|
|
 عاجل جدا جدا ..مسلحون يختطفون الرئيس الاسبق السفاح نميري!
|
اختطفوه وذهبوا به الي منطقة خور عمر وكان بحوزتهم كثيرا من
( المريسةوالبنقو) وطلبوا من النميري طلبا غريبا مقابل ان يطلقوا سراحه فوافق علي الاستجابة لطلبهم.. سالوه ان يوضح لهم كيف استطاع ورفاقه من هذا الخور ان يستولوا علي السلطة في السودان واستمروا فيها ستة عشر عاما..وكيف اتت الفكرة والافكار....فضحك الريس جدا وهو يقول لهم: دي بسيطة جدا كدي ادونا نفس من البنقوية دي وكاس عرقي..بعد داك نوريكم الشغل! وساواصل...
|
|
 
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: هشام هباني)
|
اخذ السفاح الهرم العجوز رشفة من كاس العرقي وألحقه برشفة من ( البنقوية) والخاطفون يبحلقون في وجهه في انتظار كشف المستور الكنز....وظل بعدها شاخصا بصره بعيدا...متأملا هذا الخور الذي انطلقت منه قصة ثورة حكمت شعبا ستة عشر عاما..وفجأة صاح في الجميع:دي بلد تعبانة شديد اتحدد مصيرها من خور في قعدة عرقي وينقو!! وصاح هاتفا: ابوكم مين؟؟ وهتفوا تلقائيامرددين وراءه...:نميري.. واردفها بهتاف اخر..رئيسكم مين؟ فرددوا وراءه....نميري!
وهنا اخذ رشفة اخري من كاس العرقي وهو يقول لهم: الله يطلع دينك يا سوار الدهب!
بعدها طلب منهم كي يحقق لهم مطالبهم ان ياتوه (من سقط لقط ) بسوار الدهب!! واواصل
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: هشام هباني)
|
اتوا اليه بعد ساعات بسوار الدهب مكتوف اليدين.... وعلي طول قام اب عاج الهرم يا دوب مع السطلة والعرقي الجماعة رفعوه رفيع ووقع في سوار الدهب لبيع ولفيخ ولتيخ طبعا ضرب من غير ميز ما اب عاج بقي كبير مجلكن والمروة ما يا ها وما ياهو اب عاج الزمان...شلاليتو شترة شديد.. مره اروح افكر اضرب سوار الدهب شلوت في بلنجاتو..اروح مترتع ومتكجول وتوووووش مجليهو ضاربو في كراعو!! احاول اضربو كف..الكف اجلي سوار الدهب...اروح ضارب واحد من الخاطفين في رقبتو!! واب عاج هايج جدا وهو يقول لسوار الدهب: الله اطلع دينك يا ضلالي يا خاين.. انت مفروض اسموك صوار النحاس ..اناسافرت و امنتك علي البلد دي تجي تخوني يا خواف...تقول لي انتفاضة قامت..ده شعب بخافو منو...ملكية سجمانين انا راكبن بالجزمة سطاشر سنة...معرصين عملوني لينين ظاااطووفي النهايةكمان سووني امير المؤمنين وكلهم اولاد الهرمة جلبطتهم معاي في مايو الكعبة دي! ونواصل
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: هشام هباني)
|
وهناتوقف اب عاج عن الضرب وقد انهكه جدا حتي ( وقعت بلابيطه وجلافيطه) وقدتوسل اليه الخاطفون وهم يقولون له: سعادتك بالله براحة عليهو..يا ريس الزول ده طيبان شديد والله الزول ده درويش ساكت وزول متصوف ما زول سلطة!! ويرد عليهم اب عاج: كمان حتي انتو يا معرصين لي هسع تقولوا لي يا سعادتك ويا ريس ...طبعا ما ملكية معرصين وما بتخلوها التعرصة..حتى الاهبل العوير البشير النكرةاب تلاليش الما في زول بعرفو في الجيش كمان عملتوا ليهو قيمة ومصدق اب شلاليف انو حاكم وامير المؤمنين وهسع قعد اكتر مني سبعطاشر سنة..انا ما عارفكم ملكية معرصين. عشان كده كنت بحتقركم وبديكم بالجزمة.شوفن كلهم الكانوا معاي الملكية الزمان من الجلاكين بتاعننا بتاعين حنتوب قاعدين هسع في كبرن اتعرصوا للاهبل ده شوفوا وردي الكان بغني لي يا حارسنا وفارسنا..هسع العلق قاعد اغني للاهبل العوير اب تلاليش ده في بيتو!! واروح اب عاج من الغضب رافع ايدو احاول اضرب واحد من الخاطفين ..والكف توووووووووووش اجلي الزول واضرب سوار الدهب في عينو..يعني طبز ليهو عينو... واقوموا الجماعة اترجوا من الريس ان يتوقف وسوار الدهب ممسكا بعينه المطبوزة..وواحد من الخاطفين تطوع وبكم قميصه ويدخله في فمه علي الطريقة السودانية المتبعة في معالجة العين المطبوزة ويروح واضعا طرف القميص في عين سوار الدهب المطبوزة لمعالجتها بنفخة هواء من فم مترع بالعرقي والبنقو.... ويصيح سوار الدهب متوسلا ذلكم الرجل قائلا: يا اخي حرام البتسووا فيهو ده عرقي وبنقو وكمان داير تخت لي الدلقان ده في عيني...حرام كيف اقابل ربي بعين لا مسها العرقي والبنقو والمعاصي يا اخوة اتقوا الله!!
وهنايحاول اب عاج الجلكون ان ينهض من جلسته مستفزه قول سوار الدهب( حرام) ولكنه يقع متفنقلا علي بلنجاته حتي بان سرواله... وقد طارت نضاراته بعيدا.. وهنا علق احد الخاطفين مسطولا وهو يبحلق في سروال الريس العجوز بعد ان تفنقل: والله يا سعادتك البيض عندك لكن يا خسارة مناظر بس..كان علي الطلاق ولي العهد الامير (مهمد صاله) بن النميري حاكمنا ليوم القيامة لكن الله حكمتو بالغة بس طلع بيض مناظر ساكت!!!
وحاول النميري مستفزا ان يقفز ليضرب هذا الصعلوق علي قولته المستفزة ولكنه يقع للمرة الثانية ويرفعه الخاطفون من الارض ويترجون اياه من ان يتوقف عن محاولة ضرب صاحبهم المسطول وايضا المسكين سوار الدهب واواصل
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: هشام هباني)
|
ساعد احد الخاطفين اب عاج لكي يقف وهو يرتجف من شدةالزعل من سخرية هذا المسطول منه واستعدل وقفته وهو يخاطب سوار الدهب وهو يقول له: انت بتعرف الحرام يا اهبل طيب قمت بالانقلاب لايه عشان تجي تديها الملكية السجمانين ديل واهو شفت يا حيوان اربعة سنين عملوا شنو غير الهرجلة والكلام الفاضي..لمن جاء العرة عمر البشير النكرة نط في الحكاية واهو قاعد الليلة في السلطة سبعطاشر سنة وكل المعرصين بتاعين الملكية الكانوا بصفقوا وبهتفوا وغنوا لي لي وعملوني مرة لينين ظاااطو وقربوا اعملوني في النهايةالنبي محمد ظااااطو اهو راكبين في سرج واحد..تقول لي مباديء يا حيوان!
طيب ما دام بتخاف الله...شايفك كل يوم معاهم وناطي في اي وفد شعبي وديني.. صوار الضهب عمل وصوار الضهب فعل شنو البهدلة لزومها شنو ما كان اخير ليك تكون حاكم من اليوم داك
بدل البشتنة وتتبع لي الاهبل العوير ده ومطلعك من وفد لوفد!
فرد عليه سوار الدهب: الحمد لله والصلاة علي اشرف المرسلين سيدنا محمد وعلي اله وصححححححح..فقاطعه نميري قبل ان يتم قائلا: يا اخوي ما اخير ليك تجاورالنبي عديل في البقيع بدل النفاق بطاعك ده والكلام الفاضي ده انا حاكلم ليك عمر الطيب هناك في السعودية اشوف ليك اقامة محترمة! هنا قاطعه المسطول الذي استفزه في الزول قائلا: لكن يا ريس العمة ماعندك! واستمر قائلا : قالوا تلاتة في السودان ود الجبل و القلع عبد الحفيظ وكمال ترباس احسن ناس في السودان بلفو عمة! وهنا انتفض نميري من الزعل قائلا له: اسمع يا ود ياعلق..انا مافي زول ولدتو امو في السودان بلف عمة ظي جعفر نميري!
وبعدها نزع النميري عمامته وبدأ يلفها من جديد وهو يخاطب الجميع: تقول لي يا علق ود الجبل والقلع وترباس بلفوا عمة ظي دي؟؟ وهنا صاح المسطول....والله نحن شعب تافه جدا يا ريس كيف بالله زيك ده احكمنا ستاشر سنة وانت ما بتعرف تلف عمة! واواصل
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: الطاهر ساتي)
|
wad habbni
thank you very much my dear friend
i sincere hope our freinds here will be able to read between lines
thank you again
mustafa
قال الشاعر الكبير نزار قباني
حينَ يصيرُ الناسُ في مدينةٍ
ضفادعاً مفقوءةَ العيونْ
فلا يثورونَ ولا يشكونْ
ولا يغنّونَ ولا يبكونْ
ولا يموتونَ ولا يحيونْ
تحترقُ الغاباتُ ، والأطفالُ ، والأزهارْ
تحترقُ الثمارْ
ويصبحُ الإنسانُ في موطنِه
أذلَّ من صرصارْ ..
dr mustafa mahmoud
| |
|
|
|
|
|
|
|
|
 Re: عاجل جدا جدا ..مسلحون يختطفون الرئيس الاسبق السفاح نميري! (Re: Mustafa Mahmoud)
|
الاخ هشام...لك التحايا على هذأ السرد الساخر لفترة من تاريخنــا ليست على مستوى الوطن الجريح بابنائه بل على المستوى الشخصى لفترة عانى فيها جيلنا من الخوف و الذل و المهانة...
و التجارب التى مررنا بها (فئران تجارب) فى مجال التعليم و الصحة والاقتصاد...والى ماذلك من تجارب دمرت أجمل بلد عربى-أفريقى بشكل منهجى..ثم انتهت بقتل مفكريه أمثال الاستاذ الشهيد الاستاذ محمود محمد طه...له الرحمة انشاء الله.
لم ينتهى مسلل التدمير عند النميرى والذى مازالت اساره باقية و تحكم بنفس القوة التدميرية وتعيس فى الارض فساداً وتقتيل باسم الدين للاسف الشديد.
فى احدى اللقاءات التلفزيونية سأل المذيع "المشير" جعفر نميرى بأن أهل الجزيرة أصبحوا يعانون من الغلاء والجبايات و أصبحوا يفتقرون لابسط مقومات الحياة، فكانت أجابة القائد الهمام:
"لازم يحصل ليهم غلاء لانو الارسال التلفزيونى ،الواصل حديثاً، غير مفاهيهم المعيشية والاجتماعية"
عجبى على وطناً مات وهو واقفاً!!!!!
صديق-الدوحة
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: Siddig A. Omer)
|
عزيزي صديق
الا رحم الله الشعب السوداني الذي كان ينجب الابطالوالثوار وصانع الثورات والذي ثار ثورات وثقها التاريخ بحروف من الفخار والمجد.
وهو شعب غير هذا الذي استكان للذل والمهانة.. ورضي القهر امرا واقعا..فالشعوب تتبدل وليست ثابتةولكل مرحلة وفترة شعبها... ولكن شعب هذه المرحلة اوهن شعوب السودان علي الاطلاق وهو لا يشبه الشعب الذي قاتل في كرري و طرد المحتل ولا ذاك الذي قاد معركة الاستقلال ولا ذاك الذي اسقط عبود ولا ذاك الذي اسقط النميري...وبالتاكيد عندما اعني الشعب هنا اقصد القوى الحية الشابة اي اجيال الراهن الحديثة ولا اقصد فاقدي الصلاحية النضالية من شيوخناالمتصابين..والحالمين في ارذل العمر بحكمنا مرات ومرات حتى حسن الختام !
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: هشام هباني)
|
Quote: انا متأكد مليون المية وكان داير كلام جد جد هو ظاطو ما في شعب سوداني هسع
لانو الشعب السوداني مات زماااااااااان وشبع موت والقاعدين ديل اشباح ساكت! |
ديل يا هشام ما أشباح ولا شبه أشباح !!!!!!!!!
ديل كدايس مايو .... وفي رواية أخرى (!!!!!!!!!)
جيل يتربى في حضن نميري و(صعاليقه) و(......) ماذا
تنتظر منهم ؟؟؟؟؟؟؟؟؟
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: فاروق حامد محمد)
|
,,,,,,,,,,,,,,,,,,,
| |
|
|
|
|
|
|
|
|
|
Re: عاجل جدا جدا ..مسلحون يختطفون الرئيس الاسبق السفاح نميري! (Re: Shazali)
|
الشاذلي
سلامات
للكتابة انماط واساليب في نقل الافكار
ومخاطبة الاخر... ولكل كاتب بصمته وموهبته في الكتابة
وقدراته في الولوج الي جوانيات الاخر والتاثير عليه
ويعتبر نهج الكتابة الساخرة من اكثر انماط الكتابة ولوجا
الي عوالم الاخر المتلقي والتاثير عليه وذلك لسلاستهاوهي مفعمة بروح ساخرة
ضاحكة اكثر انسيابا من الكتابة الاكاديمية الجافة التي تشعر المتلقي بالسام والضجر
وصعوبة في الفهم!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
الطاهر ساتي
فاروق حامد محمد
نيازي عبدالله مرحوم احمد
malik_aljack
Anwar Osman
Mustafa Mahmoud
Siddig A. Omer
Mahjob Abdalla
فيس بوك
تويتر
انستقرام
يوتيوب
بنتيريست