|
|
|
 Re: مربع كاي (Re: الرشيد بابكر)
|
بكرى الحبيب .. صادق التعازى فى وفاة المغفور له باذن الله
الأستاذ معتصم سوداني...وأسأل الله قبولا حسنا و ينزله منازل الصديقين و الشهداء و الأبرار .
********
شكرا للكوتش وجلا على المواساة .. وصدقونى اجترار الذكرى بجانب انه يفتح الجروح من جديد
الا انه فرصة أخرى لتأمل عظمة الخالق وشكره وحمده على جميع عطاياه ...
*******
رشا الجميل ..
ما اجملك وان تستعيد الذكريات الجميلة وتضفى عليها بعطرك الشجى
حفظ الله لك نجاة والاولاد ..
| |
 
|
|
|
|
|
|
|
|
Re: مربع كاي (Re: عبد القادر بابكر)
|
ياااااااارش .....
شايفك رجعت تركيا تااااني !!!!!
انت المقعدك في الخلا شنو لي هسه ؟؟؟
قوم أمشي وشيل ليك معاك تورته ثلاثة طوابق واحتفل بالمناسبة دي مع أم العيال ..
وبالله ما تنسى تبارك ليها نيابة عني ....
أبو السهر ذاتو ...........
| |
|
|
|
|
|
|
|
|
|
Re: مربع كاي (Re: محمد عيد)
|
سلامات يا ناس
الرشيد
قدورة
عيد
وبكرى حامد
والمصهينين....
عدت بحمد الله اليوم الى الخرطوم....والى حين سفر آخر
صور تركيا جميلة ومعبرة ...ادام الله المحبة بينكم وكل
الناس..
تاوقت للبوست حقى لقيتو زى ماهو ...من سهرتكم ديك ولا فى
زول هببو...وانا بدعو فيه الى حصر المبدعين....وده عمل
كبير ...وميسرة ومحمد عيد اول ناس بدت منهم الفكرة دى ..
فى ناس بتخش منبرنا وتمر على كل البوستات ..ولمن تجى جنب
ولمن فاتهم الاستماع ...تاخد ليها نطة منو وتخش فى البعدو
الناس دى ما عايزة ترجع ورا ولا شنو؟؟؟
هل انا لما اقول ادونا اسماء مبدعين من الزقازيق...بطلب حاجة
الناس ما عندها بيها اهتمام ...
فى احيان كتيرة بفكر انى اقيف لحدى هنا ..لكن برجع اقول فى ناس
عندها اهتمام ..واضغط على حاجات كتيرة وابدأ تانى ...
كتبت الكلام ده عندك يا الرشيد لانى لو كتبتو عندى حيقروه اربعة بس.
لكم الود
| |
|
|
|
|
|
|
|
|
|
Re: مربع كاي (Re: زهير الزناتي)
|
سلامات يا ناس
Quote: تجولت اليوم وحيداً إلا بعض رفقة من الكوتش ....
سادتي
حضرنا ولم نجدكم |
يا زهير ...سلام
كم سهرت الليل شقاوة
وسرت ليك مشوار يفتر
| |
|
|
|
|
|
|
|
|
|
Re: مربع كاي (Re: كمال الشادي)
|
Quote:
مربع كاي [ 1 2 3 4 5 6 7 8 ] 709 3156 الرشيد بابكر 08-01-10, 07:56 ص
بواسطة كمال الشادي
الزقازيق ..(شحتفة الروح ..ووطن الأغنيات التى لا تنتهى ) 54 458 جمال فارح 08-01-10, 07:50 ص
بواسطة كمال الشادي
صور نادي الشرطة [ 1 2 ] 107 470 زهير الزناتي 08-01-10, 07:47 ص
بواسطة كمال الشادي
حكايا شرقاوية ........ أو نجوع الملح [ 1 2 ] 109 734 أبوبكر حامد الأمين 08-01-10, 07:44 ص
بواسطة كمال الشادي
ولمن فاتهم الاستماع ..... [ 1 2 ] 153 757 محمد صديق 08-01-10, 07:39 ص
بواسطة كمال الشادي
علاقات متفردة 50 359 مشاعر بدوي 08-01-10, 07:31 ص
بواسطة كمال الشادي
شخصيات وعائلات زقازيقة ،،،،،،،، من الزمن الجميل،،،(توجد صور) 91 692 مني يونس 08-01-10, 05:27 ص
بواسطة كمال الشادي
شركة الزقازيق القابضة 66 504 كمال الشادي 07-01-10, 10:24 م
بواسطة كمال الشادي
زمن الزمن زين والشعر مغطي الاضنين(توجد صور) 39 437 عرفة محمد سعيد 07-01-10, 10:22 م
بواسطة كمال الشادي
|
زهير حاولت اعمل زيك
لو ما ظبتت اللوم عليك لانك ما علمتني اعملها كيف
فهمتها ؟؟
| |
|
|
|
|
|
|
|
|
|
Re: مربع كاي (Re: كمال الشادي)
|
جمعة مباركة
و تحية طيبة لكل الذين عبرت خيولهم من هنا...شكر و ود لفافي على التهنئة الرقيقة الجميلة...
تحية لقدورة الذي سهر وحيدا...
التحية لمحمد عيد الذي باعني سرا لأي سي ميلان و ضيع علي برشلونة الأسباني....
التحية لأبو الزوز الذي مر علينا متباهيا بكثافة زياراته ولم يبقى طويلا...
التحية للكوتش الذي غاب يوم كان السمر بيننا و يطالبنا بالسهر عنده...يا كوتش ما بنمشي لي ناس ما بيجونا...
التحية للشادي الجميل و نشكره على مواظبتة على زيارتنا....
حاولت مساعدة نجاة حوفي مساء البارحة و المذاكرة مع العيال...لذلك تجاهلنا الكمبيوتر تماما و قضيت اليوم مع مذاكرا لمهند...و قد سألني مهند أكثر من ما سألته...سألني عن كل شئ تقريبا و سألتة عن المادة التي سيمتحنها بعد غد...أجاب على كل أسئلتي و لم أستطع على كل أسئلتة...
جمعة مباركة....
| |
|
|
|
|
|
|
|
|
|
Re: مربع كاي (Re: الرشيد بابكر)
|
الرشيد الحبيب
جمعة مباركة
التحية موصولة ليك وللاخت العزيزة نجاة والاولاد
عليك الله عدى ولو فسراع فسراع على اللنك الفوق ده
حا يعجبك جدا
شادي
| |
|
|
|
|
|
|
|
|
|
Re: مربع كاي (Re: كمال الشادي)
|
سلامات يا ناس
Quote: التحية للكوتش الذي غاب يوم كان السمر بيننا و يطالبنا بالسهر عنده...يا كوتش ما بنمشي لي ناس ما بيجونا...
التحية للشادي الجميل و نشكره على مواظبتة على زيارتنا....
|
حبيبنا الرشيد...سلام
غبت غصب عنى ولحدى الليلة الجهاز ما اتصلح
وامس وصلت من السفر...ورغم الارهاق والغيبة
من ناس البيت الطويلة وهم متلمين حولى ...اخدت
زوغة ودخلت عندك وكم بوست تانى ...
وهسة قبل ما اكتب عندى بى هناك ...بديت بيك انت
لانك غالى علينا ...يجوا المرجفين فى المدينة يقولوا
محلبية وبرودة.
لك الود
| |
|
|
|
|
|
|
|
|
|
Re: مربع كاي (Re: محمد صديق)
|
هييييي يا جماعة ....
الكوتش بي جاي ونحن بي هناك قاعدين في حوشو ؟؟؟؟؟؟؟؟
مساء الخير عليكم وصح النوم ...
| |
|
|
|
|
|
|
|
|
|
Re: مربع كاي (Re: محمد صديق)
|
سلامات يا ناس
Quote:
سلامات يا ناس
الرشيد
قدورة
عيد
وبكرى حامد
والمصهينين....
عدت بحمد الله اليوم الى الخرطوم....والى حين سفر آخر
صور تركيا جميلة ومعبرة ...ادام الله المحبة بينكم وكل
الناس..
تاوقت للبوست حقى لقيتو زى ماهو ...من سهرتكم ديك ولا فى
زول هببو...وانا بدعو فيه الى حصر المبدعين....وده عمل
كبير ...وميسرة ومحمد عيد اول ناس بدت منهم الفكرة دى ..
فى ناس بتخش منبرنا وتمر على كل البوستات ..ولمن تجى جنب
ولمن فاتهم الاستماع ...تاخد ليها نطة منو وتخش فى البعدو
الناس دى ما عايزة ترجع ورا ولا شنو؟؟؟
هل انا لما اقول ادونا اسماء مبدعين من الزقازيق...بطلب حاجة
الناس ما عندها بيها اهتمام ...
فى احيان كتيرة بفكر انى اقيف لحدى هنا ..لكن برجع اقول فى ناس
عندها اهتمام ..واضغط على حاجات كتيرة وابدأ تانى ...
كتبت الكلام ده عندك يا الرشيد لانى لو كتبتو عندى حيقروه اربعة بس.
لكم الود
|
| |
|
|
|
|
|
|
|
|
|
Re: مربع كاي (Re: محمد صديق)
|
Quote: وهسة قبل ما اكتب عندى بى هناك ...بديت بيك انت
لانك غالى علينا ...يجوا المرجفين فى المدينة يقولوا
محلبية وبرودة.
|
يا كوتش يل حبيب...عرفت من منصور أنكم كنتم بصحبتة كل اليوم فحسدته على ذلك فصحبتكم
لا توازيها صحبة...يا بخت منصور...عرفت منه انه حاول الاتصال بي عدة مرات و مرة ردت عليه نجاة و أنتم بصحبتة...لقد فاتني الكثير و ان كنت قد نجوت من مكاواة منصور و هو يقول لي الرشيد محمد صديق على يميني و زهير على يساري و محمد المرتضى وسطهم...
يا كوتش نكن لك كل الود و الاعزاز و ان أرجف المرجفون....
| |
|
|
|
|
|
|
|
|
|
Re: مربع كاي (Re: محمد صديق)
|
يااااارش يا حبيب ...
الله يوفق العيال ويجعلهم من الناجحين يارب ..
لكن الفيك إتعرفت يا بطل ..!!!!!!!!!!
بكرة بتمشي الخلا وتعمل لينا فيها أبو السهر وتقعد تبكي لينا
وتحنسنا عشان نساهر معاك .....
حكم .......
| |
|
|
|
|
|
|
|
|
|
Re: مربع كاي (Re: عبد القادر بابكر)
|
Quote: بكرة بتمشي الخلا وتعمل لينا فيها أبو السهر وتقعد تبكي لينا
وتحنسنا عشان نساهر معاك .....
|
قدورة...وحاتك مذاكرة شديدة حرمتنا من التداخل معكم...و بكرة ماشي و جاي راجع ان شاء الله في نفس اليوم...و بعد غد في دبي لأعود يوم الاثنين مرة أخرى الى منفاي...لنرجع للبكاء مرة تانية...
حأرسل ليك صورة بالقرب من برج دبي ...
| |
|
|
|
|
|
|
|
|
|
Re: مربع كاي (Re: كمال الشادي)
|
مساكم الله بالخير
رغم السواقة رايح جاي اليوم الا انني رغم تعبي لم أستطيع الغياب عن البوست لهذا و قررت المرور لالقاء التحية عليكم من هنا...
بعد ان فرغنا أنا و مهند من مراجعة مادة العلوم science...تحدثنا قليلا عن الsuper power و أسئلة في عمره عن القوة العظمى عن رب العزة سبحانه و تعالى...أسئلة لم أستطع الخروج منها الا بصعوبة شديدة لأن الأطفال في مثل عمر مهند يريدون أمثلة على القوى العظمى...هل هي ليزر أم أكثر من ذلك...
ثم دخلنا في الأحلام bad dreams& Happy dreams ...و هل للأحلام السيئة علاقة بالاكثار من الطعام ثم سألني ان كانت لدي أحلام سيئة فأجبت بنعم فطلب مني أن أحكي له فقلت اني لا أذكر حلما سيئا و لكني أذكر آخر جيدا فطلب مني حكايتة فألفت واحدا...و خشيت أن يمتد السمر أكثر من ذلك فتزداد الأسئلة تعقيدا ولكني استقليت مسألة الأحلام هذه فطلبت منه أن يذهب لتناول العشاء حتى لا يتأخر...
شفت يا قدورة سبب البكاء لما الواحد يكون لوحده...هنا تفتش لي البسكت الجماعة ديل و هناك مافي زول يقول ليك بغم....
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: شفت يا قدورة سبب البكاء لما الواحد يكون لوحده... |
يارشا انت لسه تبكي 00 يا ابوي قش دميعاتك وتعال نور المربع دا 000
قدورة ليك وحشة كبيرة 00
وازيكم يا ناس كاي
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
حياكم حياكم يا غاليين.. الرائعات والرائعون كلكم واشبالكم..
للاسف الفترة الفاتت وللان لا متابعة ولا مستمتعة.. دوام طويل وامتحانات نص السنةوبس اسالونى على المواد كلها حفظتها..
حبيت استرق 5 دقائق من زمن المكتب عسى الله ان يسامحنا عليها لاشكركم كلكم على تهنئتنا بمناسبة عيد زواجنا..
تحية خاصة لقدورة على الابداع وجد الصورة تحفة وحا نعمل ليها فريم ونعلقها فى البيت.. تحية لزناتى وسندى الابنوسى لقد انتشلتمونى من وسط الاكتب وحلقتوا بى بعيدا لافرح انتشى .. ارقص واغنى واقول لنفسى هكذا هم الرفاق الاخوان السند يفرحوا بى ولى..
مرت علاقتنا انا والرشيد بكثير من المنعطفات والاشواك والحمد لله كنا نزداد تمسكا ببعض..الرشيد متوكل دايما على الله متفائل وطموح دايما يسعى لتطوير نفسه..
زوج غير تقليدى ..
رشيد القوم زوج رائع.. شخص متفرد يتصف بكل الصفات التى تتمناها كل زوجة وحبيبة واخت وصديقة..
ما عايزة اظلمه بكلمتين ثلاثة.. لو جبت نهر النيل كلها مداد اكتب بيه عن ابو امنية ما حا تكفينى..
التحية ليكم كلكم مجددا وكل سنة وكلكم طيبين..وادعوا لينا الله يخليه رشيد القوم ويحفظه ويديه ويرضيه ويغنيه ويخلى ليه والديه وامنية وهنودى.
موعودون قريبا(بعد تخلص الامتحانات) ببرية لما تقولوا وبعدين معاها الربياة تانى رجعت
ودمتم سالمينز
| |
|
|
|
|
|
|
|
|
|
Re: مربع كاي (Re: نجاة حوفي)
|
شوف يا الرشيد
بتنا دى ابقي عليها عشرة
على الطلاق انحنا اديناك مراة
تسد عين الشمش
اديناك مراة توزن السودان كلو
أديناك مراة حنينة ورقيقة وكريمة وبنت اصل كريم
أديناك مراة براييية
انشاء الله ما مقصرة معاك في دي
وكل سنة طيبون طيبون
كده كيف يا الشادى
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
كنت عايز أعمل ون تو مع ام أمنية لكن خفت على مشاعركم...و حأكتفي بالشكر لأم عيالي و أقول ليها يديك الصحة و العافية و حقيقة مداخلتك كانت مفاجأة لي لم أتوقعها...
ديدو...حاضرين و بتكم(رغم انها سلبطة ساكت) دي فوق رأسي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الاخت العزيزة نجاة
حللتم اهلا ونزلتم سهلا
ابقي داخلا
وحبابك
الاخ العزيز عبد الدائم
اشكرك على الون تو في موضوع الرشيد ونجاة
رائعة خليك دائما كده
بس المشكلة إنو نجاة حوفي دخلت
لا شافتني ولا شافتك
عينها على الرشيد وشبكتنا ليك
Quote: رشيد القوم زوج رائع.. شخص متفرد يتصف بكل الصفات التى تتمناها كل زوجة وحبيبة واخت وصديقة..
ما عايزة اظلمه بكلمتين ثلاثة.. لو جبت نهر النيل كلها مداد اكتب بيه عن ابو امنية ما حا تكفينى.. |
مع إننا قلنا ليها كلام حلو برضو على الرشيد
بس الظاهر زمار الحي لا يطرب والله يا نضيف
نجاة باعتنا
يا حليلنا
| |
|
|
|
|
|
|
|
|
|
Re: مربع كاي (Re: كمال الشادي)
|
يا شادي حقك علينا...و الله ما انت الزول الببيعوهو...
انت عزيز و غالي و دايما في العلالي
صوتك شجانا و عمر ليالي
دواخلك نضيفة بلون اللآلي
قلوبنا بتشيلك و روحنا بتلالي
أعتقد أن نجاة تداخلت هنا و شبح الكفيل يطاردها ولكنها ارادت رغم ذلك أن ترد لي على ما كتبته سابقا...
لك العتبى حتى ترضى يا شادينا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الرشيد ونجاة
كل سنة وأنتم طيبون
تستظلون غمام الود والإلفة
وترون بمحبة زهرات الحب
وترفلون في ثياب من الهناء والسكينة
مصحوبين بدعواتنا أن يحفظكم الله وأبناءكم
وأنتم محاطون بكل من يتنفس عبير أخوتكم الصادقة
ومحبتكم الغالية
فلكم التهاني والتبريكات
| |
|
|
|
|
|
|
|
|
|
Re: مربع كاي (Re: عبد الحفيظ عباس)
|
Quote: كنت عايز أعمل ون تو مع ام أمنية لكن خفت على مشاعركم...و حأكتفي بالشكر لأم عيالي و أقول ليها يديك الصحة و العافية و حقيقة مداخلتك كانت مفاجأة لي لم أتوقعها...
|
... في حب ياخوانا اكتر من كده ...
===================================================
رشيد القوم من تلفونك دااااااك ... الانقطع غصب عني ...
كنت منتظر دوري في مؤسسة ... وجاء الدور مع تلفونك ... وزعلت
عاوز اكمل معاك الونسة ... ولكن انا بنوم الساعة عشرة وانت يادوووووب بتصحي
حاعوضك ليها يوم سبت ...
بس انت واصل ونساتك بالبوست ... بتفرحنا وتسلينا
وكلو حلو وجميل ...
وسلاااااااام يا ام مهند ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
Quote: رشيد القوم زوج رائع.. شخص متفرد يتصف بكل الصفات التى تتمناها كل زوجة وحبيبة واخت وصديقة..
ما عايزة اظلمه بكلمتين ثلاثة.. لو جبت نهر النيل كلها مداد اكتب بيه عن ابو امنية ما حا تكفينى..
|
مشاعر صادقة ونبيلة ربنا يحفظكم ويخليكم لبعض ويخلي ليكم وليداتكم
أجمل ما قرأت مؤخراً
....
الرشيد عشان تعرف انو متابع ومستمتع
ادعو لينا بس
| |
|
|
|
|
|
|
|
|
|
Re: مربع كاي (Re: جلال عثمان)
|
Quote: الرشيد ونجاة
كل سنة وأنتم طيبون
تستظلون غمام الود والإلفة
|
عبدالحفيظ...أشكرك من أعماقي يا صديقي...داوم على زيارتنا فان زيارتك تضفي ألقا لهذا البوست...
Quote: رشيد القوم من تلفونك دااااااك ... الانقطع غصب عني ...
كنت منتظر دوري في مؤسسة ... وجاء الدور مع تلفونك ... وزعلت
عاوز اكمل معاك الونسة ... ولكن انا بنوم الساعة عشرة وانت يادوووووب بتصحي
حاعوضك ليها يوم سبت ...
|
نجيلة اللذيذ...في هذا الأسبوع كل أيامي سبت...يعني كلها سفر...يعني بامكانك الاتصال بي في أي وقت...
أنا بنوم العصر فقط و بصحى المعرب....
Quote: الرشيد عشان تعرف انو متابع ومستمتع
ادعو لينا بس |
جلال ...بي زيارتك بيتنا نور...
انت متابع و مستمتع و نحن سعيدين بمتابعتك لينا و اسمتاعك...
ربنا يكفيك شر زنقة الكفيل و المكفول...
| |
|
|
|
|
|
|
|
|
|
Re: مربع كاي (Re: محمد عيد)
|
يا حمادة شنو حكاية الدعوات دي انت و جلال...ربنا يخفف زنقتك و يجيبك لينا راجع قريب...
ما عايز ليك حجاب؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
على وزن الدعاية بتاعت تلفون زين...البتقول علي الله بياع خضار في باب الله...
نقول...
الرشيد بابكر فكي مربع كاي في باب الذكر
ساف الناس انقطعت من البوست بداعي الشغل الفقر
قال أحسن يجيب ليهو تلفون زين يتواصل بيهو مع الأصحاب يمكن يلقى الشكر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
بعد أن اتواصلنا مع الحبان...لقيناهم كلهم مجقلبين و ما أظن في زول فيهم حيجي قريب و شكلي كده الليلة حأخلي ليكم الباب فاتح و أمشي ارقد...أصلي الليلة من قومت خمسة صباحا ولحدي حسه ما غمضت عيوني الصغار ديل....و قاعد عين مع الكور البايخة دي و عين مع الكمبيوتر و عيني الى الكمبيوتر أقرب...و ده ما بكاء يا قدورة دي محن ساكت...
بكرة كمان عندي سفرة صغيرونة كده زي مدني كده و جاي راجع تاني و قلت أحسن أمشي أتلم بدري شوية كان عيوني الأدمنت السهر ديل طاوعوني و كان ما طاوعوني بجيكم تاني أشوف الحاصل شنو....
فتكم بعافية
| |
|
|
|
|
|
|
|
|
|
Re: مربع كاي (Re: الرشيد بابكر)
|
جلست سكينة على (بمبر) حديدي مجلد بالبلاستيك..يديها ملطختان بالدقيق و تحيط بها أوعية كثيرة و فرن كبير مغطى بالفحم ...العرق يقطر منها فتمسحة بثوبها الذي وضعته على ركبتيها ...هنالك أيضا آلة يدار مقبض في مقدمتها فيخرج منها العجين ليقطع بالحجم المراد ثم توضع القطع المتساوية في صواني رصت بالقرب منها..سكينة مشغولة جدا بصناعة البسكويت و الغريبة ...ستتم خطبة ابنتها الكبرى فاطمة مساء اليوم....فجأة صرخت سكينة ووب علي وووب علي...فهرعت اليها ابنتها الصغرى جميلة....
مالك يا أمي في شنو...
الليلة ما نسيت أعزم خالتك السرة...الليلة بتشيل حسي في الحلة...
أجري يا جميلة يا بتي كلميها...قولي ليها أمي قالت ليك تعالي بعدين خطوبة فاطمة...
وضعت جميلة المجلة المصورة التي كانت بيده ووضعت طرحة على رأسها و خرجت لتقوم بما أمرته به أمها...و أثناء خروج جميلة حضرن عدد من نساء الحي لمساعدة سكينة في صناعة الخبيز فتسارعت الوتيرة و املأت الصواني و أفرغت حتى تم اعداد الخبيز كاملا و أصبحت سكينة جاهزة لاستقبال ضوفها..كذلك تم احضار المشروبات الغازية و العصائر و الفواكه المتنوعة...
في المساء تم اعداد الطاولات في كل من حوش النساء و الرجال و فرشت بالأغطية الحمراء و وزعت بها حاملات الحلويات و الخبيز و زجاجات المشروب ...تم تعليق الاضاءة الملونة و بعض الزينة فأصبح المكان جازا لاستقبال الضيوف...
توافد الضيوف مجموعات و أفرادا ...كانت والد فاطمة في استقبال ضيوفة من الرجال بينما وقفت سكينة و جاراتها لاستقبال النساء...كانت السرة من بين المستقبلين تنتزع الضحكات بتعليقاتها الساخرة كعادتها...كانت المسافة قريبة بين مدخل النساء و مدخل الرجال حيث يتسنى للجميع رؤية القادمين من النساء و الرجال...
توقفت سيارة و نزل منها رجل في كامل زينتة و معة ثلاثة من الشباب..كان الرجل يرتدي جلبابا أبيض و عباية سوداء ...كان هذا والد العريس...
كانت السرة تبحث عن العريس في ذلك الوقت...فأشاروا لها بأنه ذلك الشاب الطويل الذي كان يستقل السيارة مع والده...أي واحد فيهم فكلهم طوال القامة..هكذا تساءلت السرة...أظنه اللابس القميص اللبني ده..اجابت احدى النساء الواقفات بجوارها...هنا صرخت السرة وووب علي ...وووب علي...في شنو يا السره...
بري بري ما بقول ليكم....
عليك الله في شنو...
تعالي لي بره أمرقاك من هنا عشان أقول ليك...
خرجت السرة و جارتها و أبتعدتا عن الجمع و همست السرة لها...
ده ما الولد الكان كشفوهو معرس عاشة بت الناير عرفي...و بعد داك أهلها أجبروه فعقد عليها رسمي...
انتي متأكدة يا السرة ده ياهو الولد زاتو...
أيوه ياهو ما بيغباني...
و بعدين يا السرة..لازم نكلم سكينة و نوريها حقيقة العريس ده...
بري..أنا غايتو ما بكلمه..انتي كان عايزة تكلميها كلميها...
لكن يا السرة أنا ما بعرف الولد...أقول لي سكينة شنو يعني..لازم انتي تكلميها...
بعد نقاش طويل اقتنعت السرة تكلم سكينة و قررت هي و جارتها الانتظار حتى انفضاض الجمع ليذهبوا سويا و يخبروا سكينة بالحقيقة...
بعد أن تمت مراسم الخطوبة و تفرق المدعوين جلست سكينة و زوجها و أبناءهم و هم في غاية التعب و السعادة...ذهب كل الجيران ماعدا السرة و جارتها و بديتا في غاية القلق لما هما مقدمتان عليه...
خلاس يا السرة أمشوا بعد ده أرتاحو...
لا والله يا بت أمي أنا عندي موضوع معاك و ما عارفة أقولو ليك كيف....
اعتدلت سكينة في قعدتها وقالت...موضوع شنو ياختي...
أراد والد فاطمة القيام فطلبت منه السرة البقاء لأن الموضوع يهمه هو أيضا...
تكلمت السرة بصعوبة ...الولد العريس ده الاتقدم لي فاطنة...أظنو ده الولد العرس بت عاشة بت الناير عرفي...
سجمي سجمي سجمي...وا فضيحتك يا سكينة ...أخذت سكينة تصرخ و تضرب بكلتا يديها على رأسها ...و أخذ والد فاطمة يردد لا حولة و لا قوة الا بالله...حسبي الله و نعم الوكيل....ثم قام دون مقدمات و لف عمامتة حول رأسة و خرج الى عربتة و انطلق بها رغم محاولات السرة اثنائة عن ذلك...كدي أصبر يا يابا..الصباح رباح...كان والد فاطمة غاضبا جدا...دي حاجة بتستنا للصباح يا ولية..هو قايل بنات الناس لعبة...أنا لازم أوريهو مقامه كويس...و انطلق باقصى سرعة...
جلست سكينة و هي تضع كلتا كفيها على خديها بينما جلست السرة و هي في حالة بين القلق و الاستياء لحالة الربكة التي خلقتها في هذا البيت الذي كان سعيدا منذ لحظات...و أخذت تلوم في جارتها...ما قلت ليك مافي داعي...أها شوفي جنس البقينا فيهو ده..أحست جارتها بحرج الموقف فلم تنطق بكلمة واحدة...
بعد عدة ساعات دخل والد فاطمة و معه شاب طويل القامة تقدم للسلام من سكينة فلم تمد يدها اليه و أدارت منه وجهها...طلب منها والد فاطمة أن تسلم عليه حتى يقوم بشرح الموقف...
سالت السرة..ده منو يا يا يابا...
أجاب والد فاطمة...ده ما عرفتيهو يا السرة..
بري..ما عرفتو...
ده خطيب فاطنة يا السرة كيف ما بتعرفيهو...ما قلتي عرس بت عاشة بت الناير...و عرفي كمان...
أجيييييييييي...و الطويل الكان لابس قميص لبني ده يطلع منو...
د حسن ود جيرانا يا خاله...جاء مع أبوي للخطوبة ...
وووب علي ...وووب علي
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
القصة جميلة ..ومشوقة وذكرتنى حاتم جبارة
ما دايرين نتكلم عن السمكرة وكده..لانو كل
زول باسلوبو وطريقتو ...
حأجيك لبعض الملاحظات....[ بى رواقة ]
| |
|
|
|
|
|
|
|
|
|
Re: مربع كاي (Re: محمد صديق)
|
Quote: سلامات يا ناس
القصة جميلة ..ومشوقة وذكرتنى حاتم جبارة
ما دايرين نتكلم عن السمكرة وكده..لانو كل
زول باسلوبو وطريقتو ...
حأجيك لبعض الملاحظات....[ بى رواقة ] |
حمد الله على السلامة يا كوتش...
شكرا يا كوتش على الكلمات الطيبة...
في انتظار ملاحظاتك
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدي القصة لذيذة وفيها متابعة لما يدور من قضايا اجتماعية مستحدثة في أرض الوطن ، أجمل حاجة أناكنت مفتكر العريس يكون برضو متزوج عرفي من البت الخطبها ، الحمد لله طلع ود جيرانهم . بس العرفي ده زمنا كان وين ... عشان الواحد يكون بقي هسه أبو الأعراف ... مع العرس الملح ده لا شيلة لا مازون ..
وكان إرتاح من أنبوبة الغاز ذاتو .... ياخي تعرف أبيخ حاجة في الدنيا دي تجي البيت يقولوا ليك الغاز كمل .... حليل الفحم .... بس ما قلت لي الوده الخبيز الفرن منو .؟ ده كمان أخير منه الغاز
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: وأنا محتار.. أكون السره والا جارتها..
Well done Rasha |
شكرا يا حاتم ...
أنا والله ما عارف الكوتش ده قاصد شنو....
لكن انت عارف الغتاتة بتاعت صاحبك..ما حيقول ليك العلاقة شنو....
| |
|
|
|
|
|
|
|
|
|
Re: مربع كاي (Re: الرشيد بابكر)
|
يارش ..
مساك عسل ..
السرة لكن ما بالغت !!!
شمشرة وشلاقة ههههههههه ...
يديك العافية
سرد واقعي وجميل والله يكفينا شر الشمشرة
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: بس العرفي ده زمنا كان وين ... عشان الواحد يكون بقي هسه أبو الأعراف ... مع العرس الملح ده لا شيلة لا مازون .. |
انت عارف يا أبو الزوز في نظرية بتقول ان صعوبة العرس و شقاوة العريس في لم القروش و التجهيز للعرس من الأهمية بمكان...فهي تجعل العريس يحافظ على زواجة و زوجتة و يخشى التفريط فيها حتى لا يدخل في مسألة لم القروش و الشلهتة دي تاني...
و العكس صحيح في يسر و سهولة العرس...و لأن الأمر مجرد ورقة بين اتنين...فربما تجد بعض الناس يميلون بعد قليل الى تفسير مثنى و ثلاث و رباع الى أن الواو واو جمع...بمعنى أتها مثنى +ثلاث+رباع فيصل الرقم الى تسعة....كما ذهب الى ذلك بعض المفسرين...
و انت زمنك مالو...لسه زمانك لم يمت و غنايك لم يفت...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: يارش ..
مساك عسل ..
السرة لكن ما بالغت !!!
شمشرة وشلاقة ههههههههه ...
يديك العافية
سرد واقعي وجميل والله يكفينا شر الشمشرة |
قدورة مساك فل و ياسمين..
أشكرك يا جميل على الكلام الجميل....
المرة قصدها خير ما تفهموها غلط...قلبها على صاحبتها...
بس قالوا الشقي يلقى العظم في الفشفاش...
| |
|
|
|
|
|
|
|
|
|
Re: مربع كاي (Re: الرشيد بابكر)
|
عمر الزهور
عمر الغرام
عمر المنى
اتمنى يوم تجمعنا جنات حبنا
تبقي الاميرة والبطيع قلبي انا
ما تقولي لي مالي ومال الحب انا
نار الهوى الوقادة والشوق والضنى ...
طبعا مع المقدمة حتفتكرو اني عايز أتكلم عن الحب و الغرام و الحاجات...لكن حأخذلكم و أقول ليكم لا و الله يا جماعة الموضوع ما عندو علاقة بالحب الفي بالكم الموضوع غير و مختلف...
حسة لو لاحظتو في الأغنية دي في كم نوع بتاع عمر...عمر الزهور...عمر الغرام...عمر المنى....
عمركم سمعتو بي عمر القزاز (الزجاج)...
خلوني أشرح ليكم المناسبة شنو...
اليوم كنت راكب عربيتي من موقع مشروع الى موقع آخر..
قلت المشوار ده محتاج لي رفقة حسنة..
قمت ضربت لي منصور تلفون...
لي كم يوم كده بضرب ليهو ما بيرد علي..
رغم مشغوليات منصور رد على تلفوني كالعادة...
قلت منصور ده شكله مشغول يعني يا دوب كده يوصلني لي مشواري...
منصور اتكلم معاي شوية...و بعد شوية قعد يتكلم مع واحد بالانجليزي..
أنا لو كنت زينب التجاني كنت قلت ده شو من منصور..
لكن أنا ما زينب التجاني..
المم منصور قال انه بيقرأ في ما فاته من مربع كاي...
قال الكلام عجبو و سر باله...
و من الحاجات الأثرت فيهو شديد قصة بدلة العرس الرسلوها لي هو و محمد عيد..
منصور قال لي عيوني اغرورقت عيناه بالدموع...
ما بكيت لكن اغرورقت عيوني بالدموع...
قال لي و الله الواحد بقى جلدو قزاز ...
الجوانا كلو مكشوف..
شفافية شديدة...ليها علاقة بالسن دي...
عمر الزهور
عمر الغرام
و عمر القزاز....
عمر الشفافية...
زمان و أنا صغير كنت أستغرب لشفافية الناس الكبار..
تقريبا مافي أسرار بينهم..كل شئ على المكشوف...
فعلا عمر القزاز...عمر الشفافية...
| |
|
|
|
|
|
|
|
|
|
Re: مربع كاي (Re: محمد عيد)
|
| Quote: ما شايفين البروفايل بتاعى بقى فى بلووورة ؟؟! |
و الله يا حمادة أنا كنت قايل البلورة دي ليها علاقة بالتنجيم....
لكن سكت ساكت لحدي ما انت شرحت لينا حسة...
ربنا يكفيك شر الجروح يا حمادة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشيد ...
هل يمكن ان تكون هذه الشفافية العمرية قد انعكست على الحالة المزاجية والنفسية للواحد ؟؟
الاحظ اننى منذ فترة اصبحت لا اطيق ان ارتدى ملابسا غامقة اللون واميل غالبا لارتداء الألوان
الفاتحة ..! حتى عدسات النضارة اصبحت استبدل الملونة منها بالعدسات الشفافة ..!
وينطلى ذلك ايضا على التذوف السماعى ..
لماذا اصبحنا لا نطيق الاستماع للموسيقى الصاخبة او الايقاعات السريعة ؟؟ ونميل دائما لالتهام
الاغانى القديمة ونذوب عشقا فى الحان الحقيبة ؟؟!!
يا زول انحنا كبرنا خلى بالك ..!!
| |
|
|
|
|
|
|
|
|
|
Re: مربع كاي (Re: محمد عيد)
|
يا حمادة كبرت براك...
هكذا ترد علي نجاة حوفي دائما...كبرت براك...
حمادة لا شك ان المراحل العمرية, أو المستويات التعليمية, أو التجارب الحياتية كلها أمور تؤثر في التحولات التي تحدث لنا في الذوق و السلوك و غيرها...فأنا مثلا عندما تشتري لي نجاة قمصان فغالبا ما تكون على ذوقها و لأن نجاة تحب اللون المائل الى البنفسجي...لذلك وجدت أن معظم القمصان التي أهدتها لي نجاة تميل الى اللون البنفسجي أو فيها بعض منه...فكنت أقول لها يا نجاة أنا خلاص كبرت على الألوان دي فتقوم تقول لي انت و الله مكبر نفسك براك...
لكن بيني و بينك مرات الواحد بحاول يرجع شبابه و يوقم يلبس ليك التي شيرتات العجيبة ديك و النضارات السوداء و غيرها ولكن ما أن تلبسها حتى تشعر بانك في جلدا ما جلدك...
المشكلة اني لاحظت يا حمادة ان ولدي مهند ابتدأ يقلدني في كل حاجة و خايف الولد ده يكبر قبال يومو بي محاكاتو لي دي...ألبس جلابية يصر يلبس جلابية ألبس بنطلون يقول الا يلبس بنطلون...ألبس جينز يلبس معاي جينز...بني و بينك تاني حأتعلل بمحاكاة مهند لي دي و أقوم أتحنكش شوية عشان الولد ده ما تجيهو نفسيات...
حمادة كبرت براك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: القزاز الكبار فيهو العسل. |
يا كوتش والله ياخ انت العسل
لكنك بقيت أعز من لبن الطير ..!! عزيز وغالى وغاااايب
رشيد ...
مرة ام مصطفى اصرت على البس قميص لونه بيقولوا عليهو سيمون
يعنى حاجة كده بين البج والبرتقالى والمشمشى ..
واحد لبنانى صاحبى شافنى لابسه قال لى ..
مهضوووومة كتير البلوزة تبعتك دى ..!!!
ومن ديك ويا رمادى ورصاصى وبيج جاااك بلا ..!!
| |
|
|
|
|
|
|
|
|
|
Re: مربع كاي (Re: محمد عيد)
|
Quote: مرة ام مصطفى اصرت على البس قميص لونه بيقولوا عليهو سيمون
يعنى حاجة كده بين البج والبرتقالى والمشمشى ..
واحد لبنانى صاحبى شافنى لابسه قال لى ..
مهضوووومة كتير البلوزة تبعتك دى ..!!!
|
قلت لي سيمون...و الله لو ما شرحتو لي كان الا أضرب لي نجاة حوفي بالليل ده أسألها منو...
لكن و الله يا حمادة ناس مهضومي ديل استفدنا منهم كتير في الارتقاء بذوقنا و بقينا نعرف حاجات ما كنا بنعرفها...
ناس لذيذين...بس الله يستر زهير ما يكون متابع و يجي يقول لينا الحنكشة بتاعت المغتربين دي خلوها...اخشوشنو شوية...
زهير بتعرف اللون السيمون؟؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: زهير بتعرف اللون السيمون؟؟؟؟ |
لو صاحى حيقول ليك .. سيمون دى بوفوار ..!!!
**
انت عارف من قبيل انا متخيلوا يجينا داخل ويبرطم
يا رجال ما تشدوا حيلكم شوية .. قزاز شنو وشفافية شنو وسيمون شنو ؟؟
عيبوا لى لون زينب ده ..!!
| |
|
|
|
|
|
|
|
|
|
Re: مربع كاي (Re: محمد عيد)
|
| Quote: عيبوا لى لون زينب ده ..!! |
القطيعة في زهير الزناتي حلال...
زهير بعرف لونين بس...لون زينب و اللبني...
عندنا واحد صاحبنا هنا متزوج من واحدة أصغر منو بي كتير...
الزول ده رغم أنه صغير من دورنا لكن شعر راسه كلو أبيض...
زوجته بتصر تصبغ ليهو شعرو كل مرة...
في مرة اشترت ليها صبغة ما متأكدة من اللون بتاعها...
فقامت بالليل صبغت ليهو شعره...و نام علي كدة...
الصباح و خصوصا في الشتاء ده بناخد لينا وقفة في الشمس كده نشرب القهوة و ندخل المكاتب..
مع شمس الصباح ديك نلاحظ ليك لون شعر صاحبنا أزرق...
من اليوم داك سميناهو أزرق طيبة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: من اليوم داك سميناهو أزرق طيبة... |
على كده مفروض من بكرة نسمى منصور ابيض ضميرك ..!!
وجلا .. ود عرديب .. !!!
اما جمال السنوسى ... فهو زرقاء الصحافة ..1
| |
|
|
|
|
|
|
|
|
|
Re: مربع كاي (Re: محمد عيد)
|
Quote: على كده مفروض من بكرة نسمى منصور ابيض ضميرك ..!!
وجلا .. ود عرديب .. !!!
اما جمال السنوسى ... فهو زرقاء الصحافة ..1 |
طيب جمال مصطفى يطلع شنو...
أصلع أم درمان...
أنت عارف يا محمد عيد أنا لما كنت شاب يعني في عمر التاشرات...كنت خايف لما أكبر
تجيني صلعة...رغم ان أبوي و لا حتى خيلاني ما عندهم صلعة...فكنت مرات أتخيل ليك نفسي
و أنا عندي صلعة...أقيف قدام المرايا و أغطي ليك شعري بي يديني الاتنين و أشوف المنظر
حيكون كيف...بيني و بينك كان حيكون بشع جدا...
في ناس الصلعة لايقة معاهم خصوصا الأيام دي بقو يتحايلوا عليها بطرق مختلفة...لكن في ناس
لا حولة و لا قوة...
المهم بعد العرس الهاجس ده اختفى تماما...ما عارف هل لأن مسألة الشكل دي بقت ما مهمة بعد
الزواج و لا شنو ماعارف...حسة نجاة بتكون متمنية لي الصلعة دي...و أضعف الايمان الشيب...
و أنا و الحمد لله لا هذا و لا ذاك....بس الدقن بقت بيضاء و أنا وحاتك ما داسيها دقني كبيرة
و كبيرة دي بمقاييس الحناكيش...ما كمان تمشي تقيس لي بمقاييس تانية...زي ما الله خلقها و كل
يوم تزداد بياض ...أما الشعر ففيهو شوية هنا و هناك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: على كده مفروض من بكرة نسمى منصور ابيض ضميرك ..!!
وجلا .. ود عرديب .. !!! |
خليك شاهد يا الرشيد
أنا ما جبت سيرة الزول دا كلو كلو
و بعدين ملاحظ التفرز دا
جايب ناس أبيض ضميرك
وحليب كاني
نحن ديل ما دواء عقرب بس...
| Quote: بس الدقن بقت بيضاء |
بعدين إنت ود متين...صغير و جاهل
بعدين الشيب الفي دقنك دي ما جا نتيجة كبر
الشيب ختا الدرب بس
و بعدين الريحة برضو بتعمل كدا
لكن النسألك
إنت مش أكبر من أمنية بي كم سنة كدا؟؟؟
يعني كلها خمسة سنين و كان بالغت بتكون عشرة سنين
يا نجاااااااااااااااااااة ألحقينااااااااااااااااااااااااااااا
| |
|
|
|
|
|
|
|
|
|
Re: مربع كاي (Re: محمد آدم النور)
|
من زمان كنت عايز لي فرصة أنداح هنا ..
لكن يشهد الله ما منع إندياحتي إلا الشديد الأقوى ..
و مع ذلك كنت كلما أجد فرصة أتاوق و أستمتع و أقول خليني المرة الجاية أدخل توش و أعمل أندياحات ..
و أجي المرة الجاية الاقي نفسي متابع و مستمتع ..
المرة دي جيت متأخر لقيت الناس باركوا ليك و نجاة حوفي .ز
قلت و الله الليلة ما أمرق إلا كان ابارك ليكم خاصة و أنا أصلي ما باركت ليكم العرس من أول ..
أهة يا الرشيد و نجاة حوفي ألف مبروك و تتباركوا ما تتشاركوا و تتعلوا ما تتدلوا و ربي يديم عليكم السعادة و الحب و الهناءة و يحفظ ليكم عيالكم و يحفظكم ليهم و يزيدكم خير و بركة وصحة و عافية و يديكم التيمان و الرزق الكيمان و يكتر ليكم الحبان
و سلامي لكل الحبان رواد مربع كاي ..
و إن شاء الله دايماً تامين و لامين ..
| |
|
|
|
|
|
|
|
|
|
Re: مربع كاي (Re: عصام دهب)
|
والله يا الرشيد اللون السيمون ده أول مره أسمع بيهو وبعد ما شرحو محمد ما قدرت أتصورا غايتو يا ناس زراعة الحناكيش عندكم المحن ... المهم فهمت إنه اللون ده فاقع ... المهم متابعين ... ونشوف آخرة الحنكشة دي شنو
| |
|
|
|
|
|
|
|
|
|
Re: مربع كاي (Re: زهير الزناتي)
|
تحية ود وحب ليكم كلكم يا رفاق .. العمر..الجميل النقى.
التحية خاصة جدا جدا للشادى الرقيق والنضيف ابو البنات النضيفات..
تحية واعتزار حتى ترضو ولو دعى الامر اركب ليكم طيارة اصلكم لعندكم..
كلامكم عجبنى وسرى بالى لكن والله ما شفتوا مداخلتى كانت من المكتب ومشغولة من راسى لقدميى والكفيل
من امامى والعدو من خلفى.والامتحانات تحوم حولى .قلت بس ارد على الجميع وارجع اقرا كل المداخلات
يا دوب ما قريت الكلام الا حسه شكر خاص ليكم وانتوا ياكم سندى وسند عيالى وابو امنية الله يخليكم لى يا شادى ونضيف ويخلى ليكم اولادكم..كلكم ما تزعلوا دى تحية خاصة بشادى والنضيف.
ودمتم سالمين
| |
|
|
|
|
|
|
|
|
|
Re: مربع كاي (Re: زهير الزناتي)
|
سلامات يا ناس
بكتب وانا لابس تى شيرت سيمون لانو ام ابوبكر
قالت الكتابة بالسيمون بتكون عندها طعم ..
Quote: لكنك بقيت أعز من لبن الطير ..!! عزيز وغالى وغاااايب
|
سلام يا عيد...السفر الكتير وفيروسات الكمبيوتر والنفسيات..
الناس المابعرفو السيمون ديل حيقولوا محلبية وصقط وما اليه.
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: ودي عشان شايف النظام العام حايم يا الرشيد ... قلنا نجيب ليك هوا ..... |
الكلام ليك يا المنطط عينيك ...
آىىىى انت يا زهير
ولسان حال الرشيد يقول .. رمتنى بداءها وانسلت ..!!
غايتو يا زهير حكايتك مع عجاج ولا كتاحة دى واحد من اتنين ...
1- يا اما انت بتغيظ فينى وداير ترفع ضغطى زياده .
2- يا كمان تكون بهجة الصقت معطلها وبطلت مليص الاضنين ..!!!
غايتو يانى الجارى ليها سلك باكر لمن نشوف لينا حل فى الشبكة دى ..!
| |
|
|
|
|
|
|
|
|
|
Re: مربع كاي (Re: محمد عيد)
|
| Quote: ودي عشان شايف النظام العام حايم يا الرشيد ... قلنا نجيب ليك هوا ..... |
ابو الزوز من محاسن الصدف النظام العام بيستحسن الحاجات دي ...لو عايز تجيب لي الهواء جيب لي شاكيرا ولا بيونسية....
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: يسا جماعة مسئولين من الخير ... وين بكري ود الماذون |
في اتصال تلفوني مع بكري من يومين....وجدته متابع بس مشغول جدا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: بيونسية دى زكرتنى الارامس والسيمون وزهير. |
مالك يا كوتش عايز تضيع الراجل....جبنا ليهو شاكيرا عشان نقرب ليهو الحكاية و يفهم بيونسية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
صباح قرنفلى وسيمونى خاص لابو الزوز الجميل.
سعدنا بسماع صوتك وبهجتك وامنية برت ليكهنودى وغاظتوا لما عايز يبكى انه عمو ابو الزوز عمل لى بوست كتب عنى وقال لى كل سنة وانا طيبةtoday is my day
بيانسية وشاكيرا يعنى ابو الزوز الزقازيقى المثقف ما بعرفها شوفوا انا ما برضى فيه ده دفعتى وصديقى وقلب بهجة..
باقى لى يومين وانتهى من الامتحانات وابدا ليكم برى اساسى
دمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
Quote:
Quote: بيونسية دى زكرتنى الارامس والسيمون وزهير.
مالك يا كوتش عايز تضيع الراجل....جبنا ليهو شاكيرا عشان نقرب ليهو الحكاية و يفهم بيونسية... |
المرجفين .... الإستفزاز ده ما حا أشتغل بيهو ... وبينوسيه دي تشموها قدحة ... خاصة إنها قالت ماشه إجازه ستة شهور ....
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: المرجفين .... الإستفزاز ده ما حا أشتغل بيهو ... وبينوسيه دي تشموها قدحة ... خاصة إنها قالت ماشه إجازه ستة شهور .... |
أبو الزوز كنت قايلك ما حتعرفها...لكن طلعت مثقف و الله... بس أوع تجيبها لينا نحن ناس محافظين..
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: بس أوع تجيبها لينا نحن ناس محافظين.. |
يا نجاة حوفي دي إسمها النفيسة فيها ...
علي طريقة فاتن حمامة الأصلية حاتم جبارة ... يا جماعة والله الزول ده مشتاقين ليهو عديل كده ... ولتعليقاته الجميلة ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
حاتم جبارة ولا الفيديو بتاع بيونيسيه ...
يا جماعة ملاحظين تصفح منبر ناس الزقازيق أبطأ من المنبر العام .... خاصة وإنه المنبر العام فيها كم أكبر من الداتا من بتاعنا ده .... دي ملاحظة لازم ننقلها للأخ بكري أبو بكر ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يوم الخميس بالليل استمتعت أيما استمتاع بالتحدث الى جلا و بنياته الظريفات...و أعتقد ان الظرافة دي جايبنها من بت الشيخ...
اتصل بي جلا مساء الخميس و البنات كنكشوا في الموبايل و ضحكت من جوه قلبي...
ربنا يحفظهم ليك يا جلا ان شاء الله و يجعلهم من الصالحات...و يكبر ليهم أخوهم بسرعة عشان يكسرهم ليك...استمتع بالظرافة دي لحدي ما الزول ده يقوم و يمشي على رجلينه...عينك ما حتشوف الا النور..
جلا لا تحرمنا من التواصل الجميل ده...
شكرا لك..
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: أهة يا الرشيد و نجاة حوفي ألف مبروك و تتباركوا ما تتشاركوا و تتعلوا ما تتدلوا و ربي يديم عليكم السعادة و الحب و الهناءة و يحفظ ليكم عيالكم و يحفظكم ليهم و يزيدكم خير و بركة وصحة و عافية و يديكم التيمان و الرزق الكيمان و يكتر ليكم الحبان
و سلامي لكل الحبان رواد مربع كاي ..
|
و الله يا عصام دهب اليوم العملت فيهو مداخلتك دي نجاة ما أدتني فرصة في الكمبيوتر...و قلت بس تخلص أقوم أرد عليك...لكن وحاتك لحدي ما النوم غلبني نجاة ما أدتني فرصة...حسة جيت بي رواقة أفتح في البوست...قمت قلت ياخي أنا ما نسيت أرد على عصام دهب ده...
يا عصام زيارتك أسعدتنا للحد البعيد حتى ولو جابتك المناسبة برضو سعيدين بيك و نتمنى تجينا ماري علينا طوالي و تقعد في الحوش و تتوهط و تشرب شاي بي لبن مقنن و تدينا حنك حنكين كده و بعدين أمشي قضي أشغالك...
شكرا على المرور الجميل يا عصام..
| |
|
|
|
|
|
|
|
|
|
Re: مربع كاي (Re: الرشيد بابكر)
|
جيت لقيت نجاة حوفي بتبرى بي هناك غتست حجر البوست ده...
عموما دي مداخلة للسؤال عن قدورة....محمد عيد...حاتم جبارة...
أما بكري فلقد اطمأنيت عليه بالتلفون...و قال بجي مالو ما جاء...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
أندهش لعدم اهتمام معظم أخوانا الشوام بكرة القدم مثل اندهاشهم لاهتمامنا الشديد بها...صديقي بلال ما بيحلى ليهو الا يومي السبت و الأحد لدعوتي الى واحدة من برامجه التي لا تعجبني...شيشة عالبحر...مشاوي في النادي...سباحة في الكورنيش و لا النادي و هكذا برامج و معاها عوجة خشم طول الوقت...
دعاني أمبارح فتعللت بالكورة فكرر دعوته اليوم فتعللت بنفس السبب...قال لي يا باشمندس انت الظاهر عليك ما بتحب تطلع معاي...عزمتك أكتر من مرة و كل مرة تجد ليك عذر...في نفسي قلت ليهو ياخي ما بحب أطلع معاك..حل عني خليني في حالي...و لكن قلت ليهو...تعرف يا بلال زي ما انت مستغرب انشغالي الشديد بالكورة أنا كمان مستغرب و بشدة عدم اهتمامك بيها...ياخي نحن السودانيين ديل بنجي بعد البرازيلين طوالي من حيث حبنا لكرة القدم...صحي ما نلعب زيهم...لكن من ناحية حب بنحبها زيهم...قال لي والله غريبين انتو...غريبين نحن...تقولي منو و تقولي شنو..نحن زمان كنا الداية و الانداية و الراكوبة و الواطة...حسه بقينا نحن الكورة والمكسورة و امكن الراكوبة و أكيد الواطة...
نحن لا ناس نادي و لا شيشة و لا بطيخ...نحن قعدة في الحوش و ونسة و بوش...نحن كيف حالك و كيف قيلتو و خباركم...انتو الواحد يجي من الشغل الساعة خمسة..الساعة خمسة الا ربع يكون لبس و طلع تاني..مافي أسرة مافي زوجة مافي أطفال...نحن الأسرة أولا و الأسرة ثانيا و السرة أخيرا....نجي من الشغل نخش في الجلابية و نتوهط نقعد مع الأولاد...عشان كده ملمومين و دايما تامين و حنينينو علاقاتنا الأسرية ميا المية...ود عمك أخوك و ود خالك أخوك...أما أخوك بجي قدامك ياكل قبل ما تاكل و يلبس قبل ما تلبس...
عليك اللهه خليني في كورتي دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: ..نحن زمان كنا الداية و الانداية و الراكوبة و الواطة...حسه بقينا نحن الكورة والمكسورة و امكن الراكوبة و أكيد الواطة...
|
والماسورة.
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساء العسل يارش ..
انت لسه مساهر ؟؟؟
شكرا ياحبيب على تلفونك الجميل وعلي مباركتك للولد جدو
الله يديك العافية دايما سباق ربنا يخلي ليك العيال ..
السهرة انتهت هسه وطبعا وجع راس شديد ..
هاك دي هدية من جدو لعمو الرشيد وكل الحبايب ..
| |
|
|
|
|
|
|
|
|
|
Re: مربع كاي (Re: عبد القادر بابكر)
|
قدورة كل سنة و جدو بألف خير و ان شاء الله يا رب العمر كله...و ربنا يحفظكم جميعا و يطول أعماركم...
أكيد مع الهيصة دي و الجكة من الصباح وجع الراس محمدك...
ان شاء الله دائما محتفلين و مبسوطين يا قدورة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: جمال و نضار و حياء...ان هذا الخطاب سأبروزة و أعلقه في غرفتي ...سأصنع له اطارا مذهبا و أعلقة قلادة في صدري و قلبي...
قالت في صوت هادئ
أرجو أن توصل هذه الر سالة الى أمل... |
كلنا بدينا بتوصيل الجوابات لاخواتنا ....
بعدين ... بقو اخاتنا يجيبو لينا الجوابات ....
صورة حقيقية في مجتمعنا ....
تسلم ياالرشيد... عشنا معاك الدور من خلال وصفك البديع للموقف ...
سردك دائما واقعي ... ويداعب ذكريات الكل ...
خوفنا ينقلوك ابوظبي ... وينقطع وحي الحكاوي
خليك في وحدتك دي ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
Quote: تسلم ياالرشيد... عشنا معاك الدور من خلال وصفك البديع للموقف ...
سردك دائما واقعي ... ويداعب ذكريات الكل ...
خوفنا ينقلوك ابوظبي ... وينقطع وحي الحكاوي
خليك في وحدتك دي ... |
نجيلة الجميل...شكرا يا صديقي
بيني و بينك أكيد حينقطع لو رجعت أبوظبي مع زحمة العاصمة و الانشغال مع الأولاد...أضعف الايمان حيقل الانتاج و يكون كل سنة حكاية...
عندما كنت في أبوظبي كانت الأفكار أكثر لكثرة الأحداث و المشاهد و الكتابة قليلة أو معدومة...أما الآن فالأفكار أقل لرتابة الحياة هنا ولكن الكتابة متاحة...
أخير لي وليداتي من الحكاوي يا أخوي....
| |
|
|
|
|
|
|
|
|
|
Re: مربع كاي (Re: الرشيد بابكر)
|
صباح الخيرات عليكم ..
نجيلة الحبيب ..
ربنا يديك العافية
ويخلي ليك العيال
نعمل شنو والله مجبورين نحتفل ونستغل
أي سانحة للترفيه عليهم ..
الله يكون في عونهم عايشين في سجن
ومحرومين من الحياة الساهلة والإنطلاقة
العشناها نحن زمان ..
يارش جاييك للقصة برواقة
أمبارح ما قدرت أقراها مع المعمعة دي ..
| |
|
|
|
|
|
|
|
|
|
Re: مربع كاي (Re: عبد القادر بابكر)
|
Quote: يارش جاييك للقصة برواقة
أمبارح ما قدرت أقراها مع المعمعة دي .. |
قدورة تجيك العافية....
انت يا أخوي عجزت بقيت ما بتقدر على الجري....
يا حليل أيام الرنك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: يا حليل أيام الرنك... |
الللللله يارش .. مالك علي من الصباح ده جايب لي الذكرى الحلوة دي ؟؟؟؟؟؟؟
تعرف يارش أيام الرنك كانت من أحلى الأيام العشتها في ربوع السودان
بالجد الرنك مدينة وادعة ورائعة وودودة للحد البعيد
وتمتاز بمجتمع استثنائي وأهلها من أطيب الناس فهم بمجرد معرفتهم لك يفتحون لك قلوبهم وبيوتهم..
استمتعت في الرنك بسحر الطبيعة وجمالها بالرغم من المشقة التي كنا نواجهها أثناء العمل
إلا أنها كانت معاناة من نوع خاص وذات طعم مميز ..
فيها نمت خبراتي العملية وتعاظمت علاقاتي الآجتماعية وخبراتي في الحياة ..
أحمل لهذه المدينة ذكريات من العيار الثقيل..
وأحن إليها في كل لحظة ..
لي في شاطئها أحلى الذكريات فأنا من هواة صيد السمك
وأمارس هذه الهواية بشغف شديد ولي فيها صولات
وأقصى ما وجدته من متعة عند ممارسة هذه الهواية كانت على شواطئ الرنك ..
حتما ستأخذني خطواتي مرة أخرى لهذه المدينة ...
| |
|
|
|
|
|
|
|
|
|
Re: مربع كاي (Re: عبد القادر بابكر)
|
Quote: لي في شاطئها أحلى الذكريات فأنا من هواة صيد السمك
وأمارس هذه الهواية بشغف شديد ولي فيها صولات
وأقصى ما وجدته من متعة عند ممارسة هذه الهواية كانت على شواطئ الرنك ..
|
و الله يا قدورة ظهرت الهوايات و المواهب الجميلة...
انت عارف يا قدورة هواية صيد السمك بتتناسب معاك جدا لأنك زول صبور جدا...تقعد ليك شهور تكتب ليك مجلة بخط يدك دي حاجة محتاجة لي صبر شديد...
كلمنا برواقة كدة عن الرنك و عن تجربتك فيها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تعرف يارش
هواية صيد السمك دي من الهوايات الراقية جدا وفيها علاج لحالات صحية
كثيرة جدا أهمها القلق والتوتر والشد العصبي ودي طبعا لأنو ممارستها تحتاج لتركيز وهدوء شديد
وطبعا الصبر أهم شيء في هذه الهواية وبالتالي تبعدك من هموم الدنيا والقلق
والتوتر وبي كده تقلل ضغط الدم الناتج من التوتر وتخليك عايش في عالم من الصفاء والتأمل ..
ده غير المتعة التي تحس بيها لما ( تأكل مما تصطاد ) ...
عليك بيها والله ..
| |
|
|
|
|
|
|
|
|
|
Re: مربع كاي (Re: عبد القادر بابكر)
|
الرنك وما أدراك ما الرنك ...
إنضمامي لإدارة وقاية النباتات كان بمثابة نقطة التحول الكبيرة في حياتي لما يميز أنشطتها من تنوع وتباين كبير مما يتطلب الكثير من الترحال والتجوال في مختلف مناطق وأقاليم السودان الشيء الذي صادف هوى كبير في نفسي بسبب حبي وعشقي للسفر والترحال .. فلا يكاد يمضي عليك شهر إلا وأنت في حالة سفر في الشهر التالي .. فكانت فرصة طيبة وعظيمة أتاحت لي التعرف على أغلب مناطق السودان فقد وطأت أقدامي كل إتجاهات هذا الوطن الجميل غربا حتى الفاشر ونيالا والجنينة والأبيض وباقي المدن الصغيرة وشرقا حتي حلايب وشلاتين وبورتسودان وسواكن وكسلا وكل مرتفعات البحر الأحمر وشمالا حتى دنقلا وكريمة ومروي والدبة والقرى الصغيرة وجنوبا حتى الرنك وجلهاك مرورا بالدويم والكوة وكوستي والجبلين هذا على النيل الأبيض أما على النيل الأزرق فحتى الرصيرص مرورا بالدمازين وسنجة ومدني وما بينهم من قرى .. وفي كل رحلة من هذه الرحلات كنت أستمتع بجمال الطبيعة قبل جمال المدن وكنت أعبر الأودية والغابات والجبال قبل أن أعبر الطرق والمسافات بين المدن فكانت قمة المتعة وقمة الجمال .. بلدنا يارش فيها من الخيرات الكثير الكثير وفيها من الجمال ما يستعصي على الخيال ويتمنّع على الكلام والحروف ..
تجربتي في الرنك كانت إحدى هبات هذه التجربة الثرة في وقاية النباتات .. فقد نقلت إليها في بداية التسعينات وكان نقلا تعسفيا أرادوا به عقابي وزجري - نتيجة لإحتجاجاتي المتكررة على سوء الإدارة في مكتب الخرطوم - ولم يكونوا يعلموا أنهم قد قدروا لي الخير وأهدوني أحلى التجارب وأمتع الأيام ...
جاييك يا رشا ....
| |
|
|
|
|
|
|
|
|
|
Re: مربع كاي (Re: عبد القادر بابكر)
|
Quote: بلدنا يارش فيها من الخيرات الكثير الكثير وفيها من الجمال ما يستعصي على الخيال ويتمنّع على الكلام والحروف ..
|
و الله يا قدورة كلامك صحيح...لكن أحيانا يخيل لي ان حتى جمال السودان المتمثل في جمال ناسه و جمال طبيعته قد انتهى بسبب المشاكل ...و لا هذا ما نجح الاعلام الغربي في غرسه في نفوسنا بعد غربيتنا الطويلة عن أرض الوطن...
| |
|
|
|
|
|
|
| |
الرشيد بابكر
محمد عيد
عبد القادر بابكر
عفاف علي ميرغني
محمد صديق
زهير الزناتي
كمال الشادي
نجاة حوفي
عبد الدائم سيد أحمد
عبد الحفيظ عباس
ياسر نجيلة
جلال عثمان
محمد آدم النور
Hatim Gubara
عصام دهب
فيس بوك
تويتر
انستقرام
يوتيوب
بنتيريست