شكلو الجماعة زاحموك في موضوع الحمامات عشان كدا جيت تزاحمنا
...بالرغم من اني ماشفت الشريط لسه لكن ديل زي الحلبة الزمان بيركبوا اسنان الدهب في السودان...والجماعة ديل موجودين في اسيا وخاصة الجزء الفقير حيث لاتتوفر قيمة الكشف والعلاج للمرضي والمشكلة الاخطر انو ممكن يسببو مشاكل اخطر بكتير مما يتوقع المرضي
أما إذا محتاج لخدمة طبية مجانية...فممكن تركب وتجيني في ميريلاند الشهر القادم دا لو حياتك غالية عليك
الله يبارك في الهندي بتاع الاسنان الجابك مارق لعندنا بالله شوف الهند دي عجيبة قدر كيف يا احمد.... غايتو حقو تخلي السلطنة وتقوم تلقط لينا كل دكاترة الاسنان السودانيين الشطار الفي الخارج وتعالوا اعملوا ليكم معسكر في المكسيك على حدود اميريكا واعلنوا عن خدماتكم واسعاركم في خدمات الاسنان شان تنافسوا المكاسيك... وكمان اهلنا الامريكان الزنوج الزمن ده واقعين ليهم في موضة سنون دهب وفضة زي بسامات السودان الزمان لمن شكيت انهم جوا من السودان قريبا! وانا من جانبي ما بقصر بالتاكسي بتاعي بجيب ليكم الزباين السودانيين من سقط لقط من المطار للحدود بس ما تنسوا العمولة بتاعتي وتقديم خدمات مجانية لشخصي لاني احتاج علاجا لاسناني بملحة شديدة!
10-12-2009, 04:26 PM
Elmosley Elmosley
تاريخ التسجيل: 03-14-2002
مجموع المشاركات: 34683
والقصة التي اردت ان اثيرها بهذا الخيط هي مشكلة غلاء علاج الاسنان في امريكا بشكل بشع حتى اصبحت بسبب غلائهاهاجسا كبيرا مما يضطر كثيرا من المقيمين في اميريكا من السفر الى الدول المجاورة لها تحديدا دولة المكسيك المتاخمة اللولايات المتحدة في جنوبهاحيث يقيم كثير من اطباء الاسنان من دولة المكسيك على تلكم الحدود بسبب ازدهار هذه المهنة على الحدود بسبب كثرة تردد مرضى الاسنان المقيمين في الولايات المتحدة على الحدود وهم ينشدون المكسيك باسعارها الزهيدة والمريحة هربا من كلفة اسعار اميريكا الباهظة وذلك لسهولة عبور المقيمين في اميريكا للمكسيك بلا تاشيرات دخول وبذلك السبب انتشرت خدمات الاسنان على حدود المكسيك والولايات المتحدة.... واتمنى ان اسمع ذات يوم بمجموعة اطباء اسنان سودانيين اميريكان يقيمون شركة خدمات اسنان خاصةبهم لتقديم هذه الخدمات داخل المجتمع الاميريكي باسعار افضل وخدمات اجود وبالتاكيد ستجلب اليهم تلكم الالاف المؤلفة من طالبي خدمات الاسنان الهاربين الى الحدود المكسيك وبالتالي سيحصدون مالا وفيرا وسمعة طيبة وهو امر بالتاكيد يشرف كل السودانيين..( ومن هسع يا دكتور ياسر انا حاجزك عندي سنين اتنين دقن الدلجة بسبب السكرى اللعين عشان كده عاوز سنون بدايل لزوم بسامات وكده!).
مودتي
10-09-2009, 11:00 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
قيل ان الراحل طبيب الاسنان الاشهر الظريف عوض دكام وهو رجل مولع بالرياضة وخصوصا كرة القدم قيل انه كان في ذاك اليوم مباراة هلال ومريخ ساخنة وحاسمة وكان حريصا على دخولها ولكنه ايضا ملتزم بمواعيد عيادته في المساء في وقت يتعارض مع وقت المباراة فقيل انه ذهب الى العيادة وعند صالة انتظار المرضي وجدهم طابورا طويلا من المنتظرين فلو قرر فحصهم قطعا لن يستطيع الذهاب الى المباراة فما كان منه الا ان يستخدم اسلوبه الظريف في التعامل مع الاخر وهو يخاطب المرضي قائلا: هوي يا جماعة الليلة اجازة والليلة كورة امشوا ارتاحوا وتعالوا بكرة سمعتو ليكم ضرسا كتل ليهو زول!
10-10-2009, 11:30 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
Ahmed al Qurashi
Elmosley
Rashid Elhag
فيس بوك
تويتر
انستقرام
يوتيوب
بنتيريست