كتب الكاتب الفاتح جبرا المتوفرة بمعرض الدوحة
|
Re: ســـلمـى الشيخ ســـلامــة (Re: حمد اسماعيل)
|
استاذ السنى الرجل المورق الزول الذى فى أحاديثه النعناع والورود والضحك الذكى يأخ سلام عليك محل ما تتلفت _ الأخت البقلاوه سلمى بنت جمال بلا رقع سماحه بلا ثقوب فصاحة وبلاغة زى الموج فى بحر امدرمان. زوله تتحدى الظلام تصاحب الشعاع وتحزن من الحال المايل والمتهايل لكم السلامات الخضر ...........
| |
|
|
|
|
|
|
Re: ســـلمـى الشيخ ســـلامــة (Re: Osman Musa)
|
عثمان موسى ياشفيف يامطر الخير الظاهر عليك طولت من البقلاوة والباسطة المترعة بالسمنه ليك المحبة والمودة وسلمى زي ما قلت فاكهتنا ونوارة العشم لكن الكي بورد معاندة وما قادرة تخش لينا عشان تمتعنا بالحكاوي والونسة البقت تقليد جديد للتوثيق مودتي
| |
|
|
|
|
|
|
Re: ســـلمـى الشيخ ســـلامــة (Re: حمد اسماعيل)
|
حمد لبد جمد الود الظريف اول مرة اعرف انك شاعر من بره ده شعر ؟؟ حبيبي شافني وانا ماشي في الشارع عاين لي وكشح الوسخ واداني نظرة وقفل قفل الباب وراه نحن بنحبك وين حكاويك وسلمى والأبيض وفرقة كردفان ورابطة الثقافة وجريدة كردفان سنوات الوعي والجمال والطرب والفهم اكتب ياعسل
| |
|
|
|
|
|
|
Re: ســـلمـى الشيخ ســـلامــة (Re: حمد اسماعيل)
|
حمد ود عشايا ياخ احبك ياخ واحب بيتكم كلو عامل اخوك الظريف دا هو مااخوك براك حبيبنا كلنا يوم ضربت ليهو اول مارجعت السودان كان نجيب نور الدين عامل معاى سهرات فى الاذاعة (نجوم بعيدة ) اول ما سمع صوتى قال لى : يا بت الشيخ شنو مديانى السهر معاك ؟ وهو العمرو كلو مدينا السهر متابعين حفلاتو زى الصعاليك محل مايقول ليك خليل تلقانا لبسنا وجرينا ولا بنكون معزومين لكن نخش ونسلم ونقعد ونسمع خليل معليش ياحمودى ياخ لكن(فرصة ) احندكك بى السودان وبى خليل
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
يا عم السني .. صحبي سلمي في وكسة مع البوست بتاعك دة .. كدة اقرا دة :
Quote: اها يا صحبى ابو بكر صدقت انى منحوسة ؟يا ابو بكر زول اسمو السنى قال فاتح ليهو بوست اسمو سلمى النحس اقصد سلمى الشيخ ، تعرف البوست دا حلف بالتقطعو ما يفتح اها النحس دا كيفنو يا اخوانا (المنحوس للنحس ما بكوس النحس براهو بجيهو يكوس ) مثل جديد لنج شنو ليك |
واها لينا اكتر من ساعة بنحاول ( دة كلو اونلاين ).. كل البوستات تفتح الا دة .. ياخي لو عاملك عمل بالله فكو ياشيخنا .. البنية والله روحا مرقت تحاول وتحاول .. كجورك ماكن ياشيخنا
| |
|
|
|
|
|
|
Re: ســـلمـى الشيخ ســـلامــة (Re: abubakr)
|
عرفتك سلمى من خلال المنبر
انسانة راقية ...قلم واع مدرك لأهدافة...رسالة سامية
وأكن لك كل موده واحترام
أستاذ السني دفع الله
تحياتي .......لسه متذكرني وأنا طفلة؟؟؟؟
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
و اهو من جاه المحبوبين نتحب لمن يجونا عرسان،،
معتز قريش أمي بتقول ليك،، ما عندنا بنوت للعرس،،
عمو السني محبة و سلام ليك و زوارك و حبانكم،،
سلمي دي البوست ده حالف بي التقطعو اكان يفتح ليها،، و انا المسكينة دي عرضت خدمات كمبيوتري ال ما لابتوب،، و قالت ما بتعرف لي عربيهو،، الغريبة إني قربت احنسها تستعملو،، اهو يمكن ينوبو من الحب خمشة،،
يلا إنتو قومو اصبرو عليها حبة،،
و لااا في زول وصاني،، ده تحبب مني ساي،،
خالتو ماجدة الحبيبة،، تعالي نقالدك،،
و يا عماد عبدالله انا ما قاعدة انسي الناس،، و كان بنسي إنت بي الذات ما اظني انساك اكان لاقيتك،، إت متأكد من الكلام ده؟
| |
|
|
|
|
|
|
Re: ســـلمـى الشيخ ســـلامــة (Re: Soumeta)
|
ســــوميتا صباح الخير أو مساء الخير حسب التوقيت النحلي في كل بساتين الدنيا صلحي الكي بورد والمشكلة عامة ولا نعرف المتسبب فيها مودتي وفي انتظار المشاركات والذكريات الأمريكية مودتي
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
كنتُ أسمعُ اسمَها دائماً على إذاعةِ أم درمانْ .. .. فكانَ يُعجبني جداً ذلك الإسم ذو الجِرْسِ الموسيقيِّ الأخَّاذْ .. وقد يكونُ لِمَا يَحْويهِ من أحرفِ الصَّـفير ( السِّـين ) ميزةٌ خاصَّة جعلتْه يرتبطُ بذاكرتي كثيراً وكذلكَ تواردُ اللامِِ والميمِ للإسمينِ كليْهِما ( سَلمى ) .. ( سَلامة ) .. فيجعلانك تنطقُه دونَ عناء يُذكرْ ؛ وكنتُ أشعُرُ وكأنَّ اسمَها قد قَدِمَ إلينا من أحدِ بحورِ الشعرِ العربيَّةِ القديمةِ .. ( مُتَفاعلُنْ .. مُتَفاعِلُنْ .. ) ( سَلْمَى .. الشَّيخ .. سَلامَة ) .. نعم قد عرفتُ اسمَها باكراً ... ويا لأسَفِي فقد التقيْتُها متأخِّراً جداً وعلى سِلَّمِ هذا المنتدى .. حيْثُ كانَ لقاؤُنا فيهِ على ثلاثةِ أحرفٍ .. هيَ العيْنُ .. في ( عميري ) .. والزَّاي .. في ( زُهاء ) .. والشين .. في ( شحَّـاذيَ العالِـم يوْمَ أمسٍ القريبْ ) حيثُ كانتْ زائريَ الوحيدَ هُناك .. كنوْعٍ من إلتقاءِ الحروفِ على بعضِ المفرداتِ اللائي نُكِنُّ لهُنَّ كثيراً من التقديرِ والإحترامِ والجمالْ .. وهيَ تُمارسُ عادتَها الحميمةَ " الوفاءَ " في زمنٍ تسربَلَ بالغدرْ .. .. رائعةٌ هيَ في عَهْدٍ قَلـَّـتْ روْعَتُهُ وشَحَّتْ مُفْرَداتُه .. فللهِ درُّها من امرأة بألفِ رجلْ .. تجلسُ صورتُها شمالَ الحرفِ والحرفُ يمينُها بكلِّ أريحيَّةٍ وديمقراطيَّة .. تتوسَّدُ ثوبَ الجمالِ والطُّهر النَّقاءْ .. ووجهُها الأسمرُ الجميلُ .. بلا رُتُوشٍ يَحْكي تَمرُّداً جَلِيَّـاً على مِكْيَاجِ الزَّمنِ الأغبرْ .. .. عند قراءتي لكتاباتِها وجدتُ الشفافيَّةَ والوضوحَ نِبْرَاسَ يراعِها ودَيْدَنَه .. لا تَكَلـُّـفَ عندَها .. تُرسِلُ الكلامَ كما النسيمِ من فكرِها الجميلِ المُتَّقِدْ .. ولسلاسةِ قوْلِها وسَجيَّته الفريدة تجعلُكَ تفكـِّـرُ وكأنَّها تُدَوِّنُ من كتابٍ أمامَها ... وبرغمِ أنَّيَ قدْ عرفتُها مُؤخَّراً .. لكنَّ الإحساسَ الحقيقيَّ الذي ينتابُني هوَ أنِّيَ أعرفُها وحرفَها مُنذُ أمَدٍ بعـيدْ .. ... فشكراً لكمْ .. وشكراً تماماً لها ..
وشكراً للأستاذِ / محمَّد سنِّي دفع الله .. الذي جعلني أدُسُّ وجْهيَ وهامتي الصغيرة بينَ قِمَمِهِمُ الشمَّاءَ بلا استئذانٍ .. وأنْ يكونَ لقائيَ الأوَّلُ به عبرَ مفْرَدةٍ ساميةٍ كـ ( سَلْمـَـى ) .. فشكراً جميلاً له ..
وليتَ الناسَ كلَّهم سلمى .. الشيخ .. سلامه .. ... ليُعاوِدَ للدُّنيا الضياءُ .. ... فامنحيني بعضاً من ضياءْ .. و أنثريني عبيراً .. لأشتاتِ الرُّفـَاتْ عندي .. واسْكُبيني عِطْرا ..
وشكراً لكِ .. يا .. يا .. امرأةً بيضاءُ الدَّواخِلِ والخاطِرْ .. .. فالاحترامُ أنْتِ وجدِيرةٌ أنْتِ به ..
تقبَّلوا مروريَ
وتُصْبِحُونَ على مِحْبَرَةٍ وحَرْفٍ .. وقلمْ .. ولتَكُنْ .. سلْمَى .. بخيْر ..
أخوكم / محمَّدزين ...
| |
|
|
|
|
|
|
Re: ســـلمـى الشيخ ســـلامــة (Re: محمَّد زين الشفيع أحمد)
|
محمد زين الشفيع يا لك من انسان جميل لكنى لم افعل سوى انى احب ما افعل وابوح بمكنون اجد له معادلا موضوعيا فى الناس لذا احب الناس واكتب عنهم اسفة ان جاء ردى متاخرا وكثيرا لكنها التكنولوجيا العصية على من هم مثلى وحين تمت معالجتها وجدتنى انحاز لك واكتب لك لانك جدير باحترام كل من يطالع حرفا تكتبه لك خالص مودتى وتقديرى واقعد عافية
| |
|
|
|
|
|
|
Re: ســـلمـى الشيخ ســـلامــة (Re: إسماعيل وراق)
|
واديك العافية انت كمان يا اسماعيل ومبروك الوليد سلمى كشكول ابداع فعلا مخرجة إذاعية متميزة وممثلة مليانة حيوية بالرغم من انها ما قاعد تجيب سيرة التمثيل وكاتبة برامج من الطراز الفريد وناسة انا لو كان عندي محطة تلفزيونية كنت بعمل ليها برنامج ، اوبرا ما تحصلا ونسة بس وفي كل شئ عارف سلمى مثلت في المعهد مسرحية ترويض النمرة ومثلت الدرور ببراعة فائقة وامكن تكون ناسية الحكاية دي لكن الدور ده هو القادة للأسامي العديدة الصقت عليها عافية ياناس ياجميلة
| |
|
|
|
|
|
|
Re: ســـلمـى الشيخ ســـلامــة (Re: إسماعيل وراق)
|
اسماعيل الوراق انت رقية الوراق بتبقى ليك شنو ؟ ولا تشابه اسماء ، عارف كان عندنا صديقنا فى كلية الفنون ، فى اتنين اسمهم اسامة واحد اسمه اسامة الحويرص والتانى اسمو اسامه الخليفة ،، فصاحبنا دا قام سالهن الاتنين ، قال ليهن انتو اخوان ولا تشابه اسماء لك معزتى الخاصة ما تقراها معزة بتاعة الغنم دى معزة يعنى ليها قرون فى القدم والحب
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
سني يا رائع سلمى صديقة عزيزة وهي فعلا إنسان حقيقي. والجميل البت سوميتا ماشة في طريق الإنسانية كما أمها. أحفظ في مكتبتي مجموعة فصصية لسمى تزينها بإهداء جميل وأحفظ قي ذاكرتي لسلمى لحظات من الأنس والتثاقف والتفاكر والود يستمر لك الشكر يا صديق ولسلمى وسوميتا مزيد من العطاء والسعادة والمحبة وحبنا جميعا
| |
|
|
|
|
|
|
Re: ســـلمـى الشيخ ســـلامــة (Re: Sidgi Kaballo)
|
صدقي كبلو ايها الصديق الرائع وينك يا أستاذنا وكيف الأحوال اصبحنا نجتر الذكريات ونختم السهرة بالندامى حنين وشجن وليل الغربة والدخان والكتابة السلوى الوحيدة لنا ننتظر ذكرياتك وسلمى والكتابات القواسم والكتب الجديدة والأفكار المبدعة لغد أنبل مودتي
| |
|
|
|
|
|
|
Re: ســـلمـى الشيخ ســـلامــة (Re: Sidgi Kaballo)
|
ابو فدوى الجميل يا كبلو اشهد ان تلك ايام لن تعود وتلك احاديث لن يطوها النسيان كلما التقينا كان سامرنا الكتب كانما لم نخلق لغيرها او لم تخلق لغيرنا لكنها العادة الرائعة التى احلم ان لا تنتهى رغم السنوات لكننا مازلنا نحمل تلك الايام فى دواخلنا اتذكر الان صديقنا الراحل عبد الرحمن عبد الله وكيف انه فنان ضل الى السياسة او سياسى ضل الى الفن فلقد كان جديرا بكليهما وكان من الذين بدانا معا مشوار العمل الاذاعى فى المعارضة حين كانت فى القاهرة لكنه حتى رحيله لم يتوان فى خدمة هذا الوطن فله الرحمة بقدرما قدم لفنه ولحزبه يحكى الفنان محمد وردى ان عبد الرحمن عبد الله كان معتقلا فمش لناس الامن بوصفه نقيب الفنانين فسالهم ان عبد الرحمن عبد الله فنان فما كان ناس الامن الا ان قالو له تعال وفتحو له دولابا مليئا بالمستندات وسالوه: انت شايف ليك وتر خلى كمنجة ؟
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
حبيبنا العزيز السنى صاحبنا الزمان السنى ليك وحشه جيت قطر السنه الفاتت شهر 7 قالوا لى مشيت السودان مشيت السودان قالوا رجعت قطر الحظ ماساعدنى سلمى الشيخ كل الجمال والنقاء والطيبه تحياتى لك دوما
احمـــد خضــر
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
أستاذنا محمد السنى لك التحية وأنت تبحر بنا فى دواخل الرقة والجمال سلمى الشيخ ، هى الآن قد لا تتذكرنى ، فلقد عرفتها فى مطلع الثمانينيات عن طريق الرائعين عبد المنعم رحمة الله ، محمد مدنى، عادل عبدالرحم، حاتم محمد صالح ، محمد طه القدال وووإلخ... ، عموماً أرتدنا وقتها كثيراً من الامسيات الشعرية التى كانت تقام فى ذلك الزمن الجميل فى جامعة الخرطوم ... فلمست’ فيها روحاً شفيفة نقية ، فهى تدخل إلى القلب كبقعةِِ الأملِ الذى ينتظره فاقد الشىءٍ ، وآخر لقاء لى معها كان فى العام 85 فى أمسيةٍ شعرية فى مدرج كلية الطب بجامعة الخرطوم على ما أذكروبعدها قادرت أنا إلى السعودية لكنى كنت أتابع أخبار كل المبدعين الذين تعرفت’ بهم فى تلك الحقبة وفى مقدمتهم نوارة هذا البوست سلمى الشيخ ، على كلٍ أستاذى إن سلمى هى كأسات’ الصباففى حضرتها تتوقف’ الكلمات’ وأنات’ اللغة الولهى لما تحتويه فى وجدانها من أصالةٍ وثقة’’ بالنفس والاصدقاء الذين حولها ، فما أبدعك من فنان وأنت تمنحنا هذا المتكأ البديع على ضفاف سلمى الشيخ سلامة ، فلك ولها التحية والتقدير وعبركم لكل المتداخلين والمتداخلات الذين عرفوها عن قربٍ أكثر ، لكم الود .
| |
|
|
|
|
|
|
Re: ســـلمـى الشيخ ســـلامــة (Re: abdualkader mekal)
|
قدورة التحية والمودة جميلة مشاعرك وجميلة الصحبة وشلة الأصحاب الإتفرقوا في المنافي البعيدة والموانئ الفاتحة ابوابه للغرباء نتواصل واكتب لنا عن تلك الفترة ولنبحث عن من فقدناهم وباعدت بينا المسافة مودتي
| |
|
|
|
|
|
|
Re: ســـلمـى الشيخ ســـلامــة (Re: abdualkader mekal)
|
اخى عبد القادر ميكال اين حطت بك زوامل السفر ؟ اما زلت تذكر تلك الايام ؟ يا لها ، يا لنا قابلت كل الاصدقاء الذبن ذكرتهم بصورة او اخرى سواء عبر التلفون او جاءنى من جاء زائرا هل تذكر صديقنا عادل السمين ؟عادل سليمان المهندس وجدته فى زيارة لى صحبة القدال الى بيته عدناه مريضا يشكو علة السرطان فى الحلق فادعو له بالشفاء وما زال عادل عبد الرحمن هو عادل الشقى يعيش فى احد الولايات المتحدة محمد مدنى فى السعودية فى مكان ما حاتم فى ليبيا عبد المنعم رحمة كان خارج السودان وعاد بسمية وعمار طفلين حلوين وتلك كانت اخر ليلة شعرية اشارك فيها بعد اعدام الاستاذ محمود محمد طه وتلك اخر قصائدى السياسية تماما كان اسمها ( محمود قم ) واذكر ان مدير الجامعة كان موجودا وكانت القاعة تضج بالامنجية حد التدفق لكنه زمان جميل مع كل شئ لك الود يا سيدى
| |
|
|
|
|
|
|
Re: ســـلمـى الشيخ ســـلامــة (Re: سلمى الشيخ سلامة)
|
الصديقة الرائعة سلمى الشيخ يا رفقة الزمن الجميل ، لقد حطت بى سفن الترحال فى قاهرة المعز بعد إقامة دامت خمسة عشر عاماً فى السعودية بمدينة جده ، لى من الأبناء ، مصطفى ممتحن للجامعة ، مثال فى أولى إعدادى ، مرام فى الصف الخامس .... الصديق عادل سليمان أتذكره وأتذكر مكتبه فى جامعة الجزيرة وكان مكتوب على بابه المهندسون وكان هو الوحيد الذى يشغله .. حتى كنا نعلق عليه بأنهم كتبو المهندسون لأنه سمين ويمثل مجموعة أفراد ، أتمنى له الشفاء ودوام الصحة ، نعم محمد مدنى فى مدينة جده ، منعم عرفت إنه عاد من أديس أبابا مع ولديه ، أذكر تلك الأمسية الشعرية كأنها كانت بالأمس وأذكر كل المبدعين الذين كنا نتشارك معهم هم تلك المرحلة .... فبالفعل ما أجملها من أيام وما أروعه من زمن ، فلك كل باقات الوردالجورى والياسمين ، مع تحياتى لأسرتك الكريمة .
لتواصل حميمى أكثر هذا تلفونى :- 0020103850515
| |
|
|
|
|
|
|
Re: ســـلمـى الشيخ ســـلامــة (Re: abdualkader mekal)
|
الاستاذ السني سلمى سلامة رافقتنا لرحلة عرس بمدني لمدة ثلاثة ايام كانت حاجة ماتخلص بدعوة من الصديق الفاتح حسين والشلة مكونه من الدرديري وصلاح ابايزيد وساطور وعادل الصديق وشخصي وهججنا طبعا سلمى كانت نجمة بالقفشات وكانت لنا قفشات حفظك الله سلمى واسبغ عليكي من نعمه ااامين
| |
|
|
|
|
|
|
Re: ســـلمـى الشيخ ســـلامــة (Re: الفاتح يسن)
|
الفاتح ياسين الفنان وكان زواج خضرة خالة الفاتح حسين وكانت ليال لن انساها ما حييت لان فيها من ذكرت بل اضيف اليهم عثمان النو يوم ان انتهى الحفل فى الصباح وجابوا لينا (المساويك) وبعده الشاى بالفطير كان صلاح ابايزيد عليه الرحمة من اميز رفاق تلك الرحلة التقيناه فى الصباح نازلا من غرفة التمرين (البيانو ) وكلمناه بامر اننا سنمشى زواج فى مدنى ما ازال اتذكر انه كان يلبس سفنجة مرسوم عليها صورة بروس لى ذلكم الفنان الذى مات فجاة فى تمرين او هكذا زعموا ومشى معنا الى السسوق الشعبى حيث كان النو فى تلك الرحلة قائدا عاما لها فكلنا نجهل مدينة مدنى وامضينا اياما بطعم الشهد وحلاوة الجمع الذى كان لك كل الود ايها الصديق الفاتح ياسين
| |
|
|
|
|
|
|
Re: ســـلمـى الشيخ ســـلامــة (Re: محمد سنى دفع الله)
|
الشاهده على الحب... وبكل الحب اذيك ومشتاقين شكراً للاستاذ/ السنى على هذه المساحه اللطيفه. مفتقدنكم والله كتير سلمى يا بت فى الخاطر نيل ويوم فى الدنيا صراح,, وينك؟ ـــــــــــــــــــــــــــــ صديقى الزول البراااااااااااحه... الانسان المثقف صلاح شعيب والله مشتاقين... لقيت نكهة كتابتك قريتها اعجبتنى ذى زمان ايام عمارة دوسه والكتابه للوطن اتمنى نلتقى قريباً
| |
|
|
|
|
|
|
Re: ســـلمـى الشيخ ســـلامــة (Re: محمد عبيد الفاضلابى)
|
كانت زي كل بنات الناس بتحب في السر.. و الحب واسع و طيوره غميسة و سر و الحب للعارفو جميل
و مضر! ...... ...... و كان طيب و راكز للحلو و المر و بحبها جد بحبها لامن في الليل مرات توجعه روحه و الحب للوجعة (على راي الجيش): مكانك سر! و كان مر اليوم دونما يشوفها كان ساحل و شو بيبقى عضام و عيونو تموت زي سمكة بدون ما تعمل صوت يشتاق بالجد و القلب يتقسم طير مسجون في القفص الصدري و أعصابو شوية شوية تحرق و تنسل خيوط. ...... ...... يوماتي بشوفهم كنت و الشارع كان سكران مزروع أحلام و غمـام و أنغام و حمــام يوماتي بشوفهم و على غير العادة بقول و أنا قاصد المعنى: سلام! و أتمنى شديد لمن أشوفهم لو كنت إتنين زول واحد زيو و زيها في جسمين. ... ... الله الله لمن بالدس يمسك إيدها الله الله لمن في أضانها يقول بيريدها الله الله لمن تخجل.. و يضحك و يزيدها الله الله لمن تسحب زي كل بنات الناس بالراحة أصابعينه على عكس الرغبة و تقول: مجنون! .... .... يوماتي الشارع كان بغرق في كهربا ناعمة و فوضى لطيفة و ضو. فاضلابى الله الله يا شيخ الشعر وسرك باتع الله الله وبحر الحب عندك واسع الله الله يا جمرة وجد وروح بتهاتى وتقول كلام الناس فى العلن السر بكل تواضع وما اقدر اقول ليك غير ربنا بسعدك كما اسعدتنا ولكما حبى انت وزينب
| |
|
|
|
|
|
|
Re: ســـلمـى الشيخ ســـلامــة .. (Re: سلمى الشيخ سلامة)
|
ســـلمـى الشيخ ســـلامــة .. قبس من نور الإبداع!!
سلمى الشيخ سلامة عبق الزمانات الجميلة الحرف المنمق بالذكريات الذكريات لسلمى هي كائن حي تخاطبه عند الحنين تعاتبه عندما تسكنها الوحشة وعند إفتقاد الأمكنة إنها المبدعة التي لا يقاومها اليراع فبه ترسم أزهار الرغبات تكتب بنبض وإحساس دافق تجلس جوار جثمان الأحلام القتيلة بنت طقوساً ومناخاً للكتابة الأنيقة تتسلل إلى أعماقها فتكتب عيونها نهمة عطشى للحرف والثقافة إنها إمرأة تلامس بعذوبة حرفها الشغاف ومواطن الكبت .. محترقة بمخيلتها مجنونة بحب وطن قسرها على الإهتجار متوهجة بنار حب إنسانه مجبولة ومعجونة بماء سماء المشاعر بروعة الإنتماء في كتاباتها الغامض هو الأكثر وضوحاً في كتاباتها، العشق يرفرف ولسانها يزقزق كما طير (الرهو) في مواسم الهجرة إنها خليط من حنين ولهفة وشوق وكل سلطة المستحيلات هي بذاتها الكتابة بمتناقضاتها المتآلفة مرت بكثير من محطات الإنتظار الإنتظار، هو شعور داهم بالقلق .. مخاض الكتابة وأخال أنها تخاف الذي يلي روعة الإنتظار إنها تكتب بلغة ومفردات هينة وراقية لا أدري إن كانت تتلذذ بمولد الكلمة من رحم اللغة؟ اللغة حياة ..لحظة النشوة.. شعور بروعة الإحساس وتلك هي نرجسية .. سمة المبدعة الحقيقة هذه هي سلمى الشيخ سلامة!! هل أنصفتها؟!
| |
|
|
|
|
|
|
|