يا حليل أيام زمان ..

Quote: آآآآآآآآآآآآآآآه يا الحبيب انا جاييك تاني احكى ليك عن ايام زمان زمن ابو قرشين والفريني والطراده الساحرة (فاهمنى هنا ولا ماشي سااااااااااى ) يا الحبيب؟

Quote: يا هليلك يا أبود

Quote: حسي البشير كان طار والبلد جاطت الملايين حيحنوا لي زمن الإنقاذ بل حتى لو تحسنت أحوال البلد سيحن الناس

Quote: واصل السرد الجميل

Quote: يا حليل أيام زمان 00ويا حليل ناس زمان

Quote: . أيَامْ زَمَانْ يا حليل زمان .. وكتين كُنا صُغار حبوبة بترحَمْ ما بِتدُق … لا معاها سير لا جَرْ شَـدُوقْ وكتين نَجِر نضحك كتير ننقل حجارْ حبوبة بترحم ما بتدقْ لا معاها سيرْ لا جَرْ شَـدوقْ يا ما حفرنا من الشِقـوقْ عقرب كبير ما فيهو خير نفرح نطير نضحك كتير ولِعِبْ شِليلْ يا حليلو فاتْ ما كان جرى ما كان نشاطْ نُوَّار يكورِكْ ويتلَخِمْ ولدَة سَجَمْ … وَلدةْ رَمادْ سرقوا اللحم خربوا القَصَبْ … كَتلوا الجِـدادْ ساحاتْ تعربِد بالعَجاج … دخان يطوف من تِحتو صاج نلعبْ نلِف نجرى ونرِفْ والحلة يا خوى تترجِف نصطاد شباب .. شايلين حُراب … حاملينْ تُراب … ماهدومنا أوسَخ من تُراب بالفوضى داقين الف باب وتجى الزلال وكلاما مخلوط بالسعالْ تجرى وتقول .. تجرى وتجول يا أولادى جَفلتوا العِجول ونقومْ نجِر نعبُر حيطْ .. ناكل شيطْ ندخُل تُكُل .. من السَكَن نعملْ دِقونْ ما اصلوا لون ولعب جنون والليل برَدْ دايرين مَسُوح حبوبة نتعشى ونجيك ؟؟ نسمع حُجاك .. ننقُد فَريكْ دايرين نشوف ود النِمير … كيف سَوَّى شقَّـاق الهَجير يا حليل حُجاك وكتين نقنِب يوت معاكْ نسرح مع ريش النعام … نقدِل مع قدم الحمامْ يابِاكْ أم كفْ ما فيش كلام مافيش سَخَفْ لمن ننوم ونقعْ نُجاضْ … ويشيلونا يا ناس للرقاد … ما نومنا فى عناقريب عُراضْ ومَشِينا للخلوة القِبيل ما أكترو صوت الفكى البتذكرو … كان صوتْ مَقطرَن ليهو لِسنات يلاعِبِنْ جابو الصِبى واتبترو يا حليل ذِكرْ جُوَة المسيد … ياحليل رجالاً جابا عيد … ما كان مديح تحت الضَريح … نوباتْ ترِن ترزِم تقول … ناس ليلة جَنْ … ناس ليلة جَنْ

(عدل بواسطة ادريس خليفة علم الهدي on 06-25-2007, 02:43 PM)