التحقيق في قضية محاولة مقيم الهروب بفتاة سعودية

Quote: القمص إبرآم يوسف (كاهن كنيسة العذراء - بلقاس): حتى لما خرجوا ما كان موضوع في عقيدة يعني ما كانش فيه عقيدة نهائي، ما كانش موضوع عقيدة وإشهار إسلام لأ، دا كان موضوع متعلق بالعاطفة، والعاطفة بطبيعتها عاطفة متغيرة، يعني المفروض أنا ما أبنيش مجتمع على متغيرات أنا أبني مجتمع على ثوابت، وبعدين إحنا كشرقيين ما نقبلش لا سواء عندنا في المسيحية زواج المسيحية من بروتستانتي أو كاثوليكي. أحمد عبد الله: نعم ولكن أنت كدا تحرم الناس من حرية الاختيار؟ القمص إبرآم يوسف (كاهن كنيسة العذراء - بلقاس): لا ما فيش حاجة اسمها حرية الاختيار. أحمد عبد الله: همّ قالوا البنت اللي تحاول تشهر إسلامها يأخذوها ويعزلوها في دير ويعاملوها معاملة وحشة ويضربوهم. القمص إبرآم يوسف (كاهن كنيسة العذراء - بلقاس): إحنا ما نضربش حد ونعاملش حد معاملة وحشة، والأديرة مش أماكن كدا الأديرة دي مكان يا إما للمكرسات أو الراهبات مش مكان للحاجات اللي زي كدا، وإن كان لها حالات الحالات تتعامل بنوع من الرفق أكثر، أنت لما يبقى عندك مريض تعامل المريض بأسلوب أحسن مما تعامله هو نفس الشخص تعامله وهو سليم فدي حالة تبقى حالة مرضية حتى ولو موجودة تتعامل بهدوء شديد جداً. أحمد عبد الله: أنت تعتبر واحد تحول من المسيحية لإسلام حالة مرضية؟ القمص إبرآم يوسف (كاهن كنيسة العذراء - بلقاس): لا أنا أتكلم على الأمور العاطفية، أنا مش بتكلم على.. أنا أقول لك هو موضوع ماريان وكريستين بعيد كل البعد عن الديانات .