بالله في مهزلة ومضحكة ومهانة وذلة في الدنيا اكتر من كده يعني زول خيخة ومجرم زي ده وبقوة عين كمان جاااي مترشح للرئاسة بعد ما طلع عينا وديناعشرين سنة لحد ما بقى مطلوب من العدالة الدولية بتهمة ارتكاب جرايم ضد الانسانية وهو المنقلب على نظام ديموقراطي واباد عشرات الالاف من شعبو وعذب وكتل وشرد الملايين خارج وطنو وقاعد على راس عصابة من البلطجية وتجار الدين واللصوص نهابة المال العام استباحوا كل البلد ونهبوها وافقروا وجوعوا ومرضوا الشعب والمصيبة كمان مرتكب الخيانة العظمي في حق وطنو باع ارضو في حلايب والفشقة وبلدو كمان تنضرب بطيران صهيوني وعامل لابد لي هسع... وتشاد تدخل جو بلدو وتضرب وعامل لابد وبعد ده بقوة عين اترشح للرئاسة ولا حد يطعن في اهليتو...غايتو لو فوزتوه يا شعب السودان اهو ده طرفي منكم ليوم القيامة!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فيس بوك
تويتر
انستقرام
يوتيوب
بنتيريست