|
|
 Re: مربع كاي (Re: محمد صديق)
|
سلامات يا ناس
بالامس كان مقيلها ظلى
وكان خيالها حلمى
وكنت اسيرها...
قد علمتنى كل اشكال الخضوع
بالامس كان شرابها ولعى
وكان غذاؤها حبى
وكنت اميرها
ذاك المتوّج فوق مملكة الولوع
| |
 
|
|
|
|
|
|
|
|
Re: مربع كاي (Re: محمد عيد)
|
| Quote: بالامس كان شرابها ولعى |
انتو قايلننا ما بنفهم فى الشعر ولا فى التوريه
الشاعر هنا بيقصد الشراب المزركش الكان بتلبسو هنايه ديك
وكلمة ولعى ضمير مستتر تقديره هـــو ....
ــــــــــــ
فى الابتدائى كان معانا طالب طويييل وبليد وجنو تربية الجريوات والكلاب
استاذ العربى ادانا بعض الكلمات لادخالها فى جمل مفيدة
مثل : ضرب -- اكل -- تحرك -- غرد
الزول البليد رفع يدو .... استاذ استاذ
قال ليهو ايوا انت يا خــدر عاوز تجاوب
قال ليهو ايوا يا استاذ
غـــرد الكلب
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
سلامات يا ناس
Quote: حين يستجوبني حبك
على كرسي الشكوك
عنوة يطالبني بالمثول
يأخذ مني اعترافاً بجرائم لم
أرتكبها
|
سلام ياحبيبنا عيد...
عارف الزولة دى شديدة شدّة فى الكتابة والجميل انها عندها عمود فى صحيفة
الاهرام اليوم السودانية.
شكرآ على الكلام الطاعم.
| |
|
|
|
|
|
|
|
|
|
Re: مربع كاي (Re: محمد صديق)
|
سلامات يا ناس
Quote: وكلمة ولعى ضمير مستتر تقديره هـــو ....
|
هسه الاستاذ الغِلِطْ وسألك عن الشِعر دا منو؟؟
| |
|
|
|
|
|
|
|
|
|
Re: مربع كاي (Re: محمد صديق)
|
تشابهت علي البوستات ... مداخلات عديدة لمحمد صديق وشعر وأشعار فخلته ولمن فاتهم الاستماع .....
الرشيد ... لديك حتي السبت القادم كمهلة ... وإلا سنتخذ الإجراءات الرسمية ... بنزع الباسويرد والبوست ...
| |
|
|
|
|
|
|
|
|
|
Re: مربع كاي (Re: زهير الزناتي)
|
سلام لكاى ولناس كاى
يا رشو منك طولنا
منوية ربنا يديها العافية وانشاالله ما تشوف شر
يا زهير لقيت ليط الصفحة الرئسية للمنبر كلها محمد صديق قلت كدى اخرب ليهو الرصة
دى متاوقة صباحية ما قبل قندهار
حارجعتانى وبلصور
نانى سولوتيرة عمرى العزيزة
سلام
فشلت فى اتصالى بيك
رشا انشاالله امورو تتسهل
طمنونا
| |
|
|
|
|
|
|
|
|
|
Re: مربع كاي (Re: زينب التجاني)
|
هاي مربع كاي
كل الناس الحلوين
ليكم الف تحية
وآآآآآآآآآآآآآآآآآآآآآسف
انا غلطان وسافي التراب
على الطلاق
البيغيب منكم شقي ومجنون
الرشيد اتصالك وسؤالك عني أسعدني جداً وليك الف شكر
الله يكضب الشينة توب لي حبوبة دي آخر مرة
نقطة وسطر جديد
الزناتي
ود الصديق
النضيف
نجيلة
موسى عيسى
وكل زول رائع سأل منى
انا كويس
وإنتو كلكم أحسن مني والله
سامحونا
والبيختاكم على الطلاق
ما عندو راس
عدييييييييييييييل
| |
|
|
|
|
|
|
|
|
|
Re: مربع كاي (Re: محمد صديق)
|
مساكم الله بالخير
الى محمد صديق الجميل...أبو الزوز الحبيب...بكوري الشفيف...كمال الشادي الصديق...زوبا بت النوبة الشقيقة...محمد عيد ساكن فؤادي...نجيلة المتفرد...لي جلال الحبيب...و منصور أخي الذي لم تلده أمي...أليكم جميعا آخر أعمالي...و هي على طريقتي يا كوتش (في قعده واحده)...و لكن رايكم يهمنا و بدون مجاملات...
جلست وحيدا على المقعد الخشبي بجانب المقهى المزدحم بالمسافرين في محطة القاطرات...وضعت حقيبتي بين رجلي و رأسي بين كفي غير عابئ بمن حولي ...أنظاري متوجهة الى لا شيئ من حيث يأتي القطار و أفكاري مركزة على لا شيئ...تارة أنتبه لحديث بعضهم بالقرب من المقهى و هم يتذمرون من تأخر القطار و أحيانا لصوت امرأة حزينة و هي تجلس بالقرب من رجل يبدو أنه زوجها يحاول أن يرسم على وجهه ملامح الجلد و هو غير قادر على أن يبقي على تلك الملامح كل الوقت...ثم تتلاشى الأصوات رويدا رويدا حتى تختفي أو أشرد بعيدا عنها أفكر في طفلتي التي تركتها و هي تعتصر ثدي أمها بقوة محاولة أن تأخذ منها كل الحنان و الطمأنينة...خيل الي و أنا أودعهم صباح اليوم أنها كانت تمسك أمها بقوة أكبر...كانت توصيني أن لا أطيل البقاء في المدينة البعيدة و أن أحاول أن أنتهي من أعمالي بأسرع ما يمكن...أومأت لها برأسي مطمئنا لها بأنني لن أغيب طويلا...ودعتني و هي تحضن طفلتها فقبلتها في رأسها و قبلت طفلتي بين عينيها ثم أخرى و أنا أهم بالخروج في يدها الصغيرة الناعمة...
اصطدم أحدهم بحقيبتي فانتبهت فبادرني بالاعتذار بسرعة قبل أن يقتحم الازدحام أمام المقهى...زاد الازدحام بالمحطة مع تأخر القطار...لم أعلم من قبل ان الكثيرين من الناس يذهبون الى تلك المدينة...كنت أعتقد أنهم يأتون الى هنا فقط...خشيت أن لا أجد لي مكانا في القطار مع كل هؤلاء الناس...فالرحلة الى المدينة البعيدة طويلة و سيكون من الصعوبة بمكان السفر اليها دون الحصول على مقعد أجلس به...و بينما أنا أفكر في الحصول على مقعد عند حضور القطار تقدم مني شاب أنيق المظهر يحمل في يده حقيبة صغيرة و كأنه مسافر لفترة قصيرة...تقدم نحوي مبتسما ثم استأذن في الجلوس بالقرب مني فأشرت له بيدي و طلبت منه الجلوس...تعجبت لبقاء المقعد شاغرا بالقرب مني طوال هذا الوقت رغم الزحام...جلس و بادرني قائلا...لقد تأخر القطار كثيرا اليوم...هل هذا طبيعي أم ان هذه المرة الأولى...فأجبته بأنها المرة الأولى التي أسافر فيها الى تلك المدينة و كذلك هي المرة الأولى التي أستقل فيها هذا القطار...
سمعت صافرة تصدر من بعيد...حدث هرج و مرج بالمحطة..الكل يسرع ليحضروا حقائبهم و يصطفوا على رصيف المحطة حتى يدخلوا أولا الى القطار عندما يتوقف أو ربما قبل أن يتوقف تماما...تقدم القطار بتؤدة الى المحطة و أخذ يبطيء كلما اقترب من المحطة حتى توقف تماما...تدافع الناس بقوة الى داخل القطار...حاولت أن أجد لنفسي ثغرة أدخل من بين الجموع لأجد لنفسي مكانا..كان ذلك صعبا جدا...كان الكثيرون قد دخلوا قبلي و أيقنت أنني لن أجد لي مكانا و أن الرحلة ستكون صعبة و طويلة جدا...أخيرا تمكنت من الدخول و مشيت في كابينة الركاب أتنقل من مكان الى آخر...كل الأماكن قد شغلت و لا يوجد مكانا خاليا...حتى ان الأماكن الخالية وضعت بها حقائب اشارة الى أنها محجوزة لأشخاص لم يدخلوا بعد...تضايقت كثيرا لذلك وأخذت أتنقل من كابينة الى أخرى حتى رأيت أحدهم يلوح لي من بعيد...كان ذلك هو الشاب الأنيق و الذي أخذ يناديني...تعال بسرعة حجزت ليك معاي مقعد ...تخطيت من يقفون أمامي بالممرات بقوة حتى وصلت الى حيث يجلس فرفع حقيبته من المقعد الذي بجواره و جلست فشكرته بحرارة و أخذت أستجمع أنفاسي التي تصاعدت من جراء التدافع...
أطلق القطار صافرة أخيرة ثم تحرك من المحطة...كان البعض ما زال يحاول أن يجد مكانا لحقائبه في الأرفف التي تعلو المقاعد..بينما ما زلت متشبثا بحقيبتي و كأنني أخشى أن أقوم من مقعدي فيجلس أحدهم مكاني...لذلك فضلت أن أظل ممسكا بها حتى يستقر كل الركاب في مقاعدهم...أما الشاب الأنيق فلقد وضع حقيبتة الصغيرة بين رجليه تحت المقعد و جلس مسترخيا...حاولت أن أفعل مثله و لكن حقيبتي كانت أكبر من أن أفعل مثله...ابتسم و قال لي ...انني أرى مكانا خاليا فوق المقعد المقابل..ضعها هناك و لا تخشى على المقعد...وضعت حقيبتي بسرعة و عدت الى مكاني لأشكره مرة أخرى...أجلسني هذه المرة بالقرب من النافذة...فشكرته مرة ثالثة...غادر القطار المحطة فخيل لي أن طفلتي تشبثت بقوة أكبر بثدي أمها...أخذت أنظر عبر الحاجز الزجاجي بالنافذة الى الأشياء و هي تتراجع بطيئا ثم بسرعة أكثر حتى أصبحت بالكاد أميزها و هي تمر أمامي...ثم دخل القطار في منطقة تكسوها الخضرة و الأشجار الكثيفة و التي تتراجع البعيدة منها بطيئا بينما تمر القريبة منها بسرعة شديدة...
أحسست بيده على كتفي فالتفت اليه...قال لي أنها ستكون رحلة طويلة اذا بقيت محدقا في الزجاج...دعنا ننسى ما تركنا وراءنا و ما سنذهب اليه و نتحدث قليلا طالما أننا نجلس بالقرب من بعضنا البعض...ابتسمت مؤكدا لكلامه و اعتدلت في جلستي بعدما كنت مائلا قليلا ناحية النافذة... سألني عن سبب ذهابي الى المدينة الأخرى...قلت انني ذاهب لتشجيل بعض الأملاك التي تركها والدي هناك...استعجب لذلك و قال و لكنك قلت انك لم تذهب الى هناك من قبل فكيف يكون لك أملاك بها...شرحت له الأمر...عشت طوال عمري بالمدينة الكبيرة وكان أبي يتنقل كثيرا لوحده و لكن بعد رحيله اكتشفنا ان لنا أملاكا هناك...هذا عني أنا فماذا عنك...فأجابني بأنه يذهب لنفس السبب...كان يعيش في تلك المدينة طوال عمره و كان أباه يتنقل بينها و المدينة الكبيرة و لكنهم بقوا فيها الى أن رحل والده ثم انتقل هو ووالدته و اخوته الى المدينة الكبيرة حيث يعمل الآن و يعمل بعض اخوته...و له اخوة صغار ما زالوا يدرسون ...
تحدثنا كثيرا عن طفولتنا...و كنت كلما حدثته عن طفولتي تذكرت تلك الأيام...كان الكل يتحدث عن ذكائي و كانوا يتوقعون لي مستقبل مشرق...كان جارنا عمي أحمد كلما يلتقيني يناديني بيا دكتور...حتى ظننت أنني دكتور بحق...كانت أمي تحصنني بآيات من القرآن كلما مررت بالقرب من عمي أحمد...الله يكفيك شر عين الراجل ده...و كأنها كانت تتوقع أن تحدث لي انتكاسة ما بسبب عين عمي أحمد...لم أصبح طبيبا كما توقع الجميع...بل أصبحت معاونا طبيا في عيادة لطبيب كان يزاملني بنفس المدرسة و لم يكن أحدا يتوقع له أن يصبح طبيبا مثلي...لم تكن عين عمي أحمد هي السبب...و لكني وقعت في حب جارة لنا فتعلق قلبي بها و شغلت بها عن دروسي فانتهى بي المطاف لأصبح معاونا طبيا بدلا من أكون طبيبا مرموقا...
لم يكن زواجي من بنت خالتي استجابة لضغوط والدتي فقط...و لكن بعد أن تزوجت جارتنا التي شغلت فؤادي ردحا من الزمان لم يكن من المهم بمن أتزوج...أستطاعت زوجتي أن تنسيني جارتنا و كانت نعم الزوجة و كنت ممتنا كثيرا لأمي على اختيارها لبنت خالتي زوجة لي...كنا نقيم بالمنزل الذي تركه والدي لنا بالحي الشعبي...أنا و زوجتي و أمي...أما أختي الوحيدة فلقد أقامت مع زوجها في حي آخر مجاور لحينا...كانت أختي تزورنا كثيرا ...أحيانا كانت تزورنا في اليوم أكثر من مرة...كانت كثيرا ما تطلب منها أمي أن تقلل من زياراتها حتى لا يتذمر زوجها و لكنها كانت تطمئن أمي بأن زوجها رجل فاضل و لا يشتكي من ذلك...
عملي كمعاون طبي كان يدر علي دخلا جيدا يمكنني من اعالة أسرتي و أمي...و الفضل في ذلك يرجع الى البيت الذي تركه أبي لنا...و عندما علمنا بأمر الورثه أفرحني ذلك كثيرا...فكرت في أن أقوم باصلاح البيت الآخر الذي تركه أبي لنا و أن أفتح لي مختبرا طبيا خاصا بي بالبيت و أقوم بتأجير الباقي...فاتحت أمي و شقيقتي بالأمر فوافقا على الفور و دون أي تردد...شكرتهما على ذلك و طمأنت أختي بأنني سأحفظ لها حقها من العائدات...كنت كثيرا ما أتسائل لماذا نحن أسرة صغيرة و لماذا لم تنجب أمي غيري أنا و أختي...عزيت ذلك الى تنقل أبي الدائم بين المدن المختلفة...و لكني حمدت الله كثيرا على الود و التفاهم الكبير بيني و شقيقتي...
التفت اليه مرة أخرى و أخذنا نتحدث عن أمور شتى...حدثني عن اخوته الخمسة و كيف أنهم ناجحون و أنهم تخرجوا في جامعات كبيرة و في كليات مثل الطب و الهندسة...حدثني عن رحيل والده بمجرد أن تخرج من الجامعة و كيف أنه شقي كثيرا حتى يعيل والدته و اخوته...و كم هو سعيد عندما ينظر الى اخوته و هم يحققون النجاحات تلو الأخرى...و كم تزداد سعادته عندما ينظر الى عيني والدته و يجدها مليئة بالرضا و السعادة...
لم نكد نشعر بالقطار و هو يتوقف بمحطة و يغادرها ليتوقف بمجطة أخرى و نحن نتحدث...تحدثنا حتى أنعكس ضوء خافت من على زجاج النافذة كان هو ضوء الممرات الخافت بعد أن عم الظلام السهول الخضراء و أصبح الزجاج كمرآة تنعكس منها صور ما بداخل الكابينة الشبه مظلمة...اتكأت على المقعد و كذلك فعل هو و نمنا نتيجة الارهاق و حركة القطار الرتيبة و رائحة دخان السيجاير التي تصدر من مكان ما بالكابينة من أشخاص لم يستطيعوا النوم...
أستيقظت مع أول ضوء للصباح تسلل من خلال النافذة الزجاجية...قمت من مقعدي لأذهب الى الحمام في مقدمة الكابينة...حاولت تجاوزه دون أن أوقظه...أفاق و نظر الى لبرهة ثم أخذ يتمطى و قال صباح الخير...رددت له التحية...ثم نظر من خلال النافذة و قال لي...لقد اقتربنا من وجهتنا...قلت اذا لنغير من أشكالنا قليلا فاننا ينتظرنا يوم طويل...ثم سألني...بالمناسبة أين ستنزل...قلت له لم أفكر في الأمر و لكنني حتما سأنزل في احدى الفنادق القريبة من المحطة...ضحك و قال لي..لا توجد فنادق انما هي لوكاندات قديمة...و لكن ان وافقت بامكانك أن تنزل معي عند خالتي..فانها لها بيت كبير و أنا عادة ما أنزل معهم في زياراتي بعد أن رحلنا الى المدينة الكبيرة...فسألته أن كان ذلك لا يضايق خالته...فأجابني لا بالعكس فانها ستسعد كثيرا بذلك...فهي تقطن لوحدها بالبيت بعد أن ذهب كل أبناءها الى المدينة الكبيرة و رفضت هي أن تذهب معهم...ثم فاجأني بسؤال غريب...هل قلت لك ان وجهك مألوفا جدا بالنسبة لي...و هذا هو السبب الذي جعلني اجلس بجوارك بالمقعد في المحطة و هو نفس السبب الذي جعلني أحجز لك مقعدا بجانبي في القطار...
ذهبت الى الحمام و عدت ليذهب هو ثم عاد بعد قليل و تجهزنا للنزول في المحطة الأخيرة...أطلق القطار صافرة يعلن بها الوصول الى المحطة ثم أخذ يبطيء حتى توقف أخيرا في محطة تشبه كل المحطات التي مررنا بها...قال لي لنذهب الى بيت خالتي أولا لنضع حقائبنا و نرتاح قليلا ثم نتوجه الى حيث مكتب التسجيل...لاقت فكرته قبولا عندي و توجهنا لنركب أحدى المركبات الكثيرة المتواجدة بالمحطة...تولى هو توجيه السائق الى حيث بيت خالته و ألقيت بنفسي في المقعد الخلفي دون أن أنطق بكلمة ثم أخذت أتفرج على المدينة الصغيرة و أنا في مقعدي...أخذت أتسائل ما الذي دفع أبي الى البقاء كثيرا في هذه المدينة الصغيرة رغم أنه كانت له تجارة مزدهرة بالمدينة الكبيرة...انه كان يقضي بها شهورا ثم يعود الينا...عندما كبرت كنت أقول له لماذا تسافر كثيرا يا أبي...لو ركزت على تجارتك هنا لكبرت و ازدهرت أكثر من ما هي عليه الآن...فكان يجيبني لقد حان دورك الآن لكي تهتم بها و تريحني بعد هذا العمر...كان قوله هذا يحبطني لأنني لم أرغب يوما في أن أصبح تاجرا...كانت التجارة مرتبطة بمن لم يكملوا تعليمهم...و لم أكن أرغب يوما في قطع تعليمي و التفرغ للتجارة...ثم انني لم أفكر في نفسي يوما و أنا أجادل في السوق في سعر هذا و بيع ذاك أو الحلف بكامل الايمان باطلا...كنت قد تعلقت بلقب دكتور كثيرا و لم أرى نفسي الا طبيبا مرموقا...
توقفت المركبة أمام أحد المنازل و طلب مني النزول..نزلت و حملت حقيبتي و قام هو بسرعة بالدفع لصاحب المركبة و أنا أحتج على ذلك...تذكرت انني لم أسأله عن أسمه و لم يسألني عن أسمي طوال تلك الرحلة و نحن نجلس متجاورين و نتحدث عن خصوصياتنا فسألته بشيء من الخجل..ما أسمك...فأجابني مبتسما مصطفي بشير وما اسمك...قلت له عبدالله بشير فاندهشنا للتطابق الغريب بين اسمينا فضحكنا و دلفنا الى منزل خالته التي أخذته في أحضانها و هي تبكي ثم أخذتني في أحضانها و كأنها تعرفني منذ مائة عام و هي ما زالت تبكي...أدخلتنا الى غرفة أنيقة و باردة رغم الجو الحار بالخارج ثم أختفت لبرهة و عادت و هي تحمل صينية بها الكثير من أطباق الطعام الشهي...أكلت و كأني لم آكل من قبل و بعد أن فرغنا اذا بخالته تحضر الشاي ثم جلست بجوارنا تسأله عن أمه و اخوته و عن أحوالهم و كيف هو الحال بالمدينة الكبيرة...و كانت في كل مرة تقول له الله يرحم والدك...قام من مكانه و استأذن من خالته و حدثها عن مهمته بسرعة و وعدها بالعودة في موعد الغداء و الونسة معها حتى الصباح...خرجنا و خالته خلفنا تدعو له بالتوفيق و النجاح في مهمته...أوقفنا مركبة أخرى و توجهنا الى مبنى حكومي قديم و دخلنا لنقف أمام أحد الموظفين هناك و الذي قام من مقعده بسرعة ليسلم على مصطفى بنفس الحرارة التي استقبلته بها خالته...ثم سأله عن سبب حضوره فأجابه ضاحكا مشتاق ليكم ياخي و لكنه سرعان ما أخبره بسبب حضوره...ثم قدمني اليه باسمي مضيفا كيف ان الصدفه جمعتنا ببعضنا البعض و وجدنا حتى تطابقا في الأسماء...أجلسنا الرجل و طلب لنا كوبي شاي ثم أخذ يتحدث عن أملاك والد مصطفى قائلا له أن هنالك أملاك تم تسجيلها باسمه و اخوته و والدته ثم أكمل و هو يبدي استغرابا... و لكن هنالك أملاك أخرى لم يتم تسجيلها و كأن والده قد تركها عمدا...استغرب مصطفى لذلك التفسير و قال للموظف سنرى ان كانت قد تركت عمدا أم لا و لكن قبل أن نبدأ لنرى ماذا عند عبدالله...فالرجل قد جاء لنفس الغرض و هو ضيفي و ضيفك لنقضي له أمره أولا ثم يأتي دوري من بعده...سألني الموظف عن أسمي بالكامل...فقلت له عبدالله بشير محمد زين...فغر الموظف فاهه أما مصطفى فكاد أن يغمى عليه من هول المفاجأة و اندهشت أنا لردة فعلهما...تمالك الموظف نفسه و سألني هل تعرف اسم مصطفى بالكامل..فقلت له مصطفى بشير فأكمل الموظف مصطفى بشير محمد زين...فسقطت كباية الشاي من يدي و نظرت الى مصطفى في حالة أشبه بحالته...فوجدته ما زال محدقا بي...ثم تكلم بعد فترة مرت و كأنها سنة بالتمام و الكمال...ألم أقل لك ان وجههك مألوفا لدي...انك تشبه والدي رحمة الله عليه شبها غريبا....ثم تعانقنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات ياناس
| Quote: أسمك...فأجابني مبتسما مصطفي بشير وما اسمك...قلت له عبدالله بشير فاندهشنا للتطابق الغريب بين اسمينا فضحكنا و دلفنا الى منزل خالته التي أخذته في أحضانها |
يا حبيب..أول حاجة سعداء بالعودة القوية
( الرشيد يبدأ التدريبات ويعود بقوة) ده عنوان فى جرايد ناس مجتبى فاروق...
من أول قراية:
الفكرة جيدة ..ونفس أسلوبك وطريقتك...
لكنّك أضَعْتَ المفاجأة...لحظة قراءة الفقرة أعلاها تَكْمُلْ القصة..وما يأتى بعدها هو تفاصيل
أرى أن تعيد صياغتها بحيث لا تتضح القرابة إلّا فى السطر الأخير...
هيكل القصة ممتاز..
وأترك ليك التعليق وللحبايب التانيين
لكن أهم من كلامى ده هو عودتك.
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدي قريت النص ولدي بعض الملاحظات بس عايزه ليها رواقة بال والليلة الهلال لاعب مع الدراويش خليني أجيك بكره برواقة
| |
|
|
|
|
|
|
|
|
|
Re: مربع كاي (Re: زهير الزناتي)
|
عارف يا الرشيد بعد كلمتك الليلة الصباح
وضحكنا جاني مزاج اكلم المسنوح بتاع المغرب داك
لانو امبارح بالليل ساهرت بي واحدة كده كلو ما أتصل تقول لي ( إتصالات المغرب ترحب بكم )
اقوم اقفل الخط
المهم رد على صاحبك
- وين يا سيد امبارح قافل الجوال والليلة ترد بعد الرنة المليون
- ارد عليك ليه طوالي نايم وويك إند ( بالانجليزي لاحظ )
- واليوك إند بتاعكم ده مساهرين فيهو مع أمير المؤمنين إنشاء الله ، أصلو امير المومنين بتاعكم ده بحب السهر والنسوان و....
قاطعني صاحبك ..
- الله لا كسبك يا ود الحرام ، إنت داير تدخلنا السجن ، تاني ماتضرب لي أكان تلفوناتك كلها زي دي يا مقطوع الطاري
خلاص رجعت وفكوك لي نصايبك تاني
أخوك فكاها ضحكة لمن سمعت ليك أمير المؤمنين بتاعهم ذاتو ....
| |
|
|
|
|
|
|
|
|
|
Re: مربع كاي (Re: كمال الشادي)
|
| Quote: يا رشدي قريت النص ولدي بعض الملاحظات بس عايزه ليها رواقة بال والليلة الهلال لاعب مع الدراويش خليني أجيك بكره برواقة |
ان شاء الله يا أبو الزوز تكون النتيجة في صالح القصة....
لو الهلال غالب 3 /صفر ياني البقيت الطيب صالح...
و لو 1/صفر بقيت الكوتش...
لكن لو الهلال مغلوب حتطلعني زي صاحبك الرشيد بابكر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الله لا كسبك يا ود الحرام ، إنت داير تدخلنا السجن ، تاني ماتضرب لي أكان تلفوناتك كلها زي دي يا مقطوع الطاري
خلاص رجعت وفكوك لي نصايبك تاني
أخوك فكاها ضحكة لمن سمعت ليك أمير المؤمنين بتاعهم ذاتو .... |
يا كيمو باقي لي تاني طارق ده تلفون من السعودية ما حيرد عليهو...
الزول ده كان لحق دخل الحتة ديك تاني الا حمار الوادي يهنق حتى يطلع...
| |
|
|
|
|
|
|
|
|
|
Re: مربع كاي (Re: محمد عيد)
|
يا رشدي ... شد حيلك الليلة للسلخ الهلال مغلوب ...
القصة ممتازة ونري بها تقدم هائل في أدوات الكاتب ولغته الإبداعية خاصة في الوصف والحكي أي المضمون وبنية النص كما يقول ميكانيكية الللغة ... فهي قصة متكاملة وإن كنت أتفق مع الكوتش في ملاحظته حول إسمي الشابين فقد يقلل ذلك من حافز القارئ في مواصلة القصة وتنقص من تشوقه لمعرفة النهاية وإن كان الإسم غير الكامل أيضاً يحفز لمعرفة ما هي حقيقة التشابه .. وكان يمكن ايضاً أن يكون الإسم متطابق فكثير من الناس يسمون أبناءهم بنفس الإسم من زوجتين مختلفتين في كثير من مدن السودان ... أعجبني الوصف غاية الإعجاب فهو يدل علي خيال خصب ... وحفزت أيضاً خيال القارئ حينما لم تحدد الزمان والمكان فالإشارة للقطار تجعل القارئ يتخيل أن القصة قد حدثت خارج السودان لعدم إستعمال هذه الوسيلة في التنقل هذه الأيام إذا ما إفترض معاصرتها ... أما إذا ما إفترض حدوثها في السودان فتقوده إلي زمان ولي ... وهنا الإبداع في شحذ خيال القارئ ... أما نصوصك فتحتاج لقليل من المراجعة اللغوية لأنه يبدو بأنك تكتب مباشرة علي الكيبورد في جلسة واحدة دون مراجعة كما عرفت ... فلا بد من المراجعة لتمتين بنية الجمل ولا ضير إن وجدت مراجعة من أحد ميكانيكية اللغة كمراجعي الصحف ... كما يجب أن ألفت إنتباهك بألا تسقط شخصيتك في الكتابة وإن كان هذا الأمر به قليل من الصعوبة..... لأني ألاحظ أن الخير غالب في قصصك .. والنفس الإنسانية لا تخلو من الشرور فلا بد من إبراز هذا الجانب ...
قد أعود وقد لا
شكراً علي النص الجميل والذي أعتبره افضل ما كتبت حتي الآن ...
| |
|
|
|
|
|
|
|
|
|
Re: مربع كاي (Re: زهير الزناتي)
|
الأحباء محمد عيد و أبو الزوز...
أشكركم على الكلمات الطيبة و الكبيرة والمشجعة في حق قصتي المتواضعة و التي ان كانت قد تطورت عن سابقاتها فذلك بفضل ملاحظاتكم و انتقاداتكم السابقة لأعمالي التي سبقتها...فلكم مني الشكر الجزيل...
أعترف بأنني قد بعدت كثيرا عن القراءة منذ قدومي الى الامارات و حتى القراءة على قلتها فهي قراءات أكاديمية و جافة و لا تحوي الكثير من المفردات الجميلة التي تضيف الى مخزوني مفردات جديدة تنعكس على كتاباتي...هذه واحدة...ثانيا من عيوبي و التي أعترف بها انني بمجرد أن أبدأ قصة ما تستولى علي كليا و لا أقوم من وراء الكيبورد الا و أكون قد أنهيتها...قد أقرأها مرة واحدة...أي أنها تخضع لمراجعة واحدة ثم أنزلها هنا...و ان كنت أعلم ان انزالهاهنا في البوست يصب في خانة المراجعة أيضا اعتمادا على أصدقاء من أمثالكم يسدون النصيحة الصادقة و يمتلكون المعرفة و الدراية و حتى الخبرة التي أفادتني و ما زلت أستفيد منها...
لكم شكري و حبي و مودتي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: - وين يا سيد امبارح قافل الجوال والليلة ترد بعد الرنة المليون
- ارد عليك ليه طوالي نايم وويك إند ( بالانجليزي لاحظ )
- واليوك إند بتاعكم ده مساهرين فيهو مع أمير المؤمنين إنشاء الله ، أصلو امير المومنين بتاعكم ده بحب السهر والنسوان و....
قاطعني صاحبك ..
- الله لا كسبك يا ود الحرام ، إنت داير تدخلنا السجن ، تاني ماتضرب لي أكان تلفوناتك كلها زي دي يا مقطوع الطاري
خلاص رجعت وفكوك لي نصايبك تاني
أخوك فكاها ضحكة لمن سمعت ليك أمير المؤمنين بتاعهم ذاتو ....
|
يا شقي الحال داير تودرني كمان
ان شاء الله خادم الحرمين دة يقشطك مع ناس الامر بالمعروف ديك
مالك داير تجيبلي حبس بول
ولا اقوليك حا ادعي عليك زي دعوة حبوبتي نفيسي:
ان شاد الله يرفعوك من شخاليبك في شِعْبي ألت كرِقي
| |
|
|
|
|
|
|
|
|
|
Re: مربع كاي (Re: طارق جبريل)
|
Quote: الحبيبين كيفنكم
الله يستركم ويبعد منكم العوارض والمرض يا رب
دحين لا قدر الله ان بقى واحدا فيكم داير يشيلو مرارة ولا لوز
يشوفلو ابعد حِتي ممكن يكوجن فيها الشي دة فشان ما يقعلكم الوقع لي واحدا قريبي
ويقعد يهضرب ويفتو كله لامن العكاكيز تتضارب فوقه..
احمد راجلا زين... من قام وشبى وهو رياد ويحب البنوت زي عيونه
اصله قلبه دة رقده خل.. بالله زي الركشة.. اي بت عجبتو يشعلقها في قلبه
حتى ان بقى من طرف واحد...
امه حلفت بي ايمانها علي يتزوج بت خاله..
- يمة انا رايدلي بت من زمااان ودايرا
- يا ولدي بت خالك ان اديت فيها كلمة وماني قادري اتراجع منها
- نان يمة ما تشاوريني.. موش يبقى عندي فهما تاني
- انت عاد ماك ود رضاي عارفاك آآبتقولي لا
- نان يمة فشان ود رضاك تدفنيني
- يا ولدي لا تكتر الحجي بتخالك ياها غتاك وماني شايفالي زولتا غيرها بتنفعها
زولكم اتوكر في بت خاله وعرسها.. وبقى مهَضْلِم علي فُراق حبيبته
الدنيا ساقته معاها وجابلو منها شافعين
يوم حسالو بي ألما في بطنه.. من دكتور لي دكتور
من فحص لي فحص:
ياخي ضروري نشيل ليك المرارة
قال يقوم يمشي مصر يشيلا
اقنعوه يسويها في الخرطوم
اتوكل ودخل العملية والحمد لله العمليي نجحت وطلعوهوا في العنبر.. البنج ما فكة منه
اخواته ومرته واخوانه كلهم متلمين فوقه..
اها والبنج لليلي ما فكة منه قوم يا شقي الحال هضرب وسط الناس:
- يا حنان انا كنت دايرك علي امي عرستلي الكُوهني بت خالي
- وحات الله يا حنان عضم الشيطان أليلا علي راس الكُونش ان بقت نغزتك بيهو علي يجيك تتنوس
اخواته بقن يضحكن وامه تعضعض في لسانها ومرته وشها حمر وهو مرة مرة يديها هضربة
- وحاتك يا حنان رُكبتها علي رجل العنقريب الكافينلهم فيها كوريي
- يا حنان انا وِكِر ضُمة ضُمة
اخوه مشى مسكه من راسو وصاقعلو: احمد قول بسم الله... احمد.. احمد
زولكم ياخدلو صني وتاني يقوم يهضرب:
- يا حنان الضرعات ألاتها زي رُقاد العنقريب من غير لحاف
اصله اخواته ديل بقن يزحن بالضحك.. وأمه اتمحنت ومسكت سبحتها وتدعي في ربها: يا ربي يبقى كويس ود حشاي احمد
المهم المسكيني ما خلالا جنبي تنوم عليها:
- يا حنان شعرها مكبوس كركار زي لساتك القندران المشحمات
- يا حنان انا غيرك اصلي ما ردتة
ساعتين وهو في الحالة دي لامن فاق من البنج
وكتين فاق كويس اخواته اتزرقن ومرقن من الأوضة وطلَعَن اُمَهِن معاهِن واخوانه مرقوا
شويتين المرة شالت سير الدِرِب وبقت تمعط فيهو في رجلينه وتكورك:
انا جضومي زي لستك العجلة المنفس يا احمد... وطاااااق تجلد فيهو بي سير الدرب
انا ستيانتي علي خورتاية الغنم البعلقوها في ضرعاتن... وطاااااق تجلد فيهو بي سير الدرب
الرجل بقى يكورك لامن اهلو جوا منكبسين عليهو.. وبي الله ويامين فكوا منه المرة
دحين يا الحبان ان بقى فيكم واحدا هضراب اليقول للدكتور في البنج تقلي لساني
غايتو انا خايف علي ود شيقوق وصديق الموج
ود شيقوق حا يفتوا كله
ما حا يخليلو عنكوليب ولا قعاد جنب الترعة
ولا ونسة دقاقة في القمرا
وان بقى لي ود الموج يمين حا يضربوه جبخانة كله كله
|
الهضربة بتودي التوج
| |
|
|
|
|
|
|
|
|
|
Re: مربع كاي (Re: طارق جبريل)
|
عارف طارق
لمن نخش في غلاط مع واحد من ناس البندر اقوم أعتز جدا بأني شايقي ومن مروي ومأصل والكلام العجيب الانت عارفو
ولمن الواحد يخش في غلاط مع واحد من ناسب البلد الواحد يقوم يعمل ليك فيها ود العاصمة والشغل النضيف الانت عارفو داك
لكن في الحالة دي
| Quote: ان شاد الله يرفعوك من شخاليبك في شِعْبي ألت كرِقي |
بصراحة دخلتني في حتة غلط
يا أخوي بصراحة
انا معاك في موضوع الشعبي عارفا
لكن الباقي جليتو
الترجمة على الشريط
وإعتبرني شايقي داقس
رغم إنو على قلبي زي السم
ما كنت داير اديك الفرصة دي فيني يا شقي الحال
| |
|
|
|
|
|
|
|
|
|
Re: مربع كاي (Re: طارق جبريل)
|
واحد صاحبي ما شايقي
يقول ليك أحلى ما في الشوايقا غناهم وحريمهم
انا اديني الاثنين ديل وخلي ليك الباقي يا شقي الحال
بيقولو مرة في لقاء اذاعي مع النعام آدم سألوهو
دحين يا النعام هواياتك غير الغنا شنو
قال ليهو الحروم الحروم
يقصد الحريم طبعاً
اها يا أخوي ما تلقاها فرصة وتشوف فينا
يا ترجم الكلام الفوق ده
والله بطل تغلط فينا
| |
|
|
|
|
|
|
|
|
|
Re: مربع كاي (Re: كمال الشادي)
|
ما دخلتنا في الحيط عدييييييييييييييييل يا شقي الحال
| Quote: ان شاء الله خادم الحرمين دة يقشطك مع ناس الامر بالمعروف ديك |
كلامك مالو بقى ما موزون
شاربلك شيء ؟
| |
|
|
|
|
|
|
|
|
|
Re: مربع كاي (Re: كمال الشادي)
|
كيمو و طارق...جيت داخل افتكرت نفسي في نادي الطمبور مش مربع كاي...
أشكركم على الونسة اللذيذة بيناتكم هنا في مربع كاي...
جبريلا شكرا على اتحافنا بالكلام اللذيذ...يا لذيذ...
يا كيمو شايف جبريلا ده جاري واطي معاك...أظنو عايز يتحاشى تلفونات الليل ديك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ود بابكر كيفنك ابوي
ياخي انا الخرابة ود الشادي دة ان بقيت باريته بيودرني
ياخي زولا مسلط خلاص
تعرف يا كيمو الشوايقة ديل يموتوا في الغناء والنسوان
والاتنين حاجات آآآآبيتخلن
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساءكم ليلكى..حالم بكل الامال والامانى الحلوة
اليوم بدا يومى بنمرة5 زميلاتى اتنين فى اجازة طارئة برة البلد.. اتمنيت لاول المرة ان تزحف الثوانى حتى استطيع تكملة شغلى وشغل زميلاتى .. لم احس بالجوع تناولت كوب شاى بارد بعد 3 محاولات لان اشربه دافئا كما احب دائما..وسط الزحمة والاجتماعات الطارئة وحضور mandatory training
لن يؤجل رن تلفونى بنغمة حنينة امى ذاد الخير رديت بلهفة احتضننى صوت امى وسالتنى كيفك كيف الرشيد واولادك قالت لى من بالليل بالى مشغول عليك شديد .. كدت ان ابكى امام الناس.. رددت صوتك ماله كده قلت ليها بس مشغولة وعندى انفلونزا..( اشربى كركدى وليمون دافئ وارتاحى.. وقالت لى كلنا كويسين امكن التلفون يقطع لانه بس رصيدى 5 الف فقلت ليها يلا يا امى لا اله الا الله -محمد رسول الله اعفى وارضى عنى راضية عنك).. ذهبت بعيدا وبكيت .. بكيت لانى كنت بفتكر انه امى مرات قلقها فوق المعقول -او بتديها كوز شوية لكن لمت نفسى- واتاكدت انها على حق بقلقهاعلى من امبارح لانه طول ليلة امس لم ننعم بالنوم الا لساعتين فقط حيث اننا كنا مصابين بحمة شديدة انا وهنودى.. انه حقا احساس الام لم يكن قلقها ادعاءا ولم تكن تديها كوز.. حست بى امى وبولدى..
شكرا امى الحبيبة - الله يخليك لى ولاولادى ويطول عمرك ويقدرنى ان ارد ولو 1% من جمايلك على.. وانشاء الله ربنا يمتعك بصحتك وعافيتك ونشوفك قريب يا رب
قبلاتى لامى..
وربنا يخلى كل الامهات ويرحم كل الفقدانهم..
ودمتم سالمين
| |
|
|
|
|
|
|
|
|
|
Re: مربع كاي (Re: طارق جبريل)
|
عارف يا الرشيد
| Quote: يا كيمو شايف جبريلا ده جاري واطي معاك...أظنو عايز يتحاشى تلفونات الليل ديك... |
يجر واطي يجر عالي ما عندي شغلة
تلفون آخر الليل مع ود جبريل ما بخليهو ما بخليهو
تلفون آخر الليل بتاع طارق جبريل ده بقى إدمان ما بتخلى
أول حاجة والحق يتقال طارق بيفك الدبرسة بصورة ما طبيعية بس اسمع صوتو وضحكتو يطلعني من الدبرسة
ولمن تلقاهو هو مدبرس فرصة تقعد تفكها فيهو ضحكة ونكتتين وأخبارك يطلع هو من الدبرسة
ولو حب يلف ويدور ويعمل فيها مشغول بديهو طوالي يقعد يقول لي انا ويك اند ومش عارف شنو
طوالي اجيب ليهو طاري امير المؤمنين بتاعهم
صاحبك يقعد يجقلب جقلبة عجيبة جداً
عارف ناس المغرب ديل لا بيعرفو ليك هضربة بنج والله غيرو
صاحبك ده
بتلقاهو يهضرب بالنهار في شارع البوستة في كازبلانكا
| |
|
|
|
|
|
|
|
|
|
Re: مربع كاي (Re: كمال الشادي)
|
اهل الحوش سلااااااااااااااام
وسلامتكم يانجاة حوفي انت والاولاد ... اجر وعافية ان شاء الله
رشيد القوم ... المتعة في قصصك ... واصل
انا كنت مشدود للنهاية بالرغم ان الحبكة انكشفت كما وضح الشباب في منتصف القصة
ولكن كنت عاوز اعرف لما قال ليهو" شكلك ده ماغريب على او مألوف على شديد"
واتضح في النهاية انو شبه ابوه ... كنت فاكر قابلو في حته او ماشابه ذلك
ولكن كانت حبكه جديده ومدهشة بالنسبة لي ...
تسلم ياابومهند ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
طارق جبريل وكمال الشادي ...
حلوين شديد ...
مستمتعين معاكم ...
Quote: شافع رباطابي شايلو جردقة في صينية بيعرضها للبيع عند محطة قطار أبوحمد ،
شايقية راكبة القطر مدت راسا قالت ليهو ها جني الجردقي بي كم ،
الشافع رفع راسو وقال بالفين ،
ردت الشايقة كيفن بالفين مي وطي ،
رد الشافع تطي العقرب وكت وطي ما تنزلي تخمي |
شادي ماتقول لى دي معناها شنو ...
اضرب لطارق آخر الليل ... بوريك المعني
ومعاها "سكج بكج"
هاك البراءة دي ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
ياسر نجيلة
Quote: شادي ماتقول لى دي معناها شنو ...
اضرب لطارق آخر الليل ... بوريك المعني
ومعاها "سكج بكج" |
صاحبك المسنوح حق المغرب داك
انا لمن اضرب ليهو انصاص الليالي
ما ممكن اضرب ليهو واقعد اسألو دي معناتا شنو ودي شنو
لو جيتو كده بيستلمني ليك ويعمل لي فيها مقددا
ده واحد مبنج ما إنت عارفو
عينة المبنج ده تجيهو من فوق
أول حاجة اسلم ليك عليهو
واقول ليهو التحيات موصولة ليك يا طارق عشان انا مشتاق ليك وبحبك
والتحيات برضو لامير المؤمنين المعاكم داك
وعينك ما تشوف إلا النور
والجقلبة
لازم تعمل ليهو كده عشان ما يركز
لانو لو ركز وطلع من البنج بتاعو داك وفكت منو ( قصدي البنج )
امانا ما هو صعب
| |
|
|
|
|
|
|
|
|
|
Re: مربع كاي (Re: كمال الشادي)
|
سلامات يا ناس
يا ناس كاى ...سلام
الرشيد ...نجيلة ...جبريل ..الشادى...
يا لونستكم الطاعمة ..وامس ما قدرت اخش
عِلِّىِ بتاوق وامشى العب لى سكج بكج واجى للمتاوِقى.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: شادي ماتقول لى دي معناها شنو ...
اضرب لطارق آخر الليل ... بوريك المعني
ومعاها "سكج بكج" |
ود نجيلة كيفنك ابوي
يا زول كيفن الشقي دة آآآبيعرفها
انا باقيلي كان ناطيلو في جمل ويبيع في الحمريب والعطرون والحرجل
يا زول مقطوع الطاري دة من حفروا البحر باقيلي
ياخي هسي رجلينو بيكونن تعبانات معاهو شديد
لانه من قالولوا ((تاتي)) وقام ((عار)) بيهن
اصلو ما شهدن ضُمة ضُمة
وان بقى لليلي يسوي في عمايلو ديك الرجلين بيكونن اتكلوجن ضُمة ضُمة
هااا ازول الخرابة قديم من زمن حفروا البحر
ودحين خلو اليسوي في هضريبه أليل أمير المؤمنين داك
لامن يكشوهو ناس الأمر بالمعروف
تليشة:
قالوا في شايقية مشت لي ولدها في السعودية
يوم في السوق جاها واحد من المطوفين قاليها:
يا حرمة غتي شعرك
كان التوب وقع من راسها
قامت قالت ليه:
اغتي شعري منك انت يا ابو طريحة
انا ما غتيتو من ابين عمم
| |
|
|
|
|
|
|
|
|
|
Re: مربع كاي (Re: طارق جبريل)
|
كيمو و جبريلا...
منورين الحوش...شايف حرب التصريحات ما زالت قائمة...و لكنها حرب من نوع محبب أضفت الى الحوش روح من الدعابة و المرح...
نجيلة شكرا يا حبيب على الكلام الجميل و التشجيع...دعمكم لي هو الذي يدفعني الى كتابة المزيد...شكرا ليك يا نجيلة يا حبوب...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا كاى وناس كاى
مرحب بعودة الشادى كمال
يا رشا القصة زى كل كتاباتك جميلة وانا بستمتع باى شى انت بتكتبو انشا الله لو شخبططه فى الحيطة خلى لما تكتب باسلوبك الانيق دة
(ما ميرندا)
اليوم عيد ميلاد منصور
كل سنة وانت بالف خير يا ابو احمد ربنا يديك العافية
يا رشا الليلة كنا فى الفردوس عندى حكاوى وصور حالفف ليك نانى دى لف فى البوستات
الا تجيب ليها سواق
معليش لكل مشجعى البارسا وانا منهم\
تصبحو على خير
| |
|
|
|
|
|
|
|
|
|
Re: مربع كاي (Re: محمد عيد)
|
أجمل التبريكات و التهاني لملك الجمال و الذوق...العزيز اللذيذ زي آيسكريم كون زون...حبيبنا الأولاني فلان الفلاني...منصور بن عبد الرازق محمد فضل بمناسبة عيد مولده...يا منص ان شاء الله تعيش و تتهنى و عمر مديد و سعيد...و التهنئة لي أماني و لجميع أفراد الأسرة من أحمد و حتى مدرار مرورا بايثار الجميلة ومجتبى و حجازي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
جمعتكم مباركة
\اول حاجة شكرا يا زوبة على الكلمات الجميلة التي لا تصدر الا من زول زيك جميل الدواخل و حبوب...و كم أنا محظوظ بناس زيكم يلتفون من حولي و يدفعونني الى الأمام...شكرا يا بت النوبة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تاني حاجة اعتذار للمديرة الكبيرة اللذيذة الجميلة شوش على تأخري في نشر مداخلتها التي أعجبتني جدا و فيها كلام يصلح لأن يكون مقال في صحيفة...
Quote:
show details 2:39 PM (22 hours ago)
يا رشا القصة زى كل كتاباتك جميلة وانا بستمتع باى شى انت بتكتبو انشا الله لو شخبططه فى الحيطة خلى لما تكتب باسلوبك الانيق دة
(ما ميرندا)
العزيزة زينب والعزيز رشيد قومنا
والله مشتاقين . عفوا للمداخلة لكن حتة الشخبطة فى الحيطة دى حركتنى شوية .... تعرفى يا زينب اكتر شى فى الدنيا دى انا بحبه وهو مزعج للاخرين ( الاخرين ديل ناس امى واخواتى ) هو مشخبطة الاطفال على الحيطان عمرى ما تذمرت من طفل شخبط على حيطة واى بيت ادخله القى فيهو شخبطه او بقايا شخبطة على حيطانه بستمتع وانا اتامل الشخبطة وطوالى بكون منتظرة اشوف الزول الشخبط دا وينو ولو لغاية ما اجى اطلع وما يبين طفل بسال ناس البيت يخوانا سيد الشخبطة دا وين .... عالم جميل .... انا عاوزة اتكلم عن الشخبطة بتاعت الاطفال دى كتير هى مميزة وبريئة زيهم ودايما تلقيها غير مكتملة لانه اكيد وهم شغالين شخبطة بتكون جاتهم الكشة ...... وهى ممكن تدلك على طول المشخبط دا فى اغلب الاحيان مرات تلقى طفل راقد فى السرير ولقى ليه قلم مطرف وبدا يبدع وهو راقد فى مخله وما مشكلة بعد الركلسة دى حتجى علقة معتبرة كدا ........ وطبعا تتجدد الشخبطة بعد العيد او لو البيت كانت فيهو مناسبة لانه بتكون هنالك ترتيبات الاستعداد من نظافة وجير الامر الذى يقضى على اى معلم للشخبطة ينفد منها فى بعض الاحيان الاجزاء الداخلية للبيت يعنى لو مطبخ مطرف كدا او حوش لجوه احتما ل يسقط منه بند الجير اذا كانت الميزتانية لا تسمح ...... المهم بعد المناسبة بقليل يبداء مشوار شخبطة جديد .... انا حقيقى ما عارفة الجانب النفسى للطفل فى الحتة دى سلبى ولا ايجابى .... ما اود قوله هل الطفل الذى يشخبط على الحيطة طفل مبدع وموهوب ولا طفل مخرب ..... ابا كانت الاجابه انا بحب الحاجة دى عند الاطفال ودايما ببتسم لما اشوف شخبطة طفل على الحيطة ......
عندكم مانع يا جماعة اتكلم اكتر من كدا فى موضوع الشخبطة دا ورونى انتو رائكم شنو .....؟؟؟؟؟؟؟؟؟؟؟؟ ... الى اللقاء ... شوش |
كلام مهم يا شوش و هو موضوع يستحق المناقشة....أرجو من الجميع أن يدلو بدلوهم في الموضوع المثار من شوش...
| |
|
|
|
|
|
|
|
|
|
Re: مربع كاي (Re: الرشيد بابكر)
|
غدا ظهرا سأتوجه الى عمان الأردن ان شاء الله و سأعود مساء الثلاثاء...سيكون اللاب توب بصحبتي و لو لقيت الوقت حأكون معاكم و ان لم أجد فسنلتقي بعد العودة ان شاء الله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام لكاى وناس كاى
تمشى وتجى بلسلامة يا رشا ومتطمن
وطمنا معاك اول باول
يا شوش يا عسل سلامات
طبعا حاولت انزل ليك شخبط شخابيط بتاعة نانسى عجرم بس ما قدرت حاطلب من عبد الدائم
طبعا موضوع الشخبطة دة كلامو كتير والعجب لو لميتى فى بتاعين السايكلوجى
غايتو حابحت ليك فى كلامهم
| |
|
|
|
|
|
|
|
|
|
Re: مربع كاي (Re: زينب التجاني)
|
الاخ العزيز طارق جبريل
التحيات والتبريكات
والسلام موصول للاسرة الكريمة
يا طارق يا أخوي نصيحة أخوية من أخوك ( الصغير )
لمن تكون مبنج يا أخوي ما تقرب للكمبيوتر
عشان هضربتك ديل تكون مستورة
ده شنو ده هسي
| Quote: وان بقى لليلي يسوي في عمايلو ديك الرجلين بيكونن اتكلوجن ضُمة ضُمة |
الناس يقولو شنو هسي يا طارق
صحيح المبنج في ذمة الواعي
لكن ما للدرجة دي
خلي ا لدكتور المرة الجاية يبنج ليك لسانك أتقل من كده شوية
| |
|
|
|
|
|
|
|
|
|
Re: مربع كاي (Re: كمال الشادي)
|
اولا مشتاقين يا شباب
تانيا , مناكفات الشوايقة , وهضربتهم , ممتعة ولذيذة , خاصة اذا كانت من امثال طارق وكمال
طارق جبريل لمن يكتب , فانك لا تكاد تميز بين الونسة , والقصة المحبوكة
عشان كده انا بتعامل معاهم كلهم على انهم واحد
لذا فان قصة الهضربة بتاعت احمد بعد ان فك بنج عملية المرارة جزيئا , تحس بيهو اسكتش فى مسرحية
مكتملة لدرجة انك ممكن تتخيل ليها ديكور وغرفة عمليات وبنات بيغطو وشوشهم بى طرف التوب ويزحوا من الضحك والقرقرة زح
تحياتى ليكم الأتنين , واعجابى بقصة الرشيد , ذات البعد المكانى والشخوصى الضيق , ولكن بخيال واسع وكتابة راقية
عموما , ان شاء تطمئن على منى وترجع لأسرتك بمعنويات جديدة بأذن الله
وطالما ان منى جاية الرياض باذن الله لمواصلة العلاج , فدى فرصة كمان عشان تجوا تزوروها بى جاى
ونحن من جاه الزيارة (نلوك )
شخبطات شوش , واثارتها لموضوع الشخبطة , فيهو دلالات كبيرة وكثيرة
الشخبطة عموما , سواء كانت على الجدران او على اوراق المكتب المتناثرة , او حتى على اطراف دفاتر وكراسات الدروس
هى تدفقات العقل الباطن , وكتابات اللاوعى الصادقة , او كمان ممكن تقولى يا شوش
هى تلقائية الحكى , او التفكير بصوت عالى
وده منهج تصرف غاية فى الخطورة , سواء كان للشخص الطالعة منو الشخبطة , او للمتلقى لها
وفى احيان كثيرة ممكن تكون فيها اوجه شبه كبير مع هضربات احمد الفى اقصوصة طارق جبريل , الواقع تحت تأثير البنج الجزئى
ولا ادرى عن مدى ارتباطها (بالأحلام ) , مع انى متأكد ان هناك رباط ما بينهما
ان تقول كلاما موزونا او حتى يصل لدرجة التجويد (والقافية ) , عمل لا يتأتى الا للمبدعين
ولكن ان تقول كلاما غير موزون وغير مقفى ولكنه عفوى وصادق وتلقائى
عمل يتطلب فهمه طرفين يتميزان بميزات الأبداع نفسها
لذا , فهو اصعب فهما , مع انه ابقى واقوى فى الأثر
ساعود حتما , لأشارككم الأستمتاع بهذا الحكى الجميل
| |
|
|
|
|
|
|
|
|
|
Re: مربع كاي (Re: منصور عبد الرازق)
|
نهاركم سعيد..
اليوم السبت .. مشاعر متضاربة بين القلق.. والرغبة فى الاطمئنان على صحة منى ام وعمة اولادى .. وبين احساسى انا واولادى بانه المرة الاولى رشيد القوم يسافر بره البلد ويخلينا برانا حيث اعتدنا دايما ان نسافر كلنا مع بعض حتى الاجازات .. يعنى مرات لو اجازاتنا مع بعض ما متناسقة بنلقى السفر..
وسط شخابيط الاحاسيس انتشلنى قليلا صوت زوبة سوليتيرة حياتى هى تدرى انه اليوم غربتى ثلاثة غربات شكرا زوبة على السؤال وحا ارجع ليك عن زيارتك انت وسناء وفارح وزهير لبيتنا .
رن تلفونى مرة كمان سندى الابنوسى.يلمم احاسيسى وقلقى ويحتوينا تلاتتنا فانا اليوم ذى مهند وامنية. اطمانيت شوية.. تلفون طويل من القلب حتى انى خجلت من طول المكالمةالدوليةفقلت ليه خلاص كترنا عليك المكالمة وسند اولادى واخ رشيد القوم الذى لم تلده امه يرد ما مشكلة ادرى انه يحاول ان يللم قلقى ويحتوينا انا واولادى ويحسسنى كانه موجود معانا فى ابوظبى فى غياب سيد بيتى وسيد الحوش..
ومرة تالته ابوى وامى كوصايا لقمان لابنه(اقفلوا الباب كويس بالمفتاح, الاولاد ديل ما تنهريهم فى المذاكرة ماا تخليهم ينوموا فى غرفتهم نوميهم جنبك لما يجى ابوهم, ما تسوقى العربية بالليل ما تقفلى موبايلك)
شكرا منصور الله يخليك لاخوك رشيد القوم سند ولى ولاولادى وتحياتى لامانى والاولاد شكرا زوبة امى وابوى الله يخليكم لى ويمتعكم بالصحة العافية
ودعواتكم لمنى بابكر بالشفاءالعاجل
وانشاء الله ذى ما ودعنا رشيد القوم نلاقيه بصحته وعافيته امين يا رب العالمين
ودمتم سالمين
| |
|
|
|
|
|
|
|
|
 Re: مربع كاي (Re: نجاة حوفي)
|
الله الله
اخيرا تحقق الحلم .... مبروك يا جماعة اليوم حصلت على الاشتراك وجانى الفرح اقصد الباسوورد .. حقيقى انا سعيدة وقبل ما يجرفنى تيار الفرح بعيد اود ان اشكر فى البداية الاخ الاستاذ الكريم بكرى ابوبكر شكرا ليك يا بكرى وربنا يقدرنا على جزاك ...زهير تعجز اى كلمة عن انها توصل ليك شكرى وتقديرى لك وكفاية انك استحملتنى وطبعا بعد ما بقى عندى امكانية اكتب فى اى مكان وزمان اول حاجة حتنزل هى سر الباسوورد
يا جماعة كلكم بشكركم وبحيييكم من الاعماق وسنتواصل باذن الله تعالى لكم منى كل ود وتقدير .... ودمتم .......... شوش
| |
|
|
|
|
|
|
|
|
|
Re: مربع كاي (Re: عائشة صلاح الدين)
|
والله الزول اليشوف شوش قبل ما يصلها الباسويرد يقول حا تكتب ليها مليون مداخلة كده ... مش تجي ترمي ليها تلات كلمات وتقوم جارية ... اها يا شوش سيد الحوش ده مسافر بنا يكتب سلامته .... نداوس معاك هنا حجاز مافي أسدي فيك حق ولدي ...
| |
|
|
|
|
|
|
|
|
|
Re: مربع كاي (Re: زهير الزناتي)
|
السيدة الفضلي حرم سيد الحوش ... ربنا يكتب السلامة لمني بابكر ويجعل لها الشفاء بأعجل ما تيسر ... ويجيب ليكم أبوكم سالم غانم ... والتحيات لمهند وأمنية وعليك الله أبقي عشرة علي وصية أبوك وأمك والأولاد ديل ما تهريهم بالقراية ... كفاية المدرسة بيكنوا هارنهم هاري ... بعدين شايفك مطنشاني عديل كده ... أها الحساب لمن يجي الرشيد حتي يشهد شاهد من أهلها
| |
|
|
|
|
|
|
|
|
|
Re: مربع كاي (Re: زهير الزناتي)
|
تحية مسائية من عمان
مرهق مراهقة شديدة لأنه يوم طويل... و لكني حبيت أطل عليكم من هنا حيث الجو رائع نهارا و بارد بالليل...
بمجرد وصولي الى عمان توجهت الى الفندق وضعت حقيبتي و أسرعت الى لقاء أختي منى...وجدتها تعاني قليلا من جراء العلاج و لكنها بخير و الحمد لله...
نسأل الله أن يكون العلاج ناجعا و شافيا هذه المرة...
شوش مبروك الباسورد...لا شك أنك اضافة نوعية لسودانيزاونلاين...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ربنا يكتب سلامة الرشيد
وربنا يوالي اختنا منى بالشفاء
ود الشادي
انا غيتو بقول للدتور شيلي المراري واللسان فرد مرة
هههههههههههههههه
مانا قادرين علي الفضايح
يا منص
الحكي كيفما كان هو جزء مخزنة في الذاكرة
قد تكون قصص لم تعيشها لكن عايشتها
الطيب صالح رحمه الله اذكر مرة قال لي كل شخوصه
هي شخوص حقيقية
بس هو بيتعامل معاها بصورة مختلفة في النص
اكاد اكون من الاشخاص القليلين جدا الذين
يعرفون شخوص الطيب صالح الحقيقية
على المستوى الشخصي اي حكاية كتبتها هنا كانت مخزنة في الذاكرة
لاشخاص اعرفهم جيدا
| |
|
|
|
|
|
|
|
|
|
Re: مربع كاي (Re: طارق جبريل)
|
شوش
ما شغالة فى المطار عشان كده اول زول دخلت صالة القدوم
عليك الله اول يوم تعالى بالفستان الفلاحى داك عشان نعرفك
نورتى يا ســتى
اها نبرلمك ولا نخليك
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
حمد الله على سلامة الوصول حبيبنا الرشيد
وانشاء الله تكون منى بخير
تمنياتنا لها بعاجل الشفاء
تلفونك لو سمحت عشان نكلم الاخت منى
ونبارك ليها نجاح تبيان
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
ترحاب شديد بانضمام العزيزه شوش
ونحن انشاء الله موعودون بقوة دفع زراعية متطورة
ونرجو ان يزدان المنبر العام وايضا كاى بمداخلاتك الجميلة ..
وفى الانتظار على المدار .. ظهور بقية الفرسان ..
زهير لو امكن تنزل الاسماء مرة تانية لكى يسهل الاتصال بالبقية
وتحفيزها لتفعيل العضوية ..
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
الاخ الفاضل طارق جبريل
تحية وبعد
Quote: الحكي كيفما كان هو جزء مخزنة في الذاكرة
قد تكون قصص لم تعيشها لكن عايشتها
الطيب صالح رحمه الله اذكر مرة قال لي كل شخوصه
هي شخوص حقيقية
بس هو بيتعامل معاها بصورة مختلفة في النص
اكاد اكون من الاشخاص القليلين جدا الذين
يعرفون شخوص الطيب صالح الحقيقية
على المستوى الشخصي اي حكاية كتبتها هنا كانت مخزنة في الذاكرة
لاشخاص اعرفهم جيدا |
مرة كنا في طنطا عشان حفلة انا وجمال فارح وعماد شريف
رحنا زرنا الدكتور أمير تاج السر
وهو إبن اخت الطيب صالح
لم أعرفه حتى قبل تلك الزيارة
قال كلام لا يزال مطبوع في الذاكرة يا طارق
قال : يملك الراوي ذاكرة فوتوغرافية ، أثناء حياته اليومية يسجل في ذاكرته اشكال الناس وحركاتهم واصواتهم وروائحهم
النباتات الاشجار وميلانها اصوات كل شيء حوله يسجل وهو أحيانا لا يعي انه يسجل
وعند لحظة الولادة تلك
تجد الذاكرة تسعفه بصور ثابتة واحيانا متحركة تهدشه قبل الاخرين
يتعجب هو قبل غيره كيف وصف تلك الاشياء ذلك الوصف
تمعن معي طارق هذه الصور
Quote: انا جضومي زي لستك العجلة المنفس يا احمد... وطاااااق تجلد فيهو بي سير الدرب
انا ستيانتي علي خورتاية الغنم البعلقوها في ضرعاتن... وطاااااق تجلد فيهو بي سير الدرب
الرجل بقى يكورك لامن اهلو جوا منكبسين عليهو.. وبي الله ويامين فكوا منه المرة |
تكاد من دقتها تراها
وتكاد من دقتها تشم رائحة المستشفيات وصوت حركة الكراسي المتحركة واصوات الزوار
من أين جاءت لشخص يعيش بعيدا الاف الاميال عن مثل هذه الصور لولا أن ذاكرته عبارة عن كاميرا تصور وتخزن وتحفظ
يا طارق امير تاج السر اصدر اكثر من عشر روايات حسب ما قرأت في النت
أجملهن ( حسب ما قرأت في النت برضو ) مرايا ساحلية
وصلتني قبل فترة من السودان ولم أبدأ بعد في قراءتها
لك الود وأنت تدهشنا وتمتعنا
يا شقي الحال إنت قاعد في المغرب والله في الحاج يوسف
امبارح بالليل قدر ما اتصل عليك ترد على واحدة بإنو إتصالات المغرب مش عارف ايه كده
شوف ليك حل
| |
|
|
|
|
|
|
|
|
|
Re: مربع كاي (Re: كمال الشادي)
|
العزيز الرشيد
تحية وإحترام
اول حاجة الف حمدا لله على سلامة اختك وربنا يطمنك عليها
وحمدا لله على سلامة وصولك الاردن
وربك يرجعك لاولادك سالم وغانم إنشاء الله ويطمنك عليهو ان شاء الله
ما تخاف منصور حارس العقاب تب
| |
|
|
|
|
|
|
|
|
|
Re: مربع كاي (Re: كمال الشادي)
|
جبريلا و ديدو و محمد عيد و كيمو...
يديكم ألف عافية و أشكركم على السؤال و ياها المحرية فيكم...
كيمو...منصور ده يكفي ما قالته نجاة عنه...و لو قعدت أكسر لحدي بكره ما حيكفي...لكني أعرف انه ما بيحب يشكروهو في الواجب...و هو صاحب واجب...
ديدو تلفوني في الأردن:00962797137541
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا محمد عيد
Quote: من اليمين .. رشيد والكوتش وابو الزوز ..!!
والمغالطنى يجى يعمل كوبى اند بيست ولا يمشى يلعب سكج بكج ..!! |
((انا شخصياً صدقتك))
وما مغالطك
اليغالطك إن شاء الله تدقشو رقشه
| |
|
|
|
|
|
|
|
|
|
Re: مربع كاي (Re: كمال الشادي)
|
اهلا بى عائشة صلاح الدين
اضافة نوعية لمسيرة الكتابة والتواصل
فى البوست والمنبر
من الطبيعى ان تدخل شوش , اول ما تدخل
عن طريق مربع كاى
وبعد ما تغشى السنترال وتسأل عن الجوابات
عند عم فتحى وعم عمر
لو ما فى جوابات , او فى جوابات عادية
ياها الرجعت للمربع وقعدت للونسة
ولو كمان فى جواب , مسجل
ياها المرقت بى باب بيطرة
والشافها فى البنك بتصرف فى الشيك ما كضب
وده كلو من مصلحتنا
الغداء الليلة باين عليهو فى الشرقاوى
| |
|
|
|
|
|
|
|
|
|
Re: مربع كاي (Re: منصور عبد الرازق)
|
الرشيد حمد لله على السلامة وربنا يكتب الشفاء ان شاء الله
اجر وعافية ان شاء الله لاختنا منى
يا شادي يا حبيب
امبارح كنت غاتس في بُكان اريتو حالك
نسيت الدنيا وما فيها
وفعلا الذاكرة بتخزن كمية من الصور الحيايتة اليومية
وتسعف الكاتب كثيرا في حبك الرواية
انا طبعا كلامي دة كله حجى ساكت
يعني كلام حبوبات لا اكثر ولا اقل
لكن جلساتي المتعددة مع الطيب صالح
عرفت كيف هو بيكتب شخوصه
حتى من غير ترتيب
| |
|
|
|
|
|
|
|
|
|
Re: مربع كاي (Re: طارق جبريل)
|
طارق
اخير ليك Quote: يا شادي يا حبيب
امبارح كنت غاتس في بُكان اريتو حالك
نسيت الدنيا وما فيها |
اليوم كلو امبارح مساهرة بي واحدة تقول لي اتصالات المغرب ما عارف شنو كده الباقي
وإنت غاطس في بكان
طيييييييييب
والله الليلة يا المسنوح ما جاك بلا
خم وصر
الليلة بالليل بشدك تلفون
وش اسألك عن امير المؤمنين والكلام القاعد تقولو فيهو داك
وإنو صحي بيسهر زيك في بكانات ماعارف شنو كده برضو
وبي لهجة مغربية
اخوك ما بقى تفتيحة
عشان الجماعة المعانا في الخط يفهموا
الليلة يحلك الحلا بلا
| |
|
|
|
|
|
|
|
|
|
Re: مربع كاي (Re: كمال الشادي)
|
الف حمد الله علي السلامة الرشيد ... تحياتنا لمني .... وبلغها السلام نيابة عنا ... والمباركات بنجاح تبيان
| |
|
|
|
|
|
|
|
|
|
Re: مربع كاي (Re: زهير الزناتي)
|
العزيزة نجاة حوفي يرجع أبو مهند بالسلامة
نشوفك بخير أخي الرشيد وأن يهب الله لأختك الصحة
والعافية وألف مبروك النجاح لبنتها
أنا في إنتظار ظهور شوش هي صديقتي بس نستني الظاهر عليها
| |
|
|
|
|
|
|
|
|
|
Re: مربع كاي (Re: مني يونس)
|
أنا في إنتظار ظهور شوش هي صديقتي بس نستني الظاهر عليها
انشاء الله انتظارك ما حيطول ادينى جيت ويا ست الحبابيب منى انا ما نسيتك وما نسيت لحظة واحدة كنا فيها سوا
ومافى زول فى الزقازيق بتنسى انتو مش اجدع ناس انتو اروع واحلى ناس..... وتحياتى لكوكى تلقيها يقت عروسة ماشاء الله عليها
كانت حلوة ولذيذة وسطنا قولى ليها خلتو شوش قالت ليك انشاء تكونى خليتى القوالة .... ولينا قعدة وونسات كتيرة ... شوش
| |
|
|
|
|
|
|
|
|
|
Re: مربع كاي (Re: عائشة صلاح الدين)
|
مساكم الله بالخير
كنت عايز أشكركم كلكم لكني اتذكرت كلام عمر نملة في التلفون اليوم...قال لي يا الرشيد عليك الله ما تشكرنا ده واجبنا...
اتصالاتكم و الله أسعدتني و أسعدت منى أختي من قبلي و قد كانت بثابة دفعة معنوية كبيرة جدا لها و هي تعرف ان كل الزقازيقاب يسألون عن صحتها و يدعون لها بعاجل الشفاء و تمام العافية...بلغتها تحياتكم جميعا...هذا عمر نملة يحيك من بلجيكا و هذا عمر المهدي و كمال الشادي يحيونك من السعودية و هذا طارق جبريل يتصل من المغرب و هذا قدورة يريد أن يتحدث اليك و منصور يقول لها اننا في انتظارك على أحر من الجمر و هذا أخي محمد عيد يريد أن يطمئن عليك و زوبا تتصل من السودان تسأل عنك...و هؤلاء هم أهلي و قبيلتي يسألون عنك عبر الانتر نت في سودانيز أون لاين...لا أستطيع حصرهم كلهم يسأل عنك مرة و اثنتان و ثلاث...كلهم يدعو لك...
وجدتها بعد أن كان يبدو عليها الضعف و القلق و ألم في كل مكان من جسدها أن بدأ علي وجهها النضار و العافية و نسيت آلامها و شعرت ينشاط مفاجئ و استجابت لنا و نحن نلح عليها بالخروج...
شكرا لكم أهلي و اخوتي و عزوتي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اليشوف شوش قبل الباسويرد يقول حا تقيل وتبيت هنا ... لكن برضو أخير من أولاد دفعتها الباقين ....
هوي يا يا ناس الباسويرد ده حللوه مش تخللوه
| |
|
|
|
|
|
|
|
|
|
Re: مربع كاي (Re: محمد صديق)
|
يا لوحشة المربع كاى و دون اطلالة صاحبه الصباحية المعتادة
حتى زهوره الجمراء , ووروده الملونة , افتقدت بريق لونها , والقها الصباحى المعتاد
تعودنا على المربع , ويبدو اننا نطل منه على الدنيا يا رشيد
لمن نتذكر انو انت مرات تقرب تجيك حردة , ولا زهجة سمها ماشئت
ونقارن بين ذلك ومجرد (شبه غيابك ) , او نقص اطلالاتك المعتادة
ندعو الله ان لا يجيب ليك حردة , ولا يرفرف جوالينك زهج
ارجع لأيقاعك وانت مطمئن على منى
فاننا نفتقدك
| |
|
|
|
|
|
|
|
|
|
Re: مربع كاي (Re: منصور عبد الرازق)
|
احلى مساء لاحلى واجمل واجدع ناس..
اعتزار خاص للشادى صاحب الصوت الجميل لانى ما قلت ليكم انه الشادى اتصل بى اول امبارح الصباح يسال عنى وعن اولادى .هنئا لى ولاولادى هؤلاء هم اخوان رشيد القوم.. وخيلان واعمام امنية وهنودى...
اليوم ونحن فى طريقنا من المطار للبيت حكيت للرشيد انه ابوى بضرب لى فى اليوم 6او 7 مرات وامى كمان.. الاضحكنى وفرحنى انه خال ابوى حسن الاقرع اتصل بى من لندن يسال ويطمئن قلت ليه شنو الحكاية قال لى كنت بتكلم مع ابوك قال انه زهجان وقلقان عشان الرشيد مسافر ..التحية لحسن الاقرع وربنا يديك الصحة والعافية.. ديل هم اهلى وسندى ..
وذى ما قال منصور نحن مشاعرناالتعبير عنها يسبقنا دايما.. لها من الايجابيات اكثر..
التحية مجددا ليكم كلكم اكيد حتى الما اتصلو بينا نحن فى قلوبهم..
والتحية ليكم كلكم من منى بابكر وجود الرشيد معاها وسؤالكم عنها واتصالكم بيهاكان ليه اسر نفسى جميل وعميق ..
ديل انتو ناس الزقازيق فعلا اجدع ناس واحلى ناس وانقى ناس..
ابوظبى اليوم تحيكم وهى ترقص طربا بعودة رشيد القوم
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
الف حمدالله على سلامة وصولي الجميل رشيد القوم و
انشاء الله ربنا يدي بنت بابكر الصحة والعافية
و ترجع لاولادها متعافية .
و حبينا نمر و نبصم بالمربع للذكري
| |
|
|
|
|
|
|
|
|
|
Re: مربع كاي (Re: موسي عيسي)
|
WELL COME BACK
WE MISSED YOU IAM GLAD TO KNOW THAT MONA IS DOING WELL
PASS MY REGARDS TO YOUR KIDS AND NAJAT ,,,,,, SHOSH
| |
|
|
|
|
|
|
|
|
|
Re: مربع كاي (Re: نجاة حوفي)
|
الاخت العزيزة نجاة
Quote: احلى مساء لاحلى واجمل واجدع ناس..
اعتزار خاص للشادى صاحب الصوت الجميل لانى ما قلت ليكم انه الشادى اتصل بى اول امبارح الصباح يسال عنى وعن اولادى .هنئا لى ولاولادى هؤلاء هم اخوان رشيد القوم.. وخيلان واعمام امنية وهنودى... |
كتر خيرك في كلامك
لكن زي ما قال نمروز للرشيد
ما تشكر زول دا الواجب
وانا في التلفون قبل ما تعرفيني قلت ليك
انا بتصل عليك لاني غيران من الود منصور عبد ا لرازق
وقلت ليك : منصور خلاني احس كأني ولا حاجة
ناس أبوهم مسافر
وفي رحلة نسأل الله إنها تتكلل بالنجاح
والاولاد قاعدين براهم
ومنصور بيسأل عنهم
ونحن لا
لا ليه ؟
الله يخلي ليك اولادك والنقاق الكبير بتاعهم
ويسعدكم يا رب
تحياتي
| |
|
|
|
|
|
|
|
|
|
Re: مربع كاي (Re: كمال الشادي)
|
صبحكم الله بالخير
أحيانا يأتي أحدهم و يقول ليك انت ليه عايز تصرف القروش دي كلها عشان مجرد تمشي تزور مريض..الأفضل أن ترسلها ليهو يستعين بيها في مصاريف علاجه...بقول ليكم ما تسمعوا كلام الزول ده...لأن زيارتكم للمريض قد يكون ليها تأثير أكبر من العلاج نفسه...
هذا ما تعلمته من سفرتي الأخيرة لزيارة أختي منى...وجدت أن وجهها نور بمجرد وجودي معها....كان ودي أن أبقى معها طوال فترة علاجها...و لكن ظروف عملي تحول دون ذلك...و لكني وعدتها بزيارتها متى ما تيسر ذلك و في أي مكان كان و مهما كانت التكاليف...
أنصحكم أن لا تدخروا وسعا في زيارة مريض لديك...فانكم تقدمون له عونا كبيرا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: ندعو الله ان لا يجيب ليك حردة , ولا يرفرف جوالينك زهج
ارجع لأيقاعك وانت مطمئن على منى
فاننا نفتقدك |
منص حبيبي...من له أخ مثلك لا أظنه تطول حردته أو زهجه...
يعلم الله اني ما بقول الكلام ده لمجرد كسير تلج...
أكثر ما يطمئنني على منى عندما تذهب الى السعودية...
ان كل الأحباب هناك و أنت على رأسهم..
قلت لي منى حتشوفي ناس عمرك ما شفتي زيهم...
و أنا صادق...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الف حمدالله على سلامة وصولي الجميل رشيد القوم و
انشاء الله ربنا يدي بنت بابكر الصحة والعافية
و ترجع لاولادها متعافية .
و حبينا نمر و نبصم بالمربع للذكري |
حبيبنا موسى عيسى...مرورك بالمربع يشرفنا و يسعدنا...
لك مني كل الشكر و الامتنان عزيزي على تواصلك و سؤالك عبر المنبر و بالتلفون...
لك تقديري الخاص...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: WELL COME BACK
WE MISSED YOU IAM GLAD TO KNOW THAT MONA IS DOING WELL
PASS MY REGARDS TO YOUR KIDS AND NAJAT ,,,,,, SHOSH |
شوش الجميلة...أشكرك من كل قلبي...
أمطرتيني بكرم سؤالك عن صحة أختي منى و لم تنقطع تلفوناتك عني...
ما تفعلينه لا يشبه الا شوش..دائما سباقة و كريمة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: سلامات يا ناس
مرورنا المحبب على كاى وناس كاى.
الرشيد...ربنا يتمم الشفاء وتعودون
بالسلامة. |
شكرك على مرورك المحبب لدينا يا كوتش...
عندما لا تمر يكون هناك أمر جلل و نفتقدك...
شكرا يا كوتش يا حبيب....
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: انا بتصل عليك لاني غيران من الود منصور عبد ا لرازق
وقلت ليك : منصور خلاني احس كأني ولا حاجة
ناس أبوهم مسافر
وفي رحلة نسأل الله إنها تتكلل بالنجاح
والاولاد قاعدين براهم
ومنصور بيسأل عنهم
ونحن لا
لا ليه ؟
الله يخلي ليك اولادك والنقاق الكبير بتاعهم
ويسعدكم يا رب
تحياتي |
كيمو الحبيب...
عليك الله شوف الجمال ده..
تطمئن على أسرتك و هم في أبوظبي...
لأن لك اخوة أعزاء يتفقدونهم و هم في الرياض...
الله يديمكم لي و لأسرتي...
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: حمد الله على السلامة
ربنا يطمئنك عليها اكتر واكتر
قلت لى الهدية جزمة زحاف
الهدية فيها آآآنة
الكبر حصل ... |
ديدو الحبيب...الله يسلمك...
و أشكرك على تواصلك معي و أنا بالأردن...
لقد أسعدني تواصلك...
الجزمة الزحاف مش عشان الكبر...
عشان دي وصية الدكتور كمان...
أحسن ياتو؟؟؟
| |
|
|
|
|
|
|
|
|
|
Re: مربع كاي (Re: محمد صديق)
|
أبو الزوز و محمد صديق شكرا على المرور...
لما تكون قاعد براك في البيت و تكمل النوم و تكتر عليك التلفونات تكرهك الاجازة...تقوم تحاول تعمل حاجة زي دي تكسر بيها الوقت لحدي ما الأولاد يجو من المدرسة و يشغلوك...
ابتسامة
مالت الحافلة قليلا عندما وضعت السرة رجلها اليمين في سلم الحافلة...و كادت أن تنقلب عندما وضعت رجلها التانية...
السواق...يا حاجة أدخلي في النص الحافلة دي بتنقلب ...فساعدها الكمساري و اتنين من الركاب للدخول الى الحافلة بصعوبة...
واحد من الشباب كان قاعد بالقرب من فتاة شرط عمل فيها لا شايف لا سامع عشان ما يقوم من جمبها للسرة...
لكن الكمساري الغتيت لكزو و قال ليهو ياخي ما تقوم للحاجة دي...قام من كرسيهو ممتعض...
كدي يا بتي زحي لي شوية كده خليني أقعد....
هي ووب علي لكن يا خالة ما عفصتيني وقطعتي لحمي...
أنا عفصتك..هو وينو لحمك ده... قديتي لي كلوتي بي عضامك ديل...انتو ما بتاكلو يا بنات الزمن ده و لا شنو...
الرشاقة صحة و عافية يا خالة...
علي بالطلاق لا صحة و لا عافية...دي بشتنة و رمدنة...
طلاق شنو يا خالة قولي بسم الله...
مالك...قايلاني بحلف بالطلاق ساكت...وحاتك أنا العصمة في يدي يا بت أمي...
هي لكن ما بسألك بالغتي عديل كده يا خالة...و ده لميتي فيهو وين ده الأداك العصمة ده...
هييي قادر الله انتي قايلاني كنت معصعصة زيك كده...أنا والله الرجال كانو بقيفو بالصف يطلبوني...
و كان شرطي الوحيد انو العصمة تكون في يدي...
و الله بختك يا خالة...نحن حسه عرفي ما لامين فيهم...
الشاب الكان قاعد جمب البت قعد يتبسم للبت زي البقول ليها نحن هنا...
البت شافت حركاتو و قالت ليهو هي يا الأهطل ده أمشي كده انت والله كان أديتني العصمة ما بعرسك...
شوف العوير ده بالله أعرسك انت عشان أتبهدل وراك بالحافلات...
السرة..آآآي عفيت منك يا بتي..ديل ما بينفع معاهم الا العين الحمراء...
خلينا منو يا خاله...بس خليني أسألك سؤال...
انتي حسه الراجل ده لو مشى خلعك في المحكمة تعملي شنو...
يخلعني كيف يعني...
يعني يمشي المحكمة و يقول للقاضي أنا المرة دي ما عايزه طلقني منها...
هو كان راجل و أبوهو راجل خليهو يعمله...و الله أقطع ليك لحمو حتة حتة و أرميهو للكلاب...
علي بالطلاق أشيل مرق العنقريب و أضربو ليك ضرب...أدخل ليك فيهو خلعة لي يوم القيامة ما تمرق منو...
قال يخلعني قال...يخلع ضروسو واحد واحد....
انتي ما عرسوك لسه يا بتي..
بري يا خالة ما عرسوني...أنا لسه بقرأ في الجامعة ما خلصت...
و عندك واحد دايرك...يعني ود عمك ود خالك...
لا و الله مافي...
طيب ما خلاص أعرس ليك أحمد ولدي...
خلاص موافقة...
بس بي شرط يا بتي...
شنو الشرط يا خالة...
يعرسك عرفي...
| |
|
|
|
|
|
|
|
|
|
Re: مربع كاي (Re: محمد صديق)
|
السلام عليكم ايها الغالين مساكم زين اخيرا وليس اخرا وصلت كلمة السر وبعدين ماتخافو سوف يكون حضورنا خفيفاوليس كمايرى البعض صديقي واخي الاكبر الرشيدبابكرعوداحميدا ولناانشااللة صولات مع اخي الاخرمنصوروالبقية تاتي حتي نتحف هذا البوست بروائع الدرر
| |
|
|
|
|
|
|
|
|
|
Re: مربع كاي (Re: محمد المرتضي)
|
| Quote: السلام عليكم ايها الغالين مساكم زين اخيرا وليس اخرا وصلت كلمة السر وبعدين ماتخافو سوف يكون حضورنا خفيفاوليس كمايرى البعض صديقي واخي الاكبر الرشيدبابكرعوداحميدا ولناانشااللة صولات مع اخي الاخرمنصوروالبقية تاتي حتي نتحف هذا البوست بروائع الدرر |
يا مرتضى حبابك عشرة بلا كشرة...عشان بس دي أول مداخلة ليك حأمشي ليك جكاية أخي الأكبر دي...حمد الله على وصول الباسورد و لا شك انك حتكون اضافة كبيرة و مدنكلة للمنبر و البوست العام...في ناس طبعا أول ما يشوفو اسمك داخل عليهم بلحمك و شحمك حيحصل ليهم زي حكاية أبراهيم شخص الدين شمسيا ديك...
و بعدين أعذرني...شحمك و لحمك دي مجازية هنا...أنا عارفك كملت من لحم الدنيا و ما فضل فيك الا .......و دي بخليها لعاطف القوز لما يجي يدخل معانا المنبر...
نورت والله يا مرتضى....
| |
|
|
|
|
|
|
|
|
|
Re: مربع كاي (Re: الرشيد بابكر)
|
احتمال اكون فرحان بكلمة السر زى جزمة العيد ولكن في حضرة من اهوى تبقي الفرحة هي الاحساس المسيطر علي كل الاشياءامامسالة اخي الاكبر دي ماوقعت ليك ولاشنو بعدين الكبر ماعيب هي مسالة احترام نرجع لموضوع الشحم واللحم الكمل دة والكرش زاتهاراحت في حق اللة رغم كل التحسينات من سمك عوضية ولحوم قندهاروشية نادي الشرطة والظاهر حنبقي ناس زبادي وعيش بلبن احياناتبقي الذكريات اشياء لاتشتري وتبقي مرهونة بكل الاشياء الجميلة تغوص داخلهاحتي تدمع عيناك واحياناتخرج منهاضاحكاالشي الحقيقي الوحيدانهاذهبت .....................
| |
|
|
|
|
|
|
|
|
|
Re: مربع كاي (Re: الرشيد بابكر)
|
والله عجبتني حكاية الأخ الأكبر دي كيف ... خاصة لمن قال الأخ منصور ... وقرب يقول يا نديدي ... يعني منصور الجلك ده قاعد يقول ليك تحت تحت برضو الأخ الأكبر ... ولد يا محمد المرتضي دي الإفتتاحيات ولا بلاش ... والله ولا إفتتاحية القارديان ...
مرحب بيك ياخي
| |
|
|
|
|
|
|
|
|
|
Re: مربع كاي (Re: زهير الزناتي)
|
حازت الدكتورة سناء الصباغ علي الماجستير الثاني في الصحة العامة من جامعة جلاسكو بالمملكة المتحدة بتقدير ممتاز ... وكان الأول من كلية الطب جامعة الخرطوم ...
سناء الصباغ خريجة كلية الطب البيطري جامعة الزقازيق ... وناشطة في العمل السياسي في مصر ثمانيات القرن الماضي ... وهي عضو منبر سودانيز أونلاين ...
فألف مبروك لها وللصديق عمر مجذوب وأبنائها ناظم ، زينب وإيناس وكل الاسرة بحي ابوروف العريق .. ولكل ناس الزقازيق أجدع ناس ....
مبروووووووووك الدكتورة سناء الصباغ
| |
|
|
|
|
|
|
|
|
|
Re: مربع كاي (Re: زهير الزناتي)
|
جعلي شاحن لوري نبق وخاشي علي شندي، لمو فيهو عساكر التفتيش، وين اوراقك؟ وين تصديقك؟ ما شايل اي ورق.
حكموا عليه يفلقوه بالنبق الشايلو كله.
الجعلي يفلقو فيه وهو ميت بالضحك.
العساكر: بتضحك مالك يا زول؟
الجعلي: وراي شايقي شاحنلو لوري دوم
مساطيل مشوا الاهرامات
شافوا مقبرة مكتوب عليها 2367 ق. م.
واحد سأل التاني دي شنو !!
قاليهو تكون نمرة العربية الضربتو
شافعة رباطاب امها قالت ليها قومي غسلي العدة
الشافعة غسلت العدة سريع ومشت قعدت في التلفزيون منتظرة المسلسل
امها قالت ليها يا بت قومي اقري عندك امتحان والمسلسل ما جاي في الامتحان
ردت البت: نان اول ..العدة جاية
رباطابية وشايقية مشن الحج
بعد الطواف الرباطابية فقدت نعلينا
لقت ليها اقرب نعلات لبستها
الشايقية قالت ليها الحاجة هوي .. تشيلي من بيت الله
ردت الرباطابية نان بيت الله انا جيتو حفياني
رباطابي راكب تاكسي
اختلف مع السواق
قاليهو نزلني
السواق سال باستنكار انزلك كيف !!
الرباطابي رد: يعني حا تديني دو هارت .. ما تقيف
سوداني مسطول عينوه في مباحث الحرم
اول يوم في الشغل مسك ليهو واحد
وقاليهو: يا زول انا شاكي فيك .. ماشي وجاي .. في شنو !!
شايقي مشي يشوف ابوهو في المستشفي الخاص قام قابل الممرض ..
الممرض اشر ليهو علي غرفة مكتوب فيها ( انعــــــاش )
الشايقي قال ليهو: وان ما عاش اجي اشيل قريشاتي ؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
نحن في مربع كاي وجب علينا أن نهني الدكتورة سناء الصباغ على حصولها على درجة الدكتوراة...
تهنئة من القلب لسناء الصديقة و سناء الأخت و سناء أم ناظم و سناء زوجة صديقي عمر مجذوب...
سناء أثبتت حاجتين...
الأولى طلب العلم ولو في اسكتلندا...
الثانية طلب العلم من المهد الى الكبر...
سناء شليقة يعني كان سمعنا بيها بقت برفيسورة بعد شوية ما تستغربوا...
أهم شي يا سناء انك تجري وراك البنات ديل ( نجاة و زوبة)...
و أنا كان حاولتي معاي شوية بقتنع...
| |
|
|
|
|
|
|
|
|
|
Re: مربع كاي (Re: الرشيد بابكر)
|
هنا فى مربع الجمال ..
يتوجب علىّ الترحيب بصديقى العزيز
وأخى ( الأصغر ) أب راسا ( كبير)
محمد المرتضى عبد العزيز ...
ارحب بـ مرتضى .. أحد أشهر ظرفاء الزقازيق ...
ومؤسس فرقة الفرح الساخر فى كلية زراعة .. مع صـنوه الآخر عاطف القوز ...
مرتضى الذى تستطيع تشبيهه بصحن الحلو الذى كان يقدم فى المناسبات السودانية ..
سواء كان كاسترد او جلى او حتى فروت سالاد ...
لكن بس بالله قولوا لى .. كيف ممكن يكون مرتضى جلى ولا ايسكريم ؟؟!!
هذه هى معادلة الممكن والغير ممكن التى شكلت هذه الشخصية المحببة ..
بكل تأكيد نحن موعودون بكثير من جميل الذكريات من مستودع هذا الشخص الجميل ..
مرتضى .. او ابو داوود الزقازيق ..
| |
|
|
|
|
|
|
|
|
|
Re: مربع كاي (Re: منصور عبد الرازق)
|
اولا , طالما الباسويردات بقة هبطرش كده , وما بتضمن كمان بكرة يجيك حاج الركز ويتم الناقصة
فنحن عاوزين نعمل للشغلة دى , باب عدييييل
القفل منى انا ده , طالما الباسويردات بقت ما قادرة تحمينا
فنحن لينا ابوب , وطبل ,وسنتر لوك كمان
وبعدين انتو مش قلتوا فاتن حمامة دى اعتزلت وخلت السينما والتلفزيون كمان
الخبر ده اظنه ما صحيح
لمن يجيك واحد , يعلق على قصة قصيرة كاتبها واحد جاى من الأردن جديد لنج
ويقوم يغالطو ليك فى قصته الكتبها
بحجة (آل ايه ) , انت المحن دى ما حقتك
ومال حقت منو يا اخوى
يعنى الشغلة يبقى فيها زواج عرفى , وماعارف شحم شنو ولحم شنو ؟؟
وعضيمات تقدد الكلو , وكماسرة ومحطات وحافلة عاوزة تنقلب
تقوموا ترموها فينا ؟؟!!
اسكتو اسكتو اسكتوا
مش فاتن حمامة رجعوا شغلوها عندنا فى (البوليص )
وكمان ادوها بوكس دبل كابينة
يا فاتن حما مااااااااااااااااااااااااااااااااااااااااااااااااااا
روقى
| |
|
|
|
|
|
|
|
|
|
Re: مربع كاي (Re: منصور عبد الرازق)
|
وفاتن حمامة , كمان قاموا كده وركبو ليها شنب كبيييييير
وبقت زى (شفيق عبد ربو )
لمن قال ليها ,
انا اركب شنب , واروح لأبوكى
واول لو (اهى دى شنبى اهو )
يازول اوعى تلعب بالنار مع الزول الجا جديييد ده
انا عارف زاتو الجابو فى مربع كاى شنو
احقوا الواحد , يقوم يفتح ليهو بوست بى هناك ويسميهو
(مثلث برمودا )
كان ما راح هو
نطشش ليهو باسويرده الجديد ده
اول ما جا داخل , قال ليك اخولى الكبير , ولصفنى معاهم انا والرشيد
تقول دفعتهم ولا قدرهم
الزول ده فى الرحلات , كنا بنقعدوا فى الكنبة (الورا )
ونقول ليهو وانا طالعين البص ولا نازلين منو
ياخى ما تزح ( ش ------------) ديل
تجى تقول لينا اخوك الأكبر
الرشيد براهو يا خوى
انا لا معاكم ولا حاجة
انت والرشيد ومحمد عيد وحاج الركز , جائز
بس انا يا دووووووب
بكمل ليكم بعدين عشان الصلاة جات
| |
|
|
|
|
|
|
|
|
|
Re: مربع كاي (Re: منصور عبد الرازق)
|
هوي يا ناس زراعة مشاكلكم دي ما دخلونا فيها ... واحد راكب في الكنبة الوراء ... والتاني بيغني وما عارف شنو .....
انا ذاتي إستاهل البيجبني محل الجلاكين ديل شنو ...
بالمناسبة يا منص صاحبك ده ما يقعد يشبكم أخوي الكبير وحبوبتي وما عارف شنو داك .. الزول ده يومداك في لحظة صفا قاعد يحكي لي عن مباراة الهلال وسانتوس البرازيلي .. وحلف بسيدي الحسن إنه حضرها في المدرجات الشعبية .... أ
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: بالمناسبة يا منص صاحبك ده ما يقعد يشبكم أخوي الكبير وحبوبتي وما عارف شنو داك .. الزول ده يومداك في لحظة صفا قاعد يحكي لي عن مباراة الهلال وسانتوس البرازيلي .. وحلف بسيدي الحسن إنه حضرها في المدرجات الشعبية .... أ |
ما قلت ليكم ما صدقتوني...قلت ليكم أنا احترمت دخول الزول ده لأول مرة و قلت مافي داعي للمشاكل...أها مباراة الهلال و سانتوس دي أنا حكى لي عنها أبوي...
أبو الزوز قول لي زولك ده من غير حليفة وبي سيدي الحسن كمان مصدقنك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
في محاولة من نجاة لربط امنية و مهند بالموسيقى السودانية تكثر من تشغيل الأغاني السودانية في العربية عندما يكونا معها...و لأن شريط نانسي عجاج الأكثر تشغيلا و خاصة أغنية قالو علي شقي و مجنون...حفظ مهند الأغنية تماما و أصبح يرددها مع نانسي كلما قمنا بتشغيل الأغنية...و لكن من شدة تعلق مهند بالأغنية و رغبة منه في التعبير عن تعلقه بي قام بتحوير الأغنية و أدخلني فيها...فأصبح يقول ...
قالو قالو بابا شقي و مجنون...
شفتو الحب ده كيف...
يالله أقلبوها...
| |
|
|
|
|
|
|
| |
محمد صديق
محمد عيد
عبد الدائم سيد أحمد
زهير الزناتي
زينب التجاني
كمال الشادي
الرشيد بابكر
طارق جبريل
نجاة حوفي
ياسر نجيلة
منصور عبد الرازق
مني يونس
موسي عيسي
فيس بوك
تويتر
انستقرام
يوتيوب
بنتيريست