ومن جنب الجنب بنسمع غنية "" ما افتكرت الحظ يساعد عمري يورق من جديد بعد فرقتنا ديك.. مين كان .. بفتكرك تعود.. ما في عيشة بلاك بتبقى ومافي نشوة ومافي ريد..
كنت .. بحتاج ليك بشدة.. وإنت عني بعيد.. ..
ماهو باين فى العيون وين حنهرب منو وين دا الهوى البعث الليالى العامره بى زاد الشجون يفتح قلوبنا ديار محبه وديار حياه للعائدين مابنقاوم وكيف حنقدر وين نهرب منو وين
ما افتكرت الحظ يساعد عمرى يورق من جديد من بعد فرقتنا ديك مين كان بيفتكرك تعود كنت بحتاج ليك بشده وانت عني بعيد مافى عيشه بلاك بتبقى ومافى نشوه ومافى ريد
ده الهوى الجنبك عرفتو عاطفه ملتهبه وجنون ويـــن حنـــهـرب مـــنو ويــن
اه ادعينا وقلنا تانى ماحانشتاق فى عمرنا وقبل ماتمر ليله واحده بحراره الشوق غمرنا كم كم لهينا وقلنا يمكن ندفن الحب فى سهرنا الحياة صعبة علينا وبى اثر فقدك شعرنا شفت كيف حبك حياتنا انت يالحبك حياتنا
وكــيف بدون حــبك نكـون وين حــنهــرب منو ويــــن
شفت كيف حبك بيعمل يشغل الوجدان ويعذب اه وبرضو بتقول عنى خادعك وانى بتلاعب وبكذب ليك حق دنياك خاليه لابتشيل هم لابتتعب كنت تتعلم تجامل لو فؤادك مره جرب
انو مايدق دقه واحده الا ويتفجر حنين يفتح قلوبنا ديار محبه ديار حياه للعائدين
| |
|
|
|
|
|
|
Re: لما تشوف زول بتحبو،، (Re: المسافر)
|
Quote: لما تشوف زول بتحبو،، |
بتغشاك حالة من *فوضى الحواس
سوميتة لك و لمن تحبين الحب فى يوم الحب !
*و العهدة على بت مستغانمنى الله يطراها بالخير !
| |
|
|
|
|
|
|
Re: لما تشوف زول بتحبو،، (Re: Soumeta)
|
لكل من احبهم،، لأحبائي مقيمين و غاشين هذا المكان،، My Mother.. My Sweet Ali My Friends.. My Family.. All people who've shared good feelings and thoughts with me..
Happy V.Day..
| |
|
|
|
|
|
|
Re: لما تشوف زول بتحبو،، (Re: Soumeta)
|
Quote: بتضحك و تضحك،، لمن تبكي و تبكي،، تقيف و تقع،، تقوم و تصلي،،
تسرِّخ حبّة،، و حواسك تجري،، الشارع.. يعاين،،
و عيونك..! تتجازي عيونك،، عيونك تلمع،، إيديك تخدر،، كلك تتوتر،، كلك تتدردر،، كلك تتفتح،، تورد و تزهر،،
و ما تعرف تسوي شنو،،!! |
ده ماالحب ذاتو ياسوميتتنا!!
تسوى شنو... تسوى شنو... تبلع ريقك ويتقاطع مع الشهقة وتنشرق بغنوة دفيانه ده غايتو كان زمان لمن {كبرت ولى تسعتاشر سنة}
| |
|
|
|
|
|
|
| |