|
|
|
 Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: omer osman)
|
omer osman
| Quote: طيب وبعد إنفصال دارفور إذا كان ده حل !! شن بحصل على جنوب كردفان والنيل الازرق ؟؟ |
شوف يا جنابو، الواحِد حقو يِسْتفيد مِن تجاربو وتجارُب الآخرين، بِالنسبة لجنوب كُردُفان والنيل الأزرق، عِندنا ليهُم حلين:
(1) الحل النيفاشي (إنْفِصال)
(2) الحل الليبي (درِش)
والحل التاني هو البتبدا بيهو الدُول، وتنتهي بِالحل الأول، علشان كِده وكسبًا لِلوقت، بنأكِد "لِلغرابا" إنو الشعب -الشِمالي- ما حياكُل كَـوَلْ نوهائي، بِنْعاف وريحتو ما حِلوة
| |
 
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
Quote: شوف يا جنابو، الواحِد حقو يِسْتفيد مِن تجاربو وتجارُب الآخرين، بِالنسبة لجنوب كُردُفان والنيل الأزرق، عِندنا ليهُم حلين:
(1) الحل النيفاشي (إنْفِصال)
(2) الحل الليبي (درِش)
والحل التاني هو البتبدا بيهو الدُول، وتنتهي بِالحل الأول، علشان كِده وكسبًا لِلوقت، بنأكِد "لِلغرابا" إنو الشعب -الشِمالي- ما حياكُل كَـوَلْ نوهائي، بِنْعاف وريحتو ما حِلوة |
والله ياعزام اخوي انا شايف كسب الوقت ده في النهاية القصة دي حتصفي على الاتي :
(الجزيرة + الخرطوم + النيل الابيض + نهر النيل + الشمالية + شمال كردفان)
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: omer osman)
|
omer osman
Quote: والله ياعزام اخوي انا شايف كسب الوقت ده في النهاية القصة دي حتصفي على الاتي :
(الجزيرة + الخرطوم + النيل الابيض + نهر النيل + الشمالية + شمال كردفان) |
[الجزيرة/الخُرطوم/النيل الأبَيض/نهر النيل/الشمالِية/كردُفان] إنت ياخوي كُنت في بوليس السكة حديد ولا شنو؟
شوف يا عُمر، التصفِية الفوق دي أحسن مليون مرة مِن إزهاق روح إنْسان واحد يا عُمر، وبعدين الدُول ما بِتِنْقاس أهمِيتها بِالمِساحة. الدَولة المفروض يِكون سُكانا مُتجانسين والمُشْتراكات البيناتُم كتيرة، أولاد البحر والغرابا ما مُتجانِسين وماف أي مُشْتركات غير الدين الإتَوطد في السودان عن طريق غربو، وبرغم كِده تبَين إنو الدين ما مُشْترك كِفاية أبدًا.. الناس علشان تحِل مُشْكِل حقو في الأول تكون صادقة وتِتْعلم مِن مآسيها وتشوف المُمْكِن والمُسْتطاع، الكِضِب والخُطَبْ لو كانت بِتْفيد ما كان الجنوب إنْفصل، أهو الناس بِتكضِب وبِتخطُب مِن 1955م ولِغاية 2005م الحصل شنو؟ الحصل إنو مات 2 مليون بني آدم وإتشرد مِتِلُمْ، ووقف حال البلد وأصبحنا بِنتسَول الأكِل، وأصبحت الفئات العُمرِية المُحرِكة لِلإقتِصاد هايما في بلاد الإغْتِراب والهجرة، أها حنقنِب نكضِب تااااني ونطبع الخُطب ولا أحسن نشوف الحل السويناهو ونفع ونطبِقو بِالقِياس في مُشكلة أولاد البحر وأولاد الغرب
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: احمد حامد صالح)
|
أحمد حامِد صالِح
| Quote: وحدة الشعوب السودانية ... مثال Nubian Elements In Darfur |
ياخ أنا ما بتكلم عن "التاريخ" أو "الجينات" أنا بتكلم عن شُعور الزول الهسع واقِف في سعد قشرة راجيليهو مُواصلات، ده يا "أحمد" شايِف إنو "الغرباوي" مُش مِن نسيجو، تقوم تقول ليهو [أصلو الشعوب السودانِية حِته واحدة] ده بِنفع في بكان الدرس.. في المُدرجات ... في مراكِز الأبحاث.. لكِن ما بِنفع في تماسُك وطن.. الكلام ده أي واحِد هِنا عارفو.. إنت عارفو وأنا عارفو والبقرا هسِع في كلامي ده عارفو، الباقي شنو؟ الباقي واحِد يِسمِعو ليكُم، وأنا فرض الكِفاية، الحِكاية ما حُب وزمهرير ياخ، الحِكاية إنو البلد دي لازِم يِسْتعدل العَوج السواهو "محمد علي باشا" الله لا غز فوقو بركة بِجاه الأولِيا والذين أنابو.. أنا عارِف ومُتأكِد مِن العِلاقة بين نوبِيي الشمال ونوبيي الجِبال وإنْدِياحات هذِهِ العِلاقة في كُل غرب السودان، بس ده برضو ما بِخليني أتجانس مع "الغرباوي" تجانُس نسوي بيهو وطن، مُمكِن -وده حاصِل- إنو أتجانس مع "الغرباوي" في صداقة.. زملالة.. بس وطن! إنت عاوِز بِواسطة العلم المُكْتشف تخلي المحنه تنساب ويِبطِلو عُنْصُرِية؟! إذا كان الدين الإسلامي ما ردع الناس، حيردع الناس مايكروسْكوب.. خليك واقعي.. صادِق.. خُت أصبعك مِحل الجرِح وشوف سببو شنو. علشان تقدر تعالجو بِالمُمْكِن والمُسْتطاع
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: احمد حامد صالح)
|
| Quote: الدَولة المفروض يِكون سُكانا مُتجانسين والمُشْتراكات البيناتُم كتيرة، أولاد البحر والغرابا ما مُتجانِسين وماف أي مُشْتركات غير الدين الإتَوطد في السودان عن طريق غربو، وبرغم كِده تبَين إنو الدين ما مُشْترك كِفاية أبدًا. |
العزيز عزام ... سلام وكف العيال نعلهم طيبين
ياخي الكلام الفوق ده هو الواقع ولا شئ غيره ...
الغرابا واولاد البحر مافي اي مشتركات بيناتهم ولو جبت واحد من بوركينا فاسو او عربي بدوي من السعوديه ح يقول الكلام ده ....
وبعدين قصة العنصريه دي ما اظنها سبب رئيسي ولكنها قد تكون من الاسباب ...
السودان الحالي ليس دوله بايحال من الاحوال .... ولايمكن مقارنته بليبيا او حتي تونس او حتي تشاد ...
السودان المتكون حاليا فاشل بجميع المقاييس لا هو دوله حديثه مدنيه كما في مصر وتونس ولا هو دوله قبليه مدنيه بمقاييس ليبيا مثلا ولا هو دوله قبليه تقليديه كما في دول الخليج ....
لدلك دعمي لانفصال دارفور والغرب الكبير مرتكز علي مفاهيم غياب التجانس وغياب طرق اختلاقه ومرتكز ايضا لفشل النخب البائده والقادمه والموجوده حاليا في اكتشاف الهوه بين الشعوب الموجوده داخل حدوده الحاليه وسبل ردمها او ايجاد حلول لتعايشها متفرقة كانت او متجمعه ..
*خارج النص :
لمادا السوداني (الموجود داخل الحدود الحاليه) ليست له علاقات صداقه... اجتماعيه مستمره مع الشعوب الاخري ...
كثير من الشعوب الاخري قد تثني علي السوداني بانه (طيب) وامين ... والي اخره لكن هدا لا يتعدي (بينة الكعب) عندما تنقضي المصالح ...
هل هدا ناتج عن جينات داخل السوداني (المفترض ) تجعل منه شخص صعب التعامل ويصعب معه خلق بيئه اجتماعيه مستمره ...
__________________________________----
* ده ممكن يكون مدخل لدراسة الشخصيه السودانيه .... علميا واجتماعيا
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Elsanosi Badr)
|
Elsanosi Badr
كيف حالك؟ علك طَيِب
حاجة غريبة بِتحصل .. معقول الواحِد يِشتاق لِزول إسْفيري بِالشكل ده؟ أها أنا مُشْتاق
Quote: *خارج النص :
لمادا السوداني (الموجود داخل الحدود الحاليه) ليست له علاقات صداقه... اجتماعيه مستمره مع الشعوب الاخري ...
كثير من الشعوب الاخري قد تثني علي السوداني بانه (طيب) وامين ... والي اخره لكن هدا لا يتعدي (بينة الكعب) عندما تنقضي المصالح ...
هل هدا ناتج عن جينات داخل السوداني (المفترض ) تجعل منه شخص صعب التعامل ويصعب معه خلق بيئه اجتماعيه مستمره ... |
هاك رأي: السوداني إتربى على "وهم" إتربى إنو عربي قح، وإنو سُلالتو بِتنتهي تووووش لِشفيعي وشفيك مُحمد بِن عبدالله (ص) عديل أو بِالفا وإتربي على مُسميات مُسْتحيلة، مثلاً زي مُسميات الألوان[الأخدر] [الأخدر شديد] [الأخدر بِالحيل] [الأزرق] -الأخير اللَون الذي لَيس بعد÷ لَون إلا أن تقول لِلمُسْتفسِر: [العَبْ داك ياخ]- وده كلو تجنُبًا لِلوُصول لِلَون [الأسَود] ولو حدث أن جاء المَولود أسَود سُحَيْم، كالَليل البهيم أو أزرق لامِع كقلم الكوبْيا، سمعوهو المأثورة [الفحل مو عواف] أها بِكُل التداعِيات دي، قام السودان إتدهَور، البشر إغتربت وهاجرت في مُتسع الأرض، فإكْتشفوا الحقيقة، الحقيقة المفادها [كُل ما هو غَير أبَيض عَبْ] فقام رجع لِعِلبو وأصبح إنْساني.. أصبح [طَيِب] [أمين] أصبح [إلى آخِرِهِ] وأصبح ما بِقعُد ويقوم على كيفو، فالأمور بانت والألوان أصبحت أقل بِتفريعات أكثر مُما كانت علَيه قي بِلادِهِ.. أصبح هُناك فقط ثلاثة ألوان رئيسة.. أبَيض.. أصفر.. أسود.. فإخْتلت أفكارو.. هذا لا يحدُث مع التشادي مثلاً، فهو قد نشأ في بيئة عاقِلة.. صادِقة.. واقِعِية.. فهو إفريقي زُنْجي مُسلِم -بِفرض ذلِك- فإذا خرج إلى بِلاد العُرْبِ لا يشعُر العربي تِجاهِه بِأي تهديد.. أنظُر مثلاً -وقد ذكرت هذا سابِقًا- إلى الشحادين الجالِسين في ظِل جامع الخُرطوم الكبير.. نعم إنهُم هؤلاء المُجذومين، تجِد السوداني يعطِف علَيهم، برغم مِن أن مرض الجُذام مُعدي وشديد العدوى.. المشهد التالي في نفس الفصل، أُسْتاذ مِصري يُدرِس في ثانوِية جمال عبدالناصر أو جامعة القاهِرة فرع الخُرطوم، يحمل كيس بُرتُقال وينتظِر باص الشجرة لِيقودة إلى منزِل المُدرسين بِالري المِِصري، هذا الأُسْتاذ يستلِم راتِبهُ مِن مِصر ويسكُن في أملاك الحكومة المِصرِية ويقوم بِتعليمِنا مجانًا، وبرغم ذلِك تجِد السوداني يحقِد علَيهِ وتسمعو يِقول [شوف الحلبي ود بمبه ده.. والله البُرْتُكان ده في بلدو يِشمو قدحا].. ما الذي يحدُث؟! الذي يحدُث يا عزيزي أن السوداني لا يشعُر تِجاه المجذوم الشحاد، بِأي تهديد ثقافي أو إسْتعلائي، بَينما يشعُر ذلِك تِجاه المِصري ذو الحضارة والعِلم، فيُدافِع عن حاجاتو بِالكُره.. هذا ما يحدُث لِلسوداني حالِيًا الذي تبَين لهُ وِفق الأكاذيب التي حُشِرت في رأسِهِ، أنهُ أدنى منزِلةٍ مِن العربي أب عُقال، العربي الذي هو مِقْياسِهِ لِلفخر والإسْتعلاء.. فأصبح -حليلو- [طَيِب] و[أمين]
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Elsanosi Badr)
|
عزام
سلام
و هل اهل البحر متجانسون
هل تعلم ان اعدادا من ساكنى النيل الابيض و الازرق, ناهيك عن شرق السودان لديهم مشاعر غير ودية تجاه قبائل الشمال الرئسية الثلاث
هل سوف ننادى ايضا بفصلهم لينحصر السودان فى صحراء الشمالية
لا توجد دولة متجانسة عرقيا, و لا دولة الفاتيكان ذات البضع مئات من الساكنين, فيوجد بها كهنة و كرادلة من كل الاعراق
البتر ليس حلا ناجعا لمثل هذه المشاكل
توجد اسباب للتململات العرقية و الجهوية يجب الاعتراف بها و مواجهتها
يوجد توزيع غير عادل للسلطة و الثروة لمصلحة قلة قليلة تنتمى لمنطقة جغرافية معينة, قد تكون الصدفة فقط وراء انحدارها من منطقة جغرافية
ضيقة, لكنها جيلا وراء جيل تورث السلطة و الثروات لذراريها, و استطاعت تسخير جهاز الدولة (ذات نفسو) لخدمة مصالحها و تهميش الاخرين)
و ذرا للرماد فى العيون تشرك معها فى السلطة افرادا من المناطق المهمشة و فى اعلى المناصب, و لكنهم و بسبب الهيكلة المتحيزة لبنيات الدولة يجدون انفسهم بلا اى سلطات. و دونك يا حبيب ازمة استقالة وزير الصحة المركزى (النوباوى) الذى وجد نفسه لا بستطيع حتى تعيين مساعديه فى وزارته, بل و لا يستشار فى تعيينهم (و لو من باب شاوروهم و خالفوهم)
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
عزيزى عزام
جابنى ليك نضمك الحلو دا
Quote: بنأكِد "لِلغرابا" إنو الشعب -الشِمالي- ما حياكُل كَـوَلْ نوهائي، بِنْعاف وريحتو ما حِلوة
هيييع ها آآآآزول |
ات ما حوتَ فوق رووس القرنتى!!
| Quote: والحل التاني هو البتبدا بيهو الدُول، وتنتهي بِالحل الأول، علشان كِده وكسبًا لِلوقت، بنأكِد "لِلغرابا" إنو الشعب -الشِمالي- ما حياكُل كَـوَلْ نوهائي، بِنْعاف وريحتو ما حِلوة |
وحاة سيدى
الكول تاآلوا غُصب كى
والتابا تسفوا كمان
وكن ما أكلتوا
نجيب ليكو يونس ود الدكيم
يشرب ليكو بحركو دا طب
ويخلى بلابيطو برررررره
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: حسن حماد محمد)
|
الاخ عزام
المعروف علميا ان الخلاس اكثر قوه ورفعه اذا صح التعبير هذا على مستوى الفردـاما على مستوى الشعوب فان التجربه الاميريكيه اعطت مثالا رائعا للبشريه فقد بدات بالتطهير العرقى للسكان المحليين ثم العنصريه المحضه ومرت بالنضال لاجل الحقوق المدنيه وتوجت بوصول رئيس اسود لسدة الرئاسه..
ولا اظن اننا نحتاج لكبير جهد لنعرف ان داءنا فى نخبة فاسده واحزاب خربه لم تحسن تربية منسوبيها على بداهة ان صمام الامان لكامل البلاد فى وحدتنا الوطنيه ..
ولا اعتقد بان هنالك ما يدعو الى الهم والحزن اكتر من ان نصنف بعضنا البعض الى غرابى وشايقى ومحسى..الخ فى حين ان دين الاغلبيه ينهاهم عن ذلك على لسان الرسول الكريم حينما وصف العصبيه بانها منتنه.و لاان نرتد القهقرى بعد ان كان الفرد من اى بقعة من هذا السودان يعمل وفى اى وظيفه تبعا لمؤهله وفى اى مكان احتاجه الوطن..
ما الذى دهانا لماذا صرنا نجهر بهذه الدعاوى بعد ان تراجعت وصارت ضربا من ضروب المزاح..
لقد اتيح لى ان ادرس فى اسيا وان اعيش جزءا مقدرا من عمرى فى اوروبا ولم اجد ما يفرق بينى وبين القادم من باديه كردفان وحينما يمارس علينا التمييز من قبل مرضى النفوس فان ذلك انما يكون بسبب كوننا قادمين من افريقيا..
التصنيفات التى يعتمد عليها البعض فى السودان تصنيفات لا سند لها واذا كان لسكان غرب السودان اطعمه يتندر بها البعض فللسكان فى شماله وشرقه وجنوبه اطعمه مثيله فربما تافف القادم من الغرب من (التركين)تماما كما فعل عزام ولكل خياره ..لكن كلاهما لا يملك خيار تقسيم الوطن ولا ان يملى علينا خياراته السياسيه المبنيه على دعاوى عنصريه..
الوطن يا اخ عزام مثخن بالجراح وهو ليس ملك لمجموعة دون اخرى ولاتملك فيه انت القادم من الشمال اكثر من ذلك القادم من دارفور او كردفان والمعادله التى تكفل لنا الامان جميعا ان نتعاهد على وطن نتساوى فيه جميعا دونما الالتفات الى دين او عرق او انتماء سياسى واصدقك القول انه بغير هذه المعادله فنحن مواجهون بطوفان لن يبقى ولن يذر.
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: بدر الدين الأمير)
|
.
كتب الاخ بدر الدين الامير
( ونحن في الوسط مابناكل التركين ريحتو كريهة وبننظر (للرطانة) بتعالى واستخفاف ... )
الله ينصر دينك يا بدر الدين
طبعا فى ناس بتفتكر الكلام الكعب والنبذ والعنصريه بتغلب ليها بنى ادم اسهل حاجه لكن الكلام البحل وبربط
دايرلو نفس طويل وداير رجال بسمهوم جمال الشيل ودارجيين العاطله وزى ما قال الفنان الكابلى
ان اداك وكتر ما بقول انا اديت جفافين دمعه المظلوم يييييييييييييييييييييييييييييييا حليلم
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: زينب محمد عبدالله)
|
محيرانى يا عزام جرأتك على الغرابه, وانت بذات شنبك وطاقيتك دى, "بربرى" و "مالكش لازمه" على بعد بضعه كيلومترات شمالآ!
إنت عاوز تفهمنا انو مثل"...ولو كان عبدا نوبيا." ده اتقال فى الفور ولا الزغاوة؟ ولا اتقال فى عبيدكم الدفعتوهم فى اتفاقية البقط? لا لا, ولا حتى فى الهجانة الالهبوا ظهور الفلاحين بسياط العنج.
المهم ان بعض الغرابه رضوا عن انفسهم, وفارقوا سكة امامك نجار المراكب المتمهدى, ده جوهر الموضوع , وحينسلخو من جنابكم زى جلد الدبيب, بدون خدوش, يا ريت بعد زوال سبب تأخركم تبقو "بلازمة".
ملحوظه:
صيغة الجمع مقصوده لذاتها, منعا لأم الالتباس.
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: محى الدين ابكر سليمان)
|
تحياتي أخ عزام
وأسمح لي بالإعتراض علي جوهر خطابك في هذا البوست
لأنه يصور مسألة التعالي العرقي كأنها حالة منفصلة عن مجمل الظواهر التي أفرزتها الإنقاذ
و حقيقة أزلية في السودان منذ أن كان وإلي أن يزول يتكرس علي أساسها إمتياز عرق علي عرق علي الدوام
كأننا نسينا دنقس وجماع وما سبقه أو تلاه من صيغ عديدة للتعايش العادل والنبيل ..
إن تركيز النظر علي قضية التعالي (العرقي ، الديني ، اللغوي )
كلها ستعمل ولو بحسن نية علي لفت النظر عن قضايا جوهرية حقيقية وملحة تواجه جماع ناس السودان بإختلاف أعراقهم وألوانهم وأقاليمهم
وهي مشاكل الفساد السياسي والغرور السياسي
الذي ولّد كل ما دونه من مشاكل
لكن كان دأب السلطات السياسة الفاشية صرف النظر عن المسائل الوجودية المتأزمة بفعل فساد القائمين علي أمر الناس
وهم قوم فيهم من كل بستان سوداني شوكة ومن كل نبع روكة وإن بتمثيل غير متوازن .
هل هذا يعني أنه لا يوجد تعالي علي أسس عرقية في السودان؟
لا ينفي ذلك إلا متنطع فالتعالي موجود وعلي أسس عرقية وغير عرقية
بل أحياناً داخل البيت الواحد يتعالي من يملك ثروة علي إخوته
ويتمايز الناس علي أسس دينية وأسس جهويية وأسس لغوية وأسس إقتصادية
فالأثرياء مهما كانت أعراقهم يستعلون علي من دونهم بغض النظر عن مرجعياتهم
سعي النظام الفاسد لتأجيج الصراعات علي أسس عرقية وجوهوية ودينية
وإستقطب قبائل علي حساب أخري وجيش بطون لتفتك بأخري ليصرُف جهد مواطنيه
في صراعات تمنع توحد الوطن حول قضايا الوجود الاساسية وقضايا حق الإنسان في حياة كريمة وتوزيع عادل للغذاء والتعليم والصحة
قضايا أن يحيا الإنسان كريماً وحراً بغض النظر عن دينه ولونه وقبيلته
الظلم عندما يقع يقع علي الجميع فينشر الفوضي والتوترات والصراعات علي كل شيئ
والعدل والحرية هما لحمة الوحدة في الوطن..
النظام الفاسد هو من أنتج كل هذه التمييزات والتوترات
والتي لم تفرق بين شرق وغرب شمال أو جنوب ولكن بنسب متفاوتة .
المظالم في السودان لا تتمركز في نظرة الشمالي للغربي بل تتعدي ذلك الي مشاكل الحياة الكبري
ونضال ابن الغرب يجب أن لا ينفصل عن نضال ابن الشرق من اجل حياة تليق بالبشر
ومن أجل إلغاء كافةأشكل التمييز وأهمها التمييز علي أسس إقتصادية ..
إن قصة نزع التعالي العرقي من قاعدته المادية
وهي التي تفرز كافة أشكال التمييز الأخري والإهانات الأخري لكل الفقراء في السودان
إن إتجاه صرف النظر عن الجوهري لتمظهراته هو إتجاه يصب بدراية أو بدون دراية في إخفاء البنية الحقيقية للصراع القائم في السودان
وهو صراع علي ثروات البلد
صراع علي إحتكار الإمتيازات في البلد
لطغمة المستعليين علي شعبهم
وفي المستعليين والمستعلي عليهم أفراد ينتمون لمختلف الفئات والقبائل والاعراق
لكنهم يخونون أعراقهم ومواطنيهم بالبحث عن خلاصهم الذاتي علي حساب الخلاص الجماعي
ممتطين صهوة الفساد السياسي الضار بالوحدة الوطنية
والمنحدر بالدولة إلي مهاوي القبيلة والطائفة
للتغطية علي فشله الذي يورث الهوامش الفقر والجوع وكافة اسباب تفاقم البؤس والتوترات الاجتماعية
إن التمايز بين البشر علي اساس اللون او غيره لا يعطي أفضلية لشخص علي آخر
لكنها السلطة التي ضمن نظامها تكتسب الأشياء قيمها المؤقتة والزائلة بزوال النظام
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أمير عثمان)
|
محى الدين أبكر
سلام
Quote: محيرانى يا عزام جرأتك على الغرابه, وانت بذات شنبك وطاقيتك دى, "بربرى" و "مالكش لازمه" على بعد بضعه كيلومترات شمالآ!
إنت عاوز تفهمنا انو مثل"...ولو كان عبدا نوبيا." ده اتقال فى الفور ولا الزغاوة؟ ولا اتقال فى عبيدكم الدفعتوهم فى اتفاقية البقط? لا لا, ولا حتى فى الهجانة الالهبوا ظهور الفلاحين بسياط العنج.
المهم ان بعض الغرابه رضوا عن انفسهم, وفارقوا سكة امامك نجار المراكب المتمهدى, ده جوهر الموضوع , وحينسلخو من جنابكم زى جلد الدبيب, بدون خدوش, يا ريت بعد زوال سبب تأخركم تبقو "بلازمة".
ملحوظه:
صيغة الجمع مقصوده لذاتها, منعا لأم الالتباس. |
لا تراجع .. وسوف ندخلهم أجحارهم كما فعل أجدادنا الأبرار المجاهدين ..
بريمة
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أمير عثمان)
|
عَوض محمد أحمد
كيف حالك؟ علك طَيِب
Quote: و هل اهل البحر متجانسون
هل تعلم ان اعدادا من ساكنى النيل الابيض و الازرق, ناهيك عن شرق السودان لديهم مشاعر غير ودية تجاه قبائل الشمال الرئسية الثلاث |
ده رأيك إنت ده، أناأهلي عايشين على طول النيل الأبَيض في الشُوَك وفي المرابيع، وعديلي مِن شرق السودان.
ــــــــــــــــــ
Quote: لا توجد دولة متجانسة عرقيا, و لا دولة الفاتيكان ذات البضع مئات من الساكنين, فيوجد بها كهنة و كرادلة من كل الاعراق
البتر ليس حلا ناجعا لمثل هذه المشاكل |
التجانُس المعني في شأن قِيام الدُول، يبدأ مِن قُبول أفرادِهِ لِحدِهِ الأدنى، الذي بَين "الغرابا" وبَين "أولاد البحر" محدود جِدًا، يظهر في الجُوار.. التِجارة.. الدِراسة، فإذا بلغ الأمر إلى "العِرِس" رجعو لِعِلبو زي الترتيب.. هذا ما أتحدث عنهُ يا زميل.. ألم أقُل لكُم إني فرض كِفاية الأغلبِية الصامِتة ومُفْضِح مُزركِشي الحُروف المؤطره في سديم النت! والبِكْتِبو مُداخلاتُم في أغلبِهِمْ بِغاية [شوفوني أنا كيف عميق ومُتْحضِر]
ــــــــــــــــــ
| Quote: يوجد توزيع غير عادل للسلطة و الثروة لمصلحة قلة قليلة تنتمى لمنطقة جغرافية معينة |
ثرَوة شنو يا زول
< الكِتاب الأزرق > دارفور الإنسان والأرض
ــــــــــــــــــ
| Quote: يجدون انفسهم بلا اى سلطات. و دونك يا حبيب ازمة استقالة وزير الصحة المركزى (النوباوى) الذى وجد نفسه لا بستطيع حتى تعيين مساعديه فى وزارته, بل و لا يستشار فى تعيينهم (و لو من باب شاوروهم و خالفوهم) |
ده بِيحصل لامِن تقبل بِرشَوة "الإنقاذ" وده الحصل مع وزير الصحة وحصل مع "مِناوي" و"السيسي" وفي الطريق "د. خليل" و"محمد نور" وحصل مع "أحمد هارون" ومع "كوشيب" ومع "د. علي الحاج" ومع كُل "الغرابا" الشاركو في تقتيل 300 ألف دارفوري، شاركو بِاليد أو بِاللِسان أو كانو شياطين خُرْصْ
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
محمد على حسن
كيف حالك؟ علك طَيِب
| Quote: عزام وانت من نوبة الشمال ما سمعت برفض النوبة للعرب الشوايقة |
اكتب النص هنا
ما سِمعت.. ومُعظم النوبِيين (المحس/الدناقلة) عِندهُم لحمه مع الشوايقا، وأنا شخصِيًا جدي مُتزَوِج مِن شايقِية مشَلَخا لِورا، وهسِع تيرابو في تنقاسي السوق ومعروفين بِـ"أولاد القُبة" على قُبة جِدي في قرية "كويكة" غرب عبري.. ود. يوسُف فضل أُسْتاذ مادة التاريخ في جامعة الخُرطوم ومُديرها السابِق، أكد إنو كُل الشِمال مِن الرِحم النوبي، وقال إنو الشوايقة بِالذات كانو بِرْطُنو
ــــــــــــــ
| Quote: كان خشن بل واستخدم فيه الاسلحة البيضاء مما ادي وقوع ضحايا(جرحى) |
ده ما بِأكِد كُره الطرفين، الشايقي بِنديهو بناتنا عااادي، وبنعرِس منهُم عااادي، والما عرس شايقِية نُص عُمرو ضاع، الرسول مُحمد (ص) ماف قبيلة أذتو قدر ما أذتو قُريش
ــــــــــــــ
Quote: الحل
دولة ديمقراطية خالية من الجماعات الاقصائية وعلى راس هولاء الكيزان الفاسدين القتلة اعداء الشعب |
ده نشيد غنوهو أبْواتنا مِن 1955م وما سوى الحبه دي.. نشيد أصبح مُمِلْ.. نغَيِر ولا نَواصِل فوقو؟!
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: mohmed khalail)
|
سلام يا عزام ..
و مراحب ألوف بالعودة ..
| Quote: بنأكِد "لِلغرابا" إنو الشعب -الشِمالي- ما حياكُل كَـوَلْ نوهائي، بِنْعاف وريحتو ما حِلوة |
يا عزام لعلك تعلم أنني و على صعيد شخصي و من جهة الوالد من عنديكم في أقصى أقاصي الشمال .. و من جهة الوالدة ( جلابة هوارة ) من أعمق أعماق الأبيض التي هي عاصمة الغرب .
أكلت ( الكول ) و ( المرس ) و عشقتهما و سعيت جاهداً و سأسعى ( لنشر ثقافتهما ) و حببت فيهما حتى عاملة منزلنا الأندونيسية .. و أستطعمت ( التركين ) و آكله إن وجدته امامي و لكني لا أعشقه و لا أبحث عنه ..
أرى أن رابط الدين بين الغرب و الشمال هو الأقوى و هو الذي سيبقي الغرابة و الشماليين موحدين أبد الدهر ..
في مدينتنا الأبيض يمكنك أن تقول أنها موطن للشماليين أكثر منها حكراً للغرابة و لولا سماحة الغرابة و إنتفاء عنصريتهم لما بقي هناك (بحاري ) واحد ..
ـ
للمعلومية ..
إقتباس من بوست للأخ / بريمة ..
من تراثنا الشعبى في الإيدام: قدوقدو، الكول، التركين، أب...ه، مخبازه، وغيرها.
الكول Quote:
الكول
تطلق كلمة الكول علي ثلاثة أشياء:
1. نبات الثمام أو التمام
2. المادة التى تصنع من أوراق التمام
3. علي الملاح الذى يصنع من تلك المادة.
نبات الكول:
هذا النبات عبارة عشبة تصل فى بعض الأحيان إلي طول الأنسان وبعض الأحيان قصيرة وتنمو في أماكن المجالد في أراضى القوز وحول أماكن الرهود وتجمع المياه في المنخفضات في القوز، وهى عشبه غير مستساغة بالنسبة للحيوانات، ليس هناك أى حيوان يتغزى عليها، لذلك تجدها خضراء اللون وكثيفة الأوراق في وقت تكون فيه هلكت كل الأعشاب الأخرى بفعل الرعى الجائر، تشبه العشبه في خضرتها ووصفقتها تشبه نبات البرسيم ولكنها أطول من نبات البرسيم وتنمو بكاثفة كالبرسيم تماماً.
. مادة الكول:
تقطع أوراق الكول (تخرط خرطاً من الفروع) أو تورق كما تقطع أوارق الملوخية أو الرجله، وتضع في زير أو برمه، وتستمر الحاجة في إضافة الأوراق في البرمة حتى تمتلئ ثم تصب عليها قليل من الماء وفى بعض الأحيان يلقون عليها قطعة لحمة طازجة حتى تسرع عملية التخمير، ثم تغلق البرمة وتدفن في باطن الأرض خارج القرية وفي إتجاه عكس الريح، تحسباً عندما تفتح البرمة حتى لا تطرد العفانة والروائح الكريهة أهل القرية أو حتى لا يسخطوا من صانعة الكول فيبور حصادها، تأخذ البرمه حوالى 15 يوماً أو أكثر مدفونه حتى تتخمر الأوراق تماماً، ثم تأتى الحاجة مكممة كالدكتور الذى يريد أن يجرى عملية جراحية وتفتح البرمة، فإن كنت في إتجاه الريح سوف تخنق من العفانة، وتقوم الحاجة بعجن المادة المخمرة حتى تصير كالعصيدة ولكنها سوداء اللون، ثم تقوم بتقطيعها في شكل قطع مدوره في حجم قطعة الزلابية الفارحه أو المتفرهده، وتشرها علي الشمس حتى تجف القطع ثم تقوم بإرسالها إلي السوق ..
3. ملاح الكول
من عجائب الدنيا السبعة، تلك المادة المتعفنة تحتوى علي نسبة عالية من البروتينات النباتية وخالية من الكلوسترول، وهى تستعمل ليس في صناعة الملاح فحسب بل أيضاً تدخل كإحد أهم التوابل في الغرب، فهى تضاف كمسحوق إلي ملاحات أخرى كملاح الروب، الكشنه، البربور، التقلية، المرس، وغيرها، يمكنك إضافة المسحوق لأى ملاح بلدى يحتوى علي مسحوق البامية اليابسة، كما يمكنك صناعة ملاح الكول بمفرده، ويصنع كالأتى: تسخن الماء في النار حتى يقارب أن يغلى، ثم تضع مسحوق الكول في أناء وتصب عليه الماء الساخن وتخلطه بإستمرار حتى تصير الخلطة كملاح الخضرة المفروكة، ثم يلزم إضافة الملح وقليل من الشمار، ..
الكول ذو رائحة نفاذه بل قل عفنه وكريهة لا يطيقها أغلب الناس كما إنها منفرده ولا تخرج من اليد حتى بعد الغيسل بصابون الفنيك، كما أن الشباب يرون أن أكلها فيه نوع من الفضيحة، فهى تأكل بواسطة النساء والرجال الذين يتطفلون علي موائد النساء .. |
عزام عليك الله حاجة ما ( جربتها ) ما ( تشنفها ) ساكت !!
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
Quote: وين كلامي "الكعب" ووين أنا "نبذت" ووين "العُنْصُرِية" في الكتبتو؟
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا ما كتبه هذا الشخص في بوست محزوف بعنوان غرب سودانيزاونلاين
Quote: وكإضافة وإسْتِرْسال:
لو ها الغرباوي الما بِسُر القلِب، جِدو السابع عشر إتْولد في توتي وإنْعرك نسبو بِالجعلِيين ثُم حصُل حفيدِهِ المدعو [أ] بعهد نميري على الجِنسية الإنْكِليزِية، فعاد وتزوج بِشايقية، وأصبح مِن سُكان الرِياض، وبِها أنجب إبنه [ب] الذي أنجب مِن محسية [ج] . هذا الـ[ج] يظل "لا يسُر القلب". هكذا الأمر حَيثُ نشأت. وأنا نشأت في الخُرطوم بحري
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
الأخ عزام
تحياتي - لا تقفز للنتائج دون المرور بالاسباب ولا أعتقد أن هناك من يقف بجانب النهايات التي غرزت فيها بأن نرضى عنك بعد أن تأكل الكول أو العكس . فلا هذا ولا ذاك يمكن أن يحل أزمات السودان وتخلق مجتمعأً متوافقاً مع نفسه . وظاهرة أو مفردة العنصرية هذه لن نقول أنها سودانية المنشأ برغم من أن لها نصيب بالسودان ومن عدة وجوه ولا يمكن أن نختزلها بأكل الكول أو التركين فقط. أو عموم ثقافة أي مجموعة بشرية أو جهوية في الأكل والملبس . ولعل التاريخ ملئ بالنمازج ذات المحتوى العنصري أو الجهوي ومن كل جهات وثقافات السودان. وأقرب مثال لذلك مثلث حمدي الذي طرحة في مؤتمر القطاع الإقتصادي لحزب المؤتمر الوطني وما أثارة ذلك الرأي من غبار لا زال أثره باقياً ولعل ما قبله كثير ثم ما بعده لن يساعد على حل المشكلة السودانية وإلا سنعاني مزيدأً من الإنفصال لأكثر من جهة وعلي جبهات أخري من جهات السودان سواء كان شمالاً أو شرقاً أو غرباً.
بحيراوي
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: البحيراوي)
|
Sinnary
كيف حالك؟ علك طَيِب
Quote: وأسمح لي بالإعتراض علي جوهر خطابك في هذا البوست
لأنه يصور مسألة التعالي العرقي كأنها حالة منفصلة عن مجمل الظواهر التي أفرزتها الإنقاذ
و حقيقة أزلية في السودان منذ أن كان وإلي أن يزول يتكرس علي أساسها إمتياز عرق علي عرق علي الدوام
كأننا نسينا دنقس وجماع وما سبقه أو تلاه من صيغ عديدة للتعايش العادل والنبيل ..
إن تركيز النظر علي قضية التعالي (العرقي ، الديني ، اللغوي ) |
التعالي ما صِناعة إنْقاذِية، بل إمْتِداد لِفكر مُتَوسِطي.. مِن وين تحِب أضرب ليك مثل؟ كَدي خلينا في التاريخ القريب ونشوف مِثال لِلتعالي: جاء في صحيفة "حضارة السودان" الصحيفة التي كانت تصدُر بإسم علي الميرغني وعبدالرحمن المهدي جاء فيها في شأن حركة "علي عبداللطيف": [أهينت البلاد لما تظاهر أحقر وأوضع رجالها دون أن يكون لهم مركز في المجتمع... من هو على عبداللطيف وإلى أي قبيلة ينتسب] (إنتهى) المصدر: "جنوب السودان في المخَيّلة العربية" د. منصور خالد/صفحة رقم 469/سطر رقم 19/طبعة 2000 دار تراث لِلنشر.
وعِندما اراد المُستعمِر إلغاء الرق في السودان، رفع الآباء المؤسِسين، علي الميرغني وعبدالرحمن المهدي والشريف الهندي، مذكِرة تحنيس لِلخواجة بِعدم إلغاء الرِق، بِسبب [أن أغلبية الأرقاء الذين أعتقوا، أصبحوا لا يصلحون لأي عمل، إذ جنح النساء منهم محو الدعارة، وأدمن الرجال الخمر والكسل] (إنتهى) المصدر: "علاقات الرق في المجتمع السوداني/محمد إبراهيم نقد/صفحة رقم 363/سطر رقم 19/الطبعة الأولى 1995م دار الثقافة الجديدة.
وفي أول برلمان سوداني الجلسة الثانِية ، الدَورة الأولى ، عام 1958م قال وزير المعارِف علي عبدالرحمن [إن السودان دَولة عربِية ، ومن لا يشعُر بِأنهُ عربي ، فعلَيهِ مُغادرة البِلاد]
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
الشاب عزام إزيك ياخي
منذ أن طرح عليك الدكتور الصادق عبد الله من السعودية السؤال الشهير :
من أنت ومن تمثل؟ وبلسان من تتحدث؟؟ فلم تستطيع الإجابة فتواضع الدكتور علي الرد علي
بقية ترهاتك.
ولكن علي العموم هناك تحول ما في بنية تفكيرك خلال الفترة السابقة ، وما يدلل علي ذلك
طريقة عنوان البوست وهي عبارة (( لن يرضي )) عنك وهي في حد ذاتها تكفي لأن نقول أن موازين
زمام المبادرة في طريقها إلي الاختلاف من مجتمع سائد ومسيطر بثقافته العروبية الإنتقائية
ومجتمع خاضع ببقية ثقافاته التي أفنيت لصالح الثقافة الأولي.
أنت تجسد حاجتين
الطرف الناطق أو الذي يجرؤ علي المجاهرة في المنظومة المسيطرة
والثانية هي إنك نتاج مشوه لقهر تعرضت له وتعرض له أهلك من تلك الثقافة وتحاول إسقاط ذلك علي
بقية من تشعر بأنهم دونك... وهذا نفسياً مفهوم.
والثقافة العربية التي كانت سائدة هي ثقافة قاسية ومحتقرة بطبيعتها وتعاملها من الآخر فتري
كثير من الناس الذين نشأوا في الوسط يسكتون في السابق عن الحديث عن جذورهم لإن ذلك يجلب لهم الازدراء
والمقرعة.
حاولت الثقافة العربية أن تسقط معايرها علي المجتمع السوداني بخلفياتها التي وردت الشعر والادب العربي
فالفتاة الجميلة بمعايير العرب هي الرومية الكفل والمكية العينين الصفراء وصاحبت الشعر الأسود الطويل
دا تم اسقاطه علي عقولنا وفي نظر الكثير حتي الان الفتاة الجميلة تقاس بكم من اللحم تحمل في مقدمتها وفي مؤخرتها
ودونك محاولة تغيير بشرة السودانيات ليوائموا تلك الثقافة
وعلي ذلك قس بقية الأشياء ومثالك الانت ذكرته عن أكلة الكول مثير للسخرية لانه الكول هو نتاجنا الثقافي في دارفور
ونحن لم نجبرك علي تناوله ولم نفرضه عليك.
حصل تغير في وعينا ودا الانت وغيرك مرعوبين منه نحن أصبحنا نفتخر بذاتنا وبإصولنا وبتراثنا
وإكتشفنا من نحن
نحن ياخي سودانيين من دارفور ،
أرجوك لا تحتقر ثقافتنا ولا بلدنا ولا منتوجاتنا ، مهما كانت في نظرك غير مؤهلة للتبني فقط لا تفعل
ونحن نشكر لك أنها فقط وجهة نظرك.
آسف للإطالة
مودتي
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
عزام
سلام يا إبن عمي
Quote: ـــــــــــــــ
Quote: ولا اعتقد بان هنالك ما يدعو الى الهم والحزن اكتر من ان نصنف بعضنا البعض الى غرابى وشايقى ومحسى..الخ فى حين ان دين الاغلبيه ينهاهم عن ذلك على لسان الرسول الكريم حينما وصف العصبيه بانها منتنه.و لاان نرتد القهقرى بعد ان كان الفرد من اى بقعة من هذا السودان يعمل وفى اى وظيفه تبعا لمؤهله وفى اى مكان احتاجه الوطن..
القبايِل يا دِكْتور أجسام مُعترف بيها مِن قِبل الرب <...وَجَعَلْنَاكُمْ شُعُوبًا وَقَبَائِلَ لِتَعَارَفُوا...> 13 الحجرات ما فوقا حاجة، بس لامِن البشر ما يِفعِلو عِله جعل الله تعالى لِلشعوب والقائِل والتي هي <...لِتَعَارَفُوا...> بِتحصل الكبسيبا، ونبقى في حرب بتقود إلى إنْفِصال.. أنا عاوِز نختصِر الوقت ونهمِل الحرب ونبدأ في الإنْفِصال.
ـــــــــــــــ |
يبرز هنا سؤال حيوي : هل أنت واثق من عدم وجود بذرة العنصرية بين أولاد البحر ؟
فلو طبقنا نظرية إختصار الوقت و البدء في الإنفصال درءا للحروب ، فمعنى هذا أن تقيم كل قبيلة في السودان دولة لها.
نحن في السودان نعيش على مبدأ ( و فوق كل إستعلاء قبيلة إستعلاء يفوقه إستعلاءا ) ...
( و جعلناكم شعوبا و قبائل لتعارفو ) ... ( إن أكرمكم عند الله أتقاكم ) .. و التقوى كلمة بحجم الإنسانية جمعاء ،
و ( كلكم لآدم و آدم من تراب ) جزء يسير من هذه التقوى.
الإستعلاء الحالي لا ينبع من جهة بحر و لا غرب .. الإستعلاء و الشعور به من أي طرف ينبع من مرارات و تهميش و هنا يكمن الداء و الدواء ، و التجربة الأمريكية خير شاهد ، فلو إنتهجت أمريكا الحل بإنفصال ولاياتها لوجدنا عدة ولايات من الزنوج و أخرى من الهنود الحمر و أخرى من المهاجرين الأوربيين ، حتى الأوربيين فيهم داء التفوق في أمريكا ( أنجلو ساكسون و لاتين ).
ذكرني عنوان البوست بتلك المقولة من الغرابي الذي أكل التركينج و قال : هلو لاكين أفن ( حلو لكن عفن ) ... فلا صفة الحلاوة جعلتنا نرضى عنه و لا صفة العفونة جعلتنا نزداد عنصرية. و هذا لعمري إختصار لحالتنا .. التعايش سويا بحلونا و مرنا .. بعفننا و طيبنا.. بـ( كولنا ) و ( تركينجنا ) و ( مِرسنا ) ... و هلم صفاتا تنبع من عبق و مذاق ما يقيم أودنا حتى يقضي الله أمرا كان مفعولا.
دمتم
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
لقد أكلت الكول لأول مرة في حياتي قبل إسبوعين ولو كنت أعرف إنه يجلب الرضابين الغرابة والشماليين لما إنتظرت كل هذا الزمن حتي آكله
ياريت لو أكل الكول هو من يصلح ما أفسدته الإنتهازية السياسية. قاتل الله السياسة ما دخلت في شئ حتي أفسدته
مابين الغرابة والشماليين أكبر من مجرد وطن واحد إسمه السودان
هو رباط الدم والدين والثقافة والعادات والتقاليد ولو لا هذه الروابط لما وجد الإمام المهدي النصرة في الغرب
أمس جنوبيين وشماليين
والليلة غرابة وشماليين
وبكرة شوايقة وجعليين وهكذا يتشرزم السودان
هل تدرون بأن قبيلة مثل الشوايقة من أكبر قبائل الشمال هي هجين من دم غرباوي ودم شمالي بنسبة 50:50
ويكفي أن أسرة الإمام المهدي محرر السودان هي من ذات الخلطة السحرية من دماء الغرب والنوبة في الشمال..
لو ترك أهل السياسة الناس في حالها لما وصل بنا الحال للبحث في الكول والتركين
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أسامة البلال)
|
يا عزام سيدنا عمر بن الخطاب لما سأله قاتل أخيه زيد - في حروب الردة - عن هل عدم حب سيدنا عمر ليه سيضيع حقا له عنده قال ليه ابدا
فرد الإعرابي إذن فلتبكي على الحب النساء
اهل غرب السودان و الجنوبيين من قبلهم ما حاربوا كايسين المصاهرة حاربوا عشان حقوقهم و تهميشهم
بالقانون و الدستور نحفظ حقوق الجميع و البقول لزول يا عب يتحاكم و البحابي ود قبيلته على التانين يتحاسب
كلنا بشر وكلنا سودانيين نتوظف في الدولة ونتعلم ونتعالج وكافة حقوقنا على الدولة ناخدها على الأساس دا فقط كوننا سودانيين
وقرانا ومدننا تصلها الكهرباء و الماء النظيف فقط لأنها مدن وقرى سودانية
يبقى بعد كل زول ياخد حقه الرسمي من الدولة كاملا و بالقانون تاني قصة فلان مستعلى و شايف رقبتو اخير وما بعرس بتو لغرابي دي شغلات نية ساي و لتبكي عليها النساء
وما في زول بشيل سلاح عشانها
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أسامة البلال)
|
أحمد الأبوابي
كيف حالك؟ علك طَيِب
في الحقيقة أنا قُلت أخليك في الآخِر، لغاية ما أدخُل الرابِط الجلبتو وأقراهو وبعدين أرُد عليك، بس الرِدود على الزملاء طال شوِية.. ما علينا
Quote: ربما كانت وجهة نظرك قمينة بإثارة بعض الامتعاض عند البعض .. و لكن أعتقد بأنك بتقديمك إياها ، بكل هذا الوضوح ، تضع كل من يدعي (اللاعنصرية ) ، أمام محك ، و هو أن يبرز هذا على مستوى المنطق ، و الحوار ، لا الإفتراض لما هوصحيح ، و طبيعي ، و متقدم ..
أنا عن نفسي أرحب بوجهة نظرك هذه ، لأنها تعتبر بالنسبة لي تعبير عن كثير مما أتنكر له ، و يتنكر له غيري من النزعات المكبوته ، لذا فإن خروجها إلى السطح ، على لسان شخص ، يمتلك قدر من القناعة بها ، هو في تقديري فرصة لمناقشتها بشكل جريء ، و حر ، و موضوعي .. و في الخلاصة ، لن نخسر شيئاً ما دمنا منطلقين من احترام لرأي بعضنا بعضاً .. |
أغلب الزملاء هِنا شغالين "علاقات عامة" الواحِد تفتِش ليهو "فِكرة" واحدة حقيقِية ما تلقى عِندو الحبه دي، ويِنْساق مع الحشد، إن قالوا هكذا (أُشير إلى جِهة اليمين) قال أنا معكُم، وإذا قالوا هكذا (أُشير إلى جِهة اليسار) قال أنا معكُم.. تلقاهو بِقرا بِأحكام مُسْبقة.. بِغبينة هاردا كَبْدو.. بِإسْقاطات دُبِرت بِلَيْل.. وإذا دخل [أ] الذي هو مِن الجِهة الفُلانِية، تنادت إلَيهِ البشر وَعَلَى كُلِّ ضَامِرٍ يَأْتِينَ مِن كُلِّ فَجٍّ عَمِيقٍ.. ده الخلا سودانيز أونلايِن ماش لِورا.. بعد ما كان بكان زي العجب..
ـــــــــــــــــ
| Quote: أود أن أسهم في الحوار بإيراد هذا المقال الذي تم نشره في صحيفتي السوداني ، و الجريدة ، و بعض الأسافير من ضمنها سودانيزأونلاين.. |
تقول في د. أحمد الأبوابي .... السلام و مكائد تاعقل الإنقلابي
| Quote: يشغلني كثيراَ سؤالٌ، من المؤكد أنه يشغل الكثيرين من المعنيين بشأن هذا البلد المُمتحن.....لماذا لا تصل مشكلاتنا السياسية لحل حقيقي وجذري رغم الجهود المقدرة كماًً، والمتفاوتة نوعا، من حيث التجويد فيها والقناعة والصدق في حال العكوف عليها، بحيث لا يصح منطقاًُ وعدلاً اعتبارها، كلها، أو جلها، صفراً في عداد ما هو إيجابي ومرجو للوصول لحل حقيقي؟؟ . . لعل اتفاقية (نيفاشا) وما بذل فيها من جهد وما أنفق في مسارها من زمن تصلح مثالا مغنياً عن المزيد في تأكيد ما ذهبت إليه .. |
وجعلت أمرِنا يتأرحج بَين (العقل الإنْقِلابي) و(العقل التعايُشي) وهذا والله "التقِية" بِعَيْنِها، دعني أبسِط الأمر بِدون مُرازا..
إرتفع شأن العُرْبِ بعد أن جعل الله تعالى مِنهُم نبي مُرسل، وكانت العرب في جاهِلِيتُها تسترِقُ الأسَود والأبَيض ما عِندهُم قشه مُرّه البته، فلما تَوطد الإسلام أصبح الإسْترقاق في الأسَود، لِطلب الأسواق وسُهولة قنْصِهِم وخُضوعِهِم، وقالت العرب بعد داك: [الفحل مو عواف] فإخْتلط الأبَيض بِالأسَود، فجاء الفُقهاء بِتأويلاتِهِم، كأن لا يُولى في الوِلايةُ الكُبرى عبدٌ أو مَن كان بِهِ عِرق، وأصّل القُرآن أن لِلعبد نِصف الأذِية وكُلِهِ لِسَيِدِهِ.. هكذا.. وجعل كفاءة العِرق مبدأ <...كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ...>
178 البقرة أي لا يُقْتل حُرٍ بِعبد وجعلهُم -أي العبيد- كفارة <... وَمَن قَتَلَ مُؤْمِنًا خَطَئًا فَتَحْرِيرُ رَقَبَةٍ مُّؤْمِنَةٍ...> 92 النساء، لِكُل ذلِك نجر المُسْلِمين عامةً ومُسْلِمين إفريقية خاصةً الأنساب الموصِلة إلى عِترة الرسول (ص) وتحايلو على اللَون بِمُسميات ما أنزل الله بِها مِن اسماء [الإخيدِر] [الأخدر] [الأخدر بِالحيل] [الأخدر شدييييد] ونشأ مَن نشأ بِهذِهِ التَوهُمات.
حل المُشكِلة بتلخص -علشان نتصالح مع روحنا- في إتْنين:
(1) إعْتراف (السود)انيين أن بِهِم رِق. (لَيس على المُستوى الشخصي، بل عامةً)
(2) أن لا يخجل (السود)انيين مِن الإسْتراق الذي حدث في الماضي.. فهو يُدين المُسْترِق.
ده البخلي الزنجي الأمريكي ياخُد بِنَيْاتو في عُطلة نِهاية الإسبوع ويِمشي بيهُم المتحف، ويقول ليهِن: [هذا جدي.. كان عَبْدٌ يعمل في هذا الحقل.. وهذِهِ وثيقة تحرُرِهِ]
يعني تفتكِر المُذكِرة الكتبوها الآباء المؤسِسين، ناس علي الميرغني وعبدالرحمن المهدي والشريف الهندي، لِلخواجا، البحنِسو فوقا ما يِلغي الرِق في السودان، أكانت لِبنغال ولا نيبال؟ ما يهُم سود(انيين).. غايتو النصيحة نطيحة
رد الوثيقة زعماء الطائفِية، في المتحف البريطاني تحت الرقم: C.S. 60/A/1
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
أسامة البلال
كيف حالك؟ علك طَيِب
| Quote: هو رباط الدم والدين والثقافة والعادات والتقاليد ولو لا هذه الروابط لما وجد الإمام المهدي النصرة في الغرب |
يعني عاوِز تقول إنو الإمام المهدي لامِن مشا جبل قدير أكان في بالو "الجرار" و"المردوم" و"شاي البرامكة".. ودم شنو البِتتحدث عنو يا خوي.. يعني الأقرب لِلإمام المهدي، الدناقلة ولا الغرابا وِكْتين ساب أهلو ولجأ لِجبل قدير؟ والغرابا لو كان عِندهُم دين وقتذاك ما كان قِبْلو مِن أصلو بِالمهدِية كفكرة وما كان قبلو بيها كمنهج إتَسَودن وإتْسَيَس، لأن المهدِية -مثلاً-أجازت إسْترقاق المُسلِم..
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: د.محمد بابكر)
|
د.محمد بابكر
إنت كتبت الآتي:
Quote:
المعادله التى تكفل لنا الامان جميعا ان نتعاهد على وطن نتساوى فيه جميعا دونما الالتفات الى دين او عرق او انتماء سياسى واصدقك القول انه بغير هذه المعادله فنحن مواجهون بطوفان لن يبقى ولن يذر.
|
وأنا رديت عليك بالآتي:
Quote:
ده كلام منبري يا دِكْتور، حقو نشوف الواقِع الماثِل اليَوم بِغض النظر عن الدين قال شنو والتاريخ حكى شنو والجينات أثبتت شنو:
(1) عندنا مُشكِلة حقيقِية في الأرض.
(2) عِندنا حقائِق مغروزة في النفوس (أولاد البحر/أولاد الغرب).
(3) عِندنا حلول وصلنا ليها بعد حرب 55 سنة (نيفاشا).
(4) عِندنا تجارُب شعوب إنْفصلت (باكِستان/بنغلاديش/أرتريا).
حقو نستفيد مِن العِنْدنا ديل بدل ما نقنِب نُلْقي في خُطب لم ولن تُفيد أحد البته
|
ـــــــــــــ
| Quote: لو بتقصد فض مجالس على قول اهلك فهذا غير صحيح |
لا يا دِكْتور ما قصدي كِده، قصدي إنو [...ان نتعاهد على وطن نتساوى فيه جميعا دونما الالتفات الى دين او عرق او انتماء سياسى...] كلام ما بِفيد الواقِع الحالي، وما فاد أمبارِح ولا القبلو، لأنو كلام هُلامي، بِتقدر تشرح لينا كيف نطبِق "المعادلة" حقتك البين قوسَين الفوق دي؟! يعني نعمِل شنو علشان تصبِح مُعادلتك حقيقة؟ ده كلام إنْشائي، يعني بِنْقال وما مُمْكِن تطبِقو
نِحنا يا دِكْتور بِنتْفاكر، قد نختلِف، بس لو أنا شعرت مُجرد شعور إنو مُمْكِن يِضيع الوِد البيناتنا، بِناقِص فِكرة.
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
سلامات يا عزام
طبعاً بالإضافة للأسباب الساقا د. الأبوابي فوق، أنا بعتقد غنو مناقشة خطابك مفيدة للأسباب الآتية:
أنه خطاب يدعي المنطق و يتلبس لبوس العلمية و يحاول صاحبو يقنعنا إنو عقلاني
نقاش هكذا خطاب مهم جداً لأنو عبر مسكو من لسانو يوضح التناقض المنطقي الواقع فيهو و عدم إتساقو حتى مع واقع صاحبو، و كلامك الفوق دا مليان بالتناقضات و الخطل.
بالرجوع لأصولك العرقية التي اشار لها حشد من المتداخلين، حلل لي القصة الصغيرة الآتية:
لي صديق عزيز جداً من أيام الجامعة، أمو و أبوهو قرو جامعة الخرطوم و كانو بحبو بعض جداً و ما زالو مع انو اولادم خريجين تحس بالعشق بينات فات درجة الوله، و دي حاجة ما داسينها حتى أولادم بفاخرو بيها.
القصة إنو الأم حلفاوية و الأب جعلي، عندما تقدم لزواجها أهلا قالو ليها "ما بندي العب دا"، أضربت عن الزواج سنينا عددا، حتى رضخ الأهل في النهاية
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Nazik Eltayeb)
|
سامي صلاح
| Quote: أنا بعتقد غنو مناقشة خطابك مفيدة للأسباب الآتية: |
طَيِب نشوف ليه خِطابي مُفيد،حسب رأي سامي:
| Quote: أنه خطاب يدعي المنطق |
| Quote: و يتلبس لبوس العلمية |
| Quote: و يحاول صاحبو يقنعنا إنو عقلاني |
| Quote: هكذا خطاب مهم جداً |
يلا نشوف ليه خِطاب مُهِم جِدًا، حسب قول سامي:
| Quote: لأنو عبر مسكو من لسانو يوضح التناقض المنطقي الواقع فيهو |
| Quote: و عدم إتساقو حتى مع واقع صاحبو، |
سامي... أنا زعلان مِنك! أفكارك ما مُرتبة ياخ.. جايطا.. مُتناثِرة.. مَبشْتة.. أنا شاعِر يا سامي إنو عِندك حاجة، عِندك أفكار، عِندك رؤى، بس ما قادِر ترتِبا..
حاوِل مرة أُخرى.. بس بعيد مِني وحياة أبوك.. أنا أخدت نصيبي كاااامِل، خليك عادِل ياخ، ووزِع مُداخلاتك بين أعمِدة الزُملاء.. أسمع جرِب "هارون دِياب" روحو طويلة وما بِغلت فوق زول
ــــــــــــــــ
Quote: بالرجوع لأصولك العرقية التي اشار لها حشد من المتداخلين، حلل لي القصة الصغيرة الآتية:
لي صديق عزيز جداً من أيام الجامعة، أمو و أبوهو قرو جامعة الخرطوم و كانو بحبو بعض جداً و ما زالو مع انو اولادم خريجين تحس بالعشق بينات فات درجة الوله، و دي حاجة ما داسينها حتى أولادم بفاخرو بيها.
القصة إنو الأم حلفاوية و الأب جعلي، عندما تقدم لزواجها أهلا قالو ليها "ما بندي العب دا"، أضربت عن الزواج سنينا عددا، حتى رضخ الأهل في النهاية |
كتر خيرك ياخ.. قِصة الحلفاوِية/الجعلي بِتأكِد كلامي الفي ها العمود.. إنت يا زول ما براك ولا شنو؟ بِسسسسم الله
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Nazik Eltayeb)
|
يا جماعه ياخي ما تلوموا اخونا عزام ساي ...كلامو الفوق ده صاح ميه في الميه ....
وبعدين القصه ما قصة عنصريه وزواج وكول و تركين و(عفن) ... القصه احقاد وكره موروث من حبوبات البعض ... وعقد لكثير من البعض لم يستطيع التخلص منها ...
وفوق كل دلك قضية انسان ( اسود) ضائع الهويه ... لا يعرف نفسو هو شنو هووو ... كي ما يقول العارفين با مر هدا السوداني المعقد ...
لدلك انا (كغرابي ) مولود في الصحراء مثلا اوافق ما طرحه الاخ عزام من حيث فصل هده الدوله الفاشله وتقطيعيها لعدة دويلات حتي يري اي اسود فيها روحو و(ينشعق) مع الناس المتجانس معاهم ...واي زول لاصق في (فجه) ما هي فجتو ينخرط و(ينحك) منها ويشوف مجانستو وين ونفضها سيره ...
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
سلام يابريمة، ياخي وحياة معزتي اتخارج من هنا!
if its not broke, don't fix it!0
الزول ده هدية من ربنا عديل كده!
شخصيا، انه مبرر وجودي في هذا الفضاء، او شاهدي المقيم، علي صحة كلام الطير بتاعنا ده!
لما يخرم او يحاول يتكلم كلام الاستهبال المعهود في ليبرالية الجلابة، تعال ادي فوق راسو عشان يرجع لي جادة طريق الوعي الجلابي، في اعلي و"ابهي" تجلياته، بحق، الذي سينتهي بتفتيت السودان، زنقة زنقة، وقد بدأ طريق زنقة زنقة، هذا سلفا!
الطريف، الجوغة الكانت ملمومة حول الزول ده، بالذات شلة "فريق" نواحي المحس، فرت منه فرار السليم من الاجرب!
مش لانهم بختلفو عنه في شئ، ولكن لانو زولم ده، اباح بالسر الاله، المعروف في ادبيات التصوف الكوشي منذ عهد فيثاغورث، وكنوع من العقوبة المعهودة لمبيح "السر الالهي" الجماعة فكو البيرق عاضين العراقي من زولم، الفتي كل شئ!
عزيزي القارئ،
متي ما تناها الي سمعك، مصطلح "حراك" نوبي، او "حركة نوبية" فكقاعدة، للاسف، فالكلام الفوق ده، هو حقيقة منفستو هذا التيار، الاكلنا احنا سمايتو، في شعبة اثار جامعة الخرطوم، اوائل ثمنينات القرن الماضي!
الحقيقة المرة، انو طريقة التفكير هذه المنكفئة المعبرة عن حالة Autism بمعني الكلمة، ما حالة خاصة بافراد شاذين، وانما تيار عام قديم معشعش في اللاشعور، في اوساط ابناء وبنات المنطقة مابين دنقلا او حلفا، او بالتحديد منطقة المحس!
بعضا من ابناء حلفا الي اليوم لا ارتباط وجداني لهم ببقية السودان، اصلا مقارنة بمصر مثلا!
هذا فقط، راس جبل الجليد الغاتس بالمناسبة، والجميع يشهد علي الثورة العارمة في وجه المارق بشاشا، لما هبش العصب المكشوف ده، في جماعتو، هنا:نوبيـــــو المنبر....نمرة كاملة عــــــــــد
للاسف تداخلنا هنا، ربما يتسبب في جرف البوست عن مسارو.
اتمني الرجل يواصل كشف المستور، مطمور، في تلافيف الوعي الجلابي، فرع مواهيم الحضارة في مقابل مواهيم العروبة!
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Elsanosi Badr)
|
والله كلاما عجبا!!
يعني أى واحد يحس بأنه متضرر من "تفرقة" ما ينفصل؟؟ بدل ما الناس تبحث في هذا الفهم الذي يفرق بين الناس ويعملوا على ازالتو؟؟
المرأة السودانية في معظم انحاء البلد تعاني من هذه النظرة التي تنتقص من حقها كانسان كامل؟؟ نقوم ننفصل؟
فصل الشعوب على اساس عرقي لا يأتي الا ليحقق مصلحة ما، مصلحة جهة متجبرة وقاهرة اقتصاديا أو عسكريا أو دينيا وهذا ليس للحصر.
أنا بسمع قصص العراقيين الذين انهزموا انسانيا ككل الشعوب المهزومة لمصلحة المتجبر، وحكاويهم عن أن الشيعة والسنة كانوا يعيشون ويتزاوجون ولا يحملون هذه البغضاء لبعضهم البعض كما يحملونها اليوم ...
أكبر قبيلتين في بروندى ورواندا وقصةاشهر حرب تطهيرية عنصرية في أفريقيا ...يحملون ذكريات معايشة سلمية دمرتها مصالح كبرى أخرى أكبر من نواياهم الطيبة ...ودكريات التعايش السلمي تمتد لتشمل الجنوب والشمال في السودان وحتى بين القبائل والتي تعرف defined بأنها ذات اصل عربي والقبائل ذات الاصل الافريقي
في دارفور ...تعرف هذا المفهوم ...
الليبيون أول من انطلقت شرارة الثورة قالوا بانعدام الحواجز القبلية التي زرعها بينهم القذافي وقد شهدنا نداء شباب ثورة مصر الواضح بأن لافرق بين المسيحي والمسلم في الحقوق ...
لا يجب علينا أن نؤسس لهذه الفروقات وحقيقة كلمة غرابا "غرابة" دي نفسها مدلول سيء للتخاطب بين أبناء الشعب الواحد وغير مقبولة وتستبطن بداخلها كثير من ملولات التفرقة العرقية ...
يا سادتي الكرام يجب علينا نبذ هذا الخطاب الضار ...هنالك جهة مستفيدة من هذه الصراعات الزائفة ...فالناس كلهم سواسية في الحقوق وأولها حق العيش بكرامة في بلدهم
شاهدوا معي هذا الفيلم ومن من هذه الاجيال يصدق أن اليهود والعرب عاشوا حياة "حلوة" من قبل جنبا الى جنب ؟ ومن يصدق أن دمعة اليهودى أو العربي تسيل ندما على عبور ذلك الزمان الجميل ...وفي مصلحة من تقوم هذه الحرب الشرسة؟؟
http://www.linktv.org/video/6343/jaffa-the-oranges-clockwork
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
السيده تماضر لك التحيه والاحترام
Quote: لا يجب علينا أن نؤسس لهذه الفروقات وحقيقة كلمة غرابا "غرابة" دي نفسها مدلول سيء للتخاطب بين أبناء الشعب الواحد وغير مقبولة وتستبطن بداخلها كثير من ملولات التفرقة العرقية ...
يا سادتي الكرام يجب علينا نبذ هذا الخطاب الضار ...هنالك جهة مستفيدة من هذه الصراعات الزائفة ...فالناس كلهم سواسية في الحقوق وأولها حق العيش بكرامة في بلدهم |
انا كغرابي لا اجد غضاضه البته في نعتي باني انتمي للغرابا او الغرابه ولا يوجد ادني غضاضه بالافتخار باني قادم من عمق الصحراء وبان تلك الرمال تضم رفاة اسلافي من الجهتين امي وابي ... وان لا غضاضه اطلاقا في ما يعتلق في نفوس من يشعرون بالدونيه ان ينعتوا ما يشاء لهم من نعوت ويحملونها مفاهيمهم ... لان من يخلق في الصحراء ويعيش فيها لايري من فوقه احد الا الخالق وتقول بعض اساطير الصحراء ويؤمن بها جل من هناك ان لاشئ يملا اعين اولئك الرجال الي الرمال ... وحتي تلك لاتسطيع ... فمن يشعر بان الانتساب الي جهته يقلل من شانه فعليه ان يبحث في مكامن الخلل التي بها يستشعر بها انتمائه انها دون ....
اما بخصوص الانفصال فانا ادعم الفكره واخصص لها جزء من جهدي .. لان ايماني بالفكره ينبع ايضا من ايماني بفكرة فشل الدوله المرقعه التي اصبحت (عاله) علي المجتمع الدولي وحتي علي دعاة الانسانيه ...
من حلال تكريس فكرة انفصال الغرب الكبير سنعمل لحياة افضل لاجيالنا القادمه في دوله تحترم ابناءها عند انفصالها بعيدا عن الوجه السلبي لما يسمي بالسودان الحالي القائم علي (الترقيع) وادمان الفشل ....وايضا البعد عن فكرة السوداني (المعقد) الدي لا يعرف عن اي هويه ينتمي ... هدا لا يعني تكريس فكرة الكراهيه عند الانفصال بل هو من باب ابعد عن الشر وادعو له بالهديه وحسن مقام...
ولا شئ او احد (مستفيد) من فكرة فك الارتباط من هدا الثوب المترهل المسمي بالسودان وساكنيه من الاقوام (...) الدين ما فتئوا وانجمع اهاليه الا بالانغماس لتكريس فكرة ضلال الهويه ... الا وقف نزيف حرب الفقراء الي الابد وحياة كريمه لاجيال قادمه
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Elsanosi Badr)
|
إنت يا عزام زعلت قبل ما أبدا معاك و الا شنو؟
أول حاجة يا عزيزي ما تبتر كلامي و تدلس علي
أنا في كلامي الفوق دا كلو ما قلت إنو خطابك مفيد أنا قلت:
| Quote: مناقشة خطابك مفيدة |
و لا قلت إنو خطابك مهم جدا بل قلت ليك:
| Quote: نقاش هكذا خطاب مهم جداً |
وقع ليك كلامي لمن أقول ليك إنو خطابك يا عزام
| Quote: عبر مسكو من لسانو يوضح التناقض المنطقي الواقع فيهو و عدم إتساقو حتى مع واقع صاحبو، و كلامك الفوق دا مليان بالتناقضات و الخطل |
فطول بالك لأنو نحنا مقبلين على فضح التناقض المنطقي و عدم الإتساق و الخطل ي خطابك
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: بريمة محمد)
|
عزيزي القارئ،
والله كنتا متوجس دخولنا الخيط ده يغير مسارو البديع بحق الحالي، البمثل سياحة في غياهب الفرع الاخر او المذهبية الثانية، للعقل والوعي الجلابي، ولكن يبدو حدث العكس تماما حيث اضاف المبدع عزام بعد اخر خفي او غير مطروق، للصراع داخل حتي من يسمون انفسهم بالنوبيين، وهذا النزاع قبلي في جذورو، وان كان له انعكاسات اخري.
ماهو هذا البعد الجديد النجم عن تداخلنا هنا؟
حسنا، فلنقرأ معا مايلي بامعان او تدقيق شديد:
| Quote: ومنهُم "بشاشا" بس وِكْتين الله جابو، النحكي ليكُم سببو مع النوبِيين الأنا منهُمْ، أفْتحو كِتاب "طبقات ود ضيف الله" صفحة رقم 215/رباط وركاب.. علشان تعرِفو سبب كُره "بشاشا" لِلنوبِيين، مُداخلة شاذة. |
طيب باختصار هذا المستعلواتي الساذج طبعا، عايز يقول بشاشا، بديري او بالتالي مانوبي بي فهمو القبلي للمصطلح طبعا!
من الجانب الاخر برضو عايز يقول بشاشا "عب"!
قرقرقرقرقرقر!
طيب ليه بشاشا "عب"؟
الكلام هنا بطول، او هنا البعد الاخر الخفي او مطمور في تلافيف هذا العقل والوعي الجلابي العجيب!
واضح تماما، موضوع "عب" او حر في الوعي الجلابي، بحر غريق خلاس، بلا ساحل تب!
ولع الوعي الجلابي المسكون بالهاجس ده، ماصدفة، وانما هذا اساس التكوين النفسي للجلابي!
نرجع لي موضوعنا:
بشاشا في نظر امثال المسكين ده، عب ليه؟
حيقول ليكم لانو بديري، والبديرية في فهمو، طبقا لود ضيف الله، عبيد!
طبعا ده مجرد تمرير تبرير لي ظاهرة اصلا موجودة، ملخصا، نظرة بعض المحس، للدناقلة ك"عبيد"، او ده تجلي، انعكاس، او تعبير مكتوم، لي صراع او فرز قبلي جاري تحت ارض الوعي الحالي، والحركة الحالية، اي الحركة النوبية لوجاز التعبير!
طبعا هو حيحاول اختزال الموضوع في شخص بشاشا، وحيرفض رفض بات ان تشمل النظرة هذه كل الدناقلة، ولكن قطعا ما علي بشاشا، وان جاز، النكران يمر علي الاخرين، من غير الملمين ببواطن الامور زينا في ساحة الوعي الجلابي عامة، وساحة مواهيم الحضارة، من الجلابة بخاصة!
سنعود لنفصل اكثر في موضوع مستحقات غلو بعض غلاة قبليي المحس المتطرفيين من امثال عزام، ولكن نركز علي مآلات هذه النزعة العجيبة بحق، وما يتبعها من ميل مركوز الي التشظي والانقسام الاميبي السرطاني، اللانهائي والذي لا تحده حدود!
الموضوع بدأ بالغرب و"الغرابة" والان مابنقول انتهي ولكن وصل مشارف دنقلا!
حولا ولاقوة!
كده فضلو منم الماعبيد او بالتالي يتخلصو منهم بالبتر والفصل النهائي، من السودان، بالمنطق المخبول هذا؟
والله فضلو فقط ناس حلفا!
طبعا ناس شوايقة او جعل ديل، اصلا مفروغ من امرهم، ك"عرب"!case closed!
اذن الرجل بي بساطة يدعو لاقامة جمهورية خاصة بالمحس تحديدا، واذا لابد، فالحلفاويين ممكن يدوهم التابعية!
تاملو طريقة تفكير هذا المخلوق، والاعجب، ثلة المعجبين بهكذا طريقة تفكير، من المطبلين ليهو، رهبة، ام رغبة! .
...يتبع...
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Bashasha)
|
انت مخلوق عندك مشاكل حقيقيه نصيحه بقدما ليك يا تفكر فيها يا ترفضا وترميها البحر
انت حر
الله عز وجل خلق تلاته خلق
خلق الملائكه وهم لايخطؤون يعنى ربنا عمل ليهم فورمات لا يستطيعون معها فكاكا
وخلق الشواطين وهم يخطؤون فقط
وخلق البشر واداهم حق الخطأ والصواب قال تعالى (انا هديناه النجديين اما كافرا واما شكورا)
انت عزام دا بكل تضخم الذات عندك لا تعدو قدرك امام الخالق واحسن تتواضع وتقعد
فى وطات الله دى وتعرف انو ربنا الخلق كل الخلق دا خلق ملايين الناس احسن منك بألف مره
خلقه واخلاق وخلق اقبح منك الف مره خلقه واخلاق لكن دى ما المشكله يا بنى ادم
المشكله انو انت بتبحث عن ذاتك وماك واجده
والازعاج والكورايك البتعمل فيها فى منبر بكرى دا من ما ادوك الباص ورد والى اليوم
دى كلها اعراض لى مرض والمرض هو كرهك لى ذاتك واهلنا زمان قالوا العارف
عزو مستريح دا منبر نقاش عام يعنى يناقش الشأن العام لى مجموعه سودانيين
بتنتمى لى قطر يسمى السودان بكل ناسو وتنوع اعراقم وثقافاتم واصولهم
تفتح موضوع فى المنبر العام دا الناس بتدخل وبتقول رأيها يتفقوا معاك
يختلفوا معاك يطبلوا ليك لهم مآرب اخرى عندهم نفس عقدتك بتاع النقص
هم احرار ...يبقى كلامك دا:-
(بطِلي قِله حيا.. البيني وبين بدرالدين الأمير بسمح إنو يِخاطِبني بِالشكل الكتب بيهو مُداخلتو الفوق دي والعجبتِك، ومُداخلتو إسْتمرار لِمُناكفات بيني وبينو مشهورة في الإسْفير وفي الواقِع هِنا ده في الدَوحة، وأنا بتقبل مِنو مُناكفتو وبياختو.. إنتي ما بسمح ليكي.. وده تحذير أولي)
اولا نمسك كلام البنى ادم دا ونحللوا ونقرأ ما بين السطور عشان
نفهم شخصيته الحقيقه البحاول يخفيها!!! طبعا الاربعه
سطور الكتبهم عزام فوق ديل كان رد لى انى بس عملت
كوت لى مداخله الاخ الكريم بدرالدين ....طيب نجى نشوف
عزام قال شنو:-
باستثناء عباره(بطلى قله حيا) – والعباره دى حنرجع ليها تانى
عزام عايز يقول انو كلام بدر الدين ما هاميهو وعلاقتو مع بدر الدين
فى الدوحه سمن على عسل طيب اذا افترضنا جدلا ولى مصلحه النقاش
انو عزام بقبل كلام بدر الدين والبيناتم عامره طيب انا كل العملتو بس كوتا كلام بدرالدين طيب الهيجان لزومو شنو؟!!! والخلاهو يطلع من طورو ولسانو يفلت ويقول عباره( بطلى قله حيا) طبعا اذا عرف السبب بطل
العجب السبب يا ساده وسيدات بتلقوهو فى كلمه ( العجبتك) الحشرا
عزام حشر فى السطر التانى وكلمه (عجبتك ) الكتبا عزام دى ما كان
فى ليها داعى لكن زى ما قالو المرء مخفيا بين لسانه تحدثوا تعرفو
والغرض مرض ….آى كلام بدر الدين عجبنى وقلت ليه الله ينصر
دينك واذيدك اكتر.... بدر الدين ذاتو عاجبنا راجلا محترم
وحبوب واخو اخوان وزول فنان متصالح مع ذاتوا ما عندو شغله بى
خلق الله من ما جاء المنبر ما شفناهو اذراء زول ولا حاول يقلل
من قيمه الناس لكن انتا يا عزام شن جاب لى جاب طردوك من
المنبر دا كم مره عشان روحك المحرقاك دى ......
دائما شابك الناس قبيلتى وقبيلتك اهلى واهلك رطانتى ولغتكم
والبنى ادم عزام بكل عين قويه بسألنى وبقول لى :-
وين كلامي "الكعب" ووين أنا "نبذت" ووين "العُنْصُرِية" في الكتبتو؟
طيب هاك اقرأ كلامك فى بوست انت كاتبو :-
(
Quote: وكإضافة وإسْتِرْسال:
لو ها الغرباوي الما بِسُر القلِب، جِدو السابع عشر إتْولد في توتي وإنْعرك نسبو بِالجعلِيين ثُم حصُل حفيدِهِ المدعو [أ] بعهد نميري على الجِنسية الإنْكِليزِية، فعاد وتزوج بِشايقية، وأصبح مِن سُكان الرِياض، وبِها أنجب إبنه [ب] الذي أنجب مِن محسية [ج] . هذا الـ[ج] يظل "لا يسُر القلب". هكذا الأمر حَيثُ نشأت. وأنا نشأت في الخُرطوم بحري
بالله يا عزيزى القارىء شفتو الزول دا نشأ فى حته كيف
افففففففففففففى من النشأ فى حتات زى دى وكمان بفتخر بيها
نجى لعباره ( بطلى قله حيا) العباره دى تستخدما على الناس العندك
عليهم وصايه ما فى المنبر دا فهمتا ؟
عزيزى القارء انا كتبت الكلام ادناه:-
طبعا فى ناس بتفتكر الكلام الكعب والنبذ والعنصريه بتغلب ليها بنى ادم اسهل حاجه لكن الكلام البحل وبربط
دايرلو نفس طويل وداير رجال بسمهوم جمال الشيل ودارجيين العاطله وزى ما قال الفنان الكابلى
ان اداك وكتر ما بقول انا اديت جفافين دمعه المظلوم يييييييييييييييييييييييييييييييا حليلم
كلامى الفوق دا ما لقه فيه اى حاجه الا حرف الياء فى كلمه ( ياحليلم)
طبعا بى كلام اهلنا الحنين بجروا الكلام زى كلمه ييييييييييييييييييييييا
حليلهم..... عزام عشان زول دواخلو ما نضيفه حرف الياء المجرور
بعنى ليه حاجه ماكويسه !!!! يا النبى نوح!!! غايتو كل اناء بما فيه ينضح
فى الختام يا عزيزى القارىء شوفو التناقض فى كلاموا دا
الاخ الكريم بشاشا كتب مداخله عزام قال ما برد لعدم الكفاءة
ولدا دا ...وانت وينا كفائتك غير الشكل والنبذ والعنصريه
وبشاشا زاتو ما راجى منك رد بكتب للتوثيق وللتاريخ فقط
طيب لمن جات الاخت العزيزه جدا تماضر وعملت
مداخله وما عجبتو ....قال ايه:-
وقد لا أرُد على مَن لا يُعَنْوِن مُداخلتِهِ بِإسمي أو يقتبِس مِن كلامي جُزء، وعِله ذلِك أن العمود مُتاح لِلعُضْوِية، وقد يرغب العضو في التداخُل والإدلاء بِرأيهِ دون تخصيص..
طيب عاينو التناقض دا انا فى مداخلتى الوحيده ما عنونتا مداخلتى
بى اسمه ولا اقتبست جزء من كلامو
طيب رديت على ليه ؟؟؟؟
اركز يا زول وخليك واثق من روحك
وقول رايئك واثبت عليه انت خايف من شنو؟ قول انا عنصرى
وانا زول زى مافى فى الدنيا دى.. وقبيلتنا احسن القبائل اوكى
لكن لمن الناس يجو يناقشوك ما تنبذ وتهدد وتخرج من طورك
دا منبر نقاش عام ما فريق بتاع ناس اجلاف
قال شنو قال ده تحذير اولى !!!! يا زول خلاص خوفته منك
والله الدنيا دى فيها جنس مواهيم
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: زينب محمد عبدالله)
|
Quote: انت مخلوق عندك مشاكل حقيقيه نصيحه بقدما ليك يا تفكر فيها يا ترفضا وترميها البحر
انت حر
الله عز وجل خلق تلاته خلق
خلق الملائكه وهم لايخطؤون يعنى ربنا عمل ليهم فورمات لا يستطيعون معها فكاكا
وخلق الشواطين وهم يخطؤون فقط
وخلق البشر واداهم حق الخطأ والصواب قال تعالى (انا هديناه النجديين اما كافرا واما شكورا)
انت عزام دا بكل تضخم الذات عندك لا تعدو قدرك امام الخالق واحسن تتواضع وتقعد
فى وطات الله دى وتعرف انو ربنا الخلق كل الخلق دا خلق ملايين الناس احسن منك بألف مره
خلقه واخلاق وخلق اقبح منك الف مره خلقه واخلاق لكن دى ما المشكله يا بنى ادم
المشكله انو انت بتبحث عن ذاتك وماك واجده
والازعاج والكورايك البتعمل فيها فى منبر بكرى دا من ما ادوك الباص ورد والى اليوم
دى كلها اعراض لى مرض والمرض هو كرهك لى ذاتك واهلنا زمان قالوا العارف
عزو مستريح دا منبر نقاش عام يعنى يناقش الشأن العام لى مجموعه سودانيين
بتنتمى لى قطر يسمى السودان بكل ناسو وتنوع اعراقم وثقافاتم واصولهم
تفتح موضوع فى المنبر العام دا الناس بتدخل وبتقول رأيها يتفقوا معاك
يختلفوا معاك يطبلوا ليك لهم مآرب اخرى عندهم نفس عقدتك بتاع النقص
هم احرار ...يبقى كلامك دا:-
(بطِلي قِله حيا.. البيني وبين بدرالدين الأمير بسمح إنو يِخاطِبني بِالشكل الكتب بيهو مُداخلتو الفوق دي والعجبتِك، ومُداخلتو إسْتمرار لِمُناكفات بيني وبينو مشهورة في الإسْفير وفي الواقِع هِنا ده في الدَوحة، وأنا بتقبل مِنو مُناكفتو وبياختو.. إنتي ما بسمح ليكي.. وده تحذير أولي)
اولا نمسك كلام البنى ادم دا ونحللوا ونقرأ ما بين السطور عشان
نفهم شخصيته الحقيقه البحاول يخفيها!!! طبعا الاربعه
سطور الكتبهم عزام فوق ديل كان رد لى انى بس عملت
كوت لى مداخله الاخ الكريم بدرالدين ....طيب نجى نشوف
عزام قال شنو:-
باستثناء عباره(بطلى قله حيا) – والعباره دى حنرجع ليها تانى
عزام عايز يقول انو كلام بدر الدين ما هاميهو وعلاقتو مع بدر الدين
فى الدوحه سمن على عسل طيب اذا افترضنا جدلا ولى مصلحه النقاش
انو عزام بقبل كلام بدر الدين والبيناتم عامره طيب انا كل العملتو بس كوتا كلام بدرالدين طيب الهيجان لزومو شنو؟!!! والخلاهو يطلع من طورو ولسانو يفلت ويقول عباره( بطلى قله حيا) طبعا اذا عرف السبب بطل
العجب السبب يا ساده وسيدات بتلقوهو فى كلمه ( العجبتك) الحشرا
عزام حشر فى السطر التانى وكلمه (عجبتك ) الكتبا عزام دى ما كان
فى ليها داعى لكن زى ما قالو المرء مخفيا بين لسانه تحدثوا تعرفو
والغرض مرض ….آى كلام بدر الدين عجبنى وقلت ليه الله ينصر
دينك واذيدك اكتر.... بدر الدين ذاتو عاجبنا راجلا محترم
وحبوب واخو اخوان وزول فنان متصالح مع ذاتوا ما عندو شغله بى
خلق الله من ما جاء المنبر ما شفناهو اذراء زول ولا حاول يقلل
من قيمه الناس لكن انتا يا عزام شن جاب لى جاب طردوك من
المنبر دا كم مره عشان روحك المحرقاك دى ......
دائما شابك الناس قبيلتى وقبيلتك اهلى واهلك رطانتى ولغتكم
والبنى ادم عزام بكل عين قويه بسألنى وبقول لى :-
وين كلامي "الكعب" ووين أنا "نبذت" ووين "العُنْصُرِية" في الكتبتو؟
طيب هاك اقرأ كلامك فى بوست انت كاتبو :-
(
Quote: وكإضافة وإسْتِرْسال:
لو ها الغرباوي الما بِسُر القلِب، جِدو السابع عشر إتْولد في توتي وإنْعرك نسبو بِالجعلِيين ثُم حصُل حفيدِهِ المدعو [أ] بعهد نميري على الجِنسية الإنْكِليزِية، فعاد وتزوج بِشايقية، وأصبح مِن سُكان الرِياض، وبِها أنجب إبنه [ب] الذي أنجب مِن محسية [ج] . هذا الـ[ج] يظل "لا يسُر القلب". هكذا الأمر حَيثُ نشأت. وأنا نشأت في الخُرطوم بحري
بالله يا عزيزى القارىء شفتو الزول دا نشأ فى حته كيف
افففففففففففففى من النشأ فى حتات زى دى وكمان بفتخر بيها
نجى لعباره ( بطلى قله حيا) العباره دى تستخدما على الناس العندك
عليهم وصايه ما فى المنبر دا فهمتا ؟
عزيزى القارء انا كتبت الكلام ادناه:-
طبعا فى ناس بتفتكر الكلام الكعب والنبذ والعنصريه بتغلب ليها بنى ادم اسهل حاجه لكن الكلام البحل وبربط
دايرلو نفس طويل وداير رجال بسمهوم جمال الشيل ودارجيين العاطله وزى ما قال الفنان الكابلى
ان اداك وكتر ما بقول انا اديت جفافين دمعه المظلوم يييييييييييييييييييييييييييييييا حليلم
كلامى الفوق دا ما لقه فيه اى حاجه الا حرف الياء فى كلمه ( ياحليلم)
طبعا بى كلام اهلنا الحنين بجروا الكلام زى كلمه ييييييييييييييييييييييا
حليلهم..... عزام عشان زول دواخلو ما نضيفه حرف الياء المجرور
بعنى ليه حاجه ماكويسه !!!! يا النبى نوح!!! غايتو كل اناء بما فيه ينضح
فى الختام يا عزيزى القارىء شوفو التناقض فى كلاموا دا
الاخ الكريم بشاشا كتب مداخله عزام قال ما برد لعدم الكفاءة
ولدا دا ...وانت وينا كفائتك غير الشكل والنبذ والعنصريه
وبشاشا زاتو ما راجى منك رد بكتب للتوثيق وللتاريخ فقط
طيب لمن جات الاخت العزيزه جدا تماضر وعملت
مداخله وما عجبتو ....قال ايه:-
وقد لا أرُد على مَن لا يُعَنْوِن مُداخلتِهِ بِإسمي أو يقتبِس مِن كلامي جُزء، وعِله ذلِك أن العمود مُتاح لِلعُضْوِية، وقد يرغب العضو في التداخُل والإدلاء بِرأيهِ دون تخصيص..
طيب عاينو التناقض دا انا فى مداخلتى الوحيده ما عنونتا مداخلتى
بى اسمه ولا اقتبست جزء من كلامو
طيب رديت على ليه ؟؟؟؟
اركز يا زول وخليك واثق من روحك
وقول رايئك واثبت عليه انت خايف من شنو؟ قول انا عنصرى
وانا زول زى مافى فى الدنيا دى.. وقبيلتنا احسن القبائل اوكى
لكن لمن الناس يجو يناقشوك ما تنبذ وتهدد وتخرج من طورك
دا منبر نقاش عام ما فريق بتاع ناس اجلاف
قال شنو قال ده تحذير اولى !!!! يا زول خلاص خوفته منك
والله الدنيا دى فيها جنس مواهيم |
طَيِب
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
أخى عزام صباحك خير
Quote: حاولت الثقافة العربية أن تسقط معايرها علي المجتمع السوداني بخلفياتها التي وردت الشعر والادب العربي
فالفتاة الجميلة بمعايير العرب هي الرومية الكفل والمكية العينين الصفراء وصاحبت الشعر الأسود الطويل
دا تم اسقاطه علي عقولنا وفي نظر الكثير حتي الان الفتاة الجميلة تقاس بكم من اللحم تحمل في مقدمتها وفي مؤخرتها
ودونك محاولة تغيير بشرة السودانيات ليوائموا تلك الثقافة |
حبينا نقول متابعين
ويبدو انو البوست جذب الكثير من الفطاحلة والخبراء
ومنكم ومنهم نستفيد
| |
|
|
|
|
|
|
|
|
 Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: حسن حماد محمد)
|
Quote: اهل غرب السودان و الجنوبيين من قبلهم ما حاربوا كايسين المصاهرة حاربوا عشان حقوقهم و تهميشهم
بالقانون و الدستور نحفظ حقوق الجميع و البقول لزول يا عب يتحاكم و البحابي ود قبيلته على التانين يتحاسب
كلنا بشر وكلنا سودانيين نتوظف في الدولة ونتعلم ونتعالج وكافة حقوقنا على الدولة ناخدها على الأساس دا فقط كوننا سودانيين
وقرانا ومدننا تصلها الكهرباء و الماء النظيف فقط لأنها مدن وقرى سودانية
يبقى بعد كل زول ياخد حقه الرسمي من الدولة كاملا و بالقانون تاني قصة فلان مستعلى و شايف رقبتو اخير وما بعرس بتو لغرابي دي شغلات نية ساي و لتبكي عليها النساء
وما في زول بشيل سلاح عشانها |
شكراً يا ود البشرى
سلام عزام.
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: حسن حماد محمد)
|
الأخ عزام
سلام
هنالك استعداء مبالغ فيه ضد الغرباوي منذ الدولة المهدية..
هذا الإستعداء أخذ جانبا من السلوك الإجتماعي المتوارث للكثير من الشماليين بحيث اصبح ود الغرب في ارثهم هو الزول الكعب والشرير..
في السبعينيات والثمانيات من القرن الماضي كادت هذه النزعات البغيطة أن تزول... لكن وصول الإسلامويين المتشبعين بسياسة القبلية والعرقية جاءت بها للسطح مرة اخرى وبصورة اكثر غلظة.. وصار الحديث عن رفض هذا الوجه من التخلف كالحرث في البحر..
فالغرابة عانوا ويعانون الكثير الآن ظلما من هذه السياسات العقيمة..
وزول الغرب انسان بسيط وحبوب.. لو اعطيته الإحترام لملكته..
وصراحة أقول لك أن بوستك هذا طرق المسألة من الناحية السلبية.. وكأنى الغرابا نالوا شيئا من حقوقهم المهضومة بالإصرار والترصد من زمان قديم..
تحياتي
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: خالد أحمد شطة)
|
زينب محمد عبدالله
| Quote: الله عز وجل خلق تلاته خلق |
ما صحيح لأن الله تعالى بِقول: <... وَيَخْلُقُ مَا لاَ تَعْلَمُونَ...> 9 النحل
ــــــــــــــــ
| Quote: خلق الملائكه وهم لايخطؤون يعنى ربنا عمل ليهم فورمات |
ما صحيح، لأن الله تعالى بِقول: <...وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ > 102 البقرة
ــــــــــــــــ
Quote: ربنا الخلق كل الخلق دا خلق ملايين الناس احسن منك بألف مره
خلقه واخلاق وخلق اقبح منك الف مره خلقه واخلاق |
ده شنو هسِع ده عليك الله.. ما علينا.. حأعتمِد الشطر الأخير، تمشِيًا مع تحليلك لِشخصيتي
ــــــــــــــــ
| Quote: المشكله انو انت بتبحث عن ذاتك وماك واجده |
طَيِب مُش المفروض إني شخص مريض وزميلِك في المنبر ده؟ طَيِب، مُش مِن الواجِب الإنساني تساعِدي في عِلاج حالتي؟ هسِع قِله حياك الفوق دي، في ظنِك بِتْساعِدني ولا بِتدهوِر حالتي؟
أنا عزام نوبي أبوي مِن "عبري" وأُمي مِن "صُلِب" إتربيت في بلد طيرا عجم، ونشأت في الشعبية بحري، وعشت في البُطانة.
في مُنتدياتنا النوبِية بكتِب بِلُغة بفهما أهلي، وفي المُنتديات الأُخرى، وسيطي، اللُغة العربية، بكتِب بيها
الكلام ده بنضُم بيهو مِن جيت ها المنبر.. ذات شنو وروحان شنو يا بِتْ الناس؟!
ــــــــــــــــ
Quote: والازعاج والكورايك البتعمل فيها فى منبر بكرى دا من ما ادوك الباص ورد والى اليوم
دى كلها اعراض لى مرض والمرض هو كرهك لى ذاتك |
أنا شهير جِدًا بِإنو "الحالة" النوبِية تحَولت عِنْدي لِـ"مقامٍ"
ــــــــــــــــ
Quote: انا كل العملتو بس كوتا كلام بدرالدين طيب الهيجان لزومو شنو؟!!! والخلاهو يطلع من طورو ولسانو يفلت ويقول عباره( بطلى قله حيا) طبعا اذا عرف السبب بطل
العجب السبب يا ساده وسيدات بتلقوهو فى كلمه ( العجبتك) الحشرا
عزام حشر فى السطر التانى وكلمه (عجبتك ) الكتبا عزام دى ما كان
فى ليها داعى لكن زى ما قالو المرء مخفيا بين لسانه تحدثوا تعرفو
والغرض مرض ….آى كلام بدر الدين عجبنى |
طَيِب المُشْكِلة وين؟ أنا قُلت ليكي أنا بسمح لِبدرالدين إنو:
| Quote: يِخاطِبني بِالشكل الكتب بيهو مُداخلتو الفوق دي والعجبتِك |
وإنتي بِتْقولي:
Quote: آى كلام بدر الدين عجبنى وقلت ليه الله ينصر
دينك واذيدك اكتر.... بدر الدين ذاتو عاجبنا راجلا محترم
وحبوب واخو اخوان وزول فنان متصالح مع ذاتوا |
طَيِب المُشْكِلة وين؟ طالما مُداخلة بدرالدين عجبتِك، ليه وصفتي كلامي إنو محشور دون داعي؟
ــــــــــــــــ
| Quote: انتا يا عزام شن جاب لى جاب |
| Quote: طردوك من المنبر دا كم مره |
| Quote: انت مخلوق عندك مشاكل حقيقيه |
| Quote: انت عزام دا بكل تضخم الذات عندك |
| Quote: المشكله انو انت بتبحث عن ذاتك وماك واجده |
| Quote: والازعاج والكورايك البتعمل فيها فى منبر بكرى دا من ما ادوك الباص ورد والى اليوم |
وده كلو عِرفْتيهو عني مِن تاريخ إشْتراكِك في ها المنبر؟ في [3] شهور و[18] يوم بس.. أكيد مُتابعا كِتاباتي مِن بدري، طَيِب ليه وأنا عِندي كُل المشاكِل دي؟!
ــــــــــــــــ
Quote: بالله يا عزيزى القارىء شفتو الزول دا نشأ فى حته كيف
افففففففففففففى من النشأ فى حتات زى دى وكمان بفتخر بيها |
بِتْتكلمي عن النشأة؟
نشأتي أنا ده؟
المفروض إنتي مُتابعا كِتاباتي مِن 2008م
ــــــــــــــــ
Quote: عزام عشان زول دواخلو ما نضيفه حرف الياء المجرور
بعنى ليه حاجه ماكويسه !!!! يا النبى نوح!!! غايتو كل اناء بما فيه ينضح |
أنا في شأن مط حرف يائِك وصفتها:
| Quote: وبعدين "المط" البِتْمط في المُنتديات الأخرى حركات ما حِلوه، وهِنا ما مرغوب فيهو، على كُلٍ إذا كان لابُد مِن تجلِبي لينا عباطات المنابِر، بقول ليكي في ها المنبر بعض البشر بسْتخدمو "كاااااااك" |
يعني إعتبرت [ييييييييييييا] حقتِك، عباطات منابِر ووجهت بإسْتخدام [كاااااااك]
إنتي الظاهِر فهمتيها بِطريقة تانِية... والله قدُر ما أولت وفسرت وقلبت المعاني كلها، ما لقيت معني يِقود إلى إني زول [دواخلو ما نضيفه].. الدواخلو ما نضيفه البفهم المعنى وِفقًا لتفكرو
ــــــــــــــــ
وقولي [بطِلي قِله حيا] كانت لكلامِك أدناه الأنا جلبتو في إقتباس:
| Quote: وداير رجال بسمهوم جمال الشيل ودارجيين العاطله |
لأنو عيب تناضمي في رجولتي
ــــــــــــــــ
| Quote: قال شنو قال ده تحذير اولى !!!! يا زول خلاص خوفته منك |
معقول في إسْترجال بِالشكل ده؟
ما علينا...
دي ذكرتني بِحاجة ما معقولة -برضو- قال ليك القذافي في واحد مِن كُتُبو كتب التالي:
[الرجُل (ذكر) والمرأة (أنثى)]
ــــــــــــــــ
وبِمُناسبة الطُرَفْ، وفي شأن ذِكر "الحركات الما حِلوه"
| Quote: وبعدين "المط" البِتْمط في المُنتديات الأخرى حركات ما حِلوه، وهِنا ما مرغوب فيهو |
قال ليك في واحِد مشا بوليس الحركة
- عاوِز أفتح بلاغ
- في منو؟
- في حسن عبدالكريم
- عربتو رقما كم؟
- ما عِندو عربية
- طَيِب عربتك إنت وينا؟
- أنا ما عِندي عربِية!
- وجاي هِنا لِشنو؟
- مُش ده بوليس الحركة؟
- أيوه!
- طِيب.. حسن عبدالكريم كان عِِندي معاهو ميعاد وما جا.. والحركة دي ما حلوه
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
محمد ود أبا خليل أبو سامي
| Quote: ولعلمك بوستات هذا المخيليق تدخليها للونسة والضحك على ما يكتب |
هسع بلغ عدد قُراء ها العمود [2428] وفوقو [84] مُداخلة في [3] أيام بس.. خلي بالك مِن الزمن [3] أيام... أها الحشد ده كلو جابو الضِحِك؟! الشئ يا كافي البلا شنو؟!
ـــــــــــــ
بِالمُناسبة إبنك [سامي] حيِتْعقد جِدًا... جِدًا يعني لامِن يِكْبر ويِلقى إسمو ما مُتْوافِق نوهائي مع جيناتو.. بِتْبالِغ ياخ، شنو يعني، هسِع كَدي عَيِب لي الأُسوم دي: [إسحق][آدامو][تلفون][مُرْسال]
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
Abdlaziz Eisa
كيف حالك؟ علك طَيِب
Quote: هنالك استعداء مبالغ فيه ضد الغرباوي منذ الدولة المهدية..
هذا الإستعداء أخذ جانبا من السلوك الإجتماعي المتوارث للكثير من الشماليين بحيث اصبح ود الغرب في ارثهم هو الزول الكعب والشرير.. |
ده شي منْطِقي جِدًا لِسادِية ود تور شين وأهلو الغرابا السووها بِأولاد البحر.. أسمع مِني يا خوي، الكلام ده نادِر يِقولو ليك ود بحر، بس أنا فرض الكِفاية، أغلب أولاد البحر عادين الغرابا السود "عبيد" سيبك مِن الكلام المُنمق البِبْذُلوهو البشر هِنا ده.
أنا ما عِندي غضاضة في حاجْتين:
(1) تطبيع مع إسْرائيل لِدرجة إقامة عِرِس كورا بيناتنا.
(2) تقبُل الغرباوي المُتصالِح مع رقبْتو
وعِله ده إني كنوبي عِرْقًا وإفْريقي بكان ما عِندي أيُتُها مُشْكِلة في البندين أعلاه، لا تاريخِيًا ولا دينِيًا. المُشْكِلة بِتطِل بِرأسِها لامِن يِهدِدْني "الغرباوي" وأتَوجَس مِنو، كأن يُطالِب بِالوِلاية، ورفضي عِندو سببوأنا ذكرتو هِنا ده أكتر مِن مره، وفَحَواهو: إنو الشِمال النيلي المُتَوسِطي، جرب حُكْم "الغرابا" مِن قبل.. حين حكم "الفونج" وحين حكم "التعابشي" وفي الإنْقِلاب الذي عُرِف بِـ"إنْقِلاب المُرتزقة" وما هُم بِمُرتزِقة عِلا شينين ساااي يِعلم الله، أها دي أسْبابنا البعيدة.. القريبة، لامِن نشوف عمايِل "الغرابا" ناس آدم هارون وكوشيب والوالي كِبِر، في أهلهُم الغرابا، أهلهُم القتلو فيهم 300 ألف زول مدني، ظنك الشِمالي بِوَلي ليهو "غرباوي" في ساقِية خليهو بلد؟!
ــــــــــــــــ
| Quote: في السبعينيات والثمانيات من القرن الماضي كادت هذه النزعات البغيطة أن تزول... لكن وصول الإسلامويين المتشبعين بسياسة القبلية والعرقية جاءت بها للسطح مرة اخرى وبصورة اكثر غلظة.. وصار الحديث عن رفض هذا الوجه من التخلف كالحرث في البحر.. |
ده صحيح.. الإنقاذ لِعبت بِخُطة "القبايِل"، لأن الإنْقاذ عارفا مخاوِف قبايِل الشِمال مِن "الغرابا"
ــــــــــــــــ
| Quote: فالغرابة عانوا ويعانون الكثير الآن ظلما من هذه السياسات العقيمة.. |
ده "الهلع" الزرعو الغرابا في أولاد البحر.. ده شي طبيعي، لأنو تاريخ قريب، أنا لامِن أشعُر بِتهديد، بنعصِر على ود عمي الأمْبارِح كُنت واقِف ضِدو في المحكمة.. ده رد فِعل طبيعي ومفهوم
ــــــــــــــــ
| Quote: وصراحة أقول لك أن بوستك هذا طرق المسألة من الناحية السلبية.. وكأنى الغرابا نالوا شيئا من حقوقهم المهضومة بالإصرار والترصد من زمان قديم.. |
أنا ما صنعت الحصل يا خوي.. أنا حكيتو بس.. حكيت الإنت عارفو.. الأنا عارفو.. الكُل عارفو.. بس التنطِع وإدعاء التحضُر وناس البَوْتقه المؤطرة في سديم البنفسج، سوو الحِكاية "عُنْصُرِية"
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
سلام يا عزام
تحياتي
ح ارجع ليك بمنطقي القديم معك في بوست مشابه وعلى ما اعتقد رابطه موجود فوق
الشربكة الشربكها محمد علي باشا واستغلها من بعده الامام المهدي وققنها المستعمر بل واضاف
ليها الجنوب "بنص كلتش"، كان لابد للدويلات او الشعوب في هذه الاقاليم نشأت بينهم علاقات
تجارية واقتصادية واجتماعية وقد تكون قادت الى محاولة خلق ثقافة واحدة، يعتبرونها "ناس امدرمان"
هم احق بها وبلغتها، الغناء، واييه كده بوتقة الانصهار واعصمة وطنية وهم عارفين والله الحبة دي تلقاها فيها.
بلغة تانية، السودانيين وجدوا انفسهم في خليط، فلنقل اجباري، طالما المركزية كانت ديدن الحكومات السودانية
الاستعمارية منها والوطنية. هذا الخليط وخليني استعمل التشبيه الكميائي
حسب معلوماتي البسيطة في الكيمياء، في نوع خليط سهل الفصل بينهم اذا قررت فصلهم من بعض - الزيت والماء
صحيح انك ممكن تلهم في وعاء واحد لكن سيصل الزيت زيت والماء ماء مهما حاولت من خلطهم بشدة
في نوع خليط بحصل فيهو ذوبان، السكر في الموية مثلا، بحصل ذوبان للسكر في الماء الى ان تكاد لا تراه
واذا قررت فصلهم لاحقا، امكن يكون اصعب من الزيت والموية لكن في النهاية برضو ممكن
اها في نوع تالت ودا يا اخوي صعب بالحيل، خليط لمادتين ينتج منهم خليط او مادة جديدة كليها في خواصها
الكيميائية والفيزياية وتختلف عن المادتين الشكلته في الاول هنا يا حبيب مافي طريقة للفصل
قد يكون انفصال الجنوب كان ممكنا لانه من النوع التاني تقريبا، اذا صح تعبيري او تصوري
لكن الخلط الحصل بين ممالك النوبة وسنار وكردفان والمسبعات ودارفور، ممكن نقول انه من النوع التالت
الفصل صعب
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أحمد ابن عوف)
|
هلا شول, كيف اخبارك
_______________________
اها ازيك يا عزام وكيفنك وحالك ووليداتك إن شا الله طيبين وفي صحة وعافية | Quote: أغلب أولاد البحر عادين الغرابا السود "عبيد" سيبك مِن الكلام المُنمق البِبْذُلوهو البشر هِنا ده. |
طيب دي فكرة اولاد البحر اولاد الغرب ما عليهم لوم أو دخل فيها وتصحيحها مسؤولية اولاد البحر
خليك من سديم وفلسفة وبنفسج من ناحية دين بس وأثر في سنة النبي عليه افضل الصلاة والسلام عنّف سيدنااباذر لمناداته سيدنا بلال بإبن السوداء
وقال ليه - فيما معناه - فيك جاهلية يا أباذر
وسيدنا عمر قال متى استعبدتم الناس وقد ولدتهم أمهاتهم أحرارا
ح اضطر اعيد ليك كلامي تاني - عاد اتحملني فيها دي - ود الغرب يلقى القانون العادل من الدولة البعاقب ود البحر يوم يمرق الجواه و يناديه بياعبد و يا فعلتك ويا تركتك و الدولة زاتها توظفه و تعامله هو وود البحر سواء لا يميزهم إلا عملهم وكفاءتهم و هو زات نفسه كان ربنا يسرها ليه ممكن يبقى على رأس الدولة واولاد البحر معارضتهم ليه تكون محصورة في سياسته و نهجه وما ليها دخل بي اصله و خلقته , يوم يلقى ديل كلهن ما ليه شغلة تاني بالفي النفوس و السرائر
دي ليها رب مطلع عليها وعالم لكن البمرقها برة وداير يعملها تمييز تقيف ليه الدولة و القانون و الدستور الف أحمر , حتى لو كان القائمين على الأمر جواهم نفس التفكير و العقد طالما ملتزمين بالقانون ما لينا شغلة بالجواهم
كدي قبل ما نمش على الإنفصال ما ندي الحل دا فرصة عسى أن يجعل الله فيه مخرجا لنا
__________________________
اها سلام وسلمنا و اقتباس واقتبسنا عاد بعد دا كان طلعت القصة عدم تأهيل تكون بالغت معاي
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: أحمد ابن عوف)
|
سلام يا عزام مرة تانية
اضطريت اقطع كلامي في المداخلة الفاتت لاسباب خاصة
اها يا اخوي، في الـ 200 سنة الفاتت، بدأت تظهر علاقات جديدة في الانتاج وقوانيين تحكمها
ومشاريع حديثة يعتمد فيها الفرد السوداني على الآخر في انجازها
تخريمة
خليني احكي ليك القصة دي، اخوي قاعد يبني قي بيته في السودان، قمت سألتوا، ولقيت عمال جنوبيين؟؟
لعلمي بان معظمهم رجعوا، قال لي: ولا واحد، طيب الخرصانات دي اشتغلها ليك منو؟؟ عمال من دارفور
وشوية نوبه
اها، يا عزام كان حصل الانفصال تاني اخوي دا يجيب من وين، الا البنغال الملاعيين ديل
لكن القصة ليست بهذه البساطة التي صورتها، في مدن نشأت في السودان نتيجة لهذا التلاقي والتلاقح
هناك مشاريع ضخمة اعتمدت على رأس المال الشمالي وعمالة الغرابي، هناك اقتصاد ضخم للصادر
ضمغ عربي ومواشي كان ينتجه الغرابي ويعتمد الشرقاوي على عائد الصادر في استيراد الدواء ... الخ
ثقافيا واجتماعيا نعم، اتفق معك، نحن متأخرين جدا في قصة المزيج دي، لكن اللوم ما بقع على الغرباوي براهو
الحكومات، ناس المناهج الدراسية، الفنانيين، المثقفين، العساكر، الطائفية كلهم مسؤولون يا حبيب
الغرباوي ضحية زيو زي الشمالي او انسان الوسط
تحياتي
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: عزام حسن فرح)
|
| Quote: نِحنا يا دِكْتور بِنتْفاكر، قد نختلِف، بس لو أنا شعرت مُجرد شعور إنو مُمْكِن يِضيع الوِد البيناتنا، بِناقِص فِكرة. |
بل سيدوم الود بيننا ولتصدح بافكارك فانا ابغض الحجر على الاراء .. ومواصلة لما بدا بيننا من حوار وعطفا على ما سقت من امثله فقد قدر لى ان ادرس فى باكستان وقد عرفت كيف نشات وماهى المالات التى الت اليها فقد كانت النشاه من مواقع الاستعلاء الدينى بدعوى ان المسلمين هم الاعلى على معتنقى الديانات الاخرى فى الهند الموحده ولكن المسلمين ما ان انشاوا دولتهم حتى انقضوا على بعضهم بحكم التمايز الطائفى ..هذا من جانب اما من الجانب الاخر فان من قدر لهم ان يكونوا فى هذا الجزء من الجغرافيا قبل قيام الدوله المسلمه وهم من غير المسلمين فقد لوحقوا وقتلوا ومن تبقى منهم لا يمكنه ان يمتهن غير نظافة المراحيض وهى مهن لايخدمها المسلمون..انه التمييز يا عزيزى باية دواع اتى عرقا ام دينا..وما اقبح ما يفرزه من ظواهر..
نشات باكستان وانقسمت منها بنقلاديش فى الظاهر بسبب الصعوبات الاداريه ولكن المستتر من الاسباب لم يكن بعيدا عن العرقيه وكما تعلم اخ عزام فان البنقال ذوى بشره سمراء..
لم تستقر دوله باكستان وظلت على الدوام فريسه لمغامرات العسكر بداية بايوب خان مرورا بضياء الحق وانتهاءا بمشرف وقد دفع الشعب الكثير من وقته ودماء ابنائه نتيجة لذلك..
فاذا كنا ننشدـالاستقرار تيمنا بباكستان فدونك ما حدث فيها بل وما يحدث فيها فهى الى جانب انها المفرخ الاول للارهاب فى العالم فهى تشهد انهيارا كاملا لمؤسساتها وربما للدوله نفسها فى القريب. واذا كنا ننشد التقدم على حذوهم فهم بالرغم من امتلاكهم لبنيه تحتيه لاباس بها وبالرغم من امتلاكهم لما سمى بالقنبله الاسلاميه الا انهم وبفعل ما ذكرنا من انواء, كثيرا ما نقضوا هذا الغزل..
ولماذا باكستان لماذا لانسترشد بالتجربه الهنديه والتجربه الماليزيه او الاميريكيه هؤلاء ليسوا سحره يا عزام هؤلاء بشر مثلنا وضعوا قوانين ودساتير الزموا بها كامل الشعب واتخذوا العلمانيه سبيلا لادارة شان المجتمع وظلوا وبمثابره يطورون قوانينهم ولا يزالون.. اسف للاطاله ودمتم
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: د.محمد بابكر)
|
| Quote: والازعاج والكورايك البتعمل فيها فى منبر بكرى دا من ما ادوك الباص ورد والى اليوم دى كلها اعراض لى مرض والمرض هو كرهك لى ذاتك واهلنا زمان قالوا العارف عزو مستريح دا |
الاخت زينب تحياتي،
نعم المسكين ده، مافي شك مريض طبعا، ولكن هذا نصف الحقيقة، لانو المريض ده، للاسف مافرد او افراد، وانما الشمال كلو كده للاسف الشديد، او بالتالي الدويلة ذات نفسها، مؤسسا علي معطيات هذا المرض، العقلي والنفسي.
لا اذكي نفسي كشمالي، ولكن فرقي منو، اني واعي باالحتة دي، كمشكلة، او بحاول اعمل حاجة، اما امثال هذا المسكين فلاسف بستنشغو العاليهم كما الهواء، تماما، او بالتالي للاسف اي وعظ، بغتس حجرو اكثر او اكثر، ولكن الصعق الكهربي يجدي، في استعادة الوعي المغيب في حالة زولنا ده!
الطريف كثيرين بتخمو خم شديد، لما هو يستثني روحو او يقول ليك الشماليين بينظرو لبقية السودانيين، ك"عبيد"!
البعض بتخما او بفهم هذا التبرير، كرفض، وهذا بالجد مضحك!
طبعا بحكم كمية الرعب والخوف الجواهو، هو بقول في كلام متناقض، متضارب بي صورة تموخل!
لهذا عندو شغل ان نكر ضكر عادي جدا، او من دون مايرمش والاضطراب والتذبذب دلالة علي انو زول خواف شديد، ولكن معضلة كراهيتو لي زاتو خارجة عن طوعو تماما، او عشان كده او out of the blue نجده يخطرف بلا مسوغ ويهزي بي كلام الطير بتاعو ده عن الكول او غيرو، متحرشا باهلنا في الغرب، بعد ما خلاص انتشي بي "فصل الجنوب" او اكل التور "الاسود" مع رفيقو الطيب مصطفي!
باختصار بقول هذا الرجل مرآتنا بحق كشماليين او بالذات من يسمون انفسهم نوبيين او مقومين الدنيا حول سد كجبار.
شخصيا اسعد الناس، لو هو فهمنا، بي وجود هذا المخلوق، البقدم لي طرحنا، خدمة لاتقدر بثمن علي الاطلاق!
الرجل يثبت بل يجسد في الدم واللحم بالسلوك المادي لا بالكلام النظري فقط، كل حرف خطه قلمنا بحق الجلابة، بشقيهم:
مواهيم العروبة، زي ناس علاء يوسف، او مواهيم الحضارة، زي المدعو عزام، هذا!
الطريف الاتنين ديل حلفاء في المنبر، رغم انو لارابط بينم تقريبا كجلابة، الا قاسم كراهيتم الاتنين لبقية السودانيين في الهامش، اللي هي، انعكاس لي كراهيتم هم، لذاتهم السوداء!
بالذات علاء يوسف العندو وسواس انو، فيهو عرق!
حولا ولاقوة!
ولكن مرة اخري، هؤلاء، نحن، ياجلابة!
انهم مرآتك يا جلابي!
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Bashasha)
|
| Quote: الشربكة الشربكها محمد علي باشا واستغلها من بعده الامام المهدي وققنها المستعمر بل واضاف ليها الجنوب "بنص كلتش"، |
احمد ابنعوف سلام،
يازول لا تحتل في فنجان موية!
قول بسم الله!
مافي شعوب وانما شعب واحد في السودان، عرق واحد، جنس واحد او ثقافة واحدة، لغة واحدة، دين واحد، تاريخ واحد، او تكوين نفسي، مشترك واحد!
نعم اعلي مراحل تجلي هذا كله كان عند بزوغ فجر ثورة تحررنا، الاشعلوها، النسميهم احنا كجلابة "غرابة" تعاليا.
ماتسمع كلام المعلوفين بي امباز منشورات قلم مخابرات جيش كتشنر عن تور شين او سادية او ماشابه!
لانو الوضع اساس نصف الكوب الملئ، الحالي البنسميهو سودان، وجدانيا، هي الثورة الام او قائدا الخليفة تحديدا، ثم الامام.
حينها ماكان في جهويات، والصيقة المحبب للتخاطب بين السودانيين كان تعبير "الحبيب فلان" او فلانة، وليس الاخ الباردة هولة اليوم!
المتعارف عليه بين كل البشر تقريبا، انو هناك ثلاث اعراق للبشر، والرابع خليط من الاول والثاني كالاتي:
A) جنس اسود اوذنجي. B
) جنس ابيض او قوقاذي.
C)جنس اصفر او اسيوي.
D) جنس سامي، خليط من A او B.
بالفهم ده محل ماقبلتا في الكون العريض ده، اي طفل في اي بقعة علي كوكب الارض، او من علي بعد ميل كامل، حيصنفك كجنس اسود، بغض النظر انتا جاي من وين، كان عبري، ولابوركينوفاسو، دع عنك الفاشر!
ده الواقع واي خطرفة اخري شغل زول وعيو غيبو الاحتلال الثنائي الوضع اساس المنهج الحالي بتاع شعوب او قبائل، شمال او جنوب، عرب او افارقة، مسلم مسيحي، بما يخدم مصالحو هو!
كده استهدي بالله او بطل شطحي!
ده تفكير مدمر!
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: Bashasha)
|
الاخ العزيز محمد خليل/ تحياتى
والله صدقت ..... ما وقع لى كلامك لى لمن قريت ردود المدعو عزام وضحكت
على البساطه فى الفهم ولى اى مدى الزول دا بى قاتل فى الآخرين ويبالغ فى تحقيرهم
بس عشان يثبت انو هو احسن من بقيه الخلق !!! غايتو استى تون زى ما بقولو
حتعرف الشىء المخلى السودان فى ذيل القافله البشريه ويرزح فى التخلف والمشاكل
اشياء كثيره ( عزام مثال) واحد فقط
طبعا عزام بفتكر كميه الزوار لى البوست وعدد المشاركيين دليل على اهميه الموضوع
وكاتب الموضوع وانو الناس هسى بتزور عشان تستفيد !!!!!شفتو التفكير البسيط دا كيف؟
هسى لو فى واحد عمل شكله فى الشارع تلقى فى خمس دقايق ميه نفر اتلموا
لكن نفس الزول دا لو شال ليه مكنسه ونظف قدام بيتو ما فى اى زول بشتغل بيه الشغله
مقدم البرنامج الامريكى المشهور جيرى اسبرينقر كان مسجل اعلى نسبه مشاهديين
فى فتره معينه لكن البرنامج مافيه اى شىء لى اى انسان سوى.الفطره...مواضيع هايفه وشكل وضرب
لكن هو وتيم البرنامج مستغليين المسأله دى عشان الاعلانات التجاريه
غايتو لو عزام بيوافق انا من يوم اليله حأجيب ليه مشجعيين وبمجرد ما يفتح البوست
حيهتفوا جيرى جيرى جيرى جيرى جيرى حق تغيير الاسم من جيرى لى
اسم تانى مكفول لى عزام لكن بأب الاقتراحات مفتوح لى الاعضاء وفعلا
شر البريه ما يضحك....... ونواصل
| |
|
|
|
|
|
|
|
|
|
Re: وَلَن يَرْضَى عَنكَ "الْغَرابا" حَتَّى تأكُلُ الـكَـوَلْ بإسْتِمْتاع (Re: mohmed khalail)
|
Quote: والله صدقت ..... ما وقع لى كلامك لى لمن قريت ردود المدعو عزام وضحكت
على البساطه فى الفهم ولى اى مدى الزول دا بى قاتل فى الآخرين ويبالغ فى تحقيرهم
بس عشان يثبت انو هو احسن من بقيه الخلق !!! غايتو استى تون زى ما بقولو
حتعرف الشىء المخلى السودان فى ذيل القافله البشريه ويرزح فى التخلف والمشاكل
اشياء كثيره ( عزام مثال) واحد فقط
طبعا عزام بفتكر كميه الزوار لى البوست وعدد المشاركيين دليل على اهميه الموضوع
وكاتب الموضوع وانو الناس هسى بتزور عشان تستفيد !!!!!شفتو التفكير البسيط دا كيف؟
هسى لو فى واحد عمل شكله فى الشارع تلقى فى خمس دقايق ميه نفر اتلموا
لكن نفس الزول دا لو شال ليه مكنسه ونظف قدام بيتو ما فى اى زول بشتغل بيه الشغله
مقدم البرنامج الامريكى المشهور جيرى اسبرينقر كان مسجل اعلى نسبه مشاهديين
فى فتره معينه لكن البرنامج مافيه اى شىء لى اى انسان سوى.الفطره...مواضيع هايفه وشكل وضرب
لكن هو وتيم البرنامج مستغليين المسأله دى عشان الاعلانات التجاريه
غايتو لو عزام بيوافق انا من يوم اليله حأجيب ليه مشجعيين وبمجرد ما يفتح البوست
حيهتفوا جيرى جيرى جيرى جيرى جيرى حق تغيير الاسم من جيرى لى
اسم تانى مكفول لى عزام لكن بأب الاقتراحات مفتوح لى الاعضاء وفعلا
شر البريه ما يضحك....... ونواصل
|
صدقتي اختي زينب
تخش تضحك..تعلق على الطاير وانت برضو بتضحك,,
الزول اوفر الحوار والنقاش والزمن لمن يستحق وللبوستات الهادفة والجادة
عظيم احترامي
| |
|
|
|
|
|
|
| |
عزام حسن فرح
Abdlaziz Eisa
omer osman
فايزودالقاضي
Elsanosi Badr
Abuelgassim Gor
حسن حماد محمد
محمد على حسن
أحمد الابوابي
د.محمد بابكر
تبارك شيخ الدين جبريل
بدر الدين الأمير
زينب محمد عبدالله
Sinnary
أمير عثمان
بريمة محمد
mohmed khalail
عصام دهب
البحيراوي
محمد ادم الحسن
ابو جهينة
أسامة البلال
محمد البشرى الخضر
Nazik Eltayeb
Bashasha
Tumadir
شول اشوانق دينق
خالد أحمد شطة
أحمد ابن عوف
فيس بوك
تويتر
انستقرام
يوتيوب
بنتيريست