|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: هشام هباني)
|
Quote: يعني وزارة قد تلقي رئيس الوزراء كوبي او ياباني و فيها وزير فلبيني او سويدي ومساعد الوزير من جواتيمالا والسكرتيرة من هاييتي والبواب من مصر الشقيقة وسواق الوزير من السعودية وطباخ الوزير انجليزي |
ود هبانى، أمانـة ما اتلومت تب.. تنسـى البرازيل بحالهـا.. دى لازم رئيس الوزراء ووزيـر الشبـاب والرياضـة يكون منهـم. والصينيين، أهلنـا وأحبابنـا.. برضـو سقطـوا سهـوا!!
انا عنـدى إقتـراح تانى.. أنو نحن العاملين مثقفين ديل نمشى الســودان، ومن المطـار، ما نزور قرد.. ولا الرئيس زاتـو.. طوالى على المشـاريـع، وبعـدين نشـوف ود المـرة الحيوقفنـا.. كل زول يخطط لمشـروع هنا قبل ما يمشى، ويرصـد ليـه كل الخطط الماليـة والعمليـة...الخ.. ويقطـع التزكـرة ويطيـر.. ننسى السيـاسـة كلو كلو للعشـرة سنـة القلتهـا دى.. ونعتبـر "الدنيـا جيفـة خليناهـا لكلابهـا" كما قال أهلنا الصوفيـة..
أها... شنـو الراى؟
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: دينا خالد)
|
الأخ /هشام سلام قال أحدالعرفانيينشغلي بعيوبي هوخيردروبي*** لشهودغيوبي ختماوبداية). ولكن للأسف الشديدلم ننشغل بعيوبنا بل بما ليس فينا من المآثر والصفات من مثل( الدود قرقر حبس الدرب )و(بنصطاد السمين مابناكل الرمم)و(سيد القدح البجر) (وروني العدو وأقعدوا فراجة)ونحن لم نستطع محاسبة نميري الذي تبجح علينا أحدالوصوليين بأنه يجلس في ساحة ودنوباوي ويضع رجله على الأخرى،كما لم نستطع كما ذكرت أنت خلال سبعة عشر عامازحزحة هؤلاء الألفوات عن العبث بمقدراتنا،وفوق هذا وذاك نبذنا ماكان أمام أعيننا من الرجال الذين قل أن يجود الزمان بمثلهم في الشجاعة ونبذ الدنيا وقول الحق ،ياهشام ياأخوي ما تقلب علينا المواجع أنا لولقيت واحد يشتريني رقيق عنده ويوفر لي الهوية والحماية واللقمة لوافقت ،ناهيك عن التعاقد مع أجانب لإدارة هذا البلد البائس المنكوب بنا. ملاحظة للأخت دينا:
Quote: المشكله يا هبانى انو الخبراء راقدييييييييييىن عندنا
ال مافى هى الفلوـــــــــــــــــس !!!!!! |
الخبراء هم من يصنع الفلوس وليس العكس ،فعندما لا يكون هناك مال فهذا يعني أنه لا يوجد خبير حتى وإن تسلح بكل أنواع الشهادات فالسيف أصدق أنباء من الكتب، ودي واحدة من عيوب تعليمنا النظري الذي عجزناعن إصلاحه لأنه أبو وأم هذا الفشل الذي أصبحنا ننقله للأجيال عن طريق الجينات الوراثية.
أبوحمد
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: عثمان عبدالقادر)
|
Quote: سلامات وان شاء الله الكلام وقع ليك!!
|
وقع لي تب يا هباني ...
و ده الكنت بفكر فيه ..!!
في العالم الاول ... لو في اي وزير او زول مسؤول جار عليه الزمن من كبر سن او استقالة ...
و طبعا ده الطبيعي و خلى المنصب بتاعو ...
بتلقى الحكومة بتحاول تستفيد منو برضو ،،، يا اما مستشار او خبير وما الى ذلك ...
لكن البترك الكرسي في العالم الثالث .. يا اما مطارد او منفي او مقتول ...
او متروك على الرف يتفرج و يتمنى متين يحصل الفشل عشان يضحك ...
مع احترامي وودي ظاااااااااااتو ....!!
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: Sobajo)
|
ابو الريش
سلامات
والله فاتت علي حكاية اهلنا البرازيليين والصينيين دي..يعني لو ادينا وزارة الشباب والرياضة بس لطاقم خبراء رياضيين فني برازيلي انا متاكد انو بعد العشرة سنوات عندنا راي في كاس العالم ظااطو..واما الصينيين نديهم وزارة العمل او الزراعة..بجد جد السودان حيمشي زي الساعة..وفعلا حنكون سلة غذاء العالم جد جد ... اما بخصوص مقترح العودة للوطن بالطريقة القلتها دي والله الجماعة الحرامية ديل ما حيصدقوا جيتك طوالي حيجنحوك من اي قرش ولمن توصل المشروع تصل اباطك والنجم وتقول رجعوني هسع امريكا!!
هباني
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: Sobajo)
|
سوباجو اخوي
سلامات
انت عارف الخبراء الخواجات بتاعين المعاشات ديل القلت عليهم ديل
ديل هم البنفتش عليهم بخبراتهم العظيمة وعلمهم الغزير..وبنفعونا شديد!!
واما وزارة العمل ولا الزراعة فعلا لو اديناها الصينيين والله تاني السودانيين افارقوا النوم فراق الطريفي لجملو.. وابقوا سهر الجداد ولا نومو...وحنشبع العالم رز وقطن وقمح وده الشغل!!
محبتي
هباني
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: هشام هباني)
|
هباني سلام
Quote: ما رايكم ان نتعاقد بفلوسنا مع خبراء اجانب لادارة شئون السودان!!!؟ |
ياريت يا هباني.
عارف ليه,
اولا:
هؤلاء الخبراء لن يآتونا باجنادتهم الخفيه.
ثانيا:
بعبع القبليه الذي يتمدد في السودان كل يوما وكل واحد عينوه في وظيفه عايز يملأها بقرايبه
واهل قبيلته دي برضوا بنخلص منها.
ثالثا:
التعصب للرأي وهذا ايضا الخواجات ماعندهم دائما يبدون مرونه كبرى في الاخذ و العطاء.
رابعا:
حكاية (ابو العريف) كل واحد فك الخط بيعمل في السودان ابو العريف ,الخواجات تلقى الواحد بروفيسر
وفي تخصص محدد وكاتب قريب ال20 كتاب في مجاله ,وتجيئ تناقشه وفي (تخصصه) تلقاه يسمع بكل ادب
ولا يتهمك بتطاول او جهل وانما يعتقد صادقا انك قد تنبر بصيرته لامور لم ينتبه لها من قبل.
و...و.....الخ.
عشان كده اجدني اتفق معك,ولكن شد حيلك من (ناس ابو العريف ديل).
تراجي.
| |
|
|
|
|
|
|
Re: ما رايكم ان نتعاقد بفلوسنا مع خبراء اجانب لادارة شئون السودان!!!؟ (Re: Tragie Mustafa)
|
الاخت تراجي البطلة
سلامات
زي ما قلت يا تراجي ما في واحد بعد ما نتعاقد مع الخبراء ديل اجي اقول لينا ظلمتونا ولا الوزير ده من القبيلة الفلانية ولا من الطائفة او الحزب او الجهةالفلانية.. كلهم اجانب بالتعاقد لخدمة شعب السودان الحيران والغلبان!! وبعدين الخبراء ديل حيكونوا ساكنين كلهم في عمارة واحدة وبابها واحد ومحروسة بالجيش وبركبوا بص واحد وما عندهم اي اتصال باي بني ادم سوداني,,( يعني من البيت لمدرستو)عشان بكرة ما نسمع الوجيه فلان الفلاني بن فلان اقام مادبة غداء للخبير الاجنبي الفلاني وبعد داك نسمع بالخبير عندو بيت في كافوري ولا كمان عايز اعرس سودانية.!! ده الكلام الغلط الما عايزنو!!
محبتي واحترامي( مع تحياتي للابناء)
هباني
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|