|
|
 يا جماعة فهمونا كيف ال WESTERN UNION الامريكية الان في السودان!!
|
كلنا يعرف المقاطعة الامريكية للسودان والحظر الاقتصادي علي الشركات الامريكية من التعامل مع دولةالسودان في هذا الوقت!!
ما اثار تساؤلي هو انه قبل عدة اسابيع وبينما نتسامر خبرني قريب لي معي بالولايات المتحدة الامريكية بان شركة الصرافة والتحويلات ال WESTERN UNION الامريكية الشهيرة قد استأنفت نشاطها في السودان عبر بنك النيل الازرق بجوار القضائية بالخرطوم وباسعار مغرية جدا جدا!! فلم اصدق ذلك وذلك لتاكدي من استحالة ذلك التعاون في ظل المقاطعة الامريكية لحكومة السودان...ولكني قررت التاكد بنفسي وذهبت لاقرب مكتبWESTERN UNION بالمنطقة التي اسكن فيها وفعلا حولت مبلغ450 دولارا امريكيا بسعر تحويل حوالي 11 دولار وبضعة سنتات وفعلا وصل المبلغ الي السودان!!!!!!
والغريبة بالامس ذهبت وحولت مبلغ 150 دولارا بكلفة 11 دولارا وبضعة سنتات اي بنفس تكلفة سعر تحويل المبلغ الاول ال450دولارا... ولا ادري ما الذي تغير في سعر التحويل في هذه الفترة الوجيزة؟؟!
فبالله فهمونا الحاصل شنو..... الامريكان ديل جنـــــــــوا ولا نحن ناسنا شطار اخترقوا الحصار... وبعدين شنو حكاية بنك النيل الازرق ده يا الله حق منو من التماسيح الكبار الشغالين مع الامريكان عينك عينك!!!؟
هباني
|
|
 
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
عشان كده انا من زمان ما عندي ثقة في الجمهوريين الامريكان ديل من زمن ريجان وتحالفهم مع النميري ضد الشعب السوداني ,, بشبهوا الكيزان في كل حاجة.. التوجهات اليمينية والكضب والنزعات التبريرية لكل انواع الشرور...اللهم لا اعتراض في حكمك يا الله..حيرتونا من باب مناصرة بؤساء دارفور واخر تهديدات للحكومة وعديل عينك عينك الويسترن يونيون الامريكية ظاااطها في نص الخرطوم... الله يعينكم يا ناس حافظ للتحويلات المالية!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
سلامات يا هباني ..
المعلومة دي صحيحة و مؤكدة ..فعلا الWESTERN UNION الان شغاااااالة تحويلات السودان ..و ال11 دولار و كم سنت اخدوها منك في كلا التحويلين لانهم عندهم فئات ..يعني اقل من 500 بسعر و من 500 الي 1000 سعر تاني ..و هكذا ..وكمان هم الان لديهم اقل رسوم تحويل و اعلي سعر صرف من كل الوكالات الاخري في امريكا سواء اصحابها سودانين او صوماليين او غيرهم .. والمبلغ بيصل في اقل من ساعة ..وكمان ممكن يتم الاستلام بالجنيه السوداني او بالدولار..
ناس الحكومة ديل يكون شكلهم طابخنها ..ينزلوا سعر الدولار ..يسهلوا للناس امور التحويل ..يستلموا الدولار و بعدين تاني يرفعوا السعر؟؟! يااهل العلم و المعرفة بامور الاقتصاد هل من تحليل اقتصادي يشرح ما يجري؟؟
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: Basheer abusalif)
|
بشــــــــــير اخوي
سلامات
| Quote: ناس الحكومة ديل يكون شكلهم طابخنها ..ينزلوا سعر الدولار ..يسهلوا للناس امور التحويل ..يستلموا الدولار و بعدين تاني يرفعوا السعر؟؟! يااهل العلم و المعرفة بامور الاقتصاد هل من تحليل اقتصادي يشرح ما يجري؟؟ |
والله يا بشير بديت اقتنع انو الحكومة دي معاها( سفلي)!!
يعني الامريكان ديل زاتهم مخولونا وحيرونا في البسووا فيهو ده!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
غايتو يا الجمهوريين الامريكان بالغتو فيها عديل حكاية المقاطعة والحظر الاقتصادي والتجاري علي السودان ...دي فضيحة عديل كدي.. واكون السيد بوش كوز ونحن ما عارفين!!
طيب اقترح عليكم ما دام الامور مخستكة كدي نحن السودانيين القاعدين في امريكا نعمل رسمي البنك السوداني الامريكي وكل زول بحقو ونقوم ندخل الشركات الامريكية العايزنها!!
والاستثناء الوحيد في المقاطعة من السلع المسموح بيها التداول بين امريكا والسودان رغم الحظر الاقتصادي والتجاري هي سلعة الصمغ العربي والتي اعتقد ان الدكتور منصور خالد شخصية نافذة في مجلس ادارة شركة الصمغ العربي!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
اسجل احتجاجي الصارخ ضد هذه الشركة الامريكية المتعاونة مع عصابة الخرطوم
يسقط يسقط الWESTERN UNION !!
ظلامي عميل ياWESTERN UNION !!
انقاذي عديل يا الWESTERN UNION !!
لكن الترجمة الحرفية للWESTERN UNION الاتحادي الغربي...امكن اكون اسم علي
اسم شركة تكون سودانية من غرب السودان اي الاتحاد الغربي او الغرابي وتكون شركة وطنية غاشة الناس بالاسم القريب من اسم الشركة الامريكية العالمية وما قادرين نحن ننقش الفرق... زي ما في مصـر مرة لقيت شركة(ماكدولاند) مصرية للوجبات السريعة ونفس الملامح والشبه حتى الساندويتشات والعلامات و الالوان الاحمر والاصفر زي ( ماكدونالد) الامريكية الخالق الناضر,, بس اللعبة تراهو كانت في الاسم وابدال الحروف وما اقدر انقشها الا اهل البصر الزرقاوي!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
Quote: غايتو انا حارفع قضية ضد الحكومة الامريكية باعتبارها خرقت الحظر الرسمي
واثبتت انها تتعامل مع حكومة الخرطوم!! |
ود هباني أخوي أقيف قبلك ! ياخي نحن ما صدقنا إننا اتفكينا من الصوماليين وبقينا زينا وزي بقية بلاد الدنيا نستمتع بخدمات وسترن يونيون عاوز توقفها لينا؟
ما عهدناك ممن يصدق كلام الجرايد المرتزقة والطبخات الإعلامية المحبوكة المعدة لغسل دماغ وأسر أفكار البسطاء والسذج ـ إنت كنت بالجد كدي مصدق إنو نظام الإنقاذ ده نظام معادي للدولة العظمى؟
كان كده يا ود هباني إنت محتاج تقرأ كمية ضخمة من الروايات الجاسوسية التي تتناول العمليات الاستخباراتية السرية وأرشح ليك الكاتب ذائع الصيت LUDLUM حاول تقرأ ليك كده كم صفحة بين كل زبون والتاني في التاكسي!
عكسنا نحنا السودانيين الدول المتقدمة وأجهزتها بتفكر وتخطط لعشرات السنين لي قدام وبتجهز ناسها عشان يكونوا في المكان المناسب في الوقت المناسب. يعني عاوزهم يظهروا بمظهر أصدقاء الدولة الكبرى وتفشل العملية؟ أبدا حيطرحوا شعارات متطرفة جدا ضد الجماعة الجابوهم عشان الجماعة الإرهابيين يصدقوا الشعارات دي ويجو يتلموا زي النمل وتتحول البلد لمأوى للجماعة وتمتلئ الملفات السرية بالمعلومات الثمينة عنهم.
أنت قايل قوة عين الناس ديل وكتيلهم لي ناس دارفور بكل قوة عين واطمئنان ـ الاطئنان ده جايي من فراغ؟ ما هم عارفين إن الجماعة التانيين ما مكن يفرطوا فيهم ويضيعوا تخطيط عشرات السنين!
وفي النهاية يا ود هباني انت باين عليك فاتك المسلسل الحصل سنة تسعين لما الجماعة نسوا المكرفون شغال لثواني قليلة وطلع الكلام بالخطأ على الهواء في التلفزيون?
اتذكر الحكاية أو أسال أي واحد من الزملاء في الجامعه في تلك الايام بس ما تسألني أنا ما حأقولها ليك أبدا إلا ألاقيك شخصيا!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: محمد عثمان الحاج)
|
ود الحاج الكلس
سلامات
Quote: أنت قايل قوة عين الناس ديل وكتيلهم لي ناس دارفور بكل قوة عين واطمئنان ـ الاطئنان ده جايي من فراغ؟ ما هم عارفين إن الجماعة التانيين ما مكن يفرطوا فيهم ويضيعوا تخطيط عشرات السنين!!
|
والله يا خوي هي جنس قوة عين ما ليهو حق ابليس اهاجر واخلي السودان.. الجماعة ديل حيروه لحد امبارح دي اقولوا مرة وافقنا علي القوات الاممية ومرة انط الحرامي عبد الرحيم اقول دارفور مقبرة للامريكان! اهو ديل الامريكان والWESTERN UNION في نص الخرطوم من غير كوندوم والقروش والضحاكات الدولارات عملة الكفرة الفجرة تصل( دقة سريعة) من امريكا للسودان في نص الخرطوم جنب القضائية في بنك النيل الازرق بتاع(صلاح قوش) والعصابة!!
سندة: ده طبعا بكون تمن التعاون الامني الكبير جدا في مكافحة الارهاب بين السيد قوش
رئيس مخابراتنا الوطنية واسياده في واشنطون بعد الفضايح الشهيرة!!
ولله في خلقه شئون
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
يا هبانى انت الحارقك شنو؟ مامعهم جنى بس عندهم عقول؟وشعارات يسقط يسقط دى انتهت من ما سقطت الماركسية اللعينة؟اين ما توجد المصالح نتمناها للسودان ،بس انت لايسرك ابداً أى شىء يفيد اليلد لشىء فى نفسك؟وتوزع اتهاماتك يمنة ويسرا ؟لك الله ايها الوطن من بعض ابناءك الذين يحاربونك،والله لو الانقاذ دى ملئت البلد خير لا تعجبك لانك تريد فكر معين رفضه حتى أهله؟بس نحن معك لوقلت للمحسن أحسنت وللمسىء أساءت مين ما كان أبسط قواعد الحرية التى تتشدقون بها.أنزل السودان لترى النهضة التى تعم كل البلدبالرغم من كل الحاصل! بس ربنا يفرج أزمة أهلنا فى دارفور لترى انطلاق المارد السودان ،ومنذ نشأتنا لم نرى ما يحدث الأن من نهضة نتمنى أن تكتمل بتحقيق السلام والرخاء وحينها سوف يذهب المثبطون الى مزبلة التاريخ.عارض وأكشف الحقائق بس يكون كله لمصلحة البلد.وليس لمصلحة جهة معينةتؤمن انت بفكرها ولا تستطيع فرض فكرك على الناس أنت حر فيما تعتقد.فنحن لم نخلق عبثابل كل كلمة نسأل عنها خيرا أو شرا./خالد
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: abuguta)
|
يا عمدة تحياتي،
مع إحترامي جداً لرأيك فأنا من مؤيدي البزنس الأمريكي بالسودان، بكل أنواعه، إبتداءً من الأطعمة وحتى آخر تطوراتهم التكنولوجية، وحتماً ضد إحكتار الكيزان وتعاملاتهم الغير نزيهة مع منافسيهم ، فمثلأ شركة الوسترن يونيون هى شركة مثلها ومثل معظم الشركات الأمريكية، فهى تعمل بنظام ال Franchise وهو بأبسط تعريف له: "من إستطاع الباءة فليفتح فرعاً له من الشركة"، والمشكلة تكمن ياعمدة فى عدم نزاهة الكيزان، فعلى سبيل المثال إذا أراد أحد أهلنا الغلابة (أنا، أنت، هو، هي، نحنا ، كلنا) فتح فرع آخر للوسترن يونيون بالسودان، فالشركة لن تمنعه من فعل ذلك، ولكن لن يدعه الكيزان وشأنه أبداً حتى يلج الجمل فى سم الخياط، وبما أن لا سلطان لهم عليه - فى العلن والقانون- إلا أنهم سيتبعون معه إسلوب الخباثة والإجرام (لا غرو فى ذلك، فلا ترجونًّ من الزنبور عسلاً) فبكل بساطة يمكنهم إخراج تظاهرات منددة بالسياسية الأمريكية، تقوم بحرق جميع الإستثمارت الأمريكية بالسودان وعدم المساس بإستثمارات الكيزان الأمريكية، فهذا هو ديدنهم صاح، أكسر الصحانى* وأخلى الكواري*
--------
الصحانى : الشرفاء
الكواري: الكيزان
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: النذير حجازي)
|
النذير الباسق
سلامات
انا لست ضد فكرة ان يدخل( الفرانشايز) الامريكي السودان بل اتمناه ان ينتتشر بلا حدود
ولكن في ظل دولة مؤسسات قانونيةمحترمةعادلة تتيح الفرص للبزنس بين مواطنيها بالتساوي بشكل عادل ومتوازن.... ولكن هنا تهتز لدي مصداقية الادارة الامريكية والتي تعرف واقع السودان الظالم ومن هم السراق والفاسدون الذين يسيطرون علي اقتصاد وتجارةالسودان وموارده وثرواته وكل دولار داخل الي البلاد وهم الذين تسببوا في كل كوارث هذا الوطن ونكباته!!
فالادارة الامريكية عندماالتزمت بقانون المقاطعة التجارية والاقتصادية للسودان فهو قرار كان لمصلحة الشعب السوداني.. ببساطة لان التجارة والاقتصاد يحتكرها زبانية النظام ولصوصه المتنفذين... ولذلك لن يخسر المواطن السوداني شيئا من قرار الحظر والمقاطعة بل وحدهم اللصوص والمتنفذين في هذا النظام القذر الفاسد هم من يتضرر!!
ولذلك ياتي هذا الاستثناء الامريكي اليوم وفي ظل هذه الظروف التي تتشدق فيها الادارة الامريكية بتضييق الخناق علي عصابة الخرطوم وهوقيام بزنس امريكي في السودان ومن خلال اعطاء الامتياز لمتنفذين في الدولة الفاسدة و من خلال هذا البنك المشبوه وهو امر بلا شك سيقويهم اقتصاديا وبالتالي يمكن سطوتهم وسيطرتهم علي فقراء وبؤساء السودان بشكل اكبر وهو امر يتناقض مع قيم وقواعدالعدالة والمساواة والحرية التي تتنطع بها الدولة الامريكية في كل اركان الدنيا!!
ولذلك ان كان لا بد من ( الفرانشايز) الامريكي في السودان فلتعطي الدولة الامريكية الامتياز لشركات سودانية وطنية لا تمت بصلة لهؤلاء السراق والفاسدين,,بل تعمل لصالح فقراء ومشردي وبؤساء السودان!!
محبتي واحترامي
هشام
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: abuguta)
|
Quote: åÈÇäì
اسى شفت الاعضاء الجدد المسجلهم بكرى الاياد دى كلهم كيزان الا المر اخو سجيمان
...هنالك دعوة لاحتواء النت...بدل عمل مواقع جديدة....يعنى محمد حامد جمعة فكوه فى 200 عضوء جديد..اسى بجوك فى بوستك دا
|
بن عمي ابو قوتة
والله ما قلت الا الصدق.. والله اسامح بكري طلق فينا جنس مارغوت وابو الدرداق وكلاب الحر
والقرمبع وابو الجعران وكدوندارات.. وكلهم موديل2006 من شهر عشرة وجااااي.. دخلوا المنبر من وين من ياتو نفاج....اصلو ما شفنا زول زكاهم وثناهم بالباب العديل!!
غايتو انا بديت اصدق الاشاعة بتاعةالتلاثة ملايين والله اكضب الشينة!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
Quote: انت عارف الموضة الجديدة الايام دى
المطبلين القدامى...بقو معارضين
-المعارضين القدامى بقو مطبلين....
|
هذ ربما يؤكد زعمي بأن هذا البوست تشتم منه رائحة البروموشن للوسترن يونيون ، وماهم الكيزان براهم القابضين ، فمن الواضح أن موضة البزنس والفرنشايز دي حتفرض نفسها بقوة وتتلاشى معها معاناة الثوار بعد أن إضطروا لتحكيم صوت (العصر) : الكوميشن حق مشاع للجميع ، وهذا هو السبيل الوحيد لمنازلة الكيزان والأميركان وحتى ما أبقى عليه غورباتشوف على حد سواء: المال والأعمال وليذهب ماسواهما أدراج الرياح ،،
المارد الصيني يتمدد ويتضرع في أفريقيا، والأفارقة راسهم ناشفة وعرفوا السياسة الامريكية على حقيقتها ، وعرف الأمركان مدى خسائرهم من هذه الصلف والعنجهية،،
عزيزي:
This is what all these nasty wars are about
It's high time
والوسرترن يونيون ماهو إلا ضربة البداية ،،
ما أعرفه عن كثير من المستثمرين : متيقنون بأن السودان أنسب بيئة إستثمارية مستقبلية ، والمحظوظ من يجد له موقع قدم ، الكثيرون أيضاً ينتظرون متربصين بنفاذ صبر دخول الامريكان مستثمرين هذه المرة وذلك لإيمانهم بهذه النظرة : إن أردت التأكد ضمان إستثمارك في بلد ما فقس حجم الوجود الأمريكي فيه،،
نحن بهذا ، وبناءا على هذا البوست القيم عزيزي هباني نستشرف عهدا جديداً بالسودان ،، وأكيد لا السياسية ولا السياسين عندهم أمان ،،
ولك أهدي :
http://www.nilelove.org/userfiles/reda.ra
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: عبد اللطيف بكري أحمد)
|
عزيزي عبد اللطيف
سلامات
Quote: الكوميشن حق مشاع للجميع ، وهذا هو السبيل الوحيد لمنازلة الكيزان والأميركان وحتى ما أبقى عليه غورباتشوف على حد سواء: المال والأعمال وليذهب ماسواهما أدراج الرياح ،،
|
نعم الكوميشن حق مشاع.. ومقبول اقتصاد السوق ..دعه يعمل ودعه يمر.. وفي ذلك فاليتنافس المتنافسون بين الكيزان و(الما كيزان).. لكن فقط وفق ضوابط عادلة في ظل دولة مؤسسات قانونية محترمة.. تؤكد قيم العدالة والمساواة والتنافس الشريف!!
وحتما لن يستقيم التنافس والسباق في مضمار واحد بين من يركب الصاروخ وراكب الطيارة والباخرة والقطار والسيارة والحمار والكداري!!
بالتاكيد صاحب الصاروخ هو اول من يصل الميس!!
باختصار( يعني الجبهجية ديل ما بنقدر ننافسهم اقتصاديا وسياسيا الا بعد محاسبتهم واستعادة اموالنا المنهوبة بمليارات الدولارات منهم يعني نجنحهم زي الطير عشان ما اطيروا تاني.. وابقوا معانا في ارض الله دي وبعد داك خليهم اتنافسوا معانا!!).
محبتي واحترامي
هشام
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: كمال قسم الله)
|
قريبي الجميل كمال قسم الله
سلامات
وينك يا زول يا سمح( قالوا مرطب شديد ما خليت ضنب كانغرو ما كديتو يا كمال!)
Quote: والله ياخى استفسارات صحيه خالص خالص ، وباين عليها كترت ، غايتو الحُسنات فى سيدنى اليلزهم مايرميهم ، لكن يبدو أن الحسانيه فى أمريكيا صعبين شويه.
سمعت اليومين ديل الفاصوليا جايباله نفس فى السودان ، هى أصله بتنفس الناس ، عموما خبر جميل.
|
يا كمال الحكومة الهراشة دي اكبر( فاصوليا) بس المصيبة امريكا ظااااطها والله حيرتنا!!
لكن شعبنا صاحي ويوم الخلاص قرب واولاد الهرمة والله محل ما اقبلوا انسرف عليهم الحجر موية من كل مكان!!
بس انا لو تأكدت ان بنك النيل الازرق المشبوه ده عندك فيهو حساب يا كمال حاخسرك!!
واحسن تحول من عند الصوماليين او حافظ لو عندكم هناك في استراليا لحد ما نشوف منو ( الدقر والكجر) الكبير بتاع بنك النيل الازرق البلقف في ملايين الدولارات من تحويلات السودانيين في امريكا وكندا واوروبا وقدر اقنع الامريكان رغم الحظرولابد في النفاج ده وقطع شـــك ( ملاح شرموط بالكول) جبهجي كبير!!
هشام
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
ومن هنا انا المواطن السوداني المقيم بامريكا هشام هباني ارفع دعوى ضد الحكومة الامريكية وذلك لسماحها رغم قانون الحظر التجاري والمقاطعة الا قتصادية لحكومة السودان العسكرية الثيوقراطية الفاسدة.. سماحها لاحدي اكبر شركات التحويلات النقدية الامريكية (ويسترن يونيون) الشهيرة بالعمل داخل السودان من خلال منح الامتياز لوكلاء سودانيين من العناصر المتنفذة في الدولة الفاسدة وبالتالي وهو امر سيقوي نفوذقوى البطش والفساد والاجرام بشكل اكبر في بلادي,, مما يزيد من افقار و وتجويع وتعسير حياة شعبنا وهو امر يتنافي مع ابسط مباديء العدالة والحرية والمساواة ان تنحاز دولة عظمي
تنادي بمثل هذه الشعارات الي قوي الظلم والافساد والظلام!
والله رايكم شنو!!؟
ويا اخي الاستاذ بدوي تاجو المحامي السوداني بكندا انا اقترح ان تكون وكيلي في هذه القضية العادلة ونحن ننحاز لشعبنا ضد جلاديه ومستغفليه!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
اخبرني صديق ان افتتاح فرع للWESTERN UNION بالسودان قد جاء بناء علي طلب من مجموعة من السودانيين بمنطقة واشنطون الكبرى قد خاطبوا السلطات الامريكية ان تقدم خدمة للمواطنين السودانيين بعموم امريكا وذلك لتسهيل اجراءات تحويلاتهم المالية لذويهم بالسودان.. وذلك من خلال منح استثناء لل WESTERN UNIONمن قرار المقاطعة والحظر الذي يحظر الشركات الامريكية من التعامل مع السودان لتقوم بهذا الدور الانساني خدمة لمصالح المواطنين السودانيين المقيمين بالولايات المتحدة!!
هل هذا الكلام صحيح... ومن هم اولئك السودانيون الذين خاطبوا السلطات الامريكية لهذا الاستثناء.. ومن هو صاحب الامتياز ووكيل الWESTERN UNION في السودان.. ومن هم اصحاب بنك النيل الازرق بالسودان؟؟!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
اذا ثبت ان الحظر علي الشركات الامريكية للتعامل مع حكومة السودان اخترق واستثنيت منه ال(الويسترن يونيون) وكان الوكيل بالسودان متنفذا من رجالات النظام الحاكم في الخرطوم وبالتالي فهو وضع سيقوي شوكة اعداء الشعب السوداني من هؤلاء المتنفذين.. وربما تذهب هذه الاموال الي دعم مليشيات الجنجويد!!
الا يشبه هذا الوضع ذات فضيحة( ايران كونترا) في الثمانينيات ابان الادارة الامريكية الجمهورية برئاسة ريجان.. حيث تعامل بعض المتنفذين الامريكان الجمهوريين مع الدولة الايرانية المقاطعة امريكيا وهم يخترقون حصار دولتهم للتعامل مع ايران العدوة ويبيعونها السلاح الممنوع... وبفوائد هذه الصفقات مولوا حركة الكونترا النيكاراغوية المناهضة للنظام الاشتراكي بنيكاراعوا انذاك!!!؟
اليكم هذا الرابط للتعريف والمقارنه مع ( فضيحة ايران كونترا)!!
http://en.wikipedia.org/wiki/Iran-Contra_Affair
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: هشام هباني)
|
Quote: غايتو يا الجمهوريين الامريكان بالغتو فيها عديل حكاية المقاطعة والحظر
الاقتصادي والتجاري علي السودان ...دي فضيحة عديل كدي.. واكون السيد بوش كوز
ونحن ما عارفين!! |
الفارس هشام
قاعد في أمريكا سنين عددا ولحسع ما عارف انه
جورج دبليو بوش الصغير (كوز مسيحي) يعني بشير
عديييييل كده وانه نائبه ديك تشيني هو علي عثمان
وترابيهم بوش الأب وعبدرحيمهم طيب الذكر رامسفيلد
والمحافظين الجدد هم المؤتمر الوطني ويمارسون سياسة
(اللغف) الممنهج تماما كما المؤتمر الوطني .. يعني نفس
الملامح والشبه ... ومنو بقلد منو دي حتى الآن ما متأكد
منها لكني متأكد انه المحافظين الجدد اتعلموا كتير من
أساليب الكضب الكيزانية والغش والتدليس وأمور أخرى!!!!!!
| |
|
|
|
|
|
|
|
|
|
Re: يا جماعة فهمونا كيف ال WESTERN UNION الامريكية الان في السودان!! (Re: فاروق حامد محمد)
|
استاذي الباسل فاروق
Quote: قاعد في أمريكا سنين عددا ولحسع ما عارف انه
جورج دبليو بوش الصغير (كوز مسيحي) يعني بشير
عديييييل كده وانه نائبه ديك تشيني هو علي عثمان
وترابيهم بوش الأب وعبدرحيمهم طيب الذكر رامسفيلد
والمحافظين الجدد هم المؤتمر الوطني ويمارسون سياسة
(اللغف) الممنهج تماما كما المؤتمر الوطني .. يعني نفس
الملامح والشبه ... ومنو بقلد منو دي حتى الآن ما متأكد
منها لكني متأكد انه المحافظين الجدد اتعلموا كتير من
أساليب الكضب الكيزانية والغش والتدليس وأمور أخرى!!!!!! |
والله يا استاذ فاروق شبه شديد بس فاقدين الدقون
وعليه اطلب من الفنان الصديق عمر دفع الله ان يقدم لنا لوحة
للمحافظين الجدد الامريكان ملتحين ولا بسين عمم وجلاليب!!
هشام
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
Abdelmuhsin Said
WADKASSALA
abuguta
النذير حجازي
كمال قسم الله
فاروق حامد محمد
فيس بوك
تويتر
انستقرام
يوتيوب
بنتيريست