|
|
 Re: مربع كاي (Re: الرشيد بابكر)
|
Quote: يبقى يا بكري حامد...
أو محمد عيد...
|
يا روش ها أنذا أكتب على طريقة السيدة إياها التى خاصمت زوجها وسمعت مناجاته ذات مساء وهو يدعو : يا سيدى الحسن تجيب لى مرتى أم عيالى هادية وراضية ، فأرتمت فى أحضانه بغنج وهى تردد : يا سبدى الحسن وادنى وين؟ .
هذه الأيام العيال فى إجازة ، وبسبب إجازة المدارس خفَّت لحد كبير الإزدحامات المرورية وأستطيع الآن الوصول للمكتب خلال 15 دقيقة ، وتولد لدينا إزدحام آخر على جهاز الكمبيوتر ولا مناص من إنتظار دورك أو ترقب عطف أحد الأبناء وقد يطول انتظارك وتتثائب وتنصرف للنوم ، وفى الخاطر امتلاك كمبيوتر محمول عشان يا أبو الرحوم ماتنكسف يوم لو جاراتنا جن داخلات لى صفاح أو بيريك نجاح ، ده الواجب إذاً ، غصباً للظروف والحال الحرن (وغصباً لتوجيهات عبدالله الداعية للإدخّار).
| |
 
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: غصباً للظروف والحال الحرن (وغصباً لتوجيهات عبدالله الداعية للإدخّار).
|
بكوري...انت اللاب توب ده طلعنا ليك فيهو فتوة من زمان...و قلنا ليك الضرورات تبيح المحظورات...أمشي جيب اللاب توب و ليس عليك حرج...
ولو شاكي في الفتوة بتاعتي دي...بعدين بخلي عبدالله يفتي ليك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: وفى رواية اخرى
يا سيدى الحسن مت دفر
خطوتين قدام وخطوة وراء
يا سيدى الحسن مت دفر ...... يا سيدى الحسن مت دفر ،،، |
ما شاء الله عليك يا ديدو حافظ كويس...
يقطع شمارك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الأغنية دي مهداة للجميع...
و لكن اهداء خاص للأخ العزيز كمال الشادي...
كيمو ان شاء الله الأغنية دي ما تهربك مننا...
| |
|
|
|
|
|
|
|
|
|
Re: مربع كاي (Re: محمد صديق)
|
Quote: ومبروك الصفحة الجديدة
بجيكم |
ان شاء الله يباركو ليك التيمان يا يابا...
بس تعال لينا قبل ما نقلب الصفحة...
لأنك لو جيت مع الصفحة الجديدة بتكون اتلومت عديل كده...
ممكن نجيب ليك الاذن من القائد المباشر تقعد معانا شوية...
أنا غايتو مارق للربا و التلاف و مافي زول شغال بي...
| |
|
|
|
|
|
|
|
|
|
Re: مربع كاي (Re: محمد صديق)
|
سلامات يا ناس
Quote: تعال أشرب معانا كباية شاي بي لبن مقنن...في مربع كاي...
|
يا حبيب ...سلام
جيت قبل الدعوة براى وما لقيت زول
خلينا نجى عشا احسن
| |
|
|
|
|
|
|
|
|
|
Re: مربع كاي (Re: محمد صديق)
|
Quote: يا حبيب ...سلام
جيت قبل الدعوة براى وما لقيت زول
خلينا نجى عشا احسن |
يا حبيب أنا يا دوب ختيت الدعوة بي هناك و جيت جاري جري أشوفك بي جاي...
أجي ألقاك جيت و مشيت...
انت سرعتك دي ما بتعملها الا هنا...
وين مهلتك؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
مهلتى ...هدية من حسن طلب...
احببتك حبآ :
لو قد تحتك كان اقلّك
او لو قد فوقك كان اظلّك
او لو قد حولك !
من لى بك...بى من لك؟
حرّمك القمحُ علىّ
ولكنّ الدوحّ احلّك
ويلى او ويلك
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
وتانى حسن طلب...مهداة ل عيد ...ربما تأتى به هرولة..
قد آن أوانى لكْ
لى آن أوانُك، قالت:
يل سيؤون
عند القمح لقد كنتُ أتيتُك أمس
وتحت الدوح أكون سآتيك غدآ
قلتُ ألا : ما أنضب ماءك يا ( كان)
وما أشحب ضوءك يا (سيكون)
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
وتانى حسن طلب...مهداة ل عيد ...ربما تأتى به هرولة..
قد آن أوانى لكْ
لى آن أوانُك، قالت:
يل سيؤون
عند القمح لقد كنتُ أتيتُك أمس
وتحت الدوح أكون سآتيك غدآ
قلتُ ألا : ما أنضب ماءك يا ( كان)
وما أشحب ضوءك يا (سيكون)
| |
|
|
|
|
|
|
|
|
|
Re: مربع كاي (Re: محمد صديق)
|
Quote: يا سيدى الحسن مت دفر
خطوتين قدام وخطوة وراء
يا سيدى الحسن مت دفر ...... يا سيدى الحسن مت دفر ،،، |
يا نضيف روايتنا تبع شوايقة مدنى عشان كدا مختلفة عن رواية بلد المنشأ .
يا روش خلاص إعتمدنا الفتوى وسيتم التنفيذ فى القريب العاجل ، بعدين أغنية راشد والتومات لم يسبق لى سمعاها سوى من خلال كورال الجبهة الديمقراطية وهى حقيقة روعة.
بعدين يا روش عندى يعنى سعال فنّى : إنتوا بتعرفوا الصفحة بتقلب كيفن ، لأنك أمس قشّرتها لى باص قون بس ، أها سعالى الصفحة فيها كم مشاركة؟
يا جورج ياخى أسعدتنا بى طلتك وبمعيتك حسن طلب وأدرك عشقك لهذا الحسن ، ليتنا نضيفه لقائمة حسناب الزقازيق (طبلة - شطة - آكشن - برّى).
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
Quote: يا روش خلاص إعتمدنا الفتوى وسيتم التنفيذ فى القريب العاجل ، بعدين أغنية راشد والتومات لم يسبق لى سمعاها سوى من خلال كورال الجبهة الديمقراطية وهى حقيقة روعة.
بعدين يا روش عندى يعنى سعال فنّى : إنتوا بتعرفوا الصفحة بتقلب كيفن ، لأنك أمس قشّرتها لى باص قون بس ، أها سعالى الصفحة فيها كم مشاركة؟
|
بكوري أول تبادي سعالك بتاع قلب الصفحة أجاوبو ليك حسة و لا بعد ما تجيب اللاب توب...عشان يكون عندك حافز تجيب اللاب توب بسرعة...على أي يا بكوري الصفحة بتقلب في مية مداخلة...المعنى تحسب لحدي 99 و المية دي بتكون في الصفحة الجديدة...أها قصرت معاك..
الأغية دي أنا منزلها عشان أقلقل بيها كمال الشادي و لحدي حسة ما جاني مارق...أنا الأيام دي حارم ليك كمال الشادي النوم...خلي الأغنية دي تقعد ليها كم يوم كده و أقوم أجيب ليهو واحدة تانية من بيت الكلاوي...غايتو كمال الشادي الا ياخد اجازة الأيام دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
عندي مزاج مسيطر علي أنه أطل عليكم بالصباح...ليس لأن هنالك موضوع ملح و لا حاجة و لكنها مجرد رغبة عارمة في أن نكون مع من نحب في صباح ما زال في مهده يلامس بأناملة الرقيقة ثدي الحياة محاولا الحصول على قطرات من العطاء...
ثالث فنجان قهوة لي في هذا الصباح بالرغم من انني لم اساهر بمقاييس السهر عندي و ليس عند بكري حامد...فلقد أدرت ظهري لمباراة الانتر و نابولي المملة مساء البارحة...رغم محاولات على سعيد الكعبي معلق المباراة بابقائي لأطول زمن ممكن مشاهدا التلفزيون و ذلك لأنه ظل يردد هذه أجمل مباراة أشاهدها في الدوري الايطالي رغم نتيجتها التعادلية...لم أقتنع فأغلقت التلفاز و كانت الساعة قد تجاوزت الثانية عشرة ليلا...أويت الى فراشي وسط علامات الدهشة و الذهول لكل من فراشي و مخدتي و غطائي...
رغم المزاج العالي الا ان محاولة الكتابة الصباحية تصطدم بمعوق أساسي و طبيعي و مستديم..ألا و هي زحمة النهار...حتى أنني شربت ثلاثة فناجين قهوة دون أن أعي و حين رفعت رأسي الى ساعة الحائط المعلقة أمامي وجدت أن الساعة بلغت العاشرة و أنا الموجود بمكتبي منذ ساعتين...
و بالصباح أحاول أن أكتب سريعا حتى لا يقتحم أحدهم فجأة قاطعا حبل أفكاري فتتشتت الأفكار و تتبعثر و يصعب علي لملمتها مرة أخرى...و هذه الاقتحامات تحدث لي كثيرا رغم اغلاقي الدائم لمكتبي و وجود سكرتير على باب مكتبي الا أن طريقتي في التعامل مع الناس تجعلهم تجاوزوا كل المتاريس و يقتحموا مكتبي مباشرة لعلمهم انني لا اتضايق مطلقا من ذلك...و لكن بيني و بينكم أنا أخفي ضيقي بقدرة عالية على ذلك...
المهم سعدت بوجودي معكم هذا الصباح و فشيت رغبتي في أن أكون بينكم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: كلام طاعم ينفع تميمة... |
يا رشا يا كحيل العين 000
وجودك في اي حوش هو الطاااعم0(انتو طاااااعم دي بقت البديل لكسير التلج والمحلبية ولاشنو؟؟؟؟))
الليلة جايااك في المربع ده ومعاي 0(0مناورات تكتيكية نحو مبادرة استراتيجية )000 ودي دوزنة00
بس اخلص الجيفارات وطلباتهم 000 واقرا لحاج الركز بعيوني 000
خليك قريب000
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
طالما ان الرشيد حضر صباحا الى المربع فى حضور غير معتاد
وطالما ان ام التمائم والجيفارات حاضرة هنا مرتين
مرة لها , والأخرى بعيون العجوز الشايل حس العجائز المعاها ده
وحيثما ان بكور الحبيب والنضيف عبد الدائم , حاضران ومعهما اقصوصات سيدى الحسن اب جلابية
فانا استل
يا ربى استل شنو ؟؟
سكينة ولا قلم ؟؟
خليها قلم
وخلونى ادلف لحكايات سيدى الحسن القاعد يدفر فى الحريم ده , وانتزع من ثنايا الأقصوصة الرقيقة المروية بروايتين تختلفان لفظا ولكنهما تندمجان وتتحدان فى المعنى والمبنى لأقول
ان كييمياء التعاطى الزوجى مع حالات (اللا اتفاق )
هى كيمياء غاية فى الغرابة
كلها تنحو وتتجه لتصب فى ذات الاتجاه
يتخيل ليك مرات انو اتجاهات تعاطيها والتعامل معاها متباينة , وساعات كمان تتخيلها متوازية لا تتقابل
ولكنك دائما تتفاجأ بيها ماشة فى الأتجاه زاتو
الأقصوصة دائما تتخدث باختلاف رواياتها , عن اذعان جندرى مغلف بتمنع ودلال انثوى يرفض الأذعان ظاهرا ولكنه يمارسه فى الباطن تحت ستار (غصبونى والله وحلفوا على )
ان فى هذا السلوك , لمن يفهمه ويتمعنه يا احباب ,
سر من اسرار الحياة , ومفتاح من مفاتيح مضيها قدما نحو الأستقرار والديمومة
لو فهمه الرجل , شرط ان لا يجهر بفهمه هذا
لضمن استقرارا حياتيا لاياتيه (عدم الأستقرار ) لا من بين يديه ولا خلفه
اما ان اغفل عنه وانجر وراء احاسيس الرجولة (الزائفة ) , واوهام (النوع ) الكاذبة
فقد فقد الدلال
وخسر الأستقرار
واضاع اسرة وحولها الى خبر كان
دون ان يضيف ذلك الى رجولته شيئا
بس المهم , تعمل ما فاهم , لأنك لو عملت فاهم , فان النتيجة مماثلة لعدم الفهم الحقيقى , بل يبدوا انها تفوقها سوءا
خلى سيدى الحسن يلز ويلز ويلز
انت اتلقف ساااااااى
واشكر سيدك الحسن , وتمتع بزعلها الباين , قبل ان تتمتع برضاها الما باين
عرفتوا ولا نشرح تانى ؟؟!!
| |
|
|
|
|
|
|
|
|
|
Re: مربع كاي (Re: منصور عبد الرازق)
|
Quote: يا رشا يا كحيل العين 000
وجودك في اي حوش هو الطاااعم0(انتو طاااااعم دي بقت البديل لكسير التلج والمحلبية ولاشنو؟؟؟؟))
الليلة جايااك في المربع ده ومعاي 0(0مناورات تكتيكية نحو مبادرة استراتيجية )000 ودي دوزنة00
بس اخلص الجيفارات وطلباتهم 000 واقرا لحاج الركز بعيوني 000
خليك قريب000 |
فافي يا أميرة التمائم...
طعامتي أكتسبها منكم ...فوجودكم هو الذي يضفي الي طعامة و اذا ما غبتم غابت طعامتي...
تعالي بمناوراتك و استراتيجياتك و كذلك مبادراتك تجديني قريب ان شاء الله..
بس اوعي تطولي الغيبة..تلقي كمبيوتري بقى يطنطن...
و انت عارفة كمبيوتري لما يطنطن..
كل الدنيا الفيني تطنطن...
غايتو كمبيوتر...بس ربه يهون...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: خلى سيدى الحسن يلز ويلز ويلز |
منص أنا قريتها ويلز...قلت يا ربي سيدي الحسن ده اتأهل لكاس العالم و لا لسه...
دي الا نسأل الصادق عبدالله...
مش ايرلندا قريبة من ويلز...
| |
|
|
|
|
|
|
|
|
|
Re: مربع كاي (Re: الرشيد بابكر)
|
زمان ناظم ولد سناء الصباغ...حسه ما شاء الله بقى راجل كبير...
ناظم كان يصرخ و ينادي سناء يا ماما أجري...
سناء تجي جارية مخلوعة مالك في شنو...
يقول ليها كنت عايز أقع يا ماما...
أنا حسه على طريقة ناظم...
كتابتي ليكم بتاعت الصباح دي تعبتني...
عشان كده ماشي أرتاح أنوم شوية و أجيكم المساء...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: بس المهم , تعمل ما فاهم , لأنك لو عملت فاهم , فان النتيجة مماثلة لعدم الفهم الحقيقى , بل يبدوا انها تفوقها سوءا
خلى سيدى الحسن يلز ويلز ويلز
انت اتلقف ساااااااى
واشكر سيدك الحسن , وتمتع بزعلها الباين , قبل ان تتمتع برضاها الما باين
عرفتوا ولا نشرح تانى ؟؟!! |
منص يا منص ...
يا جكــاك انت ..
ســين سؤال ...
الشىء ده عن تجربة ؟؟
ولا نظرية سااااكت ..!!
طبعا اجابتك دى بتحدد مواقف ناس كتار فى الانتخابات والدوائر الجغرافية وكده يعنى ..!!
| |
|
|
|
|
|
|
|
|
|
Re: مربع كاي (Re: محمد عيد)
|
فريقنا بتاع الزراعة كان فريق له صولات و جولات و كان يضم في صفوفة عمالقة منذ أن حضرنا الى الزقازيق من أمثال صمويل دفع الله و عادل حمد النيل و الخير علي خلف الله و غيرهم..و لما جينا نحن انضمينا أنا و علي ميرغني و بكري مباشرة للفريق...أنا و علي ميرغني لعبنا وسطا و المرحوم بكري لعب مهاجما و كان جناح سريع و خطير...
تخرج عدد من الزملاء فأصبح الخط الخلفي للفريق ناقصا فرجعت لألعب مدافعا...و كنت ألعب في الخط الخلفي مع فايز حسن التوم ...كان فايز خط دفاع منفردا بقامتة الطويلة و عضلاتة المفتولة...كنت لما يكون المهاجم حنكوش بتصدى ليهو أنا و لو كان معضل برسل ليهو فايز يتولى أمره...
كنا مرة نلعب ضد بيطرة و كان حاتم جبارة وقتها أحد حناكيش الهجوم ببيطرة و صديق عمري ياسر لورد ارهابي الفريق...و كان فريق بيطرة يضم أيضا عمالقة مثل الدرديري و جماع و علي...
المهم في واحدة من هجمات بيطرة الخطيرة و التي قام بها المهاجم الحنكوش حاتم جبارة انقضيت على حاتم جبارة فوقع أرضا و استمرت اللعبة و لكني لم أستطيع أن اذهب و أترك الرجل يتلوى رغم أن زملائه واصلوا اللعب...فوقفت أطمئن على حاتم جبارة و ساعدته على النهوض و أدت الهجمة المرتده الى أن يتمكن البياطرة من احراز هدف..و لكني لم أستاء لذلك...
بعد المباراة عدنا الى شققنا و في المساء خرجنا كالعادة و أثناء مرورنا بشارع القومية لاحظت الجكس يصرصر لي ساكت...استغربت الأمر و قلت يا ربي الحاصل شنو...و واحدات يبرطمن بي كلام تحت أنا ما سامعو...و أنا ماشي في الشارع بعد شوية لاقيت بنات بيطرة و الذين تربطنا بهم علاقات طيبة..تعال هنا يا الرشيد ضارب الولد ده ليه...قدرك و لا لحم سدرك...يا أخوانا الولد ده منو...حاتم جبارة يعني ما عارف...و قربوا يقولو لي يضربك الضريب...
بعد شوية لاقيت ليك حاتم جبارة ماشي و يعرج مديها ليك كوز كبير..يعرج بشكل تقول ضربو قندران مش زول حنين زي كده...و اتلموا بعض البنات و برضو شبكوني ليك ضاربو ليه...قبل اليوم ده كنت قايل نفسي واحد من حناكيش الزقازيق و أحد الوجوه المسمسمة و المكسرة الجكس و كده...لكن يوم ضربت حاتم جبارة ده لقيت نفسي عادي جدا...و اني كنت فاكيها في نفسي ساكت..
اسبوع كامل في الزقازيق البنات يصرصرن لي و حاتم يشيل و يعرج و أظنو كمان تكون أكياس البرتكان و الترمس مالت تلاجتهم اليوم داك..و أنا لو كنت نزلت انتخابات كان جبت صفر كبير من عرجت حاتم دي...لحدي ما بعد كم يوم كده بعد ما حاتم شبع ترمس و بقى يمشي عادي... ابتديت أرجع علاقاتي شوية شوية...و سمعتي الضاعت بضربي لي حاتم جبارة..
| |
|
|
|
|
|
|
|
|
|
Re: مربع كاي (Re: زهير الزناتي)
|
أبو الزوز مداخلاتك شكلها مداخلة زول خايف الكهرباء تقطع في محل الانترنت...
لكن كان قطعت ما تقطع ....ست الشاي قاعده بره و لا مشت؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الأقصوصة دائما تتخدث باختلاف رواياتها , عن اذعان جندرى مغلف بتمنع ودلال انثوى يرفض الأذعان ظاهرا ولكنه يمارسه فى الباطن تحت ستار (غصبونى والله وحلفوا على )
ان فى هذا السلوك , لمن يفهمه ويتمعنه يا احباب ,
سر من اسرار الحياة , ومفتاح من مفاتيح مضيها قدما نحو الأستقرار والديمومة |
يقابل هذا النص يا منص مقطع شعرى ولعله رمية يبتدر بها الكابلى إحدى أغنياته:
يقولُ لى وهو يحكى البرقَ مبتسماً
يا أنت .... يا ذا (يصوّر كابلى هذا الغنج بصورة صوتية بديعة)
وعمداً لايسمّينى
........................
هذا المقطع يستغرقنى لحد الذوب
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
ده هسه إسم ولا صراع حضارات ولا صراع أديان ولا خاتف دينين "على وزن خاتف لونين".
يا روش عاوز أحفظ الأغنية فى ملف بجهاز الكمبيوتر ، بيعملوها كيف؟ السعال دى ليكم كوووولكم عشان ما فى واحد إتحسس وإغنج بى المعلومة على أساس أنو السعال موجّه للرشيد ، سامعنى يا محمد عيد ولا مشغول تزرزر فى منص ، يا خى تجربة شنو ؟ إنتَ ما عارف منص ده رجل موسوعى وملم بالملمات الزوجية.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري شايف أسئلتك كترت...و انت لسه اللاب توب ما جبتو...
عارف يا بكوري لما تجيب اللاب توب شكلي كده حأرحل لمنبر اليوم الحار...
بكوري أعمل رايت كليك على الأغنية حتجيك عدة خيارات من بينها download to و to حتكون لنوع المشغل العندك سواء أن كان ريال بلاير أو غيره...نزل الأغنية طوالي ...
كان ما نزلت معاك كلمني أرسل ليك محمد النصري يجي يسجلها ليك...
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
دحين آآآطارق ولدي انت جايي تزورنا وتقفر جدودك ولا جايي تباري الزرازير وطير الجنة
- يا حبوبتي هسي انا من اصبحت ماني قاعد معاكي في المراح أليل النعاج
- نان المراح ما كله قمري ودباس فشان كدي لابد فيهو يا ابن الهرمة
- لاكن يا حبوبتي انا زمان قلتلك سويلي كفاي أليل قُمري انت ابيتي
- نان يا ولدي داير الناس يقولوا فردوس بت الريح جنت وسوتلها كفاي قمري بدل الجداد
- انت الناس الدايرين يقولوا ما يقولوا انا مالي عليهن
- انت عاد ماك عايش في الخرتوم..
- والله الخرطوم طايري يا حبوبتي اريتني كان كنت عايش معاكي هني
- نان ما قلت لي امك تخليك معاي ابت.. قالت ابوك ما بيرضى
- هسي ما تكتري الحجي .. تمشي تقولي لي ود ناس تميم يجيب النملي من كريمة
ويسويلي كفاي أليل قمري.. في حوش جدي ود ابو دية وانا بقبض وبجي اخت القمري فيهو
- عاد يا ولدي اشيل حالي معاك انت كلهن شهرين تجي تصوت الدنيي هني وتمشي وتخلينا
نتباكى علي فراقكم.. الله ينعل الخرطوم ويقهرها ان كان شالت بُطان البلد كلهن علينا
- يلا انا بمشي ناس عمي الطيب واجي القاكي سويتي الكفاي
- انت عمك القاشر دة هسي ما كنت عندهم وبايت هناك لي شنو صادي تاني
- نان ماهو عمي يا حبوبتي انت باقيلي خرفتي
- الخرف اليقبضك انت وعمك المباري العرقي دة من تمغرب
- ياخي والله وكتين يجي بالمغربيي يقعد يغنيلو في غنى سمح خلاص
- مو ياها:
ود قرنين في علو
يا خلايق الله خلو
عندي صيدا في الكرو
خايف العين لا تحصلو
- ايي ياها انت قاعدي تعرفيها
- منو الماهو عارفها.. البلود كلها عارفي عمك الطيب كان دايرلو ويحيدتا في الكرو
- نان مالو ما عرسها..
- حبوبتك نفيسي بت بغداد حمتو يمشي يعرس هناك.. انت عارفها مرتا قاهري
آآآبيقدر عليها زول.. اصلو غير ابوك ما قدر عليها زول
- نان هو اصلو ما حنسها
- وحاتك يا ولدي وقفتلو في حلقه المسكين من يومه بقى مباري العرقي وعرس بت ناس محمد احمد دي
- بت ناس محمد احمد والله مرتا زيني
- ما قلنا شي علي عمك كان رايد ألت الكرو..
- نان مالو ما تنابا
- مع نفيسي دي ما ظنيتو يقدر
- مو يييدا ابوي سواها
- وحاتك سنتين آآبتناضمو.. وتلقاهو في الدرب بي تحت تفلعو بالحجار
- انا غايتو ان بقيت دايرلي ويحيدي باخدها حتى ان بقت امي ماها دايراها
- انت عاد ماك ترب ابوك.. محقب يدينك كدي علي شعبة الكرقي..
- هههههههه حبوبتي باقيلي دايري تنجضيني
- هههههههههههههههههههه.. يا ولدي ماهو من قلبي من لساني
الريدة دي من زمان مجهجهة خلق الله
| |
|
|
|
|
|
|
|
|
|
Re: مربع كاي (Re: طارق جبريل)
|
| Quote: الريدة دي من زمان مجهجهة خلق الله |
جبريلا و الله فرحان بيك فرح شديد...خلهم اليقولو دفيق محلبي و لا سرتي...كسير تلج و لا كسير ضلوع..ما بشتغل بيهم الشغله...
يا زول شفتنا عليك...الليلة قلت الزول ده كان ما ظهر ياني الضارب ليهو تلفون..
بركة الجيتنا راجع و جبت معاك الجمال ده كلو للبوست...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: يا زول شفتنا عليك...الليلة قلت الزول ده كان ما ظهر ياني الضارب ليهو تلفون.. |
الرشيد يا الحنين كيفنك وليداتك
طيبين يا رب
وحاتك كمية شغل كدة متلتلة ومعاها قرفة وشوق للبلد
اصلي خلاص رقدت كاويق
| |
|
|
|
|
|
|
|
|
|
Re: مربع كاي (Re: طارق جبريل)
|
Quote: الرشيد يا الحنين كيفنك وليداتك
طيبين يا رب
وحاتك كمية شغل كدة متلتلة ومعاها قرفة وشوق للبلد
اصلي خلاص رقدت كاويق |
جبريلا يا حبيب لا بد من السفر حتى و لو لاسبوع زي حق منصور...تأكد انه سيصنع الفارق....
لا تهتم للشغل و للبحصل بي وراك...خت القلم و شيل جوازك و تذكرتك و أمشي المطار....
أنا زمان كنت بقول الشغل و لو مشيت حستحصل مشاكل بي وراي...لقيت نفسي بضيع في عمري ساكت
مرة أربعة سنوات و مرة سنتين ما أمشي...لكن بيني و بينك في السنوات الأخيره دي قلت ان شاء الله تحرق بي
وراي انا مالي و مالها حقت أبوي...و مشيت و جيت لقيت نفس المشاكل الخليتها و ابتديت فيها من محل ما
خليتها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير و السرور
كل الصباحات جميلة...فصباح ملئ بأنعم الله علينا...صباح يبدأ بشقشقة العصافير في أوكارها وتعاود فيه الشمس الاشراق متسربلين بنعمة العافية و الستر علينا و على من حولنالصباح جميل...
و لكن اليوم الصباح متميز لأنه يشبه صباح زقازيقي جميل...فالضباب يغطي كل الأرجاء يلثمك ببرودة لذيذة و منعشة...تنعدم فيه الرؤيا و بحضور بهي للجمال..فأغمض عيني و أسافر عبر الزمن الى حيث كنا نتناجى و نغني و نناجي الطير من غصن لغصن...
صباحكم بمبي...
| |
|
|
|
|
|
|
|
|
|
Re: مربع كاي (Re: كمال الشادي)
|
سلامات يا ناس
وصباحات التفاؤل
| Quote: بكوري أعمل رايت كليك على الأغنية حتجيك عدة خيارات من بينها download to و to حتكون لنوع المشغل العندك سواء أن كان ريال بلاير أو غيره...نزل الأغنية طوالي |
يا حبيب هو كان بيعرف يعمل جنس ده كان بقى ميكانيكى. طوالى اتذكرت طرفة رواها لى بكرى
ايام الرفقة الطاعمة....ولد بيحب الاكل وبيقضى على باقى اى صينية فى المناسبات..فى يوم
كده اكل كميات مهولة لحدى ودوه المستشفى ..الدكتور قال ليهو ما عندى ليك حل الا تدخل
اصبعك فى حلقك وتستفرغ....قال للدكتور بالله شوف العوير ده انا لو قادر ادخل اصبعى فى
خشمى ما كان ادخل لى سوجكاية.
الرشيد شكرآ على الاغنية.
| |
|
|
|
|
|
|
|
|
|
Re: مربع كاي (Re: كمال الشادي)
|
Quote: طارق جبريل
أقول ليك سر
أنا بحبك
وبحب حبوبتك
وأهلك كلهم
وأبو أهلك كمان ....
|
نحن ذاتنا في دربك قاعدين نقع مقلمين ضُمة ضُمة
الله يعدلها علييك شقيش تقبل
يا جورج ازيج ياخ
| |
|
|
|
|
|
|
|
|
|
Re: مربع كاي (Re: كمال الشادي)
|
ود الشادي كيفنك
الياهو في المغرب كامل فيهو مشكلة
ما عارف الحاصل شنو
بس مجرد ما تحل المشكلة حا تلقى رسالة في ايميلك بالتفاصيل
تسلم يا حبيبنا
يا جورج الله يعلم مشتهي لي ونسة معاك زي حقت الشمع ديك
ان بقيت متذكرها
| |
|
|
|
|
|
|
|
|
|
Re: مربع كاي (Re: طارق جبريل)
|
(
المراح أليل النعاج
كفاي قمري
بُطان البلد
الكرو
آآبتناضمو))
يا جبريلا دا دكشنري شوايقة000
اشتقت لحبوباتي000
| Quote: الريدة دي من زمان مجهجهة خلق الله |
ودي يا جبريلا 000 في الدكشنري التاني موجودة00(وش يعاين ويتلفت)
0000000000000000000000000000000
الرشيد صباحك ابيض 000 البمبي دا لون مسرووق
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
| Quote: الرشيد شكرآ على الاغنية. |
و الله يا كوتش بس ياها زاته (و الله عبود ده بالغ)...
بالغت عديل كده...الصفحة قربت تقلب ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الرشيد يا حبيب
والله عندي عرض قوي ارجع نهائ
لكن القصي دايرالا مباصرة |
جبريلا في الأول دايرالا استخارة كاااااربه..
و بعدين استشارة كاربتين...
و بعد داك تعزم و تتوكل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: الرشيد صباحك ابيض 000 البمبي دا لون مسرووق |
فافي أميرة التمائم...
البمبي لون أمنية المفضل...
و لأنها تمتلكني..
استحق لونها المفضل أن يلون صباحي حتى و ان كان مسروقا...
و لكن لأنك أميرة التمائم فلنقل..
مساكم أبيض مجمل و معطر بماء الورد...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ست الدار أغنية هذه الصفحة من أجمل ما سمعت في الفترة الأخير...و لكن لماذا قمت بالاهتمام بها فجأة و هي قصيدة قديمة من قصائد حميد المعروفة ...و لحميد قصائد أجمل و أكثر تأثيرا منها...و الواقع لقد قمت بنقل عدد من قصائد جميد الى البوست من قبل ليست من بينهم ست الدار...
جاء علي أخوي من السودان في واحدة من زياراته الكثيرة الى الامارات...كانت بداية أسبوع فلم أحظى بمقابلته الا عبر الهاتف و عندما حضرت الى أبوظبي في نهاية الأسبوع و كان معي أختي غادة و ابنها اسماعيل الذي يبلغ من العمر أربعة سنوات...جلسنا جلسة تحدثت عنها في هذا البوست...علي أخوي كان فنان كبير منذ نعومة أظفارة..فعلي كان يغني بأوركسترا كاملة عندما كان في السادسة من عمره..ثم شارك في عدد من الدورات المدرسية حتى اختار أن ينتمي للاتجاه الاسلامي فتوقف عن الغناء و لكنه لم يتوقف عن الاستماع و الترنم...و كنا كثيرا ما نغني أو نمدح سويا عندما نكون معا في العربية...
أخرج علي الموبايل و قال لينا سمعتوا الأغنية دي و شغل لينا ست الدار...و عندما انتهت الأغنية أخرجنا كلنا موبايلاتنا للحصول على الأغنية ثم ابتدأنا كل واحد يقوم بتشغيلها من جهازه...قلت لعلي أخوي انت قلبت و لا شنو يا أخوي...أصبحت أغنية ست الدار تصدر من موبايلات مختلفة في شقتنا...ماذا فعل محمد النصري بهذه الأغنية و ماذا فعل بنا...لقد حول قصيدة حميد الجميلة و المصورة للواقع في ذلك الوقت بصورة رائعة الى كائن حي يمشي على رجلين...
أصبحت الأغنية تسيطر علينا جميعنا كما قلت من قبل...و لكن أكثر ما أدهشني هو تفاعل اسماعيل ابن الأربعة سنوات مع ست الدار...أصبح اسماعيل لا يجلس الى الأكل الا عندما تقوم أمه بتشغيل ست الدار...و يلح على ذلك بل ويرفض الأكل فتستجيب أمه له فيبدأ بالأكل و يردد أحيانا و فمه مليئ بالطعام...ست خرفن و تيس ما كفن...و يردد أيضا اثناء الله يصرف الخواجات....و ورم ليك أمه بالأسئلة حول الأغنية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مباريات بطولة أندية أوروبا التي تجري الآن منعتني من التداخل هذا المساء...و لكني كنت متابعا لحركة المنبر و البوست و الذان خليا من أي متداخلين ربما يكون لنفسي السبب الذي منعني و ربما لأسباب أخرى...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ازيكم يا ناس الزقازيق عبر مربع كاى
والله مشتاقين بس متابعين ومستمتعين
قلت اطل اسلم لحدى ما تخلص الامتحانات نتواصل
على قولة سيدة الحوش الاولى
ودمتم سالمين
بلمناسبة بعد طاشر سنة وفى بيت عزا لقيت الهام دوليب (دوليبة)بتسلم عليكم كلكم
| |
|
|
|
|
|
|
|
|
|
Re: مربع كاي (Re: زينب التجاني)
|
زوبة مشتاقين والله...
مالك بقيتي بقيتي زي نجاة حوفي السنة كلها امتحانات...
سلامنا ليك و لي الهام دوليب عبرك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
كيفك يا رشا
امتحانات وواجبات منزلية واجتماعية
والله حالة تزهج احنا على اعتاب امتحانات نهاية السنة
فضو لينا غرفتين الاجازة قربت
| |
|
|
|
|
|
|
|
|
|
Re: مربع كاي (Re: الرشيد بابكر)
|
زوبه مرحبتين ..
وربنا يعبنكم وتخلصوا الامتحانات على خير ...
بس ما تبقى زى صاحبتك .... خلصت الامتحانات وما شفنا براية ولا استيكة ...
#######
رش يا حبيب ... مساءك خير او قل صباحك نور ...
شايل همك والله ... وانت تمسك بالزمام براك دون كلل او ملل ...
قربت تهون انشاء الله بى نهاية الاسبوع تفك الزنقة شوية ونرجع نصاقرك فى اركان هذا المربع الجميل
بس كلــّم عم فكرى يجهز براد الشاى ... وخلى اسعد يجيب الكاميرا ويحضرنا ...
وبعد داك ممكن نفتش لى منص .. لانو تلقاهو زايغ ليهو بى خلطة فى الكافتيريا ولا فى الصناعات
ونسحب الكوتش من كبكابية ولا ام صيقعون الجاك ... وبكرى يكون تابع الفتوى وجاب اللابتوب بعد ما ياخد اذن الشفع ..
وقدورة يكون جا راجع من السودان ومعاهو 2 كيلو ود عمارى بتاع سوق الجلود ولا سعد قشرة .. واكيد حيكون موزون ..
اما ابو الزوز فطبعا حيكون مهجج بى كاس سن الياس ويظبط لينا تحليلات الانتخابات والوضع الراهن ...
والريس معتصم .. والريس ميسره .. وجلجل وجلا وجبريلا وود جبارة ونجيلة ودودى و ....... الى آخر قائمة الظرفاء
ان غدا لناظره قريب ......
| |
|
|
|
|
|
|
|
|
|
Re: مربع كاي (Re: محمد عيد)
|
| Quote: ان غدا لناظره قريب ...... |
قاااااااااعد منتظركم..كان جيتو غدا و لا بعد غدا...حأمشي وين يعني...تراني قاعد...
| |
|
|
|
|
|
|
|
|
|
Re: مربع كاي (Re: محمد آدم النور)
|
صباحك ورد
يا ابو احلى امنية 000
اتعودت كل صباح وبعد ان اخلص واجباتي التي اعشق القيام بها 00 (ما عدا المطبخ ما عرف يصاحبني )
ان اقرا قصيدة 000
ولي اكثر من يوم اقرا نفس القصيدة وبنفس العنوان00 (زي تعليقة ست الدار)
والغريب اعيد قراية العنوان وبصوت عالي 000
مناورات تكتيكية نحو مبادرة استراتيجية
أحتاج دوزنةً
تفك حبالَكم عني
وتربطني بكم
كيف التقيتم ...خلفَ نافذتي
تجمهرتِ البنادق"
ناصبتني الشعرَِ
و الخوف َ المسيج بالخمور
قربتّ بين النساء
و باعدت بين النساء و بيننا
-نادوا الوصيفات الشهود
وكل خدام البلاط
-هذا النكوِِِِِِِِِِِِِِِِص يخيفني...
سأدس باطن راحتي في صدرها
واظل أعلن أنه –قد من دبر –
فكيف برونني ...؟
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
طبعا اكيد كلنا سمعنا مقاطع منها
لما غنتهاعقد الجلاد لكن شاعرها
وكما احب ان اسميه اسطورة منسية
محمد مدني 000من مدني ارتري سوداني شايل عمق ناس كسلا
شاعر وثوري في المقام الاول
فقد شارك في تحرير اريتريا
أحتاج دوزنة
وتراً جديداً
لايضيف إلى النشيد
سوى النشاز
لغة ً
تفتش عن أرضٍ
خصبةٍ
شمساً
تغير طعم َ فاكهةِ الشتاء
وقتاً أجاوزه لوقت قادم
لاوقت فيه لباعةِ التصفيق
واسم العائلة
-هذا زمانك ياعمائم
فلتقودي (القافلة)
| |
|
|
|
|
|
|
|
|
|
Re: مربع كاي (Re: محمد عيد)
|
Quote: أحتاج دوزنة
وتراً جديداً
لايضيف إلى النشيد
سوى النشاز
|
يا سلام عليك يا فافي... اختيار جميل...
الكلمات جميلة...و اللحن أروع ما يكون..
تستحق التعليقة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
لم أستطيع الدخول الى البوست مساء البارحة و لعدة دقائق صباح اليوم و هانئذا أعود الآن لأجد البوست مهجورا ينتظر عودني...و بالرغم أنه من المعتاد انصراف الناس عن المنبر يومي الخميس و الجمعة الا أنني دبرست شوية من الحالة التي آل اليها البوست...
و نقول الجاتك في بوستك سامحتك....
| |
|
|
|
|
|
|
|
|
|
Re: مربع كاي (Re: الرشيد بابكر)
|
جاءت أمنية تشتكي مهند كالمعتاد فلقد قالت انه ناداها بيا غبية...فناديتة فحضر..سألته ان كان كان قد فعل فأجاب بأنه فعل و سألته لماذا...قال لأنها تخاف دون داعي فهي ان سمعت باب البلكونة يتحرك قهي تجري الى خارج الغرفة...
قلت اذا كان الأولى بك أن تناديها بيا خوافة...فضحكا متصالحين...
| |
|
|
|
|
|
|
|
|
|
Re: مربع كاي (Re: الرشيد بابكر)
|
حليوة ليلة لمولد (القدال)
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
* * *
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
* * *
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
* * *
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
* * *
سألتك بى كبيداتن ودعواتنا
شليل وين راح؟؟
يكون ضل الخريف فاتنا
شليل وين راح؟؟
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: يا حبيب هو كان بيعرف يعمل جنس ده كان بقى ميكانيكى |
با جورج أنا والكمال لله محامى ، طبعاً يا جماعة الخير هذه العبارة تمثل معالجة أدبية لموقف شهدته بمحكمة الخرطوم شرق ، حيث كانت لدى جلسة هناك ، ومررت ببوفيه المحكمة ، كان هنالك عسكرى يبدو أنه أسدى خدمة لأحدهم ولم يستلم مقابل هذه الخدمة ، فقدر له فى ذلك اليوم أن يلتقى صاحبه الذى ظل يتهرب من ملاقاته ، فعاتبه وأردف عتابه بعبارة (أنا والكمال لله عسكرى) ، فقلتَ فى نفسى أنه مما يحمد لهذا العسكرى أوان صلفه أن حفظ لله مرتبة الكمال.
ياروش شكلى حسب فتوى العيال ما عندى ريل بليير عشان كده لم أجد الخيار الذى أشرت إليه ، عشان كده يا أدونى طريقة تانية يا رسلوها فى الإيميل بتاعى أدناه
[email protected]
الله إصرف الأمريكان وجهل التقنية يا حبّان
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري مساك الله بالخير...
كنت حأرسل ليك محمد النصري زاتو يجي يسجلها ليك لكن اتاخرت علينا يا حبيب...
حاضرين..نرسلها ليك طوالي ...بس مش الليلة عشان انا شغال من كمبيوتر غير كمبيوتري المسجله فيهو الأغنية...
كما يمكنك انزالها من النت من عمك قوقل أكتب تنزيل ست الدار حتظهر خيارات كتيرة...
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: حاضرين..نرسلها ليك طوالي ...بس مش الليلة |
يا روش الليلة مخصصة لبت شيخك وأمنية ومهند ، أما نحن وغياثى فحسبنا أيام الله الستّة ، أدام الله عليك نعمة لمتك مع وليداتك .
| Quote: يمكن نجى..بعد سيد البيت يخلص الكور |
أضبط يا رشيد طريقة فنيّة للزوغة ، ثم ثانياً نحن مالنا ومال سيد الحوش ؟ وسيد الحوش ذاتو يوم الخميس قاعدين نطردو من حوشو ، عليه تقرر يا جورج تجريم فعلتك هذى ويدرء عنك العقاب إرفاق قصيدة لصلاح عبدالصبور ليتها (كانت تدعونى بالرجل الرملى) ، أو بالعدم شوف الخيرة يا رمّالى وأدينا طلب من عمك حسن ناظم الدرر.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
سلامات يا ناس
وصباحات التفاؤل
| Quote: عليه تقرر يا جورج تجريم فعلتك هذى ويدرء عنك العقاب إرفاق قصيدة لصلاح عبدالصبور ليتها (كانت تدعونى بالرجل الرملى) ، أو بالعدم شوف الخيرة يا رمّالى وأدينا طلب من عمك حسن ناظم الدرر |
حاضرين....
كانت تدعونى بالرجل الرملى
واناديها بالسيدة الخضراء
وتلاقينا فى زمنى الشفقى
وتنادينا فى مرح طفلى
وتحسّس كل منّا مبهورآ الوان الآخر
وتقاسمنا الاسماء
ثم تفرّقنا!!
لاتسألنى ماذا بحدث للاشياء
اذ تتصدع
او للاصداء
اذ تهوى فى الصمت المفرغ
لكنّى اذكر انّا ذات مساء:
كنا قد خادعنا منجل حصّاد الموت
غافلنا صيحة ديك الوقت
وطبعنا فوق جبين الليل
تخطيطآ يُشبه ظلّينا
لونين مزيجين
مسكوبين على طرف وساد متجعد
منهارين على مسند مقعد
ها أنت ترانى اتملّى هذى اللوحة
فى ايامى الجرداء
واُنادمها حين يغيب الندماء
افرغ للوحة كأسآ ارجوك...
هذا اجمال القصة
| |
|
|
|
|
|
|
|
|
|
Re: مربع كاي (Re: محمد صديق)
|
تعرف يا جورج هذه القصيدة سبق لك إرسالها لى عبر الاس ام اس ، وبقيت فى موبايلى وانسربت للدواخل فتخذتها مصلاً مضاداً لمواجع الغربة ورفقة سوءات الإغتراب ، لا أدرى أحبتى لكنّى فى الكثير من الأحيان أحسّ عمق هذا التواصل الزقازيقى البديع فأعدّه نعمه من نعم المولى وما أكثرها ، غير أنّى أحسّها أربكت معايير تقييم البشر ، فالكثير من رفاق الغربة يظلمهم التقييم حين يكون القياس على مستوى الزقازيق ، ربما لإختلاف معطيات تلك المرحلة عن معطيات مرحلة الإغتراب وربما لصفاء الدواخل والتجرد عن المصلحة وربما وربما ، ولكن اليقين كل اليقين أن ناس الزقازيق خلقوا من طين نضيف على رأى الغنّاى .
حاشية: من رفاق الغربة غير الزقازيقيين من هم بروعة أهل الزقازيق أذكر منهم عضو المنبر الزميل المستشار نزار حسين والرجل القامة موسى سليمان موسى المؤمن
| |
|
|
|
|
|
|
|
|
|
Re: مربع كاي (Re: نجاة حوفي)
|
أن تكتب باسم نجاة حوفي يوم الجمعة فهو انصهار...
أن تشعر يوم الجمعة و أنت تؤدي الصلاة بكامل السكينة فهو بلا شك شعور بالرضاء...
أن تنشرح أساريرك يوم الجمعة و أن تشاهد من حولك عيالك يركضون و يضحكون و بت شيخك تحوم حولك
كالفراشة و رائحة جميلة تأتي من كل مكان...فلا شك أنك سعيد...
أن تجلس في صالون البيت و في مكان قريب من المطبخ لتأتيك روائح الطعام الزكية...فهو بلا شك قمة
الجوع..
أن تشعر بأنك في حاجة الى كوب من القهوة التركية اللذيذة حتى قبل أن تتغدى فهو بلا شك قمة القريفة..
أن تفتح البوست في هذا الوقت و تبدأ في الكتابة..فهو بلا شك محاولة يائسة للانشغال عن كل تلك
الرغبات..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: أن تفتح البوست في هذا الوقت و تبدأ في الكتابة..فهو بلا شك محاولة يائسة للانشغال عن كل تلك
الرغبات.. |
بل هو اختيار للوقت الخطأ.
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: بل هو اختيار للوقت الخطأ. |
أتفق مع زميلى العالم محمد صديق تسبيباً ونتيجةً ، وهذه العبارة ترد بشكل مظرد فى مجلة الأحكام القضائية التى تصدرها السلطة القضائية رصداً للسوابق القضائية التى تشتمل على إعمال للفكر يتجاوز حرفية النصوص ، ما أحوجنا أن نسلك ذات المسلك فى كل شؤون حيواتنا تفكيكاً لعديد المعضلات التى يعوِّقها الروتين وبيروقراطية العمل الإدارى .
يا روش سعدنا لسعادتك
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
سلامات يا ناس
وصباحات التفاؤل
يا ناس كاى ...الواحد لو ما جا بى جاى
يوماتى بكون عندو حاجة ناقصة..نبدا بيكم
يومنا ...ونجيكم بعدين...جولة جوة الخرطوم
الرشيد...الويك اند عندك.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
Quote: يا ناس كاى ...الواحد لو ما جا بى جاى
يوماتى بكون عندو حاجة ناقصة..نبدا بيكم
يومنا ...ونجيكم بعدين...جولة جوة الخرطوم
الرشيد...الويك اند عندك. |
يا كوتش تجيك العافية ان شاء الله...
هذا الويك اند امتد ليشمل السبت بالرغم من أنه كان يوم عمل...لكنه يوم عمل من داخل أبوظبي...حيث قضيت معظم النهار داخل مكتبنا الرئيسي بأبوظبي....
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: Week/end/ness
يارشيد راجين جيتك عشان الفرح إملا المدينة |
بكوري جيت لقيت المدينة سواكن بس...ناقص الكدايس بس...
على أي حال مدينة عبرتموها لا شك أن الفرح يبقى فيها زمنا طويلا..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
على النقيض تمامآ كنت انا..دائم النظرالى الوراء
دومآ احنّ الى ما مضى....اجمل الايام عندى هى تلك التى ولّت
حتى تلك التى تحمل وقائع حزينة ومحبطة فهى ايضآ لها طعم
مميز....فبمثلما للاشياء الحلوة مذاق حلو ....فأن للاشياء
الحزينة والمحبطة مذاق آخر...مؤكد انه ليس حلوآ ...ولكنه
طعم...اليس للملح طعمآ مميزآ ؟؟؟ماذا لو افتقدت الملح فى
احدى وجباتك؟؟؟؟؟؟؟
| |
|
|
|
|
|
|
|
|
|
Re: مربع كاي (Re: محمد صديق)
|
اشتاقكم جميعا..
انسرب الى مسامعى صوت حنين دافى تخلل خلاياى .. حلق بى لعالم نقى
عالم من الصدق والعطاء.. صوت ذهبى من قلب الماسى لم ولن يصدا.. من اعز الناس الى قلبى.. صوت من اختى .. حبيبتى .. صديقتى .. رفيقتى ومرآتى
الرائعة المتفرده .. منى عباس..
منى جميلة الشكل والخصال..
اتصال من كندا دام 40 دقيقة تسابقت كلماتنا.. واحاسيسنا اتونسنا وضحكنا ضحكة طفلة بطرحة فى يوم العيد.. سالتنى عن امى وابوى .. عن اخوانى .. وحبوبتى .. عن امنية ومهند عن الرشيد.. ( قلت لها ما تنسى صديقى المتفرد) من خالة امنية الحقيقية.. صوتها هو الذى جعلنى انداح لامسى عليكم جميعا لتشاركونى فرحة من القلب الى القلب..ابكت كلماتى البسيطة منى الرقيقة..
منى تبلغكم تحياتها وسلامها واشواقها وتتمنى ان تلتقيكم جميعا قريبا..
زناتى منى عباس الصحفية السابقة بجريدة السياسة اضافة حقيقية للبوست.. نرجو من سيادتكم التكرم باعائها باسوورد
الزميل المتفرد ثنى رجاءا
تصبحون على الف عافية
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
Quote: على النقيض تمامآ كنت انا..دائم النظرالى الوراء
دومآ احنّ الى ما مضى....اجمل الايام عندى هى تلك التى ولّت
حتى تلك التى تحمل وقائع حزينة ومحبطة فهى ايضآ لها طعم
مميز |
يا كوتش لا شك ان الماضي بحلوة و مرة يمثل متكأ نلجأ اليه بين الفينة و الأخرى لأسباب كثيرة منها على سبيل المثال لا الحصر...
1- أن تؤجج تلك الذكرى حدث ما يرجعك لذكرى بعينها حلوة كانت أو مرة و تجد السلوى فيها..
2-أن تهرب من واقعك الحلو أو المر الى ماضيك و لذكريات معينة تجد أيضا فيها السلوى..
3- أن تستعين بتجربتك أو ذكرياتك في تجربة معينة و أنت تخوض تجربة جديدة عاطفية، عملية، اجتماعية أو غيرها من التجارب..
في كل الأحوال ان في الذكريات سلوى و راحة كبيرة و استراحة قبل المضي قدما في تجربة جديدة في الحياة لا نعرف ماذا تكون نتيجتها و لكننا نضمن انها ستكون جزءا من ذاكرتنا يوما ما...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
مساء طاعم ...طعامة قصائد منى عباس...
آه يا ايمولا..
هذا القلب جريح
لايفنيه برود الثلج
ولكن...
حبك جرّ عليهبرود الرحمة والغفران
ارجو ان تكون قد اسعفتنى الذاكرة فى هذا المقطع
نجاة ...البركة فى منى الجابتك...لك تحياتى ومثلها
لمنى عباس...وان كان هناك سبيل نطمع ان ترسل الينا
ببعض ابداعها عبرك.
| |
|
|
|
|
|
|
|
|
|
Re: مربع كاي (Re: الرشيد بابكر)
|
الأيام دي عندي احساس كده ان المنبر بقى زي البلاي ستيشن...كيف يعني زي البلاي ستيشن...البلاي ستيشن تجيب الأقيام و تقعد تلعب براك لو كانت بلاي ستيشن 2 الا تجيب معاك واحد صاحبك يلعب معاك قيم..يعني بالكتير كده اتنين بس...بلاي ستيشن 3 و دي ممكن تلعب فيها أون لاين مع لاعبين لا تعرفهم و لكن برضو لاعب واحد في المرة الواحدة...
البوست بقى نفس الحكاية تجي تلعب القيم بتاعك وتمشي...و كان الله سهل عليك يجيك واحد يلعب معاك قيم...
عليكم الله مش زي البلاي ستيشن..
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا كوتش مساك الله بالخير...
ان شاء الله منى عباس تجي و تنضم ليناو تنزل لينا الفرمالة بتاعتها آه يا ايمولا...
أنا طبعا بحاول اتسدى فيها لما قالت لي ما متذكرة القصيدة بتاعتي...
منى صديقة جميلة نرجو أن يعجل زهير بضمها للكوكبة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
playstation 3
new game
| Quote: في كل الأحوال ان في الذكريات سلوى و راحة كبيرة و استراحة قبل المضي قدما في تجربة جديدة في الحياة لا نعرف ماذا تكون نتيجتها و لكننا نضمن انها ستكون جزءا من ذاكرتنا يوما ما... |
تعرف يا رشيد...اهم حاجة سحارة التذكارات
دائمآ ما تدلف اليها وانت تخاصر الوحدة
واجمل وحدة هى تلك المسروقة...وكذلك ذلك
الولوج وكل ما حولك ومن حولك نيام
| |
|
|
|
|
|
|
|
|
|
Re: مربع كاي (Re: محمد صديق)
|
Quote: تعرف يا رشيد...اهم حاجة سحارة التذكارات
دائمآ ما تدلف اليها وانت تخاصر الوحدة
واجمل وحدة هى تلك المسروقة...وكذلك ذلك
الولوج وكل ما حولك ومن حولك نيام |
كيف يكون الحال يا كوتش عندما تكون هذه الوحدة مفروضة عليك و الذكريات تحاصرك...تحاول الهروب منها بمشاهدة فلم شاهدتة عشرات المرات...فان كانت الذكريات تبعث السلوى أحيانا فانها تأسرك و تضغط على ضلوعك في أحيان كثيرة...
كتبت هنا في هذا البوست الكثير من الذكريات التي تراودني كالأحلام في أيام وحدتي الطويلة...منها ما جلب الي الشعور بالسكينة و منهاما جعل ليالي وحدتي طويلة جدا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يبدو ان الكوتش قد استعان على قضاء حوائجة بالكتمان.....
لو كان عندي بلاي ستيشن 3 كنت شفت واحد يلعب معاي أون لاين...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مسكت ليك الروموت كونترول أقلب ليك في محطات التلفزيون...كمية بتاعت أفلام...شي جديد و أكثرهم معاد...و لكني ما خليت ليك فلم معاد على جديد...لكن لفت نظري كمية المسدسات و الرصاص في الأفلام...
و دي ذكرتني حادثة اعدام كلبنا المتهم بالسعر...أو في الحقيقة محاولة اعدام كلبنا المتهم بالسعر...
كان عندنا كلب جميل المظهر على ما أذكره...و لكن فجأة هرب من البيت و اختفى لعدة أيام و عندما عاد كان متسخا جدا و شكلة مختلف عن ما كان علية...يبدو من حالتة أنه ارتاد عدد كبير من الكوش في تلك الفترة التي أختفى فيها...و عندما حن الى أكل والدتي اللذيذ عاد مرة أخرى...و لكنه كان مختلفا..لم يكن ودودا كما كان...كان نافرا بعض الشئ..كما انه أصبح شرسا و قام بعدة اعتداءات على بعض الجيران...
قرر أبي التخلص منه...فأحضرة و ربطه على جزع شجرة في البيت و أحضر مسدسة اليوغسلافي الصنع من عيار 9 مليمتر...كان شهود لعملية الاعدام تلك فوقفت أنا و اخوتي و كلنا حسرة و حزن على انهاء حياة الكلب الذي كان وديعا و جميلا بتلك الطريقة...لم يكن الكلب يعرف مصيرة فوقف بوداعة لم نشهدها في الآونة الأخيرة و نظر الى أبي نظرة رق لها قلبه و لكنه أصر على تنفيذ حكم الاعدام...
لم أشك في مقدرة أبي في القضاء على الكلب من أول طلقة و ذلك لأن أبي يهوى الصيد و كنت قد خرجت معه في رحلات صيد كثيرة عندما كنا ببابنوسة و كم شاهدتة يردي غزالة من مسافة بعيدة بطلقة واحدة مستخدما بندقيتة المزودة بمنظار...صوب أبي مسدسة نحو الكلب...سددت أذني بكلتا يدي و كذلك فعل اخوتي...أطلق أبي رصاصة من مسدسة الاوتوماتيكي ذو الثمانية طلقات..و لكن و لدهشتي لم يسقط الكلب بل ظل واقفا في مكانه و بنفس الوداعة...لقد أخطأ أبي الكلب و أخذنا نبحث عن الرصاصة..جميعنا انشغلنا بالبحث عن الرصاصة و نسينا جلسة الاعدام...وجدنا الرصاصة على الحائط القريب من الشجرة المربوط بها الكلب...ادعى أبي أنه لم يستخدم المسدس منذ فترة طويلة و ربما يحتاج الى وزنة للماسورة خاصتة...لم يرد أبي أن يعترف أنه فقد مهارتة في التصويب...و لكنه فطن الى أنه قد أرتكب خطأ جسيما بتنفيذ حكم الاعدام على مرأى منا و باطلاقة للنار في وجودنا غير مباليا بالخطر الذي عرضنا له فقرر القضاء علية بوسيلة أخرى و بعيدا عنا...
| |
|
|
|
|
|
|
|
|
|
Re: مربع كاي (Re: طارق جبريل)
|
سلامات يا ناس
وصباحات التفاؤل
Quote: يبدو ان الكوتش قد استعان على قضاء حوائجة بالكتمان.....
|
لم استطع قضاء الحوائج امس...ولكن سأنظر فى ذلك بعد حين.
| |
|
|
|
|
|
|
|
|
|
Re: مربع كاي (Re: محمد صديق)
|
احلى الأحاديث ماكان عن الماضى
ولعلها اصدق الأحاديث ايضا
انا اتعجب دائما , غير انى لست شديد التاكد من ان ذاكرتى الأنسانية هى (استاندرد ) يمكن قياس الذاكرات عليها
بعض الأحيان اشعر ان ذاكرتى مركب عليها جهاز انتقائى شفاف , بالغ الحساسية , فلا اتذكر وانتقى الا السعادة
حتى وان تواردت الى خاطرى بعض ذكريات غير سعيدة , فان مرشحات الذاكرة عندى تنقيها وتعيد بثها شجنا وحزنا اليما نعم , ولكن بمكنات سعيدة او تبدو كذلك
رحمات الله وسلامه عليك يا امى , قطار حياتها الذى توقف من (زمن ) , تستمر رحلته عندى و(جواى ) حتى المس تكتكات حركته وتبديلات السرعة المتقافزة من محطات سعيدة الى محطات اكثر سعادة
ولكنها -اى الرحلة - مرت بمحطات اخريات كثيرات ومتعددات , خريف وشتاء وصيف كما ربيع , لا تخلو من رياح ,
صدق من قال , نحن ابناء امهاتنا , ولو كان اباؤنا اعظم الرجال
هل انحرف بى الحديث المفترض عن الماضى وجماله فاصبح حديثا عن (امى ) التى احب
ليس فى الأمر ادنى تعارض , هناك تقاطع جائز , ولكن التعارض مستحيل
الغريب ان صيغ الذاكرة والتذكر , تلبس عندى وتتدثر ملابس شتى وشديدة التباين , وهى مربوطة عندى فى غالب الحوال بنظريات الطقس المتضادة والمتعاكسة
عندما اتذكر نشأة الطفولة , وذكرياتها العوالق , فانها تلبس عندى صيغة الرذاذ المدهش فى غيظ الهجير , او عندما تعن الى قلبى دعوات صادقات من والدتى كانت تبثنى اياها عند كل سفر مع محاولات يائسات
لحبس دموع تشرع فى الهطول , منى ومنها ومن المودعين , فانها تتجمل عندى بملابس شديدة الرقة تماثل عراقى مبتل بمياه الأمطار الصافية , ثم اعيد رشه بعبير عطر اهيف , فاصبح منقوع السعادة الذى يحيط بجسدى
ولا يحيط فى آن , يلفنى ولا يلفنى فى لحظة , يكسونى ويعرينى فى برهة , كما ان العكس يعترينى ايضا , ذكريات الصبا الجميلة , متارعها الخصيبات , تسارع الى الخطى فى اثواب الأمان الدافئات , فى ام شير او فى طوبة
فأن دفء اللحاف الناعم يغمرنى ويلفنى اذ الزمهرير مطبق على الآفاق , الثلوج البيضاء تتساقط على الدنيا تساقط الرطب الجنى على مريم العذراء , على كل مكان تسقط , لا تستثنى احدا عداى , فانا ملفوف بذكرياتى الدافئة
او مغمور بدفء الذاكرة لا فرق
الماضى عندى يا احباب , ذاكرة انتقائية خاصة , تتقمصنى عنوة , واعيش فيها انتقاء الترحال الحالم
قولوا لى , انا عيان ولا شنو ؟؟؟!!!!
| |
|
|
|
|
|
|
|
|
|
Re: مربع كاي (Re: منصور عبد الرازق)
|
Quote: فاصبح منقوع السعادة الذى يحيط بجسدى
ولا يحيط فى آن , يلفنى ولا يلفنى فى لحظة , يكسونى ويعرينى فى برهة , كما ان العكس يعترينى ايضا , ذكريات الصبا الجميلة , متارعها الخصيبات , تسارع الى الخطى فى اثواب الأمان الدافئات , فى ام شير او فى طوبة
فأن دفء اللحاف الناعم يغمرنى ويلفنى اذ الزمهرير مطبق على الآفاق , الثلوج البيضاء تتساقط على الدنيا تساقط الرطب الجنى على مريم العذراء , على كل مكان تسقط , لا تستثنى احدا عداى , فانا ملفوف بذكرياتى الدافئة
او مغمور بدفء الذاكرة لا فرق
الماضى عندى يا احباب , ذاكرة انتقائية خاصة , تتقمصنى عنوة , واعيش فيها انتقاء الترحال الحالم
قولوا لى , انا عيان ولا شنو ؟؟؟!!!! |
منص الحبيب...انت و لا عيان و لا حاجة و لكنك هززت اليك بجزع النخلة هزا عنيفا فتساقط عليك رطبا جنيا من الذكريات الحلوة و الطاعمة...
رحم الله والدتك و طيب ثراها و جعل مثواها الجنة...
منص هل تأملت هذه الآية و تناولتها من وجهة نظر زراعية...معروف أن النخلة ذات ساق قوي و من الصعب أن يتمايل بسهولة...كما و أن الثمار لا تتساقط بسهولة...و هي بلا شك نخلة طويلة تلك التي لا يمكن الوصول الى ثمارها الا بهزها لتتساقط ثمارها...
ما الذي يخفى علي في هذه الآية....لا أدري...
| |
|
|
|
|
|
|
|
|
|
Re: مربع كاي (Re: الرشيد بابكر)
|
جيلنا بلا نفسيات
في علم النفس والدراسات التربوية تحذر المراجع والكتابات العلمية الرصينة من تعريض الأطفال للعنف المباشر بكل أشكاله ... أي يجب ألا نمارس العنف تجاههم ونحرص علي عدم ممارسته أمامهم .. ومن ذلك ذبح الحيوانات أو قتلها ... الكثيرين من جيلي يحكوا بأن أبناءهم توقفوا عن أكل اللحمة ولفترات طويلة حينما شاهدوا عملية ذبح الخروف في العيد أو المناسبات المختلفة وعدد من ردود الأفعال المختلفة لمجرد مشاهدة عنف وإن كان في التلفزيون .... ومثال مباشر أيضاً لذلك يصاب حنا إبني بالكوابيس والأحلام المزعجة كلما رأي مشاهد مرعبة أو مزعجة في التلفزيون ... أما جيلنا وبحمد الله مورس علينا العنف منذ نعومة أصابعنا فكان الجلد الوسيلة التربوية الأكثر شيوعاً إن لم تكن الوحيدة السائدة ... فقد كان الوالد عليه الرحمة يمارس الجلد بنفسه أو يوكل أحد أشقاءنا الكبار نيابة عنه ... وكل جيراننا لم يبخلوا علينا بالجلد خاصة عمنا طيفور ربنا يطراه بالخير ... الأساتذة خاصة في المرحلة المتوسطة كانوا يمارسوا الجلد أكثر من تصحيح الكراسات ... بإختصار لم نسلم من يد باطشة في المنزل أو الشارع أو المدرسة ... ومنذ أن وعينا علي هذه الدنيا كنا نشاهد ذبح الخروف وسلخه ... وحملات الشرطة لقتل الكلاب كنا نجري خلف الكومر وندله علي أماكن إختباءها دون أن يرمش لنا جفن ... وفي أولي متوسطة نفذنا أول عملية إعدام لكلب بأنفسنا ... وهكذا إلي آخر مسلسل العنف الذي شاهدنا حلقاته حتي الأخيرة ولم نصاب بأي نفسيات .... السؤال المطروح هو لماذا الإختلاف في النفسيات بين جيل اليوم وجيل البارحة ... لذا يا رشدي لم يكن هنالك أي حرج علي الوالد في تنفيذ الإعدام في ذلك الوقت لأن جيلنا كان لديه حصانة نفسية علي ما أعتقد لأن معظمنا الآن بحمد الله لم تؤثر عليه تلك المشاهد العنيفة .. هل يتفق معي الناس حول نظرية ... جيل بلا نفسيات ...
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: هل يتفق معي الناس حول نظرية ... جيل بلا نفسيات ... |
أبو الزوز...أول حاجة ليك وحشة ياخي...
الواحد لما يكون عايز يتفلسف شوية في الموضوع يقول ليك اتفق و أختلف معاك...و ده اسمه مسك العصاية من النص...أنا ما عايز أمسك العصاية من النص و لا عايز أتفلسف...
عايز أقول ان جيلنا رغم العنف أو البطش كما أسميته الا أنه كان محاط بعواطف جياشة و من كل الجهات الأمر الذي ميز جيلنا عن جيل حنا و مهند و ربما يكون حنا أحسن حالا من مهند...كل العنف الذي تعرض له جيلنا لم يكن الا بدافع من الابوة و الأمومة...ابوك و عمك و خالك و الأستاذ في المدرسة و الجيران كلهم يتعاملون معك بأبوة صادقة حتى أننا كنا نتقبل منهم كل هذا العنف لأننا كنا نعرف في دواخلنا انه بدافع من الاهتمام الخالص و ليس لمجرد العنف...و لم يكن العنف دائم..فهنالك مظاهر من العطف و الحنية تجعل من العنف الذي يأتي أحيانا نتيجة ارتكابنا للأخطاء متقبلا...كنا متشبعين عواطف و محنة...
أما أبناءنا اليوم فهم يفتقدون هذا الآن...فأبنائي مثلا لم يتعرفوا جيدا على أجدادهم و حبوباتهم و أعمامهم و خيلانهم الا قريبا و لا يتقبلوا منهم حتى مجرد النقد دعك من البطش...و حتى أنا لا أقبل أن يوجه أحدهم ابني حتى مجرد توجيه...كذلك أصبحت كل أسرة صغيرة تعيش منعزلة عن باقي الأسرة الكبيرة...الجيران لم يعد لهم ذلك التأثير و كذلك المدرسة...فعاشوا أبناءنا في عزلة كان لها كبير الأثر في نفسياتهم...
نحن جيل معظمنا بلا نفسيات...و معظمنا هذه مقصودة...فزمان لم تكن هنالك وسائل التقييم النفسي كما هو الحال الآن...فبعض الحالات زمان كانت تمر مرور الكرام و كان من الممكن جدا أن تصنف الآن اكتئابا أو انفصاما...
و لكني أتفق معك في أننا جيل بلا نفسيات...
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
فافي مرورك مرور الكرام...
الا أنه أسعدنا و سر بالنا....
و Good night and happy dreams
دي على وزن ردوا التحية بأحسن منها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اتخيل لي نحن في السودان أول من بدأ الrecycling أو اعادة تدوير الأشياء...فقبل انتشار التلفزيون و الفيديو و من بعد ذلك البلاي ستيشن كنا الأطفال يبتكرون ألعاب و يصنعونها من المواد المتوفرة كالعلب التي تعبأ بها بعض المواد الغذائية و أغطية البيبسي و حتى السفنجات القديمة...فتصنع منها العربات و اللواري و غيرها من الألعاب...و لكن من العلب التي كان الناس يدورونها أو يعيدون استخدامها كانت علبة النيفيا...نعم كريم نيفيا...فهي كانت و ما زالت تستخدم كحقة تمباك...و لماذا علبة النيفيا بالتحديد لا أدري...ربما لانتشار النيفيا في ذلك الوقت...الغريبة أن النيفيا قد لا توجد في كثير من البيوت ككريم و لكن يكاد لا يخلو جيب أي متعاطي للصعود من حقة نيفيا...
والدي من المتعاطين للتمباك و منذ أن وعيت وجدت حقة التمباك ملازمة لأبي...و عندما يكون بالبيت يضعها على الشيفونيرة...وهي دولاب قصير توضع به الملايات و المفارش و أحيانا بعض الملابس...لا أعرف من أين جاءت كلمة شيفونيرة و لكني عرفتها هكذا...كان أبي عندما يكون بالبيت يضع الحقة على سطح الشيفونيرة كما أسلفت...
في بواكير شقاوتي المؤرخة عند عائلتي الصغيرة و الكبيرة عرفت أن التمباك له رائحة نفاذة و ربما يسبب دوشة و غيرها لمتعاطية...تسللت الى غرفة أبي و أخذت حقته ثم ناديت على أختي غادة و دنكلت ليها سفة كبيرة و قلت ليها هاك جربي ده...أخذت غادة السفة و بلعتها دفعة واحدة..فاذا بغادة تستفرغ استفراغا شديدا ثم تسقط على الأرض هامدة بلا حراك...دخلت أمي في تلك اللحظة و وجدتها على تلك الحالة...العيون بيضاء و الجسم بارد فسكلبت سكاليب جابت الحلة كلها...و تسألني و هي تصرخ ماله...ماله عملته ليها شنو...قلت ليها و بكل شجاعة أديتها من صعوت أبوي...حملت غادة بسرعة الى المستشفى و غسلت معدتها و رجعت بعد فترة و هي ما زالت غير قادرة على المشي في خط مستقيم...
الغريبة لم أتعرض للبطش من أبي حيث أن اتبع نصيحة بعض العقلاء الذين نصحوه من قبل أن يجتهد في معاملتي معاملة خاصة حتى أتخلص من الغضب الذي يلازمني..
أهم دروس تلك التجربة كانت أن غادة لا تقرب الصعوت حتى الآن...
قصرت معاها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: أهم دروس تلك التجربة كانت أن غادة لا تقرب الصعوت حتى الآن...
قصرت معاها... |
إقصِّر المِلِح ، غايتو يا رشيد قالوا فى المثل (السعيد إشوف فى أخو ) بس إشوف فى أختو دى قوية .
عليك الله يا رشيد الشوفونيرة دى لقطتها من وين ، أغلب الظن أنها فرنسية ، وتشابه الفِضَِيَِة والتى تحوّلت للحافلة وهى فاترينات عرض للعدة والأوانى المنزلية وبها تفاخر المرأة ويتم تصنيفها إجتماعياً.
برجع ليك إنت وزهير لى حكاية جيل بلا نفسيات ، خلّى الواطه تصبح شوية.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
صبحكم الله بالخير و السرور
قلت طالما الواحد لقى ليهو فرقه يجيكم بالصباح و لو لبرهة نطل عليكم و نشوف أحوالكم...و نقول كمان لفافي Good Morning ...
Quote: عليك الله يا رشيد الشوفونيرة دى لقطتها من وين ، أغلب الظن أنها فرنسية ، وتشابه الفِضَِيَِة والتى تحوّلت للحافلة وهى فاترينات عرض للعدة والأوانى المنزلية وبها تفاخر المرأة ويتم تصنيفها إجتماعياً.
|
و الله يا بكوري من ما قمت لقيت ليك ناس البيت بيقولو الشيفونيرة و الكمودينو و السايد بورد...و الأخير ده الانت قصدت بيهو حافلة قاصين راسها و بيختو فيهو العدة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
وصباحات التفاؤل
فى البوست الكبير..عكاكيز وجزالين (جمع جزلان)
وطبل (جمع طبلة) واثاثات وعرس تانى ..شايف برضو
الاثاثات جات بى هنا ومعاها تمباك وذكريات ونفسيات
ورونا اول نتكلم عن التذكارات ولا النفسيات...نجيكم
بعدين لما نشوف اليوم ده ماشى على وين.
| |
|
|
|
|
|
|
|
|
|
Re: مربع كاي (Re: الرشيد بابكر)
|
من ما أفتح البوست ده و أبدأ أكتب الباب يدق و يدخل على مثني و ثلاث و رباع (بهرش في نجاة حوفي) و كأني دقيت ليهم جرس يجو في الوقت ده بالتحديد...و اذا كان أخونا زمان الكان بوصلنا مسافات مقدرة جلا بيقول عبارته الشهيرة (دفن الليل اب كراعا بره) لإانا لي رأي آخر في هذا الموضع...فأنا أعتقد أن دفن النهار هو ابو كراعا بره...لأن الفرق بين الليل و النهار ما الشوف...الكشافات ملت البلد...و ليس بالكشافات هنا بكسر الباء و شد الشين و هز الكتف...انما المقصود بها الأضواء...
| |
|
|
|
|
|
|
| |
أبوبكر حامد الأمين
عبد الدائم سيد أحمد
الرشيد بابكر
محمد صديق
عفاف علي ميرغني
منصور عبد الرازق
محمد عيد
زهير الزناتي
طارق جبريل
كمال الشادي
زينب التجاني
محمد آدم النور
نجاة حوفي
فيس بوك
تويتر
انستقرام
يوتيوب
بنتيريست