|
وكان احتفالا رائعا بروعة بورداب الخرطوم-توجد صور
|
اقامت سودانيزاونلاين دوت كم,بورداب الخرطوم و فرقة الهيلاهوب احتفالية يوم 24 يونيو 2006 حضرها عدد كبير من بورداب الخرطوم وعدد كبير من بورداب الموقع من انجلترا,قطر,السعودية,الامارات,امريكيا,مصر,ماليزيا.....الذين يزورون الخرطوم هذه الايام... بدا الاحتفال فى المتحف القومى حوالى الساعة 6 مساءا بتوقيت الخرطوم و انتهى حوالى الساعة 11 مساءا. حضر الاحتفال لفيف من السياسين والادباء والفنانين ونجوم المجتمع..... اذكر منها: الرياضى حامد بريمة الاستاذ ياسر عرمان رجل الاعمال امين النفيدى رجل الاعمال محمد تاج السر الاستاذ محجوب حسين السفير جمال محمد ابراهيم الاستاذ محمد ابراهيم كبج الاستاذ صالح محمود الاستاذ نبيل اديب الاستاذ عيد الحكيم الطاهر وفد من الامم المتحدة
تم تكريم عدد من الشخصيات الوطنية,الاجتماعية و الرياضية(المهندس حسين ملاسى سوف يقوم بذكر الاسماء التى كرمت فى الاحتفال..... شارك فى الليلة بالغناء و الرقص و الطرب بجدارة فرقة الهيلاهوب الاستاذ عمار الجوهرى فرقة اوبايا بقيادة استيفن الاستاذ عمر الشاعر
باسم البورداب جميعا نشكر كل الاخوة و الاخوات الذين بذلوا مجهودا مقدرا لانجاج الليلة و خاصة بورداب الدوحة بقيادة الاستاذ بدر الدين الامير.... فرقة الهيلاهوب بقيادة الاستاذ طارق الامين.... فرقة اوبايا بقيادة استيفن الاستاذ ياسر عرمان الاستاذ وليد حامد الاستاذ مامون عجيمى الاستاذة سلمى الشيخ سلامة الاستاذة عبير خيرى الاستاذ حسين ملاسى الاستاذ عصام عبد الحفيظ د.والى الدين الاستاذ سهيل سعيد الاستاذ طلال عفيفى الاستاذة هالة محمد عبد الحليم الاستاذة اشراقة حيمورة د.نجاة محمود المهندس عثمان احمد الاستاذ الفاتح وديدى د.عادل الصادق(سيجمان) المهندس ناجى الملك الاستاذ الجريفاوى الاستاذ نازر الخليفة الاستاذ خالد ماسا الشكر الكثير لشركة دال و سلمى داؤد الاستاذة نادية هيلتون و لتورتتها الظريفة
(عدل بواسطة بكرى ابوبكر on 06-26-2006, 05:32 AM) (عدل بواسطة بكرى ابوبكر on 06-28-2006, 05:45 AM)
|
|
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: abd elmniem musa)
|
اخوى ابوالامين موسئ لك التحية
والله انا زاتى نسيت اقول دكتورة بيان فى الجبجبة اخطر من الاستاذة سلمى التيجانى ...
ولا انت رايك شنو ...
اسمعنى دكتورة بيان اوع تقولى ولدى عاصم بقى عنصرى كمان ....
اخوى دينق انا شخصيا شفت الدكتورة بيان بترخص وتقول لى اشهد على شان دينق ما يقول لى انا عنصرية وبكره الجنوبين .. اه رايك شنو ...
لكن بالجد الحفلة كانت فى غاية الروعة والابداع ...
وجبنت بكرى جننتنا وجننت الطورطة كمان ...
لكن الرقاص والجبجاب عادل سيجيمان اثبت انه من ناس الجبجبة ...
كدة نديكم نماذج رايكم شنو ...
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: عاصم ابوبكر حامد)
|
دائماً يابورداب الخرطوم تجتمعون بجوار النيل فتجعلونه يتلوى من العشق لهذا كثيراً مايفيض النيل عطراً بعد أن تغادروه صدقوني 00 في المرة السابقة عندما حضرت معكم احتفالكم الرائع كان على ضفاف النيل وعندما اتيته صباحاً لأتلصص عليه وجدته مليئاً بالعطر من الغلاف الى الغلاف ومخضباً بالرحيق من الماء الى الماء !!! ويختزن بين شفتيه أجمل كلمات الكتيابي وأعذب حروف المعز !!!! صدقوني 00 من لم يحضر احتفالات بورداب الخرطوم فإن جماله ناقص لأن هؤلاء القوم يضخون فيك كل جمال العالم وروعته ويحيلون فصيلة دمك الى فصيلة من العشق والجنون رجال بقامة الهملايا ونساء بنكهة الياسمين !!!! وأجمل ما أعجبني فيهم أنك تدخل الى قلوبهم بسرعة مثلما تدخل الى جيوبهم لكن أكثر مايغيظني يقابلك رجالهم بابتسامة أعرض من المحيط الهندي بينما نساؤهم بابتسامة صغيرة تمضي وكأنها ومضة !!! لكم التحية على هذه الاحتفالية التي توضح ان سودانيز أون لاين يعطي رسالة للعالم أجمع بان السودان مازال بخير التحية لكم ولضيفوكم ياسر عرمان وحامد بريمة والفرقة الشعبية وكل الفرق الفنية والتحية لأخي المهندس وزملاؤه والذين بالتأكيد بذلوا جهداً كبيرا في هذا الاحتفال اها ودعتكم الله 00 عندي شهادة تكريم من الاحتفال السابق ارجو أن تحافظوا عليها حتى حضوري ان شاء الله التكريم القادم تعملوا لينا زواج جماعي للرجال المتزوجين !!! قال { مرة } الحكومة قال !!! دا أخونا الجنوبي الظريف لمن قعد يتفرج على عروس متزوجة في العرس الجماعي العريس طبعاً ماعجبه هذا الغزل وقام زعل من الجنوبي 00 اها الجنوبي رد عليه وقال ليهو { والله اعاين زي ماعاوز مش { مرة دا } حق الحكومة }
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: محمد أبوعاقلة الطريفي)
|
اخوى محمد ابو عاقلة لك التحية
والله الاحتفال كان فى غاية الروعة
وقول ............. ترب ترب ترب ؟؟؟؟
ونغنى جب جررب وينوا اليلة وينو ......
ومعانا الهيلاهوب .....
وشوف طلال عفيفى منفرد ...
والاستاذ محمد حامد جمعة متطرف ...
وكمان دكتور ولى الدين متجدع
وناذر خليفة قاطع نص
وبقال بالبدلة (عادل سيجمان قال وين يا بقال صاحب الكرفتة )
ومحمد حسين بالروعة ...
وماسا يعجبك فى الضحكة الغريبة ...
وازبيلا فى تقطيع الطورطة بسمة غريبة ...
ملاسئ وضحكتنه الرائعة ويقول وين انت ....
ودكتور بيان الظلامية بالذئ الظلامى ( اعتقد كوزة ) ضحكة من الاعماق
الدكتتور ادم موسئ مع ناذر انفراد شخصئ
وناجى الملك والكبكبة فى طلب لسة الاسماء
وسيجمان فى التكسير فى سيرين
والباشمهندس بكرى واليد فى الصلعة عند القاء الكلمة ...
يوم اروع من الرائع ....
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: Waly Eldin Elfakey)
|
الاحتفال كان رائع وجميل جداً التقينا رغم خلافاتنا السياسية ووجهات النظر في المنبر الا اننا التقينا في الاطار الاجتماعي واختلاف الراي لا يفسد للود قضية تبادلنا القفشات والضحكات والونسات مع بعضنا البعض والكل كان فرحاً ومسروراً بلقاء اخيه نشكر المهندس بكري ابوبكر الذي استطاع ان يلمنا كلنا عبر حوش سودانيز اونلاين فالتحية المليونية له
تخريمة:-
لكن ما لقيتكم كلكم حفلاتية خايتوا جنس جبجبة ورقيص والله ما فقدنا زول في الرقيص الا الريس البشير وكان سمع او عرف انه في جبجبة ورقيص زي الانا شوفتوا داك كان جاءكم وحضر الاحتفال ورقص معاكم
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: ابراهيم بقال سراج)
|
اخوى بقال لك التحية والله صدقت
Quote: لكن ما لقيتكم كلكم حفلاتية خايتوا جنس جبجبة ورقيص والله ما فقدنا زول في الرقيص الا الريس البشير وكان سمع او عرف انه في جبجبة ورقيص زي الانا شوفتوا داك كان جاءكم وحضر الاحتفال ورقص معاكم |
بالغت فى الوصف لكن ...
على كل حال الفرق بين الرئيس والباقى لم يكن كبيرا ...
ربنا يخلى بودراب الخرطوم كلهم
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: بكرى ابوبكر)
|
يا سلام ياخ دى لمة جميلة فى ارض الوطن وفى احضان التاريخ وعلى ضفاف النيل وبالقرب من المكان الذى تسكن فيه حبيبتى!
متين جرح البلد يشفى؟ ومتين تضحك سما الخرطوم حبيبتنا ومتين تصفا؟
عرفنا بعض الناس وغاب عننا بعضهم. فى هذه الصورة مثلا عرفنا بقال. فهو علم على رأسه نار! ولكننا لم نعرف هذه العضوة المتشحة بالسواد؟ المبتسمة الثغر؟ والتى يبدو انها صحفية او مدرسة اطفال فى السعودية؟ او طبيبة متخصصة؟
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: Tragie Mustafa)
|
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: بكرى ابوبكر)
|
يا بكري والخرطوم والذكريات,
ألاف التهانئ والتبريكات للموقع والدعوات الصالحات لك بالعافية والتقدم
سودانيز اون لاين انجاز في مخاطبة القضايا الوطنية
وإنجاز في لم الشمل والتواصـل بين ابناء وبنات الوطن خارج اطر التواجد الجغرافي
سودانيز اون لاين مكان انعقدت فيه العلاقات الطاهرة في الأعمال والأسـر والانسانية
سودانيز أون لاين إطار لتقديم المعونة وإغاثة المستغيثين من الظلم والطغيان ومن الكوارث والمشاكل ومن الازمات حتى الشخصية منها.
هذا وحده كان كافيا للاحتفاء بها وبك أخي المهندس بكري,
احتفال ناجح وحضور أنيق لاصدقاء ما كان ينقصنا سوى التواجد بينهم ذاك اليوم,
لكم جميعا التحية
أحمـد الشايقي
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: أحمد الشايقي)
|
Quote: اخوى دينق انا شخصيا شفت الدكتورة بيان بترخص وتقول لى اشهد على شان دينق ما يقول لى انا عنصرية وبكره الجنوبين .. اه رايك شنو ... |
بعد كل الجبجبة التي اسفرت عن بلع حبة فنتولين ومسيحة بالفكس وابو فاس
رد بقال بكل" سقالة" ايه يعني لو رقصت ما هو دا البشير كوز وبيرقص. بيان دي كوزة كوزة كوزة رقيص ما بيفيد... واكيد دينق برضو ما حيقتنع ساكت تعبتا....
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: بكرى ابوبكر)
|
أخييييييييييييرا تم المراد بعد سنوات الانتظار
شىء مفرح حقيقى فقد كنا سابقا نخطط لذلك ونبرمج ولا نوفق
الحمد لله تم اللقاء الان بلا ضوضاء وبلا اجتماعات وانبثاق لجان
هنئيا لكم أحبتى
والشكر للأخ بكرى الذى انشأ كيانا حقيقيا من الواقع الاثيرى الافتراضى
ونرجو ان يكون ذلك بصفة دورية وان ينسق له كل الاحباب فى الشتات
ويتلاقوا جميعا فى حضن النيلين ....
التهانى مكررة لكل من عمل على انجاح ذلك اللقاء
والتحايا للجميع
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: عبدالقادر علي عبدالرحيم)
|
من قلب ام درمان بعد ان انطوت اميال وفراسخ قطعناها ونحن نملتي شوقا لمعانقة تراب الوطن... بين كل هذا الزخم ومن وسط زئير ارجل البسطاء الذين تعج بهم الاسواق والطرقات في مدينة الخرطوم نحي الاخوة بورداب الخرطوم والاخ بكري ابوبكر بهذا الاحتفال الزاهي الذي كنت اتمني ان اشارك فيه ولكن....!!!! لكم التحية بورداب الخرطوم وتحية خاصة للاخوة بورداب الدوحة فردا فردا والان انا اعنق الاخ الصديق الجميل يوسف سعد واتمتع بجمال امدرمان وكرم اهل بيته النبلاء
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: عصام عبد الحفيظ)
|
الحبيب بكري وكل الأحباب بورداب الخرطوم الرائعين روعة حضوركم المميز واحتفالكم البهي لقد استمتعنا فقط معكم من على البعد فقط فقط وياليت لو كنا ضمن ذلك الحضور الفريد الجميل الذي لم شتي بورداب العالم والجايات اكتر من الرايحات اكيد لم نرى وصفاً حتى اللحظة لما جرى اين ملاسي اين الملك أين المهندس أين عبير خيري اين واين كُتاب بورداب الخرطوم لماذا لم تثروا هذا البورد بما حدث في تلك الليلة الغراء التي تجلى فيها السودان في لوحة سريالية ناصعة البياض حوت كل ألوان الطيف السوداني من يساره إلى يمينه إلى وسطه الصورة حتى اللحظة غير كافية ولا تدل على الحضور الطاغي لملاسي وطلال ولم نرى سوى صويرات فقط لتبلدينا وعصام عبد الحفيظ يلا يا شباب كل من لديه صور أن ينزلها هنا لكي نتمتع أعيننا ببعض من فنكم الراقي وحضوركم المميز
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: بكرى ابوبكر)
|
إذن هذه بيان زميلتنا المشهورة؟ رسمت لها فى ذهنى صورة مغايرة من واقع مساهماتها هنا. مغايرة لا تعنى بالضرورة أحسن او اسوأ.. إذن المتحف القومى شهد على المصالحة بين بيان وبقال؟ والنيل برضه شاهد؟ والليل كيف؟ يا ليل ابقالى شاهد..الخ الاغنية.
عماد عبد الله: انا ما بالخت.. بالخ انا نفسى على اثارهم.. ولن ابلخ مكانآ بالخآ ما بلخت!
عذرآ للاخ بقال.. فلن تغيب عن فطنته وخفة روحه الدعابة الواضحة فى تقليد نطق بعض الزغاوة لحرف الغين.
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: بكرى ابوبكر)
|
سلام يا اخواننا حرقتو روح الناس الما حضرت الاحتفال وانا متضامن معاهم عشان كدة حاوريهم المشاكل الكانت فيالاحتفال ده شنو 1-الموية ما كانت باردة 2-بقال طلع قصير (انا كنت فاكره طويل) 3-البارد كلو كان كوكا كولا يعني اي زول مقاطع المنتوجات الامريكية الا يقعد عطشان 4-الناس حلوين وانيقين شديد لما الواحد يتعقد من شناتو 5-الحكومة ما اشتغلت بي الموضوع شديد (يعني قطعة الكهرباء ما كانت مقصودة ) 6-غير كدة الامور كانت ممتازة والشباب حلوين ولطيفين 7- بي كل حسادة بقول لي اي زول فاته الاحتفال (دقست)وفاتك نص عمرك سعيد بيكم شديد والله يا شباب ويا ريت تتكرر الاحتفالات الزي دي ونطلع من طقس الوطن المحبط دايما دة
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: الطيب شيقوق)
|
أولا :
التجـلة والتقـديـر لأصحـاب الفكرة نفسهـا ..
ثـانيـا :
إنحنـاءة كاملة لكل من سـاهم فـي اخـراج هـذا الحفـل العظيـم ..
ثـالثـا :
أرى أن البعض يحـاول أن يضيـق مـا هو واسع ، فيطلق عبارة (بوردان الخرطوم) !! فاذا كان المقصود بالخرطوم السودان ككل باعتبارها العاصمة ، فـلا باس (أطلق الجـزء وأراد الكل)
أمـا إذا كان المقصود الخرطوم العاصمة بس ، فصراحة كدا يا شباب بتضيعوا وبتظلموا ناس الاقاليم !! فأنا مثلا قطعت أكثر من 205 كلم عشان هذا الاحتفال ، وعشان ألاقي ناس حلوين .. وجد ما ندمت على هذا المشوار .. وأكيد في ناس أقاليم تاني فعلوا نفس الشئ .. الحفل كان خاص ببورداب السودان على ما أعتقد .. لذا لزم التنويه ..
مـع الـود والتقـديـر ...
| |
|
|
|
|
|
|
Re: وكان احتفالا رائعا بروعة بورداب الخرطوم-توجد صور (Re: خالد ماسا)
|
ما اروعك يا بكري
يكفيك ما نقله لنا احد الاخوة الاعضاء عن روعة اللقاء في العبارات الاتية :-
(الاحتفال كان رائع وجميل جداً التقينا رغم خلافاتنا السياسية ووجهات النظر في المنبر الا اننا التقينا في الاطار الاجتماعي واختلاف الراي لا يفسد للود قضية تبادلنا القفشات والضحكات والونسات مع بعضنا البعض والكل كان فرحاً ومسروراً بلقاء اخيه نشكر المهندس بكري ابوبكر الذي استطاع ان يلمنا كلنا عبر حوش سودانيز اونلاين فالتحية المليونية له)
هذه لوحة تستحق ان نتامل معانيها
شيقوق
| |
|
|
|
|
|
|
|