|
Re: هاشم أحمد خلف الله يكتب الشعر ويلحنه .. (Re: الطيب شيقوق)
|
Quote: ما بعاتبْْك لو جفيتي .. وإصطفيتي سواي أحبا .. |
هذا هو هاشم المتصالح مع نفسه .. والآخرين .. إذن ليس بمستغرب أن يزرع في الناس استدامة عشق وهوى المحبوب وإن جفا..
كما قال ود شيقوق أتركوه يهيم في أودية الشعر ويسبح في بحور اللحن ويستخرج لنا من أتونها ومتونها درراً ..
واصل هاشم ..
عادل جبارة ..
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: معتصم دفع الله)
|
الأخ الحبيب معتصم دفع الله والله لساني عاجز عن الشكر نظير ما قمت بِه من جهد لإبراز
هذا العمل المتواضع وعبرك احي ايضاً صاحب الحوش الكبير الباشمهندس بكري ابوبكر
والذي من خلال موقعه سودانيز اون لاين اتاح لنا فرصة التعبير عن ما يجوش في داخلنا
من شعر ونثر واخيراً محاولة تلحين , والشكر كل الشكر لجميع رواد سودانيز اون لاين
من أعضاء وأصدقاء المنتدي لتشجيعهم لنا وتطيب خاطرنا .
ارجع مرة اخري لاخي وصديقي معتصم دفع الله والذي بذل جهداً مقدراً لجعل مشاهدة هذا
العمل يظهر لكم بهذه الكيفية .
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: Elmosley)
|
أستاذنا وحبيبنا الموصلي .. شكراً لك وأنت تشاركنا في هذا العمل الجميل .. بالنسبة للفيديو بيشتغل بعد الضغط على أيقونة التشغيل على أن لا يكون هناك بوستات مفتوحة فيها لنكات أغاني .. يا ريت نسمع رأيك فهو هام بالنسبة للعمل ..
محبتي بلا حدود ..
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: معتصم دفع الله)
|
هشومي !! ده شنو البتعمل فيهو ده ؟ كمان جابت ليها بليغ حمدي ؟ دي شنو الوهمات الجديدة ؟ و للا ما جديدة؟ إنت شكلك الحاجات دي كلها مدكنا و قاعد تفكها بالتقسيط مش كدة؟ يعني بعد شوية يمكن نشوف لينا فيديو كليب للسوبر ستار هاشم خلف الله تسلم يا فنان ... حقيقة انت انسان مشبع بالأحاسيس المرهفة لقدام و كل مرة أخلعنا بجدعات زي دي و لو عملت فيها تقيل انا طوالي حأفرِد مرزوق لأنو شكلكم دافننو سوا برضو تحية للفنان مرزوق محمود .. و يلا طلعوا المستخبي تسلم ياخي!
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: غباشي)
|
هشومي ... ده شنو ده ... وقدر ده ,
إذن ... أضيف نفسي لقائمة { المندهشين } من هذه التطورات البالغة الجمال , وهي تسعي بين هاشم الفؤاد الرضي وبين قلمه الليون الوديع , وبين أحاسسه وهي تبيض وتفرخ على عشة الفن ومائدة الشعر ... فيما تستنبط من عالم الإبداع وصلا لطيفا بالنغم والمزماز والاوتار .
إنت هاشم ... ول واحة
تطيب ...
مع تحياتي للأخ معتصم دفع الله وللفنان مرزوق
وعشتم ... للجمال
مع مودتي
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: HAYDER GASIM)
|
الاخ معتصم هشام ده انا من يوم عرفتو قريتو انو انسان فيه شى سمح فى الاخير طلع شاعر وملحن ودى من اجمل الحاجات السمحه فى الانسان. انك تكون من قبيلة الفانيين شاعر رسام ملحن موسيقى وده كلو شى سمح فى روح سمحه لك الشكر والتقدير انا عندى منافسين والشاعر ممكن يدى كم فنان مااظن فى مشكله فى حاجه زى كده . وتحياتى الى الفنان مرزوق المبدع الفنان.
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: عماد محمود علي)
|
معتصم
شكرا على هذا البوست الجميل الذي أثبت لبورداب العالم أن بورداب الرياض خلية من الإبداع.
الأخ هاشم مسكون بالشعر .. و شخص مثله حري به أن تتداعى أركان كلماته لتموسق حروفه. هنيئاً لنا بهذا المبدع شاعرا و ملحناً و نحن بلا شك موعودون بأعمال جميلة.
التحية للفنان الراقي مرزوق
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: ابو جهينة)
|
يامعتصم عليكم الله الزول ده ما تقعدوا تكبروا ليهو في رأسه كده ، من هسه بقى يجي الدار يقول لنا أنا تعبان وعايز أنوم أها بكره ظااااطو يمكن تاني ما بجينا خالص في الدار ويقول لينا عندي بروفة ولا ( قعده ) ، أها شفت كيف ... تاني عاد كيفن نلاقيهو خاصة وانو عادل جبارة اولاده مسافرين السودان أها أي راسه ينقطع ويلف ذي ود الجمري ...
مـودتـــي ، ، ، ،
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: ابو جهينة)
|
Quote: الأخ هاشم مسكون بالشعر |
ياريس شعر شنو البسكن في هاشم ده زول مسكون بالجن ، يدق ليك الكرت كده يقول جوكر يطلع جوكرويقده ليك كده يقول نزول يطلع كرت عدم وينزل يقول فتوح يفتح طوااااالي . ها هسه في مكان هنا للشعر . ده شغل جن في سجم
محبــتي ، ، ،،
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: معتصم دفع الله)
|
ألأخ/معتصم
رائع وروعتك فى إنك محب ومحب للخير للجميع هذا ديدنك.
الشاعر الفنان هاشم /والملحن .............لك التحية وجميل جدآ هذا العمل ومزيد من التطريب والتطور.
الفنان مرزوف .صوته نغم ..أجاد وأبدع
تحياتى لكم جميعآ وللباشمهندس بكرى ألذى صار منبره نجوم الأمس واليوم والغد..
إسماعيل محمد أحمد عباس.............................
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: معتصم دفع الله)
|
معتصم ليس غريب
على هاشم الزول الجميل في كل شيء
يحمل في دواخلة كل الجمال ووجدانه
ثر بالروعه ..
وخاصة أنه ينعم بملهمة مثل هويدا
كيف لا نجد منه هذا الزخم من الابداع
الفني والموسيقي الجميل ..
دي عاوزة ليها حفلة عديل كدة اصلنا
في اجازة وعاوزين برامج على قولت
عفاف ابو حريرة ..
يلا يا هاشم نادوا مرزوق وياسر وايهاب
ووليد وكل العقد الفريد ..
إلى الامام هاشم وفي انتظار المذيد من الابداع
أنا حكمت من أول يوم مشششششششششششششش !!
مودتي ،،،
| |
|
|
|
|
|
|
Re: هاشم أحمد خلف الله يكتب الشعر ويلحنه .. (Re: معتصم دفع الله)
|
Quote: الاخ معتصم هشام ده انا من يوم عرفتو قريتو انو انسان فيه شى سمح فى الاخير طلع شاعر وملحن ودى من اجمل الحاجات السمحه فى الانسان.انك تكون من قبيلة الفانيين شاعر رسام ملحن موسيقى وده كلو شى سمح فى روح سمحه لك الشكر والتقدير انا عندى منافسين والشاعر ممكن يدى كم فنان مااظن فى مشكله فى حاجه زى كده . وتحياتى الى الفنان مرزوق المبدع الفنان. |
صديقي الجميل أبو أحمد...
يا أخي والله أنا ما عندي إضافة أكتر من كلام المحرب أخوي دا... غير الله يوفقك ويعينك يا اخوي وبداية موفقة لي درجة قِفْ تأمل وأفتح خيشيمك وقَهِّي واستمتع...
لك قواسيب مودتي... وتشكراتي صديقي معتصم...
أبو الحســــــــين...
| |
|
|
|
|
|
|
|