|
|
 Re: انتظام نسبي للكهرباء ومامعروف السبب (Re: أميرة فاروق عبد العال)
|
Quote: صباح الخير يا (نزار)
زي الإتضح لي إنك مامقيم في السودان!!!
غايتو كان كده تكون ماقصرت معانا نهائي..
راعي بوستات (التش تش) بإخلاص..
|
صباح كل الخيرات يا اميرة...
اتضح ليك من تلفوناتي مع امي؟
انت لو تابعتي البوست من بدايتو
كان اتضح ليك اني صائد بلطي السد بامتياز
وهسي تركت مهنة التبليط...وكسرت كل
سناراتي ومقاديفي...وراجي الكهرباء ...
عشان اشتغل تش (بتاع لحام) بس هسي شايف
صاحبنا بشير البلطي قال الكهرباء اشتغلت وتش
وهذا لعمري منافسة غير شريفة...فالكهرباء بت الحكومة
وانا ود ابوي...باقي ليك تاني بقدر اشتغل معاها حتي مجرد تشاش صغير
في سوق الله واكبر دا؟؟؟
| |
 
|
|
|
|
|
|
|
|
Re: انتظام نسبي للكهرباء ومامعروف السبب (Re: أميرة فاروق عبد العال)
|
Quote: أها قلت لي ندق إقامة (هنا) وتجيبوا لينا
المهم مهم من الصيوانات المجاورة..
غايتو كده تكونوا وفرتوا علي مساسقة،
أقعد أشد (المديدة) هنا وأحرسها
ماتحرق علي..
باقي (ود الباوقة) معوّل شديد على مديدتي دي!! |
أكبر نجاح للبوست ده أنو
إنبثقت منو عدة بوستات كمحاولة لفك الحصار عنإخوة البشريات
ليهم حق المحاولة
وقادرين على مواصلة الحصار لييييييي الأرشفة
!
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: صلاح ليون)
|
المشاكل يا إخوان المتعلقة بالكهرباء السودانية أكبر من موضوع انقطاع الكهرباء
مواصفات كهربتنا ما أنزل الله بها من سلطان, ونطاق تردداتها تحرق أي جهاز ما لم يكن محصناً بمحول كهربائي تستثمر فيه احياناً قيمة مماثلة لقيمة الجهاز,
ترددات الكهرباء خارج نطاق معين أمر غير مقبول في كل العالم,
وفي بلادنا لا أحد يعبرك , لا أحد يعوضك , لا أحد يقر بخروج ترددات الكهرباء عن المقبول,
هذا لو توفرت الكهرباء في الأصــل .....
أحمد الشايقي
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: أحمد الشايقي)
|
| Quote: المشاكل يا إخوان المتعلقة بالكهرباء السودانية أكبر من موضوع انقطاع الكهرباء |
| Quote: وفي بلادنا لا أحد يعبرك , لا أحد يعوضك |
ولا أحد يفهمك..
واذا تكلمت..
الكل يجرمك..
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: Salahaldeen Nadir)
|
Quote: لأنه كهربة سد مروي أحلى والاجهزة بتستسيغها أكثر أسعارها حتكون اكثر من أسعار الكهرباء القديمة التقليد بالتوليد الحراري,
وحنعمل شركة تبيع الكهرباء |
أحمـد الشـايقي قلت كيف ؟ ( أحلى )
ليه ؟ حتكـون
كهـرباء بالبلطـي ( ذي فول بالجبنة )
لو بقت كدي كلنا بنسـتسيغها مش الأجهزة براها
يعني تجيب رغبفتك وتقعـد جنب بلك الكهـرباء .
مش الحكومة قالت ليكم حتحارب الفقـر
والمتعافي قال ليكم أكـلوا جداد
أهـو ود الباوقة قال ليكم اكلوا بلطي بالكهرباء
او كهرباء بالبلطي ( كلو ذي بعض )
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: عبدالله احيمر)
|
ياجماعة خففوا شوية.. الكهرباء حتى في السعودية بتقطع عادي..
والخبر ده عشان خاطر محمد فرح..Quote: انقطاعات الكهرباء تلهب صيف مراكز الطائف الشمالية والجنوبية
فارس المشعل (سبق) الطائف: في وضع لم يعد يطاق يعيش سكان محافظات ومراكز وقرى الطائف الشمالية والجنوبية والشرقية والتي يقطنها أكثر من 400 ألف مواطن في معاناة مع الانقطاعات المتكررة للتيار الكهربائي خلال هذا الأسبوع امتداداً للانقطاعات التي شهدتها خلال الشهر الماضي والتي تدعي الشركة بأنها تأتي بشكل مبرمج لتوزيع الأحمال الكهربائية بمنطقة مكة المكرمة.
سكان محافظات ومراكز وقرى الطائف ابدوا استغرابهم من التوقيت الذي تعمد فيه الشركة لقطع التيار عنهم, مشيرين إلى انه يأتي في وقت الظهيرة وارتفاع درجات الحرارة إضافة إلى بعض الأوقات المتأخرة من الليل والتي تكثر فيها السرقات , مطالبين الشركة بالنظر في توقيف فصل التيار الذي أصبح يشكل معاناة حقيقية للسكان في ظل ارتفاع درجات الحرارة مع دخول فصل الصيف.
السكان أكدوا بأن الغالبية منهم يضطرون إلى الفرار للسيارات لاستخدام أجهزة التكييف خاصة مع تضرر كبار السن والأطفال والمرضى مع الانقطاعات التي تستمر لأكثر من ساعتين يومياً .
وكشف أصحاب المحلات التجارية ومحطات الوقود عن خسائر عديدة تكبدوها من الانقطاعات المتكررة للتيار , مطالبين بالتعويض أو تخفيض الفواتير الكهربائية وخصم مبالغ منها نتيجة الانقطاعات المتعمدة التي تقوم بها الشركة.
سكان قرى الطائف الذين شرع العديد منهم في تقديم شكاوى للجهات المختصة طالبوا بمحاسبة الشركة حيال هذا الإهمال والتلاعب بحقوق المواطنين , حيث تعمد إلى قطع التيار بشكل متكرر , فيما تستحصل مبالغ خيالية مع رداءة خدمتها.
الجدير بالذكر أن الشركة اعتادت خلال هذا الأسبوع على قطع التيار الكهربائي عن مراكز ومحافظات وقرى الطائف على فترتين في اليوم الواحد غالبيتها في وقت الظهيرة.
http://www.sabq.org/?action=shownews&news=6273
|
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: أيمن دياب)
|
ياجماعة خففوا شوية.. الكهرباء حتى في السعودية بتقطع عادي..
والخبر ده عشان خاطر محمد فرح..
ايمن يا اخوي ديل نايمين في العسل وضاربهم الهمبريب في بلاد برة ...
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: ود الباوقة)
|
Quote: ياجماعة خففوا شوية.. الكهرباء حتى في السعودية بتقطع عادي..
والخبر ده عشان خاطر محمد فرح..
ايمن يا اخوي ديل نايمين في العسل وضاربهم الهمبريب في بلاد برة ... |
تسعة سنة بالدمام لا اذكر أنها قطعت الا لعطل بالبناية فقط
او بسبب فاتورة ..
وتسعة سنة بعطبرة لا اذكر ان الكهرباء اشتغلت الا لخطأ محول من المستشفي وقيادة الجيش للاحياء
او بسبب مولد ( لستر ) يشتركه مجموعة من الجيران ...
فما تقارن يا ود الباوقة .. رغم انه ما سمعت بسد ينتج كهرباء بالسعودية
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: أيمن دياب)
|
| Quote: الكهرباء حتى في السعودية بتقطع عادي.. |
السعودية عندهم سد مروي؟
السعوديين فيهم أسامة؟ وللا مكاوي؟ و للا محمدفرح؟
السعوديين عندهم محطة زي قري؟
بعدين قطوعات السعوديين دي ديدن آلات ساي
!
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: Salahaldeen Nadir)
|
عاينو صاحبنا زاغ بالزقاق الفاتحو ود الباوقة ..
Quote: الحبيب ودالباوقه
فعلاً الكهرباء إستقرت إستقرار كبير جداً
منذ عدة ايام الكهرباء ماقطعت إطلاقاً وماحصل لقيتها قاطعه في اي مكان إتواجدت فيو في العاصمه المثلثه .
مؤونة عام من الود |
يغالط الناس في كهربة بيوتهم
عشرين مداخلة تقول الككهرباء قاطعة
وجات هسع..
وقطعت امس..
ويجيك هو بكل ثقة
ماقطعت إطلاقاً ...
ياخي تخ ،،،
| |
|
|
|
|
|
|
|
|
|
عن الملخص .. (Re: أميرة فاروق عبد العال)
|
فعلاً الملخص كان عشان عوامل محددة
ومناوشات من البعض في انو الموضوع
ما بيستاهل والكلام لا يرقى لدرجة الكذب
مع انو الكذب يُتدنى له ..
وبما انو البوست ماشي كويس في فضح الكضب
واللف والدوران وبيكشف في كل صفحة تُرهات
وعباطات الناس الكبار ديل فانا اتوقف عنه
في هذه الصفحة ..
ولكن هو جاهز وموجود ..
متى ما ظهرت الحاجة .. حنجيبو حنجيبو ..
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: nazar hussien)
|
يا صلاح والله الملخص مهم ياخ
على الاقل الواحد بيكون مثبت الكلام في كل صفحة
وما تنسي انه التصفح صعب مع الكهرباء الكل مرة بتعمل تش كط تش كط وتقطع دي ..
قالوا في مطر نازلة ..
هسع يجيك ود الباوقة يقول
لولا بحيرة السد وفرت مسطحات مائية بالسودان
مما ادي الي زيادة معدل التبخر والتكثف للماء بطبقات جو السودان الحارة
ومما ساعد على هذه الحراة هو حكمة قطع الكهرباء لحكومتنا الرشيدة
لما نزلت امطار الخير والبركة .. !!
فالمطر هو من انجازات الانقاذ ..
| |
|
|
|
|
|
|
|
|
|
Re: وجاي جاي حنصل كم ؟؟؟؟ (Re: صلاح ليون)
|
محمد فرح في بوست تش تش
Quote: فعلاً الكهرباء إستقرت إستقرار كبير جداً
منذ عدة ايام الكهرباء ماقطعت إطلاقاً وماحصل لقيتها قاطعه في اي مكان إتواجدت فيو في العاصمه المثلثه . |
شوف المراوغة واللولوة واللف والدوران الذي يرقى لدرجة الكذب
وركز على كلمة إتواجدت فيو..
أي مكان إتواجدت فيو..
حرام عليك لو كلامك ده صح..
يعني انت لازم تبقى منو وتتواجد في كل العاصمة عشان كلامك يتحقق..
ياخي اختشي..
| |
|
|
|
|
|
|
|
|
|
وين الملخص يا شباب؟؟ (Re: صلاح ليون)
|
| Quote: يعني انت لازم تبقى منو وتتواجد في كل العاصمة عشان كلامك يتحقق.. |
الزول دا سرو باتع ما تستهون بيهو
الايامات دي شايفوا ساكي الصوفية احتمال يكونوا فتحوا بصيرتوا..
شئ لله يا شيخ فرح..
وين الملخص يا صلاح؟؟
انا حاعمل لي ملخص سريع والحقوا السوق..
| |
|
|
|
|
|
|
|
|
|
Re: وين الملخص يا شباب؟؟ (Re: أميرة فاروق عبد العال)
|
انا يا اميرة ما عندي حيل لكوبي بيست
عشان كدة حاعمل ملخص من اندينا..
المراسلين بكونوا نايمين ولحدي ما يجوا ..
الملخص هو::
اتى محمد فرح راكضا - مستبشرا- مهللا - مكبرا- تعلو محياه ابتسامة من الاضان للاضان..
تجمع حوله الناس وهم يتصببون عرقا ..وبدا ود فرح يحدثهم عن الانجاز والاعجاز والمستحيل الذي تحقق
وعن الرجال الذين يعملون ليل نهار في صبر و ثبات و تفاني منقطع النظير ..وكانقاذي صميم عرج على
تلوين الفشل بالوان براقة لتبدو كانها انجاز ..هذه المرة ذاد الجرعة ليكيد المغرضين ومناضلين الازقة
والبرندات تحداهم جميعا -والحق يقال كان مفحما- لولا الكهرباء لعنة الله عليها انقطعت اثناء حديثه
فهجم عليه الناس يفشنون غبائن السنين..
فقامت مجموعة اللحى الناعمة بارسال فرقة انقاذ لمبشر الانقاذ مدججة بلواري البلطي والحوت
واتى مرفوعة الهامة وصرخ صرخة مدوية لكي ينفض الجمع عن مبشر الانقاذ لكن دون جدوى..
و "احسب" ان المخرج الوحيد لود فرح ان يصرخ "كذبت و رب الكعبة" ربما واقول ربما تركه
مناضلي الازقة والبرندات..او يشتري مولد كبير لكل الخرطوم وضواحيها ..
| |
|
|
|
|
|
|
|
|
|
Re: وين الملخص يا شباب؟؟ (Re: حسين نوباتيا)
|
أي زول ينفي إستقرار الكهرباء (حالياً) في الخرطوم كذاب فقط ليس إلا
أسبوع تمام لم أصادف إنقطاعاً للكهرباء في أي منطقه في الخرطوم
وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
وأحمد الله على هذا الإستقرار الذي يبدو أنه (حارق حشى) الكثيرين هنا
| |
|
|
|
|
|
|
|
|
|
Re: وين الملخص يا شباب؟؟ (Re: محمد فرح)
|
Quote: 12-04-2009, 09:57 ص
محمد فرح
.
تاريخ التسجيل: 14-09-2006
مجموع المشاركات: 6428
من بكره ... تاني مافي كهرباء بتقطع في الخرطوم إن شاءالله
|
بركة الجيت يا محمد فرح .. وطليت علي بوست الضلمة دا
قلت لينا اسبوع ليس إلا ... ؟؟
| |
|
|
|
|
|
|
|
|
|
Re: وين الملخص يا شباب؟؟ (Re: SHIBKA)
|
Quote:
أي زول ينفي إستقرار الكهرباء (حالياً) في الخرطوم كذاب فقط ليس إلا
أسبوع تمام لم أصادف إنقطاعاً للكهرباء في أي منطقه في الخرطوم
وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
وأحمد الله على هذا الإستقرار الذي يبدو أنه (حارق حشى) الكثيرين هنا |
طلع البدر علينا من ثنيات الوداع..
| |
|
|
|
|
|
|
|
|
|
زولكم جاء يللا نبدا البلاغات ... (Re: محمد فرح)
|
اها عايزين بلاغات بالقطوعات..
وياريت يا كضاب انت كان تكتب موبايلك
عشان نضرب ليك ونقول ليك تمشي وين وتشوفها بي عينك دي..
خلاص يا جماعة ..
تاني البلاغ يكون علني ووقتي هنا..
وفي نفس اللحظة ترسل مسنجر لي محمد فرح بالتوقيت
عشان يمشي ويشوف..
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
Quote: أي زول ينفي إستقرار الكهرباء (حالياً) في الخرطوم كذاب فقط ليس إلا
أسبوع تمام لم أصادف إنقطاعاً للكهرباء في أي منطقه في الخرطوم
وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
وأحمد الله على هذا الإستقرار الذي يبدو أنه (حارق حشى) الكثيرين هنا |
ما فضل ليك يا ود فرح الا تغني
أمة للمجد والمجد لها
سكتت تنشد استقرارها
(اسبوع تمام لم اصادف انقطاعا للكهرباء بالخرطوم)
كان انت سيد رقشة دي ما بتقطع كباري (يا بلال عليا)
وكان انت سيد حافلة هي ما بتمشي الضهاري (يا بلال عليا)
كان انت توربينا...بلاهي ورينا (يا بلال عليا)
نقول لبلطينا...الكهرباء انتظمت
ونقول لست الدار بي مديدة مدينا (يا بلال عليا)
البشريات من وين ؟
المرة دي جادين؟
والله بعدين حا تجي تقول انا قلت ان شاء الله لم اصادف؟؟؟؟؟
قوم لف...هسي وانا بكتب في البوست دا قاطعة؟؟؟
تعال قول لي وين عشان...احشي ليك بوستيك دا بلاغات قطوعات
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
Quote: أي زول ينفي إستقرار الكهرباء (حالياً) في الخرطوم كذاب فقط ليس إلا
أسبوع تمام لم أصادف إنقطاعاً للكهرباء في أي منطقه في الخرطوم
وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
وأحمد الله على هذا الإستقرار الذي يبدو أنه (حارق حشى) الكثيرين هنا |
أغلب المشاركين في هذا البوست من سكان (الخرطوم) والداخل, وهم (بطبيعة الحال) لا يحرق حشاهم
أن يتمتعوا بإمداد كهربائي مستقر
الإمداد الكهربائي إستقر (على الأقل في المنطقة التي أسكنها) والحمدلله رب العالمين, إلا ان قطوعات هنا وهناك مازالت مستمرة
بوتيرة أقل.
وكما سبق وقلنا: ان ليس لكاتب البوست يد في القطوعات و لا في إستقرار الإمداد الكهربي
بيت القصيد هو ان لا تتعدى مشاركات كاتب البوست الرقم عشرة من بين 1000 مشاركة إمتدت على 11 صفحة
بيت القصيد أن تظل يامحمد فرح تروج للكذب و تتعجب من ضيقنا بأكاذيبك
لست أشفق ألا على من يتوهم فيك صوتا صادقا
!
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: أميرة فاروق عبد العال)
|
سلام
وصلتني هذه الرسالة قبل قليل..
مصادر
موثوقة فكت اللبس عن موضوع قطوعات
الكهرباء
قالوا حكومتنا الرشيدة كانت
عايزة تفتتح السد تزامنا مع
قرارات المحكمة الدولية
وطبعا ماكان فى تشغيل تجريبى
للخزان
اها قيادتنا الرشيدة قالوا لزوم
الاحتفال والعرض والنقزى وبما انو
مافى موية فى السد والخريف لسه
ماجاء
قاموا فتحوا مخزون المياه فى
خزانى سنار والروصيرص عشان الموية
تمشى داافرة لى مروى ويكون
الافتتاح عظيم
اها المقلب وييين؟؟؟يوم الافتتاح
جاء والموية غمرت منطقة السد وشكلت
بحيرة مد البصر
والجماعة احتفلوا والتلفزيون صور
الموية الدافرة كلللها
اها لمن جو يشغلوا السد لقوا
التوربينات عطلانة....الجماعة
اتفاجاوا
اها اسى ياخوانا الموية قالوا بقت
محبوووسة فى مروى ومحجوزة ومافى
توربينات تولد كهرباء
ومخزون التوليد فى سنار
والروصيرص شحييح وده ياهو الاسى
قاعدين يوزعوا كهربته على السودان
كله
واسى الجماعة جابوا كل الكفاءات
عشان يحلوا
المشكلة(مشكوريين)وداسيين
الموضوووع على امل المعالجة
السرييعة
وياخوانا شييلوا الصبر لانو
الموية دى تانى مااابتجى الا
يغرفوها بالجرادل ولا نستنى
الخريييف الجاى
وياخريف تعال لى تعاال لى
وتعاااال
والعفو والعافية ياخوانا ...الا هل
بلغت اللهم فاشهددد
ابقوا اسالوا على الجماعة مايجوا
يكشونى بسبب كلامى ده
والرد بالسد
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
صلاح..
الشيوخ لا يكذيون انه السهو قاتله الله..وهو لا يحسب اصلا ليسقط.
يا نزار
Quote:
تعال قول لي وين عشان...احشي ليك بوستيك دا بلاغات قطوعات |
ما حشو.. بس منطقة واحدة ..عشان نثبت -ان جل من لا يسهو- خاصة من رجل
عُرف بين الناس انه من حماة الدين..(يا بلال عليا)
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
| Quote: الكضب .. هل يسقط بالتقادم ؟؟ |
بحسب معرفتي البسيطة جدا بالقانون فإن الكذب لا يعد جريمة إلا في الحالات الأتية
(1) أذا تكسب الكاذب من وراء كذبته (الإحتيال, الغش التجاري, خيانة الأمانة, تزييف العملات والأوراق الرسمية)
(2) الإدلاء بمعلومات كاذبة للسلطات (شهادة الزور, البلاغات الكاذبة, التستر على المجرم)
(3) إتخاذ مظاهر كاذبة (إنتحال الشخصية, إنتحال شخصية الموظف العام)
وبحسبما اذكر من القانون الجنائي السوداني فإن جرائم الحق العام تسقط بالتقادم بعد مضي فترة أقصاها عشر سنوات (على ما اذكر)
على كل حال تظل القوانين قاصرة عن الكثير من المخالفات رحمة بالناس من ناحية و تشجيعا لهم لممارسة الإنضباط الذاتي
والرقابة المجتمعية التي لاترحم الخارجين عن طوعها.
وماظاهرة فلان الكضاب وفلان السكران و فلانة ال(....) إلا نوعا من العقوبات الأجتماعية التي ليس لها فترة عقوبة قصوى ولا تسقط بالتقادم
!
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: Salahaldeen Nadir)
|
يعني صاح قد لا يكون هناك نص قانوني يجرم من ينشر خبرا كاذبا, خاصة أن كان هذا الخبر لا يسبب
ضررا مباشرا (كما في حالة إشانة السمعة و القذف) لكن برضو في حاجة إسمها رقابة المجتمع
البوست ده مثال كويس جدا لرقابة المجتمع (BUSHRAYAT BUSTERS)
!
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: Salahaldeen Nadir)
|
| Quote: ما حشو.. بس منطقة واحدة ..عشان نثبت -ان جل من لا يسهو- خاصة من رجل |
حسين أن اتكلم عن حق زماااان داك ..
لما الشيوخ عملو للآلات ديدن.. هل يسقط؟؟
وكمان نحن بنعرف السهو كويس وبالذات حق المثل (سهو الجداد ولا نومو))
| Quote: يعني صاح قد لا يكون هناك نص قانوني يجرم من ينشر خبرا كاذبا |
كلامك حلو يا صلاح الدين..
بس نحنا من ما بدينا ما كان فهمنا إنو قانونياً يُحاسب
يصبح النقاش محلو..
شرعاً..
اجتماعياً..
نفسياً..
وبعد النقاش عايزين نعرف (ليه ياخي ليه ليه تكضب ؟؟)
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: nazar hussien)
|
أها يا حسين نوباتيا...هاك قول دا بلاغ رقم 23
من بوست التش:
Quote: يا باوقة إنتو بس اطلعوا منها وخلونا نتعامل مع وضعنا العايشنو ده
امبارح فى خرطوم 2 قاطعة وهسى برضو قاطعة تقول لى تش يا باوقة تش!
شول ..
خلاص طلعنا ....
شكرا لمرورك المنور |
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
Quote: عبد العزيز إبداع
جيت في الآخر وخرتنا بـ دخلتك القوية دي..
ويا قسيم ريدي تعال لي.. |
الأخت/ أميرة
سلامات
تعرفي أن هذا البوست شيق وانا متابعه باستمرار.. أحيانا ألقى مداخلاتكم وردودكم تكفيني فأتابع بصمت.. يعني انتو الخارتني أكثر.. ولك الود لأنك جريتيني لجوة بدل طلة الشباك دي..
تحياتي
عبدالعزيز
| |
|
|
|
|
|
|
|
|
|
Re: زولكم جاء يللا نبدا البلاغات ... (Re: صلاح ليون)
|
الحاجة المستغرب ليها انه اهل الهامش لا وجيع لهم ،،،
يعني السودان كله بقي الخرطوم والا كيف ؟؟
ولا زول اتكلم عن الكهرباء في غيرها من المدن ..
الكهرباء في الخرطوم جات في الخرطوم قطعت .. !!!
الحكومة تسعي جادة لتوفير الكهرباء للخرطوم .. إذا السودان مُضاء ..
سد مروي لتوفير الكهرباء للخرررررطوم
الرصيرص للخرررطوم
الزيت للخرطوم
السكر للخرطوم
العدس للخرطوم
انتو يا خلق الله الحايمين بالخرطوم السودان بتاعكم براكم والا كيف ؟؟؟
شخصياً أحي الوزير وادارة هيئة الكهرباء وسد مروي على جهودهم بقطع الكهرباء عن كرش الفيل..
وسيروا للامام واقطعوا الموية كمان ..
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: صلاح ليون)
|
اكتر من كدة يا صلاح حا تمسك عليهم شنو ..
بلاغات واتقدمت
يجي زول يقول ليك هسع الكهرباء في بيتنا قاطعة
يقوم ( صاحب الخطوة ) محمد فرح يقول اي مكان مشاهو الكهرباء متوفرة ..
التقول راكب حمار المسيح الدجال يطوي ارض المدن تلاتة في ساعة زمن
الوزير يعترف يقول في اشكالية كهرباء ولن تنتظم الا منتصف يوليو
يجي ود الباوقة يقول لا الكهرباء شغالة تش ..
والله حيرونا ذاتو ..
يا جماعة تاني البيقدم بلاغ قطوعة كهرباء اليجيب معاهو محضر من الشرطة
واربعة شهود عدول وياريت لو فيهم رئيس اللجنة الشعبية للحي ..
اما انتو يا المهمشين اصبروا شوية يمكن تنتظم عندكم الكهرباء بعد الطاقة النووية سنة 2011م
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: HAIDER ALZAIN)
|
Quote: يا جماعة تاني البيقدم بلاغ قطوعة كهرباء اليجيب معاهو محضر من الشرطة
واربعة شهود عدول وياريت لو فيهم رئيس اللجنة الشعبية للحي ..
اما انتو يا المهمشين اصبروا شوية يمكن تنتظم عندكم الكهرباء بعد الطاقة النووية سنة 2011م |
البلاغ يتعمل عند ياتو شرطة..
ورئيس اللجنة الشعبية ده ما ود فرح زاتو..
الاخيرة بتاعة المهمشين دي اقول ليك ممكن..
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: صلاح ليون)
|
أمبارح يا محمد فرح غزيت عداد الدفع المقدم بمبلغ مية جنيه عشان عندي صب خرصانة في واحدة من المباني البلقى فيها رزقي ..
المية جنيه كانت عشان خاطر موتور الموية الحا يعين العمال على الصب لانو حا يشتغل طول اليوم ..
حا يسحب كهرباء وحا يسحب موية ..!!
الليلة الجمعة الصباح جيت الموقع بدري وأنا مطمن على كل الترتيبات لصب الخرصانة ..
وفجاة لقيت الكهرباء قاطعة والموتور زي الحجر ..!
العمال إتزمروا وموية ما في ..!
والعداد المية جنيه ما كلا في حشاو بدون ما يديني منها ولا فولتاية ..!
وكان لازماً التصرف السريع ..!!
من جاي لي جاي .. هبشت جاي ..! لا زمني كتير .. إتقدر ..!
عربات الكارو الشايلا الموية قريبة من الموقع ..!
ما في حل تاني ... جريت سرعة وحركت إسطول من العربات جو دافرين بي حميرم ..!!
كبوا الموية والعمال إشتغلوا صب ..!
وعربات الكارو نظام (مصائب قوم عند قوم فوائد) .. من الصباح للعصر تشيل وتنقل في الموية ..!
إنتهى الصب بحمد الله والعداد حلف ما ينور وحلف ما يضوقني المية جنيه البلعتها ليو ..!
جا وكت الحساب ..
32 عربة موية بالتمام والكمال ..
سعر العربية البتشيل برميلين هي 7 جنيه (أصلا أربعة لكن التلاتة إسمها رسوم إستغلال حوجة) ..!
224 جنيه دافعا من جيبي الخاص للجماعة ديل ..!
وأصلا المية جنيه بتاعت الجمرة الخبيثة كانت بتكفي قدر البيصب سقف ولاية الخرطوم كلها ..!!
والغريبة بعد ما حاسبت بتاعين العربات الكهرباء جات ..!!
منو البيعوضني يا ناس الله !!!!
صنفرة :
عليهو العوض ومنو العوض ..!!
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: Abdlaziz Eisa)
|
| Quote: حسع لو كنت جبت ليك تانكر موية ب 80 جنيه ماكان أحسن ليك؟ |
لا للتفكير والتدبير...نعم للمطالبة بتيار الجمرة الخبيثة ذات المية جنيه
يعني هسي اي زول عايز يعمل حاجة بتشتغل بالكهرباء لازم يكون عندو الخطة باء
يا صلاح الدين نادر؟
ويمكن حاء زاتو!!!!!
ليه لما تشتري من ناس الجمرة ديل بتديهم قروش صاح...وبالمقابل
هم يدوك سلعة مضروبة؟
فكيف يكون الغش التجاري اذا لم يكن هكذا؟
أرفع دعوي تعويض عطل وضرر ضد هيئة الكهرباء يا ناذر
وجيب سيد الكارو شاهد (كب موية وكسير تلج)
غايتو انا مفكر جادي اشتغل بتاع تعويضات...وكل ما الكهرباء قطعت
امشي اشتكيهم؟ يمين حق ملاح الخدرة الفي التلاجة ما اخليه
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: حسين نوباتيا)
|
عزيزنا حسين نوباتيا
بالغت والله في زول من الشمالية مابيعرف كنور ( وزاد وجدي ) ههههه ..
الطيب محمد الطيب صنفها اكبر قرية في السودان تقع بين بربر وعطبرة ...
اها رغم انهم قريبين من سد مروي ما شافوا الكهرباء اسبوع بالتمام
انسي قصة الموية وخلافه من اسماك وصحة وخدمات عامة وهلمجرا ..
وود الباوقة يبشر ...
الباوقة بتغرق في سد الشريك الشريك يا ود الباوقة شوفوا ليكم صرفة بعدين ...
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: HAIDER ALZAIN)
|
Quote:
اها رغم انهم قريبين من سد مروي ما شافوا الكهرباء اسبوع بالتمام
|
طيب انت البيت رقم 3200 القالو نزار دا كان في اسمرة و لا شنو!!
تعرف يا حيدر العيشة في القرى يمكن التاقلم عليها دون كهرباء اولا لانو في براح
ثانيا الاعتماد عليها ضئيل جدا لانهم مدبرين امورهم بوسائط اخرى..
المشكلة في القرية الكبيرة الاسمها خرطوم دي ..من غير كهرباء تشل الحركة تماما
نسبة للاكتظاظ والخنقة واشياء اخرى..
لو ملاحظ انك في القرى يمكن ان تعيش شهور كزائر دون ان تحس بحوجة لها
لكن في الخرطوم الساعة الواحدة ظهرا دون كهرباء تفكر جديا في الانتحار..
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: حسين نوباتيا)
|
الكهرباء يا حسين في القري خاصة الزراعية زي كنور مثلاً الحوجة ليها مش مكيف وخلاص
اهم مايحتاجوها للزراعة والسقاية ..
زمان كان بيجي الديزل مدعوم وبيتوزع علي المزارعين وحكمة الله بعد ما قالوا البترول طلع اسعار الديزل زادت..
وبقيت انت عشان تسقي حواشتك ببابور لستر ديزل حا تدفع اكتر من قيمة حوضين الجرجير الحا تسقيهم ..
بقي الناس بيساهروا مرات لغاية تلاتة واربعة صباحاً منتظرين الكهرباء يسقوا .. تقوم حتي الكهرباء الملقبنها بالحرامي لانها بتجي اتنين وتلاتة صباحاً ما تجيهم والزرع قدامه اكبر نهر في العالم وبيموت عطش..
تصدق انه في ناس ربطوا الساقية الزماااان ديك ؟؟؟
دا في زمن الالفية التالتة ما تنسي ..
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: HAIDER ALZAIN)
|
لا لا يا حيدر نحن كان كدة لازم نتطالب بالانفصال ..
يعني انتو بتزرعوا بالحرامي عديل كدة ..والله مرتاحين ..
قُرانا في اقصى الشمال يا سيدي يجلجل في اللستر من مغيب الشمس..
تعرف جزيرة بدين اذا ولع فيها نور كلها حاتبكي كبار على صغار ذي ولدكم بتاع عطبرة داك..
وكلامك صحيح منذ ان اتت الانقاذ بالبنك الزراعي افلس المزارعون وهجروا حواشاتهم بسبب
عمليات الغش والنهب الممنهج..وبعضهم لجا لسبل الرئ البدائية وايه رائيك برضوا فرضوا عليهم اتاوات..
وبعد دا كلوا لمن الناس احتجت على السدود قالوا ليهم انتوا كان متمسكين بقراكم ليه هجرتوها ..
يعني في النهاية قالوا لينا ضع دائرة على الاجابة الصحيحة..
1- الاغراق..
2- الموت جوعا
3-التهجير ثم الاغراق
شكلنا كدة خرمنا بالبوست..
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: HAIDER ALZAIN)
|
اعتقد أن هذا البوست يستحق لقب أفضل بوست يؤدي أغراضه المطلوبة لجمهور القراء
ولا عزاء لصاحب البوست
| Quote: الكضب .. هل يسقط بالتقادم ؟؟ |
أبداً
ونطالب باستمرار البوست لهدفين
الهدف الأول : فضح البشريات الكذوبة وهذا ولله الحمد قد أنجز بالكامل.
الهدف الثاني: لفت النظر لحال الأقاليم ونصيبها المتضائل من الكهرباء والخدمات الأخرى.
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: جعفر محي الدين)
|
أهلك الكنارة ديل عندهم البيت رقم 3200 (أول بيت عملو فيه
اف اف....تيست ون تيست ون للكهرباء
يا مسكون او اتحول الي مفتاح تأمين كبير او متحفا للكهرباء
عليك الله قول ليهم امشوا شوفوه...الحاصل عليه شنو؟
الشغلانة دي ما ديدن آلات وبس...اوسع من كدة شوية...
(عمر الفاروق بي غادي قال...
الرباطابي منتظر الكهرياء من الصباح ...لي بالليل...
ولما قنع منها طبل بيوتو وفرش سريرو وعايز ينوم...
قامت الكهرباء جات....قال...جايبناها لينا هسع دايرين
نتغتابا!!!
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: nazar hussien)
|
Quote: عمر الفاروق بي غادي قال...
الرباطابي منتظر الكهرياء من الصباح ...لي بالليل...
ولما قنع منها طبل بيوتو وفرش سريرو وعايز ينوم...
قامت الكهرباء جات....قال...جايبناها لينا هسع دايرين
نتغتابا!!! |
هههههههههههههههههههه
حلوة والله
شفت عشان ديدن الالات دي اهلنا الكنارة بطلوا يستعينو بالالات
بقت ساقية وجاريها تور ..
ولو التيران بقي عندهم ديدن كمان اهلنا حكايتهم عامت تب ..!!
كامل التضامن مع البيت رقم 3200 ولا عزاء للخرطوم وضواحيها
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: ود الباوقة)
|
Quote: غايتو انا لو مكان الكهرباء الناس المدورين البوست دا في الفارغة والمقدودة
اي واحد يقرب مني الطشوا انشفوا في مكانو ....
كرهتو الكهرباء الكهرباء ذاتا ... |
بي عضمة كي بوردك يا ود الباوقة قلت الكهرباء شغالة تش
اربعة وعشرين ساعة....ما كفاها التش دا...اللطش لزومو شنو؟
ثم تانيا: انتو خليتو فيها روح تلطش بيها؟؟؟
وبعدين: شوف الكره رفيقو منو؟
| |
|
|
|
|
|
|
|
|
|
Re: والله واجعني اهلي الكنارة الماشافوا كهرباء ليهم اسبوع (Re: ود الباوقة)
|
Quote: ونطالب باستمرار البوست لهدفين
الهدف الأول : فضح البشريات الكذوبة وهذا ولله الحمد قد أنجز بالكامل.
الهدف الثاني: لفت النظر لحال الأقاليم ونصيبها المتضائل من الكهرباء والخدمات الأخرى. |
والله اهداف كبيرة وتستاهل نستمر عشانة
ابدا البوست ما للونسة ولا حيكون ..
البوست لفضح الكضب والكضابين .. ولفت النظر
اختشوا واحترموا شيبتكم دي .. وبطلو عباطة..
| |
|
|
|
|
|
|
|
|
|
Re: ولم يعتذر محمد فرح بعد ... يا للمكابرة (Re: صلاح ليون)
|
بالله دي ما تنسي تضيفها للملخص يا صلاح
اهو بعد حداشر صفحة لسع مُصر ومستكبر...
وكمان بيعرض بالكثيرين الحشاهم محروق
Quote: أي زول ينفي إستقرار الكهرباء (حالياً) في الخرطوم كذاب فقط ليس إلا
أسبوع تمام لم أصادف إنقطاعاً للكهرباء في أي منطقه في الخرطوم
وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
وأحمد الله على هذا الإستقرار الذي يبدو أنه (حارق حشى) الكثيرين هنا |
| |
|
|
|
|
|
|
|
|
|
Re: ولم يعتذر محمد فرح بعد ... يا للمكابرة (Re: صلاح ليون)
|
ملخص للبوست..
1/ محمد فرح ينقل بشرى مهببة:
- من بكره ... تاني مافي كهرباء بتقطع في الخرطوم إن شاءالله
- بس بإذن الله من بكره حتستمتع وكل سكان الولايه بإمداد كهربائي مستمر بعون الله
- من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش
- شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى
ده وعد قطعتو الإنقاذ وهاهو الآن تحقق وأصبح واقعاً
2/ محمد فرح يتحدى الجميع ويندد بالمبخسين للكهرباء اللغاية هسه ما جات..
- أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيهاوتحدي لو تاني الكهرباء قطعت
- ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم .
3/ الموضوع طلع من يدو وبدأت التبريرات :
- طبعاً الكهرباء يادووووب وصلت الليله
- حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه .
4/ بدا يكضب ويشرع ويفتي ويقطع من راسو ويداري على ناسو :
- فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي
5/ أرعد وتوعد وهدد وجاءت الاتهامات:
- آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين
6/ زولنا زاغ وجات الطامة الكبرى تبريرات المسؤولين:
- زاد الطلب على الكهرباء 23% بي قدرة قادر
- مافي دولة تقدر تغطي الاستهلاك الحالي (ماعرفناهو ده قانون عام ولا الزول بيتكلم عن السودان)
- كهربة مروي دخلت وخرجت وتاني دخلت وكمان خرجت .. لغاية منتصف مايو كده ممكن تنتظم بت الكلب دي
- مافي اي مشاكل بين وحدة السدود والهيئة بتاعة الكهرباء
- في مشاكل بين وحدة السدود والهيئة بتاعة الكهرباء
7/ انتظمت شوية كده .. ورجعت زي ما كانت قبل السد يعني بتقطع برضو لكن ما باليوم كامل
8/ ظهر النمر* مرة أخرى وصاح..
- أي زول ينفي إستقرار الكهرباء (حالياً) في الخرطوم كذاب فقط ليس إلا
- أسبوع تمام لم أصادف إنقطاعاً للكهرباء في أي منطقه في الخرطوم
- وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
- وأحمد الله على هذا الإستقرار الذي يبدو أنه (حارق حشى) الكثيرين هنا
* راجع كتب المطالعة القديمة
| |
|
|
|
|
|
|
| |
nazar hussien
Salahaldeen Nadir
أحمد الشايقي
HAIDER ALZAIN
عبدالكريم الامين احمد
حسين نوباتيا
محمد فرح
SHIBKA
فاروق حامد محمد
Abdlaziz Eisa
ناذر محمد الخليفة
جعفر محي الدين
عواطف ادريس اسماعيل
فيس بوك
تويتر
انستقرام
يوتيوب
بنتيريست