|
|
 مسابقة كبرى لتغيير اسم دولة السودان...والجائزة قيمة جدا لمن يشارك....!!
|
ايها المواطنون :بعد نجاح تقرير المصير لجميع الأقاليم السودانية، ثم توحد كل الأقاليم طوعيا واختياريا فى دولة قائمة على أساس نظام حكم( فدرالى) ( ديمقراطى) (علمانى)..
جاء الدور الان على أسم الدولة :
سيطرح استفستاء لكل المواطنين فى كل الأقاليم الفدرالية حول أسم( السودان)..
ونتيجة التصويت ستحدد رضاء أو عدم رضاء المواطنين عن هذا الأسم..
وفى حالة عدم اجماع الشعب على هذا الاسم الذى سميت بها دولتنا حوالى أكثر من قرن ونصف
سيتم طرح مسابقة كبرى لاختيار اسم جديد ,,الجائزة ستكون قيمة .
فمن يشارك؟
|
|
 
|
|
|
|
|
|
|
 Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: Mohamed Suleiman)
|
جمهورية السلام الفيدرالية ...
(بلد السلام)
=
جمهورية السلام الاتحادية ...
FEDERAL REPUBLIC OF PEACE
لتؤطر مفهوم السلام العادل ...
والذي نجد بالفعل صعوبة في تعريفه ... وصعوبة في التوصل إليه ...
العدالة يجب أن تكون بطبيعة الحال أحد العناصر الأساسية لأي اتفاقية سلام ...
ولكن هل سوف تحقق الاتفاقية الانية سلاما وعدالة يسودان في أوساطنا كسودانيين ....
وهل إذا أنفصل الجنوب عن الشمال .... "السلام" و"العدالة" ستتوفران ...
نامل ذلك لجمهورية السلام الاتحادية...
أنا مقتنع بالإسم هذا والجائزة من حقي.... آها ما هي جائزتكم؟
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
آمنة وضيوفها سلامات
(اللجنة القومية لاختيار اسم جديد للسودان)
دا كان اسم البوست الحا أنزل بيه السوق (بعد غيبة) 
على صفحة وورد جمعت فيه كمية لا بأس بها من الأسماء وسيفتها، أغلبها يتماهى مع توجهات منبر السلام العادل، وقلت لما أخلص من زنقة الشغل والقراية دي شوية أنزل البوست
لكن إنتوا بتدوا الزول فرصة!!
عموما يا ستي الجيب واحد
وأنا حا آخد راحتي واعتبر البوست بوستي
نبدأ ليك بالاسم الذي أطلقه –دون أن يطرف له جفن*- السيد الإمام:
جمهورية شلعوها الكيزان
ـــــــــــــــــــــــــــــــ
* دون خوف أن يخل ذلك بالمعنى يمكن استبدال الجملة الاعتراضية بأي واحد من التعبيرات الآتية: ("بلا وجل"، "في شجاعة يحسد عليها" أو "بي عين قوية".. وهلم جرا) .
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: Tragie Mustafa)
|
السودان
السودان
السودان
سننهي كل مرارات ابناءه وسنزيل غبن الهامش التاريخي سنصنع وطنا" للجميع بلا اخطاء سنحاسب القتله والمجرمين وسنبني مكان السجن مستشفي ومكان المنفي كليه سيكون وطن دينق وادم واسحق و اوشيك ومحمد احمد .
حنبنيهو..
البنحلم بيهو يوماتى
وطن شامخ
وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
Quote: ايها المواطنون :بعد نجاح تقرير المصير لجميع الأقاليم السودانية، ثم توحد كل الأقاليم طوعيا واختياريا فى دولة قائمة على أساس نظام حكم( فدرالى) ( ديمقراطى) (علمانى)..
جاء الدور الان على أسم الدولة :
سيطرح استفستاء لكل المواطنين فى كل الأقاليم الفدرالية حول أسم( السودان)..
ونتيجة التصويت ستحدد رضاء أو عدم رضاء المواطنين عن هذا الأسم..
وفى حالة عدم اجماع الشعب على هذا الاسم الذى سميت بها دولتنا حوالى أكثر من قرن ونصف
سيتم طرح مسابقة كبرى لاختيار اسم جديد ,,الجائزة ستكون قيمة .
فمن يشارك؟
|
العزيزة
آمنة
سلام
مع تقديري لرأيكِ 000 إلآ ان المشكلة ليست في اسم السودان انما في عقلية سكانه 00 وحتى لو غيرنا الاسم سيظل الحال هو نفسه مع وجود نفس العقلية ونفس الناس 000000000
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
السودان SUDAN
احلى اسم مقارنة باسماء مناطقه
تغييره سيؤثر على تاريخه بلا شك
تعليق برة الموضوع::::
وإذا كان لا بد يستحسن تترك هذه المهمة لأهل الجنوب اختيار اسامى مناطقهم جميلة
ويستبعد أهل الوسط والجزيرة نهائيا من اختيار الاسم
ينظر فى امر ناس الشرق والشمال والغرب
بعدين البقولو UNITED STATES OF AFRICA
ديل قصدهم نحن نكون AFRICANS والسلام (غير مقبولة)
والبقولو FEDERAL REPUBLIC OF PEACE
اها فى الحالة دى حنكون شنو
بعدين يعنى خلااااااااص بقت مشكلة السودان فى اسمه
والله حكاية
السودان ياهو السودان لا للتغيير
عبد المجيد صالح
يعملو لينا المصريين زى ما بعملو لليبيين
| Quote: جمهورية الاتحاد الفيدرالي |
خد نفس مودتى
لووووووووووووووول
مودتى
سماح
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: sama7)
|
طيب ياخواناالاقتراح ده ما بقسم معانا لسببين:
اولا:
لو غيرتو الاسم.. الفول السوداني ده تاني يسموه شنو
مش حرام تجهجهوا الفول ده
هم اللبنانيين غايتو سموه فستق العبيد حسب رواية صلاح عووضة
عشان تسموه اسم تاني يخيل انا والمجموعة المعاي ما بتزبط الشغلة
فول عربستاني
فول ليبرالي
فول ولائي متحد
فول افريقيا الجديدة
احسن حاجة تسموه جمهورية مصلح
عشان يزبط مع الاسم يبقي فول مصلح
الشي تاني عشان المبرمجين واصحاب المال يغيروا الاسم في الانظمة بتاعتهم مثلا مثلا والامثلة كتيرة ونكتفي بمثال واحد قول (الاوراكل فاينانس) التكلفة حتكون زي 40الف دولار منو الحيدفع خروف السماية
في اجراءات تغيير الاسم عند القاضي الشرعي بيسأل المستفيد اسئلة محددة وما بعرف مسجل اسماء الدول حيكون شروطه زي القاضي ولا ولا...وهل حتجتازوا الشروط
الموضوع كبير عشان كدة انا ماشي وبرسل ليكم زول قدره...
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
بعد التحية الاخت امنة..... تغير اسم السودان ليس بحل مشكلة... عندنا مكشلة كبيرة جدا وهي ليس بتغير اسم السودان الى اسم تاني المشكلة اذا غيرنا اسم السودان بكونوا نفس القاعدين فيه السودانين ... يعنى كدي نجرب قبل ما تغيري اسم السودان .... نبداء بتغير الناس الموجودين اول وهذا اسهل من ما تغيري اسم السودان ومنها بكون التغير ليه جدوى كبيرة....
نعيب زماننا والعيب فينا وما لزماننا عيب سوانا
نسال الله الرحمة...
تحياتي
الامين
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
Quote: امنة العزيزة سلامات
بالنسبة لموضوع البوست الاساسي حاجتهد لاحقا من اجل التصويت لأبقاء الاسم زاتو
لكن المضايقني التريقة في المداخلات واقتراح اسامي سخيفة...
Quote: جمهورية عايرة وأدوها سوط
Quote: جمهورية مزرعة البصل
منتهي السخف |
أمنة سلامات
الظاهر أنا راكب غلط!!
إنتوا جادين وأنا ماخد المسألة هزل
عشان كدا بعد إذنك حا أفرز عيشتي وأنزل بوستي (اللجنة القومية لاختيار اسم جديد للسودان)
إذا ريهان من تاني اسم وصفت مشاركتي بـ "منتهى السخف" أمال لو شافت بقية الأسماء التانية (زي "جمهورية خلا اللقاريق" نسبة لمشروع دفن فضلات اليونان البشرية في السودان) حا تطالب بفصلي!!؟
يا ريهان كل زول عنده طريقتو في معالجة الأمور، أنا شايل طريقتي الشترا دي وسايب البوست، بعد دا ممكن تواصلي اجتهادك.
بعد إذنك يا آمنة أنزل الإعلان دا في بوستك:
قريباً بسوق البورد
بوست (اللجنة القومية لاختيار اسم جديد للسودان)
ناس التريقة والسخف حضروا حالكم إذا بتريدوا ومرحباً بكم في البوست.
| |
|
|
|
|
|
|
|
|
|
Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: Ashraf el-Halabi)
|
بعد اذنك اختي امنه دعيني اعتذر
للاستاذة ريهان الشاذلي,,, تقبلي عذري واسفي لما سببته لك من الضيق ولكن هكذا تولدت عندي المشاركة وفي لحظته وفي ذهني كثرة القيادات في السودان وفشلنا في التدوال السلمي للسلطة,, وهذا يعني ان اي خلخلة في تركيبة السودانية الحالية لن تكون بيسر وسهولة خاصة اذا درسنا التجارب التي ينتزع فيها المهمشين حقهم في السلطة (مثل التجربة اليوغسلافية , وتجربةالعراق وبعض دويلات الاتحاد السوفيتي سابقا , وفي افريقيا راوندي والقائمة اطول من ان تحصى................
مرة اخرى تقبل اعتذاري
Quote: لكن المضايقني التريقة في المداخلات واقتراح اسامي سخيفة...
| Quote: جمهورية مزرعة البصل |
|
| |
|
|
|
|
|
|
|
|
 Re: مسابقة كبرى لتغيير اسم دولة السودان...والجائزة قيمة جدا لمن يشارك....!! (Re: AMNA MUKHTAR)
|
شكرا لكل الأخوات والأخوة ..الأفاضل والفاضلات ..الذين مروا من هنا ..متداخلين أو قارئين .
وعذرا على عدم رغبتى فى مواصلة البوست ( حاليا) نسبة لظروف صحية ( من أثر البحلقة فى الكومبيوتر) وظروف أخرى مزاجية ( حالة الطمام التى تصيبنى دوريا بسبب الافراط فى التواصل مع مواطنى السودانيين ، والذين أحبهم كثيرا رغم ذلك..بخيرهم وبشرهم)....
وسأعود لمواصلة هذا البوست ( المبذول للجميع) ربما خلال أسبوع..أو شهر..أو سنة ( حسب الحالة اياها) هذا اذا لم يحسم الأمر بكرى ابو بكر من عندياته ( ويريحنى ويرتاح ويريح المتضررين )...
ومن يرغب فى التواصل معى ( أثناء ذلك) ..فسأكون متواجدة ..بدمى ودموعى وابتسامتى .. فى صومعتى الخاصة ( مدونتى) الموجود عنوانها فى البروفايل ...والى لقاء قريب باذن الله..
واحتراماتى للجميع..وأرجو أن يتواصل البوست بى أو بدونى..
فالكلمات عندما تنطلق فى فضار السايبر تصبح ملكا للجميع..
اضافة الى ( عمومية الموضوع)..
| |
|
|
|
|
|
|
| |
AMNA MUKHTAR
Tragie Mustafa
محمد البشرى الخضر
Mohamed Suleiman
Mohamed E. Seliaman
othman mohmmadien
Ashraf el-Halabi
Hisham Osman
jini
ود محجوب
عبدالمجيد صالح
فدوى الشريف
عبد العظيم احمد
بشير حسـن بشـير
د. بشار صقر
تاج الدين عبدالله آدم
JOK BIONG
Hatim Salih
سجيمان
Abdel Aati
Mahjob Abdalla
عبدالغني بريش فيوف
sama7
عمار عبدالله عبدالرحمن
عبد الواحد أبراهيم
ريهان الريح الشاذلي
فيس بوك
تويتر
انستقرام
يوتيوب
بنتيريست