|
Re: أنا المواطن السودان فلان الفلاني أطعن في اهلية المرشح عمر البشير!! (Re: حبيب نورة)
|
يا أخ هشام
أنا بقرى مواضيعك الأنت فارض نفسك فيها كمعارض وأنت غير مؤهل للدور دا ولعدة أسباب وبصراحة مواضيعك بقت مزعجة جداً ومافيها مفيد
مافي غبينة زي بقية خلق الله تخليك تكره الأنقاذ لانك طوال فترة حكم الأنقاذ كنت غير موجود ولا عاصرت معاهم يوم ولا عندك حق كنت وين يوم كان الناس ما عندهم سكر وبتوزع بالوقية في اليوم ، كنت وين يوم كان بدوا الزول رغيفة في اليوم ، وين كان اولادك لمن الناس بياخدوا اولادهم للجهاد ما بت يوم في صف رغيف ولا صف بنزين ولا جعت يوم كنت وين لمن الموية كانت بتقطع بالشهور والمراوح بنى فيها العنكبوت والتلاجات بقت دولايب درست وين وكنت وين لمن الطلبة كانوا بمشوا الجامعات كداري وبتتعطل دراستهم بالسنين وبنوموا في الجوامع و الخيران كنت وين لمن جهاز الأمن كان باطش بالكل ، مانمت يوم في زانزانة أمن ولا انجلدت بي خرطوش في تحقيق ولا اتكفته
ما عندك حق على الشعب دا لا دافع ضرائب لا مدخل عملة لا مساهم في عمل وطني لااتعسكرت وبت يوم في حراسة ثغر ولا حتى نضفت ليك شارع للشعب دا أو حتى زرت ليك مريض أو عزيت ليك في ميت جبرت خاطر اهله
مشخصن معارضتك حتى الوقاحة بالجد لو الأسلوب البتتبعه دا طبقوه عليك حا تتأذي كتير كفاية أسم هباني الفي أسمك دا يعوقك أولاد الحسانية بقوا واعين ومتعلمين وتاريخ آل هباني وظلمهم للحسانية ومنعهم ليهم من العلم والتعليم لبيعهم كقطيع لحزب الأمه معروف لكل الناس أحتراما للناس الأخوان هنا ما عاوزين يتطرقوا لتاريخ سييء ولو أستمريت كدا اكيد حايجيك واحد من اولاد الحسانية يوريك المكشن بلا بصل
فكرتك عن السودان قديمة ومشوهة أنت مفتكر الناس في السودان ياهو زمنك داك والناس مخلوعة لسة من التلفزيون الملون وأنو الدنيا ياها أمريكا يا الحبيب فوق الناس في السودان اتطورت وأمريكتك دي زاتها بقت بالنسبة لأي شخص فركة كعب وما عاوزنها لانها فارغة وناسها داقسين ، الناس في السودان واعية وعارفين أي حاجة ومفتحين أنت بس الوقفت فكرتك عن السودان لحظة سفرك خلي البمدك بالمعلومات عن السودان يعرفك مدى فهم الناس ووعيهم قبل فترة فاتح ليك بوست عن الشيخ العالم عبدالحي وبتصفه بي كلام غير لائق وما اخدت معلومات عن شيخ عبدالحي يوسف كفاية ولا مكانته عند الشعب بل عند كل المسلمين ولا حصل يوم قعدت سمعت الكلام البقول فيه
لسه جاييك
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|