|
|
 عايزة ابقى "غنيانة" بسرعة!
|
عايزة كدا ابقة زول غنية "غنيانة" بسرعة تتماشى مع سرعة هذا العصر
اعمل شنو
محتاجة افكار مختلفة منكم و اي حاجة تجي في بلاكم ...تخليني ابقى غنية في حدود نقول كدا سنة
عايزة افكار مشارع....
تجاربكم....
اي افكار مجنونة كمان....
خلي في بالكم انو الفايدة حتعم...و اي زول حيطبق افكاركم في البوست دا حيبقى "غني " زي
طبعا انا جادة جدا و الله
|
|
 
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
اول حاجة مهمة
هي انك تعرفي هل انتي انسانة محظوظة ولا لأ
ثم ... بعد داك نقدر نحكم هل ممكن تبقي غنيانة ولا لا
ولو دايرة نصيحة بجد
انا ( وعن تجربة وخبرة ) بقول ليك اسرع طريقة هي الوساطة التجارية
ضربة وحدة ويتغير كل وضعك
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ابو تميم)
|
ابو تميم
انسانة محظوظة و لا لا...دا سؤال بعتمد على "المود" الانسان عايشه...ممكن اكون محظوظة لكن ما عارفة اوظف الفرص..
طيب...الوساطة التجارية ..ماهي...و كيف بتعمل..ووين...و البداية ...التفاصيل كلها كان امكن
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: wesamm)
|
wesamm
صباح الخير
اتفق معاك تماما انه الغنى غنى النفس...لكن الفكرة في البوست دا...هي"المال"...طبعا ما الغرض الوحيد من البوست دا اني ابقى غنية و بس...لكن تبادل التجارب مهم جدا عشان نطور رقم واحد من تفكيرنا و اهتمامتنا و رقم اتنين نعزز دخلنا....مستحيل طبعا نلغي كبشر اهمية المال...مش كغاية و لكن كوسيلة للراحة المعيشية ...عارفة طبعا هو ما السعادة..و هو ما الرضا...هو ما بديل لاي معني انساني تاني...لكن حسب معادلات الحياة هو وسيلة مهمة جدا
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: نصار)
|
انسانه سلام وتحية:
معليش حأحبطك لكن أحسن تسمعي كلامي الببكيك:
مافي أي طريقة تبغي غنيانه
الا في حالة واحدة بس ... انك تشتغلي في السودان وتبقي حرامية
غير كده ما تتعبي نفسك. عشان كده عليك بالقناعه ذلك الكنز الباقي.
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
انسانة سلامات
من أكثر الأنشطة الاقتصادية المضمونة النجاح العمل في مجال حقوق التوزيع والخدمات (الفرانشايز) وهو بزنس يمكن أن يبدأ صغيرا جدا مثال خدمات القهوة مثلا
مثل هذه الاعمال يمكن بدايتها برأسمال صغير (100 ألف دولار مثلا) تكون مستلفة من بنك أو بيت تسليف
دي الحلقة الأولى
مع التحية
أحمـد الشايقي
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: أحمد الشايقي)
|
Quote: مثل هذه الاعمال يمكن بدايتها برأسمال صغير (100 ألف دولار مثلا) تكون مستلفة من بنك أو بيت تسليف
|
هيهههههههههههههههههه
الصغرة ما عندك لاكن يا الشايقي
معليش يا إنسانه, أنا ما عندي اية إقتراحات
أنا زاتي جايه أستفيد
كل الود
غادة
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
انسانة
الوساطة التجارية هي البزنس الأفضل حاليا في كل العالم
وهي بالعربي الفصيح كده يعني السمسرة ولكن على مستوى اوسع شوية .. وبتعتمد على البلد الانتي فيها ... مثلا ... كل الشركات بتحتاج عقود للعمل ... مثلا شركات المقاولات بتحتاج مشروع تقوم بيهو ودور الوسيط هو توفير هذا العقد .. وبعد الحصول على العقد الشركة نفسها بتحتاج لمقاول حفر .. ويكون بطريقة الـ Subcontract كذلك يمكنك ان تعطي هذا العقد للمقاول مقابل نسبة او مبلغ مقطوع ... الخ
الشركات الجديدة التي تدخل البلد ... تحتاج لخدمات كثيرة جدا .. بداية بالأيدي العاملة الخبيرة لانهاء اجراءاتها وتوفير المقر المناسب للشركة وتخليص معاملات موظفيها في الدوائر الحكومية ... الخ
والمجالات كثيرة جدا جدا
ولكن اهم من كل هذا هو :
العلاقات الممكن تسهل ليك الحصول على كل ما ذكرت .. وشخصية الوسيط لها دور يمكن يتجاوز 70% من النجاح في هذا المجال .. يعني مش اي انسان ممكن يكون ناجح في المجال ده
اتمنى تكون الفكرة وصلت
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
| Quote: طبعا انا جادة جدا و الله |
الأخت الكريمة الإنسانة ( جداًً )
وأنا حا أكون معاك ( جادي جداً )
صدقيني لو أى واحد أخوانا وأخواتنا ( قبيلة ) سودانيزأونلاين ديل عندهم معرفة ( حقيقية ) بالغني ما كان قعدوا صاقروا الشاشات ويخبطوا في الكيبوردات . فكما يقول أهل الفلوس ( Time is money ) وزي ما إنتي شايفة الـ Time هنا مستهلك كيف .
طرفة
في إحدى زياراته لدولة الإمارات العربية المتحدة إلتقى الفنان الكبير محمد وردي بشاعره الكبير ( سابقاً ) الجيلى عبدالمنعم ( المستشار القانوني ) في شركة أبوظبي للعمليات البرية أدكو وقتها وبعد أن حكى الأستاذ وردي عن واقع الفن في السودان وعن وفاة الكبار من الشعراء وتوقف البعض عن الإنتاج و..... وفي النهاية طلب الأستاذ وردي من الأستاذ الجيلى أن يحاول كتابة ( كم ) قصيدة كدا ليقدمها كأغاني . فأجابه الأستاذ الجيلي بسخريته المحببة
- يا وردي ياخ الشعر دا كنا بنكتبو زمن الفلس
تحياتي لك
وما تنسينا إن إغتنيتي
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
العزيزة انسانة...
سلامات شديدة وأشواق...
أقري سورة الواقعة كل يوم... والزمي الاستغفار ما استطعت...طبعاً مسلمين بانو الارزاق مقسمة والخ....
---
عن نفسي جربت الوظيفة والتجارة في خلال 4 سنوات... منذ عام 2003 (عام التخرج) والى الان....
عملت كمصمم صفحات انترنت لفترة ليست بالقليلة... دخلها ضعيف جداً ...وأستطيع وصفها بوضع عازف الكمان أو الجيتار في الفرق الموسيقية السودانية (زول مبدع...لكن مفلّس)...
جربتّ التدريس على مستوى الكليات والجامعات... دخلها ضعيف لكن أحسن حالاً من تصميم صفحات الانترنت...
ده في السودان...
----
بعدها انتقلت الى كوريا...وفيها رجعت لتصميم المواقع... دخلها...أخير منو دخل عازف الكمان في فرقة مغمورة في السودان عديل...ودون مواربة...
بعدها جربت الترجمة مرة ...Part-Time freelancer... الدخل ممتاز....
ومرة Full-Time Employeer الدخل أكثر إمتيازاً وكده... كسبت من ما سلف خبرات لا تقدر بمال... ورأس مال يكفي لشراء سيارة كورية... وقد كان
اكملت بحمد الله دراسة الماجستير في تلك الفترة
انتهت الوظيفة
----
التجارة
بدأت التجارة في السيارات الكورية منذ سبتمبر 2005 بعد تأسيس شركة تجارية... حققت خلال عامين... ما أهلني للزيارات النصف سنوية الى السودان والحج...وشراء قطعة أرض صغيرونه والزواج-قريباً ان شاء الله ...
وساكمل السنة الدراسية الأولى في درجة الدكتوراة شهر 6 القادم ده ان شاء الله بالتوازي...
(من دون ذكر أرقام)...
مستمرة التجارة
... والاهم هو الاستعداد للفلس والبداية مرة اخرى واخرى...
---
أيه رأيك؟
---
الوساطة التجارية
عن نفسي ، مؤمن تماماً بتخصصي ونجاح تجارته... لكن لا يمنع من ممارسة أي عمل تجاري
كلا التجربتين... كان معاها دراسة بالتوازي...
الوظيفة بتديك علاقات عامة تنفعك في التجارة وأي مشروع تاني...
التجارة فيها شراسة وضراوة وتتطلب روح المغامرة والتعايش مع اليوم في...وبكرة مافي شئ
لو ربنا سهّل ليك قرض ولا شي... (مئة ألف دولار مبلغ كبير)... عشرين بس بتكفي لعمل تجاري كبير في السودان...أو ذا علاقة بالسودان...
وبحكم قعدتكم في الخليج دي... المفروض تستفيدو تمام منها... أعملي ليك بوتيك أو محل تجميل في السودان... يمكنك تجميع البضائع من آسيا القريبة أو حتى الامارات نفسها...
أعملي ليك محل تطريز تياب سودانية (بمبالغ وقدرها)...
أعملي ليك محل تصوير مناسبات...
----
أعملي ليك شركة دعاية واعلان على مستوى عالى 
(ممكن اساعدك في حاجة زي دي) علماً بان رأس المال المطلوب حوالي مليون دولار .
وقبل ده كلو.... تأكدي ان عيونك دوماً نصب الثريا... ما أقل من كده... سنة زاتها كتيرة...
والله الموفق من قبل ومن بعد...
أنور فتح الرحمن أحمد دفع الله
مالك شركة أفروأراب التجارية
سيئول ، كوريا الجنوبية
http://www.afro-arab.com/
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: AnwarKing)
|
صباح الخير
غادة
شكرا على مشاركتك
ابو تميم
انا اتخيل لي موضوع الوساطة محتاج خبرة معينة في السوق...بس فكرة كويسة ...شكرا على تبادل التجارب
على الحسن
مستنينك
عاطف عمر
طبعا ما شرط ما يكون ناس سودانيز اوون لاين "غنيانين...احتمال خلاص لموا القروش و قاعدين ...و عندهم زمن...او احتمال عندهم التطور "التكنلوجي" كبير....و من اي مكان بدخلوا النت..صح
مريم
الصديقة الجميلة...شكرا ليك و ابدا ما بتقصري و جد شكرا
امير مصطفى
ما زلت انتظر اقتراحتك
العزيز انور
اولا الف مبروك على الشركة...و في الحقيقة الناس الزيك بحس بالغيرة منهم لانكم ناس مجتهدين و دائمين في تطوير للذات...و دي حاجة جميلة جدا...انشاء الله دائما بالتوفيق
نجي لافكارك...افكار كويسة جدا و ممكن الواحد يدرسها...
ملاحظة يا جماعة: انا لسع ما بقيت غنيانة
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
إنسانة
تحياتي
طبعا الناس ادوك مشاريع واقترحوا ليك حاجات كتيرة
أنا ما ضد الافكار والاقتراحات
لكن سودانا ده فيه مشكلة واحدة....جبتي حديد كوري الناس كلها بتكب ليك كوري...جيبت تياب سويسرية...سعد قشرة كلها تتملي من نفس التياب...اصلية ومقلدة...نهايتو لو عايزة تعملي بزنس ممكن تبديه ب 5مليون جنيه سوداني(بالقديم) لكن تحمي نفسك من نسخ الفكرة يعني تكوني رائده في مجالك..ونصيحة عملية دايما البيزنس البعتمد علي تقديم الخدمة افضل ومريح في ادارته من البزنس البعتمد علي التبادل التجاري بالاصناف
مثال للبزنس الخدمي تقديم الخدمات الفنية للصيرفة الالكترونية
ومثال للبزنس التجاري البعتمد علي التبادل بيع القهوة لمحلات التجزئة الاقترحها اخونا احمد فوق
المنافع في البزنس الخدمي اكبر واسهل ويعتمد علي المعرفة الفنية وصعب الاختراق بواسطة اي منافس نسبة للمعرفة الفنية...مثال لمشروع ممكن تبدي تركيب شبكات كمبيوتر في شركات بمواصفات محددة بتعتمد علي ماركات محددة وسلفا يكون الاتفاق مع الماركة وكالة حصرية...عشان ما تلقي تاني يوم منتجك بيتباع لوحده بدون خدمة في صينية القسم الجنوبي
بعد ده مثل سوداني بسيط...القرش ما عنده عين
ولما تبدي مشروع رسلي لينا ايميل بنحضر افتتاحه
سلام والله الموفق
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
طيب خلوني اديكم المحاولات الواقعية العملتها عشان ابقى غنيانة
1-+5 درهم كل يوم،في فترة سنة(في الحصالة)
ممكن نراه مبلغ صغير لكن لو قلنا 5درهم *365 يوم=1825 درهم في السنة
ممكن المجموع مبلغ ما كبير لكن الفكرة هو تنويع مصادار الادخار و عدم الاستهاة بالمبالغ الصغيرة كبدايات...و كمان ممكن الواحد يزيد المبلغ اليومي
2-الصكوك الوطنية
هنا في الامارات في شركة تشتري منها الصك اقل شىء ب 100 درهم و في سحب شهري ممكن تفوز فيه بمليون درهم...و ممكن على فكرة الناس خارج الدولة يشتروا برضو(http://www.nationalbonds.ae/)
لو حسبنا 100 درهم كل اسبوع على فترة سنة
100*(4 اسابيع)*12=4800 في السنة
يعني فرصة جيدة للتوفير
3-ممكن تبيع internet domains
في موقع تابع لاتصالات في الامارات مثلا ممكن تشتري domain ب 150 درهم لشركة لسع ما فتحت في الامارات ..الدومين دا حيبقى ملك ليك...فالشركة كان دايرة تفتح في الامارات و يكون عندها .ae دومين لازم تتصل بيك عشان تشتري منك...و طبعا دا ممكن يكون استثمار بعيد المدى ..و انا ما جربتوا لسع لكن فكرة جميلة..الموقع http://www.nic.ae/english/index.jsp
كمان في ناس (http://www.godaddy.com/gdshop/default.asp) كموقع عالمي لبيع الانترنت domains...احد الاصدقاء ذكر انو ممكن الزول reseller plan بس ما جربتوا لسع برضو
4-المزادات الالكترونية
على قرار ebay.com
في )http://www.souq.com/home.php( موقع للمزادات
ممكن الواحد لو عندهم اشياء جديدة او مستعملة يبيعها و الناس تزايد عليها...على المدى الطويل اتخيل لي ممكن يطلع ربح
اتمنى الافكار تفيدكم
و لسع مستنية افكار الغنى السريع...بما انه افكاري للغنى البطىء نوعا ما
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
العزيزة إنسانة
تحياتي .. إنتي زولة ما عادية .. العمل عبادة والسعي له ثوابه عظيم .. حسب تجربتي المتواضعة في الإمارات .. بدأت مدرساً في مدرسة خاصة وعملت بارت تايم ، ثم تركت الوظيفة واتجهت للعقارات في أبي ظبي والعين والشارقة ودبي وعقدت صفقات كبيرة .. ولكني لم أحصل على شيء ولله الحمد لأن الخواتيم في بعض الأحيان تأتي عكس ما نشتهي ، لم أتوقف عن المحاولات حتى كتابة هذه السطور ، لي علاقات واسعة في السوق ، اتجهت صوب الاستيراد والتصدير في المواد الغذائية ومواد البناء .. لم أحقق من وراءها شيئاً ولا زلت في الخط ، اتجهت صوب التمويل العقاري وأتعامل مع شركات تمويل بشروط ميسرة ، جلبت أكثر من زبون ، لم أفلح في صفقة ، اتجهت نحو تأسيس شركة في مجال تمديد شبكات المياه ، بعلاقاتي الواسعة حصلت على ممول للمشروع وكانت البداية للتأسيس في حدود 400ألف درهم ، حصلت على نسبة 10% من الشركة والجهات صاحبة الفكرة والتي تدير الشركة 20% وما تبقى لصاحب المال .. هذا ما نجحت فيه ولله الحمد والآن أصبحت الشركة مقاول معتمد داخل الحكومة الاتحادية ، رجعت مرة ثانية للوظيفة والحمد لله مستورة .ولا زالت المحاولات جارية في كافة الأصعدة أعلاه .. لا يأس مع الحياة ، المهم أن تسعى وتحاور وتناور وترمي البيض في كل سلة فعسى أن تفقس بيضة واحدة ويأتي من وراءها خير كثير بشعار ( الدقة - الصدق - الصبر ) .
تحياتي لكل الإخوة الذين يسعون للأفضل بإمكاننا أن نتواصل وهذا رقمي 0505711513
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
اها يا انسانه انت شكلك جااااده في الموضوع والناس ديل كترو ليك الهظار كده خلينا في الجد جد ونسيب الهظار شويه يلا قولي لي عاوزه تبقي غنيانه في اليقظه ولا في الاحلام لو في الاحلام والله تعالي نونسك ونسه لمن نخليك تتخيلي نفسك راكبه طيارة رجال اعمال وهاك يا تلفون وهاك يا ايميل وكل دقيقه والتانيه تشوفي ثروتك كم والبورصه والصفقه بتاعت جنوب افريقيا والدهب الماس الشنو البتاع الهناي ايييك اها يا انسانه انحنا نازلين من الطياره ورجال الاعمال منتظرنك والصحفين والبودي قاردات الناس ما شايفنك جهامه يا زوله تقطيه امنيه وصحفيه جد اها انت معاي ولا لسه في المؤتمر الصحفي بتفتحي في مصنع ومجموعة مجوهرات جديده كده انا وصلتك لحته واصلي براك بس ماتنسينا تحياتي مخو
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: mutwakil toum)
|
Quote: اشتري ركشتين واحدة تأجريهالي زول امين والتانية لازم لازم تسوقيها انت..
.
.
|
انت من زمن الرقشات يا متوكل اخوي...الفضلن بقن شغالات لي ناس المرور...وحق الفطور لي سواق الرقشة وبس...
نصيحتي ليك...حا تتوقف علي كم القروش البتفتكري انها حا تخليك غنيانة؟
يعني بالواضح كدة...عايزة كم عشان تصنفي نفسك غنيانة؟
ان جاوبتيني بوريك الطريقة...يا انسانة...
لأن الغني خشم بيوت
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: doma)
|
العزيزة إنسانة،
إنت فعلاً إنسانة غنية بما تطرحيه هنا من مساعدات للجميع بدون مقابل.
ما دامت همتك متعلقة بالثريا فستنالينها بإذن الله، واليد العليا خير من اليد السفلى، وقد قال رسول الله صلى الله عليه وسلم "المؤمن القوي خير وأحب إلى الله من المؤمن الضعيف. وفي كل خير. احرص على ما ينفعك واستعن بالله. ولا تعجز. وإن أصابك شيء فلا تقل: لو أني فعلت كان كذا وكذا. ولكن قل: قدر الله. وما شاء فعل. فإن لو تفتح عمل الشيطان".
فتوكلي على الله وكوني قوية بإيمانك به وأن المال الذي بين يدي الناس هو لله يؤتيه من يشاء لكننا نتقرب إليه بالعمل الصالح وبالدعاء ليغنينا من فضله.
وفي الحديث الشريف أن رسول الله صلى الله عليه وسلم قال "من أحب أن يبسط له في رزقه، وينسأ له في أثره، فليصل رحمه".
ولأن المال يأتي ويذهب فبدلاً من أن تركزي (كإستراتيجية) على تحصيل المال ركزي على ما يجعل المال يجري ورائك وهو العلم والعمل به. بمعنى آخر استثمري في نفسك بالتركيز على مهنة تحبينها وتكرسين نفسك بكل رغبة ومحبة في الدراسة والتحصيل العلمي والقراءة حولها ثم تحصلين على الشهادات الأكاديمية والمتخصصة في ذلك المجال، فكم من أصحاب شهادات عليا ومهنية يجري وراءهم أصحاب رأس المال والشركات الكبرى لكي يحتموا بعلمهم في تنمية أموالهم والحفاظ عليها. لكن هذا لا يمنعك من أن تحصلى على الإثنان في نفس الوقت العلم والمال.
إذا كنت مقيمة بدول الخليج العربي فإن أسرع طريقة لكسب الأموال (أو خسارتها!) هو سوق الأسهم، ويمكنك البداية بمتابعة الأسواق ودراسة التحليل المالي للشركات والتحليل الفني للأسهم، ويمكنك الدخول كمستثمرة أو مضاربة إذا كنت تستمتعين بإدارة المخاطر. ويمكنك البداية بمدخراتك الشخصية ومن تقنعينهم من أفراد الأسرة والأصدقاء. لكن بعدين لو فلستي بيهم ما تقولي أنا نصحتك.
إذا كنت مقيمة بالسودان فمن الأفكار الجديرة بالدراسة عموماً هو تقديم خدمات موجهة لشريحة الأجانب الذين يفدون للعمل بالسودان مع عائلاتهم. بدراسة ما يحتاجونه ويمكن توفيره بطريقة متفردة.
أهم نصيحة هي أن تمارسي عملاً لك رغبة قوية فيه وتحبينه فهذا هو مفتاح النجاح ويكون مدعاة للإبتكار وللإستمرارية لأن أغلب المشروعات تفشل لعدم رغبة الإنسان أو مقدرته في المتابعة رغم الفشل المرة تلو الأخرى حتى يصيب النجاح، وهنا أنصحك بالبداية بالإطلاع على مراجع كيفية عمل (دراسة جدوي مبدئية للمشاريع). أما إذا كنت مبدعة ولا تمتلكين الأموال فيمكنك العمل في مجال تسويق الأفكار وهذا مجال حديث في الدول العربية والسودان.
الموضوع ممتع ويسمى في مجال إدارة الأعمال (بالعصف الفكري). لذا سيكون مفيداً لجميع المتداخلين والقراء.
العوض الطيب
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: Elawad Eltayeb)
|
الحبيبة إنسانة
لكى كل الود
إتخيلى انا ذاتى دايرة أبقى غنيانة، أو بمعنى أصح "مبحبحة" شوية ...
يعنى كرهنا حساب معاى كام و ضل لى كام
تابعت كل الردود الجادة و الهزار و إتضح لى زى ما قال واحد من الأخوان هنا
Quote: صدقيني لو أى واحد أخوانا وأخواتنا ( قبيلة ) سودانيزأونلاين ديل عندهم معرفة ( حقيقية ) بالغني ما كان قعدوا صاقروا الشاشات ويخبطوا في الكيبوردات . فكما يقول أهل الفلوس ( Time is money ) وزي ما إنتي شايفة الـ Time هنا مستهلك كيف .
|
غايتو عن نفسي كتير بفكر فى البورصة و اسواق الأسهم ،، يعنى مفكرة أجازف و أبيع "الدهيبات" العندى و أدخل بيهم السوق ،، بس لسة بدرس فى القرار دة
كزولة "عاطلة" بحاول مرات أشتغل من البيت،، يعنى ترجمة و طباعة و حاجات زى دى ،، أهو بتجيب مصاريف لو لميتها على القروش الممكن "اشيلها" من زوجى ممكن فى شهر تعمل لى زى "ألفين درهم" أو زيادة ،، بس عقلية الإستهلاك عندى بتغلب عقلية "التوفير" ،، و دى بحاول أتخلص منها.....
إنتى زولة مبدعة و فنانة و أكيد ح تلقى ليك حاجة بس ما تنسينا لمن تلقى الدرب 
باي
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: نوسة)
|
| Quote: مفكرة أجازف و أبيع "الدهيبات" العندى |
يا نوسة وينا المجازفة هسه
إنسانة يا زولة الخير جاييك جاييك ان شاء الله طالما انتى بتساعدى الناس وترشديهم لفرص الشُغُل
وبكرة تقولى وليد طه قال
سى يو
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
انسانه وضيوفها.. متابعة باستمتاع البوست ده.. واكتر سؤال عجبني هو سؤال نزار حسين
| Quote: يعني بالواضح كدة...عايزة كم عشان تصنفي نفسك غنيانة؟ |
انا امس كنت بتكلم مع نادر عن البوست ده.. قلت ليه مافي زول سألها عن تصنيفها للغنى.. والمبلغ الحتصل ليه وتقول انا كده غنيانه.. وفي رأيي ده سؤال جوهري..
| Quote: ولأن المال يأتي ويذهب فبدلاً من أن تركزي (كإستراتيجية) على تحصيل المال ركزي على ما يجعل المال يجري ورائك وهو العلم والعمل به. بمعنى آخر استثمري في نفسك بالتركيز على مهنة تحبينها وتكرسين نفسك بكل رغبة ومحبة في الدراسة والتحصيل العلمي والقراءة حولها ثم تحصلين على الشهادات الأكاديمية والمتخصصة في ذلك المجال، فكم من أصحاب شهادات عليا ومهنية يجري وراءهم أصحاب رأس المال والشركات الكبرى لكي يحتموا بعلمهم في تنمية أموالهم والحفاظ عليها. لكن هذا لا يمنعك من أن تحصلى على الإثنان في نفس الوقت العلم والمال. |
في اتجاه آخر، كلام العوض الطيب الفوق ده هو عين عين العقل.. أحسن استثمار في الدنيا هو انك تبني من نفسك خبرة الناس يفتشوا ليها.. يعني بحسبه بسيطه، الواحد يفكر، في كم زول ممكن يعمل شغلانتي دي.. وبعداك يبدا شويه شويه يميّز نفسه عن الناس.. بالشهادات، والمهارات.. أي مهارة بسيطه مهمه.. أديك مثال بسيط السودانيين ما قاعدين يشتغلوا بيه كتير.. اللغة الانجليزية... السودانيين في فترة من فترات كانوا احسن ناس بتكلموا انجليزي.. وبضحكوا على المصريين عشان بكسروا الكلام.. حسي لو جوا اتنين، واحد سوداني بتكلم انجليزي صر، لكن بلكنة، وواحد تاني بتكلم انجليزي ماشي حاله، لكن بدون لكنة... التفضيل بكون للتاني.. لسبب بسيط، انه العالم عنده هوس بالناس المتعلمين بره... اها.. الحاجة دي موش شي ما بتصلح، على العكس، حسي في دورات لأي حاجه.. والواحد ياخد دورة بتاعت accent elimination ويبقى تمام... قيسي على كده.. ختى في بالك مسار وظيفي معين.. الشهادة الجامعية الزمن ده براها ما تنفع.. لازم يكون عندك شي يميزك ..شويه شويه، حتلقي نفسك بقيتي عمله نادره..
لو عايزه، ممكن نعمل بوست عن ال professional Development... اصحاب كل مهنة يكتبوا عن الشهادات المهنية، وكيفيتها وتكلفتها واهميتها... ووين ممكن تتعمل، وكيفية توظيفها... ده موضوع بوست حاقص لي ليه زمن.. ونفسي أعمله عشان الناس يستفيدوا وانا استفيد كمان..
بالتوفيق
بنت الحسين
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: امير مصطفى احمد)
|
بوست لا يدخله الا (الفقراء)
عفواً
اعملي حقة صعوط في ابوجنزير
واكتبي عليها
انسانة للعماري الجيد
وتعالي بعد سنة نشوف النتيجة شنو.؟
النتيجة..غايتو حتبني عمارة لكن حتزبليها!!!
ملحوظة
زمان كانت الزكاة نؤخذ من التمباك
وكانت البنوك تمنح مرابحات لتمويله
هسي ما عارف الحاصل شنو..؟
شكراً انسانة وعذراً لكل المتداخلين
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: عادل فضل المولى)
|
يا جماعة عارفين
و انا بشتغل قبيل كنت بتذكر في البوست دا ...و جد حسيت انه طرحي لمواضيع هنا "بغني" حياتي بصورة جميلة و رقيقة
بكرة حستقيل من العمل المؤقت الانا فيه...لانه الامور لم تسير على خير..و انا جد في حالة نفسية صعبة...لكن لمن جيت هنا و قريت كلامكم و جد و من غير مبالغة حسيت كدا كانو زول حاضني و حسيت بدفء جميل...نفتقده في هذا العصر الاستهلاكي المادي...الفعلا جد البحث عن الافضل و الاغنى و الاول و الاحسن ..زعزع فينا معاني جميلة و سكينة في النفس اشتقنا اليها من ايام ما كنا اطفال و ايام ما كان الزمن "جاري" شديد زي حسي...ايام الجامعة لمن كانت احلامنا جميلة و كبيرة...عارفين الواقع حار جدا ...البشر المفترض يكونوا زي بعض و مروا بنفس التجارب...لكن لسع ما بنفهم بعض و لا قادرين نعيش مع بعض...ما دايرة اقول اني ملاك و لا ما بغلط ..لكن جد الحياة صعبة..حتى لمن حاولت اشوفها بسيطة
المهم..
انا لسع ..عايزة ابقى غنية....براس ما "0" لانو بكرة حسيب الشغل
و برجع ليكم
و جد شكرا جدا
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
سلامات تانى
مريم بت الحسين ،،كلامك عجبني شديد و إنتى أكيد زولة عملية و خلاقة و مبدعة..
معليش أنا ما قريت ليك كتير و ما عارفة تخصصك شنو في الحياة،، بس قريت ليك البوست
بتاع شركات الإعلانات اللى بتدفع للزول لمن يشترك فيها و يقرأ الإعلانات المعروضة،، و دة
بيدل على عمليتك و "بروفوشينيلتك" ،، يلا بالله ورونا مزيد من الأفكار عشان نستفيد
من "باقى عمرنا" دة و نعمل قروش..
بمناسبة الإنجليزى،، أنا إنجليزيتى تمام و جوازى إنجليزى ،و خريجة ترجمة "دبلوم" لو رجعت السودان باقى ليك
بلقى لى شغل ؟؟؟"عمرى قرررررررررررررب يدق الأربعين"؟؟؟؟
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
.
| Quote: 1-+5 درهم كل يوم،في فترة سنة(في الحصالة) |
ايوااااااا ... عليكي يا أختاه بـ ( الحصالة ) فهي الحل الأمثل
واسأليني أنا
بس لازم تمسكي ( حبل الصبر ) وما تستعجلي ..
القاعدة الفقهية بتقول : من استعجل الشي قبل أوانه عوقب بحرمانه
بعد سنوات بسيطة حتلقي غرفة نومك شكلها كده
ودولاب ملابسك حيكون زي ده
اما المطبخ فحيكون بالروعة دي
انا زمان كنت مفلس زيك كده يا ( انسانة ) ......... كنت ( انسان ) .... وبحلم
حسع الحلم ( ظاااااااااطو ) ما قادر عليهو
.
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
شوفي يا انسانة
عايزة تغني اسمعي كلامي ده ..
انتي هاتي الف درهم
وانا الف ريال
وفيصل نوبي
وغادة عبد العزيز الف ريال
وسلمى صبحي الف ريال
وتماضر الخنساء الف ريال
وحيدر حسن ميرغني الف ريال
واحمد الشايقي الف ريال
وتمبس الف ريال
ومعتصم الف ريال
وشتات الف ريال
وعزاز شامي الف ريال
وسيد محمد سيدنا الف ريال
وابو تميم الف ريال
ونصار الف ريال
وقمر بوبا الف ريال
وعلى الحلاوي الف ريال
واساسي الف ريال
وابو قوتة الف ريال
ورافت ميلاد الف ريال
ودومة الف ريال
ومتوكل توم الفين ريال
وهاشم خلف الله الف ريال
وابوبكر الف ريال
وود رملية الف ريال
وابو جهينة الف ريال
وود الباوقة الف ريال
التلاتين نفر ديل بي تلاتين الف ريال..ولانو التلاتين بصراحة شوية وانا مابقدر ارجع تاني اعدل الالف الكتبتها فوق دي بلي كل زول على حده
نقوم نزيد راس المال ده الف لي كل زول تاني..
يبقو من كل زول الفين ريال
حيكون عندنا ستين الف ريال
تقومي تدوني ليها
وانا عندي بنية سمحة صيدلانية عاطلة
نفتح ليها صيدلية في البلد الكلها عيانين ديك ونقعد نتقاسم الارباح كل تلاتة شهور..
ومع كل زول مسافر من اهلنا او اقربانا او معارفنا نرسل علبة او علبتين دواء من أي نوع حسب او كرتونة صيغرة حسب التساهيل والبنية تسجل جاتية من طرف منو عشان تخت ليهو حقو براهو..
وهكذا
رايكم شنو؟؟
يكون عندكم ريع ثابت كل تلاتة شهور
وكون خدمنا البلد بي توفير ادوية ..
ونكون شغلنا بت عاطلة سمحة وتستحق ..
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
العزيزه نوسه (وبعد اذنك يا ensana)، تحية وشكرا ليك (على حسن الظن)
انا عندي ماجستير في Computer Information Systems... لكن مهتمه جدا بمجال الhuman recources، الjob search و الProfessional development ... وده اهتمام ما مهني، بقدر ما هو مكتسب من البحث عن عمل.. انا متنقله في البلدان دي لي زمن.. عشان كده انا طوالي في حالة بحث عن عمل ...
فيما يخص دراستك وجنسيتك... والله الاتنين ديل مع بعض عبارة عن وصفة سحرية.. في طلب كبير على المترجمين في بلاد الخليج دي.. بس عشان تنافسي بصورة كويسه، حاولي رفّعي شهادتك لبكالوريس... وبعد داك حاولي أعملي دبلوم عالي.. عشان تتميزي.. ولو عايزه ممكن أديك عناوين لجامعات ممكن تعمل ليك الحاجة دي distance learning ومن بريطانيا كمان.. وجامعات محترمه جداً.. بس حضري الكاش.. وصدقيني البتدفعيه فيها، برجع ليك سريع جداً.. الجواز البريطاني حيديك فرصة التفضيل لما تحاولي تشتغلي.. وفي نفس الوقت، الناس بجوازات اجنبية بحصلوا على عروض أفضل... العمر ممكن يكون critical... لكن لو اتحركتي سريع ممكن تلحقي... العمر مهم لانه بوري الزول انت خلال فترة عمرية أنجزتي شنو.. الشي الأخير، هو الresume أو CV... دي مفروض تعكس كل حاجه عنّك... ودي فيها كلام كتير.. ممكن نقوله في مره أخرى لو حبيتي...
ensana اعفي لي بعدته شويه من موضوع البوست...
بنت الحسين
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ابو تميم)
|
GamarBoBa
تحياتي...فعلا في نقطة تقليد المشاريع الناجحة في السودان..و دا براي "بيقتل" الروح الابداعية و الافكار الجديدة و الحتة بتاعت التطوير..
انت ذكرت نقطة مهمة و هي الوكالة...حسي يا جماعة لو الزول داير يشيل توكيل شركة عالمية و خاصة امريكية...شنو الشروط المفروض تتوفر...و على حد علمي الشركات الامريكية ممنوعة من التعامل مع السودان تبعا للقوانين الامريكية...هل الكلام دا صحيح على ارض الواقع و الى اي حد مطبق؟؟
عبد الرحمن الحلاوي
انا في انتظار ردك على استفساري و اذا امكن النشر هنا عشان الناس كلها تستفيد
abuguta
لا ابدا ما سمعتى بالشركة دي...ممكن تدينا موقعها في النت او معلومات زيادة عنها؟
محمد المختار الزيادى
الاحلام هي بداية الواقع احيانا ..مش كدااحيانا..
doma
دا المطلوب في المجمل...بس في "طمع" انساني لبعض تفاصيل الحياة كدا صعب يتخلص منه
mutwakil toum
انت من زمن الرقشات!...بعدين عندي مبدأ "لا" شراكة في اي مشروع...شراكة=فشل...مركب باتنين بتغرق
nazar hussien
اتناقشت مع صديقتي في سؤالك دا..."دايرة كم عشان تعتبري انك غنية"...دايرة "كتير"..طماعة مش...لا انا مدركة تماما انه الانسان طماع بطبعه..بالنسبة لي ما عارفة الى الان...لكن دايرة عشان ابقى غنية..ابقى راضية...حسي يمكن انا اكون غنية و ما عارفة...فلسفة...عايزة مليون اشتري بيت في الامارات..و 4 مليون بيت في السودان...و اخد توكيل"STARBUCK" في السودان...و حبة قروش للزمن وووو
عبده عبدا لحميد جاد الله
ما فهمت الsubdomain دي شنو؟
برجع ليكم
ملاحظة :لسع ما بقيت غنية
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
Elawad Eltayeb
Quote: ولأن المال يأتي ويذهب فبدلاً من أن تركزي (كإستراتيجية) على تحصيل المال ركزي على ما يجعل المال يجري ورائك وهو العلم والعمل به. بمعنى آخر استثمري في نفسك بالتركيز على مهنة تحبينها وتكرسين نفسك بكل رغبة ومحبة في الدراسة والتحصيل العلمي والقراءة حولها ثم تحصلين على الشهادات الأكاديمية والمتخصصة في ذلك المجال، فكم من أصحاب شهادات عليا ومهنية يجري وراءهم أصحاب رأس المال والشركات الكبرى لكي يحتموا بعلمهم في تنمية أموالهم والحفاظ عليها. لكن هذا لا يمنعك من أن تحصلى على الإثنان في نفس الوقت العلم والمال.
|
كنت بفكر في كلامك دا لمن كنت بقدم في استقالتي الليلة ..شكرا على الاضاءة
عارف فكرة الاسهم دي انا جد عندي رغبة افهمها...لو تدينا فكرة اكتر عن الاساسيات
Quote: إذا كنت مقيمة بالسودان فمن الأفكار الجديرة بالدراسة عموماً هو تقديم خدمات موجهة لشريحة الأجانب الذين يفدون للعمل بالسودان مع عائلاتهم. بدراسة ما يحتاجونه ويمكن توفيره بطريقة متفردة.
|
عجبتني الفكرة دي...زي شنو الخدمات الممكن يرغب فيها الاجانب في السودان؟
نوسة
شكرا ليك عزيزتي...عارفة شغل البيت دا انا ما جربتوا ...بس ناوي اجربوا قريب و اتعمق في البحث عنه...مريم خبيرة في الموضوع دا...و طرحت بوست قبل كدا
وليد طه
انشاء الله...شكرا ليك و الله
مريم
البوست بوستك يا ستي...فعلا التخصص هو مفتاح الغنى الايام دي...و الانجليزي دا مهم جدا و مصداقية..من خبرتي العملية السابقة...مرات الانجليزي بتاعي " بقع" as when we say the network down بتحسي الزول المعاك في التلفون سيطر طوالي على المكالمة و فقد مصداقيته فيك...و ما بقتنع بسهولة في الحلول المقدمة اليه...في حين لمن يكون الانجليزي واضح و كان "tone" الصوت دا اهم حاجة للتعبير الكامل عن الافكار...ااذا ظهر في صوتك انت ما واثق في الفكرة البتشرحها ..انس الموضوع
| Quote: لو عايزه، ممكن نعمل بوست عن ال professional Development... اصحاب كل مهنة يكتبوا عن الشهادات المهنية، وكيفيتها وتكلفتها واهميتها... ووين ممكن تتعمل، وكيفية توظيفها... ده موضوع بوست حاقص لي ليه زمن.. ونفسي أعمله عشان الناس يستفيدوا وانا استفيد كمان.. |
فكرة رهيبة...طوالي نعمل بوست بالفكرة دي
عادل فضل المولى
شكرا للمشاركة
hatim ibrahim
اول حاجة الصور دي جبتها من وين؟
لكن جد الحصالة دي...مشروع اقتصادي قائم بذاته
DKEEN
زي ما قلتى ليكم قبل كدا..الشراكة ما بتنفع معاي...لكن بتك " بدعمها" لمن ابقى "غنيانة" ..بفتح صيدلية و اديها الادارة
مريم+نوسة
كلام مريم صحيح...العلم مفترض ما ليه عمر و دي بس افكار التربية و المجتمع خلقها فينا..
HAMZA SULIMAN
دي صعبة شوية عشان انا بفتقر لاهمى حاجة...الصوت و الموهبة
ابو تميم
عارف الصناديق دي هنا في الامارات فتحت بيوت و حلت مشاكل كمية ....
الصورة من وين؟
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
مساء الخير
يا وليد طه
Quote: يا نوسة وينا المجازفة هسه
|
كيف ما فى مجازفة ؟؟ يعنى لمن أبيع حاجة "مضمونة" لى حاجة "ما مضمونة" زى الأسهم و البورصة، موش بتعتبر مجازفة؟؟؟؟؟؟((وش "كبير" مستغرب)) !!!
بس برضو بقول الحياة دى لازم يكون فيها مغامرة عشان "الأدرينالين" و كدة
لك ودى
و سا مريم بت الحسين
لكى تحياتى و ربنا ياخى يطمنك !!
بس باقى ليكى أسى تانى بقدر أقوم أقرأ و "أرفع" و جنس الحاجات دى؟؟؟؟
جاتنى فرصة لمن كنت في بريطانياإنى أعمل "ماجستير" فى "اللغويات" بس لبعد المسافة بين الجامعة و محل ما كنا ساكنين،، و إلتزامى بى بناتى للمدرسة خلانى صرفت نظر عن الموضوع،، بس أسى لمن جينا البحرين ندمت كتير و عرفت إنى ضيعت فرصة لا تقدر بى مال،، لأنو هنا فى الدول العربية دى ما عندهم أى تقييم للدبلومات حقتنا دى ،،و حتى لو دايرة أعمل ماستر ح يقولوا لى قصة الدبلوم العالي و الشغلات الفارغة دى !!!
غايتو إنتى برضو شوفي لى قصة "التعليم عن بعد دى" و الدفع "علينا"
و شكراً ليك على وقتك و إهتمامك
تحياتى لجميع المشاركين
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: نوسة)
|
عزيزتي إنسانة
الخطوة الأولى هى فتح حساب تداول لدى أي من البنوك في دول الخليج وخاصةً في السعودية فيقبل فتح حسابات تداول الأسهم للمقيمين. (طبعاً بعدما تكوني لميتي القروش القلت ليك كيف تلميها.
بعد داك تبدأ متابعة ودراسة السوق.
وهناك استراتيجيتين للدخول:-
الأولي للإستثمار
والثانية للمضاربة،
وممكن يكون في طريقة ثالثة بين بين.
الإستثمار يكون طويل الأجل ويأتيك عائد من أرباح الشركة الموزعة كل عام أو 6 أشهر حسب سياسة السركة بلإضافة إلى أنك على المدى الطويل وعندما يرتفع سعر السهم تكونين قد حققتى الربح وهو الفرق بين سعر الشراء وسعر البيع وذلك لحظة قيامك بالبيع. ومثال الشركات القيادية في السوق السعودي الآن شركة سابك وشركة الإتصالات وكهرباء السعودية وبنكي الراجحي وسامبا.
أما المضاربة فتتم على الأجل القصير وأسرعها تكون يومية أو لحظية، ومع أن أرباحها عالية فخسائرها كذلك. مع ملاحظة أن الحد الأعلى والأدني للربح أو الخسارة في اليوم هو 10% وهو حد التذبذب لأسعار الأسهم المسموح به وتحدده الجهة التي تجكم السوق مثل هيئة سوق المال في السعودية..
أما عن طرق تحليل الأسهم فهناك طريقتين، طريقة التحليل المالي، وطريقة التحليل الفني، ثم لا بد من المتابعة اللصيقة لبيئة السوق وأخباره، والمعلومات عنهما متوفرة بكثرة في الأنترنت خاصة المواقع المتعلقة بتداول الأسهم
والفرق بينهما أن التحليل المالي يركز على الموقف المالي للشركة وينبني على تقاريرها المالية وقوائمها المالية الأساسية وهي اربعة تقارير اساسية:
1- قائمة الدخل: وهي تبين نتائج الأعمال (الأرباح والخسائر) عن الفترة (سنة)
2- قائمة المركز المالي: (الميزانية) وتبين الحالة المالية في نهاية الفترة (السنة)
3- قائمة التغير في حقوق الملكية
4- قائمة التدفقات النقدية
وهناك عل وفن مالي وإداري جميل قائم بذاته وممتع يطبق في هذا المجال إسمه التحليل المالي Financial Analysis فيه معادلات وطرق تحليل وقياس وتنبوء بأداء الشركات.
أما التحليل الفني فيتم بتطبيق تقنيات متعددة على سلوك الأسهم التاريخي بغرض التنبوء بحركتها المستقبلية وحركة السوق ككل..
ويشتري (يجمع) المضارب المحترف في مستويات دنيا.
ويبيع (يصرف) في مستويات أعلى..
محققاً أرباحا سريعة وخرافية. لكنه يعرف اللحظة التي يبيع فيها حتى ولو بخسارة (لحظة الخروج) قبل أن (يتعلق) في السهم. لكنه أيضاً في المقابل يواجه مخاطر عالية جداً وقدرة على تحمل الخسائر الكبيرة. فالمعادلة هنا أن الأرباح الكبيرة مرتبطة بتحمل المخاطر الكبيرة.
ويمكن ن تجمعي بين الفكرتين بأن تستثمري للأجل الطويل في الشركات القوية ماليا ولديها مستقبل واعد. وتضاربي بجزء من رأس المال. لكن ده بعدين بعد ما تصبحي غنية. والغني في مجال الأسهم أسمو (هامور).
هذه نبذة قصيرة أرجو أن تحبب لك هذا المجال المثير جداً لمحبي تحمل المخاطر.
طبعاً في عبارة كدة بيقولوها الناس الماليين في النهاية وهي إنو (الكلام الفوق ده لا يعتبر توصية للدخول في سوق الاسهم ولا يعتبر توصية للشراء أو البيع وأن القاريء يشيل شيلتو براهو.. وكده)
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
ابعدي من سودانيزاونلاين اولا
ايه رايك تشتغلي مترجمه مع الامريكان في العراق
والله سنه واحدة وترتاحي اصلوا الايام دي العميان شايل المكسر وجارين للشغلانه دي وعائدها قرابة المائتين الف دولار سنويا والبورد ده فبه ناس كتار اشتغلوا في الشغلانه دي كدي اساليهم وبدوك التفاصيل كان رجال او نسوان
واذا ماعجبتك الفكرة امسكي قوي في كلام abuguta
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
Quote: اتناقشت مع صديقتي في سؤالك دا..."دايرة كم عشان تعتبري انك غنية"...دايرة "كتير"..طماعة مش...لا انا مدركة تماما انه الانسان طماع بطبعه..بالنسبة لي ما عارفة الى الان...لكن دايرة عشان ابقى غنية..ابقى راضية...حسي يمكن انا اكون غنية و ما عارفة[/B]...فلسفة...عايزة مليون اشتري بيت في الامارات..و 4 مليون بيت في السودان...و اخد توكيل"STARBUCK" في السودان...و حبة قروش للزمن وووو
|
يا انسانة...لم اقصد جهجهتك بالسؤال دا...لما تستعيني بصديقة...
مش لو الواحد فينا...بيقول عايز يبقي سمين او ضعيف بكون خاتي ليه وزن معين
أو شكل زول معين في رأسو؟ ليش لما جات عند الغني....استعنت بصديقة؟
وشكلك لسة ما عارفة كم حا تغنيك....اما حكاية يكون عندك بيت في الامارات
وبيت في السودان...ويكون عندك توكيل (ستاربوكس) في السودان! فأنا ممكن اصنف\
الاحلام دي كأهداف...ويمكن لك بالسهولة جدا تحقيقها...لكن تاني حا ندخل في شكل
البيت في السودان وين؟ ومساحتو كم؟ أما في الامارات...فمن الساهل جدا يكون عندك
بيت...(بنوك,,,زواج...لوتري...) ليش خاتا في رأسك بس اذا ما عندك دولاب مليان
قروش مش حا تحققي احلامك دي...فالاهداف والاحلام لا تحقق بفلوس...
نفس ورطتك هذي ورطني فيها صديق اسباني..كان يعمل في نفس البناية التي أعمل فيها
عندو كمبيوتر وسكرتيرة,,,يجي ويطلع علي كيفو...ويشرب في القهوة بالمق...الكبير
قال لي انت عايز كم عشان تمشي من البلد دي...قلت ليه مية ألف ريال...ضحك فيني حتي
سالت قهوته علي المكتب...وقال لي بالحرف الواحد...ما تفكر ابدا في رقم...ولكن فكر
في اهداف وابدا بتحقيقها شوية شوية...لأنو لو فكرت في رقم بالبساطة دي...حا تنتهي مع نفسك..
وهو حوار طويل اثبت لي فيه عمليا مدي خطأي...ومن ديك وانا خليت القروش...كمعيار للغنيانين
آخر حاجة قالها...وانت قلتيها هنا...حاول تعمل لترضي نفسك...لأنو لو ختيتي شكل بيت في رأسك(ودي من عندي) سواء كان في السودان أو الامارات...كل ما يمر يوم...شكل البيت حا يختلف عندك...من غرفتين
وصالون الي قصر...وشوية شوية تلقي الصورة الراسماها عن الغني قد تبدلت
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: nazar hussien)
|
العزيزة انسانة...
انا حأقترح ليك اقتراح جادي جدا جدا..
وما محتاج راس مال ضخم..
وارباحه مضمونة ميتين المية..
انتي مقيمة في الخليج..ومحلات التجميل الراقية علي قفا من يشيل..
تمشي تأخدي دورة تدريبية عالية مع واحدة لبنانية ولا مغربية..
وتشتري كمية معقولة من المواد التجميلية ذات الماركات المحترمة..
وتتوكلي علي السودان..
تشوفي اي اوضة كبيرة في بيتكم وتبتدي فيها..
ابتدي ببنات الاهل العندهم علاقات كويسة..
اي واحدة عايزة تتزوج جهزيها وخليها تعمل ليك دعاية..
انا بعرف كم مثال..بقو مليونيرات في ظرف شهور..
وللمعلومية..تجهيز العروس في السودان بقي بيكلف اكتر من مليون جنية!
يعني في واحدة انا بعرفها بدت بشقة صغيرة جدا في اركويت..
بعد سنة ونص كانت عندها فيلا في المعمورة..
وما بتستلم غير خمسة عروسات في اليوم..!
يعني خمسة مليون جنية سوداني..يوميا!
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
16/5/2007م
العزيز/ ابو ساندرا
الود والتحيات.
وعبرك أود المداخلة مع ensana في بوستها (عايزة ابقى "غنيانة" بسرعة" بالتالي:-
(( الأخت إنسانة: تحياتي،
لو كنتي جادة فيما طرحتي، فهناك أفكار مجربة وممتازة وأعايش نتائجها. فقط يلزم قليل من الصبر وطموح وأحلام كبيرة وجديه جادة. ولأنني ضيف على الباب، أستأذنت العزيز أبوساندرا لإيصال ما يلي:
1/ فكرة أعرف من خلالها أشخاص بيحققوا من وراها دخل أسبوعي قدره 15 ألف دولار! (خمسة عشر ألف دولار). بشرط أخذها بجدية. وذلك من خلال مجموعة Quest حيث يمكن ضمان الوصول للحرية المالية Financial Freedom كما حققها كثيرون ممن أعرفهم في Quest. لمزيد من الإيضاح يمكن زيارة موقعهم http://www.quest.net ولمزيد من الإيضاح يمكن مواصلتي عبر الإيميل [email protected]
2/ فكرة أخرى تحقق من خلالها لكثيرين الصحة والمال. وذلك من خلال خطة عمل شركة DXN للمكملات الغذائية الطبيعية. ويمكن البحث في جوجل عن المركبات الأساسية لمنتجاتهم التالية: Ganoderma Lucidum, Spirulina, Cordyceps, Morinzhi, Lion's Mane حيث أعرف عديدين لديهم مشاكل صحية مستعصية من سرطان وضغط بنوعية وسكري وعقم وحساسية وهزال وسمنه ... وعديد الأمراض المستعصية بما فيها الدائم الملاريا، تمكنوا من خلال هذه المنتجات من التخلص من تلك الأمراض وآخرين قللوا من إستخدام العقاقير الطبية في معالجتها. والأجمل، أنهم مع ذلك حققوا دخل شهري متفاوت، لدى بعضهم 10 دولار ولآخرين فوق الـ 4 ألف دولار شهريا (أربعة الاف دولار شهريا). ويمكن الإستزادة من موقعهم http://www.dxn2u.com ولمزيد من الإيضاح يمكن مواصلتي عبر الإيميل [email protected]
ما ورد أعلاه من أفكار مجرب. ويعتمد النجاح فيها على مدى الجدية فيها ...
وربنا يحقق الفي المراد ...
تحياتي ... عثمان علي))
لا عدمناك يا أبو ساندرا ...
____________________________________________________
الرسالة أعلاه أرسلها لي صديقنا العتيد عثمان علي آدم
وليس لي فيها غير أجر المناولة
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
فاصل اعلاني و احتمال طريق "للغنى"...
تمنح مسابقة" SHOOF " لاكتشاف المواهب التي تقدمها صحيفتا "الإمارات اليوم" و"Emirates Today" الفرصة للمشاركين كي يعرضوا أعمالهم الفنية للجمهور بالإضافة إلى فرصة الحصول إلى جوائز تصل قيمتها الإجمالية إلى 250 ألف درهم نقدا, فضلا عن جوائز أخرى عديدة. وتتكون المسابقة من خمس فئات. وتجري المسابقة على مدار شهرين كاملين. وتتكون لجنة التحكيم من ثلاثة محكمين. يمكن للمشاركين إرسال الأعمال عبر البريد العادي ص.ب : 502012 دبي مرفقة بنموذج التقديم إضغط هناhttp://www.shooftv.com/ لتحميل النموذج أو من خلال تحميلها عبر الموقع الإلكتروني التالي: www.shooftv.com
http://www.shooftv.com/
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
انسانه
ليه ما تفتحي شركة توظيف؟
شايفك دايما بتجمعي معلومات التوظيف
اها طوري الهوابه الي عمل
وممكن تديريها من البيت في البدايه
تعملي موقع للشركه
ويمكن الموقع تعرضي فيه وظايف لدول متعدده
وحتنجحي
اما الاستثمار الناجح الثابت بعيد المدي
فهو العقار
لي جنىجناك
اصلا عندي فكره وداير ناس جادين:
يجتمعو ستة انفار
يسجلو عقد رسمي بينهم لقيام جمعيه تعاونيه
ويفتحو حساب بنكي
كل شهر كل واحد يضع فيه
ما يعادل الف ريال او درهم
خلال سنتين حيكون المبلغ ميه اربعه واربعين الف
يشترو بيها ارض ممتازه في السودان
ويبدو في بناء عماره من اربعة طوابق
بي نفس الاسلوب
ويستثمرو الطابق الارضي كمحلات تجاريه
والتلات طوابق يقسموها شقق
كا واحد شقه
والسطوح مشترك ومجهز للمناسبات
وكده تمتلك سكن ودخل ثابت
استثمار بطي لكنه راسخ
| |
|
|
|
|
|
|
|
|
|
Re: دكين انت زي العسل (Re: Rawia)
|
عندي ليك فكرة رهيبة، مادمتي متخصصة IT:
تعملي موقع توظيف head hunter إلكتروني يكون ميزته الفريدة أنو متخصص في تجميع السيرة الذاتية للمغتربين والمهاجرين السودانيين الراغبين في العودة موجه لخدمة الشركات الأجنبية والمشتركة في السودان.
الفكرة مطروحة في مواقع عديدة مثل Bayt.com
لكن ميزتها في تخصصها في الكفاءات السودانية فقط.
| |
|
|
|
|
|
|
|
|
|
Re: دكين انت زي العسل (Re: DKEEN)
|
كيف"قيلتوا" يا جماعة
Bakhaf
فعلا قالك الشغل في العراق حسي بجيب دخل عالي...نظرا للحالة الامنية هناك...ماعارفة موضوع داير ليه شجاعة شوية...انا نفسي فعلا انضم للمؤسسات الخيرية زي الامم المتحدة و اطباء بلا حدود...عشان اطلع من الدوران في عالمي و اشوف عوالم بشر تانين
ما بتعرف الحياة بتختك وين..
نزار حسين
Quote: ليش خاتا في رأسك بس اذا ما عندك دولاب مليان
قروش مش حا تحققي احلامك دي...فالاهداف والاحلام لا تحقق بفلوس...
|
لا ما فاهمتني....القروش عندي و حسب ما فاهمة نفسية وسيلة و ما غاية ابدا...النقطة الاساسية اني دايرة ادرب نفسي على وضع الاهداف و الالتزام بيها ..فالبتالي المال لن ياتي من فراغ...اكيد وراه تجارب حياتية مهمة
رشا سالم
اي فعلا لاحظت ليك العروس باخدوا منها كم في السودان عشان شوية مكياج "بشنيها" مرات...فكرة برضو
شكرا يا ستي
ابو ساندرا
اشكر لي الاخ على المقترحات...اول حاجة
( http://www.quest.net) الموقع محظور في الامارات...و حسب ما عرفت الشركات الزي دي ما فيها مصداقية ...لكن شكرا على الفكرة
و بالنسبة ل http://www.dxn2u.com.....في راي المجال الطبي دا يعني ارواح ناس...و ما ممكن اتاجر في حاجة انا ما فاهمها و ما عارفة اضرارها الجانبية لمجرد الربح...لكن برضو فكرة ممكن "تفيد" اخرين
Mamoun Ahmed
انا اليوم داك فكرة في الفكرة دي...موقع توظيف
انا مقتنعة تمام انو "العقار" هو الاستثمار البلا مخاطر...فكرتك جديرة بالدراسة و التفكير
شكرا ليك
راوية
انت عارفة انا اكتر حاجة عاجبني في البوست دا تبادل الافكار...و الفكرة المابتنفع معاي ممكن تنفع معاك و هكذا...و طبعا و بلا نقاش الستر و الصحة اهم من "ترليونات" الدنيا دي
العوض
زي ما قلتي فوق فكرة جيدة و بفكر فيها و اطرحت بشكل اخر مع صديقة عزيزة ..انشاءالله خير
دكين
شكرا ليك
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: zozo)
|
إنسانة يا إنسانة
أفكار المشاريع جميلة و لكنها ما مضمونة النجاح 100% و خصوصاً المشروعات التى تخص التعامل مع الناس و بى مزاجهم هم يمكن أن يكتب لك النجاح أو عدمه (قصدي فى السودان)
بالرغم من إنو برضو محلات الأكل و الكافتيريات الشبابية بتنجح شديد بس دايرة ليها "نفس طويل"
أنا عندى ليك إقتراح !!
ليه ما تشاركى فى "من سيربح المليون" ؟؟ لأنو إنتى زول متعلمة و مثقفة و مثابرة،، شاركى فى البرنامج و يمكن يقع اختيار عليك ،، لو إختاروكط فى الأول ،، الباقى هين ،، بس إنتى و سرعتك فى "الكيبورد"
أنا غايتو إشتريت لى كتاب عن كل الأسئلة الجات فى الحلقات السابقة من البرنامج و مراااااااااات مرات كدة بديهو طلة!!
يلا إقتراحى دة برضو ما أظنو بطال، على الأقل لو ما فزتى بالمليونين "زى كنعان مطر" ممكن تفوزى ليك بأى مبلغ يعمل ليك راسمال ما بطال.
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
إنسانة وكل الناس الحلوين :
حا أبدا ليكم بي حكاية سغمبروتية كده ..
عملوا لقاء مع ملياردير وسألوهو بقيت ملياردير كيف ؟؟؟
قال ليهم كان عندي جنيه اشتريت لي بيهو تفاحة قمت لمعتها ونضفتها وبعتها بي جنيهين..
قمت بي الجنيهين اشتريت لي تفاحتين ومشيت لمعتهم ونضفتهم وقعدت بيهم في السوق وبعتهم بي 4 جنيه ..
قمت اشتريت لي 4 تفحات ونضفتها ولمعتها كويييييس ومشيت بعتها بي 8 جنيه ..
قمت إشتريت لي 8 تفاحات ونضفتها ولمعتها ةمشيت عرضتها في السوق..
وانا قاعد حارس ال 8 تفاحات ديل جونا ناس قالوا لي عمك الملياردير مات وكتب ليك كل الحاجات بي إسمك..
اها بقيت ملياردير..
طبعاً في البداية الواحد كان متخيل إنو من القصة دي الزول ده بدا من الصفر وحا يقول ليهم انا من جنيه واحد عملت ثروة و و و و وو وكلام العصاميين داك ..
لكن القصدتو انا إنو الحظ والصدفة قد تلعب دور معاك وفجأة كده تلاقي روحك بقيت غناين لا إحم لا دستور..
في كثير من الاحيان تلعب الصدفة دور كبير كنقطة تحوول بين الفقر والغنا وده ما بيمنع إنو في ناس مجتهدة وبنت نفسها من الصفر..
في زمننا الحالي ده من النادر جداً تبقا غنيان بي الحلال وأقصر طريق للثراء والغنا هو طريق الحرام ..
وربنا لو غضب على العبد أكسبه المال الحرام ..ولو أراد أن يلعنه بارك له في رزقه الحرام هذا ..
كتير من الناس الغنيانين في السودان سمعنا عنهم قصص متضاربة مرة يقولوا ليك ده بدا بي حمار واسة راكب همر ومرة يقولوا ليك ده باع الزئبق الأحمر (امووووت واعرف الذئبق ده بيلقوهو وين كان احمر كان لون زينب) ومرة يقولوا ومرة يقولوا ..
وفي مثال واضح للناس حول صلاح إدريس الفجأة كده بقا ملياردير وكترت الإشاعات حوله البيقول ليك كان شغال في بنك وأنقذ عميل من الإفلاس فوهبه من ثروته والبيقول ليك والبيقول ليك و و و و..
عموماً في نماذج بتديك إحساس بي الأمل إنك ممكن تبقا غنيان زي ما كمان في ناس بيدوك إحساس بي إنو الغنا ما دايم ..
الغنا زي الوصول الي القمم ممكن يكون ساهل بس المحافظة عليهو دي المشكلة ..
وعشان تعرفي يا إنسانة إنو المشكلة ما قروش وبس هاك السؤال ده وأقعدي مع نفسك بالجد جد وفكري فيهو :
لو لقيتي ليك مليون دولار أسة دي في يدك حا تعملي بيها شنو ؟؟؟
صدقيني مش اسة انتي بتقولي ال100 الف دولار مبلغ كبير ؟؟؟ أها دي مليون دولار عديييييييييل كده !!!!!!!
بي الحسابات البسييييطة دي البيت في السودان (بيت مناسب طابقين) بيكلفك على الأقل 500 الف دولار !!!! يعني ده نص المبلغ طار !!!!
الملوين دولار لو قلتي تعملي بيها بيزنس مهما كانت درجة الإعتمادية على المشروع ممكن في ضربة واحدة تلقي روحك مطلوبة مليونين دولار بدل ما كان عندك مليون !!!!!!
قبل الغنا مفروض الواحد يكون طالب التوفيق لأنو الزول الموفق من الف جنيه ممكن يعمل مليارات والزول الما موفق من مليارات بيقعد في السهلة ..
وانا هنا بقول ليك التوفيق وليس الحظ !!! الحظ ده كلام وموضوع تاني..
بالنسبة للإستثمار في السودان انا عندي قناعة بي حاجة واااااحدة بس إنو في السودان أي مشروع خدمي بيربح وما بيخسر !!!!
السودانين بالجد بقو شعب إتكالي لأبعد الحدود وشعب إعتمادي للحد الأبعد ووفي نفس الوقت شعب ما بيحب المهانة والزل وماشي بي نظرية هين مالك ولا تهين نفسك ..
لاحظي معاي أي مشروع في السودان تكون الفكرة فيهو تدفع قروش مقابل راحة البال فهو مشروع نااااااااجح وما بيكلف غير المجهود ..
نبداها ليك بي الحاجات الصغيرونة اللي بدت تنتشر في السودان ..
زمان مش كان الناس في العرس بيتلمو اولاد الحلة عشان يدقو الخيمة براهم ويحفروها من الصباح لحدي المسا ويرصوا الكراسي في جو تكافلي عجيب بالرغم من التأخير وربما الشغل المجوبك!!
أسة الواحد عشان يريح نفسو مستعد يجيب شركة أفراح تركب ليهو الخيمة بي اكتر من خمسة مليون (لاحظي زمان كان بيركبا مجان) ..
زمان مش العشاء ده بيقعدوا النسوان يشتغلوهو نفيسة تسوي الضلع والتاية تعمل البطاطس وشامة تعمل المخلل وعلوية ترص الجبنة و و و و ..
أسة مرا واحدة تقول ليك انا بسلمك الصحن كااااااااااامل مقابل كذا وكذا وتلقي الناس اتجهت برضو لي راحة البال ومستعد يدفع اي شي مقابل ما يتعب في العدة ووسخ البيت وازعاج شراء المواد و و و و ..
يبقا يا إنسانة أمسكي في المشاريع اللي زي دي مشروع خدمي ..
جيبي ليك فركة جديدة شوفي الناس كانت بتعملا براها ولكن مقابل مبلغ مادي ممكن إنتي تقومي بيهو عنهم في شكل شركة أو مكتب خدمات أو أفراد ..
ياخ كوشة العروس بقا عندها ناس متخصصين !!!!
الغريبة انا قاعد تحيرنا حاجات كده ما بلاقي ليها أي تفسير ..
يعني مثلاً يقولوا ليك ياخ سكينة دي بتعمل ليها كوارع مبااااااااااااااااالغة ويا سبحان الله تلاقي كل الناس دي كاسرة في كوارع سكينة في حين إنو ممكن تلقا ليك مرا تاني ممكن تكون بتعمل كوارع أطعم ..
ولا واحد يقول ليك يا زول فول الهجرة ده مبااااااااااالغة وتمشي ما تلاقي محل تقعد فيهو من الزحمة في حين إنو ممكن يكون في مكان تاني بيظبط فول مبااااااالغة وبعد ده تلقيهو فاضي...
ده الرزق يا انسانة يا اختي..
تجري جري الوحوشو غير رزقك ما بتحوش..
تخريمة :
انا غايتو عندي قناعة بي استثمار واحد بس تبني عمارة وتأجرها شقق وتجيب عنقريب تقعد تحت زي الغفير ونهاية كل شهر تطلع تلقط الإيجار لحدي ما تموت ما بتجيك عوجة ..
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
/5/2007م
العزيز/ بركات
السلام والتحيات ...
شاكر ومقدر تمريركم لمداخلتنا السابقة لـ ensana.
في الحقيقة ensana ردت على مداخلتي لها. وحبيت أعقب على ردها لتوضيح بعض الحقائق – وحسب تقديركم برفع هذا التعقيب من عدمه:-
(( الأخت/ ensana
شاكرين تعقيبك. فقط وددت تبيان بعض الحقائق لك علها تفيد:-
1/ Quest لديها منذ 5 سنوات إشكالية عدم إتفاق في التعريفة مع "إتصالات الإمارات" بخصوص منتجي in-voice & iconnect واللذان أنتجا لصالح Quest من شركة Linksys وهي كما تعلمين أحد أفرع شركة CISCO. حيث يعمل منتج in-voice كـ Router/VoIP Gateway/WIFI Access Point. ذلك لأن Quest مزود خدمة إتصالات عالمي من خلال فرعها Quest Technology. ولهذا السبب لا تسمح إتصالات الإماراتية لـ Quest Technology. وحاليا الإمارات أكبر سوق لـ Quest في المنطقة وبها اربعة مكاتب نشطة للغاية، وأول السودانين الذين وصلوا للحرية المالية Financial Freedom عبر Quest هو المهندس عدلي حامد وهو مقيم بالامارات "الحرية المالية معناها ببساطة: تدخلي السوق وتشتري العايزاهو بدون السؤال عن السعر أو المفاصلة فيه". وأكبر عدد مشتركين/مشترين يومي في Quest هو من الإمارات. عموما فإن Quest لها 15 موقع أليكتروني آخر يمكن الدخول إليها من الإمارات، واحد منها http://www.definingthebest.com وحجب المواقع – في تقديري - ليس دليلا علي ان الموقع مشبوه. العام قبل الماضي كنت أحاول البحث عن نتيجة قبول إبني في الجامعات السودانية، فكان موقع الوزارة محجوب في السعودية هذا خلاف عدة مواقع سودانية أخرى محجوبة. هل هذه مشبوهة ايضا؟
2/ أود سؤالك، كيف تعرفين أن شركة ما هي شركة جيدة وذات مصداقية وغير مشبوهة؟
إذا قلت لك أن دولة الإمارات لها نسبة كبيرة من الأسهم في شركة ما، هل ستدخلين مع تلك الشركة في عمل تجاري؟ إرتباطات الشركة هي المحك، اليس كذلك!
أنا أتفهم شكوكك حول Quest فهذه الشكوك ايضا خالجتني حينما عرضت الفكرة عليّ أول مرة. ولكن بعد أن إستفسرت أكثر حيال هذه الشركة، وجدت أنها فعلا شركة ذات مصداقية عالية وأنها مصرح بها في دول كثيرة بآسيا، ففي سنغافورة مثلا فإن Quest واحدة من الثلاثة شركات المصرح لها بالعمل في التجارة الإليكترونية بتلك الدولة. وفي امريكا مصرح لها بموجب قانون الـ FTA، ولها وجود في الإمارات وألمانيا وبريطانيا وفرنسا وكزاخستان وتركيا وأوكرانيا والهند وروسيا وباكستان والسودان والسعودية والكويت ومصر وإثيوبيا وكينيا وجنوب افريقيا وإيران والبحرين وقطر وعمان واليمن وليبيا وأستراليا وكندا وإيطاليا والمالديف والبرازيل والأرجنتين ..... ودول أخرى عده. كما وجدت أن منظمة FAO التابعة للأمم المتحدة تتعامل مع Quest وأن ميداليات أولمبياد كأس العالم الأخير بالمانيا كانت من إنتاج Quest وأن الإتحاد الدولي لكرة القدم واللجنة الأولمبية الدولية وإتحاد تنس الريشة الدولي وبنك عمان المركزي ومناجم مايرمنت الألمانية واليونيسيف و hp والخطوط الجوية البريطانية و KLM ومايكروسفت (مقدم خدمة)، وغيرهم كثر جميعهم من المتعاملين أو شركاء لـ Quest. وبعد إقتناعي وإشتراكي معهم وإستلامي لما إشتريت منهم وإستخدامه، تأكد لي أكثر قوة هذه الشركة ومصداقيتها – الحمد لله قاعد أقبض عمولتي منهم.
3/ إنتهت قبل ايام بأندونيسيا فعاليات تجمع دوري دولي تقيمه Quest حضره أكثر من 3 الاف من أعضائها الجدد. وحضر من السودان فقط 300 سودانيه وسوداني أضيفي لهم العشرات من سودانيات وسودانيو الشتات ...
4/ غايتو يا ensana لو فعلا إنتي في حاجة لأن تغني ما ديا، فـ Quest واحدة من الفرص المجربة. تتضاف للأفكار القيمة التي وردت من آخرين في هذا البوست ... فقط تحتاج لصدق وعزيمة ومثابرة وأحلام عريضة .. فهي تختصر الكثير من أجل تحقيق الغنى. وكما قال بري مارشال:-
)Nobody who bought a drill actually wanted a drill. They wanted a hole. Therefore, if you want to sell drills, you should advertise information about making holes – NOT information about drills!) Perry Marshall
5/ أما تعقيبك عن منتجات DXN، فإنني أقدر مبدأك في التعامل، وأحيلك للموقع العربي http://www.dxnarabia.com وأكتفي بأن أشير إلى أن من منتجات هذه الشركة ما إعتبرته هيئة الصحة العالمية (الغذاء السيوبر، في إشارة إلى منتج إسبرولينا). وأنا شخصيا تخلصت عن طريق منتجاتها من آلام الركب والظهر والمفاصل عموما. ولصيقون بي ساعدتهم منتجاتها في تفادي جلطات ووزن ضغطهم وتقليل جرعات إنسولين وبعضهم أوقفها وأحدهم أنجب وآخر قبل شهر توقف لديه نمو ورم سرطاني في القدم وعلمت بالأمس انه شفي تماما!
منتجاتها من الخامات الطبيعية، ومستخدمة منذ آلاف السنين في الطب الصيني، ومشار إليها في دستور الأدوية الأمريكي، ولم تعرف لها طوال هذه المدة أية مضاعفات سلبية أو آثار جانبية. حيث أنها تعمل أساسا على تعزيز جهاز المناعة الطبيعي في جسم الإنسان.
6/ أحتاج بريدك الأليكتروني أو هاتفك لمزيد من الإيضاح – إن أمكن. وأشكرك على هذا الإختيار، فقد إستفدت كثير جدا من العديد من الأفكار المثمرة التي وردت .... ودي علامة عافية وتميز للفهم السوداني لا أجد معه إلا الإنحناء تقديرا لأصحابها.
مع تقديري .... عثمان علي [email protected] ))
تسلم يا بركات .... ونأسف لإزعاجكم ... وربنا يهدى بكري عشان نرفع عنكم الحرج ...
مع كل الود، أخوكم/ عثمان علي
--------------------------------------------------------------------------------
| |
|
|
|
|
|
|
|
|
 Re: عايزة ابقى "غنيانة" بسرعة! (Re: Al-Shaygi)
|
إنسانة الفنانة !!!
محبتي ,,,
قالو الصيت ولا الغنا وأنت يا بعد عمري تركت بصمات واضحة وجميلة في هذا المنبر وهي أثمن وأغلى
بكتير من ملايين الدنيا ومع ذلك أتمنى لك النجاح في أي مشروع تقومين به ويجعلك في كل خطوة سلامة,,,
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: عواطف ادريس اسماعيل)
|
Quote: هناك أخ عزيز من السعودية لا يملك باسورد يريد ماحدثتك في هذا الموضوع وهاتفه 009665062051516
|
الأخت / عواطف ادريس اسماعيل
جوال السعودية زائد رقم وأول 6 أرقام من اليسار صحيحة (009665) والمشكلة في الباقي؟؟
إما الصفر زيادة وفي هذه الحالة يكون موبايلي، وإن كان الصفر صحيح تكون الزيادة في بقية الأرقام إلى اليمين.
الشايقي
| |
|
|
|
|
|
|
|
|
 Re: عايزة ابقى "غنيانة" بسرعة! (Re: Al-Shaygi)
|
الاخت الفاضلة إنسانة
اشتري ليك عمارة ولو دور واحد وتحتيها كم دكان كده وفي ظرف سنة ح تكوني أغني من صلاح إدريس زاتو ....
مع أمنياتي لك بالغنى السريع والحلال .
مــدتــــي ، ، ، ،
| |
|
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
الاخت إنسانة
احيى فيك روحك الجميلة الواضحة في ردودك علي بعض الاخوان الذين حاولوا تحويل مسار البوست ولكن بفضلك اصبح البوست informative وجميل جدا
اختي الكريمة لماذا لاتجربين الصدقة الثابتة بمعنى تخصيص جزء ولو بسيط جدا مما تملكين وتتصدقين بها لايتام او مساكين وداومي علي الاستغفار وباذن الله ستلاحظين بركه ونماء في ما تملكين
وتقبلي تحياتي
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: Nesta)
|
الشايقي و عواطف
شكرا ليكم
عماد
فعلا فكرة العقارات كويسة جدا و مضمونة
سلمى
شكرا على المتابعة
امير
انشاءالله برد عليك
بشير
انت برضو من انصار guest?
الطاهر
فكرة جميلة ...مرات بس الزول مشاغل الحياة بتشغله
شكرا على الفكرة
nesta
شكرا على اللينك
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
في نقطة مهمة كمان يا جماعة...و هي التربية..تربية الاطفال على المسؤولية المالية....و معرفة قيمة المال...عشان يقدروا مع الزمن يطوروا تفكيرهم و مؤهلاتهم لاستخدام المال ك"وسيلة" مش لازم عشان يصبحوا اغنياء بس و لكن لخلق اهداف التي سيكون نتائجها تحقيق الذات و النجاح و الاكتشاف بالاضافة الى المال ايضا
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
يا إنسانة يا أختي القضية الزمن ده بقى زمن إستهلاكي، يعني ماشين نعلم أولادنا شنو ولا شنو وفي الأول التعليم زاتو بقى مصيبة وما ممكن يتم إلا بالقروش وقروش كتيرة.
بالإضافة إلى دخول بنود صرف لم تكن قبل سنوات في الحسبان ومنها على سبيل المثال لا الحصر "الإتصالات" جوال وأنترنيت وخلافه.
فهل الدخل العادي (راتب الوظيفة) بيكفي؟
وإن كفى الآن هل سيكفي غداً؟
وهل الزيادة السنوية تواكب الزيادة في النفقات ما بين بنود جديدة وزيادة في أسعار البنود التقليدية؟
طيب الحل شنو؟؟؟
نخفض نفقاتنا؟؟
لا لا لا لا لا لا لا لا
الحل الأمثل هو البحث عن مصادر إضافية للدخل.
إذن خلونا نفكر في الحل الأمثل وهو زيادة الدخل.
الشايقي
| |
|
|
|
|
|
|
|
|
 Re: عايزة ابقى "غنيانة" بسرعة! (Re: Al-Shaygi)
|
الأخت إنسانة..
من بعد التحية..
أضمن ليكـ مصدر دخل شهري ما يعادل عشرة لخمسة عشر دولار شهرياً إذا راجعتي بريدكـ الخاص القالوا ليك ود أخت أبو عركي البخيت..
Quote: الاخت انسانة
الرجاء مراجعة البريد الخاص. |
ويا فكيك سودانيز أون لاين..
أخوكـ ود الطالب..
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: A.Razek Althalib)
|
A.Razek Althalibالاخ
Quote: أضمن ليكـ مصدر دخل شهري ما يعادل عشرة لخمسة عشر دولار شهرياً إذا راجعتي بريدكـ الخاص القالوا ليك ود أخت أبو عركي البخيت..
Quote: الاخت انسانة
الرجاء مراجعة البريد الخاص.
|
راجعت البريد هو كان بقصد الشغل في الانترنت من خلال شركة guest...ناس كتار في النت رشحوها لي...لكن لسع ما درست الموضوع كدا و مرتاحة ليه شديد بصراحة
خير
شكرا يا جماعة
| |
|
|
|
|
|
|
|
|
|
Re: عايزة ابقى "غنيانة" بسرعة! (Re: ensana)
|
Quote: العزيزة انسانة...
سلامات شديدة وأشواق...
أقري سورة الواقعة كل يوم... والزمي الاستغفار ما استطعت...طبعاً مسلمين بانو الارزاق مقسمة والخ....
---
عن نفسي جربت الوظيفة والتجارة في خلال 4 سنوات... منذ عام 2003 (عام التخرج) والى الان....
عملت كمصمم صفحات انترنت لفترة ليست بالقليلة... دخلها ضعيف جداً ...وأستطيع وصفها بوضع عازف الكمان أو الجيتار في الفرق الموسيقية السودانية (زول مبدع...لكن مفلّس)...
جربتّ التدريس على مستوى الكليات والجامعات... دخلها ضعيف لكن أحسن حالاً من تصميم صفحات الانترنت...
ده في السودان...
----
بعدها انتقلت الى كوريا...وفيها رجعت لتصميم المواقع... دخلها...أخير منو دخل عازف الكمان في فرقة مغمورة في السودان عديل...ودون مواربة...
بعدها جربت الترجمة مرة ...Part-Time freelancer... الدخل ممتاز....
ومرة Full-Time Employeer الدخل أكثر إمتيازاً وكده... كسبت من ما سلف خبرات لا تقدر بمال... ورأس مال يكفي لشراء سيارة كورية... وقد كان
اكملت بحمد الله دراسة الماجستير في تلك الفترة
انتهت الوظيفة
----
التجارة
بدأت التجارة في السيارات الكورية منذ سبتمبر 2005 بعد تأسيس شركة تجارية... حققت خلال عامين... ما أهلني للزيارات النصف سنوية الى السودان والحج...وشراء قطعة أرض صغيرونه والزواج-قريباً ان شاء الله ...
وساكمل السنة الدراسية الأولى في درجة الدكتوراة شهر 6 القادم ده ان شاء الله بالتوازي...
(من دون ذكر أرقام)...
مستمرة التجارة
... والاهم هو الاستعداد للفلس والبداية مرة اخرى واخرى...
---
أيه رأيك؟
---
الوساطة التجارية
عن نفسي ، مؤمن تماماً بتخصصي ونجاح تجارته... لكن لا يمنع من ممارسة أي عمل تجاري
كلا التجربتين... كان معاها دراسة بالتوازي...
الوظيفة بتديك علاقات عامة تنفعك في التجارة وأي مشروع تاني...
التجارة فيها شراسة وضراوة وتتطلب روح المغامرة والتعايش مع اليوم في...وبكرة مافي شئ
لو ربنا سهّل ليك قرض ولا شي... (مئة ألف دولار مبلغ كبير)... عشرين بس بتكفي لعمل تجاري كبير في السودان...أو ذا علاقة بالسودان...
وبحكم قعدتكم في الخليج دي... المفروض تستفيدو تمام منها... أعملي ليك بوتيك أو محل تجميل في السودان... يمكنك تجميع البضائع من آسيا القريبة أو حتى الامارات نفسها...
أعملي ليك محل تطريز تياب سودانية (بمبالغ وقدرها)...
أعملي ليك محل تصوير مناسبات...
----
أعملي ليك شركة دعاية واعلان على مستوى عالى
(ممكن اساعدك في حاجة زي دي) علماً بان رأس المال المطلوب حوالي مليون دولار .
وقبل ده كلو.... تأكدي ان عيونك دوماً نصب الثريا... ما أقل من كده... سنة زاتها كتيرة...
والله الموفق من قبل ومن بعد...
أنور فتح الرحمن أحمد دفع الله
مالك شركة أفروأراب التجارية
سيئول ، كوريا الجنوبية
http://www.afro-arab.com/
|
انت رجل جدير بالنجاح وستحققه تمنياتى الصادقة لك بالتوفيق الذى انت اهل له
انسانة
وانت ايضا بقلبك المجب للخير ببوستاتك المميزة عن تتبع الوظائف المميزة وتعريف الاخرين يها لعل وعسى!
عموما فرصة المرأة فى عالمنا ضيقة نسبيا اللهم الا اذا قبلت بوظيفة ربة منزل لزوج غنى!
جنى
شخصى الضعيف حظه كحظ ابليس فى الجنة بسبب شهيتى المجنونة المتلافة المبذرة لعدم قدرتى على كبح جماح شهوة التسوق لدى والتى لن بستطيع اكبر شرنك على مساعدتى للخروج منها واعول على دعاءكم لى بالتعافى منها عافاكم الله!
جنى
| |
|
|
|
|
|
|
|
| |
خالد علي محجوب المنسي
الطاهر ساتي
ابو تميم
wesamm
نصار
Mohamed Abdelmotalib Hassan
أحمد الشايقي
غادة عبدالعزيز خالد
عاطف عمر
مريم بنت الحسين
امير مصطفى احمد
AnwarKing
GamarBoBa
عبدالرحمن الحلاوي
abuguta
محمد المختار الزيادى
doma
نوسة
عادل فضل المولى
HAMZA SULIMAN
Bakhaf
رشا سالم
أبو ساندرا
يسرى معتصم
Mamoun Ahmed
Rawia
عمر الفاروق
Al-Shaygi
عواطف ادريس اسماعيل
salma subhi
بشير حسـن بشـير
الطاهر عثمان
A.Razek Althalib
jini
فيس بوك
تويتر
انستقرام
يوتيوب
بنتيريست