و انا كنت شابة في مهد شبابها،، علي حائط غرفتها،، صور فنانين الTop 10
و فجأة قدامها وقف "تامر حسني' الواطة وسعت شديد عليها،، وحولين بصرها اصبح اللون مافي،، غير لون نيلي،، تامر حُسنهن،، ____ إذ انه الشاب الجذاب جداً لي بنوتنا في السودان،، الصورة بالقرب من جبل اوليا،،
الله،،، سمعك إتلخبط؟؟!! معناها.. لما تشوف زول بتحبو،، بتلخبت سمعك،،
و ما تعرف تسوي شنو،، ــــــــــ هو يعني الحتة دي الكبدة،، و انا اقول يا ربي القشعرة الجوانية دي بي الزبط وين،، ما قاعدة افرزها،، لانها بتجي جزء من الثانية كدة،، و ما بتمهلك تفرز كويس،، لكن بعرف إحساسها،، أوريك بتجيك تاني متين؟ لمن تتذكر ليك حاجة سممممممحة ولي إحساس لذيذ كدة،، ولي كلام حنيين قالتو ليك حبيبتك و إنتو لسع جُداد في القصة،، الحمدلله ما برااااي في القصة دي،، و انا ساكتة بيها عمر إحساسي بيها ده كلو،،
Post: #14 Title: Re: لما تشوف زول بتحبو،، Author: عمر الفاروق Date: 02-09-2008, 05:26 PM Parent: #1
Quote: و عيونك..! تتجازي عيونك،،
وقلبك ..!! أريتو بي الحجرالغطّاس .. بعد ما كان شوية لحمة بقاينبض ريدة وإحساس.. وبعد ما كان شريان و وريد .. بقا يتكلم لغة الريد .. وإستغربت !!! كيف جوايا نار حيّة.. وإتذكرت !! قلبي ما شاور عينيّة..
شكلك كدة،، كتير بتلاقي زول بتحبو،، و ما بتعرف تسوي شنو،،
Post: #16 Title: Re: لما تشوف زول بتحبو،، Author: عمر الفاروق Date: 02-09-2008, 05:31 PM Parent: #1
يا تماضر:
Quote: غايتو ياعمر ليّ زمن بفتش الشححح دي جاية من وين
كا تعتمدي على الكبدة دي شديد .. غايتو تماضر الشفتها دي شححححح حقتا ممكن عاااااادي تجيك من البنكرياس أو الحجاب الحاجز وفي رواية البطين الأيمن .. غايتو عالم رياااااااااااااااااادة بشااااااااااااااااكل
ـــــ الحنية صفة الشوايقة صح،، و الحُب عندهم طعمو عجيب،، و ببين في غناهم و في سلامهم و في عشرتي ليهم بان اكتر،، لمن شفت هنيدة و مصعب،، لا انا لا هم عرفنا نسوي شنو،، إتنين من صحباني الشوايقة،، و بحبهم،،
في يوم حار من ايام يوليو،، برضو بتبرد،، و بصقط حسك،،
و ما تعرف تسوي شنو،،
____________
الصورة قبال كم يوم من شباكي،، والجو ما بخفي عليك ،، و لو شفت زول بتحبو في جو زي ده أيه ح يحصل؟!! برضو بتبرد؟
Post: #25 Title: Re: لما تشوف زول بتحبو،، Author: عمر الفاروق Date: 02-09-2008, 06:27 PM Parent: #1
Quote: أبهتني وأقعد
قوعودوت تخريمة : ما سمعتي لمن إدريس جماع شاف زول بيحبو قال ليهو شنو ؟ صوّر على الأعصاب ..وأرسم على حسّي.. جمالك الهيّاب .. في روعة الكرس.. وأستدني باباً باب ..(وأقعد) على نفسي.. حتّى يجف الشراب.. من حافة الكأس ..
بدون ما تحس،، تلقاك بتشاكل في ضُل بعدك،، بي صوت عالي،،
و ما تعرف تسوي شنو،، ــــــــــ الصورة-المسرح القومي- حنة شمت محمد نور،، تصوير الشاب الجميل محمد مرزوق.. ـــــــــ الجية ليكم،، انا زاااتي إتمنيتها،، لكن دي مشكلة إنك تركب راسك و تقرر ترجع بلدك بي جواز بلدك،، و واجعاني تذكرتي دي لكن يا تذكرة بفلوووس،، بس تاني بنتشاوف،، مكان ما تبقي بجيك،،
لو تذكري لمن شفتك،، مش ما عرفت أسوي شنو؟
Post: #56 Title: Re: لما تشوف زول بتحبو،، Author: Mohamed Ahmaed Olyesh Date: 02-12-2008, 06:47 AM Parent: #38
لما تشوف زول بتحبو.. ... ... بتجيك قرصه في ضفرك الشمال... حصل جاتك القرصه دي؟؟ -ــــــــــــــــ الصورة دي عملت لي اكوله في دماغي.......وبكيت... لما تشوف زول بتحبو..بتتنزل منك ريحه غريبه..وقلبك بيعرق من الرجفه ... .... الحاصل شنو؟ عليش
براك بتحس إنو عيون الزول الشفتو،، فؤادها بيلمع،، و لمن يمسك يدك،، سكون و هدوء الدنيا بمسكك،،
لمن تضحك،،
و ما تعرف تسوي شنو،،
ــــــــــــ
الصورة- المسرح القومي-حنة شمت- تصوير الود صحبي محمد مرزوق،،
لكن يا عليش؟!! مال عدوك؟
Post: #28 Title: Re: لما تشوف زول بتحبو،، Author: عمر الفاروق Date: 02-09-2008, 07:29 PM Parent: #1
تامضووور:
Quote: غايتو لو ماشوية الكورة والسياسة الماسكا بالقلبة دي كان بقيت شاعر
غايتو سياسة بي القلبة دي في لكن الكورة دي بعيد عنك ماسكا عدييييييييييييل أما الشعر ده انا كان ماااااااا كتبت شعر ناس الحقيبة اللي في بالي بالك داك مااااا برتاح تخريمة : المسطول قاعد مع حبيبتو وكده قامت قالت ليهو انا أهم شي عندي الإخلاص ..قال ليها : وانا الفلق
Post: #30 Title: Re: لما تشوف زول بتحبو،، Author: سلمى الشيخ سلامة Date: 02-09-2008, 11:02 PM Parent: #29
لقيت نفسى عجوزة شديد قدام الناس البتداخلو لكن الكلام عجبنى شديد يا بت يا زينة وسمرة وحلوة لما تشوفى الحب الجد بتجيك امواج من حنية وتصافحى البحر الامواج وتروق اللعبة وتحلى يا ما اجمل لعبات الحب الجد ما احلى الزول لما يحب بالجد
اتمنى لك دائما ان تجدى من تحبين بالجدويلخبط عليك كل الايام اجمل لخبطة
Post: #31 Title: Re: لما تشوف زول بتحبو،، Author: hamid murahid Date: 02-10-2008, 10:42 AM Parent: #30
( دقر يا يابا دقر ) عيني باردة ، أبقـي (حوار) للشيخ ده ، بتوصــلي أكيد و ما تستعجلي يا السمحة.
وده اقل حاجة خصوصا الواحد لما يكون بعيد عن البلاد وفجأة يجد نفسو امام اعز الناس إليه
Post: #55 Title: Re: لما تشوف زول بتحبو،، Author: Soumeta Date: 02-12-2008, 06:21 AM Parent: #33
معتز،،
لما تشوف زول بتحبو،،
بيمرق شوقك من جلدك،، و يجري عليو،،
و ما تعرف تسوي شنو،،
Post: #36 Title: Re: لما تشوف زول بتحبو،، Author: هاشم أحمد خلف الله Date: 02-10-2008, 12:43 PM Parent: #31
سوميتا بوست حلو شديد وخاصة انو بلامس الروح
لما تشوف زول بتحبو بتفضل هائم وليهو تعاين يغلبك تبعد ومعاهو بتسعد تسرح فيهو لمن تغرق ولما يسيبك ومنك يبعد بتبقي مساهر ونومك فاتر ولو حاولت تعيد الكرة تلاقي قلبيك منك ولي وفرا وشوف العين والله بيسعد يخليك ديمة سعيد ومفرهد ولو صدقتا عيونك ثانية تلاقي الدنيا سعيدة وهانية
بشيكك همك،، بتطلع راية صفوك عالية،، بترسي علي شاطيء ناعمة رمِلتو،، و ابيض لونها،، بتفتفت غمك،، وبيهمد حزنك،،
و برضو،،
ما تعرف تسوي شنو،، ــــــــ شوفة الحبان،،
شوفة الاخوان،، حتي الجيران،، شوفة الصحبات شوفة الصحبان،،
مصل مضاد،، لما تشوف،، عادي،، ولازم،، ما تعرف تسوي شنو،، ــــــــــ الصورة- المسرح القومي تاني- حنة شمت،، بتحنن فيهو آمنة و كانت تغني "العقبة لي آمنة أخوك يا شمت مبروك عليك"،،
تصوير الود صحبي محمد مرزوق،،
It's Great To Have You here Mameita
Post: #62 Title: Re: لما تشوف زول بتحبو،، Author: abubakr Date: 02-12-2008, 09:42 AM Parent: #30
Quote: لقيت نفسى عجوزة شديد قدام الناس البتداخلو
مين قال كدة ؟؟؟؟ غريبة وسوميتا عرفتنا بانو انتي اختها المش كبيرة يعني سنتين ثلاث فرق ,,بس
شوقك بجري،، يسابق مشيك،، و ما تفرز،، إنت السايق شوقك،، ولي شوقك هو الجاريك؟!
و ما تعرف تسوي شنو،، ـــــــــ
الصورة عجيبة،، ذكرتني صورة اخدتها في المسلمية ايام الخريف،، و السما بتلملم فجأة يجيب ليك مطرة،، الجو اجمل من ما يتخيل الزول الما شاف،، دقتنا المطرة،، في الشارع،، إتبلبلت،، و دخلنا البيت و شفت ناس بحبهم،، و بعداك تعال شوف،،،
Post: #75 Title: Re: لما تشوف زول بتحبو،، Author: محي الدين جبريل Date: 02-12-2008, 05:45 PM Parent: #72
سوميتة
شكرا على شهادتك للشوايقة وأنا واحد منهم
بالمناسبة تقبلى تحايا جعفر سعيد هو جنبى لحظة مرورى
وبجيك شايل منهم
Post: #45 Title: Re: لما تشوف زول بتحبو،، Author: Adil Osman Date: 02-11-2008, 09:16 PM Parent: #1
أنا حبيت الصورة دى وتعليقاتك الذكية يا سوميتا. الصورة من طيارة. بعد دقائق من الاقلاع او الشروع فى الهبوط. اجتهدت فى معرفة الموقع ولكننى لم افلح. هل هذا النيل الازرق جهة كوبر ؟
سوميتا بت امها وحبوبتا. كتاباتك حنينة مثلهما.
Post: #49 Title: Re: لما تشوف زول بتحبو،، Author: امنة عبد الكريم Date: 02-11-2008, 10:24 PM Parent: #45
و ما تعرف تسوي شنو،، ـــــــ الصورة لي آخر لحظاتي فوق البلد،، قبل الاولي العجبتك،، و كمرتي بتصور و عيوني ما شايفة،،
حقيقي ما عارفة الصورة بياتو إتجاه ولي وين بي الزبط،، من ما مشيت لحدي ما رجعتي،، ما بفرز الشوارع و الإتجاهات كويس،،:S
سوميتا بت حبوبتها و أمها،،
Post: #47 Title: Re: لما تشوف زول بتحبو،، Author: Eng. Mohammed al sayed Date: 02-11-2008, 09:48 PM Parent: #1
خيال في خيال وشغلة بال وطيف ممحوق غشانى وقال بعيد عنك بشوف الدنيا غريبة حال ** وكيف ماتكون ** اكيد وصلك.. بكون في البال ** انا الهاجرت من قربك وهدتني السنين بعدك بقيت برجاك وبتخيل في طرف الزمن مرساك وبتونس بلحظة فيها زماني لقاك وتتــــــمدد تطـــــــــول اللحظة تجدد *** اذاكرك زي كتاب مفتوح حفظتك زي مكان جرح مفتوح اقابل ناس بدون بالي واسرح في طيوف ذاتك وبترجاك يالغالي تقيف لحظات املي عيوني في حسنك واخزن زاد سنين جاية صعيبة علي وعلي ايامي واحوالي *** دا لو طيفك بزورني قوام وكيف الحال؟ يوم عاجلني الزمن شفتك نسيت الناس ورميت قدام
الصورة -المسرح القومي-اورباب اشكرك جداً علي الاغنية،،وكل ما ادخل البوست ده بسمعها بي رضا تام،، رغم إنو بغنيها كابلي،،
Post: #58 Title: Re: لما تشوف زول بتحبو،، Author: Ashraf el-Halabi Date: 02-12-2008, 06:52 AM Parent: #1
Quote: بتضحك و تضحك،، لمن تبكي و تبكي،، تقيف و تقع،، تقوم و تصلي،،
تسرِّخ حبّة،، و حواسك تجري،، الشارع.. يعاين،،
و عيونك..! تتجازي عيونك،، عيونك تلمع،، إيديك تخدر،، كلك تتوتر،، كلك تتدردر،، كلك تتفتح،، تورد و تزهر،،
و ما تعرف تسوي شنو،،!!
الله عليك وعلى احساسك يا سوميتة تشبه لي مقطع من أغنية لمحمد منير "مش كل كل ولا أي أي ساعات بسورق من وانت جاى لو على الحلاوة ملكشس زى عليك شقاوة تكفى حى لما تفوت فى عنيك بموت الناس تشفنى تقول دة حى مش كل كل ولا اى اى " حاولت أنزلها ما لقيتها
Post: #59 Title: Re: لما تشوف زول بتحبو،، Author: salma subhi Date: 02-12-2008, 07:06 AM Parent: #58
Post: #101 Title: Re: لما تشوف زول بتحبو،، Author: Soumeta Date: 02-23-2008, 09:00 AM Parent: #63
بدرالدين يعقوب..
لما تشوف زول بتحبو،،
حواس الحُب السبعة بيفرشو فرشة،، خيوطا حنين و مودة،،
وبراغبوك،،
و ما تعرف تسوي شنو،،
Post: #64 Title: Re: لما تشوف زول بتحبو،، Author: ملكة سبأ Date: 02-12-2008, 11:29 AM Parent: #1
لما شفتك قلبي دقا واهدي للزمن إرتعاشة والعيون في عز خريفا عانق الاحساس دعاشا
Post: #65 Title: Re: لما تشوف زول بتحبو،، Author: منى على الحسن Date: 02-12-2008, 11:57 AM Parent: #1
Quote: لما تشوف زول بتحبو،،
لونك،، لونك زاتو،، بيقلب،، شُفع.. شُفع،،
و ما تعرف تسوي شنو،،
لما تشوف زول بتحبو
قلبك ،،قلبك
ياخد فره
ويمرق بره
ويرجع تاني ...
ودواخلك ترسل زفره
وتجيك الدفوه
تدخل جوه الجوه
حاره ...وحلوه
الله يا سوميتا ما احلاك بساطة وحس وغنا
حروفك ذاتا ما عرفنا نسوي معاها شنو
Post: #66 Title: Re: لما تشوف زول بتحبو،، Author: wd al geran Date: 02-12-2008, 12:10 PM Parent: #1
غايتو البوست دا كان إتقلب .. البورد دا إلا يشمعوهو
Post: #71 Title: Re: لما تشوف زول بتحبو،، Author: عمر الفاروق Date: 02-12-2008, 03:34 PM Parent: #1
Quote: لما تشوف زول بتحبو،،
تفتش ليك أي طريقة تصل ليهو .. تشيل سيرمس الشاي مليااااانة وتقول ليهم دايرين شاي.. تقنع نفسك إنك ما شايفو وجابك الدرب صدفة .. تدّعي الإندهاشة مع أول نظرة والعين تلاقي العين والإيد تسالمو .. تبرطم بي كلام خارم بارم لو قالوا ليك عيدو تاني ما بتدقر تعيدو .. وين إنتي أها الشغل كيف ..الهلال امبارح شايفو فاز ..صحي السبت بقا إجازة ؟..اللبن والجبنة شايفهم زادو يا ربي يكون من شنو عندك خبر؟
لم تشوف زول بتحبو بتكتب على عقلك : هذا المخ لا يمكن الوصول إليه حالياً ..
Post: #74 Title: Re: لما تشوف زول بتحبو،، Author: Adam D.El-Asha Date: 02-12-2008, 04:53 PM Parent: #1
لما تشوف زول بتحبو عيونك بتبتسم وترسم في جواك مرافئ لسفن جايه من بعيد وتعيد ترتيب الاماكن.. الهنا يبقي هناك والزمن يتوقف وايديك تبقي مرعوشة ونفسك طالع ونازل والمسافة البين الزفير تبقي وهج ترسم بيه صورة الغايب ..
وبرضو ماتعرف تعمل شنو...
مالك علينايا سوميتا...
آدم العشا.
Post: #77 Title: Re: لما تشوف زول بتحبو،، Author: انعام حيمورة Date: 02-12-2008, 11:31 PM Parent: #1
بترتاح شديد ..
انتي سومييييتة
Post: #78 Title: Re: لما تشوف زول بتحبو،، Author: Deng Date: 02-12-2008, 11:58 PM Parent: #1
Quote: لما تشوف زول بتحبو،،
سوميتا.
أنا جيت جاري أفتكرتك شفتي أبو عتيك.
الف حمد الله على السلامة إنشالله تكوني أتمتعي بالاجازة الطيبة وسط الاهل والاحباب.
دينق.
Post: #80 Title: Re: لما تشوف زول بتحبو،، Author: حسين محي الدين Date: 02-13-2008, 03:43 PM Parent: #1
لقيتك جرسة لكن!!
Post: #81 Title: Re: لما تشوف زول بتحبو،، Author: sanaa gaffer Date: 02-13-2008, 07:49 PM Parent: #1
سوميتا الحلوة ...
لما تشوف زول بتحبو قلبك يتلخبط وينسى العدَ دقاتو تعربد واحدة تفط والتانية تنط
لما تشوف زول بتحبو نفسّك يحتار ويبقى غٌلاط بين شهقة مكهربة وزفرة حنينة مولعة نار
لما تشوف زول بتحبو بتنسى الدنيا وما فيها وما بتتذكّر غير انو معاك
Post: #82 Title: Re: لما تشوف زول بتحبو،، Author: dabeep Date: 02-14-2008, 04:19 AM Parent: #81
لما تشوف زول بتحبو !!!! that all you have to do
and you should leave
حمدلله على السلامة و مبروك وحاجات كتيرة
خالص الود
Post: #83 Title: Re: لما تشوف زول بتحبو،، Author: المسافر Date: 02-14-2008, 05:19 AM Parent: #82
في دييك الوقتيي بريد واحدا تاني يحاكيني شوي شوي يوصفني ويشيل القول لناساً تانيي يوسوسو شي يقصقصو شي ويدسدسو باقي الباقي عشان يوم بكرة.. والبعديه والجايات.. ومن جنب الجنب بنسمع غنية "" ما افتكرت الحظ يساعد عمري يورق من جديد بعد فرقتنا ديك.. مين كان .. بفتكرك تعود.. ما في عيشة بلاك بتبقى ومافي نشوة ومافي ريد..
كنت .. بحتاج ليك بشدة.. وإنت عني بعيد.. ..
ماهو باين فى العيون وين حنهرب منو وين دا الهوى البعث الليالى العامره بى زاد الشجون يفتح قلوبنا ديار محبه وديار حياه للعائدين مابنقاوم وكيف حنقدر وين نهرب منو وين
ما افتكرت الحظ يساعد عمرى يورق من جديد من بعد فرقتنا ديك مين كان بيفتكرك تعود كنت بحتاج ليك بشده وانت عني بعيد مافى عيشه بلاك بتبقى ومافى نشوه ومافى ريد
اه ادعينا وقلنا تانى ماحانشتاق فى عمرنا وقبل ماتمر ليله واحده بحراره الشوق غمرنا كم كم لهينا وقلنا يمكن ندفن الحب فى سهرنا الحياة صعبة علينا وبى اثر فقدك شعرنا شفت كيف حبك حياتنا انت يالحبك حياتنا
وكــيف بدون حــبك نكـون وين حــنهــرب منو ويــــن
شفت كيف حبك بيعمل يشغل الوجدان ويعذب اه وبرضو بتقول عنى خادعك وانى بتلاعب وبكذب ليك حق دنياك خاليه لابتشيل هم لابتتعب كنت تتعلم تجامل لو فؤادك مره جرب
لكل من احبهم،، لأحبائي مقيمين و غاشين هذا المكان،، My Mother.. My Sweet Ali My Friends.. My Family.. All people who've shared good feelings and thoughts with me..
Happy V.Day..
Post: #87 Title: Re: لما تشوف زول بتحبو،، Author: Ishraga Mustafa Date: 02-14-2008, 04:03 PM Parent: #86
Quote: بتضحك و تضحك،، لمن تبكي و تبكي،، تقيف و تقع،، تقوم و تصلي،،
تسرِّخ حبّة،، و حواسك تجري،، الشارع.. يعاين،،
و عيونك..! تتجازي عيونك،، عيونك تلمع،، إيديك تخدر،، كلك تتوتر،، كلك تتدردر،، كلك تتفتح،، تورد و تزهر،،
و ما تعرف تسوي شنو،،!!
ده ماالحب ذاتو ياسوميتتنا!!
تسوى شنو... تسوى شنو... تبلع ريقك ويتقاطع مع الشهقة وتنشرق بغنوة دفيانه ده غايتو كان زمان لمن {كبرت ولى تسعتاشر سنة}
Post: #89 Title: Re: لما تشوف زول بتحبو،، Author: نادية عثمان Date: 02-14-2008, 04:30 PM Parent: #87
سوميتا العروسة العسسسسسسسسسسسسل
عايني
لما تشوف زول بتحبو
بتبقي العابد حامد ربو
كل حنانك فيهو تكبو
يعشق شوفتك وتعشق قلبو
واصلك مابتفارق دربو !
Post: #90 Title: Re: لما تشوف زول بتحبو،، Author: Mubarak kunna Date: 02-14-2008, 04:38 PM Parent: #89
H A P P Y
V A L E N T I N E, S
D A Y
Post: #95 Title: Re: لما تشوف زول بتحبو،، Author: عمر سعد Date: 02-15-2008, 02:48 PM Parent: #1
