يا حليل أيام زمان ..

نقلا عن جريدة الجزيرة السعودية

زمان كانو بيقولوا
هلفا دقيم ولا باريس

هشم القربة يتلآ دينك يا أبود

والان بيقول

يا هليلك يا أبود

يا حليل ايام زمان وقت كنا بنشيل الود وندى الود وقت ما ما كنا في غربة

آآآآآآآآآآآآآآآه يا الحبيب انا جاييك تاني احكى ليك عن ايام زمان زمن ابو قرشين والفريني والطراده الساحرة (فاهمنى هنا ولا ماشي سااااااااااى ) يا الحبيب؟

Quote: آآآآآآآآآآآآآآآه يا الحبيب انا جاييك تاني احكى ليك عن ايام زمان زمن ابو قرشين والفريني والطراده الساحرة (فاهمنى هنا ولا ماشي سااااااااااى ) يا الحبيب؟

عمنا الطيب

رجعتي للايام السمحة المابتتنسي ... فاهمك بالحيل .. وفي انتظار عودتك

د.مهمد هسن

يسعد نهارك

Quote: يا هليلك يا أبود

علي اياموا كان الزمن رخي

Quote: يا حليل أيام زمان ..

وزيــر الـري .. تحياتي
تعرف زمان كانوا بيقولوا لينا البياكل لبن ومايغسل خشمــة بصبح الصباح يلقى خشموا معوج.. ( كنا بنصدق ) ..
وكان بيقولوا لينا القرود كانوا ناس .. لكين إستحموا بي اللبن عشان كده ربنا سختم بقاهم قرود .. ( وكنا بنصدق ) ..
وكان بيقولوا لينا البصحى بعد المغرب .. في سحاريه إسمها الخرطوم بالليل .. بتجي تاكلكم .. ( كنا بنصدق .. وبنخاف خوف شديد ) ..
كنا لمن نحضر المسلسل .. نبكي لمن واحد يموت ..
وكنا لمن واحد يقول لينا ( كان في أب نفاش إنقلب فشفاش ) .. نضحك من قولبنا ضحك شديد ..
كنا نحضر برنامج كومديا .. ونضحك كلنا في ناس شارلي شابلن ..
تصدق ياقريبي ..
أنا من يومين حضرت فيلم لي شارلي شابلن مدته أكثر من 30 دقيقة .. ولم أضحك .
شفت المصيبة دي كيف ...
ياحليل زمان..

وزير المالية
خالد الأرباب

الارباب خالد سعيد

سعيد جدا بمرورك

يومنا كان يبدأ الساعة ستة صباحا بالتجمع حول الحبوبة والتي بدورها بتكون جهزت شاي الصباح واللقيمات .. وبعد تناول الشاي باللقيمات يتفرق الجمع كل الي عمله وكل الي مدرسته ... ويا زمن هل من عودة هل ؟

الناظر /إدريس..

تحياتي ..

Quote: يومنا كان يبدأ الساعة ستة صباحا بالتجمع حول الحبوبة والتي بدورها بتكون جهزت شاي الصباح واللقيمات

واصل السرد الجميل..

حبيب ألبي إدريس

( العفش داخل الباص مسئولية صاحبه ... و الراكب ليهو الله )

***

يا حليل أيام زمان فعلاً ..
تعرف أمبارح بالليل كنت بتذكر واحد صاحبي في عطبرة .. ما عارف جا على ذاكرتي كيف.
إتذكرت لما كنا نخش سينما عطبرة الجديدة
و نطلع من السينما و نمشي كداري لسوق عطبرة
و نشرب كباية حليب مع حتة باسطة عند عمك نصر الدين
ثم نواصل المشي مرورا بسبيل الفكي مدني .. نشرب موية
و نواصل المشي ..
ندخل البيت نلقى العنقريب متوهط نص الحوش و الملاية ترفرف مع الهوا ..
ننجدع فيهو .. و نومة هنية لا يقطعها إلا نباح كلاب بعيدة .. أو صوت فنان من بعيد ..

يا حليلا

Quote: يا هليلك يا أبود علي اياموا كان الزمن رخي

أستاذ إدريس
إزيك يارائع
النفس البشريه تحن دائماً إلى الماضي حلواً كان أم مراً
عبود الناس كرهتوا لي درجه ماعاديه
بعد أقل من 3 شهور على ذهاب عبود صاح السودانيين (ضيعناك ياعبود وضعنا معاك) وفعلاً زمن عبود كان سمح كما نسمع فلست من ذلك الجيل
حسي البشير كان طار والبلد جاطت الملايين حيحنوا لي زمن الإنقاذ بل حتى لو تحسنت أحوال البلد سيحن الناس إلى أيام الإنقاذ ...

وتجد من يحن لأيام العذاب والفلس بعد أن أصبح مليونيراً ويقولليك زمان البال رااايق ومرتاحين مع إنو زمان يكون صاري بوزو يلعن في وضعو صباح مساء ..

الحنين للماضي طبع متأصل ومتجذر في النفس البشريه وياريت لو واحد يجيب لينا مايقوله علم النفس في هذه الظاهره ...

مؤونة عام من الود

ادريس خليفة علم الهدي ظاااتو

وييييينك يا زول ياسمح


مشتاقين

و يا حليل أيام زمان ..

الزول السمح / رافت ميلاد

والله الشوق بحر

ويا حليل ايام زمان

محمد فرح

هو الحنين للماضي طبع جبل عليه الانسان

Quote: حسي البشير كان طار والبلد جاطت الملايين حيحنوا لي زمن الإنقاذ بل حتى لو تحسنت أحوال البلد سيحن الناس

بس خليهو يطير ليك علي زول يطراهو مافي

مودتي

الريس أبوجهينة

سعيد جدا بمرورك

ويا حليل زمن العنقريب المتوهط في نص الحوش ... والله الايام دي ما تلقاهو الا في البلد

ويا حليل أيام زمان

Quote: واصل السرد الجميل

خالد الطيب

تحياتي

حتما سوف أواصل

يا حليل أيام زمان 00ويا حليل ناس زمان

أبو عبيده

Quote: يا حليل أيام زمان 00ويا حليل ناس زمان

يا حليل ناس زمان كان الكل أهل

تحياتي

حـلييييييييل ايام:

الـمليـم، التعـريفة، الفـريـني، الريال المصـري، الطـرادة، الجـنية الأسـترليـني، الـخمسة قروش وعليها صورة "الـملك فاروق".

حـليييييييل ايام:

الـحـنطور، الطيارة "الـفوكـرز" بـاربعة مرواح، والعـجلات "الـرالي" و"الفليبس"، والتـرامـواي الشـاقي الخـرطوم لامـدرمان.

ياحـلييييييل ايام:

النوم في الشـوارع في امـن وامان، والاسـعار الـمقننـة، والـحاكم العام كل يوم يـمـر علي يعايـن النظافة في الاسـواق والاسـعار الـمثبتة في الـدكاكيـن، والبوليـس بلبسـو الابيـض النظـيف ينظـم حـركة المـرور واخـوه بالكـاكـي علي ظـهـور الحـصـين اناقة ورجـولة، وضـابط البوليـس سـوداني الشـكل والاصـل انـجـليزي في عـملو.

حـلييييييل ايام زمـان:

لـما كـان فـريق الـهـلال " يـمـرمـط " فـريـق النادي الاهـلي المـصـري في عـقـر داره وباسـتاده!!!!!!!.

ياحـليييييييل ايام:

الرجال الما.... لانـو.. ولاخـنـعـوا.. ولاهـابوا.. ولارجـفوا.. ولاارتعـشـوا.. ولارجـعوا من كـلامكـهم وقـسـمهـم.. ولا تـرددوا.. ولانـخـوا وانـحـنـوا.. ولا وطـو ودنـقـروا.. ولااهـتموا لتهـديـد اووعـيد.

... حـلييييل محـمـد احمد المـهـدي بشـجـر "العشـر" حـارب الانـجـليـز ودعـي ملكة بـريطانيا

للـدخولللاسـلام،

... حـلييييل التعـايشـي وزمانات الـطابية،

... حـليييل الـماظ ورجـال ثورة 1924،

... حـليييل اسـماعيل الازهـري وعـبـدالرحـمن الـمهـدي والاصـرار عـلي سـودان بلا تبعـية للانجـليـز او الاتـحـاد مع مـصـر،

حـلييييل زمـان،
وناس زمـــــان،
وسـودان زمـــان،

ياحـليل تـمثال كـتشـنـر فـوق الـحـصان، وغـردون فـوق الـجـمل، ياحـليل جـنيـنة الـحـيوانات ومنـتزة الـمقـرن وصـوت السـواقي وهـي تـدور، حـلييييل نادي الخـرجـيين واللقاءات الشـعـرية والليالي السـياسـية والتطـاحـن بيـن اعـضـاء الاحـزاب الوطـنيـة بـلا " تـصـفيات جـسـدية" او تهـديـدات، حـليل ايام السـينمات العـامرة بافـلام مـتنوعـة مـصرية وهـندية وامـيريكية و" كـنبات " الشـعـب وكـراسـي "اللـوج " التـذكرة بـ3قـروش!!!!!، حـليل جـرائـد زمان وصـحـافييـن زمان والكـلام في الـمليان والـف " طـظ " في الرقابـة وجـهاز البوليـس السـري، حـليل غـناء زمان وخـضـربشـيـر وحـسـن عـطية وابو داوؤد والشـفيع والتاج مـصـطفي وعـشة الفلاتيـة و" يـجـوا عـائـديـن ان شـاء اللـه عـائـديـن سـلاح الـمهـنـدسـيـن يااللـه" ( شـمـاتة في الانـقاذ تـحـولت الان هـذه الاغـنية واصـبـحـت: " يـجـوا عائـدين ان شـاء اللـه عـائـدين ياللـه جـيش الانـجـليـز والـماريـنـز ياللـه!!!!!!"، والكـاشـف وعـثمان حـسـيـن.

ياحـلييييل:

اللعـب بالتـرتار، والبلـي والضـراب، وشـليل وينـو خـطفوا الـدودو، والـدسـوسـية، وركـوب العـجـلات و"اديـني سـحـبة!!"،والـمصارعـة وكـورة الشـراب و"السـداسـي"، والبنات كـن يلعـب "العروسة بت ام لعاب، الـحجـلة، والرجال "ضـمنة" او" كـوتشـينة " والامـهات التـطريـز والتريـكو.

حـليل البيـوت الكانت مفتـوحـة للجـميع.. والـجـيران اهـل.. وبـنت الفريـق اخـت الجـميع، والناس مـتوالفـة ومـتحابة، ولشـيوخ عـندهم الاحـترام والكلمة المـسموعـة حـتي علي الغـريب.

ياحـليل زمانات الخـمسينيات،

الاعـراس متواضعة وبسـيطة والكل مـدعو للمشاركـة والانبساط، "الـخـيم" الكبيـرة منصـوبة في الشـوارع والشـباب يسارعـون في تجـهيزات الاحـتفالات بلا كلل اوملل وتنظـيمات المقاعـد ومحل الفنان والنساء بالـداخل الكل منهـمكة في عـمل ما، الحـفلات كانت بلا تكاليف مـرهقة للشـباب، لـم تكن هناك حـفلات تقام في الفنادق او الاوتيـلات ولـم نعـرف" بطاقات العـزومة" او "ممـنوع اصـطحاب الاطـفال!!" ولـم نعـرف حـكاية اسـمها دعـوة فنانييـن من دول الـجـوار لاحـياء الـحـفلات في السـودان او اسـتيـراد الـماكولات من دول الـخـليـج!!!!. الكل في الاعـراس سـنوات الخـمسينيات كانوا ياتون بـملابس عـادية متواضـعة بلا اناقة مـفرطة او كـن البنات يبالغـن في اللبس والابـهة، يـجـئون بلا تسـريحات صـناعة "كـوافير" اجانب او ثياب غالية لزوم الظـهور!!!، كانت اعـراسـنا ايـضآ مـناسـبة مـهمة لـيتعرف فيـها الشـباب ببـراءة شـديـدة عـلي بعـضهـم البعـض واغـلب الزيـجـات تـمـت بـطريقـة " نـظـرة فسـلام، فـكلام، فتـعارف، وخـطوبة، فـزواج!!!"،كان الفنان يبقـي حـتي الصـباح يشـدو ويغـني ويـطرب ويبـدع والكل يشـارك بانسـجـام وطـرب، واحـيانآ يصـر الفنان عـلي عـدم تقاضـيه حـقه من اهـل العـرس!!!!.

قالـوا واحـد فنان اسـمـو " فـرفـور " بياخـد مليون جـنيه عـلي اي حـفلة من حـفلاتـه!!!. رحـم اللـه غنـاء زمـان وفنانييـن زمـان.

كــــارثة قومــية محــــزنة:
-------------------------------
Jun 25, 2007, 06:26

سودانيزاونلاين.كوم Sudaneseonline.com


أطفالنا يهاجرون للقاهرة لزيارة حديقة الحيوان:

القاهرة :
الشفيع علي النور/ خاص «الوطن»:

سألت أطفالي ونحن نبدأ برنامج إجازتنا الصيفية بالقاهرة.. ماذا تريدون أن تشاهدوا في أول البرنامج؟.
كانت دهشتي أن أجاب أطفالي الأربعة قائلين: «جنينة حيوانات الجيزةوقد استجبت لطلبهم فالإجازة لهم وبقية العام لنا «أنا و والدتهم».. فهي موظفة وأنا رجل أعمال، ولا وقت لدينا لأجل أطفالنا إلا نهاية العام وهذه الإجازة السنوية.وبالمترو انطلقنا من مسكننا بأحد أطراف العاصمة المصرية، المزدحمة بالسودانيين نحو حديقة الحيوان،وكم كنت مندهشاً وأنا أشاهد مئات الأسر السودانية التي تشكل أغلبية زوار حديقة حيوانات الجيزة، وهي تعرّف ابناءها بنوع وفصائل حيوانات الحديقة.وعندها أدركت كم أخطأ من باع حديقة حيواناتنا بالخرطوم لمستثمر حوّلها إلى تلال من الحجارة الصم، ليتحول معها أطفالنا إلى كائنات جاهلة بأصول ونوعيات الحيوانات..!
اسرعوا أيّها السادة للتكفير عن هذا الذنب الكبير .. وانشئوا لأطفالنا حديقة حيوانات.


© Copyright by SudaneseOnline.com



"الانـقاذ" صـادرت الـحـديقة وحـتي الان لااحـدآ يعـرف ايـن ذهـب "فيل" جـنينة الـحـيوانات?.

الحبيب / بكري الصايغ
سلام مربع

لم تترك لي فرصة الرد .. يديك الف عافية والفي مرادك ...

ويا حليل ايام التحويل كان بالبوستة .. وزمن العروس برقصوها في الشارع .. سألت حبوبتي رحمة الله عليها وهي تحتسي فنجان جبنه في ذات نهار .. عن جدوي رقيص العروس أمام الناس وفي الشارع كمان.. كانت متكئة فجلست .. وقالت لي (يا ولدي أم العروس لازم توري الناس بتهاوالناس كلها تعرف انو بتها ما فيها عيب لاها عرجا لاها عوراء لاها حولاء لاها حامل) قاطعتها بس دا السبب قالت (ياولدي ماهو كافي )

كامل احترامي

حكاية اسمها الخوف.
البعاتي راح في خشم التمساح.. وابولمبة انطفأ نوره.
-------------------------------------------------------------

الخرطوم : الرأي العام:

الاثنين25يونيو2007
----------------------------

الخوف حكايات في ذاكرة الطفولة تطاردنا ونحن في الكبر.. وتدفعنا مع اجيال الحبوبات ان نوزعها قسمة عادلة بين اطفالنا.. خاصة في المناطق الريفية، وتسمع بالغول.. وبالبعاتي وبالذي كانت اوصالنا ترتجف منه حد القشعريرة.

وبما ان علماء النفس.. والباحثين الاجتماعيين حذروا من زرع الخوف في نفوس الاطفال حتى لا يزاملهم في الكبر جاء زمن الفضائيات يحمل معه ما يجعل الكثير من الاطفال يشاهدونه باستمتاع والبعض يقلده حتى ان فقد حياته ثمناً.. ومع ذلك يبقى التراث الشعبي يحمل عصا الترهيب لمنع شقاوة الاطفال من ان تمارس ألوان ازعاجاتها، وايام لعبها الذي لا يحده ليل او نهار الا بالتلويح بالغول والبعاتي وابولمبة وسيد الدرب.

* التُرب:
----------------

تقول زهور عيسى كانوا يخوفننا في ضواحي سنجة بالبعاتي الذي ينهض من «التُرب» رغم ان ذلك مستحيل الا ان عقولنا الصغيرة كانت تصدق.. فنلزم اسرتنا «العناقريب» مبكراً.. وننسى طلباتنا المزعجة التي تكاد دموعنا تملأ وجوهنا «الشاي» او «اللبن» او ان شقيقتك او شقيقك احتلا الفراش قبلك.. و.. غيرها من الاشياء وهنالك «سيد الدرب» يقال انه حيوان يشم اثر قدميك ويتبعها حتى يصل الى مكانك ويخطفك بلا عودة.

* أبولمبة:
----------------

والبعاتي حكاية الانتشار في كل بقاع السودان.. ففي ام روابة تقول اقبال الشيخ ان هذه الخرافة هددت طفولتنا وما عدنا نستمتع فيها ليلا.. وتتذكر ان هنالك امرأة توفيت اسمها «حنان».. قيل لنا انها ظهرت من جديد «بعاتية» ومن الطريف ان اختي الكبيرة اسمها حنان فانتقل الخوف من البعاتية الينا حتى من اختنا حنان.. اصبحنا نخافها ولا نقترب منها.. وتضيف هنالك «ابولمبة» الذي يقال ان ضوءا ينبعث من فانوس يحمله اذا تتبعته «يلف» بك المسافات الطويلة فاما ضعت واما قتلك، وقد سمعنا بقصة ذلك الرجل الذي تبع ضوء اللمبة وعاد منهكاً خائر القوى ولم يبق اياما حتى مات.

* البعاتي:
---------------

وانتشار البعاتي في الجزيرة تقول عنه فاطمة ابراهيم انه كان المصدر الوحيد لخوفنا.. اتذكر ان رجلا مات وبعد فترة وفي سوق المعيلق قالت امرأة اسمها حفصة انها رأته يفترش بعض الاشياء للبيع ولما تأكد انها رأته «زاغ» منها واختفى من السوق.. وقيل ان جماعة رأته في احدى مناطق كردفان بالغرب.. وفي الجزيرة هنالك البعشوم الذي يرضع الاغنام ويأكل الاطفال.. والورل الذي يرضع ايضا من الاغنام ويكتف الاطفال.. والتمساح الذي يمنع الاطفال من البحر.. او بالاصح الذي يرهب به الاهل الاطفال حتى لا يذهبوا للنهر خوف الغرق.. وتبقى حكاية «البُروب بُروب» التي في الغرب يخوفون بها الاطفال خاصة في رمضان ويقولون انها حشرة كبيرة قاتلة.. احيانا كثيرة تدفع بالاطفال الى الخلود الى فراشهم مبكرا دون الاستمتاع بالالعاب الشعبية الرمضانية.

والخوف في الزمان الماضي لم يكن في بعض الاحيان قاصرا على الصغار.. والصبية بل شمل الكبار والعوائل.. ففي الخرطوم حينما ظهرت اسطورة ابوجنزير كانت شوارع الخرطوم ليلا تخلو من المارة وتغلق الابواب بالضبة والمفاتيح.. وبكل ما يسند قوتها.. هو الخوف بعينه من ابوجنزير.. وتتأمل الذاكرة فنجانها المقلوب الآن حيث ما عاد الطفل يصدق الخرافات.. وتتملكه ثقافة النت والفضائيات الجديدة حتى ان «توم آند جيري» انتهى زمانهما.. وفي التراث المزيد من الحكايات.. الخوف ما عاد في عصرنا النووي يشكل حضوراً.. بختكم اطفال اليوم رجال الغد.
----------------------------------------------------

ياحـليييييل ايام زمـان،
كـان عـنـدنا " بـعـاتي " واحـد، ودلـوقـت في سـودان 2007 عـنـدنا " بعاعـيـت " وبـدبابيـر ونجـوم ورتـب عسـكرية!!!!.

الرجعة للبيت القديم

حميدx حمزة سليمان

Quote: . أيَامْ زَمَانْ يا حليل زمان .. وكتين كُنا صُغار حبوبة بترحَمْ ما بِتدُق … لا معاها سير لا جَرْ شَـدُوقْ وكتين نَجِر نضحك كتير ننقل حجارْ حبوبة بترحم ما بتدقْ لا معاها سيرْ لا جَرْ شَـدوقْ يا ما حفرنا من الشِقـوقْ عقرب كبير ما فيهو خير نفرح نطير نضحك كتير ولِعِبْ شِليلْ يا حليلو فاتْ ما كان جرى ما كان نشاطْ نُوَّار يكورِكْ ويتلَخِمْ ولدَة سَجَمْ … وَلدةْ رَمادْ سرقوا اللحم خربوا القَصَبْ … كَتلوا الجِـدادْ ساحاتْ تعربِد بالعَجاج … دخان يطوف من تِحتو صاج نلعبْ نلِف نجرى ونرِفْ والحلة يا خوى تترجِف نصطاد شباب .. شايلين حُراب … حاملينْ تُراب … ماهدومنا أوسَخ من تُراب بالفوضى داقين الف باب وتجى الزلال وكلاما مخلوط بالسعالْ تجرى وتقول .. تجرى وتجول يا أولادى جَفلتوا العِجول ونقومْ نجِر نعبُر حيطْ .. ناكل شيطْ ندخُل تُكُل .. من السَكَن نعملْ دِقونْ ما اصلوا لون ولعب جنون والليل برَدْ دايرين مَسُوح حبوبة نتعشى ونجيك ؟؟ نسمع حُجاك .. ننقُد فَريكْ دايرين نشوف ود النِمير … كيف سَوَّى شقَّـاق الهَجير يا حليل حُجاك وكتين نقنِب يوت معاكْ نسرح مع ريش النعام … نقدِل مع قدم الحمامْ يابِاكْ أم كفْ ما فيش كلام مافيش سَخَفْ لمن ننوم ونقعْ نُجاضْ … ويشيلونا يا ناس للرقاد … ما نومنا فى عناقريب عُراضْ ومَشِينا للخلوة القِبيل ما أكترو صوت الفكى البتذكرو … كان صوتْ مَقطرَن ليهو لِسنات يلاعِبِنْ جابو الصِبى واتبترو يا حليل ذِكرْ جُوَة المسيد … ياحليل رجالاً جابا عيد … ما كان مديح تحت الضَريح … نوباتْ ترِن ترزِم تقول … ناس ليلة جَنْ … ناس ليلة جَنْ

القصيدة من كلمات/ عبدالباسط عبدالعزيز

http://tabatpeople.com/poets/abdulbasit/zaman.htm

ياحليييييل ايام: " أفـلام "....

جاري كوبر، الن لاد، برت لانكسـتر، جـيري لويـس، روبرت متشـم، جيفري هنتر، جون واين، شارلي شابلن، جاك بلانـس، فكتور ماتيور، جلين فورد، توني كيـرتس،
سامي ديفيـذ، فرانك سيناترا، كيرك دوجـلاس، كاري جـرانت، ايرول فليـن، هـمفري بوجارت، مارلـين مـونرو، صـوفيا لورين، اليزابيت تايلور، جينا لولو برجـيدا، اليانور باركر، اسـتـر وليامز، شـيرلي ماكليـن.
--------------------------------------

ياحـلييييييل ايام جـرائـد زمـان:

1- السـودان لصاحـبها علي البرير وبشيـرالبكـري، عام 1944،

2- كـردفان لـصاحبها الفاتح الـنور -عـام 1945،

3- الـحـادي لصـاحـبها محـمـداحمـد عـمـر، عام 1946،

4- بيت الوادي لصاحـبها تكـوي سـركسيان " تعني بشئون المرأة، عام 1947،

5- الاخـبار لصـاحبها مـحـمد عـمر بشـيـر، 1947،

6- الشباب لصـاحـبها عثمان احـمد عـمـر، عام 1945،

7ـ امـدرمان لصاحـبها محـمد عمـر بشيـر، عام 1945،

8- الصـراحـة لصاحـبها عـبداللـه رجـب، عام 1950،

9ـ السوداني لصـاحبها يحـي محـمد عبدالقادر، عام 1950،

10ـ الشـعـب لصـاحـبها حـسن مـختـار، عـام1951،

11ـ الهـدف لصـاحـبها احـمـد مـختار، عام 1951.
---------------------------------------------------------------

ياحـليييييل ايام:

كنا نرسـل الـمـدرسـيـن للكـويت والسـعودية واليـمن والـمغـرب والصـومال، وعـلمنا اولاد وبنات القصـور الـملكية العـربيـة، وبنيـنا اولـي مـدن الـخـليج بواسـطة مهـنـدسـينا وعـمالنا في سـنوات السـبعينيات،
وكنا اول مـن اسـس لهـم نظـام اداري ومـالي وكـونا لهـم جـيوشـهم واعـددنا لــم اول نـظام أمـني.

يا حليل جدي داك!